JOBO 33:23-26 Tinoda nhume, mushanduri kuti atirwire kubva kugomba
We update studies as the Lord Jesus leads us. You can find the latest update of this study at ChurchAges.net
JOBO 33:23 Kana mutumwa akasvika kwaari, ari mushanduri, mumwe pakati pavanezvuru zvamazana, kuti aratidze munhu nzira yakarurama:
24 Mwari akamunzwira tsitsi, akati: Murwirei arege kuburukira mugomba, ndawana dzikinuro.
25 Nyama yake ichava itsva kupfuura yomwana, uchadzokera kumazuva ovudiki bwake.
26 Unonyengetera kunaMwari, iye achimufarira; naizvozvo unotarira chiso chake nomufaro; akadzosera munhu kururama kwake.
Kunzwisisa kwedu kunoita nani kana tikagona kubatanidza kana kuyananisa mavhesi eBhaibheri.
DEUTERONOMIO 29:29 Zvinhu zvakavanzwa ndezvaJehova Mwari wedu; asi zvinhu zvakaratidzwa pachena ndezvedu, isu navana vedu nokusingaperi, kuti tiite mashoko ose umurairo.
Mwari anotitendera kuziva zvimwe zvinhu zvaakazivisa. Nekufamba kwenguva Mwari anozivisa zvakawanda kwatiri. Kune zvinhu zvinoramba zviri zvakavanzika kwatiri kusvika nguva yaanenge asarudza kuzvizivisa kwatiri. Ipapo tinenge takufanira kuona kana kuziva waanoshandisa kuti ataure nesu.
Asi hatina zvipo zvekuona nekuziva vatumwa vaMwari. Tinosarudza kuvaparadza. Nhasi takasununguka kwazvo kuuraya saka tinobva tatanga kuuraya hunhu hwemunhu kana kuti tinosvibisa dzidziso dzavanounza. Nenzira idzi dzose tinoita kuti mharidzo yavo ishaye basa.
Tarirai kuti maJuda, vanhu vakasarudzwa naMwari, vakabata sei maprofita aMwari.
MATEO 23:34 Saka tarirai ndinotumira kwamuri vaprofita, navakachenjera, navanyori, muchavuraya vamwe vavo nokuvaroverera pamuchinjikwa; mucharovesa vamwe vavo mumasinagoge enyu, nokuvadzingirira mumaguta ose.
35 Kuti ropa rose ravakarurama, rakatevurirwa panyika, rivuye pamusoro penyu, kubva paropa raAberi wakanga akarurama, kusvika paropa raZakaria mwanakomana waBaraki, wamakavuraya pakati petembere neartari.
Uku kutamba nemazwi kwakachenjera. Aberi kusvika kuna Zakaria. Vese.
37 Jerusarema! Jerusarema! Iwe unovuraya maprofita nokutaka namabwe avo vakatumwa kwauri! Ndakanga ndichida kazhinji sei kuvunganidza vana vako, semhambo inounganidza hukwana dzayo munyasi mamapapiro ayo, mukaramba.
Jesu waida kuchengetedza maJuda. Asi ivo vaisada havo. Pfungwa dzavo dzaive dzatogadziriswa. Vaive vakaputirwa mumifungo yavo nevatungamiri vemasinagoge avo. Vakafanana nevatungamiri vemakereke vanhasi.
Sevanhu tinorwisana naMwari. Mukuramba Mwari neavo vaakatuma kunotidzidzisa, tinozviita vakangwara kwazvo. Asi huchenjeri hwedu hahugoni kutiponesa kubva kuguva nezvimwe zvese zvinotevera.
Tinoshaiwa ruzivo pamusoro paMwari neBhaibheri. Saka tinoenda pakunoparadzwa munguva yeKutambudzika inouya. Kunyanya pakupedzisira patinorambwa naMwari.
