Zvakazarurwa 04 Hakuna anoenzaniswa naJesu

We update studies as the Lord Jesus leads us. You can find the latest update of this study at ChurchAges.net

Patinopinda Denga toona Jesu tinoona kuti hatisi chiro kana tichienzaniswa naye nezvaakaita.

First published on the 16th of September 2024 — Last updated on the 16th of September 2024

Tinopinda Denga chete kana nguva dzemakereke dzapera

ZVAKAZARURWA 4:1 Shure kweizvi ndakaona, zvino tarira, mukova wakazaruka kudenga, nenzwi rekutanga randakanzwa rakaita serehwamanda richitaura neni, richiti: Kwira pano, ndigokuratidza zvinhu zvinofanira kuitika shure kweizvi.

“Shure kweizvi”

Mumashure menguva nomwe dzemakereke Zvakazarurwa 2 ne 3 zvaive zvadarika, yaive yasvika nguva yekereke kuti itorwe kukwira Kudenga.

Izwi rimwechete reMagwaro rinotaura kwatiri panyika ndiro Izwi rimwechete richatitora kukwira Kudenga. Kana tikadzidza kuti Magwaro ese haatadzi, Shoko raMwari rinotaura kwatiri nenzira yakajeka sehwamanda inodanidzira. Shoko rinoda kuti titeerere pakarepo.

Shoko raMwari, Bhaibheri reKing James, ratakadzidza kuterera riri chokwadi chizere, ndiro Shoko rimwechete richashandura miviri yedu kuiita miviri isingawori rimwe rezuva. Ipapo ndipo patichatorwa kukwira Kudenga neShoko rimwechete iri. Hakuna musiyano pakati Pake neBhaibheri nekuti Bhaibheri rinotiudza ndangariro dzake. Kana mukatuka Bhaibheri reKing James nechero nzira, munenge muchishoropodza ndangariro dzaJesu. Munenge musingadi Jesu. Mwenga wake achanzwisisa zvakavanzika zveMagwaro nekuti vari murudo nekufunga kwake kunoziviswa muShoko rake.

Chinangwa cherubapatidzo rweMweya Mutsvene ndechekutungamirira isu kuti tinzwisise zaruriro yezvakavanzika zvaMwari.

JOHANE 16:13 asi kana iye asvika, Mweya wechokwadi, achakutungamirirai kuchokwadi chese; nokuti haazozvitauriri pachake,

DANIERI 12:10 Vazhinji vachazvinatsa nekuzvichenesa nokubviswa tsvina; asi vakaipa vachaita zvakaipa: hakuna pakati pevakaipa uchanzwisisa; Asi vakachenjera vachanzwisisa.

Musikana mukadzi asina kuziva murume mhandara anomiririra maKristu ari mukereke.

Vamwe vemaKristu akaponeswa vasikana vakachenjera vamwe vasikana mapenzi, vakanyengerwa nedzidziso dzekereke dzisimo muMagwaro dzisina kunyorwa muBhaibheri dzakaita seTiriniti, Kisimusi, 25 Zvita, Chishanu chakanaka, Renti, pasita ndiye musoro wekereke, nezvimwe. MaKristu akaponeswa vakanyengerwa nehutungamiri hwekereke vanotuka nekushora Bhaibheri reKing James asi maKristu ese ari mukakereke vakarara vakakotsira asi havazvizivi.

MATEO 25:1 Panguva iyo ushe hwekumatenga huchava hwakafananidzwa nevasikana gumi vakatora marambi avo vakabuda kunochingamidza muwani.

2 Zvino vashanu vavo vakange vakachenjera, uye vashanu vari mapenzi.

5 Zvino chikomba chakati chichinonoka, vese vakatsumwaira vakarara.

Kutendeka kuzvitendero zvekereke ndizvo zviri kuvimba nemaKristu akaponeswa.

Vasingazivi zvachose kuti mhere yekumutswa inouya senjodzi kana dambudziko yava pedyo kurova nyika. Ichavamutsa ichivaratidza kusarurama kwemakereke avo yovamanikidza kusiya makereke avo apo vanoona kuti vanofanira kuziva zvinotaurwa ne Bhaibheri.

Kushoropodza chero chikamu cheBhaibheri reKing James zvinoreva kuti Jesu, Shoko, amire kunze kwemakereke.

ZVAKAZARURWA 3:20 Tarira, ndimire pamukova ndichigogodza; kana umwe achinzwa inzwi rangu,

Izwi raMwari iBhaibheri.

Kana vasikana vakachenjera vachida kunzwisisa zvakavanzika zvaMwari (Magwaro akaziviswa) vanofanira kubuda mumakereke avo.

MATEO 25:6 Asi pakati peusiku vakanzwa mhere mhere, Chikomba chouya, budai munomuchingamidza!

Kana maKristu akachenjera akaponeswa, vanotungamidza Bhaibheri reKing James, vakapepuka kuchinhu chekuti makereke anhasi iriva rekunyengera, vachabuda mumakereke vonatsa hupenyu hwavo nezvavanotenda mazviri kuti vave vakaringana kugamuchira Bhaibheri reKing James rakaziviswa.

MATEO 25:7 Zvino vasikana avo vese vakamuka, vakagadzira marambi avo.

Kuchekerera kukanganisa kwezvitendero zvavo kunovamanikidza kumira kushoropodza maKristu anotevera Magwaro.

Noa paakavaka ngarava paingove nemusuwo mumwechete chete wamaikwanisa kushandisa kupinda nawo. Izvi mucherechedzo weDenga. Jesu ndiye Musiwo munofanira kuva nezaruriro yekuti Iye ndiyani musati mapinda. Jesu ndiye Shoko raMwari rakaziviswa rinonzwisiswa nevanhu vake.

JOHANE 10:9 Ini ndiri mukova; kana munhu achipinda neni, achaponeswa, achapinda nekubuda, nekuwana mafuro.

Tinoona Jesu nhasi ari muBhaibheri reKing James rinotiudza ndangariro dzake. Tinofanira kutenda zvese zvakanyorwa muBhaibheri kuti ichokwadi Chikuru.

Tinopinda muShoko kuti tidzidze nekunzwisisa chokwadi.

Tobuda kunoratidzira Chokwadi cheShoko rakaziviswa, kwete mazano edu tega.

Hwamanda ine kurira kukuur inonzwika zvakajeka. Izwi iri raitaura kuna Johane ari ega.

Izvi zvinotaridza kuti Mwari anotaura nemunhu mumwe nemumwe ari ega.

ZVAKAZARURWA 3:14 Nekumutumwa wekereke yeVaRaodhikia nyora uti:

ZVAKAZARURWA 3:20 Tarira, ndimire pamukova ndichigogodza; kana umwe achinzwa inzwi rangu,

Jesu anogogodza pamukova wekereke yeRaodikia.

Asi Jesu haasi kutsvaga kereke yese yakazara vanhu. Ari kutsvaga vanhu vakazvimiririra mukereke vakazvipira kutevera Magwaro zvakazara.

Ari kutsvaga vanhu vakazvimiririra vakashinga kupikisa makereke.

Chiratidzo cheKudenga chinoratidza Munhu umwechete pachigaro chehushe

“Kwira pano”.

Kune wese anonzwa Shoko, Johane anomumiririra.

Kutorwa kukwira Kudenga nguva yeKutambudzika isati yarova nyika.

Kuenda pamusoro pegomo kunotipa muono uri nani. Saka, Shoko raMwari rinotikwidza panzvimbo yeMweya yepamusoro kuti tigone kuona zvakawanda. Rinotipa nzira yakajeka sezvo richitiisa pahuvepo hwaJesu Kristu Shoko raMwari. Saka tinotevera Magwaro zviri nani.

Gwara ratinofanira kufamba naro nderekuti tinofanira kudzorerwa kunotenda zvakatendwa nemapostora ekutanga munguva yekereke yekutanga.

Mbeu yeShoko yakadyarwa iri Testamente Itsva, ikafa paKanzuru yeNicaea muna AD 325 apo izwi rekuti “Tiriniti” risimo muMagwaro rakaziviswa.

Nhasi inodaidzwa kuti Iznik.

Chokwadi cheBhaibheri chakafushirwa mutsvina yeNguva yeRima chaifanira kumera muRumutsiridzo rwaMartin Luther chodzorerwa kumbeu yekutanga kuti goho parinoibva ribviswe padavi rayakaberekwa panyika pakuuya kwaShe.

ZVAKAZARURWA 4:2 Zvino pakarepo ndakava muMweya; zvino tarira, chigaro cheushe chakagadzwa kudenga, nepamusoro pechigaro cheushe umwe agere.

Johane akatorwa kukwira Kudenga nesimba reMweya Mutsvene. Kuita uku kwaive mucherechedzo. Johane ari munhu mumwechete, aimiririra Mwenga apo akatorwa kunosangana naShe. Vhesi iri rinoratidza kuti Mwari anoshanda neMwenga umwe neumwe pachake, kwete neboka.

Pakupera kwenguva yekereke yechinomwe, Mwenga achatorwa kunosangana naShe Kudenga. Mumashure maizvozvo, kuchangouya nguva yeKutambudzika panyika kwemakore matatu nehafu.

Munotanga kuona zvinhu mumweya, parubapatidzo rweMweya Mutsvene.

Pane Mumwechete pachigaro chehushe, saka hakuna Tiriniti. Vanotenda kuTiriniti havatorwi kukwira Kudenga.

Kutarisa zvishoma pazvinhu zvese zvisimo muMagwaro zvinoshandiswa kuedza “kutsigira” Tiriniti.

Titiniti

Triuni

Mwari Mwanakomana

Mwari Mweya Mutsvene

[Asi “Mwari Baba” zviri muMagwaro, asi muTestamente Itsva chete kwete muTestamente Yekare. Nei? Vanotenda kuTiriniti havagoni kuzvitsanangura.]

Tinoenderera mberi nedzidziso dzisimo muMagwaro.

Jesu ari muhuMwari

Mwari Mumwe muVanhu vatatu.

Munhu weKutanga muhuMwari

Munhu weChipiri muhuMwari

Munhu weChitatu muhuMwari

Baba neMwanakomana vakaenzana

Baba neMwanakomana ndevekuita kumwechete

Vanhu vatatu muhuMwari

Kutaura uku kwese hakumo muBhaibheri.

Saka, Tiriniti haimo muMagwaro. Idzidziso yakaitwa nevanhu.

Asi kana muchida kutaura kwakajeka tarisai kuna

VAKOROSE 2:9 Nokuti kuzara kwese kweuMwari kunogara maari pamuviri.

ISAYA 43:11 Ini iyeni ndini JEHOVA, kunze kwangu hakuna mumwe Muponesi.

Saka ngwarirai kuti munoturikira sei kugara kwaJesu kana kumira kwake parutivi rwaMwari sekuti Vanhu vaviri vakasiyana. Nekuti munenge muine muponesi agere kana amire parutivi rwaMwari.

Isaya anoti hamugoni kuwana muponesi kunze kwaMwari, saka mufananidzo unotevera wakakanganiswa.

Magwaro ese anofanira kufambirana. Asi zvinoda kuti tifunge zvakasimba.

Hakuna nzira iri nyore yekusangana nechokwadi.

