Zvigadziko zvemwenje zvinomwe meso manomwe nenyanga nomwe

We update studies as the Lord Jesus leads us. You can find the latest update of this study at ChurchAges.net

Nzvimbo yedavi kana yekupatsanurwa

ZVAKAZARURWA 1:20 Zvakavanzika zvenyeredzi nomwe dzawavona muruvoko rworudyi rwangu, nezvigadziko zvemwenje zvinomwe zvendarama. Nyeredzi nomwe ndivo vatumwa vekereke nomwe; nezvigadziko zvemwenje zvinomwe ndidzo kereke nomwe.

Kune chakavanzika chinofambidzana nemwenje iyi (zvinodaidzwawo kuti zvigadziko zveMwenje nevamwe). Saka, zvine chirevo chakadzama.

Zvigadziko zvemwenje minomwe (mwenje) zvinomiririra nguva nomwe dzemakereke dzakavapo kwemakore 2000 enhorondo yekereke.

Chigadziko chemwenje minomwe muTabernakeri yakavakwa naMosesi chaive kuratidzirwa kwekereke yeTestamente Itsva kwakaitwa muTestamente Yekare apo kereke yaizowa yodzorerwa kuva zvayaive pakutanga kwayo. (Mwari oga ndiye anogona kuunza hupenyu kubva kurufu. Ndicho Chisimbiso chaMwari chakasarudzika chekubata kweruoko Rwake).

MATEO 2:23 Akandogarako muguta rinonzi Nazareta kuti zvakarebwa navaporofita zviitike, kuti uchanzi muNazareta.

“Vaprofita” muhuzhinji.

Ichi chiprofita chakaoma kunzwisisa sezvo chisingawanikwe muTestamente Yekare. “Nazarene” ingabata Jesu sei nenzira yekuti inozadzisa zvakaprofitwa zvizhinji muTastamente Yekare? Kuti tiwane zviri kurehwa zvakavanzwa muMagwaro.

“Netzeri” zvinoreva kuti “bazi” muchiHeberu.

“Netzereti” muchiHeberu zvinoreva kuti “Nzvimbo yedavi” kana kuti “nzvimbo yekutsaurwa”.

Tinodaidza tichiti “Nazareta” muchiGiriki chakashandiswa muTestamente Itsva.

Guta reNazareta harina kubvira rataurwa muTestamente Yekare. Saka, hatina zita raro rechiHeberu. Izwi rekuti Nazareta izita rechiGiriki.

Nazareta raive guta raive pedo nemugwagwa waibva kuEgipita. Maifanira kutora imwe nzira yaitsauka kuti inokusvitsai kuNazareta. Maifanira kusarudza kushandura rutivi rwekuenda motevera guta duku raive risiri pedo nechiro munhau dzezvinowanikwako asi raive nzvimbo yakaipa. Asi kubva padavi iri kana kutsauka kubva munzira uku kwaizobva Munhu mushanduri wenzira mukuru asina kubvira akaonekwa pasi pano.

“Achadaidzwa kuti Nazoraeus (MuchiGiriki). “Tinozvishandura tichiti Nazarene.

Nazarene zvinoreva kuti Ndiye Jesu weNazareta. Munhu anova Bazi asi zvakare anotsigira mapazi emakereke munguva nomwe dzekereke.

Chigadziko chemwenje waMosesi chaive nechidimbu chepakati nemadavi matanhatu.

EKSODO 25:32 Kumativi acho ngakubude matavi matanhatu; matavi matatu echigadziko kuno rumwe rutivi rwacho, namatavi matatu echigadziko kuno rumwe rutivi rwacho.

Chigadziko chemwenje mucherechedzo waJesu nekereke munguva dzemakereke dzakasiyana.

JOHANE 15:5 Ini ndiri muzambiringa, imi muri matavi.

Jesu ari Shoko, ndiye bazi repakati kana chigadziko chechokwadi chaanogadza riri Shoko raMwari mukereke yekutanga umo mapazi matanhatu ekereke yenguva dzinouya anotsigirwa naye.

Jesu ndiye Munhu ari kukonzera mharadzano yedavi pamugwagwa

Ndiye Munhu anokumanikidza kusarudza nekuita sarudzo. Munogona kufamba momufuratira moparadzwa muzvivi zvenyu. Kana kuti munogona kushandura nzira motora bazi duku pamugwagwa kusvikira manosangana neMuponesi motendeuka kubva kuzvivi zvenyu.

JEREMIA 23:5 "Tarirai," ndizvo zvinotaura JEHOVA, "Mazuva achauya, andichamutsira Davidi bukira rakarurama, iye uchabata ushe ari mambo, uchaita nohuchenjeri nokururama achiita zvakarurama panyika.

ISAYA 11:1 Zvino pahunde yaJese pachabuda bukira, davi, rinobuda pamidzi yake, richabereka zvibereko.

ZEKARIA 3:8 Zvino chinzwa iwe Joshua, mupirisiti mukuru, iwe neshamwari dzako dzigere pamberi pako; nokuti varume ava chiratidzo; nokuti tarirai ndichauyisa muranda wangu, davi.

“Nzvimbo yedavi” ndiyo “Netzereti” muchiHeberu, “Nazareta muchiGiriki.

“Davi” rinoita kuti tifunge pamusoro pezvigadziko zvemwenje muTabernakeri yeTestamente Yekare.

MATEO 2:23 Akandogarako muguta rinonzi Nazareta kuti zvakarebwa navaporofita zviitike, kuti uchanzi muNazareta.

“MuNazareta” zvinoreva kuti Jesu weNazareta. “Nazareta” rinoyananisa zita rake “kunzvimbo yedavi”. Zvinoreva kuti kuzvarwa Kwake, Hupenyu, rufu nekumuka kwake kuchakonzera nzira nomwe itsva kuti dzipatsuke apo Mwari anofamba kuti akurire nzira dzaDiaborosi dzinoshanduka shanduka. Nekudaro,

Jesu akazadzisa zvakaprofitwa zvakawanda pamusoro paMessiasi zvakamuita Muponesi wekereke uye Mutsigiri mukuru wekereke mukati memakore 2000 enguva nomwe dzemakereke. Ndicho chikonzero Mateo achitaura kuti “maprofita”.

Zvinhu zviviri zvinoita kuti Jesu ave akasarudzika. Chekutanga, zvinhu zvinodakadza zvaakaita muHupenyu hwake panyika. Chechipiri, chinhu chekuti zvaakaita kwaive kuzadzisa zvakaprofitwa muTestamente Yekare zvakawanda. Hakuna umwe munhu akazvigona.

