MaKristu akaponeswa ese anokwira Kudenga panouya Ishe mukubwaira kweziso here (Repucha)?

We update studies as the Lord Jesus leads us. You can find the latest update of this study at ChurchAges.net

MaKristu akaponeswa ese Anokwira Kudenga panouya Ishe mukubwaira kweziso here inodaidzwa nevazhinji kuti Repucha?

Nguva yekutambudzika kukuru inomiririrwa nechiratidzo chenguva dzehusiku, Chiedza chenyika, chinenge chasiya nyika.

JOHANE 9:4 Jesu akati kwavari: Dai maiva mapofu, hamuzaiva nezvivi, asi zvino munoti: Tinovona, zvivi zvenyu zvinoramba zviripo.

Bhaibheri rinovimbisa kuti Mwari achadzoka kumaJuda munguva yeKutambudzika kukuru. Asi hakuna chivimbiso kuvaHedeni chekuti vachaponeswa nguva yeKutambudzika. Saka hakuna vaHendeni vanoponeswa husiku hune rima hwenguva yeKutambudzika.

Vazhinji vemaKristu akaponeswa vanoonekwa vachibva munguva yeKutambudzika.

ZVAKAZARURWA 7:9 Shure kwaizvozvo ndakatarira, ndikavona vazhinji-zhinji vasingagoni kuverengwa nomunhu,

14 Ndikati kwaari: Ishe wangu, Imi munoziva.Akati kwandiri: Ndivo vanobva kukutambudzika kukuru, vakasuka nguvo dzavo vakadzichenesa muropa reGwaiana.

Vanhu ava vakaponeswa nguva yeKutambudzika kukuru isati yatanga.

Saka vanomiririra vasikana mapenzi kana kuti vasikana vakapusa.

Vasikana imhandara dzakachena dzisina kusvibiswa nevarume vanomiririra maKristu akaponeswa. Kuponeswa nguva yeKutambudzika isati yasvika zvinoreva kuti vachaenda kuDenga kana vakasatora chiratidzo chechikara munguva yeKutambudzika kukuru.

Asi vasikana vakachenjera chete vane ruzivo rweMweya Mutsvene, ndivo vanoziva chokwadi chakakwana chekuti vasanyengerwa nevatungamiri vemakereke. Saka vakagadzirira kukwira kudenga kwekereke.

Ngatitarisei yeuchidzo “yeMuono Mukuru” wakazara.

Kuti tiwane gwara reKuuya kweChipiri kwaShe tinoda kunzwisisa zvakaitika paKuuya kweKutanga kwaShe.

Tarisai chinhu chinopesana nevadzidzi vazhinji venguva yekupedzisira.

Pakaita mazuva makumi nana kubva pakumuka kwaJesu kusvika pakukwira kwaJesu kuenda kudenga negore rezvapupu (vatsvene veTestamente Yekare vakamutswa), kwete gore rekuda kunayisa mvura.

Kuuya kwekutanga kwaShe kwakaona Jesu ava nemakore makumi matatu achitanga hushumiri hwake hunoshamisa hwaive hwekupatsanura nhorondo yenyika kuiita BC uye AD. Zvese zvakaitika Jesu asati aberekwa zvakava munguva inonzi BC yekuti Kristu aive asati azvarwa (Before Christ). AD zvinoreva kuti Anno Domini, “Mugore raShe”.

Hushumiri hwake hwakaita makore matatu nehafu. Jesu akarovererwa akaita husiku hutatu ari pasi penyika (husiku hweChina, husiku hweChishanu, nehusiku hweMugovera). Vakabuda muCatholic vakanyengerwa neCatholic vakatenda kuti akafa musi weChishanu saka akaita husiku huviri chete ari muguva. Chii chimwe chakarasika maKristu emasangano paMagwaro?

Kumuka kwake mangwanani emusi weSvondo, pakwaive kusati kwachena, kwakaita kuti azadzise kuva chibereko chekutanga kumitambo yemaJuda paakawoneka nekukurira Rufu, Gehena neguva.

Kudengenyeka kwenyika kukuru kwakaitika panguva yekufa kwake kwakatanga kumuka kwevatsvene veTestamente Yekare vakamuka mumashure mekumuka kwake.

Mazuva makumi mana mumashure mekumuka kwaJesu kubva kuvakafa Jesu akakwira kuDenga nevatsvene veTestamente Yekare paakaita huranda muranda wake. Vaive vakaiswa muParadhiso yeTestamente Yekare parutivi pegomba asi apa vaive vakukwira naye kuDenga.

