Zekaria 11, chikamu 1 kereke yakatitengesa

We update studies as the Lord Jesus leads us. You can find the latest update of this study at ChurchAges.net

Magwaro eTestamente Itsva anoita seanoreva zvakawanda

Zvakaitika muTestamente Yekare zvakadzokororwa muTestamente Itsva.

Vanoreva zviitiko zveTestamente Yekare sekufanotsanangurwa kwezviitiko zvezvikamu zvenhorondo yekereke nekudzoka kwemaJuda kuIsraeri pakupera kwenhorondo yekereke. Zvakawanda zvezvakaprofitwa izvi zvinotipawo gwara rekuti Mwari akagadza sei zviitiko mumazuva edu anhasi kuitira nguva yekupedzisira.

Chinhu chakanyanya kukosha pazviprofita izvi, kwatiri, ndechekuti zvinopawo gwara kuMwenga wenguva yekupedzisira kana maJuda enguva yekupedzisira kuti Diaborosi anoshanda sei kuti avanyengere. Saka, tinogona kudzidza nzira dzake torega kunyengerwa.

Saka, mukuverenga zviprofita izvi zvinotaura pamusoro pezviitiko zvenhorondo tinofanira kuramba tichibvunza. “Zvinotidzidzisei pamusoro pezvinhu zviri kuitika nhasi”.

Dzimwe nguva tinogona kuwana vhesi rinotsanangura zvakawanda muChitsauko chechiprofita vhesi iroro rotiudza zviri kurehwa neChitsauko chese.

Chiprofita chinobaya dede nemukanwa ndeichi:

ZEKARIA 11:12 Ndikati kwavari, "Kana muchiti zvakanaka, chindipai mubayiro wangu; kana zvisakanaka, regai." Ipapo vakandiyerera mubayiro wangu, masirivha ana makumi matatu.

Apa paitaurwa pamusoro pekutengeswa kwaJesu naJudasi aive mupostora.

Chiprofita ichi pakutanga kuchitarisa chinoita sechisina zvachinoreva.

Kusvikira taziva kuti musoro wenyaya yeChitsauko ichi ndewekumukirwa kweShoko raMwari (Jesu) nehutungamiriri hwekereke.

Sezviri muchiprofita, pane vhesi rakaoma kwazvo kubata zvarinoreva.

Asi mavhesi akaoma kunzwisisa anofanira kupa makwara ekuzivisa zviitiko zvenguva zviri kuedza kutsanangurwa neChitsauko ichi.

ZEKARIA 11:8 Ndikaparadza vafudzi vatatu nomwedzi mumwe, nokuti mweya wangu wakanga waneta navo, nemweya yavo yakandisemawo.

Vatungamiri vakuru vatatu vakafa mukati memwedzi umwechete riini?

Mwari naSatani vese vari kufambisa masimba avo kuenda panzvimbo yehondo yekupedzisira patinoita setigere uye tirere takavarairwa hedu sevasikana vane gumi vekuna Mateo Chitsauko 25.

Asi tinofanira kuva nemuonero wakajeka wekuti Satani anopikisa sei zano raMwari tisati taongorora chitsauko chekuna Zekaria ichi. Makomiyunisiti nevasingatendi vari kunze kwekereke. Vanorwisa kereke asi havagoni kutengesa kereke.

Kana Satani achida kutsvaga mutengesi, anofanira kutsvaga munhu ari mukereke.

Uye kana Judasi, mupostora, ari mufananidzo wemutengesi saka munhu anokwanisa kutinyengera zviri nyore mufundisi ari papurupeti. Hakuna angamufungire zvakaipa.

Ari panzvimbo yakanakisa kuti atitungamirire kubva paMagwaro nekuti tinomuvimba uye tinotenda zvaanotaura tisina kubvunza kuti humbowo hwazvo huri papi muMagwaro.

Saka, kereke yechokwadi inorwiswa nevekunze zvese nekumukirwa nevari mukati.

Ngatitangei tatarisa nzvimbo yaSatani muZano guru raMwari.

Chinangwa chaDiaborosi ndechei?

Achava akaoma ane simba, uye muvengi anonyengera achanetesa marudzi ovaisa pamuedzo nekuvaisa muzvivi. Zvichaita kuti vaya vari pamweya vaone kuti hatigoni kumurwisa nesimba redu nezivo yedu. Tinoda Muponesi kuti atiponese nekuzodza meso edu nechizodzo chameso kana tichida kuzarurwa meso edu kuti tione, pachinzvimbo chekuramba tirere.

ISAYA 14:12 Haiwa, wawa seiko uchibva kudenga, iwe nyamasase, iwe mwanakomana wamambakwedza! Wakandwa seiko pasi, iwe wokuwisira marudzi pasi!

Zano raMwari reruponeso rakatanga nekuwira muzvivi kwevatumwa vasina ropa.

Saka, vaisazokwanisa kuponeswa.

Vakatorasika nekusingaperi saka vanorwadziwa nepfungwa yekuti vanhu, vane ropa mumiviri yavo, vanogona kuponeswa neRopa raJesu. Saka, vatumwa vakarasika ava vakava madhimoni ane ruvengo rukuru pamusoro perudzi rwevanhu nerudo rukuru rwekuendesa vanhu kugehena pamwe navo. Ihondo huru.

Satani akawira pasi nekuti akasimudzirwa kuva mutumwa mukuru.

Tarirai nzira iri pano. Mutumwa mukuru akamukira Mwari akaunza zvivi Kudenga. Muparidzi mukuru, mupostora, akaunza chivi chikuru nekutengesa Messiasi pachake.

Zvivi zvakatanga neavo vari pamusoro

Munhu akasikwa anosvika pakuzvida nekuzvikoshesa iye ega. Saka kana munhu akasimudzirwa nechipo nesimba, munhu iyeye anozvikudza.

Satani anozvikudza akatadza akatukwa akaitwa Diaborosi.

Basa rake raive rekunetesa rudzi rwevanhu nechero nzira yaanogona nayo mumakore 6000 enhorondo yevanhu.

Chombo chake chine simba chaizova kusazvibata muvakadzi vanopfekera kushambadza miviri yavo kana vanopomba, vakaita saEva, nevarume vanosimudzirwa kuva pamusoro pekereke. Kuzvikudza kwavo kunovaparadza vachitungamirira vanhu kunoparadzwa.

Mumakore matatu nehafu eKutambudzika kukuru, Satani achapinda muna Pope wekupedzisira achashandisa vadzvanyiriri gumi kutonga nyika. Saka, mweya wehudzvanyiriri unofanira kupinda munezvematongerwo enyika, mukereke, nenzvimbo dzemari zhinji kana tatarisana nemagumo.

Nhandare dzinoteiwa kugadzirira makereke kuti atongwe nemapasita vanhu vanodzvanyirira ungano nekuti vanozvitora semisoro yekereke.

ISAYA 14:17 Aishandura nyika ifanane nerenje, aiparadza maguta ayo, airamba kusunungura vasungwa vake vaende kumusha here?'

Izvi zvinotaura pamusoro pekuita kwaSatani.

ChiRoman Catholic ndiyo nyangadzi yemasangano echitendero inoparadza kukonzeresa renje remweya painobvisa vanhu kubva kune zvakanyorwa muMagwaro. Pope akasimuka kuva nesimba rekuparadza makumi emamiriyoni evanhu munguva dzerima nekuparadza maguta mazhinji aigara vaipikisa chiCatholic.

Vanonamata Roman Catholic vaiti munoponeswa nekuteerera nekuteedzera tsika dzekereke nekuzvininipisa pamberi paPope. Izvi zvakakonzera kuti kutenda kwevanhu kuparadzwe.

Satani aive anetesa marudzi nehuwori, kushaiwa hunhu, nehunyengeri hwechitendero.

Kunetesa makereke aive nechokwadi, Satani akazivisa zvakaipa zvakati wandei zvikasanganiswa nezvitendero zvemukereke.

Makereke akava musanganiswa wechokwadi nemanyepo. Kukwezva vanhu nechokwadi cheBhaibheri nekubva arukirirawo zvakaipa pachokwadi ichocho zvakagadzira hunyengeri hwakachenjera. Makereke akava muti wekuziva zvakanaka nezvakaipa.

Makereke anoita kuti vanhu vaponeswe nekuita mabasa ekupa akanaka. Ipapo, zvinosuwisa, anobva azivisa zvinhu zvisimo muMagwaro nenzira yakachenjera zvakafanana neTiriniti neKisimusi. Zvakaipa izvi zvakava mapango etorongo akachengeta zvitendero zvevanhu muhutapwa kuzvinhu zvisina kunyorwa muBhaibheri. Nekukasika vanhu ava vanomira kutsvaga nekunzvera zvakanyorwa muBhaibheri.

Hatina kubvira tainzi tipemberere kuzvarwa kwaIshe Jesu.

25 Zvita harimo muBhaibheri izuva rakaberekwa mwari wemaRoma wezuva, Sol Invictus.

Izwi rekuti “Tiriniti”, “Mwari Mwanakomana” “Munhu wechipiri pahuMwari” “Mwari Mumwechete muVanhu vatatu” zvese hazvimo muMagwaro.

Mwari weTiriniti haana zita sezvo musingagoni kuwana zita rimwechete rekudaidza Vanhu vatatu.

Vanotenda kuTiriniti vanoti “Muzita raBaba, Mwanakomana naMweya Mutsvene” asi havazivi kuti zita racho nderekuti kudii.

Saka vanobva pane zvakanyorwa muBhaibheri vopinda murenje rekunyangadza refungidziro dzisimo muBhaibheri.

Kereke imwe neimwe yazadzwa nefungidziro dzekuti vane chokwadi chese .

Izvi zvasunungura mweya usina kunaka wechiKristu chemakwikwi. Kereke yangu iri nani kudarika yako. Pasita wangu ari nani kudarika wenyu.

Saka, vatungamiri vemakereke havatarisiri kuti zvavanotenda mazviri zvingave zvakaipa. Vanoshingirira kuti vanhu vavo vasashandure zvavanotenda mazviri. Nekuda kwekuita kusina rusununguko uku, makereke haafi akasangana nechokwadi. Ndangariro dzavo dzakatapwa kuzvinhu zvakaipa zvisimo muMagwaro totenda kudzidziso dzekuzvipa nekuzvitarira kunoita mafundisi asina anotevera kumashure kwavo.

Chinangwa chemufundisi umwe neumwe chaive chekutaura kuti vanhu vaive vakachengetedzeka kana vaingova mukereke yake.

Nhasi maKristu mazhinji vanofunga kuti kuenda kukereke nguva dzese nekuteerera vafundisi vavo vakasimudzirwa ndiwo makiyi makuru ekuti vagadzirire Kuuya kwaIshe. Kuziva Bhaibheri hakusi pedyo nekukosha zvakare. Bhaibheri rinozarawo guruva.

