Mhuka dzakaitwa Adamu aitwa kare here?

We update studies as the Lord Jesus leads us. You can find the latest update of this study at ChurchAges.net

Bhaibheri rinokwanisa kukarika raenda kuzvinhu zviri mberi kana zviri kumashure

Huchenjeri hunotaura:

ZVIREVO 8:26 Iye (Mwari) asati aumba pasi namapani, Kana guruva rokutanga renyika.

27 Panguva yaakagadzira kudenga-denga, ndakanga ndiripo;

Mwari asati aita chero chinhu akaunganidza huchenjeri hwake kuti agadze nzira yaizogara nekusingagumi.

Nzira iyi, kana ikateverwa, inopa chimwe chibereko chekupedzisira chakatarwa.

Magumo, saka, anobva panzira yekutanga pakatangira Mwari.

Dzimwe nguva, Bhaibheri rinodzokera kumashure kana kuenda mberi pakati pezvinhu zvakadarika nezvichaitika kuitira kuti rigadze zvinhu zvakadzama.

Semuenzaniso,

Jesu, akati adanidzira, pamuchinjikwa, akakotamisa uso hwake ndokufa. Mazuva matatu akazotevera akamuka kubva kuvakafa.

Asi Mateo Chitsako 27:50 - 53 inoyananisa “Akati adanidzira” ne “Mabwiro akazarurwa”.

Asi mabwiro akazozaruka pakamuka Jesu mazuva matatu mumashure mekufa nekuvigwa kwake. Saka, Mateo anofuratira kuvigwa kwaJesu pamavhesi mana aya.

Ipapo, mumashure mekumuka kubva kuvakafa, Mateo akaenda kumashure munguva akasvika kunguva yekuvigwa kwake muvhesi 59 ne 60.

Nei Mateo akafuratira kuvigwa kwaJesu akakudarika kubva pakuti ‘Akati adanidzira” achienda parumuko.

MATEO 27:50 Zvino Jesu akadanidzirazve nenzwi guru akabudisa mweya wake.

51 Ipapo tarira chidzitiro chetembere chakabvaruka napakati, kubva kumusoro kusvikira pasi. Nyika ikadengenyeka, mabwe akatsemuka.

52 Mabwiro akazaruka nemitumbu mizhinji yavatsvene vakanga vavete yakamutsva.

53 Vakabuda pamabwiro iye amuka vakapinda muguta dzvene. Vakavonekwa navazhinji.

Kana Mwari akashandura maitiro enguva, Anenge achiedza kutiudza chinhu chakakosha.

Kushanduka kwenguva uku kunotibatsira kunzwisisa Zvakazarurwa 10

Kana Mutumwa Mukuru (Mutumwa wesungano) akaburuka kuna Zvakazarurwa Chitsauko 10, ipapo

ZVAKAZARURWA 10:3 akadanidzira nenzwi guru seshumba inorira; iye wakati adanidzira, kutinhira kunomwe kukabudisa manzwi ako.

“Akati adanidzira” zvinoreva kuti, zvichibva kuna Mateo, Mutumwa weSungano anenge amutsa vakafa.

Zvino kana rumuko urwu rwaitwa, hwamanda nomwe dzinoreva kuratidza Mwenga kuti oshanduka sei muviri wake.

Saka, izvi zvinotiudza kuti Mutumwa weSungano akaburuka kuzoitei. Anomutsa vakafa.

Izvi zvinotsigirwa nechikamu chekutanga chaZvakazarurwa 10:3 chinoti “akadanidzira nenzwi guru.”

Izvi ndizvo chaizvo zvakaitwa naJesu paakamutsa Razaro.

JOHANE 11:43 Wakati areva izvozvo, akadanidzira nenzwi guru, akati: Razaro, buda

64-0119 SHAROMI

Kana Mutumwa, wekunaZvakazarurwa chitsauko 10, akaisa tsoka yake imwe pamusoro penyika imwe pamusoro pegungwa, nemurarabungu pamusoro pake, Anopika, “Nguva haizovapo zve.”Kana nguva iyi yasvika, muchamutswa kubva pakati pevakafa. Apo vamwe vese varere pakadaro apo, imi munobva mapinda.

Mutumwa wekuna Zvakazarurwa 10 anouya panyika kuzomutsa vatsvene veTestamente Itsva vakafa.

Gwara iri tinoriwana kuna Mateo achishandura maitiro enguva kuti aburitse pachena kudanidzira kukuru kwakaunza kumuka kwevakafa veTestamente Yekare.

ZVAKAZARURWA 10:3 Akadanidzira nenzwi guru (paimutswa vakafa) seshumba inorira; iye wakati adanidzira (mumashure mekumutswa kwevakafa), kutinhira kunomwe kukabudisa manzwi ako.

Saka, kutinhira kunomwe kunoreva mumashure mekumutswa kwevakafa.

I VAKORINTE 15:52 Pakarepo, nokubwaira kweziso, nehwamanda yokupedzisira; nokuti hwamanda icharira, ipapo vakafa vachamutswa mukusavora; nesu tichashandurwa

Chekutanga kumutswa kwevakafa. Isu tozoshandurwawo mumashure mekumutswa kwevakafa.

Saka, Kutinhira kunomwe nekushandurwa kwemiviri kunoitika nguva imwechete.

Izvi zvinotipa gwara rakakosha rekuitika kuchaita kumutswa kwevatsvene veTestamente Itsva kuna Zvakazarurwa Chitsauko 10 kutinhira kunomwe kusati kwareva. Izvi zvinotibatsira kuziva panoreva Kutinhira kunomwe nebasa rako, sezvo kunofanira kutiratidza kuti toshandurwa sei miviri yedu.

Mateo anotarisa kumutswa kwevakafa veTestamente Itsva nekutaura pamusoro perumuko rweTestamente Yekare.

Mateo ari kutiudza kuti titevere nzira iyi kubva paKuuya kwaJesu kwekutanga. Kumutswa kwevakafa kwekutanga kwevatsvene veTestante yekare, Jesu akazoenda Kudenga mazuva makumi mana akazotevera.

Tinokwanisa kushandisa maitikiro ezvinhu eTestamente yekare kuvaka nzira yakafanana naiyoyo yekumutswa kwevatsvene veTestamente Itsva. Nei chiitiko chemazuva makumi mana? Pane chinofanira kuitika ikoko, kana vatsvene veTestamente Itsva vamutswa. Ndiyo inova nguva yekuitika kweKutinhira kunomwe.

