Merkisedeki neChegumi neKumuka kuvakafa

We update studies as the Lord Jesus leads us. You can find the latest update of this study at ChurchAges.net

Mwari ndiye ega Mambo uye Muprista wechokwadi

Merkizedeki izita rechiHeberu. Merkisedeki ndiro zita rake rechiGiriki.

Munhu uyu akangoonekwa pakarepo kubva kusina anoziva asi aine kukosha kukuru.

Genesisi 4 ndiyo inotanga kutaura pamusoro pemadzimambo epanyika.

Madzimambo vanhu vakasimba vanozvisimudzira kuti vave vadzvanyiriri vanotonga nekudzvanyiririra vamwe. Madzimambo vadzvanyiriri vanopfeka korona asi vanosundwa neruchiva rwekuda mari. Vanoda simba rekutora mari dzenyu. Vakatanga mweya “wekusaenzanisa mihoro” zvakaenderera mberi kusvika nhasi chituko chikuru. Makaro akagonesa vanhu vashoma kupfuma vachigara mumagarikwa avanozvikudza vari maari vachirwadzisa vazhinji. Zvisinei, kupa mari kuvanhu vane makaro kwakangofanana nekuisa huni mumoto. Zvinoita kuti marimi awedzere. Makaro akafanana nehubenzi hwevanhu nekuti zvese hazvina muganhu.

Madzimambo akagona kumutsa hondo nekugadza hukuru hwavo mune zvematongerwo enyika pamusoro pevasine simba. Zvematongerwo enyika zvamambo zvakaitwa nedonzvo rekuti “hukuru hwakanaka”. Takazviona muna 2022 apo Putini akarwisa Ukraine, nekuti aida kutonga Ukraine, (Nyika yakakurisisa muEurope). Putin agara anotonga Russia nyika yakakurisisa pasi rese. Asi kwaari haina kukura zvakamukwanira.

Mwari havana kubvira vazivisa madzimambo, nerudo rwavo rweruchiva rwekutonga vamwe, senzira yake yekutonga vanhu.

Nekuti vaive nemauto, madzimambo vaifunga kuti vaive nekodzero dzekutanga hondo nevamwe.

II SAMUERI 11:1 Zvino gore rakati rapera, panguva yokurwa kwemadzimambo,

Simba pamusoro pevamwe mushonga unokurudzira madzimambo kurwisa vamwe kuti vakudze hushe hwavo. Ndizvo zvaiitirwa hondo.

Hondo haisarudzi kuti ari kugona ndiyani. Zvinosuwisa, hondo inongosarudza chete kuti anosara ndiyani, (ari mupenyu).

Kedori-raomeri aive mambo ane simba. Nemamwe madzimambo mashoma aishamwaridzika, aive aparadza mamwe madzimambo.

Abramu, akazodaidzwa Abrahama, akauraya Kedori-raomeri aive mambo ane hutsinye. Izvozvo, zvichibva pamaonero evanhu, zvakaita Abrahama mambo mukuru.

Mambo mutsva weSodoma aida kwazvo kuita hukama naAbrahama aive nesimba kwazvo uyu. Mambo aive adarika weSodoma, aive baba vamambo mutsva weSodoma, akatiza akawira pasi pavakauraiwa naKedori-raomeri.

GENESISI 14:10 Zvino mupata weSidimi wakanga uzere makomba anebitumini, madzimambo eSodoma negomora vakatiza, vakawira’mo.

Kutukwa kwehumambo ndekwekuti mwanakomana anotsiva baba vake.

Chinzvimbo chamambo chinobva pakuberekwa kwake, kwete pane zvaanogona kuita.

Zvisinei nekusaziva kwake mwanakomana anotora chigaro chehumambo kana baba vake vafa. Yaive isiri pfungwa yaMwari.

Mwari vaida kutungamirira vanhu nenzira yemuprofita. MaJuda paakava rudzi, Joshua aizotevera Mosesi. Erisha aizotevera Eria.

Shoko raMwari raive risina kugadzirirwa kuva bhizimusi “rababa nemwanakomana” kuti mari igare mumhuri semapasita anhasi akawanda.

Mwari haagoni kuvimba nevatsvene vake

GENESISI 14:17 Ipapo mambo weSodoma wakabuda kundosongana naye[Abrahama] pakudzoka kwake kundouraya Kedori-raomeri, namadzimambo akanga anavo pamupata weShave, (ndiwo mupata wamambo.

Apo Abrahama, munhu akarurama, aive akuda kuonekwa samambo mukuru wezuva iroro, Mwari vakapindira.

Mwari havadi munhu akarurama kuti aite mutongi wepasi rino. Mwari haadi hutongi hwevanhu.

Mukaisa chero munhu pakutonga anokanganisa chete.

JOBO 15:15 Tarira haatendi vatsvene vake; zvirokwazvo kudenga hakunokunaka pamberi pake.

Kana mukateerera Mwari zvakazara munenge magona kuita zvakaipa zvakawanda kudarika zvakanaka zvamakaita.

Saka chero dai tichiita zvimwe zvinhu zvakanaka tinogonawo kuita zvakaipa zvakawanda.

