Mateo 12 – Chiratidzo chemuprofita Jona

We update studies as the Lord Jesus leads us. You can find the latest update of this study at ChurchAges.net

Kukohwa unobvisa mbeu padavi. Mvura yekukohwa inobvisa Mwenga kubva panyika

Mbeu dzinoibva kana davi rakunooma robva rafa.

Mwenga anonzwisisa Bhaibheri kana kereke ikasairira Shoko kubva mukereke ichisarudza zvakataurwa nevanhu.

Pakaita mazuva makumi mana kubva pakumuka kwaJesu kubva kuvakafa kusvika pakukwira Kudenga.

Kuchaita mazuva makumi mana kubva pakumuka kwekereke yeTestamente Itsva yakabva munguva nomwe dzemakereke nekutorwa kunosangana naShe kumakore (kunodaidzwa kuti Repucha kukwira kudenga mukubwaira kweziso).

Ndiyo ichava nguva yemvura yekukohwa kana mvura inotevera, inotanga nekubviswa kwevatsvene kubva mumakuva ichiguma neMwenga achitorwa murepucha kana mukubwaira kweziso kunosanganga naShe kumakore.

Kusvika ipapo, tinoda mvura yedzidziso kana kuti mvura yekutanga kuti tinzwisise zvakavanzika zveMagwaro.

JOERE 2:23 Naizvozvo farai, imi vana veZiyoni, mufarisise muna JEHOVA Mwari wenyu; nokuti anokupai mudzidzisi wokururama, uye anokunisirai mvura, mvura yokutanga nemvura yokuteverera, nomwedzi wokutanga.

Kuchava nenguva inoraudzira inoda kukwana mwedzi mumwechete patinodzidziswa mumvura inotevera kuti toshandurwa sei miviri yedu kuti tigashire kutenda kwekukwira Kudenga. Kutinhira kunomwe ndiko kuchaita izvi sezvo tisingagoni kukwira kudenga mumiviri ino yatiri.

Nhau mbiri dzakakosha dzinosimuka pakutanga kweChitsauko chino chechi 12 kuna Mateo.

Sabata rezororo vadzidzi vachikohwa mbeu.

Mwenga anoda zororo kubva kumazano evanhu netsika dzekereke dzakafanana neTiriniti, Kisimusi, neChishanu chakanaka. Tinoda kuzorora tichiti “Zvakanyorwa zvichinzi”, kwete tichiti “Ndakanzwa nhingi achiti”.

Zvakataurwa naWilliam Branham zvinodiwa kuti tigone kutsanangura Magwaro, kwete kutsiva Magwaro.

Munozorora chete kubva pakusatenda kana “muchitaura Shoko chete” sezvakaitwa nemukuru wemauto muHedeni.

MATEO 8:8 Mukuru wezana akapindura akati Ishe, handina kufanira kuti mupinde mumba mangu asi taurai henyu shoko rimwe chete muranda wangu uchapora.

Kukohwa pakupedzisira kwenguva nomwe dzemakereke ndekweMwenga weMuhedeni apo anogona “kudanidzira” kuti anonzwisisa zvakavanzika zveShoko rakanyorwa muMagwaro.

I VATESARONIKA 4:16 Nokuti Ishe amene uchaburuka kudenga nokudanidzira, nenzwi romutumwa mukuru, nehwamanda yaMwari; vakafa munaKristu vachatanga kumuka;

65-1127 NDAKANZWA ASI ZVINO NDAVE KUONA

Kuna Mwari wakanaka, munguva ino yakadai, ichava nguva yakaita seino pakuchava nekutinhira kwemabhanan’ana rimwe zuva, Mwanakomana waMwari achaburuka kubva kudenga nekudanidzira kukuru, Nenzwi reMutumwa Mukuru, nehwamanda yaMwari, vakafa muna Kristu vachamutswa.

Mwedzi mumwechete vasati vafa hama Branham vaive vachiri vakatarisira kudanidzira, mharidzo, munguva inouya.

Saka kudanidzira kwaive kusiri hama Branham vachinzwisisa Magwaro, zvavaiita chaizvo. Kudanidzira kwaive apo nhengo dzakazvimiririra dzeMwenga dzinogona kunzwisisa Magwaro nekutsigira kutenda kwadzo dzichishandisa Bhaibheri.

Idzi inhau dzinopikiswa nevatungamiri vekereke panguva yekupedzisira.

MATEO 12:1 Nenguva iyo. Jesu wakafamba napakati peminda yezviyo nomusi wesabata; vadzidzi vake vakanga vane nzara. vakatanga kutanha hura vachidya.

RUKA 6:1 Zvino nesabata rechipiri rinotevera rekutanga wakafamba napakati peminda yezviyo; vadzidzi vake vakatanha hura, vakadya, vachidzipukuta namavoko avo,

“Zviyo” zvinoreva kuti mbesa mumazuva eBhaibheri, segorosi nebaari.

Vanhu vekuEurope vakasvika kuAmerica mumakore anana 1 500, ipapo “zviyo” rakatanga kureva kuti “chibage”.

Mbeu imwe neimwe yegorosi yakaputirwa muhura kana hundi kuti ichengetedzeke.

Kuti titore mbeu yegorosi kubva muhura, munhu anokwanisa kutsukuta mbeu idzi pamwechete.

Goho ndiyo nguva yekupedzisira apo vatsvene vakafa kubva munguva nomwe dzemakereke vanomutswa. Vachaonekwa nevazhinji uye pavanofamba pakati pedu, tichange ‘tichigumana mapendekete’ navo. Vatsvene venguva yekereke yekutanga vachatiziva kana tikatenda zvakafanana nezvavakatenda ivo, dzidziso imwechete yavakawana kubva kuvapostora.

Zvakakosha muZano guru raMwari kuti mbeu inokohwewa pakupedzisira ifanane nembeu yekutanga yakadyarwa.

Sabata rechipiri mumashure merekutanga rinokwanisa kuva rechitatu.

Izvi mucherechedzo wenguva yekereke yechitatu yekudzorerwa kwechokwadi cheBhaibheri mumashure meNguva dzerima. (Sardisi, Firadhefia, pekupedzisira, Raodikia kuna Zvakazarurwa Chitsauko 3).

