Zvakazarurwa 03 Chikamu 3 muprofita wekuAmerica

We update studies as the Lord Jesus leads us. You can find the latest update of this study at ChurchAges.net

Mwari akatanga kuita kereke nenzira yaaida

Mumashure mekufa kwemapostora munguva yekereke yekutanga, vanhu vane shungu dzekutonga vakapinda mukereke kuti vaiite bato rakarongwa nevanhu. Vakatonga kereke mukati menguva yekereke yechipiri apo kereke yakarongwa yakakura nevatungamiriri vayo vakasimudzirwa. Munguva yekereke yechitatu, pakanzuru yeNicaea muna AD 325, vakazivisa Mwari asimo muMagwaro Mwari mwanakomana neTiriniti. Zvakaipa zvakazara mukereke. Gore rakapoteredza AD 350 kuzvarwa kwamwari wemapegani wezuva kwakaitwa musi wa 25 Zvita kwakashandurwa kukaitwa kuzvarwa kweMwanakomana waMwari, chero zvazvo Bhaibheri risina kubvira ratiti tipemberere kuzvarwa kwaJesu. Kereke yakaderera kusvika pakuva chimisikidzo chehuwori muchando rima netsvina zveNguva yeRima yenguva yekereke yechina yakagara kwemakore 900.

Chigadziko chemwenje minomwe muTestamente Yekare chaimiririra makore 2000 enguva nomwe dzemakereke.

ZVAKAIPA zvinotaura kereke ichibva paTestamente Itsva nedzidziso dzayo dzemapostora ekutanga.

JOERE 2:25 Ndichakudzoserai’ zve makore akamadyirwa nemhashu negwata kwata, nomupedza chose nomuteteni, iyo hondo yangu huru yandakatuma pakati penyu.

Zvipuka zviviri zvinoparadza nemakonye maviri anomiririra mweya wekuparadza wetsika dzakasiyana siyana dzemapegani dzakapinda nechisimba munguva ina dzekutanga dzekereke. Mweya usingazivikanwi uri muvakuru vemakereke vanonyengera makereke kuti abve paMagwaro. Mweya yakavanzika nekuti zvinoita sekuti hakuna anoita seanoona kukanganisa kwayaiita. Hakuna akaona kuti zvitendero zvavo zvabva pamazwi echiGiriki, kwete paMagwaro. Mwari- Mumwe- muVanhu vatatu zvinobva pazivo dzevaGiriki, kwete muMagwaro. Baba -neMwanakomana ndevekuita kumwechete izivo dzemaGiriki kwete Magwaro.

Hakuna akaona kuti kereke payakagamuchira tiriniti yechipegani, kereke yakarasikirwa nezita raMwari. Hamugoni kuwana zita rimwechete rekudaidza vanhu Vatatu.

Hakuna akaona kuti kereke munguva dzemapostora yaive isina muprista, kana murevhi, kana vika, kana pasita, kana bhishopu aitonga kereke ari musoro wayo. Boka revakuru vekereke panzvimbo ndiro raitungamirira.

I PETRO 5:1 Vatariri vari pakati penyu ndinovakurudzira, vandiri mutariri pamwe navo nechapupu chematambudziko aKristu, nemugovani wekubwinya kuchazoratidzwa.

2 Fudzai boka raMwari riri pakati penyu, muchitaridzira, kwete nekurovererwa asi nekuda, kwete nekuda kwekukarira fuma yakaipa, asi nechido,

3 kana kuva semadzishe pane vamakagoverwa, asi muri mifananidzo yeboka.

Hakuna munhu nhasi anogona kuzviita ishe pamusoro pekereke.

Hakuna muTestamente Itsva yemapostora patakavimbiswa “Izwi raMwari”.

Vateveri vemuprofita wenguva yekupedzisira William Branham vakashandura hushumiri hwake kubva “paizwi remutumwa wechinomwe” akataurwa muMagwaro kuhuita “Izwi raMwari”. Hakuna munhu anotenderwa kushandura Magwaro nechero nzira.

Mapostora akaita kereke yekutanga nenzira inoratidzira zano raMwari reTestamente Itsva. Kwaive kuita kwemweya Mutsene mukereke yeTestamente Itsva sezvo yaive iyo yega nzira yaizoparidzwa chokwadi cheMagwaro. Kuita vanhu misoro yemakereke kubva panzira yeMagwaro.

Mwenje wepakati unomiririra nguva yekereke yekutanga ndiyo yega nzvimbo yakaonekwa Kristu naJohane.

Saka, nguva yekereke yekutanga ndiyo yega kereke yakawana kubvumira kwaMwari. Inobata senheyo uye muenzaniso kunguva dzese dzemakereke.

Johane, muprofita uye mupostora mukuru, akawira patsoka dzaJesu seakafa. Izvi zvinoratidza kuti hakuna munhu chero dai ari muprofita, anomira mushangu dzaJesu. Jesu ega ndiye anogona kutungamirira kereke Yake. Hakuna munhu anogona kutora nzvimbo yaJesu.

ZVAKAZARURWA 1:13 nepakati pezvigadziko zvemwenje zvinomwe, mumwe wakaita seMwanakomana wemunhu,

ZVAKAZARURWA1:17 Zvino pandakamuona, ndakawira patsoka dzake sewakafa; ndokuisa ruoko rwake rwerudyi pamusoro pangu, achiti kwandiri: Usatya; Ndini wekutanga newekupedzisira;

Ruwoko rwaJesu rwerudyi rwunomiririra simba Rake. Simba raMwari rakaratidzwa kuna Johane, muprofita mukuru, Johane paakafa kuzvido zvake.

Tarisai Jesu zvakataurwa naJesu kuna Kefasi, Muprista Mukuru.

MATEO 26:64 Jesu akati kwaari: Wataura iwe; asi ndinoti kwamuri: Kubva zvino muchaona Mwanakomana wemunhu agere kuruoko rwerudyi rwesimba, achiuya pamakore edenga.

Kusimudzirwa kwemunhu kuti ave musoro wekereke kunokonzeresa huwori. Vatungamiriri vakasimudzirwa ava vanonzi vaNikoraiti. Kereke yekutanga yaivenga kuita uku.

ZVAKAZARURWA 2:6 Asi ichi unacho, kuti unovenga mabasa aVaNikoraiti, neni andinovenga.

Ikozvino Mwari anoda kuti kereke ive zvaakaiita iri pakutanga

Simba raMwari nechokwadi zvaizoratidzwa mukereke

Munguva yekereke yekutanga nenguva yekereke yekupedzisira chete.

ZVAKAZARURWA 1:8 Ini ndini Arifa naOmega, Kutanga neKupedzisira, anoreva Ishe,

ZVAKAZARURWA 1:11 richiti: Ndini Arifa naOmega, Wekutanga neWekupedzisira; uye kuti: Zvaunoona, nyora mubhuku, uye tumira kumakereke manomwe ari muAsia,

ZVAKAZARURWA 1:17 Zvino pandakamuona, ndakawira patsoka dzake sewakafa; ndokuisa ruoko rwake rwerudyi pamusoro pangu, achiti kwandiri: Usatya; ndini wekutanga newekupedzisira;

Mwari anodzokorora kutaura uku kwekutanga nekupedzisira kashanu. Kudzokorora kunosimbisa kukosha kwechinhu ichi kumakereke manomwe.

Kana tikapesana nekukosha kwenguva yekereke yekutanga neyekupedzisira, tinopesana nechinangwa chenguva nomwe dzekereke.

Nguva dzemakereke dzakafanana nechirimwa.

Mbeu yemapostora yakadyarwa yakavigwa pasi petsvina yeNguva yeRima ikafa. Ndiyo nzira yehushe hwevanhu nehwepanyika. Vanobudirira voguma vafa. Ndiwo anenge ari magumo avo.

Asi ipapo chishamiso chinoitika. Munguva yekereke yechishanu yaMartin Luther yeRumutsiridzo, mbeu ndiyo Shoko yakatanga kumera apo mashizha muhupenyu hwevamutsiridzi vakaita saCalvin, Knox, Zwingli nevamwe, vakasiyana kwazvo nemapostora ekutanga mune zvakawanda sezvo vachiisa pasita pamusoro pekereke anodzidzisa zvinhu zvisimo muMagwaro zvakaita seTiriniti, Kisimusi, neChishanu chakanaka. Asi vakadzorera zvakakosha zvechokwadi zvekuti tiokwanisa chete kuponeswa nenyasha kupfurikidza kutenda kwete nemabasa, kwete kuponeswa nekuita nhengo yekereke, kwete nekuenda kukereke. John Wesley nekereke yechitanhatu akaumba hwema hwemweya hwakafuridzira hutsvene nehupenyu pasi rese munguva huru yemamishinari.

Nguva yekereke yechinomwe yaifanira kupedzisa nhanho mbiri dzekupedzisira dzechirimwa. Hura hwezvipo zvePentekositi hwakachengetedza Mbeu dzaikura apo vanhu vePentekositi vakabatana vakaparidza pamusoro perubapatidzo muzita raJesu.

Izvi zvakaswedera pedyo nechokwadi. Asi vanhu vazhinji vane zita raJesu. Saka, tinoda muprofita kuti atiratidze kuti togadzirisa sei nekuti tinofanira kuziva kuti Jesu watiri kutaura ndeupi. Tinofanira kuwedzera chinzvimbo chimwechete. Jesu Kristu kana Ishe Jesu kana zvinzvimbo zvese zviri zviviri, Ishe Jesu Kristu.

63-0324 MIBVUNZO NEMHINDURO PAMUSORO PEZVISIMBISO

Mwari, Baba, Mwanakomana, naMweya Mutsvene ndiye Jesu Kristu. Kana mukabapatidza muzita raJesu chete, hazvisizvo, kungobapatidza nezita raJesu, zvakaipa chose.

Kune vanaJesu vakawandisa. Nei, Nyika dzechiratini dzakazara nevanhu ivavo: vanaJesu.asi wedundiIshe Jesu Kristu. Zvinotiudza kuti ndiyani.

Kunana Branham vakawanda, kana muchida kutaura nezvangu ini munoti William Marrion Branham. Ndiye ini. Asi kune vamwe vana William Branham vakawanda nevamwewo vakapoteredza. Asi uku kudaidza munhu zvakasarudzika, Ishe Jesu Kristu (Mazviona?), Akazodzwa. Kungori neumwechete.

Mbeu dzinofanira kuibva muchiedza cheShoko apo William Branham anozivisa zvakavanzika zveBhaibheri reKing James.

Chakavanzika chikuru chaMwari ndechekuti Kereke inorasika kubva pamuenzaniso wekereke yemapostora munguva ina dzekereke. Inozodzorerwa munguva nhatu dzekereke dzinotevera.

MATEO 17:11 Jesu akapindura akati kwavari: Eria achatanga kusvika zvirokwazvo, achavandudza zvinhu zvese.

