Marko 08 Varanda vanoenda neEvangeri kuvaHedeni

We update studies as the Lord Jesus leads us. You can find the latest update of this study at ChurchAges.net

Kristu akaratidzira mabasa ake pakati pekereke yevaHedeni

Marko anotaura pamusoro paKristu seMuranda Mukuru. Saka, Marko anodzidzisa kuti tingashandira Mwari sei.

Chitsauko ichi chinotsanangura kuti Jesu achashanda sei pakati pevaHedeni munguva nomwe dzemakereke dzinotevera.

Chero Jesu ari kufamba pakati pemaJuda muchitsauko ichi, kuita kwake kuri kuratidza zvaaida kuita nguva inouya pakati pevaHedeni mumakore 2000 enhorondo yekereke.

MARKO 8:1 Namazuva iwayo ze kwakanga kunavazhinji-zhinji, vakanga vasina zvavangadya, akadanira vadzidzi vake kwaari, akati kwavari,

VaHedeni vaive mapegani saka vaive vasina Dzidziso dzekuparidzira kuti mweya yevanhu iponeswe.

Asi kune vaHedeni vakawanda vanoda kunzwa Evangeri sezvo vakapararira pasi rese uye vakaparadzirwa mukati memakore 2000 enhorondo.

Jesu akadaidza vadzidzi vake kwaari. Ndiye Shoko raMwari. Saka nekuuya kuna Jesu, vadzidzi vairatidza kuti vaifanira kutevera Magwaro sezvo vaifanira kuzivisa dzidziso kuitira kereke yaizotevera. Dzidziso dzese dzaifanira kunongedzera kunaJesu ari Shoko raMwari. Kana tikangonongedzera mumwe munhu, zvinhu zvinokanganisika. Kukosha kunofanira kuiswa paShoko raMwari.

Munzwei, Jesu Kristu.

MARKO 8:2 Ndine tsitsi navanhu vazhinji nokuti atova mazuva matatu avakagara neni vasina zvokudya;

Mazuva matatu mucherechedzo wakakosha. Nguva nhatu dzemakereke dzakaona chokwadi chekereke yekutanga chichirasika. Saka nguva yekereke yechina yaive Nguva yeRima inotyisa.

Nguva nhatu dzekereke dzakadzosa chokwadi.

Kereke yevaHedeni yaive nechokwadi pakutanga, totenda vapostora. Kereke yakabva yarasa chokwadi munguva nhatu dzakazotevera dzekereke kusvikira vazoguma vava muNguva yakaipisisa yeRima guru nguva yekereke yechina.

Mwari vaifanira kufudza kereke kwenguva nhatu dzekupedzisira dzekereke kuti idzoserwe kuchokwadi chenguva yekereke yekutanga.

Martin Luther, munguva yechishanu, akadzorera kuponeswa nekutenda kwega. Bhaibheri reKing James rakaturikirwa rikaongororwa kwemakore anodarika 160 kusvikira razoshambadzwa muna 1769.

John Wesley, munguva yekereke yechitanhatu, akadzorera hutsvene nekuparidzira. Zvakateya nheyo dzenguva huru yemamishinari yakaparidza Bhaibheri reKing James pasi rese.

Pentekositi yakadzorera zvipo zvemweya, William Branham akadzorera zvakavanzika zveBhaibheri munguva yekereke yechinomwe, zvinofanira kutidzorera kunotenda zakatendwa nekereke yekutanga.

Saka, nguva dzakakosha inguva nhatu dzekupedzisira dzakadzorerwa chokwadi. Kunyanya nguva yekupedzisira umo chokwadi chakazara chakadzorerwa kekutanga kubva zvakapera kereke yekutanga.

MARKO 8:3 Kana ndikavaendesa kumusha kwavo vainenzara, vachaziya panzira: vamwe vavo vanobva kure.

MaJuda aya vaive vabva kure uye vaisakwanisa kuzvitsvagira vega chekudya kubva kudzimba dzavo. MaJuda emweya, kereke, vaive vakarasika kure kure mutsika dzevapegani vasingagoni kuvimba nemisha yavo (kana kuti makereke) kuti vawane chokwadi sezvo kereke yaive yaenda kure neMagwaro. Kunyanya munguva yekereke yechinomwe apo Jesu amire kunze kwekereke. Kukanganisa kwevanhu netsika dzemapegani dzakaita seKisimusi, Chishanu chakanaka, neTiriniti zvazara mukereke.

MARKO 8:4 Vadzidzi vake vakapindura vakati kwaari: Munhu angawanepiko murenje muno zvingwa zvingagutsa vanhu ava?

Renje. Nhasi tine ndudzi dzinodarika 45,000 dzemasangano nemagungano emakereke nendudzi dzinodarika zana dzeBhaibheri reChirungu. Munhu anogona kurasika zvachose pakati pemisiyano iyi pasina tarisiro yekuwana kana kuziva chokwadi. Renje reMweya chairo.

“Munhu anogona here kugutsa vanhu ava nechingwa”. Hakuna munhu aigona kuita izvi.

Luther akaunza shanduko yakanaka vanhu vakatanga kudzidza Bhaibheri.

Wesley akazivisa chokwadi chakawanda pamusoro pehutsvene nekuparidzira.

Pentekositi yakawedzera zvipo asi ikapatsanuka muna 1917 ikarasa gwara.

Hama Branham vakadzorera chokwadi, asi vateveri vavo vakaisa zvaakaparidza pamusoro peMagwaro vakamudaidza kuti Mwanakomana weMunhu uye Izwi raMwari. Nekuturikira zvaakataura zvisizvo, vakaita ndudzi dzinodarika zana dzemharidzo. Saka, renje remweya rakaparidzwa pakati pevanhu vemharidzo nevaparidzi vavo vanozvisimudzira. Testamente Itsva haina kubvira yatiti tiise pasita pakutonga kereke.