Nguva yekereke yekutanga ndiyo yakanakisa

Mwenje wepakati chete ndiwo unofanira kuvimbwa nawo. Ndiyo yaive kereke yekutanga yakagadzwa nemaprofita. Ivo voga ndivo vaive nechokwadi.

Mupostora Johane akaona Jesu pakati pemwenje. Ndiyo yega kereke ine chokwadi chese. Kereke yekutanga.

Jesu akadzidzisa mapostora. Aizodzidzisa vanhu vakuru vakaita saPauro. Saka, kereke yekutanga yaive mumaoko akanaka vanhu ava vakatungidza moto mukereke yekutanga wakaramba uri muenzaniso wedu wekuti kereke yemaKristu inofanira kutenda zvipi.

“Pakati pechigadziko chemwenje”. Jesu ari Shoko raMwari ndiro roga chokwadi chakazara. Jesu akaita kuti mapostora anyore Testamente Itsva.

Kereke yese ikozvino inofanira kutevera Magwaro zvakazara, chero zviite sei.

Negore AD 170 nguva yekereke yekutanga yaive yakupera apo vaida kuti vanhu vave misoro yekereke.

Kristu ndiye oga Musoro wekereke.

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri.

Asi negore AD 170 chokwadi cheBhaibheri chakatanga kuparara

Mapostora mazhinji vaive vafa negore AD 70. Kubva gore AD 70 kusvika AD 120 yakava nguva yakanyarara zvinoshamisa patisina kana tsamba dzakanyorwa nevatungamiri vemakereke.

Irenaeusi aive munyori mukuru. Akazvarwa gore AD 120 -AD 140. (Onai kuti takarasika sei kana takatarisa mazuva aakazvarwa).

Kana akatanga kunyora toti nemakore 40, saka rinofanira kuva raive rava gore AD 170. Inguva inosvika makore zana mumashure megore AD 70. Saka hatina kana nhorondo yekereke kubva gore AD 70 kusvika AD 120. Tinofanira kuvimba nevanhu vakanyora pamusoro pezviitiko izvozvo zvaitika karesa.

Neimwe nzira, muchivande, munguva yerunyararo iyi kereke yakatanga kusimudzira munhu kuti ave musoro wekereke.

Nguva yekereke yechipiri yakatanga nguva yakapoteredza AD 70 zvaive zvajairika kuwana Bhishopu ari musoro wekereke muguta. Chiedza chemapostora ekutanga chaive chatanga kudzima. Chingwa newaini zveChirayiro zvaive zvakuonekwa semuviri chaiwo neropa chairo raIshe. Maiponeswa nekudya chingwa nekunwa waini. Hamuchaponeswe nenyasha kupfurikidza kutenda kana matendeuka kubva kuzvivi zvenyu. Vana vaimwaiwa mvura pachinzvimbo chekuti vanhu vakuru vakatendeuka vabapatidzwe nekunyikwa pasi pemvura.

Ipapo, kuratidza kusimudzirwa kwavo pamusoro pevanhu, maprista chete vaitonga kereke ndivo vaitenderwa kunwa waini paChirayiro chaive chakudaidzwa kuti Masi.

Kereke yakarwiswa zvakanyanya neHushe hweRoma yechipegani. Izvi zvakaparadzira vatendi zvikaita kuti vakawanda vavo vasapinde mubato rekereke yeRoman Catholic raikudza dzidziso dzaro dzakaitwa nevanhu. Vanhu vakatanga kutenderana netsika dzekereke, kwete Magwaro aive anyorwa nemapostora ari Testamente Itsva. Kuva nhengo yekereke kwakava kuchengetedzeka kwavo.

Nguva yekereke yechipiri iyi yakapera mugore AD 312 apo Mubati Constantine akamisa kuurayiwa kwekereke akatanga kutevera chiKristu. MaKristu anosvika mamiriyoni matatu vaive vaurawa nemapegani eHushe hweRoma pakati pegore AD 64 negore AD 312, vakawanda vavo vakafa mukati menguva yekereke yechipiri.

Chigadziko chemwenje chekereke chairatidzika seizvi munguva yekereke yechipiri kubva gore AD 170 kusvika gore AD 312.

Mwenje waive watanga kudzima asi vanhu vakawanda vaive vapararira vari mapoka maduku vakaramba vakabatirira pane zvaive zvadzidziswa nemapostora.

Kwaive kuchiri nezvakanaka zvakawanda muvatendi vakagara netsamba kana mwadhi dzemapostora ekutanga, asi vatungamiri vemakereke vaitsiva Magwaro nezvavakabata paitaura vanhu vakasimudzirwa kuiswa pahutungamiri. Zvisinei, kuuraiwa kwaiitwa vanhu nemaRoma echipegani kwakaparadzira vatendi vazhinji vakazoungana pamwechete mumapoka maduku maduku vakabuda muvaRoma vechipegani nemusimba rebato rekereke yeRoman Catholic raikura.

Nguva yekereke yechitatu yaive yakaoma izere njodzi

Mugore AD 312 Constantine akamisa kuuraiwa kwemaKristu asi akabva azviisa pamusoro pekereke. Constantine akaenda kuMabvazuva kunomisikidza guta reConstantinople. Aida kuti Bishopu weRoma, aizodaidzwa kuti Pope nekufamba kwenguva, kuti ave munhu wake ane simba kuMadokero. MaKristu, vachitenda kwazvo kuti vaive vasisaurawe, vakafara kugamuchira kuda kwaConstantine kwese. Saka, vakabva vatanga kubata mukereke yeRoman Catholic zvisina kukakavara kereke yaive yaane ruchengetedzo rweMubati weRoma. Kukura kwaiita bato rekereke yeCatholic, yakazarura mikana mitsva kuvatungamiri vane shungu. Mugore AD 325, paKanzuru yeNicaea, kereke yakakanganisa kwazvo. Nicaea yakanga iri pedyo neConstantinople kuti Constantine ave mubati weKanzuru. Kereke yaive yatanga kuzvuzvurudzirwa munezvematongerwo enyika.

Kereke yakatambira izwi risimo muMagwaro Tiriniti vakariisa muzvitendero zvavo. Constantine akavamanikidza kuwedzera kutaura kusimo muMagwaro kwekuti “Baba neMwanakomana ndevekukosha kumwechete”.

Izvi nekukasika zvakazova “Baba neMwanakomana “ndevekuita kumwechete”. Hameno kuti “Kuita” kwacho kunorevei.

