Mibvunzo panhau dzeBhaibheri Chikamu 3

We update studies as the Lord Jesus leads us. You can find the latest update of this study at ChurchAges.net

Vaparidzi vevangeri vakapfuma mune nhamo imi kuvapfumi

MATEO 19:24 Ndinoti kwamuri zve: Kamera ingarerukirwa kupinda paburi redumho, kumufumi kupinda muvushe bwaMwari.

Tinoyananisira sei Gwaro iri nemapasita edu emazuvano akapfuma nemakereke avo makuru?

Hapana kuyananisira kunoitika apa. Vatungamiri vemakereke vakawira muriva rekuda zvinhu zvenyika ino nekuzvinyengera.

Makereke akava bhizimisi rinobva kuna baba richisiirwa mwanakomana.

Kana baba vari muparidzi anokosha mwanakomana wavo anovawo muparidzi anokosha kuitira kuti mari iyoyo yese igare mumhuri.

Mupostora Petro akati, “ Sirveri nendarama handina”. Vashoma kwazvo vaparidzi vanhasi vanogona kutaura izvozvo.

Jesu akadzinga vaiita mari muTembere kuti vabudemo katatu. Dzokororo iyi yaiedza kutiudza chimwe chinhu.

Nguva yekutanga paive paPaseka yekutanga mugore rekutanga rehushumiri hwake.

Kwoita musi weSvondo yeMichindwi. Kuchizoitazve zuva rakatevera, musi weMuvhuro.

Asi izvi zvakanga zvaenderera. Vakabva vamuuraya musi weChina kuti aite mazuva matatu muguva asati amuka musi weSvondo mangwanani.

China manheru. Chishanu manheru. Mugovera manheru.

(Musafe makinda pakati papasita nemari yake kana muchida kurarama kwenguva refu).

Vanhu ivavo vaiita mari muTembere vakabudirira pahupfumi hwenyika ino, vakawana kukosha muTembere asi vaive vasina maturo pamberi paMwari vaitove vavengi vaMwari.

Zvinodakadza kwazvo, iyi ndiyo yega nguva yakatsamwa Jesu.

Muchenjere vanoita mari muzvitendero munguva yekereke yedu yekupedzisira yakapfuma asi yakavodzwa nguva yeRaodikia Mwari ane kuranga kukuru kwaachauya nako pavari. Vanomutsamwisa.

Jesu akati, “Mune nhamo imi vapfumi” asi “Makaropafadzwa imi varombo”.

Munyika yedu ine rudo rwekuzviunganidzira pfuma makereke akakanganisa chinhu chimwechete chekudaidza hupfumi kuti makomborero. Kunge sezvinonzi hupfumi chinhu chekupotera kwachiri. Ndiko kuzvikoshesa kuita zvido zvedu kunyanya. Asi tiri kufanira kufa kuzvivi zvedu. Munhu akapfumisisa pasi pano haagoni kuchengetedza mukadzi wake.

Munhu ane mabhiriyoni akazviuraya mutorongo. Saka, Mari inogona kupa munhu mufaro here?

Tinotenga zvizhinji asi tinofara nazvo kwenguva duku.

Vanhu nhasi vanotenga zvinhu zvavasingadi kuti vafadze vanhu vavasingadi nemari yavasina.

Saka kuvhima kusina muganhu vachivhima hupfumi kunoenderera mberi. Panokura miganhu yavo yenyika, miganhu yavo yemweya inodukupiswa.

Tinodukupiswa nekurasikirwa, kwete nekubudirira.

Johane akaiswa mutorongo inorwadza muchitsuwa chePatinosi asati akwanisa kugashira Zaruriro yake inodakadza kuti azarire Bhaibheri.

Kudupuka kunoita mikana yedu yekuita zvinofadza nyama panyika, ndikowo kuzarurwa kunoitwa masuwo emweya.

Zvinopikisana zvinoitikawo. Kupfuma kwaunoita pazvinhu zvenyika ino, ndikowo kukura kwehurombo pamweya.

Venezuela ine oiri yakawandisa asi haina budiriro inoonekwa yainoita. Saka kuita zvakawanda hakurevi kuti tichaita zvinoonekwa nazvo.

Mushumiri muranda.

Vatungamiri vemakereke vakapfuma vanoudza vanhu zvekuita, havasi varanda. Pamusoro pazvose, vane bhizimisi rekuchengetedza rinoda makore ekuzvisimudzira zvakasimba.

Kuvhangera pachivhiti vhiti kwehafu yeawa kunokwezva mari. Kuonekwa kwenguva duku kwechiso chakanaka kuti chikwezve vanenge vachiona. Komichi yekofi, kazhinji haina anoimwa, kuti vanhu vanzwe kugamuchirwa. Makamera anobva nemativi akasiyana siyana kuti aburitse musiyano zvibate zviso zvedu. Mamwe makamera ari kure kuti vanhu varipo vakawanda vaonekwe zvakare. Makamera emudenga kuti aratidze kuti kuti kune mamwe makamuri akavakirwa kudenga zvakare. Zvese zvakagadzirwa kufadza meso. Nekuti vanoziva kuti pakadzika dzika pemoyo vanoenda kumakereke nhasi havatsvagi chokwadi, vanotsvaga kuti vave nhengo dzekereke. Uye vanoda kwazvo kuva nhengo dzemakereke makuru epamusoro soro.

Mimhanzi yemadhisiko yekuvaraidza vanhu. Ngoma hadzina kubvira dzataurwa muBhaibheri.

Zvese zvinoratidzirwa apa zvinobva pazvirongwa zvinoitwa pazvivhiti vhiti zvenyika ino. Asi zvakafanira pakukwezva ruzhinji chakanyanya kukosha ipapo, imari.

Zvinhu zvemhando yepamusoro soro nekuratidzira, asi pasina hudzamu mazviri.

Zvizhinji zviri mukuratidzira asi mudura chaimo musina chiro chine musoro.

Takapeta zvinoraudzira zvinhu zvatinazvo asi zviri zvisina maturo.

Nhamo iriko kwete nekuti hatigoni kupa varombo zvekudya asi nekuti hatigoni kugutsa vapfumi. Vanoramba vachida zvidimbu zvikuru zvekeke rinenge riripo.

