VaHeberu 03 Kusatenda ndiko chivi chaicho

We update studies as the Lord Jesus leads us. You can find the latest update of this study at ChurchAges.net

Jesu akakurira nekure mabasa emuprofita Mosesi

VAHEBERU 3:1 Naizvozvo, hama tsvene, vagoverani neni pakudanwa kunobva kudenga, fungai zvakanaka Muapostora noMuPirisita mukuru wokupupura kwedu, iye Jesu Kristu,

Hutsvene hwakakosha muhupenyu hwemuKristu.

Tinofanira kuva nekudanwa kwedenga kuri pamusoro pendangariro dzedu dzenyama. Kuda vavengi vako. Zviri nani kupa pane kugamuchira. Zvininipisei musazvitutumadze. Chero chaitika kwamuri chakakunakirai, chero mumazuva azvinenge zvakaoma. Mazuva anooma zvinhu anotidzidzisa zvinhu zvakakosha.

MaKristu akaponeswa anoita chiprista chakaenzana. Maprista ose aive akaenzana. Muprista mukuru chete ndiye aive pamusoro pavo vose. Muprista wedu mukuru ndiJesu. Iye oga ndiye Musoro wekereke. Jesu iShoko raMwari. Tinoona ndangariro dzake kupfurikidza zvakanyorwa muBhaibheri reKing James Vhezheni.

MaKristu ese akaponeswa, zvisinei nekuti ane hushumiri here kana kuti kwete, akaenzana.

MaKristu anofanira kukoshesa kuti: “Hakuna ari pamusoro pako hakuna ari pasipako, vose vari parutivi rwako”.

Pauro pakarepo akazivisa kuti Jesu ndiye Musoro wekereke.

Hatichaone Jesu seMunhu, tinomuona seShoko raMwari rakaziviswa.

Tinofanira kunzwisisa Bhaibheri reKing James nekutenda kwariri.

63-0318 CHISIMBISO CHEKUTANGA

Akatora bhuku reZvisimbiso akarizarura akaratidza Mutumwa wechinomwe, nekuda kweizvi zvega, zvakavanzika zvaMwari, ndihwo hushumiri hwemutumwa wechinomwe.

William Branham wekuAmerica aifanira kuzivisa zvakavanzika zveBhaibheri kwatiri. Ipapo ndipo patakagona kuona Jesu achifamba mumapeji eBhaibheri ari Shoko rakaziviswa.

VAHEBERU 3:2 Wakanga akatendeka kunaiye wakamugadza, saMosesi vo muimba yake yose.

Mweya unoshamisa waMwari Baba wakagara muMwanakomana waMwari pamuviri, Munhu Jesu Kristu.

Munhu Jesu aizviwisira zvakazara kusimba raBaba vaigara maari.

VAKOROSE 2:9 Nokuti kuzara kwovuMwari kunogara maari pamuviri.

Nenzira imwechete, kereke inofanira kuzviwisira zvakazara kuShoko raMwari rakanyorwa. Zvese zvakanyorwa muBhaibheri reKing James vhezheni, tinofanira kutenda mazviri nekuzviita.

Mosesi akaburitsa maJuda kubva muEgipita yechipegani nekuita kwayo kwenyika.

Jesu aifanira kuunza kereke kubva muchiJuda munguva yekereke yekutanga. Akashandisa mapostora kutanga kereke yekutanga nenzira yaaida.

Chigadziko chemwenje minomwe muTabernakeri chinomiririra nhanho nomwe kana nguva nomwe dzekereke.

Izvi ndizvo zvairatidzika zviri kereke yaMwari yekutanga. Chiedza chechokwadi kuvaHedeni.

Vapostora vakatanga mapoka evakuru panzvimbo vaive vasingazivikanwe nemazita kuti vafambise zvinhu mukereke. Havana kusarudza munhu mumwechete aive nehugamba kuti atungamirire kereke.

1 PETRO 5:1 Naizvozvo ndinoraira vakuru pakati penyu, ini mukuru pamwe chete navo nechapupu chamadambudziko aKristu, nomugovani navo wokubwinya kuchazoratidzwa, n dichiti:

2 Fudzai boka raMwari riri pakati penyu, musingazviiti nokurovererwa, asi nomoyo unoda nokuda kwaMwari, musingazviiti nokuda kwokukarira fuma yakaipa;

3 musingaiti nesimba nezvamakagoverwa asi muve vatungamiriri veboka.

Petro akataura nevakuru ari mukuruwo pakati pavo. Haana kukoshesa simba rake rekuti aive mupostora. Akatora vakuru vasina kutaurwa nemazita sevakaenzana. Vakuru havana kutaurwa mazita avo. Hupenyu hwavo hwakasiya muenzaniso wakanakisa.

Mumashure mekufa kwemapostora, makereke akatanga kusimudzira vanhu vaitungamiririra kuti vave misoro yekereke.

Tsika dzevanhu nezvitendero zvechipegani zvakatanga kupinda mukereke.

