Marko 05 muHedeni airwara pfungwa ndiye akaita muvhangeri wedu wekutanga

We update studies as the Lord Jesus leads us. You can find the latest update of this study at ChurchAges.net

Jesu kayambukira kubva kumaJuda achienda kumuHedeni akazvimiririra

Mwari vanoshanda nemaJuda serudzi. Asi Mwari anoshanda nesu vaHedeni munhu mumwe nemumwe akazvimiririra.

Chitsauko chino cheEvangeri raMarko, anozivisa Jesu seMuranda mukuru, chinoratidza Jesu achibva kumaJuda vairarama kumusoro kweGungwa reGarirea kuKapenaume kunodzikinura munhu aipenga aive muHedeni airarama ari kuzasi kweGungwa reGarirea.

Kuyambuka Gungwa reGarirea waive mucherechedzo wemuchinjiko apo Jesu akasiya Murairo wemaJuda kuratidza Nyasha dzake kuvaHedeni vaive vasina kudzifanira.

Jesu aive achishanda nemaJuda munzvimbo dzeKapenaume.

Akabva ayambuka Gungwa reGarirea kuti aende kunzvimbo dzevaHedeni kunyika yevaGerasa.

MARKO 5:1 Vakasvika mhiri kwegungwa kunyika yevaGerasa.

“Rimwe divi” zvinotiyeuchidza imwe yeNzvimbo Tsvene muTabernakeri.

Zvinhu zvemuTabernakeri zvaive zvakarongwa semuchinjiko.

Kune rumwe rutivi kwaive netafura yeZvingwa zvekuratidzira marofu gumi nemaviri anomiririra marudzi gumi nemaviri evaIraeri. Kuchava nemaJuda 144,000 vachagamuchira Jesu mumakore matatu nehafu eKutambudzika kukuru.

Kune “rumwe rutivi” kwaive nechigadziko chemwenje minomwe zvinomiririra chiedza cheEvhangeri mumakore 2000 enhorondo yenguva nomwe dzemakereke evaHedeni.

Mwari vanofunga nezvemapoka ese ari maviri nguva dzose, maJuda nevaHedeni, chero asingashande navo nguva imwechete.

MARKO 5:2 Zvino akati abuda mugwa pakarepo akasongana nomunhu waive nomweya wetsvina achibva kumarinda.

Jesu seMuranda aive Munhu webasa. Kwaive kusina nguva yekuzorora. MuHedeni aive nemweya wetsvina akauya kunosangana naye. Chimwe chinhu chaive muna Jesu chakabata muHedeni uyu. Saka hakuna chikonzero muvaHedeni vose nhasi vakakwana vasingadi Jesu.

MARKO 5:3 Uyo waigara kumarinda kwakanga kusino munhu waive achagona kumusunga kunyange nengetani:

Nhasi, ava vanhu vanoenda kumakereke vanorarama pakati pevanhu vakafa pamweya vemasangano evaHedeni vakaita mazano avo asimo muMagwaro. Asi zvisinei nemutemo wehudzvanyiriri hwevakuru vemakereke havana kugona kusunga ndangariro dzake nekumumisa kufunga pachake. Hakuna ngetai dzezviwira vanhu dzinogadzirwa netsika dzemakereke dzakagona kumubata.

Aida Jesu Shoko.

Hakuna mashoko akaitwa nevanhu asimo muMagwaro akaita seTiriniti, Mwari Mwanakomana, vakaenzana, Mwari Mweya Mutsvene, Mwari Mumwe muVanhu vatatu, Kisimusi, Chishanu Chakanaka, Renti, Pope, masangano, Baba neMwanakomana vanotsivana (zvisinei nekuti zvinorevei), nezvimwe.

MARKO 5:4 Nokuti kazhinji waisungwa nezvisungo zvamakumbo nemaketani, asi waidambura maketani, nokudashura zvisungo, kwakanga kusono munhu waigona kumunyorovesa.

Kune vanhu vakazvimiririra nhasi vasingafadzwi nemitemo yemakereke yakaitwa nevanhu nezvidanho zvavakazviitira zvavanoona mumakereke. Vanodambura matanho ekereke nezvainotenda kana pasina mavhesi emuBhaibheri anotsigira zvinhu izvozvo.

Havana chokwadi pachavo asi vanokwanisa kuona kuti makereke akazadzwa nenhau dzenhema.

Asi kuedza kupokana nemakereke kunoita kuti munhu iyeye adzingwe mumakereke.

Anofanira kurarama ari oga.

MARKO 5:5 Nguva dzose, vusiku namasikati, waigara mumarinda nomumakomo, achidanidzira achizvicheka namabwe.

Nekuda kwekurondwa nemweya wakaipa aigara nzvimbo dzaityisa achizvikuvadza zvakanyanya.

Mweya yakaipa inotiita kuti tirarama nezvinhu zvakaipa.

