VaHeberu 04 Zororo reSabata harisi nyore kupinda mariri

We update studies as the Lord Jesus leads us. You can find the latest update of this study at ChurchAges.net

Mwari aida kuzorora kwemakore 1000 riri Sabata rake

Rubapatidzo rwemweya Mutsvene Chipikirwa chaMwari kwatiri paanozivisa zvakavanzika zveBhaibheri zvinotiita kuti tinzwisise nguva yekereke yatiri kurarama mairi.

Rubapatidzo rweMweya Mutsvene Chipikirwa chaMwari.

Chinozivisa zvakavanzika zveBhaibheri kwatiri.

Kunzwisisa Bhaibheri kunotitungamirira kuti tigone kurarama mumiganhu yeShoko raMwari rakaziviswa kunguva yekereke yedu. Ndiyo nyika yedu yechokwadi.

“Sabata” zvinoreva kuti zororo.

MABASA 2:38 Petro akati kwavari: Tendevukai, mumwe nomumwe wenyu abapatidzwe nezita raJesu, kuti mukanganwirwe zvivi, mupiwe chipiwa choMweya Mutsvene.

39 Nokuti chipikirwa ndechenyu, navana venyu, navose vari kure, vanozodanwa naShe, Mwari wedu.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

Zuva kuna Mwari rakafanana nemakore 1000.

Munhu akazovapo Zuva rechitanhatu, saka Mwari haana kushandisa mazuva edu vanhu paaigadzira nyika kuti vanhu vagare. Mwari akashanda mazuva matanhatu Zuva rake riri makore 1000.

Ipapo Musi waMwari wekuzorora waive makore 1000. Iri ndiro raive Sabata rekutanga rekuzorora.

Imwe nguva paMusi wechinomwe wemakore 1000 iwoyo, Adamu naEva vakawira muchivi Musi wechinomwe wekuzorora ukasazopedziswa. Adamu, Mwanakomana waMwari, neMwenga wake vakatadza kuzadzisa Musi wekuzorora wemakore 1000.

Eksodo kana rwendo rwekutanga rwaive apo maJuda vaibuda muEgipita vachienda kuNyika yeChipikirwa yeIsraeri.

Izvi zvaisanganisira kuteerera Murairo waMwari. Chikamu cheMurairo uyu chaive Musi weSabata rekuzorora, pasina basa remaoko raiitwa musi weMugovera.

Asi zororo ravo chairo raizova zororo kubva kuzvivi kana vagamuchira Jesu saMessiasi wavo. Vaizogona kurarama naye paaizoita Hushe hwemakore 1000 erugare, maJuda achitonga nyika. Asi maJuda akaramba Jesu akamuuraya. Saka, vakatadza kuwana zororo rechokwadi.

Eksodo yechipiri yaive kereke ichibuda muchiJuda. Kereke yekutanga yakatangwa nerubapatidzo rweMweya Mutsvene Musi wePentekositi. Vazvarwa patsva neMweya Mutsvene vaive vakugona kutanga rwendo vachiwana zororo kubva kuchivi chekusatenda. Kereke yekutanga yaifanira kugara nedzidziso dzemapostora apo Testamente Itsva yaiwedzerwa kuTestamente Yekare. Nekurarama nekutenda kwakambopiwa vatsvene, vaizogadzirirwa Kuuya kwaShe kwechipiri. Vaizova chikamu chemakore 1000 eHushe hweRugare. Izvi zvaizozadzisa Musi wechinomwe wezororo usina kubvira wazadziswa. Asi, mumashure mekufa kwemapostora, kereke imwe neimwe yaive yakuda munhu anoitungamirira pachinzvimbo cheboka revakuru.

1 PETRO 5:1 Naizvozvo ndinoraira vakuru pakati penyu, ini mukuru pamwe chete navo nechapupu chamadambudziko aKristu, nomugovani navo wokubwinya kuchazoratidzwa, ndichiti:

2 Fudzai boka raMwari riri pakati penyu, musingazviiti nokurovererwa, asi nomoyo unoda nokuda kwaMwari, musingazviiti nokuda kwokukarira fuma yakaipa;

Dzidziso dzisimo muMagwaro dzakapinda mukereke yakawira muzviyera yera uye mazano enguva dzerima. Saka, kereke yakaguma yabva padzidziso dzemapostora ikatadza kuwana zororo mukuuraiwa kwakaipisisa kwaiitwa makumi emamiriyoni evatendi vaipikisa kereke yeRoma.

Mutsiridzo yakatanga naMartin Luther achiparidza ruponeso kupfurikidza kutenda. John Wesley achiparidza hutsvene nekuparidzira zvakasvitsa panguva huru yemamishinari. Pentekositi yakadzorera zvipo zveMweya. Kereke yakabva yapatsanurwa kuita masangano anodarika 45,000 akasiyana siyana. Saka, tava muEksodo yechitatu kana rwendo tichibuda mumakereke tichidzokera kunotenda zvakatendwa nemapostora ekutanga.

Tinowana zororo kubva pakusatenda (kunova chivi chikuru) kana takugona kunzwisisa zvakavanzika zveBhaibheri reKing James. Hama Branham vakazivisa zvakavanzika zveBhaibheri kuti tigone kutenda sezvakatendwa nekereke yekutanga. Izvozvo chete zvinotigadzirira Kuuya kwaJesu kweChipiri.

Tiri parwendo rwemweya tichibuda murima nekusatenda kweNguva yeRima. Parwendo urwu rwekubuda muchipegani chakasvibisa kereke. Ishe vanoda kunatsa hupenyu hwedu uye kuzivisa zvakavanzika zveBhaibheri reKing James Vhezheni kwatiri. Zororo redu rinotanga nerubapatidzo rweMweya Mutsvene rwuripo kutipa zororo kubva kuzvivi. Ipapo, kana tadzorerwa kuchokwadi chemapostora ekereke yekutanga, Mwenga achagamuchira muviri wekubwinya pakupedzisira kwenguva nomwe dzemakereke. Izvi zvichavagonesa kurarama makore 1000 Hushe hwerugare huchazadzisa Zano raMwari rekutanga pamusoro pezuva rake rechinomwe reSabata.

Murango wezvivi ndewekuti tinofanira kufa tisati tasvika makore 1 000, Musi mumwechete kuna Mwari. Munhu akararama nguva yakarebesa panyika aive Metusera, akaita makore 969.

GENESISI 2:17 asi muti wokuziva zvakanaka nezvakaipa usaudya; nokuti nomusi waunoudya, uchafa zvirokwa­zvo."

Kana Mwenga, mumiviri yekubwinya, akararama makore 1000 eRugare, ndihwo huchava humbowo hwekuti vakasunungurwa kumurango wezvivi. Ipapo, mumiviri yavo isina zvivi, vachararama nekusinaperi. Vachava pazororo risingaperi sezvo chero rufu harugoni kuvakanganisa.

Makore 1000 eHushe hweRugare nezororo aive zano raMwari rekutanga reSabata. Zvakakanganiswa naAdamu, Mwanakomana waMwari neMwenga wake.

Asi zvichazadziswa neMwanakomana waMwari, Jesu, neMwenga wake munguva yeMereniyamu.

Tinokwanisa kupesana neSabata reZororo rakavimbiswa naMwari zviri nyore

VAHEBERU 4:1 Naizvozvo, chipikirwa chokupinda muzororo rake zvachichipo, tinofanira kutya kuti zvimwe kurege kuva nomumwe wenyu uchawanikwa asingafaniri kupindamo.

57-0901 VAHEBERU CHITSAUKO CHECHINA

Mufananidzo wakanakisa kudai nhasi, patinotarisa kukereke tichiona kereke muchimiro chayo, munhu wese akaberekwa muMweya waMwari anoramba nyika. “Uye kana muchida nyika kana zvinhu zvenyika ino, rudo rwaMwari harwuzi mamuri. Ndizvo zvinotaura Bhaibheri. Mutendi chaiye, munzira dzake, anovenga zvinhu zvenyika ino. Anovenga kuona vanhu vachiputa. Anovenga kuona vakadzi mumasendiraini, vakapfeka nguwo duku kwavari dzinonyadzisa. Anovenga kuona mitambo yekudhakwa nekubhejerana.

... ndinoda kuti murangarire, kuti, kana tisati taziva, kana Mwari asati atizivisa! Zvisinei nekuti tinoenda kukereke zvakadii, hazvina chekuita nezvazvo. Mwari vanofanira kuuya nezaruriro vozvizivisa kwatiri, izvi zvinobvisa zvenyika zvese matiri.