VAFIRIPI 2:12 Pedzisai kuponeswa kwenyu nokutya nokudedera.

Kunzwisisa Bhaibheri kunoda kushinga.

Jesu ndiye Shoko ari mukubwinya kwemavara akanaka anodakadza

ZVAKAZARURWA 4:3 Iye wakange agere pakuonekwa wakange akafanana nebwe rejasipisi* nesadhio; nemurarabungu wakakomberedza chigaro cheushe waitaridzika sebwe reemaradhi.

Jesu anenge ari pakati pemurarabungu kana masvika Kudenga.

Muri mundege iri mudenga chete ndopamunokwanisa kuona denderedzwa rakazara remurarabungu.

Kana taKudenga chete ndipo patichaona kuti Jesu ndiye oga ari pakati pezvose. Panyika tinofunga kuti zvakanaka zvatinoita kana kuti mumwe munhu ane mbiri ndiye akakosha. Asi tinotarisira pasi kuti waive Mweya waJesu Kristu waive mumunhu iyeye wakaita kuti adaro.

ZVAKAZARURWA 1:2 iye wakapupura shoko raMwari uye uchapupu hwaJesu Kristu, nezvese zvaakaona.

Bhaibheri rinotiratidza nzira. Mweya waJesu uri matiri chete ndiwo unotigonesa kufamba nenzira dzeBhaibheri.

ZVAKAZARURWA 1:9 Ini Johwani, ndiri hama yenyuwo, uye mufambidzani pakutambudzika nemuushe nekutsungirira kwaJesu Kristu, ndakange ndiri pachiwi chinonzi Patimosi, nekuda kweshoko raMwari uye nekuda kweuchapupu hwaJesu Kristu.

Kristu neimwe nzira akaunza Johane munguva yeKutambudzika yekurwadziswa kwehushe hweRoma yemapegani. Kunyengera kwehushe hweRoma kwakaperera mutorongo muchitsuwa chePatmosi. Asi, munguva yairwadza iyiyo, Jesu aizopa Johane chipo chekuona chiratidzo chikuru. Kupupura kwaJesu Kristu kunokugonesai kuona chiratidzo chakadzama panoderera kuda kwenyu. Zvese zviri pamusoro paJesu achirarama mumoyo yevanhu vake. Vanhu havana kukosha. Kukosha ndekwaJesu chete, uyo ari mavari, achivaratidza gwara.

Kupupura kwaJesu Kristu. Izvi zvinotaurwa kaviri muChitsauko chekutanga chaZvakazarurwa. Kudzokorora kunoreva kuti zvakakosha. Tinofanira kuva naKristu achirarama matiri apo anotonga Hupenyu hwedu. Jesu anowana rumbidzo yese pazvese zvakanaka zvatinenge taita.

Kwaive nemabwe gumi nemaviri pachipfuva cheMuprista Mukuru. Ibwe dzvuku rakaita bhurawuni reSardine kana Sardiusi raive rekutanga kouya Jasperi dzvuku rakaita bhurawuni raive rekupedzisira.

(Jasperi rebhurawuni neruvara rutsvuku rinongonzi Jasperi dzvuku.)

Saka, ibwe rekutanga nerekupedzisira aive nerurava rwakafanana. Ibwe Rekupedzisira raifanira kufanana ruvara nebwe Rekutanga.

EKSODO 28:17 Uise mukati mayo zviruva zvine mambe mitsara mina yemabwe, umwe mutsara uve nesardio, netopasi, nekarbunkeri. Ndiwo mutsara wekutanga.

18 pamutsara wechipiri smaragdino, nesafiri, nedaimani

19 pamutsara wechitatu hiakinti, neagati, neanertisi

20 pamutsara wechina beriri, neonikisi, nejaspiri, ngaapotedzwe nendarama muzviruva zvawo.

Sardio ndiro rakatanga kutaurwa. Jasperi rikapedzisira.

Jesu ndiye wekutanga nekupedzisira.

ZVAKAZARURWA 1:17 Zvino pandakamuona, ndakawira patsoka dzake sewakafa; ndokuisa ruoko rwake rwerudyi pamusoro pangu, achiti kwandiri: Usatya; Ndini wekutanga newekupedzisira;

Tinoona Johani akakosha nekuti aive mupostora uye muprofita. Akanyora maBhuku mashanu muBhaibheri.

Asi pahuvepo hwaJesu akawira pasi seakafa.

Tingafa zvakadii ini nemi pamberi paJesu. Simba rake harigoni kutsanangurwa zvakazara.

Murarabungu une mavana manomwe makuru. Rutsvuku. Orenji. Yero. Ruvara rwedenga nerwakati chenerukei rwebhuru. Bhuru yakadzima kana indigo. Vhayoreti.

Murarabungu unomiririra nguva nomwe dzemakereke. Nguva imwe neimwe yakatipa chidimbu cheMwenga wekupedzisira achange akapoteredza Chigaro chaMwari, nekuti Jesu ndiye Murume wedu uye Musoro wekereke.

Tinokwanisa kuona Chigaro chaMwari sehudzamu husingapimiki hwemafungiro aMwari akaziviswa muShoko raMwari.

Dambudziko raMwari kuunza ndangariro dzake padanho ratiri kuti tigone kumunzwisisa.

Tinoda here kuita basa rakaoma kuti tinzwisise ndangariro dzaMwari dzakadzama? MaKristu mazhinji haadi.

II TIMOTIO 2:15 Shingaira kuti uzviratidze kuna Mwari uri wakatendeka, mushandi asingafaniri kunyadziswa, anonyatsoruramisa shoko rechokwadi.

ISAYA 55:8 Nokuti ndangariro dzangu hadzizi ndangariro dzenyu, nenzira dzenyu hadzisi nzira dzangu, ndizvo zvinotaura JEHOVA.

9 Nokuti Denga sezvarakakwirira kudarika nyika, saizvozvo nzira dzangu dzakakwirira kupfuvura nzira dzenyu, nendangariro dzangu kudarika ndangariro dzenyu.

Chigaro chehushe chakafanana neemaraudhi rine ruvara rwegirini. Muchiedza chezuva maziso evanhu anoona ruvara rwegirini kudarika mamwe mavara. Chiedza chegirini chine hurebu hwemawevhi hunoita 555 nanometa. Chiverengo chechishanu chinoyanana nenyasha. Nenyasha chete tinotenderwa kuona Chiedza cheShoko raMwari nezvarinoreva munguva yedu yekupedzisira, nezvaireva Shoko munguva dzakadarika.

Shanu. Jesu ari pamuchinjikwa nevarindi Vana, zvisikwa zvina zvakapoteredza Chigaro cheHushe. Ndidzo Nyasha dzedu padzinorwisa Diaborosi munzvimbo dzeMweya nekutibvisa kubva kuruwoko rwake. Unotitungamirira mugwara rechokwadi.

Kereke ndiyo Muviri waKristu. Zvisikwa zvina zvinochengetedza nekutungamirira kereke munguva nomwe dzemakereke.

Mwari anoda ndudzi ndicho chikonzero nei achiponesa vanhu vendudzi dzese.

Kuona murarabungu, zuva rinofanira kuva riri kumashure kwenyu.

ZVAKAZARURWA 4:3 nemurarabungu wakakomberedza chigaro cheushe waitaridzika sebwe reemaradhi.

Murarabungu unokonzerwa nemadonhwe emvura inonaya. Panyika tinoona hafu yepamusoro yemurarabungu apo madonhwe emvura anosvika panyika. Tinokwanisa kuona murarabungu wakazara kana takwira mudenga kumakore. Tinogona zvakare kuona murarabungu wechipiri une mavara anoenda rutivi rwakasiyana.

Zvinhu zvashanduka.

MaJuda 144,000 ndiwo boka rega richawana Mweya Mutsvene munguva yeKutambudzika.

Mudenderedzwa dzvuku mune mumvuri wemusoro wemutori wemufananidzo. Mumvuri wenyu unenge uri pakati pemurarabungu nekuti zuva rinenge riri kuseri kwenyu. Mimvuri yedu mufananidzo wezvivi zvedu. Zvivi zviri muhupenyu hwedu.

Kuzvida nekuzvitutumadza zvinotonga hupenyu hwedu.

Mufananidzo wemurarabungu wakatorwa kubva mundege. Mumvuri wendege uri pakati pemurarabungu wakaitwa nemadonhwe emvura mumakore.

Kupunyuka kwedu kumwechete kuita Jesu muridzi wehupenyu hwedu. Anotora zvivi zvedu ozvibvisa kwatiri, nenzira imwechete inoshandiswa nechiedza kubvisa mumvuri. Tinobva taita chiedza pachinzvimbo chemumvuri pakati pehupenyu hwedu.

Kudenga, zvivi zvedu zvinotsiviwa nekururama kwaJesu.

Zvinhu zvashanduka.

Ndiwo mubairo wedu weKudenga.

Korona yenyu inouya muviri usingarwadziwe

ZVAKAZARURWA 4:4 Zvino zvigaro zveushe makumi maviri nezvina zvakange zvakakomberedza chigaro cheushe; nepazvigaro zveushe ndakaona vakuru makumi maviri nevana vagere, vakapfeka nguvo chena, uye vakange vane korona dzegoridhe pamisoro yavo.

Vakuru makumi maviri nevana. Mapostora gumi nevaviri vekutanga veTestamente Itsva Pauro akatsiva Judasi nemadzitateguru gumi nemaviri emarudzi eTestamente Yekare.

Nguwo chena. Dzisina kana tsvina. Dzakacheneswa kubva kuzvivi zvese neRopa raJesu.

Kana mavara manomwe makuru ari mumurarabungu akabatana anogadzira ruvara ruchena.

Ruvara ruchena runoreva kuti Mwenga kubva munguva nomwe dzemakereke akabatanidzwa murumuko neKuuya kweChipiri kwaShe pavanotorwa kunosangana naShe kumakore.

Nguwo chena dzevakuru ndiko kururama kwevatsvene.

ZVAKAZARURWA 19:8 Kwaari kwakapiwa kuti amonere mucheka wakaisvonaka wakachena uye unopenya; nokuti mucheka wakaisvonaka ndiwo kururama kwevatsvene.

Korona. “Stefani” muchigiriki.

Korona idzi dzichapihwa chete pakupedzisira kwenguva nomwe dzemakereke. Zvakaipa kuti muKristu apfeke korona nguva iyi isati yasvika. Ishe vanofanira kupa umwe neumwe wedu korona, haigoni kupihwa neboka rekereke.

Iyi ikorona yemitumbi mitatu yakapfekwa zvisiri pamurawo naPope kwemakore anosvika 650 kusvikira vazoisiya muna 1963.

II TIMOTIO 4:8 kubva ikozvino, ndakaisirwa korona yekururama Ishe yavachandipa, mutongi wakarurama nezuva iroro; kwetewo kwandiri ndega, asi nekune vese vanoda kuonekwa kwake.

I PETRO 5:4 Zvino Mufudzi mukuru paachaonekwa muchagamuchira korona yekubwinya [stefanosi] isingabvuruvari.

Asi ndangariro dzaMwari dzakadzama kudarika ndangariro dzedu dzenyika, dzisina maturo.

