Mateo 09 – Mabasa makuru eruponeso

We update studies as the Lord Jesus leads us. You can find the latest update of this study at ChurchAges.net

Kuregerera zvivi kwake kwakagona kuporesa munhu aive akafa mitezo

MATEO 9:1 Wakapinda mugwa, akayambuka ndokusvika kuguta rake.

Jesu aive akakurira muNazareta akazoenda Kapenaume rumwe rutivi rwemahombekombe egungwa reGarirea.

MATEO 4:13 Zvino wakabva Nazareta akandogara Kapenaume pagungwa. Pamiganhu yeZabhuroni neNaftarimi.

Guta reKapenaume rakaona zvishamiso zvizhinji. Saka, vaivimba kuti Jesu aiporesa. Asi vatungamiri vezvitendero vaive vasingafari nekuti vaitya kuti vanhu vaizotevera Jesu, kwete ivo.

Jesu paaivepo vakauya nemunhu aive akafa mitezo vachiziva kuti Jesu aive nehushumiri hwekuporesa hukuru kwazvo. Vanhuwo zvavo vaive nekutenda muna Jesu. Vatungamiri vezvitendero vaida kwazvo kuparadza kutenda kwaive nevanhu muna Jesu. Vaishandisa nzira yekunyengera imwechete yaishandiswa nevakuru vezvitendero kudzikisira hushumiri hunobva kuna Mwari. Vakadaidza Jesu kuti wakaipa uye kuti aive azvidza Mwari.

MATEO 9:2 Zvino vakavuya kwaari nomunhu wakanga akafa mitezo, avete panhovo. Jesu wakati achivona kutenda kwavo akati kumunhu wakanga akafa mitezo, mwana tsunga moyo wakanganwirwa zvivi zvako.

Hurwere nezvakaita serufu zvakapinda panyika nekuda kwezvivi. MuEdeni rekutanga maive musina zvivi, maive musina hurwere kana rufu kusvikira zvivi zvapindira. Saka, Jesu akaratidza kuti simba rake rekubvisa hurwere raive richibva pakugona kwake kuregerera nekunatsa zvivi.

MATEO 9:3 Zvino vamwe vavanyori vakati mumoyo yavo, munhu uyu unomhura Mwari.

Vanyori, vaive vatongi vakarurama, vaive vakatsamwa kwazvo uye vaine godo rekuti vaive vakurirwa. Saka, vakatsvaga kwazvo kuti vawane chakaipa paari. Ndizvo zvinoitwa nevatungamiri vemakereke nhasi uno. Kana munhu akaita chinhu zviri nani kudarika zvavanoita ivo vanotsvaga kusvibisa zita rake. Vatungamiri vezvitendero vakafuratira zvipo zvikuru zvaive zvapihwa munhu aive akafa mitezo aive akukwanisa kufamba. Vakasarudza kupomera Jesu kuti azvidza Mwari nekuti akaregerera zvivi.

Vatungamiri vezvitendero vaida kwazvo kugara vari pamusoro, chero dai zvaireva kuti munhu uyu aizoramba ari chirema.

MATEO 9:4 Asi Jesu achiziva mifungo yavo akati, munofungireiko zvakaipa mumoyo yenyu?

5 Nokuti chinyiko chakareruka kuti, wakanganwirwa zvivi zvako kana kuti simuka ufambe?

6 Asi kuti muzive kuti Mwanakomana womunhu unesimba panyika rokukanganwira zvivi. Akati kumunhu wakanga akafa mitezo, simuka, tora nhovo dzako uende kumba kwako!

Dzikinuro inosanganisira kuregererwa zvivi zvedu nekuda kwekudarika uye kuporeswa kwehurwere zvichibva kuna Isaya.

ISAYA 53:5 Asi akakuvadzwa nokuda kwokudarika kwedu, akarwadziwa nokuda kwezvakaipa zvedu; kurohwa kwakativigira rugare kwakanga kuri pamusoro pake, takaporeswa namavanga ake.