Ipapo, munguva yekereke yechitatu, paKanzuru yeNicaea muna AD 325 Tiriniti isimo muMagwaro nekutaura kusimo Mumagwaro kwekuti “Mwari Mwanakomana” nekwekuti Mwari Mweya Mutsvene” kwakamanikidzirwa pakereke. Zvitendero zvizhinji zvisimo muMagwaro zvakatevera zvakafanana neKisimusi, 25 Zvita, Chishanu chakanaka, Renti, kuita munhu mumwechete, muprista kana Bhishopu, seMusoro wekereke. Kusatenda uku kwakakura chiedza cheMagwaro chikadzima apo chokwadi chakadzima apo chokwadi chakafa muNguva dzeRima dzakaita nguva yekereke yechina pakati pegore AD 606 negore 1520.

KUIPA (EVIL) zvinoreva kuti kubva padzidziso dzemapostora.

Mukatendeudza izwi reChirungu rekuti (EVIL) KUIPA munowana KURARAMA. [Saka munhu akasiya zvakaipa anorarama.]

Mumongu akashinga, Martin Luther, aifanira kushandura kereke paaidzorera nhanho yekutanga, kuponeswa nenyasha kupfurikidza kutenda.

Saka, Jesu aifanira kudzorera chokwadi chemapostora eTestamente Itsva munguva nhatu dzekupedzisira dzemakereke, kutanga naMartin Luther munguva yekereke yechishanu.

Bhaibheri reKing James rakaturikirwa rikaongororwa kwemakore anoda kukwana 165 munguva yekereke yechishanu iyi.

Bhaibheri iri ndiro raive mbambo dzenguva yehutsvene neyemamishinari yaive nguva yekereke yechitanhatu yeFiradefia (rudo pakati pehama munaShe) vaienda kunoshumira vaHedeni.

Rubapatidzo rweMweya Mutsvene rwakadzosera simba rePentekositi nezvakavanzika zvakaziviswa zveBhaibheri munguva yekereke yechinomwe inofanira kudzorerwa kunotenda zvakatendwa nenguva yekereke yekutanga yemapostora. Nguva yekereke yechinomwe yakatanga makore akapoteredza 1906.

VAHEBERU 3:3 Nokuti uyu wakanzi wakafanira kukudzwa kupfuvura Mosesi, muvaki weimba sezvaanokudzwa kupfuvura imba;

Mosesi akatungamirira Eksodo yemaJuda kubuda muEgipita. Izvi zvakatora makore makumi mana. Asi Jesu akatungamirira eksodo hurusa yemaKristu achibuda muchiJuda.

Imba iri kuvakwa naJesu ndeyekereke yevaHedeni yakakura mukati memakore 2 000 akadarika.

Jesu, semuvaki anokwenenzvera nekuisa dombo rimwe nerimwe panzvimbo rayo, ane kukudzwa kukuru kudarika nhengo dzekereke dziri kurarama dziri mabwe anobatsira pakuvakwa kwechivakwa chemweya ichi kana imba yemweya.

1 PETRO 2:5 Nemi vo, samabwe mapenyu, muvakwe muve imba yoMweya, muve vuPirisita vutsvene, kuti mubayire zvibayiro zvoMweya, zvinofadza Mwari nokuda kwaJesu Kristu.

Kana kushumira Mwari kuchitiburitsira chero chinhu neimwe nzira, kushumira kwedu chipo chekurumbidza kana tisinganyunyuti.

VAHEBERU 13:15 Naizvozvo ngatirambe tichibayira Mwari naye chibayiro chokumurumbidza, ndicho chibereko chemiromo inopupura zita rake.

Tinofanira kudzidza kurumbidza Mwari nekumushumira muzviitiko zvese zvinotiwira.

VAROMA 8:28 Tinoziva kuti zvinhu zvose zvinobata pamwechete kuti zviitire zvakanaka avo vanoda Mwari, avo vakadanwa sezvaakafunga.

Kana tikanyunyuta zvinenge zvichireva kuti hatidi Mwari. Kana tikanyanya kutsamwa nezviitiko izvi zvinoreva kuti zvinangwa zvekurarama kwedu zvakasiyana neZvido zvaMwari kuhupenyu hwedu.

VAHEBERU 3:4 nokuti imba imwe neimwe inovakwa nomunhu, asi iye, wakavaka zvose, ndiye Mwari.

Kuvaka Imba, munhu anoumba matombo omaisa nzvimbo dzaanomaisa kuti aite basa raakatarisirwa. Matombo aya haagoni kupokana nekuti aumbwa sei kana kuti aiswa papi.

Saka Mwari anoita basa rimwechete rekutiumba kupfurikidza miedzo nekuomerwa achitiisa paanoda iye kuti Mwari atishandise kupedzisa imba yake yemweya kereke.