Chiri panhau iyi ndechekuti kune ndudzi dzemasangano emakereke dzinosvika 45,000 dzakasiyana, dzese dzakasiyana asi kereke imwe neimwe inenge ichiti iri pachokwadi. Zvisinei nekusiyana kwadzo dzese zvinoreva kuti pane kuipa kuzhinji kuripo.

Jesu naJohane vakadaidza vatungamiri vezvitendero kuti “vana venyoka dzine huturu”

Satani akapinda munyoka, chisikwa kana chipfuwo chaive nemano. Yaive isiri nyoka kubva pakutanga. Yaive pakati pemunhu nechipfuyo uyo yaitaura. Mbeu yemhuka yakatukwa ikashanduka kuita nyoka yakabereka vana vaiti vezvakaipa vaizorarama munhorondo yevanhu.

Johane Mubapatidzi akadaidza vatungamiri vechitendero vechiJuda kuti vana venyoka. Vakaparidza vachimurwisa iye naJesu. Saka, vakapikisa Shoko raMwari.

Johane Mubapatidzi akaburitsa pachena hunhu hwevatungamiri vemaJuda kuti hwaive hwakaita semuzvezve wenyoka wakafamba kusvika pamazuva ake.

Kuparidza zvisimo muMagwaro hwaive huturu hwaibuda mumiromo yavo.

MATEO 3:7 Asi wakati achivona vazhinji vavaFarise navaSadhuse vachivuya kuzobapatidzwa naye, akati kwavari vana venyoka, ndianiko wakakunyeverai kuti mutize kutsamwa kunovuya?

Jesu akataura zvimwechete zvo.

MATEO 12:24 Zvino vaFarisi vakati vachizvinzwa, vakati; munhu uyu haabudisi mweya yakaipa, asi naBheerizebhuri muchinda womweya yakaipa.

Jesu akapindura akati:

MATEO 12:34 Imi zvibereko zvenyoka mungagona seiko kutaura zvinhu zvakanaka, zvamuri vakaipa? Nokuti muromo unotaura zvizere pamoyo.

Saka nyoka idzi dziripi muhuswa nhasi uno?

Vanouraya mweya wako nemashoko akaipa ane chefu asimo muMagwaro anobuda mumiromo yavo?

Zvinoshamisa. Zvinoshamisa. Vari mukereke.

Ndivo vaparidzi vanoparidza dzidziso dzisimo muMagwaro. Kufamba kwaSatani kwehuchenjeri kwaida kuti mweya wake wakaipa utore purupeti mukereke.

Nekutora vanhu vese vakaturikira maBhaibheri anodarika zana ari mumavhezheni echimanje manje eBhaibheri reChirungu.

Hukuru hwaMwari, Bhaibheri reKing James Vhezheni remuma 1769, ndiro rakufuratirwa zvakanyanya kana kurambwa nevanoenda kumakereke nhasi.

Semuenzaniso vanoparidza dzidziso dzakaita seTiriniti, Kisimusi, Rendi, Masi, Ishe Jesu Kristu akauya, zvakataurwa naWilliam Branham ndizvo Mukuru wedu uye haatadzi haadi kugadziriswa.

ISAYA 14:29 Iwe nyika yeFirisitia, iwe nyika yose, usafara zvako nokuti shamhu yakanga yakurova yavhunika; nokuti pamudzi wenyoka pachabuda mvumbi, chibereko chayo chichava nyoka yomoto inoburuka.

Hushe hwaDavidi hwakakamurwa kuita huviri Israeri neJudaea (kana Judia) mumazuva aSoromoni.

Asiria yakatapa Israeri asi vakatsiviwa nerudzi rwaive rwakaipisisa rweBabironi. Nekuti Babironi yakatora nhaka yezvakavanzika zveBabironi kubva kuna Nimrodi pfungwa dzakaipa idzi dzaizoperera muRoma yechipegani dzozokurira kereke yeRoman Catholic. Kubva ikoko dzaizopararira kumakereke akapikisa chiCatholic akabuda machiri.

Pope anozvidaidza kuti Pontiffi anova Muprista mukuru wezvakavanzika zveBabironi.

Isaya ndiye aive muprofita wekupedzisira Asiria isati yapamba hushe hwekumusoro kweIsraeri muna 721 BC. Saka, aikwanisa kunyora pamusoro peParesitina “yese”.

Akanyora achiprofita pamusoro peParesitina sezvo raive ndiro zita rakapihwa nyika iyi nemubati weRoma Hadriani. Kwemakore anoda kusvika 1800 nzvimbo iyi yaizotongwa nemarudzi akawanda akasiyana ichidaidzwa kuti Paresitina.

Mhuka yakatukwa ikashanduka kuita nyoka mucherechedzo waSatani.

Anyangira akapinda mukereke yeCatholic ikazopindawo mukereke yemasangano yakabuda muchiCatholic.

Asiria yakatapa Israeri Babironi ikatapa Judea.

Izvi zvakaratidzira kereke ichipatsanuka kuita Catholic nemasangano akabuda mairi.

Asi zvakavanzika zveBabironi zvakagadza chimisikidzo chekuita munhu mumwechete ari musoro wechitendero. Nzira yehuutungamiri hwekereke uhu yaizopinda mumakereke ese yeRoman Catholic nemasangano.

Masuwo ehadhesi ndiwo huro dzevaparidzi vasingatevere Magwaro

Mikaere ndiJesu paanotora mufananidzo weMutumwa mukuru.

ZVAKAZARURWA 12:7 Zvino kurwa kwakavapo kudenga; Mikaeri navatumwa vake vakarwa neshato, shato ikarwa inavatumwa vayo;

Satani ane mukana wekuenda Kudenga ari mupomeri wehama munaShe. Asi kana yava nguva yeMwenga kuti akwire Kudenga mumiviri yavo isingawori, Satani haazogoni kuedza vanhu kana kuvapomera. Panguva iyoyo Satani anodzingwa Kudenga.

ZVAKAZARURWA 12:8 vakasakunda, nenzvimbo yavo hainakuzowanikwa kudenga.

ZVAKAZARURWA 12:9 Zvino shato huru yakakandirwa pasi, iyo nyoka yekare, inonzi Dhiyabhorosi, naSatani, munyengeri wenyika yose; yakakandirwa panyika, navatumwa vayo vakakandirwa pasi pamwe chete nayo.

Satani aifanira kunyengera pasi rese.

Saka anoda vaparidzi vekereke kuti vamuitire mabasa maviri.

Anoda makereke asingaparidzi ruponeso. Vasina kuponeswa vanonyengerwa nedzidziso dzisimo muMagwaro vachipinda muhadhesi.

Mumakereke anoparidza ruponeso, anoda vaparidzi vakangwara kuti varwise, vashandure nekufuratira nekuramba mavhesi eBhaibheri. Vakaponeswa vanonyengerwa nedzidziso dzisimo muMagwaro “dzakashandurwa zvakachenjera” kuti vapinde munguva yeKutambudzika kukuru vourayiwa. Asi vanotora chiratidzi chechikara (masangano ezvitendero zvakarongwa) vacharasikirwa neruponeso rwavo voguma vamuhadhesi.

Satani nemadhimoni ake vanotora nyika kwemakore matatu nehafu enguva yeKutambudzika kukuru.

Saka makereke ari kugadzirirwa sei kuti vagozonyengerwa kusvika pakugamuchira Pope waantikristu wekupedzisira kumuita mutungamiri wekereke uye mutungamiri wepasi rese? Vaparidzi vanofanira kujaira kutenda zvinhu zvisimo muMagwaro nekutuka Bhaibheri reKing James Vhezheni.

Chinonyanya kukosheswa naDiaborosi ndechekuti kune mamiriyoni evanhu vakaponeswa mumakereke vanofanira kusvika pakutenda zvinhu zvisiriizvo kuti vasave vakagadzirira Kuuya kwaShe.

Vanoponeswa kubva kuhadhesi asi vakanyengerwa nevatungamiri vemakereke avo nedzidziso dzisimo muMagwaro saka sevasikana mapenzi (vakadzi vakachena mhandara, sezvo tiri kutaura pamusoro pemaKristu akaponeswa) vari kutungamirirwa kunopinda munguva yeKutambudzika kukuru kwavachanofa.

Miti mucherechedzo yemweya yevanhu

MAPISAREMA 1:3 Achafanana nomuti wakasimwa pahova dzemvura,

Misidhari miti yakanaka. Tembere yakavakwa nemapango emusidhari asi haana kuiponesa. Nebukadinezari wekuBabironi aizoiparadza.

Kune vanhu vazhinji mumakereke vakaponeswa kubva kugehena kupfurikidza kutendeuka nekugamuchira Jesu saIshe naMuponesi. Zvakanaka. Asi hazvirevi kuti havana kubvira vanyengerwa nedzimwe dzidziso dzemakereke, saka vakananga kunguva yeKutambudzika.

VAFIRIPI 2:12 ... pedzisai kuponeswa kwenyu nokutya nokudedera;

Hamugoni kuponeswa kubva kugehena nekuda kwemabasa. Asi vanhu vakaponeswa vanokwaisa kunyengerwa zviri nyore nedzidziso dzenhema. Nekudaro, munofanira kushanda nesimba kuti munzwisise zvakavanzika zveMagwaro kuti muponeswe kubva kunguva yeKutambudzika.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

Mwari anotarisira kuti tigone kunzwisisa chokwadi chese cheBhaibheri chakaziviswa kuzuva redu. Kwete mavhesi mashomanana anotiitira pazvitendero zvekereke yedu. Tinofanirawo kudzidza kubva kumavhesi eBhaibheri anorwisa zvinotendwa kukereke kwedu.

Kuramba chokwadi cheBhaibheri chakaziviswa kunguva yedu nekuti chinopokana nedzidziso yekereke yedu ndicho chivi chikuru chinoitwa nemaKristu akaponeswa.

Izvi zvinoita vanoenda kumakereke chikamu chevasikana mapenzi kana vasikana vakanyengerwa.

Tinoda Mweya Mutsvene kuti utitungamirire kupinda muchokwadi cheMagwaro chakadzama kuti tipunyuke kubva kumisungo yedzidziso dzakaitwa nevanhu dzapararira sehutachiwana mumakereke ese.

MATEO 22:14 Nokuti vazhinji vakadanwa, asi vakasanangurwa vashoma.

Saka vanhu vashoma kwazvo vari mumakereke vachateerera kana kufarira chokwadi chakazara cheMagwaro.

Muti wakafa unoramba wakamira asi usina mashinza pamapazi awo.

Izvi mucherechedzo wemutadzi asati aponeswa akafa pamweya asi achiri panyika.

Anotaridza kuva anozvitemba asi anenge asiri muRwizi rweHupenyu runoerera ruchienda Kudenga.

Asi akaponeswa nekutendeuka akazvipira nekugamuchira Jesu saIshe neMuponesi wake, muti unomiririra hupenyu hwake unotanga kuita mashizha manyoro ehupenyu.

Mutadzi akaponeswa anogona kumiririrwa nemuti une hupenyu hutsva pamapazi awo akafa.

