Maropafadzo

We update studies as the Lord Jesus leads us. You can find the latest update of this study at ChurchAges.net

Hupenyu hunosangana nekutambudzika kuzhinji

MATEO 13:20 Asi wakakushwa parukangarabwe, ndiye unonzwa shoko ndokurigamuchira pakarepo nomufaro.

21 Asi haano-mudzi mukati make. Ndiye wechinguva chiduku kana kutambudzika nokuvengwa zvichivuya nokuda kweshoko, pakarepo unogumburwa.

Kutambudzika kunodzura zviri nyore vatendi vasina kudzika midzi pakushandira Mwari kuti varopafadzwe muhupenyu.

MABASA 14:22 vachisimbisa mweya yavadzidzi, vachivaraira kuti vatsungirire pakutenda, vachiti, tinofanira kupinda vushe bwaMwari namadambudziko mazhinji.

Hupenyu huno hunoona tichisangana “nekutambudzika kuzhinji”. Nzira yekuenda kudenga yakaoma.

Kutambudzika kwehupenyu kunotiumba kutiita vanhu vanodiwa naMwari kuti tive, patinodzidza kumirira Mwari kuti apindire.

VAROMA 5:3 Zvisati zviri izvo bedzi, asi ngatifare vo mumadambudziko, tichiziva kuti kutambudzika kunovuyisa kutsungirira;

4 kutsungirira kunovuyisa kuidzwa; kuidzwa kunovuyisa tariro;

Kutsungirira kwakakosha sezvo kuchitidzidzisa kumirira Mwari. Kwete kuvimba nesimba redu.

VAROMA 8:35 Nokuti ndinoziva kwazvo kuti kunyange rufu, kana vupenyu, kana vatumwa, kana vanesimba, kana zvazvino, kana zvinovuya kana masimba.

Zvinhu zvese zvinokanganisika hazvifaniri kushandura hunhu hwedu pakutenda kuna Jesu. Panguva dzakaipisisa tinofanira kuramba tichifara mukutsungirira nekunamata patinodzidza kuvimba nenguva yaMwari zvakazara.

VAROMA 12:12 farai patariro; tsungirirai pakutambudzika; rambai muchinyengetera;

II VAKORINTE 1:4 Iye unotinyaradza pakutambudzika kwedu kwose, kuti isu tive nesimba rokunyaradza vari mukutambudzika kupi nokupi, nokunyaradzwa kwatinonyaradzwa nako naMwari.

Tinofanira kusangana nematambudziko kuti tinzwisise vamwe kana hupenyu hukavakandira matambudziko. Kana tichigona kuvanzwisisa tinenge takagadzirirwa zviri nani kugona kuvabatsira.

II VAKORINTE 7:4 ... ndizere nokunyaradzwa, ndinofara kwazvo pakutambudzika kwedu kwose.

Zvisinei nezvese zvakakanganisika, Pauro akaramba achifara mumatambudziko aya ese.

II VAKORINTE 7:5 Nokuti takati tasvika Makedonia, nyama yedu haina kuzorora, asi takatambudzika pamativi ose; kunze kwaiva nokukakavara, mukati maiva nokutya.

Chidzidzo chakadzidzwa: kutambudzika hatigoni kukudzivisa zvachose. Tinongokukurira.

Kutwasudza muviri kunorwadza asi kunosimbisa muviri.

Kupazurira muti nekutema mamwe mapazi awo kunosimudza mukana mutsva wekubereka maruva akanaka.

Saka, kutambudzika kunosimbisa kutenda kwedu muna Kristu.

Kuvimba kwatinoita neMweya Mutsvene, ndikowo kusimba kwatinoita.

VAEFESO 3:16 kuti vakupei pafuma yokubwinya kwavo kukuru, simba kuti musimbiswe noMweya wavo mumunhu womukati;

“Vakupei pafuma yokubwinya kwavo kukuru”.

Tinodzidza chokwadi chakaoma. Kugona kushanda nenyika yakaoma izere zvivi yatinorarama mairi zviri nyore kuna Mwari kuti vatisimbise kuti tikunde matambudziko edu, pachinzvimbo chekubvisa matambudziko edu kwatiri.

MaKristu akapfava haagoni kusvika kumagumo.

Vanotsunga kusvika kumagumo.

Hatifaniri kutendera kuomerwa kutidzikisira. MaKristu anofanira kusangana nekutambudzika.

I VATESARONIKA 3:3 kuti kurege kuva nomunhu unozununguswa nenhamo idzi, nokuti munoziva mumene kuti takagadzirirwa izvozvo.

4 Nokuti tichiri kwamuri takambokuvudzai kuti tichatambudzwa; sezvazvakaitika, nemi munoziva.

Kugona kukunda matambudziko ndiko kubwinya kwekereke apo inoshaisa Satani simba.

Kana Satani akakurovererai mofara moenderera mberi, Satani haagoni kukukuvadzai. Nenzira imwe kuita uku kunorwadza hakugoni kukukuvadzai sezvo kuchikusimbisai.

II VATESARONIKA 1:4 nokudaro isu timene tinozvirumbidza mamuri pakereke dzaMwari pamusoro pokutsungirira kwenyu, nokutenda kwenyu mukutambudzika kwenyu kwose nenhamo dzose dzamunadzo.

Johane ndiye mupostora akapedzisira kuva ari mupenyu. Mamwe mapostora ese aive aurawa.

Akapomerwa nhema akabviswa kushamwari dzake dzese mutorongo pachitsuwa chePatmosi maichengetwa vasungwa vakaipisisa veHushe hweRoma.

ZVAKAZARURWA 1:9 Ini Johane, hama yenyu, mugoverani pamwe chete nemi pakutambudzika, novushe, nokutsungirira munaJesu, Kristu ndakanga ndiri pachiwi chinonzi Patmosi, nokuda kweshoko raMwari, nokupupura muna Jesu Kristu.

Johane aive ajaira matambudziko. Kuomerwa kugara ega ndizvo zvaive hama dzake. Saka zvaiita sekuti aive akurirwa asi zvaivepo kuti chiratidzo chakanakisa cheTestamente Itsva chionekwe kwaari.

Chidzidzo chechipiri: Kuomerwa panyama nekurwadziwa kunoita basa guru kuzarura maonero edu emweya muzvakavanzika zvaMwari.

Kudupuka kunoita nyika yezvenyama kwatiri, ndikowo kukura kunoita kuzarurwa kwemeso emweya.

Kana Mwari akazarura zvakavanzika zveShoko rake kwatiri, ndiwo makomborero makuru anoiswa pamusoro pedu naMwari.

Hupenyu huno hausi chinangwa chekurarama kwedu. Asi hupenyu hunouya.

Hupenyu hunokugadzirirwa kwehupenyu hunouya huchange huchibva muMagwaro kuti tirarame nekusingagumi. Basa redu rakakoshesesa nderekunzwisisa Bhaibheri reKing James kuti tidzidze kuda mafungiro aMwari. Ndangariro dzedu hadzifaniri kusvibiswa nemazano evanhu nedzidziso dzevanhu.