MATEO 9:7 Akasimuka akaenda kumba kwake.

Humbowo hwaive muchishamiso. Nekuregererwa kwezvivi zvake, munhu aive akaremara akasimuka, akaporeswa zvakazara.

MATEO 9:8 Vanhu vazhinji vakati vachizvivona vakashamiswa vakarumbidza Mwari wakapa vanhu simba rakadai.

Ruponeso rune simba urwu rwaidakadza.

Ipai chegumi nekuti mupositora aive mubati wemari dzemitero

MATEO 9:9 Jesu wakati achibvapo, akavona munhu wainzi Mateo agere panotereswa. Akati kwaari, nditevere! Ipapo akasimuka akamutevera.

Mubati wemari dzemitero aive munhu akavengwa. Asi Jesu akasarudza mumwe wavo kuti ave mudzidzi wake.

Mateo anozivisa Jesu saMambo. Mambo anotonga Hushe. Hushe hunosimudzwa nemari dzinobva pamitero inoripira kuitwa kwezvinhu zvese.

Saka, Jesu akasarudza munhu aitora mari dzemitero kuti atiyeuchidze kuti tinofanira kuripira chegumi kuti Evangeri riparidzwe pasi rese.

Jesu akadya nevatadzi

MATEO 9:10 Zvino wakati agere pakudya mumba, tarira vateresi vazhinji navatadzi vakavuya vakagara pakudya naJesu navadzidzi vake.

Jesu akadya nevatadzi vazhinji muguta. Izvi zvaikurira vaFarise.

MATEO 9:11 Zvino vaFarise vachizvivona vakati kuvadzidzi vake, mudzidzisi wenyu unodyireiko navateresi navatadzi?

12 Jesu achizvinzwa akati, vasingarwari havatsvaki murapi asi vanorwara.

Jesu akanga aratidzira kuti hurwere nezvivi zvinofambidzana kupfurikidza kuporesa munhu aive akafa mitezo. Vatadzi vanorwara pamweya nekuda kwekusatenda kwavo. Saka, nekufambidzana nevatadzi Jesu aiedza kubata vose vaida ruponeso. Vanhu vatano havadi chiremba. Vanhu vakaponeswa havadi Muponesi. Kuti ave Muponesi, Jesu aifanira kusangana nevatadzi vaida ruponeso.

MATEO 9:13 Asi endai mudzidze kuti, zvinorevei kuti ndinoda ngoni handidi chibayiro, nokuti handina kuvuya kuzodana vakarurama asi vatadzi kuti vatendevuke.

Tsitsi dzakakosha kudarika chibairo. Tinofanira kudisa kwazvo kuti vatadzi vaponeswe pachinzvimbo chekuti tingosangana nevatsvene chete tichifuratira vatadzi.

Vadzidzi vaJohane Mubapatidzi vakatevera Johane kwete Jesu

MATEO 9:14 Zvino vadzidzi vaJohane vakavuya kwaari vakati, isu navaFarise tinozvinyimireiko zvokudya kazhinji asi vadzidzi venyu havazvinyimi neiko?

Ndiyani anopokana naJesu? Kunze kwevadzidzi vemuprofita nemukuri wenzira Johane Mubapatidzi.

Asi vakabvumirana nevaFarise.

Vanhu vemharidzo vanobvumirana sei nevaFarise vemakereke anhasi nenzira dzinopokana neMagwaro, Shoko?

Nekuisa munhu pakutonga kereke imwe neimwe nekuita dzidziso kubva mune zvakataurwa nevanhu zvisina kubva muBhaibheri.

Izvi zvinotyisa. Johane Mubapatidzi aive wekutanga kukura nzira akazivisa Jesu seMunhu kumaJuda. Vamwe vadzidzi vakafadzwa kwazvo naJohane zvekuti vakasarudza kutevera Johane pachinzvimbo chekutevera Jesu.

Vakafadzwa kwazvo naJohane zvekuti vakaona zvisina basa kuti vatevere Jesu.

