Varume vakachenjera

We update studies as the Lord Jesus leads us. You can find the latest update of this study at ChurchAges.net

MATEO 2:1 Jesu wakati aberekwa paBeterehema reJudea, pamazuva amambo Herode, tarira vachenjeri vakasvika Jerusarema vachibva Mabvazuva,

2 Vakati: Uripiko mambo wavaJuda wakazvarwa? Nokuti takaona nyeredzi yake kumabvazuva, tavuya kuzomunamata.

Vatungamiri vechitendero vaiziva kuva muchiprifita kuti Mambo uchazvara muBeterehema asi hapana pakati pavo akaenda Beterehema. Mari zhinji yaive muJerusarema, guta guru raive nepfuma zhinji.

MATEO 2:3 Mambo Herode achinzwa izvi wakamanikidzwa, neJerusarema rose naye.

Vaive varume vakachenjera, vatendi vaiva kumabvazuva.

Vaive vasiri vatatu, vaive vazhinji nekuti Jerusarema rose rakaona kusvika kwavo Herode akanzwa nezvavo.

Vamwe vanhu venhorondo vanoti vanhu vaifanira kuti vaite boka revanhu 150 kuti vachengetedzeke kana vachida kufamba zvakanaka mumigwagwa yaive yakazara matsotsi. Kufamba husiku kwaive kuchirema asi izvi zvaiita kuti vasasvikirwa zviri nyore nematsotsi.

Varume vakachenjera vakatenda muchiprofita chaBaramu. Kutenda Shoko raMwari kwakavachenjedza.

NUMERI 24:17 … :Nyeredzi ichabuda kuna Jakobo, Netsvimbo yevushe ichabva kuna Israeri.

Mweya Mutsvene unozivisa wotungamirira vanhu VANODA kutenda muna Jesu. Mweya Mutsvene wakaonekwa uri Nyeredzi pamberi pavo usiku hwega hwega. Saka, vaive nerwendo rwakaoma vachifamba murima vaifanira kusimba kuti vawane chokwadi. Mwari anotiedza nekuomerwa kuti aone kana takashinga kutsvaga chokwadi. Munhu anoshingirira kusvika kumagumo anokurira. Vanotsvaga hupenyu hwakareruka chete vanoviswa nekukasika.

Vaive varume vakachenjera nekuti vaitsvaga Kristu. Hamuna kuchenjera nekuda kwedzidzo. Dzidzo inoita kuti mungware asi musina kuchenjera. Kutsvaga Jesu kuti mumutevere kunokuitai vakachenjera. Kana tikasawana hupenyu husingagumi muna Kristu muhupenyu huno zvinoreva kuti hatisi vachenjeri.

Nyeredzo isina chiratidzo chayabudira inova kumadokero ichienda kumabvazuva uye inogona chete kufamba mberi kwavo kwemwedzi mitatu. Inobva yanyangarika kwemwedzi mitanhatu isati yaonekwa zvakare kweimwe mwedzi mitatu iri mberi kwavo. Asi vaifanira kufamba kwemakore maviri. Saka yaive isiri nyeredziwo zvayo.

Nyeredzi yakanyangarika kwemazuva mashoma pavaive muJerusarema kwaive nevatungamiri vezvitendero zvechiJuda. Hamungatarisiri kuwana chokwadi pakati pevatungamiriri vezvitendero. (Kune ndudzi dzemakereke dzinodarika 45,000 dzakasiyana siyana dziriko nhasi dzakasiyana dzese. Zvakare, dzakagadzira maVhezheni anodarika zana eBhaibheri reChirungu kuti vanhu vawedzere kukanganisika.

Nyeredziwo zvayo hainyangarike kwemazuva mashoma.

MATEO 2:7 Zvino Herode wakadana vachenjeri vari voga, akavabvunzisisa nguva yakavonekwa nyeredzi nayo.

Herode aidisa kuziva kuti vaitevera nyeredzi kwenguva yakareba sei. Herode aiziva kuti vaizomuzivisa kuti Mambo vaive vazvarwa vatsva ava vaive vane makore mangani.

Herode akaitwa mambo wemaJuda nemaRoma, vaive vanhu vakavengana nemaJuda. Saka Herode aive atora Hushe nechisimba. Asi Jesu aive aberekwa ari Mambo.

Saka, Herode aida kuuraya Jesu.