... Evangeri chii? Nhau dzakanaka. Nhau dzakanaka dzakavavinga kuEgipita, idzo, “Dzakatumirwa naMwari akasvitsa kwavari, achatiburitsa nekutiendesa kunyika yechipikirwa.”

Nhau dzakanaka kwatiri ikozvino, idzo, “Mwari akatumira akadzisvitsa, Mweya Mutsvene, tiri munzira kuenda kuNyika yechipikirwa.” Ikozvino vanhu vakadziita tsika nemasangano, asi Mwari achiri zvaanga ari pakutanga,

Zororo redu “Mweya Mutsvene.”

Tinofanira kutenda shoko rimwe nerimwe riri muBhaibheri reKing James.

ZVIREVO 30:5 Shoko rimwe nerimwe raMwari rakanatswa

Pasina kutenda muBhaibheri rakazara, hatigoni kufadza Mwari. Kutenda kwedu kunofanira kuzorora pakururama kweShoko raMwari.

“Kukanganisa” kwese kwatinofunga kuti kwakaitwa muBhaibheri reKing James kunosvibisa kutenda kwedu.

VAHEBERU 4:2 Nokuti nesu vo takaparidzirwa Evhangeri, saivo; asi shoko ravakanzwa, harina kuvabatsira, nokuti harina kuvhenganiswa nokutenda kwaivo vakanzwa.

57 -0901 VAHEBERU CHITSAUKO CHECHINA

Vakaona minana yaMosesi. Vakati, “Izvi zvakanakisa” vakafamba vakaenda. Ivo, ivo vakaona achiita minana. Vakaona Shongwe yoMoto, zvichida, kana kunzwa vachitaura nezvayo. “Oh, zvakanaka.”

Asi hazvina kunge zvakasangana nekutenda kwevanhu. Nekukasika kusvika kwavakaita kurenje, vese (munhu wese) vakatanga kunyunyuta. Mwari akati, “Nekuti vakashaiwa kutenda, chivi.”

Musashaiwe kutenda mune chimwe chinhu. Tendai zvese. Musashaiwe kutenda, zvisinei nekuti zvakaoma sei, tendai.

Zvino vakatanga kunyunyuta, Mwari akavafuratira. Akapika, ekutsamwa kwake, “Kuti havaizopinda muZororo rake zvachose.”

VAHEBERU 4:3 Nokuti isu vakatenda, tinopinda pazororo irero, sezvaakareva, achiti: Naizvozvo ndakapika pakutsamwa kwangu, ndikati: Havangapindi muzororo rangu; kunyange mabasa ake akanga akwaniswa kubva pakuvambwa kwenyika.

“Zororo rangu”. Izororo raMwari kwete zororo redu. Tinopinda chete muzororo raMwari nekuda kwezvikonzero zvaMwari.

57–0901 VAHEBERU CHITSAUKO CHECHINA

Jobo aiziva kuti aive akatendeka.

Kwete nekuti aive munhu akanaka, asi nekuti aigamuchira chipiriso chakapiswa pachinzvimbo chake.

... Uye, manheru ano,tinoziva kuti hupenyu hwake humbowo hwekuti aive akarurama. Kana musingaedzi kusvika kumusha paKubwinya nekuti munoedza kubatsira vavakidzani; zvakanaka izvozvo. Kwete nekuti vapinda kereke; zvakanaka izvozvo.

Asi munosvika kumusha woKubwinya nekuti makagamuchira kururama kwaJesu Kristu, chinhu chamusina kuzviitira.

... tiri kunosvika ipapo toratidza kuti Mwari haasarudzi masangano. Ndizvo chaizvo. Anosarudza vanhu vakazvimiririra. Uye haashandi nemasangano, haana kubvira aita izvozvo uye haazoiti izvozvo, zvichibva muShoko rake.

Asi anoshanda nemunhu akazvimiririra musangano rimwe nerimwe. Hongu, munhu mumwe nemumwe naMwari.

Mwari akazorora kubva kumabasa ake

Nesuwo tinofanira kuzorora kubva kumabasa edu ezvivi nekusatenda kunobva patsika dzemakereke edu akaitwa nevanhu.

Mwari akaita Sabata remakore 1000.

VAHEBERU 4:4 Nokuti paneimwe nzvimbo wakataura pamusoro pezuva rechinomwe, achiti: Mwari wakazorora nezuva rechinomwe pamabasa ake ose;

57-0901 VAHEBERU CHITSAUKO CHECHINA

Mwari akaita Sabata, zuva rechinomwe iroro raive makore 1 000, Mereniyamu.

II PETRO 3:8 Asi vadikanwa, musakanganwa chinhu chimwe ichi, kuti kunaShe zuva rimwe rakaita samakore anechuru, namakore anechuru, sezuva rimwe.

Zuva raMwari = makore 1000.

Ngatitarisei vhiki raMwari rekutanga remakore 7000.

Mwari akaumba nyika kuti ifanire kugara vanhu. Basa iroro rakatora makore 6000 kana mazuva aMwari matanhatu. Mazuva mashanu ekutanga kwaive kusina munhu panyika, saka Mwari aishandisa Mazuva ake iye aaida. Pazuva rechitanhatu, munhu akavapo.

Chivi chakapindira chikagurira panzira Musi wechinomwe. Nyika yaive yaita makore 6000 kana mazuva matanhatu kubva ipapo. Nyika yanhasi inojekesa kuti vanhu havavana kufanira kufambisa zvinhu panyika. Saka, pahondo yeAmagedhoni, Mwari vachabvisa zvivi panyika kotevera zuva rechinomwe reZororo rakamirirwa kwenguva refu, Sabata raMwari. Makore 1000 eRugare apo Jesu anotonga nyika.

Izvi zvakazadzisa Zano raMwari raive rakanganiswa naSatani muEdeni.

Zvinoreva kuti Satani anogona kunonotsa Zano raMwari asi haagoni kumisa Zano raMwari.

VAHEBERU 4:5 Napano zve: Havangapindi muzororo rangu.

“Vanga” zvinoreva kuti pamwe.

“Zororo rangu” zvinotiyeuchida kuti zororo rekutanga raive raMwari paakazorora Zuva rechinomwe, makore 1000 achava Mereniyamu kwatiri vanhu asi achava Musi mumwe kuna Mwari. “Zororo rangu” zvinoreva kuti nderaMwari kwete redu.

Saka, Mwari ega anogona kutitendera muzororo Rake. Hatigoni kupinda muzororo nekushingaira kwedu.

“Zororo” rinosanganisa nhanho mbiri.

Tinofanira kutanga kuwana zororo kubva kuzvivi mukati mehupenyu huno kuti Mwari atipe miviri yekubwinya inogona kurarama makore 1000 muHushe hweRugare. Ndiro Zuva rezororo rekupedzisira kana Musi weSabata.

VAHEBERU 4:6 Naizvozvo, shoko zvarichipo kuti vamwe vachapinda pariri, vuye kuti avo vakaparidzirwa Evhangeri kare havana kupinda nokusaterera kwavo,

Kutenda kweTestamente yekare kwakaparidzwa kumaJuda nemaprofita asi vakatadza kutenda zvese zvaive muTestamente Yekare. Ndicho chikonzero nei chero vadzidzi, pavakatevera Jesu, vaive vasingazivi kuti aifanira kufira zvivi zvedu ozomuka zvakare kubva kuvakafa. Vakanetseka kugashira kuti Jesu akamuka kubva kuvakafa. Vaive vasina kufungira kuti Messiasi aizoponesa rudzi rwevanhu kubva kuzvivi nekusuka zvivi zvesu neRopa rake ari Gwaiana rechibairo.

Kuzorora kubva kuzvivi tinofanira kusiya zvivi zvedu kuti tishaiwe chido chekutadza. Asi izvi hazvisi zvinhu zvatisingagoni kuita. Pachiso chezvivi, isu vanhu hatina simba. Mwari ega ndiye anogona kutiitira izvozvo.

Tinoda Mweya Mutsvene waKristu kuti ugare mumoyo yedu kana tichida kurasa rudo rwekuita zvakaipa. Moyo wakatendeuka unova chigaro chaKristu panyika.

Asi chivi chaicho kushaiwa kutenda. Kushaiwa kutenda kune zvakanyorwa muMagwaro motadza kunzwisisa Zano raMwari.

Saka, maJuda akaputsa ega mirairo yawo yakawanda pavakasunga nekutonga Jesu zvisina kufanira.