Munhu achiri mumvura shoma muRwizi rweHupenyu.

Asi anoziva zvakakwana zvekakosha kuti aponeswe nenyasha kupfurikidza kutenda chete mukururamisirwa kwezvivi zvake nechipiriso chaJesu pamuchinjikwa.

Munhu akazadzwa nemweya anonzvera chokwadi cheBhaibheri anomiririrwa nemuti wakazara mashizha nemichero.

Munhu iyeye anenge ave mumvura dzakadzama dzechokwadi chemweya.

Jesu akatanga kudzorera maonero emweya pamunhu nekuti zvaive zvakakosha kudarika meso ake enyama.

MARKO 8:23 akabata ruvoko rwebofu, akamuisa kunze kwomusha, ndokupfira mate pameso ake, akaisa mavoko pamusoro pake, akamubvunza kana achivona chinhu.

24 Iye akatarira, akati: ndinovona vanhu, ndinovavona vachifamba vakafanana nemiti.

Akaona mweya wemunhu semuti waifamba.

Nekuona munhu semuti, munhu aimbove bofu akanga akukwanisa kuona paive pamire vamwe vanhu pamberi paMwari. Aisazogona kunyengerwa nekusekerera kunoyevedza kwaaiona semapazi akafa.

Dai tiine maonero emweya akadaro.

MAPISAREMA 104:16 Miti yaJEHOVA inoguta; Iyo misidhari yeRebanoni yaakasima;

Misidhari yaive yakazara mvura, yakazara hupenyu, uye wakashandiswa kuvaka Tembere yemaJuda.

Saka, kuchiri nezvakanaka kumakereke. Vanoita kuti vanhu vaponeswe nekuita mabasa ekupa akawanda.

Asi Mweya Mutsvene unotumwa kunotitungamirira kunopinda muchokwadi. Kwete zvidimbu zvatinoda kudzidza chete.

Kuisa pasita pakutonga kereke kwakagonesa munhu mumwechete kutonga kereke ari mudzvanyiriri.

Izvi zvinotevedzera nzira dzeRoman Catholic sezvo Pope ariye ega mudzvanyiriri muEurope. Vanhu vari kutotanga kugadzirirwa kusimuka kwehudzvanyiriri.

JEREMIA 22:23 Haiwa, iwe, ugere Rebanoni, unovaka dendere rako mumisidhari, uchanzwisisa hurombo kwazvo sei kana uchizowirwa nokurwadziwa, sokurwadziwa kwomukadzi unosurumuka!

63-0707 KUPOMERWA

Vanhu vaifunga zvakakura kwazvo pamusoro pemasangano avo, matendere avo maduku avaive nawo nezvimwe, vakadana “makereke” avo kuti vaterere kwachiri [chokwadi chakaziviswa kuzuva ravo]. Saka, vari kuzviita nhasi here, zvimwechetezvo, kumuroverera patsva.

Hama Branham vaitaura pamusoro pevatungamiri vemakereke vanoroverera Kristu patsva ari Shoko raMwari kupfurikidza kuparidza dzidziso iri mirairo yevanhu.

Vanhu vakazvininipisa, vagere vachitarisira kuboka rekereke yavo, vachinyengerwa kusvika pakuzvidza chokwadi cheBhaibheri.

Miti yemisidhari yakanaka muTembere haina kuponesa Tembere kubva pakuparadzwa neBabironi.

Vanhu vakazvirereka, vakaponeswa mukereke havapunyuki nguva yeKutambudzika kukuru nekuti vanotevera muenzaniso weBabironi yakavanzika, Vatican.

Nyika iri kurwadzirirwa kuzvara makore 1000 matsva eHushe hweRugare huchagadzwa mumashure mehondo yeAmagedhoni. Izvi zvinonyanya kudaidzwa kuti Mereniyamu.

MATEO 24:37 Sapamazuva aNoa ndizvo zvichaita kuvuya kwoMwanakomana womunhu.

Noa chiGiriki chezita rekuti Noah.

Mumazuva aNoah, kwakaita mvura zhinji yakanaya pasi rese.

Saka, njodzi yepasi rese ichatungamira kwotevera Kuuya kwaShe.

Zvakadaro, Jesu akaprofita “kurwadziwa kwekuzvara” pasi rese kuchiwedzera nyika isati yaunza Hushe hutsva hwemakore 1000 erugare.

VAROMA 8:22 Nokuti tinoziva kuti zvisikwa zvose zvinogomera nokurwadziwa pamwe chete kusvikira zvino.

Nguva yekereke yechinomwe yakatanga nemutsiridzo yePentekositi yegore 1906 muMugwagwa weAzusa kuLos Angeles kuAmerica. Kudengenyeka kwenyika kune simba kwakarova nyika yeSan Francisco muna 1906. Kumutswa naMwari kuti nguva yekereke yekupedzisira itangwe.

Zvakateverwa neHondo yepasi rese yegore 1914-18. Marwadzo ekuzvara makurusa ekutanga.

Chirwere chedzihwa chekuSpain chegore 1918-1919 chakauraya vanhu vanosvika 100 miriyoni.

Ipapo Dhipuresheni yegore 1929 yakasiya pasi rese risina mari.

Hondo Yepasi Rese yechipiri yegore 1939 – 1945 yakanga iri mamwe marwadzo emimba.

Saka, vaya vakararama mukudekara, mucherechedzo wemakereke anodziya akavarairwa ane zvimwe zvemuBhaibheri zvaanotenda zvakasanganiswa nedzidziso dzakaitwa nevanhu acharohwa zvakaoma. Sekurwadza kwemimba kusina kutarisirwa kunobata mukadzi.

Hushumiri “hwapasita” muBhaibheri hwakasvitswa kuvanhu zvisizvo nekuti kereke yekutanga yakanga isina pasita pahutungamiri hwayo.

Mapasita akasimudzirwa aya anodzikisira kukura pamweya kwevanhu vachatadza kutsigira zvavanotenda vachishandisa Bhaibheri.

Kana tikasimudzira munhu pamusoro pedu kuti atifungire, tinomira kufunga nekukura.

Kuita kunobereka chibereko. Kana munhu akaenda pamusoro (pasita akasimudzirwa), pane chinowira pasi. Chinowanzowira pasi isimba resangano rekugona kutsigira zvavanotenda vachishandisa Bhaibheri.

Vanoenda kumakereke vawedzera kushaiwa zivo pamusoro peBhaibheri pavanongoteedzera zvakataurwa nevatungamiri vavo.

Zviri nyore kudarika kutsvaga nekunzvera Magwaro kuedza kutsigira zvavanotenda.

Kusonanidza zvakataurwa nemunhu kuti pabude “nguwo yemashizha emuwonde” kuti tifukidzire kushama kwedu kwekusaziva Bhaibheri hakushande uye kwakashatisisa sezvo Adamu naEva vakatomboedza kuzviita.

Njodzi huru ndeyekuti sangano rinovimba nemunhu.

Havagoni kuzvifungira.

Kudzokorora zvakataurwa nemunhu kunovaisa pakuva maparoti shiri inongotevedzera zvataurwa.

Mwari haafadzwi nekuita kwemaparoti nekuti haana kutaurwa muMagwaro.

JEREMIA 22:22 Mhepo ichaparadza vafudzi vako vose, navadikani vako vachatapwa, zvirokwazvo nenguva iyo uchanyadziswa nokukanganiswa nokuda kwezvakaipa zvako zvose.

“Pasita” (mufudzi) akataurwa kamwechete chete muTestamente Itsva, izvi hazvipi hushumiri uhu simba rinobva kuMagwaro rekuti ave musoro wekereke.

Asi Jeremia akatuka mapasita (vafudzi) katanhatu.

Ari kutipa yambiro huru kwazvo pamusoro pehushumiri uhu.

Napasita ari musoro wekereke imwe neimwe, nemafungiro ake, zvapatsanura makereke kuita masangano akasiyana anosvika 45,000 akasiyana emakereke. Ese akasiyana asi imwe neimwe ichiti ndiyo ine chokwadi.

Saka, mhepo yezvipingaidzo zvakaita semashoko nedzidziso dzakasiyana dzezvitendero dzapatsanura makereke.

Mapasita anopinda mubope rekukakavadzana pavanounganidza zivo dzakasiyana siyana, zvishoma zvakabatwa panotaura vanhu zvinosarudzwa, zvinotenderana nemifungo yavo vofuratira zvimwe zvese, kubva pane zvakataurwa nevanhu nekubva kuBhaibheri, zvinopokana navo.

Kana mukazvirwisa nezvakataurwa kana neMagwaro havazotauri chokwadi kusvika pakubvuma kuti vari kutadza. Vanongokutarisa vonyarara kuti vafuratire nhau iyoyo voenderera mberi kune zvimwe. Uku kushaiwa kuvimbika kwakachenjera.

Munyori wenhau ane ruzivo rwebasa rake akati hamugoni kuvimba napasita kana munhu anoita zvematongerwo enyika nekuti vanorwira chinangwa chebato ravo. Havagoni kupa mafungiro avo vega emoyo yavo. Mapasita havabvumi kuti vari kutadza.

SaPope, vanoratidzira hunhu hwekuti havatadzi kunyengera kwakaoma.

Saka, vanokasika kuhakira nekutuka. Sezvakambotaurwa naAbrahama Lincoln, kushaiwa kwavanoita chiedza ndokuwedzera kwavanoita kutevera kupisa neruzha.

Vanoparidza pamusoro peKutinhira, asi pasina mheni.

Zvavanotaura hazviratidziri zvakanyorwa mumapeji eBhaibheri.

Kuna Jeremiah, Mwari akabva abata mutungamiri mumwechete wechiJuda, Mambo wenguva iyoyo.

JEREMIA 22:24 Nohupenyu hwangu ndizvo zvinotaura JEHOVA kunyange Konia, mwanakomana waJehoiakimu, mambo waJuda, aiva chindori chokutsikisa nacho paruoko rwangu rworudyi, kunyange zvakadaro ndaikubvisa ipapo.

Anokwanisa kuva mambo asi haana kufanira kutonga. Mutongo wakanaka wehutungamiri hwemunhu mumwechete.

JEREMIA 22:28 Ko munhu uyu Konia mudziyo wakaputsika unozvidzwa here? Iye mudziyo usingafadzi munhu here? Vakadzingirweiko, iye navana vake, vakadzingirwa kunyika yavasingazivi?"

Mudziyo chinhu chinonamatwa.

Asi munhu anotungamirira anoitwa mudziyo wekunamatwa zvakaipa. Vanhu vanonamata vafundisi vavo.

Zvisinei, mutungamiri umwe nemumwe ane zvaanokanganisa. Mutungamiri nevana vake vanobviswa muzano raMwari.

Baba nemwanakomana vaisava nzira inobudirira muMagwaro.

Vafundisi nhasi vanosimudzira vanakomana vavo kuti vave “vafundisi pamwe navo”.

Izvi zvinovagonesa kuchengetedza mari yese mumhuri mavo.