Kutinhira kuchatiratidza kuti togamuchira sei kutenda kwekukwira Kudenga. Tinokwanisa chete kutorwa kukwira kudenga mumiviri mitsva. Saka hatigoni kukwira kudenga mimiviri mitsaru yatiri saka hazvireve chinhu kuedza kuwana kutenda kwekukwira kudenga kana tichiri kurarama mimiviri yatiri.

Zvinosuwisa, vaparidzi veEvangeri vakaparidza dzidziso dzavo dzakasiyana dzekutinhira kunomwe kwemakore anodarika makumi mana kuitira kuti vati vane kutenda kwekukwira kudenga. Pachinzvimbo chekukwira kudenga, vamwe vakavigwa.

Kutinhira kunofanira kutiratidza kuti toshandurwa sei miviri yedu. Kana mava mumiviri yenyu mitsva ndipo pamunogona kukwira kudenga. Ipapo chete ndipo pamunobatsirwa nekutenda kwekukwira kudenga kuti muende kudenga.

Kutaura kwese uku kwakafanoonekwa kukaburitswa pachena mukutsvagurudza kuti nei Mateo akashandura maitiro enguva dzezviitiko kuti ataure kumutswa kwevakafa Jesu adati avigwa.

Kufanoona zviri mberi. Kuwana zivo kubva mumakwara mashoma ari mune zvakanyorwa.

Nei Mateo akasiya kuvigwa kwaJesu mumavhesi mana iwayo.

Nekuti Mateo ari kutipa murongo wezviitiko zvekuna Zvakazarurwa Chitsauko 10 kusina kuvigwa kunoitikako, kumutswa kwevakafa chete kubva munguva nomwe dzemakereke zvakasiyana kwazvo nekuvigwa.

Tinofanira kudzidza kubva muzviitiko zvakadarika kuti tigadzirire zvinhu zviri mberi.

Ngatitarisei mavhesi anoita kuti zviite sekuti Adamu akaitwa mhuka dzisati dzavapo.

Tinokwanisa kudzidza chii kubva pakuongororwa kwenguva uku?

GENESISI 2:18 JEHOVA Mwari akatizve, "Ha­zvina kunaka kuti munhu agare ari woga; ndichamuitira mubatsiri akamukwanira.

Pano Bhaibheri rinotaura nezvaAdamu rapedza kutaura nezvaAdamu, Bhaibheri rinotaura kuti zvipuka zvakaitwa kubva muguruva.

GENESISI 2:19 JEHOVA Mwari akaumba nevhu mhuka dzose dzesango, neshiri dzose dzedenga, akadziisa kumunhu kuti aone kuti acha­dzitumidza mazita api; zvipenyu zvose sezvazvakatumidzwa nomunhu, ndiwo akava mazita azvo.

Izvi zvinoreva here kuti Mwari akaita mhuka aita Adamu kare?

Kwete.

Mwari paanotaura nezvezviitiko zviviri zvinoonekwa sezviri mumurongo wenguva usiwo, anenge achiedza kuburitsa chimwe chinhu pachena.

Tinofanira kutsvaga kuti Mwari ari kuedza kuzivisa chii kuti tinzwisise zviri nani hudzamu hwezviitiko.

[Kudzoswa shure kwenguva uku kuri kuedza kutiudza kuti hatifaniri kupomera mhuka yakazoshandurwa kuitwa nyoka pakuzivisa kwayakaita chivi, kunyange hazvo yaivepo pachiitiko ichi.

Kana Eva akatadza yaive mhosva yake nekuti akatenda zvinhu zvisimo muMagwaro. Haafaniri kupomera akamuedza.]

[Tiri mugwa umwechete. Hatigoni kupomera zviitiko kana tikawira muzvivi. Tinotadza nekuti takasiya Shoko raMwari kuti titsvage magarikwa. Zvikuru sei, rinotiudza kuti hatina chikonzero chekuramba Shoko raMwari muzviitiko zvedu. Tinofanira kuzvipomera, kwete kupomera vamwe kana tawira muzvivi.]

Ngatiendererei mberi tione kana tichikanisa kutsigira mhedziso iyi.

Rudo rwekutadza runobva mukati memoyo wemunhu, kwete kunze kwedu. Kana tikatevera zvido izvi zviitiko zvinotiwira zvinozivisa nzira dzezvivi.

Ngatitangirei kumashure chaiko kuti tiwane nheyo dzacho.

GENESISI 1:26 Mwari akati: Ngatiite munhu no­mufananidzo wedu, akafanana nesu; ngaave nesimba pamusoro pehove dzegu­ngwa, napamusoro peshiri dzedenga, na­pamusoro pezvipfuwo, napamusoro pe­nyika yose, napamusoro pezvipenyu zvose zvinokambaira panyika.

27 Mwari akasika munhu nomufananidzo waMwari; akavasika murume nomukadzi.

Mwari ndiMweya. Mwari kuna Genesisi Chitsauko 1, akatanga kusika Mweya waAdamu kubva pasina pazuva rechitanhatu.

Adamu akatenderera panyika ari munhu-wemweya ane hunhu hwechikadzi maari.

GENESISI 1:28 Mwari akavaropafadza, Mwari akati kwavari: Berekai, muwande, muzadze nyika, mubate ushe pairi; muve nesimba pamusoro pehove dzegungwa, napamu­soro peshiri dzedenga, napamusoro pe­zvipenyu zvose zvinokambaira panyika.

“Muzadze”. Kuzadza nyika zvakare. Izvi zvinorevei?

Adamu ndiye munhu wekutanga akasikwa. Saka taizova panyika sei Adamu asati avapo.

MAPISAREMA 139:14 Ndichakuvongai; nokuti ndakaitwa nomutoo unotyisa unoshamisa; Mabasa enyu anoshamisa; Mweya wangu unozviziva kwazvo.

15 Mapfupa angu akanga asina kuvanzwa kwamuri, Panguva yandakaitwa pakavanda, Pakuumbwa kwangu nenjere panzvimbo dzezasi dzapasi.

16 Meso enyu akaona muviri wangu uchigere kukwaniswa, Zvose zvakanga zvakanyorwa murugwaro rwenyu, zuva rimwe nerimwe rokuumbwa kwazvo, Kusati kwava nechimwe chazvo.

Mwari paakasika nyika, akasikawo zvinhu zvaizoita miviri yedu yaizouya akazviisa muguruva renyika. Nguva yedu yekutanga panyika yaive pataive muvhu.

Midzi yemiti yaizomedza zvinhu izvi yozviunza padenga sechikafu apo zvaidyiwa namai vane mimba. Saka, zvinhu izvi zvinoita nhengo dzemuviri dzakasiyana siyana dzemwana. Izvi zvinobatsira kutsanangura nhomba inoitwa nemunhu ane pamuviri apo vanoda kudya zvimwe zvinhu zvavanenge vasina asi zvichidiwa nemwana.

