Marko 04 Mwari anoshanda zvakasiyana nezvatinoita isu vanhu

We update studies as the Lord Jesus leads us. You can find the latest update of this study at ChurchAges.net

Mweya munda wekutenda mumbeu yeShoko

MARKO 4:1 Zvino wakatanga zve kudzidzisa pagungwa, vanhu vazhinji zhinji vakaunganira kwaari, nokudaro wakapinda mugwa, akagaramo mugungwa; vazhinji vose vakanga vari pedyo negungwa, pamhenderekedzo.

Marko ari kuzivisa Jesu seMuranda mukuru, mhuru yakakura kuita nzombe yaikwanisa kutakura zvivi zvedu kuenda nzazvo kure kure.

Jesu akanga ari Muranda ainyora mutsetse waionekwa kwazvo pakati pezvivi nekururama. Saka akasarudza mhenderekedzo dzegungwa kwaive nemutsetse waive pachena pakati pegungwa nenyika.

Gungwa rinomiririra ruzhinji rwevanhu vasina kugadzikika vanotsvairwa nemafungu ehunyengeri hwechitendero, zvematongerwo neyika, nerudo rwemari. Zviitiko izvo zvinogona zvakaita kuti vasagone kutsungirira pachokwadi cheBhaibheri.

Nyika inomiririra kururama.

Mufananidzo watinoona kubva pane izvo ndewekuti kuti vazhinji varuramiswe (zvinomiririrwa nekuva panyika) Jesu aifanira kupinda mugungwa. Jesu aifanira kuva chivi iye kupfurikidza kutora zvivi zvedu kuzvitakura iye oripira muripo unodiwa nezvivi, kufa nekuenda kuGehena. Kugara mugwa, gungwa raisagona kumukanganisa. Nekuti aive akarurama, aisakanganisika. Akagona kufamba mumoto wegehena akanorasira zvivi zvedu pana Diaborosi.

ZVAKAZARURWA 1:15 Tsoka dzake dzakanga dzakafanana nesafuri inopenya, inenge yakanatswa muvira.

Tsoka dzake dzakapenya nekuda kwekufamba mumoto wegehena, asi moto hauna kugona kupisa kururama kwake.

MARKO 4:2 Akavadzidzisa zvizhinji nemifananidzo akati kwavari pakudzidzisa kwake:

Jesu aidzidzisa achishandisa mifananidzo inobva panyika asi iine zvirevo zvakadzama zveMweya zvatinogona kupesana nazvo zviri nyore kana Mweya Mutsvene ukasakuratidzai zvinoreva vhesi reBhaibheri. Uyu ndiwo mwenje waive nevasikana vakachenjera vekuna Mateo 25.

Basa guru rakaitwa naJesu ari Muranda mukuru raive rekutakura kereke yake mukati menguva nomwe dzakasiyana dzemakore 2000 enhorondo yekereke.

Misoro yenyaya mikuru miviri yaive yekuti Jesu ndiye Mwari Wamasimbaose uye kuti kufa nekumuka kwake ndizvo zvega zvaive nzira dzekuti tiregererwe kuzvivi.

Kunzwisisa kwakauya nehama Branham kwakatiunza munguva yekereke yechinomwe.

MARKO 4:3 Tarirai mukushi akabuda kundokusha:

Basa rakanyanya kukosha nderekurima. Tese tinoda chekudya.

Hupenyu hwedu huripo nekuda kwechikafu chinorimwa chakaita sezviyo. Chekutanga kukusha mbeu.

Koita nguva yekukura. Mashizha, hura, maruva, rurebvu mbeu dzozoibva.

Hupenyu hwedu hwemweya huri pambeu yemweya yatinodyara mumweya yedu, yakafanana nemunda. Kune nguva yekukurawo pamweya inosanganisira kururamisirwa, kunatswa nerubapatidzo rweMweya Mutsvene nekuziviswa kwezvakavanzika zveBhaibheri.

RUKA 8:11 Zvino mufananidzo ndiwo mbeu ishoko raMwari.

JEREMIA 31:12 Mweya wavo uchava somunda wakadiridzirwa.

Vanhu vane mweya inotigonesa kutenda. Tinofanira kutenda kuti tigone kurarama neShoko raMwari.

VAHEBERU 10:38 Asi wakarurama anga achaponeswa nokutenda.

39 … Asi tiri vokutenda kuti tiponeswe mweya.

MARKO 4:4 Wakati achikusha dzimwe mbeu dzakawira panzira; Shiri dzikauya dzikadzidya.

Jesu haana kubvira ashora mukushi anomiririra muparidzi weEvangeri rechokwadi. Akangoshora ivhu raigashira rinomiririra moyo wemuteereri.

Muparidzi angaparidze zvakanaka kana zvakaipa. Unogona kufarira kana kuvenga muparidzi. Zvine basa rei.

Kana akataura Chokwadi cheBhaibheri mukachiramba munenge muri panjodzi musina chikonzero chinokununurai.

Vanhu vanoramba mutumwa nekumutsvagira mhosva kuti vatsigire kuramba kwavo mharidzo dzake. Mwari havafi vakatambira zvikonzero.

Nzira inzvimbo yakaomarara iri parutivi pemunda. Moyo wakaomeswa wakanyengerwa kuramba chokwadi unova musha wemadhimoni, unomiririrwa neshiri, unoramba Bhaibheri.

Vanhu vesainzi vakawanda vakangwara ranoramba Bhaibheri. Asi sainzi hadzigoni kutsanangura kuti denga nenyika zvakabvepi sezvo simba risingagoni kusikwa kubva pasina nechero tsananguro dzesainzi.

Vasingatendi vanoramba Bhaibheri. Asi havana chekupa vanhu vanofa.

Zvimwe zvitendero zvinoramba Bhaibheri. Asi vanopa ruponeso rwakaitwa nevanhu zvichibva pamabasa akanaka. Asi havana chipiriso chakadzikama chekupisira zvivi.

MARKO 4:5 Dzimwe dzakawira parukangarabwebwe, padzakanga dzisine vhu zhinji, dzikamera pakarepo, nokuti dzakanga dzisine vhu rakadzika.

Ava vanhu vane zivo shoma kwazvo yezvekutendeuka. Vanotsvaga kupfuma pachavo nekuzviunganidzira pfuma kubva muzvitendero. Havambofi kuzvivi zvavo.

Vanosarudza kuwana vasingapiwo.

MARKO 4:6 Asi zuva rakati rabuda dzikapiswa; dzikawoma nokuti dzakanga dzisina mudzi.

Kuzvipira, kutambudzika nekurwadziwa ndiko kuedzwa kukuru kwemutendi.

