VaHeberu 02 Nyasha dzinozadzisa Murairo

We update studies as the Lord Jesus leads us. You can find the latest update of this study at ChurchAges.net

Tinofanira kurarama maringe neMagwaro

VAHEBERU 2:1 Saka tinofanira kuterera zvikuru izvo zvatakanzwa, kuti tirege kukukurwa.

57- 0825 VAHEBERU CHITSAUKO CHECHIPIRI. 1

Apo, munoona, Mwari haashandi nemapoka. Haashandi nemapoka evanhu.

Anoshanda nevanhu vakazvimiririra. Anozvizivisa kuvanhu vakazvimiririra.

... Zvino, kana Mutumwa waMwari aburuka, mumufananidzo wenyeredzi; vanoshopera, vazivi vekuIndia, apo, pavakaona Nyeredzi vakaitevera rwendo rwemazana emamaira. Ikafamba nguva dzese ichionekwa, nekuti vaichengeta nguva nenyeredzi.

Hakuna mumwe aiona nyeredzi iyikunze kevazivi vekumabvazuva.

“Kuteerera zvikuru” kunosimudzira kukosha nekunaka kweEvangeri rakapihwa naJesu, akakoshesesa zvakanyanya kudarika vatumwa nevanhu vaiprofita vakauya iye asati auya.

Pfungwa dzedu nendangariro zvakafanana nemidziyo inoduza nekuda kwezviitiko zvenyika ino uye matambudziko azvinouya nawo.

Sevanhu, tinosuduruka zviri nyore nekuda kwekurudziro yemazano evanhu anenge aripo nguva iyoyo kunze kwekuti pfungwa dzedu dzakasimbiswa muShoko raMwari rakanyorwa. Zvishoma nezvishoma tinosuduruka kubva pakusimbiswa kwekutenda kwedu.

Hatifaniri kubvira takanganwa zvidzidzo zvekutenda zvatakadzidziswa neBhaibheri.

Hatigoni kufadza Mwari kunze kwekunge tatenda maari.

VAHEBERU 11:6 Kana kusina kutenda hazvibviri kumufadza; nokuti unovuya kunaMwari, unofanira kutenda kuti iye uripo, vuye kuti unopa vanomutsvaka mubairo wavo.

Tinogona kukudza kutenda kwedu nekutenda zvakanyorwa muMagwaro.

VAROMA 10:17 Naizvozvo kutenda kunovuya nokunzwa, nokunzwa kunovuya neshoko raMwari.

Zvakakosha kuti vanhu varambe vachitevera Magwaro.

57-0825 VAHEBERU CHITSAUKO CHECHIPIRI.1

Husiku humwechete, hwakatevera, Akaburuka, Mutumwa, akazvizivisa muMagwaro, kuti Aive iye.

Pandakazviona Mumagwaro, ipapo kurova nyika Nayo, Mharidzo.

Mharidzo yehama Branham yakatigonesa kunzwisisa Bhaibheri nekuyananisa Magwaro akafanira pamwechete panhau yakasarudzika.

VAHEBERU 2:2 Nokuti kana shoko, rakanga rataurwa navatumwa, rakanga rakasimba, vuye kana kudarika nokusaterera kwose kwakapiwa mubairo wakarurama,

Vatumwa vakaramba kuteerera Mwari pakutanga vakatukwa vakashandurwa kuitwa madhimoni pavaikandirwa pasi kubva Kudenga. Uku ndiko kuita kwekuramba basa ravakapihwa. Mwari havashanduri Shoko ravo. Vatumwa vakawira pasi nekuda kwekusateerera.

Pasi peMurairo, maJuda iwayo vakatadza kuteerera Shoko revatumwa vakatumwa naMwari kwavari vakarangwawo zvakakwana. Kana mashoko emutumwa ari chokwadi, maShoko eMwanakomana waMwari mutsvene angava akaita sei.

57 – 0825 VAHEBERU CHITSAUKO CHECHIPIRI. 1

Izwi rekuti mutumwa rinoreva kuti “nhume”.

Nhume! Uri nhume, mangwanani ano.

Uri nhume yenhau dzakanaka here kana kuti nhume yenhau dzakaipa. Oh, hazvina kunaka here, kuziva kuti tiri vanyai, vatumwa, nhume dzerumuko?

Uye tiri nhume dzaMwari kunyika izere zvivi, inorarama Kristu. Mumoyo yedu, anoraramamo. Mumweya yedu, anoraramamo.

Anotiunza kubva kuhupenyu hwakaipa hwezvivi, achitisimudza, achitipa “hareruya” mumweya yedu, otiita zvisikwa zvitsva. Tiri nhume, vatumwa vesungano. Zvakanakawo zvakadii!

57- 0825 VAHEBERU CHITSAUKO CHECHIPIRI.2

Nenyasha dzake, kuti kusawane anowana chikonzero chekuramba ... Oh, kana vakagona kukanganwa mutumwa aive asina kudzidza,

Vakarangarira: haasi mutumwa, iMharidzo yaauya nayo.

Anoburuka zvakare, nesu, mumufananidzo weshongwe yeChiedza. Akafamba nezvishamiso zvake zvimwechete izvozvo nezviratidzo,

Hakuna muBhaibheri; kugara neBhaibheri nezvarinoreva zvese,

Muchiritevera zvakazara, muchiburitsa pachena kubwinya Kwake, kuratidza simba rake.