Pamusoro pazvose, vafundisi vanoti chegumi ndechavo, zvisinei nekuti hakuna Magwaro anotaura izvozvo.

JEREMIA 22:30 Zvanzi naJEHOVA, "Nyora kuti munhu uyu haana vana, munhu usingazofari pamazuva ake; nokuti hakuchina murume pakati pavana vake uchava nomufaro,uchagara pachigaro choushe chaDavidi, achibata ushe hwaJuda,"

Mutungamiri akaipa uyu nevana vake vakabviswa pahurongwa hwaMwari chero vakaramba vachirarama hupenyu hwavo. Muti unoramba wakamira, chero warasikirwa nemashizha awo nemichero yawo.

Vafundisi (mapasita) vanoparadzira vanhu

Vafundisi nevanakomana vavo vanoramba vachitonga kereke mumaziso evanhu vachitaura kuti vari kushandira Mwari. Asi Mwari akavaramba kare akatendeukira kumwe, kuvanhu vakazvimiririra kana kumapoka maduku anosanganirana mudzimba kana paintaneti nenzira dzakafanana neZoom.

Mugore 2020, totenda hutachiwana hwekorona, misangano yeZoom yakawanda kwazvo. Mwari vachitiratidza kuti vatendi vari kure nekure vanokwanisa kusanganiswa sei, zvisinei nekugara nyika nenzvimbo dzakasiyana.

Zvatonyanya ikozvino apo murume nemukadzi wake vanoita mubatanidzwa wekuita vafundisi. Hazvisi muMagwaro zvachose nekuti mukadzi haafaniri kudzidzisa mukereke.

Asi zvinoita kuti mari irambe iri mumba mavo.

I TIMOTIO 2:11 Mukadzi ngaadzidze nokunyarara nokuzviisa pasi kwose.

12 Asi handitenderi mukadzi kuti adzidzise, kana kuti ave nesimba pamusoro pomurume, asi ngaanyarare.

Asi vanhu havachina basa nezvinotaurwa neBhaibheri munguva yeRaodikia yanhasi apo vanhu vanoda nekukoshesa kodzero dzavo.

Kuita mari nechitendero ndicho chinangwa chikuru.

Ndicho chikonzero nei hutachiwana hwekorona muna 2020 hwakapfiga makereke.

Mwari ari kutiudza kuti makereke aane basa riri nani pakupa vanhu chekudya sezvo akushanda zviri nani kudarika mapato ekubatsira vanhu. Havachadzidzisi zvakadzama zveBhaibheri kugadzirira vanhu Kuuya kweChipiri kwaJesu.

Saka, akupa chikafu chenyama kuvarombo. Zvakanaka zvakare.

Miromo yavo yakafukidzwa nezvivhara meso. Ndiyo nzira yaMwari yekuvaudza kuti vamire kuparidza zvisimo muMagwaro.

Vhesi rinotevera rinoti:

JEREMIA 23:1 Vane nhamo vafudzi vanoparadza nokuparadzira makwai amafuro angu! Ndizvo zvinotaura JEHOVA.

Ndiyani anoparadza vanhu?

Mapasita anodzinga chero munhu anopokana navo.

“Vanikoraiti” ndiwo mweya unovengwa naMwari. Mweya unotapa ungano kana sangano.

Mweya unosimudzira munhu mumwechete kuti ave mutungamiri kana musoro wekereke.

ZVAKAZARURWA 2:6 Ndinoziva mabasa ako nokutambudzika kwako novurombo bwako, (asi uri mufumi), nokutuka kwaivo vanoti, tiri vaJuda, vasi ivo chaivo, asi isinagoge raSatani,

Uyu mweya wanhasi unosimudzira munhu kuti ave pasita nemusoro wekereke.

Munhu mumwechete anodzvanyiriria. Kereke ingori nzvimbo yekuti pasita agovane nevanhu zvaanotarisira kuti vaite.

Vanhu musangano vakava maKristu enhando.

Vanoda kuti pasita avaudze kuti votenda mune zvipi nekuti pasita ega ndiye anoziva kusarudza zvakachenjera zvakataurwa achizvibatanidza. Iye ega anoziva kuti ndezvipi zvakataurwa uye Magwaro zvinofanira kufuratirwa kuti vafambirane nenguva.

Testamente Itsva haidi pasita kuti amire pakati pevanhu naMwari.

I PETRO 2:9 Asi imi muri rudzi rwakasanangurwa, vuPirisita bwamambo,

MuKristu wese akapoeneswa muprista. Maprista aive akaenzana. Hakuna muprista ari pamusoro peumwe muprista

Muprista Mukuru chete, Jesu ndiye ari pamusoro pemaprista.

Hutachiwana hwekorona hwegore 2020 hunozivisa kuti mutungamiriri hwakasarudzwa zvakanaka anotora sei simba rekudzvanyirira vanhu panjodzi uye mukuparara kwehupfumi.

Kereke inokura kuva bato nebhizimisi rekuita mari zhinji nekukasika uye zvakarongeka kunyanya kana vachitungamirirwa nemunhu mumwechete, pasita.

Kurongeka pakuunza vanhu vakawanda mukereke asi zvisina kurongeka pakuparidza chokwadi cheBhaibheri.

Pasita umwe neumwe ane mafungiro ake. Anosimudzira munhu anoti hongu anotenderana nezvese zvaanoita odzinga vanopikisa vasingatenderani naye. Budiriro yako mukereke inobva pakutenderana kwako napasita.

Vanopokana vanosangana nekurovererwa nekusvibiswa mazita vanorambwa nekuparadzirwa. Kereke haina chakanaka chekutaura pamusoro pavo inosvibisa mazita avo pese payagona napo.

JEREMIA 23:2 Naizvozvo zvanzi naJEHOVA, Mwari waIsiraeri, pamusoro pavafudzi vanofudza vanhu vangu, "Makaparadzira makwai angu, mukaadzinga, mukasaatarira; tarirai, ndichakurovai nokuda kwezvakaipa zvamabasa enyu ndizvo zvinotaura JEHOVA.

Kana ukangopokana napasita unosangana nekuzvidzwa mumaziso ekereke.

Nhengo dzekereke dzinotya kwazvo kupokana napasita zvekuti vanozvipira kufuratira vanhu vanopokana nemufundisi kana pasita.

Ichi chibereko chakaipa kwazvo chehudzvanyiriri.

Maive musina mapasita muchinamato chemuTembere cheTestamente Yekare.

Saka, Jeremia ari kutaura pachiprofita chezvaizoitika mukereke yeTestamente Itsva nezvinodiwa uye zvisingadiwi nezvinodiwa zvedzidziso zvinoziviswa nemapasita mumasangano avo.

MaKristu ane moyo wakanaka vane chokwadi vanozotiza nekufuratira hama neshamwari vanopesana navo padzidziso dzavanotenda madziri. Kushandiswa zvisizvo kwemazwi nekuomeserana kunozofambidzana nemafungiro akasiyana.

Chero mumezvematongerwo enyika, zvine huwori, hurumende inobhadhara bato rinopikisa kuti rive riri muimba yeparamende kuti riipikise nekuizvidza. Hakuna pasita wekereke anotendera vanopikisa zvaanotenda mukereke.

Nekudaro, hakuna kereke ine rusununguko.

Vadzvanyiriri vanokusekerera paunopinda pakati pavo uchitenderana navo. Asi kusekerera kwenhema hakubati meso avo kana ukada kupokana.

Pope ndiye ega mudzvanyiriri muEurope.

Makereke evanopikisa chiCatholic akatevedzera mweya wehudzvanyiriri uyu mumakereke avo.

Roman Catholic mai mhombwe nevanasikana vayo mhombwe dzakaipikisa. Vakatanga kubuda muna amai asi vakazotevedzera mafungiro aamai vavo nechimisikidzo chekereke kuti vave vasikana mapenzi kana vasikana vakanyengerwa, vachapinda munguva yeKutambudzika kukuru.

ZVAKAZARURWA 17:5 Pahuma yake pakanga pakanyorwa zita rakavanzika iri: BABHIRONI, GUTA GURU, MAI VEMHOMBWE NAVEZVINONYANGADZA ZVENYIKA.

EZEKIERI 16:44 Tarira, mumwe nomumwe anobata netsumo, achabata tsumo iyi pamusoro pako, achiti, `Sezvakaita mai, ndizvo zvakaita mwanasikana wavo.'

Makereke anopikisa chiCatholic anotenda dzimwe dzidziso dzeRoman Catholic ndiwo vanyengeri vakuru nhasi uno.

Asi mumazuva ekupedzisira Mwari anozoshandisa Intaneti kuti ataure neavo vanoda zviri nani kudarika yavanoti “kuki kata” kutaura kusimo muMagwaro kwekubvumirana nemifungo yemufundisi, kunova mucherechedzo wakadzama wekereke yanhasi. Vanhu vakazvimiririra vanoita sevakaiswa muhusungwa nekereke nekuti vanowanzoshaiwa kwekuenda kana vapikisa kereke yavo.

Ikozvino, kupfurikidza intaneti, Mwari vakukwanisa kutaura navo vari kunze kwemakereke avo.

Misangano yeZoom inogonesa vanhu vakasarudzika kusangana nemamwe maKristu. Hatichafaniri kuungana muchivakwa chimwechete kuti tinamate kana kudzidza Shoko.

JEREMIA 23:3 Ndichaunganidza vakasara vamakwai angu kunyika dzose kwandakanga ndaadzingira, ndichaadzosera kumafuro awo; achaberekana nokuwanda.

Ichi chiprofita chakajeka pamusoro paMwari achiunganidza maJuda kumusha kwavo zviri kutoitika ikozvino.

Asi zvinodudzawo nekutaura vaHedeni vakaparadzirwa pari rese vanodzingwa kumakereke avasingatenderane nawo.

Mifananidzo minomwe yeHushe hweDenga kuna Mateo Chitsauko 13 inotsanangura nguva nomwe dzemakereke.

Tarisai mufananidzo wechinomwe kana wekupedzisira, unotsanangura kereke yekupedzisira yeRaodikia.

MATEO 13:47 Vushe bwokudenga hwakafanana norutava runokandirwa mugungwa. Runovunganidza marudzi ose ehove.

48 Kana rwazara varunokwevera pamhenderekedzo. Vakagara pasi vakavunganidzira dzakanaka mumidziyo asi dzakaipa vanodzirasha.

Mufananidzo wechinomwe unotsanangura rutava (neti) runotsvaira gungwa risina kugadzikika remarudzi evanhu. Ichi chiprofita chakanakisa pamusoro peintaneti nhasi nekugona kwayo kusanganisa vanhu vari mativi mana enyika.

Zvidzidzo zveBhaibheri zvinoiswa pamawebhisaiti zvinogona kuverengwa chero nzvimbo nenguva. Saka, chokwadi chinotsvaira intaneti kugadzisira Mwenga wechokwadi.

JEREMIA 23:4 Ndichaagadzira vafudzi vanoafudza; haangazotyi kana kuvhunduswa, hakuna nerimwe ringashaikwa ndizvo zvinotaura JEHOVA.