Tinodzidza chidzidzo chakakosha.

Miviri yedu haina kungoitwa nenzira dzechibhubhubhu. Zvidimbu zveguruva zvakaita miviri yedu zvakabatanidzwa nehunyanzvi muvhu naMwari pakutanga. Tinofanira kuitwa tochengetedza miviri yedu kubva kune zvimwe zvinhu panyika zvinomedzwa nemiti yatinodya sechikafu.

Ranhasi redu rinobva pazano raMwari rakagara raitwa kare muhuchenjeri hwake panyika, kare kare.

Miviri yedu yaimbova chikamu chenyika, yakurarama nekufamba pamusoro penyika.

Pakutanga, neimwe nzira zvidimbu zvemiviri yedu zvaimbove muvhu. Zvaidyiwa nanamai vedu ndizvo zvakaunganidza nhengo dzemiviri ino pamwechete kuti miviri yedu ivepo.

Uku ndiko kwakava kushanduka kwemiviri yedu kwekutanga apo zvidimbu zvemiviri yedu zvekaunganidzwa kubva muvhu nezvaidyiwa nanamai vedu vakazvitakura.

Kubva muguruva kuita vanhu venyama, totenda vanamai vedu. Tinobva tavaka nekuita miviri yedu nezvatinodya patinozadzisa nzvimbo dzedu panyika. Tiri zvatinodya.

Takufanira kugadzirira kushandirwa kwechipiri kwemiviri yedu, kubva kumiviri yakazadzwa neropa kuita miviri isina ropa miviri isingavori.

I VAKORINTE 15:50 Zvino, hama dzangu, ndinoreva ndichiti, nyama neropa hazvingagari nhaka yovushe bwaMwari; nokuvora hakungagari nhaka yokusavora.

Saka, pamweya, takangovakwa pakutenda kwezvatinodya pamweya (zvatinotenda nekunzwisisa) zveMagwaro. Vhesi rimwe nerimwe ratinofuratira kana kurwisa kana kushandura kana ratisinganziwisisi rinonyima mweya yedu zvakakosha zvemweya zvekuti kutenda kwedu kunova kwakaneta.

Ramagwana redu rinobva “panamai vedu vemweya” kubva kuzvinhu zvakadarika, mai vekereke yakatipa chekudya.

Tine sarudzo mbiri. Kereke yeRoman Catholic ndiyo mai vemakereke emasangano. Mweya iwoyo unoita kuti titende kuTiriniti, Kisimusi, Chishanu Chakanaka (Good Friday) kuita munhu musoro wekereke, mukuru wekereke haatadzi, uye kuti zvinotaurwa nevanhu zvinotsiva Bhaibheri. Izvi zvese zvinogumira munguva yeKutambudzika.

Kana kuti, Mai vekereke yedu ikereke yeTestamente Itsva yakatangwa nevapostora apo mapoka maduku aisanganirana mumba achitungamirirwa neboka revakuru, kwete nemunhu mumwechete. Vaitsvaga Magwaro mazuva ese kuti vanzwisise vakanyora muBhaibheri. Tekinoroji yeZoom inotendera mhuri dziri kure nakure kuti vawadzane pamwechete vachinamata. Boka rinogona kuita duku nekuti Mwari anoshanda nemapoka maduku.

MATEO 18:20 Nokuti apo pakavungana vaviri kana vatatu muzita rangu, ndiripo pakati pavo.

Mukereke yeRaodikia, Kristu akarambwa amire kunze kwemukova wekereke. Nhasi, vanhu vakaramba ndivo vanogona kusangana naJesu kunze kwemakereke vodzidza Chokwadi Chake.

Vanhu ava vanokwanisa kusangana paintaneti vodzidza kubva kune umwe neumwe. Izvi zvichagonesa kuziva Kutinhira kunomwe kusina kunyorwa kuchareva pakumutswa kwevatsvene vakafa. Kutinhira kunoreva kuitira kuti kutiratidze kuti toshanduka sei miviri yedu kuti titorwe kukwira kudenga kunosangana naShe kumakore.

Mufananidzo wechinomwe kuna Mateo Chitsauko 7 unotsanangura nguva yekereke yechinomwe apo rutava kana kuti neti runotsvaira gungwa remarudzi asina kugadzikika. Izvi mucherechedzo weintaNETI apo mawebisaiti anokwanisa kutakura chokwadi kuti asarudze vanhu mumativi mana epasi rese.

“Kuzadza” kuna Genesisi 1:28 kunotisunganidza nenguva yakadarika apo nhengo dzemiviri yedu dzaiuya kuzoumba muviri. Pamweya, tinofanira kuyanana nezano raMwari rekutanga renguva yemapostora. Zvatinotenda zvinofanira kubereka rumuko rwezvavaitenda. Tinofanira kufanana navo.

Nguva yakadarika yakabata chakavanzika chezvatinotenda mune ramangwana redu.

Genesisi 1:29 inotiisa munguva inouya, Kuuya kwechipiri. Miviri inorarama iyi inoshandurwa kuti ifuke kusavora.

Kuita izvi tinofanira kufamba kubva pamukaka weEvangeri patinodzidza ruponeso nehutsvene. Tinofanira kufambira mberi kuenda “kunyama” uko tinogona kunzwisisa zvakavanzika zveMagwaro zvakaziviswa zvinotiudza nezvehuwori mumakereke ese panguva yekupedzisira.

GENESISI 1:29 Mwari akati: Tarirai, ndakakupai mi­riwo yose inobereka mbeu, iri panyika yose, nemiti yose ine michero yemiti inobereka mbeu, kuti zvive zvokudya zvenyu.

Mirivo yese nemiti yese zvakapiwa kuvanhu kuti vagone kurarama ramangwana pamiviri yavo yenyama yavaizopiwa. Vhesi iri rinoenda kunguva inouya sezvo Adamu aive achiri munhu wemweya panguva iyi.

“Kuzadza” zvinotiyananisa nenzira yenguva yakadarika yatinofanira kuzadzisa.

Tinodzokera here kuzvitendero zvekereke yeRoman Catholic zvemapoka akarongwa apo kereke imwe neimwe ine munhu anomira semusoro wayo nemazano ake akaitwa nevanhu?

Kana kuti tinodzokera here kuzvitendero zvekutanga zvemaprofita?

“Zvichave zvekudya” zvinotisunganidza nezano remberi ratinofanirawo kuzadzisa.

