Mateo 11 - Ndichakupai zororo

We update studies as the Lord Jesus leads us. You can find the latest update of this study at ChurchAges.net

Kuuya kwaJesu kwekutanga kwaive kwakanangana nemaJuda chete

MATEO 11:1 Jesu wakati apedza kuraira vadzidzi vake vanegumi navaviri akapfuvura kundodzidzisa nokuparidza pamaguta avo.

Pakuuya kwake kwekutanga, Jesu akatumira vadzidzi vake kunoparidzira vaJuda, kwete kuvaHedeni.

MATEO 10:5 Ava vanegumi navaviri Jesu akavatuma akavaraira achiti, musaenda munzira yavahedheni, musapinda muguta ravaSamaria.

6 Asi zvirinani muende kumakwai akarasika eimba yavaIsraeri.

Mwari anoshanda nemaJuda pavo vega nevaHedeni pavo vega.

Tinoona izvi kubva muchigadziko chemwenje minomwe chinomiririra nguva nomwe dzemakereke muTabernakeri yeTestamente Itsva.

Izvi zvaive zvakasiyana nezvingwa gumi nezviviri patafura, zvinomiririra marudzi gumi nemaviri evaIsraeri.

Nhasi uno vanhu vechiJuda vanoti maJuda. Vanoona nyika yavo iri Israeri asi vanofunga kuti Israeri inotaura pamusoro penyika yemadzitateguru avo. Ivo rudzi rwemazuva ano rwune midzi yakadzama iri munguva dzakadarika.

MATEO 10:5 Ava vanegumi navaviri Jesu akavatuma akavaraira achiti, musaenda munzira yavahedheni,

Panoswedera Kuuya kwake kweChipiri, zvinhu zvakashanduka.

Jesu anotumira muprofita wake kuvaHedeni, kwete kuvaJuda.

Kana Mwari atora Mwenga wake kuenda naye kuMutambo weMuchato Kudenga ndipo Mwari achatendeukira kuvanhu vake maJuda.

Nguva yekuuya kwaJesu kweKutanga, maJuda ane mukana wese wekunzwa chokwadi. Vazhinji vakafara kugamuchira Jesu nezvaakanga achidzidzisa.

Asi vatungamiriri vechiJuda vakamuona ari chipingaidzo kuzvinzvimbo zvavo zvepamusoro zvakasimudzirwa kuti vaite simba pamusoro pevanhu.

Pasi pasi pemoyo, vatungamiri vechiJuda vaida mari, kwete chokwadi

Vaisarudza mari nesimba pahupenyu hwavo hwepanyika pachinzvimbo chemubairo weehupenyu husingagumi Kudenga.

JOHANE 11:47 Naizvozvo vaPirisita vakuru navaFarise vakavunganidza makurukota, vakati: Todiniko? Nokuti uyu unoita zviratidzo zvizhinji.

48 Kana tikamurega achidaro, vanhu vose vachatenda kwaari; navaRoma vachavuya vakatitorera nzvimbo yedu norudzi rwedu.

Jesu aivewo chipingaidzo kuvatungamiriri vechiJuda panzira dzavo dzavaiita nadzo mari.

JOHANE 2:14 Akawana mutembere vaitengesa mombe namakwai nenjiva, navaitsinhanha mari, vageremo.

15 Akaruka tyava yorwonzi, akabudisa mutembere makwai nemombe zvose; akaparadza mari yavaitsinhanha, nokuwisa matafura avo.

16 Akati kuna vaitengesa njiva: Bvisai zvinhu izvozvo muno; musaita imba yaBaba vangu imba yokutengesera.

Apa paive pedyo nekumavambo ehushumiri hwake saka nekurwisa huwori hwavo panhau dzemari Jesu akava nechokwadi chekuti vatungamiri vezvitendero zvechiJuda vaizomuvenga.

Vatungamiri vezvitendero vaishingirira kuita mari kubva muShoko raMwari.

Nhasi, makereke ava Bhizimisi gurusa.

Kereke yeRoman Catholic yepaVatican ndiyo yakapfumisisa pasi rese.

Pakupedzisira pehushumiri hwake, Jesu akaita zvimwechete izvi zvakare.

RUKA 19:45 Zvino wakapinda mutembere, akatanga kubudisira kunze vakanga vachitengesamo,

46 achiti kwavari: Kwakanyorwa kuti imba yangu ichava imba yokunyengetera; asi imi makaiita bako ramakororo.

Vatungamiriri vechiJuda vakasarudza kuti kunatswa kweTembere kwechipiri kubva kuvanhu vaitsinhana mari muTembere yaive nhanho hurusa pakuenda mberi.

Vakabva vauraya Jesu vhiki rimwechete iroro.

Musafe makapindira kukanganisa nzira yemufundisi kana pasita yekuita nayo mari.

Jesu ndiye wekutanga nowekupedzisira. KuEvangeri raJohane, akabvisa vose vaitsinhana mari muTembere kwaive kutanga kwehushumiri hwake. KuEvangeri raRuka, akabvisa vaiita mari muTembere pakupedzisira kwehushumiri hwake.

Izvi zvinotidzidzisa kuti kubva pakutanga kusvika pakupedzisira kwehushumiri hwake, Jesu aive asina nguva nevahu vaiita mari kubva paShoko raMwari.

Dambudziko rimwechete guru nhasi nderekuti kereke rava Bhizimisi Guru.

Takafuma takafumisa hatishaiwo chiro. Hakuna kereke inobvuma kuti inoda kugadziriswa.

ZVAKAZARURWA 3:14 Nyorera mutumwa wekereke iri paRaodhikia, uti:

17 Nokuti unoti, ndakafuma, ndakafumiswa, handishaiwi chinhu; usingazivi, kuti ndiwe unovurombo nenhamo, uri murombo nebofu usina chokufuka.

Evangeri rekupfuma riri kurarama, kunyanya mumharidzo dzemazuva ano dzepazvivhiti vhiti.

Kana muri kuita mari, munofunga kuri ndihwo humbowo hwemakomborero aMwari uye kuti muri kugona pamberi paMwari.

Vadzidzi vaJohane Mubapatidzi vakatevera zvakaipa zvaaivadzidzisa pachinzvimbo chekutevera Jesu Shoko

MATEO 11:2 Zvino Johane ari mutorongo, wakana anzwa mabasa aKristu akatuma Shoko navadzidzi vake,

Johane Mubapatidzi aive muprofita mukuru akakura nzira yekuuya kwaJesu kweKutanga. Akasimuka kumira zvine simba panhau yekuroorana nekurambana. Wanano iri pamurairo inopera pakufa. Akatuka Herode nekuti aive aroora mukadzi wemukoma wake. Herode akamuisa mutorongo nekuti aive ataura kuti kuramba mukadzi nekuroorazve zvaive zvakaipa.