Mufudzi, munhu, ari pamusoro pemakwai.

Saka, kutaura kuti mufudzi mdipasita hazvisizvo. Pasita munhu anototadzawo sevamwe nhengo dzekereke. Haasi munhu ari nani kana ane simba kudarika vamwe vanhu.

Basa remufudzi nderekufudza makwai. Izvi hazvigonekwi nevanhu. Hakuna munhu mumwechete anoziva zvese. Mwari anoshandisa boka revakuru vekereke panzvimbo kufudza boka repanzvimbo. Boka revanhu vese vakaenzana, vanoita basa remufudzi.

Kereke yekutanga yemapositora yaishanda sei?

Vaisangana mudzimba kereke imwe neimwe panzvimbo yaitongwa neboka revakuru panzvimbo.

Mukuru haanzi anotofanira kuva nehushumiri.

I TIMOTIO 5:17 Vakuru vanobata kereke zvakanaka ngavanzi vanofanirwa nokukudzwa kaviri, zvikuru avo vanobata pashoko napakudzidzisa.

Havasi vese vakuru vanoparidza Shoko nekudzidzisa. Asi vakuru vese vane chekutaura mukereke.

I VAKORINTE 12:28 Mwari wakaisa vamwe pakereke, pakutanga vaapostora, rwechipiri vaporofita, rwechitatu vadzidzisi, tevere vaiti vamabasa esimba, tevere zvipo zvokuporesa, navabatsiri navabati, namarudzi mazhinji endimi.

Hapana kutaurwa pamusoro papasita apa. Hakuna pasita akagadzwa kuva musoro wekereke.

Kufudza boka ibasa remufudzi.

Pauro akajekesa kuti hakuna munhu akazvimiririra aive mufudzi wemakwai. Asi boka revakuru raizadzisa basa rekufudza kereke yaMwari.

Izvi zvakadzivisa hudzvanyiriri hwemunhu mumwechete.

Basa remufudzi rinozadziswa neboka revakuru vekereke panzvimbo (maeredha).

MABASA 20:17 Zvino iye ari paMireto, akatumira Efeso kundodana vakuru vekereke.

MABASA 20:28 Zvichenjererei imi, neboka rose ramakaitwa vatariri varo noMweya Mutsene, kuti mufudze kereke yaMwari, yaakatenga neropa rake.

Petro akabvumirana naPauro.

I PETRO 5:1 Naizvozvo ndinoraira vakuru pakati penyu, ini mukuru pamwe chete navo nechapupu chamadambudziko aKristu, nomugovani navo wokubwinya kuchazoratidzwa, ndichiti:

2 Fudzai boka raMwari riri pakati penyu, musingazviiti nokurovererwa, asi nomoyo unoda nokuda kwaMwari, musingazviiti nokuda kwokukarira fuma yakaipa;

3 Musingaiti nesimba nezvamakagoverwa asi muve vatungamiriri veboka.

Mukuru haasi mudzvanyiriri kana ishe nechero nzira.

I PETRO 5:4 Kana Mufudzi mukuru achizovonekwa, muchawana korona yokubwinya isingasvavi.

Jesu ndiye munhu mumwechete Mufudzi wemakwai.

Boka revakuru panzvimbo rinozadzisa basa remufudzi rekufudza boka rekereke panzvimbo. Vanhu vanogona kudzidza kubva kune vamwe vanhukupfurikidza intaneti.

Masangano maduku aisanganirana mudzimba.

VAROMA 16:5 Ndikwazisirei vo kereke iri paimba yavo.

Ikozvino, vanhu vakazvimiririra vakukwanisa kugara mudzimba dzavo vodzidza kubva paintaneti.

Vosangana vachitaura kupfurikidza Zoom chero dai vanhu ava vakapararira nepasi rese vari kure nekure.

Mweya munyengeri unoisa mweya waKristu pakunyeperwa kuti uri mumunhu

Ngatitarisei Chiprofita chekuna Zekaria Chitsauko 11.

ZEKARIA 11:1 Zarura mikova yako, iwe Rebanoni, kuti moto upedze misidhari yako.

Miti mucherechedzo yemweya yevanhu.

Rebanoni yaive nemiti yemisidhari yakanaka yaishandiswa kuvaka Tembere. Asi miti yakanaka iyi yaizoparadzwa apo Nebukadinezari mambo weBabironi, aizoparadza Tembere.

Kuratidza kuti zvitendero zveRoma zvisimo muMagwaro netsika dzavo, izvo Babironi huru yakavanzika, inozosvibisa makereke emasangano anopikisa chiCatholic kuti zvinyengere maKristu akaponeswa, vasikana mapenzi, zvovatora kunovasiya munguva yeKutambudzika kukuru kwavanouraiwa. Vanofa nekuti vanoramba kunamata mufananidzo wechikara unova mubatanidzwa wemasangano akabuda muchiCatholic. Zvinoreva kuti vachaguma vaona kutadza kwemakereke kana vaiswa mumarwadzo nekuipa kwenguva yeKutambudzika.

ZVAKAZARURWA 13:15 Chakapiwa masimba okupa mufananidzo wechikara mweya, kuti mufananidzo wechikara utaure, chiraire kuti vose vasinganamati mufananidzo wechikara vavurawe.

Mufananidzo wechikara cheCatholic ndiwo makereke emasangano akapikisa chiCatholic ari kubatana achitaura nesimba nekuti vanhu vanoterera mapasita pavanotaura chero pavanorwisa Magwaro. Tiriniti inoti Jesu ari mukuzara kwehuMwari ari Munhu weChipiri. Bhaibheri rinoti kuzara kwehuMwari kuri muna Jesu.

Saka vanoenda kumakereke vanotenda zvinotaurwa nemapasita. Vanofuratira Magwaro.

VAKOROSE 2:9 Nokuti kuzara kwovuMwari kunogara maari pamuviri.

Tinoda chokwadi chakaziviswa cheBhaibheri kuti tisaite kukanganisa kwemakereke kuti tipunyuke nguva yeKutambudzika kukuru.

MaKristu akuru acharesva nekukanganisa.

ISAYA 2:11 Kuzvikudza kwavanhu kuchaderedzwa, namanyawi avanhu achaninipiswa, Jehovha oga achakudzwa nezuva iro.

12 Nokuti JEHOVA wehondo ane zuva rake pamusoro pavose vanodada navanozvikudza, navana manyawi; vachaderedzwa;

“Zuva raShe” rine makore matatu nehafu enguva yeKutambudzika kukuru.

13 Napamusoro pemisidhari yose yeRebhanoni yakareba yakakwirira; napamusoro pamiouki yose yeBashani,

14 Napamusoro pamakomo ose marefu, napamusoro pezvikomo zvose zvakakwirira,

Vanhu vanoda kwazvo kusimudzirwa.

Vanhu vanosimudzira makereke avo kudarika mamwe. Kereke yangu iri nani kudarika kereke yako. ChiKristu chemakwikwi.

Zvese zvinosimudzirwa nevanhu zvinozodonha.

Pasita umwe neumwe akasimudzirwa pamusoro pesangano ari musoro wekereke achadonedzwa pasi.

Jesu ega ndiye anokwanisa kuva Musoro wekereke.

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri

Munhu umwechete anoedza kutora nzvimbo yaKristu ndiantikristu.

63-0319 CHISIMBISO CHECHIPIRI

Asi kana mweya wakaipa wehunyengeri uyu (Oh, manhi) mweya wekunyepera, mweya wedzidziso uyu unonyengera woita sewatora nzvimbo yaKristu mumunhu, unofanira kunamatwa woshandurwa kuva chinamato saKristu.

ZEKARIA 11:2 Ungudza iwe musipiresi, nokuti musidhari wawira pasi, nokuti miti yakanaka kwazvo yaparadzwa; ungudzai, imi miouki yeBhashani, nokuti dondo risingabviri kupindwa ratemwa.

Misedari nemiouki inouya kuzomiririra kuwira pasi kwevanhu vakuru vane mbiri.

Vaparidzi mukereke vakasimudzirwa kwazvo.

Asi zvichaitika kwavari ndezvekuti masangano achamuka achiona kuti aive achinyengerwa uye vakananga kunoparadzwa mukuipa kwenguva yeKutambudzika.

Pane rimwe dambudziko.

Mapasita emharidzo vanoti hama Branham havatadzi uye havakwanisi kugadziriswa uye kuti zvavanotaura ndizvo Mukuru, vanoparadza hushumiri hwehama Branham mumaziso evanhu vakawanda vanoziva zvavakakanganisa.

Chimbotorai muenzaniso wekukanganisa kuri nyore kwakaitwa nehama Branham.

63-0319 CHISIMBISO CHECHIPIRI

Uyu aive Ireniyasi makore anoda kukwana mazana mana mumashure merufu rwaKristu.

Ireniyasi akararama kubva gore rinenge AD 130 -202.

Akataura zita raMwari rakavanzika reTestamente Yekare zvisizvo.

63-0318 CHISIMBISO CHEKUTANGA

J-V-H-U harisi Jehova.

JHVH hapana U sezvo chiHeberu hachina mavara a e i o u.

Kutaura kwekuti Noa akaona Enoki hakusi kwechokwadi. Enoki akafa Noa asati azvarwa.

60-1124 NDINI

Tiri kutarisa Noa achiona Enoki, akaziva pakarepo mumashure mekuuya kwaEnoki, kuti mutongo waizorova nyika.

62-0531 KURWA PAKATI PAMWARI NASATANI

Asi Noa akaenderera mberi achiparidza, zvisinei. Nemhuri yake yese nevanhu vese vaakatendeutsa vakatanga kutenda zvakadaro. Vese vaitevera Noa vakatenda zvaitaurwa naNoa. Ndizvozvo chaizvo. Vaifanira kusarudza, kutenda zvaitaura nyika, kana kutenda zvaitaurwa nemuprofita akazodzwa.

Saka, akati, “Zvino tarirai. Enoki achafa rimwe remazuva, kereke. Kana zvikaitika, kana Enoki akafa, isu tofanira kupinda. Tinosiiwa naEnoki. Achatorwa kukwira kudenga. Saka tinofanira kupinda”. Saka, vakatarira nekufamba kwaiita mazuva.

63-0318 CHISIMBISO CHEKUTANGA

Munoziva, Noa akaona Enoki, nekuti Enoki paakaenda, aiziva kuti mutongo waive wasvika. Akanga akutambira pedyo neareka.

Noa haana kuona Enok nekuti Enoki akafa makore 69 Noa asati azvarwa.

Noa aive nemakore 600 paakapinda muareka. Raive gore rechi669 Enoki atorwa naShe.

61-0723E MWARI ASINA KUNZWISISWA

Nyangadzi (zvinoreva kuipa) inokonzeresa kuparadzwa, nyangadzi yaive Mosiki yemaMoziremu yaOma yakavakirwa panzvimbo paive neTembere paive pamire nzvimbo tsvene.

