Kune kumwe kududzirwa here kweNguva, Dzimwe Nguva, neHafu yeNguva? Zvinongoreva kuti makore matatu nehafu chete here?

We update studies as the Lord Jesus leads us. You can find the latest update of this study at ChurchAges.net

First published on the 12th of April 2020 — Last updated on the 12th of April 2020

DANIERI 12:7 Ndikanzwa murume wakanga akapfeka mucheka, wakanga ari pamusoro pemvura yorwizi, achisimudzira kudenga ruvoko rwake rworudyi noruvoko rwake rworuboshwe, achipika naiye unorarama nokusingaperi, kuti zvichaita nguva imwe, nedzimwe nguva, nehafu yenguva; kana vapedza kuputsanya simba ravanhu vatsvene, izvi zvose zvichapedziswa.

Chinhu chakakosha kuziva: hakuna mhinduro yekukasika uye iri nyore kuzviprofita zvaDanieri. Tinofanira kuchera pakadzika dzika nekufunga zvakadzama.

Chinhu chekutanga. Magwaro mazhinji anoreva zvinhu zvinodarika chimwechete.

HOSEA 11:1 Israeri achiri mwana muduku, ndaimuda, ndikadana mwanakomana wangu abve Igipita.

Izvi zviri kureva paya Mosesi paakadana maJuda, vana vaIsraeri, kubva muIgipita muEksodo yekutanga.

Asiwo zvine chirerevo chechipiri. Jesu achibuda muIgipita ari Mwana muduku kuti agotungamirira kereke kubva muchiJuda muEksodo yechipiri.

MATEO 2:14 Akasimuka akatora mwana namai vake vusiku, akaenda Igipita.

MATEO 2:15 Akagarapo kusvikira Herodhe afa, kuti zviitike zvakarebwa naShe nomuromo womuprofita, achiti: ndakadana Mwanakomana wangu abve Igipita.

1. Ndapota rangarirai kuti chero chiprofita chinogona kuita zvirevo zviviri.

Chinhu chechipiri.

ISAYA 61:2 Kuti ndiparidze gore rengoni dzaJEHOVA, nezuva rokutsiva raMwari wedu, kuti ndinyaradze vose vanochema.

Vhesi iri rinorevei?

ISAYA 61:2 Kuti ndiparidze gore rengoni dzaJEHOVA, nezuva rokutsiva raMwari wedu, [izvi zvinotaura nguva yeKutambudzika kukuru] kuti ndinyaradze vose vanochema. [Mwenga pachirairo chemuchato].

Hushumiri hwaJesu hwakapatsanurwa nemakore 2000 kubva kunguva yekutambudzika kukuru.

Saka vhesi iri rinoreva zviitiko zviviri zvakapatsanurwa nemakore 2000.

Jesu paanoverenga kubva kuna Isaya, anoverenga hafu yekutanga chete yemutsara uyu.

RUKA 4:19 Nokuzivisa gore raShe rakanaka.

20 Akapeta bhuku akaidzosera kumutariri, akagara pasi; meso avose vaive muSinagoge akamutarisisa.

21 Zvino akatanga kuvavudza achiti: Nhasi rugwaro urwu rwaitika munzeve dzenyu.

Jesu aiziva kuti hushumuri hwake hwaimiririra hafu yekutanga chete yevhesi iri riri kuna Isaya.

2. Kutaura kwakanyorwa pamwechete mumutsetse mumwechete muMagwaro kunogona kureva zviitiko zviviri zvakasiyana zvisinei nechekuita nechimwe.

Chiprofita chakakanganiswa nemakereke zvakazara chiri kuna Danieri Chitsauko 9:27

DANIERI 9:27 Zvino iye uchaita sungano yakasimba navazhinji: vhiki imwe; pakati pevhiki uchagumisa chibairo nechipo;

Vanoenda kumakereke vanofungira kuti “iye” ndiAntikristu “anoita” sungano “nemaJuda” kwemakore manomwe.

Izvi zvinobva zvaita nguva yeKutambudzika yemakore manomwe. Chero zvazvo kusina nguva yeKutambudzika yakataurwa muvhesi iri.

Makereke emazuvano anofungira kuti sungano yakaitwa nevaParestina vanogara muIsraeri kuti maJuda avake zvakare Tembere pagomo reTembere pakavakirwa Dome of the Rock. Uku kwese kufungidzira, kunozivikanwa nekunzi shungu.

Vanoenda kumakereke vanoisa vhesi iri munguva inouya zvekuti hatigoni kuriongorora.

Chekutanga, kana Antikristu “akasimbisa” sungano, anenge “asingaiti” sungano.

Saka Antikristu anofanira kuva ari panyika kwemamwe makore manomwe kuti atange aita sungano, ozoisimbisa.

Kana kuti mumwe munhu anoita sungano inozosimbiswa. Asi hakuna anogona kutiudza kuti ndiyani akaita sungano uye ipi. Kana kuti sungano iyoyo yakaitwa rini. Hapana kuedza kuita “chibvumirano cherunyararo” pakati pemaJuda nevaParestina zvikabudirira.

Chechipiri, kana sungano ikasimbiswa, haigoni kuputswa.

Hakuna kutaurwa pamusoro pekuputsa sungano kuna Danieri 9:27.

Chiprofita chinongoti chibairo nechipo zvekuTembere zvichagumiswa pakati penguva yemakore manomwe.

Saka, ndiyani akaita sungano?

Ndiyani akasimbisa sungano?

Chii chakamisa chipiriso nechipo nenzira isingaputsi sungano? Zvisinei nekumisa chipiriso sungano yakaramba yakasimba.

Nguva yemakore manomwe chii, vhiki imwe?

Zuva rimwe rinokwanisa kureva gore muchiprofita.

NUMERI 14:34 Samazuva amakanga muchishora nyika nawo, iwo mazuva anamakumi mana, saizvozvo muchava nemhosva yokutadza kwenyu, zuva rimwe nerimwe richaita gore rimwe,

Mwari akaita sungano naAbrama (akazodaidzwa kuti Abrahama) kuna Genesisi Chitsauko 5 yaisanganisa kupa chipo nechibairo.

GENESISI 15:18 Nomusi iwoyo JEHOVA akaita sungano naAbrama,

Mwari akabva asimbisa sungano iyi muna Kristu paCalvari.

VAGARATIA 3:17 Zvino ndinoreva chinhu ichi, ndichiti: Sungano yakasimbiswa kare naMwari (Muna Kristu),

Jesu akasimbisa sei sungano yakaitwa kuna Abrama?

Mukadzi mucherechedzo wekereke.

Kereke yechokwadi ndiyo mwenga waKristu.

II VAKORINTE 11:2 Nokuti ndine godo pamusoro penyu negodo raMwari; nokuti ndakakuwanisai nomurume mumwe, kuti ndikuisei kunaKristu semhandara yakachena.