Isu vanhu tinotongesa Mwari patinopinda mudambudziko

Zvakanaka here kubvunza Mwari kuti, “Nei ini?”.

Munhu wese anobvunza mubvunzo uyu nekuti zvinhu zvinenge zvisingaitiki nenzira yazvinofanira kuenda nayo zvinotipa kufunganya.

Asi zvinhu zvinenge zvisingafaniri kudaro.

MATEO 6:33 Asi tangai kutsvaka vushe hwaMwari nokururama kwake, izvozvi zvose zvichawedzerwa kwamuri.

Pfungwa yataurwa apa ndeyekukoshesa Zano raMwari kunguva yedu tosiira Mwari kuti agadzirise zvido zvemoyo yedu nenzira Yake.

Dambudziko ratinaro nderekuti tinoita mutsetse wezvatinofunga kuti hatikwanisi kurarama tisina tozotsamwa kana zvinhu izvozvo tatadza kuzvibata. Tinofunga kuti Mwari atirasa tozvinzira tsitsi kwazvo.

Taisafanira kuva takaita mutsetse wezvinhu zvozvo pakutanga. Tinofanira kuva takakoshesa kushandira Mwari.

Chakavanzika apa ndechekuti maropafadzo aMwari anofanira kutishamisa kutiteverera tisingaoni tisingafungiri.

Nenzira iyoyo, hatimaoni achiuya.

Zvaive zvinhu zvataive tisina kutarisira sezvo taive tisina kuisa meso edu pazviri, sezvo zvichibva nekumashure kwedu zvichitisvikira takavarairwa.

DEUTERONOMIO 28:2 Kuropafadzwa uku kwose kuchaitika kwauri, uchatevererwa nako, kana uchiteerera inzwi raJehovha Mwari wako.

Vanhu vakasimba pamweya vane moto yavanofamba nayo: usatarisire chinhu tenda zvese zvawawana.

Imwe nzira kutarisira chimwe chinhu wotenda kana pasina chawawana. Haisi pfungwa yakanaka.

VAROMA 8:28 Tinoziva kuti zvinhu zvose zvinobata pamwechete kuti zviitire zvakanaka avo vanoda Mwari, avo vakadanwa sezvaakafunga.

Kana ndikafunga kuti zvinhu zviri kuenda nenzira yakaipa, nekuti ndaida kana kuti ndaive ndakatarisira zvimwe zvakasiyana naizvozvo, chinenge chiri chiratidzo chekuti handidi Mwari uye kuti handisi kuzadzisa zvinangwa zvaakandisikira muhupenyu hwangu.

Izvi ndizvo zviripo.

Mwari anoda kuti hupenyu hwangu huzadzise zvido zvake kwete zvido zvangu.

Saka, zvinoda kushandura mafungiro. Zviri kuiswa naMwari muhupenyu hwangu zvakanakira ini.

Ari kuedza kuita kuti ndishandure rutivi rwekuenda narwo muhupenyu hwangu.

Ndinotya chigaro chachiremba anorapa mazino nemarwadzo acho. Asi kana zvese zvikapera, zvinenge zvanakira ini.

ZVAKAZARURWA 3:19 Vose vandinoda ndinovaranga nokuvarova; naizvozvo shingaira utendevuke.

Munguva yekereke yekupedzisira Jesu amire kunze kwemukova wekereke.

Saka takapesana zvakanyanya neZano raMwari kunguva yekereke yekupedzisira zvekuti anofanira kuramba achitigadzirisa nguva dzese.

Chinhu chakakosha ndechekuti tinofanira kubvuma kugamuchira kugadziriswa.

Hazvina kukwanira kuti titendeuke. Tinofanira kushingirira kwazvo kutendeuka. Nemamwe mazwi tinofanira kuziva kuti tiri mutsvina uye kuti Mwari anofanira kutigogodza misoro iyoyo kuti tipinde mugwara rakanaka.

RUKA 17:10 Saizvozvo nemi vo, kana maita zvose zvamarairwa, muti: Tiri varanda pasina, takaita sezvataifanira kuita

Varanda pasina. Zvinoreva kuti takakanganisa zvakawanda kudarika zvatakagona.

Saka chero kana tikagona kuita zvataidiwa naMwari kuti tiite, tinonogona kuipisa zvakare nekukanganisa zvakanyanya kudarika zvataita zvakanaka.

JOBO 15:15 Tarira, haatendi vatsvene vake; Zvirokwazvo, kudenga hakuna kunaka pamberi pake.

Hatisi vanhu vakanaka sezvatinofunga kuti tiri.

Tarirai kuna Jesu mubindu reGetsimani.

Zvivi zvedu zvese zvinonyangadza zvaive zvoda kudururwa paari.

Chero zvivi zvemunhu mumwechete zvaifanira kumunyangadza. Nezvimwe zvivi zvakaipisisa zvevamwe vanhu vese.

Munhu mumwechete mutsvene aifanira kugamuchira dziva rezvitadzo nehuwori hwese.

Inofanira kuva yakaita nguva yakaipisisa inotysa munhorondo. Zvinonyangadza. Zvinosvoresa. Kumukira. Nekunyadzisa.

Akachemera nzira yekubuda nayo.

RUKA 22:42 achiti: Baba, kana muchida, bvisai mukombe uyu kwandiri! Asi kuda kwangu kurege kuitwa, asi kwenyu.

Baba vaive kuzara KweMweya waMwari unoshamisa kwaive maari.

VAKOROSE 2:9 Nokuti kuzara kwovuMwari kunogara maari pamuviri.

Mwanakomana aive Munhu wenyama mukati make maigara Mwari.

Jesu akabvunzawo, “Izvi zvaifanira kudaro here?” Izvi zvaisakwanisa kuitwa neimwe nzira here?”

Asi akabva amira kubvunza achibva atambira Kuda kwaMwari muhupenyu Hwake akakurira hondo huru panguva yaaiita kunge akakurirwa zvakazara.

Mwari ngaakukomborerei murambe muchitenda musadzokere shure.

Rangarirai, kana rwendo rworwadza zvakasimba vakasimba ndivo vanenge voenda.

Hatitenderwi kutongesa Mwari.

Agara ane zano guru mundangariro dzake.