Mubairo wekutaura chokwadi waive kuzvivengesa.

Johane aive muprofita mukuru kwazvo zvekuti vamwe vatendi vakava vadzidzi vake vakamutevera, pachinzvimbo chekutevera Jesu.

Zvakataurwa naJohane zvaive zvakakosha kwavari kudarika Magwaro.

MATEO 11:3 Achiti kwaari, Ko ndimi iye wakanga achinzi unovuya here kana tichakatarira mumwe?

Johane aifunga kuti Messiasi aizouya nekugadza Hushe hwake, makore 1000 erugare- yatinodana kuti Mereniyamu.

Asi Jesu haana kuita kunge aizoita izvozvo.

Saka, Johane akakanganisa chinhu chikuru nekutarisa zviitiko zvenguva pachinzvimbo cheMagwaro.

Johane haana kuziva kuti nguva nomwe dzemakereke nemakore matatu nehafu ekutambudzika kukuru zvaifanira kutanga zvaitika.

Aive muprofita mukuru kwazvo, asi aivewo munhu wenyama. Vanhu venyama vanokanganisa.

Johane akavharirwa mutorongo apomerwa mhosva nekuti aisafanira kutsiura mambo Herode. Kurangwa kusina kufanira uku kwakava chiitiko chakakonzeresa kuti ziso raJohane regondo ridzime nekuputirwa nerima.

Vaparidzi vemharidzo, nekudzima kunoita ziso ravo regondo, vanotaura nhema dzekuti hakuna anokwanisa kugadzirisa hama Branham.

Johane akatanga kukakavara kuti Jesu aive Messiasi. Saka vadzidzi vemuprofita vakatangawo kusatenda Jesu.

Vaifanira kunge vakagadzirisa Johane vachishandisa Magwaro, asi vakatenda mukukanganisa kuti chaive chivi kugadzirisa muprofita.

Vaive vakagadzirira kusiya kutenda muna Jesu nekuti vaisarudza kusimbirira pane zvakataurwa naJohane, zvaive zvisiri zvakanaka.

Vadzidzi vaJohane vaive vapesana nechinhu chakakosha. Johane aive auya kuzovanongedzerera Jesu. Johane haana kuuya kuzotsiva Jesu.

Vhesi rinotevera rinotsanangura kuti hushumiri hwaJohane hwaifanira kuita sei pavadzidzi vake.

JOHANE 1:35 Ava mangwana zve Johane wakanga amire navadzidzi vake vaviri;

Johane akanongedzera kuna Jesu seMunhu achiratidza vadzidzi vake.

William Branham akanongedzera Jesu ari mukati mezvakavanzika zveBhaibheri achitsanangura kwatiri zvinoreva mavhesi akaoma kunzwisisa aya.

JOHANE 1:36 Akatarisisa Jesu achifamba, akati: Tarirai, Gwaiana raMwari!

Johane haana kuzvirumbidza. Akanongedzera Jesu watinoziva kuti ndiye Shoko raMwari.

JOHANE 1:37 Ivavo vadzidzi vaviri, vakamunzwa achitaura, vakatevera Jesu.

Kana mukatevera Jesu mukati meShoko rakaziviswa nekutsigira zvamunotenda neMagwaro, ipapo chete munenge makukwanisa kunzwisisa zvaitaurwa nehama Branham.

JOHANE 1:40 Mumwe waivavo vaviri, vakanga vanzwa Johane, vakamutevera, vaiva Andreasi, munun’una waSimoni Petro.

Vamwe vakanzwa Johane achitaura asi havana kumunzwisisa, saka vakagara nezvakataurwa naJohane vakarega kutevera Jesu.

Andreasi akanzwa akanzwisisa. Akaziva kuti hushumiri hwaJohane hwaivepo kudzidzisa kutevera Jesu.

Hamusati manzwa hama Branham vachitaura kusvikira makugona kuronda zvamunotenda muBhaibheri kubva kuna Genesisi kusvika kuna Zvakazarurwa.

Zvinoita sekuti Andreasi ndiye ega mudzidzi waJohane Mubapatidzi akazova pakati pevadzidzi vaJesu gumi nevaviri.

Saka kuita shamwari nekutevera hama Branham, mukuru wenzira yekuuya kwaKristu wechipiri hakurevi kuti muchaita vadzidzi vaJesu ari kunongedzerwa nhasi seShoko raMwari rakaziviswa.

Vashoma kwazvo vachagona kuterera zaruriro dzehama Branham votevera Jesu paanofamba nemapeji eBhaibheri rakaziviswa.

Munogona here kutsigira zvamunotenda neBhaibheri?

MATEO 11:14 Jesu akapindura akati kwavari, endai mundovudza Johane zvamunonzwa nezvamunovona,

Jesu Shoko raMwari, akapa vadzidzi vaJohane Mubapatidzi simba rekugadzirisa Johane vachishandisa Magwaro.

Johane akakanganisa paakatarisa zviitiko zviitiko zveHushe hutsva huchigadzwa pachinzvimbo chekutarira Magwaro.

Saka, chero muprofita mukuru nemukuri wenzira yekuuya kwekutanga kwaJesu akatokanganisawo.

Jesu akapindura kukanganisa kwaJohane Mubapatidzi nevadzidzi vake achishandisa Magwaro.

ISAYA 35:5 Ipapo meso amapofu achasvinudzwa, nenzeve dzematsi dzichadziurwa.

6 Ipapo anokamhina achakwakuka senondo, rurimi rwembeveve rwuchaimba nokuti mvura zhinji ichadzutuka murenje, nehova dzemvura musango.

Jesu akatanga kuzadzisa Magwaro. Bhaibheri raitsigira zvaaive aita.

Paaiparidza, mvura dzeHupenyu dzakayerera kubva kuna Jesu kupinda mumaJuda vaigara murenje remweya rakaoma.

MATEO 11:5 Zvokuti mapofu anosvinudzwa, zvirema zvinofamba, vanamaperembudzi vanonatswa, vematsi vanonzwa, vakafa vanomutswa navarombo vanoparidzirwa Evhangeri.

Hama Branham vanofanirawo kunongedzerera vadzidzi vavo kuzvakavanzika zveMagwaro zvakaziviswa sekuzadziswa kwehushumiri hwavo.