Zvino mazuva gumi akati adarika Mweya Mutsvene wakaburuka paMusi wePentekositi ukazadza imba yemukati maive nevadzidzi vake gumi nevaviri. Izvi zvakabva zvatanga nguva nomwe dzemakereke.

Musi wePentekositi kwaive kumwe kuzadziswa kwemusi wakazodzwa Tembere yaSoromoni apo Mweya waMwari wakaburuka ukazadza Tembere.

I MADZIMAMBO 8:10 Zvino vaprista vakati vabuda panzvimbo tsvene, gore rikazadza imba yaJEHOVA,

11 Naizvozvo vaprista vakanga vasingagoni kumira pabasa nokuda kwegore; nokuti kubwinya kwaJEHOVA kwakazadza imba yaJEHOVA.

Tembere yeTestamente Itsva yaizovakwa makore 2000 pachishandiswa mabwe anorarama, maKristu akazvarwa patsva.

Musi wekutanga wekereke yakazadzwa neMweya iyi kwaive kuuya kweMweya Mutsvene musimba guru.

Makore manomwe ekupedzisira akavimbiswa kumaJuda naDanieri anozivikwanwa nekunzi mavhiki makumi manomwe.

Danieri 9:26 Wakazodzwa uchabviswa

Saka Jesu akauraiwa mumashure memakore matatu nehafu ehushumiri hwake. Vhiki rekupedzisira rakakamurwa nepakati. Imwe hafu yechipiri yevhiki rekupedzisira inozivikanwa nekunzi nguva yeKutambudzika asi izvi zvinoitika makore 2000 aizotevera.

“Nguva iyi yemakore 2000” yakapatsanura mahafu maviri evhiki kuti aende kure nekure, inozivikanwa nekudaidzwa kuti “kupatsanurwa kwenguva” nekuti kunopatsanura nguva yemakore manomwe kuiisa mumahafu maviri.

Nguva yemakore 2000 iyi inozivikanwawo nekudaidzwa kuti nguva nomwe dzemakereke.

Nguva nomwe dzemakereke dzinotanga neMweya Mutsvene uchiburuka paMusi wePentekositi ichipera apo Mwenga anotorwa kukwira kuDenga kunoitika mukubwaira kweziso paKuuya kweChipiri kwaShe.

Nguva yeKutambudzika kukuru isati yatanga Jesu achauya kechipiri kuzotora vatsvene vake kunosangana naye mumakore, (izvi zvinowanzodaidzwa nevazhinji kuti Repucha kukwira kudenga mukubwaira kweziso), otora Mwenga wake kuenda kuchirayiro chemuchato.

Ipapo maprofita maviri Mosesi naEria, vachaenda neEvangeri kumaJuda 144,000 munguva yeKutambudzika kukuru.

Kushandisa kunzwisisa kwatinako pamusoro peKuuya kwake kweKutanga kunotitendera kutevera gwara kuti tiite ruzivo rwezvichaitika nekukasika munguva inouya.

Kurongwa kwezviitiko kwakaratidzwa mumufananidzo unotevera.

MaKristu akaponeswa ese anotorwa kunosangana naShe kumakore here? Nemamwe mazwi, maKristu akaponeswa ese vachakwira kudenga mukubwaira kweziso here?

Izvi dzimwe nguva zvinodaidzwa kuti Eksodo Yechitatu.

Eksodo Yekutanga yaidaidza maJuda kubva muEgipita.

Eksodo Yechipiri yakadaidza maKristu kubva muchiJuda.

Eksodo Yechitatu inodaidza Mwenga kubva mumakereke.

Jesu akataura kuti kudii pamusoro pekereke yekupedzisira?

MATEO 24:3 Akati agara pagomo remiorivi, vadzidzi vake vakauya kwaari, vari voga, vakati: Tivudzei kuti izvozvi zvichagova riniko? Nechiratidzo chokuvuya kwenyu nechokuguma kwenyika chichava chipiko?

Sesu, vadzidzi vaida kuziva pamusoro pezviitiko zvenguva yekuguma.

MATEO 24:4 Jesu akapindura, akati kwavari: chenjerai kuti murege mutsauswa nomunhu.

Kukanganisa kwedu kukuru kunyengerwa.

Tiri kurarama munguva yehunyengeri nenhau dzenhema. Musatarisire kuti kereke ichatsaurwa kubva pahunyengeri uhu.

Kereke ndiyo ichanangwa zvakanyanya naDiaborosi. Ndicho chikonzero nei tine makereke anosvika 45,000 akasiyana siyana.