JOHANE 5:35 Iye wakanga ari mwenje unopfuta nounovheneka;imi makanga muchida kufara nguva duku muchiedza chake.

Zvimwechete zvinoitika nhasi vanhu vemharidzo vakazadzwa nekuzviti nyeredzi vakazadzwa kwazvo nehushumiri hwehama Branham zvekuti vanosarudza kutevera kuturikira kwavanoita zvakaparidzwa nehama Branham pachinzvimbo chekutevera Shoko rakanyorwa. Saka, vanoguma vasisatevere Jesu nekuti zvimwe zvezvavanotenda hazvisi muMagwaro.

Andirea ndiye ega mudzidzi waJohane Mubapatidzi akanyorwa kuti akasarudzwa naJesu kuva mumwe wevane gumi nevaviri. Chero Andirea haana kubvira aonekwa ari pakati pevadzidzi vatatu vepamusoro soro, sezvaive Petro, Jakobo, naJohane. Saka, kuva mudzidzi akazvipira wehama Branham hazvireve kuti muchasarudzwa kuva muteveri kana mudzidzi weShoko rakanyorwa.

MATEO 9:15 Jesu akati kwavari, shamwari dzechikomba dzingachema seiko chikomba chichiri navo? Asi mazuva achasvika achabviswa chikomba kwavari nenguva iyo vachazvinyima zvokudya.

Vadzidzi vaJesu ndivo vadzidzi veChikomba vachaenda kuChirayiro cheMuchato. Vadzidzi vaJohane Mubapatidzi havana kutevera chikomba. Vakasarudza zvakataurwa nemaprofita avo pachinzvimbo cheShoko raMwari. Pakupedzisira, vadzidzi vaJohane vaizoshandisa chimwe chezvaaitaura, apo zvaakataura zvaive zvakaipisisa, kuti apikise Jesu Messiasi. Vadzidzi vaJohane havana kugona kutaura musiyano uri pakati pezvakataurwa zvechokwadi nezvekunyepa. Vaingotevera chero zvaive zvataurwa.

Nhasi vateveri vemuprofita wenguva yekupedzisira vakatsiva Shoko raMwari rakanyorwa nezvakataurwa nemuprofita kana kutoti, kuturikira kwavo ivo zvakataurwa nemuprofita. MaPasita anoti, pasimba rezvakataurwa vanowana simba pamusoro pekereke, zvisinei nemisiyano yese iripo iri pakati pemapasita. Asi hakuna Magwaro anopa pasita simba rekutonga kereke nekuti pasita akataurwa kamwechete muTestamente Itsva akatukwa katanhatu muTestamente Yekare. Saka tine dutu redzidziso dzakasiyana siyana nemazwi nemasimba asina kufanana sezvo pasita umwe nemumwe anoti ndiye ane simba.

Semuenzaniso, Hama Branham havana kubvira vataura kuti Kutinhira kunomwe kwakareva. Asi mapasita mazhinji anotaura kuti kwakareva. Shoko raMwri rakasairirwa parutivi nevanotevera maprofita vanokanganisa kuturikira zvaakataura.

Nevaparidzi vakawanda vari kuita dutu remharidzo dzezvavakabata paitaura vamwe, zviri nyore kuumba chirwere chemweya kuvazhinji nekumanikidzika pakati pevanhu. Vanhu vanotya kwazvo kumira voga vachipikisa kereke uye kuramba vari mukereke yavanorambwa vanofanira kugamuchira panonzi “ndakanzwa kuti” zvichitsiva kuti “Zvakanyorwa zvichinzi”.

Chokwadi cheBhaibheri hachigoni kuziviswa mukereke ine mufundisi ari munhu mumwechete anotonga kereke yese sezvo uku kuri kurongwa kwakaipa kweboka pakereke. Makereke maduku epanzvimbo aitongwa nevakuru vepanzvimbo maeredha ndiwo aive akatangwa nemapositora.