Chiprista chaAroni chakaguma apo Kefasi muprista mukuru akabvarura nguwo dzake.

MATEO 26:65 Ipapo muPirisita mukuru akabvarura nguvo dzake akati wamhura Mwari! Tichatsvakireiko zvapupu? Tarirai manzwa zvino kumhura kwake.

Aroni nevanakomana vake vaive maprista makuru ekutanga.

REVITIKO 10:6 Zvino Mosesi akati kuna Aroni nokuna Ereazari nokuna Itamari, vanakomana vake, "Musasunungura vudzi remisoro yenyu, kana kubvarura nguvo dzenyu, kuti murege kufa, naiye arege kutsamwira ungano yose;

Nekusatenda kwavo, kushaiwa kutenda mune zvimwe zvikamu zveTestamente Yekare zvaisavaitira, maJuda akaguma auraya Messiasi akauya kuzovaponesa.

MaJuda akatasira zviitiko zvaimawira. Vaive vakurirwa neruvengo rwavaive narwo kuvaRoma vechipegani vaive vaakuda Messiasi anouya nezvematongerwo enyika kuti adzingire maRoma kunze kweNyika yeChipikirwa. Vakabvisa meso avo paMagwaro vakarasa mukana wezororo raMwari nekuramba Messiasi wawo aive akazvininipisa aiparidza achipokana nezvivi.

VAHEBERU 4:7 unotara zve rimwe zuva, achiti muna Davidi, Nhasi nguva huru yakadai yapfuvura, sezvakwakambotaurwa kare, zvichinzi, Nhasi, kana muchinzwa inzwi rake, musawomesa moyo yenyu.

Bhaibheri ndiro “Izwi raMwari.”

63-0630 EKSODO (RWENDO) YECHITATU

... nekuti vanogona kunzwa zvakajeka Izwi raMwari, richidana, kupfurikidza Shoko rake.

... tererai Bhaibheri, Izwi raMwari richikudaidzai zuva ranhasi.

63-1110 UYO ARI MAMURI

Tendai Mharidzo yese. Tendai izvozvo. Kana zvisiri, kana zvisina kunyorwa muBhaibheri, musatenda mazviri.

Mwari anoshanda nezviri kuitika parizvino. Anozvidaidza kuti “Ndini”. Anoda kuti titende nekumutevera nhasi uno.

“Izwi raMwari” ndiro Bhaibheri reKing James rinotiudza ndangariro dzaMwari.

Musavimbe nezvakaitika zvikadarika muhupenyu hwenyu. Hakuna chikepe chinofamba nemhepo yanezuro.

Mashumiriro atinoita Mwari nekutenda muna Mwari kwatinoita ndizvo zvinoverengwa.

57-0901 VAHEBERU CHITSAUKO CHECHINA

Zvino, mune sarudzo yakasumunguka. Mwari vanodzoka kwamuri, vanoti, “Kana manzwa Izwi Rangu? Musaomesa moyo yenyu, semumazuva ekutsiurwa.” Pano anoburuka, achiparidza Shoko.

“Evangeri rakaparidzwa kwavari raive risiri ... havana kutenda mariri, saka harina chakanaka charakavaitira.” vakarinzwa, asi havana kutenda mariri.

Mwari vakaburuka. Vakavaratidza Shongwe dzomoto. Vakavaratidza kupfurikidza vaprofita vavo, mashura nezviratidzo, aive aive pakati pavo. Havavana kuzvitenda. Oh, vaida kwazvo kuona minana. Vaida kunzwa maprofita. Asi kutenda mazviri, havana. Kurarama kwavo kwakaratidza kuti havana.

... Kana akanzwa “Izwi renyu”, musaomesa moyo yenyu. Imi munoti, “Hongu, Ishe, ndinotenda.” Mobva mapinda muHupenyu, Mweya Mutsvene wopinda mamuri. Mweya wenyu mutsaru unofa, unoita kuti muchive nekuvenga, nekunyeya nekuzvidza, nekuvenga nezvinhu zvese zvakaipa, zvinofa. Munobva mazadzwa nerudo, mufaro, zororo. Zvisinei nekuti mhepo dzinovhuvhuta sei, zvakanaka zvakadaro.

... Moti, “Ishe, Ndi ... ndisina shungu, asi ndinongonzwa chimwe chinhu chinondiudza kuti, ‘Ndinogona kuzviita ikozvino, nenyasha dzenyu.’ ndakugamuchirai saIshe naMuponesi wangu. Ndiri kuramba zvinhu zvese zvenyika ino, ndinoda kupinda muZororo renyu. Ndinotenda kuti ndiri kuzviita ikozvino. Ndinotenda kuti Mweya Mutsvene uri kunditungamirira munzvimbo iyoyo.

57–0901 VAHEBERU CHITSAUKO CHECHINA

“Zvino,” Akati, “Musawire mumufananidzo mumwechete wekusatenda.” Nekuti mumazuva ano ekupedzisira, kukereke yevaHedeni, Mwari ari kuonekwa zvakare; chiratidzo chimwechete, shura rimwechete, Shongwe imwechete yeMoto, ichiratidzwa, ichionekwa. Ngatisaomesei moyo yedu tichiwira mumuedzo kumashure, kusatenda, nekuti tinoworera panyika zvotopererapo.

Kana Mweya Mutsvene ukagogodza mumoyo mako, [Hama Branham vanogogodza papurupeti] “Mumashure menguva refu, mukanzwa Izwi Rangu, musaomesa moyo yenyu.” Akati, “Mwanangu, ichi ichokwadi.” musatarise mutumwa. Tererai Mharidzo. Moitenda. “musaomesa moyo yenyu, sepazuva rekutsiurwa.”

... kana akanzwa “Izwi renyu”, musaomesa moyo yenyu. Imi munoti, “Hongu, Ishe, ndinotenda.” Mobva mapinda muHupenyu, Mweya Mutsvene wopinda mamuri. Mweya wenyu mutsaru unofa, unoita kuti muchive nekuvenga, nekunyeya nekuzvidza, nekuvenga nezvinhu zvese zvakaipa, zvinofa. Munobva mazadzwa nerudo, mufaro, zororo. Zvisinei nekuti mhepo dzinovhuvhuta sei, zvakanaka zvakadaro.

Jesu haana kubvira ati zororo rake raive zuva remaawa 24 evhiki redu

VAHEBERU 4:8 Nokuti dai Jesu akanga avapa zororo, haazaizoreva rimwe zuva pashure.

Hakuna muzano raMwari chakayananiswa nemusi uri mumwedzi wepakarenda reRoma yemaHedeni. Izvi zvinongotiunza pakuva vasungwa vezvitendero netsika.

VAGARATIA 4:9 asi zvino, zvamunoziva Mwari, zvikuru zvamunozikamwa naMwari modzokerazve seiko kune zvokuvamba zvisine simba, zvovurombo, muchida zve kutanga kuva varanda vazvo?

10 Munochengeta misi nemwedzi, nenguva namakore.

Musi. Musi wa25.

Mwedzi. Zvita.

Nguva. Nguva yeKisimusi.

Gore. Gore rega rega.

Mhemberero hurusa yemakereke iKisimusi, asi mutambo uyu unorwisa zvakanyorwa naPauro.

Kisimusi izwi risimo muMagwaro. Bhaibheri harina kubvira ratiti tipemberere kuzvarwa kwaJesu.

Hatizivi zuva rakazvarwa Jesu nekuti Mwari aisada kuti kuzvarwa kwake kupembererwe. Asi nguva yakapoteredza AD 350, Pope Jurio I, nekutaura nhema hurusa, akati waive musi wa25 Zvita. Jurio I akafa muna AD 352. Chaive chaitwa naPope Jurio I chete kwaive kutevedzera zuva rakazvarwa mwari wezuva wemaRoma, Sol Invictus zvinoreva kuti Zuva Risingakundiki. Mubati weRoma yemaPegani Aurelian akanga aita 25 Zvita zuva rakaberekwa mwari wezuva mugore AD 274.

Vanhu vose vari vaviri ava vakaronga zuva remusi wa 25 Zvita vakafa chinguvana mumashure mekugadza zuva iri. Mhemberero dzekuzvarwa kwevanhu mbiri chete ndidzo dzakataurwa muBhaibheri, dzaFarao nedzaHerode. Pamhemberero idzi dzese paiuraiwa vanhu. Hapana muMagwaro patakanzi tipemberere kuzvarwa kwemunhu.