Kukosha hakusi pamunhu mumwechete, nhume kana mutumwa akauya nemharidzo. Kukosha kuri paMwenga anogona kutsigira Mharidzo iyoyo kubva muBhaibheri reKing James Vhezheni. Kutevera Magwaro zvakazara ndiko “kudanidzira” kwekukunda kweMwenga kunokwezva Jesu kuti auye kuzomutora.

Hama Branham vakauya seMutumwa wechinomwe, nhume kuzodzidzisa Mwenga kupfurikidza kuzivisa zvakavanzika zveBhaibheri kwaari. Kuedzwa kwekupedzisira kuchange kuti kwekuti tione kuti nhengo dzeMwenga dzakazvimiririra dzega dzinonzwisisa zvakadii Bhaibheri reKing James Vhezheni.

62-1111 NEI NDICHIPIKISA CHITENDERO CHAKARONGWA

Tarirai, Chitsauko chechigumi nepfumbamwe [chaZvakazarurwa] ndicho chinotevera “mumashure mezvinhu izvi”. Munoona here muChitsauko chechi 19 “Mumashure mezvinhu izvi”? Tarirai chii? Mumashure mechii? Mumashure meMharidzo yekuti “Budai maari!”

“Mumashure mezvinhu izvi” tarirai,

“Kudanidzira kweMwenga mutsvene, neChikomba,

Kuenda kuMuchato weMwenga.”

“Kudanidzira” hakusi hama Branham vachizivisa zvakavanzika zveMagwaro.

“Kudanidzira” ndeapo Mwenga anogona kutsigira pachake zvakadzidziswa nehama Branham, achishandisa Bhaibheri reKing James.

Mwedzi mumwechete asati afa, hama Branham vaive vachiri vakamirira “kudanidzira” kuti kuitike munguva inouya.

“Kudanidzira” kwenhengo dzeMwenga sezvo vari vatumwa vaMwari kuvanhu venguva yekupedzisira.

65 – 1127 NDAKANZWA ASI ZVINO NDAKUONA

Kuna Mwari wakanaka, munguva ino yakadai, ichava nguva yakaita seino pakuchava nekutinhira kwemabhanan’ana rimwe zuva,

Mwanakomana waMwari achaburuka kubva kudenga nekudanidzira kukuru,

Nenzwi reMutumwa Mukuru, nehwamanda yaMwari, vakafa muna Kristu vachamutswa.

Asi Mwenga anofanira kuva nechokwadi chekuti anogona kunzwisisa chokwadi cheMagwaro. Chokwadi cheBhaibheri chakanaka.

Magumo emaKristu ese asingagoni kutevera Magwaro zvakazara nekuti havagoni kunzwisisa zvakavanzika zveBhaibheri reKing James Vhezheni, ndeekukandirwa munguva yeKutambudzika Kukuru. Imomo vachauraiwa zvinorwadza.

Edzai zvinotaurwa nevaprofita muchishandisa Bhaibheri

57-0825 VAHEBERU CHITSAUKO CHECHIPIRI. 1

Parizvino, muTestamente Yekare, “Dai shoko raitaurwa nevatumwa zvakanaka, “nenzira iyoyo rinenge riri rakanaka.

MuTestamente Yekare, shoko remuprifita risati rabvumiwa, raifanira kuongororwa nekutsigirwa.

Kwaive kusina zinyeke nyeke naro, sezvatiri nhasi.

Kungobuda kunoita chero zvaitwa, kana zvimwe zvinhu, “Oh, Mwari ngaarumbidzwe, ndizvozvo!” muri kukanganisa.

Bhaibheri rinoti, “Mumazuva ekupedzisira, Diaborosi achapfeka maKristu, zvakanyanya zvekuti achasvika pakutsausa Vakasanangurwa kana zvichibvira.” ndizvozvo chaizvo. Saka, tinofanira kuriedza.

Vairiedza sei mumazuva avo? NeUrimi Tumimi. Chidzitiro chechipfuwa chaAroni, chaive nemabwe pachiri: kabunkeri, jaspiri, dhaimani, rubhi, safiri. Mabwe aya ose, anomiririra kuzvarwa kwemarudzi gumi nemaviri aive pachipfuva chaAroni. Muprofita paaiprofita, Chiedza chinoera chaipenya pamusoro pacho, Mwari akati, “Ichi ichokwadi.” Asi, hazvinei kuti zvinoita sechokwadi zvakadii, kana chiedza chikasapenya pachiri, chinenge chisiri chokwadi. Saka, Urimi Tumimi yakadarikawo nechiprista ichocho.

Asi Bhaibheri ndiro Urimi Tumimi yaMwari nhasi. Kana muprofita akaprofita, zvinofanira kupenyerwa neBhaibheri.

Ipapo Mwari anoti, Ipapo akaburuka akazvitsigira.

Pakupedzisira, Mwari anoburukira Mwenga wake kana tatanga kutevera Magwaro zvakazara. Kunzwisisa zvakavanzika zveMagwaro kwakakosha kudarika zvatinofungira.