Kurasikirwa kuzhinji kudarika kuwana zvinoreva kuti Mwari haana chaanowana kubva pakuita kwedu kwenyama. Ndosaka asingadi hutongi hwevanhu. Ndicho chikonzero nei Mwari vasingadi hutungamiri hwemunhu mumwechete pamusoro pekereke.

RUKA 17:10 Saizvozvo nemwi, kana maita zvese zvamakarairwa, muti: Tiri varanda pasina, nokuti taita zvataifanira kuita.

(Abrahama aive munhu waMwari mukuru kwazvo nguva iyoyo. Asi mukuedza kuturikira Kuda kwaMwari kwekuti aifanira kuva nemwanakomana, akaita hupombwe nemukadzi mutorwa Hagai akazvara Ishmaeri. Kwaari kwakaberekwa maArabu vavengi vakuru vemaJuda.

Saka ndizvo zvinoitika kana vanhu vakuru vakaedza kubatsira Mwari maringe nekunzwisisa kwavo. Zvinotokonzeresa zvakaipa zvakawanda kudarika zvakanaka. Tinofanira kudzidza kumirira Mwari.

Saka, panguva yekutonga kukuru kwaAbrahama panyama paakaparadza mambo Kedori-raomeri, Merkisedeki akamuyeuchidza kuti aive Mwari akagonesa kuti akurire hondo uye Mwari ega Aikwanisa kumupa makomborero ezororo mushure mekukurira.

Nguva dzaive dzakaringana. Makomborero ezororo anouya chete mushure mekukunda.

Abrahama aive akurira nekukunda kukuru kuhondo. Akapihwa chipo chekudaidzwa mambo mukuru. Asi kwaive kusiri kuda kwaMwari.

Pachinzvimbo, Mwari akatora ivhu akazvisikira Muviri wenyama. Mwari akagara muMunhu iyeye akazvidaidza Merkizedeki.

Mwari, vari Merkizedeki, vakamira pamberi paAbrahama aive muparadzi wemadzimambo. Asi Mwari akazviratidza ari Merkizedeki aive Mambo weRugare (Saremi).

Rugare rukuru kudarika hondo.

Nemamwe mazwi, nzira dzaMwari dzinopesana nenzira dzedu. Mwari aiti, “Ini ndega ndini Mambo akaringana. Ndini ndega ndinounza rugare.

Chingwa newaini zvinotaura pamusoro peChirayiro chekupedzisira

GENESISI 14:18 Merkizedeki Mambo waSaremi akauya nechingwa newaini: Iye akanga ari muPrista waMwari wekuDenga-denga.

Merkizedeki ave Mambo uye Muprista.

Mwari ega ndiye anokwanisa kuita zvese Mambo (Achikuudzai zvekuita) uye Muprista mukuru (achikuudzai kuti motenda mune zvipi). Hakuna umwe munhu anofanira kuita simba rakadaro pamusoro pekuita kwenyu uye zvitendero zvenyu.

Madzimambo anoisa mitero kuti vanhu varipire. Vanesimba rekutora mari dzenyu.

Merkizedeki haana kubvira aita saizvozvo. Haana kuti vanhu vamupe mari. Pachinzvimbo chekutora kuna Abrama, Mwari vakasarudza kupa Abrahama makomborero ezororo kubva kuvavengi vake kuti ararame murugare.

Merkizedeki aive asiri hama mudzikinuri nekuti haana kuzvarwa nemukadzi.

MuBhaibheri zuva rinotanga na6 dzemadeko.

GENESISI 1:5 ... madeko akava’po, namangwanani akava’po, zuva rimwe.

Pachinzvimbo chekuvaudza kuti vamupe zvinhu zvemutero wamambo, Merkizedeki akapa chingwa newaini zvaive, pachiprofita, mucherechedzo wechirayiro chakakosha kwazvo chaizodyiwa. Ndicho chirayiro chekupedzisira pakati paJesu nevadzidzi vake. Chakadyiwa munguva yemadeko akatanga zuva rechi14 iro gwayana repaseka raive raizobaiwa masikati ezuva raitevera.

Chingwa chakagurwa kuita mucherechedzo werufu rwaKristu apo akaparadza simba rezvivi.

Abrahama akakurira vanhu vaive vavengi vake. Asi zvivi nerufu ndizvo vavengi chaivo vevanhu. Kristu ega aikwanisa kukurira pamusoro pazvo. Rufu rwake rwakaripira muripo wechivi. Waini inofanira kuva tsvuku uye ine mweya wehupenyu mairi. Inomiririra hupenyu huri muropa raJesu rakadeurwa paakafa. Hupenyu hwakabuda mumuviri wake akamuka zvakare muMuviri wekubwinya pakumuka kubva kuvakafa.

Izvozvo zvakaita kuti Jesu ave iye oga mutungamiriri wechitendero akafa akamuka.

Kurwa kwake nechivi nerufu ndicho chiKristu chakasimba.

Munofanira kurasikirwa nechimwe chinhu kuti chiedza chanyu chipenye

Kristu aizokurira, kwete nekuuraya vamwe sezvakaita Abrahama, asi nekufa nekudeura ropa rake kuti adzikinure vamwe.