Izwi rakabva patsananguro dzemaGiriki echipegani, kwete kuMagwaro. MaGiriki echipegani akabva awedzera imwe pfungwa “yaMwari umwechete muVanhu vatatu” kereke ikabva yatanga kunyanya kunyura muzvinhu zvisimo muMagwaro. Nekuita Vanhu vatatu muhuMwari havana zita rimwe rekudaidza Mwari wavo. Mwari wemaKristu akarasikirwa nezita rake.

Tarisai kutaura kunotevera kusina kunyorwa muBhaibheri.

“Jesu ari muhuMwari”. “Hwanakomana nekusingagumi” Munhu wekutanga muhuMwari”. “Munhu wechipiri muhuMwari”. “Munhu wechitatu muhuMwari”. “Mwari Mwanakomana”. “Mwari Mweya Mutsvene. “Renti”. “Chishanu Chakanaka”. Muvhuro weIsita.” “Kadhinari”. “Pope”. “Kunamata kuna Maria”. “Pugatori”. “Kureurura”. “Isita egi”. “Isita bhani”. “Pontifi”. “Mugari wenzvimbo yaPetro”. “chipo chaunotenga kuti uregererwe zvivi zvako”. “Mamonku nemaneni.” “Misheni”. “Muchinjikwa”. “Ruponeso runobva pamabasa akanaka emukereke”.

Kereke ikozvino yavakuzvisanganisa munhau dzezvematongerwo enyika nechipegani.

Kereke yakarovererwa nguva iyoyo, mukati mesenturi rimwechete, yakatanga kuuraya mapegani. Pakangotambirwa mhirizhonga iyi, vakabva vatanga kuuraya maKristu vanoramba kutevera tsika dzekereke yeRoman Catholic yakava kereke iri pamutemo.

Kutenda zvinhu izvi zvese zvisina kunyorwa muMagwaro zvinoreva kuti vaingotamba havo neMwenje wenyika.

Izvi ndizvo zvaive zvakaita nguva yekereke yechitatu pakati pegore 312 AD negore AD 606.

Chiedza cheMagwaro chakatanga kudzima nekuda kwekuwedzera zvese zvisiri muMagwaro zveTiriniti nekurasa zita raMwari. Mwari weTiriniti haana zita. Hamugoni kuwana zita rimwechete rekudaidza vanhu vatatu.

Kana ukatamba nemwenje unopfuta, unobva wadzima.

Nguva yekereke yechina yaive izere huwori nekuipa kukuru

Chiedza chechokwadi chaMwari chaizodzima munguva yekereke yechina. Nguva yechina ndiyo yepakati penguva nomwe idzi dzinodaidzwa kuti Nguva dzePakati, dzinodaidzwawo kuti Nguva dzerima. Nguva yekereke yechitatu yakapera mugore AD 606 apo Pope weRoma akazviita Bhishopu wazvose. Akati maizoenda chete Kudenga kana muchizvininipisa kuna Pope weRoma.

Nguva yekereke yechina ndiyo yaive yakarebesa, yakabva mugore AD 606 apo munhu mumwechete akaitwa musoro wemakereke ese, kusvika muna 1520 apo Martin Luther akatanga Rumutsiridzo. Makore mazana mapfumbamwe erima apo Bhaibheri raisatenderwa vanhu makumi emamiriyoni vaipokana nekereke yeRoman Catholic vakauraiwa nekurwadziswa. MaPope vakaderera vakatanga kurarama hupenyu hunosvodesa. Tsika dzemapegani, tsananguro dzemagiriki, simba rezvematongerwo enyika zvakatonga kereke. Kereke yakasimuka kuva nesimba gurusa ichitora mibairo yezvinhu zvakaita seminda, mari, mbiri, nesimba rezvematongerwo enyika muEurope.

Nhau dzemweya dzakasairirwa parutivi. Chokwadi chakapotsa chafa kunze kwemunzvimbo dzakanga dziri kure kumarenje akafanana neeAlps.

Kurusedhi yemakore makumi mana yakaitwa nekereke yeRoma yakatsvaira vanhu verudzi rwemaArubigenzi muFrance yekuzasi. MaWaridenzi vakapunyuka nekufamba kunogara munzvimbo dzaive kure dzemarenje eAlps.

Izvi ndizvo zvaive zvakaita nguva yekereke yechina. Chidimbu chiduku kwazvo chedzidziso dzemapostora ekutanga ndicho chaive chasara chete.

Kubva pachokwadi uku kwakaitika sei?

Kana tisina rudo rwechokwadi Mwari anotumira mhingaidzo yakasimba kuti itirasise.

II VATESARONIKA 2:10 Nokunyengera kwose kwokusarurama kuna vanoparara; nokuti havana kugamuchira rudo rwezvokwadi, kuti vaponeswe.

Hazvina kukwana kuremekedza chokwadi. Tinofanira kuda chokwadi. Tinofanira kutsvaga chokwadi nemoyo wese zvinotigonesa kubvuma zviri nyore kukanganisa kwedu togadziriswa. Tinofanira kuda chokwadi kudarika makereke ese kana vatungamiri vemakereke. Tinofanira kuda kuona zvatinotenda kuti zvakanyorwa here muBhaibheri.

Tinofanira kuramba kuvimba nechero munhu kunze kwekunge achitiratidza kuti zvaanotaura zvakanyorwa muMagwaro.

II VATESARONIKA 2:11 Saka Mwari unovatumira simba rokukanganisa, kuti vatende nhema,

Kana tisingapi kukosha kwese kuBhaibheri Mwari anotinyengera pakuedza kwedu kusina maturo kufunga kuti takangwara. Mwari anoshandura mafungiro edu netsananguro dzevanhu dzakachenjera kusvikira takutenda zvimwe zvinhu zvisiri muMagwaro. Tinenge tisisina chikonzero nekuti tinenge tabva pakutenda kuBhaibheri chete.

II VATESARONIKA 2:12 kuti vose vasina kutenda zvokwadi, asi vakafarira zvisakarurama, vatongwe.

Tinokurirwa Musi weKutongwa sezvo Shoko riri ndiro richatitonga asi isu tichitsvaga chokwadi kunze kweShoko raMwari. Taida kutenda zvisimo muMagwaro. Takaona kunge kutevera zviri muMagwaro kuongorora zvakanyanya.

Chokwadi cheBhaibheri chakaparadzwa munguva ina dzemakereke

Aya ndiwo mamiriro aive akaita nguva ina dzekutanga dzemakereke pairasika chokwadi chekutanga.

