Zekaria 11, chikamu 4 dzidziso yakaipa inopandukira

We update studies as the Lord Jesus leads us. You can find the latest update of this study at ChurchAges.net

ZEKARIA CHITSAUKO 11 Chikamu 4

VaHedeni vanotosimba pakunamata munhu mutsvene

56-0902 RUNYORO RWAKAONEKWA PAMADZIRO

Ndiri kuda kuti muone kuti kutanga kwevaHedeni, Mwari paaishanda navo, vakaomeswa mumoyo yavo vakamanikidza munhu wese kuti anamate mufananidzo wemunhu mutsvene.

Nguva yevaHedeni yakatanga saizvozvo; ichaperawo saizvozvo.

KuBabironi, hushe hwevaHedeni hwekutanga, Nebukadinezzari akamanikidza vanhu kunamata mufananidzo wemuprofita Danieri.

Mumazuva ekupedzisira nguva yekereke yekupedzisira vafundisi kana mapasita emharidzo kuvaHedeni vachaedza kushandisa nzira yakafanana yekunamatwa kwemuprofita Branham nekutaura kuti “haasi munhuwo zvake”.

Vanotenda kuMharidzo vakatanga kumwe kuita kwakasimba kwekuda kuratidzira kuti hama Branham havatadzi.

Ivo pachavo vanoramba kutaura uku, vachiti kwaive chimwe chezvinhu zvakaipisisa zvavakambonzwa panyika.

62-1007 KIYI YEMUSIWO

Ndizvo zvinokanganisa zvinhu, mazviona. Kuti, vanotaura kuti dzimwe hama dzakati ndakavatuma ikoko, vari kuparidza kuti vanhu vanofanira kusiya vakadzi vavo vachitsvaga vadiwa vavo vaakatarirwa pamweya, uye kuti ini handikanganisi zvachose. Kuti hakuna ... Uye, oh, nezvimwe zvezvinhu zvakaipisisa zvandisina kumbonzwa.

... Tinotenda kuBhaibheri zvakazara, izvozvo zvega.

Tarirai kuti hama Branham vaiisa kutenda kwavo kwakazara muBhaibheri chete.

Vatendi vemharidzo vanozvitutumadza vari kuedza kuita kuti vanhu vapfugame vanamate muprofita William Branham nekuvatsanangura vachiti Mwanakomana wemunhu, havatadzi, ndivo Mukuru, uyewo Izwi raMwari. Munhu ha agoni kudarika apa. Asi zvese zvakaipa k usimudzira munhu kuti amire panzvimbo yaMwari.

61-0611 ZVAKAZARURWA CHITSAUKO CHECHISHANU. 1

Nekuda kwaizvozvo, zvinondimanikidza kutaura kuti ndakusiya hushumiri, nekuti kune chasimuka pakati pevanhu chandikonzeresa kuti ndidaro, ndechekuti, ndakatorwa kubva panzvimbo yangu yekuva “mushumiri” kana “hama” ndikadaidzwa kuti Jesu Kristu, saka kudaidza ... zvinondiita antikristu. Ndichasangana naMwari semukundikani pachinzvimbo chekusangana naye saantikristu anotora kubva kwaari.

Vanhu pavanoti munhu amire panzvimbo yaKristu, vanenge vangore nhanho imwe kubva pakumudaidza kuti Kristu.

Mweya mumwechete uyu wekusimudzira nekunamata munhu wakakura mukereke yeCatholic pavanonamata Pope uyo kubva munana 1200 aidaidzwa kuti Vicar yaKristu, zvinoreva kuti “panzvimbo yaKristu”.

Kubva gore 1870 Pope aidaidzwa kuti haatadzi.

II VATESARONIKA 2:3 Ngakurege kuva nomunhu unokunyengerai nomutowo upi noupi; nokuti harisviki, kana kutsauka kusati kwatanga kuuya, nomunhu wezvivi, mwanakomana wokurashika, asa ambovonekwa.

61-0806 VHIKI RADANIERI RECHIMAKUMI MANOMWE

Musarega chero munhu achikunyengerai nechero nzira: nokuti zuva iro haringauyi, kunze kwekunge kwatanga kuita kutsauka, ... (Ari kuedza kuzvibvisa mumisoro yavo kuti ari kuuya, saka panofanira kutanga kutsauka kubva pakereke, mazviona, kouya munguva ino yeRadikia.) ... munhu wezvivi oziviswa, ... (Munhu wezvivi, kusatenda muMweya Mutsvene -- kusatenda.) ... kuziviswa, mwana wekuparadzwa; (SaJudasi, pfuma yekereke.)

Anopikisa nekuzvisimudzira pamusoro pezvese zviri Mwari, kana zvinonamatwa; kuti iye saMwari agare muTembere yaMwari, ... (Hama, kune munhu here panyika ari kunze kweVatican anoita izvozvo? Zviri kupi?

Nguva yekereke yekupedzisira ine chokwadi chekutanga chakaziviswa nemuprofita wenguva yekupedzisira asi chicharasika zvakare kubva kuMagwaro echipostora cheTestamente itsva nekurumbidza mutumwa nekumusimudzira kumuisa muhuMwari.

54-0513 CHIRATIDZO CHECHIKARA

Ngakurege kuva nomunhu unokunyengerai nomutowo upi noupi; nokuti harisviki, kana kutsauka kusati kwatanga kuuya, ... (Nguva yekereke yeRadikia ikozvino) ... nomumhu iyeye (munhu mumwechete) ... nomunhu wezvivi achizviviswa, mwanakomana wokurashika, (pachinzvimbo cheMwanakomana waMwari) asati ambovonekwa. Anomupikisa ozvisimudzira pamusoro pazvose zvinoti Mwari, kuti anamatwe saMwari; kuti iye saMwari agare muTembere yaMari achizviratidzira kuti iye ndiMwari. (achigamuchira kureurura kwevanhu.)

Hama Branham vakazivisa Pope semunhu wezvivi zvisiri muMagwaro.

Chero chinhu chisina kunyorwa muBhaibheri chivi uye kusatenda.

Pope, Kadhinari, Achibhishopu, masangano, katikasi, Renti, rozari, mvura tsvene, mamongu, maneni, Tiriniti nekisimusi zvingori zvimwe zvinhu zvisimo muMagwaro zvinokanganiswa nekereke yeRoma.

Kereke yeCatholic yakarasika kubva pakutenda kweTestamente Itsva muNguva dzeRima.

Mwari vakatanga kudzorera kutenda kweTestamente Itsva munguva yeRumutsiridzo rwakatanga muna 1520 nekumutswa kwePentekositi kwegore 1906. William Branham akazivisa zvakavanzika zveMagwaro asati afa muna 1965.

Kutsauka kubva pachokwadi “kwekereke yeRadikia” (vanoita zvitendero zvavo vega, nekuti haisi kereke yaMwari) kwakati konzereswei nekuramba kwakaita kereke hushumiri hwake.

“Kutsauka” kunotaurawo vatendi veMharidzo. Pakutanga, vakashandisa zvakataurwa nehama Branham kunzwisisa dzidziso dzeBhaibheri dzakaita sekuzara kwehuMwari, Mbeu yeMhuka yakatukwa ikashanduka kuita nyoka nenguva nomwe dzemakereke. Vaizogona kuparidza dzidziso idzi vasina kutaura pamusoro pezvakataurwa, asi vachingoronda nhau iyoyo muBhaibheri.

Asi nguva iyi haina kugara kwenguva refu. Kuda kuonekwa “sevakangwara” vakatanga kuturikira zvakataurwa pasina kutsigira pfungwa dzavo nemavhesi eBhaibheri.

Gore rinoshamisa rakatorwa mifananidzo paArizona muna 1963 rakanzi kuuya kwaSh kana kuuya kwemutumwa mukuru wekuna Zvakazarurwa Chitsauko 10. Kwaive kuuya kumwechete here kana kuuya kwese? Zvakadaro, Gore rakagara chinhambwe chemamaira 42 muchadenga richionekwa kwemaminetsi 28. Harina kubvira raburuka.

Kutaura kwakabatwa kwekuti America ichaparadzwa negore 1977 hakuna kuzadziswa. Asi vafundisi vemharidzo vakafuratira kukanganisa uku pakarepo vakatangana nekutsanangura fungidziro dzavo pamusoro peKutinhira kunomwe. Kutinhira hakuna kunyorwa muBhaibheri, kana Zvisimbiso zvinomwe. Asi kune kutsanangurwa kwakawanda kwakasiyana kunoitwa pamusoro peGore, Kutinhira, Chisimbiso chechinomwe chisina kunyorwa, nezita idzva raJesu risina anoziva rakataurwa risina tsigiro yeMagwaro. Nekuti hazvina kunyorwa muBhaibheri, hazvigoni kutsigirwa neMagwaro. Mapasita akasiyana siyana vane fungidziro dzakasiyana panhau idzi saka vatendi vemharidzo vakapatsanurana kuita mapoka akasiyana siyana. Vese vachipokana pamusoro pezvavakabata paitaurwa nekuturikira kwavanoita zvakataurwa zvacho.

Zvakataurwa nevanhu zvinofanira kushandiswa kutsanangura Bhaibheri, kwete kutsiva Bhaibheri

Vanhu vanotenda kumharidzo vanotanga nekuturikira Magwaro nezvakataurwa nehama Branham. Zvinhu zvakanaka.

Vakabva vatsauka nekuda kwekuti kudzidza Bhaibheri ibasa guru. Saka vakaita dzidziso kupf urikidza kuturikira zvakatura kuti zvireve zvavanoda kutenda mazviri.

Zvakataurwa hazvicharondwe muBhaibheri. Vakangotanga kuita kuti zvakabatwa paitaurwa zvireve zvavaida ivo kuti zvireve.

Ndicho chikonzero nei mharidzo yaane mapoka akati kuti nekuti vanotenda kuti hazvigoni kutsigirwa neBhaibheri.

Bvunzai munhu wemharidzo kuti akupei Magwaro anotsigira zvaanotenda anongokupai zvaakanzwa zvichitaurwa.

Jesu akati kuna diaborosi “Zvakanyorwa zvichinzi ...”

Vanhu vemharidzo vanoti, “Ndakanzwa zvichinzi”.

Ndiwo umwe mweya. Mweya Mutsvene ucharamba uchizivisa Bhaibheri.

JOHANE 16:13 Asi kana asvika, Iye Mweya wazvokwadi, uchakutungamirirai muzvokwadi yose.

Chokwadi chinoziviswa neMweya Mutsvene muBhaibheri.

Kuturikira Magwaro nekushandisa zvakataurwa kwaitambanudza zvirahwe.

Kushanduka kuita tsika yekufuratira Magwaro kuti vasimbe pane zvakataurwa, kwasvitsa vanotenda kumharidzo pakusaziva Bhaibheri kukuru. Vanhu vazhinji vari mumharidzo vakatanga zvakanaka, vakazobva nekuda kwevafundisi vavo vanoda kwazvo kuitwa “vakangwara” vachinyengera vanhu nekugadzirisa zvakataurwa vozvibatanidza kuita dzidziso. SaAdamu naEva pavakasonanidza mashizha emuwonde pamwechete.

Kusvibisa mharidzo nemazano edu vanhu kuita kwakaipa.

ZVAKAZARURWA 3:14 Nyorera Mutumwa wekereke iri paRaodikia uti:

16 Zvino zvaunodziya usingatonhori kana kupisa, ndichakusvisvina mumuromo mangu.

Kereke yanhasi ingori marutsi akabva mumuromo maMwari. Musanganiswa wekuti vanoti teverei magwaro voti rasei Magwaro unorwadza Mwari.

ZVAKAZARURWA 3:17 Nokuti unoti ndakafuma ndakafumiswa handishaiwi chinhu; usingazivi kuti ndiwe une urombo nemhamo, uri murombo nebofu,

Makereke ese, kusanganisa makereke emharidzo, vanoda mari iriko munguva yedu asi havangaiswi paboka remapofu. Kuva nemari hakuna kuita kuti kereke yenguva yekupedzisira ive nani kana kuita kuti ide Bhaibheri.

Bhaibheri reKing James Vhezheni harichatorwe seMukuru. Rakakandirwa kunze kwemusuwo wekereke rikatsiviwa netsananguro dzemapasita nemazwi akasarudzwa paitaura vanhu.

Kurumbidza munhu kugadzirira makereke kuuya kwaantikristu wekupedzisira achazvidaidza kuti Mwari.

Chero dzidziso yamunotenda yamusingagoni kutsigira neMagwaro kana kuti inorwisa Magwaro inobva kumadhimoni.

Munhu wezvitendero anofanira kusimuka kuti atonge nyika

Saka kana Pope wekupedzisira akatonga pasi rese kupfurikiza kutora simba pamusoro pehupfumi hwepasi rese nemusika wemaJuda wemari (Stock Exchange) nekushandisa simba remauto revadzvanyiriri gumi kubvisa hupikisi, vanhu vanomanikidzwa kutenda kuti ndiye Mwari pachake.

Mweya waAlexander unozomukira mumunhu mukuru kudarika iye. Alexander ndiye munhu wekumadokero wekutanga kuda kunamatwa samwari kuMadokero.

Huchenjeri hwemagiriki hwakaramba huvepo hwaMwari umwechete ane simba guru. Saka ruzivo rwemaGiriki rwakazarura musuwo kuti Tiriniti ipinde. Makereke akanyengedzwa nazvo izvi.

Kuchibva kwauya kukanganisa kwakatereva.

Mumazuva aAlexander, vkanyengerwa kusvika pakumusimudzira semunhu anoonekwa muhumwari. Mweya uyu wakazopinda mukereke yeRoman Catholic.

Pope akasimuka kuMadokero ari Vicar yaKristu, panzvimbo yaKristu.

Pope waantikristu wekupedzisira achada kunamatwa saMwari.

DANIERI 11:36 Mambo uyo achaita sezvaanoda, uchazviita mukuru, uchazvikudza achiti ndinodarika vamwari vose, uchataura zvinhu zvinoshamisa pamusoro paMwari wavamwari;

Tiri kurarama munguva apo vanhu vanorumbidza vakuru vemakereke. Ndiwo mweya wenguva yatiri.

Kumhura ndicho chimwe chezvivi zvenguva yekupedzisira.

Kana munhu akachiva kana kuti akaita makaro akazvida kwazvo, mukuzvikudza ozvisimudzira pamberi paMwari omhura Mwari. Vanhu vanofunga kuti kuedzakudzikisira Shoko raMwari nekushandura kana kufuratira Magwaro, kuti akangwara kusvika pakuzvikudza.

