Marko 06 Mbuva duku yemukomana yakapa chekudya kuvanhu 5000

We update studies as the Lord Jesus leads us. You can find the latest update of this study at ChurchAges.net

Jesu anoenda kuNazareta mhuri yekwake yonomuramba

Jesu aitenderera munzvimbo dziri pedyo neGungwa reGareria.

MARKO 6:1 Zvino wakabvapo, akasvika kunyika yekwake; vadzidzi vake vakamutevera.

Akaenda kuNazareta akura.

MARKO 6:2 Zvino rava sabata, akatanga kudzidzisa musinagoge; vazhinji vakamunzwa, vakashamisika vachiti: Izvi zvinobvepi kwaari? Injere dzipi dzakapiwa kwaari, kuti nemabasa esimba akadai anoitwa nemaoko ake?

Vanhu zvinhu zvavanoziva vanozvitora sezvisina basa. Saka havagoni kugamuchira munhu akakura pakati pavo kuti aita mbiri pakarepo.

Vaifadzwa kwazvo nedzidziso dzake nesimba rake guru. Asi havana chete kukwanisa kunzwisisa kwaibva zvipo zvake zvaidakadza.

MARKO 6:3 Uyu haasi muvezi here, mwanakomana waMaria, nemukoma waJakobho, naJose, naJudha, naSimoni? Nehanzvadzi dzake hadzisi pano nesu here? Vakagumburwa naye.

Vanhu veNazareta vakashamiswa. Mhuri yake yese vaive vanhuwo zvavo. Josefa naMaria vaive nevanakomana vana nevamwe vanasikana mumashure mekuberekwa kwaJesu. Asi vana ava havana chavaida pamusoro paJesu.

Kana mukagamuchira Ishe, kazhinji mhuri yawakaberekwa nayo inokupandukira.

MARKO 6:4 Asi Jesu akati kwavari: Muporofita haangashaiwi kukudzwa, kunze kwemunyika yekwake, nepakati pehama, nemumba make.

Muprofita anorambwa nemhuri yake nevamwe vemhuri yekwaakaberekwa, nenyika yake. Tinotambura kugamuchira kuti Mwari pakarepo anokwanisa kusarudza kushandisa munhu watinoziva. Mamwe marudzi nevamwewo vanhu ndivo vanomutambira.

MARKO 6:5 Akasagona kubata chero basa resimba ipapo, kunze kwekuti wakaisa maoko pamusoro pevairwara vashoma, akaporesa.

KuNazareta, kwaakakurira, Jesu haana zvakawanda zvaakakwanisa kuita.

MARKO 6:6 Akashamisika nekusatenda kwavo. Uye akapota-pota nemisha achidzidzisa.

Jesu akashamiswa nekusatenda kwaive mavari. Pachinzvimbo zvichienzaniswa nemaKristu anhasi anopemberera kuzvarwa kwaShe asina kubvira anzi aite sekudaro muBhaibheri. Saka vakagadzira mazwi avo asimo muMagwaro akaita se25 Zvita vakariita mhemberero hurusa dzechiKristu pagore. Kusatenda ndeapo pamunotenda zvinhu zvisimo muMagwaro. Fungai pamusoro “peChishanu chakanaka”, “Muvhuro weIsita”, Renti, maIsita egi, nemaIsita bhani.

Jesu ndiye Shoko raMwari.

MaKristu vakajaira kwazvo kutakura Bhaibheri vachifamba naro zvekuti havachaziva zvachose kuti zvakawanda zvavanotenda mazviri hazvina kunyorwa muBhaibheri. Tsika dzemakereke dzakukosheswa kudarika Magwaro. MaKristu anozvidza zvavanofunga kuti zvakakanganiswa muBhaibheri asi havashoropodzi makereke avo. MaKristu anosarudza mazano emakereke avo pachinzvimbo chechokwadi cheBhaibheri sezvakaitwa nemaJuda vakasarudza vaFarise pachinzvimbo chaJesu.

MARKO 6:7 Zvino wakadanira kwaari vanegumi nevaviri, akatanga kuvatuma vaviri-vaviri, akavapa simba pamusoro pemweya yetsvina.

Jesu akasarudza vapostora gumi nevaviri negumi akavatuma vaviri vaviri.

Vaparidzi vanofanira kudzidza kuvimba muna Mwari

MARKO 6:8 Akavaraira kuti varege kutora chinhu cherwendo kunze kwemudonzvo chete; kwete chikwama, kwete chingwa, kwete mari mubhanhire.

Vaifanira kuvimba naMwari zvakazara vorega kurongedza chero chinhu kuitira rwendo. Pasina chekudya kana Mari.

Vadzidzi vakadzidziswa kushanda vasina chavakatarisira kuwana pabasa ravaiita.

Hombodo inhava duku inotakurwa nevafudzi vachienda kumafuro. Vasina nhava iyi vaisakwanisa kutakura zvakawanda, kana chii zvacho chekuzvigadzirira.

Davidi paaive mufudzi aishandisa hombodo kutakura mabwe ake echipfuramabwe.

I SAMUERI 17:40 Akabata tsvimbo muruvoko rwake, akazvitsaurira hurungudo shanu paruvoko akadziisa muhombodo yake yovufudzi, yaakanga anayo imo munhava yake, chifuramabwe chake chakanga chiri muruvoko rwake; akaswedera kumuFirisitia.

Tsvimbo yaibatsira vafudzi pakufamba. Mwari aida basa.

MARKO 6:9 Asi vapfeke manyatera, varege kupfeka nguvo refu mbiri.

Vaifanira kutora zvishomanana.

Manyatera aivabatsira kufamba vachiparidza. Nguvo refu mbiri dzaitowedzera kudekara saka Jesu akavaisira muganhu wenguwo refu imwechete. Kuparidza Evangeri hakusi kwemari kana kugadzikika. Raive basa rakaoma rinotyisa.

Tsoka dzemufananidzo waDanieri waimirira nguva nomwe dzemakereke. Musoro wendarama waimiririra pfuma yeBabironi.