Kune Munhu umwechete chete, Jesu Kristu Shoko, anogona kutipa gwara. Saka, tinofanira kutora zvakataurwa nehama Branham tozvipima neMagwaro totsigira zvatinotenda tichishandisa Bhaibheri reKing James Vezheni. Nekutaura zvakanyorwa muBhaibheri ndipo patinokwanisa kuwana gwara sezvo Magwaro achitikurudzira kudzokera kunotenda zvakatendwa nekereke yekutanga. Vakatenda Magwaro ari muTestamente Itsva.

MARKO 8:5 Akavabvunza akati: mune zvingwa zvinganiko? Vakati, Zvinomwe.

Chingwa mucherechedzo wedzidziso. Kune zvingwa zvinomwe zvevaHedeni. Chingwa chimwechete kunguva imwe neimwe yemakereke manomwe.

Nguva inwe neimwe yekereke yaive nemanna itsva kunguva yayo, pasi pehutungamiriri hwemutumwa kunguva iyoyo. Izwi remaGiriki rekuti “angelos”, rinoturikirwa richinzi mutumwa rinoreva nhume.

MARKO 8:6 Zvino akaraira vanhu vazhinji kuti vagare pasi: akatora zvingwa zvinomwe, akavonga, akazvimedura, ndokupa vadzidzi vake kuti vaise pamberi pavo; vakazviisa pamberi pavazhinji.

Garai pamuri. Kurai pamakadyarwa. VaHedeni vaive vachifanira kushandira Mwari mune chero nguva yekereke yavaive vakasimwa. Vaifanira kushandira Mwari mune chero zvavaisangana nazvo, zvakanaka kana zvakaipa zvavaive vachisangana nazvo. Nguva imwe neimwe yekereke yaifanira kufamba nenzira yakasarudzika. Nguva yedu yekupedzisira inofanira kutenda kuti Bhaibheri reKing James haritadzi zvachose uye kuti tinofanira kudzokera kunotenda zvavakatenda zveTestamente Itsva.

Jesu haana kupa chero chingwa kuvanhu.

Akagura chingwa, zvinoreva kuti akaisa kunzwisisa Magwaro mavari kuti aifanira kudyiwa uye kuzeiwa nekunzwisiswa. Akapa kuvadzidzi vake. Vadzidzi vakaisa chingwa pamberi pevanhu. Chokwadi chakabva kuna Jesu chichienda kuvadzidzi chichizopiwa kuvanhu.

Jesu akataura nevadzidzi vake. Nekufamba kwenguva, Pauro, Marko, Ruka naJudasi vakazovawo vadzidzi vake. Vadzidzi ava vakatsanangura dzidziso dzeTestamente Itsva kuvanhu vanhu vaizofanira kuteerera vadzidzi. Shoko raiwanzonyorwa nenzira dzakachenjera dzaibva pakuti imi maiziva here zvinoreva mifananidzo nenzira idzodzo. Vanhu vanoda mharidzo kunguva yavo kuti vazivise zvakavanzika zvakadzama.

Vadzidzi vakateya nheyo pamberi pevanhu dziri Shokorakanyorwa.

Asi vanhu vaifanira kutenda kuti vakanyora chokwadi chakanaka chisingarasiki nekuti vakachiwana kuna Jesu.

Hakuna kukanganisa muna Jesu. Kana Jesu ari Shoko, zvinoreva kuti hamuna chakakanganiswa muShoko.

Vanhu vaifanira kuita sarudzo yakakosha iyi. Kuti Bhaibheri reKing James ndiro Mukuru here kana kuti kwete?

Vanoenda kukereke nguva yekupedzisira ava havatendi muBhaibheri rakarurama iri nekuti vanoshandura mazwi aro kuti rienderane nezvavanoda ivo.

Kushandura Magwaro kuroverera Kristu.

MARKO 8:7 Vuye vakanga vane hove duku shomanene; zvino akadziropafadza, akati dziiswe vo pamberi pavo.

Hove dzinotuhwina mumvura dzisingaonekwe. Mucherechedzo wekurovererwa kwekereke. Kunyanya kana makumi emamiriyoni evanhu pavakauraiwa muNguva dzeRima.

Hove duku. Vatendi vechokwadi kazhinji vaive mumapoka maduku. Kugara vasina vazhinji vanovaziva, vakarambwa vasingaonekwi zvakavaponesa kubva pakusvibiswa mazita avo zvinokonzereswa nemakereke anozivikanwa zvakanyanya.

MARKO 8:8 Vakadya vakaguta ndokuunganidza zvimedu zvakasara, matengu manomwe.

Zvino tinosvika pachikamu chinodakadza. Nyama nechingwa zvinomiririra dzidziso. MaJuda vakadya vakaramba kana kurasa mafufu. Izvi mucherechedzo wemaJuda achiramba Evangeri ravaipihwa nevadzidzi.

Mafufu akaraswa aya akanongwa nevadzidzi akaiswa mumatengu manomwe. Izvi zvinotaura Evangeri richirambwa nemaJuda, asi Evangeri rakarambwa iri rakanongwa nevadzidzi vakarinyora muTestamente Itsva vakarirongedzera nguva nomwe dzemakereke. MaJuda vakaramba Testamente Itsva asi Testamente Itsva yakaponesa kereke munguva nomwe dzemakereke.

MaJuda akapindawo munguva nomwe dzemakereke sekereke yevaHedeni

MARKO 8:9 Vanenge vaive zvuru zvina; akavaendesa.