Maropafadzo edu makuru Kuuya kwaJesu kwechipiri

Zvikomborero zvaMwari zvechokwadi ndezveMweya.

Makomborero enyika ino ndeenguva duku. Makomborero emweya anogara nekusingagumi.

ZVAKAZARURWA 22:14 Vakaropafadzwa vanoita mirairo yake, kuti vave nesimba rokuvuya kumuti wovupenyu, vapinde napamasuvo eguta.

Hakuna chinhu muhupenyu huno chinogona kufananidzwa neguta rine chimiro chepiramidhi rekubwinya uko Jesu anogara pamusoro paro ari Chiedza. Jesu ndiye muti weHupenyu. Iye oga ndiye anogona kupa Hupenyu. Chatinogona kuita chete kuteerera nekuita kuda kwake.

Bhaibheri rinoguma nekukoshesa maropafadzo enguva inouya anova mubairo wekuteerera kwedu kuShoko rake rinoziviswa parinoparidzwa.

ZVAKAZARURWA 22:7 Tarirai, ndokurumidza kuvuya; unochengeta mashoko okuporofita kwebhuku iyi wakaropafadzwa.

Chengetedzai kutaura kweShoko rake. Testament Itsva inozadzisa Testamente yekare.

Hatigoni kuchengetedza kutaura kweBhaibheri kweBhuku raZvakazarurwa kunze kwekunge tanzwisisa zvinoreva micherechedzo nenzira dzacho.

ZVAKAZARURWA 20:6 Munhu unomugove pakumuka kwokutanga wakaropafadzwa, mutsvene; rufu rwechipiri harunesimba pamusoro paivava; asi vachava vaPirisita vaMwari navaKristu, vachabata vushe pamwe chete naye makore anegumi ramazana.

Zviitiko zvenguva yekupedzisira zvinotanga nekumuka kwevatsvene veTestamente Itsva vari mumiviri yavo yekubwinya. Tinofanira kuva vatsvene kana tichida kuwana nhaka mumakomborero makuru kuti miviri yedu nayowo ishandurwe kuita miviri yekubwinya. Kana tikanzwisisa zvakakwana zvakavanzika zveMagwaro tinokwanisa kuziva vatsvene veTestamente Itsva vanomutswa pavanouya pakati pedu. Chakanyanya kukosha, zvakakosha kuti titende zvakazara dzidziso dzenguva yekereke yekutanga nekuti ndizvo zvichange zvichitendwa nevatsvene vanenge vamutswa kuvakafa. Chingofungai kuti rinenge riri ropafadzo rakadii kutarisana nevatsvene vanenge vamutsva muchivanzwisisa zvakazara nekuti munotenderana navo.

ZVAKAZARURWA 19:9 Zvino akati kwandiri: Nyora, uti: Vakaropfadzwa vakakokerwa kuchirayiro chokuwana cheGwaiana. Akati kwandiri: Mashoko awa ndaazvokwadi aMwari.

Kana miviri yedu yashandurwa, tichadaidzwa kunosangana naShe kumakore achatitora kuenda nesu Kudenga. Ikoko tichava chikamu chemutambo weChirayiro cheMuchato weGwaiana uchatora makore matatu nehafu. Hakungave nemakomborero makuru anodarika iwayo nekuti nenguva iyoyo nyika ichazadzwa nekuipa nekurwadziwa kwenguva yeKutambudzika. Pope wekupedzisira achatonga nyika otonga zvese nemari yepasi rese.

ZVAKAZARURWA 16:15 Tarira ndinovuya sembavha. Wakaropafadzwa unorinda, unochengeta nguvo dzake kuti arege kufamba asina kupfeka, vavone nyadzi dzake.

Ishe voda kuuya. Tinofanira kumuka zvakazara totarira kuti tione kuti tiri kutenda zvakanyorwa muMagwaro chete here. Tinofanira kuchengetedzawo nguwo dzedu apo nyika inokoshesa kuratidzira mivi nekupfeka sevakashama. Asi kana Ishe vakauya achava makomborero asina anoakunda.

ZVAKAZARURWA 14:13 Ipapo ndakanzwa inzwi richibva kudenga, richiti: kwandiri Nyora, uti: Vakafa, vanofira munaShe, vakaropafadzwa kubva zvino. Hongo, ndizvo zvinotaura Mweya, kuti vazorore pakubata kwavo kukuru, nokuti mabasa avo anovatevera.

Vanofa vachishandira Mwari, chero dai vaurairwa kushanda ikoko, vahcaiswa kuhupenyu hunouya kwavachanopihwa mibairo yemabasa avo eMweya. Vanhu vanoona rufu sekutukwa kukuru. Asi kune avo vari mukuda kwaMwari, rufu makomborero sezvo rwuchizarura masuwo edenga.

Tinoshandira Mwari kurutivi rwuno tisingaverengi kuti zvatidyirei, nekuti makomborero emubairo ari kune rumwe rutuvi.

ZVAKAZARURWA 1:3 Wakaropafadzwa uyo unorava, navanonzwa mashoko okuporofita, uku vachichengeta zvakanyorwa imomo, nokuti nguva yava pedo.

“Unorava” zvinoreva kuti kuverenga uchinzwisisa. Hatigoni kungotevera zvinotendwa nekereke. Tinofanira kugona kunzwisisa zvakavanzika zveBhaibheri toziva zvatinofanira kutenda nekukanganisa kwekereke kwatinofanira kugarira kure nako.

Kuzvirereka hakuna kukwanira. Kana tisingagoni kunzwisisa Bhuku raZvakazarurwa nezvarinozivisa pamusoro pechokwadi nekukanganisa, tinonyengerwa topesana nemakomborero. Vanoverenga vachinzwisisa Bhuku raZvakazarurwa voziva zvakavanzika zveBhuku vanenge vagadzirira Kuuya kwaShe. Achava makomborero makuru. Makomborero makuru ariko kwatiri panguva yekupedzisira.

“Iye (mumwechete) naivo (vazhinji) vanonzwa”.

Munhu mumwechete William Branham, akapihwa basa achibatsirwa nevatumwa vanomwe muna Kurume 1963 kuti vazivise Zvisimbiso Zvinomwe. Izvi zvakavagonesa kuzarura zvakavanzika zveBhuku raZvakazarurwa. Izvi zvakabva zvazarura zvakavanzika zvakadzama zveBhaibheri. Ipapo, vari pakati pedu vanoteerera mharidzo dzavo nekudzidzidza, vanogona kunzwisisa Magwaro.

DANIERI 12:10 ... Asi vakachenjera ndivo vachanzwisisa.

Hatigoni kutaura kuti tiri chikamu chevasikana vakachenjera vanosangana neChikomba kunze kwekunge tichigona kunzwisisa zvakavanzika zveBhaibheri reKing James. Kunzwisisa zvakavanzika zveBhuku raZvakazarurwa ikiyi inozarura masuwo emaropafadzo makuru enguva yedu, Kuuya kweChipiri kwaJesu.

Maropafadzo anoshandirwa nenzira dzakaoma

I PETRO 3:9 Musingatsivi zvakaipa nezvakaipa, kana kutuka nokutuka; asi muropafadze, nokuti ndizvo zvamakadanirwa, kuti mugare nhaka yokuropafadzwa.