VAGARATIA 4:11 Ndinotya pamusoro penyu, kuti zvimwe ndakabate-basa kwamuri pasina.

Zuva rakazvarwa Jesu harizivikanwe asi kereke yakamugadzirira zuva rekuzvarwa.

Rudzi rwekusatenda urwu nekubatana kwechiPegani nechiKristu zvinoita kuti Pauro atye kuti kereke yanhasi nechiKristu chechichechi chechi (chikristu chemakwikwi) kutambisa nguva yake.

Tinofanira kudzokera kunotenda zvakatendwa nemaKristu ekutanga eTestamente Itsva. Havana kubvira vapemberera kuzvarwa kwaKristu.

Hazvishamisi kuziva kuti hakuna zvakaprofitwa kana mufananidzo wenguva yekupedzisira unotaura zvakanaka pamusoro penguva yekereke yekupedzisira.

“Zororo” rakavimbiswa naJesu harisanganisiri kusashanda zuva rimwechete pavhiki.

Zororo raJesu rubapatidzo rweMweya Mutsvene runotiita kuti tizorore kubva kuzvivi nekubvisa rudo rwekutadza matiri. Rubapatidzo rweMweya Mutsvene runozarura meso edu kuzaruriro dzezvakavanzika zveBhaibheri.

Kutenda nekuteerera Bhaibheri (Shoko raMwari) ndiro rega suwo ratinogona kupinda naro mumakore 1000 eHushe hweRugare Sabata raMwari rekupedzisira.

Ndicho chikonzero nei Jesu ari Shoko raMwari uyezve Suwo reDenga.

57-0901 VAHEBERU CHITSAUKO CHECHINA

Musamuedza, semumazuva ekupomerwa. Musafunge kuti nekuti tinoenda kumakereke musi weSvondo, nekuchengetedza Sabata. Pauro akati, “Munochengeta mazuva, mwedzi, nezvimwe zvakadaro, ndinotya nemi. Murairo uri mumvuri wezvinhu zvakanaka zvinouya, kwete mufananidzo chaiwo wechinhu chacho, haugoni kuita kuti kunamata kwedu kururame.” Asi Kristu anokururamisai, kururama mumeso aMwari. Anobvisa zvivi, anobvisa kuzvidzwa kwamuri, anokupai rudo rwake nemufaro.

57 -0901 VAHEBERU CHITSAUKO CHECHINA

Zvakanaka, kana aida kuti vachengete Sabata, angadai akataura kuti, “Rambai muchichengetedza zuva rechinomwe. Asi zvino ndava kuda kuti muchengetedze Svondo, zuva rechisere” Kwete. Haana kubvira ataura izvozvo.

57-0901 VAHEBERU CHITSAUKO CHECHINA

Kugoverwa kunoshanduka naJesu Kristu: kubva kuMurairo kuenda kunyasha, kubva kumabasa kuenda kunyasha, kubva kuzvinhu zvamunoita kuenda kuzvinhu zvinoitwa naMwari, pamusoro pekuita kwenyu kana kuita Kwake. Zvinoshanduka.

VAHEBERU 4:9 Zvino zororo resabata ravanhu vaMwari richipo.

MATEO 11:28 Vuyai kwandiri imi mose makaneta makaremerwa. Ini ndichakuzorodzai.

ISAYA 28:11 Zvirokwazvo achataura norudzi urwu navanhu vane miromo yorumwe rudzi, norurimi rwokumwe;

Izvi zvakaitika Musi wePentekositi apo kereke yakagamuchira Rubapatidzo rweMweya Mutsvene.

ISAYA 28:12 Akati kwavari: zororo riri pano, zorodzai vakaneta; pano ndi’po panokutonhorera; asi vakaramba kuterera.

57 -0901 VAHEBERU CHITSAUKO CHECHINA

Ndizvo zvamunowana, munoronga zvenyu. “Oh,” munoti, “hatisi sangano rakarongwa.” hongu, muri. Pachokwadi mutori. Munoti, “Tiri ruwadzano.” hongu, kune chero munhu anopinda nepasuwo achidzidzisa nenzira yamunotenda, zvakanaka. Asi, chekutanga, hamugoni kumukandira kunze, asi anogona kuiswa pasi peshamhu nekuda kwehukama. Ndizvo chaizvo. Oh, mune nzira yekuita zvinhu.

Kukanganisa kwemakereke kutadza kwavo kuterera kana vachigadziriswa. Kana munhu akapokana navo munhu iyeye anotukwa oshaiswa rugare mundangariro.

Saka, kereke haigoni kugadziriswa. Ichi ndicho chikonzero chikuru nei Bhaibheri risina chakanaka charinotaura pamusoro penguva yekereke yekupedzisira pazviprofita nemifananidzo yenguva yekupedzisira.

57-0901 VAHEBERU CHITSAUKO CHECHINA

Jesu aiziva kuti achava mugari wenhaka yeHushe munguva huru yeMereniyamu, apo Hushe hwake huchauya. “Zvichaitwa panyika sezvazvinoitwa Kudenga.” kuchange kusisina matambudziko. Kuchange kusisina kudhakwa. Kuchange kusisina kuchiva. Kuchange kusisina hupombwe. Kuchange kusisina rufu. Kuchange kusisina marwadzo. Achave mugari wenhaka yehushe kumarudzi ese. Ndevake vose. Ndizvo chaizvo. Ndevake, achava mugari wenhaka. Asi Satani anavo kwechinguvana, ndinhasi, patiri kurarama pano.

VAHEBERU 4:10 Nokuti uyo wakapinda muzororo rake, wakazorora iye amene pamabasa ake, saMwari panaake.

Rubapatidzo rweMweya Mutsvene runotisiisa mabasa edu, mabasa edu ezvivi.

Mweya Mutsvene unoitawo kuti tibve kumabasa ezvitendero zvedu atinoita nemazano edu isu vanhu kuti tinamate nekubatira Mwari.

Ngoma hadzina kubvira dzataurwa muBhaibheri. Asi nhasi, mimhanzi yatova nheyo dzekereke.

Tinofanira kuzorora nenzira imwe yakazorora naMwari.

Mwari akaita basa rake, akazorora, haana kuzodzokerazve kwariri.

Zororo iri harizi zororo kubva kumabasa emaoko zuva rimwechete pavhiki, nekuti tinofanira kudzokera kunoshanda zvakare zuva rinotevera.

Asi kana Mweya Mutsvene ukatipa zororo kubva kuzvivi zvedu netsika dzedu dzemakereke dzakaitwa nevanhu, hatizodzokeri kumabasa edu enyama zvakare.

57-0901 VAHEBERU CHITSAUKO CHECHINA

Zororo chii? Zororo rakauya riini? Pakataura vanhu nedzimwe ndimi nemiromo yaindandama. Miromo yaindandama; havana chavakataura. Vakandandama. Izvi zvakaitika riini? Pazuva rePentekositi, panouya Mweya Mutsvene. Ndiro zororo: Mweya Mutsvene. Jesu akati, “Huyai Kwandiri, imi mose makaneta makaremerwa, ndichakupai Zororo. Ndichakupai Hupenyu, Hupenyu husingagumi,” Zoe, Hupenyu hwake iye Mwari pachake. Mwari achauya mamuri ova chikamu chenyu. Achakupai kuzvarwa kutsva okuitai vanakomana nevanasikana vake.

57-0901 VAHEBERU CHITSAUKO CHECHINA

Zvino tarirai. Yaive zororo yechitatu yaakapa.

Yekutanga: Mwari akaigamuchira, kubva pamabasa ake.

Yechipiri: vaIsraeri vakaigashira, mumurairo.

Yechitatu: Kereke yakaigamuchira, iri chikamu chaiye Mwari pachake.

Chiverengo chechitatu chiverengo chehupenyu. Vangani vanozviziva? Pese pamunoona chetatu, hupenyu. Tarirai, Mwari paakasika nyika, pazuva retatu ndipo pakava nehupenyu. Vangani vanoziva izvi? Zuva rechitatu. Kwakauya hupenyu pazuva rechitatu rekusika.

Tiriniti: Baba vaive pamusoro pevanhu, muShongwe yoMoto: Mwanakomana weMunhu, akataura nevanhu akaita kuti vagadzirire; Mweya Mutsvene waive nhanho yechitatu, yaive Mweya Mutsvene, Mwari mukati mevanhu vake. Hupenyu! Baba, Mwanakomana.

Kuzara, kwaMwari; kwevaJuda; neZororo rekereke yese, inochengetedza Sabata.