Tinotevera Magwaro here pane zvatinotenda?

Miviri yedu yatiinayo izvozvi yakaitwa nenyama inovora, chibereko chezvivi. Miviri yedu yakashandurwa ichaitwa kubva kunyama isingavori isina ropa ichange ichizvipira zvakazara kuShoko raMwari, kwete kumashoko kana mazano evanhu.

Nemamwe mazwi, tingori zvisikwa zvanhasi.

Takagadzirwa nenzira yezvakadarika yakaitwa neRoma paKanzuru yeNecaea nemazano avo asimo muMagwaro kana kuti nemapostora vakanyora Testamente Itsva.

Huchenjeri zvinoreva kugona kunzwisisa Magwaro

Huchenjeri hwedu hunotsigirwa nekunzwisisa kwatinoita Magwaro.

Tinofanira kuumbwa nekunzwisisa kwatinoita Magwaro kusvika takwanisa ramagwana rakarongwa kare.

Kereke yakadarika yemapostora ndiyo yega chombo chinogona kutiratidza kuti togadzirira sei zano raMwari ramangwana kuti tipunyuke kubva mumakore matatu nehafu enguva yeKutambudzika kukuru ichaparadza rusununguko rwedu rwevanhu.

Saka Shoko raMwari rakaziviswa rinofanira kutiumba kuitira Kuuya kwaShe kuchauya nekutidzosera kune zvakatendwa mazviri nekereke yekutanga yemapostora. Takatapwa pakati penguva yakadarika (nguva yemapostora eTestamente Itsva) nenguva inouya yekumutswa kwevatsvene veTestamente Itsva neKutinhira kunomwe kuchatiratidza kuti toshandurwa sei miviri yedu yatinayo.

Ngatidzokerei pakusika kwaMwari kwekutanga.

GENESISI 1:30 Mhuka dzose dzenyika, neshiri dzose dzedenga, nezvipenyu zvose zvino­kambaira panyika, zvinemweya woupe­nyu, ndakazvipa miriwo yose minyoro, kuti zvive zvokudya zvazvo; zvikaita saizvozvo.

Paive pasina chakaipa kana dambudziko pamhuka kana miti yaive yasikwa naMwari yaive yapihwa sechikafu kumhuka.

Kana tikaita zvivi, hatigoni kupomera muti kana mhuka Mwari akazvisika zvese zvakanaka.

Tinodzidza chidzidzo. Mwari akasika zvese zvakanaka. Kana tikatadza imhosva yedu. Rudo rwekutadza runobva mukati memunhu kwete kunze. Hure rizere zvivi harigoni kuita kuti murume atadze kunze kwekunge naiyewo ane rudo rwekutadza mumoyo make.

GENESISI 1:31 Mwari akaona zvose zvaa­kaita, onei zvakanaka kwazvo. Madeko akavapo, namangwanani akavapo, zuva retanhatu.

Chisikwa chese chinorarama, muti, muriwo, mvura, mhepo, kana nyika zvakasikwa naMwari zvaive zvakanaka. Hakuna chinhu chakasikwa chaive chakaipa.

Yambiro kwatiri. Musatsvage chiratidzo chechikara sechinhu chinoonekwa. Tatuu, maikirochipi, chiverengo, kiredhiti kadhi, kana vhakisini rekudzivirira hutachiwana.

MATEO 10:28 Musatya vanovuraya muviri asi vasingagoni kuvuraya mweya, zvikuru mutye uyo unogona kuvuraya zvose mweya nomuviri muGehena.

Hakuna chinhu chakasikwa chinouraya muviri chinogona kuuraya mweya.

Mweya unogona chete kuparadzwa nekusatenda kunova kushaikwa kweMagwaro.

GENESISI 1:31 Mwari akaona zvose zvaa­kaita, onei zvakanaka kwazvo. Madeko akavapo, namangwanani akavapo, zuva retanhatu.

Aya ndiwo aive magumo eZuva rechitanhatu. Zuva rimwe nerimwe makore 1 000 kuna Mwari.

“Madeko nemagwanani”. Hakuna kutaurwa nezvehusiku.

ZEKARIA 14:7 Asi richava zuva rimwe rinozikanwa naJehovha, hapangavi namasikati kana husiku, asi nenguva yamadekwana chiedza chichavapo

Madekwana anomiririra magumo enguva nomwe dzemakereke. Nguva yechaedza apo vatumwa kunguva dzemakereke vanozivisa zvakavanzika zveMagwaro kuti Mwenga anzwisise Bhaibheri pachake.

Mangwanani anomiririra kutanga kweMereniyamu, Zuva raMwari rechinomwe.

Zuva rechinomwe rekutanga rakakanganiswa pakapinda chivi.

Nekusataura “nezvehusiku” Mwari ari kutiudza kuti Mwenga haasi kuzopinda mumakore matatu nehafu enguva yeKutambudzika kukuru.

Madekwana, pakupera kwenguva nomwe dzemakereke, Mwenga akazara kubva munguva nomwe dzemakereke achavapo pakumutswa kwevatsvene vakafa. Vanopesana nemakore matatu nehafu ekutambudzika kukuru achienda kuChirayiro cheMuchato. Mwenga akazara anodzoka kuAmagedhoni kutanga kana magwanani eZuva reMereniyamu.

Chisipo husiku. Uku kushaikwa kwechiedza. Saka, husiku hunomiririra nguva yeKutambudzika kukuru, kushaikwa kweMagwaro kwakakonzerwa nekuramba Bhaibheri reKing James Vhezheni rakamira, richitukwa nekurambwa riri kunze kwemukova wekereke.

GENESISI 2:1 Denga nenyika zvikapera saizvo­zvo, nouzhinji hwazvo.

Chitsauko 2 chinotanga panoguma zuva rechitanhatu. Mwari aive apedza kugadzirisa nyika kuti ive nzvimbo yakafanira kuti munhu agare. Makore 1000 matanhatu aive adarika.

Munhu wemweya akatonga mhuka, miti, nemirivo yaive paNyika.

II PETRO 3:8 Asi vadikanwa, musakanganwa chinhu chimwe ichi, kuti kunaShe zuva rimwe rakaita samakore anechuru, namakore anechuru, sezuva rimwe.

Mwari aitsvaga nzvimbo yekuzororera muzvisikwa zvake

GENESISI 2:2 Mwari aka­pedza basa rake raakaita nomusi wechi­nomwe; akazorora nomusi wechinomwe pabasa rake rose raakaita.

Vhesi iri rinosvetukira kumberi chaiko.

Chinangwa chekusika chaive chekutendera Mwari kuzorora.