VAHEBERU 3:5 Zvino Mosesi wakanga akatendeka muimba yake yose somuranda, kuti ave chapupu chezvinhu zvinofanira kuzotaurwa,

Mosesi aive akavimbika kuna Mwari chero hazvo Tabernakeri yaakavaka yaive mucherechedzo weZano raMwari renguva inouya rine nguva nomwe dzemakereke echiHedeni (chigadziko chemwenje minomwe) nezvingwa gumi nezviviri zvekuratidzira zvaimiririra maJuda 144,000 vachabva mumarudzi 12 evaIsraeri.

Aritari yezvipiriso mucherechedzo wekutendeuka.

Dziva remvura raimiririra kubapatidzwa muzita raJesu Kristu.

Nzvimbo Tsvene inomiririra rubapatidzo rweMweya Mutsvene runoburukira pamakereke manomwe nepamaJuda 144,000 mukati menguva yemakore matatu nehafu eKutambudzika kukuru.

Izvi zvinozadzisa Mabasa Avapostora 2:38.

MABASA 2:38 Petro akati kwavari: Tendevukai, mumwe nomumwe wenyu abapatidzwe nezita raJesu, kuti mukanganwirwe zvivi, mupiwe chipiwa choMweya Mutsvene.

Kristu anorarama chete matiri kana tichitevera Magwaro

VAHEBERU 3:6 Asi Kristu soMwanakomana, wakaiswa pamusoro peimba yake; iye, tiri imba yake isu, kana tikabatisisa kusvika pakuguma kusatya kwedu netariro yatinozvirumbidza pamusoro payo.

Pasi paMosesi, vaprista chete ndivo vaitenderwa kushumira muTabernakeri. Vaive pamusoro pevanhu pavaiita chiprista chaAroni pakati paMwari nevanhu.

Asi muTestamente Itsva tiri chikamu chemba huru iri kuvakwa naJesu.

Saka maKristu ese akaponeswa vaprista uye vakaenzana. MuPrista Mukuru chete Iye Jesu Kristu ndiye ari pamusoro pedu tese.

I PETRO 2:9 Asi imi muri rudzi rwakasanangurwa, vuPrista bwamambo,

Asi semabwe kana matombo, tinofanira kubvuma zvatinonzi tiite naJesu (inguva inorwadza) tochizviwisira zvakazara kuiswa panzvimbo yaanoda kuti tinge tiri pachivakwa chake. Hatina simba rekusarudza patinoda kuiswa. Tinofanira kuzorora panheyo dzemuvaki mukuru Pauro.

I VAKORINTE 3:10 Nenyasha dzaMwari dzandakapiwa, ndakaronga nheyo somuvaki wakachenjera; mumwe unovaka pamusoro padzo. Zvino mumwe nomumwe ngaachenjere kuti unovaka sei pamusoro padzo.

11 Nokuti hakunomumwe ungaronga dzimwe nheyo, asi idzo dzakarongwa kare, ndiye Jesu Kristu.

Kana tikaita zvinotaurwa neMagwaro chete ndipo patinobatira Mwari.

VAHEBERU 3:7 Naizvozvo, sezvinotaura Mweya Mutsvene, achiti: Nhasi, kana muchinzwa inzwi rake,

Tinofanira kunzwa izwi raMwari, Bhaibheri rakaziviswa, kuzuva redu.

Munofanira kusarudza kuti Izwi raMwari chii.

Mwari aidaidza kereke yake mumakore 2000 ese.

Saka Izwi raMwari harisi izwi remunhu riri mukereke yekupedzisira.

Izwi raMwari rinofanira kuvapo mukereke yekutanga, rinomiririrwa nemwenje wepakati, kuti kereke yekutanga igadzwe. Kereke yakabva yatanga kubva paMagwaro.

ZVAKAZARURWA 1:13 napakati pezvigadziko zvemwenje, mumwe wakafanana noMwanakomana womunhu,

Mwari akabva ashandisa Rumutsiridzo rwaMartin Luther kutanga kudzorera kereke kuchokwadi. Izvi zvakagoneka totenda kugadzirwa kwemakambani ekudhinda mabhuku, kunyanya Bhaibheri, netumabhuku tuduku twaizokwanisa kuitwa twuri tuzhinji. Vanhu vakatanga kugona kuverenga vakawanda vacho nekuti vaidzidza.

Luther akatanga Eksodo yekereke yechokwadi kubva muhutapwa hwekereke yeRoman Catholic yemasangano akarongwa nevanhu.

Nguva yekereke iyi yakararama kubva mugore 1520 kusvika kumakore akapoteredza 1750 nguva dzakatanga Budiriro yemaIndasitiri muGreat Britain nekugadzirwa kwezvitima zvemarasha.

Bhaibheri reKing James ndiro Izwi raMwari

63-0630 EKSODO (RWENDO) YECHITATU

Nekuti vanonzwa Izwi raMwari zvakajeka, achidana, kupfurikidza Shoko rake.

... tererai Bhaibheri, Izwi raMwari riri kukudanai nhasi.

