Mateo 04 – Kutambudzika nemiedzo

We update studies as the Lord Jesus leads us. You can find the latest update of this study at ChurchAges.net

Kugara wega murenje kwakakoshera kukura kwemuKristu

MATEO 4:1 Zvino Jesu wakatungamirirwa noMweya kurenje kuzoidzwa naDiaborosi.

ChiKristu hachisi chembwende. Chinotikundisa panguva dzekuomerwa nekuedzwa.

Pane hondo pakati paMwari naSatani yekutonga ndangariro dzevanhu. Saka muKristu mumwe nemumwe arimo muhondo iyi.

Mwari anorwa kuti atipe kutenda muShoko rake rinogara mundangariro dzedu.

Satani anorwa kuti aise huchenjeri hwekufunga kwevanhu mundangariro dzedu.

Saka ihondo yehuchenjeri hwevanhu huchirwisa kutenda kuBhaibheri rakanyorwa.

Mweya waMwari waigara maari wakatungamirira Munhu Jesu kupinda murenje reJudea, kure nevanhu.

Tinokurudzirwa zvakanyanya nemakristu akatipoteredza zvekuti hatizodzidzi kuzvifungira pachedu.

Tinotanga rwendo rwedu rwechiKristu nekugamuchira Jesu saMuponesi wedu totevera Iye oga.

Tinobva tatevera mufundisi kana pasita nezvitendero netsika dzekereke kuti tigashirweko.

“Kufunga-kweboka” kunotsiva kuzvifungira nekuzvitsiura.

Tinozongova vaendi vekukereke vanoita sevakachekwa pakubikwa kwechingwa kuti tienderane nezvinotambirwa mukereke.

Saka, nekuti Jesu aive Munhu akazvimiririra aizvifungira, akararama hupenyu hwakaoma. Ari ega munyika ine kuipa kukuru.

Akaneteswa nenzara.

Kana nyama yedu yaneta, tinodzidza kuvimba neShoko raMwari.

MATEO 4:2 Wakati azvinyima zvokudya mazuva anamakumi mana novusiku bwunamakumi mana, akabva oziya.

Nzara inotiputsa panyama. Kana zvadaro hatichagoni kuvimba nesimba remiviri yedu.

Kuzvikudza ndiko kwakava chivi chekutanga chakaitwa naSatani Kudenga akawira pasi.

I JOHANE 2:16 Nokuti zvose zviri munyika, zvinoti, kuchiva kwenyama, nokuchiva kwameso, nokuzvikudza kwovupenyu, hazvibvi kunaBaba, asi panyika.

Iyi ndiyo miyedzo yakatadzisa mukadzi waAdamu.

Genesisi 3:6 Zvino mukadzi akati achiona kuti muti wakanaka kudyiwa, uye kuti unofa­dza meso, uye kuti muti unodikanwa kungwadza munhu,

“Yakanakira kudya”. Chikafu chendangariro. Kuchiva kwenyama.

“Zvaifadza meso”. Kuchiva kwemeso.

“Waidiwa kugwadza munhu”. Ndakangwara kukudarika. Kuzvikudza kwehupenyu.

Jesu akasangana nekuedzwa uku. Asi aingodaira nekutaura zvakanyorwa muMagwaro.

MATEO 4:3 Zvino muidzi akavuya kwaari, akati kwaari, kana uri Mwanakomana waMwari raira kuti mabwe awa zvive zvingwa.

Tinotsvaga nzira yenguva duku yekugadzirisa zvinhu kumatambudziko edu anenge atiwira

Asi chekudya kuti muviri usimbe hachina kukosha kudarika kudya kwemweya, kunova Shoko raMwari.

Zvikuru sei, Jesu ari kuti haana chaachaita chisina kunyorwa.

Anoona Mweya neShoko rakanyorwa zvakakosha kudarika nyama yake.

MATEO 4:4 Asi wakapindura akati, kwakanyorwa kuchinzi, munhu haangararami nechingwa bedzi, asi namashoko ose anobuda mumuromo maMwari.

Kuchiva kwenyama. Nzara kunyanya paMunhu asina kudya kwemazuva 40.

MATEO 4:5 Zvino Diaborosi akamuisa muguta dzvene, akamuisa pachiruvu chetembere.

Kuchiva kwemeso. Uku kuratidzirwa kwekuti vanhu vanogona kuona voyemura chinhu.

Vanhu vanoda kuonekwa. Vanoda kuti ivo vakoshe vatariswe. Vanoda kuzivikanwa nekuyemurwa.