VAHEBERU 2:3 Ko isu tichapukunyuka sei, kana tisinehanya nokuponeswa kukuru kwakadai? Uku kwakaparidzwa pakutanga naShe, kukasimbiswa kwatiri naivo vakanzwa;

57-0825 VAHEBERU CHITSAUKO CHECHIPIRI. 2

... Kana tichida kuva mumunamato nekudzidza Bhaibheri, kuziva zviratidzo zvenguva dzatiri kurarama madziri. Zvinodii, kunguva yedu, purupeti yakaneta, ndizvo chaizvo, haiburuke kunotiunzira Chokwadi cheMagwaro. Tinofanira kuzodavira pamusoro paizvozvo mazuva ari kuuya. Hatifaniri kuramba chero chinhu.

57 – VAHEBERU CHITSAUKO CHECHIPIRI.1

Patinomuona achiburuka, kuti aenderere mberi kuzadzisa Shoko rake, tinopunyuka sei kana takabatirira kukereke, kana rimwe boka, kana sangano, kana tsananguro dzakapusa dzatakazviitira? Munofanira kurega pose pamakabatira.

Kana tikaregerera meno edu anosvika pakubviswa.

Dambudziko redu harisi “pakuramba”, sezvo tisina rudo rwekupikisa Mwari.

“Kungoramba” tichirarama takadekara mumakereke edu netsika dzawo.

Tinokanganwa zviri nyore hunhu hwedu hwakarasika totadza kuona kukosha kweEvangeri renyasha nekuda kwedu nyasha zhinji.

VAHEBERU 2:4 naiye Mwari vo achipupurirana navo nezviratidzo nezvinoshamisa, namabasa esimba mazhinji, nezvipo zvoMweya Mutsvene, nokuda kwake.

57-0825 VAHEBERU CHITSAUKO CHECHIPIRI. 1

Mwari anogaropupura. Hupenyu hwenyu huchapupura. Handizivi kuti kupupura kwenyu kuchava kupi, asi hupenyu hwenyu hunotaura nezwi riri pamusoro, izwi renyu risinganzwiki. Asi, mararamiro enyu, hupenyu hwenyu hwemazuva ese huchapupura kuti muri chii. Mwari vanopupura. Hongu. Mweya Mutsvene chisimbiso, chisimbiso chinoonekwa mativi ose epepa. Vanokuonai mumire pano vokuonai muchienda. Kwete mukereke chete asi mumabasa enyu emazuva ese. Makasimbiswa mativi ose kunze nemukati. Nemufaro wamunawo, nehupenyu hwamunorarama, makasimbiswa, mukati nekunze, kuti muzive kuti makaponeswa uye nyika inoziva kuti makaponeswa, nehupenyu hwamunorarama, nekuti Mwari anopupura.

... Zvino, achapupurira vanhu vake. Kana mukasavhura miromo yenyu muchitaura Shoko, nyika ichaziva kuti pane chakaitika kwamuri.

Kereke yekutanga nguva yekereke yekutanga yakaratidzira simba gurusa raMwari. Mweya Mutsvene wakapa hushumiri kune chero mukuru waasarudza neKuda Kwake, kwete nekuda kweMunhu. Kwete Kuda kwesangano rekereke.

Asi zvisinei nezvipo zvemabasa emweya unoshamisa makuru munguva yekereke yekutanga, vamwe vanhu vanosarudza kubva kuShoko raMwari. Vanhu vanofuririka.

Magumo erudzi rwevanhu ari mumaoko eMwanakomana wemunhu

VAHEBERU 2:5 Nokuti nyika, inozovuya, yatinoreva, haana kuiisa pasi pavatumwa.

Mwari akashandisa vatumwa kuunza Shoko rake dzimwe nguva. Vatumwa vane simba gurusa. Asi Mwari haana kuisa vatumwa pakutonga kereke yake yenguva inouya.

VAHEBERU 2:6 Asi mumwe wakapupura kwazvo paneimwe nzvimbo, achiti: Ko munhu chinyiko, zvamunomufunga? Kana mwanakomana womunhu, zvamunomushanyira?

Munhu chii? Kuneta kwedu, kun’ora nekushaiwa zivo hazvirambiki. Zvichienzaniswa nekukura kwenyika nedenga hatisi chiro. Mwari anofanira kunge aine muono wakanakisa kuti atione ativerenge.

Asi magumo akanakisa anoziviswa apo Mwari achashanyira iye Mwanakomana wemunhu.

Iye mwanakomana wemunhu muprofita.

Mwanakomana wemunhu ndiye Muprofita, Messiasi, Mwari mumuviri wenyama.

Saka, mucherechedzo wemunhu unobva paKuuya kweMwanakomana wemunhu. Acharambwa ovurawa, asi murufu rwake vanhu vachawana zikinuro nekuregererwa saka vanosangana nekugezwa neropa. Kushanya kwaMwari Pakatanga Kuuya Messiasi panyika ndiko chete chiitiko chakakosha munhorondo yedu.

Pakuuya kwake kwekutanga Jesu akazivisa seMunhu.

Patinovaka tichimirira Kuuya Kwake Kwechipiri, Jesu anoziviswa seShoko raMwari rinogona kunzwisiswa neMwenga.

Chiitiko chinotevera chakakosha chichava apo Mwari anoshanya zvechinguvana paKuuya kweChipiri kuzotora Mwenga wake kuenda kudenga. MaKristu vese vakaponeswa vasina kubvira vanzwisisa zvakavanzika zveBhaibheri zvakaziviswa vachasiiwa vozoparadzwa murufu rwenguva yeKutambudzika yemakore matatu nehafu. Vachave vasikana mapenzi vakanyengerwa nevatungamiri vemakereke avo. Vachaziva izvi nenzira yakaoma kuti mazano evanhu netsika dzemakereke zvavaitevera zvaive zvisina maturo.