Kufa kuzvivi kwakakosha kudarika kuuraya vamwe muhondo yedu nezvivi.

Einstein akaona kuti kana chinhu chikatipa chiedza chinorasikirwa nehuremu.

Tinofanira kurasikirwa nechimwe chinhu kuti chiedza chedu chipenye.

Kristu aifanira kurasa kukudzwa kwake ofa mukunyadzwa kwerufu rwemutadzi achitora zvivi zvedu kuti aripire muripo wezvivi zvedu kuti tiregererwe. Nekurasikirwa nekubwinya kwake neHupenyu hwake, Kristu akazvizivisa seChiedza chenyika.

Saka, pachinzvimbo chekukoshesa chinzvimbo chake saMambo nekutora mitero Yake, Merkizedeki akafuratira zvenyama zvakaringana mambo akakoshesa zvemweya zvehuPrista. Chingwa newaini zvaive mifananidzo yechiprofita yeChirayiro chekupedzisira naJesu nevadzidzi vake.

Micherechedzo yechiprofita yechingwa newaini yainongedzera kurufu rwaKristu. Kristu aizova Muprista mukuru werudzi rwaMerkizedeki sezvo ariye oga anogona kutungamirira kereke mukati menguva nomwe dzemakereke. Idzi inhau dzakakosha dzinoitika munguva inouya.

Chidzidzo chiri pano chiri pachena. Kana tikatarisa zvemweya zvinomiririrwa nehuPrista meso edu anoenda pama Kristu nezvaakatigonera. Kwete pakukunda kwedu isu tega.

ChiPrista chinotipa rugare nemakomborero aMwari anova zororo nekuti Kristu anotakura mitoro yedu. Anotitungamirira muzviitiko zvese neshanduko dzazvo zvenguva yedu yekereke yechinomwe.

Maropafadzo aMwari izororo kubva kuzvivi

GENESISI 2:3 Mwari akaropafadza Musi wechinomwe akauita mutsvene: nokuti wakazorora nawo pabasa rake rose, raakanga asika nokuita iye Mwari.

Mwari haana kuropafadza zuva rechinomwe nekuti raive zuva rechinomwe. Mwari akaropafadza zuva rechinomwe nokuti akazorora naro.

Saka, maropafadzo aMwari anosanganisa zororo redu.

MuTestamente Yekare, zororo iroro raive remabasa emaoko. Asi muTestamente Itsva Mwari anotipa zororo kubva kumabasa edu ezvivi.

Anoita izvi nekutizadza neMweya Mutsvene kuti atonge hupenyu hwedu nekutizivisa zvakavanzika zveShoko rake. Saka Mwari vanomisa zvivi zvedu zvenyama obvisa kusatenda kwedu apo tinonzwisisa Magwaro zviri nani.

ISAYA 11:10 Nezuva iro mudzi waJese, iwo umire’po somureza wavanhu, uchatsvaka marudzi avanhu, nzvimbo yake yokuzorora ichava nembiri.

Jese ndiye baba vaDavidi. Jesu Mwanakomana waDavidi.

Mureza chiratidzo chakasimudzwa. Uyu aive Jesu akasimudzwa pamuchinjiko.

Zororo redu rinobva pakuti akaripira zvivi zvedu.

Zuva rePentekositi, Mweya Mutsvene wakazadza vatendi 120 vakataura nendimi dzedzimwe nyika dzavaisanzwisisa asi vaive vakateerera vedzimwe nyika vainzwa zvaitaurwa.

ISAYA 28:11 Zvirokwazvo uchataura norudzi urwu navanhu vane miromo yerumwe rudzi, norurimi rwokumwe.

Mweya Mutsvene uyu waive zororo kubva kuzvivi nokusatenda waive wavimbiswa naMwari.

ISAYA 28:12 Akati kwavari: Zororo riri pano, zorodzai vakaneta; pano ndi’po panokutonhorera, asi vakaramba kuteerera.

Jesu aive ataura kuti tichawana zororo kubva kuzvivi Maari nekuti iye oga ndiye aive aripira muripo wezvivi saka iye oga ndiye anoregerera zvivi.

MATEO 11:28 Uyai kwandiri mese makaneta makaremerwa, uye ini ndichakupai zororo.

Zvivi zvine mubairo wakaomarara watinofanira kushandira.

Mhosva, kutya, kufunganya mitoro inorema. Tinokwanisa chete kuwana kuregererwa muna Kristu nekupihwa simba.

Chokwadi cheBhaibheri chinotiratidza nzira dziri nani dzekurarama hupenyu hwedu.

Kudzokera kuna Merkizedeki.

GENESISI 14:19 Akamuropafadza [Merkizedeki], akati: Abrahama ngaaropafadzwe naMwari wokudenga denga, muridzi wokudenga napasi.

Pachinzvimbo chekuti Abrahama amupe chimwe chinhu (Abrahama aive akapfuma nezvese zvaaive auya nazvo kubva kuhondo), Mwari akasarudza kuropafadza Abrahama.