Mbiri inobva pakutarirwa nemeso ese. Kushamisira. Vanhu vose vandiona ndichiita chinhu chinokwezva meso.

MATEO 4:6 Akati kwaari, kana uri Mwanakomana waMwari uzviwisire pasi nokuti kwakanyorwa kuchinzi, Iye ucharaira vatumwa vake pamusoro pako. Pamavoko avo vacha kusimudza. Kuti urege kugumbusa rutsoka rwako pabwe.

MATEO 4:7 Jesu akati kwaari, kwakanyorwavo, usaidza Ishe Mwari wako.

Hatifaniri kukumbira Mwari kuti atibatsire kuratidzira zvepanyama. Hatifaniri kurera zvakaipa kuti tigowana chekudada nacho.

Hatifaniri kukumbira Mwari kuti atibatsire kuti tizadzise zvido zvenyama dzedu.

Tinofanira kumirira Mwari kuti atitungamirire tiite zvaanotiudza kuti tiite, kwete zvatinoda kuita kuti tifadze vanhu.

MATEO 4:8 Dhiabhorosi akamuisazve pagomo refu-refu, akamuratidza vushe bwose bwenyika nokubwinya kwabwo.

Kuzvitutumadza kwehupenyu. Kukudzwa, pfuma, kuremekedzwa, mbiri nezvigaro zvepamusoro soro.

Kukudzwa kwepfuma nesimba pamusoro pevanhu ndizvo zvatinopihwa nenyika. Asi rwendo rwakarasika. Hushe hwenyika ino hwakatarirwa kunoparadzwa paAmagedhoni iri kuuya.

Simba rezvematongerwo enyika rinopfumisa munhu akazvimiririra. Nguva duku yekukudzwa kuti tifare mumoyo yedu. Kuparadzaniswa naMwari muhupenyu hunotevera kwotevera. Hazvina kuringana. Kwete kukanguva kemufaro wenyika ino.

MATEO 4:9 Akati kwaari, izvi zvose ndichakupa kana ukawira pasi ukandinamata.

Kunamata chero munhu, kunze kwaMwari Wamasimbaose, zvakaipa.

Mweya waantikristu uchatora chinzvimbo chekuva Pope wekupedzisira nekuti Pope anodaidzwa kuti Vicarius Kristu. Pachinzvimbo chaKristu.

Chero munhu anoedza kuzvienzanisa naJesu Kristu kana kuzviisa iye kana umwe munhu panzvimbo yaJesu anenge achitadza.

MATEO 4:10 Ipapo Jesu akati kwaari, ibva Satani nokuti kwakanyorwa kuchinzi, namata Ishe Mwari wako, umushumire Iye woga.

Mwari ega ndiye Mwari.

Musaedza zvachose kupupurira kuti munhu azviise panzvimbo yaMwari.

Chingoudzai munhu kuti aende nekuti anenge aine mweya wekuwodza. Hakuna munhu anogona kupinda muhuMwari nechero nzira.

Kuparadza Diaborosi, torai zvakataura neMagwaro morarama naizvozvo

MATEO 4:11 Zvino Diaborosi akamurega. Vatumwa vakavuya vakamushumira.

Vatumwa vanoshanda munzvimbo dzemweya vasingaonekwe. Asi variko kuti vatibatsire. Kune vakawanda vavo variko kuti vatibatsire kudarika zvatinofungira. Mutendi ane ruchengetedzo rusingaoneke rwevatumwa vakamira semasvingo eruchengetedzo.

Jesu haana kukurira Diaborosi nekuda kwesimba rake rinoshamisa.

Haana kukurira Diaborosi nekuda kwezivo dzakachenjera dzemaGiriki kana kwedzidzo yezvikoro zveBhaibheri.

Jesu akangotaura achidzokorora Magwaro akafanira achidaira chimwe nechimwe chaive chataurwa.

Ndiwo muenzaniso mukuru watakapihwa.

Kunyaya imwe neimwe yatinotarisana nayo muhupenyu, tinogona kuwana Magwaro akafanira iyo. Zvakanyorwa muBhaibheri ndizvo huchenjeri hukuru hunopindura hwatinowana kunhau dzese dzatinosanganiswa nadzo muhupenyu.

Ndiko kutenda. Kana tikamira nezvakanyorwa muBhaibheri tichitaura kupikisa zvinotaurwa nekereke kana neshamwari dzedu.

MATEO 4:12 Jesu wakati anzwa kuti Johane wasungwa. Akaenda Garirea.