Mwari akashandisa mhuka mbiri sheche, mbudzi netsiru remombe, kuratidza kuti zvibairo zveTestamente Yekare zvaimiririra ruponeso rwekereke rwaizouya.

Gondobwe rehwai rinotaura pamusoro pechipo chaJesu. Isaka aifanira kufa asi gondobwe rakauya rikafa panzvimbo paIsaka.

Isu vaHedeni taifanira kufira zvivi zvedu, asi Jesu akauya akatora nzvimbo yedu.

Mbudzi yekurasirira yaitakura zvivi zvemaJuda kuenda nazvo kure kwazvo. Saka Jesu akatakura zvivi zvedu kuenda nazvo kure pasi kugehena akanozvirasira pana Diaborosi.

Tsiru dzvuku raipiswa kuita madota. Zvivi zvedu zvakapiswa kuita madota kugehena kuti tisunungurwe kubva kwazviri. Ropa raimwaiwa kanomwe. Ropa raJesu rakanatsa kereke mukati menguva nomwe dzemakereke.

Ngatitarisei sungano yakaitwa naMwari kuna Abrahama tione kuti Jesu akaizadzisa akaipa zvirevo zvakadzama.

GENESISI 15:9 Akati kwaari: nditorere tsiru rinamakore matatu, nesheche yembudzi inamakore matatu, negondobwe rinamakore matatu, nenjiva nomwana wenjiva.

10 Akandomutorera izvozvo zvose, akazvipamura napakati, akagadzika rumwe rutivi rwakatarisana norumwe; asi shiri haana kudzipamura.

Shiri imwechete yaimiririra ruponeso, imwe ichimiririra kurapa kwemweya unoyera. Ruponeso nekurapwa hazvigoni kupatsanurwa kubva paChibairo chaJesu paCalvari.

Kana mukaponeswa munogonawo kuwana kurapwa.

Mitumbi yakachekwa nepakati zvidimbu zvacho zviviri zvikawaridzwa zvakatarisana.

Zvidimbu zviviri izvi zvaimiririra Testamente yekare neTestamente Itsva zvakatarisana mumabhuku mana eEvangeri. Hushumiri hwaKristu mumabhuku mana eEvangeri ndihwo hunobatanidza Testamente Yekare neTestamente Itsva.

GENESISI 15:12 Zvino zuva rakati rovira, Abrama ndokubatwa nehope huru; akawirwa nokutya kwakabva parima guru.

Zuva rovira. Kwakusviba. Abrahama aive ovata.

Izvi zvine dudziro mbiri. Zuva rinodoka muhupenyu hwedu. Kurara hope dzakadzama kwazvo mucherechedzo werufu. Chinotyisa parufu irima rekusatenda tonoripira tega zvivi zvedu.

Dudziro yechipiri yekuvata hope yaive yekuti Abrama ive asina chaaigona kubatsira nacho rutivi rwake rwesungano kupfurikidza kuita mabasa akanaka. Kurara hope, Abrahama aifanira kusiya sungano yeruponeso yese mumaoko aMwari.

Mabasa edu akanaka haagoni kutiponesa. Sungano inotiponesa kubva kugehena yakakundwa nekushinga kwaJesu. Taisakwanisa kuita chero basa kuti zvivi zvedu zviregererwe.

GENESISI 15:17 Zvino zuva rakati ravira kwasviba, choto chinopfungaira nezhenje romoto zvakawonekwa zvichipfuvura napakati penhindi idzedzo dzenyama.

Jesu paakafa zuva rakadzima kwemaawa matatu kuine rima. Achibva anotsika gomba regehena raipfuta. Mubairo wezvivi rufu uye moto wegehena.

Chiedza chaipfuta chaive Mweya Mutsvene. Jesu paakafa pakati pemahafu maviri eBhaibheri, Testamente Yekare yezvenyama uye Testamente Itsva yemweya, Mweya Mutsvene wake wakabuda muMuviri wake ukatakura zvivi zvedu kuenda nazvo kugomba regehena. Ikoko akanokurira Diaborosi akanorasira zvivi zvedu pana Satani kuti awane ruponeso rwedu.

Isaka aive mwanakomana waAbarahama wenyama.

Asi Jesu ndiye Mwanakomana waAbarahama wemweya.

VAGARATIA 3:16 Zvino, izvo zvipikirwa zvakarehwa kunaAbrahama nokumwana wake. Haarevi achiti: Kuvana vako, savanenge vari vazhinji, asi saanenge ari mumwe, unoti: Kumwana wako, uyu ndiye Kristu.

Saka Mwari akasimbisa sungano neChibairo chaJesu, sungano yaakaita nemicherechedzo yemhuka dzezvibairo, naAbrama.

Chibairo ichi paCalvari isungano isingafi yakaputswa. Sungano yeChibairo yakasimbiswa iyi ichagara nekusingaperi-peri.

Asi chibairo chaJesu chakagumisa zvibairo zvese zvemhuka zvaiitwa muTembere. Zvakabva zvashaiswa basa. Kwaive kusisina zvipo zvezvibairo muTembere. Chipo chechibairo chinhu chinopirwa kuna Mwari.

DANIERI 9:27 Zvino iye uchaita sungano yakasimba navazhinji vhiki imwe: pakati pevhiki uchagumisa chibayiro nechipo;

Mwari akaita sungano naAbrama yaive yakatarisira kuhushumiri hwaJesu Kristu.

Hushumiri hwaJesu hwaifanira kuva hwemakore manomwe, vhiki imwe.

Dai maJuda akagamuchira Messiasi wavo, Mereniyamu, makore 1000 erugare, angadai akaitwa maJuda achitonga nyika.

Jesu akatanga pedyo nekupera kwegore 29 AD akauraiwa mugore 33 AD apo maJuda akagurira panzira angoshumira hafu yevhiki. Saka Jesus aive nehushumiri hwemakore matatu nehafu chete.

Saka Mwari achiri nemakore matatu nehafu emaJuda aanomakwereta.

Saka Mwari achatendeukira kumaJuda mumakore matatu nehafu enguva yeKutambudzika kukuru.

Chinguvana, Mwari akatendeukira kumaHedeni munguva nomwe dzemakereke dzinotora makore 2000.

Saka makore 2000 enguva nomwe dzemakereke kuvaHedheni akapatsanura mahafu maviri enguva yevhiki rekupedzisira (kana kuti vhiki rechimakumi manomwe) rechiprofita chaDanieri.

Tarisai mufananidzo unotevera weTabernakeri yeTestamente Itsva.

Munzvimbo tsvene maive nechigadziko chemwenje chaive nemapazi manomwe chakamiririra nguva nomwe dzemakereke chaive nechiedza cheEvangeri.

Koita tafura yaive nemarofu gumi nemaviri echingwa chekuratidzira zvakamiririra maJuda 144 000 munguva yeKutambudzika achibva kumarudzi gumi nemaviri evaIsraerei. Chingwa ichi chaifanira kudyiwa munzvimbo tsvene. Ndicho chikonzero nei maJuda achifanira kudzokera muNyika yavo yeChipikirwa munguva yeKutambudzika kukuru.