HOSEA 4:6 Vanhu vangu vakaparadzwa nokushaiwa zivo, zvawaramba zivo neni ndichakuramba vo;
Saka Mwari wakatumira here mumwe munhu kuti atidzidzise nhasi? Hongu.
Johane Mubapatidzi akauya akaenda vadzidzi havana kutenda kuti ndiye aive Eria akavimbiswa kuti akure nzira yaMessiasi.
MARKO 1:2 Sezvakanyorwa mumuprofita Isaya, zvichinzi: Tarira ndinotuma munyai wangu pamberi pako, uchakunatsira nzira yako.
Mwari akatumira mutumwa wake mukuru vadzidzi vose vakapesana naye.
MARKO 1:3 Inzwi rounodana murenje, gadzirirai nzira yaShe, ruramisai migwagwa yake.
Vanhu havangodi kuterera kuna Mwari. Mutumwa waMwari achasvika orambwa ofuratirwa. Achangova seizwi riri murenje uko vashoma kwazvo vachaterera kwaari. Vamwe vese vakangwara kwazvo. Vakachenjeresa munzira dzavo. Havadi kunzwa kubva kuna Mwari.
Pagomo rekubwinya, gore rimwechete asati afa, vadzidzi vakaona pakarepo kuti Jesu aive Messiasi.
Nei Erija (Eria muchiGiriki)asina kuuya kuzotiyambira nokutigadzirira, vakabvunza.
MATEO 17:10 Vadzidzi vakamubvunza, vachiti: vanyori vanotaurireiko vachiti, Eria unofanira kuvuya?
11 Akapindura (Jesu) akati: Eria uchavuya hake, avandudze zvinhu zvose.
Jesu, zvaive zvisina kutarisirwa, akavadavira achitaura muzvinhu zviri munguva ichavuya. Johane Mubapatidzi aive atofa panguva iyi.
Asi Jesu akati Eria (Erija muchiHeberu) aizovuya.
Muprofita achauya kuzotigadzirira Kuuya kweChipiri kwaJesu kuti atitore aende nesu kudenga pakumutswa kwekereke yake yevatsvene veTestamente Itsva mumashure mekumutswa kwavo.
I VATESARONIKA 4:16 Nokuti Ishe amene uchaburuka kudenga nokudanidzira, nenzwi romutumwa mukuru, nehwamanda yaMwari, vakafa munaKristu vachatanga kumuka.
17 Zvino isu vapenyu vakasara tichatorwa pamwechete navo mumakore kuti tichingamidzi Ishe mudenga; naizvozvo tichava naShe nguva dzose.
Asi izvi zvisati zvaitika kunofanira kwaitwa kudzoserwa kwezvakarasika.
MATEO 17:11 Akapindura (Jesu) akati: Eria uchavuya hake, avandudze zvinhu zvose.
Johane Mubapatidzi haana chaakadzorera.
MaJuda vaive nemurairo wavo neTemberi yavo hapana chimwe chaizvozvo chakabatsira kuti vaone nekuziva Messiasi wavo. Saka maJuda vaisada kudzorerwa kuMurairo wavo. Vaida kuenda mberi kubva pamurairo vachienda pasungano yenyasha nekutendeuka.
Johane Mubapatidzi akazivisa rubapatidzo rwekutendeuka kumaJuda. Akabva azivisawo Messiasi kumaJuda.
Messiasi ega aikwanisa kuzivisa kuzvarwa kutsva nerubapatidzo rweMudzimu unoera. Zvinhu izvi zvose zvaive zvitsva kumaJuda.
Saka nei kuri kudiwa kudzorerwa munguva inouya?
II VATESARONIKA 2:3 Ngakurege kuva nomunhu unokunyengerai nomutowo upi noupi; nokuti harisviki, kana kutsauka kusati kwatanga kuvuya, nomunhu wezvivi, mwanakomana wokurashika, asati ambovonekwa.
Kereke yekutanga yaizotanga zvakanaka iri pasi pehutungamiri hwemapostora.