64-0614 BHORA RAKASIYANA

Ndizvo zvandakaudzwa neMutumwa, “Ita vanhu vatende zvaunotaura.”

Kana ndikakuudzai Shoko raMwari, handisi kuti “Tendai mandiri,” ndiri kuti “Tendai kuShoko.”

63-1110 UYO ARI MAMURI

Tendai Mharidzo dzose. Tendai izvozvo. Kana zvisina kunyorwa muBhaibheri, musatende izvozvo.

Hama Branham vakanongedzerawo Magwaro kuti vatsigire Hushumiri hwavo. Vakaramba vachitsigira zvavaizivisa neMagwaro.

64-0823 MIBVUNZO NEMHINDURO. 1

Asi avo vasingagamuchiri Shoko mukuzara kwaro, kwete nekuti ndini ndiri kuriparidza, asi nekuti Bhaibheri ndiro riri kudaro. Vanogamuchira izvozvo vakasununguka nekuti –shoko rakatongwa kare.

62-0318 SHOKO RAKATAURWA NDIRO MBEU YEKUTANGA. 2

Zvino, zvinhu izvi zvose zvandakataura, kana zvisingafambirane neBhaibheri, kana kutaura zvakafanana neShoko raMwari, zvakaipa, zvakaipisisa, zvakaipa.

Johane Mubapatidzi akanongedzera vateveri vake kuna Jesu semunhu akatarisira kuti vatevere Jesu, kwete kuti vatevere iye.

Hama Branham vakanongedzerera vateveri vavo kuna Jesu seShoko raMwari rakaziviswa. Vaive vakatarisira kuti titevere Shoko, kwete kutevera William Branham.

MATEO 11:6 Wakaropafadzwa iye usingagumbuswi neni.

Vakaropafadzwa vasingabatikani kana vakagadziriswa neShoko raMwari.

Nhasi, kana Gwaro rikarwisa zvakataurwa nemunhu, vanotenda kuMharidzo vakawanda vanobatirira pane zvakataurwa nemunhu vofuratira Magwaro.

Ndiko kuita kwakaipa.

Tarirai kuti vadzidzi vaJohane vakabva kuna Jesu sei pachinzvimbo chekugara kwaari vachimuteerera.

Vanhu vemharidzo nhasi vanosarudza zvakataurwa vachiramba Magwaro.

MATEO 11:7 Ava vakati vachienda, Jesu akatanga kuvudza vanhu vazhinji pamusoro paJohane akati, makanga mabuda kunovoneiko kurenje? Rutsanga runozungunuswa nemhepo here?

Kubva kuna Jesu vachidzokera kuna Johane zvaipesana zvakazara nezvaitarisirwa pahushumiri hwaJohane.

Hatina kubvira taverenga pamusoro pevadzidzi vaviri vaJohane Mubapatidzi zvakare.

Hama Branham vakatibvisa mumakereke asingatevere Magwaro kuti titende kuShoko raMwari rakaziviswa. Ikozvino makereke emharidzo ari kubvisa vanhu paMagwaro achivadzosera kumazano asiri muMagwaro. Akaita sekuti:

“Kutinhira kunomwe kwakareva.”

“Mutumwa Mukuru wekuna Zvakazarurwa Chitsauko 10 akaburuka apo hama Branham vave vachiri panyika.”

“Gore guru rakaonekwa muchadenga muna 1963 raive kuuya kwaShe”.

“Hama Branham ndivo Mukuru uye Izwi raMwari risingatadzi”.

Edzai kutsigira zvese izvi neMagwaro. Hamukwanisi.

Hama Branham havana kubvira vataura izvi zvese.

Nguva yekereke yekutanga haina kubvira yatenda izvi zvese, uye isu, sevana, tinofanira kudzorerwa pakutenda kwenguva yekereke yekutanga.

MATEO 11:8 Ko makanga mabuda kundovoneiko? Munhu wakapfeka nguvo nyoro here? Tarirai, vanopfeka nguvo nyoro vari mudzimba dzamadzimambo.

Johane aive akakanganisa zvikuru. Asi aive muprofita mukuru

Johane akatanga kukakavara kuti Jesu aive Messiasi.

Jesu akagadzirisa kukanganisa kwake haana kushandisa izvozvo sechikonzero chekutaura kuti Johane ave muprofita wenhema.

Pachinzvimbo, Jesu akarumbidza kwazvo kusimba nekushinga kwaJohane aive azvipira kusiya hupenyu sehwairaramwa nevamwe kuti ashandire kuzivisa nekukura nzira yekuuya kwaMessiasi.

Kwete hupenyu huri nyore hwekudekara mumakereke nenguvo dziri mufeshoni.

MATEO 11:9 Asi makanga mabudireiko? Kuzovona muporofita here? Hongu ndinoti kwamuri, unopfuvura kwazvo muporofita.

Maprofita vakaprofita kuuya kwaMessiasi.

Johane akaitawo izvi semuprofita. Asi akazova mukuru kwazvo kudarika maprofita aya nekukwanisa kuzivisa Messiasi aive ambotaurwa nezvake nemamwe maprofita.

Johane aive mukuri wenzira yeKuuya kweKutanga. Raive basa guru kwazvo.

MATEO 11:10 Nokuti ndiye wakanyorwa pamusoro pake zvichinzi, Tarira ndinotuma munyai wangu pamberi pako, uchakugadzirira nzira yako pamberi pako.

Asi zvinodakadza kwazvo. Kutori nezvakaprofitwa zvaitaura pamusoro pehushumiri hwaJohane.

Vaprofita vashoma kwazvo vakapihwa hushumiri hwakadai.

MATEO 11:11 Zvirokwazvo ndinoti kwamuri; kuna vakaberekwa navakadzi hakuna kumuka mukuru kuna Johane Mubapatidzi, asi muduku muvushe hwokudenga mukuru kwaari.

Johane akaprofitwa pamusoro pake. Akaona Messiasi nameso ake. Saka, Johane aive muprofita wekupedzisira muTestamente Yekare. Sungano yeTestamente Yekare yakaperera paCalvari apo Mwari akabvarura Chidzitiro cheTembere.

Asi vaya vakaponeswa vakazadzwa nemweya mumashure merufu, kuvigwa nekumuka kwaJesu vaizogona kuva chikamu cheMwenga wake. Mukadzi wemunhu ndiye munhu wepedyo naye zvakanyanya.

Saka nhengo dukusa yeMwenga inogona kuva pedyo kwazvo naJesu kudarika zvakava Johane Mubapatidzi.