MATEO 24:24 Nokuti vachamuka vanaKristu venhema, navaprofita venhema, vacharatidza zviratidzo zvikuru nezvinoshamisa, kuti kana zvichibvira, vatsause navakasanangurwa vo.

Makereke haagoni kubvumirana padzidziso yakaita seyerubapatidzo.

VAROMA 6:3 Ko hamuzivi here kuti isu takabapatidzwa munaKristu Jesu, takabapatidzwa murufu rwake?

4 Naizvozvo pakubapatidzwa takavigwa pamwe naye murufu; kuti saiye Kristu akamutswa kuvakafa nokubwinya kwababa, saizvozvo nesu vo tifambe novupenyu bwutsva.

5 Nokutu kana takava vamwe naye pakufanana naye parufu rwake, tichadaro vo pakumuka kwake:

Rubapatidzo runoda kunyikwa kwakazara mumvura se kufushirwa kwakazara kunoitwa pakuvigwa kwemunhu muvhu.

Asi makereke anotenderana neKisimusi zvisinei nekuti hatina kubvira tanzi tipembere kuzvarwa kwaJesu muBhaibheri.

Tinofuratira kuti 25 Zvita rakaitwa musi wakaberekwa mwari wezuva nemubati weRoma yechipegani Aurelian muna AD 274, mumashure mekunge abva kuuraya bhishopu weRoma.

Musi weKutongwa unoita seunounza zvakare kurwisana pazviitiko zvawo.

Vatsvene vachatonga nyika uye vachatongawo vatumwa.

Asi maKristu anotongwawo nenyika.

I VAKORINTE 6:1 Ko kana mumwe wenyu ane mhosva nomumwe, ungatsunga kumukwirira kunavasakarurama, akasamukwirira kunavatsvene here?

Hakuna muKristu anofanira kupomera mumwe muKristu mudare remhosva.

I VAKORINTE 6:2 Hamuzivi here kuti vatsvene vachatonga nyika? Zvino kana nyika ichitongwa nemi, ko imi hamufaniri kutonga mhosva duku- duku here?

Pamusi weKutongwa vatsvene vachatonga vanhu neShoko raMwari.

JOHANE 12:48 Unondiramba, asingagamuchiri mashoko angu, unomumwe, unomutonga, Shoko randakareva ndiro richamutonga nezuva rokupedzisira.

I VAKORINTE 6:3 Hamuzivi here kuti tichatonga vatumwa? Zvikuru sei izvo zvovupenyu bwuno!

Vatumwa havagoni kurwisa Shoko raMwari. Bhaibheri reKing James Vhezheni ndiro Mukuru rine simba pamusoro pazvose.

Asi kune rimwe Gwaro rinoratidza maKristu achitongwa achibvumidzwa kupinda Denga zvinogoneka chete kana vakaponeswa.

MATEO 25:31 Zvino kana mwanakomana womunhu achivuya, nokubwinya kwake, navatumwa vose vanaye, uchagara pachigaro chake chovushe chinobwinya:

32 Namarudzi ose achavunganidzwa, pamberi pake; uchavaravura somufudzi unoravura makwai nembudzi.

33 Uchaisa makwai kurudyi rwake, mbudzi kuruboshwe.

34 Zvino Ishe uchati kunavari kurudyi: Vuyai imi makaropafadzwa naBaba, mugare nhaka yovushe bwakagadzirirwemi kubva pakuvamba kwenyika.

MATEO 25:41 Zvino uchati kunavari kuruboshwe: Ibvai kwandiri, imi makatukwa, muende kumoto usingaperi, wakagadzirirwa Diaborosi navatumwa vake.

MATEO 25:46 Ava vachaenda kukurobwa kusingaperi; asi vakarurama kuvupenyu bwusingaperi.

Zviitiko zviviri izvi zviri muBhaibheri zvinotaura pamusoro pemaKristu achitonga uye achitongwa.

Izvi zvinogoneka chete kana kuine mapoka MAVIRI emaKristu.

Kune kumwe kurwisana kwechipiri zvakare.

Mamwe maKristu anowana mubairo.

Mamwe maKristu anorasikirwa achizonunurwa aedzwa nemoto.

I VAKORINTE 3:9 Nokuti tiri vabati pamwechete naMwari; muri munda waMwari, muri imba yaMwari.

10 Nenyasha dzaMwari dzandakapiwa, ndakaronga nheyo somuvaki wakachenjera; mumwe unovaka pamusoro padzo Zvino mumwe nomumwe ngaachenjere kuti unovaka sei pamusoro padzo.

