Zvakazarurwa 8:1 Chisimbiso Chechinomwe Chikamu 1

We update studies as the Lord Jesus leads us. You can find the latest update of this study at ChurchAges.net

Iri ndiro vhesi reBhaibheri rakanyanya kuoma kuturikira. Rinobata Kuuya kwaShe kunova chakavanzika chikuru kwazvo.

First published on the 15th of March 2025 — Last updated on the 15th of March 2025

Mwari vanotaura zvishoma kwazvo apo zvakavanzika zvinowedzera hudzamu hwazvo

ZVAKAZARURWA 8:1 Zvino wakati azarura mucherechedzo wechinomwe, kwakavapo kunyarara kudenga kwakaita sehafu yeawa.

Kana Bhaibheri rikataura zvishoma tobva taziva kuti pane chakavanzika.

Kana chakavanzika chakanyanya kukura, Mwari havatauri chinhu. Vanonyarara.

Kana Mwari vakanyarara, hatifaniri kutaura.

Mavara ezwi rekuti “kunyarara” riri muChirungu “silent” anogona kurongwa patsva oburitsa izwi rekuti “kuteerera” [listen].

Saka, Mwari paanotaura pamusoro perunyararo, anenge achida kuti titeerere tisataure. Chisimbiso chechinomwe chichava chiitiko chinoshamisa chinotishandura chotitora kuti tikwire kudenga. Kunenge kusiri kutaura kwakachenjera kunoitwa nemunhu. Kutaura hakutenderwi. Asi Chisimbiso chechinomwe chinenge chiri muMagwaro. Zvisinei, tinofanira kutanga kunzwisisa Bhaibheri kuti tizive makwara ekupedzisira kana akuitika.

Mwari vakatipa nzeve mbiri nemuromo mumwechete saka tinofanira kuda kunzwa kudarika kutaura. Kunyanya panguva yekupedzisira nguva yeChisimbiso chechinomwe.

Runyararo ndirwo rwega rwunoshandiswa naMwri kuti pasaite munhu anovamukira nekuti hakuna anoziva chinhu pamusoro pezvinhu zvisina kutaurwa.

Runyararo runogonawo kuviga marwadzo akanyanya. Kuparadzwa kwenyika pakupedzisira kuchakonzeresa marwadzo makuru.

Mwari havagoni kutivimba nezvakavanzika zvake zvakadzama. Vaparidzi vemharidzo vanoda kuonekwa sevakachenjera, saka vanomhanya mhanya nepfungwa yekuzvisimudzira kuti vawane mbiri nekukosha. Izvi zvinongoratidza kuti Mwari havagoni kuvimba navo nezvakavanzika zvake zvakadzama.

Testamente Yekare inosanganisa nzira yekunamata yezvinhu zvinobatika nekunamata muTembere nechiPrista chaAroni werudzi rwaRevi.

Testamente Itsva yakanyanya kurerekera kunezvemweya Jesu ari Tembere maKristu akazvarwa patsva ari nhengo dzechiprista chitsvene.

JOHANI 2:19 Jesu akapindura akati kwavari: Pazai tembere iyi, uye mumazuva matatu ndichaimutsa.

20 Naizvozvo VaJudha vakati: Makore makumi mana nematanhatu tembere iyi ichivakwa, zvino iwe ungaimutsa nemazuva matatu here?

21 Asi iye waireva zvetembere yemuviri wake.

I PETRO 2:9 Asi imwi muri ridzi rwakasanangurwa , upristi hutsvene,

Hakuna muprista ari pamusoro peumwe muprista. Muprista mukuru chete (Jesu) ndiye ari pamusoro pemaprista.

I VAKORINTE 3:16 Hamuzivi here kuti muri tembere yaMwari, uye Mweya waMwari unogara mamuri?

VAKOROSE 1:18 Uye iye musoro wemuviri, wekereke;

Kristu ega ndiye Musoro wekereke. Hakuna munhu musoro wekereke.

Kutarisisa zvakadzama kunoona keeke iri muviri waKristu wakavakwa mumakore 2000 saka vanhu vakazvimiririra mukereke vanoita tembere yaMwari sekuti munhu mumwe nemumwe ibwe rinorarama.

I PETRO 2:5 imwiwo semabwe mapenyu makavakwa muve imba yemweya, upristi utsvene, kuti mubaire zvibairo zvemweya, zvinogamuchirika kuna Mwari kubudikidza naJesu Kristu.

Testamente Itsva inotarisa zvakadzama zvakavanzika zvaMwari asi Testamente Itsva iduku kudarika Testamente yekare.

Vaparidzi vanodzidzisa zvinhu zvavasinganzwisisi

RUKA 17:10 Saizvozvo nemwi, kana maita zvese zvamakarairwa, muti: Tiri varanda pasina, nokuti taita zvataifanira kuita.

Muranda pasina anokanganisa. Tese tinowira padambudziko iri. Jesu ega ndiye akarurama.

63-0324 CHISIMBISO CHECHINOMWE

Zvino, zvese zvezvisimbiso zvina, ndakazviita mumharidzo inenge yemaminetsi makumi maviri. Vatasvi vemabhiza vana vekuna Zvakazarurwa, ndakavakanda vose, ndikati, “bhiza rimwechete rakapinda jena”; Ndikati, zvichida ndiyo nguva yekutanga. Bhiza rinotevera rakapinda nzara,” zvikaenda zvakadaro.

Asi, Shoko parakanyatsozarurwa, raive mamaira mazana kubva kwazviri. Saka, zvinotiita kuti titarire tirindire. Ipapo zvichida inogona kuita nguva ino yekuzviita.

Chero hama Branham vakaedzwa kusvika kutaura nhau yavavaisanzwisisa zvachose. Vaparidzi vose vanoita kukanganisa uku.

63-0324 CHISIMBISO CHECHINOMWE

Hama yakapfeka nhumbi, ndiri kureva nguwo dzekuti ataure neruzhinji zvinhu zvese zviri mukekereke … vakati, “Zvinhu zvese zvakafamba zvakanaka.”

Nzira yekutaura nayo neruzhinji pamasipika anodaidzira anotendera vanhu vese mukereke kunzwa. Saka, ruzhinji ndiro sangano. Chero akateerera. Vanhu vazhinji vanenge vachiteerera vanenge ava vanenge vari nhengo dzeMwenga.

Vaparidzi vemharidzo vakakanganisa pavakataura kuti ruzhinji harusi Mwenga. Ruzhinji runosanganisira Mwenga marwuri. Ruzhinji ndivo vanhu vose vanonzwa panoparidzirwa ruzhinji.

630324 CHISIMBISO CHECHINOMWE

Zvino, kana mukandinzwa dzimwe nguva pasi penguva yekuzodzwa bvisai chidzitiro chesangano kana boka, ndinenge ndisingatauri pamusoro pemapasita enyu kana chero hama zvayo, kana hanzvadzi mukereke, nekuti pamusoro pazvose, Mwari ane vanhu musangano rimwe nerimwe. Anotambira vanhu vose mumasangano. Hazvidi boka kuti zvidaro.

Kana vanhu vakasungirirwa pabato, havagoni kuona chimwe chinhu kunze kwezvinotaurwa nekereke. Mazviona?

Izvozvo zvinoita kuti vasawadzane nevamwe, itsika isingafarirwi naMwari.

Chimisikidzo chenyika chisina kuitwa naMwari.

… rangarirai, regai ndikuudzei zvakare. Musati, “Maita basa”, kune chero munhu zvachose. Musataure kuti ... Muchifunga pamusoro pemuparidzi kana chimwe chinhu, mumwe munhu, kune chakanaka pamusoro pake, ‘nekuti hakuna; handinei nekuti ndiyani. Hakuna chakanaka kune chero munhu … vanhu vese vakafanana; maKristu ese akafanana.

Hakuna munhu mukuru pakati pedu. Hatina kukura, tese tiri hama nehanzvadzi munaShe, takafanana tese. Hatina kukura. Munhu haakuri kudarika umwe. Hakuna anokudza umwe kudarika umwe – hachisi chinhu chekuita zvachose. Kwete, baba. Tese tingori vanhu.

Musaedze kuturikira zvinhu.

Musaedze kuita chero chinhu kudarika kungorarama hupenyu hwakavharika, muchirumbidza nekukudza Jesu Kristu. Munhu wese ari kunzwisisa here? Amen. Mudei nemoyo wenyu wese. Munozviita here?

Musatore vamwe vaparidzi sevakuru movasimudzira kuvakwidziridza.

63-0324 CHISIMBISO CHECHINOMWE

Ndakadana vane zviuru zvinomwe, mazana manomwe, mangwanani ano; ndaiedza … zvakaonekwa nevanhu (Mazviona?) Izvozvo zvinoratidza kuti manga makatarisa.