VAHEBERU 2:7 Makamuita muduku zvishoma kuvatumwa, Makamushongedza korona nokubwinya nokukudzwa, mukamubatisa vushe hwamabasa amavoko enyu

Vatumwa vanorarama nekusingagumi nekuti havana ropa mutsinga dzavo. Mweya Mutsvene unofamba mutsinga dzemiviri yavo.

Isu, vanhu, tiri pasi pevatumwa nekuti tine ropa mutsinga dzemirivi yedu zvinoita kuti tife.

Jesu akaderedzwa kuva pasi pevatumwa nekuti aive neropa mutsinga dzake. Asi akasarudza kudeura ropa Rake kuti atidzikinure kubva kuzvivi. Saka, akamuka kubva kuvakafa asisina ropa saka anga ava nehupenyu husingafi, muviri wekubwinya.

Korona huru yaakawana ndiwo muviri usingachemberi, usingarwari usingafi.

Ndiyo korona yekubwinya yakamirira nhengo imwe neimwe yeMwenga kana rumuko rwaitika, iyi miviri yekubwinya isingafi isingaiti zvivi.

56-0304 KUITA NZIRA

Kana muchinge maneta musisade hupenyu, maakuda kuonekwa kwaShe Jesu Kristu kudarika kuda kwamunoita chikafu chenyu, kana mukadzi wenyu, kana vana venyu, panenge paane korona yagadzirirwa imi.

Kwete korona, korona yendarama inoiswa mumusoro, asi muviri wakasunungurwa kubva kumarwadzo.

Kuzodzwa mukubwinya kwaMwari, kuzodzwa muhupenyu hwaJesu Kristu husingaperi. Ndizvo zvakakumirirai, kuti Ishe, Mutongi akarurama, achakupai zuva iroro. Ndiro zuva ratinotarisira kuti risvike. Mwari akaita nzira yekupunyuka nayo kumunhu wese, zvechokwadi akaiita.

Kukudzwa kukurusa ndekwaJesu ega akakurira hondo huru inoshamisa iyi pachinzvimbo chedu. Patinorarama nekusingagumi, tichagarokudza nekumunamata sezvo tichimukwereta miviri yatinenge takurarama mairi.

57-0825 VAHEBERU CHITSAUKO CHECHIPIRI. 2

Mwari akashandura nzvimbo yake yaanogara, kubva kuchigaro chehushe chiri kumusoro, kupinda mumoyo weMwanakomana wake, Jesu Kristu, kuti ararame nekutonga nekusingagumi. “Mwari ari muma Kristu.” Ndiye nzvimbo yekupedzisira yekuzorora yeMweya.

... Oh Mwari! Akazvidzikisira kudarika zvisikwa zvake, kuti agone kudzikinura vanhu (vasina pekugara, vasina chinovayamura), akavapa musha Kudenga. Akasiya kubwinya kweDenga. Akasiya Zita repamusoro soro ringadaidzwa. Paaive panyika, vanhu vakamupa zita repasi pasi ravaikwanisa kumupa, vakati, “Mwana akaberekerwa muhupombwe, chekutanga.” akaberekerwa muchidyiro, akaputirwa nemadhende akabviswa pamajoki emadhonza. Asina nzvimbo yekuenda, asina musha wekuenda. Akadaidzwa Beeruzibabu,” muchinda wewakaipa. Akabatwa zvakaipa. Akasvipirwa. Akasekwa. Akarambwa. Akapinda mugomba repasi pasi, akasvika “Pachidzitiro chemhombwe”. Ndizvo zvaakaitwa nevanhu.

Asi Mwari akamusimudza pamusoro soro zvekuti aive akufanira kutarisa pasi kuti aone Denga. Vanhu vakamupa chigaro chepasi pasi, vakamupa nzvimbo yakaipisisa, zita repasi pasi. Mwari akamusimudza akamupa Chigaro chepamusoro soro, nezita repamusoro soro. Ndiwo musiyano wezvakaitwa nevanhu paMwanakomana waMwari nezvakaitwa naMwari paMwanakomana waMwari.

Akaderedzwa, kuti isu tisimudzwe. Akava isu, kuti isu kupfurikidza nyasha dzake tive Iye. Akauya kune vasina misha, akava asina musha Iye pachake, kuti tigowana musha. Akauya kuvarwere akarwara Iye pachake, kuti isu tiporeswe. Akauya kuvatadzi, “akava chivi, Iye pachake,” kuti tiponeswe.

Hazvishamisi akazosimudzwa. Hazvishamisi ari zvaari nhasi. Mwari vakamusimudza, simba rese riri Kudenga nepanyika zvakapihwa kwaAri.

... akava chivi, akaderedzwa, akatukwa. Asi madhimoni aiziva kuti aive ani. Akakumbira tsitsi. Vakati, “Mauyireiko kuzotishungurudza nguva yedu isati yauya.” Vaparidzi pavaimudaidza, “Beerizebabu,” muuki; madhimoni aimudaidza, “Mwanakomana waMwari mupenyu,” akakumbira tsitsi.