Mumashure mekufa kwemapostora, makereke mana ekutanga akanyengerwa nerudo rwakaipa rwekuda kubva padzidziso dzemapostora eTestamente Itsva.

Nekufuratira, kushandura uye kurwisa Magwaro kereke yakafamba muzira yekuwira pasi yaikurudzira hutungamiri hwevanhu.

Bazi rekurudyi rechigadziko chemwenje rinomiririra kuwira pasi kwechokwadi nekusimuka kwehuwori munguva DZAKAIPA idzi. Vairamba Bhaibheri vachivaka masangano avo akaitwa nevanhu anotevera hutungamiri hwenyama.

JOEL 2:25 Ndichakudzoseraizve makore amakadyirwa nemhashu, negwatakwata, nomupedzachose, nomuteteni, iyo hondo yangu huru yandakatuma pakati penyu.

Joere akaprofita pamusoro penhanho ina dzaizoparadza chokwadi chizhinji.

Asi vakaparadza chokwadi vaive mauto aMwari makuru aakatuma mumakereke kunotungamira.

Saka, Mwari ari kutonga pamusoro pechokwadi zvese nezvakaipa. Achamisa zvakaipa kuti zvisaenderere mberi zvakanyanya.

Vatungamiri vemakereke vaida zvakaipa nesimba pamusoro pevanhu. Saka, Mwari akawodza ndangariro dzavo kuti vade zvakaipa akatendera zvakaipa kuti zvikurire.

Vanhu vaida kuti vatungamiri vemakereke vavaudze zvekufunga nekutenda mazviri. Zvaive nani kwazvo pachinzvimbo chekuedza kuziva chokwadi cheMagwaro pachavo. Nekuti vaisada chokwadi cheBhaibheri, Mwari akatendera vatungamiri vemakereke avo kuti vavanyengere kuti vatende zvakaipa.

Mhashu dzaimiririra vaparadzi vechokwadi cheBhaibheri. Zvakafanana nekuisa munhu mumwechete pakutungamirira kereke. Izvi hazvina kubvira zvaitwa muKereke yeTestamente Itsva uko Petro naPauro vakaisa hutungamiri hwekereke imwe neimwe pasi pehutungamiri hwevakuru panzvimbo.

Pavaishanda nevakuru, Petro aizvidaidzawo kuti mukuru. Haana kuedza kuzviisa pamusoro pavo semupostora.

I PETRO 5:1 Naizvozvo ndinoraira vakuru pakati penyu, ini mukuru pamwe chete navo nechapupu chamadambudziko aKristu, nomugovani navo wokubwinya kuchazoratidzwa, ndichiti:

2 Fudzai boka raMwari riri pakati penyu, musingazviiti nokurovererwa, asi nomoyo unoda nokuda kwaMwari, musingazviiti nokuda kwokukarira fuma yakaipa;

3 musingaiti nesimba nezvamakagoverwa asi muve vatungamiriri veboka.

Gwatakwata chipuka chakavanzika. Chinomiririra mweya wakavanzika wakanyangira kupinda mukereke ukavaita kuti vasiye rudo rwavo rwekutanga rwechokwadi cheBhaibheri. Vatungamiriri vemakereke vakabhadharwa vakaparidza zvine mbiri vakaudza vanhu zvavaida kunzwa. Asi Mwari akatuma mweya uyu. Kana vanhu vasingadi chokwadi chemapostora, Mwari aizovapa nhema dzinoita kunge chokwadi. Chinhu chinogonekwa nevanhu kuwodza zvinotaurwa neBhaibheri vachiti vhesi harirevi zvarinenge richitaura. Kana kufuratira vhesi sechinhu chisina maturo.

Mupedzachose makonye akakura anoparadza zvakanyanya. Uyu mucherechedzo wekukura kwekereke yeRoman Catholic munguva yekereke yechitatu pavakawananiswa zvakazara nezvematongerwo enyika netsika dzechipegani. Huwandu hwavo hwakawedzera bato rine simba rezvematongerwo enyika rakakura rikatonga Europe. Asi zvitendero zvavo zvakabviswa kuMagwaro zvinokonzera kukanganisika kukuru pamweya.

Vuteteni nderumwe rudzi rwechipuka chakavanzika. Mucherechedzo wemweya wakavanzika kwazvo unonyangira kupinda mukereke zvakagonesa kereke yeRoman Catholic kurwadzisa nekuuraya mamiriyoni emaKristu vanoramba kutenderana navo. Mweya wakavanzika uyu unogonesa maPope akawanda kurarama muzvivi zvakadzama apo vanhu mukereke vanenge vakaisa tariro kwavari kuti vamiririri vaMwari, chero pakaramba maPope kuti vanhu vave neBhaibheri vakaramba vachinotarira kwavari.

AMOSI 3:6 ... Ko guta ringawirwa nezvakaipa, JEHOVA asina kuzviita here?

ISAYA 54:16 ...Uye ini ndakasika muparadzi, kuti aparadze.

ISAYA 45:7 Ndini ndinoumba chiedza, nokusika rima; ndinoita rugare, nokusika njodzi; ndini JEHOVA, anoita zvinhu izvi zvose.

JOBO 2:10 ... Tingagamuchira zvakanaka bedzi paruoko rwaMwari, tikasagamuchira zvakaipawo here?

Nguva ina dzemakereke idzi dzinotsanangurwa kuna Zvakazarurwa Chitsauko 2.

Kudzorerwa kweChokwadi cheBhaibheri

Nguva yekereke yechishanu yakavako kubva muna 1520 (kudhindwa kwemabhuku kuchangoziviswa) kusvika muna 1750 apo kuvambwa kwemaIndasitiri kwakatanga mumashure mekugadzirwa kweinjini yemarasha.

JOERE 2:25 Ndichakudzoseraizve makore amakadyirwa nemhashu, negwatakwata, nomupedzachose, nomuteteni, iyo hondo yangu huru yandakatuma pakati penyu.

Mwari anoratidzira simba rake nekuti Iye ndiye ega anogona kudzorera Hupenyu kubva murufu.

Munguva nhatu dzemakereke dzekupedzisira (Nguva yekereke yechi 5,6 ne7) Mwari aizodzorera chokwadi cheBhaibheri kuti kereke imire pachokwadi zvakare.

Kuti Nguva dzeRima dzipere, Mwari vaifanira kushandura rutivi rwaienda kereke zvakazara.

