Misangano yemakereke ichiri yakakosha here nhasi?

We update studies as the Lord Jesus leads us. You can find the latest update of this study at ChurchAges.net

Shoko rakaziviswa rinofuratirwa nemakereke

Hakuna chiprofita chenguva yekupedzisira chinotaura zvakanaka pamusoro penguva yekupedzisira.

Hakuna mufananidzo unotaura zvakanaka pamusoro penguva yekupedzisira.

Makereke anoita misangano yakanakisa inoita kuti vanhu vaponeswe kubva kuGehena. Izvi zvinovaita chikamu chevasikana mapenzi. Vakaponeswa asi vakanyengerwa nevatungamiri vemakereke avo. Kristu ega ndiye musoro wekereke. Hakuna munhu anonzi musoro wekereke.

VEFESO 5:23 Nokuti murume musoro wemukadzi naKristu wo musoro wekereke; ndiye muponisi womuviri.

Asi kune nhanho yechipiri. Tinodawo kuponeswa kubva kunguva yeKutambudzika kukuru iri kuuya. Izvi zvichatora basa guru kuti titsvage nzira yedu mukati mekukanganisa kwese kwemakereke. Kune makereke anodarika 45,000 akasiyana nemasangano saka kune kukukanganisa kuzhinji nekunyengera kuzhinjji mumakereke, idutu rakazara. Vasikana vakachenjera chete vane mafuta akakwana mumarambi avo ndivo vachaita mwenje wakakakwana kuti vagone kuverenga Magwaro nekunzwisisa saka vanenge vakagadzirira Kuuya kwaShe.

Kana vakatarisana nezvakarema muBhaibheri reKing James, vasikana vakanyengerwa vanoti, “Tinofanira kuziva here?

Mwenga anoti, “Tinotofanira kuziva”.

VAFIRIPI 2:12 ... pedzisai kuponeswa kwenyu nekutya nekudedera.

Hamugoni kushandira nzira yenyu muri mugehena, madziro egomba iri anosvedza. Munoponeswa kubva kugehena neyasha kupfurikidza kutenda. Hazvinei nemabasa enyu akanaka.

Asi munofanira kushandira zvine simba kuti mubude mukubirira nekunyengera kwemakereke kupfurikidza kubatanidza Magwaro pamwechete kusvikira magona kumanzwisisa.

MATEO 7:14 Nokuti suwo rakamanikana nenzira nhete inoenda kuupenyu, uye vashoma vanoiwana.

Kereke yekutanga haina kubvira yaita pasita musoro wekereke. Nhasi, makereke anhasi anotongwa napasita. Saka, chimiro chekereke chakakanganisika uye vanhu havasi kumbodzidziswa kufunga nenzira yeMagwaro. Vanoponeswa naJesu asi vobva vazvipira kumapasita avo, pachinzvimbo cheShoko raMwari. Vanoremadzwa pakunzwisisa kwavo Bhaibheri nekuda kwemiganhu yavanoisirwa nemapasita avo saka havagoni kugadzirira Kuuya kwaShe.

VAHEBERU 10:25 tisingasii kuungana kwedu, setsika yevamwe, asi tichikurudzirana; zvikuru kwazvowo sezvamunoona zuva richiswedera.

MaKristu anofanira kuungana izvozvo hazvina anopikisa.

Vanhu vangani vanofanirwa kuvepo kuti rive boka rekereke riri pamurairo?

Vanhu vaviri vanoita musangano. Vanhu vatatu vakatowanda.

62-0601 KUTORA RUTIVI RWAJESU

Zvino, munoziva here, vanhu vekutanga ivavo pavaibuda, dzimwe nguva vaingova vatanhatu kana vasere vavo pamwechete? Vaizunguza nyika. Zvakanaka, munoziva, Akwira naPrisira, rumutsiridzo rwakaitwa naAporo ikoko, kwaingove nevanhu vanenge vatanhatu kana vasere varume nevakadzi mukereke.

Kereke iyoyo yese, yaive nevatanhatu kana vasere.

Muno mune vakapetwa kashanu kana katanhatu kudarika vaivapo nguva iyoyo.
Munoziva, Jesu aive nevadzidzi gumi nevaviri chete. Isu tinongofunga zvinhu zvikuru chete.