II TIMOTIO 3:1 Zvino uzive chinhu ichi kuti namazuva okupedzisira nguva dzokutambudzika dzichasvika.

2 Nokuti vanhu vachava vanozvida, vanoda mari vanozvirumbidza, vanozvikudza, vanotuka

54-1003 GORE REJUBERI

Kune, munhu anouya kuchokwadi, otadza kufamba muChokwadi, anenge achi ..., zvichibva muMagwaro, anenge achimhura kana kuramba Mweya Mutsvene waMwari, anodarika zuva redzikinuro.

Kutanga nechokwadi nekubva paMagwaro kumhura

64-0215 KURUDZIRO

Oh, chimbori chii? Hazvifambidzane neBhaibheri. Vakaramba mukana wavo. Vakamhura vakasvora, ndizvo chaizvo.

Kuedza kutsigira dzidziso pasina kudzisimbisa neMagwaro, kushaiwa kuvimbika kuMagwaro. Bhaibheri harichaonekwa serakakosha. Kukanganisa kwakaipisisa.

62-1111 NEI NDICHIPOKANA NEZVITENDERO ZVAKARONGWA

Tarirai, Bhaibheri rinoti, “Iriva, rakabata shiri dzakaipa dzisina kuchena.” kwete makondo, zvino, kwete kwete, kwete, makunguwo, “shiri dzisina kuchena dzine kuipa kukuru,” ndizvo zvaaiteya zvakamupoteredza. Riva rakazara zvese izvi, riva rakazara. Nei? “Mazita ekumhura,” anorwisa Magwaro.

Timotio wechipiri Chitsauko 3 inoti, Mweya Mutsvene wakataura, “Mumazuva ekupedzisira vachabva pakutenda votendera mweya wekukwezwa.”

Inotiwo zvakare, Mweya Mutsvene wakataura kuti, “Mumazuva ekupedzisira zvichange zvakadaro, vanhu vane mirangariro yepamusoro-soro.

Zvinorwadza (‘Kurumbidza Mwari, uri mumwe wedu'). Anorwadza, asina kuchena.

Vanhu vanosiya kutenda kupfurikidza kupikisa Magwaro.

Chinhu chinorwadza kwazvo chakab erekwa nechichechi chechi chanhasi ndechekuti vanhu vanokoshesa kuti munhu ave nhengo yekereke.

Vatungamiriri vezvitendero vakaita kuti vaRoma varoverere Jesu mutengo wacho waive zvidimbu makumi matatu esirveri. Izvi zvakatanga hushe hweRoma sechikara chine nyanga chechiprofita chaDanieri chaizokonzeresa matambudziko makuru. Chikara chakauraya Jesu, Shoko raMwari.

Kereke yeRoman Catholic paKanzuru yeNicaea muna AD 325 yakatanga dzidziso yeTiriniti ikava nguva yekutanga kushanda kwezwi risimo muMagwaro. Vakawedzera kuti “Mwari Mwanakomana” uye kuti “Baba neMwanakomana ndevekuita kumwechete”. Hakuna izwi rekuti “esenzi muBhaibheri”. Kuchibva kwauya “Vatatu Mumwe” zvisimo muMagwaro. Kana kuti “Mumwe muVatatu” ndezvimwe zvakare zvisitombori muMagwaro “Munhu wechipiri muhuMwari”. Nekurwisa kwekuisa Jesu muhuMwari pachinzvimbo chekuisa huMwari muna Jesu.

VAKOROSE 2:9 Nokuti kuzara kwovuMwari kunogara maari (Jesu) pamuviri.

Mweya wechikara chakaipisisa cheRoma yechipegani chine nyanga wakabatanidzwa kupinda mukereke yeRoman Catholic.

Roma yechipegani yakauraya Jesu ari Munhu.

Zvitendero zvekereke zvinorwisa Magwaro pamisi yeIsita

Vanhu veRoman Catholic vakazvipira kuuraya Shoko raMwari rechokwadi kupfurikidza kuritsiva nemazwi akagadzirwa nevanhu uye zvitendero zvakaitwa nevanhu.

Pakanzuru yeNicaea, vakaroverera Shoko raMwari kupfurikidza kuzivisa mazwi asimo muMagwaro akafanana naMwari ”weTiriniti” asina zita vakagadzira musi wekupemberera Isita vakauti Chishanu chakanaka (Good Friday).

Kubva ipapo kereke yakakanganwa kuti Jesuakafa musi weChina.

Akaita husiku hutatu ari muguva. Husiku hweChina, husiku hweChishanu nehusiku hweMugovera.

MATEO 12:40 Nokuti Jona sezvaakava mudumbu rehove huru mazuva matatu nehusiku hutatu, saizvozvo mwanakomana womunhu uchava mumwoyo wenyika mazuva matatu novusiku hutatu.

Gwaiana repaseka rakasarudzwa misi wechi10 rikaurawa musi wechigumi nemana.

EKSODO 12:3 Taurai kuvungano yose yavaIsraeri, muti: Nomusi wegumi wemwedzi uno mumwe nomumwe ngaatore gwayana;

EKSODO 12:6 Zvino murichengete usvika pazuva regumi nemana romwedzi; Ipapo vungano yose yavanhu vose vaIsraeri ngavarivuraye madekwana.

Jesu akasarudzwa akatambirwa musi weSvondo yemichindwi. Raive zuva rechigumi.

Zuva rechigumi nemana, paakafa, raizova musi weChina.

Musi weSvondo, vanhu vaviri panzira yekuenda Emausi vakati:

RUKA 24:21 Nhasi rava zuva retatu kubva pakuitwa kwazvo.

“Zvinhu izvi”, kutongwa nekufa kwaJesu, zvakaitika musi wechina kuti musi weSvondo rive zuva retatu kubva pazvakaitika. Chishanu, Mugovera Svondo.

Asi kereke yeRoman Catholic inoti akafa musi weChishanu.

Chishanu izuva rakadaidzwa zita kubva pana mwarikadzi Fureya, zvinoreva kuti “Mukadzi”.

Roma, nekunamata kwavanoita Maria, wavanodaidza kuti Amai Vedu, vaida kuti Chishanu rive zuva rakakosha.

MaCatholic vaida kutorawo mweya wemapegani wekunamata vakadzi, kunamata kuna Maria, kuva chikamu chedzidziso dzekereke.

MaCatholic akabva aita Muvhuro Paseka ikakosheswa iri zuva retatu kubva musi weChishanu.

Nhasi vanhu vachiri kutaura pamusoro peMuvhuro Paseka chero dai pasina chakakosha chakaitika musi weMuvhuro mumashure merumuko rwakaitika musi weChishanu.

Asi Svondo yakatumidzwa kubva paZuva, Mambo weDenga.

Muvhuro rinobva paZuva reMwedzi, Mambokadzi weDenga. Saka neChishanu neMuvhuro, Roman Catholic nehungwaru yakaunza mazuva maviri pavhiki akapihwa mazita achibva panana mwarikadzi. Mweya wekunamata vakadzi.

Makereke anoshandisa Magwaro apo Josefa anouya kuzotora Muviri wa Jesu pamuchinjiko.

MARKO 15:42 Zvino ava Madeko, Zvarakanga riri zuva rokugadzirira, ndokuti rinotangira Sabata.

Kana zuva raitevera raive Mugovera Sabata, zvinoreva kuti Jesu anenge akafa Chishanu, ndizvo zvavanotaura.

Asi vakafuratira zvinotaurwa neEvangeri raJohane.

JOHANE 19:31 Zvino zvawaiva musi wekugadzirira paseka, vaJuda vakakumbirira kuna Pirato kuti makumbo avo avhunwe vabviswe kuti mitumbi yavo irege kugara pamuchinjikwa neSabata. Nokuti zuva reSabata iro raive zuva guru.

Kwaive nemasabata manomwe akakosha kana mazuva makuru paisaitwa mabasa.

REVITIKO 23:5 Nomwedzi wokutanga nezuva regumi namana romwedzi madekwana ipaseka raJEHOVA.

6 Nezuva regumi namashanu romwedzi iwoyo ndiwo mutambo wezvingwa zvisina kuviriswa, munofanira kudya chingwa chisina kuviriswa mazuva Manomwe.

7 Nomusi wokutanga munofanira kuita vungano tsvene, musabata basa ravaranda.

8 Asi munofanira kupa JEHOVA chipiriso chinopiswa mazuva maomwe pazuva rechinomwe munofanira kuita vungano tsvene, musabata basa ravaranda.

Saka zuva rekutanga nezuva rechinomwe rezvingwa zvisina kuviriswa aive mazuva asingabatwe basa masabata.

Zuva rechigumi nemana raive rekuuraiwa kwegwaiana. Zuva rechigumi nemashanu raive Sabata raisaitwa basa. Raive musi weChishanu.

Raive zuva remutambo wePaseka pavaidya gwayana rakagochwa.

Sabata remazuva ese raizotevera musi weMugovera zuva rechigumi nematanhatu.

Mutambo wepaseka zuva rechigumi nemashanu (Chishanu chevhiki iroro) raivewo zuva rekutanga remazuva manomwe ezvingwa zvisina kuviriswa. Hakuna basa raiitwa zuva rekutanga nezuva rechinomwe.

Uyu mucherechedzo wenguva nomwe dzemakereke apo nguva yekutanga nenguva yechinomwe chete ndidzo dzaive nechokwadi chakazara chisina kuwodzwa nemazano evanhu nevanhu vanoedza kuturikira Bhaibheri nesimba ravo voga.

Saka zuva rekutanga nezuva rechinomwe ezvingwa zvisina mbiriso aive maSabata makuru kana maZuva makuru.

Nguva yekutanga yaive nemapostora vakawana chokwadi kubva kuna Mwari pachake.

Nguva yekereke yekupedzisira yakanga iina William Branham akagamuchira zviratidzo nevatumwa kuti agone kutidzorera kune zvakatendwa nemapostora eTestamente Itsva. Nguva yekereke yekutanga neyekupedzisira ndiwo ega mapoka maviri vanosimbisa kutenda kwavo panheyo dzeBhaibheri.

Zuva rechigumi nemashanu riri rekutanga pamazuva manomwe ezvingwa zvisina kuviriswa. (Waivewo mutambo wePaseka.)

Kupomera vaparidzi vedu vanhasi kuroverera Kristu ari Shoko

Vatungamiriri vemakereke vese vakatadza kunzvera Magwaro vakamedzwa muzvitendero zveCatholic zvekuti Jesu akafa musi weChishanu.

Judasi, mupostora, akatengesa Jesu.

Vanhu vanotengesa Shoko raMwari ndivo vatungamiriri vemakereke.

Mumashure mehondo yepasi rese yechipiri, kubva muna 1947 - 1965 hama Branham vakatanga kuzivisa zvakavanzika zveBhaibheri.

62-1223 KUZVIDZWA NEKUDA KWESHOKO

Jesu akati, “Imi vatengesi” akati, “Makavaka makuva evaprofita, ndimi munovaisa ikoko. Vanouya neShoko raMwari, hamuna kutenda zvavakataura. Mune mhosva pamusoro peumwe neumwe wavo.”

PaPhoenix, Mwari vakatendera, ndakataura shoko rimwe zuva. Ndichapomera vanhu venguva ino mhosva yekuuraya Jesu Kristu, kumuroverera patsva. Ndichauya nekupomera mhosva kumubatanidzwa wevashumiri, Mwari vakatendera. Vane mhosva yeRopa raJesu Kristu, yekumuroverera patsva. Hongu, Baba. Pomerai vose!

Petro akavapomera, musi wePentekositi. Akati, “Imi nemaoko akaipa makaroverera Muchinda weHupenyu, akamutswa naMwari. Tiri vapupuri.” akauya nekupomera mhosva.

Ndichatora Shoko raMwari, ndopomera sangano rimwe nerimwe riripo, nevanhu vose vari pachiso chenyika, kuti vane mhosva yeRopa raJesu Kristu. Mwari ndibatsirei kuva mumiririri wake zuva iro. Ameni. Hongu.

Kuparidza dzidziso dzisidzo, kana chokwadi chaziviswa, zvinoreva kuti vaparidzi vari kuroverera Shoko raMwari nekumanikidzira zvitendero zvisiriizvo paBhaibheri.

Hama Branham vakatiratidza kuti totevera sei zaruriro mumavhesi akasiyana eBhaibheri, tichitangira kuna Genesisi kusvika kuna Zvakazarurwa.

Makereke makuru nemasangano vanoramba kana kufuratira dzidziso dzake. Ikozvino vanoenderera mberi kusimbisa mazano avo akaitwa nevanhu paBhaibheri pasina mavhesi eBhaibheri anotsigira mazano avo asimo muMagwaro.

Havana zita rekudaidza Mwari weTiriniti.

Magwaro haatauri pamusoro penguva yeKutambudzika yemakore manomwe.

Hakuna muBhaibheri patakanzi tipemberere kuzvarwa kwaJesu.

MuTestamente Itsva, pasita havana kubvira vaiswa pakutonga kereke.

Vakadzi havana kubvira vaparidza mukereke yekutanga.

Asi mazano aya ari kuramba achisimbiswa paBhaibheri paasingakwani.

Saka, vanhu vanoona Bhaibheri semusanganiswa wechokwadi nemanyepo hakuna maKristu nhasi anotora Bhaibheri reKing James regore 1769 seMukuru.

MaKristu akadzidziswa kuti mune zvakakanganiswa, mune kurwisana, uye zvinhu zvisina basa muBhaibheri.

Tarisai zvakabatwa paitaura hama mumharidzo “Kupomerwa”.

63-0707 KUPOMERWA

Kupomera mhosva kwandinako kuri pakereke nhasi. Ikozvino handisi kupinza vatadzi panhau iyi. Ndiri kungotaura izvi kukereke. Zviri kutapwa pamakaseti, ndichaedza kuzvitsanangura nekukasika nepandinogona napo. Ndinopomera vanhu venguva ino kuroverera Jesu Kristu kechipiri.

.... Zvino, tinoziva kuti pamweya vari kuita zvimwechetezvo nhasi, nekuti vari kuzviita, zvakare, nechikonzero chimwechete, nenzira imwechete yavakazviita pakuroverera Ishe, panyama. Vari kuzviita nekuda kwegodo. Nekuti mapofu pamweya. Kuti, havadi kuona. Havadi kuzviterera.