Kana mukatevera chokwadi cheBhaibheri chakadzama munoguma makupokana nemakereke vari kubudirira kwazvo pakushaiwa zivo pamusoro peBhaibheri. Ivo “vanotuka” (vanotsamwa kana kuzvidza) nekukurambai nekudaidza mazita kuti makaipa. Muzviitiko zvakaipa izvi makomborero kana mukapindura muhunyoro zvinovapawo makomborero.

JAKOBO 3:9 Narwo tinorumbidza Ishe Baba; narwo tinotuka vanhu, vakaitwa nomufananidzo waMwari;

10 mumuromo mumwe munobva kurumbidza nokutuka. Hama dzangu, hatifaniri kudaro.

Tinofanira kudzidza kupikisa dzidziso dzakaipa kwete vanhu.

Kukanganisa kukuru kunoitwa nevanhu vemakereke kutuka munhu vachiti akaipa nekuti munhu anenge asingatenderane nedzimwe dzidziso dzekereke.

Munhu anoenda kukereke akaponeswa akasangana neMagwaro anopikisa zvinotendwa nekereke yake vanotuka munhu avaratidza Magwaro iwyo. Vanenge vasisina chakanaka chavanotaura pamusoro pemunhu uyu. Vanosarudza kubatirira pakereke yavo pachinzvimbo cheMagwaro.

Asi vanotuka munhu vachiti mupikisi (mutendi wenhema) vanorumbidza Mwari zvine ruzha. Izvi hazvitambirike. Tinogona kutuka dzidziso kwete munhu adzidzisa.

JAKOBO 1:25 Asi munhu unocherekedza murairo wakakwana, iwo murairo wokusunungurwa, akaramba achidaro, asati ari munzwi, unokanganwa, asi muiti webasa, iye ucharopafadzwa panezvaanoita.

Kana Mwari vakatanga kuzarura meso edu kuchokwadi chakadzama cheMagwaro tinofanira kuramba tichitevera nzira iyi. Hupikisi hwechokwadi hunosvika pakukura. Kutsvaga chokwadi kuchaoma uye kuchaita zvipingaidzo zvikuru nekukurirwa kwatichakunda. Asi kana kurudziro yezaruriro ichireva zvinhu zvikuru kwatiri kudarika kuomerwa nekushaiwa wekuchemera kwatinoita tiri munzira iyi, kuomerwa munzira yekudzidza kwedu kunova maropafadzo.

Kuturikirwa kwezvakataurwa kwekunatsurudza nekurerutsa kunoitwa nemakereke emharidzo, hakugoni kutsigirwa neMagwaro, kungori makore akaungana emifungo isina basa angore zvipingaidzo mumharidzo zviripo kuzadza intaneti asi zvisina maturo.

JAKOBO 1:12 Wakaropafadzwa munhu uyo unotsungirira pakuidzwa; nokuti kana atendwa, uchapiwa korona yovupenyu yakapikirwa avo vanomuda.

Kutsungirira. Nzira yakaoma ndiyo inoenda kudenga. Asi korona yehupenyu haisi chinhu chamunopfeka mumusoro. Kana munhu wese akapfeka korona kureva kuti haizoiti chiremerera kana chirevo chakadzama. Maropafadzo makuru ndeekuti korona yedu ichava muviri wekusingagumi isina marwadzo. Achave maropafadzo makuru. Akafanira kushingirirwa kuti timawane.

56-0304 KUITA NZIRA

Kana mukarwara maneta nehupenyu huno hwese, muchida kuonekwa kwaIshe Jesu kudarika kuda kwamunoita chikafu patafura yenyu, kana kudarika hupenyu hwenyu, kana vana venyu, kune korona yakachengeterwa imi,

Kwete koronawo zvayo, korona yendarama inoiswa pamusoro penyu, asi muviri usinganzwi kurwadziwa.

we ... kushongedzwa korona mukubwinya kwaMwari, kupfekedzwa korona mukusawora kwaJesu Kristu.

Zvine muyedza kuda kuva chikamu cheboka kuitira kuchengetedzeka mumagariro uyewo kuti ugone kungotevera boka.

Nhau dzenhema pasoshari medhiya dziri kukanganisa makereke vakufanira kuterera mazwi anorwisana aya. Kukura kwemitemo inodzvanyirira mukereke kwakasimbiswa naPope zvikatevedzerwa nemasangano akapikisa akabuda muchiCatholic zvisinei nekupatsanurana kwawo kuita ndudzi 45,000 dzakasiyana dzemakereke.

Mukereke, vese vanofanira kubvumirana nekufanana kunobereka tsime rinoratidzira nekutsigira mafungiro eumwe neumwe. Vanhu vanongonzwa zvavanoda kunzwa ikoko. Kereke imwe neimwe yakadekara nekuda kwekuwirirana kwavo asi vakarovererwa pamazano avo kuti vagone kuramba kutsiurwa kunobva kunze saka vanozviisira muganhu. Kutaura nevamwe kunoreva kuti maonero avo akasimbiswa asi asina zvakakwana kuti vanhu vanzwisise. Saka kurarama munzvimbo yakadekara isingade kugadziriswa kana chiro, izvi zvinova chikafu chemweya chinobikwa nekukasika chine huipi huzhinji chisina zvakakwana kuti zvipe munhu hutano zvekuti tinoita muviri wakasimbisa tichizvikoshesa asi tisina zvakakwana tiine kunzwisisa Bhaibheri kushoma kwazvo.

Mibvunzo yeBhaibheri inongodairwa ichinzi, :Hazvina kukosha, kungori kungotaurawo”.

“Tinofanira kuziva here?”

“Mune zvakakanganiswa muBhaibheri reKing James”.

Kana boka rinotongwa nemunhu risingagoni kudaira mubvunzo yeBhaibheri, tsvagai mhinduro kunze kweboka iroro.

Ndicho chinonzero nei Mwari akasika intaneti.

VAHEBERU 6:7 Nokuti nyika iyo, inoti kana yanwa mvura inosinaya pamsoro payo kazhinji, ikabereka mirivo yakafaniravo avo vanoirima, ndiyo inoropafadzwa naMwari;

Mvura yaMwari inoita kuti nyika ibereke chikafu anova maropafadzo makuru. Kana mune chekudya, Mwari ari kukukomborerai.

Mvura yekutanga ndiyo mvura yedzidziso inotumirwa naMwari kupfurikidza muprofita wenguva yekupedzisira William Branham. Akatiratidza kuti titurikira sei nekunzwisisa sei Bhaibheri reKing James. Mvura iyi yedzidziso iri paintaneti. Chokwadi cheBhaibheri ichi chinorera mweya yedu chiri chingwa chedenga nenguwo dzinotifukidza nguwo dzekururama dzeShoko raMwari.

Chekudya nechekupfeka makomborero akakosha. Zvese panyama nepamweya.

I TIMOTIO 6:8 asi kana tinezvokudya nezvokufuka, tichatenda nazvo.