Martin Luther akadzorera ruponeso kupfurikidza kutenda munguva yekereke yeSardisi, vakapunyuka.

Mutsiridzo yake inomiririra mashizha embeu inenge ichimera yakafa ikafusirwa mutsvina yeNguva yeRima.

John Wesley akadzorera hutsvene nekuparidzira munguva dzakanaka dzemamishinari dzekereke yeFiradefia, zvinoreva kuti rudo pakati pehama.

Hurume hwezvirimwa hunotorwa nemhepo kupinda mune imwe minda kunoparidza hupenyu.

Munguva yechinomwe yeRaodikia (kodzero dzevanhu) vepentekositi vakadzorera simba reMweya Mutsvene. Uhu hwaive hura hwakachengetedza mbeu dzaitanga kubereka.

William Branham akadzorera zaruriro dzeMagwaro. Mbeu yeShoko yaizokwanisa kuibva muchiedza cheBhaibheri rakaziviswa. Mbeu yakaibva pakukohwa inofanana nembeu yakatanga kudyarwa munguva yekereke yekutanga.

Kubvisa mbeu kubva padavi rayakamera ikakurira mucherechedzo weMwenga achitorwa kukwira Kudenga pavanobviswa panyika mukukohwa kana mumvura inotevera.

Mbeu idzi mucherechedzo wedzidziso dzemapostora, mbeu Shoko raMwari, raizonyorwa nemapostora kuitwa Testamente Itsva. Zvitendero izvi zvinogadzirira kereke kuti ipinde mugoho pakupedzisira kwenguva yekereke yechinomwe apo rumuko runotora vatsvene vakafa kubva mumakuva.

Sabata chairo izororo kubva kuzvivi. Sabata chairo rubapatidzo rweMweya Mutsvene.

ISAYA 28:11 Zvirokwazvo achataura norudzi urwu navanhu vane miromo yorumwe rudzi, norurimi rwokumwe;

Izvi zvakaitika pazuva rePentekositi pavaive vakazadzwa neMweya Mutsvene.

ISAYA 28:12 akati kwavari, "Zororo riri pano, zorodzai vakaneta; pano ndipo panokutonhorera;" asi vakaramba kuteerera.

Mumashure mekutendeuka nekugamuchira Mweya Mutsvene, hatifaniri kufa takadzokera kumabasa edu akare ezvivi.

Mwari akazorora kubva kumabasa ake ekusika akasazodzokera kwaari zvakare.

VAHEBERU 4:10 Nokuti uyo wakapinda muzororo rake, wakazorora iye amene pamabasa ake, saMwari panaake.

Chivi chikuru ndiko kusatenda.

Kana Mweya Mutsvene ukatitsiura nekutiudza kuti Jesu ndiye Mwari Wamasimbaose uye kuti Bhaibheri reKing James Vhezheni (KJV) Ishoko raMwari risingatadzi, hatizodzokeri zvakare kukusatenda kwedu kwataimboita. Hatigoni kutenda kuti kune zvakakanganiswa muZano raMwari kwatiri. Saka tinomira kunyunyuta pamusoro pezvinotiwira. Mwari ari kutonga hupenyu hwedu, uye ari kuziva zvaari kuita.

Hatifanirwiwo kutenda kuti mune zvakakanganiswa muBhaibheri riKing James Vhezheni.

Tinofanira kushandura mafungiro edu kuti afambirane nemavhesi eBhaibheri reKing James Vhezheni.

JOHANE 8:24 Naizvozvo ndakati kwamuri; Muchafira muzvivi zvenyu, nokuti kana musinganditendi, kuti ndini iye, muchafira muzvivi zvenyu.

Kusatenda kwedu muShoko rakanyorwa kunotendera vaparidzi kutitsausa.

MATEO 24:4 Jesu akapindura akati kwavari, chenjerai kuti murege kutsauswa nomunhu.

Chinangwa chikuru cherubapatidzo rweMweya Mutsvene ndechekutungamirira isu kuti tinzwisise zvakavanzika zveMagwaro.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

Kana Mwenga wenguva yekupedzisira akadzorerwa kune zvaitendwa mazviri nemadzibaba maprofita, Mwenga anobva atorwa kukwira kudenga kunosangana naShe kumakore.

Kudya mbesa idzi dzisina kubikwa zvairatidza chikafu chakaninipa. Kuzvininipisa ndiyo kiyi yekusangana nemvura inotevera, mvura yedzidziso. Kudzorerwa kusvikira takutenda dzidziso dzakanyorwa nemapostora.

Vadzidzi havaigona kunonga mbesa dzakawanda pavaifamba mumunda.

Uyu mucherechedzo wekuti hakungavi nevanhu vazhinji vachadzorerwa pakunzwisisa zvakavanzika zveBhaibheri zvakaziviswa.

RUKA 18:8 Asi kunyange zvakadaro mwanakomana womunhu kana achisvika, uchawana kutenda panyika here?

MATEO 7:14 Nokuti suvo rakamanikana nenzira nhete inoenda kuvupenyu, vanoiwana vashoma.

Zvinotora muono wakadzamisisa kuti tinzwisise zvimwe “zvinorwisa” Magwaro

MATEO 12:2 VaFarisi vakati vachizviona; vakati, kwaari, tarira vadzidzi vako vanoita zvisina kutenderwa nomusi wesabata.

VaFarise vaive vakaguta, semapasita emazuva edu ano.

Vakaramba kutora mbeu kwemapostora pavakatanha kubva pamadavi adzo nemavoko avo.

Vadzidzi vaizonyora nemaoko avo Mbeu yeShoko raMwari seTestamente Itsva.

Vatungamiri vemakereke nhasi vanoramba dzidziso semanyorerwo adzakaitwa nemaprofita. Nekungoda, kwekuti hakuna vhesi muTestamente Itsva rinoisa pasita pakutonga kereke. Hakuna vhesi muTestamente Itsva rinoti chegumi ndechapasita.