Martin Luther akauya neRumutsiridzo munguva yekereke yechishanu ikava budiriro huru mumafungiro evanhu. Akadzorera chinhu chekuti tinoponeswa nenyasha kupfurikidza kutenda, kwete nemabasa. Paive nekukanganisa kuzhinji mukereke, asi kutendeuka kwaive kwadzorerwa kuti vanhu vapunyuke kubva kugehena.

Ngatitorei munda wechibage. Mbeu yakadyarwa munguva yekereke yekutanga. Ikafa mutsvina yeNguva yeRima. Yakatanga kumera kuva mhenyu zvakare ikaita mashizha, mucherechedzo werumutsiridzo rwaMartin Luther munguva yekereke yechishanu. Musiyano wemashizha unomiririra vamutsiridzi vakasiyana vakaita saCalvin, Knox, Zwingli nevamwe vakadaro.

Mukati menguva yekereke yechishanu, England yakaturikira nekuongorora kwemakore 160 Bhaibheri reKing James Vhezheni. Iri ndiro Bhaibheri raMwari rakarurama raizova nheyo dzenguva yekereke yaitevera, nguva yakanaka yemamishinari ichiri kutikurudzira nanhasi.

Nguva yekereke yechitanhatu yakatanga nguva yakapoteredza 1750 AD John Wesley kuEngland achidzorera hutsvene nekuparidzira. Izvi zvakaunza nguva huru yemamishinari apo zvikepe zvemarasha zvaitakura mamishinari kuenda mhiri kwemakungwa nezvitima zvemarasha zvichivafambisa munyika dzakasiyana siyana.

Nguva huru yemamishinari yakapararira pasi rese ichitora Bhaibheri reKing James kuenda naro. Mucherechedzo wedzinde rechibage rinoita hura hunokura ruva roita hua hunotorwa nemhepo hwopararira munda wese.

Izvi ndizvo zvaive zvakaita nguva yekereke yechitanhatu (1750-1906) chiedza chaive chatanga kubwinya.

Nguva yekereke yechinomwe (1906 kusvika parizvino) yakadzorera mweya wechokwadi.

VePentekositi vakadzorera rubapatidzo rweMweya Mutsvene uri zvipo zveMweya unoshamisa. Iyi yaive hafu yekutanga yenguva yekereke yekupedzisira. Vakadzorera zvipo zveMweya Mutsvene asi havana kukwanisa kuzivisa zvakavanzika zveBhaibheri zvakadzama kuti vazivise chokwadi.

JOHANE 4:24 Mwari ndiMweya; vanomunamata, vanofanira kumunamata mumweya nezvokwadi.

William Branham wekuAmerica aifanira kuzivisa Chokwadi cheBhaibheri rakanyorwa izvozvo zvega zvinogadzirira mwenga Kuuya kwaJesu kweChipiri.

Izvi ndizvo zviri nguva yekereke yechinomwe parinhasi. Mwenga haasati adzorerwa zvakazara nekuva ari mukereke yechinomwe.

Bhaibheri harina chakanaka charinotaura pamusoro pekereke yechinomwe yeRaodikia nekuti Kristu amire kunze kwekereke.

ZVAKAZARURWA 3:14 Nyorera mutumwa wekereke iri paRaodhikia, uti:

ZVAKAZARURWA 3:20 Tarira, ndimire pamukova, ndichigogodza;

Saka, nguva yekereke yechinomwe nendudzi dzayo dzemakereke dzinodarika 45,000 dzakasiyana nemavhezheni emaBhaibheri anodarika zana akasiyana eChirungu iri mudzudzo remweya. Haina divi rairi kuenda sezvo rudzi rumwe nerumwe rwekereke ruri kufamba nedivi rakasiyana nerumwe. Pasita wekereke imwe neimwe anofambisa kereke yake nedivi rake raanoda iye.

Nhanho yekupedzisira inofanira kuva yekudzokera kunguva yekereke yekutanga

Kereke yekutanga yeTestamente Itsva ine chokwadi chakazara. Chokwadi cheBhaibheri chekupedzisira, pachinoziviswa, chinodzorera Mwenga kunotenda zvakatendwa nekereke yekutanga. Ipapo chete ndipo panozadziswa kudzorerwa kwakazara.

Zvakavanzika zvaMwari (muhuzhinji) zvakaziviswa naWilliam Branham. Zvakazivisa rwendo rwekubuda mumakereke edu ese anhasi anotidzorera kunotenda zvakatendwa nekereke yekutanga. Izvi zvichapedzisa chakavanzika chaMwari (chimwechete).

Mbeu inokohwewa munguva yekereke yekupedzisira inofanira kufanana nembeu yakadyarwa munguva yekereke yekutanga.

Kana tichizotarisa makereke matatu ekupedzisira. Izvi zvinofambirana naZvakazarurwa Chitsauko 3.

KUIPA (EVIL) ndeapo kereke yakabva pakuita kwekereke yeTestamente Itsva.

Mukaverenge izwi rekuti KUIPA riri muChirungu (EVIL) muchibva kurudyi muchienda kuruboshwe munowana izwi rekuti HUPENYU (LIVE).

Kereke yakadzorerwa inogona kurarama nekuti inoramba ichiswedera kuzvitendero zvekutanga zvemapostora ekereke yekutanga.

Nguva yekereke 2, 3, neyechi4 yakatora gwara risiro ikabva pakuita kwenguva yekereke yekutanga yakagadzwa nemapostora. Zvaive ZVAKAIPA. Asi Hurongwa hwaMwari hwaizoshandura KUIPA hwoita kuti Kereke IRARAME nekufamba kudzokera kunotenda zvakatendwa nemapostora munguva yechi5, 6, neyechi7.

Nguva yekereke yekupedzisira ine divi rimwechete chete rekuenda, kudzokera pakutanga. Ndiwo Murairo wekusikwa kwezvinhu usingashanduki. Mbeu inokohwewa inofanira kufanana nembeu yakadyarwa.

MATEO 17:11 Akapindura,(Iye Jesu) akati, Eria uchavuya hake, avandudze zvinhu zvose.

Muprofita wenguva yekupedzisira anodiwa kuti adzorere zvakavanzika zvakavanzwa zveMagwaro. Tinoziva izvozvo kuti akagona kubudirira kana kereke yekupedzisira yadzorerwa kunotenda zvakatendwa nekereke yekutanga. Ipapo chete ndipo Mwenga wenguva yekupedzisira paachagona kunzwisisa zvakavanzika zveMagwaro.

Kana tikanzwisisa Bhaibheri rakanyorwa, tinova vasikana vakachenjera vekunaMateo 25.

Muprofita Danieri akafanotaura izvi.