England yaizova nenhorondo yehushe hwepasi rese hukurusa, saka Mwari vanoshandisa England kuparidza Evangeri pasi rese. Bhaibheri reKing James rakaturikirwa rikaongororwa kwemakore 165 risati rashambadzwa muna 1769. Izvi zvakaitika munguva chaiyo sezvo rakashandiswa senheyo dzenguva huru yemamishinari yakatanga munana 1780.

Nguva yekereke yechitanhatu yeFiradefia, yakatanga muna 1750 ikaguma muna 1906. makumi ezviuru zvemamishinari vakabva kuBritain kuti vanoparidza chokwadi cheBhaibheri reKing James Vhezheni pasi rese.

Bhaibheri reKing James rine chokwadi chikurusa chekuti vanhu vanofanira kusimbisa kutenda kwavo machiri. Mwari haaizombotanga nguva huru yekamishinari dai yaive yakavakirwa panheyo dzeBhaibheri rakaturikirwa nenhema.

63- 1110 UYO ARI MAURI

Tendai Mharidzo yese. Tendai izvozvo. Kana zvisiri, kana zvisina kunyorwa muBhaibheri, musazvitenda.

VAHEBERU 3:8 Musawomese moyo yenyu, sapanguva yokutsamwiswa, nezuva rokuidzwa murenje

Mwari anotsamwiswa nezvitendero zvevanhu.

Mwari anotarisira kuti titende kuti Bhaibheri reKing James rakarurama.

Hamugoni kuvaka kutenda kwakarurama paBhaibheri rakakanganiswa.

Vaparidzi vemakereke vanoramba vachigadzira zvikonzero zvakangwara kuti “vatsigire” kuti mune zvakakanganiswa muBhaibheri reKing James. Saka, vanonyengera vanhu kuti vasvike pakutuka Bhaibheri reKing James izvi zvinotsamwisa Mwari.

Mwari anotarisira kuti tive vakarurama zvisinei nekuti hatigoni kuva vakarurama nenzira dzatinorarama nadzo chero tikaedza zvakadii.

MATEO 5:48 Naizvozvo muve vakakwana saBaba venyu vari kudenga vakakwana.

Asi tinogona kutenda zvakazara muna Jesu nekutenda kuti Bhaibheri reKing James ndiro Shoko raMwari rakarurama.

Nekuti Jesu ndiye Shoko raMwari uye akarurama.

Renje ndeapo paunenge uri wega zvinhu zvakaoma.

Ndipo Mwari paanokuedza kutenda kwako kuti unoita sei.

Unopokana nekereke here kana ikawana zvakakanganiswa muBhaibheri reKing James?

Tese tinoda kuva chikamu cheboka rakabudirira saka muedzo wedu uri pakuisa zvitendero zvedu panjodzi kuti tisvike pakuwirirana nepfungwa yekuti hakuna Bhaibheri rakarurama. Tinozongofanira kutenda muzvidimbu zveBhaibheri zvinotiitira.

Kuita ikoko kunotsamwisa Mwari zvekugumbuka chaizvo.

Kukanganisa kukuru kwemaJuda. Zvaakavatorera makore maviri kuti vasvike kuNyika yeChipikirwa vasori vavo gumi vakauya neshoko rakaipa pamusoro peNyika yechipikirwa.

NUMERI 13:32 Naizvozvo vakauya kuvana vaIsiraeri neshoko rakaipa pamusoro penyika iyo, yavakanga vaenda kundoishora, ...

Vane gumi ava vakafa nehosha.

NUMERI 14:37 Varume avo vakanga vauya neshoko rakaipa pamusoro penyika iyo, vakafa nedenda pamberi paJehovha.

Vanhu vemakereke vanotaura vachipikisa Bhaibheri reKing James.

Mugore 2020 Mwari akatumira hosha hutachiwana hweCOVID- 19 korona. Hwakakonzeresa kwazvo pahupfumi nehutano hwepasi rese. Tinofanira kungwarira kuti tapikisa zvipi.

MATEO 24:4 Jesu akapindura akati kwavari, chenjerai kuti murege kutsauswa nomunhu.

Hunyengeri hwechitendero hwedzidziso dzemakereke akarongwa nevanhu huri pasi pehutungamiri hwemunhu mumwechete.

MATEO 24:5 Nokuti vazhinji vachavuya nezita rangu vachiti, ndini Kristu, vachitsausa vazhinji.

Kristu zvinoreva kuti wakazodzwa. Vaparidzi vanokwanisa kuva vakazodzwa nesimba rinoshamisa zvisinei nekuti vanoparidza zvinhu zvisimo muMagwaro.

MATEO 7:22 Vazhinji vachati kwandiri nezuva iro, Ishe, Ishe hatina kuporofita muzita renyu here? Nokudzinga mweya yakaipa muzita renyu here? Nokuita mabasa esimba mazhinji muzita renyu here?