MaJuda mamiriyoni matanhatu akaparara muhorokasiti muhondo yepasi rese yechipiri mumatumba aHitira ekuuraya akapera muna 1945.

Vakatenda kuti Mwari aive avasiya. Humbowo hwemadhimoni enazi hwese hwakanogedza pana izvozvo.

Makore maviri akatevera, muna 1947, marudzi akanga akavenga maJuda akasvika pakunzwa tsitsi pamusoro pekuvurawa kwawo kwehutsinye uku vakatendera mubatanidzwa wenyika dzepasi rese (UN) kuti uvape chidimbu cheNyika yavo yeChipikirwa.

Vakarwa hondo inotyisa muna 1948 kuti vabude vari nyika yakazvimiririra. Vakakurira mumarenje eSinai muna 1952. vakakurira hondo inotyisa muna 1967 asi vakatora marenje eSinai aive asiri chikamu cheNyika yavo yeChipikirwa. Muna 1973 vakarwadziswa zvakare asi vakagona kusimuka kunokurira zvakare vakazosarudza kudzosera marenje eSinai kuEgipita muna 1982. Saka ipapo ndipo pavakanga vadzoka muNyika yeChipikirwa mumiganhu yezasi. Asi maJuda mazhinji vaive vafa muhorokasiti nemune kumwe kurwa kwese uku. Izvi zvaiita sekuti kurasikirwa, zvisinei nekuti vaizviwanira zvakare Nyika yavo yeChipikirwa.

Zvino Chisimbiso cheChishanu chakaziviswa nehama Branham kuratidza kuti maJuda vakaurairwa kuva maJuda vakapiwa nguvo chena Kudenga.

Kuti dambudziko rakazara reHorokasiti riite makomborero kumaJuda. MaJuda akauraiwa akaenda Kudenga maJuda akararama akawana Nyika yavo yeChipikirwa kekutanga kubva mumakore 2000. Hakuna nyika yaive yambovaitira izvi kubva pakutanga.

Musafa makatongesa Mwari. Anoziva zvaari kuita.

Barika rakashata

61-0806 VHIKI RADANIERI RECHIMAKUMI MANOMWE

Munyika dzavaine mabarika, zviri nani zvakapetwa chiuru. Asi barika rakaipa; tinozviziva.

65-0218 MBEU HAIGARI NHAKA YEHUNDI

Vakadzi vatatu, vakadzi vatatu vakatakura mbeu iyi mavari.

Mumwechete wavo aive chifeve, ari mubarika.

Wechipiri aive mukadzi akasununguka; wechitatu haana kubvira aita zvebonde, asi nekutenda akatenda kuShoko raMwari. Hagai, Sara, vose Sara naHagai, paive nekusangana pabonde; asi Maria aive mhandara, nesimba reShoko rakavimbiswa naMwari. Ndizvozvo chaizvo.

Hama Branham vanoti kuita barika kuita hupombwe.

Vanhu vanowanana vorambana zvakaipa zvese.

Murume anotenderwa kuramba nekuroora kana akawana kuti mukadzi wake akanga asiri mhandara pavakawanana. Aive nemhosva yekufeva asati awanikwa. Mwari anoda kuti mukadzi ave ari mhandara paanowanikwa. Kana asiri, sungano yewaniso yake inenge iri yenhema. Sungano yenhema haisungiri murume wake saka anokwanisa kuroorazve asi achiroora mhandara.

Nekuti paita chinyangadzo chimwechete, Mwari haati murume haafaniri kuwanazve. Asi ndiyo yega nguva yaanotenderwa kuramba nekuroorazve nekuti waniso yake yekutanga yaive isiri yechokwadi.

Asi kana murume akawana mhandara akairamba , anenge aita hupombwe kana akaroora mumwezve.

Kana mukadzi akaudza murume wake kuti iye haasisiri mhandara iye akatenderana nazvo kuti anomuroora akadaro, waniso yavo inogara kusvikira vaparadzaniswa nerufu, nekuti hapana hunyengeri hwakaitika.

Barika raitenderwa pasi pemurairo. Asi murairo hauna Muponesi saka unofanira kurarama hupenyu hwakarurama. Saka, murume anoroora vakadzi vaviri kana kudarika oti anoda barika anenge asisiri kurarama pasi penyasha asi pemurairo. Zvino kana akangokanganisa, akaita chivi chimwechete, anenge aparadzwa nekuti murairo hauna muponesi.

Jesu akachengetedza Murairo zvakanaka. Saka haadi muponesi sezvo asina zvivi.

Pasi pemurairo, anotenderwa kuita barika saka anogona kuita vanhu vazhinji muMwenga wake sezvaanoda.

Pasita anoti ari pamusoro pevanhu vose

Vanhu vemharidzo vanoti hama Branham vakati

“Pasita ane simba guru pamusoro pekereke” uye kuti vakatiwo

“Hamugoni kutevera Mwari kunze kwekunge muchitevera muranda wake”?

Hapana kumwechete kwekutaura uku kuri muMagwaro.

Kutaura uku kwese ndekwenhema hama Branham havana kutaura izvozvo.

65-0725 VAKAZODZWA PAMAZUVA EKUPEDZISIRA

Handina basa nazvo kuti ndiyani; chero mumwe munhu, ini kana umwe munhu,

“Kana achitaura zvisingabvi pamurairo nemaprofita, hamuna Chiedza maari.”

Mazviona? Ndizvo zvakataurwa neBhaibheri. “Regai shoko remunhu wese rive nhema, rangu rive rechokwadi”, zvisinei nekuti ndiyani.

Munhu wese, kusanganisira hama Branham, anofanira kutaura zviri muMagwaro.

58-0209 MUKOVA URI MUKATI MEMUKOVA

“Ndichateerera zvinotaura pasita.” zvakanaka. Asi kana zvichipikisa zvakataurwa naJesu, ipapo zvinenge zvisizvo.

“Ndinoita zvataurwa nekereke kana ...” Zvakanaka, asi kana zvichirwisa zvinotaura Bhaibheri, zvinenge zvakaipa. Munofanira kumusiya kuti ave Mutongi mukuru.

Kusiyana neBhaibheri kwakaipa.