11 Nokuti hakunomumwe ungaronga dzimwe nheyo, asi idzo dzakarongwa kare, ndiye Jesu Kristu.

12 Zvino kana munhu achivaka pamusoro penheyo idzi, ndarama kana sirveri kana mabwe anokosha, kana matanda kana vuswa.

Kuvaka pamusoro peMagwaro kwakanaka uye kwakasimba. Mazano asina kubva muMagwaro haanesimba haagoni kukurira moto.

I VAKORINTE 3:13 Basa romumwe nomumwe richavonekwa; nokuti zuva iro richazviburitsa pachena, nokuti richaratidzwa nomoto, moto uchaidza basa roumwe nomumwe, kuti rakadini.

Basa remunhu mumwe nomumwe richaidzwa nomoto. Moto wekurovererwa nekurambwa.

I VAKORINTE 3:14 Kana basa romunhu raakavaka pamusoro padzo, richigara, uchapiwa mubairo.

15 Kana basa romunhu rikapiswa, ucharashikirwa, asi iye amene uchaponeswa, asi sowakabuda pamoto.

Kuti Magwaro ave nechokwadi, kunofanira kuva nemapoka maviri emaKristu.

Zvimwe zvinoita sezvinorwisana zvechitatu. Kune vasikana vakachenjera nevasikana mapenzi.

Asi vese vasikana, mhandara, kwete mhombwe kana pfambi sezvakataurwa kuna Zvakazarurwa 17.

MATEO 25:1 Zvino vushe bwokudenga bwungafananidzwa navasikana vanegumi, vakatora mwenje yavo, vakabuda kundochingamidza chikomba.

2 Vashanu vavo vakanga ari mapenzi, vashanu vakanga vakachenjera.

3 Nokuti mapenzi akatora mwenje yawo, akasatora mafuti.

4 Asi vakachenjera vakatora mafuta, mumidziyo yavo nemwenje yavo.

5 Zvino chikomba chakati chichinonoka, vakakotsira vose, vakavata.

6 Pakati povusiku vakanzwa mhere-mhere, Chikomba chovuya! Budai mumuchingamidzei!

7 Zvino vasikana vose vakamuka, vakagadzira mwenje yavo.

8 Mapenzi akati kunavakachenjera: Tipeivo mamwe mafuta enyu; nokuti mwenje yedu yodzima.

9 Asi vakachenjera vakapindura, vakati; Kwete, zvimwe haangakwaniri isu nemi tose; endai henyu kunavanotengesa, muzvitengere.

10 Vakati vachienda kundotenga, chikomba ndokusvika; zvino, vakanga vakazvigadzira vakapinda nacho pamutambo wokuwana, mukova ukapfigwa.

11 Pashure vamwe vasikana vakasvika, vakati: Ishe, Ishe, tizarurirei!

12 Akapindura, akati: zvirokwazvo ndinoti kwamuri: handikuziviyi imi.

13 Naizvozvo rindai, nokuti hamuzivi zuva kana nguva.

Magwaro aya ari kutaura kuti kune mapoka maviri emaKristu.

Mufanaidzo uyu unotsanangura dambudziko remafuta kushaikwa kweMweya Mutsvene.

JOHANE 16:13 Asi kana asvika iye Mweya wazvokwadi, uchakutungamirirai muzvokwadi yose; nokuti haangatauri zvake, asi zvaakanzwa, ndizvo zvaachataura, vuye uchakuparidzirai zvinovuya.

Vaisanzwisisa Magwaro zvakakwana.

Vaiisa kukosha kwakanyanya pazvido zvavo ivo.

Nhasi uno tine dambudziko remafuta riri kukura pakati peIran neSaudi Arabia.

Iran yakaita zviuru zvemamiziri zvinogona kurwisa matengi emafuta uye migodhi yemafuta yeSaudi Arabia inoratidzwa nedonhwe dema pamepu.

Pane kagungwa kari pakati peIrani neSaudi Arabia, kanoratidzwa mudenderedzwa reruvara rwegirini. Tengi rimwechete pamatengi matatu pasi rese rinoshandisa gungwa iri.

Kana mafuta aya akamiswa mitengo inokwira zvakanyanya.

MATEO 25:8 Mapenzi akati kunavakachenjera: Tipeivo mamwe mafuta enyu; nokuti mwenje yedu yodzima.

9 Asi vakachenjera vakapindura, vakati; Kwete, zvimwe haangakwaniri isu nemi tose; endai henyu kunavanotengesa, muzvitengere.