Musoro wenyu wakabatanidzwa nemuviri wenyu nemabhonzo emusana anozivikanwa nekunzi bheki bhoni.

Jesu ndiye Musoro wekereke uye musoro wemaJuda.

Mutsipa une mabhonzo manomwe anonzi vhetebhure anomiririra nguva nomwe dzemakereke.

Kunobva kwatevera mabhonzo gumi nemaviri anodaidzwa zvakare kuti vhetebhure akabatana nembabvu gumi nembiri, zvakamiririra maJuda emarudzi gumi nemaviri evaIsraerei munguva yeKutambudzika.

12 na7 ndizvo zvaive zviverengo zvematengu emafufu echikafu chakaraswa chakanongwa nevadzidzi mumashure mekunge Jesu apa vanhu zviuru zvishanu chekudya nevanhu zviuru zvina.

Jesu aitarisira kuti vadzidzi vake vanzwisise kuti nei vakanonga matengu 12 nematengu 7 .

MATEO 16:9 Hamunzwisisi nazvino here, kana kurangarira zvingwa zvishanu zvavanhu vanezviuru zvishanu, namatengu amakawana kuti aive mangani?

10 Kana zvingwa zvinomwe zvavanhu vanezvuru zvina namatengu amakawana kuti aive mangani?

Chingwa mucherechedzo wedzidziso. Mbiriso (kana chingwa chakavidzwa) ndiko kutadza kwevatungamiri vezvitendero vevaFarise nemaJuda vakaita kuti maJuda varambe Evangeri muImba yaPirato yeKutonga.

Vadzidzi vaizonongerera Evangeri rakaraswa iri vorinyora voriparidza seTestamente Itsva kunguva nomwe dzemakereke. Ipapo, maHedeni paairamba Shoko raMwari rakaziviswa rakanyorwa pakupedzisira kwenguva nomwe dzemakereke, chokwadi chakarambwa ichi chinoenda kumarudzi gumi nemaviri evaIsraerei munguva yeKutambudzika kukuru.

Ngatidzokerei kuchiprofita chaDanieri.

Tinofanira kunzwisisa Chitsauko 9 kuti tigone kutsanangura nguva, nedzimwe nguva nehafu yenguva.

Gore remuBhaibheri kana kuti rechiJuda rine mazuva 360.

ZVAKAZARURWA 11:2 Asi siya ruvazhe ruri kunze kwetembere, usaruyera; nokuti rwakapiwa vaHedeni; vachatsika guta dzvene mwedzi inamakumi mana nemiviri.

3 Ndicharaira zvapupu zvangu zviviri kuti zviprofite, zvakapfeka masaga, mazuva anechiuru chinamazana maviri namakumi matanhatu.

Nguva yekutambudzika yemakore matatu nehafu yakapihwa yakanzi mwedzi inamakumi mana nemiviri kana kuti mazuva 1260. (Score rakashandiswa muBhaibheri reChirungu ndi 20).

Saka mwedzi mumwechete une mazuva makumi matatu. 1260/42= 30.

Saka gore remuBhaibheri remwedzi gumi nemiviri inoburitsa mazuva 12 x30 =360.

Asi karenda redu remaHedeni kana kuti reRoma rine mazuva 365.24.

Saka gore rega rega rakaraudzira nemazuva 5.24.

Saka mumakore 69 tine 5.24x 69 = 361 mazuva anoraudzira zvinoreva kuti igore rese rechiJuda kana remuBhaibheri remazuva 360. (kukanganisa kuripo hakusviki hafu yechikamu chimwechete kubva muzana. Musiyano muduku kwazvo).

Saka makore edu 69 akaenzana nemakore 70 echiJuda kana emuBhaibheri.

Makore 70 echiJuda anotiona isu tiine makore mashoma nerimwechete pamakore edu echiHedeni akareba.

Muchiprofita zuva rimwechete rinogona kumiririra gore rimwechete.

Rabani akati:

GENESISI 29:27 Pedzisa vhiki yewaniso naiyeyu, tigokupa mumwe vo pamusoro pebasa rauchandibatira mamwe makore manomwe zve.

Saka mavhiki 70 = 70 x 7 = mazuva 490 = makore 490 emuBhaibheri.

Asi 490/70 = 7 Saka kune makore mashoma nemakore manomwe kumakore edu echiHedeni.

Makore 70 ega ega emuBhaibheri tinenge tichirasikirwa negore rimwechete rechiHedheni.

Saka mumakore 490 emuBhaibheri anenge ari mashoma nemakore 7 kumakore edu echiHedeni.

Saka makore 490 emuBhaibheri = 490 -7 = 483 emakore edu echiHedeni epakarenda redu.

DANIERI 9:24 Vhiki dzinamakumi manomwe dzakatemerwa vanhu vako neguta rako dzvene,

Mwari akavimbisa maJuda mamwe makore 490 echiJuda anova makore evahedeni kana ekarenda reRoma 483.

DANIERI 9:25 Naizvozvo chiziva unzwisise, kuti kubva pakutemwa kwomurairo wokuvandudza nokuvaka Jerusarema kusvikira kunowakazodzwa, iye muchinda, zvichaita vhiki nomwe; vuye vhiki dzinamakumi matanhatu nembiri: dzichava’po dzokuvakwa kwaro, rinenzvimbo mhamhi nemigero, asi zvichaitwa nenguva yekutambudzika.

Murairo wekuvaka patsva masvingo akapoteredza Jerusarema uyu wakapihwa kuna Nehemia muna 446 BC mugore rechimakumi maviri ramambo wePersia.

NEHEMIA 2:1 Zvino nomwedzi weNisani, negore remakumi maviri ramambo Atashasta,

Masuwo akavakwazve paisangana migwagwa nemasvingo eguta.

Nehemia akavaka masvingo nemazuva makumi mashanu nemaviri.

NEHEMIA 6:15 Naizvozvo rusvingo rwakapera pazuva ramakumi maviri namashanu romwedzi weEruri, tavaka mazuva anamakumi mashanu namaviri.

Idzi dzaive nguva dzekushungurudzika nokuti vavaki vaifanira kubata chombo kana nhumbi yokurwa nayo nerumwe ruvoko.

NEHEMIA 4:17 Vaivaka rusvingo, navaitakura mitoro, vaitutira; mumwe nomumwe wakabata muruvoko rwake rumwe pabasa, asi norumwe wakanga akabata nhumbi yake yokurwa nayo.

Zvinyorwa zvemabhuku zvizhinji zvinopa musi wezviitiko izvi sa 465 BC pakatanga Atashasta kutonga.

Saka gore rake rechimakumi maviri rinenge riri 446 BC. (nyaya yemazuva nemisi inomborasisa).

Zviverengo zviri muruvara rutema zvinoratidza kuti gore rake rekutanga raive remuna 465 BC.