Sevanhu vanoputa vachikuvadza mapapu avo kana kumwa doro vachikuvadza zvitaka neitsvo zvinofanira kunatsa muchetura kubva mudoro. Havazogoni kugara vasingaiti izvi saka vanotanga kuputa nekunwa zuva rimwe nerimwe.

Vamwe havatogoni kugara vasingaoni mifananidzo yezvitsverudzi zvinosvibisa pfungwa dzavo.

Vamwe vanotora zvinodhaka zvine mishonga yakaipa inoparadza pfungwa dzavo.

Vamwe havachagoni kugara vasingatambi njuga zvinovapa kudisa mari.

Kunamata Jesu hakuratidzi kuti une mweya wakanaka

MARKO 5:6 Zvino akati achiwona Jesu ari kure, akamhanya ndokumunamatira.

Chero hake aipenga achirarama hupenyu hwakaipa, akamhanya achiuya kuzonamata Jesu.

Saka, chero mweya yakaipa inonamata Jesu.

Chinhu chekuti unonamata Jesu hachirevi kuti une mweya wakanaka.

Kana vanhu vachiti “Ishe, Ishe” kudzokorora ikoko kune zvakunoreva. Vanenge vachireva kuti Jesu ndiShe. Asi hazvivapinzi Denga.

MATEO 7:21 Havazi vose vanoti Ishe, Ishe vachapinda muhushe hokudenga; asi unoita kuda kwa Baba vangu vari Kudenga.

Chinhu chakakosha nhasi hakusi kuratidza kuti munonamata. Kunogona kuri kunyepedzera saka inhau dzenhema. Chakakosha nhasi kunzwisisa Shoko raMwari rakaziviswa kuti munzwisise zviri kuita naMwari nhasi.

Mwari vari kuedza kutigadzirira kuti tipesane nemakore matatu nehafu enguva yeKutambudzika kukuru.

Kune avo vanoratidzira zvipo zvikuru zvemabasa emweya.

MATEO 7:22 Vazhinji vachati kwandiri nezuva iro, Ishe Ishe, hatina kuprofita muzita renyu here? Nokudzinga mweya yakaipa muzita renyu here? Nokuita mabasa emweya mazhinji muzita renyu here?

Mabasa avo anodakadza kwazvo kwatiri asi haadakadzi kuna Jesu.

MATEO 7:23 Zvino ndichavavudza pachena: Handina kutongokuzivai; ibvai kwandiri vaiti vokusarurama.

Jesu anoramba zvipo zvemweya izvi achiti ndiko kusarurama. Vaiziva kuti vane zvavaiita zvakaipa. Vaikoshesa kukudzwa kwezvipo zvavo asi vasingatsvage kunzwisisa chokwadi cheMagwaro.

Kunzwisisa zvinoreva zvakavanzika zveBhaibheri rakaziviswa ndizvo zvatakadanirwa zvikuru nhasi.

JOHANE 16:13 Asi kana asvika iye Mweya wazvokwadi; uchakutungamirirai muzvokwadi yose.

Vhesi iri rinotiudza kuti humbowo hwehuvepo hwerubapatidzo rweMweya Mutsvene kugona kwedu kunzwisisa zvakavanzika zveMagwaro zvakaziviswa.

Saka, kuita mabasa esimba raMwari pasina kunzwisisa Chokwadi chaMwari, kuita zvakaipa.

MARKO 5:7 Akadanidzira nenzwi guru, akati: Ndine mhaka yeiko nemi Jesu, Mwanakomana waMwari wokumusoro-soro? Ndinokupikirai naMwari kuti murege kunditambudza.

Zvakaipa zvaiziva kuti Jesu ndiyani. Zvakakumbira kunzwirwa tsitsi nekuti zvaive zvisina kwekuenda kana zvikaburitswa.

Izvi zvinotidzidzisa kuti madhimoni anoda kwazvo kurarama mumiviri yevanhu.

Ndiko kumanikidza kwemadhimoni. Madhimoni anoedza nguva dzese kuisa mazano awo mupfungwa dzedu.

Kumanikidza kwemadhimoni ndeapo anenge agona kupamba pfungwa dzedu, oita kuti munhu ararame nenzira dzakaipa.

Anogona kumuitisa zvakaipa kana kutenda dzidziso dzisimo muMagwaro.

Madhimoni ane mweya mumwechete wakadarika mweya mumwe

MARKO 5:8 Nokuti wakati kwaari: buda pamunhu, Iwe mweya wetsvina.

Jesu akaudza mweya yetsvina kuti ibude mumunhu.

MARKO 5:9 Akamubvunza akati: Zita rako ndiyaniko? Akati Regioni: ndiro zit rangu, nokuti tiri vazhinji.

Kwaive nomweya mumwechete usina kuchena. Zita rimwe. Asi yaive mweya mizhinji. Ndicho chakavanzika chemadhimoni. Mweya mumwechete iri mweya muzhinji.

Izvi zvinova nheyo dzeTiriniti yevaHedeni.