Kukosha kwaive patsoka, kufamba munguva nomwe dzemakereke kudzidzisa chokwadi cheBhaibheri. Kwakataurwa zvemusoro nendangariro dzawo dzemari dzaibata maKristu anhasi. Vanoenda kumakereke nhasi vanogarotaura kuti, “Tarira mari yandinayo kuti yakawanda sei, Mwari ari kundikomborera.”

MARKO 6:10 Zvino akati kwavari: Pese pamunopinda mumba, mugaremo kusvikira muchibvapo.

Vadzidzi vaikwanisa kukomborera dzimba dzaivagamuchira dzevaida havo kudzidza.

Kereke yekutanga yaisanganirana mudzimba. Mapoka maduku mudzimba aimisa kusimudzirwa kwemunhu mumwechete pamusoro pekereke ari Bhishopu wekereke. Munhu mumwechete musoro wekereke ndiye akaita kuti kereke yekutanga irasike. Chivakwa chekutanga chakashandiswa “sechivakwa chekereke” (kutaura kusimo muMagwaro) chakanyorwa nezvacho chichinzi ndechemuna AD 220. Saka, zvivakwa zvemakereke zvanhasi zvaive zvisirizvo zvaive kereke yeTestamente Itsva.

Chivakwa chimwechete chaive nembiri chaive Tembere yaive muJerusarema. Jerusarema raionekwa nekereke huru asi Mwari vakaparadza Tembere neJerusarema muna AD 70. Mumashure maizvozvo, Mwari vakakoshesa kuparidzwa kweshoko mumisha. Vanhu vaive neshungu dzekuva vakuru vakakoshesa kusimudzirwa pamusoro pemaKristu vachitsvaga simba nemari. Vatungamiri vemakereke vaida simba rekutora mari dzevanhu. (Vanhu ndivo kereke nekuti kereke hachisi chivakwa). Mabhishopu aigara dzimba huru dzakanaka. Mabasa emuchiKristu akatanga kuripira mari zhinji kuvaparidzi.

MARKO 6:11 Asi vese vasingakugamuchiriyi kana kukunzwai, kana muchibvapo, zuzai guruva riri pasi petsoka dzenyu, chive chapupu kwavari. Zvirokwazvo ndinoti kwamuri: Zvichava nani kuSodhoma kana Gomora nezuva rekutongwa kupfuura guta iro.

Dai vanhu vakavaramba, vaingoenderera mberi.

Vatendi vaive ivhu mutsoka dzemufananidzo wemuHedeni dzakaitwa nevhu nyoro (vatendi) nedare (maKristu emasangano vanotenda zvinobva kuvakuru vebato kana sangano ravo munhu mumwechete anotungamirira kereke.) vasingatendi vakaramba Shoko vangori guruva pasi petsoka vasina kubvira vaita chikamu chevhu.

Vatendi veTestamente Yekare muSodoma neGomora vakaparadzwa nomoto nekuda kwekuramba chokwadi chezuva ravo. Asi ikozvino Messiasi pachake akauya. Kumuramba chaive chivi chikuru kwazvo.

MARKO 6:12 Vakati vabuda, vakaparidza kuti vatendeuke;

Vaiparidza kutendeuka sezvo iri nhanho yekutanga yekuti vanhu varurame pamberi paMwari.

MARKO 6:13 zvino vakabudisa madhimoni mazhinji, vakazodza nemafuta vazhinji vairwara, vachiporesa.

Vadzidzi vairatidzira simba raMwari rinoshamisa.
Hakuna wanano nekurambana nekuwanana zvakare.
Chero murume kana mukadzi akarora kana kurorwa akarambana nemumwe wake, havangaroore kana kuroorwa kana umwe wake achiri mupenyu. Chitsidzo chewanano chinoti kusvikira taparadzaniswa nerufu.

Hakuna imwe nzira yekugumisa wanano iri pamutemo

MARKO 6:14 Asi Herodhe wakati anzwa, akati: Uyu ndiJohani uya wandakagura ini musoro; iye wamuka kubva kuvakafa.

Mambo Herode vakafunga kuti Jesu aive Johane Mubapatidzi aive amutswa kuvakafa.

MARKO 6:15 Vamwe vakati: NdiEria; nevamwe vakati: Muporofita, kana wakaita seumwe wevaporofita.

Hakuna akagona kutenda kuti Messiasi akanga auya ari munhu.

Vakaramba vachiedza kuti Jesu aive muprofita wemuBhaibheri.

Nhasi zvakasiyana. Jesu haana kuuya ari Munhu, akauya ari Shoko rakaziviswa. Vanhu vakawanda vemharidzo vanokanganisa zvikuru pavanoramba vachiti muprofita wenguva yekupedzisira ndiJesu.

MARKO 6:16 Asi Herode wakati anzwa, akati: Uyu ndiJohani uya wandakagura ini musoro; iye wamuka kubva kuvakafa.

Chikonzero chekuuraya Johane Mubapatidzi chaive chekuti Johane akataura pamusoro pekuroorana nekurambana.

MARKO 6:17 Nokuti Herode pachake wakange atuma vanhu akabata Johani, akamusunga mutirongo nekuda kwaHerodiasi, mukadzi waFiripi, munin'ina wake; nokuti Herode wakange amuwana.

Mukadzi waFiripi aive aramba Firipi kuti aroorwe naHerode.

MARKO 6:18 Nokuti Johani wakange ati kuna Herode: Hauna kutenderwa kuti uve nemukadzi wemunin'ina wako.

Johane akataura zvisina kutya. Hakuna anokwanisa kuramba umwe wake opinda mune imwe wanano.

Kutenda ikoko kwakamutorera hupenyu hwake.

Ndicho chikonzero nei makereke mazhinji anotendera kurambana nekurooranazve nhasi. Idzidziso ine mbiri inodiwa nevanhu. Kana pasita akaramba kutendera kurambana vanhu ivavo vanosiya kereke iyoyo.

Vatungamiri vemakereke vanoda kuva nembiri vokwezva vanhu kumakereke avo nekutendera kuti vatende zvavanoda kutenda mazviri.