Saka vatungamiriri vekereke yanhasi vanopikisa kudzorerwa kwezvakavanzika zveBhaibheri. Pachinzvimbo chekuparidza zvakavanzika zvakaziviswa kubva muBhaibheri reKing James vhezheni, Bhaibheri rimwechete risina parakakanganiswa uye Guru, vatungamiri vemakereke vanoparidza kubva kumavhezheni anosvika 450 eTestamente Itsva. Saka, vanoti hakuna chokwadi Chikuru, chakazara. Vanhu havagoni kuwana chokwadi chechiprofita kana vachiedza kusarudza kubva pandudzi 450 dzemaBhaibheri akasiyana. Zvisinei, kunewo makereke anosvika 45,000 akasiyana nemasangano. Iri idutu remweya rakasikwa nevatungamiri vemakereke vanhasi pavanopikisa zvakavanzika zveBhaibheri zvakaziviswa. Kereke imwe neimwe yakarasika inotenda zvinofungwa nemufundisi kana pasita wayo.

MATEO 12:3 Asi wakati kwavari, Ko hamuna kurava here zvakaitwa naDavidi musi waakanga aziya, iye navakanga vanaye.

Jesu akabvunza kuti nei Davidi akatenderwa kudya chingwa chekuratidzira chaive panzvimbo tsvenemuTabernakeri. Vaprista voga ndivo vaitenderwa kuita izvozvo pavaitarira Tabernakeri yaMwari.

MATEO 12:4 Kuti wakapinda mumba maMwari, akadya zvingwa zvokuratidza. Zvakanga zvisina kutenderwa kudyiwa naye navaiva naye asi navaPirisita bedzi!

Davidi aive rudzi rwKristu. Aive akazodzwa kuva Mambo achiri muduku asi aizoita mambo chete kana muvengi wake Sauro ava.

Jesu akazodzwa kuva Mambo neMweya Mutsvene pamahombekombe erwizi Jorodani. Asi achatora nzvimbo yaMambo panyika kana mweya waantikristu uri mukereke yeRoman Catholic chikara nemuprofita wenhema (Pope) zvaparadzwa paAmagedhoni. Parizvino, Jesu ndiye Muprista Mukuru Anotarira ruponeso rwekereke yake yevaHedeni.

Saka, pakati pekuzodzwa kuitwa mambo nekuzoita mambo, Davidi aitenderwawo kuita mabasa emuprista.

Vanhu vaitevera Davidi nekumubatsira vaitenderwawo kudya chingwa chekuratidzira chemaprista.

Kana David nevateveri vake vepedyo vaikwanisa kuita mabasa evaprista mumashure mekuzodzwa kwake, Jesu nevadzidzi vake vaikwanisawo kuita saizvozvo nekuti vaive vaprista veTestamente Itsva.

MATEO 12:5 Ko hamuna kurava pamurairo kuti nesabata vaPirisita vanoputsa murairo wesabata mutembere vasinemhosva?

Maprista eTestamente yekare vaishanda nesimba musi weSabata nemharidzo dzavo vachipa zvipiriso.

Saka, vaprista veTestamente Itsva, vapostora, vaikwanisa kushanda nekukohwa musi weSabata.

Pakupedzisira, goho rinobvisa Mwenga panyika kunosangana naShe kumakore richaitika chete kana kutenda kwemapostora kwadzorerwa pavari. Mwenga wanhasi ipapo anozorora kubva kukusatenda kwekereke.

Ndiro Sabata rechokwadi, kuzorora kubva kukusatenda, kunounza kutokwira kudenga kunosangana naShe kumakore.

MATEO 12:6 Asi ndinoti kwamuri mukuru wetembere uri pano.

Jesu anoyambira vatugnamiri vechiJuda. Kuti ndiye Mukuru kudarika Tembere. Vakadzungaira uye mapofu pavanopikisana Naye.

Vadzidzi vaitora Jesu sematorerwo aiitwa Tembere neTabernakeri nevaprista pavaishanda musi weSabata.

Vaprista vaibatira Mwari vaitenderwa kushanda musi weSabata.

MuTestamente Itsva, kuzivisa chokwadi chezvakavanzika zveBhaibheri kunosika zororo redu rakadzama (Sabata) kubva kukusatenda kwedzidziso dzekereke netsika dzayo.

Panguva yekupedzisira, hama Branham vakazivisa Jesu achifamba nemapeji eBhaibheri. Zvakaziviswa neBhaibheri zvakakosha kudarika vatungamiri vemakereke nezvavanofunga netsika dzavo.

MATEO 12:7 Asi dai maiziva kuti zvinoti kudini kuti, ndinoda ngoni handidi chibayiro. Mungadai musina kutonga vasine-mhosva.

VaFarise vakakanganisa pakutadza kuziva kuti vanhu vese vaitodza tsitsi dzaMwari.

Panovakatuka vadzidzi vaive vaprista veTestamente Itsva.

Asi chivi chikuru chevaFarise chaive chekutadza kuziva Messiasi. Saka vaive mubasa rekuputsa sungano yeTestamente Yekare, chaive chikonzero chikuru nei sungano itsva yaive yakudiwa.

Mosesi aive ayambira vaprofita vakuru kuti izvi zvichauya.

Jeremia akataura pamusoro pesungano Itsva yaizodiwa.

JEREMIA 31:31 Tarirai, mazuva anouya, ndizvo zvinotaura JEHOVA, andichaita sungano itsva neimba yaIsiraeri, neimba yaJuda.

DEUTERONOMIO 18:15 JEHOVA Mwari wako uchakumutsira muporofita, unobva pakati pako, pahama dzako, wakafanana neni; unofanira kumuteerera iye

Vaitsvaga zvakaipa pana Messiasi pachinzvimbo chekudzidza kubva kwaari, zvavaive varairwa kuti vaite naMosesi.

VaFarise vaiedza kushandira Mwari nenzira dzavo asi vachifuratira nekupikisa kuzadziswa kweShoko raMwari.