Vasina kubvira vazvipira kuna Mwari vanowa zviri nyore kana marwadzo nekuomerwa zvikavawira kuti zviumbe hunhu hwavo.

MARKO 4:7 Dzimwe dzakawira muminzwa, minzwa ikamera ikadzivhunga, dzikasabereka zvibereko.

Vamwe vanenge vachitoda voedza kwazvo asi votadza kumira voga. Vanosimba nevamwe voshandisa kereke sedondoro. Voti chero ndichienda kukereke nguva dzese. Vanozembera vamwe vanhu kuti vabatsirwe pachinzvimbo chaMwari. Vamwe vanopinda muEvangeri rekubudirira kuti vaite budiriro yenyika ino. Vanokanganisika vobviswa nezvavanowana munyika. Zvido zvenyama zvinovarasisa nezvavanopihwa nenyika. Zvido zvenyama zvinovashandisa zvovadzipa kubvisa rudo rwavo nechokwadi. Riva repfuma rinodzipa kuita kwezvemweya mavari. Saka chokwadi chaMwari cheBhaibheri Chinobva muhupenyu hwavo.

Vanhu ava vanotenda kuti kuna Mwari umwechete, asi hazvina kuvakwanira zvakadai. Chero vana diaborosi vanotenda izvozvo zvakare.

JAKOBO 2:19 Iwe unotenda kuti Mwari ndiye mumwechete; unoita zvakanaka, mweya yakaipa inotenda vo izvozvo ichidedera.

Matanho matatu ekudzorerwa kwechokwadi cheBhaibheri

Asi vachavapo vanotenda kuchokwadi chezuva ravo nenguva yekereke yavo.

MARKO 4:8 Dzimwe dzakawira muvhu rakanaka; dzikabereka zvibereko; nokuti dzakakura dzikawanzwa, dzikabereka makumi matatu nemakumi matanhatu nezana.

Munguva imwe neimwe, Mwari anowana vamwe vanosimba pakutenda nekuterera Shoko munguva iyoyo.

Izvi ndizvo zvaive zvakaita nguva yekereke yekutanga payakavambwa nemapostora.

Mumashure mekufa kwevapostora, maBhishopu akatanga kutonga kereke imwe neimwe semunhu mumwe aitungamirira. Hutungamiri hwaive hwapihwa kuboka revakuru vekereke panzvimbo pakutanga. Munguva yekereke yechipiri munhu akasimudzirwa kuti atonge kereke.

Nguva yekereke yechitatu yakaona Mubati weRoma Constantine achimanikidzira izwi risimo muMagwaro Tiriniti pakereke pakanzuru yeNecaea muna AD 325. Zvitendero zvisimo muMagwaro zvakafanana nekuti “Mwari mumwe muvanhu vatatu”, “Mwari Mwanakomana”, uye “ Baba nemwanakomana vanotsivana” (hameno kuti zvinorevei) zvakatora kereke. Mwari “weMitumbi mitatu” akarasa zita raMwari apo Vanhu vatatu vasingakwanisi kutsanangurwa nezita rimwe.

Nguva yekereke yechina yakaona makumi emamiriyoni evapikisi vachiurayiwa panguva yakaipa Nguva yeRima yekereke yechina yeTiyatira, zvinoreva kuti Mukadzi anotonga. Kereke yeRoma yakatonga Europe.

Vatungamiri vasina kunyorwa muMagwaro vanodaidzwa kuti maPope, maKadhinari, nemaAchibhishopu vakatsiva vakuru vepanzvimbo vaifanira kutonga kereke imwe neimwe panzvimbo.

ZVAKAIPA (EVIL) zvinoreva kuti kereke yaive yabva pamuenzaniso wekereke yeTestamente Itsva.

Asi Mwari akasarudza kushandisa nguva nhatu dzekupedzisira dzekereke kudzorera kereke kuchokwadi chekutanga.

Muna 1520 Martin Luther akadzorera Ruponeso neKutenda chete munguva yekereke yechishanu (Kururamisirwa). Zvakawanda zveBhaibheri zvaisanzwisiswa asi 30% yechokwadi yaive yadzorerwa.

HUPENYU (LIVE) ndiro ZVAKAIPA (EVIL) rakapidigurwa. Kereke yaive yatanga kudzoka kunguva yekereke yekutanga zvishoma zvishoma.

Makore akapoteredza 1750 John Wesley akadzorera hutsvene (kunatswa) nekuparidzira zvakatungamirira kunguva huru yemamishinari.

Zvakawanda zvezvakavanzika zveBhaibheri zvaive zvisati zvakunzwisiswa asi nhasi dzidzo yevanhu yadzorera 60% yechokwadi.

Kwaive nenguva nhatu dzemakereke dzekudzorerwa nguva yechishanu, yechitanhatu neyechinomwe, kuti tidzorerwe kuzvitendero zvenguva yekereke yekutanga.

Pentekositi yakadzorera zvipo zvemweya unoshamisa zveMweya Mutsvene William Branham kuAmerica akazivisa zvakavanzika zveZvisimbiso zvinomwe muna 1963. Ruzivo urwu rwakagonesa Mwenga kutanga kunzwisisa zvakavanzika zvakadzama zveBhaibheri reKing James. Izvi zvinogonesa vatendi venguva yekereke yekupedzisira kudzokera zvakazara 100% kunotenda zvakatendwa nekereke yekutanga.

MATEO 19:30 Asi vazhinji vokutanga vachava vokupedzisira, novokupedzisira vachava vokutanga.

Kana vokutanga vachava vokupedzisira vokupedzisira vova vokutanga zvinoreva kuti hakuchazovi nemusiyano pakati penguva yekereke yekutanga nekereke yekupedzisira. Tinofanira kupedzisira takutenda zvavakatenda.

MARKO 4:9 Akati une nzeve dzokunzwa, ngaanzwe.

Uku kutaura kwaJesu kwaaiita pakupera kwekereke imwe neimwe.

Izvi zvinoratidza kuti Jesu aitaura nhorondo yenguva nomwe dzemakereke.

Vanhu voga vakabatira Mwari zvizere ndeavo vaishingirira kunzwisisa zvakavanzika zveMagwaro.

Varanda vakanaka vanogara pedyo naJesu vodzidza chokwadi

Jesu anoziviswa nhasi, kwete ari Munhu, asi ari Shoko raMwari rinonzwisisika.

Evangeri raMarko rinoratidza kuti hatigoni kuva varanda vakanaka kunze kwekunge tichinzwisisa zvakavanzika zvakaziviswa naMwari kuzuva redu.

Kuna Mateo, Jesu anojekesa kuti Ivhu rakanaka rinoyanana nechikamu chekunzwisisa Bhaibheri.