Saka gore raDanieri ra490 remuBhaibheri (483 remakore edu echiHedeni) rakatangira muna 446 BC.

Pane zviitiko zvenguva nhatu.

DANIERI 9:25 ... kusvikira kunowakazodzwa, iye muchinda, zvichaita vhiki nomwe; vuye vhiki dzinamakumi matanhatu nembiri: dzichava’po

7 + 62 = 69 mavhiki kusvika pana Messiasi iye wakazodzwa kwozoita vhiki imwechete yekupedzisira inoita vhiki rechimakumi manomwe.

Nei kuine nguva yemavhiki 49?

Dr Scofield vanopa nguva yemuprofita Maraki segore 397 BC. Aya makore 49 kubva muna 446 BC.

Saka nguva yekutanga yemavhiki manomwe yaive apo maJuda pavaive nehutungamiri hwemuprofita.

Kwakabva kwatevera nguva dzakareba dzemavhiki 62 pakwaive kusina muprofita. MaJuda akatongwa nemaGiriki, vakakurira kuwana rusununguko rwavo vari pasi pemaMakabi, mumashure mekuita hushamwari nevaRoma vakazotongwa nevaRoma.

Mubati weRoma Augustus airipisa mutero zvakamanikidza Josefa naMaria kuenda kuBeterehema kwakazoberekerwa Jesu, akafa mugore 14 AD.

Pamberi gore rimwechete iroro Seneta akaita Tiberio mubati.

RUKA 3:1 Negore regumi namashanu rokubata kwaTiberio Kesari,

Gore rechigumi nemashanu raTiberio raive 14+15 = AD 29.

Johane Mubapatidzi akatanga kuonekwa gore ra29 AD uye mumashure mekushumira kwemwedzi mitanhatu akabapatidza Jesu aive oda kusvitsa makore makumi matatu.

RUKA 3:23 Zvino iye Jesu wakanga anamakore anenge makumi matatu

Wakazodzwa, Messiasi akatanga hushumiri hwake pedyo nekupera kwegore AD 29 paakabapatidzwa.

Jesu aive akuda kukwanisa makore 30.

7 + 62 = 69 mavhiki

69 x 7 = 483 days = 483 makore echiJuda kana emuBhaibheri.

Panenge pane makore mashoma nemakore manomwe emakore akareba evaHedeni.

Saka zvinenge zvava 483-7 = 476 makore evaHedeni.

Kubva muna 446 BC kusvika muna AD29 =446 +30 = 476 makore evaHedeni ari pakarenda redu.

Saka misi inobvumirana.

DANIERI 9:26 Zvino kana vhiki idzo dzinamakumi matanhatu nembiri dzapera, wakazodzwa uchabviswa akasara asinechinhu; vanhu vomuchinda unozovuya vachaparadza guta nenzvimbo tsvene: asi kuguma kwazvo kuchavuya nokukukurwa, kurwa kuchava’po kusvikira pakuguma; kuparadzwa kwakatemwa.

Wakazodzwa, Messiasi akatanga pedyo nekuguma kwegore AD29 akaita hushumiri hwemakore matatu nehafu, inova hafu yevhiki.

“vanhu vomuchinda unozovuya vachaparadza guta nenzvimbo tsvene:”

VaRoma vakaparadza guta dzvene neTembere muna AD 70.

Saka maRoma ndivo vanhu vachava nemuchinda waantikristu achauya.

Nhasi, muchinda kana mubati wepasi rese achauya achabva kuRoma ndiPope.

Pope ndiye ega munhu ane kurudziro yakasimba pasi rese anowanikwa muRoma.

Nguva nomwe dzemakereke ndidzo chakavanzika chaive chisingazivikanwe nezvacho nemaJuda.

Mwari akafuratira maJuda muna 33 AD pavakauraya Jesu.

Saka Mwari akamira kuverenga nguva kuvaIsraeri.

Vhiki raDanieri rekupedzsiira kana rechimakumi manomwe remakore manomwe rakapatsanurwa nepakati.

Makore manomwe ekupedzisira akapatsanurwa nepakati kuita mahafu akaenzana akapatsanurwa nenguva nomwe dzemakereke.

Kereke painotorwa kukwira kudenga, Mwari anobva atarisana nemaJuda zvakare opedzisa nguva yavo yemakore matatu nehafu yakasara.

DANIERI 9:27 Zvino iye uchaita sungano yakasimba navazhinji vhiki imwe: pakati pevhiki uchagumisa chibayiro nechipo;zvino muparadzi uchasvika nebapiro rezvinonyangadza; kusvika pakuguma kwazvo kwakagara kwatarwa, kutsamwa kuchadururwa pamusoro pezvakaparadzwa.

Pakati pevhiki rekupedzisira kana vhiki rechimakumi manomwe rinotanga pakupera kwegore AD 29 (vhiki rine mazuva namomwe) chibairo chaJesu mugore 33 AD chinogumisa zvibairo zveTestamente Yekare zvoshaya simba.

Muna AD 33 Mwari akamira kushanda nemaJuda.

Hushe hweRoma yechipegani hwakaroverera Jesu hukaparadza maJuda 1100 000 muna AD 70 pavakaparadza Jerusarema vachiparadza Tembere.

Muna AD 135, mubati weRoma Hadrian akauraya maJuda anodarika hafu yemiriyoni, akawedzera kuparadza guta akaparadzira maJuda mashoma aive asara vamwe vakaita nhapwa vamwe vakaenda muhupoteri. Kuparadzwa kweTembere uku kuchiri kwakadaro kusvika nhasi.

Mukati memakore 2000 apo maJuda paakapararira muhupoteri nemukuuraiwa kusina magumo kuzvidzwa kwakadururwa pavari munyika zhinji dzavaiedza kunogara.

Mumashure mekufa kwaMessasi, Wakazodza, Mwari akasiya maJuda akaenda kuvaHedheni.

Kereke kuvaHedheni yaizodarika nguva nomwe dzakasiyana dzekereke mukati memakore 2000 nenhorondo.

Jesu achatora kereke yechokwadi kunosangana naye kumakore.

Pasi rese richapinda munguva yeKutambudzika ichatora makore matatu nehafu.

Ndiyo ichava hafu yekupedzisira yevhiki renhorondo yevanhu tozviziva. Mukati menguva iyoyo Mwari achatendeukira kumaJuda, achishandisa maprofita ake maviri Mosesi naEria. MaJuda 144,000 vachatendeukira kuna Jesu ari Messiasi wavo vogamuchira rubapatidzo rweMweya Mutsvene.

Vose vachaurawa.

Muripo weruponeso rwemaJuda ndewekuti vanofanira kufira kutenda kwavo.

MaJuda akakumbira kufa kwaJesu. Ivo navana vavo vakazvisarudzira kuita chinhu chakaipa ichi. Vanofanira kuramba vachiripira sarudzo yavo iyoyo.

MATEO 27:25 Vanhu vose vakapindura, vakati; Ropa rake ngarive pamusoro pedu napavana vedu.