DANIERI 12:10 ... asi vakachenjera ndivo vachanzwisisa.

Mbeu ichakohwewa yakafanana nembeu yakadyarwa munguva yekereke yekutanga.

VAEFESO 2:7 kuti nenguva dzinovuya aratidze fuma huru huru yenyasha dzake pavunyoro bwake kwatiri munaKristu Jesu;

Pauro aiziva kuti kune nguva dzichauya.

Nekutaura izvi muvhesi 7, aitinyevera zvakachenjera kuti kuchava nenguva nomwe.

MIKA 5:5 Iye [Jesu] achava rugare rwedu. Kana muAsiria [muvengi] achipinda munyika yedu, kana achitsika mudzimba dzedu dzoushe, tichamutsa vafudzi vanomwe namachinda masere pakati pavanhu kuti varwe naye.

Satani anotonga hushe hwenyika ino. Asiria ndiyo yaive simba guru renyika ino mumashure mekuwira pasi kweEgipita Babironi isati yasimuka kuva nesimba. Saka, simba raSatani richauya panyika pedu. Kubva pamaonero echiKristu, nyika yedu ikereke.

Dzimba dzoushe ndiko kunogara vatungamiri. Muvengi anotora hutungamiri hwekereke. Judasi aive mupostora akadzidza kuva mutungamiri wekereke asi aive achitorwiswawo naSatani nekurudziro dzake. Akasarudza kumukira Jesu akatora Mari. Chiprofita ichi chinotiudza kuti vatungamiri vemakereke vane mubairo wavo. Vacharamba, kufuratira kushandura nekurwisa zvakanyorwa muMagwaro kuti vachengetedze mari dzavo nezvinzvimbo zvavo.

Vafudzi vanomwe ndivo vaive vatumwa vanomwe vakamutswa naMwari. Mutumwa mumwe kunguva imwe yekereke. Ava vaive vanhu vasingatyi vaiisa Mwari pamberi. Mupostora Pauro ndiye aive mutumwa wekutanga akaita mbiri kwazvo wenguva yekereke yekutanga. Martin Luther aive akashinga kwazvo wekuGermany munguva yekereke yechishanu akapikisa simba rinotyisa rekereke yeRoman Catholic akadzosera ruponeso nenyasha kupfurikidza kutenda. John Wesley kuEngland akagadza hwaro hwepamusoro soro hwehutsvene nekuparidzira munguva yekereke yechitanhatu. Kuzvibata kwake nekuzvipira kuchokwadi cheBhaibheri kwakakurudzira kutsungirira munguva huru yemamishinari.

Nguva yedu yekereke yechinomwe yakatanga mugore 1906 nekudururwa kweMweya Mutsvene pamugwagwa weAzusa muLos Angeles yaidawo mufudzi kana mutumwa. Makereke ePentekositi haagoni kuwana munhu ane zvese simba remweya unoshamisa nemuono wakapinza wekuti azivise zvakavanzika zvaMwari.

Ndicho chikonzero nei Pentekositi yakapatsanurwa kuita masangano akawanda akasiyana siyana.

MATEO 24:27 Nokuti semheni inobva kumabvazuva ichipenyera kumavirira ndizvo zvichaita kuvuya kwoMwanakonana womunhu.

Chiedza cheShoko raMwari rakadzorerwa chinoenda kubva kuna Luther muGermany kusvika kuna Wesley kuEngland chodarikira kuAmerica apo chiedza chinofamba kubva kumabvazuva kuenda kumadokero.

Munhu wekuAmerica aizova muprofita akafanana naErija (chiHeberu) kana Eria (chiGiriki) aizotidzorera kunotenda zvakatendwa munguva yekereke yekutanga.

MATEO 17:11 Akapindura, (Jesu) akati, Eria uchavuya hake, avandudze zvinhu zvose.

Kwaive nevanhu vasere vakanyora Testamente Itsva. Ndivo vanhu vakuru nekuti tinofanira kubvumirana nezvinhu zvese zvavakanyora.

ZVIREVO 30:5 Shoko rimwe nerimwe raMwari rakanatswa; Ndiye nhovo yavose vanovanda maari.

MATEO 4:4 Asi wakapindura akati, kwakanyorwa kuchinzi, munhu haangararami nechingwa bedzi, asi namashoko ose anobuda mumuromo maMwari.

Hatigoni kufuratira kana kurwisa chero chinhu chakanyorwa muBhaibheri. Tinofanira kutsvaga kuti tinzwisise zvakanyorwa .

MUPARIDZI 11:2 Goverana navanomwe, kunyange navaserewo, nokuti hauzivi zvakaipa zvakadini zvingava panyika.

Vanhu vasere vakanyora Testamente Itsva vaiwanzonyora nenzira inonetsa kunzwisisa. Mwari akaita izvi kuti arasise Diaborosi. Hatifaniri kukakavadzana nezvakanyorwa muMagwaro. Tinofanira kudzidza zvakasimba kuti tinzwisise. Mwari akanyora nenzira iyoyo nekuda kwechikonzero. Munhu mumwe nemunwe akanyora Bhuku riri muTabernakeri Itsva aive nechikonzero chaakapihwa naMwari chaakanyorera chikamu chake nenzira yaakanyora nayo.

Mumwe nemumwe wevatumwa vanomwe akasangana nezviitiko zvakasiyana kwazvo nevamwe munguva yake yakasaudzwa. Hatifaniri kutongera zvavakakanganisa nekuti Mwari akavashandisa nenzira yakasarudzika kunguva yavo. Mutumwa umwe neumwe aive nemugove wechokwadi wakasiyana wekushanda nawo uye aive nezviwira vanhu zvakasiyana zvekutarisana nazvo.

Chinhu chakakosha kwatiri ndechekuita kuti zvatinotenda zvive zvakanaka munguva yedu yechinomwe patinotsungirira kudzokera kunotenda zvakatendwa nenguva yekereke yekutanga. Ndiwo mugove wedu muZano guru raMwari.

Meso manomwe nenyanga nomwe neMweya minomwe

ZEKARIA 3:8 Zvino chinzwa iwe Joshua, mupirisiti mukuru, iwe neshamwari dzako dzigere pamberi pako; nokuti varume ava chiratidzo; nokuti tarirai, ndichauyisa muranda wangu, davi.

ZEKARIA 3:9 Nokuti tarirai ibwe randakaisa pamberi paJoshua; pabwe rimwe pana meso manomwe;

Davi ndiJesu ari pakati pemakereke manomwe anomiririra nguva nomwe dzemakereke.