MATEO 9:16 Hakuno munhu unoisa chigamba chitsva panguvo yakasakara nokuti chakasonerwa chinobvarura nguvo vuri rikanyanya.

Hamugoni kuita hurongwa hwesangano rekereke yeCatholic rakare rine mutungamiri mumwechete anotonga kereke imwe neimwe kuva musoro wekereke, mozadza kereke nezvakavanzika zveShoko rakanyorwa zvakaziviswa. Nekuti zvakavanzika zveBhaibheri rakaziviswa zvinoratidza kuti kuita munhu mumwechete anotungamirira kwakaipa. Mwari akavenga tsika dzavaNikoraiti, mweya wekusimudzira munhu pamusoro pesangano kana ungano.

MATEO 9:17 Havadirivo waini itsva muhombodo tsaru nokuti hombodo dzingaparuka, waini ikatevuka nehombodo dzikafavo. Asi vanodira waini itsva muhombodo itsva zviviri zvose zvichengeteke.

Chokwadi chitsva chakadzama chezuva redu chinofanira kuiswa muchimiro chekereke chinotevera Magwaro zvakanaka. Makereke maduku epanzvimbo anotungamirirwa nevakuru vepanzvimbo nenzira imwe seyakashandiswa nevapostora pakereke yekutanga. Hatigoni kuisa zaruriro itsva dzakadzama dzeMagwaro muzvimisikidzo zvekereke yeCatholic zvakare umo kereke imwe neimwe yaive nemunhu aiitungamirira. Hatigoni kutora hama Branham sevasingatadzi sezvo yaive tsika yeCatholic yakatangwa muna 1870 pavakadaidza Pope kuti haatadzi. Kuteedzera Roma haisi nzira yakanaka yekuziva nayo zvakadzama zveBhaibheri. Kuwedzera kwekusaziva Magwaro kwemakereke emharidzo pavanoturikira zvakataurwa (sekutaura kwavo kuti Hillary Clinton aizokurira musarudzo dzemutungamiri wenyika yeAmerica) hazvisi kuzozivisa chokwadi cheBhaibheri chakadzama.

Ruponeso rweMweya unoshamisa nekumutswa kwevakafa

MATEO 9:18 Wakati achivavudza izvozvo, mumwe mubati akasvikapo, akamunamata. Akati, mukunda wangu wafa ikozvino asi vuyai muise ruvoko rwenyu pamusoro pake ararame.

19 Ipapo Jesu akasimuka akamutevera navadzidzi vake.

Kukosha kwava pana Jesu kwete pana Johane Mubapatidzi.

MATEO 9:20 Zvino mumwe mukadzi waiva nokurwara kwokubuda ropa makore anegumi namaviri, wakavuya shure kwake. Akabata mupendero wenguvo yake

21 Nokuti wakati mumoyo make, kana ndikangobata nguvo yake bedzi ndichaponeswa.

Mukabata Jesu munoponeswa. Ndiye Shoko raMwari. Saka, tendai kuMagwaro akanyorwa.

MATEO 9:22 Asi Jesu wakatendevuka akamuvona akati, mukunda tsunga moyo, kutenda kwako kwakuponesa. Mukadzi wakaponeswa kubva panguva iyo.

MATEO 9:23 Zvino Jesu wakasvika mumba momubati wakavona varidzi venyere navanhu vazhinji vachiita mhere-mhere.

Musikana aive afa asi vanhu vaiita mhere-mhere. Vanhu vanorasika pakati pemhere-mhere nekuva mumweya.

MATEO 9:24 Akati kwavari, Ibvai nokuti musikana haana kufa asi uvete. Vakamuseka.

Nekuseka kwavakaita havana kuratidza kudzama kwemarwadzo avo.

MATEO 9:25 Asi vanhu vazhinji vakati vabudiswa, akapinda, akabata ruvoko rwake, musikana ndokumuka.

Pakabva vaiita ruzha, simba raMwari rakaratidzirwa murunyararo.

MATEO 9:26 Mukurumbira wazvo ukabudira kunyika iyo yose.