MATEO 7:23 Zvino ndichavavudza pachena handina kutongokuzivai, ibvai kwandiri imi vaiti vokusarurama.

Tarisai zviitiko zvesenturi rakadarika.

Hondo dzakaipisisa nenzara hurusa.

Zvino pedyo nemavambo enguva yekereke yekupedzisira 1918 - 1919 kwakaita chirwere chedzihwa chekuSpain chakauraya makumi emamiriyoni. Hutachiwana hweCOVID – 19 hwekorona hwaive hosha yakauraya vakawandisa asi hwakanyanya kukanganisa hupfumi hwepasi rese. Zvikwereti, kudonha kwemari, nekudhura kwehupenyu kwakawedzera nekuda kwehosha iyi.

Mwari vaive vatiyambira kuti tisabve paMagwaro.

MATEO 24:6 Nokuti rudzi ruchamukira rudzi novushe hwuchamukira vushe nenzara dzichavapo, nehosha nokudengenyika kwenyika kunzvimbo zhinji.

Dambudziko rinotevera richakonzereswa nekudengenyeka kwenyika, kunyanya kana kukarova nzvimbo dzinotariswa panhau dzehupfumi zvakafanana nekunyura kweLos Angeles sezvakafanotaurwa nevesainzi.

Izvi zvinobatsira kereke yeRoman Catholic kuti itonge America munezvemari zvese nechitendero.

MATEO 24:8 Asi zvinhu izvozvi zvichava kutanga kwenhamo.

Zviitiko izvi zvose zvinonyangadza ndiko kuratidzirwa kwekuuya kwenguva yemakore matatu nehafu yeKutambudzika kukuru.

Bhaibheri reKing James rakarurama

MaJuda akaparara nekuda kwekunyunyuta pamusoro peZano raMwari.

MaJuda akashinga kuzvidza Zano raMwari pamusoro pehupenyu hwavo.

VAHEBERU 3:9 Pandakaidzwa namadzibaba enyu, vachindinetsa, Vakavona mabasa angu makore Anamakumi mana.

Mwari akaita kuti vaite mamwe makore 38 vari murenje.

Kuwana chakaipa panaMwari kana muShoko rake ndiko kutuka Mwari kukuru kunoitwa nevanhu.

VAHEBERU 3:10 Naizvozvo ndakanzwa shungu pamusoro porudzi urwu, Ndikati: Vanogara vachitsauka Pamoyo yavo; Asi havana kuziva nzira dzangu;

Isu vanhu hatidi Bhaibheri reKing James zvechokwadi iro rega rinotiudza ndangariro dzaMwari chaidzo. Saka, tinofuratira, kuzvidza, kana kushandura Shoko raMwari kuriita mavhezheni anodarika zana emaBhaibheri eChirungu.

Tinoshaiwa nheyo dzakazara dzekuvakira kutenda kwedu. MaKristu mazhinji anoona maBhaibheri ese seasina kururama.

VAHEBERU 3:11 Naizvozvo ndakapika pakutsamwa kwangu, ndikati: Havangapindi pazororo rangu. Vanotenda voga ndivo vanopinda pazororo.

Izvi zvinotsamwisa Mwari. Anotarisira kuti kutenda kwedu maari kuve kwakarurama nekuti kutenda kunofanira kubva panheyo dzeBhaibheri reKing James rakarurama.

Kutenda kwakarurama kunozorora panheyo dzeBhaibheri rakarurama rinotigonesa kutenda muna Mwari akarurama, anova Shoko raMwari.

Hatisi mumusha wenguva inouya, mumakore 1000 eHushe hweRugare hunotanga mumashure mekupera kweAmagedhoni. Ndiro richava zuva redu rekuzorora.

Mwari anoona zuva rimwe semakore 1000.

II PETRO 3:8 Asi vadikanwa, musakananwe chinhu chimwe ichi, kuti kunaShe zuva rimwe rakaita samakore anechuru, namakore anechuru sezuva rimwe.

Zuva rimwe nerimwe kuna Genesisi raive makore 1000 sezvo vanhu vakazovapo muzuva rechitanhatu. Saka Mwari vakatanga kushandisa makore ekuverenga kwedu isu vanhu.

Adamu, Mwanakomana waMwari, nemwenga wake vakatadza imwe nguva muzuva rechinomwe saka harina kuzopedziswa.

Jesu neMwenga wake kereke yechokwadi, achararama panyika kwemakore 1 000 kuzadzisa zuva rechinomwe rakashaishwa naAdamu.

Vana vadoko vanozvarwa varinematama akakura vakanaka asi zvese nekukasika zvinopera vhudzi rochena vounyana nekuchembera. Ino haizi nzvimbo yedu yakaringana yezororo nekuti kuchembera kunotiwira.

VAHEBERU 3:12 Hama dzangu, chenjerai kuti mukati momumwe wenyu murege kuva nomoyo wakashata usingatendi, mutsauke muchibva kunaMwari mupenyu,

Hatifaniri kuterera vaparidzi vedu vanhasi vanodanidzira vachizvidza Bhaibheri reKing James Vhezheni vosarudza rimwe remaBhaibheri zana akaturikirwa zvakasiyana vachiti ndiro rakanaka.