Asi Abrahama aisada hupfumi hwezvenyika ino. Aive nezvakawandisa.

Asi Abrahama aida zororo kubva kuvavengi. Aida zororo kubva kuhondo nematambudziko.

Merkizedeki, ari Mwari, haana kubvira ati Abrahama amupe chinhu. Nei?

Nekuti Mwari ndiye “muridzi weDenga nenyika”. Ndiye muridzi wezvese saka haana chaanoda kubva kwatiri.

Abrahama akaropafadzwa naMwari. Maropafadzo aMwari akagonesa Abrahama kuwana zororo kuti asazorwa imwe hondo zvakare.

Maropafadzo aMwari aive akakosha kwazvo kudarika maropafadzo epfuma yenyika ino.

Ndiwo aive maropafadzo ataida kupihwa naMwari.

Mwari vanokurira hondo dzedu

GENESISI 14:20 Mwari wokudenga -denga ngaakudzwe, wakapa vavengi venyu mumavoko enyu. Akamupa chegumi chezvose.

Ichi chaive chidzidzo chakakosha.

Abrahama aive asati akurira hondo chero hazvo munhu wese aifunga kuti kakurira.

Mwari vaive vakurira hondo pachinzvimbo chake.

Hondo chaiyo iri pakati paMwari naSatani inorwiwa tisingaoni munzvimbo dzemweya. Zvinoitika pano panyika zvatinoona ingori mimvuri yehondo chaidzo.

Pamusoro pezvatinokwanisa kuita pahondo dzeMweya ndizvo zviwanikwa zvemweya zvakafanana nekutenda kunovakirwa paShoko raMwari, Bhaibheri reKing James, neminamato. Minamato nekudzidza Bhaibheri zvinovaka kutenda kwedu kweMagwaro ndizvo zvombo zvikuru zviviri zvatinazvo.

Kuziva chokwadi cheMagwaro kunotidzivisa kubva pakunyengerwa naDiaborosi saka todzivirira kuva chikamu chevasikana mapenzi. Kereke yakanyengerwa asi yakaponeswa. Kuponeswa nekugamuchira Jesu saIshe naMuponesi wedu asi vonyengerwa kusvika pakutenda dzidziso dzemakereke dzisimo muMagwaro. Kuisa mazano ekereke pamusoro peMagwaro ndicho chirwere chikuru chekereke yanhasi.

Kutenda neminamato zvinotibvisa pakukoshesa zvido zvenyama yedu zvoisa kukosha paHushe hwaMwari.

Chido chaMwari chikuru pakupedzisira ndechekuti Mwenga wake adzokere kunotenda zvakatendwa nekereke yekutanga. Hama Branham vakatumwa kunozivisa zvakavanzika zvenguva yekupedzisira kuti tigone kunzwisisa zvinotendwa nenguva yekereke yekutanga.

Kuva pahuvepo hwaMwari kwakamuita kuti ade kupa

GENESISI 14:20 Akamupa [Abrahama] chegumi chezvose.

Abrahama haana kubvira audzwa kuti ape chegumi.

Abrahama akaziva kuti aive amire pahuvepo hwaMwari aive amupa kukunda muhondo, Abrahama nekuda kwake ega akapa Mwari chegumi chazvose zvaaive awana.

Vanhu vasingapi chegumi havasati vasvika pahuvepo hwaMwari.

Arahama akaziva kuti Mwari ndivo vaive vamuitira zvezve saka ainzwa Kutenda kukuru kwakaita kuti adzorere zvimwe kuna Mwari.

Kana munhu akakupa zvakawanda chinhu chakaringana kumunhu kuti ade kuitirawo munhu iyeye chimwe chinhu.

Abrahama akaitwa neguruva. Varimi, vanoshanda nevhu, vakaziva murairo wezvinhu zvinorarama. Kana muchida kuti ivhu rikupei goho guru munofanira kuisa zvimwe kuvhu ari manyowa. Hamugoni kungokohwa kubva kuvhu pasina chamaisamo.

Abrahama aida kuva chikamu cherumuko, aiziva kuti kupawo Mwari kwaive kwakanaka kwete kungotora.

Abrahama akaziva kuti Jesu aisazongotora vatsvene vake kubva muvhu pakukohwa kwerumuko.

Jesu aifanira kutanga avigwa kwemazuva anokwana kuita matatu nehusiku hutatu mubwiro pasi pevhu.

Ipapo chete ndipo paaizomuka ouya naAbrahama nevatsvene vose veTestamente Yekare.

Nekuda kuva murumuko, Abrahama akapa Mwari chegumi nemufaro.

Tangai kupa, mozotora.

Asi chegumi chaAbrahama chaive nechirevo chakadzama.

Mambo veSodoma vakapa Abraham zvinhu zvose. Abrahama akaramba. Aive asina chaaida kutora, asi chidimbu chekupa vanhu vatatu.

GENESISI 14:24 Ini handidi hangu asi zvakadyiwa namajaya chete, nomugove wavanhu vakaenda neni, vanaAneri, Eshikori naMamre; ngavatore migove yavo.

Abrahama nekuda kwake akapa chegumi Mwari vakamupa mwana wake (MaJuda) Nyika yeChipikirwa yeIsraeri.