Kurambana nekuwanana zvakare ingori nzira yehupombwe. Chitsidzo chewanano yekutanga pakati pemukadzi nemurume ndicho chinotariswa. Chitsidzo ichocho chinoramba chiripo kusvika mumwechete wevarambana afa. Hakuna wanano yechipiri nechitsidzo chayo zvinoverengwa kana varambana vese vari vapenyu.

MARKO 10:11 Akati kwavari: Ani nani unorasha mukadzi wake akawana mumwe, unoita vupombwe kwaari.

12 Vuye kana mukadzi akarasha murume wake, akawanikwa noumwe, unofeva.

Herodiasi, mukadzi waHerode aive akavenga Johane nekuti akamufumura hupombwe hwake hwaive hwataurwa “pamutemo”.

MARKO 6:19 Herodiasi akamuvenga nechemumoyo, akada kumuuraya, asi wakakonewa;

Herodhiasi semukadzi aive akamiririra kereke. Havadi kunzwa chokwadi chakazara cheBhaibheri reKing James. Havadi kunzwa William Branham semuprofita wenguva yekupedzisira.

Kereke inongoda kushandira Mwari nenzira yayo yainosarudza zvekuti vanogona kuita zvese zvavanoda kuita. Chitendero chinovaitira ivo. Evangeri rebudiriro. MaKristu anoda korona kwete muchinjiko.

MARKO 6:20 nokuti Herode aitya Johani, achiziva kuti murume wakarurama, mutsvene, akamuchengetedza. Zvino paakamunzwa akaita zvinhu zvakawanda, akamunzwa nemufaro.

Herode airemekedza Johane zvakare aifara kunzwa achiparidza. Kana aisafanira kunatsa hupenyu hwake.

Asi Herode aifanira kusarudza pakati paJohane muprofita nemwanasikana wake (mukadzi anomiririra kereke) akasarudza mukadzi akauraya muprofita.

Vanhu vemharidzo vakaramba Magwaro nezvakataurwa nehama Branham mune dzimwe nzvimbo kana mharidzo yabata hunhu hwavo.

Vanotenda kumharidzo vanoti hama Branham havatadzi uye Mwanakomana wemunhu.

Asi vakati vanotadza uye semutumwa kukereke yechinomwe vaive vasiri Mwanakomana wemunhu.

62-1007 KIYI YEMUKOVA
... apa vari kuparidza kuti varume vanofanira kusiya vakadzi vavo vonotsvaga vadiwa vavo vemweya, uye kuti ini handitadzi zvachose. Uye kuti hakuna chinhu ... uye, oh, zvimwe zvizvinhu zvakaipisisa zvamunganzwe.

65-0725 VAKAZODZWA MAZUVA EKUPEDZISIRA
… "Mharidzo yemutumwa wechinomwe, achizarura Zvisimbiso.” Chimbori chii?

Kwete kuti mutumwa Mwanakomana wemunhu;

Mutumwa anozivisa Mwanakomana wemunhu. Munokwanisa kuzvinzwisisa zvapatsanurwa here ikozvino?

MARKO 6:21 Asi zuva rakafanira rakati rasvika, Herode nezuva rekuberekwa kwake akaitira chirairo madzishe ake nevatungamiriri vezvuru nevatungamiriri veGarirea,

Kuda kwatinoita mabhavhadhe isu vanhu venyama. Izuva rakafanira remutambo mukuru iro tinoguma takuita zvinhu zvisimo muMagwaro.

Hakuna bhavhande remunhu akarurama rakambotaurwa mu Bhaibheri.

Bhaibheri harina kubvira ratiti tipemberere kuzvarwa kwaJesu.

Bhavhadhe rakakonzeresa kuuraiwa kwemuprofita wekutanga aive auya kumaJuda mumashure memakore 400.

MaJuda vaizoenderera mberi kunouraya Jesu pachake. Jesu ndiye Chingwa chehupenyu.

Josefa paaive mutorongo kuEgipita nemubiki wechingwa nemudiri wewaini 9chingwa newaini zvakashandiswa paChirayiro chekupedzisira) aive mubiki wechingwa akauraiwa naFarao pabhavhadhe rake.

Chingwa chakagurwa pachirairo chekupedzisira uri mucherechedzo wekufa kwaJesu.

Saka Farao akauraya munhu pabhavhadhe rake, mucherechedzo wekuuraiwa kwaJesu kwaizouya.

Saka Mwari vanonakidzwa here nezvemabhavhadhe?

Bhaibheri harina kubvira ratiti tipemberere bhavhadhe raJesu.

MARKO 6:22 Zvino mukunda waHerodhiasi uyo paakapinda akatamba, akafadza Herodhe nevakange vagere pakudya naye; mambo akati kumusikana: Kumbira kwandiri chipi zvacho chaunoda ndigokupa.

Musikana muduku akatamba akafadza Herode. Ndiko kunyengedza kwenguva duku kwerunako rwevakadzi.

MARKO 6:23 Zvino akamupikira achiti: Chero chipi chaunokumbira kwandiri ndichakupa, kusvikira pahafu yeushe hwangu.

Sarudzo yaive yakaipa kwazvo. Ungavimbise sei mutambi wechikadzi wechidiki chinhu chisina kutaurwa nezita?

Mukadzi anomiririra kereke.

MaKristu anoshaya huchenjeri nekuvimbisa kutenda zvavanenge vaudzwa nemakereke avo kuti vatende mazviri.

MARKO 6:24 Akabuda akati kuna mai vake: Ndichakumbirei? Vakati: Musoro waJohani Mubapatidzi.

Mwanasikana akabvunza mai vake ivo vakamuti vaizoda kuuraiwa kwemuprofita aiuya neShoko.

Mwanasikana mucherechedzo wemakereke akapikisa akabuda muchiCatholic. Mai mucherechedzo wekereke yeRoma. Saka, panguva yekupedzisira, makereke akapikisa akabuda muchiCatholic achadzokera kuzvitendero zvaamai vawo kana vatenderana kuparadza zaruriro yemuprofita yeShoko raMwari.

MARKO 6:25 Pakarepo akakurumidza kupinda kuna mambo, akakumbira achiti: Ndinoda kuti mundipe mundiro ikozvino musoro waJohani Mubapatidzi.

Zvakaipa zvawandisa munguva yekupedzisira.