MATEO 11:12 Kubva pamazuva aJohane Mubapatidzi kusvikira zvino vushe hwokudenga hwunopambwa nevapambi vanobwutora nesimba.

Vatungamiriri vechiJuda vaive vasina Magwaro kuti aivaraira. Saka Mambo Herode vaishandisa simba nezvematongerwo enyika kusunga Johane Mubapatidzi aitevera rairo yeMagwaro. Mhirizhonga, hutiziro hwekupedzisira hwevanenge vapererwa.

Vatungamiriri vechiJuda vaizomanikidza mubati weRoma, Pontiasi Pirato, kuti auraye Jesu rufu runorwadza.

MATEO 11:13 Nokuti vaporofita vose nomurairo vakaporofita kusvikira kuna Johane.

Vakaprofita nezvei? Munhu akanyanya kutaurwa nezvake kuTestamente Yekare aive Messiasi.

I PETRO 1:11 vachinzvera kuti nguva ndeipi kana yakadini, yakataurwa noMweya waKristu, wakanga uri mukati mavo, nguva yaakapupura kare zvokutambudzika kwaKristu, nokubwinya kunozotevera izvozvo.

Hupenyu hwemuprofita umwe nemumwe hwairatidza chikamu chehushumiri hwaKristu huchifanoratidzirwa.

Davidi akazodzwa samambo asi akazoita mambo pakafa muvengi wake Sauro kuhondo.

Jesu akazodzwa kuva Mambo neMweya Mutsvene pamahombekombe aJorodani asi achazova Mambo muMereniyamu mumashure mechikara cheRoma, muvengi mukuru wechokwadi, aparadzwa paAmagedhoni.

Nei zvese zvakamira panaJohane?

Nekuti Kristu akauya Johane paakanga ari panyika.

Murairo wakaguma pakamiswa zvipiriso zvemhuka nekuti Mwari aive abvarura chidzitiro cheTembere pakafa Jesu. Hakuna chipiriso chemhuka chaifananidzwa nechipiriso chikuru ichi.

Mumashure meCalvari, panozoita sungano itsva yenyasha, Testamente Itsva.

ChiGiriki, mutauro wakashandiswa muTestamente Itsva waizotsiva chiHeberu cheTestamente yekare.

Pakati pegore 1604 negore 1769, Bhaibheri reKing James Vhezheni rechirungu raizotsiva rechiGiriki mamishinari aizoparidza Chirungu pasi rese.

Vanhu vekuAmerica vaizogadzira intaneti voparidza Chirungu kunzvimbo dzakasaririra zvakanyanya.

Kune vakuri venzira vaviri, hushimiri huviri hwaErija

MATEO 11:14 Kana muchida kuzvigamuchira, ndiye Eria wakanga achinzi unovuya.

Jesu anoti Johane aive nemweya waErija.

Eriasi ndiko kuti Erija muchiGiriki.

Erija akavimbiswa kuti achauya? Kupi?

MARAKI 4:5 "Tarirai, ndichakutumirai muporofita Eria, zuva iro guru raJEHOVA, rinotyisa, risati rasvika.

Jesu akati chiprofita chakazadziswa naJohane Mubapatidzi.

Asi pane chimwe chinhu chisiri kujairika pano, Erija aizouya nguva yeKutambudzika kukuru isati yasvika, zuva raShe guru apo kutsamwa kwake kunotsvaira nyika ino. Asi Johane Mubapatidzi anouya makore 2000 nguva yeKutambudzika isati yasvika.

Nei pakataurwa chiitiko chaizova kure kwazvo munguva inouya?

MARAKI 4:6 Iye achadzorera mwoyo yamadzibaba kuvana, nemwoyo yavana kuna madzibaba avo, kuti ndirege kuuya ndirove nyika nokutuka.

Kumwe kurehwa kusina kujairika. Johane akazadzisa hafu yekutanga chete yevhesi iri.

“Kutuka” chinhu chinonamiririra. Kubatiririra kunoita simba rebhomba renyukiriya. Hakuna chinhu chakadaro chakaitika muzuva raJohane Mubapatidzi.

RUKA 1:17 Uchafamba [Johane] pamberi pake noMweya nesimba raEria, kuti adzorere moyo yamadzibaba kuvana navasingateereri kuvuchenjeri bwakarurama agadzirire Ishe, vanhu vakamugadzirirwa kwazvo,

Madzibaba ndivo vaive vanhu vakuru muchiJuda. Vana vavo ndivo vanhu vechidiki, Jesu, nevapostora. MaJuda akwegura vaive vasingatereri saka havana kugona kuona kuti Jesu aive azadzisa zvakaprofitwa pamusoro paMessiasi. Mapostora maduku, akadzidziswa naJesu, vaiveneruzivo rwekugona kuona kuti Calvari yaive yakarurama nekukwanira zvakadii. Kuti chipiriso chakagumisa Murairo sei chikatanga Evangeri reNyasha.

Asi hafu yechipiri yechiprofita chaMaraki haina kuzadziswa.

MARAKI 4:6 Iye achadzorera mwoyo yamadzibaba kuvana, nemwoyo yavana kuna madzibaba avo, kuti ndirege kuuya ndirove nyika nokutuka

Mapostora maduku akakura kuva madzibaba ekereke yekutanga. Isu, tinorarama munguva yekereke yechinomwe kana kuti yekupedzisira yeRaodikia, ndisu vana vanoda kudzorerwa kunotenda zvakatendwa nemadzibaba vaive mapostora ekereke yekutanga.

Mapostora akadyara mhodzi yeShoko iri Testamente Itsva.

Mbeu yaifanira kudyarwa yofa mutsvina yeNguva yeRima.

Mashizha eRumutsiridzo rwaMartin Luther akamera paaidzosera kuporeswa nekutenda munaKristu oga.

Kuparidzwa kwehutsvene nekuturikirwa kweBhaibheri reKing James kwakatungamirira kusvika panguva yemamishinari akazoparidza Hupenyu husingagumi pasi rese.

Kukohwa ndipo apo mbeu inobviswa padavi rayakakurira.

Mwenga anogona chete kubviswa panyika pano paanotorwa kunosangana naShe kumakore.

Izvi zvichaitika chete kana mbeu inokohwewa yeShoko yafanana nembeu yeShoko rakadyarwa nemapostora.

Izvi zvichaitika sei?

Kunofanira kuita nguva nomwe dzemakereke apo chokwadi chekutanga chinorasika chozodzoserwa munguva yekereke yekupedzisira.