Muprofita anonongedzera Shoko (Jesu) iye ozvideredza

Johane aive muprofita mukuru. Akanongedzera Kristu.

Johane achibva ataura kuti:

JOHANE 3:30 Iye unofanira kukura, asi ini ndinofanira kudukupiswa.

Yaive yava nguva yekuti Johane abve panzvimbo.

Dambudziko revanhu nderekuti vakawana muprofita mukuru, vanofadzwa nehushumiri hwake zvekuti vanoda kusimudzira muprofita kumuisa muhuMwari sekuti muprofita ndiye Mwari.

Kana muprofita akabva, vanhu hvazogoni kutarisa Jesu wavaifanira kuziviswa nemuprofita.

Chakavanzika chaJohane Mubapatidzi chaive chekuti akagona kukurudzira vamwe vadzidzi vake kutevera Jesu.

JOHANE 1:35 Ava mangwana zve Johane wakanga amire navadzidzi vake vaviri;

36 Akatarisisa Jesu achifamba, akati: Tarirai, Gwaiana raMwari!

37 vavo vadzidzi vaviri, vakamunzwa achitaura, vakatevera Jesu.

Hama Branham pavakazivisa zvakavanzika zveMagwaro, taifanirwa kutevera Magwaro akaziviswa, kwete kutevera muprofita nezvake zvaanofunga nekutaura.

Muprofita anonongedzera Shoko raMwari. Haauyi kuzotsiva Shoko raMwari.

MATEO 4:13 Zvino wakabva Nazareta akandogara Kapenaume pagungwa. Pamiganhu yeZabhuroni neNaftarimi.

Testamente Itsva ine mazita echiGiriki. Testamente Yekare ine mazita echiHeberu.

Nzvimbo dzemarudzi anaNafutari naZeburoni, dzinosvika kumahombekombe eGungwa reGarirea dzakazoiswa munzvimbo dzaidaidzwa kuti Garirea.

MATEO 4:14 Kuti zviitike zvakarebwa nomuporofita Isaya achiti,

MATEO 4:15 Nyika yeZabhuroni nenyika yeNeftarimi, panzira yegungwa mhiri kwaJoridhani. Garirea ravahedheni.

Nyika yeChipikirwa yakapatsanurwa kuita Juda neIsraeri mumazuva emwanakomana waSoromoni. VaAsiria vakatapa Israeri mugore 721 BC kubva ipapo yaitongwa nevaHedeni. VaIsraeri vakabva vapararira havana kuzodzoka kuIsraeri. Judea yakatapwa naNebukadinezari muna 606 BC maJuda iwayo vakasunungurwa naCyrus muPersia muna 536 BC. Vakadzoka kuJudea kunovaka Tembere. Tembere yaive panheyo dzeShoko raMwari ndiyo yaive hwezvo yakakwezva maJuda kuti adzoke kuJudea. Kana maKristu akadzokera shure Shoko raMwari mumweya yavo inovaita kuti vave vatadzi vanosemesa kusvikira vatendeuka vadzoka kuna Ishe.

MaKristu vasingakoshese Shoko raMwari mumweya yavo, vanongotora Bhaibheri serisina basa, havadzoke kunaShe kana vakarasika. Shoko raMwari mumweya yedu ndiro hwezvo inotikwezvera kudzokera kuna Kristu.

Satani mumvuri. Bhaibheri ndiro Chiedza chinomudzinga

MATEO 4:16 Vanhu vakanga vagere murima vakavona chiedza chikuru. Navakanga vagere panyika nomumumvuri worufu, chiedza chakavabudira.

Zvivi nekusatenda ndizvo rima. Jesu paakauya aive Chiedza chechokwadi. Chiedza chinonyatsopenya kana kuine rima.

Mumvuri unokonzerwa nekushaikwa kwechiedza. Kana chiedza chikasvika, mumvuri unotiza.

Satani mumvuri. Anoshanda panenge pasina Chiedza. Batai Shoko raMwari murarame naro, Satani anobva atiza.

Rufu mumvuri. Zvinoita sekuti rwakaipa asi kumuKristu akaponeswa haruna kuipa. Mukova wakazarurwa wekuenda nzvimbo iri nani, Kudenga.

Kana mukagamuchira Jesu saIshe naMuponesi wenyu nekutendeuka kubva kuzvivi, anova Mukova wakazarurwa wekuti munogona kusvika nawo Kudenga.

Rufu rwaJesu rwakaunza kuponeswa kwedu rwakashandura rufu kubva pakuva chiitiko chinorwadza kuita tariro yakaropafadzwa yehupenyu huri nani.