Rudzi rwaRevi rwakava vaPrista vaitora chegumi.

GENESISI 15:18 Nomusi iwoyo JEHOVA wakaita sungano naAbrahama, akati: Vana vako ndavapa nyika iyi, kuva parwizi rweEgipita kusvika kurwizi rukuru, runonzi Yufratesi.

Tarirai kuti apa sungano yaive kuvana vaAbrahama.

Vana vake vepanyama vaive maJuda.

Vana vake vemweya ndiwo maKristu.

Mutemo: hamugoni kuwana goho rembeu musina kutanga makanda mbeu pasi.

Mbeu yemhodzi (Testamente Yekare MaJuda) haigoni kukohwewa murumuko rwekutanga kusvikira mbeu yake yemweya (Jesu) yavigwa muvhu.

MATEO 27:51 Zvino tarira, vheiri retembere rakabvaruka kuita mapandi maviri, kubva kumusoro kusvikira pasi. Nyika ikadengenyeka, mabwe akatsemuka.

52 Makuva akazarurwa; nemitumbi mizhinji yevatsvene vakange varere ikamutswa.

53 Vakati vabuda pamakuva shure kwekumuka kwake vakapinda muguta dzvene, vakaonekwa kuvazhinji.

MaJuda akazotadza vakadzingwa kubva muNyika yeChipikirwa muna AD70 negore AD 135 nemaRoma echipegani.

Makore anodarika 1800 maJuda akazokurira hondo akawana Nyika yechipikirwa muhondo yaityisa yakadaidzwa kuti Hondo yeMazuva Matanhatu muna 1967. MaJuda vakawana chidimbu chavo chenyika yaMwari. Munhu aive Mutungamiri wenyika yeIsraeri akagona kugamuchira nyika iyi vachibva muhondo aive Revi Eshikori.

Abrahama akabhadhara chegumi Mwari vakazopa Eshkori mubairo wake. Kwezviuru zvina zvemakore zvakazotevera zita rakabva radzoka riri nemo nemo. Mwari haasi kumhanya anotora nguva yake kuita zvinhu.

Zviri pachena, zvine mubairo kuripira chegumi.

Mubairo mukuru waAbrahama waive wekuti aive chikamu cherumuko rweTestamente Yekare, vakamuka mumashure mekumuka kwaJesu.

Pazuva rekukwira kudenga, Abrahama aive chikamu chegoho reTestamente Yekare paakatorwa kubva panyika akakwira Kudenga.

Goho ndipo mbeu dzinobviswa padavi radzakaberekwa.

Munamato waShe unoda zita raBaba

Tarisai munamato waShe une mbiri.

Hazvina chekuita nezvido zvedu zvenyama kana shuwiro dzedu.

MATEO 6:9 Naizvozvo imwi nyengeterai seizvi: Baba vedu vari kumatenga, zita renyu ngariitwe dzvene;

Kwakananga munamato ndekuna Mwari Baba. Anogara Kudenga saka minamato yedu inoita kuti tibvise meso edu pazvido zvedu zvenyama zvepanyika tokoshesa zano raMwari reKudenga.

Kana zvinhu zvaipa tinofanira kutarisa kudenga.

Mwari Baba vane zita dzvene. Izvi zvakakosha kuti tiwane huremu muminamato.

Asi makereke haazivi zita raMwari Baba.

Tiriniti inogura Mwari kuvaita Vanhu vatatu. Mwari Baba. Mwari Mwanakomana. Mari Mweya Mutsvene.

Asi idzi izivo dzevaGiriki. Pfungwa yekuti “Mwari mumwe muVanhu vatatu”, haiwanikwi muMagwaro.

Tarirai dambudziko rinosikwa nenhau iyi.

“Mwari Mwanakomana” hazvimo muMagwaro uyewo “Mwari Mweya Mutsvene”. Vanotenda Tiriniti havagoni kutsanangura izvi.

“Mwari Baba” zvinowanikwa muTestamente Itsva asi hazvimo muTestamente Yekare. Zvakare, vanotenda kuTiriniti havagoni kuzvitsanangura.

Zita raMwari Baba nderekutii?

Vanotenda kuTiriniti vanotanga kufungidzira: El, Elah, Elohim. Mazwi matatu aya anoreva Mwari.

Asi Mwari handiro zita raMwari.

Vanobva vaedza “NDINI IYE”. Asi harisi zita zvakare, kutaura kwekurama kusingagumi.

Zita rine mbiri zvakanyanya muTestamente Yekare ndiJehova. Asi Jehova zvinoreva Ishe. Ishe harisi zita.

Saka, zita raMwari raive chakavanzika muTestamente Yekare.

Manoa aive baba vaSamusoni akaona mutumwa waShe. Asi akati aive aona Mwari.

Akakubvunza Mwari zita rake, asi haana kupindurwa.

VATONGI 13:18 Mutumwa waJEHOVA akati kwaari: Unondibvunzireiko zita rangu, zvarinoshamisa.

VATONGI 13:22 Zvino Manoa akati kumukadzi wake, Tichafa zvirokazvo, nokuti takavona Mwari.