Mwari Mumwe Vanhu vatatu. Asi Munhu mumwechete ari Mwari.

MARKO 5:10 Akakumbira zvikuru kwaari kuti arege kuidzinga panyika iyo.

Mweya yetsvina yaisada kubva munyika yevaHedeni yeDekapori.

Mweya iyi yevazhinji mumumwe kana mitatu-mumwe yaizoenderera mberi ichibata vaHedeni mumakore 2000 enhorondo yekereke.

MARKO 5:11 Zvino kwakanga kuripo pagomo boka guru renguruve dzakanga dzichifura.

Nguruve dzaisvika 2000 dzaifura. Mhuka dzisina kuchena kana tichitaura pavaJuda.

MARKO 5:12 Ikakumbira zvikuru kwaari, ichiti: Titumirei kungureve tindopinda madziri.

Mwari vanogara mumunhu chete. Satani anofara kugara mumhuka achiita hunhu hwemhuka.

MARKO 5:13 Akaitendera mweya yetsvina ikabuda, ikapinda munguruve; boka rikamhanyira kumawere, kugungwa, dinenge dzaive zviuru zviviri, dzikafira mugungwa.

Nguruve dzaive dzazadzwa nemweya yakaipa idzi dzakazvinyudza.

Gungwa mucherechedzo wevanhu vazhinji vasina kugadzikika .

Saka guruve dzakanyura asi madhimoni haana kunyura. Madhimoni akapinda ruzhinji rusina kugadzikika (gungwa remweya) reHushe hweRoma ikanogadzira dzidziso dzeTiriniti dzaMwari umwe muVanhu vatatu.

Chitendero ichi chakapinda mumakereke evaHedeni apo mweya iyi inopinda mundangariro dzevanhu pakanzuru yeNicaea muna AD 325.

MARKO 5:14 Vaidzifudza vakatiza vakanoudza izvo muguta naparuwa. Vakauya kuzoona zvaitwa.

Vanhu vaifudza nguruve vakatiza Jesu. Hamugoni kutsigira Tiriniti neShoko. Saka, vatungamiriri vemakereke vanobva kuchokwadi cheShoko, Bhaibheri reKing James. Vakashandura Bhaibheri reKing James kuriita mavhezheni anodarika zana akasiyana eBhaibheri rechirungu. Nekudaro, maKristu ese anofunga kuti hamugoni kuwana Bhaibheri rakarurama.

Zvamunotaura pamusoro peBhaibheri munenge muchitaura izvozvo pamusoro paJesu Shoko. Bhaibheri rinotiudza ndangariro dzaMwari. Saka kana muchifunga kuti pane chakakanganiswa muBhaibheri reKing James munenge muchiti pane chisina kuita zvakanaka pakufunga kwaJesu. Kutaura ikoko kutadza nebwoni.

VaHedeni havadi Jesu kana zvichivatorera mari

MARKO 5:15 Vakavuya kuna Jesu, vakaona wakanga ane mweya yakaipa agere, apfeka, ari munhu kwaye, -iye waive nerigioni; vakatya.

Rigioni aive akazadzwa nemweya yakaipa akanga akakumura nguwo dzake. Paakadzikinurwa, asina kuudzwa, akapfeka nekuti chero munhu akakwana anoda kupfeka nguwo.

Zvakanaka chinhu chiri mumunhu chakaberekwa chiripo kunyanya kana Jesu avadzikinura zvinozviita zvega.

Vakasangana naJesu vanoda kupfeka.

Vakazadzwa nemadhimoni vanoda kuratidza miviri yavo.

MARKO 5:16 Vaya vakanga vazviona vakarondedzera zvaakaitirwa, Iye akanga ane mweya yakaipa, nenguruve wo.

Munhu akanga adzikinurwa asi nguruve dzakafa. Zvakavaita varasikirwe nemari zhinji. Saka, saJudasi, vakasarudza mari kudarika Shoko raMwari.

MARKO 5:17 Vakatanga kukumbira zvikuru kwaari kuti abve munyika yavo.

Nekuti vakanga varipira muripo, vaisada Jesu zvachose.

Kana Shoko raMwari richida kuti tirasikirwe nechimwe chinhu, vanhu vanoramba Magwaro vogadzira zvavo zvitendero zvinovaitira.

Chinangwa chaJesu kuvaHedeni chakagumira pavaHedeni vachisarudza Mari pachinzvimbo cheShoko.

Hushumiri hwaJesu kunguva nomwe dzemakereke hwakaguma makereke aita mari zhinji uye Jesu, ari Shoko, amire panze pemukova wekereke.

ZVAKAZARURWA 3:14 Nyorera mutumwa wekereke iri paRaodikia uti:

ZVAKAZARURWA 3:17 Nokuti unoti ndakafuma, ndakafumiswa, handishaiwi chinhu, usingazivi kuti ...

ZVAKAZARURWA 3:20 Tarira ndimire pamukova, ndichigogodza:

MARKO 5:18 Zvino akati achipinda mugwa, Iye aive nemweya yakaipa akakumbira zvikuri kuti agare naye.