Mumufananidzo unotevera makore akanyorwa neruvara rutsvuku ndeechiJuda kana emuBhaibheri.

Jesu aifanira kuita hushumiri hwemakore manomwe asi akagurirwa panzira pahafu pawo.

Saka dudziro imwechete yekuti “nguva, dzimwe nguva, nehafu yenguva” ndidzo nguva nhatu dzezviitiko dzakapihwa kumaJuda kubva pamurairo wekuvaka patsva masvingo kusvika panguva yavakaramba nekuuraisa Wakazodzwa Messiasi wavo.

“nguva” yemavhiki manomwe avaive vachiri nehutungamiri hwechiprofita.

“dzimwe nguva” dzinosangana dzoita makore 62 apo maJuda pavakasiiwa kuti vazvionere vakapedzisira vane vatungamiri veTestamente yekare vakafanana nana Rabisi, vaFarise, nevaSedusi vakasimuka pakati pavo munguva yavaive muhutapwa muBabironi.

Pasi pevaMakabi maJuda vakawana rusununguko munezvematongerwo enyika kubva kumaGiriki. Makore akapoteredza 100 BC vakatapa Idumea yaive isiri nzvimbo yakatarwa paNyika yeChipikirwa. Vakamanikidza vanhu vechiIdumea kuti vaite tsika dzechiJuda. Herode akabva kuIdumea akakwanisa kuita mambo wemaJuda, nekuti akazviti aive muJuda. Herode akava mambo wechiJuda aive nehutsinye kudarika vose akaedza kuuraya Jesu.

Israeri yakava gwenga pamweya zvakazowedzera pavakatapwa neRoma.

“hafu yenguva”. Hushumiri hwaJesu Messiasi hwakatora makore matatu nehafu. Akabva auraiwa.

Saka dudziro imwechete “yenguva, Dzimwe nguva, nehafu yenguva” kwaive kureba kwenguva kubva pamurairo wakapuhwa kuna Nehemia kuti avake masvingo eJerusarema, kusvikira pakuuraiwa kwaMessiasi.

Uku ndiko kwaive kureba kwenguva apo Mwari aishanda nemaJuda kusvikira Mwari avafuratira akatarisana nevaHedeni.

MaJuda akamanikidza maRoma kuroverera Jesu Messiasi wavo.

MuPrista Mukuru Kayafasi akasarudza kuuraya Munhu mumwe pachinzvimbo chekuti chiprista chechiJuda chirasikirwe nesimba racho pamusoro pevanhu. Pachinzvimbo chekuti maRoma abvise hushe hwechiJuda hwaitongwa nechiprista chaive chakasimudzirwa.

JOHANE 11:47 Naizvozvo vaprista vakuru navaFarise vakavunganidza makurukota, vakati: Todiniko? Nokuti uyu unoita zviratidzo zvizhinji.

48 Kana tikamurega achidaro, vanhu vose vachatenda kwaari; navaRoma vachavuya vakatitorera nzvimbo yedu nerudzi rwedu.

Saka zvaive nani kuti munhu mumwechete afe, pachinzvimbo chekuti chiprista chavo chemuTembere chaive nemakaro chiburitswe pachena.

Asi nekuuraya Messiasi, Tembere yakabva yarasikirwa nesimba rese remweya sezvo chidzitiro chemukati chakabvaruka Mwari akabva panzvimbo tsvene.

Murairo wakagumiswa apo muPrista Mukuru akabvarura nguwo dzake.

REVITIKO 10:6 Zvino Mosesi akati kuna Aroni nekuna Eriazari nokuna Itamari, vanakomana vake, musasunungura vhudzi remisoro yenyu, kana kubvarura nguvo dzenyu, kuti murege kufa, naiye arege kutsamwira vungano yose; asi hama dzenyu, veimba yose yaIsraeri, ivo ngavacheme kupisa kwakatungidzwa naJEHOVA.

(Kana muPrista Mukuru akabvarura nguvo dzake, ndiko kuguma kwemurairo). Nyika yese inotsva. Zvakaitika mugore 70 AD pakatsva Tembere yemaJuda.

Aroni aive muPrista Mukuru. HuPrista ihwohwo hwakaenda kuvana vake.

RUKA 3:2 Anasi naKayafasi vari vaprista vakuru,

JOHANE 18:13 Vakatanga kumuisa kuna Anasi; nokuti wakanga ari mukarabwa waKayafasi,

Tsika dzevanhu dzaive dzatsiva Magwaro. Chinzvimbo chemuPrista mukuru chaive chabva kumunhu chichienda kumukuwasha wake pachinzvimbo chemwanakomana wake.

Zvakazoipisisa apo Kayafasi muprista mukuru akabvarura nguvo dzake.

MATEO 26:65 … Ipapo muprista mukuru akabvarura nguvo dzake, ...

Akabvarura zvikagumisa murairo.

MATEO 27:50 Zvino Jesu akadanidzira zve nenzwi guru, akarega mweya wake.

51 Ipapo tarira, chidzitiro chetembere chakabvaruka napakati, kubva kumusoro kusvika pasi;

Kayafasi akabvarura nguvo dzake. Mwari akabvarura chidzitiro chemukati akabva abuda muTembere.

Kubva ipapo Tembere yaive isisina mweya. Yaive yangove chiito chechitendero.

Makore 38 akatevera maRoma mamwechete iwayo akadzoka akaparadza Tembere nemoto muna AD 70.

Saka vakaparadzawo chiprista chakasimudzirwa. Vaya vaishanda muTembere vakauraiwa pakauya mbavha dzikatora tembere dzisati ddzaiparadza.

Rudzi rwemaJuda rwakaparadzwa maJuda anodarika miriyoni rimwechete akafa, maJuda 90 000 vakatorwa kuenda kuRoma sevaranda, vazhinji vese vakasara vakapararira muhupoteri mukati medzinyika. Vaya vakakwanisa kusara vari muIsraeri, vamwe vanosvika hafu yemiriyoni vakaurawa muna 135 AD nemubati weRoma Hadriani vamwe vese vakaparadzirwa nepasi rese.

Vhesi iri rine kuzadziswa kuviri.

Kubva pamurairo kusvika pakuvakwazve kwemasvingo eJerusarema kusvika pakufa kwaMessiasi, Wakazodzwa yaive “nguva” yekutungamirirwa nechiprofita (makore 49 echiJuda), akateverwa “nedzimwe nguva” dzemaJuda achiedza kushingirira kuzvitonga kusvikira vatapwa neRoma (62x 7 =434 makore echiJuda) kuchibva kwauya kusvika kwemukuri wenzira, muprofita Johane Mubapatidzi. Zvino vhiki rekupedzisira rakatanga muna AD 30 asi rikagurirwa panzira nepakati mumashure memakore matatu nehafu paCalvari. “nehafu yevhiki”.

Zvino maJuda vakabva vabviswa panaMwari vakapararira.