Vane zvuru zvina vanomiririrei?

Murairo munongedzo kana mumvuri weNyasha.

Munongedzo wenguva nomwe dzemakereke unogona kurondwa muvarume vanomwe vechiHeberu. Nguva nomwe dzechiJuda, senguva nomwe dzemakereke, dzakatorawo makore anenge 2000.

Nguva yekutanga yaive apo Abrahama akasiya mukadzi wake Sara akanoita Ishmaeri naHagai. Zvakabereka maArabu nemaMoziremu vachiri vavengi vakuru vemaJuda nhasi uno.

ZVAKAZARURWA 2:4 Asi handifari nechinhu ichi kwauri kuti, wakasiya rudo rwako rwokutanga

Nguva yechipiri yakaona Josefa achikandirwa mutorongo.

ZVAKAZARURWA 2:10 Usatya izvo zvauchatambudzika nazvo. Tarira Diaborosi oda kuisa vamwe venyu mutorongo, kuti muidzwe;

Munguva yechitatu, Mosesi akanga ari mutumwa akapikiswa naBaramu

ZVAKAZARURWA 2:14 Asi handifari nezvimwe zvinhu zvishoma kwauri, nokuti unavamwe’po vanobatisisa dzidziso yaBaramu;

Nguva yekereke yechina yakaona Erija ari nhume, aifanira kusunga mukadzi aitonga Jezeberi (Tiyatira zvinoreva kuti mukadzi anotonga).

ZVAKAZARURWA 2:20 Asi handifari nechinhu ichi kwauri; kuti unotendera uya mukadzi Jezeberi, unozviidza muprofitakadzi vuye unodzidzisa ...

Israeri yakaguma yatapwa neBabironi.

Zvakapedzisa Shoko rekutanga richirasika munguva ina dzekutanga dzevaJuda.

Nguva yechishanu. Ezra akadzorera pfuma yeTembere.

Martin Luther akadzorera pfuma yeBhaibheri, kuponesa nenyasha kupfurikidza kutenda.

Nguva yechitanhatu. Nehemia akavaka masvingo akasimba kuti Jerusarema richengetedzeke zvese neTembere.

John Wesley akadzorera Hutsvene nekuparidzira, zvikazarura musuwo wemabasa emamishinari. Izvi zvaive simba rechiKristu.

Nguva yechinomwe. Johane Mubapatidzi akazivisa Jesu ari Munhu aifamba pakati pevanhu.

William Branham akazivisa Jesu ari Shoko raMwari, achifamba nemapeji eShoko.

Munongedzo wenguva nomwe dzemakereke muhupenyu hwevaHeberu muTestamente Yekare wakatora makore anosvika 2000.

Kuzadziswa kwenguva nomwe dzemakereke muhupenyu hweMwenga, zvakabva panheyo yemunongedzo weTestamente yekare, kwakatora makore 2000.

Kutinhira kunomwe kunodzidzisa Mwenga kuti anogamuchira sei miviri mitsva. Kana Mwenga ane muviri wekubwinya, nguva nomwe dzemakereke dzinenge dzapera.

2000 + 2000 = makore 4000.

Nhau yekuti 4000 inoyanana neminana yakaitwa mumakore 4000 zvinotaura kukereke yechokwadi, Mwenga.

Mwenga anodya mafufu akarambwa eEvangeri reTestamente Itsva rakaraswa nemaJuda.

Pakupedzisira, Mwenga anodya Shoko rakaziviswa iro vazhinji vemakereke emharidzo anorasa nekuti vakavakira zvavanotenda pakuturikira zvakataurwa nevanhu. Makereke emharidzo aya akaramba mukana wekushandisa zvakataurwa kuzivisa zvakavanzika zvakadzama zviri muMagwaro.

MARKO 8:9 Vanenge vaive zvuru zvina: akavaendesa.

MaJuda akadya, akarasa matengu manomwe emafufu, vakavaendeswa.

“Akavaendesa”. Mucherechedzo waMwari achiendesa maJuda nekuda kwekuti akaramba Evangeri. MaJuda akaramba Jesu ari Munhu paCalvari.

“Akavaendesa” munguva yeKutambudzika zvichabata kereke yevaHedeni pakupedzisira nekuda kwekuramba zaruriro yezvakavanzika zvakadzama zveShoko raMwari. Saka, makereke ese kusanganisira makereke eMharidzo, anoshaiwa zivo yeBhaibheri zvakanyanya sezvo vasingagoni kutsigira zvavanotenda neMagwaro.

Jesu akaenda kumusoro nekuzasi kweGareria kuvaHedeni

Jesu aishanda kwazvo.

Akafamba kuenda kunzvimbo yeTire neSidoni sezvo dzaive nzvimbo dzevaHedeni. Uku kwaive kuratidzirwa kwekuita kwake achienda kuvaHedeni munguva nomwe dzemakereke.

MARKO 7:31 Zvino wakati achibva zve munyika yeTire, akaenda napakati peSidoni kugungwa reGarirea, napakati penyika yeDekapori.

Jesu akaenda nekuzasi kwegungwa reGarirea akauya kumahombekombe ekuzasi kweGungwa reGarirea nemunyika yemaguta gumi, Dekapori, yaive nzvimbo yevaHedeni kuri kuzasi kweGungwa reGarirea. Dekapori iri kurudyi (kumabvazuva) kwerwizi rweJorodani.

Raive kuzasi kwemahombekombe eGungwa reGarirea kwaakapa vane zvuru zvina chekudya.

Kubva kuTire yevaHedeni kusvika kuDekapori yevaHedeni, Jesu akagara munzvimbo dzevaHedeni. Kuratidzirwa kwenguva dzemakereke dzaiuya.