Asi nekufamba kwemakore kereke yaizowira kure ichibva pakutenda kuTestamente Itsva.
Pakupedzisira munguva yerima yakaipa kwaizova nechokwadi cheBhaibheri chishoma kwazvo.
Asi mumashure merumutsiridzo kunozoita kudzoka zvishoma nezvishoma kwechokwadi chemuBhaibheri vachitenda muruponeso, hutsvene, uye rubapatidzo rweMudzimu unoera.
Zvaive zvakaita sekuti nguva yekereke yekutanga yaive mbeu yakadyarwa. MaKristu mamiriyoni matatu akauraiwa nehushe hweRoma yemapegani munguva mbiri dzekutanga dzekereke. Constantine akabva amisa kuuraiwa kwemaKristu muna AD 312 akabva amanikidzira kuti dzidziso yeTiriniti ipinde mukereke pakanzuru yeNicaea muna AD 325. Pasina kupera makore zana kubva apa kereke yeRoma yaive yatanga kuuraya vaipikisa dzidziso dzayo vachivhikirira dzidziso yeTiriniti.
Nguva dzeRima dzakava tsvina yakafukidza mbeu yechokwadi. Kumera kwakatanga mukati memutsiridzo apo Martin Luther muGermany akatanga kuparidza kuponeswa kupfurikidza kutenda.
John Wesley muEngland akaparidza hutsvene nekuparidzira. Izvi zvakatungamirira kusvika panguva huru yemamishinari apo hura hwakabuda pambeu yaive yatanga kukura hurume hukafuridzirwa nekupeperetswa pasi sere.
Kudururwa kwemweya wePentekositi mumugwagwa weAzuza muLos Angeles ndiko kwakava kukura kwehura kuitira kuti vashandise simba remweya waMwari kuchengetedza nekudzivirira Shoko raMwari rakaziviswa apo rakatanga zvishoma nezvishoma kunezvakatendwa nekereke yekutanga yeTestamente Itsva.
Imwe nhanho imwechete yaidiwa kupedzisa kudzoserwa kwechokwadi cheBhabheri. Ndiyo yaive zaruriro yezvakavanzika zveshoko rakanyorwa raive risinganyatsonzwisiswi nevamutsiridzi.
Asi kwakabva kwauya kurwiswa kwakachenjera naSatani.
Bhaibheri reKing James Vhezheni rakarwiswa nevanoenda kumakereke. Mamwe mavhezheni eBhaibheri anodarika zana, ese akasiyana, akanyorwa kuti atsive King James Vhezheni. Munhu anongosarudza raanoda.
Ipapo kereke yakabva yapatsanurwa kuita masangano anodarika 45,000 akasiyana siyana.
Vese vanotenda zvinhu zvakasiyana kana kuti vane nzira dzakasiyana dzekunamata nadzo asi vose vanoti vari kugona.
Ndipo nhume (“ngirozi” muchiGiriki) payaizodiwa kuti itidzose kubva pakukanganisa kwetsika dzemakereke nemazano edu tichidzoka kuchokwadi chekutanga chekereke yeTestamente Itsva.
Nhasi tingati kereke imwe neimwe inotongwa kana kutungamirirwa napasita kana mufundisi.
Asi izwi rekuti pasita rakanyorwa kamwechete chete muTestamente Itsva.
Saka hakuna humbowo hunobva muBhaibheri hwekuti pasita kana mufundisi ave mubati wekereke ari munhu anotungamirira.
Kereke yekutanga haina kubvira yatenda kuti tinofanira kupemberera kuzvarwa kwaJesu.
Havana kubvira vaita Izwi rekuti Kisimusi, kana muti weKisimusi, kana musi wa25 Zvita.
Jeremia anotiudza kuti tisatevedzere tsika dzemarudzi avanhu dzekushongedza miti.