Chinangwa chaMwari chikuru chaive chekuti zvisikwa zvake zvigomupa nzvimbo yekuzorora.

Mwari akangozorora paakasiya Adamu, mwanakomana waMwari, nemwenga wake kuti vatonge nyika muzuva rechinomwe remakore 1 000.

Mwari akagumisa basa rake paakaisa Adamu nemwenga wake mumiviri yakasiyana akavasiya vachitonga mumunda weEdeni. Kuita uku hakuna kutorera Mwari nguva refu sezvo aingofanira kutaura muviri wemunhu wakarurama wotosimuka kubva muvhu.

Mwari akabva aitira mukadzi muviri kubva pambabvu yaAdamu.

Mumashure mezuva rechinomwe waizova mukana waMwari wekuzorora. Asi imwe nguva mukati memakore 1000 aya, chivi chakapindira.

Chivi chaive chisiri chinhu chinobatika.

Chivi chinobatika chibereko chechivi.

Chataiti chivi chinobatika zvingori zviratidzo zvechivi chaicho chinova kusatenda.

Hunhu hwakaipa nezvido zvakaipa zvinokonzerwa nekusatenda kuri mumweya.

Chivi chaicho chimwechete kusatenda kuri mumweya

JOHANE 16:9 pamusoro pezvivi, nokuti havatendi kwandiri.

Kusatenda ndeapo pamunotenda chinhu chakasiyana nezvakanyorwa muMagwaro.

Mweya wemunhu unoshanda nekutenda (kutenda muMagwaro) kana kusatenda (kusatenda muMagwaro).

Kusatenda mumweya kunounza rudo rwekutadza mudangariro (dzinodaidzwawo kuti mweya).

Muviri unoita zvinhu zvezvivi, kuita uku ndikozvibereko zvekusatenda.

Zvino Magwaro anosvetukira mberi panozorora Mwari, mumashure mekunge Adamu nemwenga wake vane miviri inooneka, isingawori apo vaive nemakore 1000 ekufara havo.

GENESISI 2:3 Mwari akaro­pafadza musi wechinomwe, akauita mu­tsvene; nokuti akazorora nawo pabasa rake rose, raakanga asika nokuita iye Mwari.

Ichi chiratidzo chenguva inouya chaAdamu nemukadzi mumiviri yavo yenyama vachitonga nyika yaMwari.

Chiratidzo chenguva inouya ichi chinotiudza chinangwa chekusika. Mwari akasika akaita zvinhu zvese kuti zvigozviwisira pakuita Kuda kwake. Zvinhu zvaive zvakaitwa nehunyanzvi kuti zvirarame nekusingagumi. Paive pasina mukana wekutadza.

Mwari aikwanisa kuzorora kana zvisikwa zvake zvikamuterera zvakazara.

Kusimba kukuru kune roketi, zvinobva pakugadzirwa kwaro kwanakwana kwarakaitwa. Maroketi mazhinji akaparadzwa nekukanganisa kuduku duku. Zvinhu zvakasikwa zvaikwanisa chete kurarama nekusingagumi kana zvakaitwa muKuda kwaMwari kwakarurama pasina kana kukanganisa kuduku. Izvi ndizvo zvaitarisirwa naMwari. Izvi ndizvo zvaidiwa naMwari.

Asi Mwari aida kuti rudzi rwevanhu rwuve nesimba rekuita kuda kwavo vonakidzwa nehupenyu panyika. Saka, Mwari aizosiya munhu ari ega kuti atonge.

Ndiwo waive mutambo waMwari wekupedzisira. Zano rake rekupedzisira raive munhu. Aida kuti munhu azviwisire zvakazara kuzano raMwari rakarurama. Asi munhu aifanira kuzviwisira zvichibva pakuda nesarudzo dzake. Munhu aifanira kuva nekutenda muShoko rimwe nerimwe raMwari asingafi akakakavara kana kurambana neShoko raMwari. Asina chaawedzera kana kukamura pariri.

GENESISI 2:4 Ndiko kuvamba kwedenga nenyika, musi wazvakasikwa: Nezuva iroro JEHOVA Mwari raakasika naro nyika nedenga,

Zvino tinodzokera kumashure munguva, pakutanga chaipo.

Kusika kuna Genesisi 1:1 Mwari paakasika zuva, mwedzi, nyeredzi nenyika kubva pasina pakutanga. Kusina chero nguva.

Mwari akabva aita mazuva matanhatu emakore 1000 achigadzirisa kana kuita kuti nyika ive nzvimbo inogarika kuti munhu agone kurarama mairi.

Chitsauko 2 hachisi kutevera nguva nemurongo wevhesi nevhesi pazviitiko zvakaitika.

Mwari akasvetukira panguva kunoratidza zvimwe zvinhu.

Tsimba guru raMwari

Chii chakaratidzwa naMwari kuna Genesisi 2:4 nekudzokera kumashure?

GENESISI 2:4 Ndiko kuvamba kwedenga nenyika, musi wazvakasikwa: Nezuva iroro Jeho­vha Mwari raakasika naro nyika nedenga,

“Zuva”? Izvi zvinorevei?

Genesisi 1:1 rinoti “Pakutanga”. Hapana kutaurwa nezveZuva kana Mazuva.

Pano Mwari akasika haana chinhu chaakashandura kuita chimwe chinhu, nzvimbo, mukuita kwake kukuru kusina nguva, kwebasa rekusika.

Genesisi Chitsauko 1 inoverenga mazuva matanhatu apo zvisikwa zvitsva zvakaitwa kuti zvive musha wakakodzera kumunhu.

Saka, chii chakaitika muzuva rimechete?

Mugadziri mume nemumwe asati atanga basa rake anofanira kuita tsimba rake kuti basa rake parinobuda rinozadzisa zvinhu zvese zvinodiwa pariri.

Kumashure pakutanga, Mwari akaita Zuva raakagadzirira tsimba rake rezano rekusingagumi mundangariro dzake. Kuva kunze kwenguva, Mwari aikwanisa kusvetuka kudzokera shure kana kuenda mberi mukuronga kwake sezvo aikwanisa kuona zviri mberi nezviri shure zviri nyore.

Genesisi 2:4 inodzokera kuZuva iri, kumashure chaiko, kunotiratidza kuti Mwari haana chaanosiirira. Anotanga kugadzira Zano reruponeso setsimba uye zvimwe zvese zvaakaita mumashure maizvozvo akaitira kuti zvienderane neZano rake Guru.