Zvitengerei. Kune muripo wekuripira. Kurovererwa nekurambwa.

Munokwanisa here kuripira muripo uyu.

Munhu mumwe nemumwe anozviponesa.

VAFIRIPI 2:12 Pedzisai kuponeswa kwenyu nokutya nokudedera.

Hamugoni kuzviponesa kubva kugehena nemabasa enyu. Tinoponeswa kubva kugehena nenyasha nekutenda.

VAEFESO 2:8 Nokuti makaponeswa nenyasha, nokutenda; izvo zvisingabvi kwamuri, asi chipo chaMwari.

Saka, chii chatinogona kuzviponesa kubva kwachiri? Nguva yeKutambudzika kukuru.

Sei? Nekunzwisisa chokwadi kubva muMagwaro.

Saka, chii chichapinza maKristu munguva yeKutambudzika kukuru?

Kunyengerwa nedzidziso dzekunyepa dzisina kunyorwa muBhaibheri.

Magwaro aya anoti kune mapoka maviri emaKristu akaponeswa: vasikana vakachenjera nemapezi kana kuti makereke akanyengerwa.

Ngatitarisei zvinhu zviviri zvinofanira kuponeswa vanhu kubva kwazviri.

Kereke inofanira kuponeswa kubva kugehena.

Mwenga anofanira kuponeswa kubva kugehena uye nguva yeKutambudzika kukuru.

Tinoponeswa kubva kugehena kupfurikidza kutendeka.

Tinoponeswa kubva kunguva yeKutambudzika kukuru kupfurikidza kutevera chokwadi cheMagwaro.

Hatigoni kuponeswa kubva kugehena nemabasa akanaka atinoita.

Asi tinoponeswa chete kubva kunguva yeKutambudzika kukuru kana tikashingirira kwazvo kupikisa kutadza kwemakereke.

Kushingirira uku kunoramba kuchienderera mberi uye hakuperi kana tichiri panyika.

MATEO 10:22 Muchavengwa navose nokuda kwezita rangu: Asi unotsungirira kusvika pakuguma, uchaponeswa.

Tinofanira kuziva kuti zita raMwari ndiJesu Kristu.

Tinofanira kushingirira matambudziko anotiwira, kurambwa kusemwa nezvakaipa zvese kusvikira pakupedzisira torega kumira kutenda kuitira kuti tiponeswe kubva kunguva yeKutambudzika kukuru.

RUKA 21:34 Chenjerai, kuti moyo yenyu irege kuremedzwa nokudyisa nokubatwa, nokufunganya pamusoro pezvinhu zvehupenyu bwuno, kuti zuva iroro rirege kukuwirai seriva.

35 Nokuti richawira vose vagere panyika yose.

36 Asi rindai nenguva dzose, mukumbire, kuti mugone kupukunyuka pazvinhu izvi zvose zvinozoitwa, mugomira pamberi pomwanakomana womunhu.

Tinofanira kuonekwa takakwanira kupunyuka.

MATEO 20:16 Nokuti vazhinji vakadanwa, asi vakasanangurwa vashoma.

ZVAKAZARURWA 17:14 Ava vacharwa neGwaiana, Gwaiana richavakunda; nokuti iro ndiShe wamadzishe, naMambo wamadzimambo, naivo vanaro ndivanhu vakadanwa, vatsvene vakatendeka.

Chinoverengwa ndechekuti tinofanira kutendeka kune zvakanyorwa muMagwaro.

Shoko rinotiudza nzira inofunga naMwari.

Tinofanira kudzidza kuda nzira inofunga naMwari.

MATEO 7:14 Nokuti suvo rakamanikana , nenzira inhete, inoenda kuvupenyi, vanoiwana vashoma.

Chatinofanira kuwana izano raMwari rekuti tipunyuke kunguva yeKutambudzika iri kuuya.

ISAYA 57:1 Wakarurama unoparara asi hakunomunhu une hanya nazvo, navanoda Mwari vanobviswa, kusinomunhu unorangarira kuti vakarurama vanobviswa pazvakaipa.

MARAKI 3:16 Ipapo vaitya JEHOVA vakataurirana, JEHOVA akaterera, akanzwa, bhuku yokurangaridza ikanyorwa pamberi pake, nokuda kwavanotya JEHOVA, vachirangarira zita rake.

17 Vachava vangu ndizvo zvinotaura JEHOVA wehondo- ivo vangu chaivo, nezuva randichazviita; ndichavanzwira tsitsi, somunhu unonzwira tsitsi mwanakomana wake unomubatira.