MARKO 8:10 Pakarepo akapinda mugwa nevadzidzi vake, akasvika kumativi enyika yeDarmanuta.

“Pakarepo”. Izvi zvinoratidza Jesu ari Muranda. Asingatambisi nguva. Achingofamba nehushumiri hwake.

Darmanuta zvinoreva kuti Davi muchiHeberu.

Nzvimbo yeDarmanuta haina kunyatsogadzikika. Tinongoziva kuti inzvimbo iri muguta reMagdala.

Mateo akatsanangura zvinotevera.

MATEO 15:39 Zvino wakati aendisa vanhu vazhinji akapinda mugwa, akasvika munyika yeMagadani.

Kushandisa izwi rekuti Darmanuta, Davi, Marko akaisa kukosha pachigadziko chemwenje chakapatsanurwa chenguva nomwe dzemakereke.

Nguva imwe neimwe yekereke yevaHedeni inotaura pamusoro pedavi remwenje muTabernakeri.

Mufananidzo uyu unoratidza kereke yekutanga yaive nechokwadi.

Nyika yeDarmanuta haina kugadzikika, zvakadaro, Kereke yevaHedeni yakanga isinawo kugadzikika kana takatarisa panhau dzeShoko. Nyika inoramba ichitarisa pamakereke nemakereke makuru. Aya anoshanda sezvipingaidzo. Anobatsira kuchengetedza vatendi vechokwadi vasina anoziva nezvavo.

Mateo akataura pamusoro penzvimbo iyi semahombekombe eMagadani. Maria Magadarina akabva kunzvimbo iyi.

Maria Magadarina rudzi rweMwenga rwakasimba munguva nomwe dzemakereke.

Semukadzi, akamiririra kereke. Aive nemadhimoni manomwe akadzingwa maari. Mucherechedzo wenguva nomwe dzemakereke umo Mwari aifanira kudzinga madhimoni echipegani munguva imwe neimwe yekereke.

Maria Magadarina. MM. Mavara ekutanga kwemazita ake ese akafanana. Kuratidza kuti kereke yekupedzisira inofanira kudzokera kune zvaive zvakaita kereke yekutanga. Saka Jesu, nekuti akapa 4000 zvekudya, anoisa kukosha kukuru panguva nomwe dzemakereke. Chakanyanya kukosha, mavara MM anoisa kukosha panguva yekereke yekupedzisira kuwanikwa zvakare kwechokwadi chenguva yekereke yekutanga. Nguva yekereke yekutanga neyekupedzisira dzinofanira kutenda muzvinhu zvakafanana.

Gondo rekunaZvakazarurwa Chitsauko 4 rinomiririra nguva nomwe dzemakereke. Gondo rinotidzorera kunguva yekereke yekutanga yeShumba.

MATEO 15:39 Zvino wakati aendisa vanhu vazhinji, akapinda mugwa, akasvika munyika yeMagadani.

Magadani, musha waMaria Magadarina. Aive mucherechedzo wekereke munguva nomwe dzemakereke.

Ruzhinji rwevanhu runonetsa kushanda narwo.

Jesu akavaendesa. Jesu anosarudza kushanda nevaHedeni munhu mumwe nemumwe akazvimiririra.

Vatungamiri vemakereke vanoda kugadzirisa Bhaibheri

MARKO 8:11 Zvino vaFarise vakabuda vakatanga kuita nyaya naye, vachitsvaka kwaari chiratidzo chinobva Kudenga, vachimuidza.

Muvengi chaiye wechokwadi, pakupedzisira, ndiye munhu mumwe anenge achitungamirira kereke.

VaFarise vaive vatungamiri vekereke mazuva iwayo. Asi paive pasina Magwaro aitaura pamusoro pevaFarise muTestamente Yekare. Hakuna Magwaro anotaura pamusoro papasita kana murevhi achitungamirira kereke muTestamente Itsva.

VaFarise vaimiririra chimiro chakaipa chevatungamiri vemakereke panguva yekupedzisira vanongoda sevaFarise kutuka nekuzvidza Shoko kuti varambe vachitungamirira kereke zvavasina kupiwa simba rekuita neMagwaro.

Vaive vasingatsvagi chiratidzo. Vaiedza Jesu kuti aite chimwe chinhu kuti vamupomere. Saka, vaive vasina tsitsi zvachose. Vaida kuparadza Jesu nekuti aive chipingaidzo pazvinzvimbo zvavo zvisina kutaurwa muMagwaro. Vaparidzi vanhasi vanobudirira kubva paMagwaro nekuti mazano avo akachenjera haafambirane neMagwaro. Saka vanofuratira kana kushandura Magwaro.

Chinangwa chevatungamiri ava chaive chekugadzirisa Jesu. Vaparidzi vanhasi vanotsvaga zvisina muganhu kugadzirisa Bhaibheri reKing James Vezheni. Vane kuzvidza kwavanoita asi vachinyengera zvikuru.

MARKO 8:12 Akagomera zvikuru pamweya wake akati: Rudzi urwu rwunotsvakireiko chiratidzo? Zvirokwazvo ndinoti kwamuri: Rudzi urwu harungapiwi chiratidzo.

Vatungamiri ava vakaona zviratidzo zvakaitwa naJesu. Asi vakaomesa moyo yavo vakasatenda kuti aive Messiasi. Kusatenda kwavo kwakaMuita kuti agomere pameya wake.