55-1006 SIMBA RAMWARI

... Diaborosi aifanira sei kuziva simba guru raJesu Kristu. Kwete ini, anondivenga. Haafaniri kuzvinetsa, asi anofanira kukoshesa Wandakamiririra. Anofanira kukoshesa akandituma.

Hama Branham havana kukosha. Magwaro avakazivisa ndiwo akakosha.

Vafundisi vakasiyana siyana vanopokana.

Mufundisi wekuAmerica anofanira kutonga pamusoro pekupokana pamusoro pegore guru rakaonekwa muna 1963. Chinhu chakaomarara kwazvo.

Izvi zvinoreva kuti zvamunotenda zvichabva panezvemamiriro ezvinhu panyika. Kana muchigara pano murume uyu ndiye pasita kana mufundisi wenyu uye munofanira kutenda zvaanotaura. Kana muchigara uko munhu uyo ndiye mufundisi wenyu munofanira kutenda zvakasiyana.

Muvengi akati kuIsraeri, “Mwari wenyu ndiMwari wemakomo, asi mwari wedu ndiye mwari wemapani.

Vaifunga kuti maifanira kushandura zvamunotenda pamunobva munzvimbo imwe muchienda mune imwe.

I MADZIMAMBO 20:28 VaSiria zvavakati, Jehovha ndimwari wamakomo, asi haazi mwari wamapani

Kana mukatama mukasvika sangano raikoko riine zvitendero zvakasiyana nezvamaitenda muri kuita chitadzo chimwechete chakaitwa nevaSiria. Siria ichiri mumadzudzo nanhasi.

Pano hama Branham vakaisa simba guru munhengo dzese dzekereke panzvimbo.

57-0908 VAHEBHERU CHITSAUKO CHECHISHANU NECHECHITANHATU. 1

Asi ndinotenda musimba guru reboka rekereke yepanzvimbo. Hongu. Regai kereke imwe neimwe izvimiririre, isarudze vafundisi vayo, vadhikoni vayo, iyo, chero vainoda. Zvino, nenzira iyoyo, munhu arimo haana bhishopu pamusoro pake. Mweya Mutsvene anoda kutaura chimwe chinhu mukereke iyoyo, haadi kubvunza chero munhu kuti voita izvi here kana kuti izvo. Ndiratidzei neBhaibheri kuti chikuru chii, muBhaibheri, kudarika vakuru vekereke panzvimbo? Ndizvozvo chaizvo, hongu, baba, rusununguko rwekereke panzvimbo, kereke imwe neimwe yakazvimiririra.

Simba guru ndiro boka rese rekereke panzvimbo. Kwete munhu mumwechete.

Simba gurusa musangano repanzvimbo riri muvakuru vepanzvimbo. Hakuna ane simba pamusoro pevakuru vekereke panzvimbo.

Hakuna munhu ane simba guru kudarika chero umwe wevakuru vekereke panzvimbo.

56 04 19 KUGUTSIKANA KWAKANAKA MUKUTENDA KWAKAMBOPIWA KUVATSVENE

... kune Mumwechete chete ane simba ndiye Mwari.

Pano pane kutaura kwakaitwa pamusoro pesimba guru rekutonga kwakatora nzvimbo yekumwe kutaura kwese.

Pamusoro pezvose, Bhaibheri (Iye Mwari pachake) rine simba guru rekutonga.

56 04 19 JEHOVA JAIRE

Ane simba rese, rezvinhu zvese Mwari ane simba guru pamusoro pazvose.

54-0303 ZVAPUPU

Simba guru rina Jesu Kristu rakapihwa kumutendi umwe neumwe.

Chero chinhu chawaishuwira, chinhu chimwechete chaunofanira kuita kukumbira nekuchigamuchira.

Chero chinhu chamunoda, kana mukanamata, tendai munochigamuchira, chichapihwa kwamuri. St Marko 11:24

Munhu mumwe nemumwe akapihwa simba guru pamusoro pehupenyu hwake. Hakuna anogona kukuudza zvaunofanira kuita.

Unokwanisa kupihwa zano kwete kumanikidzwa kurishandisa.

57-1006 MIBVUNZO NEMHINDURO PAMUSORO PAVAHEBERU. 3

Tinotenda kuti Bhaibheri rinotaura nesimba guru rekutonga zvinhu zvose. Ndiro Mukuru, Shoko raMwari.

... nekuti kana Chiedza chikatora Simba racho rekutonga, panenge pasina nzvimbo yerima.

Magwaro chete ndiwo ane chiedza chekudzinga Rima rekutadza kwese.

65-0718 CHIKAFU CHEMWEYA MUNGUVA YAKAFANIRA

Zvino pandakaona Jesu aine wigi chena, ndakati zvinoratidza chete chokwadi chatinoziva, chekuti ndiye Mutongi mukuru ane simba. Mwari akaonawo chinhu chimwechete paGomo reKubwinya, akati,

“Uyu ndiye Mwanakomana wangu wandinodisa, munzwei, simba guru!”

Simba guru rekutonga riri muna Jesu Kristu saka tinofanira kutaura zvinotaura Magwaro.

65-1126 MABASA NDIKO KUTENDA KUNORATIDZIRWA

Ndiro simba guru, anopfeka wigi. Akaratidzwa akamira pakadaro apo, akashongedzwa nemapapiro eMutumwa, ndiye Afa naOmega.

Ndiye Mutongi mukuru, hakuna mumwe kunze kwake. Achatitarira ari Alfa naOmega. Aive amirepo ari Munhu wechidiki, kwete, kana kuti darikei, makore makumi matatu ekuberekwa, akapfeka wigi yebvudzi jena. Achiratidza kuti aive mukuru, Mwari, “Baba vakaisa kutonga kwese mumaoko eMwanakomana.

JOHANE 5:22 Nokuti naBaba havatongi munhu, asi vakapa Mwanakomana kutonga kwose,

JOHANE 12:4 ... mashoko angu, unomumwe, unomutonga; shoko randakareva ndiro richamutonga nezuva rokupedzisira.

Nyaya inotongwa nezvakanyorwa mumurairo wenyika.

Tinogona chete kutonga nyaya nezvakanyorwa muMagwaro kwete zvinotaurwa nechero munhu.