Korona ichange isiri chinhu chatinopfeka mumisoro yedu. Korona pamisoro yedu mucherechedzo wekuti tichapihwa muviri usingawori usingazorwari kana kufa. Ndiyo korona chaiyo yatichapihwa uri mubairo wekumushandira.

Nenzira imwechete, munondo unobva mumuromo make mucherechedzo waJesu achitaura Shoko raMwari.

56-0304 KUITA NZIRA

Korona yakachengeterwa imi, kwete korona, korona yendarama yavanoisa mumusoro menyu,

Asi muviri usingarwari

Wakashongedzwa korona yekubwinya kwaMwari, wakashongedzwa muhupenyu husingagumi hwaJesu Kristu.

Tsitsi dzinoguma kana Mwenga atorwa kukwira Kudenga

ZVAKAZARURWA 4:5 Nepachigaro cheushe pakabuda mheni nekutinhira nemanzwi; nemwenje minomwe yemoto ichipfuta pamberi pechigaro cheushe, iri Mweya minomwe yaMwari.

Kurova kwemheni nekutinhira. Hachisisiri chigaro chenyasha, chigaro chekutongwa. Kana kereke ikatorwa kukwira kudenga, ipapo tsitsi dzinenge dzaguma.

Kereke isati yashandurwa yatorwa kukwira Kudenga kuchiri neropa pachigaro chetsitsi mutadzi achiri kukwanisa kuponeswa.

61-0108 ZVAKAZARURWA CHITSAUKO CHECHINA. 3

Chaive chii? “Chigaro chetsitsi”. Varipi izvozvi? Mukati mengarava vaive chii? Murairo. Murairo, kudarikira mutemo mumwechete kwaive kufa usina tsitsi. Asi kuva izvozvo maikwanisa kuwana tsitsi, Ropa raifanira kuva paaritari. Rakamwaiwa pachigaro chetsitsi.

Chigaro chetsitsi iaritari yamunopfugama mokumbira kunzwirwa nyasha.

Mwari vanorambidza kuti tidziwane kukereke, aritari yakare uko vanhu vaipfugama vodana Mwari kuti vaitirwe nyasha. Tsitsi dzakanaka, dziri kuerera mahara kubva muropa raJesu. Ikozvino, zvakare, ndidzo tsitsi. Ndicho chigaro chetsitsi nenyasha.

Pese pamunopfugama muchinamata, munokwanisa kukumbira tsitsi.

Asi nguva dzetsitsi dzichapera rimwe zuva apo Mweya Mutsvene unobva panyika wotora Mwenga kukwira naye Kudenga. Ipapo, vanhu vanoiswa kukutya nekurwadza kwenguva isina tsitsi yeKutambudzika Kukuru.

Kubva ipapo zvichienda mberi, hakuna munhu anogona kushanduka. Munoramba muri zvamuri nguva iyoyo.

ZVAKAZARURWA 22:11 Anoita zvisakarurama ngaagare achiita zvisakarurama; neane tsvina ngaagare ane tsvina; newakarurama ngaagare achiruramiswa; mutsvenewo ngaagare achiitwa mutsvene.

Hama Branham vakatsanangura Eksodo yevaIsraeri vachibuda muEgipita.

61-0108 ZVAKAZARURWA CHITSAUKO CHECHINA. 3

Kutongwa!” Wheee! Vakafamba vachibuda Mwari aive avapa nyasha dzekufamba nadzo, asi vaive vakumbira murairo. Mwari vaida kuti vaite zvekungosangana vose pamwechete, asi ivo vaida musangano kubva mauri, chinhu chavaikwanisa kupokana nezvacho, pachinzvimbo chekungotevera Mwari nekurarama pasi pekuda kwake, pasi pesimba rake. Nyasha dzaive dzavapa muporofita , nyasha dzaive dzavapa chipiriso (ngwayana), nyasha dzaive dzavapa zvinhu izvi zvose, asi vaida kutongwa. Vaida zvekuita.

Mwari akati, “Vaunganidze pamwechete, ndichavaudza kuti chimbori chii. Ndichavaratidza kuti chimbori chii.” Verengai! Tererai! Izwi rehwamanda rakawedzera mutinhimira waro kusvikira radengendetsa nyika. Munoona kuti kutongwa chii. Handidi izvozvo. Ndipei tsitsi.

ZVAKAZARURWA 4:5 Napachigaro chehushe pakanga pachibuda mheni namazwi nokutinhira,

“Namazwi”. Kwete Izwi rimwechete.

Tarirai, raramai mharidzo dzenyu. Musaedza kuparidza kana musina kudanwa kuva vaparidzi; munosanganiswa, zvisinei, mokanganiswa, movhiringidza vanhu, hamungazivi nezvazvo... Zvakanaka, muchavarasa pamwechete nemi, zvakare. Raramai zvamunoparidza.

Vaparidzi vakadanwa kuparidza zvake, nekuzvirarama zvakare. Kana musingagoni kuzvirarama, munomira kuparidza. Asi munofanira kurarama mharidzo dzenyu.

Zvakanaka, pano paive “nezwi”. Oh, tinoda sei muJeffersonville zviuru zvemazwi anorarama, kutinhira kwaMwari achitinhira mukutapira nehutsvene, mukururama, hupenyu husina kusvibiswa, huchitenderera panyika nhasi, pasina chipomerwa. Hongu, baba, maKristu echokwadi, anotinhira achipikisa vavengi.

Diaborosi haana basa nekuti unogona kudanidzira zvakadii; Diaborosi haana basa nekuti munogona kutomuka zvakadii kana kuti munongona kuita ichi kana kuridza mhere.

Asi chinorwadza Diaborosi kuona hupenyu hwakanatswa, hutsvene hwakapihwa kuna Mwari.

Taurai chero chinhu kwaari, mudanei chero zita, chero rakanaka sei moenderera mberi.

Oh, maiwe! Zvinomubvisa, ndiko kutinhira kunozunza wakaipa.

Mwari anoratidza Mweya wake munguva nomwe dzemakereke dzakasiyana

ZVAKAZARURWA 4:5 Nemwenje minomwe yakanga ichipfuta, pamberi pechigaro chevushe, iri mweya minomwe yaMwari.

“Mweya minomwe yaMwari” ndiyo kuratidzwa kunomwe kweMweya Mutsvene umwechete. Chinhu chakasiyana cheMweya waMwari chairatidzwa munguva imwe neimwe yekereke kuti chifambirane nekushanduka kwenzira dzaDiaborosi.

61-0108 ZVAKAZARURWA CHITSAUKO CHECHINA. 3

Mweya Mutsvene uripi? Pano paChigaro chehushe. Uchipenya kunguva imwe neimwe yekereke. Nguva ino yekereke iri kuratidzirwa nenzira iyi, izwi raMwari, Jesu Kristu asingashanduke zuro nanhasi nekusingaperi. Tarirai, manomwe aivepo, “mazwi”.

... Izwi rakataura nekutinhira nemheni.

“Mwenje minomwe ichipfuta” Mweya minomwe, “Mweya minomwe yaMwari.”

“Mwenje minomwe ichipfuta moto”.

Vatumwa vanomwe kunguva nomwe dzekereke vakanga vachibvirira Shoko raMwari.

Vaive vasingabviriri kereke.

Vatumwa vatatu vekupedzisira vaifanira kudzorera chokwadi chemapostora chemutumwa wekutanga, Pauro. Chokwadi cheBhaibheri chaive chafa chikavigwa mutsvina yeNguva yeRima yekereke yeRoman Catholic mumashure mekufa kwemuprofita mukuru wechina mutumwa, Columba. Ainyanya kushanda muScotland mumashure mekuziviswa kwemamongu muzvitsuwa zveIona neLindsfarne.

Mwenje mitatu inobvira yekupedzisira yaive kushinga kwaMartin Luther kuGermany akatarisana nekereke yeRoman Catholic yaive nesimba kuti adzorere kuponeswa nenyasha kupfurikidza kutenda. Ndiyo yaive nguva yekereke yekutanga.

Ipapo, rudo pakati pehama nekurongeka zvakauya naJohn Wesley muEngland zvakadzorera hutsvene nekuparidzira zvakasvitsa panguva huru yemamishinari munguva yekereke yechitanhatu.

Rusununguko rweMweya mudzoreredzo yekutanga yePentekositi yezvipo zvemweya kuWales nemumugwagwa weAzusa, muLos Angeles kuAmerica, zvakateya nheyo dzenguva huru yemuono wakadzama yaWilliam Branham kuAmerica akazivisa zvakavanzika zvakadzama zveMagwaro. Zvakavanzika izvi zvichagonesa vasikana vakachenjera munguva yekupedzisira kunzwisisa Bhaibheri reKing James Vhezheni todzorerwa kudzidziso dzaPauro wenguva yekereke yekutanga. Zviitiko izvi zvese zvaive chikamu chenguva yekereke yechinomwe apo Shoko rakaziviswa rakabva kuMabvazuva kuenda kuMadokero.

MATEO 24:27 Nokuti semheni inobuda kumabvazuva ichipenya kusvikira kumavirira, kuchava saizvozvo nekuuya kweMwanakomana wemunhu.

Mwanakomana weMunhu ndiJesu Kristu akaziviswa muShoko rake achifamba nemapeji eBhaibheri.

Vatumwa vanomwe vaingova kuratidzirwa kwechiedza cheShoko raMwari rinobva pachigaro chaMwari. Jesu Kristu ndiye Shoko raMwari. Mutumwa anoratidzira Shoko.

61-0108 ZVAKAZARURWA CHITSAUKO CHECHINA. 3

Saka hatina kururama, asi Akati, “Ivai vakarurama nokuti Baba vari Kudenga vakarurama.” tingarurame sei? Kupfurikidza Ropa raJesu rakarurama rakadeuka, kuzvikanganwa isu toraramira iye tiri maAri. Ndizvozvo. Zvakanaka sei.

Hatigoni kuswedera nekururama kunze kwekunge tafa kuzvido zvedu.

Mvura dzekuparadzaniswa

Shoko raMwari rakagadzirwa kuva mvura, ichatitsaura kana kutiparadzanisa nezvivi uye nezvenyika.

ZVAKAZARURWA 4:6 Zvino pamberi pechigaro cheushe pakange pane gungwa regirazi, rakafanana nekrisitaro. Nepakati pechigaro cheushe nepakapoteredza chigaro cheushe pane zvisikwa zvina zvipenyu zvizere nemeso mberi neshure.

Chisikwa chipenyu chega chega kuratidzirwa kwesimba raMwari apo Mwari vanorwisa zvidavado zvaDiaborosi.

Chiverengo chechina chiverengo chepanyika.

Kune mativi mana makuru, Chamhembe,(N) Mabvazuva(E) , Madokero (W) neMawodzanyemba (S) zvikabatanidza mavara ekutanga chete kuchirungu panobuda izwi NHAU.

“Nhau dzakanaka” kutaura pamusoro peEvhangeri reNyasha rinotaura pamusoro pekudzikinurwa tiri panyika kubva kuzvivi. Munguva nomwe dzemakereke, Jesu anotaura ari pakati pemwenje minomwe.