MuHedeni akaponeswa aida kuenda naJesu.

Asi kwete. Chiitiko chairatidzirwa chaive chekuti kana adzikinura kereke yevaHedeni yakwira Kudenga paKuuya kwake kweChipiri, Jesu achasiya kereke yevaHedeni Kudenga odzokera kunosangana nevaJuda.

Saka, Jesu, aifanira kudzokera kumaJuda paKapenaume asina murume muHedeni.

MARKO 5:19 Asi haana kumutendera, asi wakati kwaari; Enda kumba kwako, kuhama dzako uvaudze zvinhu zvikuru zvawaitirwa naShe, napawakaitirwa ngoni napo.

Enda unoudza vanhu zvawaitirwa naShe.

MARKO 5:20 Akaenda akatanga kuparidza munyika yeDekapori Zvinhu zvikuru zvaakaitirwa naJesu: Vakashamiswa vose.

Akajekesa kwavari kuti Jesu aive Ishe akamudzikinura.

Pakuparidza kwake paive pasina Tiriniti.

Murume aipenga akaponeswa akava muHedeni wekutanga kuparidza munyika dzevaHedeni dzeDekapori zvinoreva kuti maguta. Pano kukosha kwakaiswa pakuparidzira kwemuHedeni aive aponeswa.

VaHedeni vanofanira kuendesa Evangeri kumiganhu yose yenyika.

MATEO 24:14 Evangeri iyi yovushe ichaparidzwa munyika dzose, chive chapupu kumarudzi ose; ipapo kuguma kuchasvika.

VaHedeni vose vakaponeswa vanofanira kuparidza chokwadi pasi rese.

Gumi chiverengo chinomiririra magumo

Dekapori. Maguta gumi.

Mosesi akatumira vasori gumi nevaviri kunosora Nyika yechipikirwa asi gumi vakadzoka nenhau yekuti maJuda aisakwanisa kutora nyika iyoyo. Saka gumi mucherechedzo wekukundikana kwavo pamagumo eekisodo yekutanga.

Nguva yemamishinari ndiyo yakaita nguva yakanaka yekereke yedu yanhasi. Makumi ezviuru zvemamishinari vakabva kuEngland nekuScotland kuti vaendese dzikinuro neBhaibheri reKing James kunzvimbo zhinji dzenyika. Asi nzvimbo zhinji dzakaramba dzisina anosvikako.

Totenda America yakaunza intaneti yakatanga kunyatsoshanda makore amapoteredza gore 2000, Evangeri rakabva raparidzwa pasi rese.

Zvimbo dziri muruvara rweyero dzinoratidza nzvimbo dzemaguta gumi (dzese kana shoma dzacho).

Dekapori raive boka remaguta gumi (anogona kuva ari Kanata, Hipusi, Dioni, Gerasa, Gadara, Pera, Firadefia, Pafana, Scythopori) akaita mubatanidzwa weRoma yevaGiriki kana rigi iri kuzasi kwegungwa reGarirea muTranzijodani. Idzi dzaive nzvimbo dzehafu yerudzi rwaManasse.

Nhasi Firadefia inonzi Amani, guta guru reJodani.

Iri harisi guta reFiradefia imwe yemakereke manomwe ari muAsia.

Pella raive guta rakatizira maKristu muna AD 70 pavakaona vaRoma vachitanga kukomba Jerusarema vasati vaparadza guta, sezvakaprofitwa naJesu kuna Mateo 24.

Maguta gumi evaHedeni eDekapori akakwezva kukosha pachiverengo chechigumi.

10 chinogona kuva chiverengo chinomiririra zviitiko pakupera kwenguva nomwe dzemakereke.

Kuratidzira kereke pakupera kwenguva, Ishe akashandisa mufananidzo wevasikana gumi.

MATEO 25:1 Zvino vushe hwokudenga hungafananidzwa navasikana gumi, vakatora mwenje yavo vakabuda kunochingamidza chikomba.

Izvi zvinomiririra chimiro chekereke pakupedzisira. Vose vaive vakavata vakakotsira. Vachida kumutswa kunovaudza kuti vabude mumakereke avo. Zvichiri kuuya, zvichida kupfurikidza kudengenyek kwenyika kuchakonzeresa matambudziko mumari dzenyika. Chimbofungai kuti chii chinoitika kuhupfumi hweAmerica kana Los Angels ikanyura pasi pegungwa. Pfuma yepasi rese inosimbiswa nemari dhora rekuAmerica.

MATEO 25:5 Zvino chikomba chakati chichinonoka, vakakotsira vose vakavata.

6    Pakati povusiku vakanzwa mhere mhere; Chikomba chivuya! Budai mumuchingamidzei.

Ishe vanotora Mwenga kuenda naye Kudenga nyika yopinda munguva yeKutambudzika kukuru.