Nzira yaMwari ndeyekushanda nezviri kuitika nenzira yekuti zvipindirane netsimba rake rekutanga. Nenzira iyoyo zano rake rinogona kukura nenzira yekuti munguva inouya Mwari anozogona kuzorora, achiziva kuti rudzi rwevanhu rwakatendeka pakuzadzisa tsimba raMwari rekusingagumi. Izvi zvinoreva kuti hakuna zvakabvira zvakanganiswa. Izvi zvinogoneka chete kana tikatevera gwara retsimba rake, Bhaibheri.

Saka, munhu anofanira kuwisira mafungiro ake zvakazara kuShoko raMwari. Munhu anofanira kuzvipira kuita izvi nekuda kwake nesarudzo dzake.

Ramangwana rinobva mugwara rezvakanyorwa munguva yakadarika.

GENESISI 2:5 makwenzi esango akanga achigere ku­vapo panyika, nemiriwo yesango yaka­nga ichigere kumera; nokuti JEHOVA Mwari akanga asati anaisa mvura pa­nyika, uye kwakanga kusina munhu ku­zorima pasi

Muti wese waive watotanga kukura paZuva retatu kuna Genesisi Chitsauko 1.

Asi Mwari muvhesi iri akasvetukira kumashure pnguva kuenda pakutanga. Achigere kudyara chero chinhu.

Mwari akasimbisa pfungwa yetsimba rake guru.

Tinofunga kuti miti yese yakangomera pese pese.

Asi Mwari, muZano rake guru, akaisa muti umwe neumwe uri pawaidiwa panzvimbo yawo chaiyo yawaive mundangariro dzake. Hakuna chakasiirwa mukana wekukanganisika. Chinhu chimwe nechimwe chiduku chaive chakaonekwa kare. Hakuna chinhu chinogara nekusingagumi kunze kwekunge chakwana muzano guru raMwari.

Hakungave nemvura inonaya kusvika paMvura yaNoa.

Saka Bhaibheri rinosvetukira kumberi kunotaura nhau yemvura yainge isina chirevo panyika kusvikira mazuva aNoa asvika. Payakazosvika, mvura yaizova mutongo unotyisa wakatsvaira pasi rese kunze kwezvaive zvapinda mungarava.

Pfungwa yemutongo wenguva inouya yakaenderera mberi.

Munhu achirima munda munguva inouya. Adamu aizopihwa muviri wake wenyama sezvo apa aive achiri munhu wemweya. Aizokwanisa kurima nekukudza chikafu. Pakutanga yaive nzira yakapfava yekurarama nekuti kwaive kusina bundo kana rukato kana zvipukanana zvinodya mbesa. Asi nekuda kwezvivi, nyika yaizotukwa munguva yaitevera nebundo netupuka zvinoita kuti zviwome kwazvo zvichida kushanda kukuru kuti urime ivhu. Varimi vanoshanda nekudikitira zvedi kuti varime chikafu chakakwanira vanhu. Mvura inogona kuva shoma zvirimwa zvosangana nekushaiwa mvura yakakwana.

GENESISI 2:6 asi mhute yaisikwira ichi­bva panyika ichinyorevesa nyika yose

Mwari anodzokera pakutanga kwezuva rechinomwe pazvaive zvakapfava zvese. Mhute yaizonyorovesa ivhu. Pasina gukuravhu nekuda kwemvura zhinji. Adamu zvaive zvakamurerukira. Zano raMwari raive rakarurama. Hupenyu hwaive hwakapfava nekuti zvinhu zvese zvaikura zvichishanda netsimba raMwari rekutanga.

GENESISI 2:7 JEHOVA Mwari akaumba munhu neguruva revhu, akafuridzira mweya woupenyu mumhino dzake; munhu akava mweya mupenyu

Mwari akaitira Adamu muviri wenyama kubva muguruva akafemera mweya wake waaive wasikwa mumuviri uyu.

GENESISI 2:8 JEHOVA Mwari akasima munda muEdheni, kumabvazuva, akaisapo mu­nhu waakanga aumba

Mwari akadyara miti mumunda weEdeni achigere kuisamo munhu.

Mwari akadyara munda wakasarudzika wemiti nemirivo nemishonga kumabvazuva kwenzvimbo yaakatumidza kuti Edeni. Iyi nzvimbo yakava pakati penyika. Pradhiso kana munda weEdeni waizogara munhu.

GENESISI 2:9 JEHOVA Mwari akameresa pasi miti yose inofadza meso, neyakanaka kudya; uye muti woupenyu pakati pomunda, nomuti wokuziva zva­kanaka nezvakaipa

Vhesi iri rinodzokera shure kwenguva. Miti yakadyarwa muZuva retatu kuna Genesisi Chitsauko 1 miti yakadyarwawo mumunda weEdeni munhu asati aiswamo.

Saka Mwari ari kuzama kutii?

Haasi kuti miti yakangodyarwa Adamu ava nemuviri wake.

Mwari ari kuti nekuti miti inokura kubva muvhu, yaive yakanakira munhu. Hakuna chaikura kubva muvhu chaizokuvadza munhu. Michero yemiti yaive “yakanakira kudya”.

Ivhu ndiro raive nzvimbo yekutanga yakabva muviri waAdamu.

Saka, chero chinhu chaikura kubva muvhu chaive chakamunakira.

Nemamwe mazwi, hakuna chinhu chinobatika chaikura kubva muvhu chaizokuvadza munhu.

Rangarirai, nhengo dzemuviri wemunhu dzaive dziri muvhu pakutanga.

Hakuna muti waive wakaipa.

Hakuna muchero unoberekwa mumuti waizokuvadza munhu.

Jesu akatsigira izvi achiti hakuna chekudya chinosvibisa munhu. (apa haasi kutaura nezvechefu).

Hakuna chinhu chaunodya chinokukuvadza sezvo chinopinda mudumbu . Chinokuvadza zvido zvakaipa zvinobva mumoyo.

MARKO 7:18 Akati kwavari: Nemi vo hamunzwisisi saizvozvo here? Hamunzwisisi here kuti zvose zviri kunze, kana zvichipinda mumunhu, hazvipindi mumoyo make asi mudumbu, zvichirashwa kunze, kana zvichipinda mumunhu, hazvigoni kumusvibisa

19 Nokuti hazvipindi mumoyo make asi mudumbu, zvichirashwa kunze; nokutaura kwakadaro wakanatsa zvokudya zvose.

20 Ipapo akati: Zvinobuda mumunhu ndizvo zvinosvibisa munhu.

21 Nokuti mukati, mumoyo yavanhu munobuda mifungo yakaipa, novupombwe, nokuba, nokuvuraya.

22 novufeve, noruchiva, nokuipa, nokunyengera, novutere, neziso rinegodo, nokutuka, namanyawi, novupenzi;

23 zvakaipa izvozvo zvose zvinobva mukati, zvinosvibisa munhu.