Kushingaira kwevanhu hakuna kugona kubereka chipiriso chakafanira chekuripira zvivi. Zvipiriso zvemaJuda zvaifanira kugara zvichidzokororwa gore rega rega. Izvi zvinoratidza kushaiwa simba kwemabasa evanhu nezvipiriso zvavo.

Zvipiriso zvemaJuda izvi zvese zvaizogumiswa paCalvari.

Chinhu chimwechete chezvibairo zvemuTembere chaizoenda kuTestamente Itsva inyasha dzaMwari apo paanoitira tsitsi vatadzi vanotendeuka.

MATEO 12:8 Nokuti Mwanakomana womunhu ndiye Ishe wesabatavo.

Jesu ega ndiye aizogona kupa chibairo chakarurama paaizofa pamuchinjiko. Saka, iye ega ndiye Ishe Mambo weSabata, Ishe anogona kutiita kuti tizorore kubva kuzvivi nekusatenda.

Jesu ega ndiye anogona kutipa zororo kubva kuzvivi nekusatenda nekutizadza neMweya Mutsvene zvinotigonesa kutenda nekunzwisisa Shoko.

Jesu ega ndiye anogona kutipa tsitsi dzatinoda kuti zvivi zvedu zviregererwe.

Kuregererwa kwezvivi kunotizorodza kubva kuzvivi nekusatenda kunobva pachipiriso chaJesu netsitsi dzake.

ISAYA 64:6 Nokuti isu tose tava soune tsvina, kururama kwedu kwose kwafanana nenguvo ine tsvina;

Vanhu havana simba panhau dzekuti tiregererwe zvivi zvedu.

Kushingaira kwedu nekuzvipira kwedu kakafanana nenguvo dzine tsvina mumaziso aMwari.

Danieri haana kubvira anamata Mwari muzvikamu zvekururama kwevanhu kana mabasa akanaka kana zvipiriso.

DANIERI 9:18 Aiwa, Mwari wangu, rerekerai nzeve yenyu, munzwe; svinudzai meso enyu, muone kuparadzwa kwedu, neguta rakatumidzwa zita renyu; nokuti hatisvitsi mikumbiro yedu pamberi penyu nokuda kwezvakarurama zvedu, asi nokuda kwenyasha dzenyu huru.

Danieri akazoona kuti maJuda vaive vaunza kuparadzwa chete. Vaive vakundikana.

Nekudaro, Danieri akanamata chete kuna Mwari achinamatira tsitsi huru dzaMwari.

Musazvidze Bhaibheri, namatirai kuwana kunzwisisa

MATEO 12:9 Wakabvapo, akapinda musinagoge ravo.

VaFarise vakazvidza Jesu. Saka akabva kwavari.

Kana mukazvidza chero vhesi riri muBhaibheri reKing James Vhezheni, munenge muchizvidza Jesu nekuti ndiye Shoko raMwari.

Jesu anobva kwamuri okusiyai mukusaziva kwenyu nekusatenda kwenyu.

Jesu neBhaibheri reKing James vhezheni, anozivisa muono uri pamusoro pendangariro dzedu dzevanhu dzakaneta.

Akauya kuzotipa chanduko nezvinhu zvatisina kutarisira.

Tinofanira kutenda mune zvakanyorwa tonamatira kunzwisisa nekuona zvakadzama. Hatifaniri kupokana nezvakanyorwa zvachose.

MATEO 12:10 Zvino tarira kwakanga kunomunhu wakanga anoruvoko rwakawonyana. Vakamubvunza vachiti zvakatenderwa kuporesa nesabata here? Kuti vamupomere mhosva.

Munhu aive neruvoko rwakavunyana aisagona kushanda neruvoko rwake. Saka, munhu uyu aisagona kuita chero basa musi weSabata zvaizova zvichirambidzwa.

Izvi zvakaratidza kuti munhu asina chaaigona akaremara aisagona kuita chero basa ndiye ega munhu aizochengetedza Sabata zakanaka. Kushaiwa zivo kwevaFarise kwakaratidzwa zviri pachena.

MATEO 12:11 Akati kwavari, ndiani kwamuri ungava negwai rimwe kana rikawira mugomba nesabata ungarega kuribata akaribudisa here?

Murimi wese aifanira kupa zvipfuwo zvake mvura mazuva ose. Kana bere rikabata musi weSabata, murimi aizoshanda kuchengetedza chipfuwo chake.

Chero murimi aizobatsira chipfuwo chake chasangana nedambudziko.kubatsira zvipfuwo zviri panjodzi chaive chinhu chakagara chichizoitwa.

Kusashanda musi weSabata kwangovepo kuti maJuda abve pakubata mari nekutsvaga mari vonamata Mwari pachinzvimbo chemari.

MaJuda vaidisa marikudzarika muprofita.

MATEO 12:12 Munhu unopfuvura gwai zvikuru sei! Saka zvakatenderwa kuita zvakanaka nesabata.

Jesu akanongedzera kuti kubatsira munhu ari panjodzi kwaive kwakakoshesa kudarika kubatsira chipfuwo.

MATEO 12:13 Zvino akati kumunhu, tambanudza ruvoko rwako! Akarutambanudza, rukaporeswa rukava sorumwe.

Jesu akaratidzira simba rinoshamisa raikwanisa kuratidzwa naMwari chete.

Kusvika nhasi, mishonga yemazuva ano haigoni kuporesa maoko akaunyana. Chaive chishamiso chikuru.

MATEO 12:14 Zvino vaFarise vakabuda, vakarangana pamusoro pake kuti vangamuvuraya sei.

VaFarise vaive vakaguta vakazvidza kutanha kwakaita vadzidzi mbesa shomanana kuti vawane chekudya.

Vakakoshesa murume aive neruvoko rwakaunyana aive asina chaaigona kukohwa neruvokorwake.

Jesu akashandura ruvoko rwaive rusina charwaigona kuita kuruita ruvoko rwaizobatsira kukohwa.

Kukohwa panguva yekupedzisira yekereke kuchaitika kana Jesu adzorera zvitendero zvekereke zvakaneta kuzviita dzidziso dzemapostora ekutanga. Ivo voga ndivo vaiziva chokwadi chaizounza goho rekupedzisira. Mbeu yeShoko rakadarika nemumaoko avo yaizoibva pakupera kwekereke yekupedzisira.