Eria ndicho chiGiriki chezita Erija.

Eria aive muprofita. Saka, kereke yevaHedeni yakavimbiswa muprofita panguva yekupedzisira achapedzisa kudzorerwa kwechokwadi nekuzivisa zvakavanzika zvenguva yekupedzisira kuti Mwenga vanhu vakazvimiririra mumakereke vadzidze kunzwisisa Bhaibheri reKing James Vhezheni.

Mbeu inokohwewa inofanira kufanana nembeu yakadyarwa. Tinofanira kutenda zvakadzidziswa nemapostora naPauro muTestamente Itsva.

Kubudirira kwekereke kwekupedzisira kuchave apo nguva yekereke yekupedzisira inodzokera kunotenda zvakatendwa nenguva yekereke yekutanga.

Hupenyu idenderedzwa rinotanga nembeu inomera yoita dzinde rinosangana nematanho akasiyana isati yasvika pakufanana nezvaive zvakaita yakadyarwa.

Denderedzwa iri rinopa chikafu kuti tirambe tiri vapenyu.

Tinofanira kuziva kufamba kwemweya uyu munguva nomwe dzemakereke kana tichida kuramba tiine rubapatidzo rweMweya Mutsvene rwunotiraramisa pamweya apo tinogadzirira Kuuya kwaShe.

JOHANE 16:13 Asi kana asika, iye Mweya wazvokwadi, uchakutungamirirai muzvowadi yose:

Gondo renguva yekupedzisira rinofanira kutitungamirira kudzokera kumweya weShumba wemapostora vakatanga neShoko raMwari rinova Jesu Kristu Shumba yerudzi rwaJuda.

Mwari vakaisa kukosha panguva nhatu dzekupedzisira dzekereke, nguva dzemakereke 5, 6, ne 7, paaitsvaga kudzorera kereke kunotenda zvakatendwa nemapostora pakutanga.

Pakuita izvi Chokwadi chakaziviswa chakabva kuMabvazuva chichienda kumadokero. Kubva kuGermany kuenda kuEngland nekuAmerica. Rumutsiridzo rwakaenderera mberi.

MATEO 24:27 Nokuti semheni inobuda kumabvazuva ichipenya kusvikira kumavirira, kuchava saizvozvo nekuuya kweMwanakomana wemunhu.

Vhesi iri rinotaura nguva nhatu dzekupedzisira dzekereke apo Mwari aidzorera Chokwadi cheBhaibheri pakupera kweNguva dzeRima.

Mheni chiedza chinofamba. Shoko rakaramba richiziviswa nehudzamu hwaro apo nguva dzaifambawo. VekwaLuther vaifara nehushumiri hwekuponeswa nekutenda vakaona vasina chikonzero chekuenderera mberi. Asi veChirungu vechingezi, vakagamuchira hutsvene nekuparidzira kwaWesley asi vakabva vaonawo vasina chikonzero chekuenderera mberi. VePentekositi vakadzorera zvipo zveMweya vakamirira ipapo. Mwari vakabva vamutsa hama Branham kuAmerica kuti vadzorere zvakavanzika zveBhaibheri.

Ipapo, pachinzvimo chekushandisa zvakataurwa kuti vanzwisire zvakavanzika zveMagwaro, vanhu vemharidzo vakaedza kutsanangura zvakavanzika zvisina kunyorwa muBhaibheri.

Zvakavanzika zvisina kunyorwa izvi ndiko Kutinhira kunomwe, Zvisimbiso Zvinomwe, neZita idzva raJesu. Saka, vakawirawo kure neMagwaro. Kereke imwe neimwe ina pasita pahutungamiriri hwayo ari musoro wekereke haigoni kudzokera kuzvitendero zvekereke yekutanga. Pakutanga, kereke yaitungamirirwa nevakuru panzvimbo vaiita basa rekuona kuti vanhu vari kutevera Magwaro zvakazara.

MATEO 24:28 Nokuti pese-pese pane chitunha, ndipo pachaunganidzwa magora.

Mitumbu inyama ichangobva kubaiwa. Hama Branham vakazivisa zvakavanzika zveBhaibheri asi makereke emharidzo akaramba kutora zvavakataura vachizvitsigira neMagwaro. Vakasarudza kuturikira zvisiriizvo nenzira isingagoni kutsigirwa neBhaibheri reKing James. Dzidziso isimo muMagwaro inoroverera Kristu ari Shoko. Makereke anoramba kana kupikisa zvakavanzika zvakaziviswa vari kuroverera Shoko, Jesu. Asi kuchava nemakondo akazvimiririra anokurudzirwa nezaruriro inovagonesa kunzwisisa Shoko rakanyorwa. Vanofanira kuva vakasimba kuti vafuratire kurambwa nekuzvidzwa kwekereke nemasangano emharidzo vanotsigira hama Branham kuvaisa pahuMwari nekuvadaidza kuti Izwi raMwari uye Mwanakomana wemunhu. Muprofita angori mwanakomana wemunhu. Jesu Ega ndiye Mwanakomana weMunhu.

64-0830 MIBVUNZO NEMHINDURO. 3

Kundiita munhu waIshe Jesu Kristu, kundiita antikristu.

Kumunhu waShe Jesu iyeye agere kuruoko rwerudyi rweHumambo kumusoro, achauya zvakare nesimba guru nekubwinya.

Asi kuhupenyu hwake hwaive Maari huri mandiri, nepamusoro penyu muna Iye,

Ichokwadi chaicho; munova Kristu.

“Kristu” zvinoreva uyo akazodzwa. Jesu ega ndiye Akazodzwa.

Hama Branham havana kubvira vataura kuti Kutinhira kunomwe kwakareva.

Asi masangano emharidzo akapatsanurana kuita mapoka akasiyana siyana panhau iyoyo chete vachiti, zviri zvekunyepa, Kutinhira Kunomwe kwakareva. Tisingatauri “mazita matsva” akawanda aJeus avari kugotaura pamusoro pawo.

Vanhu vemharidzo vakakanganisa zaruriro yeZvisimbiso Zvinomwe, zvakaitika muna Kurume 1963, vachiti ndiko kwaive kuzarurwa kweZvisimbiso Zvinomwe kunoitika mumashure mekunge Mwenga aenda Kudenga kuna Zvakazarurwa Chitsauko 6.

Mapasita haasi vadzidzisi veBhaibheri. Asi vanoda kutungamirira pakuturikira Bhaibheri sekuti munhu wese anofanira kunzwa ivo.

Vasingagoni kutsigira maonero avo vachishandisa Magwaro, vanotungamirira vanhu kubva pakutevera Magwaro.

“Pasita” akataurwa kamwechete muTestamente Itsva. “Pasita” akataurwa ari muhuzhinji, kwete munhu mumwechete, muTestamente Itsva. Saka, kunofanira kuita mapasita anodarika umwechete mukereke. Hufudzi hunosaganisira kubatsira vanhu nematambudziko avo asinei nekereke. Iri ibasa rechero mukuru ane ruzivo. Hakuna munhu akambonongedzerwa kuti aive pasita wekereke muTestamente Itsva. Asi “mapasita” akatukwa katanhatu muBhuku raJeremia. Uhu ndihwo hushumiri hunowodzwa zviri nyore. Izwi rekuti “pasita” harina kubvira rabatanidzwa nezita remunhu.

Zvisinei nekukanganisa kwese kwekereke panguva yekupedzisira, kuchagara kuri nevanhu vakazvimiririra vanoda kutenda zvakanyorwa muBhaibheri reKing James.

Martin Luther wekuGermany munguva yekereke yechishanu akadzorera kuponeswa nekutenda kwete nemabasa. John Wesley wekuEngland akadzorera hutsvene nekuparidzira munguva yekereke yechitanhatu.

JOHANE 4:24 Mwari Mweya; neavo vanomunamata vanofanira kunamata mumweya nemuchokwadi.

Nguva yekupedzisira kana nguva yekereke yechinomwe yakadzorera rubapatidzo rweMweya Mutsvene, pakutanga sekudzorerwa kwezvipo zvePentekositi, uye sezaruriro yezvakavanzika zvakavigwa kuseri kwemicherechedzo nenzira dzeShoko rakanyorwa.

Asi rutivi rwatinofanira kufamba narwo nderwekudzokera kunguva yekereke yekutanga yeTestamente Itsva.

Nguva yekereke yechinomwe yakakosha nekuti Bhaibheri rinoti nguva yekereke yechinomwe inoona Jesu amire kunze kwemusuwo wekereke. Hakuna kusarudzwa kereke. Saka, izvi zvinosanganisira makereke emharidzo anoti anotevera hama Branham. Ivo vakapatsanurana kuita masangano anodarika zana. Ese akasiyana asi ese anoti ari kunatsa.

Zviratidzo zvepamusoro zveNguva ine Sainzi dzakadzama

ZVAKAZARURWA 3:14 Nekumutumwa wekereke yeVaRaodhikia nyora uti:

ZVAKAZARURWA 3:20 Tarira, ndimire pamukova ndichigogodza; kana umwe achinzwa inzwi rangu, akazarura mukova, ndichapinda kwaari, uye ndicharaira naye, naiye neni.

Jesu ari kugogodza pamusuwo wekereke. Haasi kugogodza mumoyo wemutadzi.

Zvisinei nekunaka kwemakereke ariko nhasi ese, Mwari haafadzwi nawo. Jesu, ari Shoko raMwari rakaziviswa, akadzingirwa kunze “kwekereke isingazivi Bhaibheri” vanosarudza tsika dzemakereke nemazano evanhu akachenjera.

Saka, ndiwo maonerwo anoitwa kereke yechinomwe naMwari. Haina kuzadziswa. Haigoni kuzadzisa chinangwa chake chekutevera Magwaro. Haina kudzorerwa kunguva yekereke yekutanga yemapostora.

ZVAKAZARURWA 3:14 Nekumutumwa wekereke yeVaRaodhikia nyora uti: Zvinhu izvi anoreva Ameni, chapupu chakatendeka uye chechokwadi, kutanga kwezvisikwa zvaMwari:

“Amen” zvinoreva kuti Kuda kwaMwari kunoita kuti zvinhu zvese zvizadziswe zvakanaka pakupera kwenguva yekereke yekupedzisira.

Vasikana vakachenjera vachatorwa kukwira kudenga vasikana mapenzi vachakandirwa mukuipa kwenguva yeKutambudzika kukuru.

“Amen” zvinoreva kuti zvese zvinotaurwa naJesu ndizvozvo.

“Chapupu chechokwadi” zvinoreva kuti maonero edu asina kujeka anozonatswa pakupera kwenguva.

BHUKU RENGUVA DZEMAKEREKE. NGUVA YERAODIKIA

Akadzoka MUMWEYA pamusoro pekereke yechokwadi. Ndiye chapupu chakatendeka chechokwadi pakati pekereke. Asi rimwe remazuva achadzoka ari panyama zvakare.