MATEO 13:23 Wakakushwa muvhu rakanaka, ndiye unonzwa Shoko akarinzwisisa, ndiye unobereka, ...

MARKO 4:10 Wakati ari oga, vakanga vanaye navanegumi nevaviri vakamubvunza zvomufananidzo.

Vanhu vaive vasingadi kunzwisisa Magwaro. Vaisaziva kuti Jesu aiedza kuvaudzei uye vaive vasina hanya nazvo. Saka vakabva kuna Jesu, Shoko. Ndizvo zviri vanhu nhasi. Vakabva nemufaro kune zvakanyorwa muBhaibheri reKing James.

Asi vamwe vanhu vakaramba vari nevadzidzi vake gumi nevaviri vakabvunza zvaireva zvakavanzika izvi.

Kune vashoma, zvisinei vashoma shoma, vanoda kurarama maringe neShoko vachinzwisisa zvakavanzika.

MARKO 4:11 Akati kwavari imi makapiwa zvakavanzika zvovushe bwaMwari; Asi kunaava, vari kunze, zvose zvinoitwa nomufananidzo.

Jesu akazivisa zvakavanzika kunaavo vaida kuziva. Asi zvakavanzika zvaireva mifananidzo zvakaramba zvakavanzika kune avo vaive vasina hanya.

Kunzwisisa chokwadi hakumo mune mamwe mapoka emakereke. Hakuna kereke “inogona” inoziva mhinduro dzese. Imi semunhu akazvimiririra, munofanira kutsvaga chokwadi zvakadzama.

RUKA 17:21 Havangati tarira pano! Kana uko! Nokuti tarira; vushe hwaMwari huri mukati menyu.

Hushe hwaMwari ndihwo chakavanzika chikuru. Hushe hwaMwari chidimbu cheMweya Mutsvene chinogara mumunhu umwe neumwe.

Mwari akashanda nemaJuda serudzi asi anoshanda nekereke achitarira munhu akazvimiririra.

Mweya waMwari woga unogara mumunhu unomugonesa kunzwa chokwadi nekunzwisisa zvavanoona nekunzwa.

JOHANE 16:13 Asi kana asvika, iye Mweya wazvokwadi uchakutungamirirai muzvokwadi yose.

Humbowo hwerubapatidzo rweMweya Mutsvene kugona kwenyu kunzwisisa zvakavanzika zvaMwari zvakaziviswa kuzuva redu.

MARKO 4:12 Kuti kuona vavone varege kuwonesesa; nokunzwa vanzwe asi verege kunzwisisa; kuti zvimwe varege kutendeuka vakanganwirwe.

Vamwe vose vasina kusimba pakutevera Mwari, vachaona kana kunzwa asi havagoni kunzwisisa zvinenge zvichiitika. Vanonzwa mifananidzo asi vasingagoni kunzwisisa zvazvinoreva zvakadzama pamweya.

Chokwadi chinorwadza ndechekuti Mwari haadi kuti vanzwisise.

Havaisi Mwari pekutanga muhupenyu hwavo, saka Mwari haavadi muhupenyu hwake.

Kana Mwari asiri Ishe wazvose muhupenyu hwako, haadi kuva Ishe wako zvachose.

Pamunongotanga kuda kuenda nenzira dzenyu, Mwari anoshayawo hanya.

Kana Mwari aripo, inhau yezvese kana kutoshaiwa chinhu.

MARKO 4:13 Zvino akati kwavari hamuzvizivi here muenzaniso uyu? Muchaziva seiko mifananidzo yose?

Kana tisingagoni kunzwisisa muenzaniso nekuuona sezvawakaitwa nekereke yekutanga, yakabereka dzimwe nguva nhanhatu dzemakereke, hatizonzwisisi zvinoreva chero imwe mifananidzo. Mifananidzo yose inosanganisira kutaura kwaMwari kana kwaSatani nekereke nguva dzakasiyana.

“Nazara” zvinoreva kuti chokwadi.

Netzer zvinoreva kuti Davi.

“Netzeret” inzvimbo yedavi kana nzvimbo yekuparadzana.

Nazara neNetzeret zvakabatanidzwa kuita Nazareta nzvimbo yekupatsanurwa kwechokwadi.

Kubva kuna Jesu kaizova nemadavi enguva nomwe dzemakereke.

ZVAKAZARURWA 1:13 Napakati pezvigadziko zvemwenje; mumwe wakafanana nomwanakomana womunhu,

Kana tisingagoni kunzwisisa kuti mufananidzo uyu unotaura kereke yekutanga yakakoshesesa panguva nomwe dzese dzemakereke unenge uri padambudziko. Nguva nomwe dzemakereke ndidzo zaruriro huru iri muBhaibheri yatinofanira kunzwisisa.

Jesu ari Mwari, amire pakati penguva nomwe dzemakereke, anotiudza kuti nguva yekutanga yaive yakanaka nekuti aive amire mairi. Tichienda nekurudyi chokwasi chakarasika. Tichitangudza nekuruboshwe chokwadi chakatanga kudzorerwa munguva nhatu dzekupedzisira (nguva yekereke yechi 5, 6, ne7) kuti nguva yechinomwe idzokere paive nenguva yekutanga.

Kuva munguva yechinomwe hazvina kunyatsonaka sezvo Mwari achituka nguva yechinomwe kuna Zvakazarurwa Chitsauko 3. tinofanira kudzokera kunoita zvaive nguva yekereke yekutanga.

Mufananidzo unotevera unoratidza vasikana mapenzi munguva yekereke yechinomwe, maKristu akaponeswa vasingagoni kutsigira zvavanotenda vachishandisa Bhaibheri reKing James.

Hamuna mafuta ekupisa saka hapana chiedza pamwenje.

Zvinosuwisa, vanoguma vapinda munguva yeKutambudzika nemusanganiswa wavo wechokwadi nezvakaipa. Havana kubvira vagona kudzokera kunotenda zvese zvakatendwa nekereke yekutanga muBhaibheri nekuda kwefungidziro dzavo zhinji dzezvinoreva Magwaro. Vane chimwe chokwadi chemuBhaibheri asi nekunzwisisa kushoma kwazvo zvakavanzika zveBhaibheri.

Vane ruzivo rushoma kwazvo rwezvakanyorwa muBhaibheri.

“Ndakanzwa kuti” zvakatsiva “zvakanyorwa zvichinzi”. Kereke yekutanga yaive isina kudaro.

Pauro paakaparidza, vaienzanisa zvaaitaura neMagwaro.

MABASA 17:10 Pakakrepo hama dzakatuma Pauro naSairasi Beria husiku. Ivo vakati vachisvikapo vakapinda musinagoge ravaJuda.