Kwete, Mosiki yaOmar yakavakwa hafu yekiromita kubva apa, kuruboshwe kwenzvimbo yeTembere (Haramu eshi-Sharif).

Dome of the Rock (692) haizi mosiki asi iri pakati penzvimbo yeTembere.

Al aqsa Mosiki. Chivakwa chemosiki chakafukidzwa pakutanga chaive imba duku yekunamatira yakavakwa naCarifi Omari makore kapoteredza AD 683 asi yakazovakwazve naKarifa Abd-Mariki ikazopedziswa nemwanakomana wake muna 705.

61-0723 MWARI ASINA KUNZWISISWA

Muna AD 96 Tito akauya akatapa Jerusarema akapisa Tembere, vakavaka mosiki yaOmar (vanhu vanotevera chitendero chaMohammedi) panzvimbo peTemberi chaipo, ichiripo ipapo nanhasi.

Tito akauya muna AD 70, kwete muna AD 96.

Omar akavaka imba duku yekunamatira pazasi penzvimbo yeTembere. Makore akazotevera mumwe Karifa nemwanakomana wake vakavaka Mosiki, Aqsa mosiki, panzvimbo yechapero yekunamatira.

61-0806 VHIKI RADANIERI RECHIMAKUMI MANOMWE

Zvino, Zvino, Jesu, Messiasi, akapinda muguta reJerusarema akatasva mbongoro, kukunda, pamusana pembongoro chena musi weSvondo yeMichindwi, musi wa 2 Kubvumbi, A.D. 30 Jesu akatasva mbongoro muJerusarema musi weSvondo yeMichindwi muna AD 30.

... Kubva panguva yakavimbiswa Abrahama naMwari (Musapesana neapa) – kubva nguva Mwari paakavimbisa Abrahama, Genesisi 12:3, kusvika nguva yakarambwa Kristu muna AD 33, nemaJuda,

Muchidzidzo chimwechete anotaura kuti AD 33 uye AD 30.

58-0928 MBEU YEMHUKA YAKATUKWA IKASHANDUKA KUITA NYOKA

Mumashure mekufa kwemapostora, ipapo pakauya madzibaba eNecene, vakatora makore akati kuti (makore mazana matatu nemakumi maviri nemashanu) kuti vasvike paNecaea, France, pavakaita Kanzuru huru yeNecene.

Necea haina chekuita neFrance.

Sezvandareva padzidziso yemangwanani, imwe neimwe yenguva idzodzo dzemakereke kusvika panguva yekereke yeTesaronika, makore mazana gumi nemashanu enguva dzerima, kwaive kusina nguva kana imwechete asi Akati “Muchiri nezita rangu.”...

Hakuna kubvira kwaita nguva yekereke yeTesaronika. Vaireva nguva yekereke yeTiyatira.

Nguva Dzerima dzakaita makore 1200 kana makore 900 zvichienderna nekuti muri kuverenga nguva yekereke yechitatu neyechina here kana kuti muri kuverenga nguva yekereke yechina chete.

Zvakaitika makore mazana matatu nemakumi maviri nemashanu kusvika pakanzuru yeRaodikia.

Pamusoro apo vakati aive makore 325 kusvika pakanzuru yeNecene. Kanzuru yeRaodikia yaive makore 363-364.

Izvi ndizvo zvimwe zvemienzaniso yekukanganisa kwakaitwa nehama Branham.

Sekumwe kukanganisa kwese, tinofanira kuziva zvakakwana kuti tigadzirise nekufambira mberi nekudzidza kubva kune kutaura kuzhinji kwaakataura chaizvo.

Asi kukanganisa kwavakaita kunotiudza kuti havasi Izwi raMwari. Mwari havakanganisi.

Kumudaidza kuti Mukuru, Izwi raMwari risingatadzi zvinovadzikisira mumaziso evanhu vakawanda vasingagoni kuvakira kutenda kwavo nekuedza kurwira kukanganisa kuri pachena.

Vana (shumba duku) vanoda zvitendero zvemadzibaba mapostora

ZEKARIA 11:3 Inzwai izwi rokuungudza kwavafudzi! Nokuti kukudzwa kwavo kwaparadzwa; inzwai izwi rokuwomba kwavana veshumba! Nokuti kuzvikudza kwaJorodhani kwaitwa dongo.

Vafundisi vanozvidaidza kuti vafudzi. Saka, vanozadzisa chiprofita ichi.

Hakuna Magwaro anoti mufudzi ndiye mufundisi watinoti pasita.

Kana pasita ari chikamu cheboka revakuru kukudzwa kwake semunhu mumwechete anotonga kunokanganiswa.

Asi pasita anoda simba, kukosheswa uye mari inofambidzana nechinzvimbo chake semusoro wekereke.

Pasita anodzvova achiramba kurasikirwa nekukosha kwake kwaasingadi kugovana nevamwe vanhu.

Zvakare kurasikirwa nemari dzechegumi dzagara dzinonzi nemapasita ese ndedzavo.

ZVAKAZARURWA 4:2 Pakarepo ndakava muMweya; tarira chigaro chovushe chakagadzwa kudenga, nomumwe agere pachigaro

6 napamativi ose echigaro chovushe, pakanga panezvisikwa zvina zvipenyu, zvizere nameso mberi neshure kwazvo.

7 Chisikwa chipenyu chokutanga chakanga chakafanana neshumba, chisikwa chipenyu chechipiri chakanga chakafanana nemhuru, chisikwa chipenyu chechitatu chakanga chinechiso chakaita sechomunhu, nechisikwa chipenyu chechina chakanga chakafanana negondo rinobururuka.

Chisikwa chipenyu chekutanga pazvisikwa zvina zvakapoteredza chigaro chaMwari cheHushe kuna Zvakazarurwa Chitsauko 4 ishumba.

Shumba inomiririra dzidziso dzechokwadi cheTestamente Itsva dzemapostora dzakatungamirira kereke yekutanga.

Chokwadi ichi chakarasika munguva dzerima, apo makumi emamiriyoni evanhu vakauraiwa nekereke yeRoman Catholic. Nzombe yaive mucherechedzo wemuranda nekuzvipira sezvo yaizourairwa nyama yayo yakakosha.

Munhu mucherechedzo wevamutsiridzi vakaita saMartin Luther kuGermany vakadzorera ruponeso nekutenda naJohn Wesley kuEngland akadzorera hutsvene nekuparidzira. Izvi zvakaunza nguva huru yemamishinari.

Gondo rinobhururuka rakaona kudzoka kwesimba rePentekositi paMugwagwa weAzusa, muLos Angeles, muna 1906.

Kwozouya ziso regondo rechiprofita raWilliam Branham rakadzorera kereke padzidziso dzemapostora enguva yekereke yekutanga paakazivisa zvakavanzika zveMagwaro.

MATEO 17:11 Akapindura, akati, Eria uchavuya hake, avandudze zvinhu zvose.

Eria ndicho chiGiriki chezita rekutu Erija.

Muprofita uyu anotidzorera kune zvese zvatinoda kuti tizive kuti tinzwisise Bhaibheri.

MARAKI 4:5 Tarirai, ndichakutumirai muporofita Eria, zuva iro guru raJehovha, rinotyisa, risati rasvika.

6 Iye achadzorera mwoyo yamadzibaba kuvana, nemwoyo yavana kuna madzibaba avo, kuti ndirege kuuya ndirove nyika nokutuka

Johane Mubapatidzi katendeutsira madzibaba echiJuda kuvana vavo, Jesu nevarume vechidiki vaive vadzidzi vake.

RUKA 1:17 Uchafamba pamberi pake noMweya nesimba raEria, kuti adzorere moyo yamadzibaba kuvana navasingateereri kuvuchenjeri bwakarurama agadzirire Ishe, vanhu vakamugadzirirwa kwazvo

MaKristu enguva yekupedzisira ndivo vana vakadzorerwa kumadzibaba mapostora .

Tinoda muprofita wenguva yekupedzisira kuti aite izvi.

Shumba duku ndivo vatendi vanhasi vanofanira kudzorerwa kunotenda zvakatendwa neshumba dzechipostora dzakafanana naPauro.

Shumba duku dzinodzvova dzichidanidzira kuti dzinoda Magwaro chete, kwete mifungo yevanhu, nemazano avo.

Izvi zvinorwadza mapasita nekuti St Pauro naPetro, shumba mbiri dzakare, havana kubvira vaisa pasita pakutonga kereke.

“Kuzvikudza kwaJorodani kwaitwa dongo”. Miouki mikuru yaikura mumahombekombe aJorodani. Nzvimbo dzemiti iyi dzaive misha yeshumba, seyakauraiwa naSamusoni.

Jorodani rinotaura nezvemvura dzekubapatidzwa kwaJesu.

Saka shumba duku pakupedzisira dzinoda kubapatidzwa muzita raJesu Kristu nzira imwe yakarairwa neshumba yekare Simoni Petro kuti zviitwe kuna Mabasa 2:38

Izvi zvinosvibisa zivo dzeapasita anhasi vakanyengerwa nedzidziso dzeTiriniti.

Zvakadaro, vanoti “Muzita raBaba, Mwanakomana naMweya Mutsvene” asi vanotadza kuziva kuti zita racho nderekutii.

Saka vanotungamirira vanhu vachibva pachokwadi.

Vanoramba rubapatidzo muzita raJesu Kristu vachiti kukanganisa.

Vakarasikirwa nezita raMwari nekuti Mwari weTiriniti haana zita.

Vanorwisa, vanopikisa nekusvora vanoti zita raMwari ndiJesu Kristu.

MATEO 24:9 ... muchavengwa namarudzi ose nokuda kwezita rangu.

ZEKARIA 11:4 Zvanzi naJEHOVA Mwari wangu, "Fudza makwai anozourawa;

Makereke akananga kurufu mumakore matatu nehafu eKutambudzika kukuru. Vanotungamirirwa nedzidziso dzemapasita akasimudzirwa.

Vanhu vakaponeswa mumakereke vanonyimwa kodzero dzavo dzekuziva chokwadi chakazara cheMagwaro nekuti mapasita avo vanofuratira kana kuramba hama Branham kana kuti vanokanganisa dzidziso dzake pavanosimudzira zvavakataura kuzviisa pamusoro peMagwaro.

“Ndakapfuma” ndizvo zvinotaura nguva yekereke yekupedzisira yeRaodikia

ZVAKAZARURWA 3:14 Nyorera mutumwa wekereke iri paRaodhikia, uti;

17 Nokuti unoti, ndakafuma, ndakafumiswa, handishaiwi chinhu; vasingazivi kuti ...

Nekuda kwehupfumi hwavo (kuwira pasi kwaJudasi) maKristu anotenda kuti vakakomborerwa naMwari. Asi havazivi pavamire chaipo pamweya kuti injodzi. Nhasi makereke edu akarasika.

ZEKARIA 11:5 Iwo anourawa navana vawo, vasine mhosva; vanoatengesa vanoti, `JEHOVA; ngaavongwe, nokuti ndakafuma;' vafudzi vawo havane tsitsi nawo.