“Pakarepo akakurumidza” zvinoratidza kuti Diaborosi akagadzirira sei kuwodza zaruriro yenguva yekupedzisira yezvakavanzika zveBhaibheri zvakaziviswa nemaprofita.

Makereke anofuratira dzidziso dzehama William Branham kana kudzisimudzira kudziisa pahuMwari vachiti Mwanakomana wemunhu asingatadzi anotaura ari Izwi raMwari. Saka zvakataurwa nehama Branham zvinoshandiswa kutsiva Magwaro pachinzvimbo chekuti zvizivise Magwaro.

“Izwi raMwari” harina kubvira rataurwa muTestamente Itsva.

MARKO 6:26 Mambo akashungurudzika zvikuru, asi nekuda kwemhiko, nekwevakange vagere naye pakudya, wakange asingadi kumurambira.

Herode aisada kuuraya muprofita.

Asi mukadzi aive mucherechedzo wekereke akasimbirira. Makereke emharidzo achaturikira achishandisa Magwaro kunyengera kuti ape dzidziso dzinorwisa zvakanyorwa muMagwaro. Vanhu veMharidzo havadi kudzidza Bhaibheri pachavo. Havadi kutsigira zaruriro dzavanosangana nadzo vachishandisa Bhaibheri.

MARKO 6:27 Pakarepo mambo akatuma muurai, akaraira kuti musoro wake uuyiswe. Akaenda, akamugura musoro mutirongo,

Zvakare munhu akauraiwa pabhavhadhe. Mwari vari kuedza kutiudza kutii?

Mutumbi waJohane unomiririra chimiro cherudzi rwechiJuda. Musoro wakabviswa pamuviri wemaJuda. Musoro wavo, vasingazivi, waive Jesu. Kuparidza kwevaFarise vaSeduse nevaPrista kwaiparadzanisa vanhu nenyasha dzaMwari Jesu Kristu.

Nhasi, zvakabatwa paitaura vaparidzi vemharidzo zvakaturikirwa zvisizvo zviri kuparadzanisa vatendi vemharidzo neBhaibheri reKing James (zvekuti havachariverenge zvachose). Kusaziva Bhaibheri kwava dambudziko guru.

MARKO 6:28 akauya nemusoro wake mundiro, akaupa kumusikana, musikana ndokuupa mai vake.

Mai nemwana vakanga vaita chinhu chakaipisisa. Vaive vauraya muprofita aive azivisa Jesu ari Munhu pakati pevanhu.

Dzidziso isimo muMagwaro yemakereke yauraya zvakazara kurudziro yehama Branham vakaedza kuita kuti vatendi vatsigire pachavo zaruriro yavakaunza, vachishandisa Bhaibheri chete.

Hama Branham vakazivisa Jesu kwaitiri ari Shoko rakaziviswa.

MARKO 6:29 Vadzidzi vake vakati vachizvinzwa, vakauya vakatora chitunha chake, vakachiisa muguva.

Andrea ndiye ega mudzidzi waJohane akazoita mudzidzi waJesu pakati pevadzidzi gumi nevaviri vaJesu. Kuva muteveri wemuprofita Johane Mubapatidzi hakuna kureva kuti vanhu ivavo vaizotevera Shoko.

Vanhu vaive vafadzwa naJohane Mubapatidzi zvekuti vakanetseka kuteerera Jesu.

Mwari vaifanira kubvisaJohane Jesu asati aenda kure nehushumiri hwake.

Zvakataurwa nemuprofita kazhinji zvinotipofomadza kuti titadze kutevera Magwaro.

MARKO 6:30 Zvino vaapositori vakaunganira kuna Jesu, vakamuudza zvese, nezvavakange vaita, nezvavakange vadzidzisa.

Mabiko murenje

MARKO 6:31 Akati kwavari: Uyai imwi pachenyu mega kunzvimbo yerenje, muzorore zvishoma. Nokuti vaiva vazhinji vaiuya nekuenda, vakasava nemukana kunyange wekudya.

Nyika inogona kurema kurarama mairi. Zvakawanda zvinokanganisika uye vanhu vanoda zvakawanda kuti vararame.

Saka vanoramba vachienda kuna Jesu nekuti vaiziva kuti aikwanisa kuvaporesa.

Pakupedzisira, ruzhinji rwakavashaisa nguva yekuzorora chero yekudya.

Jesu akasarudza kuenda navo kurenje, kuzasi kweBetiseda.

Nzvimbo inoratidzwa pamepu pazasi mudenderedzwa regirini. Ndiyo nzvimbo yakazoguma yapihwa vanhu 5000 chekudya naJesu.

Uyu munana wakaitwa naJesu asati asungwa wakanyorwa muEvangeri. Saka unofanira kuva nechirevo chikuru.

MARKO 6:32 Vakaenda nechikepe kunzvimbo yerenje vari vega.

Vakafamba vakaenda chinyararire asi ruzhini rwakavatevera ruchimhanyisa mugwa nemumhenderekedzo rwegungwa.

MARKO 6:33 Zvaunga zvikavaona vachienda, uye vazhinji vakamuziva, vakamhanyirako

Ruzhinji rwaida kwazvo kuenda kuna Jesu.

MARKO 6:34 Zvino Jesu wakati achibuda, akaona chaunga chikuru, ndokuvanzwira tsitsi, nokuti vakange vakaita semakwai asina mufudzi; akatanga kuvadzidzisa zvinhu zvizhinji. Amwe chete netsoka vachibva pamaguta ese, vakavatangira, vakasangana kwaari.

Vanhu vasina kubvira vadzidza chokwadi kubva kuvatungamiri vezvitendero zvavo vaida kwazvo kuteerera Jesu achidzidzisa.

MARKO 6:35 Zvino nguva yakati yaenda zvikuru, vadzidzi vake vakauya kwaari vakati: Iyi inzvimbo yerenje, uye nguva yatoenda;

MARKO 6:36 varegei, kuti vaende kuruwa rwakapoteredza nemisha vanozvitengera zvingwa; nokuti havana chavangadya.