Pakupedzisira, vachava vanhu vanozvidzwa nemakereke, vachagona kuziva chokwadi cheBhaibheri chakaziviswa.

VAHEBERU 2:8 Mukaisa zvinhu zvose pasi petsoka dzake. Nokuti pakuisa kwake zvinhu zvose pasi pake, haana kusiya chinhu chimwe, chisina kuiswa pasi pake. Asi zvino tigere kuvona kuti zvinhu zvose zvakaiswa pasi pake.

Jesu ndiye mukundi mukuru. Zvese zvakanyorwa muBhaibheri reKing James zvichazadziswa. Kuchiri nezvinhu zvichaitika munguva inouya zvatisati tamboona. Masimba aSatani akaipa achanyadziswa paArmagedhoni Jesu achatonga nerugare kwemakore 1000. ipapo Musi weKutongwa unobva wasvika Zvakaipa zvese zvinokandirwa mudziva romoto. Jesu achatonga zvese Denga Idzva neNyika Itsva. Zvakaipa zvese zvinenge zvabviswa.

‘Asi ikozvino tinoona zvinhu zvose zvinoiswa pasi pake.” muvengi wekupedzisira ndiye rufu.

Patinenge tichiri kufa, hatione rufu serwakaiswa pasi petsoka dzake.

Jesu akazvideredza kuti atisimudzire

VAHEBERU 2:9 Asi tinomuvona, iye Jesu, wakaitwa muduku zvishoma kuvatumwa, nokuda kokutambudzika kworufu, wakashongedzwa korona yokubwinya nokukudzwa,kuti nokuda kwenyasha dzaMwari aravire rufu achiitira munhu wose.

Jesu akaiswa pasi pevatumwa kuti agone kufa.

Jesu aive Munhu akarurama aive asingafaniri kufa. Asi akasarudza kufa kuti tidzikinurwe.

Adamu angadai akataka Eva nemabwe nekuti aive aita mhombwe. Asi aimuda zvakanyanya zvekutadza kumuuraya akasarudza kubatana naye pakutadza. Nekutenda, aiziva kuti aisagona kuponesa Eva asi akavimba kuti Mwari vaizoita nzira yekumuporesa. Mwari vakaita, nekuvakandira kunze kwemunda weEdeni vakafuka matehwe akazara ropa rehwai dzaive dzaitwa zvibairo. Ruponeso rwunobva pakuva pasi peropa regwayana.

Jesu akaona kereke yake iri muzvivi akasarudza kutora zvivi zvedu Paari akatifira kuti tigone kutora kururama kwake. Kudikitira ropa mubindu reGetsimani kwakavamba basa rekutidzikinura kubva kuzvivi nekutigamuchira kudzoka paHuvepo hwaMwari. Jesu akatanga chipiriso chake chedzikinuro ari munhu akazadzwa neropa aive pasi pevatumwa kuti agone kuzofa. Asi akadeura ropa rake akamuka kubva kuvakafa ari mumuviri usina ropa uzere Mweya Mutsvene uchifamba mutsinga dzake zvakamuita kuti ave pamusoro pevatumwa.

VAHEBERU 2:10 Nokuti zvakanga zvakafanira kuti iye, wakaitirwa zvinhu zvose, vuye wakaita zvinhu zvose, pakuisa kwake vanakomana vazhinji pakubwinya, akwanise Mutungamiriri wokuponeswa kwavo nenzira yokutambudzika.

“Nokuti zvakanga zvakafanira kuti Iye”. Zvinoita sezvakanakisa kuti Mwari mukurusa akaita zvinhu zvose achiitira kukudzwa kwake akasarudza nzira yekutambudzika senzira yake yakafanira yedzikinuro.

Kristu aive agara akarurama. Haaifanira kuva Munhu asi paive nezvizhinji zvakaprofitwa kubva kuTestamente Yekare zvaifanira kuzadziswa naMessiasi. Paakatambudzika munzira yake yaakasangana nehutsinye isina kunaka yemaJuda nemaRoma, kwakava kuzadziswa kwakaringana kwezvakaprofitwa.

VAHEBERU 2:11 Nokuti uyo, unovaita vatsvene, naivo vanoitwa vatsvene, vose vakabva kunomumwe; nemhaka iyi haanenyadzi kuvaidza hama,

Jesu nemwenga wake chinhu chimwechete. Ndiye muzambiringa isu tisu matavi awo.

Kristu ndiye Musoro wemuviri unova kereke. Musoro nemuviri zvimwechete.

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri.

Jesu ega ndiye anokwanisa kuponesa muviri wake wevatendi, kereke.

Kristu ihama yedu akaedzwawo sezvatinoitwa

57-0825 VAHEBERU CHITSAUKO CHECHIPIRI. 2

Vanhu vanotya rufu nguva dzose. Kristu akava chivi, akadzikisirwa, kuti azvitorere rufu pamusoro pake.

Haanyari kudaidzwa kuti
“Hama” yedu nekuti akaedzwa sekuedzwa kwatinoitawo. Anogona kuva rudzi rwakafanira rwemumiririri, ‘nekuti ari pakuedzwa kumwechete kwakafanana nepamuri.

Akatora nzvimbo yako, achiziva kuti maisazogona kuzvimiririra.

Saka, hamuone here, hama, hanzvadzi? Chinhu ichi chese inyasha.