I TIMOTIO 6:6 Zvino kunamata Mwari pamwechete nokugutsikana nezvatinazvo ndizvo zvinofumisa kwazvo;

Tinomadaidza maropafadzo kana tikawana chimwe chinhu. Asi, kudzidza kugutsikana nezvatawana ndiwo maropafadzo makuru.

Mwari vanotarisira zvido zvedu zvenguva duku asiwo vanotonyanya kutarisira zvido zvehupenyu husingagumi mubairo uri munguva inouya.

TITO 2:13 Takatarira tariro inofadza, nokuvonekwa kwokubwinya kwaMwari mukuru, noMuponesi wedu, Kristu Jesu.

Tariro yedu huru yemaropafadzo ndeapo patinogadzirira Kuuya kweChipiri.

Tinofanira kutsvaga maropafadzo emweya

VAEFESO 1:3 Ngaavongwe Mwari naBaba vaShe wedu Jesu Kristu, wakatiropafadza nokuropafadza kwose kwoMweya, kudenga munaKristu,

Makomborero emweya ndiwo makomborero makuru atinofanira kutsungirira kuti tiwane.

VAGARATIA 3:14 Kuti kuropafadzwa kwaAbrahama kusvike kuvahedheni munaJesu Kristu; kuti tipiwe nokutenda chipikirwa choMweya.

Maropafadzo akavimbiswa Abrahama naMwari aive achizouya kupfurikidza Mwana waAbrahama weMweya Jesu Kristu. Jesu ndiye Shoko raMwari. Mwari anotiropafadza kupfurikidza kutipa kunzwisisa Shoko rake.

Mweya Mutsvene unotitungamirira kupinda muchokwadi cheBhaibheri. Kutenda kwedu kunovakirwa paMagwaro.

JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose;

VAROMA 10:17 Naizvozvo kutenda kunovuya nokunzwa, nokunzwa kunovuya neshoko raMwari.

Kunzwisisa Bhaibheri zviri nani kwatinoita, ndikowo kusimba kwenheyo dzekutenda kwedu.

Hatigoni kuvaka kutenda kwedu paMagwaro atisinganzwisisi. Tinofanira kutsvaga kunzwisisa Magwaro.

Zvakakosha kuti titende kuti Bhaibheri reKing James ichokwadi Chikuru. Tinenge tava nenheyo dzakasimba dzekuvakira kutenda kwedu.

Kana muchitenda kuti vanhu vanotenderwa kushandura Bhaibheri zvinoreva kuti hamuna nheyo dzechokwadi dzekuvakira Kutenda kwenyu.

VAGARATIA 3:8 Norugwaro zvarwakaziva zviri mberi kuti Mwari ucharuramisa vahedheni nokutenda, rwakaparidza Evhangeri kare kunaAbhurahamu, ruchiti: Mauri marudzi ose acharopafadzwa.

9 Naizvozvo vokutenda vanoropafadzwa pamwe chete naAbhurahamu, wakatenda.

Nyika yeChipikirwa yaive isiri iyo ropafadzo chaiyo yaAbrahama kupfurikidza mwana wake Isaka. Maropafadzo enyama ndeenguva duku. MaJuda akarasikirwa neNyika yeChipikirwa kwemakore 70 vari muBabironi vakazoendeswa muhutiziro kwemakore 1900 nemaRoma echipegani.

Maropafadzo chaiwo aAbrahama aive Mwana wake weMweya Jesu Kristu. Marudzi evatorwa akagamuchira Kristu akasangana neruponeso rwemweya yavo rusingagumi yaive ropafadzo inofadza chose.

I VAKORINTE 10:16 Mukombe wokuvonga watinovonga, hakuzi kusongana neropa raKristu here? Chingwa chatinomedura, hakuzi kusongana nomuviri waKristu here?

Komichi yewaini inomiririra Ropa raJesu rakadeuka. Ropa rake rega rinogeza zvivi zvedu. Ropafadzo kumira tisina zvivi pamberi paMwari. Asi Ropa rakadeuka iyeuchidzo yemarwadzo aakatarisana nawo kuti aripire maropafadzo ekubwinya erusununguko rwedu kubva kuzvivi.

Saka kutambudzika, kurwadziwa, nemaropafadzo zvakabatana zvakarukaniswa.

Rambai muchishandira Mwari

I VAKORINTE 4:12 Tinotambudzika, tichibata namavoko edu; kana tichitukwa, tinoropafadza, kana tichitambudzwa, tinotsunga moyo;

Pauro, ari mupostora, aive achiri kugutsikana kushanda semukaki wematente kuti azvichengete. Uyu muenzaniso mukuru kuvaparidzi vedu vemazuvano. “Nguva dzese” kazhinji zvinoreva kuti “kunga dzehupenzi” kuvaparidzi vanhasi. Nguva isina chainoshandiswa imba yekushandira yaDiaborosi.

VAROMA 15:29 Ndinoziva kuti kana ndichivuya kwenyu, ndichavuya nokuropafadza kwakazara kweEvhangeri yaKristu.

Pauro aive nezvakawanda zvekudzidzisa. Dzidziso dzake dzemweya dzakatanga kereke munzira yechokwadi aive maropafadzo makuru kunguva yekereke yekutanga. Vaiziva chokwadi chaMwari vachichiparidza munyika dzevaHedeni.

VAROMA 12:14 Ropafadzai vanokutambudzai; ropafadzai, musatuka.

Kuparidzwa kunoitwa chokwadi cheBhaibheri, Satani anogadzirirawo kudzorera vamwe shure. Kana vanhu vakakutambudza kutokudzwa. Unenge watsamwisa Diaborosi. Vanokutambudza vangori midziyo inoshandisika muruoko rwaSatani. Musavhundutswe nekutukwa. Kune vakapikisa chokwadi vonzwa tsitsi pamusoro pevanhu varombo vari kupikisa chokwadi. Kana zvikasakupa mubairo rutivi rwuno, zvichapa mubairo kune rumwe rutuvi. Chatinogona kuita kukumbira Mwari kuti avakomborere nekuzarura meso avo kuchokwadi kuti vashandire Mwari kuti vawane mubairo pachinzvimbo chekushanda vachipikisa Mwari kuti varangwe.

VAROMA 4:5 Kunousingabati, asi unotenda kunaiye unoruramisa munhu usingadi Mwari, kutenda kwake kunonzi kwaari ndiko kururama.

6 Sezvinoreva vo Davidi, kuti wakaropafadzwa munhu unonzi naMwari wakarurama, kunze kwamabasa,

7 achiti: Vakaropafadzwa vakakanganwirwa zvisakarurama zvavo, Navakafukidzirwa zvivi zvavo;

8 Wakaropafadzwa munhu usinganzi naShe unezvivi.

9 Zvino kuropafadzwa uku ndokwavakadzingiswa, kana kwavasina kudzingiswa here? Nokuti tinoti, kunaAbhurahamu kutenda kwake kwakanzi ndiko kururama.