Asi vatunganiri vemakerkee vakasarudza kanzuru yepasi rese yemakereke yaizobatanidzwa kuti ikudze Tiriniti nezvimwe zvitendero zvisimo muMagwaro. Kunzwisisa kwavo kwezvakavanzika zvakaziviswa zveMagwaro kwaizosvava.

Vakaripira dzidziso dzavo dzisimo muMagwaro nekuparadza kutenda kwevanhu kwavaive nako muBhaibheri reKing James Vhezheni. Vakaramba vachingogadzira mamwe maBhaibheri eTestamente Itsva vachiti hazvigoneke kuwana Bhaibheri rakarurama. MaKristu mashoma kwazvonhasi anotenda kuti kune Bhaibheri rakarurama risina chipomerwa.

Kusatenda kwakurisa kwawanda mumakereke akatsauswa kusvika pakutenda kuti Bhaibheri reKing James rakakanganiswa. Zvavanotaura pamusoro peBhaibheri, ndizvo zvavanoreva pamusoro paJesu. Nekuti Jesu ndiye Shoko raMwari. Ndicho chikonzero nei Jesu amire kunze kwekereke.

MATEO 12:15 Jesu wakati achizviziva, akabvapo. Vanhu vazhinji vakamutevera. Akavaporesa vose.

Jesu ndiye chokwadi. VaFarise vaida kumuuraya.

Nhasi, mapasita emakereke vanoda kuuraya chokwadi cheShoko rakaziviswa.

Vanhu vaida nekutevera Jesu.

Asi vatungamiri vezvitendero zvavo vakatuka Jesu.

Nhasi vaparidzi vemumakereke ndivo vanotuka Jesu pavanozvidza nekushandura Magwaro akanyorwa. Jesu ndiye Shoko raMwari.

MATEO 12:16 Akavaraira kuti varege kumuzivisa pachena.

Jesu ahaana kutsvaga mbiri kana kushambadzwa.

Aiziva zvaive muvanhu.

Vanhu vaimutevera nekuda kwekuda kuporeswa nekuti zvaiitwa kuti ivo vapone. Vaidisa kwazvo mabasa emweya unoshamisa aaita.

Asi vatugnamiri vezvitendero vakatora mazuva mana kuti vashandure vazhinji vaimurumbidza kuti vave vaurayi

Vanhu vamwechete vakamupemberera nekumurumbidza musi weSvondo yeMichindwi ndivo vanhu vamwechete vakadanidzira kuti “Ngaarovererwe” mazuva mana akatevera musi weChina.

Ndiko kuita kwevanhu vanotungamirira makereke vanenge vaona munhu anoda kuisa mari dzavo panjodzi sezvakaitwa musi weSvondo yeMichindwi zuva rakatevera racho, Muvhuro, apo Jesu akadzinga vaiita Mari muTembere.

Ndiko kuipa kuri mumoyo yedu vanhu.

Ndiko kuzadzwa kwakaitwa vatungamiri vezvitendero nekuda kuita mari.

MATEO 12:17 Kuti zviitike zvakarehwa nomuporofita Isaya achiti,

Jesu akazadzisa chiprofita.

MATEO 12:18 Tarira muranda wangu wandakasanangura, mudikanwa wangu, unofarirwa nomweya wangu. Ndichaisa mweya wangu pamusoro pake, Iye uchazivisa vahedheni kutonga.

Isaya akaziva kuti maJuda aizoramba Jesu pakupedzisira uye kuti aizotendeukira kuvaHedeni munguva nomwe dzemakereke.

MATEO 12:19 Haangarwi, haangaiti mheremhere. Hakunomunhu uchanzwa inzwi rake munzira dzomumusha.

Jesu aizazoenderera mberi nemaJuda nekuti vatungamiri vezvitendero zvavo vaizoita kuti vanhu vavenge Jesu vakumbire rufu rwake.

MATEO 12:20 Rutsanga rwakapwanyika haangaruvhuni. Nomwenje unopfungaira haangaudzimi. Kusvikira achituma kutonga kuti kukunde.

Asi Jesu aive netsitsi kune avo vaida havo kutenda, zvisinei nekuti vaive vakakuvadzwa zvakadii pamweya.

Asi kwaizova nekuuraiwa kukuru.

MaJuda, totenda vatugnamiri vavo vaive nemakaro, vaizoramba Jesu.

Iye, nekune rumwe rutivi, aizobva kumaJuda otendeukira kuvaHedeni kunotanga kereke yake.

Kurambwa nemaJuda kwakatendeutsira Jesu kuvaHedeni

MATEO 12:21 Vahedheni vachaita zita rake tariro yavo.

Zita raJesu raizova nembiri kwazvo pakati pevaHedeni apo Evangeri raizoparidzwa panyika.

MATEO 12:22 Zvino vakaisa kwaari munhu waiva nomweya wakaipa, raiva bofu nembeveve; akamuporesa, naizvozvo bofu nembeveve yakataura nokuvonavo.

Bofu nembeveve. Izvi zvinotsanangura vaHedeni veTestamente Yekare.

VaHedeni havana kunzwa chokwadi cheTestamenteYekare vaive vakapofomadzwa pamweya vari mutsika dzavo dzechipegani. Vaive mbeveve kana tichitarisa nhau yechokwadi nekuti chitendero chavo cheTiriniti yemapegani chaive kukanganisa kukuru.

Nekuporesa munhu aive bofu nembeveve, Jesu akaratidza kuti aizotendeukira kwatiri isu mapegani echiHedeni tiri mapofu uye mbeveve akatitendeutsira kuchokwadi.

MATEO 12:23 Vanhu vazhinji vose vakashamiswa vakati, ko uyu haazi mwanakomana waDavidi here?

Vanhu vaifadzwa nezvishamiso zvaaiita. Vakaziva kuti Jesu aive ani.

Vakamuziva seMwanakomana waDavidi.

Davidi aive adya chingwa chekuratidzira chaive chemaprista. Saka Davidi akatenderwa kuita semuprista.