[Mapasita akabvuta simba rekutonga kereke achiitira mari. Vakabva vadzinga vadzidzisi veBhaibheri vanovakunda nekuti vane godo pamusoro pavose vanovakunda kunzwisisa Bhaibheri.

... Ikozvino, pane zvakakosha, ndinotaura kunguva yanhasi pamusoro pekuroverera Jesu Kristu; nekuda kwekuroverera nemhosva; netsvina, kuipa, kuzvida, maoko emasangano akaroverera Muchinda weHupenyu aida kuzvizivisa kuvanhu.

[Mumashure mekushanyirwa nevatumwa vanomwe musi wa 8 Kurume 1963 padyo neSunset Peak, hama Branham vakazivisa Zvisimbiso zvitanhatu pazvinomwe zvekuna Zvakazarurwa Chitsauko 6. Izvi zvakasvitsa pamuono wakadzama kuchokwadi cheBhaibheri.

Vanhu vanotenda kumharidzo vakatapwa nevanhu vane shungu vaida kuva mapasita kuti vave misoro yemakereke vachitonga. Vakadzidza zvinhu zvikuru zvakati kuti zvakafanana nenguva nomwe dzemakereke, kuzara kwehuMwari, mbeu yemhuka yakatukwa ikashanduka kuita nyoka. Vanhu vaida kwazvo kuterera mapasita ekuzvisarudza ega aya vakasimudzirwa kuenda panzvimbo dzekuziviswa zvakavanzika.

Kuti varambe vachitonga vaifanira kuita zvinhu zviviri. Kudzinga chero muparidzi weBhaibheri ane muono uri nani kuvadarika vogadzira zvakavanzika zvitsva kuti vakwezve nekubata vanhu]

.... kusvikira nguva iyo chitendero chakarongwa chinotukwa nekuziviswa kuti chiri kuroverera Shoko raKristu, kubva ipapo kunouya Shoko, Shoko rega.

[Kutsiva Shoko raKristu nezvaataurwa. Kereke inoshaiwa zivo pamusoro peBhaibheri]

.... Zuva iro masangano akaroverera Shoko raMwari vakatambira zviyera year pachinzvimbo cheShoko, ndiro zuva Shoko richatanga kushanda zvakazara. Zvichaitika nekukasika.

[Kubva pakaziviswa zvisimbiso zvitanhatu pazvinomwe, hakuna chikonzero chingaite kuti kuve napasita asingazivi chokwadi.

.... ndingapomere sei zvakanaka! Vanhu vanoziva chiri Chokwdi, Shoko iri riri Chokwadi, vacharirarama. Kuti varatidze chiso kune mamwe masangano, uh, huh, ndine kodzero dzekuvapomera, zvakanaka, paShoko raMwari.

..... ndinovapomera, vane mhosva, Ropa raJesu Kristu riri mumaoko avo, nekuda kwekuroverera patsva Ishe Jesu, kechipiri. Vari kuroverera Kristu, kuruzhinji, vachitora kubva kwavari zvavanofanira kunge vachipa ivo. Vanotsiva chinhu panzvimbo yacho; tsika yekereke, nekuda kwekuda mbiri.

[Kutsiva zvakataurwa zvakasarudzwa kuti vashandise pachinzvimbo cheMagwaro senheyo dzekutenda]

.... panhau idzi, panhau dzekuroverera Jesu Kristu, panhau dzekutora Shoko nekuribvisa kuvanhu;

[Vanhu vari mubishi rekusonanidza zvakataurwa pamwechete sezvakaita Adamu naEva vakasona mashizh emuvonde. Zvese zvaive pasina. Havagoni kutsigira mazano avo neMagwaro. Hapana patakavimbiswa “Izwi raMwari” panguva yekupedzisira. Kutaura kusiriiko. Takavimbiswa “Izwi remutumwa wechinomwe” kuti azivise zvakavanzika zveMagwaro “Izwi reMutumwa Mukuru” kuna Zvakazarurwa Chitsauko 10 rinomutsa vakafa]

.... vanhu vanoti: ... Maprista edu makuru, kana kuine chiri kuuya, ngachiiuye nepamberi pemaprista edu.

... kana, ungano inotarisa chete chiratidzi chimwechete, iye, kana ari [munhu mutsva] achitenda zvavanotendawo.

[Vanhu vanongoterera chete vafundisi vavo. Kana ukapokana napasita sangano rake rese harikuteereri. Havambotarisi kuti vanogona varivo vari kukanganisa.

.... Mwari vaida kuti munhu mumwe nemumwe ave, mwanakomana kana mwanasikana. Akatora Munhu mumwechete akaita izvozvo. Nekuti haana kupindira muzvinzvimbo zvavo zvemubato ravo, vakamutuka vakamuroverera.

... asi ikozvino havachina Shoko kuti rivatonge.

[Mwari anoda vanhu vakazvimiririra vanogona kutsigira zvavanotenda vachishandisa mavhesi eBhaibheri. Mapasita anoda kuti munhu wese ave musungwa mumakereke avo, tererai kuturikira kwavanoita ivo chete zvakataurwa zvinotsigira zvinangwa zvavo.]

... Mwari anogona kutora boka duku revanhu raanoshanda naro, imwe nzvimbo, ozviraidza, vanozvininipisa kuShoko.

[Mapoka maduku anogona kugara neMagwaro achitsigira zvaanotenda.]

... handinei nezvamunotenda; ndezvinotaurwa neBhaibheri zvakakosha.

[Dzidziso imwe neimwe inofanira kutsigirwa neMagwaro chete]

... asi hatifaniri kurarama naizvozvo].”

Munozviita, kana kuti muri pakutonga kweBhaibheri. Nekuti, “Ani nani anobvisa Shoko kubva kwariri, kana kuwedzera kwariri, munhu mumwechete iyeye achabviswa kwariri, chikamu cheBhuku reHupenyu,” muregei ave mushumiri, mutungamiri, kana ani zvake. Munofanira kuva pasi pehutongi hweShoko, nekuti ndiro Mwari. Bhaibheri rinoti ndiye Mwari.

“Hatisiyi richititonga.” vanotora zviera era zvavo, nemasangano avo, netwunhu twavo tusina maturo twavanotenda maturi, vachinge vakatapwa nekuita kwevanhu, votora kuita ikoko pachinzvimbo cheShoko raMwari.

Vakaitei? Vakasarudza Baraba, muurayi, pachinzvimbo cheMwanakomana waMwari, pazuva rekurovererwa pamuchinjiko.

Nhasi vari kutora mazwi evanhu, nhema dzega nenzira yerufu, vachiramba kutora nzira yeHupenyu, Shoko raMwari. Ndinotuka nguva ino, ndinoipomera, muShoko raShe, kuti vari kutadza. Vane mhosva yekuroverera, kana kuedza kuroverera Mweya.

... vanotora sangano nezviyera year zvaro pachinzvimbo cheShoko, izvozvo zvinoroverera Shoko rake zvoita kuti Shoko rake rishaiwe basa kuvanhu.

[Vafundisi vemharidzo vanovimba nezvakataurwa, kwete Magwaro. Vanhu vavo vanonzvera zvakataurwa vowedzera kushaiwa zivo pamusoro peBhaibheri.

Vanhu vemharidzo, semaArabu, vanopedza nguva zhinji vachitenda zvavanoda ivo.

“Ndakanzwa kuti” zvakatsiva kutaura kwekuti, “Zvakanyorwa zvichinzi”.

... kuda dzidziso dzemasangano dzakaitwa nevanhu uye tsika dzavo kudarika zvavanoita Shoko raMwari rakaziviswa.

[saka, vanopesana nekunzwisisa mavhesi eBhaibheri.

... vari kuroverera kuita kweEvangeri pamusoro pevanhu, netsika dzavo. Ndiko kumuroverera. Ndipo ruzhinji rugere munzvimbo dzakaipa, dzavanodaidza kuti makereke, magungano, votara mutsetse wezvinofanira kuteverwa, izvozvo zvine ... Shoko raMwari harina zvarinoreva kwavari, nekuti vanotuka zvinhu izvozvo zvakataurwa naKristu kuti zvichaitika. Hazvingouyi maringe nekuda kwavo.

... kana mukavaratidza, vanoita sei? Vanozviseka, voti, “kereke yedu haizvidzidzisi nenzira iyoyo.” munenge muine mhosva, mune mhosva yekuroverera Jesu Kristu.

Nhasi kereke inoita zvimwechetezvo. Inoramba Shoko. Havaridi. Rinorwisa zvavanotenda mazviri zvavakadzidziswa kuti vatevere mutsika dzavo.

... Shoko ndiro Messiasi. Munozvitenda here? [ungano inoti “Amen.” Ed] zvakanaka kuratidzirwa kweShoko ipapo chii? Kuratidzirwa kwaMessiasi Mweya Mutsvene pakati pedu. Ari kuzviratidza, achiedza nepese paanogona kuwana mwenje waanoona nawo, usina kusvibiswa kana kuvodzwa nezvitendero zvakaipa kana zvinhu, anokwanisa kupa mwenje.

Rangarirai, “Vakasimuka vakagadzira mwenje yavo,” vakageza machimbini asi vaive vanonoka kare.

... Kuita zvinhu zvaakati achaita mumagwaro.

[Jesu aigara achitevera Magwaro nguva dzese]

.... Chero zvazvo akaratidzwa zvakanaka, vaisamuda.

Vaive vakamuvenga. Nei zvaive zvakadaro? Akadaidza mapasita avo kuti “nyoka”.

Akati, “Imi vana venyoka. Muri makuva.

[Mapasita emharidzo anofanira kuongorora izvi]

Kunze makanatswa nembatya nemavara akanaka, mukati marangwanda emunhu akafa.” mazviona? Haana zvaanoita.

... aive Shoko; vakaramba Shoko.

Ndicho chinhu chandisiri kuda kuti mupesane nacho, mazviona, handisi kuda kuti mupesane nacho. Aive Shoko, uye, pavakamuramba, vakaramba Shoko. Pavakamuramba, vakaguma vamuroverera. Ndizvo zvavari kuita nhasi. Kuramba Shoko raMwari, vakagamuchira tsika dzavo; vakamuroverera, pachena, pamberi peungano yavo, kushanda kweMweya Mutsvene. Vane mhosva, ndinovapomera muZita raJesu Kristu.

[Kuramba zvakanyorwa muMagwaro ndiyo nzira iri kurovererwa Magwaro nayo nevanhu. Vanhu vanoramba Jesu vomuroverera. Nhanho mbiri dzimwechete idzodzo nguva dzese. Kuramba nekuroverera. Nhasi vanoita izvozvo nezvakanyorwa muBhaibheri reKing James Vhezheni.

Mukataura nevanhu vemharidzo vanokasika kukuudzai pamusoro pezvakakanganiswa muBhaibheri reKing James]

... Hongu, netsika dzavo vanomuroverera patsva.

... hunhu hwavo netsika dzavo zvakavabvisa paShoko raMwari.

[Chero chinhu chisiri muMagwaro chinoroverera Shoko]

... Calvari itsva iyi ikereke, inonzi, nzvimbo tsvene tsvene, purupeti huru, aritari yeCatholic, aritari yeCatholic inonzi purupeti. Methodisti, Baptisti, Presbyterio, vekwaLuther, vePentekositi, nzvimbo tsvene tsvene, ikoko aigamuchira kubaiwa kwake kwakaomarara. Calvari itsva! Inowanikwa kupi? Munzvimbo tsvene, kereke.

Akarovererwa papi? Pavafundisi mapasita. Imi vanyengeri.

[Kutika kuri pachena. Akadaidza mapasita kuti vanyengeri.

Mapasita anoparidza vachiturikira zvavakabata paitaurwa zvakasarudzwa vachiramba Bhaibheri rakanyorwa.]

... Akawanepi mapfumo ake, akabaya rutivi rwake? Akawanepi mavanga ake? PaCalvari. Nhasi akamawana kupi? Papurupeti.

Pfumo rake rinonyanya kurwadza riri kubva papurupeti, pavari kuzvidza vachiti “Musaenda kunonzwa zvinotaurwa kunze. NdezvaDiaborosi.”

[purupeti yava tsime yezvakaipa zvikurusa.]

... vane mhosva yekuroverera Muchinda weHupenyu, vachidzidzisa dzidziso dzevanhu pachinzvimbo cheShoko.

... Akashongedzwa korona, ine minzwa nemafeso. Ichibaya ichibva papurupeti, nenhemha.

[Mapurupeti ndiwo minzwa inopinza inobaya muviri waShe]

... Mumwe munhu akati kwandiri, rimwe zuva, vamwe vakadzi vakandibvunza, vakati, “Zvakanaka, munofunga kuti muchawanei?” ndakati, “Kana Ishe akanditi ndinonge vanhu vanoita gumi nevaviri panyika, ndinotya.”

[Hama Branham vaive vasina chokwadi chekuti vangawane vanhu gumi nevaviri vakagadzirira Kuuya kwaShe.]

... makaramba mweya waMwari, kusvika Bhaibheri rati “Muchapihwa kumweya wakasimba wekurasika, kuti mutende nhema morasiswa nadzo.” munotenda kuti muri kugona, Bhaibheri rinoti muchazvitenda uye mucharasiswa nenhema dzimwechete idzodzo dzamunotenda kuti iChokwadi.

[Vanhu vanosarudza zvakaipa kudarika chokwadi, saka Mwari vari kugadzira zviitiko zvakachenjera kuti vanyengereke. Nekuti vanoda kuti vatende zvakaipa izvozvo.

Kana muchida kutsiva Magwaro nezvakataurwa nevanhu, Mwari vanosimudza vanhu vanokupai tsananguro dzezvakataurwa izvozvo dzakangwara dzinotambirika.

... Ndiri kutaura pamusoro pePentekositi yenyu. Ndizvozvo chaizvo. Maimboziva Chokwadi, asi maifunga kuti hamugoni kuchitora. Hamaigona kutsigira mapasita enyu. Mapasita enyu aisazokwanisa kuita basa guru iri rine mazana emadhora akawanda pavhiki, nekereke huru yakanaka yekuparidzira, vachifamba nekuita zvinhu nenzira dzavanoita nadzo. Dai maizvisvora, bato raizomudzinga; saka anofanira kuzvichengeta, zvinofanira kuzvitaura. Saka, akatengesa nhaka yake, achida nhaka yepanyika, yemuto waEsau. Achawanei kubva kwazviri? Vose vanowira muriva rekutukwa, nekutukwa. Ndinovapomera kuti imhombwe dzeEvangeri.