Vahedeni pavakatenda kuti tinoponeswa nenyasha kupfurikidza kutenda muna Jesu Kristu, Mwana waAbrahama wemweya, ipapo zvivi zvedu nekudarika kwedu zvakaregererwa zvivi zvedu zvikagezwa. Chikomborero chakadii chekuregererwa zvivi zvedu. Ndiwo maropafadzo makurusa kudarika ropafadzo yehutano nepfuma.

MABASA 20:35 Pazvinhu zvose ndakakuratidzai, kuti muchibata muchidai, munofanira kubatsira vasinesimba, nokurangarira mashoko aShe Jesu, sezvaakataura amene achiti: Kupa kunamaropafadzo kupfuvura kugamuchira.

Kugamuchira zvinhu zvakaita semidziyo nepfuma maropafadzo. Asi zvinouya nebasa. Tinofanira kugadzirira kushandira zvatinogamuchira nekushandisa mamwe emakomborero iwayo kupa nekutsigira vanoshaya nevanotambudzika. Kana tikapa mari nemidziyo tinowana maropafadzo makuru kudarika zvatinowana kana tichipa mari nemidziyo.

ZVIREVO 19:17 Anonzwira varombo tsitsi, anoposana naJEHOVA; Achamuripira basa rake rakanaka.

Mukakwereta mari kuna Mwari munoipa kuvarombo. Mwari vagara vanoripira zvikwereti zvavo. Ropafadzo iyoyo ndeyechokwadi.

Munhu akangwara akamboti mari yega yatingape kuna Jehova imari yatinopa vanotambura.

MABASA 3:25 Imi muri vanakomana vavaporofita, navesungano, yakaitwa naMwari namadzibaba enyu, achiti kunaAbhurahamu: Marudzi ose enyika acharopafadzwa muvana vako.

26 Mwari wakatanga kukumutsirai imi Mwanakomana wake Jesu, akamutuma kukuropafadzai, achidzora mumwe nomumwe wenyu pazvakaipa zvake.

Maropafadzo aAbrahama ndiEmanuere, Mwari unesu. Mwari akava munhu kuti atifire kuti titendeuke tizvarwe patsva. Ndiyo yega yaive nzira yaikwanisa kushandiswa naMwari kutibvisa kukutadza kwedu. Kutadza kuita chakaipa tichiziva kuti chakaipa. Chivi ichi chivi chakaoma kwazvo kuti tidzikinurwe kwachiri. Kristu ega ndiye anokwanisa kutigadzirisira dambudziko iri.

JOHANE 20:29 Pakanga pamirepo hari izere nevhinega; zvino vakaisa chipanje chizere nevhinega parutanda rwehisopi, vakaruisa kumuromo wake.

Kana tichigona kutenda kuBhaibheri reKing James zvinoreva kuti takaropafadzwa. Nekuti kunzwisisa Bhaibheri reKing James kunotigadzirira Kuuya kwaJesu kweChipiri. Ndiwo maropafadzo makuru atingatarisire.

Panguva yekupedzisira tinofanira kutevera Magwaro zvakazara

RUKA 12:42 Ishe akati: Ndianiko mutariri wakatendeka, wakachenjera, uchaiswa nashe wake pamusoro pavaranda vake, kuti avape mugove wezvokudya zvavo nenguva yakafanira?

43 Wakaropafadzwa muranda uyo, unoti, kana ishe wake achisvika, akamuwana achiita saizvozvo.

44 Zvirokwazvo ndinoti kwamuri, kuti uchamugadza ave mutariri wezvose zvaanazvo,

Maropafadzo makuru anogamuchirwa nemuranda waMwari vachava vanhu vaya vanogovanisa Shoko nekuudza vanhu zvavanofanira kuziva pamazuva ekupedzisira. Chinhu chekuti tinofanira kudzokera kunotenda zvakatendwa nekereke yekutanga yemapostora.

Nekuti pasita haana kubvira aita musoro wekereke muTestamente Itsva.

Nekuti zvakataurwa nehama Branham zvinofanira kutsanangura Bhaibheri reKing James uye hazvifaniri kutsiva Bhaibheri.

63-1110 UYO ARI MAURI

Tendai mharidzo dzese. Tendai izvozvo. Kana zvisina kunyorwa muBhaibheri, musatenda mazviri.

60-0804 GONDO RINORINGA DENDERE RARO

Tinoziva kuti Bhaibheri rinotaura chokwadi; harisi izwi rangu; izwi raMwari, richitaura.

63-0707 KUPOMERWA

Handinei nekuti munotenda mune zvipi; zvinotaurwa neBhaibheri ndizvo chokwadi.

63-0707 KUPOMERWA

Akarovererwepi? Kubva kumapasita. Vanyengeri.

64-0830 MIBVUNZO NEMHINDURO.3

Kundiita munhu waShe Jesu Kristu kuva antikristu.

Mwari vachatiropafadza kana tikafuratira vanhu vatinowana kubva kwavari tikabikira vasina tariro varombo vasingakwanisi kutiitira chero chiro.

RUKA 14:12 Akati vo kuno wakamukokera: Kana wagadzira chisvusvuro kana chirayiro, usadana shamwari dzako, kana vanun’una vako kana hama dzako, navafumi vokwako, kuti varege kukukokera zve, ugoripirwa.

13 Asi kana wagadzira mutambo wokudya, ukokere varombo, nezvirema, navanokamhina, namapofu.

14 ipapo ucharopafadzwa, zvavasina zvavangakuripira nazvo, nokuti ucharipirwa pakumuka kwavakarurama.

Mwari havavimbisi makomborero emudziyo kana tikabatsira varombo.

Asi Mwari vanonongedza mubairo unogara nekusingagumi. Kana vakafa vamuka, zvinovamba zviitiko zvenguva yekupedzisira apo miviri yedu inoshandurwa totorwa kukwira kudenga kunosangana naShe kumakore. Hakuna makomborero epanyika anogona kuenzaniswa nemuviri unouya wekubwinya. Ngatipei kune avo vasingadiwi nevanoshaya zvinokudza mikana yedu yekuva takagadzirira kana rumuko rwaitika.

RUKA 24:50 Zvino akavatungamirira kunze kweguta kusvikira pakatarisana neBetania, ndokutambanudza mavoko ake, akavaropafadza.

51 Wakati achavaropafadza, akaparadzana navo, akakwidzwa kudenga.

Chinhu chekupedzisira chakaitwa naJesu paakabva panyika chaive chekuropafadza vadzidzi vake.

Mwari anoriritira vanhu vake. Asi chinhu chikuru chatinoda kunzwisisa Kuda kwaMwari kuti tigone kubatira Hushe hwake pamabasa edu nezvitendero zvedu. Mukereke imwe neimwe Mwari ane Zano. Munguva yedu Mwari akatuma muprofita kuzivisa zvakavanzika zvaMwari. Zvakavanzika zvakaziviswa izvi zvinotitungamirira kudzokera kuzvitendero zvekereke yekutanga yemapostora. Ndizvo zvega zviri kudiwa naMwari kunguva yedu. Zvimwe zvinhu zvese hazvina kunyanya kukosha.

Mukadzi akambodanidzira kuna Jesu kuti mai vake, Maria, vakaropafadzwa. Maria akanongwa naMwari kuti abereke ari mhandara. Chokwadi ndicho chikomborero chikurusa.