11 Ava vakanga vakanaka kukunda vaTesaronika, vakagamuchira Shoko nomoyo wose,

Vachinzvera Magwaro zuva rimwe nerimwe, kana zvinhu izvozvo zviri izvo.

Kune nzira nhatu dzekurasika kubva kuna Mwari

Mufananidzo wemukushi unotsanangura kereke yekutanga.

Jesu anotsanangura Mufananidzo wekutanga.

Tsananguro yemufananidzo iyi inopa gwara rekuti kereke yekutanga yaive nekunzwisisa chokwadi chaMwari vaiziva zvaiitika.

Tinogona kunzvera kuti tiri pedo sei nechokwadi nekutarisa kuti tiri pedyo sei nekereke yekutanga. Kana tichipokana navo, tinenge takarasika.

Kune nguva mbiri dzinoonekwa mbeu chaiyo.

Pakudyara nepakukohwa. Mbeu inokohwewa, kana ikabiswa padzinde inofanana nembeu yakadyarwa nemapostora pakutanga.

Goho ndiyo nguva yekubvisa apo Mwenga anotorwa kubva panyika kunosangana naShe kumakore.

Vatsvene venguva yekutanga vachamutswa mumiviri isingarwadziwi kana kuwora Mwenga anorarama anoshandurwa kupihwa muviri usingawori. Mapoka maviri aya achange akafanana pane zvavanotenda.

MARKO 4:14 Mukushi unokusha Shoko.

Kukosha kwese kuri paShoko raMwari.

Zvatinotenda pakutanga zvakakosha.

Munofanira kutenda muBhaibheri reKing James kuti rakarurama harigoni kushandurwa.

MARKO 4:15 Vari munzira panokushwa Shoko ndivo vanoti kana vanzwa, pakarepo Satani anovuya, ndokubvisa Shoko rakakushwa mukati mavo.

Pachave nevanhu vakaoma moyo vanogaroramba Shoko raMwari.

MARKO 4:16 Navakakushwa parukangarabwe vakaita saizvozvo; ndivo vanoti kana vanzwa Shoko rakakushwa, vanorigamuchira pakarepo nemufaro.

Vamwe vanofara kwazvo kugashira Evangeri zvepadenga. Chero risingavakanganisi zvakanyanya. Vanoda mibairo inouya pachena neruponeso.

MARKO 4:17 Asi havanomidzi mavari, asi ndivo vechinguva chiduku, pashure kana kutambudzika nokuvengwa zvichivuya nekuda kweShoko, pakarepo vanogumburwa.

Vaida kukohwa nenzira iri nyore. Vaibatira Mwari wezvipo. Vaive vasingadi kusangana nezvakaoma munzira yechiKristu.

MARKO 4:18 Vamwe vanokushwa muminzwa ndivo vanonzwa Shoko,

Vanhu ava vanoda chokwadi cheBhaibheri asi votsvagawo kuunganidza pfuma neruchiva rwavo rwezvinhu zvenyika ino.

MARKO 4:19 Asi kufunganya kwenyika nokunyengera kwefuma nokuchiva zvimwe, zvinopinda zvichivhunga Shoko, rikashaiwa zvibereko.

Magarikwa anouraya rudo rwekutsungirira vopinda murufu.

Rudo rwedu rwezvinhu zvenyika runodzipa hukama hwedu hweMweya naMwari.

Panokura budiriro yedu yenyika, budiriro yedu yemweya inodupuka. Tinotevera Shoko rakaziviswa zvishoma.

Chiedza chakavanzika kana Shoko richifuratirwa kana kushandurwa

MARKO 4:20 Vakakushwa muvhu rakanaka ndivo vanonzwa Shoko, vakarigamuchira, vakabereka, mumwe makumi matatu, mumwe makumi matanhatu, mumwe zana.

Pakupedzisira “ivhu rakanaka” maKristu akagashira Shoko akaona nguva yawo nedanho rekudzorerwa raivaive vari. Munguva yechinomwe vatendi vanogashira zaruriro yezvakavanzika zveMagwaro kuti vadzorerwe kunotenda zvakatendwa nekereke yekutanga. Vanoona kuti havafaniri kugadzira zvakavanzika zvitsva nekuti vanoda kufungidzira.

Asi chiedza cheShoko chinovanzwa zviri nyore.

MARKO 4:21 Zvino wakati kwavari; mwenje uripo kuti uiswe pasi pedengu, kana pasi pomubedha here? Hauzipo kuti uiswe pachigadziko here?

Dengu itswanda huru yekupimisa mbeu.

Rinogona kuvanza chiedza chemwenje zviri nyore. Asi mbeu dzese dzinofanira kubviswa mudengu kuti rigoiswa pamusoro pemwenje.

Saka vatungamiri vekereke vanorasa Magwaro kuti vazivise mazano avo asimo muBhaibheri.

Kereke iyi nehurema inozviwisira kumazano emabhishopu vanoita munhu mumwechete anotungamira kereke. Hudzvanyiriri hwakadai hunotsiva hutungamiri hwekutanga hwekereke yakaiswa mumaoko evakuru vepanzvimbo kuti vatungamirire.

I PETRO 5:1 Naizvozvo ndinoraira vakuru pakati penyu; Ini mukuru pamwechete navo, nechapupu chemadamudziko aKristu, nomugovani navo wokubwinya kuchazoratidzwa, ndichiti:

2 fudzai boka raMwari riri pakati penyu, musingazviiti nokurovererwa, asi nomoyo unoda, nokuda kwaMwari, musingazviiti nokuda kwekukarira pfuma yakaipa;

3  Musingaiti nesimba nezvamakagoverwa asi muve vatungamiri veboka.

Kereke imwe neimwe yakava muranda wepfungwa yekuti munhu mumwechete anovabvisa paShoko rakanyorwa ovazivisa Tiriniti, Chishanu Chakanaka, Kisimusi, nekupinda kwekereke mune zvematongerwo enyika.

Pakadzima chiedza cheBhaibheri, Nguva dzeRima dzakapindira kereke yeRoma ichitonga Europe iri Tiyatira, zvinoreva kuti mukadzi anotonga, munguva yekereke yechina.

Tarirai kuti Mwari vakatii kuTiyatira.

ZVAKAZARURWA 2:22 Tarira ndoda kumukandira panhovo, navanoita vupombwe naye panhamo huru kana vasingatendevuki pamabasa ake.

60-1208 NGUVA YEKEREKE YETIYATIRA

Tarirai. Ndichamukandira panhowo, ... (nhowo yakadii? Yezvenyika. Ndizvo chaizvo zvaachaona.) ... neavo vanoita vupombwe naye munguva yeKutambudzika, kunze kwekunge vakatendeuka kumabasa avo. (Vachapinda munguva yeKutambudzika.)

Uye ... ndichauraya vana vake norufu ...