Chiratidzo chimwechete chaizova rufu rwake nekumuka kwake. Asi vaFarise vakakumbira rufu rwake saka vaizoramba kutenda mukumuka kwake. Vakasarudza kutenda kuti vadzidzi vake vaive vaba mutumbi Wake. Saka vaizopesana zvakazara nechiratidzo chemweya. Zvakadaro, rudzi rwavo harwaizoona chiratidzo.

MARKO 8:13 Ipapo akavasiya akapinda zve mugwa, akayambukira mhiri.

Jesu akabva ku Betiseda akanopa vanhu 5000 zvekudya pakutanga kwerwendo rwake. Apa aive akubva paMagadani akagadzirira kudzokera kuBetiseda. Kuti anopedzisa rwendo rwake sematangiro aakaita. Izvi mucherechedzo wenguva dzekereke yevaHedeni, umo kereke yekupedzisira yeRaodikia inofanira kudzorerwa kunotenda zvakatendwa nekereke yekutanga yeEfeso, pakatanga kereke.

Vakavakira kutenda kwavo pazviratidzo vakakanganisa kwazvo.

VaFarise ava vaida chiratidzo kuzuva ravo, Jesu, Shoko, akavasiya. Kutsvaga chiratidzo chekuvakira dzidziso kwakashata.

Vanhu vakawanda vemharidzo vanoti mugore 1963 Gore guru rakaonekwa raive kuburuka kweMutumwa mukuru wekuna Zvakazarurwa Chitsauko 10.

Asi Mutumwa anofanira kumutsa vatsvene vakafa veTestamente Itsva.

Vakakanganwa kuti Gore rakaonekwa muna 1963 rakaramba riri muchadenga chinhambwe chemamaira 26 kwemaminetsi 28 uye rakaonekwa zuva radoka. Harina kubvura raburuka.

Saka kukanganisa kunowodza chokwadi kana vanhu vakatadza kunzwisisa chiratidzo.

64-0119 SHAROMI

Kana Iye Mutumwa, wekuna Zvakazarurwa Chitsauko 10 akaisa tsoka imwe panyika imwe pamusoro pegungwa, murarabungu uri pamusoro pake, achipika, “Nguva haizovipo zve.” kana nguva iyoyo ikasvika, muchasimuka kubva pakati pevakafa. Apo vamwe vese varere pakadaro apo, muchapinda.

Chingwa mucherechedzo wedzidziso

MARKO 8:14 Vakanga vakanganwa kutora zvingwa, vakanga vasine zvingwa asi chimwe bedzi.

Vadzidzi vaikwanisa kuona chingwa chinodyiwa chete. Havana kukwanisa kuziva kuti chaimiririra dzidziso.

MARKO 8:15 Zvino akavaraira akati: Chenjerai mutye mbiriso yavaFarise nembiriso yaHerode.

Mbiriso inotaura pamusoro pekurudziro yehuwori yedzidziso dzenhema dziri mukereke. VaFarise ndivo vaive misoro yesinagoge isina kutaurwa nezvayo muMagwaro (kereke yemaJuda). VaFarise havana kutaurwa muTestamente Yekare.

MARKO 8:16 Vakarangana, vakati: Unodaro nokuti hatine zvingwa.

Vadzidzi vanoramba vachifunga nezvechingwa chekudya.

Kana tichida kunzwisisa Magwaro, tinofanira kuzarura ndangariro dzedu kuzvitendero zvakadzama zveMweya.

MARKO 8:17 Zvino Jesu akati achizviziva, akati kwavari: Munorangana nemhaka yeiko kuti hamune zvingwa? Hamuzivi nokunzwisisa here? Zvamunonzeve hamunzwi here? Hamurangariri here?

Vaive vabva kuona minana miviri ine chekuita nechingwa. Kupa chekudya vanhu 5000 ne 4000.

MARKO 8:18 Zvamunameso hamuvoni here? Zvamunenzeve hamunzwi here? Hamurangariri here?

Tinoona nemeso edu enyama, asi hatigoni kuona chokwadi cheMweya chakadzama chezviitiko.

MARKO 8:19 Musi wandakamedurira vane zvuru zvishanu zvingwa zvishanu, makanonga matengu manganiko azere nezvimedu? Vakati kwaari: Gumi namaviri.

MARKO 8:20 Nomusi wandakamedurira vane zvuru zvina zvingwa zvinomwe, makanongamatengu manganiko akazadzwa nezvimedu? Vakati manomwe.

MARKO 8:21 Akati kwavari: Ko hamuzvinzwisisi nazvino here?

MaJuda akaramba Evangeri reTestamente Itsva, nekuti vaFarise, vatungamiri vechitendero, vakaudza maJuda kuti varambe Jesu.

Matengu gumi nemaviri ezvimedu akaraswa aitaura pamusoro peEvangeri richidzokera kumarudzi gumi nemaviri evaIsraeri munguva yeKutambudzika Kukuru.

Matengu manomwe ezvimedu zvakaraswa anotaura vaHedeni vachitenda muTestamente Itsva yakarambwa munguva nomwe dzemakereke.

Asi chaive chikamu chezano raMwari. Kuramba kwakaita maJuda Evangeri zvakagonesa Evangeri rakarambwa kuenda kuvaHedeni kunodzikinura Mwenga waJesu. Kereke yaizoramba zvakavanzika zvakaziviswa zvakavanzika izvozvo zvaizodzokera kumarudzi gumi nemaviri evaIsraeri munguva yeKutambudzika kukuru.

MaJuda 144,000 aya achange chichengetedza Mwenga.

Murume aive bofu aive mucherechedzo wevaHedeni

MARKO 8:22 Zvino vakasvika Betsaida; vakauya neofu vakakumbira zvikuru kwaari, kuti amunyangate.