ZVAKAZARURWA 1:13 nepakati pezvigadziko zvemwenje zvinomwe, mumwe wakaita seMwanakomana wemunhu,

Chiverengo chechina chinotaura pamusoro pedzikinuro yepanyika.

Razaro aive mubwiro kwemazuva matatu akamutswa nezuva rechina.

VaIsraeri vatatu, Shadreki, Misheki naAbedinigo vakakandirwa mumoto panyika moto waityisa muBabironi. Vaive vasarirwa nenguva duku yekurarama. Ipapo, pakanguva kekupedzisira, Munhu wechina akaonekwa. Jesu, Mwanakomana weMunhu muMuviri wakasikwa. Nekuti maive nevanhu vana mumoto, vanhu vatatu vakaponeswa.

Vakanga varamba kupfugamira mufananidzo waDanieri waive waitwa nevapegani Mwari akarambawo kuti vatsve.

Mapegani vaive vaita mufananidzo waDanieri chikonzero nei Danieri aive asingafaniri kuzvinamata. Kunamata muprofita uku munguva yekutanga yevaHedeni yeBabironi kuchadzokororwa zvakare muRaodikia. Hama Branham vanosimudzirwa kuitwa Izwi raMwari. Testamente Itsva haina kubvira yataura nezveIzwi raMwari.

Dzidziso iyi yehama Branham vachiitwa Izwi raMwari yakaipa uye haina maturo nekuti haiwanikwe mukati meMagwaro.

Kana nguva dzemakereke dzaguma, Jesu anobva panyika onotaura ari Kudenga kwaanenge agere paChigaro Chake.

Gungwa regirazi rinowonekera rakaita sekirisitaro. Gungwa rinomiririra vanhu vazhinji Vakanatswa neRopa raJesu kusvikira vasisina zvivi zvakavanzwa kana zvinangwa zvakavanzwa. Pasina dzidziso dzakaipa dzinosiya tsvina. Zvese zvinenge zvakajeka. Izvi zvinomiririra Mwenga waJesu kubva munguva dzese dzemakereke.

61-0108 ZVAKAZARURWA CHITSAUKO CHECHINA.3

“Gungwa rinowonekera”, makasukirwa chipiriso ... tinosukwa ... Oh, musakanganwe izvozvo, tiri kudzoka kwazviri mushure mechinguvana, “Kusukwa nemvura dzeShoko’.

Ipapo munofanira kunzwa Shoko musati mapindamo, nekuti nzira imwechete yamunogona kusangana nayo naMwari, Kutenda.

Ndizvo here? “Kutenda kunouya nekunzwa, nekunzwa neShoko raMwari,” Kusuka zviito zvedu. Kwete kusangana nemunhu, kwete kusangana nababa, kwete kusangana namai, kwete kusangana nemwana, (vese ndevechokwadi, tichaita izvozvo), asi chekutanga chatinofanira kusvika pachiri inzvimbo yekusvika kuna Mwari; tinosukwa patinonzwa Shoko raMwari.

61-0108 ZVAKAZARURWA CHITSAUKO CHECHINA. 3

Nekutenda tiri kufamba. Nyasha, “Zvamakaitirwa maMwari.” zvakanaka. Munotenda muna Mwari, munotenda naMwari; pamunonzwa kuzvituka kuti matadza, munenge matoregererwa.

MuTembere yeTestamente Yekare, kwaive nedziva rendarira, dziva guru shure kwemadhonza gumi nemaviri endarira, maisukirwa zvipiriso. I Madzimambo 7.

Iyi yaive mvura yekupatsanura yaisuka nyika. Kutsaurwa pakati pezvivi nekunamata.

II MADZIMAMBO 25:13 VaKardea vakaputsanya mbiru dzendarira dzaive mumba maJEHOVA, nezvingoro, nedziva rendarira, zvaive mumba maJEHOVA, vakaenda nendarira yavo Babironi.

VaKardia vairarama muhushe hweBabironi. Vakaparadza gungwa kana dziva rendarira (gungwa rendarira ) kuti vaite mari nekutengesa ndarira. Kuita mari nechitendero zvakagara zvirimo muBabironi.

Mvura yekuparadzanisa yaive nemadota emhuru tsvuku yaive yakapiswa. Dota rinotaura pamusoro pemoto unopisa. Mucherechedzo waJesu achideura Ropa rake rakatsvuka kuti aripire zvivi zvedu achifamba mumoto wegehena kuti atiparadzanise nezvivi nekunosiira kwaakanoita zvivi zvedu kuna Diaborosi. Asi moto wegehena hauna kugona kumupisa akanga asina zvivi Gehena rakagadzirirwa kupisa zvivi nevatadzi.

Gungwa Dzvuku rakavhurika kuparadzanisa vaIsraeri neEgipita pavaive vachibuda mairi. Egipita mucherechedzo wezvenyika. Gungwa Dzvuku mucherechedzo wemvura dzekupatsanura unotitsaura kubva kuzvivi nezvenyika.

Mutsetse mutsvuku unoratidza pavakayambuka napo Gungwa Dzvuku.

Nzira dzaMwari hadzisi nzira dzedu. Zvaizoita nyore kwazvo kutevera nzira iri muruvara rwegirini kuenda kuParesitina.

Isu vanhu tinogarosarudza nzira dziri nyore. Kana rwendo rwehupenyu rwukaoma tinogarofunga kuti Mwari havasi kutarira zvinhu.

Asi dai vaHeberu vakaenda nenzira yegirini, Farao angadani akavatevera kupinda munyika yechipikirwa akavauraya vose.

Asi nekutevera nzira yakaoma kupinda muGungwa dzvuku, Mwari vakagona kuzarura Gungwa Dzvuku vakaparadza Farao nehondo yake.

Nzira yakaoma yaive yakakosha kuparadza muvengi.

Izvi zvakaratidza zvakare pfungwa yemvura dzekuparadzanisa. Mwari vanoda kuparadza muvengi anova zvakaipa netsika dzenyika nezvitendero zvechipegani (fungai Kisimusi, Chishanu chakanaka, Muvhuro weIsita, marenti) sezvo zvinhu izvi zvese zvisimo muMagwaro zvinotidzivisa kunamata Mwari muChokwadi. Kuwedzera kune izvi Tiriniti isimo muMagwaro apo Vanhu vatatu vasina kumboonekwa Kudenga, nemakereke anhasi asina kupedza rwendo rwekubuda muNguva yeRima umo chokwadi chakafa Bhaibheri rikarambidzwa. Nhasi, makereke haacharambidzi Bhaibheri, vanongoriturikira kuriisa mundudzi zana kana kudarika dzemavhezheni kuti vaite chokwadi chekuti vanhu havawani chokwadi. Huchenjeri hunonyengera.

Chakavanzika chekugezesa tsoka.

JOHAHE 13:6 Naizvozvo wakasvika kuna Simoni Petro; iye ndokuti kwaari: Ishe, imwi moshambidza tsoka dzangu here?

7 Jesu akapindura ndokuti kwaari: Chandinoita ini, iwe hauzivi ikozvino; asi uchaziva shure kweizvi.

Jesu asati afa, Petro haana kunzwisisa chikonzero chekugezeswa kwetsoka.

JOHANE 13:8 Petro akati kwaari: Hamungatongoshambidzi tsoka dzangu nekusingaperi. Jesu akamupindura akati: Kana ndisingakushambidzi, hauna mugove neni.

9 Simoni Petro akati kwaari: Ishe, kwete tsoka dzangu dzega, asi maokowo nemusoro.

JOHANE 13:10 Jesu akati kwaari: Wakashambidzwa haashaiwi chinhu kunze kwekushamba tsoka, asi wakachena chose; uye imwi makachena asi kwete mese.

Petro aida kuti muviri wake ugezwe, asi Jesu aitaura tsoka dzevhu nedare dzemufananidzo waNebukadinezzari wemuHedeni waive netsoka “dzevhu rekuumbisa”. Ivhu rakanyorova.

Musoro, chipfuva nemavoko zvaimiririra hushe hwaive hwaparadzwa kare hweBabironi, nevaPersia avo vanhu vacho vaive vafa kare saka vaive vasina nhaka kubva pakusukwa mumvura dzeShoko. Saka, paive pasina chikonzero chekugezera musoro nemavoko aPetro.

MaJuda vaive neruponeso asi paCalvari, maJuda akaramba Jesu ruponeso rukayambukira kutsoka dzemufananidzo wemuHedeni.

VAEFESO 5:26 kuti aiite tsvene ainatse nekusuka (kereke) kwemvura neShoko,

Mufananidzo wemuHedeni waive nemusoro wendarama mucherechedzo wehushe hweBabironi. Maoko nechipfuva zvesirveri mucherechedzo wevaMediani nevaPesia. Dumbu nezvidya zvendarira mucherechedzo weHushe hwevaGiriki. Makumbo edare mucherechedzo weHushe hwekuMabvazuva nekuMadokero eHushe hweRoma.

Tsoka dzinomiririra nguva nomwe dzemakereke.

Dare mutsoka mucherechedzo wekereke yeRoman Catholic, kereke imwechete yakavapo mumakore 2000 enhorondo yekereke sezvo vachiti Petro ndiye aive Pope wavo wekutanga. Ivhu rakanyorova mucherechedzo wevatendi vechokwadi vaive munguva dzese dzemakereke vakasukwa nemvura dzeShoko.

Ruponeso rwaive rwemaJuda muTestamente Yekare. Saka, ruponeso rwaive kunze kwerudzi rwevaHedeni. Pamuchinjikwa zvinhu zvakashandurwa. Ruponeso rwakayambukira kubva kumaJuda kuenda kuvaHedeni rukapinda mutsoka dzemufananidzo wevaHedeni, hukaguma nezvigunwe gumi zvetsoka zvinomiririra vadzvanyiriri gumi vachapa simba remauto kuna Pope wekupedzisira. Pope wekupedzisira achagona kutonga nyika ari musoro wekereke yeRoman Catholic inova chikara.

ZVAKAZARURWA 17:12 Nenyanga gumi dzawaona, ndiwo madzimambo gumi, asati agamuchira ushe, asi achagamuchira simba semadzimambo pamwe nechikara awa rimwe.

Simba “seramadzimambo”. Havana kugadzwa kuva madzimambo asi vane simba remadzimambo. Vadzvanyiriri.

ZVAKAZARURWA 17:13 Ava vane fungwa imwe, uye vanopa simba neutongi hwavo kuchikara.

Simba ravo remadzimambo rekudzvanyirira rinopihwa kuna Pope.

Nhasi, Pope ndiye ega mudzvanyiriri muEurope.

Pasita anotonga kereke semudzvanyiriri akapa kereke yake kuKereke yeRoman Catholic yemasangano.

Hushe hwechipegani hweRoma yekuMadokero (iri muruvara rwegirini) hwaizowira pasi hwarwiswa nemarudzi evatorwa mweya iwoyo wehushe hweRoma hwakazomuka kubva mumatongo eHushe hweRoma kuita kereke yeRoman Catholic, zvinomiririrwa nezvidimbu zvedare mutsoka. Mvura haina zvainogona kuita padare kunze kwekuiitisa ngura.

Saka, kereke yeRoma yakapatsanurwa kubva kuTestamente Itsva vakatora zvitendero zvisimo muMagwaro. Ivhu rekuumbisa kana ivhu rakanyorova rakaneta asi ndiro Mwenga wechokwadi. Mwari haavimbi nesimba revanhu.