Hama Branham vakafadzwa kuti vamwe vanhu vaive vaona kukanganisa kwake. Zvinoreva kuti vainzvera zvaaitaura neMagwaro. Pavaipokana neMagwaro vaibva vaziva kuti akanganisa.

63-0324 MIBVUNZO NEMHINDURO PAMUSORO PEZVISIMBISO

MUBVUNZO 23: Kuna Zvakazarurwa vhesi 5 kusvika 9, ndivanani vaiimba Gwaiana parakatora Bhuku. Ndivo vatsvene vakatorwa kukwira kudenga mukubwaira kweziso here?

Kwete, Zvakazarurwa 6 … 5 ne9, pachinzvimbo kwete. Kana muchikwanisa kuona, ava havasi vatsvene. Aive asati atora zvinhu zvake. Mazviona? Ava havasi vatsvene. Kana mukatarisa, ndivo vakuru nechikara, vachiimba.

... pane chinhu chisina kuita zvakanaka. Pane chisina kuita zvakanaka.

Munhu anotaura kuti anofanira kuverenga zvakare Zvakazarurwa 5 :9

Ndimi makafanira kuti mutore Bhuku nekuzarura zvisimbiso zvayo; nokuti makabaiwa … (Zviri pano. Zviri pachena. Ndakakanganisa ipapo. Mazviona?) akatidzikinura kuna Mwari neropa kumarudzi ose.

[tarisai kuti hama Branham vanobvuma nekukasika sei zvavaikanganisa kana vakange vataura zvakasiyana nezvakanyorwa muMagwaro].

Ndizvozvo chaizvo. Zvino, munofungei nazvo? Oh, kana huvepo hweMweya Mutsvene husiri pano, chii chiripo? Haangasiyi ... mazviona, ndinoverenga chikamu chekutanga chete chevhesi.

… chokwadi, ndivo.

Saka, Mwenga anofanira kuva Kudenga akapoteredza Chigaro cheHushe Jesu asati atora Bhuku kuti azarure. Tine zaruriro yechiitiko chenguva inouya ichi sezvo chisati chaitika.

Tinofanira kutarisa zvakataurwa nehama Branham kuti tione kuti zviri muMagwaro here.

63-0324 MIBVUNZO NENHINDURO PAMUSORO PEZVISIMBISO

MUBVUNZO 20: Hama Branham, muri kureva here kuti vane zviuru zvinomwe havana kupfugamira mabvi avo kuna Baramu kana kuti mazana manomwe.

Vane zviuru zvinomwe, ndizvo zvandaida kutaura. Ndiregererei.

Hama Branham havana kubvira vati havatadzi vakatenda kugadziriswa nemufaro kana vataura zvinhu zvakasiyana nezvakanyorwa muMagwaro.

Chisimbiso chechinomwe chakavanzika zvakazara

Chisimbiso chechinomwe chinobata Kuuya kwaShe kunova chakavanzika chikuru pazvese. Hatina chatinoziva pamusoro pekuti achauya rini kana kuti Achauya sei.

63-1110 MWEYA IRI MUHUSUNGWA PARIZVINO

Rangarirai, Zvisimbiso zvinomwe zvakapedziswa, uye chokwadi chinomwe ichocho chakaziviswa …

Chimwe chacho, haatitenderi kuchiziva.

Ti… vangani vaivepo pazvisimbiso zvinomwe, vakanzwa? mese, ndofunga. Mazviona, Chisimbiso chechinomwe, haangachitenderi.

Haangatitenderi kuti “isu” tizive. Mwenga. Saka Mwenga haazivi Chisimbiso chechinomwe.

Saka, Mwenga chikamu cheRuzhinji rusina charunoziva pamusoro peChisimbiso Chechinomwe. Nekuti hakuna anoziva Chisimbiso chechinomwe.

63-0324 CHISIMBISO CHECHINOMWE

Zvino, kana tepi rino rikawira mumaoko evamwe vanhu kumwe kunhu, musaedze kuriita “chiizimu”. Chinhu chimwechete chamunoita, munoenderera mberi nekushandira Mwari. Nekuti chakavanzika chikuru ichi chakakura kwazvo zvekuti Mwari haana kana kutendera Johane kuzvinyora. Zvakatinhira, asi Iye, achiziva … akavimbisa kuti zvichazarurwa.

Asi kusvika nhasi, hachisati chazarurwa.

... Zvino, ndicho chisimbiso chechinomwe. Chichiri chinhu chinoonekwa.

Hatizivi kuti chimbori chii, nekuti hachitenderwi kuzarurwa.

Tarirai anoti, “hati” zvivi Chisimbiso chechinomwe. Saka Mwenga anosanganisirwa “paruzhinji” rusingazivi Chisimbiso chechinomwe.

63-0728 KRISTU NDIYE CHAKAVANZIKA CHAMWARI CHAKAZIVISWA

Chakavanzika chaMwari chikuru chekuti, chakavanzika. Aizvivanza. Hakuna munhu akaziva chiro pamusoro pacho. Chero vatumwa havana kunzwisisa. Mazviona. Haana kuchizivisa. Ndicho chikonzero, pasi pechakavanzika chedu chechinomwe, chisimbiso chechinomwe pachakazarurwa, pakaita runyararo. Jesu, paakanga ari panyika, vaida kuziva kuti aizouya rini. Akati, “Hachisi … chero Mwanakomana wemunhu pachake haazivi kuti zvichava rini.” mazviona, Mwari akavanza izvi. Zvakavanzika. Ndicho chikonzero kwaive nerunyararo Kudenga kwehafu yenguva, Kutinhira Kunomwe kunoreva mazwi ako, Johane akarambidzwa kunyora, mazviona, Kuuya kwaShe.

Ndicho chinhu chaasati azivisa, kuti anouya sei, uye kuti anouya rini. Chinhu chakanaka kuti haana kuzvizivisa. Kwete.

1964 -0719 MUTAMBO WEHWAMANDA

Chisimbiso chechinomwe hachisati chazarurwa, munozviziva. Ndiko Kuuya kwake.

Hamugoni kutaura kuti Zvisimbiso Zvinomwe zvakazarurwa nekuti Chisimbiso cheChinomwe hachina kubvira chazarurwa.

Munogona kutaura kuti zvisimbiso zvinomwe zvakaziviswa nekuti akazivisa chisimbiso chechinomwe sechakavanzika chakazara.

Saka, tinoziva kuti toisa chisimbiso chechinomwe muboka ripi. Chakavanzika chatisingagoni kuziva kusvikira chaitika. Uye hachna kumboitika mumazuva ehama Branham.

63-0324 CHISIMBISO CHECHINOMWE

Tinoona zvimisikidzo zvagadzirira kuidzosa. Tinoona zvimisikidzo zvagadzirira kudzosa Kereke pahuvepo hwaKristu. Tinoona Mwenga achitora chimiro, achishonga nguwo yemuchato, achigadzirira.

Nguwo yedu yemuchato iShoko rakaziviswa rinova kutenda kwatinozvifukidza nako.

62-0908 DANHO RINO REHUSHUMIRI HWANGU

… Ndinovimba achashongedza hushumiri hwangu korona iyi.

Yekundisiya kuti nditore nguwo yeShoko, ndoshongedza Mwenga wake munguwo dzeShoko.

64-0823 MIBVUNZO NEMHINDURO. 1

Asi vanogona kugamuchira Shoko mukuzara kwaro,

Kwete nekuti ndini ndariparidza, asi nekuti Bhaibheri rinotaura kudaro.

Vanogamuchira izvozvo vakasunungurwa, nekuti vano- Shoko rakatongwa kare.

Zvakataurwa nehama Branham zvinofanira kutidzorera kuMagwaro.

63-0324 CHISIMBISO CHECHINOMWE

Zvino, Chitsauko chechi 8 chinozivisa chiitiko cheChisimbiso chechinomwe pasina chimwe chinoziviswa.

Zvino, hapana chinoziviswa muChisimbiso cheChinomwe. Zvino, hachina chekuita neChitsauko chechi 7 chaZvakazarurwa. Kuziviswa kwechisimbiso chechinomwe kwakanyarara.

… Jesu Kristu ari kutaura ega, kutaura nezvenguva yekupedzisira paakataura zvisimbiso zvese zvitanhatu; paakasvika chechinomwe, akamira.

... Ipapo pakazarurwa zvisimbiso, Mwari (tarirai pano), akasiya kuzivisa chero chiratidzo chechechinomwe. Mazviona? Ndicho chakavanzika chakarurama kuna Mwari.

… akataura Zvisimbiso zvitanhatu sezvamaona, asi kwete Chisimbiso cheChinomwe. Haana chaakataura pamusoro peChisimbiso cheChinomwe kupi zvako.

... “Zvichava rini, Hama Branham?” Handigoni kukuudzai. Handizivi.