Mutumwa kana nhume kunguva yedu ine dzidzo yepamusoro aive muAmerica asina kudzidza, William Branham. Asi mutumwa akauya pamusoro pake muna 1933 paaibapatidza parwizi rweOhio akati, “Sekukura kwakaita Johane Mubapatidzi nzira yangu yekuuya kwekutanga, mharidzo yako ichakura nzira yangu yekuuya kwechipiri.” Izvi hazvina kuisa kukosha paari semunhu asi pamharidzo dzake dzakazotapwa (mumashure megore 1947 pakanga pakuwanikwa tepi rekodha) achazivisa zvakavanzika zvaMwari (zvizhinji) achititendera kunzwisisa Shoko rakanyorwa muBhaibheri reKing James pachedu.

William Branham ndiye akaita umwe wevaparidzi vekutanga kutapa mharidzo dzake. Patinonzwisisa Bhaibheri rakanyorwa chete ndipo patichanzwisisa chakavanzika chaMwari (chimwechete) kuti tidzorerwe kunotenda zvakatendwa nekereke yemapostora yekutanga.

Raodikia zvinoreva kuti kodzero dzevanhu.

Vanhu vakukoshesa kodzero dzavo zvekuti vanotonzwa kuti vane kodzero dzekuzviitira zvitendero zvavo vega mukereke. Nekuda kwaizvozvo, taane masangano emakereke anodarika 45,000, akasiyana ese asi imwe neimwe inoti ndiyo inonatsa. Vanotiwo vane kodzero dzekuturikira Bhaibheri reChirungu kuriisa mumavhezheni anodarika zana anogona kurambidzwa kukoperwa. Hakuna munhu ane kodzero dzekuisa mutemo wekuti Shoko raMwri harikopwe. Bhaibheri rimwe nerimwe rine kopiraiti rakaipa.

Nguva yedu yekereke yekupedzisira inonzi “Kereke yeRaodikia”. Nhasi, kereke inoshandira Mwari maringe nekodzero dzekuti mumwe nemumwe anokwanisa kuita dzidziso dzake.

Mabhomba maviri eatomi akaputika kuJapapi paHiroshima neNagasaki akakonzeresa kuzunzika kukuru pasi rese. Mwari vaizoshandura zvinhu mukereke yevaJuda nevaHedeni. MaKristu aida kumutswa kuti aone zvaiitika.

JOERE 2:30 Ndichartidza zvishamiso kudenga napanyika, zvinoti; ropa nomoto neshongwe ndovutsi.

“Kudenga”. Kumusoro soro. Mabhomba akadonedzwa kubva chinhambwe chemakiromita anoda kuita gumi kudenga. Akaputika mamita 600 pamusoro penyika kuti aparadze kwazvo.

“Kumatenga”. Muhuzhinji. Nzvimbo mbiri dzakasiyana dzakapatsanurwa nemazuva matatu. Hiroshima neNagasaki dziri chinhambwe chemakiromita 300 kubva kune imwe.

“Ropa nomoto”. Micherechedzo yemhirizhonga neruvengo zvichitsanangura makore matanhatu ehondo yepasi rese yakaipisisa, Hondo yePasi rese yeChipiri. Vanhu mamiriyoni makumi manomwe vakaurayiwa.

“Shongwe dzovutsi”. Muhuzhinji. Hutsi huviri. Chiutsi cheredhiyo ekitivhi neguruva remakore maviri akaita kunge howa aive mudenga.

Bhomba reotomatiki repahiroshima raive makiromita 18 mudenga. Gore repaNagasaki raive makiromita anenge 14 kudenga. (Raive mudenga zvekukwanisa kuva mudenga matinoti kumakore).

Shongwe dzepamusoro dzechiutsi cheredhiyo ekitivhi dzakakonzereswa nemabhomba eatomi dzaive yambiro kunyika.

MARAKI 4:5 Tarirai, ndichakutumirai muprofita Eria; zuva iro guru raJEHOVA rinotyisa risati rasvika.

Zuva raJehova makore matatu nehafu eKutambudzika kukuru.

AMOSI 5:18 Mune nhamo imi munoshuva zuva raJEHOVA! Zuva raJEHOVA munorida neiko? Richava rima haringavi chiedza.

MAMBASA 2:20 Zuva richashandurwa kuva rima, nemwedzi kuva ropa, risati rasvika zuva raIshe guru uye rinobwinya;

II PETRO 3:10 Asi zuva raIshe richasvika sembavha usiku, naro matenga achapfuura nekutinhira kukuru, nezvekutanga zvichaguranyiwa nekupisa kukuru, nenyika nemabasa ari mairi achapiswa.

Kutsanangurwa kwakanaka kwekuputika kwenyukiriya.

MARAKI 4:6 Iye uchadzorera moyo yemadzibaba kuvana, Nemoyo yevana kumadzibaba, kuti ndirege kuuya ndirove nyika nokutuka.

Achitaura pamusoro paJohane Mubapatidzi, mutumwa akati aizotendeutsira moyo yevaJuda vakachengeta Murayiro kuvana vavo, Jesu Kristu nevadzidzi vake.

RUKA 1:17 uye iye achafamba pamberi pake mumweya nesimba raEria, kutendeusira moyo yemadzibaba kuvana, nevasingateereri kuuchenjeri hwevakarurama, kugadzirira Ishe vanhu vakagadzirwa.

Johane Mubapatidzi akazadzisa hafu yekutanga yechiprofita chaMaraki.

Vana ava vaive vadzidzi vakakura kuva madzibaba mapositora vaive madzibaba ekereke yekutanga.

Muprofita kuvaHedeni, William Branham, aizotendeutsa moyo yevana kumadzibaba mapostora ekereke yekutanga.

“Kuti ndirege kuuya ndirove nyika nokutuka”.

Izvi zvinotaura avo vanoramba nekusvibisa dzidziso dzake.

Kutukwa kunonamirira. Izvi zvinotsanangura redhiyo ekitivhi muvhu nemuchadenga yakaipisisa inotora nguva kuti iparare kuti nzvimbo iraramike zvakare.

Mwari vaitiyambira. Izvi zviri kuuya mumakore matatu nehafu eKutambudzika kukuru, Zuva raJehova, apo nyika ichatongwa noMoto.

(Hama Branham havana kubvira vataura kuti Kutinhira kunomwe kwakareva, saka ivai nechokwadi kuti hamutendiwo muna izvozvo.)

Hama Branham havana kubvira vati havatadzi.

62-1007 KIYI YEMUKOVA

Kuti, vanoti kune hama uko dzinoti ndakadzituma ikoko , uye vari kuparidza kuti vanhu vanoanira kusiya vakadzi vavo votsvaga vadiwa vavo vepamweya, uye kuti ini handitadzi zvachose. Kuti hakuna ... uye, oh, nezvimwe zvezvinhu zvakaipisisa zvamunganzwe.

Ikozvino ndiro zuva remunhu rinoita munhu sekuda kwake. Asi Zuva raMwari riri kuuya paachaita zvaanodawo zvakare.

Kudzorerwa kuzvitendero zvekereke yekutanga ndiyo yega nzira yedu yekuponeswa kubva kunguva yeKutambudzika. Kuponeswa kubva kugehena nekutenda munaJesu Kristu kuti akafira zvivi zvedu pamuchinjikwa hazviponese isu kubva kunguva yeKutambudzika. Kuziva Bhaibheri raMwari chete ndiko kunoita kuti tipesane nekukanganisa kwemakereke togadzirira Kuuya Kwake kweChipiri.

Muna 1947 mutumwa akauya kuhama Branham akamupa hushumiri hunoshamisa hwemweya hwekuporesa nekuona ndangariro dzevanhu. Hushumiri hwake hwaive hukuru kwazvo pakati pevakawanda vaive nezvipo vaishumira vePentekositi.

Muna 1963, Mwari vakabvisa kukosha pahushumiri hwake hwekuponesa nemweya unoshamisa kumuisa pakuzarura zvakavanzika zveZvisimbiso zvinomwe. Zaruriro idzi dzaizotendera Mwenga akazvimiririra kunzwisisa Bhaibheri reKing James rakanyorwa kuti agone kugadzirira Kuuya kweChipiri kwaShe.

Mwari akaronga sei kuzivisa zvakavanzika zveZvisimbiso izvi?

Musi wa 28 Kukadzi, 1963, zuva richangodoka, gore rinoshamisa rakaonekwa muchadenga rakaitwa nemapapiro evatumwa vanomwe riri makiromita 42 kudenga pamusoro peguta reFlagstaff muArizona.

Hakuna mhute pamusoro pemakiromita 20 inogona kugadzira gore.

Asi kwaive nemakore maviri akaitika pachinhambo ichocho.

Masikati acho roketi raive raputika pamusoro pebhesi remauto reVandenerg ririwo pachinhambwe chemamaira 42 mudenga. Chiutsi chakabva pakuputika uku chakafuridzirwa kuMabvazuva chichienda kuFlagstaff. Pachinhambwe ichocho, chiutsi chakatetepa kwazvo chakapararira chaisaonekwe nemumirazvu yezuva muchadenga. Gore rechiutsi rakatanga kuonekwa kwemaminetsi 28 mumashure mekudoka kwezuva, pamwechete negore rinoshamisa rakaitwa nevatumwa.

Mitsetse inoratidza nzira yechiutsi chaive kudenga masikati. Minongedzo mitsvuku inoratidza nzira yegore rechiutsi chaionekwa negore raisaonekwa mumashure mekudoka kwezuva.

Nekuti makore aive kumusoro kwazvo aikwanisa chete kuonekwa zuva radoka.

Unotevera mufananidzo, hausi mufananidzo wakaita zvekutorwa nekamera. Unotsanangura kuti gore riri kudenga denga rinogona kuonekwa sei mudenga dema kana zuva radoka.

MATEO 24:29 ... nemasimba ekumatenga achazungunuswa.

Vesainzi vaikwanisa chete kutsanangura gore rechiutsi raive kudenga denga. Havana kukwanisa kutsanangura gore rakaitwa nemapapiro evatumwa nekuti roketi rakaputika raive rimwechete saka vaisagona kutsanangura makore maviri aive kudenga denga. Hakuna roketi kana jeti rakadarika nepamusoro peFlagstaff husiku ihoho kuti zvisiye muzvezve. Hakuna mishonga inoita makore yaive yadirwa muchadenga mazuva iwayo. Gore rechipiri rakaitwa nemapapiro evatumwa vanomwe rakashamisa Dr James MacDonald vaive munhu wezvesainzi. Zvakaputsa mirairo yaizivikanwa yefizikisi dzemuchadenga (Simba redenga).

MATEO 24:30 Uye ipapo kuchaonekwa chiratidzo cheMwanakomana wemunhu kudenga;

Mwanakomana weMunhu ndiJesu. Muprofita mwanakomana wemunhu.