Zita raBaba raive chakavanzika muTestamente yekare.

Chero zvamasarudza kudaidza zita raBaba, munofanira kutsanangura kuti nei zita raBaba risina kana kutaurwa muTestamente Itsva.

Saka, vanotenda kuTiriniti havagoni kuzadzisa mutsetse wekutanga wemunamato waShe.

Havana zita raBaba muTestamente Itsva.

Havana zita raMwari weTiriniti nekuti hamugoni kuwana zita rimwechete rekudaidza vanhu vatatu nguva imwe.

MuTestamente Yekare Mwari aive Mweya pamusoro pemaJuda. Vaimuziva ari Baba.

Emanuere zvinoreva Mwari anesu.

Jesu, ari Munhu panyika, aive asiri Mwari. Mwari haasi nyama neropa. Mwari Mweya.

Asi kuzara kwake kwakagara mumuviri maAri.

VAKOROSE 2:9 Nokuti kuzara kwovuMwari kunogara maari pamuviri.

Muri zvese zviri mamuri.

Mweya waMwari waigara maari ndiwo wakaita Jesu ave Mwari.

Danho rekutanga redzikinuro raive rekuti Mwari agare muMunhu mumwechete, Jesu.

Saka, hunhu hweMweya waMwari hwakaonekwa huri “Mwanakomana waMwari”.

Mumashure mekufa kwake nekumuka ari nemuviri usina ropa, Muviri wemunhu wekubwinya (nekuti ropa rake rakadeurwa paKalvari) Jesu akakwira Kudenga ari Mwanakomana waMwari. Asi maari maive mugere Mweya waMwari wakazara.

Mwanakomana munhu, Baba Mweya unoshamisa. Vose munhu neMweya unoshamisa kuratidzirwa kweMweya Mutsvene.

JOHANE 14:16 Neni ndichakumbira Baba, naivo vachakupai umwe Munyaradzi, kuti agare nemwi nekusingaperi,

Umwe munyaradzi zvinoreva Mweya Mutsvene wakadzoka neimwe nzira.

Mweya Mutsvene waive Jesu saka wakagara nevadzidzi vake.

Ipapo Mweya Mutsvene waizodzoka wogovaniswa kuti chikamu chawo chigare mumudzidzi umwe neumwe.

JOHANE 14:17 Mweya wechokwadi, iyo nyika yausingagoni kugamuchira, nokuti haimuoni, kana kumuziva. Asi imwi munomuziva, nokuti ugere nemwi, uchava mukati menyu.

Rangarirai, Mweya Mutsvene unobatanidza hunhu hwaMwari huri zvese munhu nemweya unoshamisa.

Saka, Mweya Mutsvene unouya mamuri kuti ukupei moyo munyoro uye munhu anodiwa naMwari kuti muve.

Nekuda kwaizvozvo, hunhu hwenyu hwekare hunofanira kufa.

Saka, Mweya Mutsvene waive pamusoro pemaJuda uri Baba.

Mweya Mutsvene waive nemaJuda uri Mwanakomana nekuti kuzara kwaMwari kwese kwakagara muna Jesu pamuviri.

Mweya Mutsvene wakagara muna Kristu pachigaro chenyasha asi unogonawo kuuya pasi panyika uchigara mukati mekereke yake.

Kristu paaive ari pachigaro chenyasha, Pauro akaramba achiona Mweya wake ari mumugwagwa kuenda Damasiko.

Zvakafanana nemufananidzo pachivhiti-vhiti.

Mune sipika imwechete musitudhiyo, asi mufananidzo wake unoonekwa kwese kwese kune chivhiti-vhiti chinogamuchira masai-sai.

Chivhiti-vhiti chinogona kugamuchira mufananidzo wemunhu ari kusitudhiyo, sezvo mufananidzo wake uchigona kuenda kwese kune chivhiti-vhiti.

Ndiwo mucherechedzo watingashandise pana Kristu.

Jesu ari pachigaro chenyasha Kudenga asi anokwania kuisa chidimbu cheMweya wake Mutsvene mumoyo yevatadzi vakatendeuka kwese kwavari.

I JOHANE 5:7 Nokuti kune vatatu vanopupura kudenga, Baba, Shoko, naMweya Mutsvene; uye ava vatatu ndimumwe.

Shoko ndiro Munhu Jesu ane hunhu hwevanhu. Baba Mweya unoshamisa waMwari unogara muMuviri wenyama waJesu.

Mweya Mutsvene mubatanidzwa wenyama uye mweya unoshamisa unoburuka kubva kuna Jesu kuti ugovaniswe nekuzadza vanhu vanogadzira kereke yake.

Baba, Mwanakomana, naMweya Mutsvene vanotaura pamusoro paMwari pamusoro pemaJuda, Mwari ari pakati pemaJuda, uye Mwari ari mukati mekereke.

I TIMOTIO 3:16 Zvinotendekawo kuti chakavanzika chekunamata Mwari chikuru; Mwari wakaratidzwa panyama,

“Kuratidzwa” zvinoreva kuti “akazviratidza”.