Ndine Zororo, kwete nekuti ndinonamata musi weSvondo, kwete nekuti ndinonamata paSabata. Hazvina chekuita naizvozvo. Ndinonamata nekuti ndakapinda murugare neZororo rake: rugare, zororo, rudo, nemufaro. Regai mhepo dzisimuke. Murwiri wangu amire.

 Gwaiana harisati ratora Bhuku

Tinogona kunyengerwa zviri nyore kana tikangotarisa zvakabatwa paitaura vanhu.

Hama Branham dzimwe nguva vaitaura kuti Mukuru wemauto eRoma yechipegani Tito akaparadza Jerusarema neTembere mugore AD 96. Handiwo mazuva acho azvakaitika. Dzimwe nguva hama Branham vaitotaura mazuva echowadi egore AD 70.

Hamugoni kungofamba nezvakataurwa kana muchida kusimbisa chokwadi.

Ibasa rakaoma kudzidza Bhaibheri nekuritevera zvakazara.

VAHEBERU 4:11 Naizvozvo ngatishingaire kuti tipinde muzororo irero, kuti munhu arege kuvapo unozowa achitevera nzira iyo yokusaterera.

Bhaibheri ibhuku huru rinoda kudzidzwa zvakasimba. Pane kumwe kuverenga zvikamu zvatinofarira zveBhaibheri zvisingatiratidzi chokwadi chizhinji. Zvikamu zvinorambwa zveBhaibheri zvinofuratirwa nekereke zvinobata chokwadi chizhinji chinodiwa kutitungamirira nhasi uno.

America inotungamirira pasi rese pamweya kubva mugore 1906 kusvika mugore 1965, pavakawira mukukanganisa kwemweya nekuramba vakatarisa pakuturikirwa kwezvakataurwa pachinzvimbo chekushandisa zvakataurwa kuzivisa zvinoreva Magwaro.

Vaparidzi veMharidzo kuAmerica, vanotevera William Branham, vakakanganisa zvikuru pavakatenda kuti zaruriro yeZvisimbiso zvinomwe ndiko kwaive kuzarurwa kweZvisimbiso. Izvi zvakaitika chete kuna Zvakazarurwa Chitsauko 6 Kudenga mumashure mekunge Mwenga atorwa kukwira Kudenga kuna Zvakazarurwa Chitsauko 4.

AMOSI 3:7 Zvirokwazvo, Ishe JEHOVA haangaiti chinhu, asina kumbozivisa varanda vake vaporofita zvakavanzika zvake.

Kana Hama Branham vakazarura Zvisimbiso Zvinomwe, ndiyani akazivisa Zvisimbiso izvi zvisati zvazarurwa?

Kukanganisa kunokura sehutachiwana. Vakabva vadaidza hama Branham kuti Izwi raMwari. Nenzira iyoyo vakakwanisa kuvaka dzidziso dzavo nekuwana zvakataurwa zvakafanira kuturikira kwavo kwavanoita zvakataurwa. Hakuna zvakataurwa neTestamente Itsva zvinotsigira kutaura kwekuti Izwi raMwari. Hama Branham vakataurwa vachinzi izwi remutumwa wechinomwe muBhaibheri. Hatigoni kushandura zvakanyorwa.

Muprofita mwanakomana wemunhu. Jesu Kristu chete ndiye Mwanakomana weMunhu. Saka, vaparidzi veMharidzo vakadaidza hama Branham kuti aive mwanakomana wemunhu, zvaizovaita Mwari.

Kukanganisa kunobereka kumwe kukanganisa kuzhinji. Vakatenda kuti Mutumwa wekuna Zvakazarurwa 10 akauya panyika Hama Branham varipo kuti azarure Bhuku. Hama Branham havana kubvira vataura kuti Mutumwa akaburuka kuti azarure Bhuku nekuti vakati Mutumwa akaburuka kuzomutsa vakafa vaTsvene veTestamente Itsva.

Zvakadaro, Bhaibheri rinoshandisa chikamu chechipiri chaZvakazarurwa 13, chinotsanangura America, kutiudza pamusoro pechiratidzo chechikara. Kusukurudzwa pfungwa nezvitendero zvakaitwa nevanhu, vaparidzi vemharidzo vanosimudzira hama Branham kuvaisa pahuMwari. Voshandisa zvaakataura kutsiva Bhaibheri reKing James Izwi raMwari rechokwadi parinotiudza ndangariro dzaMwari.

Bhaibheri ndiro Shoko raMwari saka ndiro Izwi raMwari nekuti Izwi rako rinotaura mashoko ako.

Magumo emafungiro enzira iyi anosarudza zvakataurwa ndeekuti vanonyepedzera kunzwisisa zvakavanzika zveMagwaro zvisina kunyorwa zvakafanana neKutinhira kunomwe, Chisimbiso chechinomwe, nezita idzva raJesu.

Zvakadaro, mapoka akasiyana siyana anovambwa pavanotadza kuwirirana pamusoro pekuturikira kwese uku kwavanoita zvinhu zvisina kunyorwa. Zvakadaro, kune mavhezheni mazhinji emharidzo apo vaparidzi vakasiyana vanoshingirira kuratidza kungwara kudarika vamwe. Hama Pearry Greene vakati vakanga vanzwa pamusoro pemavhezheni anodarika 27 eKutinhira. Mazita matsva aJesu andakanzwa anosanganisira William Marrion Branham, Ishe Branham Kristu, Gondo Jena, Hupenyu, Shoko, uye zvinoshamisa “Ishe Jesu Kristu” apo vaparidzi vemharidzo vanotenda izvi vanoti “Ishe Jesu Kristu” havana kubvira vaonekwa muBhaibheri. Havatoverenge Bhaibheri zvakanaka vanhu ava.

Vaparidzi vakachenjera vanoramba vachigadzira mazano akachenjera anoramba achipatsanura mharidzo kuita mapoka akasiyana siyana ane rudo rushoma kwazvo pakati pehama.

Vakatarisira pasi chinhu chikuru chekuti Zvisimbiso zvisati zvazarurwa, zvinofanira kutanga zvaziviswa nemuprofita wenguva yekupedzisira.

Garai muchirangarira kuti Kutinhira kumwechete kunouya kana Chisimbiso chekutanga chazarurwa hakusati kwaitika.

Tichiwedzera, mutumwa haasati aburuka neBhuku rakazarurwa. Saka, Bhuku harisati razarurwa chero zvazvo zvakawanda zveBhuku zvakaziviswa nehama Branham.

ZVAKAZARURWA 6:1 Zvino ndakavona Gwaiana richizarura chimwe chezvisimbiso zvinomwe, ndikanzwa chimwe chezvisikwa zvipenyu zvina chichiti nenzwi romutinhiro: Vuya uvone.

Kana kutinhira kumwechete kusati kwareva zvinoreva kuti Chisimbiso Chekutanga hachisati chazarurwa.

Zvisimbiso zvinozarurwa nemurongo wakateverana. Saka, kana chisimbiso chekutanga chisati chazarurwa, zvinoreva kuti hakuna chero chimwe chakazarurwa.

65-1127 NDAKANZWA ASI ZVINO NDAKUONA

Kuna Mwari akanaka, munguva ino, ichava nguva yakaita saiyoyi pakuchava nekutinhira rimwe zuva, Mwanakomana waMwari achaburuka kubva kudenga neKudanidzira, nenzwi reMutumwa Mukuru, hwamanda yaMwari icharira, vakafa muna Kristu vachamutswa.

Mwedzi umwechete vasati vashaika hama Branham vaive vachiri vakatarisira Kutinhira kumwechete kunozarura Zvisimbiso Zvinomwe. Vaive vachiri vakamirira Mutumwa kuti aburuke amutse vakafa.

64 -0119 SHAROMI

Uye kana Mukuru wemasimba ose aburuka akaisa hoko iyoyo pasi, ipapo, “nguva haizovapo.” Kana Mutumwa, wekunaZvakazarurwa chitsauko 10, akaisa tsoka yake imwe pamusoro penyika imwe pamusoro pegungwa, nemurarabungu pamusoro pake, Anopika, “Nguva haizovapo zve.”Kana nguva iyi yasvika, muchamutswa kubva pakati pevakafa. Apo vamwe vese varere pakadaro apo, imi munobva mapinda.

Mutumwa mukuru haasi kuburuka kuzozivisa zvakavanzika.

Zvakavanzika zvakaziviswa nevatumwa vanomwe.