... chimwe chezvakavanzika zvezvisimbiso, chikonzero nei chisina kuziviswa, chaive Kutinhira kunomwe kwakareva mazwi ako zvakavapo zvakarurama, nekuti hakuna anoziva chiro pamusoro pako; hakuna kunyorwa.

Kutinhira kwakatakura zvakavanzika zveZvisimbiso zvinomwe. Saka, kana Chisimbiso chechinomwe chakavanzika zvakazara Kutinhira kwakatakura chakavanzika chakazara chinofanira kuva chakavanzika.

Tinogona kuziva chinangwa cheKutinhira asi hatigoni kuziva zvakwakareva.

Chinangwa cheKutinhira ndechekuti Mwenga apihwe kutenda kwekukwira Kudenga nesimba kumaprofita echiJuda.

62-1230 ICHINDICHO CHIRATIDZO CHEKUGUMA HERE BABA

Anoburuka kubva Kudenga, nekuti zvakavanzika zvinenge zvapedziswa. Zvakavanizka pazvinopedziswa, Mutumwa anoti, “Nguva haizovipo zve”, Kutinhira kunomwe kworeva mazwi ako.

[Kutinhira kunoreva chete kana zvakavanzika zvapedziswa nguva yaguma. Munokwanisa chete kubuda munguva kana mane miviri mitsva.]

Ko kana chiri chimwe chinhu chekutizivisa kuti toponda sei mukutenda kweKukwira Kudenga? Ndizvo here?

Tinomhanya here, kana kusvetuka masvingo?

Uye kune chimwe chinhu here chiri kugadzirira kuitika, uye miviri ino, yakasakara, ichashandurwa here?

62-0318 SHOKO RAKATAURWA NDIRO MBEU YEKUTANGA. 1

Tarirai kumvura inouya huru yekukohwa inofanira kupera, kuti vachamhanya sei vachisvetuka masvingo, vachiyambuka, uye kuti vachava sei hondo inouya. Chimbomirai zvishoma. Uh haaa. Rudzi rwembeu dzamuchawana, ndidzo ndudzi dzembeu dzamakadyara. Zvakanaka.

63-0724 MWARI HAADAIDZI MUNHU KUNOTONGWA ASINA KUTANGA AMUYAMBIRA

Oh, kwete vazhinji pakuverengwa kwavo, asi iboka rine simba rinowana hupenyu husingagumi! Akati, “Vachamhanya vonosvetuka masvingo.” hongu, “hondo” yerufu haizovi nekubata pamusoro paro, anomhanya achiidarika.

Achisvetuka “masvingo” pakati pezvinhu zvenyika nezvemweya.

Opinda mumaoko aMwari, muhupenye husingagumi. Ishe Mwari, tinokutendai nekuda kweizvi. Tinoziva kuti nguva yaswedera.

Kutinhira kunomwe kunotipa kutenda kwekukwira Kudenga inova mvura yekukohwa apo Mwenga anoshandurwa muviri wake kuti asvetuke masvingo achibuda munezvenyama kupinda munezvemweya.

Mumashure meKukwira Kudenga mukubwaira kweziso, Simba raMwari rinoyambukira kumaprofita maviri echiJuda. Erija kwemakore matatu nehafu eKutambudzika kukuru anodaidza nzara. Mosesi anodaidza nhunzi.

63-0321 CHISIMBISO CHECHINA

Zvino, takamuona achiuya husiku hwakadarika nemunondo wake mukuru kuzouraya. Takaona kuti akaurawa meMunondo zvakare, munondo weShoko. Shoko raMwari, rakapinza, rinocheka nekwese. Rinomuuraya, romuwisa.

Mirai kusvikira Kutinhira kunomwe kwareva mazwi ako kuboka rinogona kutora Shoko raMwari roriisa pakadaro apo. Rinocheka nekugura. Vanovhara matenga; vanogona kuvhara ichi kana icho, zvese zvavanoda. Ngaakudzwe.

Achaurawa neShoko rinobuda mumuromo make; rakapinza kudarika munondo unocheka nemwese. Vanogona kudana mazana emabhiriyoni enhunzi kana vachida. Amen. Chero chavataura chinoitika, nekuti iShoko raMwari riri kubva mumuromo maMwari. Amen.

63-0324 CHISIMBISO CHECHINOMWE

Munoziva patinoenzanisa Magwaro pano kuna Mateo 24 nezvisimbiso zvitanhatu, Chisimbiso chechinomwe chakasiiwa; nekuti (Muri kuona?) Kristu akati Mwari ega Amene Ndiye anoziva, kwete chero Vatumwa. Hazvishamisi, hazvina kana kunyorwa. Muri kuona, vakanyarara; hakuna chinoitika. Vatumwa havazivi.

Hakuna anoziva kuti ari kuuya riini. Asi kuchave nemazwi manomwe eKutinhira uku achazivisa zaruriro huru panguva iyoyo.

[vatumwa havazivi Chisimbiso chechinomwe. Hama Branham ndivo mutumwa wechinomwe. Saka, havaziviwo Chisimbiso chechinomwe. ]

Saka, ndinotenda, isu vano … kana tisingachizivi, uye ti-- ti-- hachingazivikanwe kusvikira nguva iyoyo, asi chichaziviswa zuva iroro, munguva yachichaziviswa. Saka, chinhu chatinofanira kuita kutendeka pamberi paMwari nekumushandira, toita zvese izvozvo zvatinogona, torarama hupenyu hwechiKristu hwakanaka.

Pano ikozvino, tinoona kuti chisimbiso chechitanhatu chakazarurwa kwatiri, tinochiona, tinoziva kuti chisimbiso chechinomwe ichi hachigoni kuzarurwa kuruzhinji kusvikira nguva yakwana.

“Isu”, “tino”, “ruzhinji”. Saka tiri chikamu cheruzhinji rusingazivi.

Kutaura kwake kunotevera kunoti, }Hakuna anoziva.”

Saka Mwenga akasanganiswa kwazvo neruzhinji.

Vaparidzi vemharidzo vanoda kwazvo kutaura kuti ndivo Mwenga anonzwisisa Chisimbiso cheChinomwe uye Ruzhinji ndivo vasikana mapenzi vasinganzwisisi. Asi hama Branham vakati Ruzhinji harugoni kuziva, vanoti zvaireva kuti vasikana mapenzi havagoni kuziva asi Mwenga anokwanisa kuziva. Kutaura kwakaipa.

Kana zaruriro isingagoni kuputswa kuruzhinji, vanogona kunzwa hama Branham vachitaura, zvinoreva kuti hakuna anokwanisa kuwana zaruriro.

63-0324 CHISIMBISO CHECHINOMWE

Tinoona kuti Kristu, Gwaiana rakatora Bhuku muruvoko rwaro, akazarura Chisimbiso cheChinomwe. Asi munoona, ndicho chakavanzika chakavanzwa. Hakuna anochiziva. Asi zvinofambidzana nezvaakataura. Hakuna angazive Kuuya kwake; havangazivewo pamusoro pechakavanzika cheKutinhira kunomwe. Saka munoona zvinofambidzana.

Tine kunzwisisa pamusoro pazvo nhasi, nekuti zvimwe zvacho zvese zviri kuziviswa, asi ichi hachisi kuziviswa. Asi ndigere mumba mangu ndakanzwa izvi, kana kusazvinzwa, pachinzvimbo ndakaona zvichiratidzwa kukutinhira kunomwe. Zvino, ndizvo zvatinokwanisa kuita. Zvino ndinotenda kuti mumwe nemumwe wenyu achabatira Mwari, nekuita zvakanaka, nekuMuda hupenyu hwenyu hwese, nekumushandira, Mwari anozoita zvimwe zvese.

[Kutinhira kunomwe [Kutinhira kunomwe ndizvo zvega zvatinoziva nekuti Kutinhira kunomwe kwakavanzika zvekuti hatigoni kukunzwisisa nekuti kuchareva nguva inouya, mumashure merumuko.]

Zvino, tine mukupedzisa pano nhasi, nenyasha dzaMwari, zvakavanzika zvese zvezvisimbiso zvinomwe zvakasimbiswa, tinonzwisisa nekuziva pano kuti Chisimbiso cheChinomwe hachisi kuzozivikanwa neruzhinji.

… munoziva, akataura ipapo, “Chii chichaita chiratidzo chekuuya kwemagumo enyika?” Kuna Mateo 24, ikoko pavakamubvunza mubvunzo iwoyo, akadzika ipapo. Akataura pamusoro peIsraeri kuti ichaunganidzwa muvhesi 31 raMateo 24:31. Asi ipapo takatanga nemifananidzo. Mazviona? Munoona ipapo, “dzidzai mufananidzo wemuwonde. Mukauona uchitungira, nei, munoziva kuti pfumvudza dzakusvika.” uye, “Kana mukaona izvi zvichizadziswa, moziva kuti nguva yaswedera.”