Mwari ari kuvaka Muviri wake wemweya achishandisa vanhu vakazvarwa patsva vari mabwe anorarama aanofanira kukwenenzvera achiisa panzvimbo pawo muchivakwa chikuru chatora makore 2000 chichivakwa.

Nguva imwe neimwe yekereke ine mutumwa kana nhume ane ruzivo rwemweya unoshamisa aigona kuchengetedza Mwenga wenguva imwe neimwe kuti asapinde zvakanyanya mukuipa kwekereke. Aya aive maziso aMwari aigona kuverenga nekunzwisisa chikamu cheMagwaro eMusi nenguva yake.

Tiri vana vaduku panguva yekupedzisira vanodzokera kunotenda zvakatendwa nemadzibaba mapostora enguva yekereke yekutanga.

ZEKARIA 4:9 Maoko aZerubhabheri akateya nheyo dzeimba ino, maoko ake achaipedzisawo; ipapo iwe uchaziva kuti JEHOVA wehondo ndiye akandituma kwauri.

Chiprofita. Akatanga kereke anofanira kuva ari iye anoipedzisa.

Pauro akateya nheyo dzekereke, saka tinofanira kudzokera kudzidziso dzake dzeTestamente Itsva kuti apedzise kereke atiise kuna Kristu.

II VAKORINTE 11:2 Nokuti ndinegodo pamusoro penyu negodo raMwari; nokuti ndakakuwanisai nomurume mumwe, kuti ndikuisei kunaKristu semhandara yakachena.

Nguva yekutanga nenguva yekupedzisira inogona kufanana chete kana nguva yekereke yechinomwe yadzorerwa kunotenda zvakatendwa nenguva yekereke yekutanga nekugadzwa panheyo dzekereke yeTestamente Itsva.

ZEKARIA 4:7 Ndiwe aniko, iwe gomo guru? Pamberi paZerubaberi uchaitwa bani, iye achabudisa ibwe rokumusoro, achidanidzira achiti, `Nyasha, nyasha ngadzive kwariri.'

Satani akagadza gomo rekusatenda mumakereke ake akarongwa ane munhu one anotungamirira ari musoro wawo. Kristu ndiye oga Musoro wekereke. Makereke anosarudza kutungamirirwa nemunhu netsika dzevanhu akavaka ndudzi dzinodarika 45 000 dzakasiyana dzemakereke nemasangano kuita makomo makuru ezvitendero zvemazano evanhu. Asi zvese izvi zvinoparadzwa kana Mwenga wenguva yekupedzisira akakoshesa Bhaibheri otenda chete zvakanyorwa muBhaibheri. Zvakavanzika zveMagwaro zvakaziviswa zvinozoratidza Jesu achifamba nemapeji eBhaibheri ari Mwari Wamasimbaose. Mwenga wenguva yekupedzisira anofanira kufanana newenguva yekereke yekutanga kuti Ibwe reMusoro wekona wepiramidhi rekereke riwane nzvimbo yaro yekuzorora pamusoro pevanhu vose. Nyasha dzaMwari chete ndidzo dzinogona kuzarura meso edu kuti titende zvakatendwa nekereke yekutanga.

MATEO 21:42 Jesu akati kwavari: Hamuna kutongorava here paMagwaro panoti: Ibwe rakarashwa navavaki, Ndiro rakazova musoro wekona; Izvozvo zvakaitwa naShe, Zvinoshamisa pameso edu?

Dombo reMusoro wekona wepiramidhi rine makona mashanu. Harigoni kungogara chero nzvimbo papiramidhi kunze kwepamusoro chete.

Vatungamiri vemakereke vakakundikana kunzwisisa zvakavanzika zveBhaibheri nekuti havatendi kuti Shoko rimwe nerimwe riri muBhaibheri reKing James nderechokwadi. Saka, vanoisa mazano nezivo dzavo ivo dzenyama vakagadzira mavhezheni eBhaibheri reChirungu anodarika zana. Havaisi Bhaibheri, sechinhu chakarurama chisingatadzi, pamusoro pepiramidhi rekereke. Pamusoro pemunhu umwe nemumwe anotungamirira kereke. Asi vanokanganwa kuti Jesu ndiye Shoko, saka kuzvidza Bhaibheri kwavanoita vanenge vachizvidza Iye Jesu pachake.

ZVAKAZARURWA 5:6 Zvino ndakatarira ndikavona pakati pechigaro chovushe nezvisikwa zvipenyu zvina, napakati paVakuru, Gwaiana rimire, rakaita serakabayiwa, rinenyanga nomwe nameso manomwe, iri Mweya minomwe yaMwari, yakatumwa kunyika yose.

Mwari haana mweya minomwe. Mwari ndiMweya.

Zvakakosha kurangarira kuti kereke ndiyo Muviri waKristu.

Mwari akaita makore 2000 ekupedzisira achivaka Muviri wake wemweya achishandisa mabwe anorarama .

VAKOROSE 1:18 Ndiye musoro womuviri, ndiyo kereke;

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri.

Mwari vakagovanisa makore 2000 enhorondo yekereke kuisa munguva nomwe, dzatinodaidza kuti nguva dzemakereke.

Nguva imwe neimwe yaisangana nematambudziko akasiyana siyana apo Satani anoshandura nzira dzake dzekurwisa nadzo.

Mwari akashandisa Mweya wake munguva nomwe dzakasiyana kurwisa Diaborosi munyengeri.

Nyanga isimba rechikara.

Mwari akapa vanhu vanomwe simba rekukurudzira gwara raifamba nekereke mukati memakore 2000.

Kereke imwe neimwe yaive nemutumwa aive nesimba raMwari rakakwana kuti ashandure mafungiro ekereke yechokwadi munguva yake.

Pauro munguva yekereke yekutanga akasangana nekurwiswa kukuru kubva kumaJuda nemaRoma echipegani apo iye nemamwe mapostora vakatanga nzira itsva yakazara yekutenda muna Mwari. Kubva kuchipegani kupinda muchiKristu yaive nhanho yakakurisa, kunyanya kana maKristu vaiuraiwa nemaRoma echipegani.

Mweya Mutsvene muNguva dzeRima vakapa maKristu simba neshungu dzekusvika pakubvuma kupiswa vari vapenyu nemaRoma vachichengetedza kutenda kwavo havana kukuramba. Kuipa uku kwakaenderera mberi mazana emakore asi maKristu echokwadi akabudirira.