DANIERI 2:41 Zvamakaona tsoka nezvigunwe zvakaitwa pamwe nevhu romuvumbo wehari, pamwe nedare, vuchava vushe bwakaganhurwa, asi simba redare richavamo, zvamakaona dare rakavhnganiswa nevhu rokuvumba naro.

Tsoka dzemufananidzo wemuHedeni dzinomiririra nhorondo yekereke. Mwenga wechokwadi anoshungurudzika achirwisana nechimisikidzo netsika dzeRoman Catholic, dzine munhu mumwechete musoro wekereke, inodzidzisa zvakare Tiriniti isimo Mumagwaro inobvisa Zita raMwari. Vanhu vatatu havagoni kudaidzwa nezita rimwechete. Saka maKristu havazivi zita raMwari weTiriniti.

VAEFESO 5:26 kuti aiite tsvene ainatse nekusuka kwemvura neShoko,

Shoko imvura dzinoparadzanisa vatendi vechokwadi kubva kuchimisikidzo cheRoman Catholic chekuita masangano asimo muMagwaro.

JOHANE 13:10 Jesu akati kwaari: Wakashambidzwa haashaiwi chinhu kunze kwekushamba tsoka, asi wakachena chose; uye imwi makachena asi kwete mese.

Vatendi mutsoka vanomiririra nguva nomwe dzemakereke vanosukwa nemvura dzeShoko, ndivo vega vanhu vanokwanisa kunatswa kubva kuzvivi. Vanhu vakafa muhushe hwevaHedeni hwakadarika havagoni kuponeswa.

Kuna Mabasa Chitsauko 19 Pauro akasangana nevadzidzi vaJohane Mubapatidzi muEfeso. Johane aive abapatidza asingashandisi zita. Pauro akavaudza kuti vabapatidzwe muzita raJesu Kristu.

MABASA 19:5 Zvino vakati vanzwa, vakabhabhatidzwa muzita raIshe Jesu.

Vadzidzi ava vaida kunzwa Shoko raMwari nekuritevera nekuda kwavo.

Mvura dzeShoko dzakasuka dzikabvisa kusatenda kwavo.

Panyika moyo wemunhu ndiwo chigaro chaMwari

Meso anotaura pamusoro pehuchenjeri.

“Meso mberi” zvinoreva kuti kuziva zvemberi.

“Meso kumashure” zvinoreva kuziva zvakadarika.

Zvine huchenjeri hukuru zvekuti hazvinyengereki. Huchenjeri hwazvo hunozvisimbisa kuchigaro cheHushe Kudenga. Kurarama neMagwaro, Shoko raMwari, ndihwo hwega huchenjeri hwatingaratidzire. Kutevera Magwaro ndiyo yega nzira yatingamise nayo kunyengerwa.

Jesu iShoko raMwari chigaro chake chiri pamusoro pedu. Saka, tinofanira kugaroona Bhaibheri reKing James riri Chokwadi Chikuru chinobva Kudenga. Kuchengetedzwa kwedu kwakarurama kubva kuzvakaipa.

Zvisikwa zipenyu zvina nevakuru makumi maviri nevana vanomiririrei?

ZVAKAZARURWA 4:7 Zvino chisikwa chipenyu chekutanga chakange chakafanana neshumba, uye chisikwa chipenyu chechipiri chakafanana nemhuru, nechisikwa chipenyu chechitatu chakange chine chiso semunhu, nechisikwa chipenyu chechina chakange chakafanana negondo rinobhururuka.

Johane akaona Umwechete pachigaro, kwete vatatu. Saka, Johane haana kuona Tiriniti Kudenga.

Hakuna muBhaibheri akambotarisa Kudenga akaona Vanhu vatatu vagere pachigaro chehushe. VaEgipita vekare vakagadzira pfungwa iyoyo. Mufananidzo unotevera ndeweTiriniti yekuEgipita yaIsis, Hurus naSeb. Vanhu vatatu vagere pachigaro chehushe.

MuBhaibheri, hatina kumboverenga Vanhu vatatu vagere pachigaro cheHushe.

Zvisikwa zvipenyu zvina zvakapoteredza chigaro chehushe. Ndiko kuratidzwa kuna kweMweya Mutsvene kunochengetedza kereke munguva nomwe dzemakereke.

Panotatarika kereke pasi pakadzika panyika, tinovimba zvakanyanya neruchengetedzo rwekumusoro rwuri Kudenga.

Saka, Chigaro chaMwari panyika chiripi?

Nzvimbo imwechete inoda kugarwa naJesu, inomufungisa Denga, pakati pemakamuri emoyo wemunhu. Anoda kuva Ishe wemoyo yedu kuti atitungamirire nekutiratidza gwara.

Moyo wemunhu akatendeuka ndiwo wega chigaro chaanoda panyika munguva nomwe dzemakereke.

Asi Jesu anoda kutonga ari oga pachigaro chemoyo. Hakufaniri kuva nemukana wezvido zvedu kana zvenyika.

61-0101 ZVAKAZARURWA CHITSAUKO CHECHINA. 2

Mwari akasarudza Moyo weMunhu kuti atonge arimo? Diaborosi akasarudza musoro wemunhu kuti atonge arimo; mazviona, anoita kuti aone zvinhu, achiona nemeso ake.

Mwari mumoyo make anomuita kuti atende mune zvaasingagoni kuona.

Anodaro here? Tarirai, Mwari ari mumoyo make, mumoyo wemunhu mune chigaro chaMwari. Mazvinzwisisa here? Munhu! Mwari akaita chigaro chake mumoyo make.

Makamuri mana emoyo mucherechedzo wezvisikwa zvina zvakapoteredza chigaro.

MaBhuku mana eEvangeri anomiririra zvinhu zvakasiyana zvehupenyu hwaKristu.

Makamuri 1 ne 3 chete ndiwo ane ropa riri kuerera maari zvinomiririra hukama hweropa.

Mateo Chitsauko 1 (kamuri 1) ari Shumba Mambo anopa dzinza rinobva kuna Davidi mambo mukurusa.

Ruka Chitsauko 3 (Kamuri 3) ari Munhu akarurama anopa dzinza rinobva kuna Adamu, munhu wekutanga aive akarurama akazotadza. Kristu anobva auya ari munhu wekupedzisira akarurama kuzogadzirisa zvakaipa zvakaitwa naAdamu. Hakuna mumwe munhu akarurama mumashure maKristu. Saka, Testamente Itsva haitauri pamusoro penzwi raMwari.

Marko anoona Kristu ari Nzombe, Muranda. Hakuna munhu anoda dzinza revaranda, kuti rinzi ndiro rine madzitateguru ake.

Johane anoona Kristu seGondo, Mweya Mutsvene. Mweya waMwari hauna dzinza sezvo Mwari akagara ariko. Mwari haana kubvira afa.

Mateo anotiratidza Kristu ari Mambo. Akashanyirwa ari mumba kwete muchidyiro chemhuka, nevachenjeri vekumabvazuva vakauya kwaari vachitevera Nyeredzi, paaive achiri Mwana wemakore anenge maviri (kwete Rusvava). Madzimambo anogamuchira zvipo zvakakosha zvakafanana nendarama zvinonhuwira nemura. Hushe hunofambiswa nemitero saka Mateo airarama ari mubati wemari yemutero (ainziwo Revi) akanyora zvipo izvi.

MATEO 2:11 Vakati vapinda mumba, vakaona mwana naMaria mai vake, vakawira pasi vakamunamata; zvino vakati vazarura fuma yavo, vakamupemberera nezvipo, goridhe, nezvipfungaidzo zvinonhuhwira, nemura

Madzimambo haaberekerwi muzvidyiro, saka Mateo akafuratira kuzvarwa kwake.

Ruka anotiratidza Kristu ari Munhu. Vanhu vazhinji varombo. Jesu akanga ari murombo zvakanyanya, akaberekwa ari rusvava muchidyiro. Vafudzi vaive varombo vakamhanyira kuzomuona. Vatsva nekudikitira, vakanzwa vari mumba muchidyiro mainhuwa. Jesu anoita kuti vanhu vanzwe vachitambirika.

RUKA 2:12 Zvino ichi chiratidzo kwamuri: Muchawana mucheche akaputirwa nemicheka, arere muchidyiro.

Marko anotiratidza Kristu ari Muranda. Muranda haaite matsamba ekuzvarwa. Johane, mukuri wenzira yake, aive abapatidza vanhu vose muJudia achishandisa vhesi 9 Chitsauko 1. Johane aiziva kushanda. Varanda vanosvika panzvimbo vatokura. Kristu kuna Marko akatanga ane makore 30.

MARKO 1:12 Zvino pakarepo Mweya wakamutinhira kurenje

Hapana kutambiswa nguva apa.

MARKO 1:17 Jesu akati kwavari: Nditeverei, ndichakuitai muve varedzi vevanhu.

18 Pakarepo vakasiya mimbure yavo, ndokumutevera.

Jesu akasarudza kushanda nesimba. Vanhu vaive vasina basa nemuripo, mazuva ekuzorora pagore, nezvimwe zviwanikwa. ChiKristu hachisi chekuyemedzana.

Johane akatizivisa Kristu seGondo. Mwari Pachake. Mweya waMwari hauna kuzvarwa. “NDINI IYE” anorarama nekusingaperi kubva pakutanga munzira dzatisingagoni kunzwisisa isu vanhu nenjere dzedu dzine miganhu.

Chinhu chekuti tinorarama munguva hazvirevi kuti Mwari anoraramawo munguva.

Asi ko vakuru 24 vagere kunze vakapoteredza chigaro chehushe? Ava ndivo vadzidzi 12 vekutanga kubva kuTestamente Itsva, naPauro akatsiva Judasi. Nemadzitateguru emaJuda 12 kubva muTestamente Yekare vaive vana vaJakobo.

Vakuru vanomiririrwa nenyeredzi mumufananidzo unotevera.

Vakuru 24 ava vanomiririrwa nembabvu dzemunhu.

Saka, panyika, moyo wemunhu ndiwo wakakodzera kuva mufananidzo wechigaro chaMwari cheKudenga.

MATEO 6:10 ushe hwenyu ngahuuye; chido chenyu ngachiitwe panyikawo sezvachinoitwa kudenga;

Chero chaitika panyika hachina chirevo kunze kwekunge chiine chachinoreva Kudenga.

Saka, kubva ikozvino, kuchava nekutaurirana kusingaoneki pakati pendangariro dzemunhu panyika dzichiyanana nekufunga kwaMwari Kundenga.

Tinofanira kufa kuzvido zvedu zvenyama kuti tisangane nezvatakatarirwa zvaMwari.

Saka, kuda kwedu kwenyama neimwe nzira kunofanira kuyanana neZvatakatarirwa naMwari chero zvazvo pakutanga zvichiita sezvinorwisana.

Tinofanira kufa kuzvido zvenyama, toda kuzvipira kuita zvatakatarirwa naMwari muhupenyu hwedu. Kwete nekuti tinofanira kuita saizvozvo, asi nekuti tinoda kudaro. Nekuti tinoda Kuda kwaMwari, Shoko rake, kudarika kuda kwatinoita hupenyu hwedu.