“Vasine mhosva” pane musiyano mukuru kwazvo pakati pemapasita asi hakuna pasita anobvuma kuti anokanganisa. Mumwe nemumwe anoti hakuna anofanira kuedza kumupomera.

Hakuna pasita anobvuma kuti ari kurasisa kereke yake.

Mapasita vanohora kubva pachegumi asi havana dambudziko kana vakadzidzisa nhengo dzemakereke avo dzidziso dzenhema.

Vanhu mukereke vanodzidziswa kukoshesa nekutevera zvakazara mapasita avo uye kuti vasawane chakaipa padzidziso dzavo.

Saka, makereke anotengeswa kuna kudzidziso dzaSatani dzisimo muMagwaro. Vanodawo kwazvo kuti zvive zvakadaro.

Vanosarudza kuwana dzidziso dzakaitwa nevanhu dzakaita seKisimusi maisita egi nemabhani pachinzvimbo chedzidziso dzakakosha dzeBhaibheri dzakafanana nekubapatidzwa muzita raJesu (Mabasa 2:38).

“Ndakapfuma”. Ndizvo zvinotaurwa zvakanyanya nemapasita emuRaodikia. Vanotora chegumi chese. Vakaita mabhizimisi akabudirira kwazvo kubva mukereke. Vanosunga pfuma yekereke kuti ive yavo.

ZVAKAZARURWA 3:14 Nyorera mutumwa wekereke iri paRaodhikia, uti;

17 Nokuti unoti, ndakafuma, ndakafumiswa, handishaiwi chinhu;

Evangeri rebudiriro rinodiwa nevanhu vanhasi, kuti munhu wese ave mupfumi.

Asi Jesu akati:

RUKA 6:24 Asi munenhamo imi vafumi!

Mapasita haana tsitsi nevanhu vavanorasisa. Vanodzinga vadzidzisi vese vanoda kuvagadzirisa.

Shungu dzavo zhinji dziri pakuva nesimba pamusoro pevanhu vanofanira kuvaterera nemari zhinji dzinopinda mumabhangi mavo.

ZEKARIA 11:6 Nokuti handichazovi netsitsi navagere munyika ndizvo zvinotaura Jehovha; asi tarirai, ndichaisa vanhu avo, mumwe nomumwe muruoko rwookwake, nomuruoko rwamambo wake; vachaparadza nyika, ini ndisingavarwiri paruoko rwavo.

Asi dambudziko riri kuuya. Nyika icharohwa.

Izvi zvinobata kwese kuvaJuda vakarohwa naNebukadinezzari weBabironi nemaRoma, nekumakereke zvakare.

Kunyanya kunguva yekereke yekupedzisira yakarohwa neHondo mbiri dzePasi rese. Ndidzo dzakaita njodzi huru dzehondo munhorondo.

Makumi emamiriyoni evanhu akafa.

Chiprofita chakakurudzirwa kutsanangura zviitiko zvenhorondo uye kushanda seyambiri kunguva yekereke yekupedzisira, yakanyanya kutarisana nenjodzi yekunyengerwa.

Mutasvi waantikristu akavanzika wekuna Zvakazarurwa Chitsauko 6 akatasva bhiza jena rehunyengeri muchitendero, bhiza dzvuku resimba rezvematongerwo enyika, nebhiza dema reMari Huru nemadhimoni zvinozobatana kuita bhiza rakachenuruka. Izvi zvinomiririra kusimuka kwekereke yeRoman Catholic sesimba repasi rese rezvematongerwo enyika nezvemari.

Hutachiwana hwekorona mugore 2020 hwaive nerumborera ruviri. Nyika yakarohwa munezvehutano. Asi hupfumi hwakaparadzwa zvakare. Vanhu vakarasikirwa nemabasa vasisina mabasa. Zvikwereti zvakavapo. Kukanganiswa kwehupfumi kwakakura kwaizoramba kuchikonzeresa nekufamba kwenguva.

Kukwereta vanhu mari kunokuisa muruoko rwevavakidzani vako.

ZEKARIA 11:7 Saka ini ndakafudza makwai aizourawa, zvirokwazvo aiva makwai aizourawa, zvirokwazvo aiva makwai anonzwisa urombo. Ndikatora tsvimbo mbiri, imwe ndikaitumidza zita rinonzi, "Kunaka," imwe ndikaitumidza zita rinonzi "Zvisungo;" ndikafudza makwai.

Izvi zvinoreva zvinhu zvakawanda.

Zvinogona kureva zvitendero zviviri zvakapatsanura Nyika yeChipikirwa, Judea neIsraeri.

Asi panguva yekupedzisira, zvinogona kureva kereke yevasikana mapenzi nemaJuda vanova zvikamu zviviri zveboka raizourawa rakananga munguva yeKutambudzika kukuru.

Ndiwo mubairo wavanoripira pakutevera zvitendero zvakaitwa nevanhu.

Jesu akati:

RUKA 12:32 Musatya henyu, imi kapoka kaduku, nokuti Baba venyu vanofara nokukupai vushe

Asi kune mamiriyoni emaKristu akaponeswa panyika.

Saka, “boka duku” rinoreva maKristu mashoma aya akaponeswa vachange vakagadzirira Kuuya kwaShe.

Vakawanda vemaKristu vakafuratira, vakaramba kana kukanganisa zaruriro yezvakavanzika zveBhaibheri.

Nekudaro, havana mukana wekuva vakagadzirira Kuuya kwaShe. Vakawanda vemaKristu akaponeswa nhasi vakananga kunguva inorwadza yekunosangana naPope wekupedzisira waantikrustu mumakore matatu nehafu ekutambudzika kukuru.

Hondo dzepasi rese mbiri dzakaita basa guru rinooneka.

Mweya wehudzvanyiriri wakasunungurwa munguva yeHondo yePasi rese yekutanga, kuratidzirwa kwenhamo yekutanga ichaitika munguva yeKutambudzika.

Muna 1929 Guta reVatican rakava “nyanga duku” yakaprofitwa naDanieri

ZVAKAZARURWA 8:13 Ipapo ndakatarira, ndikanzwa mutumwa achibhururuka pakati pedenga, achiti nenzwi guru: Nhamo, nhamo, nhamo, kunavanogara panyika, nokuda kwamanzwi mamwe ehwamanda avatumwa vatatu vachazoridza.

Musolin akava mudzvanyiriri weItaly akapa Vatican rusununguko rwakazara rwekuva nyika yakasununguka muna 1929.

Kukoshesa Pope injodzi pamweya. Kuomerwa pamweya ndiko kunodaro. Nyika yakapinda pakuomerwa munezvemari munguva yeGireti Dhipuresheni muna 1929.

Ipapo, muHondo yePasi rese yechipiri, vadzvanyiriri ava vakasunungura simba remadhimoni rakauraya makumi emamiriyoni evanhu muNguva Dzerima Pope paakatonga Europe. Madhimoni ekuuraya aya aive akambodzikamiswa nehutsvene hukuru hwemutsiridzo yaJohn Wesley nenguva huru yemamishinari. Makereke aive asisagamuchiri kuurawa kwevanovapikisa.

Asi Hitira akasunungura madhimoni aya pavaIsraeri muHorokasiti muHondo yePasi rese yechipiri. Uku kwaive kuratidzirwa kwenhamo yechipiri inoitika munguva yeKutambudzika kukuru.

Mwari aive akatsamwa kwazvo nevatungamiri vatatu vepasi pano.

Vaive vauraya maJuda, vanhu vaMwari vaakasarudza.

Vaive vateya nhandare yekusimuka kwaPope neAmerica kuenda pakunotonga pasi rese.

Vavengi vaviri vakuru vaMwari vakataurwa kuna Zvakazarurwa Chitsauko 13.

Chikara chinobva mugungwa chaive mweya wekuuraya hushe hweRoma yemapegani yakamedzwa kuva kereke yeRoman Catholic.

Chikara chinobva panyika chaive simba reAmerica munezvemari uye zvemauto.

Muna 1945. Vatungamiriri vatatu vakuru venyika dzepasi rino vakafa mumwedzi mumwechete

ZEKARIA 11:8 Ndikaparadza vafudzi vatatu nomwedzi mumwe, nokuti mweya wangu wakanga waneta navo, nemweya yavo yakandisemawo.

Mumwe muenzaniso waive muna Kubvumbi 1945.

Franklin D Roosevelt wekuAmerica, Benito Musolin wekuItaly, naAdolph Hitira wekuGermany vese vakafa.

Pope akabatsira Mussolini kuti atange kutonga muItaly. Mussolini akabva aita Vatican nyika yakazvimiririra muna 1929. Izvi zvakasika “nyanga duku” yakaipisisa yechiprofita chaDanieri. Vatican ndiyo nyika dukusa pasi rese isingadarika sikweya kiromita pakukura kwayo. Musi wa 28 Kubvumbi 1945 Mussolini akaurayiwa.

Muna 1929 kwakaitika Gireti Dhipuresheni. Pasi rese rakapererwa nemari. Mucherechedzo wekupererwa pamweya nekutarisa kuna Pope semukuru wekereke.

Guta reVatican rakasimuka kuva rakapfumisisa pasi rese rikava sangano gurusa rekereke (Roman Catholic) rine kurudziro yakakurisa munezvematongerwo nyika. Kuungana kukurusa kwakaitika kwevatungamiriri vepasi rese munhorondo kwaive parufu rwaPope John Paul muna 2005.

Mutungamiriri weAmerica Roosevelt aida kuti America ipindire muhondo kuti ibatsire Russia mumashure mekurwiswa neGermany. Akagura kufamba kwemafuta eJapani kuti aimanikidze kupinda muhondo. Aiziva pamusoro pezano reJapani rekuda kurwisa Pearl Harbour asi haana kuyambira vanhu veAmerica zvakanaka. Mabhomba eAtomi akatumirwa kuRussia munguva yehondo nendege dzehondo, nezvakavanzika zvedzimwe tekinoroji. England yaive yatara hondo paGermany nekuti yaive yadenha Poland. Mumashure mehondo Roosevelt akapa Poland kuRussia akatendera Russia kuti itore Europe yekumabvazuva. Roosevelt akabatsira kusimbisa Russia zvakakonzeresa Hondo yainzi (Cold War) nekupararira kweKomiyunizimu. Musi wa 12 April 1945 Franklin D Roosevelt akabva afa.

Hondo yePasi rese yekutanga yakasunungura mweya wehudzvanyiriri. Lenin, Mussolini naStalin vakasimuka vakatonga kupfurikidza kuparadza hupikisi hwaive mukati. (Aya ndiwo mashandiro anoita vafundisi kana mapasita emakereke. Kuparadza vapikisi vanhu votevera zvese zvavanotaura.