Martin Luther kuGermany munguva yekereke yechishanu akapikisa kereke yeRoman Catholic yaive nesimba kwazvo akaita kuti vanhu vapunyuke kubva kwairi. Akashandisa nzira itsva yekudhinda nekuparidza zvinyorwa zvakachipa zvaigona kuverengwa nevanhuwo zvavo. Luther akadzosera Kururamisirwa, kuponeswa nekutendeuka nekutenda muna Mwari, kwete mabasa akanaka. Vanhu vakava nenyota yechokwadi chaMwari mumashure memasenturi akawanda ekuipa kwaidzidziswa neCatholic. Izvi zvakasvitsa pakuturikirwa nekudhindwa kweBhaibheri reKing James.

John Wesley kuEngland mukati menguva yekereke yechitanhatu akadzorera hutsvene nekuparidzira. Akasunungura mweya une simba werudo pakati pehama munaShe rwakakurudzira makumi ezviuru zvemamishinari kuti vatore ruponeso kupfurikidza nyasha neBhaibheri reKing James kuenda nazvo kunyika dzevaHedeni. Havana kuda kurarama mumagarikwa hama dzavo dzichifa dzisina kuponeswa.

William Branham kuAmerica aive nehushumiri hunoshamisa hwemweya akabatsirwa nevatumwa vanomwe kuzivisa zvakavanzika zvakadzama zvaMwari munguva yekereke yechinomwe. Akashandisa tepi rekodha yaive ichangogadzirwa kutapa mharidzo dzake. Chokwadi chakukwanisa kuparidzwa pasi rese paintaneti. Zvakavanzika zveBhaibheri zvakaziviswa zvakava chombo chikuru kupikisa zvakaipa zvemapoka emasangano emakereke.

Mutumwa mumwe nemumwe akazivisa chokwadi cheBhaibheri chinoparadza mazano aSatani kuzuva nenguva iyoyo. Mutumwa mumwe nemumwe aive akaita senyanga inotyisa ine simba rekuzivisa kuipa kwaSatani.

Mutumwa mumwe nemumwe aive ziso raMwari raigona kuona zvaikanganisika mukereke uye aizoshandiswa naMwari kugadzirisa vanhu.

Mweya waMwari wakazviratidza nenzira dzakasiyana munguva imwe neimwe yenguva nomwe idzi uchirwisa zviitiko zvakasiyana siyana nekuipa kwaiwanikwa munguva imwe neimwe yekereke.

JOHANE 1:51 Akati kwaari: Zvirokwazvo, zvirokwazvo, ndinoti kwamuri: Kubva zvino Muchavona kudenga kwazarurwa, navatumwa vaMwari vachikwira, nokuburukira pamusoro poMwanakomana womunhu.

Mwanakomana wemunhu ndiJesu akaziviswa muShoko.

Vatumwa vanoshamisa chete ndivo vanokwanisa kutipa zaruriro yakadzama pavanokurudzira vanhu vakatumwa (ngirozi) kuti vatendeutse kereke kuenda divi rakasiyana munguva imwe neimwe. Satani anotungamirira kereke kunosvika kumagumo asina tsarukano esangano Mwari anoshandisa vanhu kunge ngirozi kana vatumwa, vakaita saMartin Luther, kuita kuti vanhu vashanduke zvinoonekwa.

“Matenga akazaruka” zvinoreva kusangana nezaruriro yakadzama yemweya pamusoro pezviri kurehwa naJesu.

Kereke yenguva inouya ndiyo manera ekukwira kuna Mwari. Kuzivisa zaruriro yeMwanakomana wemunhu muMagwaro neShoko raMwari kunoziviswa nemutumwa umwe neumwe kunguva imwe neimwe yekereke.

ZVAKAZARURWA 3:1 Nyorera mutumwa wekereke iri paSardhisi, uti: Zvanzi naiye unemweya minomwe yaMwari, nenyeredzi nomwe: Ndinoziva mabasa ako, kuti unonzi uri mupenyu, asi wakafa.

Mweya minomwe yaMwari ndivo vatumwa vanomwe vanoshamisa vakatumwa kutungamirira (vanodaidzwa kuti ngirozi kana nyeredzi) mukati menguva nomwe dzemakereke dzakasiyana. Tinoziva chete pamusoro peizvi kubva pakutanga kwehushumiri hwaPauro hune simba. Akafa akakwira Kudenga.

Mumwe mutumwa akaburuka kunotungamirira Ireniusi kusvikira Irenaeusi afa akakwira Kudenga.

Kuita uku kwakadzokororwa nemutumwa kana ngirozi kunguva imwe neimwe yekereke.

Pakupedzisira, muna Kurume 1963, vatumwa vanomwe vese vakaburuka mazuva akasiyana kunozivisa zvakavanzika zveZvisimbiso Zvinomwe kuhama Branham muna Kurume 1963. Zvakavanzika izvi zvakavagonesa kutanga kunzwisisa zvakavanzika zvakadzama zveMagwaro zvinozivisa Jesu seMwanakomana weMunhu achifamba nemapeji eBhaibheri.

Nguva yekereke yechi2, 3, neyechi4 dzakatotsauka dzichitobva zvakanyanya pamwenje wepakati.

Nguva yekereke yechi 5, 6, neyechi7 dzakapazuka dzichidzoka pamwenje wekati.

Nguva nhatu dzekutanga dzaifanira kutsauka dzichibva pamwenje wepakati nguva nhatu dzekupedzisira dzaifanira kudzokera kumwenje wepakati pechigadziko chemwenje.

Aya aive mapazi apo Hupenyu hwaKristu hwaigoverwa kuva nguva nomwe dzemakereke kuvaHedeni.

Chigadziko chemwenje minomwe icho davi rimwe nerimwe raive nemutumwa akasarudzika kana ziso kana nyanga aikwanisa kuona kuti ounza sei nguva iyoyo kuna Kristu.

Munguva yedu yechinomwe tinofanira kusarudza zvakachenjera kuti titendere zvakataurwa nehama Branham kuzivisa zvakavanzika zveMagwaro nenzira yekuti tinodzorerwa kuchokwadi chekutanga chemapostora enguva yekereke yekutanga akanyora Testamente Itsva.

Muprofita wenguva yekupedzisira nguva yegondo akaudza Mwenga kuti afambe kana kutsauka kubva kuzviito zvekereke muEksodo yechitatu, achidzokera kunotenda zvakatendwa munguva yeShumba yemapostora

Hatifaniri kugara munguva yekereke yechinomwe.

Bazi risiriro kana davi panzira nhasi rinoedza kutsiva Magwaro nezvakataurwa nehama Branham.