65-0718 KUEDZA KUBATIRA MWARI ASI HUSIRI HURONGWA HWAMWARI

Zvino muimba huru yeongororo, kuti nyika inge isina, vachiri kubvunzana kuti chii chakaitika. KuTucson, ivo veongororo huru vakatora mifananidzo waro riri kudenga; vachiri kushaiwa kuti chii chakaitika. Chaive chii? Vachiri kuisa mupepa, “kune anoziva here zvakaitika kuti zvingadai zvakaitika sei?” Hakuna mhute neguti kudenga, hakuna mhepo, hakuna hunyoro, mamaira makumi matatu kumhepo. Oh, maihweee.

“Kuchava nezviratidzo kumusoro kudenga. Kana zvinhu izvi zvakuitika, kudengenyeka kwenyika munzvimbo dzakasiyana siyana, ipapo chiratidzo chichaonekwa Kudenga, cheMwanakomana womunhu.’

Vatumwa vanomwe vakaita gore rinoshamisa sechiratidzo chekuti IYE Mwanakomana weMunhu, Jesu, aizoziviswa achifamba mukati mezvakavanzika zveBhaibheri.

Hama Branham havana kuzivisa kuti ivo vaive Jesu sekutaura kunoita vamwe vanhu vemharidzo. Vakazivisa Jesu muBhaibheri nekutigonesa kunzwisisa zvakavanzika zveBhaibheri.

Johane Mubapatidzi akanongedzera Jesu seMunhu akaonekwa nemaJuda. Hatisi kuzoona Jesu semunhu kusvikira zuva raachatora Mwenga wake kuenda naye Kudenga. Hama Branham vaifanira kunongedzera Jesu seShoko rakaziviswa ratinoona nekunzwisisa kana vatsanangura zvakavanzika kwatiri. Makereke emharidzo akakanganwa kuti Jesu ndiye Shoko raMwari.

Humbowo hwerubapatidzo rweMweya Mutsvene kugona kwedu kunzwisisa zvakavanzika zveBhaibheri reKing James.

JOHANE 16:13 asi kana iye asvika, Mweya wechokwadi, achakutungamirirai kuchokwadi

Hama Branham vanotsanangura kusangana nevatumwa vanomwe paSunset Peak musi wa8 Kurume 1963.

65-1127 KUEDZA KUBATIRA MWARI ASI HUSIRI HURONGWA HWAMWARI

Ndakakandira pasi kutunga kwebhuru, ndikakanganwa nezvazvo. Ndikatanga kukwira gomo zviri nyore ndikacheuka, havana kundiona, ndikamhanya kunorova gwara remhembwe. Ndaive ndakapfeka nguwani huru tema ndakatanga kumhanya nemo nekukasika. Zvakaitika. Pasi rese rakadedera kwese kwese. Mabwe emizera yakasiyana akakunguruka, guruva rikambumuka. Ndikatarira,

Ndakamira pamberi pevatumwa vanomwe; sezvazvaive.

Ndakanzwa sendaive ndimire pamusoro penyika. Chekutanga, ndakafunga kuti pane andipfura, munoziva, nenguwani tema mumusoro mangu; ndakaita sejavherina hogu, zvisinei, munoziva kuti akasviba. Ndakafunga kuti kune andipfura, ungati.. padyo padyo. Ndikazoona kuti chaive chii. Zvakanaka, nekukasika ...

Ndakapihwa basa rangu, Magwaro, “Zvisimbiso zvinomwe zvakavanzika zvinomwe.”

Mazuva masere vatumwa vanomwe vaita CHIRATIDZO kudenga kuratidza kuti paive nechiitiko chikuru chaive chichida kuitika, vakaonekwa pasina umwe aiona asi hama Branham na 8 mangwanani paSunset Peak kuti vamupe BASA rekuzivisa Zvisimbiso kuna Zvakazarurwa Chitsauko 6. Hapana mufananidzo wegore wakatorwa musi uyu.

MuJeffersonville kubva musi wa17 Kurume kusvika musi wa 24 Kurume 1963 CHIITIKO chikuru chakaitika. Zvisimbiso Zvitanhatu zvekuna Zvakazarurwa Chitsauko 6 zvakaziviswa.

Zvisimbiso zvinofanira kuziviswa Jesu asati azvizarura Mwenga paanenge akudenga akapoteredza chigaro Chake.

AMOSI 3:7 Zvirokwazvo Ishe JEHOVA haangaite chinhu, asina kumbozivisa varanda vake vaprofita zvakavanzika zvake.

Vaparidzi vemharidzo vanoti hama Branham vakazarura Zvisimbiso Zvinomwe. Asi havagoni kutsanangura kuti ndiyani akazvizivisa nguva yakadarika.

Kunzwisisa Zvisimbiso kunotigonesa kudzidza kunzwisisa zvakavanzika zvaMwari zvakanyorwa muBhaibheri kuti tigone kudzorerwa kuzvitendero zvenguva yekereke yekutanga.

Chisimbiso Chechinomwe ndicho chakavanzika chizere sezvo chichitaura pamusoro peKuuya kweChipiri kwaJesu chakavanzika chakakurisa pasi nekudenga.

Vaparidzi vemharidzo vakashaisha chokwadi nekutsanangura gore remweya vachiti kwaive Kuuya kwaShe kana kuuya kwemutumwa mukuru wekuna Zvakazarurwa Chitsauko 10. vateveri vaWilliam Branham vakakanganisa zvakanyanya dzidziso dzake. Dzidziso dzavo dzakaipa dzinopa zvikonzero kumakereke vanotsvaga kupikisa hama Branham.

Makereke anokanganisa paanoramba hama Branham asi vanoruramisirwa pakuramba zvisina Maturo zvinoparidzwa nevateveri vavo.

Tinodawo Magwaro anotsanangura gore guru rechiutsi.

Tarirai shanduko mbiri dzakaitwa naPetro pane zvakaprofitwa naJoere.

“Denga”. Rimwechete. Nzvimbo imwechete zuva rimwe. Guta reFlagstaff musi wa 28 Kukadzi 1963.

MABASA 2:19 Zvino ndichaita zvishamiso kudenga kumusoro, nezviratidzo panyika pasi, ropa, nemoto, nemhute yeutsi.

Mhute inoita makore anonaisa mvura.

“Mhute” yovutsi inoita gore rechivutsi.

“Roma nemoto”. 1963 raive gore rakapfurwa mutungamiri wenyika yeAmerica Kennedy mumusoro ropa rake rikachapukira parokwe remukadzi wake. Johnson akaitwa Mutungamiri wenyika akasimudzira hondo yeVietnam muna 1965 yakaurayisa mauto 60 000 ekuAmerica. Maguta eAmerica akatanga kupiswa nevairatidzira.

Mosesi akaona gwenzi raipfuta nemoto unoshamisa sechiratidzo chekutanga kweeksodo yekutanga. MaJuda achibuda muEgipita.

Jesu akazvarwa nemhandara ari Mwana panyama chiri chiratidzo cheEksodo yechipiri. Kereke ichibuda muchiJuda.

Gore rakaitika rega regore rinoshamisa zvaive zviratidzo zveEksodo yechitatu. Mwenga achibuda mukereke.

Chokwadi cheBhaibheri hachisisimo mumakereke

Tinoda rubatsiro rwengirozi kuti tinzwisise zvakavanzika zvakanyorwa muMagwaro.

ZVAKAZARURWA 18:1 Zvino shure kwezvinhu izvi ndakaona umwe mutumwa achiburuka kubva kudenga, ane simba guru, nyika ndokuvhenekerwa nokubwinya kwake.

2 Akadanidzira nesimba nenzwi guru, achiti: Rawa, rawa Bhabhironi guru, uye rava ugaro hwemadhimoni, nejere remweya yese yetsvina, nedendere reshiri dzese dzetsvina dzinovengwa.

Babironi ndicho chimisikidzo chemakereke akarongwa nemasangano.

Kana muchigona kunzwa kubva kumutumwa, anenge achikupai yambiro kuti makereke anhasi ane huwori.

ZVAKAZARURWA 18:3 Nokuti marudzi ese akanwa zvewaini yehasha dzeupombwe hwaro, nemadzimambo enyika akaita upombwe naro, nevashambadzi venyika vakafuma nesimba reumbozha hwaro.

Makereke apfuma zvakanyanya. Vanhu vakuru vane mbiri vari kubata mumakereke. Kune mikana yakawanda mumagariro kana muri nhengo yekereke.

ZVAKAZARURWA 18:4 Zvino ndakanzwa rimwe inzwi kubva kudenga richiti: Budai kubva mariri vanhu vangu, kuti murege kuva vagovani vezvivi zvaro,

Asi rimwe izwi, izwi remukati reMweya Mutsvene rinokuudzai kuti mubude mukereke.

Vasikana gumi mumufananidzo vanotiudza pamusoro pekereke yekupedzisira apo dombo rinorova zvigunwe gumi zvemufananidzo waDanieri wemuHedeni. Vadzvanyiriri gumi vekupedzisira vachatonga nyika kana vapa simba remauto avo kuna Pope wekupedzisira, chikara, musoro wekereke yeRoman Catholic.

Tarisai mufananidzo wevasikana mhandara gumi.

MATEO 25:1 Panguva iyo ushe hwekumatenga huchava hwakafananidzwa nevasikana gumi vakatora marambi avo vakabuda kunochingamidza muwani.

Mhandara vasikana vakachena. Mukadzi mucherechedzo wekereke. Mhandara inomiririra vanhu vakaponeswa mumakereke.

MATEO 25:2 Zvino vashanu vavo vakange vakachenjera, uye vashanu vari mapenzi.

Vanhu vakachenjera vanogona kubatanidza mavhesi eBhaibheri pamwechete kutsigira dzidziso vachishandisa Magwaro. Vane chiedza chakakwana kubva kumafuta anopfuta kuti vaverenge nekunzwisisa Magwaro.

MATEO 25:3 Avo vari mapenzi vakatora marambi avo, vakasatora mafuta pamwe navo.

Vakanyengerwa nedzidziso dzekereke, vanhu vemakereke vari kuwedzera kushaiwa zivo yeMagwaro apo vanotadza kutsigira zvavanotenda neMagwaro.

MATEO 25:4 Asi vakachenjera vakatora mafuta mumidziyo yavo nemarambi avo.

Mafuta anomiririra Mweya Mutsvene. Humbowo hwerubapatidzo rweMweya Mutsvene kugona kwako kunzwisisa zvakavanzika zveMagwaro.

JOHANE 16:13 Asi kana asvika iye Mweya wazvokwadi: uchakutungamirirai muzvokwadi yose; nokuti haangatauri zvake;

Pakupedzisira, vanhu vakazadzwa neMweya havazotauri pamusoro pezvavakasangana nazvo naMwari, vanovimba nekugona kwavo chete kuverenga nekunzwisisa Bhaibheri reKing James.