Asi Mwari havashandi neruzhinji. Mumapoka maduku aya ndimo maari zvakazara. Mazviona?

Tarirai munguva dzese dzakadarika, pane chero nguva paaisangana nevanhu.

Raive boka duku.

Mazviona, aitaura navo, ovasarudza.Mufaro waMwari kuita izvozvo. Ndiyo nzira yaanoda kuzviita nayo. Ikozvino tinoda kuti Mwari ave pakati pedu, toenda tichiita zvinhu izvi.”

MABASA 13:27 Nokuti avo vanogara muJerusarema nevatungamiriri vavo havana kumuziva uyu, uye manzwi evaporofita anoverengwa sabata rimwe nerimwe, vakaazadzisa pakumurasa;

Kana mazwi emuprofita akaverengwa zvinoita sekuti amire apo achitaura nezwi rake iye pachake.

Muprofita anenge ari mumwe munhu anenge ari pamusangano. Zvinongoda vanhu vaviri kana vatatu kuti uve musangano mumaziso aMwari. Saka, musungwa ari mutoronga anoverenga Bhaibheri anenge ari pahuvepo hwemuprofita akanyora mazwi iwayo izvozvo zvinoita kuti uve musangano wevanhu vaviri. Zvimwechete nemi kana makagara mega muchidzidza Bhaibheri. Utori musangano.

Vanounganira kupi?

MABASA 2:46 Zuva rimwe nerimwe vakange vachitsungirira mutembere nemoyo umwe, uye vaimedura chingwa paimba neimba, vachidya kudya nemufaro nemoyo wakachena

Kugura chingwa nekudya nyama zvaive nezvirevo zviviri nekuti pamweya zvaireva kutsanangura nekunzvera Shoko raMwari, kunyanya mavhesi akanyanya kuoma.

Kereke yekutanga vaisangana mumba memutendi.

FIRIMONI 1:2 nekumudikanwi Apifia, nekuna Akipo muuto pamwe nesu, nekukereke iri mumba mako:

VAKOROSE 4:15 Kwazisai hama dziri Raodhikia, naNimifa, nekereke iri mumba make.

I VAKORINTE 16:19 Makereke epaAsia anokukwazisai. Akwira naPrisira vanokukwazisai zvikuru muna Ishe, pamwe nekereke iri mumba mavo.

1 VAKORINTE 1:11 Nokuti ndakaudzwa pamusoro penyu, hama dzangu, nevekwaKirowa, kuti kune makakava pakati penyu.

VAROMA 16:3 Kwazisai Prisira naAkwira vashandi pamwe neni muna Kristu Jesu.

5 kwazisaiwo kereke iri paimba yavo.

MABASA 20:20 kuti handina sei kuvanza zvezvingabatsira, kusakuparidzirai nekukudzidzisai pachena uye muimba neimba,

MABASA 12:12 Zvino wakati arangarira akaenda kumba kwaMaria mai vaJohwani wainzi Mariko, vazhinji pavakange vakaungana vachinyengetera.

Chivakwa chekutanga chakashanda sekereke chakawanikwa nevanoita tsvagiridzo yedzidzo dzezvivakwa, chaive chegore AD 220, yaive yatove nguva yekereke yechipiri paive patanga kukanganisika zvinhu.

Nemamwe mazwi, kereke yekutanga haina kuungana muchivakwa chekereke chakazvimiririra. Nguva yekereke yekutanga yakapera gore rinenge AD 170.

Vaiungana sei?

Asi ikozvino nekuda kweintaneti tekinoroji yeZOOM zvayavapo, munhu anokwanisa kugara mumba make oteerera chidzidzo cheBhaibheri chinoitwa mune imwe nyika. Mutauri anenge ari mumba make muteereri anenge ari make voita vanhu vaviri, unova musangano wakatenderwa. Kana murume kana mukadzi kana mwana kana shamwari iripo mune chero dzimba mbiri idzi huwandu hunenge hwawedzera. Kana vanhu gumi kana gumi neumwe vakapinda pamusangano weZOOM, unoita musangano mukuru.

Musangano weZOOM unogona kutapwa wozoteererwa imwe nguva nevamwe vanhu vari munguva dzakasiyana neava, nenguva inovaitira.