Hitira akabva atora Germany muna 1933 nekuparadza hupikisi akatanga Hondo yePasi rese yeChipiri. Semudzvanyiriri akasunungura madhimoni paIsraeri, maJuda, akauraya vanhu mamiriyoni matanhatu muHorokasiti. Hitira akaparadza zvakanyanya maJuda kudarika zvakaitwa nechero umwe munhu munhorondo. Musi wa 30 Kubvumbi 1945 Adolph Hitler akafa.

ZVAKAZARURWA 11:14 Nhamo yechipiri yapfuvura; tarira, nhamo yechitatu inokurumidzakusvika.

Nhamo chaiyo ichaitika mumakore matatu nehafu ekutambudzika kukuru. Tinonhonga chete gwara pamusoro pezvichaitika kubva kuhondo mbiri dzaive kuratidzirwa kwenhamo idzi.

Asi hakuna kuzoitika hondo yepasi rese yetatu.

“Nhamo yetatu inoitika nekukasika”. Saka, njodzi huru yakaitika panyika mumashure mekupera kweHondo yePasi rese yechipiri ndeyei?

Hondo yeMweya isingaoneki, yakasviba inorwisa Chokwadi cheBhaibheri yakatanga mumakereke.

Madhimoni anoregedzerwa nevadzvanyiriri pamusoro peIsraeri akapinda munyika dzisingadi Israeri dzemakereke epasi rese payakatanga muna 1948, kubatsira kubereka makereke akasiyana anosvika masangano 45,000 nedzimwe ndudzi dzemakereke dzaveko nhasi uno. Tisingataure mavhezheni anodarika 100 eBhaibheri rechirungu zvasvika pakusvibisa mvura.

Bhaibheri reKing James Vhezheni harichaonekwe seMukuru uye Shoko raMwari risingarasiki nemaKristu akawandisa acho. MaKristu mazhinji acho vanotenda kuti mune zvakakanganiswa muBhaibheri reKing James.

Saka, madhimoni aya akadzikisira zvakazara nheyo dzekutenda kwemaKristu.

Kereke yakapikisa kana kufuratira hushumiri hwaWilliam Branham kuAmerica paakazivisa zvakavanzika zveMagwaro pakati pegore 1947 kusvika 1965.

Vateveri vehama Branham vakakanganisa dzidziso dzake nekudzishandisa kutsiva Magwaro nemashoko avakabata paitaura hama Branham nekuvasimudzira kubva paizwi remutumwa wechinomwe kuvaita Izwi raMwari risingatadzi.

Saka, Jesu akamira kunze kwekereke nhasi.

Mutungamiri wenyika Roosevelt aive nevakawanda vaimuyemura asi aive simba remweya unoparadza.

60-1204 ZARURIRO YAJESU KRISTU

Makore gumi nerimwe Maginoti Raini isati yavakwa, ndakati, “MaGermany... mutungairi wenyika Roosevelt achava umwe wavo.” Ndizvo chaizvo zvakaitika. Aive mumwe wavo.

63-0707 KUPOMERWA

Munguva yehondo yekupedzisira, pakawa Roma, mauto eGermany... vakawanda venyu vakomana vanozviziva izvi. Mauto eGermany vakadzoka muguta reVatican, vachipfura vanhu vekuAmerica pavaiuya kwavari.

... munoziva chii? Takataura kuti vasaridzire pfuti kuguta. Vanhu vekuAmerica, makamira, mukava panjodzi pamberi pavo.

... nekuti, Mutungamiri wenyika Roosevelt ... ndakanzwa kutaura kwake paakazvitaura husiku ihwohwo, akadana, Nhaurirano yePachoto. Akati, “Kana Roma ikawira pasi”, akati, “inyadziso, nekuti Roma ndiyo musoro wemakereke.”

Mungabvume here munhu wesangano rakabuda muCatholic achitaura izvozvo?

Mutungamiri wenyika Roosevelt akaita Vatican Musoro wechiKristu. Nhema dzakazara.

Nekupinda muhondo, Mutungamiri wenyika Roosevelt akavaka America kuiita simba guru munezvemauto pasi rese. America yaisabatwa nehondo asi dzimwe nyika dzaiparadzwa nehondo. Saka, America yaibatsira dzimwe nyika zvakaipa simba munezvehupfumi pasi rese.

Chikara cheAmerica chakabva panyika yakaoma chaive chaita simba guru.

Nekupa kwaakaita Europe yekuMabvazuva kuRussia, Roosevelt akabatsira kuvaka Russia kuiita simba guru kwazvo. Saka mauto eAmerica nezvehondo zvaive zvakura kwazvo muHondo yePasi rese yeChipiri zvakaenderera mberi zvichikura pasimba munguva yehondo yaive pakati peRussia neAmerica yainzi Cold War. Saka Roosevelt akateya nheyo dzekuwedzera kukuru kwesimba rechikara cheAmerika kubva zvakapera Hondo yepasi rese yechipiri.

ZEKARIA 11:9 Ipapo ndikati, "Handichadi kukufudzai; chinoda kufa ngachife hacho, chinofanira kuparadzwa, ngachiparadzwe hacho; akasara ngaadye mumwe nomumwe nyama yomumwe.

Nguva dzakaoma dzakaprofitwa panguva yeHondo yePasi Rese yechipiri. MaJuda mamiriyoni matanhatu vaizoparara mumakamba aHitira.

Vanhu vanosvika 50 miriyoni vechiHedeni vaizofa paipararira hondo pasi rese.

ZEKARIA 11:10 Ipapo ndakatora tsvimbo yangu yainzi, "Kunaka," ndikaivhuna-vhuna, kuti ndiputse sungano yangu yandakanga ndaita nendudzi bose dzavanhu.

MaJuda akaputsa sungano yawo naMwari pavakauraya Messiasi muna AD 33.

Mwari vakabva vaputsa sungano yavo yeTestamente Yekare nemaJuda. Nekudaro, aizotendeukira kukereke yemaHedeni.

Mwari vakagura mucherechedzo uyu pavakatendera maRoma achitungamirirwa naTito kuparadza guta reJerusarema neTembere muna AD 70.

MaJuda anodarika miriyoni rimwechete akauraiwa pakabva maJuda panzvimbo vakaenda kuhutiziro vachibva munyika yavo yechipikirwa munguva yavakaparadzirwa pasi rese.

Iyi ndiyo yaive njodzi yakaipisisa yakarova guta kusvikira pahondo yeStalinggrad muHondo yepasi rese yechipiri yaburitsawo zvibereko zvakadai.

ZEKARIA 11:11 ikavhuniwa nezuva iro; naizvozvo varombo pakati pamakwai, vakanditeerera, vakaziva kuti ishoko raJEHOVA.

MaJuda aive asingazowane zvakare nyika yawo yechipikirwa nesimba ravo vega kusvikira Mwari asarudza kupindira pachinzvimbo chavo. Vaizoramba vakapararira pasi rese vashoma vachidzoka kumusha wavo weIsraeri waizotongwa nemarudzi akawanda kusvikira England yapindira muna 1917. asi chero England yaisada kubatsira yaitofara kuvamukira ichitora rutivi rwemaArabu. Zvakadaro, makomiyunisiti vakatengesa zvombo kumaJuda zvakagonesa maJuda kurarama nekukurira muhondo yegore 1948.

Zvidimbu makumi matatu zvesirveri. Hutengesi hukuru kwazvo

Vhesi iri rinosimbisa chaputa yese.

Chakakosha apa hahusi hutengesi muchitendero hwakaitwa nemaJuda hukazoitwa nekereke.

ZEKARIA 11:12 Ndikati kwavari, "Kana muchiti zvakanaka, chindipai mubayiro wangu; kana zvisakanaka, regai." Ipapo vakandiyerera mubayiro wangu, masirivha ana makumi matatu.

Paive nemubairo wakaoma waizoripirwa pakutengesa Jesu kuvatungamiri vechiJuda nemupostora Judasi wemasiriva anamakumi matatu. Vatungamiri vechitendero chechiJuda vakakurudzira maJuda kuti vakumbire rufu rwaJesu paruoko rwaPirato.

Kwaifanira kuva kunzwisisa kwakadzama kwemucherechedzo wemasiriva makumi matatu. (Tichazvitarisa muchikamu chechipiri).

MATEO 26:14 Zvino mumwe wavanegumi navaviri, wainzi Judhasi Iskasrioti, wakaenda kuvaPirisita vakuru,

15 akati: Muchandipeiko, kana ndikamuisa kwamuri? Vakamuyerera masirvheri anamakumi matatu,

16 Zvino kubva ipapo akatsvaka nguva yakafanira yokumuisa kwavari nayo.

MaJuda akabva muIsraeri pakati pegore AD 70 negore AD 135 pavakakakavara ruviri maJuda anosvika 1.7 miriyoni akauraiwa.

Vakabva nekuurayiwa kukuru uku, pamusoro pazvo, vakauraiwa payaiye yava nguva yekuti vadzoke kuNyika yavo yeChipikirwa.

MaJuda mamiriyoni matanhatu vakafa muHorokasiti munguva yeHondo yePasi rese yeChipiri. Chiitiko chinoshamisa ichi chakakatyamadza marudzi akawanda zvekuti, zvisinei neruvengo rwavo pamaJuda, vakasarudza kuti maJuda vapihwe chidimbu cheNyika yavo yeChipikirwa muna 1947 pamusangano wemubatanidzwa wenyika dzepasi rese.

Mubairo wekuuraya Messiasi waikura zvinotyisa. PamaJuda 16,7 miriyoni pakutanga kweHondo yePasi rese yechipiri, maJuda anoda kusvika 10,7 miriyoni ndiwo akasara.

10 na7 zviverengo zvikuru. Zuva rechigumi remwedzi wechinomwe ndiro zuva ravo rekururamisirwa. Vakaripira muripo mukuru.

Negore 2015 maJuda aive awanda zvakare asvika 16.7 miriyoni.

Saka, maJuda vakaripira muripo mukuru pakuramba kwavakaita Messiasi.

Judasi aive mupositora, mutungamiri wekereke.

Muchikamu chechipiri chechidzidzo chino tichatarisa kuti vatungamiri vemakereke vakatengesa sei Jesu panguva yekupedzisira.

Dambudziko guru nhasi nderekuti vanhu vari kubva pakuda kuponeswa.

Vanoenda kumakereke havachanzwe kunge vanofanira kutendeuka zvemazvirokwazvo kubva kuzvivi zvavo. Vanhu vari kurasikirwa nerudo rwekudana Jesu mumoyo yavo kuti atonge hupenyu hwavo zvakazara. Nguva yedu yanhasi haidi kuzviwisira kukuda kwaMwari sezvo vasisatendi kuti Bhaibheri reKing James ndiro Shoko raMwari risingarasiki. Asi mumwe nemumwe wedu anofanira kuita sarudzo idzi. Sarudzo dziri pakati pemunhu umwe nemumwe naIshe Jesu Kristu. Hazvina chekuita nekereke.

Kana mukaregererwa naJesu kubva kuzvivi zvechokwadi, hakuna munhu anozogona kutora nzvimbo yaJesu mumoyo menyu zvakare. Nekuti hakuna munhu anogona kuregerera zvivi.