MATEO 17:10 Vadzidzi vakamubvunza, vachiti, Vanyori vanotaurireiko, vachiti, Eria unofanira kutanga kuvuya?

Vanyori vakanyora pasi zvakaprofitwa naMaraki. Maraki akati Erija achauya hake Messiasi asati auya.

Saka vadzidzi, vakapesana nechinangwa chaJohane Mubapatidzi, vakabvunza, “Nei Messiasi akasvika Erija asati?

Johane Mubapatidzi aive atove munguva yakadarika apa. Aive atofa.

MATEO 17:11 Akapindura, akati, Eria uchavuya hake, avandudze zvinhu zvose.

Asi Jesu akataura pamusoro pechiitiko chaizouya.

Asi kuziva kuti hafu yezvakaprofitwa naMaraki zvakazadziswa, Jesu akataura zvinhu zvaive munguva yaiuya zvaizozadzisa chikamu chekutendeutsa moyo yevana venguva yekupedzisira kumadzibaba avo mapostora.

Akataura pamusoro paErija aizouya nguva inouya kuzozivisa zvakavanzika zveBhaibheri rakanyorwa. Izvi zvinogonesa Mwenga kuti akwanise kunzwisisa micherechedzo nenzira dzeMagwaro.

Izvi zvichaitika munguva inouya.

Jesu anotaura zvakare pamusoro pehushumiri hwaErija hwakadarika.

Saka, zvinoda varume vaviri kuzadzisa chiprofita chakaitwa naMaraki.

MATEO 17:12 Asi ndinoti kwamuri: Eria wakatosvika, asi havana kumuziva; asi vakamuitira pavakada napo. Saizvozvo vo Mwanakomana womunhu uchabva wotambudzwa navo.

13 Zvino vadzidzi vakanzwisisa kuti wakavavudza zvaJohane Mubhabhatidzi.

Johane akaurayiwa nekuti aiparidza chokwadi. Vatungamiri vechiJuda vaive vasina kuziva kuti aizadzisa hafu yekutanga yechiprofita chaMaraki.

Chero vadzidzi vaive vapesana nechinhu ichi.

MATEO 11:15 Une nzeve dzokunzwa ngaanzwe.

Kutaura uku kunodzokororwa kunguva imwe neimwe yekereke.

ZVAKAZARURWA 2:7 Unenzeve, ngaanzwe zvinoreva Mweya kukereke;

Saka, Jesu ari kutiudza kuti nguva nomwe dzemakereke dzinouya dzoona chokwadi chekutanga chichirasika chozodzoserwa.

Iri ndiro zano rakazara nechinangwa chaMwari kunhorondo yekereke yeTestamente Itsva.

Hama Branham vari Erija wenguva yekupedzisira vanodzorera isu kudzidziso dzevaprofita.

MATEO 11:16 Asi ndichafananidza rudzi urwu neiko? Rwakafanana navana vagere padare vanodanidzira kushamwari dzavo vachiti,

Kuneta kwevanhu vechitendero, vose maJuda nemakristu, ndekwekuti vanofunga mupfungwa dzavo kuti Mwari anofanira kushandirwa. Vanobva vaparidza dzidziso yezvitendero zvavo vega zvakaitwa nevanhu kurwisa Magwaro.

Vanofunga kuti Mwari anofanira kudaira kuchema kwavo nekufunga kwavo.

Vanofunga kuti Mwari achatenderana nekuona kwavanenge vachiita nguva iyoyo.

MATEO 11:17 Takakuridzirai nyere, mukasatamba, takakuririrai mukasachema.

Vanoda kuti chokwadi chifambirane nenzira dzemafungiro avo. Nekunzwa kuri kuita moyo yavo nguva iyoyo.

Kana tichifara, Mwari anofanira kuita kuti munhu wese afare.

Kana takasuwa munhu wese anofanira kusuwa.

MATEO 11:18 Nokuti Johane wakavuya asingadyi, asingamwi., zvino vanoti unomweya wakaipa.

Johane Mubapatidzi airarama hupenyu hwakaoma hune kurema kukuru. Saka vaiti anopedza mufaro, munhu akaipa.

MATEO 11:19 Mwanakomana womunhu wakavuya achidya, achimwa, zvino vanoti, tarirai munhu unokara nomumwi neshamwari yavateresi navatadzi! Kuchenjera kunopembedzwa.

Jesu aive asina basa nezvakawanda. Aimwa waini achidya nevanhu. Saka pachinzvimbo chekugamuchira izvi mumashure mehupenyu hwaJohane hwaive hwakasiyana, vakatsvinyira Jesu sekuti aive chidhakwa kana rombe.

Hazvina kuunza musiyano. Zvese zvinoitwa naMwari, vanhu vezvitendero vainyunyuta nazvo vachimupikisa.

Vaisada kutambira zvinhu zvaive muMagwaro.

Vaingoda kusiiwa mukushaiwa zivo nekudekara kwavo mutsika dzemakereke avo.

Zvemweya zvinokwezva meso asi hazvibati meso evanhu kwenguva refu

MATEO 11:20 Zvino wakatanga kutuka maguta makanga maitwa mabasa ake esimba mazhinji, nokuti haana kutendevuka akati,

Iri ndiro dambudziko rekuita kwezvinhu zvemweya. Vanhu vazhinji mumaguta havana kuona chokwadi.

Vanotepfenyura pazvivhiti vhiti vakaona runako rwekukwezva meso evanhu asi hazvirambi zvakakwezva vanhu kwenguva refu.

Zvemweya zvakafanana neizvi. Zvinokwezva nekufadza kwekanguvana. Asi hazvigoni kuita zvinhu zvinogara nguva refu pavanhu vakawanda.

MATEO 11:21 Unenhamo iwe Korazini! une nhamo iwe Betsaida! Nokuti mabasa akaitwa mukati menyu dai aiitwa muTire neSidoni vangadai vatendevuka kare vanamasaga nedota.

Korazini neBetisaida zviri pedo neGungwa reGarirea.

Korazini yakataurwa chete pakutukwa kwakaiswa pairi naKristu.

Korazini zvinoreva kuti “zvakavanzika”.

Pakuuya kwake kweKutanga vanhu veKorazini vakafuratira zvishamiso zvemweya unoshamisa zvakaitwa naJesu.

PaKuuya kwake kweChipiri vanhu vachafuratira zaruriro yezvakavanzika zveBhaibheri zvakataurwa naWilliam Branham.

Betisaida zvinoreva kuti “imba yemuvhimi”.