JEREMIA 10:2 Zvanzi naJEHOVA: Regai kudzidza tsika dzamarudzi avanhu, musavhundutswa nezviratidzo zvokudenga; nokuti marudzi avanhu anovhundutswa nazvo.
3 Nokuti tsika davanhu hadzina maturo; nokuti umwe unotema muti mudondo, riri basa ramavoko omunhu unoveza nedemo.
4 Vanoushongedza nesirveri nendarama, vanourovera nembambo nenyundo, kuti urege kuzununguka.
5 Zvakafanana nembiru dzakavezwa, dzisingatauri.
Nguva yekereke yekutanga vaitenda kuti vazivi vekumabvazuva vakapinda mumba kunoona Mwana, kwete muchidyiro kunoona rusvava.
MATEO 2:11 Vakapinda mumba, vakawana mwana naMaria mai vake,
Mazai eIsita, mabhani eIsita, marendi, zvisuvi pamusoro pemakereke, achibhishopu, kadhinari, maPope zvese hazvina kunyorwa muMagwaro.
Mabhani eIsita zvinoita sezvisina kuipa. Saka nei ari micherechedzo yemutambo waIshita wemupfumvudza?
Tsuro ndidzo mhuka dzinokasikisa kuzvara. Ishita aive mwarikadzi (anozivikanwawo nekunzi Semiramis, mukadzi waNimrodi) akatanga kuita kwaakauya ari muzai achipinda murwizi Yufraitesi rikatsotsonya munguva yepfumvudza. Iri ndiro rainzi Ishita egi.
Mumashure mekuuraiwa kwaNimrodi (aive mucherechedzo wemuti waive watemwa) Ishita (kana kuti Semiramis) akapemberera mutambo wake wemunguva yematsutso padyo nekupera kwaKurume, waive wagara wakanangana nekuitwa kwezvinhu zvakarerekera pakusangana pabonde. Mwedzi mipfumbamwe yakatevera, Zvita akuda kusvika, mwanakomana wake Tamuzi akaberekwa. Akataura kuti mwana uyu aive Nimrodi amuka. Ndipo pakabva kukosha kwemuti waZvita. Apo muti unotemwa unowanzokwanisa kupukira zvakare. Saka ndiwo wakava mucherechedzo waTamuzi. Muti waitemwa uyu waishongedzwa kuti vapemberere kuzvarwa kwaTamuzi.
Hugh Hefner akan’oresa vazhinji nemagazini rake Playboy aive nevakadzi vaipfeka mbatya dzakaita setsuro. Saka maIsita bhani hatingati haakonzeresi sekufunga kunoita vanhu.
Mabhanzi anopisa anemuchinjikwa munguva yematsutso. Bhanzi rakatenderera raivepo pakunamata mwarikadzi wemwedzi kana Semiramis. + aimiririra “t” wepana Tamuzi. Aizozvarwa munaZvita pakati nepakati penguva yechando.
Mubati weRoma yechipegani Aurelian akaita 25 Zvita zuva rakaberekwa mwari wezuva munaAD 274. Makore akapoteredza 350 AD Pope Julius I akabva aita 25 Zvita zuva rakaberekwa Mwanakomana waMwari. Rakabva raitwa kirisimasi kana kuti Kisimusi.
Izvi zvese zvaive zvisina chekuita nekereke yekutanga sezvo Johane akapedzisa Bhuku rekupedzisira raZvakazarurwa, 100 AD akuda kusvika.
Saka Kisimusi humbowo hwekubva kwekereke paMagwaro.
Tinoda muprofita kuti atidzorere kuchokwadi cheBhabheri otibvisa kumitambo yechipegani.
53-0403 KUIPA KWECHIVI NEMUBAIRO UNODIWA KUBVISA ZVIVI MUHUPENYU HWEDU.