Kwakabva kwauya makore 2000 enguva dzemakereke.

Munguva inouya mune hafu yekupedzisira yemakore matatu nehafu enguva yeKutambudzika kukuru.

Saka Gwaro iri rinotsanangura nguva yeKutambudzika kukuru.

Izvi zvinopa Rugwaro urwu dudziro mbiri.

Nguva (gore rimwechete), nedzimwe nguva (makore maviri), nehafu yenguva (hafu yegore).

Iyi inguva yemakore matatu nehafu.

MaJuda 144,000 vakagamuchira Jesu munguva yeKutambudzika nemaprofita avo maviri vachaurawa pakupera kwenguva yeKutambudzika kukuru.

Izvi zvinoparadza simba revanhu vatsvene muIsraeri.

Jesu anobva apindira paAmagedhoni.

ZVAKAZARURWA 12:14 Ipapo mukadzi akapuwa mapapiro maviri egondo guru, kuti abhururukire kurenje kunzvimbo yake kwaanochengeterwa nguva, nedzimwe nguva, nehafu yenguva, kwaasingavonekwi nenyoka.

Rugwaro urwu rwunoreva maJuda munguva yemakore matatu nehafu yeKutambudzika kukuru inoitika kwemazuva 1260.

Rugwaro urwu rwunorevawo maHedeni ekereke yeWaldensia yaifanira kuvanda kubva kukuuraya kwekereke yeRoma muNguva yeRima yaive yakareba vachivanda mumarenje nemakomo akaita seeAlps. Chiprofita ichi chinoda zuva rimwe kuti chireve gore remaJuda.

MaAlbigense muFrance yekuzasi vakaparadzwa nemakurusedha aPope Innocent III.

1260 emakore emaJuda emazuva 360 anoenzana nekuti 1260/70 = 18 mashoma nemakore 18 kumakore edu echiHedeni emazuva 365.24.

years saka pakarenda redu rechiHedheni izvi zvakaenzana nekuti 1260 -18 = makore 1242 .

1954-0513 CHIRATIDZO CHECHIKARA.
Mukadzi uyu aripano, kunaZvakazarurwa 12, apo Mwanakomana wake akatorwa kunogara pachigaro chaMwari chehushe, pazvakaitika, mukadzi akatiza kunopinda murenje kwaakanochengetwa kwemazuva chiuru chimwe nemazana maviri nemakumi matanhatu kunosvika pazuva repaPlymouth Rock, ndizvozvo chaizvo, apo kereke yakauya kuno kuti ave nerusununguko muchitendero, yakatangwa pano.

Madzibaba ePilgrimi akasvika paPlymouth Rock muna 1620.

Makore 1242 izvi zvisati zvaitika raive 1620 – 1242 = 378.

Mugore AD 378 marudzi evatorwa akauraya mubati weRoma Valens muhondo yeAdrinople, zvakatara kutanga kwekuwira pasi kwehushe hweRoma hwekuMadokero. Uku kwaive kutanga kwekurwiswa kweRoma nemaHani aityisa kwazvo.

Kereke yeRoman Catholic yakamuka kubva mumatongo ehushe hweRoma yechipegani.

Muna 378 Theodosius akasarudzwa kuti atsive Valens kuita mubati wehushe hweRoma. Akatanga kuuraya vavengi vekereke yeRoman Catholic. Kubva pazuva iri kuuraiwa kwemaKristu aive asiri maCatholic kwakaenderera mberi kusvikira madzibaba emaPilgrimi apunyuka achipinda muAmerica.

Mukati memasenturi ekuuraiwa nekereke yeCatholic aya muEurope, vatendi vechokwadi vakavaka kutenda kwavo paTestamente Itsva neTestamente yekare, kwete pakereke.

59-0815 APO GONDO RINOTARIRA DENDERE RARO.

Ndichafananidza mapapiro iwayo neTestamente Itsva neTestamente Yekare akatambanudzwa pamusoro pedu seGondo naJEHOVA.

Kubva pamaonero emaJuda, mapapiro egondo anomiririra maprofita makuru maviri, Mosesi naEria, vachachengetedza Israeri mukati memakore matatu nehafu eKutambudzika kukuru kubva pakuuraya kwaAntikristu wekupedzisira, anotora chinzvimbo chaPope nechisimba. Izvi zvinomupa simba remweya pamusoro pepasi rese ari musoro wemaCatholic anodarika 1,5 biriyoni.

Zvichitsigirwa nehupfumi hweVatican hunoshamisa.

Vadzvanyiriri gumi vachamupa simba ravo rezvemauto.

ZVAKAZARURWA 17:12 Nyanga dzinegumi dzawavona, ndiwo madzimambo anegumi, achigere kupiwa vushe, asi vachapiwa simba samadzimambo pamwechete nechikara nguva imwe.

13 Ivo vanendangariro imwe, vanopa chikara simba ravo novushe bwavo.

Vane simba samadzimambo. Vane simba remadzimambo asi havana kugadzwa. Vadzvanyiriri.

Pope wekupedzisira achadaidzwa kuti Pope Petro II, achatsaura Israeri kubva kune dzimwe nyika dzose, achivasiya vari murenje rekushaiwa anovada, umo vanhu vese vachavavenga voshaya kana mumwe anoda kudyidzana navo.

Saka “guva, nedzimwe nguva, nehafu yenguva” zvinorevawo makore matatu nehafu enguva yeKutambudzika kukuru patinomatarisa akanangana nemaJuda.

Asi zvino tinosvika pamusiyano wakaoma kunzwisisa.

Chiprofita chinotevera chinoratidzika nenzira imwechete asi chakasiyana kwazvo. Chiprofita ichi hachirevi makore matatu nehafu.

DANIERI 7:25 Uchataura mashoko okumhura Wokumusoro-soro, uchaparadza vatsvene uye uchatsvaka mano okushandura nguva nemirairo: ivo vachaiswa mumavoko ake kusvikira nguva imwe nedzimwe nguva nehafu yenguva (kuBhaibheri reChirungu pakashanda deviding of time kwete half atime).

Vhesi iri rinotaura pamusoro pemuvengi wechokwadi, kereke yeRoman Catholic, ichirwisa kereke yechokwadi vatsvene vaMwari.

Izvi hazvina chekuita nemaJuda munguva yeKutambudzika kukuru.

Mazwi maviri akakosha anoita musiyano mukuru apa anoti “kusvikira” nguva, nedzimwe nguva .... “nehafu (kupatsanurwa kwenguva) nekuti muchirungu vakashandisa izwi rekuti deviding” yenguva.

Kwete “hafu yenguva” yemakore matatu nehafu asi “kupatsanurwa” kwenguva”.

“Kupatsanura” nguva kana kuti hafu yenguva yakashandiswa apa inotadza kunzwisiswa nevazhinji.

Izvi zvinorevei?

“Kusvikira” hazvitauri kureba kwenguva chaiko, asi zvinotaridza kunogumira chiitiko chenguva iyoyo.