Saka,michero yese yaive mumunda weEdeni yaive yakanakira vanhu.

Zvivi hazvaigona kupinda nemumuromo nekudya muchero unotanhwa mumuti.

Chivi chaicho ndiko kusatenda kunopinda nemunzeve

Zvivi zvaizopinda nemunzeve nekunzwa nhema dzisimo muMagwaro.

Mwari akati “Uchafa zvirokwazvo” mhuka yakatukwa ikazoshandurwa kuitwa nyoka, chipfuyo chaive pakati pemunhu nechipfuyo, yakati, “Hausi kuzofa zvirokwazvo”. Akangowedzera shoko rimwechete rufu rukatevera.

Pakanzuru yeNecaea muna AD 325 kereke yeRoman Catholic yakawedzera izwi rekuti “Tiriniti” kuBhaibheri makumi emamiriyoni emaKristu vakavurawa apo rufu rwakapinda mukereke muNguva yeRima.

MaKristu vakamira kuurayana muna 1648 AD pakupera kwehondo yemakore 30 pakati pekereke yeCatholic nevaiipikisa zvakaparadza Germany zvikakonzeresa kuipa kukuru pamusoro peGermany kudarika zvakaitwa neHondo yePasi Rese yeKutanga.

GENESISI 2:9 JEHOVA Mwari akameresa pasi miti yose inofadza meso, neyakanaka kudya; uye muti woupenyu pakati pomunda, nomuti wokuziva zva­kanaka nezvakaipa

Hakuna muchero waikwanisa kukuvadza munhu sezvo zvinhu zvese zvaikura muvhu zvaive zvakanaka.

Muti wekuziva zvakanaka nezvakaipa waive mweya, mweya waSatani, kwete muti chaiwo unomera muvhu.

Muti weHupenyu waive usiri muti unomera mumunda. Hakuna muti unogona kukupa hupenyu husingagumi. Munowana chete hupenyu husingagumi kuna Jesu Kristu.

Saka, Muti wehupenyu waive Mweya waKristu.

Miti yese iri miviri yairwira ndangariro dzemunhu. Kuedza kuisa ndangariro mumoyo wemunhu.

“tinofanira kuterera Shoko raMwari”, ndizvo zvinotaura Kristu. Ndiko kutenda.

“Tinofanira here kuterera Shoko raMwari?” ndizvo zvinotaura Satani. “Shanduko shoma duku hadzina zvadzinokonzeresa”. Ndiko kusatenda.

Mweya waSatani hauna kubva muvhu ndicho chikonzero nei uchigona kukuvadza munhu.

Kudya muchero wemumuti hakugoni kusvibisa munhu kana mukadzi.

Kutenda chinhu chakasiyana neShoko raMwari ndiko kunosvibisa mukadzi.

Adamu nemwenga wake vangadai vakaramba vachirarama nezvakakura kubva muvhu. Izvi zvinoreva kuti vaifanira kutenda chete muShoko raMwari. Musashandure chero chinhu chakanyorwa muBhaibheri reKing James Vhezheni.

GENESISI 2:5 JEHOVA Mwari akatora munhu, akamuisa mumunda weEdheni, kuti au­rime nokuuchengeta

Pano Bhaibheri rinodzokera shure munguva pavhesi 8.

GENESISI 2:8 JEHOVA Mwari akasima munda muEdheni, kumabvazuva, akaisapo mu­nhu waakanga aumba

Kukosha kuri pana Mwari achiisa Adamu pane chimwe chinzvimbo.

Adamu aifanira “kuchengetedza” munda, nenzira yaive yarongwa naMwari.

Adamu aifanira kugara paakaiswa naMwari. Panyama, Adamu anofanira kugara mumunda weEdeni. Pamweya, Adamu anofanira kugara mukati memiganhu yeShoko raMwari.

GENESISI 2:16 JEHOVA Mwari akaraira munhu achiti, "Ungadya hako miti yose yomunda;

Kugara neShoko raMwari kunokosheswa. Uyu murairo, kwete zano.

Muti wese wemuchero wakanaka. Chivi hakusi kudya muchero watemhwa mumuti sezvo michero yese yakanaka.

GENESISI 2:17 asi muti wokuziva zvakanaka nezvakaipa usaudya; nokuti nomusi waunoudya, uchafa zvirokwa­zvo

Asi kuterera mazano aSatani akasiyana neShoko raMwari, ndizvo zvivi.

Zvinodyara mbeu yekukakavara mumweya kutenda hakuzogoni kukuru pane kukakavara.

Kukakavara kunogona chete kukura kuita muti wekusatenda. Ipapo tinenge takutopokana neShoko raMwari mune dzimwe nzvimbo.

Chikamu ichi cheMagwaro chinoburitsa chinhu chimwechete pachena.

Hakuna muchero waifanira kupomerwa pakuwira pasi kwaEva. Muchero waive wakanaka sezvo waikura muvhu rakanaka rakaitwa naMwari.

Dzaive ndangariro dzake dzisimo muMagwaro dzakamuparadza

GENESISI 2:18 JEHOVA Mwari akatizve, "Ha­zvina kunaka kuti munhu agare ari woga; ndichamuitira mubatsiri akamukwanira.

Mwari aizoitira Adamu mwenga, asi haana kuitwa nevhu sezvakaitwa Adamu nemhuka.

Saka mukadzi aive asiri chisikwa chaicho chakabva kuvhu.

Akaitwa nembabvu yaAdamu, aive chibereko chakabva pana Adamu saka aivimba naAdamu kuti ararame. Aifanira kugara naAdamu chete nekutenda zvaaitaura iye chete, kwete zvaitaurwa neumwewo munhu.

Izvi mucherechedzo wekereke. Takaberekwa patsva kubva paRopa, Mvura, neMweya wakabva muna Jesu Kristu. Saka, tinofanira kugara takatendeka kuShoko rake, Bhaibheri reKing James Vhezheni, torega kuterera zvinotaura vanhu.

Zvese zvakaitwa kubva kuvhu zvaive zvakanaka.

Mweya waSatani hauna kuitwa kubva kuguruva saka waikwanisa kukonzeresa zvakaipa. Saka Satani anogona kunyengera mukadzi kana akasagara ari mumiganhu yeShoko raMwari.