Jesu akaita basa guru rekuponesa rine simba kwazvo.

Murume aive bofu akaona asi haana kuteerera Jesu

MATEO 9:27 Zvino Jesu wakati achibvapo, mapofu maviri akamutevera. Akadanidzira achiti Mwanakomana waDhavhidhi, tinzwirei ngoni!

Vaive mapofu kuchokwadi chezuva ravo. Achava Mwanakomana waDavidi muMereniyamu kana makore 1000 erugare. Saka Jesu akafamba akavadarika. Aitarisira kuti tizive chokwadi chenguva imwe neimwe.

MATEO 9:28 Akati apinda mumba, mapofu akavuya kwaari. Jesu akati kwaari munotenda kuti ndinogona kuita izvozvo here? Akati kwaari, hongu Ishe!

Jesu akavabvunza kusvikira vataura chokwadi. Jesu Kristu ndiShe.

MATEO 9:29 Zvino wakabata meso avo akati, muitirwe pamakatenda napo.

Akabva avaponesa.

MATEO 9:30 Meso avo akasvinudzwa. Jesu akavaraira zvikuru akati, chenjerai kuti zvirege kuzikanwa nomunhu.

MATEO 9:31 Asi vakabuda, vakataura pamusoro pake munyika iyo yose.

Asi vakanga vaita zvaipesana kwazvo nezvaaive avaudza.

Hama Branham vakatiti tinamate Jesu titevere Magwaro mune zvatinotenda kwazviri.

Vanhu vanotenda kumharidzo pavanotanga kuzarura meso avo kuti vaone chokwadi vanyengerwa nevaparidzi vemharidzo kuti vasimudzire hama Branham nekushandisa zvaakataura kutsiva Magwaro.

Vateveri vake vanofunga kuti vanoterera nekuita zvinopesana.

57-0922 VAHEBERU CHITSAUKO CHECHINOMWE. 2

Asi simba rese rakazara rekereke riri muna pasita.

Verengai izvozvo muBhaibheri, tarirai kuti hahusi hurongwa hweBhaibheri here. Ndizvo chaizvo.

Hakuna munhu pamusoro pevakuru.

Kubva pakutaura kwakabatwa uku, pasita anova “mukuru” simba rese pamusoro pekereke roita rake.

Hakuna Magwaro anotaura izvi, saka tiri kupikisa Shoko, sezvakaita vadzidzi vaJohane Mubapatidzi vakapikisa Jesu.

Asi kumwe kutaura kunoti siyanei. Simba rese riri pamusoro pesangano, kwete munhu.

57-0922 VAHEBERU CHITSAUKO CHECHINOMWE.2

Ungano, yese, ndiyo ine simba rese.

Kereke yekutanga yaifambiswa nevakuru hakuna aive nesimba riri pamusoro pevakuru pakereke yepanzvimbo.

57-0908 VAHEBERU CHITSAUKO CHECHISHANU NECHECHITANHATU.1

Asi ndinotenda musimba guru resangano repanzvimbo.

... ndiratidzei neBhaibheri.

Chii chikuru, muBhaibheri, kudarika mukuru wepanzvimbo mukereke yepanzvimbo.

Hapana kutaurwa nezvapasita kana mufundisi. Asi mukuru chete.

Saka kana mukavakira pane zvakataurwa nevanhu, munowana zvinokurwisai zviri nyore.

Nekutevera zvakataurwa zvakanaka zvakafanira (nekufuratira zvakabatwa paitaura munhu zvisingaenderane nedzidziso inovaitira) vaparidzi vanoita kuti vanhu vapembedze nekunamata hama Branham sekuti Mwanakomana wemunhu uye Izwi raMwari. Bhaibheri rega ndiro Izwi raMwari.

Vanhu havachade Magwaro pane zvavanotenda mazviri.

65-0725 VAKAZODZWA PAMAZUVA EKUPEDZISIRA

… “mutumwa wechinomwe, achizarura zvisimbiso.”