Vakataurirana.

Ityai Mwari murangarire zita rake nguva dzese. Zita raBaba, Mwanakomana naMweya Mutsvene ndiro Ishe Jesu Kristu.

Mwari anoona vanhu vakadaro semabwe anokosha Mwari anobva avanzwira tsitsi.

Mwenga anoziva Zita raMwari, ndiJesu Kristu.

Kereke haizivi zita raMwari nekuda kwedzidziso yeTiriniti.

Nekutenda kuti Mwari ari muVanhu vatatu vakasiyana, hazvigoneki kuwana zita rimwechete raMwari.

Mwari Mwanakomana naMwari Mweya Mutsvene hazvina kubvira zvanyorwa zvichinzwarwo muBhaibheri.

Mwanakomana waMwari ndiye munhu Jesu.

VAKOROSE 2:9 Nokuti kuzara kwovuMwari kunogara maari pamuviri.

Mwari Baba havana zita. MuTestamente Yekare ainzi JHVH. Asi hatigoni kuverenga izvi, saka harisi zita. Vabereki vaSamusoni vakaona Mutumwa vakazoziva pamberi kuti vaive vaona Mwari. Pavakabvunza Zita rake, vakaudzwa kuti raive chishamiso.

Vadzidzi veBhaibheri ndivo vakagadzira Zita rekuti Jehova. Asi Jehova harina kuzotaurwa zvakare muTestamente Itsva nekuti Jesu weTestamenteItsva ndiye Jehova weTestamente Yekare.

Hakuna kutaurwa nezva “Mwari Baba” muTestamente Yekare. Pakatanga Mwari kuita zita ndeapo Mweya waMwari wakagara mumuviri weMunhu Jesu. Saka Jesu ndiro Zita raMwari.

Saka Tiriniti inobva yasimbisa zita rakaitwa nevanhu rekuti Jehova pana Mwari.

Asi Tiriniti haina Zita riri muBhaibheri rekutumidza Mweya Mutsvene.

Saka Tiriniti inotipa mazita maviri eVanhu vatatu. Saka, Mwari anorasikirwa nezita rake.

Vanotenda kuTiriniti vanobva vazvivanza nekusimbirira pazvinzvimbo zvaMwari zvitatu.

Vanoti “Muzita raBaba, nereMwanakomana nereMweya Mutsvene” asi havazotiudzi kuti zita iri nderekuti kudii.

AMOSI 6:10 Nyarara nokuti hazvina kufanira kuti tireve Zita raJEHOVA.

Kutsanangura kwakakwana nhamo ine vanotenda muTiriniti vanhasi. Mwari kwavari haasisina zita rimwechete.

VAHEBERU 10:25 Tisarega kuvungana kwedu, sezvinoita vamwe, asi tirairane, zvikuru zvamunovona kuti zuva roswedera.

Kusangana pane imwe nzvimbo kana paintaneti kwakakosha sezvo tinoramba tichitaurirana zvinhu izvi tosvika pakunzwisisa zvakavanzika zveMagwaro ziviri nani.

MALAKI 3:18 Ipapo muchavona zve kusiyana kwowakarurama nowakaipa, kwounoshumira Mwari nousingamushumiri.

Tinobatira Mwari kana tichitevera Magwaro chete.

Kuita chimwe chinhu chisina kutaurwa muBhaibheri hakusi kubatira Mwari.

MATEO 7:21 Havazi vose vanoti kwandiri Ishe, Ishe, vachapinda muvushe bwokudenga; asi unoita kuda kwaBaba vangu vari kudenga.

“Ishe, Ishe” zvinoita sezvine kurudziro yeTiriniti sezvo vachiona Baba neMwanakomana seVanhu vaviri vakasiyana.

Asi Baba ndiwo Mweya unoyera unogara muMunhu Jesu, Mwanakomana waMwari.

Kuzara kwovuMwari pakwakararama muMunhu Jesu ndipo Mwari paakazozvidaidza kuti “Mwari Baba” kekutanga. Mwari haana kubvira adaidzwa kuti “Mwari baba” muTestamente Yekare.

Eksodo Yechitatu.

Eksodo Yekutanga yaive yemaJuda achibuda muEgipita sezvinoratidzwa muBhuku raEksodo.

Eksodo Yechipiri aive maKristu achibuda muchiJuda.