Dzingori nyasha zega dzega.

Hazvisi zvamunoita, chero zvipi.

Ndezvaakakuitirai kare imimi.

Zvino, munogona kuita chinhu chimwechete kuti murwire ruponeso rwenyu. Ruponeso rwenyu chipo. Kristu akava chivi, kuti imi muve vakarurama. Ndiye rudzi rwakafanira kuva Ishe Mukuru weruponeso rwedu, nekuti akatambudzika sekutambudzika kwatakaita. Haanyare kudaidzwa kuti “Hama yedu” nekuti anoziva zvatinosangana nazvo muhupenyu.

VAHEBERU 2:12 Zvaanoti: Ndichaparidzira hama dzangu zita renyu, Ndichakuimbirai pakati pekereke.

Tinofanira kuziva zita raMwari kuti tigogona kuimba nekurumbidza zita iroro mukereke.

Mwari weTiriniti weVanhu vatatu haana zita. Hamugoni kuwana zita rimwechete rekudaidza vanhu vatatu.

“Mwari Mwanakomana” uye “Mwari Mweya Mutsvene” haawanikwi muMagwaro.

“Mwari Baba” harina kubvira rawanikwa muTestamente Yekare.

Mazita ese anonyorwa muchiHeberu ababa muTestamente Yekare haawanikwi muTestamente Itsva, nekuti Mwari akabvisa chiHeberu maJuda paakaroverera Jesu.

Mateo 28:19 inotisiya takashamisika kuti tinoda kudzidziswa.

MATEO 28:19 Endai naizvozvo mudzidzise marudzi ose, muvabapatidze muzita raBaba nero Mwanakomana neroMweya Mutsvene.

Zita raBaba, Mwanakomana naMweya Mutsvene nderekuti kudii?

Izvi hazvigoni kutaura Vanhu vatatu sezvo vanhu vatatu havagoni kuita zita rimwechete.

Petro akapa mhinduro kuna Mabasa 2:38.

MABASA 2:38 Petro akati kwavari: Tendevukai, mumwe nomumwe wenyu abapatidzwe nezita raJesu,

Zita raJesu Kristu ndiro zita raMwari Wamasimbaose.

ZVAKAZARURWA 1:1 Zvakazarurwa zvaJesu Kristu

ZVAKAZARURWA 1:8 Ndini Arfa naOmega, wokutanga nowokupedzisira, ndizvo zvinoreva Ishe Mwari, uripo, wakanga aripo, nouchazovapo, Wamasimba ose.

Kuna vaHeberu 2:12 Pauro ari kutora zvakataurwa kuna Mapisarema 22.

MAPISAREMA 22:22 Ndichadudzira zita renyu kuhama dzangu; Ndichakurumbidzai pakati peungano.

Davidi akashandisa izwi rekuti “ungano” pachinzvimbo chekuti “sinagogue” rinova chiJuda chaicho. Saka, Pauro akasununguka kutsanangura “ungano” achireva “kereke” Itsva yaitangwa.

Saka, mukereke, vatendi vanodaidzwa kuti hama dzaMessiasi. Izvi zvinovaita kuti vave mhuri imwe.

Mhuri inodaidzwa nezita rimwe.

VAEFESO 3:14 Nemhaka iyi ndinofugama namabvi angu kunaBaba, vaShe wedu Jesu Kristu

15 Avo, rudzi rwose kudenga napanyika runotumidzwa nezita ravo,

Zita reMuponesi wedu ndiJesu Kristu.

Saka, tinofanira tese kutora Zita rake.

Nzira imwechete yekuita izvozvo kubapatidzwa muZita raJesu Kristu.

MABASA 2:38 Petro akati kwavari, Tendeukai, mumwe nemumwe wenyu abapatidzwe nezita raJesu, kuti mukanganwirwe zvivi, mupiwe chipiwa choMweya Mutsvene.

Mapisarema 18 inotipa pfupiso yekukosha kwehupenyu hwaJesu Kristu

VAHEBERU 2:13 Vuye zve: Ndichavimba naye. Vuye zve: Tarirai, ini navana vandakapiwa naMwari.

Pauro anotora zvakataurwa kuna Mapisarema 18:2 “Ndichavimba naye”.

Kristu ndiye Muponesi wemuviri wekereke. Ndiye ega watinogona kuisa kutenda kwedu maari. Ndiye ega anogona kupa vanhu Hupenyu husingagumi. Kupfurikidza Kristu chete ndipo panogona kuzvarwa munhu patsva.

Takazvarwa patsva murubapatidzo rweMweya Mutsvene.

ISAYA 8:18 Tarirai, ini navana vandakapiwa naJEHOVA, tiri zviratidzo nezvishamiso pakati paIsiraeri zvaJEHOVA wehondo, agere mugomo reZiyoni.

Jesu nevadzidzi vake vakaita zvishamiso nemashura mazhinji. Mapegani akawanda vakashandurwa kuitwa maKristu vakazvarwa patsva muMweya Mutsvene.

Kutambudzika paCalvari chikamu chezvakataurwa kuna Mapisarema 18.

MAPISAREMA 18:4 Mabote orufu akandikomba;

Zvakare, kudengenyeka kwenyika apo Jesu akanga akufa vatsvene veTestamente Itsva vachimutswa kubva kuvakafa.