RUKA 11:28 Asi iye akati: Hongo, zvikuru vakaropafadzwa vanonzwa shoko raMwari, vachirichengeta.

Kwete. Chikomborero chikuru kugona kunzwisisa Shoko raMwari nekuchengetedza zvakanyorwa muMagwaro.

Kwete kusvika pakurasiswa nekuendeswa kudzidziso dzisina kunyorwa dzakafanana neKutinhira kunomwe, Zita idzva raJesu, neZvisimbiso zvinomwe zvisina kunyorwa.

ZVAKAZARURWA 19:12 ... wakanga anezita rakanyorwa, risina kuzikanwa nomunhu, asi naiye bedzi

RUKA 10:23 Ipapo akatendevukira kuvadzidzi vake, akati kwavari, vari voga; Meso, anovona zvamunovona, akaropafadzwa.

24 Nokuti ndinoti kwamuri: Vaporofita vazhinji namadzimambo vaida kuvona zvamunovona, vakasazvivona, nokunzwa zvamunonzwa, vakasazvinzwa.

Hatizozivi kuti zvakavanzika zvakaziviswa zvakakosha zvakadii muZano raMwari.

Maprofita nemadzimambo emuTestamente Yekare angadai akaita chero chinhu kuti vanzwisise zvaive zvakavanzwa naMwari kuseri kwemicherechedzo nenzira dzemuTestamente Yekare.

Kunzwisisa chokwadi chaMwari panguva yekupedzisira chikomborero chikurusa kudarika zvatingafunga.

RUKA 7:23 Wakaropfadzwa usingagumbuswi neni.

Asi chokwadi chinosimudza hupikisi hukurusa. Muchazvidzwa nekupikiswa nekutukwa. Asi munofanira kusarudza chokwadi kudarika kupihwa mbiri nevanhu. Kana kumira nechokwadi chakaziviswa kunoita kuti vanhu vakuvengei, hamufaniri kutsamwa asi kutosarudza kuvengerwa chokwadi. Chokwadi chinofanira kukosha kudarika hupikisi hwevanhu.

RUKA 6:28 Ropafadzai vanokutukai, munyengeterere vanokumhurai.

Tinofanira kugaronamatira vavengi vedu. Dzidziso dzavo nehunhu hwavo zvakaipa asi vakangorasiswawo nekunyeperwa nemweya waantikristu. Asi dai pasina nyasha dzaMwari tinogona kunge takatokanganisa zvakafanana nezvavakaita. Kana tikavanamatira, Mwari anogona kuvarwira kubva kumweya iwoyo totoona kuti vamwe vavo vanhu vakanaka.

Nzira yekuenda Kudenga haisi nyore

Denga inzvimbo yakanaka asi inzira yakaoma yega inogona kutisvitsako.

RUKA 6:20 Zvino wakatarisisa vadzidzi vake, akati: Makaropafadzwa imi varombo, nokuti vushe hwaMwari ndobwenyu.

Tese tinotenda kuti hupfumi makomborero.

Asi nemari tine sarudzo dzakawandisa dzinenge dzakavhurika pamberi pedu. Mikana yedu yekuita sarudzo dzakanaka haina kuwanda. Saka, tinoguma takutevera kuda kwedu, kwete Kuda kwaMwari.

RUKA 6:24 Asi munenhamo imi vafumi, nokuti mapiwa kunyaradzwa kwenyu.

Kuwanda kwemari yamunobata, ndikowo kuoma kwazvo kuti mupinde Denga.

MATEO 19:23 Jesu akati kuvadzidzi vake: Zvinoremera mufumi kupinda muvushe bwokudenga.

24 Ndinoti kwamuri zve: Kamera ingarerukirwa kupinda paburi redumho, kumufumi kupinda muvushe bwaMwari.

Rudo rwekupfuma rwunotirasisa sezvo pfuma inotonga mafungiro edu zviri nyore yotifambisa kubva pakunzwisisa zvakavanzika zveMagwaro izvozvega zvinogona kutigadzirira Kuuya kwaShe.

I TIMOTIO 6:9 Asi vanotsvaka kufuma, vanowira mukuidzwa nomumusungo, nomukuchiva kwoupenzi kuzhinji kunokuvadza, zvinonyudza vanhu mukuparadzwa nokurashwa.

10 Nokuti kuda mari ndiwo mudzi we zvakaipa zvose; vamwe vakati vachiida zvikuru vakatsauswa pakutenda, vakazvibaya neshungu zhinji.

11 Asi iwe, munhu waMwari, tizazvinhu izvi; utevere kururama nokunamata Mwari, nokutenda, norudo, nokutsungirira, novunyoro

Vhesi rinodakadza. Mari haitibatsiri kuti tive vakarurama kana kuti vanonamata kana kuti vanotya Mwari. Mari haiiti kuti tive nerudo rwakawanda kana kuti tivakire pakutenda zvakanyanya.

Asi mari inozarura nzira dzinotirasisa zviri nyore.

MATEO 16:26 Nokuti munhu uchabatsirweiko kana akawana nyika yose akarashikirwa novupenyu hwake?

RUKA 6:21 Makaropafadzwa imi munenzara zvino, nokuti muchagutiswa. Makaropafadzwa imi munochema zvino, nokuti muchaseka.

Tarirai chinhu chakakosha. Kuita nzara nekusuwa hazviiti semaropafadzo. Asi zvinhu izvi kuomerwa kwenguva duku. Kutsvaga chokwadi kwakakosha kwazvo zvekuti hatifaniri kufunganya pamusoro pekutambudzika kana kwatiwira. Kutambudzika kunongoda kutibviswa panzira kunodarika nenguva. Kunzwisisa chokwadi cheBhaibheri makomborero anotisvitsa pakunowana muviri usina marwadzo usingagumi wekuti tiri nawo tinoshandira Mwari nekusingagumi.

RUKA 6:22 Makaropafadzwa, kana vanhu vachikuvengai, vachikudzingai, vachikuzvidzai, vachirasha zita renyu sechinhu chakashata, nokuda kwomwanakomana womunhu.

Kana mukadzingwa mukereke nekusvorwa neshamwari dzenyu munofanira kufara kwazvo, kwete kusuwa.

RUKA 6:23 Farai nezuva iro, mupembere, nokuti tarirai, mubairo wenyu kudenga mukuru; nokuti madzibaba avo akaitira vaporofita zvakadaro.

Kurambwa makomborero, nekuti maropafadzo chaiwo ari muhupenyu hunotevera hwatiri huno. Nyika ino ine makomborero enguva duku asina kukosha .

Vhesi rekupedzisira iri rinotidzidzisa kuti tinogona kurarama kunze kwekereke, asi hatigoni kurarama kunze kwaKristu.

Kana tikadzingwa mukereke tinenge tiri pedo naKristu nekuti, seShoko raMwari, Bhaibheri reKing James, akadzingwaro mukereke yekupedzisira.

ZVAKAZARURWA 3:14 Nyorera mutumwa wekereke iri paRaodhikia, uti:

ZVAKAZARURWA 3:20 Tarira, ndimire pamukova, ndichigogodza; kana munhu akanzwa inzwi rangu, akazarura mukova ndichapinda kwaari, ndicharayira naye, naiye ucharayira neni.