37 Akapindura akati kwavari: Vapei imwi kuti vadye. Vakati kwaari: Tingaenda here tinotenga zvingwa zvemadhenario* mazana maviri, tivape vadye?

38 Akati kwavari: Mune zvingwa zvingani? Endai munoona. Vakati vaziva vakati: Zvishanu, nehove mbiri.

Zvinhu zvinomwe zvekudya zvaimiririra nguva nomwe dzemakereke.

Mapostora vaizotanga kereke yeTestamente Itsva yaizoita nheyo dzechokwadi kunguva nomwe dzese dzemakereke.

Chingwa mucherechedzo weShoko raMwari.

Nguva shanu dzemakereke dzichagadzwa neShoko raMwari.

Hove inotuhwina isingaonekwe pasi pemvura.

Hove mbiri mucherechedzo wekereke yechokwadi ichirovererwa munguva mbiri dzemakereke. Chokwadi chakaparadzwa munguva yekereke yechitatu paKanzuru yeNicaea apo kereke yakamanikidzwa kugamuchira dzidziso isimo muMagwaro yeTiriniti.

Munguva yekereke yechina, muNguva yeRima, makumi emamiriyoni evanhu vaipikisa vakauraiwa nekereke yeRoman Catholic. Vaipikisa vaifanira kutizira kunovanda mumarenje. Madzibaba emaPilgrimi vakatizira kuNorth America.

MARKO 6:39 Zvino akavaraira kuti vavagarise vese pasi nemapoka-mapoka pauswa unyoro.

Vanhu vose vakagara mumapoka akasiyana kuti vadzidzi vavavigire chingwa nenyama yehove zvese mucherechedzo weShoko raMwari. Nemamwe mazwi, Bhaibheri rinopa chekudya chedzidziso apo vapostora vanozivisa nguva yekereke yekutanga.

MARKO 6:40 Zvino vakagara pasi nemapoka-mapoka nemazana uye nemakumi mashanu.

MuKristu mumwe nemumwe anozvarwa imwe nguva panzvimbo yaanoshandira Mwari ari kupfurikidza nekutenda mudzidziso dzemapostora.

MARKO 6:41 Zvino wakati atora zvingwa zvishanu nehove mbiri, akatarira kumusoro kudenga, akavonga, akamedura zvingwa, akapa kuvadzidzi vake, kuti vazvigadzike pamberi pavo; nehove mbiri akavagovera vese.

Chokwadi cheBhaibheri chakagovaniswa kuita nguva nomwe dzemakereke. Nguva imwe neimwe yekereke yakatarisana nezvipingaidzo zvakasiyana. Nguva yekereke yekutanga yaive nechokwadi.

Vakatanga kushaiwa chokwadi mumashure mekufa kwemaPostora nekuti vakatanga kusimudzira mabhishopu pamusoro pekereke imwe neimwe. Munguva nhatu dzemakereke dzakatevera chokwadi chemapostora chekutanga chakarasika.

Nguva yekereke yechitatu yaive yakaipa sezvo Kanzuru yeNicea yakauraya rudo rwekutsvaga chokwadi cheBhaibheri nekuzivisa Tiriniti isimo muMagwaro neChishanu Chakanaka. Kereke yeRoma yakatanga kuroverera vaisatenda kuTiriniti vaimanikidzwa kuvanda nekutsakatika, sehove.

Kuurayiwa kwevanhu vaisatenda muchiCatholic kwakakura munguva yekereke yechina. Iyi yaive nguva yechipiri yaive yakamiririrwa nehove dzakavanza dzaivanda kuti dzisaonekwe, sezvo makumi emamiriyoni evanhu vaiuraiwa nekereke yeCatholic.

Mwari akatanga kutendeudza zvinhu achishandisa Rumutsiridzo rwaMartin Luther munguva yekereke yechishanu yakadzorera Kururamisirwa, nekurarama nekutenda chete.

John Wesley muEngland akawedzera hutsvene kuti vaite dzidziso dzeKunatswa munguva yekereke yechitanhatu.

Rubapatidzo rweMweya Mutsvene rwakaziviswa nematanho maviri. Pentekositi yakadzorera zvipo zvemweya unoshamisa hama Branham muAmerica vakazivisa zvakavanzika zvakadzama zveMagwaro. Saka nguva yekereke yekupedzisira yaikwanisa kudzorerwa kunotenda zvakatendwa nemapostora mukereke yekutanga.

JOHANE 16:13 asi kana iye asvika, Mweya wechokwadi, achakutungamirirai kuchokwadi chese;

Humbowo hwerubapatidzo rweMweya Mutsvene ndeapo tinotanga kugona kunzwisisa zvakavanzika zveShoko rakanyorwa.

MARKO 6:42 Zvino vakadya vese, vakaguta.

Makereke evaHedeni akararama munguva yawo imwe neimwe nechokwadi kana kuti nechingwa chemweya chakaziviswa nemutumwa kunguva iyoyo. Mutumwa mumwe nemumwe akaedza kuendesa kereke yenguva yake kuShoko raMwari rakanyorwa nepaaigona napo.

MaJuda akadya chingwa chepanyama kusvikira vaguta. Vakarasa mafufu mafufu echingwa akawanda avakanga vasisadi kudya.

Mafufu akaraswa aya kana zvidimbu zvechingwa zvaive mucherechedzo wekuramba kwemaJuda Evangeri remweya kana dzidziso dzaiuya naJesu.

MARKO 6:43 Vakanunga matengu gumi nemaviri azere nezvimedu, nezvehove.

Matengu gumi nemaviri emafufu akaraswa echingwa aive mucherechedzo.

MATEO 16:9 Muchigere kunzwisisa here, kana kurangarira zvingwa zvishanu zvevanezvuru zvishanu, uye matengu mangani amakanonga?

Tinofanira kunzwisisa chii pamusoro pematengu gumi nemaviri emafufu akaraswa?

MaJuda aizoramba Evangeri paKalvari. Vadzidzi vaJesu vaizotora Evangeri rarambwa iri voriunganidza vonyora Testamente Itsva.