Vaive vamboita gore guru remweya pamusoro peguta reFlagstaf kuArizona.

Mutumwa mukuru achauya chete MUMASHURE mekuziviswa kwezvakavanzika.

Mutumwa mukuru anoburuka panyika kuzomutsa vakafa vatsvene veTestamente Itsva. Haauye kuzozarura Bhuku.

63-0320 CHISIMBISO CHECHITATU

Mutumwa wechinomwe, kana akareva, zvakavanzika zvaMwari zvese zvichaziviswa nekureva kwake. Ipapo Mumashure mekuziviswa kwazvo, Mutumwa anoburuka kubva Kudenga, anova Kristu (Zvino rangarirai, mutumwa uyu anenge ari panyika, nhume). Kristu anobva aburuka (Munomuona kuna Zvakazarurwa Chitsauko 10.) akaisa tsoka imwechete panyika imwe mugungwa, murarabungu pamusoro wake, meso, akaita --- netsoka sembiru dzomoto nezvimwe, anosimudza ruvoko rwake opika neuyo anorarama nekusingaperi ari pachigaro chehushe, kuti nguva haizovipo zve.

Kana apika, Kutinhira kunomwe kunoreva mazwi ako,

... akaenderera mberi akati, muzuva Kutinhira kunomwe KUSATI kwareva, zvakavanzika zvese zvichaziviswa.

63-0320 CHISIMBISO CHECHITATU

Anotibatsira kuzivisa, kuzarura Chisimbiso ichi.

Hama Branham vanozarura Zvisimbiso iri zaruriro yekutiudza kuti zvinorevei.

Vaiona zviri munguva inouya kuzarurwa kweZvisimbiso zvinomwe kwakaitika apo Mwenga aive ava kudenga, muchiratidzo. Vakadzoka kunotiudza zvavaive vaona. Saka, tinoziva kuti tichaonei kana Zvisimbiso zvazarurwa.

Asi Kutinhira kumwechete hakusati kwareva.

Chisimbiso chechina chakafanoziviswa nekuti zvaive zvisati zvaitika sezvo chinobata nguva yeKutambudzika kukuru.

Chisimbiso chechitanhatu chinozarurwa chete nemaprofita maviri echiJuda munguva yeKutambudzika kukuru.

Chisimbiso chechinomwe hachisati chazaruka.

Nekudaro zvinhu izvi zvose, Zvisimbiso zvinomwe hazvisati zvazaruka.

Takaudzwa pamusoro pechiratidzo chekuzarurwa kwazvo chakaonekwa nehama Branham. Saka tine muono wekuti Zvisimbiso zvinomwe zvii.

Tarirai zita reBhuku reZvisimbiso Zvinomwe rakatanga kunyorwa.

Raidaidzwa kuti Zaruriro yeZvisimbiso Zvinomwe kwete KUZARURWA kweZvisimbiso Zvinomwe.

Runyoro rudiki ruri pazasi rwunoti, “Asi nemazuva enzwi remutumwa wechinomwe, ...”

Zvinhu zvaive zvichiri kubva muMagwaro zvakazara mazuva iwayo asi parizvino zvinhu zvashanduka kuitwa “Izwi raMwari” risina kubvira ravimbiswa muTestamente Itsva.

Chisimbiso chechina Chisimbiso chakafanotsanangurwa.

Zvinotsanangura Nguva yeKutambudzika kukuru yatinoziva zvishoma kwazvo pamusoro payo. Hama Branham vaive vasingatenderwi kuparidza pamusoro pehwamanda nomwe nekuti dzinosananisira makore matatu nehafu eKutambudzika kukuru isina chekuita nesu.

63-0321 CHISIMBISO CHECHINA

Akatasva bhiza rakacheneruka pakuonekwa kwake akatasva kekupedzisira. Ari panerekupedzisira izvozvi.

Zvino, izvozvo hazvisi mumazuva edu. Zvichave pasi.

Chisimbiso chakafanotsanangurwa.

Nekuti, onai, kereke inenge yapedza kukwira kudenga pachaitika izvi.

Kana Mwenga Kudenga akateerera Zvisimbiso zvinomwe zvichizarurwa kuna Zvakazarurwa Chitsauko 6 Kutambudzika Kukuru kuchange kuri panyika. Ndicho chikonzero nei maprofita echiJuda maviri achagona kuzarura Chisimbiso chechitanhatu pano panyika sezvo ichave nguva yakanaka yekuzarura chisimbiso cheChitanhatu. Kuzarurwa kwechisimbiso chechitanhatu hakusi kuzotaura nezvacho, kuchave kusunungurwa kwesimba guru rekuparadza kwemamiriro ekunze.

Hama Branham vakagona kudzikamisa madutu akaipa dzimwe nguva. Asi havana kubvira vasunungura zviitiko zvinoparadza zvakamiririrwa nechisimbiso chechitanhatu.

Maprofita maviri echiJuda chete ndivo vachagona kuzarura Chisimbiso chechiTanhatu.

63-0323 CHISIMBISO CHECHITANHATU

Zvino maprofita maviri amire pano neshoko raMwari vachiita chero chavada nemamiriro ekunze, vachizunguza nyika. Zvichiratidza kuti ndiyeni anozviita. NdiMosesi naHerija, ‘nekuti ndihwo hushumiri hwavo huri kumutswa zvakare; varume ava vose vari vaviri. Oh, maiwe. Mazviona here manje? Tarirai kuti Chisimbiso chechiTanhatu chii? Ndivo maprofita maviri.

Zvino,tarirai. Musarega zvichikukanganisai, asi tarirai kuti chii chinozarura Chisimbiso: maprofita. Mazviona? Ameni. Muripo. Oh, tiri kurarama munguva yegondo, hama, masimuka muri pakati pemakore. Vazarura Chisimbiso chechiTanhatu. Vane simba rekuzviita. Ameni. Ndicho chisimbiso chenyu chechiTanhatu chichizarurwa. Mazviona?

... zvino pano chisimbiso cheChitanhatu chazarurwa, vanoti, “Zvakanaka, chinhu chakavanzika. Chinotii?” Pano pane chakavanzika chacho, maprofita,’nekuti Bhaibheri rinotaura kudaro. Vanogona kuchizarura chero nguva vaka ... vanogona kuita chero chinhu chavanoda nemamiriro ekunze. Vanoita chinhu chimwechete chavakaita ‘nekuti vanoziva kuti vanozviita sei. Amen. Ngaarumbidzwe.

Ndikaona izvozvo, ndinosimudza chigaro ndotanga kufamba ndichikwira nekudzika. Ndinofunga, “Ishe, ndinokutendai nei, Baba veKudenga.” Ndizvozvo zviripo. Ndizvozvo. Vakazarura Chisimbiso chechiTanhatu. Amen.

Chisimbiso chechinomwe hachina kubvira chazarurwa sezvo chiri chakavanzika chikuru, Kuuya kwaIshe.

64-0719 MUTAMBO WEHWAMANDA

Chisimbiso cheChinomwe hachisati chazarurwa, munozviziva. Ndiko Kuuya kwake.

63-1110 MWEYA IRI MUHUSUNGWA PARIZVINO

Chisimbiso chechinomwe chinomudzosa panyika.

Kristu haasati adzoka panyika.

60-0331 KUBVA PANGUVA IYOYO

Zvino, dai Jesu ari pano, manheru ano ari mumuviri unoonekwa, zvingadai zvakaipa. Kana Jesu Kristu akamira papurupeti pano husiku hwanhasi, Jesu Kristu weKudenga, anomira papurupeti ino husiku hwanhasi achitaura kuti ndiye Jesu Kristu, anenge ari antikristu. Anenge ariiye. Nekuti panouya Jesu chaipo, Kukwira Kudenga mukubwaira kweziso kunoitika.

NGUVA YEKEREKE YERAODIKIA BHUKU RENGUVA DZEMAKEREKE

Zvino mharidzo yemuprofita wezuva rino rekupedzisira ichava nesimba guru pamberi paMwari zvekuti

Pachave nevaya vanomukanganisa naIshe Jesu.

64-0830 MIBVUNZO NEMHINDURO.3

Kundiita munhu waIshe Jesu Kristu, ndinova antikristu

Kusimudzira William Branham kumuisa muhuMwari huantikristu. Tiri kuyambirwa. Zvakaipisisa izvozvo kuti tizviite nhasi.