... Vakadzi vanotenga nguwani dzavo dzeIsita nezvimwe zvakadaro. Zvakasvika apa sei? Maiwe, sei handinzwisisi kuti tsuro inei nechekuita nekumuka kwaJesu (mazviona? Kwete baba.) kana kuti muti weKisimusi unei nechekuita nekuzvarwa kwaKristu. Chipegani, hama dzangu. Takarasika nzira imwe nhambo. Ndizvo chaizvo. Asi zvino mukadzi kana murume akazvarwa patsva anozviona, nekuti maane hupenyu mukati menyu, anokuudza kuti izvozvo zvakaipa.
56-0311 MUZAMBIRINGA WECHOKWADI NEWENHEMA
Kuchava nemakumi ezviuru akapetwa chiuru emadhora anoshandiswa pakutenga maruva eIsita kunoisa paAritari. Nei, hama, chipegani. Mwari haana kubvira aita artari ine maruva paIsita; ndizvo zvakaiswa paartari naKaini. Isita iri kuuya ... asi havatomborina ... nyika ine Isita, Kisimusi, nezvimwe zvese, kusvika raitwa zuva guru rekuita mari mumabhizimisi, risina chaMwari chinoitwa mariri. Chii chiri muIsita, paseka chine chekuita netsuro, kana huku, kana dhakisi reyero, kana chimwe chinhuwo zvacho? Tingori kuita chipegani sevaya vasingatendi kutodarika zvavari kuAfrica.
60-1204 CHIRATIDZO CHEPAPATIMOSI.
Mumavhiki mashoma, kana ipo pano, kuchava nemabhiza anofamba vanhu vachipiwa zvipo, naSanta Clause, nekushongedza kwendarama nezvimwe zvese zvakadaro zvakaturikwa mudenga, mhemberero dzechipegani. Chiito chekereke yeCatholic. Vanhu vachiripa miripo yepamusoro-soro vachipanana zvipo nezvimwe zvakadaro, chipegani! Kisimusi musi wekunamata.
61-1217 CHIKRISTU NEKUNAMATA ZVIFANANIDZO
Kupemberera Kisimusi, chipegani, kunamata Diaborosi
64-0719 MUTAMBO WEHWAMANDA
Kune hushe huya hweRoma, hwakabatwapo nei? Simba rehuparidzi. Iyo, Roma, Roma yechipegani yakaita Roma yemaPope, yaive yakabatwako netsika dzayo dzechiKristu. Chikamu chipi chechiKristu, netsika Roma ichisanganisa zvese; kunamata mukadzi, nezvimwe zvinhu zvese zvakadaro, nemusi weKisimusi, nemazororo, nemazuva matsvene, nezvimwe zvinhu. Yakabatwa netsika dzaisingagoni kusiya, nekuti hadzifambirani nemirairo yechiKristu. Vachiri nemweya mumwechete iwoyo, wekusanamata, mweya wechiPegani! Mweya iwoyo wakabatirawo mumarudzi epasi rese, zvichibva pakuprofita kwaEzekieri nevamwe vaprofita vose.
Eva haana kurangwa kuti akadyirei muchero asi kuti akaitirei mimba. Aive abata mimba.
GENESISI 3:16 Kumukadzi akati: ndichawanza zvikuru kurwadziwa kwako nokutora mimba kwako; uchabereka vana uchirwadziwa.
Nei chaive chivi kuti aive aita mimba?
Chaigona kuita chivi chete kana Adamu aive asiriye baba. Nekuti Adamu ndiye aive murume wake aive pamutemo.
Mumwe murango wakapuhwa mhuka yakazotukwa ikashanduka kuita nyoka, mhuka yepamusoro pezvipfuwo zvese. Mhuka yakazotukwa ikashanduka kuita nyoka yaive pamusoro pezvipfuwo zvese asi pasi pemunhu.
Mhuka yakazotukwa ikashanduka kuita nyoka yaigona kutaura nekunzwisisa. Hapana muBhaibheri pakabvira paitwa naSatani kuti mhuka itaure. Izvi hazvimo musimba rake.