65-0718 KUEDZA KUBATIRA MWARI ASI KUSIRI KUDA KWAMWARI

Munovaratidza pano muShoko raMwari pazvakanyorwa kuti KWAKANYORWA KUCHINZI. Asi mapasita edu ...”

Handinei nazvo kuti pasita wenyu anotii, hazvinei kuti ini ndinoti kudii,

Kana kuti mumwe munhu anotii. Kana zvakapesana neShoko raMwari,

Shoko rapasita haana maturo kana achipesana neMagwaro.

65-0801 MWARI WENGUVA INOYAKAIPA

…Vanhu vakatenda kuMharidzo yandakapihwa naShe Jesu Kristu kunguva ino, tingazive kuti chii chiri kutora nzvimbo, tochidzorera muMagwaro.

Munowana zaruriro kubva kune zvakataurwa nevanhu. Ipapo munofanira zvakare kutsigira kuti zaruriro iyoyoyakanyorwa muMagwaro. Ipapo chete ndipo zaruriro yenyu inova yechokwadi.

DEUTERONOMIO 19:15 Chapupu chimwe hachifaniri kupupurira munhu pachinhu chakaipa chipi nechipi, kana chivi chipi nechipi, chiri chivi chipi nechipi chaakatadza; shoko rinofanira kusimbiswa nezvapupu zviviri kana zvitatu.

Chapupu chimwechete hachina kukwanira kugadzirisa nyaya. Saka zvinotaura vanhu hazvitsigiri chinhu.

Sekuzoona kwakaita vaparidzi vemharidzo pavaifunga kuti America ichaparadzwa muna 1977 uye pavaifunga kuti Donald Trump achakurirwa musarudzo dzemutungamiri wenyika yeAmerica muna 2016.

Panofanirawo kuita chimwe chapupu chimwechete chakazvimiririra, Shoko raMwari. Hapana kana rimwechete remazuva aya raigona kutsigirwa neMagwaro zvese zvakazova nhema.

Simba guru rinotonga ndiye Mwari tine ndangariro dzake dziri muBhaibheri reKing James Vhezheni, ndiro simba redu guru.

Hamugoni kuita William Branham mukuru wenyu kana simba renyu guru nekuti AKATIDZORERA kunotenda zvakatendwa mukereke yekutanga.

Saka, simba redu guru rinotonga ikereke yeTestamente Itsva yakatangwa nemapostora. Tinofanira kutenderana navo.

Ikozvino tinoda pasita kana mufundisi kuti ave simba rinotitonga. Kana ari ndiye simba guru rinotonga zvinoreva kuti haafaniri kuteerera Magwaro nekuti ari pamusoro peBhaibheri. Ndiye Mukuru.

Kune ndudzi dzinodarika zana dzemakereke emharidzo. Umwe neumwe wevafundisi ivavo kana kuti mapasita mukuru saka pane masimba makuru anodarika zana. Uku kurwisana. Munokwanisa chete kuva nemukuru mumwechete.

Saka, munofanira kusarudza Bhaibheri kana pasita.

Tarirai zvakataurwa naJeremia pamusoro pemapasita kana vafundisi. (vafudzi).

JEREMIA 23:1 Vane nhamo vafudzi vanoparadza nokuparadzira makwai amafuro angu! Ndizvo zvinotaura JEHOVA.

2 Naizvozvo zvanzi naJEHOVA, Mwari waIsiraeri, pamusoro pavafudzi vanofudza vanhu vangu, "Makaparadzira makwai angu, mukaadzinga, mukasaatarira; tarirai, ndichakurovai nokuda kwezvakaipa zvamabasa enyu ndizvo zvinotaura JEHOVA.

JEREMIA 10:21 Nokuti vafudzi vava vasina njere, havana kubvunza JEHOVA; naizvozvo havana kuzofara, namapoka avo ose akapararira.

Vafundisi havabvunzi Mwari, Bhaibheri. Vanopedza nguva yavo vachiturikira zvakataurwa nevanhu zvisiriizvo kana kuparidza zvavanoda ivo zvinovaitira. (Sekuti hama Branham vanoti vakamira pasi pegore paGomo reSunset Peak musi wa 28 Kukadzi 1963 asi mwaka wekuvhima wakazozarurwa musi wa 1 Kurume).

(Nekutenda kuti Gore rakaitwa musi wa 8 Kurume paakasangana nevatumwa).

(Nekutenda kuti Kutinhira kunomwe kwakareva asi hama Branham havana kubvira vataura kudaro).

Saka, vanhu vemharidzo vakashaya zivo pamusoro peBhaibheri nekuti vaimhanyisana nezvakabatwa paitaura vanhu.

Hapana muTestamente Itsva patakaudzwa kuti titevere mufundisi kana pasita.

Handione Jeremia achiundiudza kuti nditevere pasita.

Ari kutiyambira kuti vakaipa sei.

JEREMIA 12:10 Vafudzi vazhinji vakaparadza munda wangu wemazambiringa, vakatsika mugove wangu namakumbo avo, vakaita mugove wangu unodikanwa rive renje risina chinhu.

Pachinzvimbo chekushandisa zvakabatwa paitaura vanhu kunzwisisa Magwaro vakashandisa zvakataurwa nevanhu kutsiva Magwaro. Uku kunyangadza.

Vakazoguma vakuti Hillary Clinton achakurira sarudzo dzemutungamiri wenyika muna 2016 nekuda kwekuti vakaturikira zvakataurwa zvisiriizvo.

JEREMIA 22:22 Mhepo ichaparadza vafudzi vako vose, navadikani vako vachatapwa

Zvitendero zvisimo muMagwaro zvingori mhepo inopisa. Mhepo inopisa yakawandisa.

Makereke anofanira kutungamirirwa nevakuru (maeredha). Muparidzi mumwe nemumwe mukuru. Asi vamwe vakuru havasi vaparidzi. Asi vakuru vese vakaenzana. Hakuna mukuru ari pamusoro pevamwe vakuru.

I PETRO 2:9 Asi imi muri rudzi rwakasanangurwa, vuPrista bwamambo,

MaKristu ese akaponeswa vaprista. Hakuna muprista ari pamusoro peumwe muprista kunze kwemuprista mukuru anova Kristu.