Eksodo Yechitatu mwenga waJesu Kristu achibuda mukereke. Kubuda munyiKa yemakereke inoziva zvepamusoro asi isina chokwadi chakadzama chezvakavanzika zveMagwaro chakafanana nekuzara kwevuMwari, mbeu yemhuka yakatukwa ikashandurwa kuitwa nyoka, nguva nomwe dzemakereke, chikara nenyanga duku, makore matatu nehafu enguva yeKutambudzika kukuru, kurovererwa kwaJesu musi weChina kuti Jesu aite husiku hutatu ari muguva nezvimwe zvakadaro. Saka kereke yakakotsira yakavata uye haizivi zviitiko zvepasi rino zviri kudarika.

MATEO 25:5 Zvino chikomba chakati chichinonoka, vakakotsira vose vakavata.

6 Pakati povusiku vakanzwa mhere-mhere: chikomba chovuya! Budai mumuchingamidzei!

Muri kubuda kunomuchingamidza here?

Chero kereke yamuri haina kukwanira. Haigoni kukutungamirai kuti muone Jesu paanouya.

Mhere-mhere yekumutswa painouya, muchaona kuti chokwadi chichawanikwa kunze kwemakereke.

Nekuti munguva yekereke yeRaodikia, Jesu akamira kunze kwekereke achigogodza mukati memoyo yevanhu mumwe nemumwe. Kana munhu iyeye akabva pakuda kwekereke yake anozogona kuwana Ishe.

Mutumwa inhume.

ZVAKAZARURWA 18:1 Shure kwaizvozvo ndakavona mumwe mutumwa achiburuka kudenga, ane simba guru; nyika ikavhenekerwa nokubwinya kwake.

2 Wakadanidzira nenzwi guru, achiti: Rawa, Rawa, Babironi guta guru, yava nzvimbo munogara mweya yetsvina, nenhare yeshiri dzose dzinetsvina dzinovengwa.

4 Zvino ndakanzwa rimwe inzwi rinobva kudenga, richiti: Budai mariri vanhu vangu, kuti murege kuwadzana naro pazvivi zvaro, mugorega kupiwa madambudziko aro.

“Budai mariri, vanhu vangu” zvinoreva kuti kuchava neEksodo yechitatu yekubva mumakereke akavodzwa nezvakavanzika zveBabironi.

Zvichauya nekukasika uye zvisingafungirwe.

I VATESARONIKA 5:2 Nokuti imi mumene munoziva kwazvo, kuti zuva raShe rinosvika sembavha vusiku.

3 Kana vachiti, Rugare, nokugarika, - ipapo kuparadzwa kuchakurumidza kuvawira, sokurwadzwa kwomukadzi unemimba, havangatongopukunyuki.

I VAKORINTE 15:52 Pakarepo, nokubwaira kweziso, nehwamanda yekupedzisira; nokuti hwamanda icharira, ipapo vakafa vachamutswa nokusavora; nesu tichashandurwa.

Kuchava nokudanidzira, nenzwi, nehwamanda.

Kune nhanho dzakasiyana dzatichatevera.

I VATESARONIKA 4:13 Zvino hama dzangu, hatidi kuti mushaiwe kuziva pamusoro pevavete, kuti murege kuchema savamwe vasinetariro.

14 Nokuti kana tichitenda kuti Jesu wakafa, akamuka zve, saizvozvo vo, avo vakavata muna Jesu, Mwari uchavavuyisa pamwechete naye.

15 Nokuti tinokuvudzai neShoko raShe kuti isu vapenyu, vakasara kusvikira pakuuya kwaShe, hatingatongotangiri vakavata.

16 Nokuti Ishe amene uchaburuka kudenga nokudanidzira nenzwi romutumwa mukuru, nehwamanda yaMwari, vakafa munaKristu vachatanga kumuka.

17 Zvino isu vapenyu , vakasara, tichatorwa pamwechete navo mumakore, kuti tichingamidze Ishe mudenga, naizvozvo tichava naShe nguva dzose.

Kudanidzira, inzwi nehwamanda zvichiri munguva inouya here?

Hongu.

1965-1127 NDAKANZWA ASI ZVINO NDOONA

Kuna Mwari, munguva ino, ichava nguva yakaita seino yakuchava nekutinhira rimwe zuva, Mwanakomana waMwari uchaburuka kubva kudenga nekudanidzira, nenzwi reMutumwa Mukuru, nehwamanda yaMwari, vakafa muna Kristu vachamuka.

Uyu waive mwedzi wekupedzisira wehupenyu hwehama Branham panyika.

Asi mharidzo yehama Branham yaive “kudanidzira” saka kudanidzira kungava sei munguva inouya?