MAPISAREMA 18:7 Ipapo nyika yakazununguka, ikadedera;

MATEO 27:50 Zvino Jesu akadanidzirazve nenzwi guru akabudisa mweya wake.

51 Ipapo tarira chidzitiro chetembere chakabvaruka napakati, kubva kumusoro kusvikira pasi. Nyika ikadengenyeka, mabwe akatsemuka.

52 Mabwiro akazaruka nemitumbu mizhinji yavatsvene vakanga vavete yakamutsva.

53 Vakabuda pamabwiro iye amuka vakapinda muguta dzvene. Vakavonekwa navazhinji.

Ipapo, makore anoda kukwana 37 akatevera kwakauya kuparadzwa kwenyika yechiJuda neTembere mugore AD 70 nemapegani ekuRoma aive nehutsinye nemakaro nemukuru wavo Tito. Vanhu vanodarika Miriyoni vechiJuda vakafa vanosvika 90,000 vakaitwa varanda.

MAPISAREMA 18:37 Ndichateverera vavengi vangu nokuvabata. Handingadzokizve kusvikira vapedzwa.

38 Ndichavabaya, vakoniwe kusimuka; Vachawira pasi petsoka dzangu.

MaJuda vakarwadziswa vakaparadzirwa pakati pehushe huzhinji hwevaHedeni.

Kushingirira kwemaJuda kwaive kwava kwekuti vararame. Kristu akava Musoro wekereke mumarudzi evaHedeni vaimbove asingatendi.

MAPISAREMA 18:43 Makandirwira pakukakavadzana kwavanhu; Makandiita mukuru wendudzi; Vanhu vandakanga ndisingazivi, vachandishumira.

44 Vachateerera pakarepo kana vachindinzwa, Vatorwa vachanamata kwandiri.

MaJuda vaive varamba kuteerera Jesu. Asi vasingatendi vaive vaHedeni pakati pemaJuda aive aparadzirwa pasi rese, vaizomushandira nekumuterera.

MaJuda vakaita kuti vaRoma vauraye Jesu asi vaHedeni vakabva vafamba pamusoro pemaJuda. Kereke yevaHedeni, naJesu ari Musoro wayo, yakaparidza mapegani akashandurwa kuva maKristu.

Hakuna ropa Kudenga

VAHEBERU 2:14 Naizvozvo, vana zvavakagoverwa ropa nenyama, naiye vo wakagovana navo panaizvozvi; kuti nokufa kwake iye aparadze uyo unesimba rorufu, iye Diaborosi;

Hakuna ropa Kudenga nekuti hupenyu husingagumi hunofamba mutsinga dzevanhu vekudenga.

Mweya Mutsvene unofamba mutsinga dzevatumwa saka havachemberi kana kufa.

Vabereki havagoni kupa vana vavo hupenyu husingagumi kupfurikidza kuvabereka kwavanoita nekusangana pabonde.

Mwari aizounza hupenyu muEdeni nekuberekana pamweya. Mweya Mutsvene waizozadza Eva obereka Mwanakomana ari mhandara. Jesu aizokura asina zvivi zvekufira. Aizotaura kudana vatsvene vake vose kuti vararame vachibva muguruva renyika. Vanhu vakawanda zvakafanira kuti vagare panyika.

Vaizova vose nehupenyu husingagumi sezvo Mweya Mutsvene waizofamba mutsinga dzavo.

Eva akasarudza kuunza hupenyu nekusangana pabonde. Akarangwa nekuti aive abata pamuviri.

GENESISI 3:16 Kumukadzi akati, "Ndichawanza zvikuru kurwadziwa kwako nokutora mi­mba kwako,

Totenda Eva tangova zvisikwa zvenyama neropa. Ropa riri mutsinga dzedu rinoreva kuti tinochembera zvese nekufa.

VAHEBERU 2:15 Agosunungura avo vaiva varanda pavupenyu bwavo bwose nokuda kwokutya rufu.

Hupenyu huri muropa redu hunotiita kuti tirarame kwenguva yakatarwa. Patinokura tinotanga kutya kuuya kwerufu kusingarambiki patinokura tichipera simba. Takatapwa mumiviri ino yatiri iri kuenda kunofa uye hakuna chatinogona kuita nezvazvo. Hupenyu hwedu hwese hunofanira kuva takangwarira kuti tisazvikuvadze kana kuzviuraya. Rufu ndirwo muvengi wedu wekupedzisira. Kana tichiri neropa mutsinga dzedu tinoziva kuti tichafa kana Ishe akanonoka.

Jesu aifanira kuva Munhu kwete Mutumwa

VAHEBERU 2:16 Nokuti zvirokwazvo, haana kutora chimiro chavatumwa, asi wakazvitorera vana vaAburahama.

57-0825 VAHEBERU CHITSAUKO CHECHIPIRI. 2

Kuti ave muyananisiri! Mazviona, paive neruvengo pakati paMwari nevanhu. Hakuna munhu ...

Vakatumira vatumwa, vaprofita. Havana kugona kutora nzvimbo yako, nekuti vaifanira kuzvinamatira. Havana kugona kutora nzvimbo.

Akatumira maprofita, akatumira vakarurama zvinhu zvese hazvina kugona kururamisira.

Asi akaburuka kubva kudenga kuzoita umwe wedu.