Saka, kuisa munhu mumwechete, pasita, pamusoro pevanhu zvinozarurira musuwo kutsika dzavaNikoraiti, kusimudzwa kwemunhu mutsvene pamusoro pekereke dzinoengwa naMwari.

Ichi ndicho chaive chivi chikuru chakatangira munguva yekereke yekutanga.

Ichi chichava chivi chikuru chenguva yekereke yekupedzisira zvakare.

ZVAKAZARURWA 2:6 Asi chinhu ichi unacho, kuti unovenga mabasa avaNikoraiti, andinovenga neni vo.

Vakuru vese vakaenzana, zvisinei nekuti vane hushumiri hwekuparidza here kana kwete.

Kana mukaparidza munenge muine hushumiri asi izvozvo hazvirevi kuti muri pamusoro pechero munhu. Vashumiri varanda.

Vashumiri vari pasi pemunhu wese kuti vasimudzire vanhu.

Tine simba guru rinotonga rimwech ete, Bhaibheri.

Zvinonzwika zvisingajairiki kuti Mwari anofanira kutendeuka

Mwari ndiye Hama Mudzikinuri wedu. SaBaba ndiye simba guru rinoshamisa. SeMwanakomana ndiye munhu.

Mwari, muTestamente Yekare, aive nehunhu hwemunhu paakasika munhu nemufananidzo wake.

Saka, nguva nenguva Mwari aiita kunge munhu, kuti atiratidze kuti Mumwe wedu asi anogara asina zvivi.

Asi Mwari anovenga zvivi.

Saka, maJuda paakatadza zvakanyanya, Mwari aida kuvaparadza. Zvinova zvaanofanira kuita nezvivi. Asi Mwari akarangarira Zano rake guru akasarudza kuisa kuregerera maJuda nekuti ivo vaizomuuraya, Iye obva atendeukira kuvaHedeni.

Saka, nguva imwe neimwe paaisarudza kuuraya maJuda, Mwari aizvidaidza kuti kutendeuka kuratidza kuti ashandura mafungiro ake.

Hunhu hwaMwari hwaive husina kuipa nekuti maJuda vaifanira kuparadzwa.

Kukanganisa kumwechete kunogona kuva mubairo wekuzvidzora kwaMwari.

Dai Mwari akaparadza maJuda vasati vaMuuraya, angadai asina kuponesa vaHedeni.

Saka, nekuda kwerudo rwaMwari kukereke yake, akasiya kuuraya maJuda zvavaive vakafanira chaizvo.

Saka, Mwari vanotiratidza kuti vanogarofunga pamusoro peZano ravo guru, kwete chimiro chezvinhu chezuva iroro.

Saka, Mwari haanyanyotarisi matambudziko edu enguva iyoyo. Chaanonyanya kukoshesa iZano rake Guru rekuti tinofanira kunzwisisa zvakavanzika zveBhaibheri panguva yekupedzisira kuti titendeukire kunotenda zvakare zvakatendwa nekereke yekutanga.

Ndicho chakavanzika chaicho chaMwari chakavanzwa kubva kune vose vanoenda kumakereke kusanganisira vanotenda kumharidzo.

Vanotenda kumharidzo vakanyengerwa nemharidzo yekuti vanofanira kutenda mune zvese zvakataurwa pachinzvimbo cheMagwaro.

Kereke yekutanga yakanga isingateveri zvakataurwa nehama Branham.

Saka, kuvaka kutenda kwenyu pamusoro pekuturikirwa kwezvakataurwa nehama Branham hakukudzorerei pakunotenda zvakatendwa nekereke yekutanga yemadzibaba mapostora.

Munozomuka muchiona kuti makanyengerwa. Muri chikamu chevasikana mapenzi.

Biden nemaPope ndivo Chiratidzo chenguva

Kamala Harris akapfeka nguvo shava paakaita mutevedzeri wemutungamiri wenyika yeAmerica.

Izvi zvakamuita mutevedzeri wesimba repamusoro soro muAmerica.

Ruvara rushava runoshandiswa nemaBhishopu nemaAchibhishopu mukereke yeRoma. Ndivo vatevedzeri vesimba guru mukereke.

MaKadhinari, munguvo shava, ndivo vane simba guru mukereke. Vakaenzana nemutungamiri wenyika Biden.

MaPope vari pamusoro pekereke. Ndiye ega mudzvanyiriri muEurope anoita mitemo mukereke inofanira kuteererwa nevatendi.

Pope akaenzana nebumbiro remutemo rinofanira kuteverwa zvakazara nemunhu wese.

Kamala Harris, mukadzi, anomiririra kereke.

Ndewebato Rinopikisa uye anopfeka ruvara rwekereke yeCatholic.

Ichi chiratidzo chenguva.

Makereke asiri maCatholic muAmerica akashongedzwa nguwo dzechikara chezvitendero zveCatholic pavanoita mufananidzo wechikara chinova mubatanidzwa wemakereke asiri maCatholic.

Mari ndiyo ropa rehupenyu mumapato emakereke.

Totenda hutachiwana hweCovid 19, zvikwereti zveAmerica zvakakwira kwazvo.

Kana njodzi ikarova, yakaita sekudengenyeka kwenyika inosvikonyudza Los Angeles, ikanzi yarova America hupfumi hwavo hunoremadzwa zvikwereti zvavo zvikuru zvinozovasiya vasingakwanisi kuenderera mberi.

Muna Gumiguru 2021 mutungamiri wenyika Biden akashanyira Pope akamupa mari yesimbi yakakosha ine chisimbiso cheAmerica kune rumwe rutivi.

Mari yesimbi mucherechedzo wemari. Hupfumi hweAmerica.

Chisimbiso chinomiririra simba rehurumende yeAmerica.

Mucherechedzo wezvakaitwa naBiden waive wekupa mari nesimba rekutonga America kuna Pope.

Hama Branham vakaprofita kuti kereke yeCatholic ichatonga America yoiparadza.

Nhandare iri kugadzirirwa kuitika kweizvi.

Kana America ikaremadzwa pahupfumi, kereke yeCatholic inokwanisa kuunganidza mari inokwana kuibatsira. Kereke yeCatholic inokwanisa kuguma yakutonga America.