MATEO 25:5 Zvino muwani wakati achinonoka, vese vakatsumwaira vakarara.

Makereke anoramba kubvuma kuti vose vakavata vakakotsira. Vese vakachenjera nemapenzi.

ZVIREVO 10:5 … asi unovata hope mukukohwa, mwanakomana unonyadzisa.

Kukohwa ndipo panobviswa mbeu pabazi rakafa. Mwenga ave pedyo nekubviswa panyika kunosangana naIshe kumakore.

Ikozvino tinofanira kushandisa zvakabatwa paitaura vanhu kuti tinzwisise Magwaro.

MATEO 25:6 Asi pakati peusiku kwakadanidzirwa: Tarirai, muwani ouya, budai munomuchingamidza!

Tese takamirira mhere yekumutswa. Zvichida kudengenyeka kwenyika kukuru kuchakonzera kuparara kukuru kwezvemari mune zvimwe zvikamu zvemakombiyuta zvakafanana neLos Angeles ine Silion Valley neTaiwani.

Fekitori imwechete muTaiwani, inonzi TSMC, ndiyo yega panyika inogona kugadzira machipi epamusoro emakombiyuta.

Zvichatora kukanganisika kukuru kwezvemari kuti nhengo dzemakereke dzakaponeswa dzimutswe vakakotsira pamweya vakavarairwa mumakereke avo avanoti matsvene.

Asi kana vanhu vekereke vakamuka, vese vakachenjera nemapezi, vachaudzwa vese kuti vabude mumakereke avo. Nei? Nekuti Jesu ari kunze kwemakereke.

Chimwe chikamu Magwaro chimwe chikamu hachisi Magwaro hapana kupisa kana kutonhora

ZVAKAZARURWA 3:15 Ndinoziva mabasa ako, kuti hautonhori uye haupisi. Ndaida kuti dai uchitonhora kana uchipisa.

16 Zvino zvaunodziya, uye hautonhori uye haupisi, ndichakusvisvina mumuromo mangu.

Katatu Mwari akataura kuti kereke haipisi kana kutonhora. Vangori nemaitiro asingatambiriki. Havagoni kukoshesa Magwaro. Havadi kugadziriswa neMagwaro. Havadi kudzidza chokwadi chakadzama. Vanofara kufuratira kudzidza chokwadi chakadzama. Vanofarisa kushandura mamwe Magwaro kumaita zvavanoda ivo. Vanoshoropodza Bhaibheri reKing James Vhezheni vanokasika kutaura kuti hazvigoni kuwana Bhaibheri rakarurama.

“Tinofanira kuziva here?” Ndiko kubvunza kunoita vasikana mapenzi. Vasikana mhandara vakadzi vakachena, vanomiririra vanhu vakaponeswa. Asi havadi kushanda zvine simba kuti vanzwisise zvakavanzika zveBhaibheri.

Vanoziva zvishoma kwazvo paShoko. Asi Jesu ndiye Shoko. Saka, vanoziva zvishoma kwazvo pamusoro Pake.

Zvamunofunga pamusoro peBhaibheri reKing James ndizvo zvamunofunga pamusoro paJesu.

Makereke anotevera Magwaro pane zvimwe vachimafuratira pane zvimwe. Vanotenda kuti Jesu akazvarwa muBeterehema muchidyiro. Asi Bhaibheri harina kubvira ratiti tipemberere kuzvarwa kwake. Mutambo wedu mukuru iKisimusi musi wa25 Zvita. Asi zuva iri rinobva pachipegani. Muna Zvita AD 274 Mubati weRoma yechipegani Aurelian akauraya Bhishopu weRoma (nekuti aiuraya maKristu) akabva aita 25 Zvita zuva rakaberekwa mwari wezuva, Sol Invictus, Zuva Risingakundiki.

Akauraiwa nemupurisa wake gore rakatevera.

Nguva yakapoteredza AD 350, Jurio I aive Bhishopu weRoma, akatevedzera zuva rakaberekwa mwari wemapegani iri akariita zuva rakaberekwa Mwanakomana waMwari.

Jurio akabva afa muna AD 352.

(Kushandisa nekukoshesa zuva remusi wa25 Zvita hakuna kuitira kana mumwe wevarume ava zvakanaka.)

Mutambo wechiRatini unonzi Masi. Zuva iri rakadaidzwa kuti Kirisimasi rakazoitwa Kisimusi.

Vaida zvipo zveKisimusi zvekuti izvi zvaizounza mari zhinji. Madhimoni anopindura chitendero kuchiita mari zhinji. Vanhu vanoda kutengera vana zvipo. Vanhu vanoda kupemberera mabhavhadhe. Saka vakashandura kuti vachenjeri vakaenda kuchidyiro pachinzvimbo chekumba.

25 Zvita harimo muMagwaro. Kisimusi izwi risimo muMagwaro.

MATEO 2:11 Vakati vapinda mumba, vakaona mwana naMaria mai vake, vakawira pasi vakamunamata; zvino vakati vazarura fuma yavo, vakamupemberera nezvipo, goridhe, nezvipfungaidzo zvinonhuhwira, nemura.

Varume vakachenjera vakapinda mumba makore maviri mumashure mekuzvarwa kwake atove Mwana, kwete rusvava. Hakuna zvipo zvaakapihwa pakuzvarwa kwake, asi vafudzi vaive netsvina vaive vauya vachimhanya vazere dikita. Paive nedikita pakuzvarwa kwake aizodikitira ropa pakufa kwake achidzikinura isu kubva pakutukwa kweEdeni.

Zvipo zvavo zvakaratidza kuti vaifunga kuti aive ani. Ndarama ndiMwari. Zvinonhuwira zvinonatsa nyama yakatsva kuti igamuchirike nemunhuwi wakanaka.

Vakafunga kuti Jesu aive Mwari panyama, achiuya kuzova chipiriso chakanaka.

Mura mushonga unoshandiswa pakuviga vakafa. Jesu aiuya kuzofira zvivi zvedu.

Jeremia akatiudza kuti tisateme miti toishongedza nesirveri nendarama nekuti dzaive tsika dzemarudzi evanhu.

Asi vasikana mapenzi (maKristu akaponeswa asi akanyengerwa nemakereke avo) vanoramba vachiita nezvemuti weKisimusi usimo muMagwaro.

JEREMIA 10:2 Zvanzi naJEHOVA, regai kudzidza tsika dzemarudzi evanhu, musavhundutswa nezviratidzo zvekudenga; nokuti marudzi avanhu anovhundutswa nazvo.

Zviratidzo zvokudenga, zviratidzo zvezodhiyaki zvakawodzwa kuitwa “Nyeredzi dzenyu”. MaKristu mazhinji anotenda mazviri. Sekuti nyeredzi dzinotsanangura hupenyu hwenyu.

JEREMIA 10:3 Nokuti tsika dzavanhu hadzina maturo, nokuti umwe unotema muti mudondo riri basa remawoko omunhu unoveza nedemo.

4 Vanoushongedza nesirveri nendarama, vanourovera nembambo nenyundo, kuti urege kuzununguka.

Ikozvino muti wevaHedeni wakashongedzwa ndiwo chinhu chikuru pamhemberero dzeKisimusi.

Chatinoda chete inguwo tsvuku nguwani tsvuku naSanta.

Mukabvisa “n” mukamuisa kwekupedzisira kwezwi rekuti “Santa” munowana Satani. Vanoenda kumakereke vanonyengereka zviri nyore.

Musanganiswa usingapisi kana kutonhora wemazano eBhaibheri wakashongedzwa ukashandurwa kuti uenderane netsika dzechipegani.

Hazvishamisi kuti nei tichisvota Mwari.

ZVAKAZARURWA 3:16 Zvino zvaunodziya, uye hautonhori uye haupisi, ndichakusvisvina mumuromo mangu.

Mwari vanotaura nekereke seboka. Acharutsa boka rese richipinda munguva yeKutambudzika Kukuru. Pese pane boka revanhu, vamwe vanhu vanosimuka kuva munhu umwe anotungamirira nekutonga boka iroro nemazano ake asimo muMagwaro. Mutungamiri uyu haagoni kunzwisisa Bhaibheri reKing James zvakakwana saka anobva pakutevera Magwaro zvakazara saka vanobva pakutevera Magwaro. Nekudaro, boka rese rinotarirwa kupinda munguva yeKutambudzika votongerwa kutadza kwavo.

Kutevera Magwaro zvakazara kwakakosha kudarika zvatinofungira. Mazano edu pachedu akaipisisa kudarika zvatinoona.

Asi vanhu vakazvimiririra, kana takazvipira kubuda muzvitendero zvekereke, tinogona kuponeswa kubva kumakore matatu nehafu eKutambudzika. Asi hakuna tariro kukereke “nemafungiro ayo eboka” nemutungamiri wawo umwechete.

ISAYA 28:7 Asi naivo vanozungunika newaini vanodzedzereka nezvinobata, muprista nomuprofita vanodzungunyika nezvinobata vakamedzwa newaini vanodzedzereka nezvinobata, vanokanganiswa pakuvona vanogumburwa pakutonga.

Waini inomiririra kusimudzwa kwezaruriro. Nhasi, vanhu vazere nemazano akajeka asingagoni kutsigirwa neBhaibheri reKing James. Mazano evanhu aya angori magumo akafa asina kwaanoenda.

Zvinodhaka zvinomiririra zvakaipa zvinobva pamazano evanhu.

Kuedza kuturikira Magwaro avasinganzwisisi kunongotungamirira mukukanganisa kukuru.

Vanokanganisa zvikuru sezvo vasingagoni kutsanangura Magwaro ese anotaura pamusoro penhau.

Vanogumburwa pakutonga nekupomera vanhu vane chokwadi cheBhaibheri.

Kuita zvakaipa kukanganisa kukuru. Asi kupomera vanoita zvakanaka kukanganisa kwakanyanya kukurisa.

ISAYA 28:8 Nokuti matafura avo azere namarutsi anosemesa. Hapana pakanaka.

Matafura kazhinji haasi chikamu chezviitiko zvekunamata mukereke kunze kwetafura yechirayiro.

Isaya anoti pane chakaipa kwazvo mumaitiro atinoita Chirayiro Chashe kana kuti Chidyo.

Chirayiro chekutanga chaive nechingwa chisina mbiriso kana gowa. Mucherechedzo wekuti hapana kuzitutumadza nekuzvikoshesa. Chingwa chakagurwa, kwete kuchekwa. Chingwa chakagurwa mucherechedzo wemweya wakaputsika, moyo wakaninipa.

54-0512 NGUVA NOMWE DZEMAKEREKE

Tiri mumazuva ekupedzisira; saka gwarirai. Fambai nekuzvirereka. Ivai nemoyo yakaderera yakaputsika, moyo wehunyoro, muchida kuti Mweya Mutsvene ukutungamiririrei. Amen. Zvakanaka. Oh Maiwe.