Mwari akatanga kuzviratidza muna Jesu ari Mwanakomana.

Mwari akazozviratidza mukereke ari Mweya Mutsvene.

Mwari mumwechete. Mweya unoshamisa mumwechete wakaratidzwa muMunhu mumwechete (Jesu) semuenzaniso wedu, uye matiri (Nhengo dzese dzekereke).

Baba havana zita muTestamente Itsva nekuti Jehova weTestamente Yekare akava Jesu weTestamente Itsva.

Kana mukadzi akaroorwa anotora zita idzva remurume wake, haazoshandisi zita rekare rekumba kwavo zvakare.

Mwari paakaburuka kuti agare muMunhu, Mwari akatora zita remunhu Jesu. Iri raive zita raMwari idzva. Saka Mwari haana kudzokera kunoshandisa mazita ose emuTestamente Yekare anofungirwa nevanhu kuti ndiwo mazita ake.

Baba, Mwanakomana naMweya Mutsvene Munhu mumwechete. Vatatu ava munhu mumwe.

Saka, zita raBaba ndiJesu.

Zita reMweya Mutsvene ndiJesu Kristu.

Mweya Mutsvene ndiye Mwari Baba.

Munhu akaisa mbeu yemwana mudumbu remukadzi ndiye baba vemwana.

Mweya Mutsvene wakazadza Maria saka ndiwo Baba veMwanakomana wake akaberekwa nemhandara.

MATEO 1:20 Asi zvino wakati acharangarira zvinhu izvozvi, tarira, mutumwa waIshe wakaonekwa kwaari muchiroto achiti: Josefa, mwanakomana waDhavhidhi, usatya kuzvitorera Maria mukadzi wako; nokuti icho chakaumbwa maari ndecheMweya Mutsvene.

Mutsetse wekutanga wemunamato wakakoshesesa. Ivai nechokwadi chekunamata muzita ra Baba.

Zita raBaba ndiJesu.

JOHANE 14:14 Kana muchikumbira chero chipi muzita rangu, ini ndichachiita.

VAKOROSE 3:17 uye zvese chero chipi chamunoita pashoko kana pachiito, itai zvese muzita raIshe Jesu, muchivonga Mwari naBaba kubudikidza naye.

Baba ndiwo Mweya unoshamisa waMwari unogara pamuviri muna Jesu (Vakorose 2:9).

Mwanakomana Mweya wemunhu unokura mukati meHupenyu hweMunhu Jesu uyewo Muviri wake wenyama.

Saka, Jesu ari munhu haasi Mwari. Saka hatitauri kuti “Mwari Mwanakomana” zvachose.

Mweya waMwari uri muna Jesu ndiwo unomuita Mwari.

NUMERI 23:19 Mwari haasi munhu.

Mweya Mutsvene ndiwo mubatanidzwa wezvese humunhu hwaJesu uye huMwari mweya unoshamisa unogara maari.

Nekuti Mweya Mutsvene une hunhu hwemunhu, zvinoita kuti Mweya Mutsvene ugare matiri wotiita mufananidzo waMwari Kristu ari mamuri ndiye tariro yekubwinya.

VAKOROSE 1:27 kune ivo Mwari vaakada kuzivisa kuti fuma yekubwinya kwechakavanzika ichi pakati pevahedheni chii, chinova Kristu mamuri, tariro yekubwinya;

Mweya Mutsvene mubatanidzwa wehunhu hwaJesu nehunhu hweMweya Mutsvene hwaBaba.

Saka, hatimbotauri kuti “Mwari Mweya Mutsvene” nekuti Mwari anogara mumunhu asi Mweya waMwari unoshamisa hausi hunhu hwemunhu hweMweya Mutsvene.

Kuda kwaMwari ndiko kunofanira kutanga muhupenyu hwedu

MATEO 6:10 Ushe hwenyu ngahuuye; chido chenyu ngachiitwe panyikawo sezvachinoitwa kudenga;

Apandipo patinofanira kusimba kuita izvi.

Kuita Kuda kwaMwari sezvakaziviswa muzvakavanzika zveBhaibheri rake.

Kuziva nguva dzatiri kurarama toziva kuti tinofanira kudzorerwa pakutenda zvakatendwa nenguva yekereke yekutanga.

Zvichida, tingoriwo chikamu chevasikana mapenzi vakaponeswa vakananga kunguva inotyisa yeKutambudzika kukuru.

Kurudziro yeBhaibheri inouya kubva Kudenga. Tinofanira kuona kuti zano raMwari reDenga rinozadziswa muhupenyu hwedu hwenyama kuti tisatende chero chinhu chakasiyana nechakatendwa nenguva yekereke yekutanga.

Kereke yekutanga haina kubvira yatenda kuti Kutinhira kunomwe kwakareva. Musatendawo izvozvo zvakare.

Kereke yekutanga haina kubvira yatenda kuti vaiziva zita idzva raJesu. Zvakanaka kana mukasatenda kuti munoziva zita idzva raJesu muchiri mumiviri yenyu izere zvivi.

Chinhu chimwe chatinofanira kukoshesa ndechekuti tishandurwe hupenyu hwedu nezvatinotenda kuti tikwanise kusangana nekuzadziswa kwezano raMwari reDenga.