60-1113 KUTONGWA NEMUMIRIRIRI

Zvino kana vakadzi ava akabatsira kusarudza munhu asiye, ndinoona mukadzi mukuru kwazvo achisimuka muUnited States, akapfeka zvakanakisa iye ari munaku, asi aine hutsinye mumoyo make. Anogona kutungamirira kana kunangisa nyika ino kunoparadzwa. (ndapinda muhutungamiri “zvichida ikereke yeCatholic”.)

63-0317 MUSIYANO URI PAKATI PENGUVA NOMWE DZEMAKEREKE NEZVISIMBISO ZVINOMWE

Takaberekwa pasi pehutungamiri hukuru kwazvo hwakaita sehwaWashington, Lincoln, asi takabva panheyo idzodzo, uye tinoziva kuti zviri kuuya. Tinoziva kuti bhomba reatomi rakanyorwa zita redu pariri. Tinoziva kuti hunhapwa hwakatimirira kumberi kwedu, hapana chikonzero chekuzvinyengera.

60-1208 NGUVA YEKEREKE YETIYATIRA

Nguva iyoyo zvichaitika kuti kuchava nemukadzi mukuru kwazvo achasimuka muUnited States, achange akashongedzwa zvakanaka,” ndinobva ndazviisa muhutungamiriri: “(Zvichida kereke yeCatholic).” Mazviona?Ichatora hutongi kuva nesimba, kukurira vamwe muUnited States. Achange akanaka pakumutarisa, asi anenge ane moyo wehutsinye nepese paanogona napo.”

610312 JEHOVA JIRE

Ipapo ndikaona Mukadzi mukuru kwavo achisimuka, mukadzi akanaka pakumutarisa chiso, asi aine hutsinye pamoyo wake.

Ichave kereke.

Iri munzira kutaura kuno.

Mvura pamusoro penzvimbo

GENESIS 1:1 Pakutanga Mwari akasika denga nenyika

Mwari akasika zvese asati atanga kuverenga mazuva manomwe ekutanga. Kusika zvinoreva kuti kuita kubva pasina.

Hapana kutaurwa nguva kuti akatora nguva yakareba sei pavhesi rekutanga.

Makasununguka kufungira zvamunoda kuti yaive nguvayakareba sei kuti Mwari asike Nyika nenzvimbo dzakadzama. Zvinogona zvakatora mabhiriyoni emakore kusika nyeredzi dzese nezuva redu nezvese zvinofambidzana naro. Mwari vaive vasina kwekumhanyira. Pamusoro pazvose, anorarama nekusingaperi kusina nguva. Asi, kuisa nguva pazviitiko zvekusika zvakaitwa naMwari anogara kunze kwenguva nekusingaperi, chinhu chisina maturo. Tinogona kuita mufananidzo wekusingaperi mundangariro dzedu seapo patinopunyuka kubva munguva.

Mwari akasika nzvimbo zuva mwedzi nenyika kubva pasina. Asi hapana kutaurwa nezvenguva, hatizivi kuti Mwari akatora nguva yakareba sei kusika Nyika. Mwari aida kuti nyika igone kutakura hupenyu saka aifanira kuifukidza mumvura dzakadzama. Hupenyu hunoda mvura yakawandisa. Asi kana nyika yaive kure nezuva, kwaitonhora. Saka chiso chenyika chaive nemvura yakaoma kuita dombo rechando nyika ichiita kunge bhora rechando, chakafukidzwa nedombo guru kwazvo rakadzika rechando. Iyi ndiyo yakaita nguva yechando chakaoma yekutanga (first ice age).

Mwari akabva aunza nyika yaive nechando chakaoma pedyo neZuva chando chichibva chatanga kunyunguduka. Magodo echando chakaoma, paakatanga kunyunguduka, akatanga kukwenenzvera chiso cheNyika. Mwari akasairirira magodo mahombe echando nemaduku acho achitenderera kusvika agadzira chiso chenyika chaita zvaaida Iye.

Magodo echando akazonyunguduka ese Nyika yese ikafukidzwa nemvura zhinji.

Mvura ikapwa ichikwira kudenga inoita makore.

Saka makore akadzima akaitika pamusoro pechiso cheNyika makore aya akabva afukidza nekudzikatira chiedza chezuva. Pamusoro pemakore, zuva raipenya asi pazasi pemakore, mvura yese yaive murima.

Makore paakatanga kuungana akatanga kukonzeresa rima pasi pemakore.

Mosesi aive akatarisa zviitiko izvi muchiratidzo.

Apo chiratidzo chaifamba nepamusoro penyika, Mosesi aikwanisa chete kuona pamusoro pemvura. Mvura haina chimiro kana ruvara rwayo pachayo. Inofamba kunotora chimiro chenzvimbo kana gaba rairi kunogara. Mvura kana chiso chenyika hazvigoni kuita makomo nemapani, inongogara yakati sandarara, semaonero aiita Mosesi.

GENESIS 1:2 Nyika yakanga isina ku­gadzirwa, isina chinhu;

(pamusoro pemvura paive pakangoti sandarara pasina chinhu, paive pasina chimiro zvachose. Paingova pakangoenda nakuenda zvisina muganhu).

... rima raivepo pamusoro penyika.

(pasi pemakore paive nerima).

(Mvura dzakadzika dzaive dzabva pamagodo echando aive anyunguduka zvaive zvakafukidzwa nerima nenzira imwechete inoshandiswa nemakore akakora kutadzisa chiedza chezuva kusvika pachiso chenyika.)

GENESISI 1:3 Mwari akati: Chie­dza ngachivepo, chiedza chikavapo.

Chiedza chezuva chaive chatovapo kare asi chaisakwanisa kudarika makore akakora kora kuti chisvike panyika.

Mwari paakati “Chiedza ngachivepo”, Shoko raMwari raakataura rakarova makore rikaaparadza kuti zvikamu zvemvura zvaive mumakore zvakashandurwa kudzorwa pakuva zvikamu zvegasi reokisijeni nehaidhirojeni magasi asingaonekwe aya akaita zvidzitiro zvekuchengetedza nyika zvaitendera kuti zuva ripinde.

Saka zuva rakatanga kukwanisa kurova nyika.