57-0901 VAHEBERU CHITSAUKO CHECHITATU

“Haana kubvira atora chimiro cheMutumwa, asi aive Mwanakomana waAbrahama.” kuti Azivikanwe, uye kuti munhu anokwanisa kuona Mwari.

Mwari aida kuti tione kuti anenge akadii dai aive Munhu.

Haana kubvira aita mutumwa sezvo pasina kururamisirwa kwevatumwa vakarasika vakaitwa madhimoni. Vakatoparadzwa. Asi Jesu akava munhu kuti ane mururamisiri kana kuti Muponesi wevanhu vanoda kutenda Maari. Kutuka vatumwa vakarasika pakutanga, vaive vasina ropa mutsinga dzavo, Mwari akabva aita ropa rekuripira zvivi kuti vanhu vadzikinurwe. Adamu naEva vakafamba vachibva MuEdeni vakafuka nguvo dzakazara ropa rakadeuka kubva pamakwai.

GENESISI 3:21 JEHOVA Mwari akai­tira munhu nomukadzi wake nguvo dza­matehwe, akavafukidza nadzo.

Mwari vakauraya mhuka kuti vaite nguwo nematehwe adzo. Ropa rakadeurwa.

Mwari ndiMweya Kudenga. Paakaburuka kuzogara panyika, Mwari haana kuzviitira muviri wakaita sewevatumwa. Mwari akazviitira muviri wemunhu kuti agare mauri, anodaidzwa kuti Mwanakomana waMwari, Jesu.

Pakutanga, Mwari akashanda nevanhu vakazvimiririra umwe nemumwe akavapa hupenyu hwakareba kusvika kumazana emakore. Asi rudzi rwevanhu, vakazvimiririra, vakabva pamberi paMwari vakapinda muzvivi, mhirizhonga nekushaiwa rukudzo. Vanhu vashoma kwazvo vaida kushandira Mwari. Mwari akasarudza munhu mumwechete, Abrahama, akasarudza kugadzira rudzi kubva maari. VaIsraeri vakabva vabatira Mwari vari rudzi vachitevera Murairo waMosesi.

Asi hakuna munhu akagona kuva zvose Mambo uye Muprista Mukuru. Raive simba rakawandisa pamunhu.

Mwanakomana waMwari, anova Mwari mumuviri wemunhu, aizouya kubva kuvana vaAbrahama.

VAHEBERU 2:17 Naizvozvo wakafanira kuti aenzaniswe nehama dzake pazvinhu zvose, kuti ave muPirisita mukuru unengoni, wakatendeka pazvinhu zvaMwari, kuti adzikinure zvivi zvavanhu.

Mwanakomana waMwari, akaberekwa mumutsetse wemadzimambo waDavidi, aizova Muprista Mukuru zvakare, sezvo akazvipa kuva chibairo chakabairwa vatadzi, pachinzvimbo chekubayira mhuka.

Akaunza sungano yekuyambuka. Kana tikatendeuka, zvivi zvedu zvinoyambukira kuenda kwaari kururama kwake nekushaiwa chipomerwa kwake zvinoyambukira kwatiri.

Ndicho chinhu chakanakisa chatakaitirwa isu vatadzi vasina kuchifanira. Sungano yenyasha.

VAHEBERU 2:18 Nokuti zvaakatambudzika iye amene pakuidzwa kwake, unogona kubatsira vanoidzwa.

57- 0825 VAHEBERU CHITSAUKO CHECHIPIRI

Kubatsira zvinoreva kuti “kunzwira tsitsi”. Ichi, chikonzero akava seizvi, kuti ave netsitsi nemi maka... mune zvinokuwirai zvakasiyana siyana, nezvinokusvikirai nekubva kwamuri, miedzo yenyu inokura kwazvo zvekuti munotokundikana kuzvimiririra. Anoziva kuti okunzwirai tsitsi sei. Anogara pakadaro apo, kuti aruramisire. Anogara pakadaro apo kuti akudei. Uye chero mukarasika, haangakurasei. Anoramba achikuteverai achigogodza mumoyo menyu. Hamuna vadududzi muno asi vanoziva kuti Mwari nanogogodza mumoyo yavo mazuva ose. Achazviita zvakare chero muchiri nemiviri inofamba ropa muri panyika pano, nekuti anokudai. Akakudzikinurai.

... nzira imwechete yaanogona kutidzikinura ndeyekuva hama yedu. Uye kuva hama, nekutora rudzi rwemuviri wenyama une zvivi akava umwe wedu. Mune izvozvo, akaripira muripo akatidzikinura kuti tipinde muruwadzano rwemadzibaba edu. Oh, Muponesi akadii! Shoko harigoni kumutsanangura zvakazara.

Jesu akasangana nemiedzo yose inosangana nevanhu. Kutengeswa neshamwari. Kusungwa kusiri pamutemo husiku. Kutya kwakaita kuti vadzidzi vake vamurambe. Kutongwa kwenhema kwakaputsa murairo. Kupomerwa nhema. Kutsvinyirwa, kutukwa, nekurwadziswa. Mubati weRoma akamuwana asina mhaka akamutongera kuti arohwe arovererwe pamuchinjiko.

Chero miedzo yatinosangana nayo muhupenyu, Jesu akasangana nayo yakakurisa. Saka, anonzwisisa kutambudzika kwedu uye anogona kutisimbisa kuti tiikunde yese.