Chisimbiso cheChitanhatu kuna Zvakazarurwa Chitsauko 6 chinobata zviitiko zvenguva yeKutambudzika kukuru.

ZVAKAZARURWA 6:12 Zvino ndakaona pakuzarurwa kwechisimbiso chechitanhatu, kwakanga kunokudengenyeka kwenyika kukuru;

Kudengenyeka kwenyika kukuru kunogumisa nguva nomwe dzemakereke nguva yeKutambudzika kukuru ichitangawo.

Danieri akaona mufananidzo weMuhedeni wakaguma netsoka dzevhu nedare zvinomiririra Mwenga nemakereke emasangano. Tsoka dzinoguma nezvigunwe gumi. Nhorondo yekereke inoguma nevadzvanyiriri gumi vanopa simba remauto avo kuna Pope wekupedzisira.

ZVAKAZARURWA 17:12 Nyanga dzine gumi dzawaona ndiwo madzimambo anegumi, achigere kupiwa vushe, asi achapiwa simba samadzimambo pamwechete nechikara nguva imwe.

616-0806 VHIKI RADANIERI RECHIMAKUMI MANOMWE

Zvino, tarirai pano pakupera kwenguva ino ... Zvino, Danieri, muchitsauko chechipiri vhesi 34 ne35, akatarisa mufananidzo nekuongorora kukuru. Akatarira kusvikira Ibwe ratemwa kubva mugomo pasina ruoko, rikakunguruka rikasvikotema mufananidzo mutsoka rikauparadza izvozvo ... kwete ... harina kubvira raurova musoro; rakaurova mutsoka.

Ndiyo yaive nguva yekuguma, kwezvigunwe gumi.

62-0909 KUVERENGA TICHISVIKA PAMAGUMO

Asi ndinoda kuedza kutsanangura izvi kwamuri, kuti gumi chiverengo “chezvenyika” chemunhu.

Gumi chiverengo chezvenyika zvakare.

Saka, pakupedzisira, kukosha kuchava pane zvenyika.

Kuna Zvakazarurwa 17 Johane akaona mukadzi, Kereke yeRoman Catholic, akatasva chikara chine misoro minomwe nenyanga gumi.

ZVAKAZARURWA 17:3 Ipapo wakandiisa kurenje mumweya ndikawona, mukadzi akatasva chikara chitsvuku, chizere namazita okumhura Mwari, chine misoro minomwe nenyanga gumi.

ZVAKAZARURWA 17:12 Nyanga dzine gumi dzawaona ndiwo madzimambo anegumi, achigere kupiwa vushe, asi achapiwa simba samadzimambo pamwechete nechikara nguva imwe.

“Vachapiwa simba samadzimambo”. Havana kugadzwa asi vane simba remadzimambo. Vadzvanyiriri. Vadzvanyiriri gumi vanotonga pasi pechikara, Pope wekupedzisira.

Mwari akavimbisa Abrahama kuti kana akawana varume gumi vakarurama muSodoma aizorega kuparadza guta, Isaka mwana wechivimbiso asati aberekwa. Asi Abrahama akashaya vanhu gumi.

Nguva yakapoteredza Kuuya kweChipiri kweMwana wechivimbiso Jesu, kuchava nevadzvanyiriri gumi vasinganamati munguva dzedu dzakafanana neSodoma munowanana varume nevarume vakadzi nevakadzi. Saka nhandare yagadzirwa kuti mabhomba nemamiziri enyukiriya anaise moto panyika kubva kudenga sezvakaitika munSodoma pakanaya moto kubva kudenga.

Nyika dzine zvombo zveNyukiriya.

1. Russia – 6,257 (1,458 anoshanda, 3039 atoripo, 1,760 akashanda)

2. United States – 5,550 (1,389 anoshanda, 2,361 atoripo, 1,800 akashanda)

3. China - 350 (aripo asi iri kutowedzera kugadzirwa kwacho)

4. France - 290 aripo

5. United Kingdom - 255 aripo

6. Pakistan – 165 aripo

7. India – 156 aripo

8. Israeri – 90 aripo

9. North Korea – 40-50 aripo (anofungidzirwa)

Magumo paanoswedera, makompiyuta akutonga nyika nemanhamba awo ebainari anoti 1 na 0.

Manhamba maviri aya akabatanidzwa anogadzira 10. Mucherechedzo wekutonga kwemakomputa kumagumo.

Mitambo yezvenyika nembozhanhare dzinoshanda nemachipi emakompiyuta. Izvi zvinotonga pfungwa dzevanhu.

Jesu anobva kuvaHedeni achidzokera kumaJuda

MARKO 5:21 Jesu akati ayambukirazve mhiri negwa, vanhu vazhinji vakavunganira kwaari; akanga ari pagungwa.

Jesu akabva kuvaHedeni kunzvimbo yeDekapori. Akadzoka pakati pemaJuda.

Izvi mucherechedzo wekutendeukira kwaJesu kumaJuda kana apedza nemakereke manomwe evaHedeni.