Kuzivisa zvakavanzika zveBhaibheri kwakakosha nekuti ichokwadi chinogara nekusingagumi

nekufuratira zaruriro dzeZvisimbiso zvinomwe nezvimwe zvakavanzika zveMagwaro zvakaziviswa, makereke haasi kukwanisa kudzokera kuzvitendero zvemapositora munguva yekereke yekutanga.

Saka, vakava panjodzi dzemweya waantikristu kwakatasva bhiza jena rekunyengera muzvitendero mukati menguva nomwe dzemakereke. Bhiza dzvuku resimba nebhiza dema remabhizimisi makuru ezvitendero.

ZVAKAZARURWA 6:2 Ndikatarira, ndikavona bhiza jena, naiye wakanga akaritasva, wakanga anovuta; akapiwa korona, akabuda achikunda, vuye kuti akunde.

Mutasvi ane vuta asina museve. Zvinotaura pamusoro pehunyengeri.

Mweya wezvitendero zvakarongwa wakatapa vanhu nekuvaka imba yemweya yemakereke emasangano pavanovhima mweya yevanhu kuti itevere zvitendero zvavo zvisimo muMagwaro.

Pope akagashira korona kana tiara negore 1315 akaitwa mutongi wedenga, nyika nepugatori nzvimbo yemadhimoni.

Kereke huru inotsvaga mweya yevanhu iVatican inotonga maRoma anodarika 1.4 bhiriyoni.

Vanoti kutsiviwa kwemaPope kwakabva kuna St Petro, zvakauita mutsetse wakarebesa wevatongi panyika.

Chimwe chinhu chikuru chavanotaura ndechekuti Petro ndiye Ibwe rakavakirwa kereke.

Vanoti kune maPope akavako akatevera akatsiva Petro.

Asi raive gore rakapoteredza AD 400 apo Bhishopu weRoma akadaidzwa kuti Pope mugore AD 382 akazonzi ndiye akatsiva Petro.

Kutsiviwa kwemaPope kwakazadzisa budiriro yekutapa kwemweya waantikristu unomiririrwa nemutasvi webhiza jena rehunyengeri hwezvitendero.

Mugore AD 754 Pope Stephen 2 akataura nhema kuti aive nesimba rekugadza Pepin kumuita Mambo wemaFrenki kana Pepin akakurira marudzi evatorwa emaRombadhi akapa dzimwe nzvimbo dzawo kuna Pope. Akatiwo Petro aizopa Pepin mubairo nekumuzarurira mukova wedenga kana Pepin afa. Kuita Petro muchengeti wemukova weDenga. Izvi zvinogonesa Pope kuwana simba rezvematongerwo enyika pamusoro pemarudzi evatorwa nekuti ndiye anenge ava mugadzi wemadzimambo wavanofanira kushandira nekuchengetedza kuti vagopinda Denga.

Zvematongerwo enyika zvaisanganisa hondo yekudeurwa kweropa.

Makumi emamiriyoni evanhu vakaurayiwa munguva dzeRima pakasimuka Pope kuti atonge Europe.

Chokwadi cheBhaibheri chakabva chafa zvakazara.

ZVAKAZARURWA 6:4 Ipapo rimwe bhiza rakabuda riri dzvuku; wakanga akaritasva akapiwa simba kuti abvise rugare panyika, kuti vavurayane; akapiwa munondo mukuru.

Rimwe bhiza asi kwete umwe mutasvi. Mweya waantikristu mumwechete waive mutasvi aive akusanganisa hunyengeri hwechitendero nehutsinye hwezvematongerwo enyika. Izvi zvakapa kereke simba rekuuraya vapikisi vayo.

MATEO 11:22 Asi ndinoti kwamuri Tire neSidoni acharerukirwa nezuva rokutongwa kupfuvuremi.

Tire neSidoni aive maguta echipegani asi haana kubvira vaita mhosva yekusvibisa chokwadi cheBhaibheri.

Tire zvinoreva kuti Ibwe, Dombo.

Asi maCatholic achiti Petro ndiye Dombo rakavakirwa kereke vakamisa vanhu vakawandisa kuwana chokwadi.

Sidoni zvinoreva kuti kuvhima.

MaPegani aivhima mweya yevanhu.

Asi makereke iwayo akavodza nekusvibisa chokwadi akaramba zvakavanzika zvakaziviswa zveBhaibheri vachatarisana nemurango wakakurisa kudarika mapegani asina kubvira agamuchira Bhaibheri.

Makereke anhasi akaramba zaruriro dzezvakavanzika zveBhaibheri zvinofanira kudzorera chowadi chemapostora. Saka, nedzidziso dzakaita saMwari weTiriniti asina zita, vanoenderera mberi kusvibisa chokwadi cheBhaibheri.

MATEO 11:23 Iwe Karpenaume uchasimudzirwa kudenga here? Uchaburukira kuHadhesi nokuti dai iwo mabasa esimba akaitwa mukati mako, akaitwa muSodhoma ringadai richipo nanhasi.

Jesu akabva kuNazareta akanogara muKapenaume. Ikoko akaita zvishamiso zvizhinji.

Asi, zvinosuwisa, mabasa ezvishamiso zvemweya haana kubereka kutenda kunogara nguva refu muvanhu. Nekufamba kwenguva, vakakanganwa.

Kapenaume zvinogona kureva “kuchengetedzwa nekudemba”.

Zvikuru sei, tinowana kunyaradzwa kana tatendeuka. Kutendeuka kunotininipa, asi guta iri rakasarudza kuzvisimudzira.

Kubva ipapo, guta raive raparara zvakazara. Chero nzvimbo yaro yekutanga haitozivikanwe kuti iripi.

MATEO 11:24 Asi ndinoti kwamuri, nyika yeSodoma icharerukirwa nezuva rokutongwa kupfuvura iwe.

Zvakare, Kapenaume raive guta rakaona simba raMwari asi guta iri rakazvisimudzira iro pacharo senzira yekuenda Kudenga asi rakawa zvakaomarara.

Makereke, seKapenaume, akazvisimudzira kusvika pachidanho cheDenga

Kereke yeCatholic yakazvisimudzira senzira yekuenda kudenga nekutaura kuti vakawana simba ravo kubva kuna Petro, munhu mumwechete ane makiyi ekuzarura mukova weDenga.

Mugore 1302 vakaisa mutemo unodaidzwa kuti Unam Sanctam zvinoreva kuti hakuna ruponeso kunze kereke yeRoman Catholic.vanoti unokwanisa chete kuponeswa nekutevera Pope weRoma.