Nazareta yaive nembiri yakaipa asi yakabereka Munhu akanakisa

Saka musanyunyuta nekuda kwezviitiko zvinokuwirai. Munokwanisa kusimuka mukazvikurira.

JOHANE 1:46 Natanieri akati kwaari: Kune chinhu chakanaka chingabva Nazareta here? Firipo akati kwaari: Vuya uvone.

Nazareta yaive nembiri yakaipa. Kwaive nezvivi zvakawandisa ikoko. Asi ndiko kwakararamira Jesu kwenguva yakati kuti.

MATEO 4:17 Kubva panguva iyeyo Jesu wakatanga kuparidza achiti, tendevukai nokuti vushe bwokudenga bwaswedera pedo

Nhanho yekutanga paEvangeri kutendeuka. Iyi ndiyo inogarova nyaya yakakosha. Zvatinosangana nazvo munaJesu zvinotanga kufadza kana tikatendeuka.

Zvakazarurwa 14:11 inotaura pamusoro pevatumwa vatatu.

Vanhu ava basa ravo nderekudzorera chokwadi mukati menguva nhatu dzekupedzisira dzekereke.

Martin Luther kuGermany, John Wesley kuEngland naWilliam Branham kuAmerica.

Kutendeuka ndiko Evangeri inogara nekusingaperi

Hamugoni kupinda Denga kunze kwekunge matendeuka.

Mutumwa wekutanga ndiMartin Luther.

ZVAKAZARURWA 14:6 Zvino ndakavona mumwe mutumwa achibhururuka pakati pedenga, aneEvhangeri isingaperi, kuti aiparidzire vanogara panyika, namarudzi ose, nendudzi dzose, nendimi dzose, navanhu vose.

Luther aiparidza kururamisirwa. Ruponeso kupfurikidza Kutendeuka, kwete nekuda kwemabasa akanaka.

Iri iEvangeri rinogara nekusingaperi.

Rakatanga naJohane Mubapatidzi akaparidza kutendeuka. Kutendeuka kwakaenderera mberi mukereke yekutanga kusvikira makereke mazhinji arasikirwa nemeso awo muNguva dzerima. Luther akamutsa zvakare ruponeso kupfurikidza kutendeuka paakatanga Rumutsiridzo.

MATEO 4:18 Jesu wakati achifamba pagungwa reGarirea akavona varume vaviri, vana vomunhu mumwe, Simoni unonzi Petro naAndrea munun’una wake vachikandira vutava mugungwa nokuti vakanga vari vabati vehove.

Jesu akazvidaidzira vanhu vanoshanda nesimba. Panyama, vakakanda rutava mugungwa kuti vabate hove. Pamweya, vaiparidza nekukandira Shoko raMwari mugungwa raive risina zororo reruzhinji rwevanhu vachitaura.

Petro akakandawo rutava rweEvangeri mugungwa nekunyora kwaakaita ndangariro dzaMwari muBhaibheri. Mavhesi eBhaibheri raMwari achiri kutenderera panyika achibata mweya yevakatarirwa iro vanoda kutenda kuShoko rakanyorwa.

MATEO 4:19 Akati kwavari nditeverei, ndigokuitai varedzi vavanhu.

Chakavanzika chekuva mudzidzi. Kutevera Jesu. Usaite zvinhu zvako wega.

MATEO 4:20 Pakarepo vakasiya vutava bwavo vakamutevera.

Petro naAndrea pavakanzwa kudanwa vakadaira pakarepo. Vakamira zvese zvavaiita vakamutevera. Havana kuita ndangariro dzekuti towanei. Havana kufunga kuti vaizowana chii kubva pazviri. Havana kutanga vatauririrana naye kuti zvaizovapei zvaizovaitira. Petro aizofira Evangeri. Aive akazvipira kubva pakutanga. Aizobatira Ishe, zvisinei nekuti aizowanei.

MATEO 4:21 Zvino wakati apfuvura mberi akavona vamwe varume vaviri mugwa, vana vomunhu mumwe, Jakobho mwanakomana waZebhedi naJohane munun 'una wake vana Zebedi baba vavo, vachigadzira vutava bwavo, akavadana.

Jakobo naJohane vaive vakazvipira vachishanda nesimba kuchengetedza bhizimisi remhuri yavo. Pavaive vasiri kuredza vaisangogara. Vaizoita basa rekugadzira midziyo yavo yavaishandisa pakuredza. Kugadzirisa rutava kwaive kwakakosha. Maburi parutava aizotendera hove kubuda.