“Aive pedyo negungwa”.

ZVAKAZARURWA 17:15 Zvino akati kwandiri: Mvura yawawona, nogarwa nemhombwe ndivo vanhu navazhinji, namarudzi nendimi.

Gungwa rinomiririra ruzhinji rwusina kugadzikika vanhu vanotonga nguva dzeKutambudzika kukuru.

Kutambudzika kukuru kuchava nguva yekugadzirwa kukuru kwendufu.

Munguva iyoyo yemakore matatu nehafu eKutambudzika Jesu anodzokera kumaJuda kunotora maJuda 144,000.

Chetatu chemaJuda aripo nhasi 18 miriyoni chichaurawa.

ZEKARIA 13:8 Zvino munyika yose-ndizvo zvinotaura JEHOVA, - migove miviri ichaparadzwa ndokufa, asi wechitatu ucharegwa mo.

Panguva yakadaro Evangeri rinodzokera kumaJuda, pakarepo mumashure mekutorwa kweMwenga weMuhedeni kunosangana naShe kumakore.

MARKO 5:22 Mumwe wavakuru vvesinagoge, wainzi Jairosi wakasvika, akati achimuwona, akazviwisira pasi petsoka dzake.

Uyu mucherechedzo wemaJuda achidzokera kuna Jesu.

MARKO 5:23 Akakumbira zvikuru kwazvo kwaari achiti: mukunda wangu muduku wotandadza, vuyai muise mavoko enyu pamusoro pake; aponeswa ararame.

Musikana mucherechedzo weIsraeri, iri padanho rerufu apo zvakaipa zvakaibata munguva yeKutambudzika kukuru.

MARKO 5:24 Akaenda naye; vazhinji vazhinji vakamutevera, vachimumanikidza.

Yaive nguva yakaoma apo vanhu vakamanikidza Jesu.

Makore gumi nemaviri ehosha yeropa akaporeswa nekungobata

MARKO 5:25 Zvino mumwe mukadzi waive nokurwara kwekubuda ropa makore ane gumi nemaviri.

Mukadzi aitambura nekubuda ropa. Makore gumi nemaviri anotiyeuuchidza marudzi gumi nemaviri aIsraeri.

MARKO 5:26 Wakanga aoneswa nhamo nen’anga zhinji, akapedza zvose zvaakanga anazvo, asina kutongobatsirwa, asi kungonyanyiswa.

Marko anotaura pamusoro paJesu seMuranda. Marko anoratidza kurwadziwa kunonzwikwa nemuranda. Kushandisa mari yake yese kuti arapwe asi onzwa zvichitowezera kudarika zvazvaive. Mishonga yavo haina kushanda asi hazvina kumisa vanachiremba kumuripisa mari. Mari ndiyo yaidiwa.

MaJuda munguva yeKutambudzika kukuru. Hakuna achagona kuvabatsira kana Pope wekupedzisira, munhu wezvivi, avapandukira achivarwisa. Pope wekupedzisira achaita sungano nemaJuda achida mari yavo pamusika wemari otsvaga nzira yakaipa kugura sungano kuti aparadze mari yemaJuda. MaJuda, semukadzi uyu, vachasara vasina kana mari.

MARKO 5:27 Wakati anzwa zvaJesu wakauya pakati pevanhu vazhinji vaive mashure, akabata nguvo yake.

Hunhu. Akauya nekumashure, achida kwazvo kubata nguwo dzake.

MARKO 5:28 Nokuti wakati: kana ndikabata nguwo yake bedzi, ndichaponeswa.

Kefasi, muPrista mukuru wenhema akafunga nezvechinzvimbo chake chete kwete kuchengetedzeka kwemaJuda,

Akabvarura nguwo dzake zvakagumisa Murairo

Akakonzeresa ndufu dzinodarika miriyoni rimwechete pakauya maRoma akaparadza guta reJesurarema neTembere muna AD 70.

Zvino kwakabva kwauya muPrista mukuru Jesu.

Varindi veRoma havana kugona kubvarura nguwo dzake paKarivari.

Pano nguwo dzake dzakaporesa mukadzi. Mucherechedzo wekuti Jesu ega anogona kuponesa chetatu chemaJuda chinenge chasara munguva yeKutambudzika Kukuru. Nekuzadza maJuda 144,000 neMweya Mutsvene.

JOHANE 19:23 Zvino varwi vakati varovera Jesu, pamuchinjikwa, vakatora nguvo dzake, vakaita migove mina murwi mumwe nomumwe mugove wake, neguvo yepasi wo: Zvino nguvo iyi yakanga isina pakaonwa, Asi yakanga yakarukwa yose kubva kumusoro kwayo.

24 Zvino vakataurirana vachiti: Ngatirege kuibvarura. Asi tikande mijenya pamusoro payo, tivone kuti ichava yani, kuti rugwaro ruitike runoti, vakagovana nguvo dzangu pakati pavo, vakakanda mijenya pamusoro pechokufuka changu. Ndizvo zvakaitwa navarwi.