[Jesu akataura pamusoro peChisimbiso chechitanhatu kuna Mateo 24. Asi haana kubvira ataura pamusoro peChisimbiso chechinomwe. Bhaibheri harina kubvira rataura pamusoro peChisimbiso chechinomwe, kunze kwekuna Zvakazarurwa 8:1, sezvo chiri chakavanzika chakazara chinoitika pakupera kwenguva yekereke yechinomwe.]

63-0324 CHISIMBISO CHECHINOMWE

Honai Israeri iri kuungana zvakare mumusha mayo. Asi mukatarisa ari kuviga zvakare zaruriro yeChisimbiso chechinomwe. Uye pano Chisimbiso chechinomwe, paAnochizarura, anochiviga zvakare. Mazviona? Saka tinoona kuti ndicho chakavanzika chakazara, saka, nguva haisati yakwana yekuti zvakavanzika izvi zvizivikanwe, saka, patasvika apa zvimwe zvese zvichazivikanwa nguva yakapoteredza kuonekwa kwaJesu panyika achivinga Mwenga wake, kana chero chinhu chinoitika nguva iyoyo.

Zvino, kusvika nguva iyoyo, ngatingonamatei nekurarama hupenyu hwakanaka hupenyu hwechiKristu hwakarurama, takatarisira Kuuya kwake.

… zvino pano Zvisimbiso Zvinomwe, paanozvizarura, anozviviga zvakare. Mazviona? Tinoona kuti ndicho chakavanzika chakazara, saka, nguva haisati yakwana kuti zvakavanzika izvi zvizivikanwe, saka, tiri pano uye zvimwe zvese zvichazivinanwa nguva yakapoteredza kuonekwa kwaJesu panyika achivinga Mwenga wake, kana chero chinhu chinoitika nguva iyoyo.

Muna 1962 Hama Braham vakazivisa musiyano pakati peKuuya kwaShe neKuonekwa kwaShe. Asi mune rimwe gore rega rega vakatora kuonekwa neKuuya sechinhu chimwechete, nekuti zviri pachena mune zvavakataura zvitatu zvatabva kuratidza izvi.

Chisimbiso Chechinomwe chichaitika chete kana Jesu auya kana kuti aonekwa achivinga Mwenga wake. Hatizivi kuti zvichava rini.

Zvakavanzika zvekutinhira zvakaipisisa kana tikazvikanganisa

Vaparidzi vemharidzo vakaedza kutsanangura Kutinhira Kunomwe vakangofanana nevari kudzidzira vari kuvarairwa vachitenderera nebhomba rakuda kuputika. Vanongokonzeresa zvakaipa chete sezvo vachinyengera vanhu. Mubairo wekutadza kunzwisisa Kutinhira kunomwe wakaipisisa, sezvo muchatumirwa muNguva yeKutambudzika Kukuru kunoripira zvitadzo zvenyu. Ikoko munourawa nenzira inorwadza.

Mapoka emharidzo akashandisa kutaura kwakasiyana siyana kuumba nduzi dzetsvanangudzo dzinodarika 20 dzekutinhira. Saka, vakawanda vanotenda kumharidzo vakanyengerwa kupinda munzira yakaipa.

63-0324 CHISIMBISO CHECHINOMWE

Ndakaita zaruriro inoratidza … iri muhutatu.

Kuti ndichataura nerubatsiro rwaMwari kutambanudzwa kwakwo. Uye imi … Ngatitangei kuenda apo. Pano pane zaruriro yekutanga chatingati … Ndoda kukuudzai kuti chimbori chii. Chinoitika ndechekuti Kutinhira kunomwe ikoko kwaakanzwa kuchitinhira akarambidzwa kunyora mazwi ako, ndizvo zvakavanzika zviri mukutinhira kunomwe kunotevedzana kuchireva.

Zvino, nei? Ngatizvitsigirei. Nei? Ndicho chakavanzika chisina anoziva nezvacho. Johane akarambidzwa kunyora nezvazvo, chero kunyora micherechedzo pamusoro pacho. Nei?

Ndicho chikonzero nei kwaive kusina chaiitika Kundenga; zvaizozivisa chakavanzika.

Muri kuzviona here? Zvakakurisa zvinofanira kusanganisirwa, nekuti zvinofanira kuitika, asi asi kana Kutinhira Kunomwe,

... pano pane kutinhira kunomwe kwakateedzana, motsi, piri, tatu, ina, shanu, tanhatu, nomwe, chiverengo chakarurama. Kutinhira kunomwe kunoteedzana, hakuna kureva, … kuita motsi, piri, tatu, ina, shanu, tanhatu, nomwe kwakateedzana. Matenga haana kunyora izvozvo. Matenga haaifanira kuziva, hakuna chimwe, nekuti hakuna chekuita. Inguva yerunyararo. Zvaive zvikuru kwazvo kusvikira zvachengeta chakavanzika kubva kuvatumwa. Zvino, nei?

Dai Satani akasangana nazvo, aizokanganisa zvikuru. Kune chinhu chimwechete chaasingazivi.

Zvino, anokwanisa kuturikira chero chinhu chaanoda, oteedzera chero chipo (ndovimba muri kudzidza.) asi haagoni kuziva izvi. Hazvina kana kunyorwa muShoko. Chakavanzika zvakazara. Vatumwa, nezvinhu zvese zvakanyarara. Dai vakaita chimwe chinhu zvaigona kutengesa chimwe chinhu, saka vakanyarara, kunyarara kukuru; zvinhu zvese zvakamira.

[Dai Satani akaziva chimwe chinhu pamusoro peKutinhira kunomwe aizokanganisa zaruriro iyoyo okonzeresa kuipa kukuru. Saka, Kutinhira kunomwe kunofanira kuramba kuri chakavanzika chikonzero nei pasina chakanyorwa nezvako. Saka, tese hatina chatinoziva pamusoro pako. Kune ruzivo rwakaipisisa zvekuti hatifaniri kufungidzira nezvazvo. Kana tikapa Satani gwara anokanganisa zvinhu. Kutinhira kunomwe inhau inotyisa inofanira kusiiwa kusvikira parumuko.]

… Kutinhira Kunomwe kwakareva kwakateedzana sekuti kwaitsanangura chimwe chinhu. Tarirai, panguva iyoyo, Johane akatanga kunyora, Iye akati, “Usazvinyora.” Jesu haana kutaura nezvazvo. Johane haana kuzvinyora. Vatumwa havana chavanoziva nezvazvo.

Chimbori chii? Chinhu chakataurwa naJesu chekuti chero vatumwa veDenga havana kuchiziva. Mazviona, mazviona? Haana kuzviziva Iye pachake, akati Mwari ega ndiye anoziva nezvazvo, asi akatiudza kuti kana tikatanga kuona zviratidzo izvi zvakuitika… (Zvino, makusvika kumwe kunhu? Zvakanaka.) Tarirai, tiri kuona zviratidzo izvi zvichiitika. Mazviona? Dai Satani akazvibata.

Kana muchifunga kuti mune chamunoziva pamusoro peKutinhira kunomwe ndapota nyararai. Satani haafaniri kupihwa gwara chero duku zvaro uye anonzwa muchitaura neumwe munhu.

Zvakaipa kuudza muvengi nhau dzenyu.

Satani anogona kuteedzera nekuodza dzidziso dzeMharidzo

63-0324 CHISIMBISO CHINOMWE

Kana ndichironga kuita chimwe chinhu, ndinoziva zviri nani kudarika kuudza munhu nezvazvo. Kwete nekuti munhu iyeye anozoudza vanhu nezvazvo, asi Satani anozvinzwa. Mazviona? Haagoni kuzviwana muhana mangu, kana Mwari akazvipfigira muMweya Mutsvene, saka zviri pakati pangu naMwari. Mazviona? Haana chaanoziva pamusoro pazvo kusvikira wataura nezvazvo, onzwa.

Asi ndakaedza … ndinoudza vanhu kuti chichaita chimwe-chimwe chinhu. Asi tarirai Diaborosi anogura mavhiri ese kuti aone kuti tinosvika sei ikoko, (Mazviona?) kunditangira. Asi kana ndichiwana Zaruriro kuna Mwari ndisingatauri nezvazvo, zvinenge zvakasiyana.

Rangarirai Satani achaedza kuzviteedzera. Achaedza kuteedzera zvese zvinoitwa nekereke. Akaedza kuzviita. Takazviona kupfurikidza antikristu; asi ichi ndicho chinhu chimwechete chaasingagoni kuteedzera. Hakuna fungidziro kana padiki pese pamusoro peizvi, (Mazviona?) nekuti haazvizivi. Hakuna nzira yaangazviziva nayo. Ndiko kukwezva kwetatu. Haana chaanoziva nezvako. Mazviona? Haazvinzwisisi.