“Kupatsanurwa kwenguva” kuri kutaura pamusoro penguva nomwe dzemakereke.

Muvengi anobvisa chokwadi kusvikira kupatsanurwa kwenguva kwadapera. Kusvikira nguva nomwe dzemakereke dzadarika.

Tsika dzemakereke dzakaitwa nevanhu uye mirairo yevanhu icharamba ichipikisa chokwadi chemagwaro kusvikira nguva yekereke yechinomwe yadarika.

Nguva nomwe dzemakereke dzinopatsanura mahafu emavhiki maviri echiprofita chaDanieri.

Makore matatu nehafu ehushumiri hwaJesu (hafu yevhiki yekutanga) kumaJuda yakagumisa nguva kumaJuda pakatendeukira Mwari kuvaHedheni paCalvari.

Nguva dzemakereke dzakatanga paMusi wePentekositi apo Mweya Mutsvene wakaburuka.

Nguva dzemakereke dzinoguma panotorwa kereke kuenda kudenga neMweya Mutsvene kuti inova naShe kumakore.

Mwari anobva atendeukira kumaJuda.

Saka maJuda anowana hafu yawo yechipiri pachiprofita chaDanieri chevhiki rechimakumi manomwe munguva yeKutambudzika kukuru.

Pakati pemahafu maviri evhiki aya ndipo pane nguva nomwe dzemakereke.

Nguva nomwe dzemakereke dzinopatsanura nguva yekupedzisira yemakore manomwe iyi (vhiki rechimakumi namomwe kuriita zvidimbu zviviri zvakaenzana).

Saka nguva nomwe dzemakereke ndidzo “dzinopatsanura nguva”.

Iyi ndiyo nguva inoshandiswa naMwari kumaJuda saka ndiyo zvakare nguva yaanoshandisira kereke.

DANIERI 7:7 Shure kwaizvozvo ndakavona panezvandakaratidzwa vusiku, ndikavona mhuka yechina, yaityisa nokuvhundusa, inesimba guru kwazvo; yakanga inameno makuru ovutare: ikapedza nokuvhuna-vhuna nokupwanya zvakanga zvasara netsoka dzayo; iyi yakanga yakasiyana nemhuka dzose dzakaitangira, yakanga inenyanga gumi.

Muchiroto chaNebukadnezari chemufananidzo mukuru, makumbo edare aive akamiririra hushe hweRoma yechipegani.

DANIERI 7:20 Vuye pamusoro penyanga gumi dzakanga dziri pamusoro wayo;

Hushe hweRoma yechipegani uhu hwaive hwakamiririrwa nemusoro mumwechete, kwete misoro minomwe.

Nei chikara kana chipenyu chechina, chikara cheRoma chakasiyana nehumwe hushe hweBabironi, Persia, neGirisi?

Nekuti hushe hweRoma yechipegani hwakaparadzwa nemarudzi evatorwa kubva mumatongo ahwo makasimuka simba rekereke yeRoman Catholic yaisimbiswa netsika dzechipegani. Saka tsika dzechipegani dzehushe hweRoma dzakatangira kuBabironi dzakasvibisa kereke yeRoma.

Zvakavanzika zveBabironi zvakapinda mukereke yeRoman Catholic zvikashandura kereke kuiita Babironi yakavanzika. Mai vemakereke emasangano aipikisa zvayaitenda mazviri akabuda mairi.

ZVAKAZARURWA 17:5 Pahuma yake pakanga pakanyorwa zita rakavanzika iri: BABIRONI GUTA GURU, MAI VEMHOMBWE NAVEZVINONYANGADZA ZVENYIKA.

Chisikwa chipenyu kana chikara chaive nenyanga gumi nemusoro mumwechete chinomiririra hushe hweRoma yechipegani.

Nyanga gumi dzinomiririra marudzi gumi evatorwa akabatsira kuparadza hushe hweRoma.

Asi marudzi gumi evatorwa aya, nekuziva kana nekusaziva, akaita basa guru pakusimuka kwekereke yeRoman Catholic kuti ipambe vapambi vemarudzi evatorwa vaive vapamba hushe hweRoma.

Tarisai zvitendero zveBabironi yechipegani nezvitendero zveRoma yechipegani zvakanatswa nekupfekedzwa chiKristu zvichiri mumakereke chero nanhasi.

Hazvina kusafanira kutaura kuti zvinhu zvese izvi hazvisi muMagwaro.

Pontiff, Kadhinari, 25 Zvita, muti weKisimusi, Renti, Isita Egi, maIsita bhani (rangarirai Hugh Hefner mutambo wake usina hunhu apo vakadzi vaive vakapfeka kunge tsuro. Nei?

“Tiriniti” uye “Mwari Mwanakomana”. “Mwari Mweya Mutsvene”. Kureurura. Mamisheni. Maneni. Rozari. Chipiyaniso.

“Mwari mumwe muvanhu vatatu”.

Zviratidzo zvenyeredzi nachin’anga.

Neimwe nzira Santa akapinda muKisimusi. Nei?

Bvisai “n” pana Santa momuisa kwekupedzisira kwezwi iroro munowana: Satani.

Vanoenda kumakereke vanonyengerwa zviri nyore.

DANIERI 7:25 Uchataura mashoko okumhura Wokumusoro-soro, uchaparadza vatsvene vuye uchatsvaka mano okushandura nguva nemirairo; ivo vachaiswa mumavoko ake kusvikira nguva imwe, nedzimwe nguva, nehafu yenguva.

Kukanganisa kwekereke yeRoman Catholic kuchatendwa makuri nevemakereke emasangano uye kuchaparadza vanhu vashoma vanoedza kusaita zvakaipa izvi.

Pokana neTiriniti neKisimusi unobva warambwa nekereke yako kana nehama neshamwari. Kurambwa uku nekusarudzwa kunoparadza vazhinji kwovaita kuti varambe chokwadi vongoramba vachitevera kukanganisa kwemakereke kuti vave nerugare nekugamuchirwa nemakereke avo.

Kuita kwekurwadzisana mupfungwa uku kuchaenderera mberi KUSVIKIRA pakuguma kwekupatsanurwa kwenguva.

Lenini akatanga komiyunisimu muRussia, akati Kisimusi kwaive kuwedzerwa kana kukudzwa kwebhizimisi rekuzviunganidzira pfuma nenzira yechitendero. Nzira yakanakisa yekupedzisa zvese zvinenge zvasaririra mumasitoro zvinenge zvisati zvatengeswa.

Saka nesimba guru munezvemari rinotsigira Kisimusi pasi rese, zvakaoma kana kuti tingati hazvitogoneki kupikisana nayo.

Kurambwa kwechokwadi kuchaenderera mberi kusvika pamagumo enguva yekereke yekupedzisira. Ndipo Mwari paachatora kereke yake kuenda nayo kumakore.

MATEO 24:9 Zvinouchakuisai kumadambudziko, vachakuvurayai, muchavengwa namarudzi ose nokuda kwezita rangu.