... ndichavuraya vana vake...

Chii? Kereke yeCatholic, vana vake ndivo vemasangano akabuda mairi. Mazviona, ndizvo chaizvo nokuti vari kuita zvakafanana nayo. Kubapatidzwa mairi nekuti vari kuita rubapatidzo rwusiriwo, rubapatidzo risina kutsanangurwa neMagwaro; kukwazisana maoko kuti vawane Mweya Mutsvene. “ Baba Mwanakomana naMweya Mutsvene” pachinzvimbo chekubapatidza “Muzita raJesu”. Nekuita zvese maringe neBhaibheri. Zvakadaro! Vanofamba kupinda mazviri.

… “Ndichakandira vana vake panhowo yerufu, ndovavuraya. “Zvakanaka, regai ndiverenge kuti muone pano, ndinotenda ivhesi rechi22.

Ndichamukandira panhowo, nevanoita hupombwe naye munguva yeKutambudzika kukuru, (Kutambudzika kukuru). ...

[Nhowo yerufu inguva yeKutambudzika kwavanourayiwa voenda kugehena.

63-0321 CHISIMBISO CHECHINA

... Ndichamukandira panhowo... (Ndiro gehena.) ...

KUZIVISWA KWENGUVA NOMWE DZEMAKEREKE

Zvichibva pachikamu chekupedzisira chevhesi 22 ichava nhowo yekutambudzika, yenguva yeKutambudzika kukuru.

Nguva yekereke yechina yakaona nhowo yezvenyika yakaviga chiedza cheBhaibheri sezvo maPope akawira mugomba rekurasika rinonyadzisa kutaura nezvaro. Nguva dzerima dzakadzima chiedza cheBhaibheri chakawanda.

Makereke achiri kutenda zvinhu izvi kubva muNguva yeRima nekanzuru yeNicaea vari kuenda kunoparadzwa mumakore matatu nehafu eKutambudzika kukuru yakavamirira.

MARKO 4:22 nokuti hapanochinhu chakavanzika chisingazovoneswe; hapana chakavigwa chisingazobudiswi pachena.

Zvakaipa zvakawanda zvaive zvakavanzwa nekereke yeRoman Catholic munguva dzerima. Vakaronga maKurusedhi apo masoja akauraya, kutorera vanhu zvinhu nechisimba nekubata chibharo.

Nguva yekereke yechina yakaona magumo ekuparadzwa kwechokwadi.

Mumashure megore 1520 Martin Luther kuGermany aizotanga kudzorera chokwadi.

MARKO 4:23 Kana munhu anenzeve dzekunzwa ngaanzwe.

Yambiro imwechete inopihwa kereke imwe neimwe naMwari. Zvatinonzwa zvinobata mune ramangwana redu.

Nguva dzeRima kana Nguva dzePakati dzaive pakati penguva dzemakereke manomwe. Nguva nhatu dzakarasa chokwadi chekutanga chemapostora. Nguva nhatu dzaizotevera dziripo kudzorera chokwadi chemapostora eTestamente Itsva.

Kana muchitenda Mwari anokuratidzai zvizhinji

MARKO 4:24 Zvino akati kwavari: Chenjerai zvamunonzwa: chiyero chamunoyera nacho, nemi muchayerwa nacho.

Kereke yaifanira kuteereresa. Kuramba Magwaro akaziviswa zvaireva kuti Mwari aivaramba. Kubvuma Magwaro akaziviswa zvinoreva kuti Mwari aivatambirawo.

Asi avo vaizoteerera, Mwari aizoramba achiwedzera.

Martin Luther akadzorera ruponeso kupfurikidza kutenda muna 1520.

MARKO 4:25 Nokuti unacho uchapiwa, asi usina, uchatorerwa nechaanacho.

John Wesley akawedzera hutsvene nekuparidzira makore akapoteredza 1750.

Muna 1904 muWales nemuna 1906 muLos Angeles, Mwari vakawedzera zvipo zvePentekositi.

Pakati pegore 1947 negore 1965 Willam Branham akazivisa zvakavanzika zvakavigwa muBhaibheri kuti atidzorere kunotenda zvakatendwa nenguva yekereke yekutanga.

Saka chokwadi chakaramba chichikura chichisimba pakuitika kwenguva imwe neimwe.

Zvimwechete zvinoitika nemunhu mumwe nemumwe. Kugamuchira Ishe Jesu saMuponesi okuratidzai hutsvene nekuparidzira. Okuratidzai rubapatidzo rweMweya Mutsvene kuti Mweya ukutungamirirei muzvokwadi yese.

JOHANE 16:13 Asi kana asvika iye Mweya wazvokwadi, uchakutungamirirai muzvokwadi yose:

Kana mangodzoserwa mukutsigira zvamunotenda neMagwaro ndiko kunova “Kudanidzira” kunounza Jesu ari Mutumwa Mukuru wekuna Zvakazaruwa Chitsauko 10 kunomutsa vakafa vatsvene veTestamente Itsva.

Mumwedzi wekupedzisira wehupenyu hwake Hama Branham vaitarisira “mhere” yemharidzo yavo munguva yaizouya.

“Mhere” yaive isiri paakazivisa chokwadi chemuMagwaro.

Mhere ichave apo Mwenga akazvimiririra achagona kuziva chokwadi achishandisa Magwaro.

65-1127 NDAKANZWA ASI ZVINO NDAKUONA

Kuna Mwari akanaka, munguva ino, ichava nguva yakadai pakuchaita kurira kweKutinhira rimwe zuva, Mwanakomana waMwari achaburuka kubva kudenga nekudanidzira, nenzwi reMutumwa Mukuru, nehwamanda yaMwari, vakafa muna Kristu vachamutswa.

MARKO 4:26 Vushe hwaMwari hwakafanana nomunhu anodyara mbeu muvhu,

Hushe hwaMwari huri mukati menyu nemweya Mutsvene.

Asi ndapota rangarirai, Mwari vanofunga zvakasiyana nezvamunofunga.

ISAYA 55:9 Nokuti Denga sezvarakakwirira kupfuvura nyika, saizvozvo nzira dzangu dzakakwirira kupfuvura nzira dzenyu.

Mwari vanoshanda zvakasiyana kwazvo nemashandiro edu.

“Munhu”. Hatizivi kuti ndiyani. Vanhu havafaniri kutora kukudzwa kana vashandiswa naMwari kuparidza chokwadi. Mwari vanoshandisa vaparidzi kuparidza Shoko ravo.

Mbeu yeShoko inofanira kutanga kufushirwa muvhu. Nzira yekusimuka iri pasi. Mbeu inofanira kutanga kufa yovigwa isati yakura. Munhu umwe neumwe, anofanira kufa kuzvivi zvake Mwari asati atanga kumushandisa.