Zvakatiomera kuti Mwari anoona zvenguva refu muMufananidzo wemakore 2000 enhorondo yekereke inofanira kubatwa naMwari, apo isu vanhu vakazvimiririra tichiona zvenguva pfupi zvekuda kwedu kwenyama. Zvakakosha kuti tide kudzidza kufa kuzvivi kuti tive chikamu cheZano guru raMwari reMagwaro.

Jesu aive muenzaniso wakazara sezvo neimwe nzira aive Kudenga (nzvimbo dzeMweya) Iye aive panyika zvakare (nzvimbo dzenyama).

JOHANE 3:13 Uye hakuna munhu wakakwira kudenga, kunze kwewakaburuka kudenga, Mwanakomana wemunhu ari kudenga.

Chiratidzo chekuti Jesu aive zvakare munzvimbo dzedenga paaive pasi panyika kwaive kugona kwake kuisa parutivi zvido zvake zvenyama pane chero zvaiitika.

RUKA 22:42 Zvino wakati ava nemakore gumi nemaviri, vakakwira kuJerusarema zvichienderana netsika yemutambo,

Anoona munhu mumwechete, Jesu, pachigaro cheHushe nezvisikwa zvipenyu zvina zvakapoteredza chigaro, zviripo kuchengetedza kereke munguva nomwe dzemakereke. Kudenga kukosha kuri paMunhu Mumwechete: Jesu Kristu. Ndiye Shoko raMwari.

Bhaibheri reKing James ndiro Shoko raMwari. Saka, Bhaibheri reKing James rakarurama.

Jesu anoratidzira Chiedza chake pasi panyika nekushandisa zvisikwa zvipenyu zvina.

Vashanu ava vanomiririra nyasha.

Vanorwisa hondo dzedu kana tikagara takatendeka kuShoko rakanyorwa.

Chisikwa chipenyu chega chega chinomiririra nguva mbiri dzekereke

Chigadziko chemwenje minomwe muTabernakeri yemaJuda chinomiririra nguva nomwe dzemakereke.

Mwenje wepakati unomiririra kereke yekutanga yakatungidzwa kana kubatidzwa neMweya Mutsvene Musi wePentekositi.

Shumba inomiririra nguva mbiri dzekutanga dzekereke mavaitenda muShoko rechokwadi, Jesu, ndiye Shumba yeRudzi rwaJuda.

Mhuru yakakura kuita nzombe yakasimba mumakore 1200 eNguva yeRima apo chokwadi chakafa mumashure mekunge Tiriniti yaziviswa pakanzuru yeNicaea muna AD 325 munguva yekereke yechitatu. Nzombe chipfuwo chekubaya. Makumi emamiriyoni emaKristu akaurayiwa nekereke yeRoman Catholic munguva yekereke yechina umo chokwadi cheBhaibheri chakapotsa chafa.

Chisikwa munhu chinomiririra zivo yevanhu yevamutsiridzi. Martin Luther kuGermany munguva yekereke yechishanu akadzorera ruponeso nenyasha kupfurikidza kutenda chete. Bhaibheri reKing James rakaturikirwa riri Shoko Guru raMwari muEngland rikaguma rashambadzwa muna 1769. Zvino, muEngland zvakare, John Wesley munguva yekereke yechitanhatu akadzorera hutsvene William Carey akaenda kuIndia kunotanga nguva huru yemamishinari muna 1782.

Nguva yekereke yechishanu iyi yaive Sardisi, vakapukunyuka. Vakapunyuka kubva kuchikara, masangano ezvechitendero nemagungano eRoman Catholic. Asi vakakanganisa zvikuru nekuita makereke evakapikisa chiCatholic vakaisamo hutungamiriri hwakafanana nechikara Roma. Izwi rekuti “pasita”rakataurwa kamwechete muTestamente Itsva zvisingamupi simba rekutonga kana kuita musoro wekereke ari munhu mumwechete.

60-1209 NGUVA YEKEREKE YESARDISI

Zvino, tarirai, havana kudzosa kumutswa kweMweya Mutsvene; vakauya nenguva itsva yekereke.

Vakauya nevakabvutwa kubvutwa; vakapunyuka kubva muhutungamiriri hweRoma, kuti vaite hutungamiriri hwechitendero mumasangano akaipikisa. Ndicho chinhu chega chavakaita. Kusvetuka kubuda mumarasha vachipinda mumoto, mazviona. Ndizvozvo. Ndizvo chaizvo.

Rumutsiridzo rwakadzorera zvimwe zvinhu zvikuru asi zvigaro zvekereke zvakapfuma pazvakatangwa, vemasangano akabuda muCatholic aive atarirwa kukundikana pakupedzisira. Kuti vararame mukereke, vaparidzi vakadarikira muganhu wesangano.

Chisikwa chipenyu Gondo chine muonero wakadzama uye wakajeka pamusoro pezviitiko zvese zvenguva nomwe dzemakereke. Izvi zvinotipa zaruriro yakajeka yezvakavanzika zveBhaibheri kupfurikidza hushumiri hwemuprofita wekuAmerica William Branham. Asi zaruriro dzake dzaive negwara rakajeka. Vaiedza kudzorera vatendu munguva yechinomwe kunotenda zvakatendwa nemapostora ekereke yekutanga.

Asi, nekuti mapasita vakaitwa misoro yemakereke, vakatanga kutonga mari mukereke. Vaipa vaparidzi mari vanotenderana navo. Vachishandiswa nemakaro, vaparidzi vakawanda vaifara kuudzwa zvekuparidza napasita misoro yemakereke isina kupuhwa simba rekuita izvozvo neBhaibheri. Testamente Itsva haina kubvira yaita pasita achiitungamirira. Saka chimisikidzo chekereke chiri kunzi chidzokere kunzira yekutanga yemakereke maduku vaitongwa neboka revakuru panzvimbo.

Vatendi vechokwadi vakuvimba nemawebhisaiti epaintaneti kuti vatsvage kunzwisisa zvinoreva mavhesi eBhaibheri.

Asi intaneti inogonesa mawebhisaiti anotaura chokwadi, zvisinei nekuti mashoma sei, kusvika kumapeto enyika.

MaKristu akaponeswa mumakereke anomiririrwa nemufananidzo wevasikana gumi kuna Mateo Chitsauko 25. Musikana mukadzi akachena anomiririra maKristu akaponeswa mukereke. Vasikana vakachenjera chete vachange vakagadzirira Kuuya kwaJesu. Asi kuti tikwane pavasikana vakachenjera, tinofanira kunzwisisa zvakavanzika zveMagwaro.

DANIERI 12:10 … Asi vakachenjera vachanzwisisa.

Chisikwa chipenyu Gondo chakasimudza kereke kupinda munzvimbo yekumusoro yezvipo zveMweya zvePentekositi. Nekuti Gondo rine muonero wakadzama, tinogona kuwana muono mukuru muzvakavanzika zveBhaibheri kupfurikidza hushumiri hwaWilliam Branham. Akatidzidzisa kuti tinofanira kudzorerwa kuzvitendero zvekereke yekutanga yemapostora, vakanyora Testamente Itsva. Mutauro weChirungu wakabata 60% yeintaneti apo inoparidza chokwadi kusvika kumiganhu yenyika.

61-0108 ZVAKAZARURWA CHITSAUKO CHECHINA. 3

Ndarangarira muchiratidzo changu pandakaona huvepo hwaMwari, pamusoro pevanhu vake munyika yekubwinya iyo, ndakatarira, ndikavaudza,... vakandiudza kuti Achanditonga kutanga neEvangeri randinoparidza.

Ndakati, “Sezvazvakaparidzwa naPauro!”

Ivo vanhu vanosvika mamiriyoni vakadanidzira, “Tiri kuzorora pana izvozvo! Mazviona? Mazviona.

Zvino, Ndiri kuda kuti zvidaro. Tiri kunosangana ikoko rimwe zuva.

Mwari havana kutuma Hama Neville neni kuva vanashe, kwete.

Tingori hama dzenyu, mazviona, vadzizisi veEvangeri. Saka regai zvese zvishande pamwechete.

... saka pakaita chinhu chatibata zvisinei nekuti chinoita sechokwadi zvakadii,

Kana chisina kunaka, chisiri muMagwaro, siyanai nacho, ikozvino.

‘nekuti kune Chaiye akatimirira mazviona.

... Izwi raMwari iShoko rake.

Asi makereke akaramba dzidziso dzehama Branham vateveri vavo vakawodza dzidziso dzake nekusadzitsigira neMagwaro. Saka, makereke vakapinda murima remazano evanhu akapararira kwese kwese pasoshari Media.

64 0119 SHAROMI

... Kunguva ino yeRaodikia iri kupinda murima zvakare.

61-0108 ZVAKAZARURWA CHITSAUKO CHECHINA. 3

Nguva yekereke inopera yoenda nevashoma kwazvo.

58-0928 RUBAPATIDZO RWEMWEYA MUTSVENE

Yakamanikana, yakamanikana, kana mukatarisa hatisi kuti yakatwasuka, tiri kuti ya-ka-ma-ni-ka-na.

Yakamanikana ndiyo nzira. Yakamanikana mvura. Sei? Todzokera kuZita raJesu rino ... mune. “Hamuna... hupenyu huduku, hamuna kuramba Zita rangu.” Zviripo vakarasika vakapinda sangano reCatholic, vakabudira maLuther, vakapinda maWesley. Vari kupinda muPentekositi. Asi nguva yeKupedzisira isati yasvika, Mbeu dzakutopera kubva panyika, vakabviswa, mbeu yevakarurama. Mbeu yemhuka yakatukwa ikashanduka kuita nyoka iri kuwanda ichiwanda nekuwandisa. Kugadzirira nguva yeatomi yekuparadzwa. “Asi nguva iyoyo isati yasvika, ndichatumira nzira yekupunyuka nayo. Ndakaisa mberi kwenyu musuwo wakazarurwa.

Suwo rakamanikana ndiro nzira, vashoma vavo vachariwana, nekuti nzira yakafara inotungamirira kunoparadzwa vazhinji vachawira mairi.

Budiriro yetekinoroji haibatsiri nguva dzese kuti tiwane chokwadi nekuti pane kukanganisawo kuzhinji kuripo paintaneti.

Vanhu vanotumirana nhau pawatsiapu vachipokana pamasaisai emasimedhiya. Yuchubhu inoonekwa inonyengera zviri nyore apo vanotora nguva zhinji yevanhu.

Kusefa intaneti kusina maturo kunopedza nguva.

Kuswera zvakare pachivhiti vhiti kutambisa nguva zhinji zvakare.

Saka, tekinoroji yemazuvano yakaburitsa zvinhu zvakawanda zvakaipa kana kuti zvinongodzosera shure, zvoita kuti zviome kutsvaga chokwadi.

Tinofanira kunzvera zvakanaka kana tichida kuva chikamu chevasikana vakachenjera vanonzwisisa zvakavanzika zveMagwaro.

Asi izvi zvinoda nguva zhinji tekinoroji yaveko iri kuita kuti titambise nguva yedu zhinji.