... asi munorangarira paakanditora kumusoro uko akati, “Uku ndiko kukwezva kwetatu, hakuna achakuziva”

Satani anoda kuisa Mwenga mukuipa kwedzidziso dzakaipa kuti tinge tisina kugadzirira kukwezva kwetatu neKutinhira kunomwe, pazvinoitika.

Tichatarisa kukanganisa gumi nekusere kwekukanganisa kuzhinji kwakazviswa muMharidzo.

1. Zaruriro yeZvisimbiso zvinomwe yakudaidzwa kuti kuzarurwa kweZvisimbiso.

Kuzarurwa kweZvisimbiso kunofanira kuziviswa zvisati zvazarurwa Kudenga.

Pasati pane chaitika, zvinofanira kutanga kuziviswa.

AMOSI 3:7 Zvirokwazvo Ishe JEHOVA haangaiti chiro asina kumbozivisa varanda vake ivo vaprofita

2. Izwi remutumwa wechinomwe rakudaidzwa kuti Izwi raMwari.

Hazvimo muMagwaro. Hamuna “Izwi raMwari muTestmente Itsva.

64-0823 MIBVUNZO NEMHINDURO. 1

Asi avo vanogona havo kugamuchira Shoko mukuzara kwaro.

Kwete nekuti ini ndini ndariparidza, asi nekuti Bhaibheri ndiro radaro.

61-0108 ZVAKAZARURWA CHIKAMU CHECHINA. 3

Izwi raMwari iShoko rake.

3. Mutumwa wekuna Zvakazarurwa 10 anofanira akaburuka hama Branham pavaive vachiri panyika.

63-0320 CHISIMBISO CHECHITATU

Mutumwa wechinomwe, paachareva, zvakavanzika zvaMwari zvese zvichapedziswa nekutaura kwake. Ipapo mumashure mekunge zvaziviswa, Mutumwa anoburuka kubva Kudenga, anova Kristu.

Kana zvakavanzika zese zvaziviswa chete ndipo panokwanisa kuburuka Mutumwa kuzomutsa vakafa.

63-0320 CHISIMBISO CHECHITATU

Akaenderera mberi akati, muzuva Kutinhira kunomwe kusati kwareva, Zvakavanzika zvese zvinoziviswa.

Kutinhira kunoreva chete kana mutumwa aburuka. Zvakavanzika zvese zvinofanira kuziviswa Mutumwa asati aburuka.

63-0320 CHISIMBISO CHECHINA

Mumashure mekunge Zvisimbiso zvinomwe zvapedziswa, tinoona kuna Zvakazarurwa 10 kuti kwaive neKutinhira kunomwe kwakavanzika kwakapihwa Johane kuti anyore asi achibva azorambidzwa kukunyora. Panguva yeKutinhira ikoko, tinoona Kristu, kana Mutumwa achiburuka nemurarabungu, achiisa imwe tsoka panyika imwe mugungwa achipika kuti nguva haizovipo zve.

Mumashure mekupedziswa kweZvisimbiso zvinomwe chete ndipo panoburuka Mutumwa.

63-0320 CHISIMBISO CHECHINOMWE

Asi tinoona kuti muBhuku raZvakazarurwa pamharidzo yemutumwa wechinomwe, zvakavanzika, zvakavanzika zvese, zvinofanira kunge zvaziviswa nguva iyoyo. (Zvino ndiyo Zvakazarurwa 10:1-7) kuti zvinofanira kuziviswa kunguva iyoyo -- panguva iyoyo paanozviita.

Ipapo Kutinhira Kunomwe kwakareva mazwi ako, Johane aive akuda kumanyora … Zvaive … Johane aiziva kuti, asi haana kuzvinyora, ‘nekuti akarambidzwa kuzvinyora. Zvakavanzika zvakazara. Hazvisitori mumicherechedzo chero chii hacho. Tinongoziva kuti kwakareva. Chete.

Zvakavanzika zvese zvinofanira kutanga zvaziviswa, ndipo pangazoreva Kutinhira kunomwe.

621230 ICHI NDICHO CHIRATIDZO CHEKUGUMA HERE BABA

Chisimbiso (vara guru C-h-i-s-i-m-b-i-s-o). Chinosimbisa zvinhu izvozvo zvakarehwa neKutinhira kunomwe, zvikasanyorwa.
Zviri kuseri kwekupedzisira, kana bhuku rapedziswa.

Haana kutaura kuti, “kumberi.” Akati, “Kuseri,” kana zvese zvapedziswa. Zvino mazwi eKutinhira kunomwe ndiwo ega chinhu, chakanamira paBhuku, chisina kuziviswa. Hazvina kutonyorwa muBhuku.

… Zvisimbiso izvi zviri kuseri kweBhuku. “Zvino panguva yekureva kweMutumwa wechinomwe,

Zvakavanzika zvese zvakanyorwa mu Bhuku zvinopedziswa.

4. Kutinhira kunomwe kwakareva.

Hama Branham havana kubvira vataura izvozvo. Kune ndudzi nefungidziro zhinji dziriko pamusoro peKutinhira kunomwe.

630317 MUSIYANO URI PAKATI PENGUVA NOMWE DZEMAKEREKE NEZVISIMBISO ZVINOMWE

Kutinhira kunomwe pakwakareva mazwi ako, ndaive ndakuda kunyora: ndakanzwa izwi richibva Kudenga richiti kwandiri, Simbisa zvinhu izvi zvarehwa neKutinhira kunomwe usazvinyore. (Zvino, ndizvo zvatisingazivi. Zvichaziviswa; hazvisi muMagwaro Matsvene, zvakarehwa nekutinhira.

[Tarirai. Hazvina kunyorwa muBhaibheri zvakataurwa neKutinhira. Saka musanongedzere zvinhu zvakakosha zvisere zvakanyorwa muBhaibheri.

63-0324 CHISIMBISO CHECHINOMWE

Chinoitika ndechekuti Kutinhira kunomwe uku kwaaive anzwa akarambidzwa kukunyora, ndiko kwaive nezvakavanzika kuseri kwekutinhira kunomwe kwakareva kwakateedzana.

Zvino, nei? Ngatizvitsigirei. Nei?

Ndiko chakavanzika chisina anoziva.

… chimwe chezvakavanzika zveChisimbiso, chikonzero nei zvisina kuziviswa, zvaive kutinhira kunomwe kwakareva mazwi ako zvaivepo zvakanakisa ,

Nekuti hakuna chinoziva chinhu nezvacho;

Hazvina kana kunyorwa.

5. Tinoziva zita raJesu idzva.

(Kune ndudzi dzakawanda dzakasiyana dzefungidziro dzezita idzva iri.)

1965 NGUVA YEKEREKE YEFIRADHEFIA- BHUKU RENGUVA DZEMAKEREKE CHITSAUKO 8

Zita rangu idzva. ZVESE pazvichava zvitsva, achazvitorera Zita idzva Zita iroro richava Zita reMwenga zvakare.

Kuti zita iri nderekutii hazvitodi kufungidzira.

Inofanira kuva zaruriro yemweya inopihwa zvekuti hakuna anokwanisa kuriramba. Asi hazvirambiki Achasiira zaruriro iyoyo kuzuva apo richava zuva raanenge oda kupa zita iroro.

Bvumai kuziva kuti chichava chinhu chakanakisa kudarika zvese zvataifungira.

Mugore rekupedzisira rehupenyu hwake, aive asingazivi kuti zita idzva raJesu raive rekutii.

63-0318 CHISIMBISO CHEKUTANGA

Uye Jesu, Zita rake panyika raive Mudzikinuri, Jesu. Paaive panyika, aive mudzikinuri; ichokwadi. Asi paakakunda rufu negehena, akazvikurira, akakwira kudenga, akagamuchira Zita idzva. Ndicho chikonzero nei vachidanidzira sezvavanoita asi vasina chavanowana.

Richaziviswa muKutinhira.

Jesu ari mumuviri wake wenyama waigona kutifira aidaidzwa kunzi Jesu. Mumiviri yedu izere zvivi, tinoda Jesu ari Muponesi wedu kuti atinatsve kuzvivi zvedu. Tinoda muponesi kusvikira panguva inoshanduka miviri yedu, pakarepo, tichipinda mumiviri yedu isingawori. Ipapo tinenge tisisatadze zvakare tinenge tisisadi zita rekuti Jesu kuti atinatse kubva kuzvivi.

Ipapo chete ndipo pachaziviswa zita raJesu idzva kwatiri. Richaparadzanisa zvakazara Mwenga kubva kuvasikana mapenzi.

Jesu paakamutswa mumuviri Wake usingawori usingafi, akagashira Zita idzva richange risingazivikanwe nevanhu vose vanenge vachiri mumuviri uzere zvivi.

ZVAKAZARURWA 19:12 Akanga ane zita rakanyorwa risina kuzivikanwa nemunhu, asi naiye bedzi.

Saka, hatigoni kuziva zita idzva ikozvino mumiviri yedu izere zvivi tinoda ropa raJesu kuti ritinatse nekutiregerera zvivi zvedu.