Jesu haachatsvagi kereke. Ari kutsvaga vanhu vakazvimiririra vega. Chero munhu ari kuda chokwadi cheBhaibheri.

ZVAKAZARURWA 3:21 Unokunda ndichamupa chinhu ichi, kuti agare neni pachigaro changu chovushe, seni vo ndakakunda, ndikagara pamwe chete nababa vangu pachigaro chavo chovushe.

Chinhu chikuru pakupedzisira ndechekukunda. Kune kuipa kuzhinji kuri kupikisa kereke. Makereke akatorwa akakurirwa nemazano evanhu. Zvino, vanhu vakazvimiririra vakufanira kutsvaga Jesu, Shoko, kunze kwekereke. Makereke aive nzvimbo yekuchengetedzeka. Chipingaidzo chekupedzisira chiri kufanira kukurirwa ndechekuti kereke yava riva rehunyengeri umo chokwadi cheBhaibheri chiri kudzikisirwa nekurambwa.

ZVAKAZARURWA 3:22 Unenzeve ngaanzwe zinoreva Mweya kukereke

Tinofanira kuteerera Shoko raMwari. Bhaibheri.

William Branham haasi izwi raMwari. Izwi remutumwa wechinomwe akauya kuzozivisa zvakavanzika zveBhaibheri nekutidzorera pakutenda zvakatendwa nekereke yekutanga.

Tinoda kuzarurirwa mumoyo yedu kuti Jesu ndiyani

MATEO 16:17 Jesu akapindura akati kwaari, wakaropafadzwa iwe, Simoni Bar-Jona nokuti nyama neropa hazvina kukuzivisa izvozvo asi Baba vangu vari kudenga.

Maropafadzo aPetro aive ekuti Mwari akazarura meso ake kuzaruriro yekuti Jesu ndiyani. Mwari panyama. Munhu uyo mukati make makagara kuzara kwaMwari.

VAKOROSE 2:9 Nokuti kuzara kwovuMwari kunogara maari pamuviri.

Tese tinoda zaruriro yaJesu Kristu. Kuti ndiyani, Mwari wamasimbaose. Jesu ndiye Shoko raMwari, Bhaibheri reKing James. Aripi? Kunze kwemakereke ese.

Ari kuedza kuita sei? Kuti vanhu vakazvimiririra vadzoke pazvitendero zvakatendwa nekereke yeTestamente Itsva.

Nzira inofunga naJesu yakasiyana nemafungiro edu.

MATEO 5:3 Vakaropafadzwa varombo pamweya nokuti vushe hwokudenga ndohwavo.

Kana tiri varombo pamweya tichitambudzika nekunyimwa, tinenge tiri munzira yedu yekuenda Kudenga.

Nzira yemaKristu iri pakuzviramba. Tinofanira kuzvipira kurasikirwa muhupenyu.

MATEO 16:24 Zvino Jesu akati kuvadzidzi vake, kana munhu achida kuvuya shure kwangu ngaazvirambe asimudze muchinjikwa wake anditevere

Kana tikatevera zvenyika kana kutadza kwemakereke kuti tizviwanire zvinhu zvenyika ino nekuponesa hupenyu hwedu tinenge takatarirwa kukundikana kuwana hupenyu hunotevera.

MATEO 16:25 Nokuti aninani unoda kuponesa vupenyu hwake ucharashikirwa nahwo. Asi aninani unorashikirwa novupenyu hwake nokuda kwangu uchahwuwana.

Nzira yekusimuka iri pasi. Kana tikatambura pano, tichakurira ikoko. Tinofanira kugadzirisa zvinangwa zvedu zvemusha wedu unouya, kwete magarikwa edu anhasi nebudiriro yanhasi.

Nhamo pamweya kuziva kupererwa kwako. Tinoshaiwa pane chero chinhu kana zvinhu zvese kana zvichienzaniswa naJesu. Munhu anoziva zvese haana chaanogamuchira. Hamugoni kudira chinhu mukomichi yakazara. Mwari haagoni kutishandisa kusvikira tava makomichi asina chinhu. Ipapo chete ndipo mweya wake unogona kutitonga. Zvese zviri pamweya waKristu kwete patiri.

MATEO 5:4 Vakaropafadzwa vanochema nokuti vachanyaradzwa.

Hupenyu haubvi pakufara nekuita nguva dzakanaka. Hupenyu musanganiswa wemafaro nekusuwa.

Tinotendeutsa hupenyu hwedu zviri nyore kubva pakureva chimwe chinhu kuhuisa pakushaiwa maturo.

Tinogutsikana nekushaiwa chiro zviri nyore panhau dzemweya. Kuita kwemazuvano kusina maturo kwekugarobaya mafoni pasoshari medhiya kungozadza nguva dzisina chinhu pazuva.

Mufaro unoita seunotiza. Kusuwa kunotidzidzisa chidzidzo chakadzama.

Kusuwa ibanga rinocheka komichi inotakura mufaro wedu.

Kusagona kutakura kusuwa zvinorevawo kutadza kutakura mufaro.

Nyika inopa nyaradzo shoma kwazvo kumaronda makuru ekurwadziswa mumoyo.

Kana tikachena zvechokwadi tinosvika pakuwana nyaradzo muna Kristu. Hakuna umwe anogona kubatsira.

Kuva pedyo naKristu maropafadzo, kwete zviitiko zvatisvitsa paari.

Kana tikademba zvedi pazvivi zvedu nekuchema nazvo ndipo patinowana kutendeuka kwechokwadi nekuregererwa.

MATEO 5:5 Vakaropafadzwa vanyoro nokuti vachagara nhaka yenyika.

Takakomborerwa kana tichizvininipisa nekuzvipira kuna Mwari.

Mwari anodei kwatiri nhasi? Anoda kuti tifambe nerutivi rwakasiyana nerwemakereke akaparadzana kuita makumi ezviuru zvemasangano anotenda dzidziso dzakaitwa nevanhu kana vaponeswa. Mwari ari kuda kuti tishingirire pakupikiswa nekutukwa kwedu patinodzoka pakutenda zvakatendwa nekereke yemapostora enguva yekereke yekutanga. Kuzvininipisa hakumo muhunhu hwedu. Asi takaropafadzwa kana tichigona kuchegeta kuninipa nerudo rweMagwaro patinobva pamazano ekereke.

Vakaninipa vanopihwa nhaka yenyika. Haizotorwi kwavari.

Jesu haana kubvira atanga kurwa. Haana kubvira apinda munhau dzekuzviunganidzira pfuma. Asi akakurira paCalvari. Mukuzvininipisa tinofanira kuzvipira kuShoko raMwari nekuti Jesu ndiye Shoko raMwari.

MATEO 5:6 Vakaropafadzwa vanenzara nenyota yokururama nokuti vachagutiswa kwazvo.

“Nzara nenyota” mucherechedzo wakaoma wekuderedzwa kusvika pakufunga kukuru nerudo rwekunzwisisa zvakavanzika zvaMwari.