Vemasangano anorwisa chiCatholic vakatorawo mweya mumwechete iwoyo. Vanoti kana ukabuda mukereke mavo, waparara. Sekuti kereke yavo ndiyo nzira yeKudenga.

65-0220 NZVIMBO YAMWARI YAKASARUDZWA YEKUNAMATIRA

Vanoti, nhasi, ndine vanhu vakandiudza. Munhu anonzi ini kwete kare, munzvimbo inonzi Beaumont, mutexas. Akati, “VaBranham, kana zita renyu risiri mubhuku rekereke yedu, hamugoni kuenda Kudenga.” munokwanisa kufunga nezvazvo here? Hamutendi chinhu chakadaro here. Vanofunga kuti munofanira kuva veboka kana vekereke yakasarudzika kana kuti hamutozoende kudenga. Zvakaipa. Kutenda izvozvo mweya waantikristu. Ndinotaura izvi: kana mukatenda kumweya wakadaro, makarasika. Chiratidzo chakanaka chekuti makarasika, nekuti zviri kubvisa pane zvakaitwa naMwari. Mwari havana kubvira vaisa Zita mukereke. Akaiisa muMwanakomana wake, Kristu Jesu, iye neMwanakomana wake pavanova mumwechete. Ndiyo nzvimbo chaiyo yekunamatira. Hakuna dzimwe nheyo dzakateiwa, hakuna rimwe ibwe.

Sodoma yakawodza vanhu kuvaita ngochani. Zvaive zvakaipa.

Asi nekuvodza zvitendero zvevanhu kuti kereke, kana mutungamiriri wekereke kana kuti Petro mutsvene anokwanisa kukupinzai denga zvaive zvakaipisisa.

Jesu akayambira kuti vaya vanowodza chokwadi cheBhaibheri vatadzi vakurusa kudarika vanoramba chokwadi cheBhaibheri.

ZVAKAZARURWA 3:15 Ndinoziva mabasa ako, kuti hautonhori kana kupisa. Dai uchitonhora kana kupisa.

Ivai vakatonhora murambe Magwaro ese mova mapegani akazara.

Kana kuti ivai vanopisa motenda muMagwaro ese kuti ave chokwadi Chikuru.

ZVAKAZARURWA 3:16 Zvino zvaunodziya, usingatonhori kana kupisa, ndichakusvisvina mumuromo mangu.

Musanganiswa wekupisa nekutonhora. Kutenda mamwe Magwaro nekufuratira mamwe Magwaro. Kusvibisa Magwaro nekuashandura.

MaKristu mazhinji nhasi vanotenda kuti Bhaibheri reKing James Vhezheni rine zvakakanganiswa mariri. Havatendi kuti Bhaibheri reKing James Vhezheni haritadzi.

Ndiko kuita kwakaipisisisa takatarisana neMagwaro.

Shoko raMwari rinobva mumuromo make. Saka kana tikataura kuti mune zvakakanganiswa muShoko Anotirutsa kubva mumuromo make anosemeswa nesu.

MATEO 11:25 Nenguva iyo Jesu akapindura akati, ndinokutendai Baba Ishe wokudenga napasi kuti makavanzira vakachenjera navakangwara zvinhu izvozvi, mukazvizarurira vacheche.

Huchenjeri hwevanhu hunozivisa kana kutsanangura zvakavanzika zveMagwaro.

Vakagirajuweta vane madhigiri ekuUnivhesiti nemakoreji eThiyoroji havagoni kuzonzwisisa chokwadi cheMagwaro.

Vana vadoko vanoda kwazvo kudzidza pamusoro pepasi rino ravakaberekerwa mariri. Saka vanotevedzera zvinotaurwa nekuitwa nevabereki vavo.

Izvi zvinoshandawo pavana vemweya pakuguma kwenguva vodzoserwa kumadzibaba mapostora vakanyora Testamente Itsva.

Mwenga wechokwadi achadisa kwazvo kudzidza nekuteedzera zvitendero zvemadzibaba avo mapostora.

MATEO 11:26 Hongu Baba nokuti ndizvo zvakakufadzai.

Zvinhu zvese zvinofanira kukwana muMuono Mukuru waMwari.

Mbeu yeShoko yechokwadi yakadyarwa nekereke yekutanga isati yafa ikafusirwa muNguva dzeRima.

Yakatanga kumera munguva yeRumutsiridzo rwaLuther apo Mwari akadzorera muti waive wamera kusvikira wakugona kubereka mbeu dzakafanana nedzekutanga zvakare, kuitira nguva yekukohwa.

MaKristu chete vari muchiitiko ichi ndivo vanokwanisa kuva chikamu cheMwenga waKristu.

Mwari anozivisa Zano rake muzaruriro asati ariita

AMOSI 3:7 Zvirokwazvo, Ishe JEHOVA haangaiti chinhu, asina kumbozivisa varanda vake vaporofita zvakavanzika zvake.

Mukati memakore 2000 enhorondo yekereke, Jesu ari kuzvigadzirira Mwenga wake. Anoda kumutora kuenda naye Kudenga kuti azarure Zvisimbiso zvinomwe kwaari omupa hudzamu nekunzwisisa kwakazara kwezvinhu zvese nezvese zvakaitika munguva nomwe dzemakereke.

Asi, chekutanga anopa zaruriro kana tsananguro dzekuziviswa kweZvisimbiso zvinomwe.

Nenzira iyoyo, Mwari anogona kuona anotenderana nemafungiro ake neanoda Zano rake neKuda kwake.

Kutsigira chokwadi chezaruriro dzaWilliam Branham nekudzironda munzira dzeBhaibheri kubva kuna Genesisi kusvika kuna Zvakazarurwa ndiyo sefa inotsaura Mwenga.

Jesu ndiye Shoko. Mwenga chikamu chechikomba.

Saka Mwenga achatenda chete zvakanyorwa Mumagwaro.

Eva akaitwa kubva pana Adamu akarasika paakateerera Diaborosi achishandura Shoko raMwari.

Mamwe maKristu vakaponeswa vakatendera kuti vafambidzane nekuyanana netsika dzekereke yavo nemafungiro ayo, vanoita chikamu chevasikana mapenzi vachapesana neChirayiro cheMuchato weGwaiana.

MATEO 11:27 Zvinhu zvose ndakazvipiwa naBaba vangu. Hakuna unoziva Mwanakomana asi Baba. Hakuna unoziva Baba asi Mwanakomana, naiye Mwanakomana waanenge achida kumuzarurira iye.