Rangarirai, Mwenga paanotora zita rake idzva remurume wake haazoshandisi zita rake dzaru rekwababa vake.

Mwenga kana, mumuviri wake usingawori, atora zit idzva raJesu haazodzokeri kuzita dzaru raJesu zvakare.

Hamugoni kutaura kuti munoziva zita idzva raJesu motendeuka zvakare muzita rekuti Jesu.

6. Mutumwa wekunaZvakazarurwa 10 akaburuka.

64-0119 SHAROMI

Kana Mutumwa, wekunaZvakazarurwa Chitsauko 10, akaisa tsoka imwechete panyika imwe mugungwa, murarabungu pamusoro pemusoro wake, Anopika, “Nguva haizovipo zve.” kana nguva iyoyo yakwana, muchamutswa pakati pevakafa. Vamwe vavo vese varere pakadaro apo, muchapinda.

Mutumwa wekunaZvakazarurwa 10 anouya kuzomutsa vakafa.

63-1110 MWEYA IRI MUHUSUNGWA PARIZVINO

Asi pasi peChisimbiso chechitanhatu, pakazarurwa Hwamanda. Rangarirai, pasi ipapo, tinoona kuti Gwaiana rakauya, rikaonekwa. Raive rabva paChigaro cheTsitsi. Mabasa ake edzikinuro aive apera. Akaburuka akatora Bhuku kubva muruoko rwerudyi rweuyo agere pachigaro chenyasha, ipapo “Nguva yaive yaguma.” Pakarepo mutumwa akaonekwa muChitsauko chechi10 muvhesi rechinomwe, achiti …

Mutumwa akaburuka akapika, kuti, “Nguva haizovipo zve”.

Nguva inoguma kana mutumwa aburuka.

Muchiri munguva apo muviri wenyu unochembera pakufamba kwemakore vana venyu nevazukuru vachikura.

Kana miviri yenyu yashanduka kupinda mukusawora ndipo pamuchabuda munguva.

63-0321 CHISIMBISO CHECHINA

Zvino, Zvisimbiso Zvinomwe zvakasimbisa Bhuku iri, neZvisimbiso zvinomwe, … Zvino, ... Uye kana Zvisimbiso zvinomwe zvapedziswa, tinoona kuna Zvakazarurwa Chitsauko 10 kwaive neKutinhira kunomwe kwakavanzika kwaive kwapihwa Johane basa rekuti anyore asi achibva azorambidzwa kukunyora. Panguva yekutinhira uku, tinoonaKristu, kana Mutumwa achiburuka nemurarabungu, achiisa tsoka panyika nemugungwa achipika kuti nguva haizovipo zve ipapo.

64-0719 MUTAMBO WEHWAMANDA

Zvisimbiso zvinomwe hazvisati zvazarurwa, ndiko Kuuya Kwake.

Kutinhira neMutumwa zvinoitika chete kana Zvisimbiso zvinomwe zvapedziswa. Asi Zvisimbiso zvinomwe ndiko Kuuya kwaShe izvozvo zvinoitika chete pakupedzisira. Mutumwa anoburuka kuzomutsa vakafa ndipo chete panozoreva Kutinhira kunomwe.

7. Gore guru rinoshamisa rakaonekwa muna 1963 raive Mutumwa wekuna Zvakazarurwa 10

Kwete. Gore rinoshamisa remuna 1963 raive chiratidzo Kudenga cheMwanakomana weMunhu.

65-0718 KUEDZA KUSHANDIRA MWARI ASI HUSIRI HURONGWA HWAMWARI

Zvino muimba huru iyoyo yeongororo, kuti nyika haizovi nechiro, vachiri kunetseka kuti chii chakaitika. KuTucson, imo muongororo huru vakatora mufananidzo waro riri kumusoro ikoko; vachiri kunetseka kuti chii chakaitika. Chimbori chii? Vachiri kuisa pepa, “Kune munhu anoziva here kuti chii, kuti zvakaitika sei?” Hakuna makuti kumusoro ikoko, hakuna mhepo, hakuna hunyoro; mamaira makumi matatu kumusoro kudenga. Oh, mai!

“Zviratidzo zvichavako kumusoro Kudenga. Kana zvinhu izvi zvakuitika, kudengenyeka kwenyika nzvimbo dzakasiyana, chiratidzo chichaonekwa kudenga, cheMwanakomana wemunhu.”

62-0318 SHOKO RAKATAURWA NDIRO MBEU YEKUTANGA 1

Chinangwa changu, ndinotenda, chandakadaidzirwa naMwari. Ndinofanira kutaura zvimwe zvinhu zvehupenyu hwangu nhasi, nekutii ndizvo zvandakakuudzai kuti ndichaita, mazviona, ndoudza nyika. Chinangwa changu, ndinotenda kunyika, ndechekuti (Chii?) ndechekukura nzira yekuuya kweShoko, mazviona, Shoko rinouya rinova Kristu.

Kukanganisa kukuru kwakaitwa nevatendi vemharidzo ndekwekufunga kuti hama Branham ndivo vakakura nzira yaJesu ari Munhu, sezvaive Johane Mubapatidzi. Kwete hama Branham vaive mukuri wenzira yaJesu ari Shoko raMwari rakaziviswa richadzorera Mwenga kunotenda zvakatendwa nekereke yekutanga.

Gore rinoshamisa iri rakaitwa nevatumwa pamusoro peguta reFlagstaff muArizona raive chiratidzo chenyeredzi yeEksodo yeChitatu. Chimwe chinhu chikuru chaive chichida kuitika. Mazuva masere akatevera musi wa 8 Kurume 1963, vatumwa vanomwe vakauya kuhama Branham paSunset Peak, pedyo neTucson, kuzovapa Basa rekuzivisa Zvisimbiso zvinomwe zvavakaita pakati pa17 Kurume na 24 Kurume 1963. Zvisimbiso zvakaziviswa zvakazarura zaruriro yezvakavanzika zveBhaibheri (muhuzhinji) kutiratidza zvakaipa zvese zviri mumakereke.

Makereke ese eRaodikia akatumwa kuna Zvakazarurwa Chitsauko 3. Saka, chakavanzika chaMwari chakadzama (chimwechete) chiriko kumunhu umwe nemumwe muMwenga kuti adzokere kuzvitendero zveTestamente Itsva zvekereke yemapostora.

Hama Branham vakaparidza Mharidzo kubva kuMagwaro. Asi ikozvino tinofanira kugona kuparidza Mharidzo kubva muMagwaro zvakare. Hatifaniri kutsiva Magwaro nezvavakataura. Tinofanira kushandisa zvavakataura kuti tinzwisise Bhaibheri.

8. Kutinhira kumwechete kwakareva apo Chisimbiso chekutanga chakazaruka.

Mumwedzi wekupedzisira wehupenyu hwake hama Branham vaive vachiri vakamirira Kutinhira kumwechete, kudanidzira kweMharidzo yakaitwa neMwenga pavakawana zvakavanzika neIzwi reMutumwa mukuru kana Mutumwa mukuru achiuya kuzomutsa vakafa.

1965 1127 NDAKANZWA ASI ZVINO NDAKUONA

Kuna Mwari wakanaka, munguva ino, ichava nguva seino apo kuchava nekutinhira rimwe zuva, Mwanakomana waMwari achaburuka kubva Kudenga nekudanidzira, nezwi reMutumwa mukuru, nehwamanda yaMwari, vakafa muna Kristu vachamutswa.

63- 0318 CHISIMBISO CHECHIPIRI
Mwari, batsirai kusatenda kwedu. Kubvisei kwatiri, Ishe.

Tinoda kugamuchira nyasha dzekukwira Kudenga. Tinoda kugona kana Kutinhira kwakavanzika kukareva mazwi ako, kereke yatorwa kukwira kudenga,

Tinoda kugona kukugamuchira, Ishe

9. “Kudanidzira” ndiyo yaive mharidzo yehama Branham.

Vaive vachiri vakamirira “Kudanidzira” mumwedzi wekupedzisira wehupenyu hwavo. Saka, “Kudanidzira” kwaive kusiri ivo vachiparidza chokwadi kubva muMagwaro.

1965-1127 NDAKANZWA ASI ZVINO NDAKUONA

“Kudanidzira” hakusi hama Branham vachizivisa chokwadi chezvakavanzika zveBhaibheri kubva muMagwaro.

“Kudanidzira” Mwenga achitaura mharidzo yehama Branham kubva muMagwaro.

62-1111 NEI NDICHIPIKISA CHITENDERO CHAKARONGWA

Tarirai, Chitsauko 19 ndicho chinotevera, “Mumashure mezvinhu izvi.” Makaona here muchitsauko 19, “Mumashure mezvinhu izvi”? Kuona chii? Mumashure mechii? Mushure mumharidzo yekuti “ Budai maari!”