MARKO 4:27 Akavata akamuka, husiku namasikati, mbeu inomera ichikura, iye asingazivi kuti zvinoitika sei.

Vakawanda vevatendi vekereke yekutanga vaive vasingazivi simba ravaisunungura panyika. Shanduko huru yaizoita chiKristu yaizobata mundangariro dzevanhu.

“kurara”. Kana tikarara tinege tisingazivi zvienge zvichiitika.

Saka, maKristu akawanda haazivi kuti Mwari ari kuedza kuitei munguva imwe neimwe yekereke. Tinoshandira Mwari siku nesikati asi toita setinobatira Mwari nenzira inotiitira. Tinoteedzera zvinoitwa nemamwe makereke tofunga kuti Mwari anofadzwa nesu.

Tinoita Kisimusi 25 Zvita wega wega nekuti mamwe makereke anoiita. Bhaibheri harina kubvira rati tipemberere kuzvarwa kwaShe Jesu. Saka kutevera tsika dzemakereke kunotibvisa paMagwaro.

Vanhu havazivi kuti mbeu inokura sei pachayo kana yafushirwa. Mwari ega ndiye anonzwisisa kuita uku. Vanhu vanogona kushanda siku nesikati kuedza kushandira Mwari asi kushingirira kwedu hakuna maturo kunze kwekunge tiri mukuda kwaMwari. Kuda kwaMwari hakufi kwakabuda muShoko raMwari.

Mwari ega anoziva kuti chero munhu anogona kukura munyasha. Mwari ega anoziva kuti kereke imwe neimwe inokura kusvika papi nguva imwe neimwe.

Kereke inoita basa zhinji ravanofunga kuti kubatira Mwari. Mwari, zvisinei, anogona kuzviona neimwe nzira.

MATEO 7:22 Vazhinji vachati kwandiri nezuva iro: Ishe, Ishe, hatina kuprofita muzita renyu here? Nokudzinga mweya yakaipa muzita renyu here? Nokuita mabasa esimba muzita renyu here?

“Ishe, Ishe” idzokororo. Kuratidza kukosha. MaKristu anoziva kuti Jesu ndiye Ishe wavo. Vakaprofita nekudzinga madhimoni. Vakaita zvinhu zvizhinji zvinoshamisa. Tese tinofadzwa nezvipo zvavo zvinodakadza nehushumiri hwavo.

MATEO 7:23 Zvino ndichavaudza pachena; Handina kutongokuzivai: Ibvai kwandiri imi vaiti vokusarurama.

Asi Mwari anovaudza, “Ibvai kwandiri. Handitodi kukuzivai”.

Marko ari kudzidzisa kuva muranda. Musatarise zvakanaka zvamakaita .

VAROMA 11:29 Nokuti zvipo zvaMwari nokudana kwake hazvishandurwi.

Mwari anoshandisa nekupa vanhu vasina kana kuponeswa zvipo.

MATWEO 5:45 Kuti muve vanakomana vababa venyu vari kudenga: nokuti vanobudisira vakanaka navakaipa zuva ravo, nemvura vanoinisira vakarurama navasakarurama.

Kunaka kwaMwari nezvipo zvinosvika kwese kune vakanaka navakaipa.

Baramu, munhu akaipa, akapa chiprofita chakanakisa.

Gedeoni aive asingazivi kuti odii, Mwari vakapa hope dzinodakadza nekududzirwa kwadzo kumauto maviri aive edivi remuvengi vaitove vahedeni vakazara.

Saka Mwari kana achida kukupai zvipo zvemweya, zvine chazvinokuitai here?

Goho pakupedzisira rine rumborera rwerufu

MARKO 4:28 Ivhu rinongobereka haro pakutanga chipande, pashure hura, pashure zviyo, pashure zviyo zvakakora pahura.

Neimwe nzira ivhu rinogonesa mbeu kumera.

Nhanho nhatu dzekudzorerwa sekereke dzakakura munguva dzemakereke matatu ekupedzisira.

Ruponeso rwaLuther kupfurikidza kutenda munguva yechishanu.

Hutsvene hwaWesley munguva yechitanhatu.

Zvipo zvePentekositi nekuzarurwa kwezvakavanzika zveMagwaro naWilliam Branham munguva yechinomwe.

Kutanga chipande zvinotiyeuchidza munondo. Shoko raMwari munondo unocheka nekutikuvadza.

Zvinotaurwa neBhaibheri zvinotirwadza asi tofanira kuteerera.

Nhanho yechipiri neyechitatu zvinosanganisira nzeve. Kunzwa shoko raMwari. Chero kana zvichitirwadza.

Zvakavanzika zveShoko zvinoziviswa tinofanira kuita chokwadi chekuti hatipotse zaruriro yaMwari kuzuva redu.

Kutaura pamusoro “penzeve” zvinongoreva kuti kunzwa Shoko raMwari nekuziva Kuda kwaMwari kuzuva redu, zvinova kiyi yekubudirira.

Kune ndudzi dzemakereke 45,000 dzakasiyana nemasangano awo kuti dzitikanganise nekutirasisa. Kune Bhaibheri rimwechete chete, King James Vhezheni, ndiro rinogona kutitungamirira. Tererai Magwaro nekuita zvaanotaura izvozvo zvakakosha.

MARKO 4:29 Kana zvibereko zvaibva pakarepo unocheka nebanga, nokuti kuchenka kwasvika.

Kucheka ndeapo panobviswa zviyo padavi razvakaberekwa. Kukohwa kwemweya ndeapo Mwenga anorarama anoshandurwa miviri yavo votorwa kubva panyika kunosangana naShe kumakore .

Mbeu yezviyo, mucherechedzo weMwenga wenguva yekupedzisira akafanana newenguva yekereke yekutanga, anobviswa padavi rakafa. Rimwe davi rese rekereke rinofa nekuti vasikana mapenzi vakatarirwa kufa munguva yeKutambudzika.

Banga rerufu rinocheka vasikana mapenzi (vakadzi vakachena vanomiririra maKristu akaponeswa) vakanyengerwa nemazano asimo muMagwaro evakuru vemakereke avo.

Kana kereke yekupedzisira yadzorerwa kunotenda zvakatendwa nekereke yekutanga banga rinoiswa kuti richeke zviyo nzeve dzezviyo dzinorohwa kuparadzanisa zviyo nehundi. Saka nguva yakaoma inotarisirwa kumberi kwedu.

Soviet Union yakatangwa mugore 1917 ine banga pamufananidzo wemureza wayo zvinoratidza kuti kukohwa kwenguva yekupedzisira kwakusvika.