Kufamba kwemhepo inopisa inobva kuZuva kwaizopatsanura chidzitiro chekunze chegasi yozosvika paNyika yagovaniswa zvakanaka. Saka kwaive nemamiriro ekunze akanatswa pasi rese hakuna mvura yainaya. Mvura inogadzirwa muchadenga panosangana mhepo inopisa nemhepo inotonhora. Semuenzaniso, pazuva rinotonhora, mweya waunofema unopisa ukaenda pahwindo remotokari mvura iri mumweya ikagadzikana inoita mhute pahwindo remota.

Inonzi kometi Riniya yakatsemuka padhuze neZuva muna AD 2000 yakaunganidza gore regasi rehaidhirojeni neokisijeni rakaitwa nekupwanyika kana kupatsanurana kwe matani anoda kusvika 3,3 miriyoni emvura. Izvi zvinoratidza kuti mvura inokwanisa kushanduka kuita zvimwe zvikamu zvayo zvemagasi maviri muchadenga.

GENESISI 1:6 Mwari akati: nzvimbo ngaive’po pakati pemvura, kuti iparadzaniswe mvura nemvura.

Chinhu chekutanga kuti pave nehupenyu chiedza.

Zvino zvinorarama zvinoda mweya wekufema.

Saka Mwari akazadza nzvimbo iri pakati pemvura dzegungwa dziri pasi dzakafukidza Nyika nemvura dzemudenga dzemumakore dzaaive aparadza kuita zvimwe zvikamu zvemagasi anobva pamvura nehaidhirojeni neokisijeni.

[Mwari aizobatanidza magasi epamusorosoro aya pamwechete kuti amaite zvakare mvura mumazuva aNoa, oita kuti mvura iyi inaye paNyika. Saka chidzitiro chekuchengetedza chemagasi chinonaya paNyika semvura. Pasina chidzitiro cheruchengetedzo ichi pamusoro peNyika, zvikamu zvezuva zvakaipisisa, zvakafanana neautiravhayoreti, zvinorova nyika vanhu votanga kufa vari vadiki pamakore mumashure memvura yaNoa.]

Chimwe chinhu chakadaro panhau yekushanduka kwemvura kuita haidhirojeni kana okisijeni gasi chakaonekwa muna 2016 AD. Europa, mwedzi wepuraneti inonzi Jupita, wakafukidzwa nechando chakaoma. Munhu anoenda muchadenga Galileo akaenda kuJupita, akasvika muna 1995, akazowana humbowo hwemvura ine munyu pasi pechando chakaoma chekuEuropa, zvichiratidza kuti panogona kuva paine gungwa pasi pechando chakaoma ichi. Muna 2016 teresikopu yekudenga yeHubble yakaburitsa mifananidzo yemabhora emweya airamba achisimuka kubva pachiso cheEuropa achienda mazana emakiromita muchamweya. Nekuti Hubble yakakwanisa kuona muzvezve wegasi rehaidhirojeni neokisijeni, vesainzi vakutenda kuti mabhora emweya aisimuka aya aive mvura. Munzvimbo isina chinhu muchamweya, vanotenda kuti mirazvo yeawutiravhayoreti yezuva inopatsanura zvikamu zvemvura kuita rudzi rwazvo rwegasi rehaidhirojeni neokisijeni. Izvi humbowo hwekuti takaona kubva kuchamweya kuti kune zviitiko zvakafanana nezvaakaitwa naMwari pakutanga paakatora mvura yaive kumusoro akaipatsanura kuita gasi rehaidhirojeni negasi reokisijeni kuitira kugadzira chidzitiro chiri mudenga, chisingaonekwi nemeso edu enyama chemagasi anochengetedza nyika.

Tichiwedzera, mwedzi weSachuni wechitanhatu mapihombe yacho Enceladusi wakafukidzwa nechando chakachena uye nzira yawo yaunotenderera nayo paSachuni ine ringi rakadzama (rinodaidzwa kuti Torus) rinowanzoitwa nemagasi ehaidhirojeni neokisijeni asina zvainoita. Magasi aya anoita chidzitiro chepamusoro soro chinopoteredza Enceladus.

Saka kana nyika yakatanga iri bhora rechando chakaoma, saka semwedzi Enceladus neEuropa achiri mabhora echando, hazvishamisi kuwana zvikamu zvemvura, magasi ehaidhirojeni neokisijeni, ari kumusoro pamusoro pechiso cheNyika, pakutanga.

Asi muchamweya panyika maifanira kuva nemubatanidza wemagasi kuitira kuti abatsiridze hupenyu panyika (isu vanhu nedzimwe mhuka dzese). Nzvimbo iyi iri pakati pemvura dzekumusoro (dzaive magasi ehaidhirojeni neokisijeni) nemakungwa ari pasi inodaidzwa kuti muchadenga kana muchamweya inofanira kuzadzwa nemagasi akaenderana: 21% yegasi reokisijeni kuti kugaiwa kwechikafu mumiviri yedu kugoneke patinofema. Kupisa uku kunoita kuti tidziirwe mudziya wemiviri yedu igare iri pamadhigirizi 37. Muchadenga munoda 78 % yegasi yenaitirojeni kuti zvinhu zvese zvigadzikike kuti okisijeni isabatsiridze kupararira kwemoto yemasango zvinozokonzera kuti moto itadze kudzoreka. Chitundumutsere mutsere cheApollo I muna 1967 chaive ne100% yeokisijeni gasi kamoto kakaitika zvetsaona kakakonzeresa moto unotyisa zvekuti vanhu vatatu vese vaivemo vakafa pasina aive akwanisa kuvhura mukova wepo kuti avabatsire.

GENESISI 1:7 Mwari akaita nzvimbo, akapa­radzanisa mvura yakanga iri pasi penzvi­mbo, nemvura yakanga iri pamusoro penzvimbo; zvikaita saizvozvo.

Muchadenga mune mweya unofemeka maidaidzwa kuti nzvimbo.

Huwandu hwemapesendi egasi ari muchadenga anofanira kuva akafanira. Kana paine gasi shoma pane mapesendi 61 moto haibviri uye chikafu hachigoni kugaiwa mumiviri yedu kuti chikafu chitipe simba nekuita kuti tigare tichidziirwa. Kana okisijeni ikawandakudarika 21% moto inobva yabvira zvakanyanya zekusvika pakunetsa kuidzora.