Komichi imwe yewaini, kwete magirazi akawanda.

Waini mucherechedzo wekusimudzwa kwezaruriro. Komichi imwechete yewaini. Tinofanira kuva nezaruriro imwechete tese kana tichiiwana kuchokwadi chikuru cheBhaibheri reKing James.

Zvakaitwa husiku kwete magwanani. Zvinomiririrwa neChirayiro chaShe kwete chisvusvuro chemagwanani.

Husiku hunotaura pamusoro perima apo Kristu anotengeswa nekuda kwemari. Rima rekusatenda riri kutsvaira makereke ese apo vanobatirira pazvitendero zvisimo muMagwaro zvakafanana neTiriniti, Kisimusi, Chishanu chakanaka, Makore manomwe eKutambudzika, pasita ndiye musoro wekereke, neChegumi ndechapasita.

Mumashure mechingwa newaini, Jesu akazivisa kugezesa tsoka.

Tsoka dzinofambidzana nenguva nomwe dzemakereke dzichimiririrwa netsoka dzevhu nedare pamufananidzo wakaonekwa naDanieri weMuhedeni. Ivhu mucherechedzo wemaKristu akaponeswa. Zvidimbu zvedare zvinomiririra Kereke yeRoman Catholic.

Kugeza tsoka mumvura mucherechedzo wekugeza vanhu vechiHedeni mumvura dzeShoko nekuparidza Evangeri kwavari.

VAEFESO 5:26 kuti aiite tsvene ainatse nekusuka kwemvura neShoko,

Rutava kana neti muMagwaro mucherechedzo weIntaneti

mifananidzo minomwe kuna Mateo 13 inomiririra nguva nomwe dzekereke.

Mufananidzo wechinomwe unomiririra nguva yekereke yekupedzisira yeRaodikia. Rutava runotsvaira mugungwa. Nhasi tinoona chokwadi chinoziviswa kupfurikidza kutsvaira mugungwa remarudzi epasi rino asina kugadzikika paintaneti.

54-0512 NGUVA NOMWE DZEMAKEREKE

Akati, “Hushe hwekudenga hwakafanana nemumwe akateya rutava mugungwa. Kana akariburitsa, rinenge riine zvese.” Anenge aine kamba. Anenge ain hove. Anenge ane magakanje. Akenge aine zvese zvinofamba mumvura. Anenge aine nyoka chaidzo. Ndizvozvo. Asi imomo anenge aine hove dzakanaka wo.

Zvino, kana munhu akaparidza kumutswa ari pasi pesimba nekuratidzira kweMweya Mutsvene, rutava runobata vanhu vakapoteredza. Ndizvo chaizvo. Asi kana ari chishambwe pakutanga, anenge ariwo chishambwe pakupedzisira.

Kana ari dzvatsvatsva remumvura, chekutanga chamunoziva achatenderera achitsvaga, achiti, “Handitendi muzvinhu zvekare izvi.” odzokera kumvura.

Kana ari nyoka, achati, “Ndakakuudzai nezvazvo,” anobva aenda. Aive nyoka pakutanga, ndiko kuita kwake. Achange asiri chimwe chinhu kusvikira kuita kwake kwachinja.

Munhu haagoni kupinda kereke, kana kumutswa mumoyo, kana chimwe chinhu oita muKristu.

Anofanira kuzvarwa patsva semuKristu; kufa kuzvivi nekuzvirereka, kuchema, kurara pakadaro apo kusvikira afa munaKristu. Rangarirai, hupenyu hunouya chete nerufu.

Tsanga yechibage, kana ikachengetwa, inoramba iri yega, haina chainoreva kudarika tsanga imwechete iyoyo. “Kunze kwekunge tsanga yegorosi yawira pasi, inoramba iri imwechete.” Asi kana ikawira pakadaro apo, ikaora, ikasvibiswa, kubva pakati pekuwodzwa kunounza mbeu yehupenyu inoipa hupenyu yobereka dzimwe.

Kunze kwekunge kereke yaberekwa patsva, yafa kuzvivi zvayo, netsananguro dzayakabatira kwadziri, nezvimwe, ikabarwa patsva muMweya waMwari, inochembera, yotonhora, isina huMwari. Amen. Ndizvozvo chaizvo. Ndiko kuparidza kwekare , asi kunokuponesai, hama. Ndizvo chaizvo. Zvinokuchengetedzai kana mhepo yarova. Dzikai midzi musimbe. Bvisai tsvina yese ‘pekutanga dirai kongireti yenyu; tarirai, ndizvozvo, mosimbiswa kubva pasi zvakanaka zvakasimba.

Oh, hama, izuva rakadii ratiri kurarama mariri: nguva yekereke yakasiyana. Hongu Baba.

Kereke inokoshesa kupfuma

ZVAKAZARURWA 3:17 Nokuti unoti: Ndiri mufumi, uye ndakafuma, uye handishaiwi chinhu, asi hauzivi kuti ndiwe unotambura, neune nhamo, nemurombo, nebofu, newakashama;

“Imi munoti, Ini ...” Kereke yakazvisimudzira kuzviita muromo waMwari. Asi kukosha kuri pairi, kwete Mwari. Kuzvikudza. Kuzvitutumadza. Kuzvinzwa. Kuzvida.

“Ndakafuma handishaiwe chinhu”. Ndiwo maonero avanozviita asi Mwari anopokana nazvo. MaKristu vakapfuma vane zvese vanozviona sevakakomborerwa.

Vashumiri vemakereke havaedzi kusiya makereke avo kana kupokana nawo nekuti vanorasikirwa nemari dzavo dzemudya ndigere.

“Musingazivi”. Izvi zvinotyisa. Kusaziva kuti muri kupikisa zvamuri chaizvo. Muri mapofu kuchokwadi. Saka kereke yenguva yekupedzisira iri kurarama mudzidziso dzakarasika.

Vakadzi mumakereke vanopfeka zvakaipa nekuratidzira muviri yavo nekuti vanoda kupfeka feshoni yenyika. Kupfeka midhebhe, kuzora zvekunakisa chiso, mhete, magogo, nekugera misoro yavo zvazvinhu zvakanaka muvakadzi mumakereke. Havachagoni kugara vachiita zvakasiyana nenyika. Vanotevera hutungamiri hwehoriwudhu.

Asi “Varombo” chaivo hurombo pamweya. Nekuti Jesu haakoshese pfuma kana kuzvikoshesa.

Makereke ane mutoro wezvipo zvenyama nekuda zvivakwa zvinoda mari zhinji nekupedza nguva pakugadzirisa. Humbowo hwekutanga tanga hwechivakwa chakashandiswa sekereke hwaive hwegore AD 220. Nguva iyi isati yasvika vanhu vaisangana mudzimba kana nzvimbo dzakavanda kana pamhene.

Nekunyengerwa nezvenyika, takudaidza hupfumi nezvinhu zvatinounganidza zvenyama kuti Makomborero aMwari. Sekuti kurarama muhutefe tefe ndiko kwakakosha.

Hupfumi hunogonesa makereke nenyika, nezvitendero nezvematongerwo enyika kubatana. Vanosunganidzwa. Saka, chimiro chekereke pamweya “hurombo”. Zvematongerwo enyika zviri kutonga uye zvinomanikidza makereke kugashira kodzero dzengochani, kuroorana kwevarume nevarume, kubvisa mimba nekuzvishandura kuita mukadzi uri murume. Izvi “zvinosemesa” kuti zvigashirwe nekereke. Pasi pasi pemoyo vanoziva kuti hazvina kunaka asi havatenderwi kuzvitaura.

Pfuma yenyika yakapofomadza nguva yedu. Hushe hwezvematongerwo enyika hwakavakwa neEurope hwakavagonesa kutora mari kubva mune vavakatapa. Makaro unenge uchingoda zvimwe kuti zvive zvizhinji. Kupa mari kune munhu ane makaro kana nyika zvakafanana nekuisa huni dzakaoma pamoto. Rimi remakaro rinopfuta zvakajekesa.

“Une urombo nenhamo”. Munguva ino yezvizhinji nekuwanda tinoona kusimuka kukuru kwehurwere hwepfungwa. Mapiritsi ekurarisa, mapiritsi ekupedza kufunganya neekuzvipa simba ndiwo akuraramisa vanhu. Vanhu vanoedza kuderedza kutya kusingazivikanwe nekunwa hwahwa apo vanotanga kutadza kuzvinzwisisa ivo pachavo. Izvi zvaita kuti ive nguva yemipengo isingagoni kuwana rugare rwairi kutsvaga. Nguva yezvido zvisina anozadzisa nekuda kusina chinhu kusina anozadzisa.

“Nhamo. Kufunga kuti munhu akapinda kereke nekuita kuti makereke abatane zvichagadzirisa dambudziko. Vanonzwisa tsitsi apo vasingazivi kuti chituko chakadii kuva sangano rekereke rakarongwa. Vanoshaiwa simba sei kana dutu rekutonga kwaMwari rauya nekuparadza kwekukasika. Tinoda nyika ive Shoma Mwari awande.

1957 ndipo pakapedzisisa kumutswa chokwadi cheBhaibheri muAmerica. Kubva ipapo kutaura nendimi chiratidzo chekutongwa kwakamirira sezvo vaive mumazuva a Berishazari wekuBabironi. Runyoro rwaive pamadziro rwemutauro usingazivikanwe rwaive chiratidzo chemagumo enguva yekutanga yevaHedeni yeBabironi. Ndimi dzave runyoro rwuri pachidziro chenguva kunguva yedu yekupedzisira yevaHedeni.

Kutaura nendimi dzisingazivikanwe kuzviratidza kweMweya asi asi hausi humbowo hwekuti Mweya uripo.

Vanhu havachatendi kuti Bhaibheri reKing James ndiro Chokwadi chikuru. Kuti Shoko rimwe nerimwe rinofanira kutendwa mariri.

ZVIREVO 30:5 Shoko rimwe nerimwe raMwari rakanatswa.

MATEO 7:21 Haasi wese anoti kwandiri: Ishe, Ishe, achapinda muushe hwekumatenga; asi anoita kuda kwaBaba vangu vari kumatenga.

Kuda kwaMwari panguva yekupedzisira ndekwekuti isu tidzokere pane zvakatendwa nenguva yekereke yekutanga zvakatangwa nemapostora.

MATEO 7:22 Vazhinji vachati kwandiri pazuva iro: Ishe, Ishe, hatina kuporofita muzita renyu here, tikabudisa madhimoni muzita renyu, tikaita mabasa esimba mazhinji muzita renyu?

23 Zvino ipapo ndichareva kwavari pachena ndichiti: Handina kukuzivai chero nguva; ibvai kwandiri imwi vaiti vezvakaipa.

Vanhu vakawanda vachiri kuita zvinhu zvemweya zvinodakadza asi izvi hazvinyanyoverengwa kana vasingagoni kunzwisisa zvakavanzika zveMagwaro akanyorwa.