Misangano yemakereke haina budiriro kunze kwekunge chokwadi cheBhaibheri chichiparidzwa.
VAROMA 3:12 vese vakatsauka, vakava pamwe vasina maturo; hakuna anoita zvakanaka, hakuna kunyange neumwe;

Vanhu vanoungana pamwechete asi vasingadzidzi kuti vonzwisisa sei Shoko rakanyorwa, vanoita misangano isina maturo isingavagadziriri Kuuya kwaShe.

Humbowo hwemafuta anova rubapatidzo rweMweya Mutsvene

2 Zvino vashanu vavo vakange vakachenjera, uye vashanu vari mapenzi.

3 Avo vari mapenzi vakatora marambi avo, vakasatora mafuta pamwe navo.

4 Asi vakachenjera vakatora mafuta mumidziyo yavo nemarambi avo.

5 Zvino muwani wakati achinonoka, vese vakatsumwaira vakarara.

JOHANE 16:13 Asi kana Asvika Iye Mweya wazvokwadi achakutungamirirai kuzvokwadi yose: nekuti haangatauri zvake:

Munhu akazadzwa nemweya haazviitiri zita. Mweya Mutsvene unogonesa munhu kunzwisisa Shoko raMwari rakanyorwa.

DANIERI 12:10 ... nokuti vakachenjera vachanzwisisa.

Chinhu chimwe chakakosha pakupedzisira kugona kunzwisisa Bhaibheri reKing James rakanyorwa.

MATEO 25:6 Asi pakati peusiku kwakadanidzirwa: Tarirai, muwani ouya, budai munomuchingamidza!

Kudanidzira pakati pehusiku – dambudziko guru rinoisa pasi rese panjodzi munezvemari. Kana rudzi rwekudengenyeka kwenyika munzvimbo dzine hupfumi hukuru. Kana vanhu vakarasikirwa nemari, vanomuka nekukasika.

Kana vamuka, vanoudzwa kuti vabude mumakereke avo kunosangana naJesu nekuti amire kunze kwekereke yeRaodikia.

ZVAKAZARURWA 3:14 Nyorera mutumwa wekereke iri paRaodikia uti:

ZVAKAZARURWA 3:20 Tarira, ndimire pamukova ndichigogodza: kana munhu akanzwa izwi rangu, akazarura, ndichapinda kwaari; ndicharaira naye naiye neni.

Jesu haadani kukereke, anodana kumunhu akazvimiririra mukereke.

ZVAKAZARURWA 3:16 Zvino zvaunodziya, uye hautonhori uye haupisi, ndichakusvisvina mumuromo mangu.

Kereke imwe neimwe ichasvipwa kubva mumuromo make, asi kwete vanhu vakazvimiririra vakabuda mukereke.

I VAKORINTE 11:34 Uye kana umwe ane nzara, ngaadye kumba; kuti murege kuunganira kunzi mune mhosva. Asi zvasara, ndichazvironga kana ndichisvika.

Vhesi iri rinoreva zvinhu zviviri.

Pamweya, zvinoreva kuti kana munhu aine nzara yechokwadi, anodzidza zvakawanda nekunzvera Magwaro ari kumba kudarika kuva mukereke, kusingaparidzwi chokwadi chakazara. Nekugara kumba, anopesana nekukanganisa kwese kunodzidziswa mukereke.

I VAKORINTE 11:17 Zvino mukuraira uku handikurumbidzii, nokuti munounganira kwete zvakapfuura kunaka, asi muzvakapfuura kuipa.

Panoparidzwa zvakaipa, vanhu vanoungana pamwechete mukereke vozvikanganisa pachavo.

Vakabvunza pamusoro penguva yekupedzisira, Jesu akapa mhinduro yakapora.

MATEO 24:4 Jesu akapindura akati kwavari: Chenjerai kuti murege kutsauswa.

Tinotsauswa nevakuru vemakereke edu votinyengera kuti tirare.

ZVAKAZARURWA 18:4 Zvino ndakanzwa rimwe inzwi kubva kudenga richiti: Budai kubva mariri vanhu vangu, kuti murege kuva vagovani vezvivi zvaro, uye kuti murege kugamuchira zvematambudziko aro;

Izwi raunonzwa mukati memoyo wako rekudenga rinokuudza wega kuti ubude mukereke.