57-0901 VAHEBERU CHITSAUKO CHECHINA

Makaona here kuti United States ine chiverengo chechigumi nenhatu mune zvese zvainoita? Munoziva yakatangwa nenyika dzakatapwa dziri gumi nenhatu? Munoziva kuti mureza wayo une nyeredzi gumi nenhatu kutanga? Munoziva kuti zvese zvinoitwa nenyika yeUnited State zvine chiverengo gumi nenhatu? Munoziva here kuti inoonekwa muBhaibheri kuna Zvakazarurwa 13? Hongu iriko. Chisikwa chipenyu chiduku, gwayana rinobuda kubva mumvura, kwete kukura nekuwanda kwevanhu, ... kwete kubva mumvura, asi kubva panyika pasina vanhu. Ine nyanga mbiri duku: masimba ezvehurumende nezvechitendero. Aive gwayana; rusununguko rwezvechitendero. Mumashure mechinguvana, vakaenda vese akataura sechikara nekuita zvese zvakaitwa kwaari neRoma. Zviri kuuya kunyika yedu. Zvinyorei pasi. Munoona kumubatanidzwa wemakereke neCatholic zvichibatana. Ongororai mugoona zvichaitika.

Vanhu vanotevera Shongwe yomoto vachasangana nenguva dzakaoma, asi vanenge vakwanira kushandurwa panguva idzodzo, ndizvo chaizvo, vakwanira kuenda. “Nekuti Gwaiana rakakurira,” ndizvo zvinotaura Bhaibheri, “nevanomutevera, nekuti vakadanwa vakasarudzwa vakatendeka, vasanangurwa vaMwari.”

ZVAKAZARURWA 13:15 Chakapiwa masimba okupa mufananidzo wechikara mweya, kuti mufananidzo wechikara utaure, chiraire kuti vose vasinganamati mufananidzo wechikara vavurawe.

Mari ndiro ropa rinofamba nehupenyu mumasangano.

America ine mari yakakwana kusimbisa kuuya pamwechete kwemasangano anopikisa chiCatholic kuti aite kereke imwechete hurusa inozivikanwa semufananidzo wechikara chekereke yeRoman Catholic. Chero munhu asinganamati mumakereke aya achaparadzwa nemakereke asiri maCathoic aya. Hakuna hupikisi huchatenderwa. Muchamanikidzwa kutenderana navo kana kuti munoiswa pasi peshamhu (sezvinoitwa nhasi) nguva yozouya yekuti munozourawa nemakereke.

Mugore 2022 mudzvanyiriri weRussia Putin akaita kuti vanhuwo zvavo veRussia vaende kuUkraine kunouraya vagari vemo, vakadzi nevana. Ndiko kuratidzirwa kwezvichaitika kuMwenga, kunze kwekunge Ishe vaita kuti mazuva ave mapfupi.

Asi mumashure mekuenda Kudenga kweMwenga, simba rekuparadza remakereke rinosunungurwa pamusoro pevasikana mapenzi (vakanyengerwa nevatungamiri vemakereke avo) pavanouraiwa munguva yeKutambudzika Kukuru.

Kuti tipesane nenguva yeKutambudzika kukuru tinofanira kutevera Magwaro zvakazara

VAHEBERU 4:12 Nokuti shoko raMwari ibenyu, rinesimba, rinopinza kukunda munondo unocheka kumativi maviri, rinobaya kusvikira panoparadzana moyo nomweya, namafundo nomongo; rinotonga mifungo nendangariro dzomoyo.

Bhaibheri rinotiudza musiyano uri pakati penhau dzakasiyana siyana zvakajeka.

Musiyano uri pakati peZvisimbiso zvichizarurwa kudenga naJesu nezaruriro yeZvisimbiso inouya nevatumwa vanomwe zvakatsanangurwa nehama Branham.

Gore rinoshamisa raive chiratidzo cheMwanakomana weMunhu Kudenga. Raive chiratidzo chechiitiko chakakosha kwazvo, chekuti Zvisimbiso zvaizoziviswa nevatumwa vanomwe vakaita gore iri muchadenga. Vakasangana nehama Branham muchivande mazuva masere akazotevera kunovapa basa rekuzivisa Zvisimbiso. Mazuva anenge mapfumbamwe akazotevera chiitiko chaicho chakabva chatanga. Akatanga mharidzo dzakatevedzana apo zuva rimwe nerimwe mumwe wevatumwa aiuya kwaari otsanangura chisimbiso chimwechete kuti azivise zvachinoreva kwatiri.

Zaruriro yeZvisimbiso haisi kuzarurwa chaiko kwezvisimbiso.

Hama Branham ndivo Izwi remutumwa wechinomwe, kwete izwi raMwari.

Mutumwa wekuna Zvakazarurwa Chitsauko 10 haaburuki kuzozarura Bhuku, anoburuka kuzomutsa vatsvene vakafa muTestamente Itsva.

Hatina chatinoziva pamusoro pezvakavanzika zvisina kunyorwa Mumagwaro: Chisimbiso chechinomwe, Kutinhira Kunomwe, Zita Idzva raJesu.

Bhuku harigoni kuzarurwa sezvo Mwari vasina kubvira vatendera Hama Branham kuti vaparidze pamusoro peHwamanda yechinomwe. Kana kutaura pamusoro peNdiro nomwe dzekutongwa. Kana kuparidza pamusoro peChitsauko 11 chaDanieri. Zviitiko izvi zvichaitika mukati memakore matatu nehafu enguva yeKutambidzika kukuru zvichazarurwa nemaprofita maviri echiJuda, Mosesi naErija.

Kuoma kukuru ndekwekuti nguva inomira panguva yekumutswa kwevakafa kuvatsvene vose vakafa nekuti vose vanomuka mumiviri isingavori. Kutinhira Kunomwe kunoshandura Mwenga anorarama kuti atorewo miviri isingavori. Saka nguva inobva yamirawo kwavari asi nguva inoenderera mberi kune vamwe vanhu vese. Izvi zvinoita kuti zviome kuwana nguva yemaitikiro ezvinhu.

VaHeberu 4:13 Hakune chisikwa chisingavonekwi naye, asi zvinhu zvose zvakafukurwa nokuzarurwa pameso aiye watinofanira kuzvidavirira kwaari.

57-0901 VAHEBERU CHITSAUKO CHECHINA

“Zvinhu zvose zvakazarurwa.” Hama, anoziva zvinhu zvese zvamakaita, kunyange zvamakafunga nezvazvo. Ndizvo zvaari. Tinotenda maari Akadaro.

Kana Mwari akapinda matiri, akatiisa muKereke, anoisa zvipo nezvinhu mukereke, kuti ashandise muviri wake. Kana Mwari ari Mweya unoshamisa, zvinoreva kuti anoporesa varwere. Anomutsa vakafa. Anonatsa vane maperembudzi, anoonesa mapofu. Anopa zviratidzo. Anoita zvinhu izvi zvese, anoshanda neKereke yake, nekuti ndiMwari ari mamuri. Kune kereke.

Kereke iyi yakava Kereke sei, nekupinda mairi? Kwete, baba. Nekubatana maoko? Kwete, baba. Nerubapatidzo rwemvura? Kwete, baba. Yakazviita sei? “NeMweya Mumwechete takabapatidzwa Mumuviri mumwechete.” ndizvozvo.

Tinofanira kubatirira pakutenda kwekutanga kwemapostora

Jesu akashandisa mapostora ekutanga kutanga kereke yekutanga nekutipa Testamente Itsva.

Tinogona chete kutanga kutenda kwedu muMagwaro.

Satani anoedza zvidavado zvese kuti atibvise kubva paMagwaro asi tinofanira kutora Shoko rega rega riri muBhaibheri reKing James Vhezheni (Shoko raMwari) rakarurama. Jesu ndiye Shoko raMwari. Saka chero chamataura pamusoro peBhaibheri reKing James, muri kutaura izvozvo pamusoro paJesu.

VAHEBERU 4:14 Naizvozvo, zvatinomuPrista mukuru kwazvo, wakapinda napakati pokudenga, iye Jesu, Mwanakomana waMwari, ngatibatisise kupupura kwedu.

57-0901 VAHEBERU CHITSAUKO CHECHINA

“Batirirai”, hazvirevi kuti rambai muchipupura. Kana musingararame hupenyu hwacho, hamubatiriri; muri kurarama chinhu chakatukwa. Muri ... zvitori nani kuti mungoti muri vatadzi musiyane nazvo. Musazviite maKristu, imi muchirarama humwe hupenyu; muri chipingaidzo chikuru chingave panyika. Kana muri vatadzi, zvibvumei uye, endai mberi, mupfumiswe naMwari. Kana muri muKristu, batirirai pakureurura kwenyu, murambe muripo.