Makereke anopikisa zvakanyanya rubapatidzo muzita raJesu Kristu.

Vanobapatidza muzita raBaba, Mwanakomana naMweya Mutsvene asi havagoni kutiudza kuti zita iroro nderekuti kudii.

Tiriniti yakanyengera vakawanda kuti vafunge kuti mazita matatu ezvinzvimbo izita.

MATEO 10:22 Muchavengwa navose nokuda kwezita rangu: asi unotsungirira kusvikira pakuguma, uchaponeswa.

Urwu harwusi ruponeso kubva Kudziva reMoto. Ruponeso irworwo nderwenyasha zvichibva pakutenda.

Ruponeso runobva pakushingirira kusvika pakuguma runoreva kuti tinoponeswa kubva kunguva yeKutambudzika kana tikaramba tichitenda kuMagwaro akaziviswa tichipikisana nezvinotendwa nemakereke zvisimo muMagwaro.

Tinofanira kuramba tichitevera Magwaro zvisinei nekupikiswa nekereke, kusvikira Jesu achiuya kuzotora vatsvene vake kuenda navo Kudenga.

Kusvikira pakuguma kwenguva yekereke yechinomwe.

Zororo rinowanikwa nekereke yechokwadi inowanikwa apo Jesu anovatora kuenda kumusoro Kudenga.

RUKA 18:8 … Asi Mwanakomana womunhu kana achisvika , uchawana kutenda panyika here?

Jesu haasi kuzowana vazhinji vanotenda muMagwaro paanouya.

Misangano yakawandisa yemakereke. Kurongeka kwakakurisa mukereke, asi chokwadi cheBhaibheri chishoma kwazvo.

VAROMA 10:17 Naizvozvo kutenda kunovuya nokunzwa, nokunzwa kunovuya neShoko raMwari.

Vanoenda kumakereke havachisina basa nekuti vari kutevera Magwaro zvakazara here pazvese zvavanotenda.

Vanoenda kumakereke vanotenda muTiriniti vachapepuka vachiona vamunguva yeKutambudzika kukuru. Kwavari zvese zvichashandurwa nekupidigurwa apo kereke ichava muurayi wavose vanopikisa.

ZVAKAZARURWA 13:15 Chikapiwa masimba okupa mufananidzo wechikara mweya, kuti mufananidzo wechikara utaure, chiraire kuti vose vasinganamati mufananidzo wechikara vavurawe.

MaKristu ose akaponeswa (vasikana mapenzi, vasikana mhandara vakachena) vakanyengerwa kuti vatende zvinhu zvisiri muMagwaro nevatungamiri vemakereke avo, vachaparadzwa.

Simba raMwari chairo richaratidzirwa nemaprofita maviri kumaJuda chete, Mosesi naEria.

Vasikana mapenzi vachadzidzei kubva kwavari?

ZVAKAZARURWA 15:2 Ndikavona chakaita segungwa rinovonekera rakavhenganiswa nomoto, naivo vakavuya vakunda chikara nomufananidzo wacho, nechiverengo chezita racho, vamire pamusoro pegungwa rinovonekera, vanovundimbwa bwaMwari.

Gungwa rinovonekera munosukwa zvivi kusatenda uye kukanganisa mune zvakanyorwa muBhaibheri, rakazara moto.

I MAKORONIKE 18:8 NapaTibhati, napaKuni, maguta aHadarezeri, Davidi wakatora ndarira zhinji kwazvo, Soromoni yaakazoita nayo dziva rendarira, nembiru, nemidziyo yendarira.

“Dziva rendarira” raive dziva rendarira. Mudziyo mukuru wendarira wakamiswa pamusoro pembiru gumi nembiri dzendarira wakatakura mvura zhinji yekunatswa kwezvipo.

Dziva rendarira panyika rakatevera nzira yegungwa rinovonekera kudenga.

Vasikana mapenzi vanofanira kuponeswa nguva yeKutambudzika kukuru isati yatanga. Jesu anenge asisina kugara pachigaro chenyasha munguva yeKutambudzika kukuru. Saka vaHedeni havagoni kuwana ruponeso ipapo.

MaKristu akagara akaponeswa aya vanenge vazadzwa nezvinotendwa mumasangano avo uye kukanganisa kwemakereke zvinobva zvapiswa kuti zvibve pavari mukuipa kwenguva yeKutambudzika, mavachaurairwa kutenda kwavo.

Vanoziva chokwadi chakakwana kuti varambe kunamata chiratidzo chechikara. Vanobva vavurawa.

Fananidzai izvi naZvakazarurwa Chitsauko 4 apo Johane anotorwa kukwira Kudenga, mucherechedzo wekukwira Kudenga kwekereke yechokwadi, Mwenga, vasikana vakachenjera.

Akanoonei?

ZVAKAZARURWA 4:6 Pamberi pechigaro chovushe pakanga panegungwa rakavonekera, rakafanana nekristaro:

Gungwa rakavonekera rakafanana nekristaro.

Mwenga haapindi munguva yeKutambudzika kukuru.

Vasikana vakachenjera vane mafuta (Mweya Mutsvene) vanokwanisa kutungidza mwenje vowana chiedza. Saka vanowana chiedza chakakwana kuti vaverenge Magwaro kuti vanzwisise mavhesi eBhaibheri.

Saka kusatenda kunobviswa apo Mweya Mutsvene unovadzidzisa chokwadi cheMagwaro.

Humbowo hwehuvepo hweMweya Mutsvene kugona kunzwisisa chokwadi cheMagwaro.

JOHANE 16:13 Asi kana asvika, iye mweya wazvokwadi, uchakutungamirirai muzvokwadi yose:

MuKristu akazadzwa neMweya haafi akaramba zaruriro yechokwadi.

Asi vasikana mapenzi vachanzwei munguva yeKutambudzika kukuru kubva kuna Mosesi?

ZVAKAZARURWA 15:3 Vakanga vachiimba rwiyo rwaMosesi, muranda waMwari, norwiyo rweGwaiana vachiti: Ishe, Mwari wamasimba ose, mabasa enyu akakura, anoshamisa; mambo wamarudzi, nzira dzenyu dzakarurama, ndedzazvokwadi.

Gwaiana, Jesu, ndiye Ishe Mwari Wamasimbaose.

ZVAKAZARURWA 15:4 Ndiyaniko ungarega kutya nokukudza zita renyu, Ishe? Nokuti imi moga muri mutsvene; nokuti marudzi ose achavuya, achinamata pamberi penyu; nokuti kururama kwenyu kwakaratidzwa.

Jesu oga ndiye Mutsvene.

Saka hakuna Tiriniti sezvo vamwe Vanhu vaviri vanenge vasiri vatsvene.

Zvichatora kurwadza kukuru kwenguva yeKutambudzika kuti kusatenda kuri mune vanotenda Tiriniti kubviswe mupfungwa dzavo ivo vasikana mapenzi.