Ipapo, kana makereke manomwe evaHedeni apera (mucherechedzo wezvidimbu zvinomwe zvechikafu), kereke yevaHedeni inoramba chokwadi chakaziviswa muTestamente Itsva ichi chakatendwa machiri nenguva yekereke yekutanga. Matengu gumi nevaviri emafufu akarambwa aya mucherechedzo wechokwadi cheMagwaro chakarambwa nevaHedeni pakupera kwenguva yekereke yechinomwe chichatakurwa kudzokera kumarudzi gumi nemaviri evaIsraeri mumakore matatu nehafu enguva yeKutambudzika kukuru. Evangeri rakarambwa iri richatambirwa nemaJuda 144,000.

MARKO 6:44 Zvino avo vakadya zvingwa vaiva varume vanenge zvuru zvishanu

Mukadzi mucherechedzo wekereke.

Nekukoshesa kuti varume, Marko haasi kutaura kukereke asi kumaJuda.

5000 inomiririrei.

Kubva pakuwira pasi kwaAdamu kusvika pana Jesu aive makore anoda kuita 4000.

MaJuda akaramba Jesu vakabuda mukuda kwaMwari.

MaJuda achadzoka muZano raMwari munguva yeKutambudzika Kukuru. Zvikamu zviviri muzvikamu zvitatu zvemaJuda 18,000 nhasi vachafa chetatu chichararama pahondo yeAmagedhoni chopinda muHushe hweMereniyamu hwemakore 1000 erugare.

Ivo nevana vavo vachashandira Mwari kwemakore 1000.

Chetatu chemaJuda vanorarama havana chekuita nemaJuda 144,000 vanogashira Kristu. MaJuda 144,000 ndivo vanorwira Mwenga vanochengetedza mukadzi weGwaiana.

Saka nguva yese inoshandira maJuda pamberi paMwari makore 4000 + 1000 = 5000.

Izvi zvinomiriirrwa nemaJuda 5000 vakadya zvingwa nehove.

ZEKARIA 13:8 Zvino munyika yose, ndizvo zvinotaura JEHOVA, migove miviri ichaparadzwa ndokufa; asi wechitatu ucharegwa urimo.

9 Mugove wechitatu ndichaupinza mumoto ndichavanatsa sezvinonatswa Sirveri; ndichavaidza sezvinoidzwa ndarama. Vachadana zita rangu; ini ndichavanzwa; Ini ndichati: Ndivo vanhu vanhu, ivo vachati: Jehova ndiMwari wangu.

MaJuda 6 miriyoni vachapinda muMereniyamu vachagonesa maJuda kushandira Mwari kwemamwe makore 1000. Vachararama pakati pevaHedeni vasina kuponeswa vasina kubvira vanzwa Evangeri vakagona kurarama pahondo yeAmagedhoni.

II PETRO 3:8 Asi chinhu chimwe ichi ngachirege kusazikanwa nemwi, vadikanwi, kuti zuva rimwe kuna Ishe rakaita samakore ane churu, nemakore ane churu sezuva rimwe.

Makore 2000 enguva nomwe dzemakereke haaverengwe kumaJuda sezvo vakaramba chokwadi paKalvari. Saka makore 4000 chete eTestamente Yekare ndiwo anobata kwavari.

Makore 2000 eTestamente Itsva haashandi kwavari.

Asi maJuda anorarama anopindawo muzuva rechinomwe kana makore 1000 eMereniyamu eHushe hweRugare.

Kuenda pamberi paJesu kwave kukanganisa

MARKO 6:45 Pakarepo akamanikidza vadzidzi vake kupinda muchikepe, vatungamire kuenda mhiri kuBetisaida, iye achirega chaunga chichienda.

Jesu haana kuti “KuBetisaida” aizoreva kuti vaizotora mugwa vakananga Betisaida pakarepo.

“Mhiri” zvaireva kuti kumberi kwe”.

Jesu akati “Kumhiri kuBetisaida”.

Vaifanira kutora mugwa voenda kumhiri asi kwete kuBetisaida, kumusha kwaPetro, Andrea naFiripi. Vaifanira kudarika nekuBetisaida rwaizova rwendo rwavo rupfupi rwuri nyoresa. ChiKristu hachina kugadzirirwa kuti chireruke. Rwendo rwavo rwaizoenda nepamberi pemisha yavo sezvo vaifanira kupedzisa rwendo vasati vadzokera kumisha yavo kuBetisaida pamagumo erwendo.

Bethsaida zvinoreva kuti musha wehove.

Jesu aifanira kudzidzisa kuti vaizoredza sei vanhu vasati vadzokera kumusha kwavo.

Chidzidzo chakakosha chekudzidza ndechekuti sarudzo dzedu dzenyama dzinobva pane zvatinofunga kuti zvakanaka dzinenge dzakaipa.

Tinotenderera kwemaawa tisina kwatinoenda. Tinozongosiyana nazvo kuti tiwane gwara chairo. Izvi zvinoitika chete kana tagamuchira Jesu mumugwa medu.

Jesu akufanira kuvasiya kuti vadzidze zvidzidzo zvavo.

Vadzidzi vaizobviswa kuna Jesu voita sarudzo dzakaipa.

MARKO 6:46 Akati avaoneka, akabva akaenda mugomo kunonyengetera.

Vaive vavega. Vakaita sarudzo yakaipa. Vaifanira kutanga kuenda nepamberi peBetisaida vachienda kune rimwe divi. Nzvimbo yaive pedyo zvakanyanya uye yaive nyore yaive Kapenaume. Hazvitore nguva vaibva varara vodya vari ikoko. Isu vanhu tinowanzozvisarudzira nzira dziri nyore kwatiri.

MATEO 14:22 Pakarepo wakagombedzera vadzidzi vake kuti vapinde mugwa; kuti vamutungamirire mhiri; iye ndokusara ndokuendesa vanhu vazhinji.

Vanhu havafaniri kuenda pamberi paMwari kana vachida kuenda nzvimbo chaiyo.

Rwendo rwavo rwaizoguma vava Genesareti. Rwaive rwendo rwakareba rwakarema rwaidiwa kuti vaite naJesu.

MARKO 6:53 Vakati vayambuka, vakasvika kunyika yeGenesareti, vakasungira chikepe pamahombekombe.