Tinofanira kungwarira. Bhaibheri rinoti vasikana gumi vese mucherechedzo wekereke yekupedzisira vaive vakavata vakakotsira saka vanoda kumutswa.

Fungai nezvazvo, makereke edu ese akakotsira, vese vakachenjera uye vakanyengerwa kana mapenzi, maKristu akaponeswa.

Nekuti vasikana zvinotaura pamusoro pemhandara mucherechedzo wevanhu vakachena vanhu vakaponeswa mumakereke.

MATEO 25:1 Panguva iyo ushe hwekumatenga huchava hwakafananidzwa nevasikana gumi vakatora marambi avo vakabuda kunochingamidza muwani.

2 Zvino vashanu vavo vakange vakachenjera, uye vashanu vari mapenzi.

MATEO 25:5 Zvino muwani wakati achinonoka, vese vakatsumwaira vakarara.

Makereke ese nhasi akakotsira sezvo vasingagoni kunzwisisa zvakavanzika zvakaziviswa zvaMwari.

Hakuna muTestamente Itsva pakaiswa munhu pakutonga kereke. Chokwadi hachigoni kuziviswa kana kereke iri pakurasika. Chokwadi chinopikiswa nemunhu anotonga nekuti mari yake inenge iri panjodzi kana akapa mukana wekuti boka revakuru ritungamirire kereke.

Kana makarivara makavata hamuna chamunonzwa.

Udzai maKristu kuti muBhuku raMabasa vakabapatidza chete muzita raJesu. Vanoisa chinzvimbo kuti vajekese kuti vari kureva Jesu upi saka vakati “Jesu Kristu” kana kuti “Ishe Jesu”. Havana kubvira vabapatidza “muzita raBaba, Mwanakomana naMweya Mutsvene” sezvinoitwa mumakereke nhasi.

Asi maKristu nekuti akarara, hapana chavanonzwa uye havana rudo rwekushandisa zita pachinzvimbo chezvinzvimbo.

MaKristu anhasi haana chaanonzwa kana ukavaudza kuti “Tiriniti” “Mwari Mwanakomana” uye “Mwari mumwechete muVanhu vatatu” hapana pavakanyorwa muBhaibheri. Vanongorara vasina chinovanetsa, vachibvuma kuti vakachengetedzeka nekuti inhengo dzekereke. Havakanganisiki nechinhu chekuti kune, pamusoro pazvose, ndudzi 45,000 dzemakereke nemasangano awo dzakasiyana dzinotenda zvakasiyana.

MATEO 25:6 Asi pakati peusiku kwakadanidzirwa: Tarirai, muwani ouya, budai munomuchingamidza!

Mhere inotaura marwadzo. Dambudziko rinokanganisa pasi rese richazunza maKristu ese achibva mukuvarairwa kwemakereke avo.

Vachaona kuipa kwekuti kana vachida chokwadi cheBhaibheri vanofanira kubuda mumakereke avo sezvo makereke asingagoni kufambirana nekurarama muzviitiko zvinovawira zvematambudziko aya.

Tine kuratidzirwa kwazvo kwakaitika munguva yeCOVID-19 mugore 2020. Makereke haana kugona kumisa kupararira kwechirwere mapasita emakereke mazhinji, nevanoshambadza pamawairesi (kusanganisira muparidzi aive nembiri airamba kubaiwa pachivhiti-vhiti) vakafa nehutachiwana uhu. Zvakazosarira vanhu vezvehutano vakashinga kuti vagadzire majekiseni akaita kuti hutachiwana hushaye simba. Nekunge vatadza kumisa hutachiwana pachavo, vanhu vazhinji vemakereke vakarwisa vhakisini vachiti rakaipa. Saka, kereke yakarasa gwara. Vachakanganisika zvikuru pavachaona zvichaitika mumashure memhere yepakati pehusiku.

“Budai”. Izvi zvinoreva kuti makereke pakupedzisira achava mariva ehunyengeri uye kurasika kwenyika.

MATEO 25:7 Zvino vasikana avo vese vakamuka, vakagadzira marambi avo.

Shinda inofanira kuchekwa kuti marambi abvire.

Vachaona kuti vanoda kunatswa kwepamusoro soro uye vanofanira kuramba zvenyika. MaKrustu akaponeswa vachaona kuti vanofanira kutora dzidziso dzeKing James zvakasimba. Hwaro hwavo hwemapfekero nehunhu zvichasimuka apo meso avo anozarurwa kuchokwadi cheBhaibheri kudarika tsika nezviera era zvekereke.

Vari mumakereke havana kubvira vaita kuti Kristu atonge hupenyu hwavo sezvo vaive vachiri kuita zvemunyika.

Vakatendera Kristu kuti avaponese asi vaidawo kutevera feshoni dzenyika dzine mbiri.

Kuzvipira nekuzvininipisa zvinofanira kutangira mabasa

ZVAKAZARURWA 4:8 Nezvisikwa zvipenyu izvi chimwe nechimwe chakange chine mapapiro matanhatu mativi ese, nemukati zvakange zvizere nemeso; uye hazvizorori masikati neusiku, zvichiti: Mutsvene, mutsvene, mutsvene, Ishe Mwari, Wemasimbaose, wakange aripo, uye aripo, neachazouya

Meso anotaura pamusoro peruzivo. Zvizere nameso mukati zvinotaura ruzivo rwemukati rwunoratidzirwa kubva pachigaro chaMwari.

Zvinoziva zviri kuitika panguva idzodzo.

Hazvizorore. Hazvinete. Zvakazvipira kuita Kuda kwaMwari kunotaura kuti Mwari Ishe Wamasimbaose vari pachigaro chehushe ndiJesu Kristu.

Ndiye Muponesi wedu akarovererwa pamuchinjikwa. Ndiye muPrista wedu Mukuru achauya ari Mambo wedu. Jesu ndiye Zvose zvedu. Anotiitira zvese.

Mutsvene mutsvene mutsvene. Kudzokorora izwi rekuti “mutsvene” katatu zvinoisa kukosha pahutsvene. Hatigoni kuMubatira zvakanaka kunze kekunge tiri vatsvene.

Zvisikwa izvi muchiGiriki zvinonzi Zoon, zvinoreva kuti “Zvisikwa zvinorarama”. Ndizvo zvinorinda chigaro chehushe. Chipuka zvinoreva simba.

Chikara kuna Zvakazarurwa Chitsauko 11, 13, ne 17 zvaive Therion, zvinoreva kuti “zvinotyisa, zvine hukasha uye hazvidzoreki”.

Hushe hweRoma yemapegani hwakaonekwa naDanieri hwaive hwakaita sechikara chinotyisa chine hutsinye chaive nesimba guru kwazvo.

Jurio Kesari akaita mbiri paakashandura nyika yakasununguka yeRoma kuiita Hushe hweRoma yechipegani hwaitongwa nemunhu mumwechete. Kesari ndiye akaita mudzvanyiriri wekutanga. Muzukuru wehanzvadzi yake akaita mubati wekutanga, asi akaramba achitonga semudzvanyiriri. Munhu mumwechete anotonga ari musoro wezvechitendero uye zvematongerwo enyika zvikaita nzira yeRoma yechipegani yekutonga nayo.

Hushe hweRoma hwakapatsanurwa kuita zvikamu zviviri, Hushe hweKumadokero hweRoma neHushe hwekuMabvazuva hwevaGiriki.

ZVAKAZARURWA 13:1 Zvino ndakamira pamusoro pejecha regungwa, ndokuona chikara chichibuda mugungwa, chine misoro minomwe nenyanga gumi, nepamusoro penyanga dzacho korona gumi, nepamusoro pemisoro yacho zita rekunyomba.

Vhesi iri rinotaura pamusoro peHushe hweRoma yekuMadokero. Hapana kutaurwa kuti chikara cheRoma yemapegani chaive cherudzii. Hushe hweRoma yeKumadokero hwaitungamirirwa nevezvematongerwo enyika. Vatongi vekutanga kana Vabati vaive vemhuri yakaKesari vaive mapegani. Mubati aive Pontiffi kana Muprista mukuru wezvakavanzika zveBabironi.

Constantine akaita mubati weRoma muna AD 312 akazvidaidza kuti muKristu asi akaramba aine chigaro chaPontiff, zvaimupa simba pamusoro pemapegani.

Asi muna AD 378 Mubati weRoma yeKumadokero akaurayiwa. Akamutsiva, Theodosius akapa chinzvimbo chaPontiff kana kuti Pontifex Maximusi (Muprista Mukuru wezvakavanzika zveBabironi) Kuna sekuru vake, Pope Damasusi. Chiprista cheBabironi chakapinda mukereke yeRoman Catholic. Paakafa, Theodosius akapatsanura hushe hweRoma kuita Hushe hweKumadokero nehushe hweKumabvazuva. (Makumbo maviri emufananidzo wakaonekwa muhope dzaNebukadinezzari dzakaturikirwa naDanieri).

ZVAKAZARURWA 13:3 Zvino ndakaona umwe wemisoro yacho wakaita sewakaurawa kusvika parufu; asi vanga racho rekufa rakange rapodzwa; nyika yese ikashamisika shure kwechikara.

Hushe hweRoma yeKumadokero hwakafa hwatapwa nevemarudzi evatorwa muna AD 476. Mumwechete wemisoro yacho minomwe, Chikomo chepamutsetse mukuru, chakakuvadzwa kusvika pakufa neRoma chikarasikirwa nesimba racho rese rezvematongerwo enyika uye zvechitendero sezvo Chikomo chikuru chaive nzvimbo yesimba reHushe hweRoma. Roma yakatsakatika ikava dongo. Asi, maPope akapindira zvine huchenjeri kuti vafambise zvinhu vakaripira zvikwereti zvese. Zvishoma nezvishoma, Pope akatora hutungamiriri hweRoma paakatonga ari mumuzinda weLaterani pachikomo cheCaelian. Pope, ari Pontiffi mutsva, akatanga kudzorera simba raive rarasikirwa naKesari raaive naro pakutanga. Guta reRoma rakatanga kukosha zvakare.

Misoro minomwe ndizvo zvikomo zvinomwe zveRoma yekutanga.

Tembere yeJupita, Juno, neMinerva (iyi itiriniti) yaive pachikomo chikuru.

Simba reChikomo chikuru chiri muzinda weHushe hweRoma rakaparadzwa nemarudzi evatorwa.

Kereke yeRoman Catholic yakasimuka kuva nesimba muzinda wayo uri Muzinda weLaterani waive paChikomo cheCaelian.

Saka, Mweya wehutsinye weRoma yemapegani wakamutswa kubva kurufu pamatongo eHushe hweRoma yemapegani ukaita Kereke yeRoman Catholic.

Zvakadaro, ronda rekuuraya rakapora apo Tiriniti yeRoma ya Baba, Mwanakomana naMweya Mutsvene yakapararira pasi rese.

Simba remapegani rehutsinye reHushe hweRoma rakarasikirwa naKesari, rakanongwa naPope apo Kereke yeRoman Catholic yakatapa vavengi vayo. Saka Kereke yeRoman Catholic yaizoguma yapinza dzidziso dzayo mumakereke emasangano akabuda mairi achiramba dzidziso dzayo.