Vakawanda vanoti Bhaibheri reNew American Standard ndiro rakanyatsorurama nekunaka.

Bhaibheri reNew American Standard (NASB) rakabva muAmerican Standard Vhezheni (ASV) regore 1901. ASV, nairowo, raive rekuAmerica rakabva mu Revised Vhezheni (RV) regore 1885, rinodaidzwawo kuti English Revised Vhezheni (ERV).

Mumashure mekupedzwa muna 1971, New American Standard Bhaibheri (NASB) rakagadziriswa muna 1977, 1995, nemuna 2020.

Vanoturikira vanoti chokwadi chinofanira kuramba chichigadziriswa saka hakuna chokwadi chikuru.

Tichiwedzera, vari kuti chokwadi chakatanga kubuda munana 1900 chikagadziriswa kakawanda, kusvika nhasi uno. Pfungwa idzi dzinotiita kuti tibve papfungwa yekuti kuna Mwari akarurama anotaura kwatiri kupfurikidza Shoko rake rakarurama.

VAHEBERU 3:13 Asi simbisanai zuva rimwe nerimwe, kana kuchinzi Nhasi; kuti kurege kuva nomumwe wenyu unowomeswa nokunyengera kwezvivi.

Nhasi Pauro ari kutaura nesu maKristu anhasi. Kana kuti tovati vanoenda kumakereke? MaKristu vanotenda muBhaibheri rakarurama. Vanoenda kumakereke vanozvipira kuzvidza nekutuka Bhaibheri reKing James pavanoparidza.

Chivi ndiko kusatenda.

JOHANE 16:9 pamusoro pezvivi, nokuti havatendi kwandiri;

MaKristu, vakanyengerwa nevaparidzi vakasiyana siyana vanorumbidza mavhezheni emamwe maBhaibheri akasiyana, vakaomeswa moyo kusvika pakutuka Bhaibheri reKing James.

Rangarirai, zvamunotaura pamusoro peBhaibheri reKing James, muri kutaura izvozvo pamusoro paJesu. Jesu ndiye Shoko raMwari. Bhaibheri reKing James rinotiudza ndangariro dzaJesu.

Tinofanira kuva nekutenda kwakasimba kusingazunguzwi kubva kuBhaibheri rakarurama. Kutenda kwakarurama uku muBhaibheri hakufaniri kupera.

MaBhaibheri anhasi ari kuturikirwa haana kushandiswa nemamishinari pakati pegore 1780 negore 1906. hazvirevi chinhu kutaura kuti Mwari akatanga kutumira mamishinari makumi ezviuru kwemakore anodarika zana asati atipa Bhaibheri rakarurama.

VAHEBERU 3:14 Nokuti tava vagoverani pamwe chete naKristu, kana tichibatisisa kuvamba kwokutenda kwedu kusvikira pakuguma;

“Kubatisisa” zvinorevakuti tinoona chimwe chinhu chakanyorwa muBhaibheri tochitenda tisina kugunun’una. Jesu ndiye Shoko raMwari.

Saka, chero chamataura pamusoro peBhaibheri reKing James, ndizvo zvinotiudza ndangariro dzaJesu, ndizvo zvamunenge muchitaura pamusoro paJesu pachake. Nekuti hamugoni kupatsanura munhu kubva kundangariro dzake. Kana mukashandura kana kurwisa kana kufuratira zvinotaura Bhaibheri reKing James munenge muchipokana nendangariro dzaJesu. Kutenda kwenyu kunofanira kusimbiswa muBhaibheri rinova chokwadi chikuru paShoko rimwe nerimwe.

Tinotsamwisa Mwari kana tikanyunyuta

VAHEBERU 3:15 zvichinzi: Nhasi, kana muchinzwa inzwi rake, Musawomesa moyo yenyu, sapanguva yokutsamwisa.

Nenguva iyo maJuda akasvika kuNyika yeChipikirwa vaive vatotanga kusavimba naMwari kakapetwa kagumi.

Pese pavaitarisana nezvakaoma vaishaiwa kuvimba neShoko raMwari vachirwisa Hutungamiri hwaMwari nekunyunyuta vachidaidzira.

NUMERI 14:22 varume ava vose vakaona kubwinya kwangu nezviratidzo zvangu, zvandakaita muIjipiti nomurenje, vakandiidza zvino rune gumi, vasingateereri inzwi rangu,

Kunyunyuta pamusoro pezano raMwari kunotsamwisa nekuti zvinoratidza kuti hatitendi.

570109 VAHEBERU CHITSAUKO CHECHITATU

Mwari anoda kukuisai mudambudziko.

Anoda kukuisirai dambudziko oona kuti munoitei naro.

... Kristu ari pano!