Vaida kuita kuti rwendo rwavo rwuve rupfupi kwazvo kusvika Kapenaume. Vanhu vane kunzwisisa kushoma kwazvo paZano raMwari.

JOHANE 6:16 Zvino ava madekwani, vadzidzi vake vakaburukira kugungwa,

17 zvino vapinda muchikepe, vakayambuka gungwa kuuya kuKapenaume. Zvino kwakange kwatosviba, asi Jesu wakange asati asvika kwavari.

Kuruboshwe kwavo vakasarudza Kapenaume kuti ndiko kwavaienda. Asi Kapenaume raive rimwe remaguta matatu akatukwa naJesu. Isu vanhu tinonzwisisa Kuda kwaMwari zvishoma kwazvo.

Jesu aive asiri navo. Vakasarudza zvavaida kuita. Saka vakaguma voda kuenda kusiko, Kapenaume, pachinzvimbo chekuenda rwendo rurefu rwekuGenesareti.

Jesu akavatendera kuenda mberi kwake. Vaifanira kudzidza chidzidzo.

Tinofanira kutevera Jesu, kwete kumutungamirira.

Dutu guru rakavapo nekuda kwekuti vadzidzi vakaenda mberi kwaJesu.

Saka vadzidzi vakadzidza zvakaoma kuti Jesu anofanira kuvatungamirira nguva dzose.

Mmashure mekumuka kwaJesu kuvakafa.

MARKO 16:1 Sabata rakati rapfuura, Maria Magidarini, naMaria mai vaJakobo, naSarome vakatenga zvinonhuhwira, kuti vauye kunomuzodza.

Evangeri raMarko rinogumira nekutsanangura vakadzi vatatu vakauya kubwiro vakaona mutumwa akavati:

MARKO 16:7 Asi endai, munoudza vadzidzi vake naPetro kuti anokutungamirirai kuGarirea, muchanomuonako sezvaakakuudzai.

Apa vadzidzi vaive vadzidza kuti Jesu aifanira kuenda mberi kwavo. Ivo vaifanira kutevera.

Izvi mucherechedzo waWilliam Branham achizivisa kudzorerwa kweShoko raMwari rechokwadi kubva murufu rweNguva yeRima. Mwenga kubva munguva nhatu dzemakereke aizodzorera chokwadi.

Zvaizotora nguva nhatu dzemakereke mwenga asati adzidza zvakazara kutevera Magwaro. Kudzorerwa kunotenda zvakatendwa nenguva yekereke yekutanga.

Martin Luther kuGermany akadzorera Kururamisirwa, kuponeswa neKutenda chete. Nguva yekereke yechishanu.

John Wesley kuEngland akadzorera hutsvene kunova kunatswa. Nguva yekereke yechitanhatu.

Nguva yekereke yechinomwe yaive nematanho maviri. Kubva muna 1906 vePentekositi muAmerica vakadzorera zvipo zveMweya. Iyi yaive nhanho yechitatu yekudzorerwa.

William Branham muAmerica akadzorera kunzwisisa zvakavanzika zveBhaibheri iri nhanho yechina.

JOHANE 16:13 Asi kana iye asvika, Mweya wechokwadi, achakutungamirirai kuchokwadi chese;

Humbowo hwerubapatidzo rweMweya Mutsvene kugona kunzwisisa zvakavanzika zveMagwaro.

63-0318 CHISIMBISO CHEKUTANGA

... nokuda kweizwi zvoga, zvakavanzika zvaMwari, ndizvo hushumiri hwemutumwa wechinomwe.

Kuomerwa nekuremerwa zvinotiisa pachidzidzo chechokwadi

MARKO 6:47 Zvino ava madekwani chikepe chakange chiri pakati pegungwa, iye ari ega panyika.

Madekwana. Magumo enguva nomwe dzemakereke.

MARKO 6:48 Zvino wakavaona vachirwadziwa nekukwasva, nokuti mhepo yakange ichipesana navo; akauya kwavari nenguva inenge seyechina yekurinda yeusiku, achifamba pamusoro pegungwa; ndokuda kuvapfuura.

Mwari akashandisa mhepo hurusa kushandura masimba avo aive achivaendesa kusiko.vaifanira kutsvairwa (munongedzo mutsvuku wakarurama) kuti vaende negwara rechokwadi (munongedzo mutsvuku wakadamburwa damburwa) zvaigoneka chete kana Jesu abatana navo.

Tinodzidza chidzidzo chikuru sevaranda vaMwari.

Kuomerwa nekuremerwa kunotibvisa kuzvido zvinodokwairirwa nemoyo yedu zvotimanikidza kudana Jesu. Kumugamuchira mumoyo yedu ari Shoko raMwari kunotipa gwara rechokwadi.

Dutu remhepo rinopikisa kuedza kwedu rinotinatsira.

Kana tikaedza kubatira Mwari nesimba redu tega tinotenderera mukuedza kwedu kumushandira asi tichingoguma tatambisa nguva. Tinogona kuvaka chinhu chinodakadza mumeso evanhu, zvakafanana neVatican, asi zvisina maturo kana takutarisa chokwadi chaicho.

Danho rechina rekudzorerwa kwezvakavanzika zveBhaibheri ndeapo vanhu vakazvimiriria pamwenga vanogona kunzwisisa Bhaibheri nezvakavanzika zvaro pachavo. Vogona kuona Jesu achifamba mumapeji eBhaibheri.

Kana tikafuratira kana kushandura mavhesi eBhaibheri atisinganzwisisi anotidarikira.

Tinofanira kunamata zvakasimba nekutsvaga chokwadi chemavhesi akaoma kunzwisisa eBhaibheri iwayo. Tinofanira kuchema togamuchira mazano akati siyanei mumoyo yedu kana tichida kunzwisisa zvakavanzika zvakadzama zveMagwaro.

Wachi yechina inomiririra nguva yechina yekudzorerwa kwechokwadi. Kana vanhu vakazvimiririra vakagona kutsigira kunzwisisa kwavo kweMagwaro vachishandisa mavhesi eBhaibheri.

MARKO 6:49 Zvino vakati vachimuona achifamba pamusoro pegungwa, vakafunga kuti chipoko, vakaridza mhere.