Betsaida ndiko kwakatangira rwendo. Jesu akapa vanhu 5000 zvekudya. Akaenda kuTire nekumahombekombe ezasi egungwa reGarirea kunopa vanhu 4000 zvekudya. Akabva aenda zvakare kuMagidara akadzoka Betsaida.

Rwendo rwakagumira kwarwakatangira, kuBetsaida. Kutanga nekupedzisira kwakafanana. Nguva yekereke yekupedzisira inofanira kudzokera kunguva yekereke yekutanga.

Kereke yevaHedeni munguva yekereke yekupedzisira ibofu, pakupedzisira, nekuti Jesu Kristu ndiye Chiedza, Iye amire kunze kwekereke achigogodza.

ZVAKAZARURWA 3:14 Nyorera mutumwa wekereke iri paRaodikia uti:

17 ... Usingazivi kuti ndiwe unovurombo nenhamo, uri murombo nebofu,

20 Tarira ndimire pamukova, ndichigogodza.

MARKO 8:23 Akabata ruoko rwebofu, akamuisa kunze kwomusha, ndokupfira mate mumeso ake; akaisa mavoko pamusoro pake, akamubvunza achiti: unovona chinhu here?

Musha mucherechedzo wesangano kana kereke yairaramira murume aisaona.

Jesu aifanira kumubvisa mumusha. Kana tichida kuona Shoko, tinofanira kubuda mukereke nekuti Jesu, Shoko, amire kunze kwekereke.

Mate akabva mumuromo maMwari. Yanano pakati pemeso emunhu nemuromo waMwari.

Meso edu emweya anofanra kuona zvakataurwa nemuromo waMwari chete, Shoko rake, Bhaibheri reKing James Vezheni.

Nhasi, isu vatendi tinofanira kudzidza kuisa kutenda mune zvakataurwa neBhaibheri, kwete zvinotaurwa nekereke kana napasita. Tinofanira kubva kukurudziro dzemakereke nedzemisha yatinoraramira. Tinofanira kukurudzirwa neBhaibheri. Tinofanira kuzvionera zvinhu tega kubva muMagwaro. Tinofanira kugona kutsigira zvatinotenda neMagwaro. Hatifaniri kungofunga kuti tinofanira kungotevera zvinotendwa mukereke nekuti kereke imwe neimwe yakasiyana nedzimwe. Saka ndeipi inogona? Chero pakati padzo? Kwete. Ndicho chikonzero nei Jesu akatora munhu akamuburitsa muguta.

MARKO 8:24 Iye akatarira akati: ndinovona vanhu, ndonovaona vachifamba vakafanana nemiti.

Muti mucherechedzo wemweya wemunhu.

MAPISAREMA 1:1 Wakakomborerwa munhu asingafambi panorangana vakaipa; usingamiri panzira yavatadzi; usingagari panogara vadadi.

2  Asi unofarira murairo waJEHOVA; unofungisisa murairo wake masikati novusiku.

3  Uchafanana nomuti wakasimwa pahova dzomvura;

unobereka michero yawo nenguva yawo, mashizha awo haasvavi, chinhu chipi nechipi chaachaita chichaendeka.

Murume aive bofu akanga apihwa meso emweya. Chero chinhu chisingayanani nehova dzemvura dzeShoko chaizoonekwa semuti wakaoma. Mweya usina kuponeswa.

Murume aive bofu akapiwa chipo chikuru chekuratidzwa zvemweya. Mweya wemunhu asina kuponeswa aizouona semuti wakaoma usina mashizha.

William Branham ari mutumwa kunguva yekereke yechinomwe akapiwa chipo chekuratidzwa zvemweya. Aikwanisa kuudza munhu ndagariro dzake munguva yekereke yekupedzisira.

Aikwanisawo kuziva zaruriro yakadzama yakavanzwa mumicherechedzo nenzira dzeBhaibheri. Zaruriro dzakadzama idzi dzinofanira kudzorera Mwenga kunotenda zvakatendwa nemapostora ekereke yekutanga.

MARKO 8:25 Zvino akaisa zve mavoko pamusoro pameso ake; iye akatarisisa, akaporeswa akavona zvose zvakanaka.

Jesu akamubata zvakare meso ake enyama akadzorerwa kwaari.

Jesu anodzorera zvese maonero enyama nemaonero emweya akadzama.

MARKO 8:26 Akamuendisa kumba kwake akati: usatongopinde mumusha.

Jesu akamuendisa kumusha kwake chaiko (kereke yemusha seyaive nenguva yekereke yekutanga) yaive isiri muguta (mucherechedzo weboka rinovaka chivakwa chekereke pacho chega kuti vave neungano huru. Venhorondo havana kuwana chivakwa chekereke chakavakwa gore AD 220 risati rasvika. )

Nguva yekereke yekutanga haina kubvira yaita chivakwa chiri pacho chega. MaKristu aive muJerusarema ndiwo ega aikwanisa kushandisa Tembere, asi yakaparadzwa muna AD 70.

Munofanira kubuda mukereke kuti muwane maonero emweya echokwadi muMagwaro, musazodzokere kukereke nekuti havazogoni kunzwisisa zvamunenge muchitaura nezvazvo. Kereke imwe neimwe inozviti ine chokwadi chakazara, uye havagoni kuteerera chero munhu anopokana navo.

Kereke imwe neimwe inoramba chero munhu anoedza kuigadzirisa.

Jesu anoshanda nemunhu umwe neumwe akazvimiririra chete

MARKO 8:27 Zvino Jesu navadzidzi vake vakaenda kumisha yeKesaria Firipo, munzira akabvunza vadzidzi vake akati kwavari: Vanhu vanoti ndini aniko?