Kwete kuti mutumwa Mwanakomana wemunhu.

Asi mutumwa azivisa Mwanakomana wemunhu. Muri kugona kuzviona zvakapatsanurwa here?

63-1226 HURONGWA HWEKEREKE

... Mukuru wangu iShoko, Bhaibheri.

64-0823 MIBVUNZO NEMHINDURO.1

Asi vaya vanogona kugamuchira Shoko mukuzara kwaro

Kwete ini ndichiriparidza, nekuti iBhaibheri rinotaura kudaro.

Vaya vanogamuchira izvozvo vakasununguka, nekuti Shoko rakatongwa kare.

60-0804 APO GONDO RINOTARIRA DENDERE RAYO

Tinoziva kuti Bhaibheri rinogona; harisi izwi rangu; izwi raMwari, richitaura.

63-0630 RWENDO (EKSODO) RWECHITATU

... Nekuti vanonzwa zvakajeka Izwi raMwari, achidaidza kupfurikidza Shoko rake

... Tererai Bhaibheri, Izwi raMwari riri kudana kwamuri zuva ranhasi.

Bhaibheri ndiro Izwi raMwari tinofanira kutsigira mharidzo yedu neMagwaro.

65-0801 MWARI WENGUVA INO YAKAIPA

... Kuti vanhu vakatenda kuMharidzo yandakapihwa naJesu Kristu kunguva ino,

Vazive zviri kuitika,

Vozviisa muMagwaro.

65-0429 KUSARUDZWA KWEMWENGA

Apo, mwenga wechokwadi anokwezva Mwari, nekuchengetedza Shoko rake.

Vatungamiriri vezvitendero vanoramba vachiramba Jesu Shoko

vatungamiri vezvitendero vanoti Jesu, Shoko, aive muchinda wevakaipa.

Neimwe nzira, vatungamiri vezvitendero vanoguma vakuramba Shoko raMwari vachiti rakaipiswa uye rinozvirwisa.

MATEO 9:32 Vakati vachibuda, tarira vakavuya kwaari nomunhu wakanga ari mbeveve waiva nomweya wakaipa.

Basa rekuponesa rakaenderera mberi.

MATEO 9:33 Mweya wakaipa ukati wabudiswa, mbeveve ikataura. Vanhu vazhinji vakashamiswa vakati, Hakuna kumbovonekwa zvakadai pakati pavaIsraeri.

Chero chaive chakaipa, Jesu aive nesimba pamusoro pezvinhu zvese.

MATEO 9:34 Asi vaFarise vakati, unobudisa mweya yakaipa nomukuru wemweya yakaipa.

Vatungamiri vezvitendero vaive vakurirwa. Vaive vatanga kudaidza Messiasi kuti muchinda wevakaipa.

Uku kwaive kushaiwa zivo kukuru. Kana Satani akadzinga vakaipa vake hushe hwake hunoparadzwa hwotadza kumira.

Mvura yedzidziso inotanga kuuya kotevera mvura yekukohwa kana mvura inotevera

Mvura yekudzidzisa chokwadi inofanira kutanga kuuya mvura yekukohwa kana kuti inotevera isati.

MATEO 9:35 Zvino Jesu wakapota namaguta ose nemisha, achidzidzisa mumasinagoge avo, achiparidza Evhangeri yovushe, nokuporesa kurwara kwose novukosha hwose kuvanhu.

Jesu anosimbirira pakudzidzisa nekuporesa.

Hushumiri pahwakapihwa kuhama Branham kuti auye nemvura yekutanga kana kuti yedzidziso, Mwari akavapawo hushumiri hukuru hwekuporesa vanorwara. Izvi zvakakwezva vanhu vazhinji kwaari.

MATEO 9:36 Asi wakati achivona vanhu vazhinji akavanzwira tsitsi nokuti vakanga vaneta, vakapararira samakwai asina Mufudzi.

Vanhu vakapararira nhasi uno sezvo vatungamiri vemakereke avo vasingazivi kuti vozivisa sei zvakavanzika zveMagwaro zvakadzama.