Jesu, seMwanakomana waDavidi, akakwanisawo kuita semuprista. Saka Jesu akakwanisa kushanda nekuporesa musi weSabata sezvaiita mamwe maprista ese musi weSabatapavaishumira vanhu.

Vatungamiri vezvitendero vanovenga kunzwisisa Shoko rechokwadi

Vatungamiri vezvitendero vaingoda kuti vateveri vavo vatende zvavaifunga ivo vovaudza.

MATEO 12:24 Zvino vaFarisi vakati vachizvinzwa, vakati; munhu uyu haabudisi mweya yakaipa, asi naBeerizeburi muchinda womweya yakaipa.

Vatungamiri vezvitendero vakamupomera kuti aive muchinda womweya yakaipa. Ndirwo rwaive ruvengo rwaive nevakuru vezvitendero kuShoko raMwari rechokwadi.

MATEO 12:25 Zvino Jesu achiziva kufunga kwavo akati kwavari, vushe bwumwe nobwumwe bwunozvipesanisa bwunoparadzwa. Neguta kana imba inozvipesanisa haingamiri.

Asi ndangariro dzavo dzaive dzakaipisa.

Hushe hwaSatani haugoni kumira kana madhimoni akarwisana.

MATEO 12:26 NaSatani kana achibudisa Satani unozvipesanisa. Vushe hwake hwuchamira seiko?

MATEO 12:27 Neni, kana ndichibudisa mweya yakaipa naBheerizebhuri, ko vanakomana venyu vanoibudisa nani. Saka ivo vachava vatongi venyu.

VaFarise vaive nendangariro dzakaipa dzaiti munhu mumwe wevakaipa kana akagona kudzinga mweya yakaipa.

“ipapo, dai maJuda aidzinga madhimoni, zvinoreva kuti maJuda vaive vakaipawo.” Asi izvozvo hazvina musoro. Vaive vanhu vaMwari vaakasanangura.

MATEO 12:28 Asi kana ndichibudisa mweya yakaipa noMweya waMwari, ipapo vushe hwaMwari bwasvika kwamuri.

Jesu aingoratidzira mweya unoshamisa waMwari. Saka hushe hwaMwari hwaive hwasvika kumaJuda.

MATEO 12:29 Munhu ungapinda seiko paimba younesimba akatora nhumbi dzake kana asati ambosunga iye unesimba? Ipapo uchaparadza imba yake.

Dhimoni rine simba rinosunga munhu.

Mweya Mutsvene unofanira kutanga wasunga dhimoni rakasimba iroro worirasira kunze kwemunhu. Ipapo muviri wemunhu unenge wanatswa, izvi zvinokanganisa huipi hunenge hwaiswa nedhimoni rakasimba riri pamunhu iyeye.

MATEO 12:30 Usineni, unopesana neni nousingavunganidzi neni unoparadza.

Hakuna kusangana pakati. Tinotenda zvakazara shoko rimwe nerimwe riri muBhaibheri reKing James Vhezheni kana kuti tiri varambi vechokwadi.

Hatigoni kutenda zvimwe zvinhu zviri muBhaibheri toramba zvimwe. Tinoparara, hatiunganidzwi.

Hupenyu hwakaipisisa ichokwadi chiri hafu.

Kutadza kwakaipisisa Magwaro akan’oreswa.

MATEO 12:31 Naizvozvo ndinoti kwamuri, vanhu vachakanganwirwa zvivi zvose nokumhura, asi kumhura Mweya mutsvene havangakanganwirwi.

Mweya Mutsvene wakaporesa. Hazvina kubvira zvanzi Diaborisi akaporesa.

Mweya Mutsvene unotitungamirira muzvokwadi yese.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose:

Musafe mamazvidza chokwadi chakaziviswa chezvakavanzika zveMagwaro chinofambirana nemamwe mavhesi emuBhaibheri.

MATEO 12:32 Aninani unotaura shoko rakaipa kuMwanakomana womunhu uchakanganwirwa. Asi unotaura shoko rakaipa kuMweya Mutsvene haangakanganwirwi. Kana panguva ino kana kune inovuya.

Kumhura simba remweya unoshamisa reMweya Mutsvene hakutenderwi.

Kumhura zvakavanzika zvakadzama zvakaziviswa zveBhaibheri hakutenderwi.

MATEO 12:33 Itai muti uve wakanaka nezvibereko zvawo zvakanakavo. Kana itai muti uve wakaipa nezvibereko zvawo zvakaipavo. Nokuti muti unozikanwa nezvibereko zvawo.

Ruponeso rweMweya Mutsvene nezaruriro inotevera ichifamba neBhaibheri kubva kuna Genesisi kusvika kuna Zvakazarurwahazvibvi kuna Satani.

MATEO 12:34 Imi zvibereko zvenyoka mungagona seiko kutaura zvinhu zvakanaka, zvamuri vakaipa? Nokuti muromo unotaura zvizere pamoyo.

Mbeu yenyoka. Kuramba Jesu, Shoko raMwari, zvinoreva kuti pane chaive chisina kuita zvakanaka mukatikati mavo. Zvinangwa zvepasi pemoyo yavo zvinobuda nemukutaura kwavo. Nekuzvidza Jesu, zvinoratidza kuti mifungo yepasi pemoyo yavo yaimupikisa.

MATEO 12:35 Munhu wakanaka unobudisa zvinhu zvakanaka pafuma yake yomoyo. Nomunhu wakaipa unobudisa zvinhu zvakaipa pafuma yake yakaipa.

Munhu akanaka haambofa akazvidza Jesu kana Bhaibheri reKing James Vhezheni. Dzidziso dzavanodzidzisa dzinokoshesa kururama kwaJesu neBhaibheri reKing James.

Vanhu vakaipa vanozvidza Bhaibheri reKing James nguva dzese vopikisa zvakare Chokwadi cheMagwaro chakaziviswa.

MATEO 12:36 Ndinoti kwamuri, shoko rimwe nerimwe risina maturo, rakarebwa navanhu, vachazvidavirira pamusoro paro nezuva rokutonga.