Kunzwisisa kwehama Branham nekuparidza kwavo mharidzo iyi kwaive nhanho yekutanga yemharidzo. Chinangwa chemharidzo yake chaive chekuzivisa zvakavanzika zveMagwaro kuMwenga. Saka Mwenga ega ndiye anogona kutsigira zvaanotenda neMagwaro, vakadaro kwavari mharidzo inenge yazadziswa.

1964-0823 MIBVUNZO NEMHINDURO. 1

Asi avo vanogona kugamuchira Shoko mukuzara kwaro, kwete ini ndiri kuriparidza, asi nekuti Bhaibheri rinotaura izvozvo. Vanogamuchira izvozvo vakasunungurwa, nekuti – Shoko rakatongwa kare.

ZVAKAZARURWA 10:7 Asi namazuva ENZWI romutumwa wechinomwe.

Mutumwa wechinomwe akabva mudariro muna Zvita 1965 asi akasiya mharidzo dzake dzakatapwa kuti tidzinzwe.

Saka, mazuva enzwi rake ndiyo nguva yatiri kurarama mairi.

Iyi ndiyo nguva yatinofanira kutsigira zaruriro yehama Branham neMagwaro.

MATEO 25:6 Pakati povusiku vakanzwa mhere-mhere: Chikomba chovuya! Budai mumuchingamidzei!

Pakati povusiku inguva isingatarisirwi zvachose.

Tinofanira kubuda nekuti Jesu akamira panze pemukova wekereke seShoko raMwari kuna Zvakazarurwa Chitsauko 3. Zvinoparidzwa kumakereke zvinoti chikamu chechokwadi nechikamu chekunyepa.

Asi tinofanira kuzarura mukova semunhu mumwe memumwe.

ZVAKAZARURWA 3:20 Tarira ndimire pamukova, ndichigogodza; kana munhu akanzwa inzwi rangu, akazarura mukova, ndichapinda kwaari, ndicharayira naye, naiye neni.

JOHANE 11:43 Wakati areva izvozvo, akadanidzira nenzwi guru, akati: Razaro, buda!

Inzwi guru rinoyanana nekumutswa kwevakafa.

MATEO 27:50 Zvino Jesu akadanidzira zve nenzwi guru, akarega mweya wake.

52 Mabwiro akazaruka, nemitumbu mizhinji yavatsvene, vakanga vavete, yakamutswa.

53 Vakabuda pamabwiro, iye amuka,vakapinda muguta dzvene, vakavonekwa navazhinji.

ZVAKAZARURWA 10:3 Wakadanidzira nenzwi guru seshumba inorira, iye wakati adanidzira, kutinhira kukabudisa manzwi ako.

4 Zvino kutinhira kunomwe kwakati kwareva, ndakanga ndonyora, ndikanzwa inzwi richibva kudenga, richiti: Zarira zvarebwa nokutinhira kunomwe usazvinyora.

Hatina zvizhinji zvatinoziva pamusoro pekutinhira kunomwe.

Hatina kana chatinoziva pane zvakwakareva.

Kuti tikunzwisise pakuchaitika, tichafananidza kuita kwakwo nenzira dzeMagwaro.

Munogona here kubatanidza Magwaro pamwechete zvakanaka?

Saka ruzivo rwenyu rweMagwaro rwakakura sei? Munoziva zvakakwana here kuti mugoziva Kutinhira kunomwe kana kworeva kureva kwako kwakavanzika.

ZVAKAZARURWA 4:1 Shure kwaizvozvo, ndakatarira ndikavona mukova wakazaruka kudenga; nenzwi rokutanga randakanzwa rakaita sehwamanda richitaura neni, richiti: Kwira pano, ndigokuratidza zvinofanira kuitwa shure kwaizvozvo.

Hwamanda inoyanana nekukwira kudenga mukubwaira kweziso. Repucha.

Saka Kutinhira kunomwe kunoreva mumashure menzwi rekumutsa vakafa kuzogadzirira Mwenga kuti agone kuwana muviri wekukwira kudenga nawo kuti vagamuchire kutenda kwekukwira kudenga.

Hatigoni kutorwa kukwira kudenga nemiviri yatinayo nhasi yenyama neropa.

Miviri yedu mitsva, yekubwinya inenge isina ropa. Mweya Mutsvene unenge wakufamba mutsinga dzedu.

I VAKORINTE 15:50 Zvino, hama dzangu, ndinoreva ndichiti, nyama neropa hazvingagari nhaka yovushe bwaMwari;