[Mapasita anoparidza nekuda kwemari. Martin Luther akazvidaidza kuti, “Kuparidzira muripo”.

Ndicho chikonzero nei mapasita vachiti chegumi ndechavo. Izvi hazvimo muMagwaro]

.... Nguva yekereke yeRaodikia ndiyo yega inodzingwa vanhu mukereke. Iye aive panze, ari kunze achigogodza, achiedza kupinda mukati. Vakamudzinga nekuti havasisina basa naye. Vakamuroverera patsva.

[Vakadzinga Shoko nekuti vane basa nezvavakabata paitaurwa chete.

Makereke emharidzo ari kukanganisa zvimwechetezve zvakaitwa nemamwe makereke. Havasi kuvakira kutenda kwavo paMagwaro ari oga.

... Ndinovanamatira vashumiri nhasi vari kuroverera Shoko zvakare, nekutora zviera era zvavo netsika dzemasangano avo vachitsiva Shoko reHupenyu.

Roma yemapegani yakauraya Jesu. Roma yeCatholic iri kuuraya Shoko raMwari

Jesu akatengeswa nemutengo wezvidimbu makumi matatu zvesirveri.

Ndiwo muripo waunoripira kana chipfuwo chikatunga munhu nenyanga dzacho akafa.

MaJuda akaripira zvidimbu makumi matatu zvesirveri kuti chikara cheRoma chiuraye Jesu.

Izvi zvakazvivisa chisikwa chipenyu cheRoma. Chekutanga sehushe hwechipegani tevere Kereke yeRoman Catholic.

EKSODO 21:28 Kana nzombe ikatunga murume kana mukadzi, akafa, nzombe iyo inofanira kutakwa namabwe, nenyama yayo haifaniri kudyiwa, asi muridzi wenzombe haangavi nemhosva

Hamufaniri kudya nyama yemhuka ine nyanga yauraya munhu.

Dziziso dzisidzo dzinoparidzwa mukereke dzinoparadza mweya yevanhu.

MATEO 10:28 Musatya vanovuraya muviri, asi vasingagoni kuvuraya mweya, zvikuru mutye uyo unogona kuvuraya mweya nomuviri zvose mugehena.

Chikara chine nyanga cheRoma yemapegani yakaparadzwa nemarudzi evatorwa asi chakadzoka kuva chipenyu chakereke yeRoman Catholic. Saka musaedza kuzviwanira chero chiro kubva kutsika dzeCatholic kana kuzvitendero zvavo zvisimo muMagwaro.

Dhonza rakatunga Jesu pamuchinjiko raive hushe hweRoma yemapegani.

Mweya weRoma yemapegani wakapinda mukereke yeRoma (Chikara chakabva mugungwa kuna Zvakazarurwa Chitsauko 13) mumashure mekunge marudzi evatorwa aparadza hushe hweRoma yemapegani.

Ipapo, mumashure memutsiridzo mweya uyu wakapinda mumasangano anopikisa chiCatholic (makereke emasangano aya akawandira muAmerica, chikara chinobva panyika chekuna Zvakazarurwa Chitsauko 13, chinoita mubatanidzwa wemakereke emasangano ari mufananidzo wechikara cheRoman Catholic.

Makereke asiri Catholic anotenda mudzidziso dzeRoman Catholic dzeTiriniti, maIsita egi nemabhani, Chishanu chakanaka (Good Friday) Kisimusi, munhu anenge ari musoro wekereke, Sabata remusi weSvondo, Eva akadya apura, Renti, nezvimwe zvakadaro.

Mweya wehudzvanyiriri wakasunungurwa mumashure mehondo yepasi rese yekutanga vadzvanyiriri ivavo vakaita saHitira vakasunungura mweya wehumhondi pamaJuda akafa anosvika mamiriyoni matanhatu pahondo yepasi rese yechipiri.

Mugore 1948 mweya wekuuraya wakapinda mukanzuru yemakereke kuti iroverere Kristu, Shoko raMwari, patsva mumakereke.

Vakabudirira zvakanaka. Vashoma maKristu anotenda kuti Bhaibheri reKing James Vhezheni rakarurama.

Zvamunotaura pamusoro peBhaibheri iri ndizvo zvamunotaura pamusoro paJesu, nekuti ndiye Shoko raMwari.

Saka, mapasita vari papurupeti vakadzidzisa vanhu kutuka nekuramba Bhaibheri saka vari kutuka Jesu. Vanovaka zvavanotenda pazvinhu zvakabatwa paitaura vanhu pachinzvimbo cheMagwaro.

Mweya yehudzvanyiriri iyi inoita kuti mufundisi ave musoro wekereke, saPope ndiye musoro wekereke yeCatholic.

Chikara chine nyanga, kana mweya weRoma yemapegani wakamuka kuva mupenyu mukereke yeRoma ukapararira kumakereke emasangano, unofanira kutakwa nemabwe ufe nyama yawo yorega kudyiwa nevanhu.

Tarirai zvinoitika mumakore matatu nehafu eKutambudzika kukuru.

ZVAKAZARURWA 16:21 Chivhuramahwe chikuru chinobva kudenga, chichawira pamusoro pevanhu kurema kwebwe rimwe nerimwe kukaita setarenta* vanhu vakamhura Mwari nokuda kwemvura yechimvuramahwe, nokuti dambudziko racho raive guru kwazvo.

Zvakadaro, chikara chine nyanga chichatakwa zvakaipisisa.

Tarirai zvakatarisana neVatican, yakaita basa guru pakuvakwa kwemweya wechikara chinouraya.

Mumakore matatu nehafu eKutambudzika kukuru, Vatican inoparadzwa naPope waantikristu wekupedzisira.

Anoshandisa Vatican kuwana simba repasi rese obva aparadza Vatican.

Ndiwo mashandiro aSatani. Anokushandisai obva akuparadzai.

ZVAKAZARURWA 18:8 Saka madambudziko aro achasvika nezuva rimwe, rufu, nokuchema, nenzara; richapiswa kwazvo nomoto: nokuti Ishe Mwari unoritonga, une simba.

Rinopiswa nemoto. Kwosara kusina chinodyika.

ZVAKAZARURWA 18:9 Madzimambo enyika akaita vupombwe nokuzvifadza naro, acharira nokuchema pamusoro paro, kana achivona vutsi bwokupiswa kwaro.

10 Ivo vamire kure nokutya kurwadziwa kwaro, vachiti: Nhamo, nhamo, newe, guta guru, Iwe Babironi, guta rakasimba! Nokutongwa kwako kwakasvika nenguva imwe.

Kumira kure. Zvinoita sekuti pari kurehwa kuputika kwebhomba renyukiriya. Hakuna munhu anogona kuenda pedo nekufamba kwehuturu kwacho.

Mukadzi mucherechedzo wekereke. Saka, mweya wechikara chine nyanga ichi wakatunga Shoko raMwari zvisina magumo uchiramba, kuzvidza, nekurwisa Bhaibheri. Zvakadaro, kereke iri kubaiwa nekuita kwayo mazano asiri muBhaibheri akapinda mumuviri wevatendi.

“Asi muridzi wedhonza achange anyerere.”

Diaborosi ndiye tsime remweya wechikara ichi uri kubatanidza hunyengeri mukereke, zvematongerwo enyika, nemari zhinji, madhimoni pamwechete kuti utonge pasi rese mumakore matatu nehafu ekutambudzika kukuru.

Asi mumashure meArmagedhoni anoramba achiramba mutongo wake wekupedzisira muDziva reMoto sezvo akenge akasungirirwa mugomba risina magumo kusvikira makore 1000 erugare muHushe hutsva apera.

ZVAKAZARURWA 20:2 Akabata Shato Nyoka rakare, ndiyo Diaborosi Satani, akamusunga makore ane gumi ramazana.

3 Akamukandira mugomba rakadzika dzika, akamupfigiramo, akaisa chisimbiso pamusoro pake, kuti arege kuzonyengera marudzi kusvikira makore ane gumi ramazana apera; shure kwaizvozvo unofanira kusunungurwa chinguva chiduku.

Anobva asunungurwa kuti atungamirire kurwa kwekupedzisira paGogi naMagogi achirwa naJesu.

ZVAKAZARURWA 20:7 Zvino kana makore ane gumi ramazana apera Satani achasunungurwa mutorongo yake.

8 Uchabuda kundonyengera marudzi ose ari kumativi mana enyika, ivo Gogi naMagogi avunganidzire kundurwa, kuwanda kwavo kwakaita sejecha regungwa.

Panguva iyoyo, achakundikana pakurwisa kwese kwaachaedza pana Jesu nevanhu vake. Inobva yakwana nguva yekumukandira mudziva romoto.

Satani anogona kuwana murango wake wekupedzisira uchinonoka, asi haagoni kuzopunguka kana nguva yakwana.

MaJuda ari kudzoka nekuti kereke ine vatungamiriri mapenzi

ZEKARIA 11:14 Ipapo ndikavhuna vhuna imwe tsvimbo yangu, yainzi zvisungo, kuti ndiputse hukama hwaive pakati paJuda naIsraeri.

Israeri kumusoro yakapinda muhutapwa muna 721 BC pasi peAsiria. Marudzi ekumusoro aya akapararira haana kuzodzoka zvakare.

Judea kuzasi yakatapwa naNebukadinezzari wekuBabironi muna 606 BC vakasunungurwa naCyrasi muPersia kuti vatange kuvaka patsva Temberi muna 536 BC.

MaJuda akadzoka akaparadzirwa nehushe hweRoma yemapegani muna 70 AD zvikaitika zvakare muna AD 135.

Nekuda kwaizvozvo, Israeri neJudea havana kubvira vabatanidzwa zvakare mumashure megore 721 BC.

MaJuda akaburitswa muJerusarema nekuuraya kwakaitwa vanhu nekurwiswa kwavakaitwa nemutungamiri wemauto eRoma Tito muna AD 70 apo vanhu 1,100,000 vakauraiwa. Imwe hondo yeBar Kochba payakaparadzwa nemaRoma muna AD 135, vamwe maJuda 580,000 vaive vauraiwa. MaJuda akabva panhandare yaMwari nekuurayiwa uku.

MaJuda akadzoka pakugutsikana nekuurayiwa kukuru kwakaitwa naHitira naEichmann muhondo yepasi rese yechipiri. Vanhu 6 miriyoni vakafa.

Kupera kwakaita hondo muna 1945 kwakaita sekuti Israeri yaive yaparara. Vaive vasisina musha saka vaive vasisiri rudzi rwakakwana sezvo vaive vakapararira pasi rese varasikirwa nechikamu chimwechete muzvitatu zvevanhu vavo.

Asi zvakadaro, zvinofadza, pachiso chazvo zvese, vaizokunda kuwana chikamu chemusha wavo mumashure mehondo inotyisa vachirwiswa nemarudzi mashanu evaArabu akavarwisa muna 1948.

Mwari aive atanga kudzokera kuvaIsraeri.

Mugore 1967 vakakunda hondo zvaidakadza vachirwiswa nemarudzi matatu emaArabu mumazuva matanhatu.

Mosesi akati vaizoshanda mazuva matanhatu vozorora zuva rechinomwe.

Mosesi Dyan (anodaidzwa kuti Moshe Dyan) akakurira hondo nemazuva matanhatu akazorora nezuva rechinomwe.

“Zita raringana” mumashure memakore 3500.

Mutungamiriri wenyika yeIsraeri akasimudza mureza waDavidi wenyeredzi yemativi matanhatu semureza mutsva weIsraeri aive Davidi Beni Gurioni.

Zvakare, zita rabuda riri chairo mumashure memakore 3000.

Mwari aive atanga kudzokera kuIsraeri apo kereke yenguva yekereke yekupedzisira yakaramba Jesu ari Shoko raMwari rakaziviswa vakamusairira kunze kwekereke.

ZEKARIA 11:15 Ipapo JEHOVA vakati kwandiri: Chitorazve nhumbi dzemufudzi benzi.

Mwari havadzokere kumaJuda kusvikira vapedza nevaHedeni.

Mwari vakangotendeukira kuvaHedeni chete apo maJuda akamuramba paCalvari.

Saka kereke yevaHedeni inofanira kuramba Bhaibheri kuti harisi Mukuru waro wechokwadi Mwari asati adzokera kuvaJuda.

Kereke yevaHedeni yakaramba hushumiri hwehama Branham kana kuhuwodza nekupa zvaakataura mbiri huru pamusoro peMagwaro.

AMOSI 3:7 Zvirokwazvo Ishe JEHOVA haangaiti chinhu, asina kumbozivisa varanda vake, vaprofita zvakavanzika zvake.

Makereke emasangano havana chavanoda padzidziso dzehama Braham.

Makereke emharidzo anosimbirira kuti zvakataurwa zvakakosha kudarika Magwaro akanyorwa.

Mapoka ese haasisiri pagwara rechokwadi.

Saka, kana vaHedeni vachisarudza zvakaipa, Mwari anovapa zvakaipa zvinoita sezvakanaka.

Kereke yevaHedeni yemaKristu akaponeswa yakasarudza kudzikisira nekusiya Magwaro.

Ikozvino Mwari achagadza kereke ichaita chokwadi chekudzikisira Bhaibheri zvakanyanya zvekuti Mwari anovaramba nekuvakandira munguva yeKutambudzika vari vasikana mapenzi kana vasikana vakanyengerwa.

Mwari anozadzisa sei kuwira pasi kwekereke?

AMOSI 3:6 Ko guta ringawirwa nezvakaipa, JEHOVA asina kuzviita here?

Vanoenda kumakereke havatore Bhaibheri seMukuru wavo saka Mwari anosunungura zvakaipa pavari achishandisa purupeti yavo.

Chombo chaMwari chikuru ndipasita anozvidaidza mufudzi otaura kuti ndiye musoro wekereke.

Jesu oga ndiye Mufudzi wechokwadi.

JOHANE 10:14 Ndiri mufudzi akanaka,

Kereke yekutanga yakatungamirirwa nemapoka evakuru.

Boka revakuru rinobatana kuti ririse boka raive basa remufudzi.

Hakuna kubvira kwaita pasita akapihwa simba rekutungamirira kereke.

Mapasita paakanotora zvechisimbachinzvimbo chemufudzi pamusoro pehwai, vakaita hupenzi.