MATEO 4:22 Pakarepo vakasiya igwa nababa vavo vakamutevera.

Jesu paakadana vakabva vangodaira ipapo. Havana kubuvunza kuti penjeni vaizoiwana here kana kuti vachawanepi kurapwa kana varwara kana kukumbira zororo. Vakangotevera. Chero chavaida, Mwari aizovapa. Vaive vazvipira kuita basa raMwari vakavimba naMwari kuti achavachengeta. Zvido zvemhuri hazvina kuonekwa zvakakosha kudarika kuparidza Shoko.

Vakatevera Jesu, kwete baba vavo.

Jakobo ndiye akava mupostora akatanga kufira Shoko. Vakatendera kuita basa rinotyisa. Asi zvavaifunga chete kwaive kutevera Jesu. Kuti vaizofa here kana kurarama zvaive zvisina basa. Kugona kuita chimwe chinhu kuitira Hushe hwaMwari ndizvo zvaive zvakakosha kwavari. Vaive nerudo rwekushanda.

Chekutanga, tsvagai Kuda kwaMwari. Mwari anokupai zvimwe zvese zvamunoda

MATEO 6:33 Asi tangai kutsvaka vushe hwaMwari nokururama kwake, izvozvi zvose zvichawedzerwa kwamuri.

Basa redu nderekuisa Mwari nezvido zveHushe hwake mberi tinogona chete kuita izvi kana tikatevera Jesu neShoko rake. Hatifaniri kutsvaga kuzvipfumisa isu nechero nzira asi tinosiya Mwari awedzere zvatinoda kwatiri.

MATEO 4:23 Jesu akapota neGarirea rose akadzidzisa mumasinagoge avo. Achiparidza Evangeri yovushe, achiporesa hosha dzose namarwere ose avanhu.

Hushumiri hwaJesu hwaive mubatanidzwa hwekuratidzirwa kwemweya unoshamisa nechokwadi chizhinji chinobaya moyo. Vanhu vaisarudza zvemweya nekuti zvaive zvakavanakira pakuvapa zvavanoda. Asi izvi zvaivepo kuvakwezva kuti vaterere kuparidza kwake. Izvi zvakavaudza zvaitarisirwa naMwari kana vaida kupinda muHushe hwaMwari.

MATEO 4:24 Mukurumbira wake ukanzwikwa kunyika yose yeSiria. Vakavuya kwaari navairwara vose, navakabatwa nehosha dzamarudzi mazhinji namarwadzo, navakanga vanemweya yakaipa, navanezvipusha, navakanga vakafa mitezo, akavaporesa.

Kwaive kusina kurwara kana simba remadhimoni raisagona kurapwa nesimba raMwari.

MATEO 4:25 Vanhu vazhinji-zhinji vaibva Garirea neDekapori, neJerusarema, neJudea, nemhiri kwaJoridani vakamutevera.

MaJuda vakapima kubva kuTemberi yemuJerusarema. Saka, “Kunze kweJorodani” zvaireva kuti rumwe rutivi rweRwizi Jorodhani.

Hushumiri hwaJesu hwakakwezva maJuda ese aive muNyika yeChipikirwa. Samaria chete ndiyo yaive yasara. Vaive chimwe chikamu maJuda chemwe vaHedeni.

Jesu akaparidzira maJuda chete, akavapa mikana yose

MATEO 10:5 Ava vanegumi navaviri Jesu akavatuma akavaraira achiti, musaenda munzira yavahedheni, musapinda muguta ravaSamaria.

6 Asi zvirinani muende kumakwai akarasika eimba yavaIsraeri.

Jesu akaisira hushumiri hwake muganhu kuti hubate maJuda chete, vana vaAbrahama, Isaka naJakobo.

Nekukwezva maJuda ese aive muNyika yeChipikirwa, Jesu akazviita muvengi wevakuru vezvitendero zvechiJuda vaive vakazadzwa nekuzvikoshesa.

Muvhiki rekupedzisira rehupenyu hwake vakuru vezvitendero vakakwanisa kuita kuti vanhu vose vapandukire Jesu.

Ndiro simba rine vakuru vemakereke kuita kuti vanhu vavo varambe, varwise, kana kuzvidza Magwaro.

Musafe makatendera chero munhu, kana mukuru wekereke kumira pakati penyu nehukana hwenyu naJesu.

Tendeukai mumutambire saIshe naMuponesi wenyu.

Moterera Bhaibheri musarega chero munhu achikumisai kuita izvozvo.

Bhaibheri roga ndiro rinozivisa ndangariro dzaMwari.