Mukadzi akaponeswa nekungobata nguwo yaJesu isina musono.

MARKO 5:29 Pakarepo tsime rake reropa rakapwa, akanzwa pamuviri wake kuti aporeswa, pakurwara kwake.

Kubata kwaTenzi nekutenda kwake kwakamuponesa .

MARKO 5:30 Pakarepo Jesu akati achizviziva mukati make, kuti simba rakabuda kwaari, akatendevuka pakati pavanhu vazhinji akati: ndiyaniko wabata nguvo dzangu.

Kutenda kwemukadzi kwakatora simba muna Jesu.

MARKO 5:31 Vadzidzi vake vakati kwaari: munoona vanhu vazhinji vanokumanikidzai, zvino mungati seiko, Ndiyani wandibata?

Vadzidzi vake vakashamisika. Vanhu vazhinji vaimumanikidza. Asi havana kuziva kuti kutenda kwechokwadi kwaive kwatora simba muna Jesu. Semuenzaniso, Hama Branham vaiwanzorasikirwa nesimba pamuviri wavo kana varatidzwa zvavaratidzwa. Kutenda kwevanhu vavainamatira, kwaitora simba mavari.

DANIERI 8:27 Ini Danieri ndikapera simba, ndikarwara mazuva;

Kuona zviratidzo zvikuru kwakatora simba raDanieri.

MARKO 5:32 Zvino wakaringa ringa kuti aone wakaita izvozvo.

Jesu akatsvaga munhu aive atora simba maari nekutenda.

MARKO 5:33 Mukadzi akatya, akadedera, achiziva zvaanga aitirwa; akauya ndokuzviwisira pamberi pake, ndokumuvudza zvirokwazvo zvose.

Uyu mucherechedzo wemaJuda 144,000 vakazosangana naMessiasi pakupera kwenguva yeKutambudzika kukuru. Vanotya nekuti vakaziva kuti Messiasi ndiye akarambwa akaurayiwa nemaJuda.

MARKO 5:34 Akati kwaari: Mukunda kutenda kwako kwakuporesa, enda norugare upone pahurwere hwako.

Asi Jesu anopa maJuda 144,000 hupenyu husingagumi pavanozadzwa neMweya Mutsvene.

MaJuda akarara pamweya kwemakore 2000

MARKO 5:35 Wakati achataura; vamwe veimba yemukuru wesinagoge vakasvika, vakati: Mukunda wenyu wafa, muchatambudzireiko mudzidzisi?

Mukunda aive afa. Nguva yeKutambudzika kukuru inguva yendufu dzakawanda.

Kurara mucherechedzo wekuti munhu anenge asina chaanoziva chinenge chichiitika.

MaJuda kanga akarara kwemakore 2000.

Mumashure mekutora Mwenga wake wemuHedeni kuenda naye Kudenga, Jesu achadzoka kuzomutsa maJuda 144,000.

Achavamutsa kubva kurufu rwemweya.

MARKO 5:36 Jesu wakati achinzwa Shoko rataurwa, akati kumukuru wesinagoge: Usatya tenda bedzi.

Kana tikatenda, hatizotya zvinotiwira.

MARKO 5:37 Akasatendera munhu kumutevera, asi Petro, naJakobo naJohane, munun’una waJakobo.

Vadzidzi vatatu chete ndivo vakatenderwa kumutevera.

Petro aimiririra Kutenda muShoko rakanyora rinova Jesu. Jakobo aimiririra Tariro mukumutswa kwevakafa. Ndiye aive mudzidzi wekutanga kuurayiwa. NaJohane aimiririra Rudo kumunhu wese.

Kana tisina Kutenda, Tariro neRudo tinenge tisingateveri Jesu.

Hatisi nani pane vamwe kana tikadaidzwa naJesu. Tingori nani nekuti atipa Nyasha dzake dzatisina kufanira.

Kutora Petro naJakobo naJohane zvaireva kuti Jesu achatora dzidziso dzevapostora kuenda nadzo kumaJuda 144,000. MaJuda 144,000 vachagashira zvitendero zveTestamente Itsva.

MARKO 5:38 Vakasvika mumba memukuru wesinagoge, akawana iri mhere-mhere navanochema zvikuru, navanorira.

Kurwadziwa nekushungurudzika zvinoratidza nguva yeKutambudzika kukuru.

MARKO 5:39 Akapinda, akati kwavari: Munoitireiko mhere mhere, muchichema? Mwana haana kufa asi uvete.

Kumutswa kuvakafa kunotitendera kubva kurufu. Saka kana tichitenda murumuko zvioreva kuti rufu kurara hope nguva refu.

MARKO 5:40 Vakamuseka, akavaburitsa vose, akatora baba vomwana naamai, nevaakanga anavo, akapinda kwakanga kunomwana.

“Vakamuseka kuti asvotwe”. Vaingonyepedzera kurwadziwa. Paive pasina hudzamu mukuchema kwavo. Dai vaichema zvechokwadi vangadai vasina kumuseka kana kumushora.