VAHEBERU 4:15 Nokuti hatinomuPirisita mukuru usingagoni kutinzwira tsitsi pavutera bwedu, asi wakaidzwa pazvinhu zvose sesu, asinezvivi.

Jesu akauya panyika akararama zvese zvatararama. Izvi zvinomugonesa kunzwisisa marwadzo edu, ese panyama nemupfungwa. Neimwe nzira, akasangana nezvese zvakaitika kwaari asina kubvira aita chivi. Totenda muenzaniso wake mukuru hatina chikonzero chekuzviruramisira kana tatadza, kufunga kuti tinokwanisa kuzvipomera pane zviri kutiwira.

57-0901 VAHEBERU CHITSAUKO CHECHINA

Muchandibvunza mubvunzo uyu, “Abrahama aitenda kuna Mwari, zvaive zvakaringana kwaari pakururama.” ndinozviziva. Ndipo pamunowanzoenda. Ichokwadi. “chii chingaitwe nemunhu kunze kwekutenda kuna Mwari?” ndizvo chaizvo. Ndizvo zvaanogona kuita. Asi kana Mwari akaona kutenda ikoko, anokupai Mweya Mutsvene.

“Zvino ndingaite sei, Hama branham? Ndodanidzira here?” hazvibatsiri. “ndotaura nendimi here?” hazvina maturo. Munogona kudanidzira nekutaura nendimi, zvese, muchingorarama semaHedeni, muchichiva vakadzi. Munokwanisa kuputa nekudhakwa, nekuita zvimwe zvese. Ndinoona vanhu vachitaura nendimi, vachibuda kunoita zvinhu zvakaipa zvine chitsotsi zvisati zvakamboonekwa. Ndinovaona vachidanidzira, vachichema misodzi yegarwe, voba chero chinhu chavasangana nacho. Ndinovaona vachifamba, musikana wese afamba munzira, vanomucheuka.Uh-huh. Ndicho chimwe chiratidzo chekuti hamusati mapabata. Ndizvozvo chaizvo.

57-0901 VAHEBERU CHITSAUKO CHECHINA

Asi, hama, mukadarika rufu muchipinda muhupenyu, zvinhu izvozvo zvese zvinofa, munova zvisikwa zvitsva muna Kristu Jesu. Kana mukaona chakaipa, munonamata nezvacho, “Mwari inzwai tsitsi.” kana mukaona muedzo, pachinzvimbo chekuenda kunokakavara, nekuedza kuzvikudza, munoedza kuenda kumunhu wacho mogadzirisa nhau iyoyo, nekuinyaradza nekukasika. Ndiko kuita kweMweya waMwari mamuri.

Kana mukakanganisa? Munenge muri varanda vazvo. Kana mukakanganisa, munogadzirisa nekukasika. “Musadokesa zuva makatsamwa”. Ndiko kuti muzive kuti makakurira kubva kurufu muchipinda muHupenyu, makawana rudo, rugare, mufaro kutsungirira, kunaka, hunyoro nekutsunga. Tine Muprista Mukuru Kudenga, takazvipira kuyananisira kureurura kwedu. Chii? ndeapo Jesu anodzokera kuMavambo, Shongwe yoMoto yakatungamirira vana vaIsraeri, ichigadza Huvepo hwehukuru, matsime murarabungu, Chiedza chinobuda, mweya minomwe yakarurama, Mweya werudo wakarurama.

Zvino tarirai. Chekutanga rudo rwakarurama, ndirwo rudo rwaMwari, rwakachena rwusina kusanganiswa. Chinotevera, chinopinda ipapo, rudo rwemoyo, rudo rwamunarwo nemudzimai nevana venyu. Rwunotevera, runopinda mumashure mairworwo, rudo rwekuchiva. Rwunotevera rudo rwusiri rwekunamata. Toramba tichidzika kusvikira zvava zvakaipa, zvinoramba zvichiipa nekuipa.

Kune Mweya wekuvimbika unobva kuna Mwari. Ndicho chitubu, chitubu chaMwari. Ndiko kuvimbika. Chinotevera ndechekuti munhu anoita “zvinhu zvakanaka” kuitira vavakidzani vake. Chinotevera munhu, “munofanira kumucherechedza.” Chinotevera munhu, “imbavha”. Chinotevera munhu, “imhondi” rambai makabatirira. Tarirai kuti zvinoipa kudzika kusvika papi? Asi zvese zvinotaura pamusoro pezvinhu chaizvo.

VAHEBERU 4:16 Naizvozvo, ngatiswederei tisingatyi kuchigaro chovushe chenyasha, kuti tinzwirwe ngoni, tiwane nyasha, tibatsirwe nenguva yakafanira.

Nhanho nhatu dzakakosha dzinotisvitsa pachigaro chaMwari chehushe.

Kutendeuka kuti tiponeswe nenyasha kupfurikidza kutenda.

Kurarama muhutsvene.

Rubapatidzo rweMweya Mutsvene apo chikamu chaMwari chinopinda chogara matiri.

57-0901 VAHEBERU CHITSAUKO CHECHINA

Kururamisirwa, Martin Luther, chimisikidzo chechitendero. Kunatsirwa, John Wesley. Rubapatidzo rweMweya Mutsvene.

Martin Luther; John Wesley; rubapatidzo rweMweya Mutsvene, Hupenyu.

Kururamisirwa kutenda. Kunatsirwa, kucheneswa; Mweya Mutsvene, kuzadzwa, Hupenyu.

Kwete kupfurikidza nenguva yaLuther; vaive nazvo mumufananidzo. Kwete munguva yaWesley; vaive nako mumufananidzo. Asi ino ndiyo nguva yekuti Mweya Mutsvene wakauya wega, Pachawo.

Kana vasina kuugamuchira, munoita sei, munogona here kutenda zvishamiso? Zvinoda Mwari ari mamuri, kuti mutende. Munoita saMwari. Bhaibheri rakataura kuti muri vaduku, “vamwari” vaduku. Jesu akataura izvozvo. Nekuti muri chikamu chaMwari.

Mweya Mutsvene unofanira kuuraya hunhu hwedu hwakare wotipa hupenyu hutsva hunotarisa kuna Kristu chete, kwete pane zviitiko zvinotiwira. Ipapo ndipo patinogona kufanana naKristu.

57-0901 VAHEBERU CHITSAUKO CHECHINA

Oh, vangadai vakataura nendimi. Vangadai vakadanidzira. Vachiri nehunhu hwakare ihwohwo. Vachiri nekunyeya kwakare ikoko. Vachiri kureva reva nekutaura, nekuita zvinhu zvavasingafaniri kuita. Havadi izvozvo, Ishe. Saka chii, kana Bhuku guru rikazarurwa? “Asi” akati, “ivavo havangapindi muHushe”. “Saka ivai vakarurama, saBaba venyu vari Kudenga vakarurama.” chero anenge asina kukwanira haangapindi. Vari kuvimba zvakazara here, manheru ano, mukurovererwa? Kana asiri, Ishe, dai vaita Iyeye asingagumi “hongu” ikozvino.

57-0901 VAHEBERU CHITSAUKO CHECHINA

Kana mukapupura kuti muri maKristu uye manga musiri rudzi irworwo, muchiri vatadzi, hazvinei nekuti muri kurarama hupenyu hwakadii, kana kuti makaedza zvakadii kuzvinatsa. Zvamunoita hazvigamuchiriki. Asi zvaanoita Iye. Kururama kwenyu hakugamuchirwi. Kana mukasiya kuputa nekuti makati, “Zvakanaka, ndakusiya kuputa nekuti ndinopupura chiKristu.” Mwari haazvitambiri. Mukasiya kuchiva vakadzi, nekuti muri kuzviregeresa mega, Mwari haazvitambiri. Ndezvamunoita. Mabasa iwayo. Nyasha ndidzo dzinokubatsirai. Mwari vauya vakabvisa zvese mamuri here? Ndicho chinhu chinotevera.

Munoti, “Ndakupinda kereke, saka ndinofanira kusiya zvinhu zvandinoita.” Mwari haatambiri izvozvo, hakuna chamunogona kumupa. Anogamuchira zvinopihwa naKristu. Anopa Hupenyu husingagumi, ohutora zvakare kubva kwamuri. Muchazvitambira here?

... Mwari haararame muzvinhu. Mwari anorarama murudzi rwevanhu.