Asi Shoko rimwe nerimwe ratinotaura rinoshandiswa sehumbowo kwatiri. Musafe mamazvidza Bhaibheri. Musafe mamanyunyuta nekuda kweZano raMwari. Tinodanwa kuti titende, kwete kuti tikakavare tichipokana nechokwadi.

MATEO 12:37 Nokuti namashoko ako ucharuramiswa, vuye namashoko ako ucharashiwa.

Kana tikanyunyuta kana kupomera Mwari pamusoro pezvinenge zvatiwira, tinenge tiri panjodzi.

Zvese zvinotiwira, zvakanaka nezvakaipa, zviriko nekuda kwechikonzero.

Tinofanira kutenda kuti Mwari ane simba rakazara pamusoro pehupenyu hwedu.

Mazwi edu anofanirakukudza Mwari nekumutenda. Zvatinotenda zvinofanira kugara zvichibva muBhaibheri nguva dzese.

Musatsvage zviratidzo zvechiitiko. Chiratidzo, kana chikaitika, hachisicho chiitiko chacho

MATEO 12:38 Zvino vamwe vanyori navaFarise vakapindura vakati, mudzidzisi tinoda kuvona chiratidzo kwamuri.

Kuneta kwevanhu. Tinoda kuona chiratidzo. Tinotenda chete kana tikaona chiratidzo.

Haisi pfungwa yakanaka.

Nguva zhinji, vanhu vanokanganisa vanofungira kuti chiratidzo ndicho chiitiko chacho.

Gore rinoshamisa rakaonekwa muchadenga muna 1963 raive chiratidzo cheMwanakomana wemunhu kudenga.

65-0718 KUEDZA KUSHANDIRA MWARI ASI KUSIRI KUDA KWAMWARI

Zvino munzvimbo yavaiongorora zviitiko zvikuru izvi,kuti nyika haizowani chiro, vachiri kushamiswa nekushaiwa kuti chii chakaitika. MuTuckson, vaiita ongororo huru vakatora mifananidzo yaro riri kumusoro uko; vachiri kushamisika kuti chii chakaitika. Chaimbova chii? Vachiri kuzviisa mumapepa, “Kune here munhu anoziva kuti chii chakatora nzvimbo, kuti zvakaitika sei?” Kwaive kusina mhute kumusoro kudenga, kusina mhepo, kusina hunyoro; mamaira makumi matatu muchadenga. Oh maihweee!

Kuchava nezviratidzo muchadenga. Kana izvi zvikaitika, kudengenyeka kwenyika munzvimbo dzakasiyana siyana, kuchaonekwa chiratidzo kudenga cheMwanakomana wemunhu.

Chiratidzo chekuti Zvisimbiso zvinomwe zvichaziviswa. Chiratidzo chekuti Jesu anoratidzwa seShoko rakaziviswa kuzuva redu.

Vanotenda kumharidzo vaifunga kuti gore raive kuuya kwaShe. Kana kuti kuburuka kweMutumwa mukuru wekuna Zvakazarurwa Chitsauko 10.

Saka, ndudzi dzese dzedzidziso dzakaipa dzakaita sekuti “Tsitsi dzakagumiswa”, nedzekuti “Kutinhira kunomwe kwakareva”.

Vafundisi kana mpasita emharidzo akasiyana siyana vanogadzira mazita matsva aMwari akasiyana siyana.

Asi hakuna munhu anogona kuziva zita iroro kana tichiri mumiviri ino izere zvivi.

ZVAKAZARURWA 19:12 Meso ake akanga akaita somurazvo womoto; pamusoro wake pakanga panekorona zhinji; wakanga anezita rakanyorwa, risina kuzikanwa nomunhu, asi naiye bedzi.

Zviratidzo zvinogona kukonzeresa kunyengerwa kuzhinji.

MATEO 12:39 Akapindura akati kwavari, rudzi rwakaipa runofeva runotsvaka chiratidzo asi harungapiwi chiratidzo. Asi chiratidzo chomuporofita Jona.

Vanhu vakaipa vanoda kuona zviratidzo. Vanhu kwavo vanofara kutenda zvakanyorwa.

MATEO 12:40 Nokuti Jona sezvaakava mudumbu rehove huru mazuva matatu novusiku hwutatu, saizvozvo Mwanakomana womunhu uchava mumoyo wenyika mazuva matatu novusiku bwutatu.

Chiratidzo chimwechete chechokwadi rufu, kuvigwa nekumuka kwaJesu.

Akaita husiku hutatu muguva akamuka musi weSvondo magwanani.

Mugovera husiku, Chishanu husiku, neChina husiku.

Saka Jesu akafa musi weChina.

Asi kereke yeRoman Catholic inoti Jesu akafa zuva risina kutaurwa neMagwaro “Chishanu chakanaka” (Good Friday).

Saka vemasangano anopikisa Roma vanototenda izvozvo chero hazvo zvichireva kuti Jesu haazovi nehusiku hutatu ari muguva.

Zvakadaro, tinoipisa chiratidzo chimwechete chakajekesesa chatinopihwa kana tichifunga kuti Jesu akafa musi weChishanu.

Zvakadaro, zviratidzo kazhinji hazvibatsiri kuvanhu vakawanda.

Evangeri richaenda kuvaHedeni

MATEO 12:41 Varume veNinivhi vachasimuka pakutonga norudzi urwu, vacharupa mhosva. Nokuti vakatendevuka nokuparidza kwaJona. Tarirai mukuru kuna Jona uri pano.

Nineva raive guta revaHedeni.

VaHedeni vanotenda mharidzo yaJoha (chiHeberu) kana kuti Jonasi (Chigiriki).

Zvakare, Jesu anoratidza kuti mumashure merufu rwake, kuvigwa, nekumuka kuti Evangeri richaenda kuvaHedeni.

MATEO 12:42 Mambokadzi wezasi uchasimuka pakutonga norudzi urwu ucharupa mhosva. Nokuti wakabva pamagumisiro enyika kuzonzwa kuchenjera kwaSoromoni. Tarirai mukuru kunaSoromoni uri pano.