Kesari aive mudzvanyiriri mukuru muRoma. Firipo aive mambo mukuru wevaGiriki aive baba vaAlexander Mukuru, mutapi mukuru wenyika dzekumadokero.

Izvi zvakatsanangura nhorondo yekereke yeRoman Catholic. Yaizosimuka kutapa makereke emuEurope nepasi rese. Vakatanga hudzvanyiriri hwekugadza mapasita pamusoro pemakereke. Tsimba remapato iri rakapinda mumasangano aipikisa chiCatholic, umo pasita kana murevhi kana pasita akatanga kutonga ari musoro wekereke. Pope akava mudzvanyiriri mumwechete muEurope. Pakupedzisira, Pope achatonga makereke pasi rese ari munhu wezvivi.

Achaita mudzvanyiriri ane hutsinye pasi rese ari mwana wekurasika, mwanakomana wegehena.

II VATESARONIKA 2:3 Ngakurege kuva nomunhu anokunyegerai nomutovo upi noupi; nokuti harisviki kana kutsauka kusati kwatanga kuvapo, nomunhu wezvivi mwanakomana wokurashika, asati ambovonekwa.

Saka Jesu akaenda kunyika yaidaidzwa nezita raKesari mukuru weRoma yevaHedeni, Jurio Kesari, akazova Pontiffi wezvakavanzika zveBabironi nechiprista chayo muna 63 BC. Pope ariko nhasi kuRoma achiri Pontiffi.

Jesu akabvunza kuti vanhu ava vaive muKesario Firipo vaitii pamusoro pake.

MARKO 8:28 Vakapindura vachiti kwaari: vamwe vanoti; Johane Mubapatidzi; vamwe Eria, vamwezve mumwe wavaprofita.

Vadzidzi vakapa mhinduro dzakasiyana siyana pakarepo. Mazano nemafungiro evanhu agara akasiyana. Munhu uyu anotaura izvi, uyo anotaura izvo. Ndosaka kuine ndudzi dzemakereke dzinodarika 45,000 nhasi nekuti mutungamiri wekereke imwe neimwe ane mafungiro ake ega. Asi vese vanoti ivo voga ndivo vane chokwadi vamwe vese vanoreva nhema. Dutu rakazara. Mapasita emharidzo vanewo mazano akawanda akasiyana siyana saka vane ndudzi dzemharidzo dzinodarika zana. Zvakare, pasita umwe neumwe wemharidzo anoti anogona vamwe vese vakarasika. Dutu remhepo yemweya rinoramba richipararira.

Vadzidzi vaifara kutaura zvaitaurwa nevamwe vanhu.

Asi Jesu aida kuziva zvavaifunga nekutaura ivo, mumwe nemumwe nemafungiro ake.

MARKO 8:29 Zvino akavabvunza akati: Ko imi munoti ndini ani? Petro akapindura akati kwaari, Ndimi Kristu.

Pakarepo vadzidzi vakanyarara, kunze kwaPetro. Petro aive nemweya wekuona pamweya chokwadi pamusoro paJesu, kuti aive Kristu, Messiasi.

MARKO 8:30 Akavaraira zvikuru kuti varege kuzivisa munhu izvozvo zvake.

Jesu akaziva kuti kana vatungamiri vechiJuda vakaziva kuti aive Messiasi, vaizotsvagisisa kumuuraya.

Jesu, ari Shoko, aifanira kurambwa nekuuraiwa nevatungamiri vechiJuda. Asi aizomuka kubva kuvakafa nezuva retatu.

Aizofa musi weChina ovigwa. Aizogara muguva musi weChishanu neweMugovera. Mumashure memazuva matatu iwayo, aizomuka musi weSvondo.

MARKO 8:31 Zvino akatanga kuvadzidzisa kuti Mwanakomana womunhu anofanira kutambudzika zvizhinji, nokurashwa navakuru, navaprista vakuru, navanyori, avurawe, amuke zve, mazuva matatu apfuvura.

Izvi zvakaitika zvakare kuna Jesu ari Shoko raMwari. Kanzuru yeNicene yemuna AD 325 yakauraya rudo rwechokwadi cheBhaibheri. Chokwadi cheMagwaro chakavigwa mutsvina nekusatenda kweNguva dzeRima. Ipapo Tiriniti, Chishanu chakanaka, Kisimusi, 25 Zvita, Renti, munhu mumwe anotungamirira ari musoro wekereke, nekutenda kuti hakuna Bhaibheri rakarurama zvakatora ndangariro dzevanhu. Mumashure memazuva matatu, (nguva nhatu dzemakereke dzinoti yaLuther, Wesley nePentekositi), chokwadi chekutanga chekereke yekutanga chakadzorerwa naWilliam Branham. Uku ndiko kwaive kumuka kwechokwadi cheBhaibheri rakaziviswa kubva mukusatenda kwakaipa nekuipa kweNguva yeRima.

Asi Jesu paakataura rufu rwake, Petro akamupikisa.

MARKO 8:32 Akataura Shoko iro pachena. Zvino Petro akaenda naye vari voga, akatanga kumuraira.

Kukanganisa kunoita vanhu ndekwekuti tinofunga kuti tinokwanisa kushandura Shoko pane dzimwe nzvimbo.

Petro akatora Shoko (Jesu) akatanga kuisa kuturikira kwake pane zvinotaura Shoko. Petro aipokana neShoko nekupokana naJesu.

Jesu aive akatarisa Petro kusvikira Petro atanga kupokana naye. Jesu akabva kwaari.

Kana mukapokana nevhesi riri muBhaibheri reKing James (rinotiudza ndangariro dzaJesu), Jesu anokufuratirai okusiyai.