Mufundisi kana pasita mumwe nemumwe anoti ane simba guru pamusoro pekereke. Asi kune makereke akawandisa ane mapasita emharidzo.

Vaparidzi vemharidzo vazhinji vanoti mune zvakakanganiswa muBhaibheri reKing James Vhezheni. Saka, zvisinei nekukanganisa kuri mune dzimwe mharidzo dzavo, vanhu vanotora hama Branham semunhu asingatadzi uye Mukuru. Zvakadaro, zvavakataura, chero zvavaikanganisa, zvakuonekwa sesimba guru pamusoro pekereke.

Nekuda kwaizvozvo, vanhu vemharidzo vakapararira mundangariro dzavo sezvo vachiedza kutsvaga kuziva kuti chokwadi chaicho ndechipi vachikundikana. Vanoramba chero munhu anopokana navo zvinoita chokwadi chekuti havagoni kugadziriswa pavanotadza.

Havagoni kuvaka chokwadi kubva pane zvakataurwa zvinorondwa zvichizowanikwa muMagwaro.

Mvura yekutanga imvura yedzidziso.

Kubva muna 1947 kusvika muna 1965 hama Branham vakatapa mharidzo dzavo pamakaseti kuti tigone kudzidza kuti totevera sei zaruriro dzavakapihwa tichishandisa Magwaro.

Mharidzo dzake dzinofanira kutiita kuti titevere Magwaro sekudzizisa kwavakatiita zvinoreva micherechedzo yeBhaibheri neinzira dzeBhaibheri. Basa redu nderekudzidzisa vamwe kutevera Magwaro patinotsanangura zvinoreva mavhesi eBhaibheri nekuita kuti vanhu vamanzwisise muzvikamu zvemamwe mavhesi eBhaibheri.

Kana tikatevera Magwaro, Jesu ndiye Mufudzi wehwai nekuti ndiye Shoko raMwari.

Bhaibheri Shoko rakanyorwa ndiro simba guru repamusoro soro.

MAPISAREMA 23:1 JEHOVA ndiye mufudzi wangu;

Saka, tinofanira chete kuzivisa chokwadi chinobvumirana nemavhesi eBhaibheri, kana Magwaro akarwisa zvatinotenda, tinenge takarasika.

Nekuti vanhu havachatore Magwaro seakakosha zvakazara, havana kana chokwadi chekuti Mufudzi wavo ndiyani.

IBhaibheri here? Ndihama Branham here? Ndipasita kana mufundisi wavo here? Ndeumwe mufundisi mukuru akakosha here? Ndeumwe munhu akakosha anoziva hama Branham here?

MATEO 9:37 Zvino akati kuvadzidzi vake, zvirokwazvo kucheka kukuru asi vabati vashoma.

Chiri kutsvagwa naMwari vanhu vakadzidza kutevera Magwaro zvakazara. Tinofanira kuenda tonotsigira kuti zvakadzidziswa nehama Branham zvinogona kutsigirwa neBhaibheri rakanyorwa.

Zaruriro dzavo dzinofanira kuiswa paMagwaro kuti titsigire kuti ndedzechokwadi.

Mvura yekupedzisira kana kuti yekukohwa isati yauya, kunofanira kuita mvura yekutanga kana mvura yedzidziso. Kana tisingagoni kudzidzisa chokwadi kubva muBhaibheri kuchange kusina kukohwewa kweMbeu Shoko raMwari.

Mbeu yekupedzisira inokohwewa inofanira kufanana nembeu yakadyarwa pakutanga.

MATEO 9:38 Naizvozvo kumbirai kunaShe wokucheka kuti atumire vabati pakucheka kwake.

Kune kushaikwa kwevanhu vanogona kutsigira chokwadi vachishandisa Bhaibheri reKing James vhezheni, sezvo riri iro Mukuru.

Asi kune kukohwa kukuru kuchafanira kuuya saka kune vanhu vakawanda vachada kunzwa chokwadi.