Mweya Mutsvene uri pano uchiita zvawakamboita zvaanogaroita.

VAHEBERU 3:16 Nokuti ndivanani vakanzwa, vakamutsamwisa? Havazi ivo vose vakabva Ijipiti naMosesi here?

Tinofanira kungwarira. MaJuda mazhinji vakabva muEgipita asi havana kubvira vasvika muNyika yeChipikirwa.

57 0109 VAHEBERU CHITSAUKO CHECHITATU

Vakaona minana, asi havana kubvira vakwanisa kusvika kuNyika yeChipikirwa.

57-0901 VAHEBERU CHITSAUKO CHECHINA

Hamufaniri kupokana nechero chinhu, kuna Mwari. “Nekuti nhanho dzewakarurama dzinorairwa naShe.” Miedzo yese inoiswa kwamuri, kukunongedzai. Bhaibheri rinoti, “Vakakosha kwamuri kudarika ndarama.” Saka Mwari anosiya miedzo miduku kwazvo kuti ikuwirei, rangarirai, zviriko kukugadzirisai. “Mwanakomana wese anouya kuna Mwari anofanira kurangwa naMwari, oedzwa, kudzidziswa-kwemwana”. Hakuna imwe sarudzo. “Mwanakomana wese anouya”. Marwadzo aya anoitwa kana kuunzwa, kuti muonekwe kuti munoita sei. Mazviona? NdiMwari, achiratidza zviripo. Ndizvo zviri nyika, kuratidza zviripo, paanoedza kukuratidzai.

I PETRO 1:7 kuti kuidzwa kwokutenda kwenyu kunokosha zvikuru kupfuvura ndarama inopera hayo, kunyange ichiidzwa nomoto, kuwanikwe kuchibereka kurumbidzwa, nokubwinya, nokukudzwa pakuvonekwa kwaJesu Kristu;

MAPISAREMA 34:19 Akarurama anamatambudziko mazhinji; Asi JEHOVA anomurwira abude paari ose.

Takasiya hupenyu hwedu huzere zvivi tikagamuchira Jesu Kristu saIshe naMuponesi wedu nekuti Bhaibheri rinotiudza kuti titendeuke richitiudza kuti Jesu ndiye Muponesi. Asi tinobva tapinda kereke totanga kutenda kuzvinhu zvisina kunyorwa muBhaibheri zvakafanana neKisimusi, 25 Zvita, Renti, Chishanu Chakanaka, Isita egi, nemaIsita bhani.

Asi Mwari anoda kutigadzirisa.

JOBO 5:17 Tarirai, munhu, anorairwa naMwari, ano mufaro; Saka usazvidza kuranga kwowaMasimbaose.

18 Nokuti iye anokuvadza, ndokusungazve vanga, Unopwanya, maoko ake ndokupodzazve.

19 Iye achakurwira panjodzi nhanhatu; Kunyange panomwe hakuna chakaipa chingakubata.

Mwari akakundisa kereke yake mukati menguva nhanhatu dzematambudziko ekereke. Nguva yechinomwe inosangana nehunyengeri huzhinji hwezvechitendero zvichatora vanoenda kumakereke kuvapinza munguva yakaipa yemakore matatu nehafu ekutambudzika kukuru.

Asi Danieri akati vakachenjera vachanzwisisa.

Saka vasikana vakachenjera vachatorwa kukwira kudenga paKuuya kweChipiri kwaShe uye havazobatwi nezvakaipa zvenguva yeKutambudzika umo vasikana mapenzi vose vachaurayiwa.

DANIERI 12:10 Vazhinji vachazvinatsa nokuzvichenesa nokubviswa tsvina, asi vakaipa vachaita zvakaipa; hakuna pakati pavakaipa achanzwisisa, asi vakachenjera ndivo vachanzwisisa.

Kusaziva chokwadi ndiko kuneta kukuru kuri matiri.

HOSEA 4:6 Vanhu vangu vaparadzwa nokushaiwa zivo; zvawaramba zivo, neni ndichakurambawo,

Panofamba Mwari tinofanira kutevera kwete kunyunyuta

VAHEBERU 3:17 Wakanzwa shungu makore anamakumi mana pamusoro pavanani? Havazi ivo vakatadza, mitumbu yavo ikawira murenje here?

MaJuda anosvika mamiriyoni maviri vakabuda muEjipita. Pakati pevaive nemakore makumi maviri kana kudarika, vaviri voga nivo vakasvika. Joshua naKerebu. Zvinoreva kuti mumwechete muvanhu miriyoni ndiye akakunda zvinotyisa izvi.

Kana Mwari akashandisa nzira imwechete iyi nhasi, pavanhu vanoda kusvika mabhiriyoni maviri vanozviti maKristu (maCatholic anosvika 1.4 bhiriyoni nevemamwe masangano 0.8 biriyoni), vanhu vanosvika 2000 chete ndivo vanenge vachizokunda paKuuya kwaShe pasi rese.