Mufudzi munhu saka ari pamusoro pemakwai angori mhuka.

Saka, pasita, semufudzi, anova pamusoro pesangano osimudzirwa kuti asimidzirwe pamusoro pavo. Idzi itsika dzevaNikoraiti. Kutapa ungano kana sangano.

Kutaura nhema dzekuti musoro wekereke, pasita semufudzi wenhema anorasisa vanhu.

Munguva iyo mweya wehudzvanyiriri uri kukura, hutungamiriri hwemunhu mumwechete mukereke haugoni kubatsira asi kukurudzira mweya wehudzvanyiriri. Mukawedzera pane izvi kusaziva kwapasita umwe nemumwe zvakawanda zvezvakavanzika zveBhaibheri munowana kuparadzwa pamweya.

Basa guru rapasita pakupedzisira nderekuwodza kereke nemazano ake, tsika dzekereke dzisimo muBhaibheri, dzidziso dzenhema, dzinobva pane zvakabatwa nevanhu paitaurwa nerudo rwemari.

Kereke inodzidziswa kuti Bhaibheri reKing James harisi Mukuru.

Nei vachida kuva munhu mumwe anotungamirira? Vanoda hukuru nekuti zvakare vanotora mari yechegumi.

Saka, vanokwana pakuva vafudzi mapenzi. Vafudzi vane hupenzi hukuru kwazvo.

Kunyanya kana vanhu vakatanga kusimudzira nekunamata vafundisi vavo. Vanorasiswa nekushaiwa dzidziso dzeMagwaro, vanoenda kumakereke havachagoni kutaura musiyano uri pakati pechokwadi nezvakaipa.

MAPISAREMA 23:1 JEHOVA ndiye mufudzi wangu.

Jesu chete ndiye anogona kuva Mufudzi nekuti Iye ega ndiye Musoro wekereke.

VAEFESO 5:23 Nokuti murume musoro womukadzi, saKristu vo musoro wekereke.

Boka revakuru panzvimbo vese vane simba rakaenzana ndiyo nzira yeMagwaro inofanira kufambiswa nayo kereke.

Asi pasita anotsvaga hukuru, anokurudzirwa nerudo rwemari nekuva mukuru, anopindira panzvimbo yaJesu achizviita munhu mumwechete anotonga kereke, zvisinei nekuresva kwake kuzhinji nekusaziva kwake Bhaibheri.

Izvi zvinomuita mufudzi akaipa sezvo achitevedzera Pope anozvidaidza kuti “Vicarius Kristu”, pachinzvimbo chaKristu.

Kutevedzera Pope kunosvitsa pakutora chiratidzo chechikara. Kuita kwehupenzi hukuru.

Nekuzvisimudzira pamusoro pesangano kana ungano, pasita anova chikamu chemweya wevaNikoraiti unopamba kereke. Wakavengwa naMwari.

Munzvimbo Tsvene yeTestamente Yekare muTabernakeri maive nechigadziko chemwenje minomwe, chaive chakamiririra nguva nomwe dzemakereke. Tichiwedzera paivewo netafura yaive nezvingwa gumi nezviviri zvekuratidzira zvakamiririra maJuda 144,000 kubva kumarudzi gumi nemaviri evaIsraeri munguva yeKutambudzika.

Aya ndiwo mapoka maviri ari kushanda naMwari.

Jesu anoda kuva musoro uye mutongi wesangano.

Izvi zvinoratidzwa mumuviri wemunhu umo musoro wakabatana nemuviri kupfurikidza bhonzo remusana.

Mabhonzo 7 evhetebhureyi kubva pamutsipa, akamiririra nguva nomwe dzemakereke.

Mabhonzo 12 anotevera evhetebhureyi anobva pambabvu, anomiririra maJuda 144,000 vanobva mumarudzi 12 evaIsraeri.

Asi chinhu chakakosha ndechekuti pangori nemusoro mumwechete, Jesu.

Munhu anoitwa musoro unotungamirira kereke ibenzi. Antikristu achatora simba rese

Munhu mumwechete anotungamirira kereke mweya weCatholic uye pasita anofunga kuti musoro wekereke ari mumwechete ibenzi anongogona kunyengera kereke.

Zvakadaro, anovaita chikamu chemaKristu akaponeswa asi vari mapenzi vanopinda munguva yeKutambudzika.

ZEKARIA 11:15 Ipapo JEHOVA akati kwandiri: Chitora zve nhumbi dzemufudzi benzi.

Hupenzi zvinoreva kuti havateveri Magwaro zvakazara uye kuti vanotenda kuti munhu mumwechete anogona kutungamirira kereke.

Munhu mumwe anomira kuva mufudzi ndiye ari kugadzirira kereke imwe neimwe kuva vasikana mapenzi nekuda kwekuparidza zvinhu zvakasangana Magwaro nezvisiri muMagwaro.

Uku kugadzirira kereke yake kuti itambire munhu wezvivi wekupedzisira.

ZECHARIAH 11:16 Nokuti tarirai ndichamutsa panyika ino mufudzi asingavi nehanya naakarashika, kana kutsvaka akapararira kana kurapa akavhunika kana kufudza anofara, asi uchadya nyama yaakakora nokubvambura mahwanda awo.

Mwari pakupedzisira vachasimudza Pope waantikristu achatora kereke, simba rezvematongerwo enyika, nezvemari pasi rese.

Achange asina tsitsi ari nehutsinye achingoda kuti apfume iye chete.

Saka chii chichamugonesa kutora kereke ari mudzvanyiriri?

Mhinduro ndeyekuti nguva yekupedzisira mapasita ekereke achatora tsika imwechete iyi zvekuti vachatonga makereke avo nenzira yehudzvanyiriri vasingatereri Magwaro aknyorwa.

Izvi zvichagadzirira vanhu, vari kujaira kurarama kunze kweMagwaro, kuuya kwaPope wekupedzisira kuzokurira.

Hutachiwana hweKorona hwegore 2020 hwakamanikidza vanhu kugamuchira hudzvanyiriri hwekugariswa mudzimba hwakaisa hupenyu hwavo panjodzi. Vatungamiriri vakasarudzwa zvakasununguka vakabva vava vadzvanyiriri panguva yehutachiwana.

Dambudziko repasi rese raizozarura masuwo kuti kuuye mudzvanyiriri kana zvirizvo zvaidiwa kuti vanhu vaite mabasa.

Saka dambudziko guru rinofanira kutarisirwa. Zvichida kudengenyeka kwenyika.

Mepu inotevera inoratidza bhande rekudengenyeka kwenyika kukuru kungangoitika kumahombekombe ekumadokero kweAmerica.

Nzvimbo dzine ruvara rwegirini dzine dambudziko nekuti dziri pakati pegungwa nemutsetse wedambudziko iri.

Kana tikakudza chikamu ichi chemepu:

Tinoona kuti guta reLoss Angeles riri panzvimbo yakaipisisa kwazvo.

Kudengenyeka kwenyika kukuru kukaitika apa kunogona kunyudza guta mumvura.

64-1227 MUNOTI UYU NDIYANIKO

Tarirai pakudengenyeka kwenyika muno muCalifornia. Ndinoprofita Ishe Jesu Kristu vasati vauya, Mwari vachanyudza nzvimbo iyoyo. Ndinotenda kuti Hollywood neLoss Angeles, nenzvimbo dzese dzakaipa dziri ikoko, Mwari Baba Samasimba vachadzinyudza. Dzichanyura pasi pegungwa. Zvivi zvizhinji, muri kuzviona, ndizvo zviri kupingaidza.

65-0429 KUARUDZWA KWEMWENGA

Kuyambirwa uku. Hatizivi nguva, uye hamuzivi kuti inguva ipi, iyo guta iri [Los Angeles] rimwe zuva ichanyura pasi pegungwa. “Oh, Kapenaume,” ndizvo zvakataurwa naJesu “Iwe unosimudzirwa Kudenga, zvichadzikiswa kugehena. Nekuti, kana mabasa makuru akaitwa muSodoma neGomora, ringadai rakamira nanhasi.” Sodoma, neGomora zvakanyura pasi peGungwa Rakafa (Dead Sea). Kapenaume iri pasi pengungwa.

Iwe guta, unoti uri guta reNgirozi [Los Angeles] wakazvisimudzira kudenga, ukatumira tsvina yose, zvakaipa zvefeshoni, kusvika chero venyika dzekure vauya kuzotora tsina dzako vakadzitumira kure, mumakereke ako nezvimisikidzo zvawo nzvimwe zvakadaro, sezvaunoita. Rangarira rimwe zuva uchanyura pasi pegungwa, zvaunovimba nazvo zvako zviri pasi pako. Kutsamwa kwaMwari kuri kudzvova pasi pako. Zvichatora nguva yakadii achabata sei chinhu chiri apo icho? Kana gungwa iroro riri uko, rakadzika zvemaira, rikatsvedza, kudzokera kuGungwa reSalton. Zvichange zvakaipa kudarika mazuva ekutanga aPompeii. Tendeuka, Los Angeles.

Gungwa reSalton riri kuratidzwa pamepu iri kutevera, kurudyi rweLos Angeles.

Kudengenyeka kwenyika kukuru apa kunogona kuparadza hupfumi hweCalifornia izvi zvinogona kuparadza zvakare hupfumi hweAmerica.

Bato rimwechete rine hupfumi hwekutora America nekuitonga ikereke yeRoma. Mukadzi akanaka asi ane hutsinye akataurwa nehama Branham pachiratidzo chechitanhatu.

61-0312 JEHOVA JIRE

Ndikaona mukadzi mukuru kwazvo achisimuka, akanaka kumutarisa, asi ane moyo wakaipa une hutsinye. Ichava kereke. Tarirai iri munzira mayo ikozvino.

NGUVA YEKEREKE YERAODIKIA- BHUKU RENGUVA DZEMAKEREKE

Muchisimbiso chechitanhatu kwakasimuka muAmerica mukadzi akanaka, asi ane hutsinye. Akabata vanhu musimba rake rakazara. Ndinotenda kuti kwaive kusimuka kwekereke yeRoman Catholic, chero ndaiziva kuti chaigona kuva chiratidzo chemukadzi achisimuka kuva nesimba muAmerica nekuda kwesarudzo huru yevakadzi.

Kana hupfumi hweAmerica hukaremadzwa, pasi rese rinoita dambudziko.

Chimiro chezvinhu chakaringana kuti chibereke mudzvanyiriri antikristu wekupedzisira.

Pakugadzirira kuuya kwemudzvanyiriri wekupedzisira, tinoona kereke imwe neimwe ichitongwa napasita anokoshesa simba rake iye nekutonga kwake, kwete kugadzikika kwekereke. Anoda kutonga ari munhu mumwechete achizviita mufudzi.

Ngatitarisei Gwaro rekupedzisira (vhesi 160 munhau dzekuti mapasita anhasi ari kuita sei uye ari kuzvibata sei kuti vagadzirire nzira yekuuya kwaPope wekupedzisira.

Mufudzi akaipa ndiye achave mutongi wekupedzisira wemakwai

ZEKARIA 11:16 Nokuti tarirai ndichamutsa panyika ino mufudzi asingavo nehanya naakarashika, kana kutsvaka akapararira kana kurapa akavhunika kana kufudza anofara, asi uchadya nyama yaakakora nokubvambura mahwanda awo.

“Vasingazoshanyiri avo vachabviswa”. Mukapokana nemapasita anhasi munenge mafira mumvura.

Munorambidzwa kuenda papurupeti (yake) mobviswa pakereke inofanira kumuteerera.

Haangoregi kukushanyirai chete asi anoudza sangano kuti rikurambei.

Vana vavo havazokwanisi kutamba nevana venyu zvakare. Vaduku havazoonekwa zvakare.

Munege muri muchizarira zvakazara kana tichitaura nhau dzekereke yake. Kunze kwekuti munhu arwiswe nekurwadziswa kasingaperi.

(hazvishamisi kuti nei Mwari paakatsamwa akavharira vanhu vese kuti vasabude mudzimba dzavo. Ikozvino vanhu vose vanoziva zvazvinoita kana vakavharirwa vasingasangani nevamwe. Kurwadziswa mundangariro kukurusa. MaKristu vanhu vakanaka. ?)

Kutaura kwakanaka kwekushandisa zvakataurwa nevaparidzi ndekwekutsigira neMagwaro, akaziviswa.

Zvakataurwa zvakatsiva Magwaro. Zvakataurwa nevanhu ikozvino zvakunzi ndizvo izwi raMwari. Asi hatina kumbovimbiswa Izwi raMwari muguva dzekupedzisira.

Mapasita anofunga kuti ndiwo misoro yemakereke, kureva kuti vanenge vachizviita mufudzi mukuru, achadzinga nekubvisa vose vasingawirirane naye. Kana vakangobvisa vanovapikisa mukereke, anovatuka nekurambidza vanhu kudzidza kubva kwavari kana kushanyira nekuwirirana navo.

Nguva yekupedzisira, tinenge tiri vana vaduku vanofanira kudzorerwa kumadzibaba mapostora .

Mapostora havana kubvira vaisa pasita pamusoro pekereke. Vakaisa hutungamiriri hwekereke mumaoko eboka revakuru.

Saka, munhu mumwechete anotungamirira kereke haagoni kudzorera vana venguva yekupedzisira kumuenzaniso wekereke yekutanga wemadzibaba mapostora, nekuti mapostora havana kubvira vaita zvakadaro. Nekuda kwaizvozvo, vatendi vatsva vari kurasiswa nekereke nekuti ine chimiro chisicho. Pasita umwe neumwe ane mafungiro ake nekutadza kwake kunopatsanura muviri wevatendi kuita makereke akawanda akasiyana. Muviri wakaputsika uyu haugoni kuporeswa kana mapasita, vanopokana, vakaramba vachizviita misoro inofanira kuteererwa mukereke imwe neimwe.

Kumira zvinoreva kushaya kuziva rutivi rwekuenda.

Dambudziko rimwe guru riri munyika yanhasi kutadza kwevanhu kuwana nzira.

Saka vanhu vanopinda makereke mavanofuririka kurara nekuudzwa kwavanoitwa kuti vakachengetedzeka chero vachiuya kukereke nekutevera zvese zvataurwa napasita.

MaKristu ese anomiririrwa nevasikana gumi kuna Mateo Chitsauko 25.

MATEO 25:5 Zvino chikomba chakati chichinonoka, vakakotsira vose, vakavata.