‘Mumashure mezvinhu izvi,” tarirai, “Kune kudanidzira kwevatsvene veMwenga,

NeChikomba, vachienda kumuchato weGwaiana.”

10. Jesu akauya.

1963-0728 KRISTU NDIYE CHAKAVANZIKA CHAMWARI CHAKAZIVISWA

Zvino, Kuuya kwaShe kwakavanzika. Hatizivi kuti ari kuuya riini, ari kuuya sei, asi tinoziva kuti ari kuuya. Mazviona?

Ndizvo zvaive zvakavanzika zvaMwari akamirira zuva rekupedzisira. Mumashure mekupedziswa, anozivisa nekuratidza zvaakaita. Oh, mai!

Haana kubvira apa chakavanzika chake mukuzara kwacho.

Kutaura uku kwakaitwa mwedzi yakati kuti mumashure mekuonekwa kwegore rinoshamisa remuna 1963 nekuparidzwa kweZvisimbiso zvinomwe.

1965-0725 CHII CHINOKWEZVA PAMUSORO PEGOMO

Tinotumira kwaziso kumakomo, Prescott, Arizona, nekuhama Leo Mercier neboka ravo riri kumusoro ikoko

Vakamirira Kuuya kwaShe.

Tinotumira kwaziso kune vari kuTucson, vakaungana husiku huno,

Vakamirira Kuuya kwaShe.

Pasi kuHouston, Texas neavo vari

Kumirira Kuuya kwaShe.

Kumusoro kuChicago, neavo vari

Kumirira Kuuya kwaShe.

Kumusoro kumahombekombe ekuMabvazuva, New York nConnecticut, nemapoka makuru kumusoro ikoko,

Vakamirira Kuuya kwaShe.

1965 ndiro raive gore rekupedzisira rehupenyu hwake.

62-0712 TICHAONA JESU

Ndinotenda mukuuya Kwake, muviri wenyama, uchiburuka kubva Kudenga nekudanidzira,

Nezwi reMutumwa Mukuru, nehwamanda yaMwari. Vakafa muna Kristu vachamutswa. Asi Mweya wake uri pano nesu.

Jesu mumuviri wenyama haasati amboburuka mumuviri wenyama.

11. Jesu akaonekwa.

63-0324 CHISIMBISO CHECHINOMWE

Saka, tinoona kuti ndicho chakavanzika chakazara, saka, nguva haisati yakwana kuti zvakavanzika izvi zvizivikanwe, saka, ndipo patiri apa zvimwe zvese zvichazivikanwa nguva yekunge Jesu akuda kuonekwa panyika zvakare achizotora Mwenga wake, kana chero chinoitika nguva iyoyo.

Kuonekwa kwaJesu kuchiri munguva inouya.

12. Tsitsi dzakapera.

63-0324 CHISIMBISO CHECHINOMWE

Ndinotenda Mwari neShoko rake; ndinomutenda nekuda kwaJesu Kristu. Nekuti dai asina kumutuma kuzoripira zvivi zvedu, tingadai tiri mumatope makuru ezvivi pasina tariro. Asi nyasha dzake, Ropa Rake-Rake rinonatsa zvivi zvese. Sedonhwe rehingi mumugomo wekirorokisi, hamuzoone hingi iyoyo futi. Kana zvivi zvedu zvareururwa, zvinoiswa muropa raJesu Kristu; hazvizozivikanwe zvakare. Mwari anozvikanganwa; zvinoita sezvisina kumboitwa. Uye kana chipiriso chiripo chichitinatsira, ndizvo zvese … ndizvozvo. Mazviona? Hatisi vatadzi zvachose; tiri maKristu nenyasha dzaMwari.

Izvi ndezvechokwadi here? (Ndinofara ndine izvi.)

Tinotarira nekunamata – tinotarira mitsetse yeminamato, zvinoita sekuti vamwe vachiri kusangana netsitsi.

Zvino, ndiwo mubvunzo wekutanga, mune miviri.

64-0830 MIBVUNZO NEMHINDURO 3

“Idzi itsitsi here?” musafe makafunga izvozvo.

Mazviona? Rambai muchiita zvamunogona kusvikira matorwa. Mazviona?

“Tinoona muminamato kuti vamwe varikuwana tsitsi” Chokwadi. Tsitsi- masuwo anozaruka … muminamato munowana tsitsi, zviri pachena.

Dai ndaiziva kuti Jesu ari kuuya masikati ano, ndingadai ndiri kuita zvandiri kuita izvozvi (Mazviona?), kungoenderera. Tsitsi dzagara dzakazarurwa. Mazviona?

63-0324 MIBVUNZO NEMHINDURO PAMUSORO PEZVISIMBISO

Hama Branham, kugoverwa kwenyasha kuchaguma here kana mazarura Zvisimbbiso Zvinomwe?

Ndinovimba kwete. Kwete, kwete, shamwari, musazviise mupfungwa parizvino.

63-0324 MIBVUNZO NEMHINDURO PAMUSORO PEZVISIMBISO

Vavhangeri vanofanira kuenderera mberi nebasa here?

Nguva ino, hongu, vanorevei. Kazhinji, nenzira dzese; musashandure chinhu. Kana Jesu achiuya mangwanani, paridzai nhasi kunge achava makore gumi kubva nhasi, asi raramai kunge zvichava nhasi.

13. Nguva yakaguma.

Nei muchitarisa chiringazuva mazuva ese? Kana nguva yakaguma, hamuzodi chiringazuva kana karenda. Hamuzotangi gore idzva. Mabhavhadhe enyu haasviki, kana dzimwe mhemberero.

63-0324 CHISIMBISO CHECHINOMWE

Tinofanira kurangarira Chisimbiso chechinomwe ndiko kuguma kwenguva kuzvinhu zvese.

64-0719 MUTAMBO WEHWAMANDA

Chisimbiso chechinome hachisati chazarurwa, ndiko Kuuya kwake.

Nguva dzinogona kuguma chete paChisimbiso chechinomwe. Asi Chisimbiso cheChinomwe hachisati chazaruka saka nguva haikwanisi kunge yakaguma.

14. Tiri kurarama muMereniyamu.

Asi muMereniyamu Mwenga achange aine muviri wekubwinya vasikana mapenzi vese vachange vafa.

64-0830 MIBVUNZO NEMHINDURO 4.

MUBVUNZO Kupera kwenguva yekereke yakadzima, Mwenga anodanwa, tinenge tatopinda munguva yeKutambudzika here?

MHINDURO Kwete, kwete, kwete, muri … Ndinoshuva kuti dai ndaiwana nguva yakati wandei pane izvi. Mazviona, mazviona? Mwenga, kana atorwa kubva mukereke, ipapo nguva yekereke inoguma. Raodikia inopinda mumatambudziko; Mwenga anopinda mukubwinya; nguva yeKutambudzika inopindira pamusoro pevasikana mapenzi kwemakore matatu nehafu apo Israeri inosangana nemaprofita; nguva yeKutambudzika inopindira pamusoro peIsraeri.

Kwouya hondo yeAmagedhoni inoparadza zvinhu zvese.

Ipapo, Mwenga anodzokera meChikomba kwemakore 1000, kutonga kweMereniyamu.

1965 NGUVA YEKEREKE YEPERGAMEAN – BHUKU RENGUVA DZEMAKEREKE CHITSAUKO 5.

Iri izuva remunhu. Kuita kwemunhu, mabasa emunhu, kereke yemunhu, mazano evanhu ekunamata, zvese zvavanhu, nekuti inyika yevanhu(kosmosi). ASI ZUVA RASHE RIRI KUUYA. Hongu, riri kuuya. Kungoti nguva ino yezaruriro yaJesu Kristu, Johane akatorwa kukwira kudenga neMweya akaiswa muMweya kusvitswa pazuva iro guru riri kuuya. Zuva raShe ndeapo panenge paguma mazuva evanhu. Hushe hwenyika ino hunoitwa hushe hwaMwari wedu.

Zuva rashe ndeapo kutongwa kunowa, mushure maizvozvo kwouya mereniyamu.

Ikozvino nyika inoita zvainoda kuita nemuKristu. Vanomudana mazita ese akaipa, vachimuseka. Asi kuri kuuya zuva iro guru pavachachema nekuungudza, nekuti Gwaiana riri kuuya nekutsamwa kuzotonga nyika. Ndipo vakarurama pavachaita zuva ravo naShe, nekuti vasakarurama vachatsva vakarurama vachafamba pamusoro pedota ravo vachipinda mumereniyamu.

MARAKI 4:3 Muchatsikira vakaipa pasi, nokuti vachava madota pasi petsoka dzenyu; nezuva randichaita izvozvo ndizvo zvinotaura JEHOVA wehondo.