Izvi zvinotsanangura vanhu munguva yeKutambudzika kukuru vachave vasikana mapenzi. Havana rudo rwakadzama neMagwaro. Ndosaka vakanyengerwa nemazano evanhu nekuti havana kuvaudza kuti vatsigire zvitendero zvavo neBhaibheri.

Asi Jesu achasangana nemaJuda 144,000 pakavanzika kure neruzhinji.

MARKO 5:41 Akabata ruvoko rwemwana, akati kwaari: Tarita kumi! Ndokuti kana zvichishandurwa, Musikana ndinoti kwauri muka!.

MaJuda serudzi vaive vakafa kwemakore anoda kuita 2000. chiHeberu chakaparara. Kudzoka kwemaJuda muNyika yeChipikirwa muna 1948 kwaive kwakaita sekumuka kubva kuvakafa. Kunyanya mumashure mekuurayiwa kwemaJuda 6 miriyoni muhorokasiti yeHondo yePasi Rese yeChipiri.

Marko 5:42 Pakarepo, musikana akasimuka, akafamba; nokuti aive nemakore anegumi nemaviri, vakashamiswa nokushama kukuru.

Makore gumi nemaviri. Semukadzi wechirwere cheropa chemakore gumi nemaviri. Gumi nemaviri anoramba ichitirangaridza marudzi gumi nemaviri evaIsraeri. Kubva kwaari kuchabva maJuda 144 000 vanogamuchira Mweya Mutsvene. (144= 12x12). Izvi zvichashamisa nekushamisa kukuru nokuti munguva iyoyo zvaiita sekuti munhu wezvivi nehondo dzake vaive vakuda kuparadza maJuda ese. Ipapo angadai akaparadza maJuda 12 Miriyoni zvikamu zviviri muzvikamu zvitatu zvemaJuda 18 miriyoni.

Simba rinoshamisa raJesu chete rinomugonesa kupindira pachinzvimbo chavo nekununura 144,000 nemaJuda 6 miriyoni vachapinda muMereniyamu, makore 1000 eHushe hweRugare.

MaJuda anorarama achagara muNyika yeChipikirwa nevatsvene veTestamente Itsva kwemakore 1000. ndizvo zvichazadzisa Chivimbiso chakaitwa naMwari kuna Abrahama.

Asi kana takatarisa Chisimbiso cheChishanu, maJuda vanourayiwa vachapihwa nguwo dzekufira Shoko votenderwa kupinda Denga. Zvisinei nekuipa kwenguva yeKutambudzika, ichapera maJuda akakurira. Ndizvo zvinoita nyasha dzaMwari.

ZVAKAZARURWA 6:9 Akati azarura Chisimbiso chechishanu, ndikaona panyasi peartari mweya yevanhu vakanga vaurawa nekuda kweShoko raMwari, nokupupura kwavo kwavakapupura.

Vaitenda muTestamente Yekare. MaJuda vane kupupura kwavo voga. MaKristu vane kupupura kwaJesu Kristu uye kuti akatiponesa sei.

ZVAKAZARURWA 6:10 Vakadana nenzwi guru vachiti: Tenzi Mutsvene wezvokwadi, mucharega kutonga vanogara panyika nokuvatsiva ropa redu kusvika riniko?

Aya maJuda akaurayiwa munguva yemakore 2000 enhorondo yekereke, nevanhu vemakereke. Vari Kudenga. Saka kana Mwenga akatorwa kukwira kudenga paKuuya kweChipiri kwaShe, vanoda kuenda panyika kunotsiva masangano nezvavakaitwa.

MaJuda anoda kutsiva. Murayiro unotendera kuti ziso rinotsiviwa neziso.

MaKristu, saJesu naStefani, vanonamata kuti vaurayi vavo varegererwe.

ZVAKAZARURWA 6:11 Ipapo mumwe nemumwe wavo akapiwa nguwo chena; vakaudzwa kuti vambozorora chinguva chiduku; kusvikira vamwe varanda pamwechete navo nehama dzavo, dzaifanira kuurawa saivo, varinganiswa vose.

VaHedeni Mwenga waMwari.

VaJuda varanda vaMwari. Vamwe varanda pamwechete navo ndivo maJuda 144,000 vachauraiwa mumakore matatu nehafu eKutambudzika kukuru, nezvikamu zviviri muzvikamu zvitatu zvemaJuda vachaurayiwa naPope wekupedzisira nemauto ake.

MARKO 5:43 Akavaraira zvikuru kuti zvirege kuzikanwa nomunhu; akati: ngaapiwe zvokudya.

Jesu anosangana nemaJuda 144,000 muchivande. Hakuna achaziva nezvazvo.

Kugamuchira Mweya Mutsvene, vachagona kurarama neMagwaro eTestamente Itsva vogona kunzwisisa dzidziso imwechete inonzwisiswa neMwenga weShoko.