MATEO 2:9 Vakati vanzwa Mambo, vakaenda; zvino tarira, nyeredzi yavakanga vavona, kumabvazuva, yakavatungamirira, kusvikira yandomira pamusoro peimba pakanga panomwana.

Nyeredzi yaive Mweya Mutsvene nekuti Mweya Mutsvene chete ndiwo unotungamirira kuna Kristu.

MATEO 2:10 Vakati vavona nyeredzi, vakafara nomufaro mukuru kuru.

Mweya Mutsvene munguva imwe neimwe yekereke waizodza hushumiri hwemunhu kuti umuite nyeredzi kana mutumwa kunguva iyoyo.

Vanhu vakafara pavakasangana nehushumiri hunozivisa chokwadi hwaMartin Luther mumakore anana 1500 nehwa John Wesley mumana 1700 kozoita William Branham kunana 1900. Ipapo vakaziva kuti vaifanira kufamba kupinda muzaruriro yakadzama yechokwadi chaMwari.

Varume vakachenjera vakachenjera zvakakwana zvekunyenyeredza vatungamiri vechiJuda nekukanganisa kwavo kwese kwaikwikwidza nemakaro ekuita mari. Pavakanga vava kure nevatungamiri vezvitendero, nyeredzi yakaonekwa zvakare asi apa yakaenda navo kuZasi kweBeterehema. Hakuna nyeredziwo zvayo inobva kumusoro kuchamhembe ichienda kuZasi kumaodzanyemba.

Nyeredzi yakabva yaburuka kunanga nechepamusoro peimba, kwete chidyiro.

MATEO 2:11 Vakapinda mumba, vakawana mwana, naMaria mai vake, vakawira pasi, vakamunamata, vakasunungura fuma yavo, vakamupa zvipo zvendarama, nezvinonhuwira, nemura.

Nyeredziwo zvadzo dziri kudenga kure kwazvo zvekuti dzimba dzose muBeterehema dzaizova pasi penyeredzi dai yaive nyeredziwo zvayo. Vakawana Maria kwete Josefa. Ichi chaive chiratidzo chekuti Jesu aive asina Baba venyama. Jesu aive mwana aive nemakore anenge maviri. Aive asiri rusvava. Vakanamata mwana. Vaive vakachenjera nekuti vakaziva kuti Jesu aive Mwari Wamasimbaose. Emanuere. Mwari unesu. Varume vakachenjera vakanamata Mwari umwechete. Hakuna umwe.

MATEO 2:12 Vakati vanyeverwa pakurota naMwari, kuti varegere kudzokera kuna Herode, vakaenda kunyika yavo neimwe nzira.

Vakabva vakaenda kumusha kwavo neimwe nzira sezvo Herode aida kuvauraya naJesu wo. Kana mukasangana naKristu pakutendeuka mukapa moyo wenyu kuna Jesu, kubva ipapo, hupenyu hwenyu hunoshanduka. Munofamba nzira dzakasiyana nezvamaimboita hupenyu hwenyu hwese.

MATEO 2:16 Zvino Herode, wakati awona kuti anyengerwa navachenjeri, akatsamwa kwazvo kwazvo; akatuma vanhu kundovuraya vana vavakomana vose vaive muBeterehema napanyika yose yakapoteredza, vaive namakore maviri navaduku kwavari, iri nguva yaakanzwisisa kuvachenjeri.

Varume vakachenjera vaive vafamba kwemakore maviri. Saka Herode akauraya vana vaive nemakore maviri zvichidzika.

Zvipo zvavakapa kuna Jesu zvaimuratidza kuti vaifunga kuti aive ani.

Ndarama haiiti ngura. Ndarama inomiririra Mwari.

Zvinonhuwira zvinotorwa kubva pamuti zvopiswa zvapa mweya wakanakisa. Chipiriso chemhuka chinonhuwa hweya wenyama yatsva zvaisafadza. Zvinonhuwira zvaiowedzerwa kumoto uyu kuti chipiriso chinhuwirire zvakanaka chitambirike.

Mura chizoro chinonhuwira chinoshandiswa pakuviga vafi sezvo chichivanza hwema hwekuwora.

Vakapa Jesu ndarama, zvinonhuwira neMura maringe nekufamba kwazvo.

Vaifunga kuti Jesu aive Mwari pamuviri. Akauya kuzopa chipiriso chinotambirika. Aizofira zvivi zvevanhu.

Zvipo zvamunopa Jesu zvinomuratidza kuti munofunga kuti ndiye ani.