JOHANE 16:13 asi kana iye asvika, Mweya wechokwadi, achakutungamirirai kuchokwadi chese; nokuti haazozvitauriri pachake,

Humbowo hwerubapatidzo rweMweya Mutsvene kugona kunzwisisa zvakavanzika zvaMwari zvakaziviswa.

Tisingataure nezvedu.

DANIERI 12:10 … asi vakachenjera vachanzwisisa.

Vasikana vakachenjera vane mafuta eMweya Mutsvene. Kana akangotungidzwa anopa chiedza chakakwana kuti muverenge Shoko nekunzwisisa Magwaro akanyorwa.

Kunzwisisa Magwaro nekudzokera kune zvakatendwa nekereke yekutanga ndicho chinangwa chedu chakakosha.

“Bofu usine chokufuka” pamweya uku kutukwa kukuru kwenguva yedu. Izvi zvinongoreva kuti kereke yedu hatizivi uye hatina tariro. Vanhu vakasukurudzwa pfungwa nedziziso dzenhema dzekereke.

“usingazivi kuti uri ... nebofu, hauna chokufuka:” kuva bofu nekushaiwa chokufuka nekusaziva zvinoreva kuti munhu anenge asina kukwana mupfungwa.

Havaoni nekuti vanowana zvakaipa muShoko raMwari. Vanoti hakuna Bhaibheri rakarurama.

Izvi zvinoreva here kuti Mwari akasiya kereke yenguva yekupedzisira nekuti vakaramba Shoko raMwari?

Vakakurura ruchengetedzo rwaMwari vakatsvaga kuvaka nzira yavo voga yeruponeso, masvingo avo voga eBaberi avakaronga.

Bato rekereke rakarongwa zvimisikidzo zvaantikristu. Vanomiririra kusungwa kwemasawi akatarirwa kupiswa. Vanopembera mukunyadziswa kwavo nekuti vagere pakupikisa Shoko.

Erisha akarova hondo yevaSiria nehupofu. Asi meso avo aive akazaruka vaiona kwavaienda. Asi zvimwe zvinhu vaisakwanisa kufamba vachizviona.

Makereke akadaro nhasi. Havaoni zvavanotadza. Havatereri kuti vadzidze. Vanongoterera kuti varambe zvavanenge vachinzwa. Vanoda makereke avo nevatungamiriri vavo kudarika kuda kwavanoita Shoko raMwari. Vane chokwadi kuti vari kunatsa uye mukusaona kwavo vacharasikirwa nezvese.

Raodikia raive guta rakapfuma rakazoparadzwa nekudengenyeka kwenyika. Ndiko kufanoratidzirwa kwenguva yedu.

MATEO 24:7 Nokuti rudzi ruchamukira rudzi, neushe huchamukira ushe, uye kuchava nenzara nematenda nekudengenyeka kwenyika kunzvimbo dzakasiyana-siyana.

Izvi ndizvo zviratidzo zvekuguma. Hondo mbiri dzinotyisa dzePasi Rese. Hondo isingaperi pakati pemarudzi akasiyana yegore 1980 yeIran neIraq yakaita makore masere vanhu vanosvika mamiriyoni maviri vakafa nekukuvara. Hondo yeKorea. Hondo yakadaidzwa kuti Cold war. Hondo yeGalf vachirwisa Iraq. Hondo yeAfghanstan. Hondo yeRussia neUkrain.

Tarirai kuita kweruzivo rwevanhu. Takadzidza kugadzira zvombo zvikuru zviri nani zvehondo kuti tiuraye vanhu vakawanda.

Nzara dzese dzaMwari nedzinoitwa nevanhu vekuRussia nevekuChina dzakauraya vanhu vanosvika 80 miriyoni muna 1920.

Stalin, kuRussia, akaba chikafu chevanhu akavauraya nenzara kuti atenge mafekitori kubva kuAmerica nemari yeropa iyi.

Mao Zedong kuChina akaba chikafu cheChina akauraya vanhu nenzara kuti atenge zvombo zvehondo kubva kuRussia kuti adzvanyirire vanhu vekuChina. Ndihwo hutsinye hune vanhu vachiitira vamwe vanhu.

Hosha dzakafanana nechirwere chedzihwa chekuSpain chakauraya vanhu vanosvika 70 miriyoni muna 1918 kusvika 1919 nekuparadza kukuru munezvehupfumi kwakakonzereswa neCOVID- 19 yakaparadza mabhizimisi. Izvi zvakakudza zvikwereti nemuripo wekurarama.

Jesu akapedzisa chiprofita chake nekudengenyeka kwenyika.

Chii chinoitika kana nzvimbo dzakakosha dzakaita seLos Angeles dzikanyura pasi pegungwa sezvakafungidzirwa kuti zvichaitika nevesainzi?

Kana nzvimbo dzezvemari dzikarohwa nekudengenyeka kwenyika tese tinenge tapinda mudambudziko. Kereke yeRoma chete, bato rakakurisa pasi rese, inenge iine mari yekubatsira nyika. Asi nyikawo inofanira kuteerera Pope.

MATEO 24:8 Asi zvese izvi kutanga kwemarwadzo.

Matambudziko esenturi rekupedzisira anotungamirira kupindira kwenguva yeKutambudzika. Zvotowedzera.

Kutambudzika kwese kwesenturi rakadarika nemamwe hakusi chinhu kana zvichienzaniswa nerufu ruchauya nenguva yeKutambudzika. Rucharova nyika zvakaomazvine hukasha zvisina akatarisira. Rufu runopindira kuti ruuraye kota revanhu vari pasi rese, vanhu mabhiriyoni maviri. Chisimbiso chechina chinotsanangura nguva yeKutambudzika iyi inogumisa kuita kwevanhu.

ZVAKAZARURWA 6:8 Zvino ndakaona, uye tarira, bhiza rakachenuruka, newakange akaritasva zita rake Rufu; uye hadesi rakateverana naye. Simba ndokupiwa kwazviri kuuraya kusvika pane chechina chenyika, nemunondo, uye nenzara, uye nerufu, uye nezvikara zvenyika.

Nyika dzekuEurope dzakaita pfuma zhinji pamari yavakatapa kubva muvatapwa vadzo. Ndiyo yaive nzira yekuita mari zhinji.

Kubudirira kwechimisikidzo ichi chehushe hwemuEurope kwakatarirwa kunoparara nekukasika. Kuita uku kwaive Hondo Yepasi rese yeKutanga apo mweya wehudzvanyiriri wakasunungurwa apo vatungamiri vakamanikidzwa kutonga zvakazara mari dzenyika dzavo. Mamiriyoni evanhu akamanikidzwa kunorwa nekufira kuhondo. Vakadzi vaimanikidzwa kushanda mumafekitori maigadzirwa zvinhu zvekuhondo.

Lenini akava mudzvanyiriri mukuru muRussia nekuuraya makumi emamiriyoni evanhu. Akateverwa nemudzvanyiriri aitove nehutsinye hwakanyanya akauraya mamiriyoni evanhu.

Mugore 1919 makomiyunisiti muGermany akaita kumukira kwakaipisisa akada kuuraya mubati wemuVatican ainzi Pacelli. Aivenga makomiyunisiti nemaJuda. Vatican yakabatsira vadzvanyiriri Mussolini kuItaly naHitira kuGermany kuti vatonge kuti vapikise komiyunizimu. Muna 1929 Mussolini akaita Vatican nyika yakazvimiririra, nyika dukusa pasi rese. “Nyanga duku” yakataurwa nezvayo naDanieri.

Asi kusunungurwa kwemweya wehudzvanyiriri pakati pevanhu vekuGermany kwakaita kuti vanhu vekuGermany varase njere nekuda kwekukurirwa nekunyadziswa kwavo muna 1918. Hitira akatanga Hondo Yepasi rese yeChipiri yaizouraya vanhu vanosvika 70 miriyoni. Pasi pekuitika kwehondo iyi, Hitira, semudzvanyiriri akasikwa akadaro, akasunungura madhimoni pavaJuda. Nekuita kwechinyakare chavo, maGermany vakatanga Horokasiti vakauraya maJuda 6 miriyoni. Hondo iyi neHorokasiti zvaityisa kwazvo munhorondo yevanhu uye zviri pachena zvaikurudzirwa nemadhimoni.

Asi madhimoni aive asunungurwa. Zvisinei, pakapera hondo muna 2945, vakamira kuuraya panyama. Muna 1948 madhimoni aya akapinda munzvimbo yemweya mukanzuru yemakereke akatanga kuuraya pamweya vanhu apo vaitungamirira kereke dzavo kubva paMagwaro.

Madhimoni aya akakurudzira maKristu kupomera vanhu pachinzvimbo chekupikisa dziziso dzisiriidzo nekuda vanhu. Madhimoni anodzidzisa maKristu kuvenga vanopikisana navo vachishandisa Magwaro.

MaBhaibheri matsva ari kunyorwa kuti auraye kurudziro yeKing James vhezheni. Madhimoni aya aizokurudzira tsananguro dzeSainzi dzakafanana nekushanduka kwemhuka kuita vanhu nekusika kwe Big Bang kwakaitwa nyika. Chero chinhu chinodzikisira kutenda kuBhaibheri. Vaizoenderera mberi kuita ma Bhaibheri anodarika zana eChirungu, ese akasiyana. Nekuitawo makereke anodarika 45 000 nemasangano awo. Izvi zvinosiya vanhu vakakanganisika zvachose kuti voziva chokwadi chipi. Vakakanganisika pamweya, takaibvira kuurayiwa kana nguva yeKutambudzika yatanga.

Muna 1947, Mubatanidzwa wenyika dzepasi rese wakatendera Israeri kurwira kuti vatore nzvimbo duku yenyika yavo. Pavakaziva kuipa kweruvengo rwakaitwa pamusoro pemaJuda naHitira, marudzi anovenga maJuda akamanzwira tsitsi zvechinguvana vakavapa nyika yavo. Horokasiti yaive mubairo wavakaripira kuti vawane chidimbu chemusha wavo muna 1948 mumashure mehondo yerusununguko yakaoma.

Muna 1947 mutumwa akauya kuhama Branham vakatanga hushumiri hwavo hunoshamisa. Vakatangawo kuzivisa zvakavanzika zveShoko raMwari.

Muna 1947 vanhu vekuAmerica vakatanga kuita zvigadzirwa zvematiranzita zvaizobatsira kugadzirwa kwemakombiyuta neintaneti. Izvi zvaizotendera chokwadi cheBhaibheri chakaziviswa kuparidzwa pasi rese.

MATEO 24:14 Uye evhangeri iyi yeushe ichaparidzwa munyika yese chive uchapupu kumarudzi ese; ipapo kuguma kuchasvika.

Intaneti yakatanga kunyatsoshanda kunana 1990 chiratidzo chekuti tava pedyo nenguva yekupedzisira nyika dzese dzinokwanisa kupinda paintaneti.