MARKO 8:33 Asi iye wakatendevuka ndokutarisa vadzidzi vake, akaraira Petro akati: Ibva shure kwangu Satani: nokuti haurangariri zvinhu zvaMwari, asi zvinhu zvavanhu.

Jesu akadaidza Petro kuti Diaborosi. Jesu ndiye Shoko. Kana ukapokana neShoko uri Satani.

Vanhu vanoda kwazvo kupokana neMagwaro. Saka vanoita mbiri nevanhu kana vakapikisa Bhaibheri.

Petro akanga ati Jesu aive Kristu kana Messiasi. Petro achibva arasika zvikuru. Kugona chimwe chinhu kunotipa manyemwe, torasika zviri nyore.

Diaborosi chete ndiye anorwisa kana kushandura Shoko raMwari.

Ichi chidzidzo chakakosha chinofanira kuzivikanwa nevaranda vaMwari.

Vanhu vanoda kwazvo kushandura Bhaibheri kuti riite zvavanoda ivo, asi hatifaniri kudaro.

Kana tichida zvinhu zvaMwari, tinorarama nezvinotaura Magwaro.

Mitemo yakakosha yevaranda vechiKristu

MARKO 8:34 Zvino wakadanira kwaari vanhu vazhinji navadzidzi vake, akati kwavari: Kana munhu achida kuvuya shure kwangu, ngaazvirambe asmudze muchinjiko wake, anditevere.

Torai muchinjiko wenyu. Hupenyu hune kurema kuzhinji. Makaiswa muzviitiko izvi nekuda kwechikonzero. Kuti mukunde.

Zvirambei. Mazano enyu haana maturo. Teverai Magwaro.

Teverai Kristu. Teverai zvese zvakanyorwa muBhaibheri reKing James.

MARKO 8:35 Nokuti ani nani unoda kuponesa hupenyu hwake, ucharashikirwa nabwo, asi ani nani unorashikirwa novupenyu bwake nokuda kwangu,nokweEvangeri uchabwuponesa.

Kana mukarasa nekuramba chokwadi kuti muchengetedze mabasa enyu, kana hukama neumwe munhu, munoguma marasikirwa nenzvimbo muMwenga waKristu.

Asi kana mukazvipira kurasikirwa nembiri nehupenyu hwenyu nekuda kweMweya Mutsvene nezvaunozivisa kwamuri, Mweya Mutsvene iwoyo unokupai hupenyu husingagumi.

Munofanira kukoshesa chinangwa chekumagumo, Denga.

Musakanganiswe nezvinhu zvenguva duku zvakaita sepfuma nemagarikwa enyika ino.

MARKO 8:36 Nokuti munhu uchagobatsirweiko kana awana nyika yose, akarashikirwa novupenyu bwake?

Pope wekupedzisira munhu wezvivi achatonga pasi rese munguva yemakore matatu nehafu eKutambudzika. Anozotumirwa kuGehena kuDziva roMoto.

Saka, mukana wake mudiki wekutonga nyika yese waive wakanaka here?

MARKO 8:37 Nokuti munhu ucharipeiko kuti adzikinure vupenyu hwake?

Mweya wenyu ndiwo chinhu chakakoshesesa chamunacho. Ndicho chikamu chenyu chinokwanisa kutenda. Ndicho chikamu chinokusiyanisai nemhuka.

Shoko raMwari imbeu inokura mumunda wemweya kana ukadiridzirwa neMweya Mutsvene.

RUKA 8:11 Zvino mufananidzo ndiwo mbeu ishoko raMwari.

JEREMIA 31:12 ... Mweya yavo ichava somunda wakadiridzwa; havangatongovi nokusuwa zve.

JOHANE 7:38 Unotenda mandiri sezvazvakarehwa norugwaro, nzizi dzemvura mhenyu dzichayerera dzichibva mukati make.

39 Asi izvi wakareva zvomweya waizopiwa avo vaitenda kwaari;

Mbeu yeShoko inokura chete mukutenda kwemunhu anonamata nekutenda muShoko.

Miviri yedu inofadza Mwari kana tichitongwa neShoko raMwari chete.

I VAKORINTE 15:38 Asi Mwari unoipa muviri paanoda napo, nembeu imwe neimwe muviri wayo.

Ichitongwa neShoko, miviri yedu inova chikamu cheTembere yaMwari, chikamu chemuviri waKristu. Chikamu cheKereke yechokwadi.

VAHEBERU 10:39 Zvino isu hatizi ivo vokudzokera shure; kuti tiparadzwe; asi tiri vokutenda kuti tiponeswe mweya.

MARKO 8:38 Nokuti ani nani unonyara pamusoro pamashoko angu, parudzi urwu, rwovupombwe nokutadza, Mwanakomana womunhu uchanyarawo pamusoro pake, musi waanovuya nokubwinya kwake naBaba vake navatumwa vatsvene.

Tinofanira kumira neShoko rimwe nerimwe rakanyorwa muBhaibheri. Kana kuti, tinotadza kufanira kuparidza Magwaro.

Kana munhu akapikisa zvakanyorwa muMagwaro, tinofanira kurwisa tichiti “Zvakanyorwa zvichinzi.”

Tinofanira kutenda nekuda zvese zvakanyorwa muBhaibheri reKing James Vezheni.

Tinofanira kuenderana nenguva nekufamba zvakasununguka apo chokwadi chinoziviswa.

Kunamata nekudzidza Bhaibheri hakuperi.

MATEO 7:7 Kumbirai, muchapiwa, tsvakai, muchawana, gogodzai muchazarurirwa.

Budiriro yepaMweya haina muridzi, inopihwa zvechinguvana, munoripira kuva nayo zuva rega rega.