“Vakaridza mhere”. Zaruriro yezvakavanzika zveBhaibheri inoita kuti tiridze mhere nekushamiswa nekuti zvinosiyana kwazvo nezvatinotarisira kana zvatinofunga.

Gungwa marudzi asina kugadzikika neruzhinji rwevanhu. Zvisinei nezvakaipa zvese zviri kuitika mukuipa nekukanganisika kwenyika yezvematongerwo enyika, tinofanira kuziva kuti Jesu ari pamusoro pazvo zvese sezvo achiri kutonga zviitiko zvese zvenyika. Asi zvinoshungurudza kwazvo uye zviri nyore kuti vanhu vatye.

MARKO 6:50 Nokuti vese vakamuona, vakavhunduka; asi pakarepo akataura navo, akati kwavari: Tsungai moyo, ndini, musatya.

Zvakare, kukosha kwekutenda kwedu kuti kuve paMagwaro uye tinoda kunzwisisa Bhaibheri nezvakavanzika zvaro kuti Mwari vataure kwatiri vachishandisa mavhesi eBhaibheri.

MARKO 6:51 Akakwira kwavari muchikepe, mhepo ikanyarara; vakakatyamara zvikuru mukati mavo zvisingaverengeki, vakashamisika.

Pakupedzisira vakagamuchira Jesu mumugwa wavo. Ndicho chakavanzika chebudiriro yemaKristu.

Kristu ari mamuri anokupai rugare mumoyo zvekuti hamuzooni mhepo nematutu adzo muhupenyu.

VAFIRIPI 4:11 Kwete kuti ndinotaura izvi nekuda kwekushaiwa, nokuti ini ndadzidza kugutsikana nezvinhu zvandiri.

VAROMA 8:28 Uye tinoziva kuti zvinhu zvese zvinobata pamwe kuti zvinakire avo vanoda Mwari, avo vakadanwa maererano nezano rake.

Vaive vatadza mukuedza kwwavo vega asi kugamuchira Kristu mumugwa wavo kwakauya nerugare nekudzikama.

Tinoshamiswa zvakafanana kuti Jesu anogona kuita Kuda kwake nhasi zvisinei nekuipa, kuwodzwa, makaro ruvengo kana kuzvikudza kuri kutonga mumarudzi zvine simba.

MARKO 6:52 Nokuti vakanga vasati vanzwisisa shoko rezvingwa nokuti moyo yavo yakanga iri mikukutu.

Matengu gumi nemaviri emafufu akaraswa akanongwa aimiririra maJuda achiramba Evangeri vachiparadzaniswa naMwari munguva nomwe dzemakereke. Pakupedzisira, maJuda akaraswa anounganidzwa muIsraeri ogamuchira Ishe munguva yeKutambudzika kukuru.

Saka maJuda akarasa gwara makore 2000 akadarika asi mudutu remhepo rakaipa renguva yeKutambudzika vachadzoswa kuzosangana naShe.

Gennesareti inomiririra Mereniyamu yeRugare

MARKO 6:53 Vakati vayambuka, vakasvika kunyika yeGenesareti, vakasungira chikepe pamahombekombe.

Gennesareti zvinoreva kuti Munda wemuchinda.

Munda weEdeni waive wapadzwa zuva rechinomwe pakapindira chivi.

Jesu, ari Mwanakomana waDavidi, achatonga nerugare kwemakore 1000, muMereniyamu. Achava Muchinda werugare chaiye nyika yese ichava muMunda.

Saka, munguva yeMereniyamu pasi rese richava Gennesareti, Munda weMuchinda. Zvichapedzisa zuva rechinomwe rakakanganiswa naSatani muEdeni nekuti zuva kunaMwari makore 1000.

II PETRO 3:8 Asi vadikanwa musakanganwe chinhu chimwe ichi, kuti kunaShe zuva rimwe rakaita semakore ane chiuru namakore ane chiuru akaita sezuva rimwe.

Kwemazuva matanhatu (makore 6000) Mwari vakagadzira nyika kuti vanhu vagone kuraramamo vakasika Paradhiso, Munda weEdeni. Muzuva rechinomwe kana makore 1000 chivi chakapindira.

Ikozvino makore 6000 adarika nyika ichitongwa naSatani. Jesu paachaparadza hondo dzakaipa paAmagedhoni achatonga pasi rese kwezuva rechinomwe rinoitwa nemakore 1000. Pasi rese richava Munda weMuchinda. Gennesareti. Ndicho chikonzero nei Gennesareti rakasarudzwa naJesu sekwainogumira rwendo rwavo.

MARKO 6:54 Vakati vabuda muchikepe, pakarepo vakamuziva,

Amagedhoni painopera pasi rese richava pasi pehutongi hwaJesu.

VAFIRIPI 2:10 kuti muzita raJesu ibvi rese rifugame, revekudenga nevepanyika, nevepasi penyika,

Nekunge aparadza hondo dzine simba idzi pahondo yeAmagedhoni, munhu wese achadanidzira Zita raJesu nekuti munhu wese achaziva kuti Iye Ndiyani.

MARKO 6:55 vakamhanyira munharaunda iyo yese yakapoteredza, vakatanga kutenderera vakatakura vairwara pahwanyanza, kwavainzwa kuti ndiko kwaari.

Vanopona paAmagedhoni vese vachapihwa rugare neruponeso rwaJesu.

MARKO 6:56 Zvino pese paakapinda pamisha kana pamaguta kana paruwa, vakaradzika varwere pamisika, vakamukumbira zvikuru kuti vabate mupendero wenguvo yake chete; uye vese vakamubata vakaponeswa.

Kuchange kusingori kurapwa kwehurwere, dzichava ndangariro dzakanaka. Kuchavawo kuponeswa kwemarudzi. Marudzi nerusarura zvichabviswa.

Vanhu vachaona kuti Mwari vanoda chete rudzi rumwechete, rudzi rwevanhu.

Vanhu vose vachava mhuri imwechete yakakura.

Kubata kumwechete kwaJesu kunoshandura hutano hwemunhu zvakazara nemaitiro ake.