65- 1127 KUEDZA KUSHANDIRA MWARI ASI HUSIRI KURONGWA HWAMWARI

Chigaro chaMwari, chaKristu, chakaiswa mumoyo menyu; agere pachigaro chaMwai, asi muMereniyamu agere Pachigaro Chake; chaanopika kuti achasimudza Munhu uyu, Mwanakomana wake, Mwanakomana waDavidi, kuti agare paChigaro Chake.

MuMereniyamu, Jesu achange aine Chigaro chake muJerusarema.

1065- 1125 KUBATANA KUSINGAONEKWI KWEMWENGA NAKRISTU

Nhorondo yenyika ichaguma nekukasika, ipapo, topinda muzuva idzva, muMereniyamu huru. Iyo, semutendi mumwechete, ndinotenda mu … muMereniyamu kutonga kweMereniyamu naKristu, makore 1000 pamusoro penyika; kudzoka kwaShe Jesu ari munhu wenyama, achisvikotora vanhu venyama, vari munyama yekubwinya, neropa rake rinonatsa.

Mwenga achave nemiviri yekubwinya. Havafambi nedzimotokari nguva iyoyo, vanongofunga votoona vari kwavanoda.

65-0221 KUROORANA NEKURAMBANA

Nekuti akadaidzwa “Mwanakomana wemunhu’ paakatanga kuuya, zvino akudaidzwa “Mwanakomana waMwari,” muMereniyamu achange ari “Mwanakomana waDavidi.” Anouya ari Mwanakomana wemunhu, Muprofita, patinotaura nezvake: anenge ari Mwanakomana waMwari, wemweya unoshamisa.

Munguva huru yeMereniyamu ichauya, achave Mwanakomana waDavidi, agere pachigaro chaDavidi.

Sekuziva kunoita vatendi veBhaibheri vese kuti chivimbiso chemweya chakapiwa naMwari kuna Davidi, aizomutsa Mwanakomana wake kuti agare pachigaro.

Chigaro chaDavidi chaive Jerusarema.

64-1227 MUNOTI UYU NDIYANI

Pasi rese riri kutongwa naDiaborosi. Ndizvo zvakataurwa naJesu chaizvo. Hazvizombonaki kusvikira Mereniyamu kana Jesu auya kuzotora hushe. Asi ikozvino tine matambudziko aya.

Kuchange kusina zvivi muMereniyamu sezvo vaHedeni vasina kubvira vanzwa Evangeri nevakapona paAmagedhoni vachatongwa netsvimbo yedare.

64-0830 MIBVUNZO NEMHINDURO. 4

Vasikana mapenzi vanenge varipo muMereniyamu?

MuMereniyamu vanenge vari muguva. “vamwe vose vakafa havararame kwemakore 1000.”

15. William Branham ndiMwari.

63-0707 KUPOMERWA

Akarovererwepi? Kubva kumapasita. Imi vanyengeri.

64-0830 MI BVUNZO NEMHINDURO. 3

Kundiita munhu waShe Jesu Kristu, kundiita antikristu.

(Muprofita mwanakomana wemunhu. Jesu ega Ndiye Mwanakomana weMunhu. Johane Mubapatidzi akati anofanira kudukupiswa apo Jesu, Shoko anokudzwa.)

16. Zvinotaurwa nehama Branham pamakaseti havatadzi.

62-1007 KIYI YEMUKOVA

… Kuti ndakarurama handitadzi. Kuti hakuna … uye oh, zvimwe zvezvinhu zvakaipisise zvamunganzwe.

17. Zvakataurwa nehama Branham zvakakosha zviri pamusoro peMagwaro akanyorwa.

(Hama Branham havana kubvira vataura izvozvo.)

60-0804 GONDO RAKARINGA DENDERE RARO

Tinoziva kuti Bhaibheri rakarurama.

Harisi izwi rangu; izwi raMwari, achitaura.

65-0801 MWARI WENGUVA INO YAKAIPA

… Kuti vanhu vakatenda mharidzo yekuti Ishe Jesu vakandipa kunguva ino,

Vanogona kuziva zviri kuitika,

Vozviisa muMagwaro.

[Munogona chete kutenda zvaanotaura kana mukazviwana muMagwaro.]

63-1201M MUKURU
Shoko raMwari ndiro mukuru.

63-1226 HURONGWA HWEKEREKE
... Mukuru wangu iShoko, Bhaibheri.

18. Kutinhira kunomwe ndiko hunhu hunomwe.

62-1230 ICHI NDICHO CHIRATIDZO CHEKUGUMA HERE BABA?

“Nguva haizovipo zve.” Akataura kuti nguva haizovipo. Chii chinoitika? Chii chinoitika? Zvingadaro zviri zvaizvozvi here hama? Fungisisai. Kana zvirizvo,

Zvinoreva kuti piramidhi rinofukidzwa neKutinhira kunomwe.

[Kutinhira kunomwe kunoumba musoro wePiramidhi. Saka, hakutauri pamusoro penguva dzese dzemakereke dzinoita Piramidhi. Hakungave kwakareva nguva dzakadarika.]

Munorangarira Mharidzo yePiramidhi?

Ndiwo musoro wekona. Unoitei? Mweya Mutsvene unofukidza munhu akazvimiririra womusimbisa, kana TIKAWEDZERA pane kutenda kwedu.

Hutsvene, kunamata, nekutenda nezvimwe,

Tikaramba tichiwedzera kwazviri tinowana zvinhu zvinomwe. Chechinomwe chaive rudo, runova Mwari.

Ndiwo maitiro aanoita vanhu, omufukidza nekumusimbisa neMweya Mutsvene.

II PETRO 1:5 Zvino nekuda kweizviwo maita kushingaira kwese, wedzerai parutendo rwenyu kunaka, nepakunaka ruzivo,

6 neparuzivo kuzvidzora, nepakuzvidzora moyo murefu, nepamoyo murefu kunamata Mwari,

7 nepakunamata Mwari rudo rwehama, neparudo rwehama, rudo.

65-1128 NZVIMBO IMWECHETE YAKAPIHWA NAMWARI YEKUNAMATIRA

Asi ndiro ibwe rinofukidza chinhu chese, rinoriita piramidhi munguva nomwe dzakazara dzemakereke. Kuwedzera nyasha, kuwedzera izvi, kune kuwedzera kunomwe, chekupedzisira ndiKristu. Wedzerai izvi kutsika dzenyu, kuwedzera nyasha, kunyasha dzenyu, mowedzera zvimwe, nezvimwe, kusvikira zvasvika pana Kristu ibwe remusoro wekona, “Uye Ndini Mukova.”

Hapana mareta manomwe anowedzerwa kune rimwe nerimwe neDombo reMusoro wekona Rudo pasina kuwedzerwa ipapo ndiKristu.

Pane nheyo dzeKutenda nezvinhu zvinomwe zvichiwedzerwa. Chechinomwe chinowedzerwa Rudo.

Asi iroro Ibwe renyu makazvimiririra muri munhu mumwechete sezvo Kristu anokuzadzai neMweya Mutsvene. Musoro wekona unouya makazadzwa neMweya.

Kune Musoro wekona wechipiri kukereke yese uye musoro wekona wekereke ndiko Kuuya kweChipiri kwaKristu. Musoro wekona iwoyo, Chisimbiso cheChinomwe, hachisati chauya.

1965-1128 NZVIMBO IMWECHETE YAMWARI YAKAPIHWA YEKUNAMATIRA

Imwe nguva musoro wekona unodzoka, musoro wayo wese, wotambira Mwenga mauri.

Ndapota, rangarirai kuti zviitiko zvikuru zvichiri munguva inouya, kwete nguva yakadarika.

63-0324 CHISIMBISO CHECHINOMWE

Musi wandakagadza ibwe remusoro wekona, ndikariisa ipapo; ndakanyora ipapo zvaakandiratidza mangwanani iwayo muchiratidzo: “Ivaipo munguva dzose, rairai nekutsungirira nedzidziso, nekuti nguva ichauya pavachatadza kutevera dzidziso dzakanaka, asi vachatevera kuchiva kwavo vachazviunganidzira vadzidzisi vaine nzeve dzinovava vobviswa pachokwadi voiswa pakuropodza.

[Satani ari pabasa guru, achitevedzera nekushandura chokwadi kuchiita chimwe chinhu chisiri muMagwaro asi chinoita sechakachenjera. Satani anoshandisa misoro yevanhu kugadzira mazano akangwara. Mwari vanoshandisa moyo yevanhu kutenda zvakanyorwa muMagwaro.

… chichava chinhu chakanaka kuti haazivi chinhu pamusoro pacho nekuti dai aiziva, aizozviipisa. Ndidzo nzira dzake dzekuita zvinhu. Saka zvakadaro, Mwari vakaita kuti zvivanzwe kunyika yese, chero kumatenga, zvekuti hakuna nzira yekuzvinzwisisa nayo, nekuti Mwari achazvizivisa ega.