Kurwisa kwakaipa kweRussia kwayakaita Ukrain muna 2022 kuratidzirwa kuduku kwerufu nekuparadza kuri kuuya munguva yemakore matatu nehafu eKutambudzika kukuru. Kurwisa uku kwakauya pasina aifungira , kukakonzeresa kukanganisika kwezvinhu kukuru nekuparadza, nekurasikirwa nehupenyu husina mhoswa. Makore eKutambudzika kukuru achatirovawo takavarairwa nekuita kwakaipisisa.

Chenjerai zvinhu zvikuru

MARKO 4:30 Zvino akati vushe hwaMwari tichahufananidza neiko? Tichahuenzanisira nomufananidzo upiko?

Vanhu vanoona Mwari achifamba nenzira huru. Vanonongedzera zvimisikidzo zvikuru nemakereke makuru nezviitiko zvinodakadza. Asi hushe hwaMwari hwechokwadi ndiwo Mweya Mutsvne uri mumunhu anoshandira Kuda kwake.

RUKA 17:21 Havangati, tarira pano! Kana uko! Nokuti tarirai Hushe hwaMwari huri mukati menyu.

Vanhu vanofunga kuti Hushe hwaMwari hunosanganisira kuratidzirwa kwevanhu vazhinji nemhanzi yemangoma nehunyanzvi.

Hushe hwaMwari ndihwo Mweya Mutsvene achishanda mukati menyu kuti mudzidze zvakavanzika zveShoko rake.

MARKO 4:31 Hwakafanana netsanga yemastarda iyo kana ichidzvarwa muvhu, iduku kumbeu dzose dzepanyika.

Tese tinotangira paduku asi vanhu vanofunga vakatarirwa kuzova zvimwe zvinhu zvikuru. Vanhu vanoda kukura kwemakereke. Vanoda kuonekwa, nekuitwa vakakosha.

Kereke inokura nekuti inongoda kukura.

Mai vemakereke vakaparadzira mapazi avo kugadza bato rinotonga mafungiro evanhu vari kure nekubvisa chero hupikisi hunopikisa maonero evatungamiri.

Izvi zvinotiyeuchidza mashadiro eMutungamiri wenyika Putin muRussia. Munonzwa chete maonero ake pachivhiti vhiti cheRussia. Kana mukapokana naye munoparadzwa.

MARKO 4:32 Asi kana yadzvarwa inomera ichiva huru kumirivo yose ichiita matavi makuri akadaro kuti shiri dzokudenga dzinogara pamimvuri yawo.

Kana muti ukakura kuita matavi makuru shiri dzedenga dzinogara mauri dzoita vatungamiri vakasimudzirawa.

Marko anotaura kuti vakaoma moyo vanoramba Shoko vanorasiswa naSatani.

MARKO 4:15 Vari munzira panokushwa Shoko ndivo vanoti vanzwa, pakarepo Satani anovuya, ndokubvisa Shoko rakakushwa mukati mavo.

Asi Mateo anoti Satani anoshanda kupfurikidza shiri dzedenga, vatungamiri vemakereke, vanobvisa mbeu yeShoko muvanhu votsiva netsika dzekereke nedzidziso dzakaitwa nevanhu.

MATEO 13:4 Zvino pakukusha kwake dzimwe mbeu dzakawira panzira, shiri dzikasvika dzikadzidya.

Saka muranda anoyambirwa kuti achenjere makereke makuru nevatungamiriri vemakereke vakasimudzirwa.

Panguva iyi, Marko anomira kunyora. Anoratidza kuti vatungamiri vemakereke nemapato emakereke makuru haasi aMwari.

Uku ndiko kumwe kwekukanganisa kukuru kunoitwa nevaparidzi kana vasaridza kushandira Mwari. Vanoda kuvaka makereke makuru vachida kusimudzirwa kuva misoro yemakereke.

Humbowo hwekutanga hwechivakwa chekereke hwaive hwegore AD 220.

Saka kereke yekutanga yaisanganirana mudzimba zvakamisa makereke epanzvimbo kukura. Kereke imwe neimwe panzvimbo yaitungamirirwa nevakuru kwete nemunhu mumwechete. Mabhishopu vaisimudzirwa zvisizvo kuti vatonge kereke negore AD 170. Ipapo dzidziso nezvaitendwa nemapostora zvaive zvatanga kutsakatika vanhu vane shungu dzekutonga vakatanga kutora kereke imwe neimwe.

Kereke yechipiri yakatanga nemazano aiwedzerwa asiri muMagwaro zvachose. Mazano matsva asimo muMagwaro akaramba achiwedzerwa.

Nhanho nenhanho, zvakaipa zvakawanda zvakawedzerwa mukereke.

Kunamatira vakafa.

Mufananidzo wemuchinjikwa.

Makenduru ewakisi anotengeswa nemakereke kuti atungidzirwe zvinangwa zvakasarudzika.

Tiriniti neChishanu Chakanaka. Muvhuro weIsita nemazai eIsita nemabhani acho.

Kumwaya vana mvura parubapatidzo.

Kutsiva zita raJesu nezita raBaba, Mwanakomana naMweya Mutsvene.

Kunamatwa kwevatumwa nevatsvene vakafa.

Kunamata nzvimbo.

Kunamata Maria achinzi ndimai vaMwari.

Nhasi, vanhu vemharidzo vakasimudzira Hama Branham kubva paizwi remutumwa wechinomwe kuvaita Izwi raMwari. Hapana kutaurwa Izwi raMwari muTestamente Itsva.

Mvura tsvene.

Munamato mukuru. Munamato unoitirwa vanhu vakuda kufa.

Pugatori.

MARKO 4:33 Akasireva Shoko kwavari nemifananidzo mizhinji yakadaro, pavaigona kunzwa napo.

Saka, nenguva ino Kereke yeCatholic yakura asi vatungamiri vemakereke vaisa vanhu kure kwazvo neMagwaro. Zvitendero zvechipegani zvakashongedzwa mazita echiKristu.

25 Zvita raive zuva rakaberekwa Mwari wezuva rikaita zuva rakaberekwa Mwanakomana waMwari.

Jesu akaramba achitaura asi vashoma ndivo vaida kunzwa chokwadi ichi. Vanhu vazhinji vanosarudza hupenyu hwakasununguka mumakereke akavarairwa kwavasina basa nekutsvaga chokwadi cheBhaibheri.

Hakuna munhu anoda kuziva kuti kereke yake, zvisinei nekuva nechimwe chokwadi, musha zvakare kuzvakaipa zvakawanda.

Muti wekuziva zvakanaka nezvakaipa une zvese dzidziso dzakanaka dzechokwadi nedzidziso dzakaipa dzakaitwa nekutadza kwevanhu.