Vanhu vakarara havafambi kutevera chero chinangwa zvacho.

Zvakataurwa nevanhu hazvigoni kupa vanhu chinangwa. Kubva kune zvakataurwa, mapasita vanoti Jesu akauya, hakuna kukwira kudenga kuchaitika, uye titori muMereniyamu.

Mapasita vanoti Mutumwa mukuru wekuna Zvakazarurwa 10 akaburuka. Saka, hakuna chekutsungirira kutevera. Tingori kurarama tiri nzvimbo imwe. Vakasukurudzwa njere uye havazivi Bhaibheri. Vakarasiswa nemapasita avo.

Asi Mutumwa wekuna Zvakazaruwa Chitsauko 10 achaburuka kuzomutsa vakafa munguva nomwe dzemakereke.

64-0119 SHAROMI

Asi, rangarirai, kana tikangopinda mumumvuri werufu, “Ndini Rumuko nevupenyu; ndichamumutsa zvakare.” Uye kana Mukuru wemasimba ose aburuka akaisa hoko iyoyo pasi, ipapo, “nguva haizovapo.” Kana Mutumwa, wekunaZvakazarurwa chitsauko 10, akaisa tsoka yake imwe pamusoro penyika imwe pamusoro pegungwa, nemurarabungu pamusoro pake, Anopika, “Nguva haizovapo zve. ”Kana nguva iyi yasvika, muchamutswa kubva pakati pevakafa. Apo vamwe vese varere pakadaro apo, imi munobva mapinda.

65-1127 NDAKANZWA ASI ZVINO NDAKUONA

Kuna Mwari akanaka, munguva ino, ichava nguva yakaita saiyoyi pakuchava nekutinhira rimwe zuva, Mwanakomana waMwari achaburuka kubva kudenga neKudanidzira, nenzwi reMutumwa Mukuru, hwamanda yaMwari icharira, vakafa muna Kristu vachamutswa.

Zvakazarurwa Chitsauko 10 inotsanangura Mutumwa Mukuru achiuya kuzomutsa vakafa.

ZVAKAZARURWA 10:1 Zvino ndakaona umwe mutumwa ane simba achiburuka kubva kudenga, akapfekedzwa gore; nemurarabungu uri mumusoro make, uye chiso chake chakaita sezuva, netsoka dzake sembiru dzemoto;

2 uye wakange ane bhuku diki rakazaruka muruoko rwake; ndokuisa rutsoka rwake rwerudyi pamusoro pegungwa, nerweruboshwe pamusoro penyika;

62-1230 ICHI NDICHO CHIRATIDZO CHEKUGUMA HERE BABA

Akaburuka kubva kudenga, nekuti zvakavanzika zvese zvaive zvapera.

Mutumwa haaburuki kuuya kuzozarura Bhuku. Achangoburuka mumashure mekunge Bhuku razarurwa zvakavanzika zvaziviswa.

ZVAKAZARURWA 10:3  zvino akadanidzira nenzwi guru seshumba inodzvova; wakatiwo adanidzira, kutinhira kunomwe kukareva manzwi ako.

Izvi ndizvo zvakaitwa naJesu pakumutswa kwaRazaro.

JOHANE 11:43 Zvino wakati areva izvozvi, akadanidzira nenzwi guru, akati: Razaro, buda!

Saka, mumashure mekuchema uku kwakamutsa vakafa, kutinhira kunomwe kwakareva mazwi ako.

Nei kwakareva? Kupa Mwenga kutenda kwekukwira Kudenga.

Asi Mwenga haagoni kukwira kudenga mumiviri yenyama yatiinayo ikozvino, miviri inofanira kushandurwa.

Kana tava mumiviri mitsva, ndipo chete patinokwanisa kukwira kudenga.

63-0318 CHISIMBISO CHEKUTANGA

Kuri kuuya Kutinhira kunomwe kwakavanzika kusina kana kumbonyorwa. Ndizvozvo chaizvo. Ndinotenda kuti kupfurikidza Kutinhira kunomwe uku kuchaziviswa mumazuva ekupedzisira kuti Mwenga aunganidzwe kuti awane Kutenda kwekukwira kudenga; nekuti newatiri nawo nhasi, hatigoni kuzviita.

62-1230 ICHI NDICHO CHIRATIDZO CHEKUGUMA HERE BABA

Kana Zvakavanzika zvapedziswa, Mutumwa akati, “Nguva haizovapo’ zve”, Kutinhira Kunomwe kwakadanidzira.

Kokana chiri chinhu chekutizivisa kuti topinda sei muKutenda kwekukwira Kudenga? Ndizvo here? Tichamhanya here, kusvetuka zvidziro?

Saka, tinofanira kudzidza zvakavanzika zveMagwaro kuti tinzwisise zvakanyorwa muBhaibheri.

“Akanga ane Bhuku duku muruvoko rwake:”

Hatizove takagadzirira Kuuya kwaShe kusvikira Bhaibheri rava Bhuku rakazaruwa kwatiri ratinogona kunzwisisa.

Mwedzi mumwechete vasati vafa hama Branham vaive vachiri vakatarisira “Kudanidzira” (mharidzo) kuti kuitike.

1965 1127 NDAKANZWA ASI ZVINO NDAKUONA

Kuna Mwari akanaka, munguva ino, ichava nguva yakaita saiyoyi pakuchava nekutinhira rimwe zuva, Mwanakomana waMwari achaburuka kubva kudenga neKudanidzira, nenzwi reMutumwa Mukuru, hwamanda yaMwari icharira, vakafa muna Kristu vachamutswa.

Kudanidzira kwaive kusiri hama Branham vachinzwisisa zvakavanzika vachizvizivisa kwatiri.

Kudanidzira ndeapo Mwenga anogona kunzwisisa zvakavanzika mumoyo make.

Vakawanda muMwenga vaive vasati vatozvarwa pakafa hama Branham.

Kutinhira kunomwe kuchareva zvakavanzika.

Asi zvakuchareva zvichange zvakavanzwa muBhaibheri neimwe nzira.

Tinofanira kuziva Bhaibheri zvekuti tinogona kuona nekuziva pakuchareva.

64-o614 KUZIVISWA KWAMWARI

Vakati, “Zvakanaka, zvino, kutinhira kunomwe, mazviona,” vakati, “hakungarevi here kutinhira kunomwe, hakuzova here Zaruriro inenge ichipihwa kuvanhu?”

Ndakati, “Kwete, baba, kuchave kuwedzera kwariri kana kubvisa kwariri.”

Kutinhira kunomwe hakuzi zaruriro ichaparidzwa nemunhu.

Kutinhira Kunomwe kuchange kuri zviitiko zvisina kutarisirwa, hakuzove mharidzo yatichange takateerera. Kuchazivisa zvakavanzika zvakavanzwa kwatiri muBhaibheri nekuti hazvina kunyorwa zviri pachena.

Chero chinhhu chakanyorwa muBhaibheri hachingave Kutinhira kunomwe.

Saka vafundisi kana mapasita emasangano vanofanira kuita kuti vanhu vavo vagarire kure nekuedza kudzorera zaruriro yakaziviswa nehama Branham kuMagwaro. Nenzira iyoyo zvakawanda zveBhaibheri zvicharamba zviri Bhuku rakapfigwa.

Havazogoni kudavira kana Mutumwa Mukuru akaburuka neBhuku rakazarurwa.

Kana Bhuku rikazarurwa, Mutumwa mukuru achatarisira kuti vanzwisise zvese zvakanyorwa muBhuku.

Kana tikanzwisisa zvakanyorwa muBhuku, tichagona here kuziva zvakavanzwa muBhuku zvine huchenjeri.

Saka mapasita anonyengera vanhu zviri nyore kuti vafunge kuti zviitiko zvichauya izvi zvakatoitika.

Vanhu vanofuratira zviitiko zviri munguva inouya pazvinoitika chaipo, zvinotozoipisisa, vanozvipikisa.

Kunobva kwauya Kutambudzika kukuru.

Mapasita vakanyengera vanhu kusvika pakutenda kuti zvakawanda zvezviitiko zvinouya zvakaiswa mumweya, asi kukasara chinhu chimwechete chavari kuita panyama. Chegumi.

Pasita umwe neumwwe anoti akafanirwa nemari zhinji nekuti iye mufudzi anotora kuhwai.

Pasita anoita chokwadi chekuti awana mukana wekutanga kuti atore chidimbu chekutanga chemari. Anotora simba rekusarudza kuti chidimbu chake chaanotora chakakura sei.

Anoshandisa imwe mari yese yechegumi kutsigira vanhu vake vakamutsigira vanotenderana naye. Kunyanya kana akabvisa chero munhu asingatenderane naye pakuwana mari. Saka, anoshandisa mari dzevamwe vanhu kutenga rutsigiro. Zano rakachenjera.

Chero munhu anoda kuisa minwe yake mumare anodamburwa damburwa.

Jesu akadzinga vanhu vaitsinhana mari muTembere musi weMuvhuro wakatevera Svondo yeMichindwi. Maprista vakaita kuti auraiwe musi weChina.

Musafe makaisa panjodzi mari dzevatungamiri vezvitendero. Zvinoipa kwamuri.

Ziso rakanaka rinonzwisisa zvakavanzika zvakadzama zveMagwaro

Apa ndipo panokwana kereke.

Havagoni kuziva zvavanotadza ivo saka vanonzwisisa zvishoma kwazvo muBhaibheri.

ZEKARIA 11:17 Une nhamo mufudzi usina maturo, unosiya makwai! Munondo uchatema ruvoko rwake, neziso rake rorudyi; ruvoko rwake rwuchawoma chose, vuye ziso rake rorudyi richasvibirwa chose.

“Ruoko” mucherechedzo werutsigiro.

Uku ndiko kuchengeta kunoita Mwari boka rake.

ISAYA 40:11 Uchafudzaboka rake somufudzi, uchavunganidza makwaiana ake mumavoko ake, nokuatakura pachipfuva chake, uchanatsa kutungamirira nhunzvi dzinomwisa.

Mwari anoda kuti vanhu vabatwe neruoko rwekutenda pavanotenda kuti Mwari achavapa nekuvataririra.

MATEO 6:33 Asi tangai kutsvaka ushe hwaMwari, nekururama kwake, zvino izvozvi zvese zvichawedzerwa kwamuri.

Saka, hatizivi kuti zvichabva kupi. Mwari anopa zvaanoziva kuti zvakatifanira.

Asi kusagadzikika munezvemari uku hakugamuchiriki kumapasita edu anhasi.

Vatungamiri vemakereke vanokoshesa rutsigiro rwemari nezvinhu zvinobatika vanoda kuita chokwadi chekuti mari inoramba ichingouya kwavari.

Ndicho chikonzero nei vachivaka mapato emakereke.

Asi kuvimba kwavo naMwari kunomira pavanotanga kuvimba nezvinhu zvavanenge vaunganidza mumakereke avanenge vasarudza.

JEREMIA 17:5 Zvanzi naJEHOVA ngaatukwe iye munhu anovimba nomumwe munhu, unoita nyama yomunhu ruvoko rwake, unomoyo unotsauka kuna JEHOVA.

Mapasita anosarudza kereke kuitira kuzviunganidzira pfuma. Vaparidzi vanotopihwa basa vachimbadharwa.

Vanovimba nekereke kuti vawane mari. Vanoparidzira kuhora.

Nekudaro, “moyo yavo yakabva kare pana Mwari”.

Chokwadi cheBhaibheri hachisisiri chekutanga muhupenyu hwavo.

Vanoparidza chero chinovapa mbiri nekugamuchirika.

Vanogadzira vega zvakavanzika zvekunyengera nazvo vanhu nekutsanangura zvakataurwa nenzira dzavanoda kuti vanhu vavaone “sevakangwara”. Mweya yavo ine nyota yekugadzira mazita nekunzi vakangwara. Chokwadi hachisisina kuvakoshera.

KUZIVISWA KWENGUVA NOMWE DZEMAKEREKE CHITSAUKO 6

... Rudo rwekuunganidza zvinhu rwuchatora nzvimbo yerudo rwaMwari.

Makereke makuru ane mari anokwezva vaparidzi.

Muparidzi wekuAmerica akasaina kuti apinde basa remari inosvika $100 miriyoni nekereke huru kuti aparidzeko kwemakore matanhatu.

Kuparidza rava bhizimusi.

63-0707 KUPOMERWA

Ndiri kutaura pamusoro penyu vePentekositi. Ndizvozvo chaizvo. Maiziva chokwadi, asi makafunga kuti maisakwanisa kuchigamuchira. Hamuna kugona kutsigira pasita wenyu. Pasita wenyu aisakwanisa kuwana basa guru iri rine mazana emadhora mazhinji pavhiki, nekereke huru yakanaka yekuparidzira. Nekufamba nekuenda mberi sezvavakaita. Dai aizvisvora, aifanira kutaura. Saka, akatengesa nhaka yake, nekuda kwezvinhu zvenyika, mugwara raEsau. Achawanei? Vose vanowira mugomba rekutukwa, votukwa. Ndinovapomera, semhombwe dzeEvangeri.

Achitaura pamusoro pamambo waAsyria.

II MAKORONIKE 32:8 Iye une ruvoko rwenyama asi unesu ndiJEHOVA Mwari wedu, kuzotibatsira nokurwa navavengi vedu,

Zvinhu zvenyama zvinokwanisa kuvaka bato rezvechitendero. Asi hazvinei nechekuita naMwari.

Kushandira mari nekuwana muhoro zvinopedza simba revafundisi nemapasita rekuvimba naMwari.

Ave kushandira kereke ine mari yaanovimba nayo kuti ararame.

“Munondo [Shoko raMwari] uchava paruvoko rwake .. ruwoko rwake rwuchave rwakachena rwakaoma”.

Ruoko rwemunhu ndiko kuvimba kwake naMwari. Zvinopera zvakazara apo kereke inomupa mari yake.

Pasita wekereke anobhadharwa haavimbi nekuriritira kwaMwai. Kana akaparidza dzidziso, vanhu vanouya vobhadhara chegumi. Saka, mari yake mubhanga inogara irimo.

Mwari vanoita kuti izvi zvienderere mberi sezvo akadaidza Raodikia kuti yakapfuma. Mapasita anobudirira kubva kunemari nezvinhu zvinobva kuvanhu kuvimba kwavo muna Mwari kunoneta.