Mambokadzi wezasi aive muHedeni aibva kufrica akayambuka renje reSahara nekuomerwa kukuru kuti anodzidza nezvaMwari waSoromoni. Ndiyo yaive mbiri yehuchenjeri hwaSoromoni yaizivikanwa nevanhu kuti Mwari aive naye.

Jesu zvakare akaratidza kuti mukadzi muHedeni aive mucherechedzo wekereke yevaHedeni, yaizokurira kutambudzika kukuru kuti idzidze chokwadi cheBhaibheri, Shoko raMwari.

Bhaibheri rinotsanangura kufunga kwaMwari.

Tinoda ndangariro dzaKristu.

Mweya minomwe yakaipa yakakura munguva nomwe dzemakereke

Todzokera kuvaJuda mumufananidzo unotevera.

MATEO 12:43 Zvino kana mweya wetsvina wabuda kumunhu unopota panzvimbo dzisina mvura, uchitsvaka zororo uchirishaiwa.

Jesu akakurira Satani muIsraeri. Satani aisagona kuwana chimwe chinangwa chehupenyu hwake nekuti zano rake guru raive rekutsiva Mwari.

MATEO 12:44 Zvino unoti ndichadzokera kumba kwangu kwandakabuda. Asi uchisvika unoiwana isine-chiro, yakatsvairwa yanatswa.

Ropa raJesu akanatsa nzvimbo tsvene.

Diaborosi akadzokera kuIsraeri kunomisa maJuda kuti atambire Testamente Itsva.

Satani akava mutongi wavo chero zvazvo vaive vanhu vaMwari vakasarudzwa, nekuti Diaborosi aivasunga mukusatenda.

MATEO 12:45 Zvino unoenda ndokutora mimwe mweya minomwe inoupfuvura nokuipa ndokupinda, ndokugaramo. Kupedzisira komunhu uyu kwakaipa kupfuvura kutanga kwake. Zvichaita saizvozvovo norudzi urwu rwakaipa.

Kwenguva nomwe dzemakereke, Satani aizobatsira maJuda kuramba chokwadi cheTestamente Itsva. Zvakaipa zvenguva nomwe dzese zvaizotsvaira kupinda muIsraeri pakupera kwenguva nomwe dzemakereke.

Ipapo zvaizoonekwa, sezvazvakuita ikozvino, kuti hazvigoneke kuti maJuda senyika vadzokere kuEvangeri.

Ndizvo zvinofunga vanhu vakawanda.

Simba remweya unoshamisa chete remaprofita maviri Mosesi naErija, nekuipa kwemakore matatu nehafu enguva yekutambudzika kukuru nekuipa kwekuwanda kwendufu dzayo kunozovaita kuti vagamuchire Jesu.

Jesu anodzoka pachinenguva yekuti avaponese kubva pakuparadzwa kwakazara. Zvikamu zviviri kubva muzvitatu zvevaIsraeri zvichange zvavurawa nguva iyoyo.

ZEKARIA 13:8 Zvino munyika yose ndizvo zvinotaura JEHOVA migove miviri ichaparadzwa ndokufa; asi wechitatu acharegwamo

MaJuda 144,000 vanogamuchira Jesu kuva Messiasi wavo.

Mufananidzo uyu, nekuzunza kwekuipa kwenguva yeKutambudzika yekupedzisira, uchashandawo pavasikana mapenzi vakanyengerwa.

Kereke yekutanga yakanatswa neMweya Mutsvene ikatangwa nemapostora. Pakange paurawa mapostora ese, Diaborosi akatanga kusvibisa hutungamiri hwekereke kusvikira Bhishopu akutonga paguta. Chipegani cheTiriniti nezvematongerwo enyika zvakapindira. Kuipa kwenguvan nomwe dzemakereke kunotungamirirwa nemweya yemadhimoni anoita zveMari huru, zvinoguma zvatora vasikana mapenzi vakatsauswa kunopinda navo munguva yeKutambudzika kukuru yemakore matatu nehafu. Vasikana imhandara dzakachena dzisati dzaziva varume. Mucherechedzo wevanhu vakaponeswa mukereke vakanyengerwa zvakazara nedzidziso dzisimo muMagwaro.

Mhirizhonga yakaipisisa nehutsinye zvenguva ino yenguva yekutambudzika zvichabvisa tsika dzemakereke dzese nekudzungaira kubva muvasikana mapenzi.

Mhuri yaJesu ndeavo vanotenda nekurarama neBhaibheri rakanyorwa

MATEO 12:46 Wakati achataura navanhu vazhinji, tarira mai vake navanun’una vake vakamira kunze, vachitsvaka kutaura naye.

Jesu aive nemhuri yechiJuda. Mai nevanun’una vana.

MATEO 12:47 Mumwe akati kwaari, havo mai venyu navanununa venyu vamire kunze vachitsvaka kutaura nemi.

MATEO 12:48 Akapindura akati kuna iye wakamuvudza, mai vangu ndianiko navanunu’una vangu ndivananiko?

NaJesu, hakuna rusarura mumhuri. Anokoshesa mhuri yake yepanyama.

MATEO 12:49 Ndokutambanudza ruvoko rwake kuvadzidzi vake akati, Tarirai mai vangu navanunu’una vangu!

Kunongedzera mhuri yake, Jesu akanongedzera kwaive kusiri kunemhuri yake yechiJuda akanongedzera vadzidzi vake.

Jesu aizobva kuvaJuda achiedza kuvaHedeni.

Vadzidzi vake vaizoparidza chokwadi kuvaHedeni.

Jesu aingoda chinhu chimwechete.

Ndiyani anoda kuita kuda kwaMwari?

Vanhu ivavo ndivo vanozoita Mwenga wake wenguva inouya, kereke yevaHedeni.

Mhuri yake yechokwadi.

MATEO 12:50 Nokuti aninani unoita kuda kwaBaba vangu vari kudenga ndiye munun’una wangu, nehanzvadzi namai.

Tinofanira kubata Mufananidzo Mukuru weZano guru raMwari kunguva nomwe dzemakereke kana tichida kuva chikamu chemhuri yake.