MARKO 4:34 Haana kutaura navo kunze kwemifananidzo, asi waidudzira vadzidzi vake zvose vari voga.

Jesu akataura nemifananidzo kuti zvainoreva zvakadzama zvaizoramba zvakavanzwa kuvanhu. Mwari haafadzwi nevanhu vanoungana vari vazhinji nemweya wavo wekuungana uko vanofanira kuterera zvinotendwa nevanhu nemitemo yevanhu.

Asi paaive ega nevadzidzi vake, aitsanangura zvinoreva mifananidzo.

Mwari anozivisa chokwadi chakadzama kumunhu akazvimiririra anoita nguva achiverenga Bhaibheri reKing James. Mwari haagoni kuisa chokwadi mumakereke makuru nekuda kwemafungiro awo eboka.

MARKO 4:35 Zvino nezuva iro ava madekwana, wakati kwavari, ngatiyambukire mhiri.

“Zuva iroro”. Izvi zvinoratidza hupenyu hwakararama Jesu hwaive husina zororo. Muranda anoshanda nesimba Jesu aive achiratidza muenzaniso wesimba risingaperi.

Jesu aive munzvimbo yeKapenaume. Aida kuyambukira kuenda kuGungwa reGarirea kunzvimbo yevahedeni inodaidzwa kuti Gergesenesi kana kuti Gedarena.

Izvi zvinotipa gwara kuti Jesu aizoyambukira kuvaHedeni munguva dzemakereke.

Nguva dzemadekwana dzinotiyeuchidza Kuuya kwaShe kana auya kuzotora Mwenga wake kuenda naye Kudenga patinoyambukira kuenda kunzvimbo yepamusoro-soro iri kune rumwe rutivi rwerufu.

MARKO 4:36 Vakasiya vanhu vazhinji vakaenda naye mugwa akangodaro. Mamwe magwa akanga aiva naye.

MaKristu mazhinji vanenge vasina kugadzirira Kuuya kwechipiri nekuti vanotevera tsika dzemakereke avo dzinovabvisa kuBhaibheri reKing James (Shoko) pavanosarudza mazano akaitwa nevanhu.

Vadzidzi vake “vakamutora Akangodaro”. Havana kumboenda kumba kunotora kana hembe kana chekudya parwendo. Kutevera Jesu vakadzidza kungofamba vasina mutoro. Paive nekukoshesa hutefe tefe kushoma kwazvo. Vaive varume vakaoma vebasa. Vaive nebasa rekuita. Murume muHedeni aipenga aida kuponeswa.

Pano paive nekunyeurirwa ramangwana. Jesu achiponesa muHedeni.

“Vakamutora akangodaro”. Tinofanira kutora Shoko raMwari sezvarakanyorwa rakaita muBhaibheri reKing James” torega kushandura chero chinhu. Jesu aive mumugwa nevadzidzi vake. Ndicho chikonzero chekubudirira kwavo. Vaive vasiri voga, paive naJesu pakati pavo.

Kwaive nemimwe migwa yakasarudza kuvatevera nesimba rayo. Asi panguva yekuuya kwaShe, tinotarisira madutu makuru ezvematongerwo enyika, zvemweya nezvemari kuti atsvaire nyika. Asi mimwe migwa miduku iyi yaive isina Jesu mairi.

Hatina kuzoverenga zvakare pamisoro pemigwa iyi pakarova mhepo huru. Mhepo mucherechedzo wehondo nematambudziko. Pasina Jesu pakati pehupenyu hwedu hatikundi.

Panguva yekupedzisira, Jesu anozviratidza ari Shoko raMwari rakaziviswa anofanira kuva pakati pehupenyu hwedu. Pasina izvozvo, tinotsvairwa kubva pakuuya kwaShe mumhepo yekupedzisira topesana naye.

Kutya Mwari ndiko kuvamba kwehuchenjeri

MARKO 4:37 Zvino dutu guru remhepo rakamuka mafungu emhepo akarova mugwa rikanga rodo kuzara.

Mugwa waive uzere mvura wakutoda kunyura. Mafungu makuru akasimudzwa nemhepo huru. Satani ndiye Muchinda wesimba remhepo.

VAEFESO 2:2 Izvo zvamaifamba mukati mazvo kare, netsika dzenyika ino, Nenzira dzomuchinda wesimba redenga, Dzomweya unobata zvino muvana vokusatenda.

Satani nemadhimoni ake vachakonzeresa hondo huru pakupedzisira mukuedza kwavo kuparadza zvinodiwa naMwari.

MARKO 4:38 Asi iye akanga ari mushure megwa avete pamutsago; vakamumutsa vakati kwaari: Mudzidzisi hamune hanya kunyangwe tofa here?

Jesu akanga akarara kumashure kwemugwa nekuti vaisada kumuteerera. Asi ipapo, sekuita kwedu vanhu, mhepo payakasimudza mafungu anotyisa, vakatanga kutya kuti vachafa pakarepo vakamutsa Jesu. Tinowanzoita izvozvo. Kana hupenyu huine mufaro tinorega kuteerera Jesu tichitevera zvatinoda kuita. Asi kana zvinhu zvangoipa tinorangarira kuti kuna Jesu tokumbira rubatsiro rwake.

MARKO 4:39 Akamuka akaraira mhepo akati kugungwa: Nyarara ugadzikane! Mhepo ikanyarara, kudzikama kukuru kukavapo.

Kupindira kukuru kwaMwari. Anotonga zvinhu zvese zvakazara.

MARKO 4:40 Zvino akati kwavari, munotyireiko kudaro? Hamunokutenda here?

Nekuti vaive naJesu vaive vasina chikonzero chekuti vatye.

MARKO 4:41 Vakatya nokutya kukuru, vakataurirana vachiti: Ndiyaniko uyu nokuti mhepo kunyangwe negungwa zvinomuterera.

“Mhepo” zvinotaura hondo uye “gungwa” rinotaura pamusoro pevanhu vazhinji vasina kugadzikana. Jesu ane simba pamusoro pazvo zvose. Saka chero chaitika, Jesu anenge achingotonga.

Asi zvisinei nekuti vaive naJesu, uye chero aive adzikamisa dutu vakatya Mwari zvikuru. Jesu aive asiri munhuwo zvake. Aive Mwari panyama.

Varanda vanofanira kurangarira kuti chinhu chinotyisa kumira pamberi paMwari.

Kumira pahuvepo hwaMwari hachisi chinhu chinojairika.

Tarirai zvakataurwa naJohane muprofita mukuru

ZVAKAZARURWA 1:17 Ndakati ndichimuvona ndikawira pasi petsoka dzake sendinenge ndafa.

Ndirwo rudzi rweruremekedzo rwatinofanira kuva narwo kuMagwaro akaziviswa.