Makereke anhasi ari kufambiswa nenzira yemabhizinesi haasisiri nei naMwari zvachose. Vaparidzi vanobhadharwa vanoshandira masangano akapfuma vachivaparidzira zvavanoda kunzwa. Kazhinji zvinhu zvisimo muMagwaro zvinoita kuti sangano rifunge kuti rakachenjera kusvikira vasangana nemunhu anovati vamuratidze pazvakanyorwa muMagwaro. Nzira inenge iri nyore kwavari kutuka nekudzinga vanhu.

Kuvimba napasita yaive isiri nzira yekereke yekutanga.

Pasita achivimba nekereke kuti awane mari yake hazvimudzidzisi kurarama nekutenda.

MAPISAREMA 118:8 Zviri nani kutizira kunaJEHOVA pane kuvimba nomunhu.

Munhu wese anoparidza mudziyo unotadza.

JOBO 15:15 Tarira haatendi vatsvene vake;

Hakuna kana munhu mumwechete anovimbwa naMwari nekuti tese tinotadza.

ZEKARIA 11:17 Une nhamo mufudzi usina maturo, unosiya makwai! Munondo uchatema ruvoko rwake, neziso rake rorudyi; ruvoko rwake rwuchawoma chose, vuye ziso rake rorudyi richasvibirwa chose.

“Munondo uchave ... paziso rake rerudyi” ... “Ziso rake rerudyi richava nerima”.

MuMagwaro, ruoko rwerudyi mucherechedzo wesimba.

Kana zvichienzaniswa, zvikamu zviviri kubva muzvitatu zvevanhu vanoshandisa ruoko rwerudyi.

Saka, kuvanhu vazhinji, ruoko rweruboshwe haruna simba panerwerudyi.

Bhaibheri rine dzidziso dzakareruka kunzwisisa dzakaita sekutendeuka nehutsvene. Rozoitawo dzidziso dzakadzama.

Kuona dzidziso dzakareruka kunzwisisa kunogona kumiririrwa neziso reruboshwe sezvo zviri nyore kuona kana vanhu vachida kudziona.

Saka, ruponeso rwakareruka kuona mamiriyoni evasikana vakavata vanogona kuponeswa nguva yeKutambudzika isati yakwana.

Asi kupunyuka nguva yeKutambudzika kukuru kunoda muono wakadzama une simba muzvakavanzika zveMagwaro.

Hama Branham vakauya vakazivisa zvakavanzika zveBhaibheri, kuti tizvitsigire neBhaibheri.

Kugona kwenyu kuona zvakadzama zveBhaibheri zvinoratidzirwa nemucherechedzo weziso rekurudyi.

Kunzwisisa zvakadzama zveMagwaro kunoda simba reMweya Mutsvene.

Saka, kana mukagamuchira dzidziso dzisimo muMagwaro ziso renyu rerudyi rinoita rima nekuti kukanganisa ikoko kunoreva kuti kune dzimwe dzidziso dzisidzo dzamuchatanga kutenda madziri. Kuwedzera kunoita kukanganisa, ziso renyu rerudyi rinowedzera kudzima zvinokonzeresa kuti mupinde mumakore matatu nehafu eKutambudzika kukuru.

Saka, mapasita anhasi ari kusvibisa ziso rerudyi revanhu kuti vasawane zaruriro yeMagwaro.

Kuna Mateo, kunze kweguva, Maria akabata tsoka dzaJesu.

Kuna Johane, Jesu akaudza Maria kuti asabate tsoka dzake.

Kuna Mateo, hakuna kutaurwa pamusoro pekukwira kudenga kwaJesu. Nei?

Mateo ega ndiye akataura pamusoro pezvidimbu makumi matatu zvesirveri zvakaripirwa pakutengeswa kwaJesu. Nei?

Evangeri raJohane harina mifananidzo. Nei?

Mateo naMarko pakanga paine mutumwa mumwechete paguva. Ruka naJohane paive nevatumwa vaviri. Nei?

Nei Erisha akatuka vana vanemakumi mana nevaviri muzita raShe, kuti vauraiwe?

Jesu akati iye ega ndiye anogona kukwira Kudenga. Asi ko Enoki naErija? Vanorwisa Magwaro vanoda kusimudza nhau idzi.

Kuna Johane, Jesu akafamba pamusoro pemvura akapinda mumugwa. Pakarepo vakanga vave kumhiri. Asi vaive pakati pegungwa. Nei Johane akazvitsanangura saizvozvo?

Nei Ruka asina kana kutaura pamusoro pezvishamiso zvakaitwa?

Saka mune zvakawanda zviri muMagwaro zvinofanira kuonekwa kana ziso redu rerudyi risiri murima.

Asi vafudzi mapenzi vemakereke anhasi vari kurasa vanhunekuvadzikisira kuti vasapindure mibvunzo iyi. Vanototya kubvunza mibvunzo seiyi nekuti vanoziva kuti havana mhinduro.

Ndicho chikonzero nei kereke yeRaodikia ichitsanangurwa sebofu. Ziso rayo rerudyi rakaiswa rima.

Vanovimba nemapasita avo kuti vanzwisise asi mapasita acho havanzwisisi zvakavanzika zvacho ivo pachavo.

Asi ruoko rwerudyi rwerutsigiro rwaMwari rwuri kufa. Vasikana mapenzi vakarara havo havadi kurudziro kubva kuna Mwari. Mapasita akazviwanira chegumi chekereke zvekuti havasisinei nerubatsiro rwaMwari.

Saka kereke yagadzirirwa kuuya kwemudzvanyiriri wekupedzisira kuri atore simba, Pope waantikristu.

Pope waantikristu achange asina chekuita nekereke yechokwadi kana boka.

Vanhu vanokoshesa nekuvimba nemapasita avo.

Saka. Zvichave nyore kuendesa kunamata munhu uku kunorumbidza Pope wekupedzisira paachapa vanhu mabasa nechikafu.

Jeremia akashandisa mambo Konia (Jekonia) semuenzaniso wemudziyo wakaputsika apo Mwari vakamubvisa nevana vake pachigaro chaDavidi.

JEREMIA 22:28 Ko munhu uyu Konia mudziyo wakaputsika unozvidzwa here?

Kereke ingagadzirira sei kuti inyengerwe kugamuchira mufananidzo wenhema uyu, Pope wekupedzisira?

ZEKARIA 11:17 Une nhamo mufudzi usina maturo, unosiya makwai! Munondo uchatema ruvoko rwake, neziso rake rorudyi; ruvoko rwake rwuchawoma chose, vuye ziso rake rorudyi richasvibirwa chose.

Antikristu wekupedzisira achave neziso rakadzima zvachose rerudyi. Haana chaachaziva pamusoro pezvinhu zvemweya zvechokwadi zvakadzama achatsvaga kuuraya vasikana vakavata vese vanoti zivei zvakakwana kuti vaponeswe nguva yemakore matatu nehafu eKutambudzika isati yatanga.

Achavaka kereke imwechete yepasi rese yakasiyana nezvinotaurwa neBhaibheri.

Asi vanhu vanoenda kukereke vakajaira kusatevera Magwaro havaoni zvinhu izvi.

Ruoko rwake rwerudyi rwakaoma zvakazara nekuti haasi kuzovimba nerubatsiro rwaMwari.

Achange aine mari yeMusika wemari wemaJuda kuti avake hupfumi hwepasi rese nesimba remauto evadzvanyiriri gumi vachange vachiparadza vapikisi vake.

Achatanga kereke imwechete yepasi rese nehurumende yepasi rese.

Nhasi mapasita variko kusukurudza pfungwa dzevanhu kuti vatende zvinotaurwa nekereke kuti vagone kugamuchira mudzvanyiriri wezvechitendero uyu kana asvika panzvimbo.

Kupindira kwekereke mune zvematongerwo enyika nezvemabhizimisi zvinovatadzisa kurangarira nekuona kuti havachatevere Magwaro.

Kereke yechokwadi ine mapoka maduku sezvaive zvakaita kereke yekutanga yaisanganirana mudzimba.

VAROMA 16:5 Ndikwazisireivo kereke iri paimba yavo.

Kereke imwe neimwe yepanzvimbo yaive neboka revakuru vaitungamirira. Kwete munhu mumwechete.

Hutachiwana hwekorona hwegore 2020 hwakapfiga zvinhu zvese hwakagonesa vanhu vakawanda vakapatsanurwa kusangana vachinamata kupfurikidza Zoom apo vanhu vanogara vari mudzimba dzavo vachinamata pamwechete nevari kure.

Kereke yava Bhizimisi Guru. Mari inokwezva Satani

Asi kereke yeRaodikia yakapfuma, saka pfungwa yemapoka maduku haishandi pakuedza kuita mari nekuita mbiri.

Kuratidzirwa kwaPope waantikristu nekuita kwake, fungai pamusoro pemunhu anosiya boka duku rechokwadi raMwari rinoda magwaro kuti ave munhu anokosheswa ari musoro wekereke huru. Ari pasita akanyengera vanhu kuti vatende kuti ndiye munhu mumwechete mufudzi weboka.

Makereke makuru akapfuma ashandura kuparidza kukuita basa rekutsvagisa mari.

Ani nani anotanga kereke anozviti pasita pakarepo kuti atore nekuva muridzi wechegumi chese.

Hakuna Magwaro anotaura izvi, asi makereke akanyengerwa kusvika pakutenda kuti chegumi ndechapasita. Saka chero muparidzi achangozviti mufundisi kana pasita.

Pasita anozvikudza anosiya boka duku rinotungamirirwa nevakuru, anoita izvozvo kuti azvivandudze iye nehupenyu hwake.

Muparidzi ari nhengo yeungano huru asi achida kuva musoro wekereke yake ega anosiya kereke yaanga ari kuti anotore chinzvimbo chekuva pasita mune rimwe boka kana rakakura. Izvi zvinomupa zvese kukosha nekuchengetedzeka panhau dzemari. Anokasika kuita chiremerera kuboka idzva nekuti anosvika ari pasita, chegumi chese ndechake.

Anenge atori nekutaura kwekutsigira izvi asi asina Magwaro ekutsigira zvaanotaura.

Kana kereke yaanenge achida kutora iri chikamu cheboka guru zvinoreva kuti anofanira kusaina mapepa ekupinda basa zviri pamutemo.

Kuparidza rava bhizimusi guru. Mutasvi waantikristu ari pabhiza dema ane zvikero mumaoko ake ari kupima mutengo wezviyo nebaari zvinogadzira chingwa. Chingwa cheHupenyu, Shoko raMwari, rinofanira kutengeswa nemutengo wakaringana.

ZVAKAZARURWA 6:5 Zvino rakati razarura mucherechedzo wechitatu, ndakanzwa chisikwa chipenyu chechitatu chichiti: Uya uone. Zvino ndikaona, uye tarira, bhiza dema, newakange akaritasva wakange ane chiyereso muruoko rwake.

6 Zvino ndakanzwa inzwi pakati pezvisikwa zvipenyu zvina richiti: Chiyero chezviyo nedhenario, nezviyero zvitatu zvebhari nedhenario; nemafuta newaini usazvitadzira

Evangeri rakaiswa kurutivi rwekuitisa mari. Rava Bhizimisi guru. Mapasita ane mota dzinonwisa mvura nedzimba dzakanaka (ruregerero, vane dzimba dzinodarika imwechete kazhinji kacho).

Asi zvisinei neizvi kuchange kuine mapoka maduku evatendi vechokwadi vanokoshesa mafuta eMweya Mutsvene kuti vatungamirire mapoka maduku muzvokwadi yose yemagwaro. Waini yavo inosimudza zaruriro apo Bhaibheri rinozarurwa.

JOHANE 16:13 asi kana iye asvika, Mweya wechokwadi, achakutungamirirai kuchokwadi chese; nokuti haazozvitauriri pachake;

Mweya Mutsvene hauremedze munhu. Kukosha kuri pana Kristu, Shoko.

Tarisai chero hushumiri hwepachivhitivhiti. Mumharidzo yehafu yeawa munotowana kakutsvaga mari mamwe maminetsi anotorwa vachishambadza maDVD avo nemabhuku. Mamwe ane mutengo usingashanduke. Mamwe “ndeemahara” kana mukapa rubatsiro. Kana mukasabhadhara, havakutumirei chokwadi chavanoti vanopa.

Pasita anofara kutora kereke ozviita mufudzi mumwechete ari panzvimbo yaKristu, asi kereke inofanira kuva nemari yakakwana kumutsigira kuti ararame zvaanotarisira.

Pasita mutsva anodawo kuramba achitevera dzidziso dzinotendwa nemamwe mapasita nemakereke kuti achengetedze mbiri yake nehunhu hwakatarisirwa pamberi pavo.

Mari nembiri kana kukudza ndidzo kiyi dzinosarudza zvinotendwa nemapasita nekwaanoparidza.

Zvakadaro, makereke awedzera kutungamirirwa nemunhu mumwechete akatengesa zvitendero zvavo.

Kereke iri kugadzirirwa kuti itengese zvitendero zvayo kuna Pope waantikristu wekupedzisira paanotora hupfumi hwepasi rese. Kuparidza zvanotaura munenge mawana basa. Kuparidza kwava tiketi rekuti vanhu vadye.

Boka rechokwadi rinenge riri duku richishorwa. Munenge musina mari yakawanda. Inotungamirirwa neboka revakuru. Pasina kuda hukuru kwakanyanya ikoko. Saka, pasita ane shungu dzekutonga anoda kutsiva Kristu seMusoro wekereke anobva kuboka duku iri rechokwadi.

RUKA 18:8 Asi kana Mwanakomana wemunhu achisvika, achawana rutendo panyika here?

Kune mamiriyoni emaKristu akaponeswa panyika. Asi Jesu haatarisiri kuwana kutenda kweBhaibheri mavari paanodzoka.

Saka, makereke edu ane chaari kuita chakaipisisa.

Chimisikidzo chese chekuva napasita pakutonga kereke hachimo muMagwaro.

Apo kereke yake inomedza zvaanofunga iye nekutadza kusimo muMagwaro, vanobva kuchokwadi cheBhaibheri zvakanyanya.

Mweya wemapasita unokanganisa kereke zviri nyore.

Nhengo dzekereke dzinozviwodzawo nemweya yadzo padzinotora zvitendero zvisimo muMagwaro netsika dzekereke.