Mwari Baba ndiwo Mweya usingaonekwe unogara pana Jesu pamuviri.

VAKOROSE 2:9 Nokuti kuzara kwovuMwari kunogara maari pamuviri.

Jesu, ari munhu haasi Mwari. Jesu ndiMwari nekuti Mweya waMwari wese unogara maari pamuviri.

Hatigoni kunzwisisa Mwari Baba kana Mwanakomana waMwari kunze kwekunge taziva kuti Jesu ndiye Mwari Wamasimbaose.

Kristu ega ndiye Musoro wekereke. Hakuna Munhu anonzi musoro wekereke

hatigoni kunzwisisa Mwanakomana waMwari kunze kwekunge taziva kuti Muviri wake wakaitwa nemaKristu vakararama munguva dzakasiyana dzenguva nomwe dzemakereke.

Mweya waMwari chete wekunzwisisa zviitiko zvese zvinosanganisa makore 2 000 enhorondo yekereke. Zvimisikidzo zveZano guru iri zvakakurisa zvatisingagoni kunzwisisa.

Kereke mumakore anodarika 2000 inoita Muviri waKristu.

Izvi zvinoita kuti Kristu ave Musoro wekereke.

Zvakare, Kristu ndiye muponesi wekereke nekuti hakuna mumwe anokwanisa kutiponesa.

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri.

Mwari Baba vanoziva vose vanoita muviri waJesu Kristu wemweya.

Jesu ega ndiye anoziva nekunzwisisa zano raMwari kukereke yake.

Chirwere chakaoma kwazvo chekorona chakaitika mugore 2020 chakaratidza kuti zviri kuitika zvakadzama kwazvo uye zvakakurisa zvekuti hatigoni kuzvinzwisisa panyama.

Izvi zvinoratidza kuti zviri kuitika munzvimbo dzeMweya zvakadzama kwazvo uye zvinorema kuti isu vanhu tizvinzwisise.

Saka, tingaite sei kuti tipunyuke makore matatu nehafu enguva yeKutambudzika Kukuru tova vakarurama pamberi paMwari?

VAFIRIPI 2:12 Naizvozvo, vadikanwa vangu, sezvamakaterera nguva dzose, ndisati ndiripo, pedzisai kuponeswa kwenyu nokutya nokudedera;

Kereke yekutanga yakateerera Pauro paaive panyika.

Tinofanira kuteerera Pauro chero asisipo.

“Pedzisai kuponeswa kwenyu nekutya nekudedera”.

uku hakusi kuponeswa kubva kugehena. Hatigoni kuponeswa nemabasa.

Uku kuponeswa kubva kumakore enguva yeKutambudzika kukuru kuri kuuya panyika. Kuti tipesane nako, tinofanira kutevera Magwaro zvakazara mune zvese zvatinoita.

Hutiziro hwedu iShoko raMwari chete.

Asi Jesu iShoko raMwari, saka tinofanira kutsvaga iye tomutevera mumapeji eBhaibheri Shoko rake.

MATEO 11:28 Vuyai kwandiri imi mose makaneta makaremerwa. Ini ndichakuzorodzai.

Anotikoka kuti tiuye kwaari sekuziviswa kwaakaitwa mumapeji eBhaibheri.

Ndihwo hwaive hushumiri hwehama Branham. Kuzivisa chokwadi chaJesu kubva kuzvakavanzika zveMagwaro.

63-0318 CHISIMBISO CHEKUTANGA

Akatora Bhuku yeZvisimbiso akaizarura akazivisa mutumwa wechinomwe, nekuda kweizvi chete, zvakavanzika zvaMwari, ndihwo hushumiri hwemutumwa wechinomwe. Ikozvino, tinopinda munguva dzemakereke nenhorondo yakazara tichigona kuzviratidzira.

Kunzwisisa zvakavanzika zvaMwari kunosanganisira kunzwisisa kuti Jesu ndiMwari.

Jesu ndibaba aive pamusoro pemaJuda muTestamente yekare.

Jesu ndiye Mwanakomana aive pakati pemaJuda mukati memaBhuku mana eEvangeri.

MATEO 1:23 Tarira mhandara ichava nemimba, ichazvara Mwanakomana, vachamutumidza zita rinonzi Emanueri, ndokuti kana zvichishandurwa, Mwari unesu.

Jesu ndiye Mweya Mutsvene anogara nemupimo mumuKristu mumwe nemumwe akazvarwa patsva.

JOHANE 14:17 ndiye Mweya wazvokwadi; nyika haigoni kumugamuchira, nokuti haimuvoni, kana kumuziva; imi munomuziva, nokuti ugere nemi, uchava mukati menyu.

Mweya waMwari uri muvatsvene unovaka zvishoma nezvishoma Muviri kana kuti Tabernakeri yaJesu mukati menguva nomwe dzekereke.

Kubata kwedu kwakafanira chete kubatsira kuvaka Muviri wake weMweya munguva yedu.

Zororo redu kubva kuzvivi rubapatidzo rweMweya Mutsvene kana tikatendera Mweya Mutsvene kutitungamirira muzvokwadi yose.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

MATEO 11:29 Muise joko rangu pamusoro penyu, mudzidze kwandiri nokuti ndiri munyoro. Ndinomoyo unozvininipisa kuti muwane zororo pamweya yenyu.

Tinofanira kusungirwa pana Jesu, kwete mumwe munhu kana imwe kereke.

Kana tikatungamirirwa naJesu neMagwaro chete tinenge tane zororo rechokwadi kubva kukusatenda nezvivi.

Asi Jesu akazvininipisa nekuzvirereka.

Saka, kana takasungirwa paari tinokwanisawo kuzvininipisa nekuzvirereka.

Hakuna nzvimbo yekudada kana kuzvikudza kana kunyunyuta.

Hakuna nzvimbo yevanoziva zvese. Kana rudo rwekuonekwa kana kusimudzirwa pamusoro pevamwe.

MATEO 11:30 Nokuti joko rangu rakanaka, nomutoro wangu unoreruka.

Kusungirirwa pana Jesu zvinoreva kuti iye ndiye anotakura mutoro muzhinji. Zvishoma zvaanotisiira zvinenge zvisina kuoma.

Jesu aitaura kuti chero rudzi rwekuchengetedza Murairo mutoro pakurarama kwedu mukururama.

Unouya “nemutoro unorema” wekudzvanyirirwa nekuti hakuna mupimo wekuchengetedza Murairo unogona kuva zambuko pakati pekutadza kwedu nehutsvene hwaMwari.