Vasikana mapenzi vanoti “Tinofanira kuziva here?” vanoda zvinhu zviri nyore. Kusaziva kunorevererwa.

Vasikana vakachenjera vanoti “Tinotofanira kuziva”. Vanoita simba rekufukunura chokwadi cheShoko raMwari.

Nzara nenyota zvinoratidza kuzvipira kunoitwa nevasikana vakachenjera pakutsvaga chokwadi.

Leonard Ravenhill, mubhuku rake, Revival God’s way, akanyora achiti, “Kereke ikozvino yakuwanza feshoni kudarika chido, yakushoreka kudarika kuprofita, yakuwanza zvenyama kudarika zvemweya. Mune nzara nenyota yekururama here?

Nzara nenyota yekururama zvinotaura kuda nekushuvira, nekudokwairira zvakarurama. Mune chishuwo chekururama here kana kuti munogutsikana nezvamuri? Kana kugutsikana nezvamunoziva?

DANIERI 12:10 asi vakachenjera ndivo vachanzwisisa.

MaKristu akachenjera anogara achitsvaga kunzwisisa Magwaro kwakadzama.

Rudo rwekuziva zvakawanda haruperi zvachose.

MATEO 5:7 Vakaropafadzwa vanengoni nokuti vachaitirwa ngoni.

Vakafara ndeavo vanorangarira kuti vakaregererwa vasina kufanira kuregererwa. Vari pachinzvimbo chekuregerera. Ngoni dzinobva paRwizi rweHupenyu serwizi rwemvura rwunofanira kuerera.

Ngoni dzinoyerera kubva kuna Mwari dzichiuya kwatiri dzinofanira kuerera nematiri dzichienda kune vamwe.

Ngoni dzaMwari ndidzo dzinotipa kuti tiite tsitsi.

Kana ndakaregererwa zvakazara, ndingarambe here kuregerera vamwe? Tsitsi dzinoyerera dzichibuda mandiri kuenda kune vamwe zvinosika nzvimbo umo ngoni dzakawanda dzinoerera kupinda mandiri kubva kuna Mwari kuti dzifukidze zvivi zvangu.

Kana ngoni dzikamiswa nesu nekuti hatidi kudziitira vamwe, mvura inoerera inomira panzvimbo imwe yoshatiswa. Kunhuhwa nekuchengeta zvirwere ndiro rinenge rave basa rayo. Nekuramba kuti tsitsi dziendewo kune vamwe, tinosvibisa tsitsi dzatinogamuchira kubva kuna Mwari.

Mateo 5:8 Vakaropafadzwa vakachena pamoyo nokuti vachavona Mwari.

Moyo wakarurama unobva panyasha dzinougeza. Maropafadzo aya ibasa remukati kwete kuwana zvinhu zvenyama zvekunze.

Kana tikaona Mwari achiziviswa muShoko rake ari Jesu Kristu, anofamba nemapeji eBhaibheri, tinoshaiwa basa nezvido zvemoyo yedu isu. Hatina chatinoona chinodarika kuda kumushandira.

Tinoda Kristu ega kuti agare mumoyo yedu.

NaJesu mumoyo yedu achititonga, tinenge takakomborerwa zvemazvirokwazvo.

Asi Jesu anoda moyo wakarurama kuti agare mauri. Wakagezwa neRopa rake.

Moyo wakarurama unoshandiswa naJesu pachigaro chake chaanotonga zvakazara.

Kana Jesu asiri Ishe wazvose, anenge asitori Ishe zvachose.

Mwari ndiye rugare Satani ndiye kurwadziswa

MATEO 5:9 Vakaropafadzwa vanoyananisa nokuti vachanzi vana vaMwari.

Kuedza kuita rugare pakati pevanhu kupfurikidza kusadaira pahondo dzavo nekutuka kwavo nekumwe kurwa nekutuka. Kuva munhu akasununguka kune vasina kusununguka.

Kuedza kuita rugare pakati pevanhu naJesu nekuita kuti zvivi zvavo zviregererwe. Nekuita kuti kusatenda kwavo kuregererwe nekuvaita kuti vatende zvakavanzika zveShoko raMwari kuti vatende muBhaibheri kuti vanzwisise.

Nguva yamunotanga kuzivisa zvakavanzika zveMagwaro Diaborosi anosunungura ruvengo rwake pamuri. Vanhu vekereke vanodaira zvakaipa pavanotsvaga kuchengetedza dzidziso dzavo dzisimo muMagwaro dzakazadza ndangariro dzavo.

MATEO 5:10 Vakaropafadzwa vanotambudzwa nokuda kwokururama nokuti vushe hwokudenga ndohwavo.

11 Makaropafadzwa imi kana vachikuzvidzai, vachikutambudzai, vachikupomerai zvakaipa zvose dziri nhema nokuda kwangu.

Kana mukarovererwa zvechokwadi nekuzvidzwa, makaropafadzwa. Makaripira muripo Mwari anofadzwa nemi. Chikonzero nei vanhu vemakereke vachikurwisai ndechekuti munoziva chokwadi chinoisa dzidziso dzemakereke panjodzi. Pamusoro pazvose, Jesu amire kunze kwekereke havadi kutombozvinzwa. Imwe neimwe yemakereke akasiyana anofunga kuti vari pakati peKuda kwaMwari zvisinei nekushandisa mazwi asimo muMagwaro. Zvisinei nekusanzwisisa zvakavanzika zvaMwari.

MATEO 12:12 Farai mufarisise kwazvo nokuti mubairo wenyu mukuru kudenga. Nokuti vakatambudza saizvozvo vaporofita vakakutangirai.

Mazuva 1335 ambori eyi?

Kana kereke yekupedzisira yapera, nguva yekutambudzika kukuru inopindira kwemakore matatu nehafu, mazuva 1260. Uku kuchava kutonga kwaMwari.

Maropafadzo makuru kuvasikana vakachenjera vanoita Mwenga waKristu ndeekuti vachange vari Kudenga paMutambo weMuchato vachapesana nekuipa kwenguva yeKutambudzika kukuru.

Kunobva kwauya hondo huru yeAmagedhoni nekutanga kwekunatswa kuchapinda kana kuuya muMereniyamu.

1335 -1260 = mazuva 75

Mereniyamu kana makore 1000 erugare anobva atanga Mwenga achange aripo mumiviri yavo yekubwinya isina zvivi kuti vatange kurarama naJesu Kristu nekusingaperi. Achave maropafadzo apo tichave kunze kwenguva zvekuti hatisi kuzochembera kana kufa. Maropafadzo akadii aya!

Chero marwadzo atakambosangana nawo achaverengwa sepasina kana takatarisa kubwinya kusingagumi.

JEREMIA 17:7 Wakaropafadzwa iye munhu unovimba naJEHOVA, wakaita JEHOVA chivimbo chake.

Pakupedzisira, tinoona kuti zvaive zvisina chekuita nesu. Mwari vakazviita zvese nekutipa maropafadzo nekuti tinovimba naMwari pakuitirwa zvese, tinoziva kuti hupenyu husingagumi huri mumaoko akanaka.