1965-0206 MAGONHI ARI MUGONHI

Zvino, Ishe havagoni kugara Bhuku remitemo votaura Shoko, vozodzoka voriramba. Kana mukati mune Mweya Mutsvene, Bhaibheri rotaura chimwe chinhu chekuita, imi moti, “Oh, handitendi izvozvo.” munofanira kurangarira kuti mweya iwoyo ndimi kwete Mweya Mutsvene, nekuti haagoni kuZviramba. Ndizvozvo chaizvo. HaAzvirambe. Akanyora Shoko, anorichengetedza, anoriita. Mazviona? Saka hausi Mweya Mutsvene.

Mweya, zvakanaka. Unogona kuva mweya wekereke. Unogona kuva mweya wapasita. Unogona kuva mweya wenyika. Unogona kudaro. Handizivi kuti chii, asi chero zvauri, unogona kuva mweya wemasangano.

RUKA 17:10 Saizvozvo nemwi, kana maita zvese zvamakarairwa, muti: Tiri varanda pasina, nokuti taita zvataifanira kuita.

Kunyange vaparidzi nemapasita vachimboita zvavanotarisirwa kuti vaite naMwari, zvinova zvakanaka, panofanira kuva nezvinhu zvakawanda zvavanoita nekutaura zvakaipa kuti vanzi varanda pasina. Zvinoreva kuti vese zvanoita zvakaipa kudarika zvakanaka.

Kereke yenguva yekupedzisira yeRaodikia inotsanangurwa ichinzi ibofu.

ZVAKAZARURWA 3:14 Nekumutumwa wekereke yeVaRaodhikia nyora uti:

17 Nokuti unoti: Ndiri mufumi, uye ndakafuma, uye handishaiwi chinhu, asi hauzivi kuti ndiwe unotambura, neune nhamo, nemurombo, nebofu, newakashama;

Mapasita akaputirwa nerudo rwekuwana zvavanopihwa kupfurikidza zvinzvimbo zvavo asi havazivi kuti havasi kutevera Magwaro zvakazara padzidziso dzavo zhinji.

Saka, vanoona dzimwe dzidziso dzeBhaibheri asi mapofu kuchokwadi chakadzama nekuti vanoramba vadzidzisi veBhaibheri vanotaura zvakanyorwa muBhaibheri chete.

Ziso ravo rerudyi rapasita rakadzima.

Nekufamba kwenguva vanotora mazano matsva asimo muMagwaro voramba chimwe chokwadi cheBhaibheri chavaimbotenda machiri.

61-0423 ABRAHAM NEVANA VAKE VAKAMUTEVERA

Nekuti antikristu muparidzi wechimwe chikamu cheEvangeri. Uye mabasa ake anechimwe chikamu cheEvangeri.

RUKA 8:18 Naizvozvo chenjerai, kuti munonzwa sei; nokuti ani nani anazvo, achapiwa; asi ani nani asina, achatorerwa kunyange icho chaanofunga kuti anacho.

Tendai kuchokwadi kana chikaziviswa kwamuri. Munogamuchidzwa chimwe chokwadi chakawanda.

Rambai chokwadi kana chikaziviswa kwamuri ziso renyu rerudyi rodzimwa zvekuti munopinda muzvakaipa zvakawanda kusvikira maguma makanganwa chimwe chokwadi chamaimboziva.

Makereke anowira kure nechokwadi zvakanyanya uye zvakaipisisa zvacho ndezvekuti, vanozvidza avo vanoramba vachitevera Magwaro.

Paive nekubva kuchokwadi muNguva yeRima apo chokwadi chakafa apo Pope akatonga kereke muEurope akarambidza Bhaibheri.

Nguva yerima iyi yakakonzerwa nekudzingwa kwechiedza cheBhaibheri. Vaisakwanisa kuona zvakajeka nekuti vaive vasina chiedza.

Pakupedzisira kuchava nekumwe kurambwa kweBhaibheri.

Nguva yerima iyi inokonzerwa nekuita mazano akawandisa nekubata zvakawandisa zvakataurwa zvinodirwa panhandare semwenje inobwinya kusvikira vanhu vakanganisika vasisaoni zvakajeka.

Edzai kutsvaga maKristu anotenda kuti Bhaibheri ndiro Mukuru. Vashoma kwazvo.

Zvakataurwa nevanhu zvakatsiva Magwaro.

II VATESARONIKA 2:3 Ngakurege kuva nemunhu anokunyengerai nemutoo upi neupi; nokuti harisviki kunze kwekuti kuwa kwatanga kusvika, uye munhu wechivi aratidzwe, mwanakomana wekuparadzwa,

Nekurambwa kweBhaibheri reKing James, nhandare yakateiwa kuti Pope wekupedzisira waantikristu aonekwe.

Kuparara kwehupfumi hwepasi rese kuchamugonesa, sezvakaita Hitira, kutora simba rehudzvanyiriri kuti asike hupfumi hwepasi rese. Mapasita anobhadharwa achange achivimba naye kuti avabhadhare saka vanobva vamutevera.

II VATESARONIKA 2:4 anopikisa nekuzvikudza pamusoro pezvese zvinonzi Mwari, kana zvinonamatwa, kusvikira agara mutembere yaMwari saMwari, achizviratidza kuti ndiMwari.

Kuneta kwevanhu kwagara kuri pakukudza munhu anotora nzvimbo yaMwari.

Vanhu veRoman Catholic vanodaidza Pope kuti “Vicarius Kristu” kana “Vica yaKristu”, panzvimbo yaKristu.

Vanhu vemharidzo vanosimudzira William Branham kubva pakuva “izwi remutumwa wechinomwe” kumuita “Izwi raMwari”.

Vanobva vati hama Branham havatadzi.

Ndizvo chaizvo zvakataurwa nemaRoma pamusoro paPope muna 1870.

Vanhu vanotenda kumharidzo vanoshandisa zvakataurwa nehama Branham kutsiva Bhaibheri. Asi Kristu ndiye Bhaibheri sezvo ariye Shoko.

Vanhu vanofunga kuti vanofanira kuva vekereke kuti vaponeswe.

65-0220 NZVIMBO YAMWARI YAKASARUDZWA YEKUNAMATIRA

Vanofunga kuti unofanira kuva nhengo yekereke kana kuti haukwanisi kuenda Kudenga. Handizvo. Kutenda izvozvo, kuva antikristu. Ndinotaura ndichiti: kana muchitenda mumweya iwoyo, makarasika.

Ndicho chiratidzo chakanaka chekuti makarasika, nekuti zviri kubvisa zvakaitwa naMwari. Mwari haana kubvira aisa zita rake mukereke. Akariisa muMwanakomana wake, Kristu Jesu, apo Iye neMwanakomana wake vakava Mumwe. Ndiyo nzvimbo chaiyo yekunamatira. Hakuna dzimwe nheyo dzakateiwa, hakuna rimwe ibwe.

61-0806 VHIKI RADANIERI RECHIMAKUMI MANOMWE

Vachaita murume achatora nzvimbo yaMwari, agere mutembere yaMwari achizviisa pamusoro pevanhu vose saizvozvo, uye ano ... tarirai kuti chii? “Nicko,” “Kutapa ungano”. Mazviona? Zvese zvinonzi Mwari -- anozviisa mutembere yaMwari saMwari. Pauro akati, kuchauya kurasika kutanga mumazuva ekupedzisira. Ikozvino tiri pano, tichiona tichirasika, tichiona kereke ichienda kure kure naro ichidzokera, tiri pamazuva nenguva dzekupedzisira. Zvakanaka.

Makereke akarasika kubva pachokwadi kubva pamazuva ehushumiri hwehama Branham hwakapera mugore 1965.

Ikozvino vanhu vanotenda kumharidzo vari kusimudzira hama Branham kuvaisa pahuMwari kuvaita mwanakomana wemunhu nekudaidza mharidzo dzavo kuti Mukuru sekuti ndivo Izwi raMwari.

Vanoti William Branham anotora nzvimbo yaMwari nekuti zvaakataura zvinotsiva Magwaro, zvinoratidzi kuti tiri mumazuva ekupedzisira apo vanotenda kumharidzo vari kurasikawo kubva pachokwadi.

Nekukasika kuchashaikwa munhu anosara achitenda kuti Bhaibheri reKing Janes nderechokwadi ndiro zvakare Mukuru.

MATEO 24:22 Dai mazuva ayo asaipfupiswa, hakuna nyama zvachose yaiponeswa;

Kuponeswa kubva kunguva yeKutambudzika.

Vanhu vanotenda kumharidzo vanoti Gore guru rakaonekwa muna 1963 raive kuuya kwaIshe paSunset Peak muArizona pedyo neTucson.

Asi Sunset Peak iri mumarenje makuru eSonoran.

Jesu haauyi kurenje.

MATEO 24:26 Naizvozvo kana vakati kwamuri: Tarirai, ari murenje, musabuda;

Saka, vanhu vanotevera mharidzo vanonyengerwa nemapasita avanokoshesa.

Izvi zvinotiyeuchidza fungidzoro dzeCatholic dzinodaidzwa kuti chiKristu.

Vanogadzira zvavanoda ivo zvavanoshandisa kugadzira dzidziso pavanofamba.

Zvinogadzirwa zvisina nyadzi.

Tinoshamiswa nekupfuma kwakaita kusakwana kwerudzi rwevanhu.

Kunyura mugomba rekushaiwa nyadzi kwekuzvinyengera uye kuzvirasisa.

Vanhu vanoenda kumakereke, vanovimba nemapasita avo, vanoda kwazvo kudzidza zvinhu zvitsva zvisimo muMagwaro.

Idzi ndidzo ndangariro dzinodiwa kuti vagonyengerwa naPope waantikristu wekupedzisira.

KUZIVISWA KWENGUVA NOMWE DZEMAKEREKE CHITSAUKO 6

Zviito nedzidziso dzavaNikoraiti, dzidziso dzaBaramu, nedzidziso dzemuprofitakadzi wenhema Jezeberi, hadzirase mweya mitatu kana kuita zvidzidzo zvitatu zvemweya.

Zvitatu izvi kuratidzirwa kwakasiyana kwemweya mumwechete apo zvinobva pahudzamu kuenda pahudzamu. Zvese zvingori, zvingori mweya waantikristu wemabato muzvidanho zvayo zvitatu zvakasiyana.

Kana hutungamiri hukangozvibvisa

hukazvironga

Vanobva vadzvanyirira vanhu kupfurikidza kuvatungamirira kupinda nekuvasungirira kubato.

Bato iri raibva patsika nezviera era zvavanodzidzisa vanhu pachinzvimbo cheShoko raMwari rakarurama.

Chitendero chakarongwa chinotanga apo mapasita anozvibvisa kubva muvanhu, voronga nekusimudza nzvimbo kana zvinzvimbo pamusoro pevanhu vodzvanyirira vanhu.

Izvi zvinosanganisira mweya wakaipa wevaNikoraiti, Baramu ane hunyengeri, naJezeberi asina tsitsi. Mubatanidzwa wakaipa.

Vadzidziso veBhaibheri, vanodzidzisa zvakataurwa nehama Branham zvinogona kutsigirwa neMagwaro, vanodzingwa nemapasita.

Chidzidzo cheBhaibheri chakarurama chinorwisa dzidziso dzakawanda dzemapasita dzisina kururama.

63-0724 MWARI HAADANI VANHU KUNOTONGWA ASINA KUTANGA AVAYAMBIRA

Mudzidzisi munhu akasarudzika. Anogara ari pasi pezodzo yeMweya uye anogona kutora Shoko oribatanidza kupfurikidza Mweya Mutsvene, iroro, pasita kana muvhangeri haangagoni kukwikwidza naye.

Mapasita haasi vadzidzisi veBhaibheri. Asi vanoda hukuru nekutonga vanhu. Mudzidzisi weBhaibheri anoonekwa sechipingaidzo kwavari.

Mapasita, semaprista makuru nevaFarise, havadi kurasikirwa nenzvimbo dzavo dzekutungamirira kereke.

JOHANE 11:47 Naizvozvo vapristi vakuru neVaFarisi vakaunganidza dare remakurukota ...

48 Kana tikamurega akadaro, vese vachatenda kwaari; neVaRoma vachauya vakatora zviri zviviri nzvimbo nerudzi rwedu.

Vaishungurudzika zvakanyanya pamusoro pekurasikirwa nenzvimbo dzavo sevatungamiri vezvitendero, kudarika kurasika kwerudzi rweIsraeri.

Chero chinhu kana munhu anomira panzvimbo yaKristu anofanira kuva antikristu.

63-0319 CHISIMBISO CHECHIPIRI

Asi kana mweya wakaipa unonyengera uyu (Oh varume.) mweya unomukira uchiratidzirwa mune umwe munhu uyu, mweya wedzidziso ukaratidzirwa uri mune umwe munhu kuti utore nzvimbo yaKristu kuiisa pamunhu.

62-1230 ICHI NDICHO CHIRATIDZO CHEKUGUMA HERE BABA

Uye, ipapo, Mwari haagovani kubwinya kwavo nemunhu. Ndiye Mwari. Kana muranda akaenda panzvimbo yekuedza kutora nzvimbo yaMwari, Mwari anotora hupenyu hwake omubvisira kure kana chimwe chinhu. Tinofanira kurangarira izvozvo.

Vanhu vemasangano akapikisa chiCatholic vanoramba vachitevera mweya weCatholic.

Vanhu vanotevera mharidzo havadzidzi kubva munhorondo.

Nekudaro vanodzokorora zvakaitika munhorondo nekuedza kuita hama Branham mufananidzo vomunamata. Sezvinoita maCatholic naPope wavo.

Dambudziko guru nhasi rine vanhu nderekurasika kubva parudo rwekuporeswa.

Vanhu vanoenda kumakereke havachanzwi kuda kutendeuka zvechokwadi kubva kuzvivi. Vanhu vari kurasikirwa nerudo rwekugamuchira Jesu mumoyo yavo kuti atonge zvakazara hupenyu hwavo. Vanhu venguva yedu yanhasi havadi kuzvininipisa zvakazara kukuda kwaMwari nekuti havachatendi kuti Bhaibheri reKing James ndiro Shoko raMwari risingatadzi. Asi umwe nemumwe wedu anofanira kuita sarudzo idzi. Sarudzo pakati pemunhu umwe nemumwe naIshe Jesu. Hazvina chekuita nekereke.

Kana muchinge magamuchira kuregererwa zvivi naJesu zvakakwana. Hakuna munhu anogona kutora nzvimbo yaJesu mumoyo menyu. Nekuti hakuna munhu anoregerera zvivi zvachose.