Kuita kwaMwari panhau yemari kwakareruka. Zviri nani kupa pane kugamuchira.

Kutevera Kristu kuedzwa kukuru kunotiremera

Tinofanira kuripira muripo. Kurambwa. Kupomerwa nekutukwa kana tichiteveraMagwaro.

ZVAKAZARURWA 3:18 ndinokupa zano kuti utenge kwandiri goridhe rakaidzwa mumoto, kuti ufume; nenguvo chena, kuti upfeke, uye nyadzi dzekushama kwako dzirege kuratidzika; uye uzore meso ako nechizoro chameso, kuti uone.

“Utenge Kwandiri”. Mwari pachake ndiye ega tariro yevanhu vakazvimiririra vanoda kuita zvakanaka. Hakuna makereke nemasangano anopa mhinduro. Kereke ino yakapfuma, ine nhema nguva inonyepedzera kunge ine chokwadi chese asi iri riva rehunyengeri.

Ndarama yaMwari hunhu hwakaita sehwaKristu hunoitwa chero munhu ari kurarama mumarwadzo.

Izvozvo zvinoitika chete kana mukaripira muripo wekuparadzaniswa.

Kereke, zvinoreva kuti “vakadanwa.”

Ndiyo yega nzira yekupunyuka kureruka kwevanhu vasina hunhu vemuRaodikia avo, nekuti vakapfuma, vanoda kutenga nzira yavo kupinda Denga. Asi vanoramba kudzokera kuShoko. Vanhu vari mumakereke vanowedzera kushaiwa zivo yeBhaibheri.

Pakupedzisira tinoguma tanzwisisa Magwaro asi tinofanira kuramba tichibvunza zvizoro zvemeso zveMweya Mutsvene.

Pasina rubapatidzo rweMweya Mutsvene hatifi takazarurwa meso edu kuti tiwane zaruriro yemweya yechokwadi cheShoko. Tinoda rubatsiro rwevatumwa kana tichifanira kunzwisisa Magwaro. Ruzivo rwedu rwevanhu harukwani kuti tinzwisise zvakavanzika zvakadzama zveBhaibheri. Mwari vaifanira kutumira vatumwa kunaDanieri kuti abatsirwe kunzwisisa.

Kunzwisisa Magwaro chikomborero chikuru sezvo maprofita ekare aida kunzwisisa Bhaibheri nezvakavanzika zvaro. Hatitendi zvinokosheswa naMwari, ruzivo rwekuisa Magwaro akanyorwa mu Bhaibheri pamwechete nenzira yakaziviswa.

ISAYA 28:10 Nokuti zvinongoti, chirevo pamusoro pechirevo, chirevo pamusoro pechirevo, murairo pamusoro pomurairo; apo zvishoma napapo zvishoma.

Kana Mwari achitida anofanira kutirovedzera nekubvisa kusatenda matiri

ZVAKAZARURWA 3:19 Vese vandinoda ini, ndinotsiura nekuranga. Naizvozvo shingaira utendeuke.

Kune zvakaipa zvakawandisa mumakereke edu. Mwari vanoda kutitsiura pazvizhinji zvatinokanganisa netsika dzemakereke edu dzisiriidzo.

Mwari vanotitsiura nekuzivisa zvakaipa zvatinoita kuti tizvigadzirise.

Anobva atiranga zvinoreva kuti anotirovedzera nezviitiko zvakaoma kuti ativake nekutinatsa. Nenzira iyoyo anokwanisa kutiita timutevere.

Ndarama inonatwa nekurohwa kubviswa zvakaipa zvese. Kana nguva dzakaoma tinosiya zvakaipa nezvitendero zvaitiita varanda vemakereke edu kana masangano.

Mwari havatauri kuti TITENDEUKE. Vanoti tinofanira kutsungirira titendeuke.

Saka, kune zvakawanda zvatinofanira kutendeuka kwazviri.

Zvitendero zvekereke yedu zvakaipa kudarika zvatinofunga. Makereke akatsiva Shoko nedzidziso dzaakaita ega. Kuzviita nhengo yekereke kunoenderana nekusada kubvuma kuti vanotadza.

Vana vaMwari vakawanda vakavata vakakotsira pakati pevamwe nevanoitwa vatendi mumakereke.

Vanoona zviri nyore kutevera kunoenda ruzhinji. Asi hove dzakafa chete ndidzo dzinoenda kunoenda mvura.

Jesu ari kunze kwemikova yemakereke ese

Ichi ichokwadi chinoshamisa.

Makereke akabvisa Shoko akariisa parutivi kusvikira Shoko rasairirwa rabuda mumakereke.

Kristu akabuda mukereke. Magwaro akatsiviwa nemapurogiramu emabasa anoita kuti titenderane nechimisikidzo chekereke.

Jesu anoziviswa muShoko. Asi hakuna chero kereke inogona kunzwisisa zvakavanzika zveMagwaro.

Jesu ndiye Shoko. Bhaibheri reKing James ndiro Shoko.

Saka, zvamunotaura pamusoro peBhaibheri reKing James muri kuzvitaura pamusoro paJesu.

Bhaibheri rinotiudza ndangariro dzaJesu. Hamugoni kupatsanura munhu kubva kundangariro dzake.

ZVAKAZARURWA 3:20 Tarira, ndimire pamukova ndichigogodza; kana umwe achinzwa inzwi rangu, akazarura mukova, ndichapinda kwaari, uye ndicharaira naye, naiye neni.

Mwari anoda vanhu vakazvimiririra kwete makereke.

Kukunda chakaipa tinofanira kubuda mumakereke.

VAFIRIPI 2:12 Naizvozvo vadikanwa vangu, sezvamakaterera nguva dzose, ndisati ndiripo bedzi, asi zvikuru zvino kana ndisisipo, pedzisai kuponeswa kwenyu nokutya nokudedera.

Hakuna kuchengetedzeka kweboka. Munhu umwe neumwe ari panjodzi yekunyegerwa nekereke. Tinofanira kutya kunyengerwa. Vanhu vakazvimiririra, munhu umwe neumwe, anofanira kunzvera chokwadi cheBhaibheri.

Tinofanira kushingirira nguva dzakaoma tisarase tariro

ZVAKAZARURWA 3:21 Anokunda, ndichamupa kugara neni pachigaro changu cheushe, sezvo neni ndakakunda ndikagara pamwe naBaba vangu pachigaro chavo cheushe.

Chii chatinofanira kukurira? Mazano asimo Mumagwaro.

Asi chakanyanya kukosha, tokurira sei?

Pano tinotarisa muenzaniso waJesu.

Semunhu akagara asina kudya kwemazuva makumi mana. Zvakamusiya akaneta nenzara. Zvino, pakuneta kwake, Satani akamurwisa nekumuisa pamuedzo.

Pamuedzo umwe neumwe, Jesu haana kuvimba nemasimba. Akangotaura zvakanyorwa muMagwaro.

Kuteerera Magwaro zvakazara nguva dzose ndicho chinhu chimwechete, chine simba chakabatsira budiriro yehupenyu hwake inoshamisa.

Kereke yeRaodikia inoita zvakasiya neizvi zvachose sezvo iri kubva paMagwaro vachiita mazano evanhu.

MATEO 24:12 Rudo rwevazhinji ruchatonhora, nokuti kusarurama kuchawanda.

Kutadza nebwoni kuita chakaipa uchiziva kuti chakaipa wongochiita. Kuti varambe vaine mbiri, makereke nhasi akutendera kodzero dzengochani, kurorana kwemukadzi nemukadzi, kuzvishandura kubva pakuva murume kuzviita mukadzi. Vezvematongerwo enyika vane huwori vari kutonga yika vari kuisa muenzaniso wakaipa. Makereke akupfugamira kuhuwori nezvitendero zvakaipa zvematongerwo enyika.

MATEO 24:13 Asi unotsungirira kusvika pakuguma, uchaponeswa.

Kwete kuponeswa kubva kugehena. Hakuna mabasa kana kutsunga kunokuponesai kubva kugehena.

Kana tikatsungirira kutevera Magwaro tinoponeswa kubva kunguva yeKutambudzika nekutorwa kukwira kudenga kunosangana naShe.

ZVAKAZARURWA 3:22 Ane nzeve ngaanzwe zinoreva Mweya kumakereke.

Mweya wakati Jesu ari kunze kwekereke uye kuti tinofanirawo kubuda mukereke.

Nekuramba Shoko raMwari, makereke akuzviisa kuzvinhu zvekunyengerwa nezivo dzakaitwa nevanhu.

AI zvinoreva kuti (Artificial Intelligence) [huchenjeri hwekugadzira]. Mazano akaitwa nemakombiyuta.

Geoffrey Hinton, anowanzodaidzwa kuti “Mwaribaba veAI”, Akaita nguva zhinji yebasa rake achiimba rumbidzo yezivo kana huchenjeri hwekugadzira uhu. Asi ikozvino ari kupa yambiro yazvakaipira.

Pakubvunzwa neepanhau reNew York Times, Hinton akataura pamusoro pesarudzo yake yekusiya Google muna 2023, ariye umwe wevakaigadzira naGoogle Brian, boka retsvagiridzo rezivo yakagadzirwa.

“Zvakaoma kuona kuti unodzivisa sei vanhu vanoita zvakaipa kuishandisa zvakaipa,” Hintoni akataura kudaro.

Ikozvino Shoko raMwari rakabva kumakereke, ruzivo rwevanhu rwakagadzira huchenjeri hwarwo. Hakuna ane chokwadi chekuti zvinoshanda sei asi zvakachenjera pakugadzira mazano. Inogona kushandiswa kugadzira mazano akaipa anonyegera isu zviri nyore kana tisingateveri Magwaro zvakazara.

Makereke akatowira muhunyengeri hwesainzi dzeKushanduka kwevanhu vachibva kumhuka ne Big Bang.

Tichawira zvakare kure neMagwaro zvakadii?

JOERE 2:32 Zvino ani nani unodana zita raJEHOVA ucharwirwa, nokuti pagomo reZioni napaJerusarema ndipo pachava navakapukunyuka, sezvakataura JEHOVA, napakati pevakasara ndipo pachava vakadanwa naJEHOVA.

Kuti tidzikinurwe, tinofanira kuziva Zita raJehova.

Tinofanira kuziva Zita raBaba, Mwanakomana naMweya Mutsvene.

Zita raMwari ndiJesu Kristu.

AMOSI 6:10 … ipapo uchati: Nyarara nokuti hazvina kufanira kuti tireve Zita raJEHOVA

Iri idambudziko risingagadzirisike nekereke. Vanotenda kuTiriniti yeVanhu vatatu. Asi havagoni kuwana zita rimwechete rekudaidza Vanhu vatatu ava. Kuita kukuru kwekereke kwakarasika.

Mwari wavo weTiriniti haana zita.