“Mitumbi” izwi rinotyisa rakashandiswa naJesu. Jesu haana basa nevatadzi. Tinofanira kutendeuka, togamuchira Jesu saIshe naMuponesi wedu, tozvarwa patsva muMweya Mutsvene. Ipapo torarama hupenyu maringe neMagwaro nekutenda kukuru kwekugona kunzwisisa zvakavanzika zveBhaibheri. Kana tisingatendi mukururama kweMagwaro Mwari vanorwadziwa nesu.

VAHEBERU 3:18 Wakapika pamusoro pavanani kuti havangapindi pazororo rake? Havazi ivo vasina kutenda here?

Zororo raive risiri Sabata kana Mugovera nekuti vairiita vhiki rega rega. Raingove zororo kubva kumabasa emaoko.

Vaidawo zororo kubva pakurwiswa nenyika dzaive dzakavakidzana navo. Saka vaida hondo yakasimba muNyika yevo yeChipikirwa.

Asi vainyanya kuda zororo kubva kuzvivi.

Kusatenda kwakaona maJuda akare achiparara. Vana vavo vakapinda muNyika yeChipikirwa yeIsraeri.

Pakupedzisira vana vemweya ndivo vanodzokera kunotenda zvakatendwa pakutanga nemapostora madzibaba, vachange vakagadzirira Kuuya kwaShe. Asi vachave vashoma. Vazhinji vose vachanyengerwa netsika dzemakereke avo zvisinei nekuti vakaponeswa, vachaguma vari vasikana mapenzi.

Chivi chaicho kusatenda muShoko raMwari. Kupokana naro, kufuratira zvarinoreva, kurishandura, kana kurwisa Magwaro akanyorwa.

VAHEBERU 3:19 Zvino tinovona kuti vakanga vasingagoni kupinda nokusatenda kwavo.

JOHANE 3:18 ... asi usingatendi kwaari, watotongwa, nokuti haana kutenda kuzita roMwanakomana waMwari wakaberekwa mumwe woga.

Mwari vacharatidza nyika nekuda kwezvivi zvayo nekuti haitendi.

JOHANE 16:19 pamusoro pezvivi, nokuti havatendi kwandiri;

57-0109 VAHEBERU CHITSAUKO CHECHITATU

Chivi ndeapo Mwari anozviratidza imi morega kutenda, hamuteereri.

57- 0901 VAHEBERU CHITSAUKO CHECHITATU

Saka, Pauro aive achizviziva. Vangani vanotenda nekuziva kunouya nekushandurwa? Chokwadi, kana zvisiri, ndingadai ndakapokana nekushandurwa. Kushandurwa kunounza zivo. Uye hamungagoni kuzvifananidza nechero chinhu ikozvino. Dzimwe nguva zvinouya nemhere. Dzimwe nguva kutaura nendimi. Dzimwe nguva kuchema chaiko. Dzimwe nguva kuungudza. Hamungazivi kuti chii, saka musaedza kuzviramba. Nekuti, mumwe nemumwe wenyu akaratidza kurasika pazviri, muri methodisti, vamwe Bhaputisiti, maNazareni, nemaPentekositi.

Ndakaona vanhu vachidanidzira nepavaigona napo nesimba guru, vachiba ndarama iri pazino, vaikwanisa kudaro. Hongu, baba. Ndakaona vanhu vachitaura nendimi sekudurura nyemba dzakaoma, vakavimbika mukunaka, nefodya kune rumwe rutivi rwemuromo, vachitogura mutsipa kana vaikwanisa. Ndizvo chaizvo. Saka kwavari zvinhu hazvina ...

Hakuna humbowo hwekuti munogona kutsigira izvi, nehupenyu hwemunhu anorarama. “Nezvibereko zvavo, muchavaziva.”

... saka ipapo, pasina mhere,pasina chinhu chakadaro chinova humbowo. Jesu akati, “Nezvibereko zvavo, muchavaziva.” Zvibereko zvemweya hakusi kutaura nendimi. Handizvo zvibereko zveMweya. Mhere haisi chibereko cheMweya. Kuchema hachisi chibereko cheMweya. Asi, rudo, mufaro, rugare, kutsungirira, kunaka, kuzvirereka, kutenda, kuva netsitsi ndizvo zvibereko zveMweya. Mazviona? Ndizvo zvibereko zveMweya.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

Humbowo hwerubapatidzo rweMweya Mutsvene kugona kwenyu kunzwisisa zvakavanzika zvakaziviswa muMagwaro.

DANIERI 12:10 Vazhinji vachazvinatsa nokuzvichenesa nokubviswa tsvina, asi vakaipa vachaita zvakaipa; hakuna pakati pavakaipa achanzwisisa, asi vakachenjera ndivo vachanzwisisa.

Vasikana vakachenjera vane mafuta akakwana eMweya Mutsvene anogona kubvira akaita mwenje wakakwana kupa munhu kunzwisisa zvakavanzika zveMagwaro zvakaziviswa.