Tinoita setinopomera mhuka yakarangwa ikashandurwa kuitwa nyoka kuti ndiyo yakazivisa chivi asi yaingova mudziyo waive muruwoko rwaSatani. Mhaka ine hunhu hwaEva nekuti akafuratira Shoko raMwari akasarudza kutenda zvakataurwa nemhuka yakatukwa ikazoshandurwa kuitwa nyoka.

Nenzira imwe, mari hachisi chivi.

Asi kana mari ikashandura maitiro edu kusvikira yava ndiyo yatinodisa muhupenyu, rudo rwemari ndicho chivi. Mari ingori chombo chinoshandiswa naDiaborosi kutinyengera. Assi hatigoni kupomera mari.

Mhoswa iri mumakaro ari mumoyo yedu anotiita kuti tide mari nekuti inokudza rudo rwedu rwekuzviunganidzira mari.

GENESISI 2:19 JEHOVA Mwari akaumba nevhu mhuka dzose dzesango, neshiri dzose dzedenga, akadziisa kumunhu kuti aone kuti acha­dzitumidza mazita api; zvipenyu zvose sezvazvakatumidzwa nomunhu, ndiwo akava mazita azvo

Mwari akadzokera panguva yakasikwa mhuka kubva muvhu paZuva rechitanhatu.

Izvi zviripo kusimbisa kuti hakuna chaive chakaipa pamhuka.

Zvaive zvisikwa zvaive zvisina chakaipa chazvaigona kuita, asi semhuka, dzaive dzisina mweya wekunzwira.

Zviri mumweya wemoyo wekunzwira kuti munhu atende.

Pasina mweya wekunzwira tsitsi kana godo, mhuka hadzizivi musiyano pakati pekutenda muShoko raMwari nekusatenda zvinokonzerwa nekutenda chinhu chisimo muBhaibheri.

EZEKIERI 18:20 Munhu anotadza, ndiye achafa;

Mhuka dzinoshanda nemanzwiro akasikwa ari madziri, kwete nesarudzo. Saka, mhuka haigoni kutadza nekuda kwayo. Nekuti hadzina mweya wemoyo wekunzwira tsitsi kana godo seune munhu, kana sarudzo dzekuita kuda kwadzo, hakuna mhuka ine mhosva yechivi.

Asi Satani anogona kupinda mumhuka, sezvakaitika panguruve dzepaGedhara. Madhimoni iwayo akanoita kuti nguruve dzizvinyudze mumvura dzegungwa reGarirea. Hakuna anopomera nguruve kuti dzakaita hunhu hwakaipa hwekuzviparadza. Nekuti hadzina mweya wemoyo wekunzwira, hadzina kugona kuita kutenda kwekushingirira kukurira kurudziro yemadhimoni akadzipinda.

Kutenda chete muShoko raMwari kunogonesa munhu kushingirira kufuratira kurudziro yaSatani.

Pano Mwari anosimbisa kuti mhuka yakatukwa ikashandurwa kuitwa nyoka yakaitwa nevhu.

Saka mhuka yakatukwa ikashandurwa kuitwa nyoka yaive chisikwa chaicho chaive pakati pemunhu nemhuka. Zvakadaro, hapana chaive chakaipa nemhuka iyi. Asi nekuti mhuka yakatukwa ikashandurwa kuitwa nyoka yaive isina mweya wemoyo wekunzwira yaive isinawo zivo kana kutenda muShoko raMwari kana kusatenda kunoshandura Shoko raMwari.

Saka mhuka yakatukwa ikashandurwa kuitwa nyoka yaive isiri chikonzero chezvivi. Satani akapinda mumhuka yakatukwa ikashandurwa kuitwa nyoka nekuti mhuka haigoni kuzvirwira kumadhimoni. Kutenda kuri mumweya wemunhu ndiko chete kunorwisa Satani. Mhuka yakatukwa ikashanduka kuitwa nyoka yaive isina mweya wekunzirwa saka yaive isina simba rakakwana rekurwisa Diaborosi.

Mukadzi akanyengerwa nekuita kwekuzvikudza kwake

GENESISI 3:5 Nokuti Mwari ano­ziva kuti nomusi wamunoudya nawo, meso enyu achasvinudzwa, mukava saMwari, muchiziva zvakanaka nezva­kaipa

Aizova samwari anogona kuunza mwana panyika. Hakuna chimwe muzvisikwa chaigona kuita izvi. Kushaiwa maturo kwake kwakabvisa ndangariro dzake paShoko raMwari.

MuRaodikia, kereke (mucherechedzo wemukadzi) anoti, “Ndakapfuma”. Kuzvikoshesa.

MuEdeni, mukadzi akafunga kuti nekuita Mwana aikwanisa kuti, “Ndiri mwari”. Kuzvikoshesa.

Mhuka yakatukwa ikashanduka kuita nyoka yaingova chombo chakashandiswa naSatani.

Dai Eva akagara nezvaaive audzwa naAdamu, angadai akachengetedzeka. Dai asina kutvaga zivo kubva kune umwe, asi akagara nemurume wake, angadai akachengetedzeka.

Mhuka yakatukwa ikashanduka kuita nyoka haifaniri kupomerwa sezvo mhuka dzisingakwanisi kutadza. Vakaitwa vese kubva muvhu rakanaka rekusika kwaMwari kwekutanga.

Kuzvikudza kwemukadzi nekushaiwa maturo ndiko kwakava kuwira pasi kwake.

Shakespeare akanyora mutsara wepamusoro soro, “Kushaiwa maturo. Zita rako mukadzi”.

Aikoshesa kuzvirumbidza. Aizoteerera chero aizouya achisimudzira kukosha kwake.

Saka, Eva haana kukwanisa kupomera mhuka yakatukwa ikashandurwa kuitwa nyoka pakuwira kwake pasi.

Akarangarira kuti Mwari vakati, “Zvirokwazvo uchafa”.

Akabva abvuma kurwisa kwekuti “Hausi kuzofa zvirokwazvo”.

Akasimbisa magumo ake paakaita hupenzi hwekutenda chinhu chaive chakasiyana neShoko raMwari.

Akataura zvisiri izvo aive asina basa.

Kuda kwaEva kutenda izvozvo ndiko kwaive kuwira kwake pasi.

Tese tiri mumugwa mumwechete.

Musafe makapomera munhu akakunyengerai kutevera dzidziso dzakaipa. Kuda kwenyu kutenda muzvinhu zvisina kunyorwa muBhaibheri imhaka yenyu. Ndizvo zvichakurovai.

Saka magumo azvo ndeekuti hatigoni kupomera munhu asi kuzvipomera isu kana tikakanganisa.

Ndizvo zviri kuedza kuziviswa naMwari apo Bhaibheri rinodzokera kumashure munguva.