Hatifaniri kunyanya kuputirwa muzvido zvedu zvakanyanya nezvatinoshuwira.

MATEO 6:11 mutipei nhasi kudya kwedu kwemisi yese;

Mumunamato une mbiri uyu, nzvimbo imwechete inotaurwa zvido zvedu isu ndepanonzi “chingwa chedu chemisi yose”.

Nemamwe mazwi, zvekudya zvedu zvakareruka zvakakoshera kurarama kwete zvakawanda wanda.

Asi chingwa chine chirevo chakadzama chinodaro chiri ndicho chirevo chikuru chiri kureverwa.

Chingwa chinotaura pamusoro pedzidziso. Tinofanira kutaura pamusoro pedzidziso dzanhasi. Mwari vari kuzivisa chii kuzuva ranhasi? Izvi zvinotiudza kuti todzorerwa sei kukereke yekutanga.

Ndiwo wega mutsetse apo tinokwanisa kuzvikumbirira chimwe chinhu. Izvi zvinotiita vatsvagi vezvinhu nepfuma.

Saka, mutsetse unotevera unotaura kuti tinofanira kugadzirira kurasikirwa. Kurasikirwa ndiko mushonga mukuru wekurapa makaro.

MATEO 6:12 Uye mutikanganwire mangava edu, isu sezvatinokanganwirawo vane ngava nesu;

Kana munhu achikukwereta musareva chikwereti ichocho.

Musakweretesa zvirinani kungopa.

Kana mukapa munhu iyeye anoramba ari shamwari.

Kana mukavakweretesa vanokwanisa kusakudzoserai. Munovavengera izvozvo. Nenzira iyoyo munorasikirwa zvese nehushamwari uye mari.

Tinoda kuregererwa saka tinofanira kuregererawo vamwe. Vanotodawo kuregererwa.

Kuregererwa nekuregerera vamwe zvinofambidzana zvakanyanya.

Mwari anoregerera zvivi zvangu semubairo werudo rwake. Kutadza kwangu kuregerera munhu akandikwereta chiratidzo chekushaiwa rudo kwangu.

Ndinofanira kuzvipira kurasikirwa.

Zvinhu zvinopa chiedza zvinorasikirwa nehuremu kuti zvigadzire chiedza.

Saka zvinoita sekuti kana tikarasikirwa nechimwe chinhu ndipo panobwinya chiedza chedu.

Vanhu vanoona izvozvo. Munyika yemakaro nekuda pfuma nekuzvida, munhu anopa akazvipira kurasikirwa anosara ari pamusoro.

MATEO 6:13 uye musatipinza pakuedzwa, asi mutisunungure pakuipa. Nokuti ushe ndehwenyu nesimba nekubwinya kusvikira rinhi narinhi. Ameni.

Isu vanhu tinorasika zviri nyore kupinda mumiyedzo nekuzarirwa. Tinofanira kunamata kuti Mwari avhare masuwo nemikana inotungamirira kupinda mumiyedzo. Kana Mwari akasiya musuwo wakavhurika tinopinda nekuda kwehubenzi. Hativimbiki pakutungamirira tega hupenyu hwedu tega. Zvatinoda nezvido zvedu zvenyama hazvifambirane nekuda kwaMwari.

Tinoda ruchengetedzo rwaMwari kubva kuzvido zvedu nemakaro edu.

I VAKORINTE 10:13 Hakuna muedzo wakakubatai kunze kweuri muvanhu; asi Mwari wakatendeka, asingazotenderi kuti muidzwe kupfuura pamunogona napo, asi pamwe nemuedzo achaitawo nzira yekupukunyuka, kuti mugone kuutakura.

Chinangwa chedu chikuru kuona Hushe hwaMwari.

MATEO 6:33 Asi tangai kutsvaka ushe hwaMwari, nekururama kwake, zvino izvozvi zvese zvichawedzerwa kwamuri.

Hushe hwaMwari hunoda kutidzorera kuzvitendero zvenguva yekereke yekutanga yemapostora.

Kana tikaisa hushe hwaMwari pekutanga tokanganwa zvido zvedu, Mwari vanotaririra zvido zvedu. Nenzira yake.

Mwari akakomborera Abrahama zvisina kutarisirwa. Abrahama aive asingazivi kuti Merkisedeki aizosangana naye omukomborera.

Abrahama akabatira Mwari nekuenda kunobatsira Roti. Abrahama aiisa Kuda kwaMwari pekutanga.

MATEO 6:13 Nokuti ushe ndehwenyu nesimba nekubwinya kusvikira rinhi narinhi. Ameni.

Hushe ndehwaMwari, kwete isu. Tinofanira kubatira Mwari nenzira dzake, kwete nzira dzedu.

Simba rekudzokera kunotenda zvakatendwa nekereke yekutanga rinobva kuna Mwari. Mwari anoda kukudzwa kwese. Haangagovani nani zvake kukudzwa kwake. Ndizvo zvatinofanira kukoshesa paminamato yedu. Mwari ndiye wekutanga muhupenyu hwedu.