ZVAKAZARURWA 17:3 Zvino wakandisengera kurenje mumweya, uye ndakaona mukadzi akatasva chikara chitsvuku, chizere nemazita ekunyomba, chine misoro minomwe nenyanga gumi.

ZVAKAZARURWA 17:4 Zvino mukadzi wakange akamonera zvine ruvara rwehute nezvitsvuku,

Nguva yakatevera takaona chikara chine misoro minomwe, chaive neruvara rutsvuku nemukadzi anotasva nekutonga chikara.

Pope akashonga nguwo tsvuku.

Kereke yeRoma ndiyo mukadzi akatasva chikara. Asi chikara chaanotonga chine ruvara rutsvuku zvakare, ruvara rwekereke yeRoman Catholic. Kereke yakatonga chikara chechipegani nekushandura marudzi evatorwa kuvaita maRoman Chatholic.

Mukadzi anotasva chikara ichocho. Hakuna munhu anogona kumudzora. Anoita sekuda kwake.

Zvisikwa zvipenyu zvakapoteredza chigaro chehushe Kudenga zvinonzi “Zoon”, Zvisikwa zvinorarama.

Chikara panyika chinonzi “Therioni”, Chakarasika chinotyisa, chine hasha, uye hachidzoreki.

Zvisikwa zvakafanana nesu sezvo zviri mweya inoshanda kupfurikidza vaparidzi kuti vakurudzire vanhu.

Zooni mweya unoratidzirwa mavari apo vaparidzi ivavo vanogona kutsigira dzidziso dzavo vachishandisa Bhaibheri reKing James.

Asi zvisikwa Therioni vaparidzi vakarasika vasingagoni kurarama nezvakanyorwa muMagwaro. Vanoparidza dzidziso dzakaitwa nevanhu vachiti hama William Branham ndivo vasingatadzi uye Izwi raMwari. Kuti zvakataurwa nehama Branham zvinogona kutsiva Magwaro uye kuti hama Branham havafaniri kugadziriswa. Kuti Zvisimbiso zvinomwe zvakazarurwa nekuti Zvisimbiso zvinomwe zvakaziviswa. Vanoti Kutinhira kunomwe kwakareva uye kuti varume vanokwanisa kuramba vakadzi vavo voroora vamwe. Hama Branham havana kumbotaura izvozvo kuti Kutinhira kunomwe kwakareva. Vanoti Mutumwa Mukuru wekuna Zvakazarurwa Chitsauko 10 akaburuka panyika, nezvimwe.

Zvisimbiso zvinomwe zvakaziviswa muna 1963 pakauya vatumwa vanomwe kune hama Branham kuzovaratidza zviitiko zvaizouya. Asi zvichazarurwa chete kana Mwenga apoteredza chigaro chehushe mushure mekunge atorwa kukwira Kudenga. Chiitiko chinoziviswa chisato chaitika.

AMOSI 3:7 Zvirokwazvo Ishe JEHOVA haangaiti chinhu, asina kumbozivisa varanda vake ivo vaprofita.

62-1007 KIYI YEMUSUWO

... Kuti ndakarurama handitadzi. Kuti hakuna ... uye, oh, nezvimwe zvezvinhu zvakaipisisa zvamakambonzwa.

Mwari ega ndiye asingatadzi akarurama. Musaedze kumboisa munhu mushangu dzaMwari.

63-1114 KURUDZIRO

Maserafimu aive nemapapiro maviri akafukidza zviso zvawo. Akafukidzirei meso azvo? Nekuti aive pahuvepo hwaMwari. Chingofungai, kana vatumwa vatsvene vakafukidza meso avo, paHuvepo Hwake, ko isuwo hedu? Mapapiro ari kumeso, mucherechedzo wekuzvipira.

Asi nhasi, tinoona kuti hakuna kuzvipira muvanhu. Hamutowani vanozvipira.

... ikozvino, pechipiri, tsoka dzavo dzaive dzakafukidzwa nemapapiro, pasi petsoka. Zvino izvi mucherechedzo wekuzvininipisa. Oh, kune izwi rakarasika nhasi, kuvanhu vazhinji. Kuzvininipisa paHuvepo hwake. Kuzvininipisa pahuvepo hwake.

... tarirai zvino, vanoisa, mapapiro aive akafukidza tsoka nekuzvininipisa. Hatidi kuzvideredza. Tinoda kufunga kuti tiri mumwe munhu.

... chinhu chekuti, vanhu, mukoma wangu hanzvadzi yangu, neshamwari yangu.

Kuziva huduku kwedu. Mazviona? Musazive kukura kwenyu.

Zivai kuti muri vaduku sei. Muri vaduku. Tese takadaro. Mwari vanogona kuita zvinhu zvavo tisipo, asi isu hatina chatinoita pasina Mwari. Mazviona? Mazviona? Hatina chatinoita tisina Mwari, asi anogona kuita zvese tisipo.

... Zvino, chechitatu, vaikwanisa kubhururuka. Vaive nemapapiro maviri aivagonesa kuita zvinhu.

Mwari akaratidza muprofita wake kuti aive agadzira varanda vakaita sei, vakazvipira vakazvininipisa vachiita basa.

Ava, honai, muranda waMwari chaiye, vaviri ava vaive vakamutarisa. Aive akatarira Hezekia akasimudzwa, akawira pasi nekuzvitutumadza. Asi muranda, muranda wake pamberi pake, anozvipira, akazvininipisa, anoita basa. Muranda wake, ndiyo nzira yavanofanira kushongedzwa nayo.

Kushonga kuzvipira, nekuzvininipisa, nekutevera basa raBaba.

Hongu, baba, kuzvipira, kuzvininipisa , pabasa raMwari.

Jesu ega ndiye akafanira kurumbidzwa nekutenda kwedu

ZVAKAZARURWA 4:9 Zvino apo zvisikwa zvipenyu izvi pazvaimupa kubwinya nerukudzo nekuvongwa iye anogara pachigaro cheushe, iye anorarama kusvikira rinhi narinhi,

Jesu ndiye Mwari Wamasimbaose agere pachigaro chehushe.

Kubwinya kwese, kukudzwa, nekutendwa ndekwaMwari sezvo achiita basa rese rekutidzikinura ari oga. Hakuna aigona kuzviita. Hakuna munhu anogona kusimudzirwa kuti amire panzvimbo pake. Iye oga ane Hupenyu husingagumi anotipawo hupenyu hwake husingagumi huri chipo pachena. Hakuna aigona kuita zvakanaka kudai.

ZVAKAZARURWA 4:10 vakuru makumi maviri nevana vakazviwisira pasi pamberi peagere pachigaro cheushe ndokumunamata iye anorarama kusvikira rinhi narinhi, uye vachikandira korona dzavo pamberi pechigaro cheushe, vachiti:

Vakuru vaimiririra vanhu vakuru muTestamente Yekare vanhu uye vanhu vakuru veTestamente Itsva vakawira pasi nezviso zvavo pamberi paJesu. Havasi chiro kana vachienzaniswa naye. Korona dzavo ndiyo miviri isingawori, isingarwadziwi, irere pasi nhasi pamberi pechigaro chake chehushe.

Izvi zvinomiririra kuti tinoita zviduku sei kuna Jesu kana zvichienzaniswa nezvaanotiitira.

Pahuvepo hwaJesu Kristu, hakuna munhu mukuru. Tese hatisi chiro.

Kana muchiremekedza vanhu kusvika ipapo, zvakaipa.

Kana muchifunga kuti kune munhu mukuru munenge musina kuita hukama hwakadzama naJesu. Nekuti Jesu akaita vamwe vanhu vese, zvisinei nekuti vakakura sei kana kuti vakadii, kuti vasaoneke.

ZVAKAZARURWA 4:11 Makafanira, Ishe, kugamuchira kubwinya, nerukudzo, nesimba; nokuti ndimwi makasika zvinhu zvese, uye nekuda kwechido chenyu zviripo uye zvakasikwa.

Nei kubwinya kwose, kukudzwa, nesimba zviri zvaJesu chete? Nekuti akatisika uye iye anotishandisa kuzadzisa zano rake nezvinangwa zvake. Chero chinhu chakanaka chatinoita chaive nekuti raive simba rake riri matiri rakatigonesa.

Tiri varanda pasina nekuti tinoita zvakaipa zvakawanda kudarika zvakanaka zvatinoita.

Jesu anonatsa zvese zvatinokanganisa.

RUKA 17:10 Saizvozvo nemwi, kana maita zvese zvamakarairwa, muti: Tiri varanda pasina, nokuti taita zvataifanira kuita.

Kana Mwenga atorwa kukwira Kudenga aona Jesu ari pachigaro chehushe, tinoona kuti hatisi chiro kana tichienzaniswa naye. Kuda kwedu kwenyama, nekuzvitutumadza zvichabviswa kana hupenyu hwedu kwatanga Kudenga.

Zvisimbiso zvinomwe zvinozarurwa chete kana Mwenga aKudenga. Kana taziva kuti hatisi chiro.

Zvakazarurwa Chitsauko 4 inoona mwenga achitorwa kukwera Kudenga. Johane, akazvimiririra, anomiririra boka rese. Izvi nehungwaru zvinoratidza kuti chero kana boka rikavapo, Mwari anoshanda nemunhu akazvimiririra anenge aripo. Mwari vanoda munhu umwe nemumwe ave nehukama Naye akazvimiririra.

Mwari havadi kuti vanhu vakazvimiririra vaite pfungwa dzeboka pavanomanikidzwa kutenderana nezvitendero zveboka zvinomanikidzirwa pavari.

Zvakakosha kuti tirangarire izvi.

Zvisimbiso zvisati zvazarurwa kuna Zvakazarurwa Chitsauko 6, Johane akatanga kutorwa kukwira Kudenga kuna Zvakazarurwa Chitsauko 4.

Johane, achimiririra vatendi vechokwadi vese, anotorwa kukwira Kudenga kana kudaidzwa Kudenga muChitsauko 4 pachikamu ichi hapaka kana kutaurwa pamusoro peZvisimbiso Zvinomwe kuti zvakazarurwa.

Saka, vaparidzi vakataura kuti Zvisimbiso Zvinomwe zvakazarurwa muna 1963 vari kutinyengera.

Havagoni kutiudza musiyano uri pakati pechiratidzo chinopa zaruriro yezviitiko zvichauya nekuitika kwezviitiko zvacho nguva inozouya.

Kana hama Branham vakazarura Zvisimbiso zvinomwe, ndiyani akazivisa Zvisimbiso Zvinomwe vasati vazvizarura?

Mupostora Johane vakanyora micherechedzo chete yeZvisimbiso zvinomwe asi havana kupa zaruriro yezvazvinoreva.

Zvakatora vatumwa vanomwe kuti vazivise Zvisimbiso Zvinomwe kuhama Branham muna Kurume 1963, asi Jesu ega achazvizarura Kudenga mumashure mekutorwa kweMwenga Kukwira Kudenga.

Zaruriro yeZvisimbiso Zvinomwe inotipa munongedzo wezviitiko zvakakosha munhorondo yekereke.

Kuzarurwa kweZvisimbiso zvinomwe kuchatiudza zvakazara nezvinangwa zvakavanzika zvaive muzviitiko zvakasiyana siyana izvozvo.