Saka mhuka yakatukwa ikashandurwa kuitwa nyoka yaive nemhosva. Yakatukwa ikamanikidzwa kufamba nedumbu. Murango unofambidzana nemhoswa yawo. Yaive yakarara pamusoro paEva nedumbu paakazivisa Eva kuti kusangana pabonde chii. Ropa rakadeuka pakaputsika humhandara hwake.
Chivi chekutanga chinosanganisa kudeurwa kweropa remhuka.
Saka Mwari aizotambira chete ropa remhuka rakadeurwa kuyananisira chivi.
Guvhu ndiro chiratidzo chechikara pamiviri yedu. Rinotiyeuchidza kuti tichafa.
Zuva kuna Mwari rakafanana nechuru chemakore.
II PETRO 3:8 Asi vadikanwa, musakanganwa, chinhu chimwe ichi, kuti kunaShe zuva rimwe rakaita samakore anechuru, namakore anechuru sezuva rimwe.
GENESISI 2:17 Asi muti wokuziva zvakanaka nezvakaipa usaudya; nokuti nomusi waunoudya, uchafa zvirokwazvo.
Munhu wese anozvarwa nekusangana pabonde anofa zuva rimwechete risati rapera, makore churu.
Metusera ndiye munhu akararama kudarika vamwe vose. Akasvitsa makore 969.
Eva aifanira kubereka Mwanakomana ari mhandara. Jesu aizokura kusina zvivi zvekufira. Aizodaidza vatsvene vake kubva muguruva renyika. Vanhu vakakwana nekuenderana nekuzadza nyika.
Makereke anhasi anoviga zvakanyanya zvakaitika muEdeni sezvo vasingagoni kutsanangura chivi chekutanga.
Izwi rekuti Tiriniti harisi muBhaibheri.
Tarirai kutaura kwese kusimo muBhaibheri kunoshandiswa kutsanangura Tiriniti.
“Mwari Mwanakomana”.
“Mwari Mweya Mutsvene”.
“Vanhu vatatu muhuMwari”.
“Vekuita kumwechete”.
“Vatatu mumwe”.
“Munhu wekutanga muhuMwari”.
“Munhu wechipiri muhuMwari”.
“Munhu wechitatu muhuMwari”.
“Mwari Mumwe muVanhu vatatu”.
“Jesu ari mukuzara kwevuMwari”.
Kunobva kwauya kupedzisa kunoshamisa.
Vanotenda kuTiriniti havagoni kuwana zita rimwechete reVanhu vatatu ava, saka Mwari anobva arasikirwa nezita Rake.
Vanoenda kumakereke vanoti, “Muzita raBaba, reMwanakomana, neromweya Mutsvene”.
Asi havagoni kuzotiudza kuti zita racho nderekuti kudii. Baba Mwanakomana naMweya Mutsvene zvinzvimbo kwete mazita.
Bvunza vanoenda kumakereke Zita raMwari weTiriniti uone hukasha hwavanoita.
Tiriniti ndicho chakavanzika chisina anogona kuchitsanangura.
Saka pakupedzisira tinofanira kutsvaga muprofita anogona kutidzosera kuchinyakare chekutadza kwekereke nekuzotidzosera pazvitendero zvekutanga zvekereke yeTestamente Itsva.
ZVAKAZARURWA 10:7 Asi namazuva enzwi romutumwa wechinomwe, kana vodo-kuridza, zvakavanzika zvaMwari zvichapedziswa, sezvaakaparidzira varanda vake, ivo vaprofita.
Mwari weTiriniti ndechimwe chakavanzika.
Asi chakavanzika ichi chichapedziswa rimwe zuva.
Saka zaruriro iri nani yekuzara kwovuMwari icharatidzwa pakupedzisira kuti itsive Tiriniti.
Muprofita anotumwa kunopedziswa zvakavanzika zvaMwari.
Bhaibheri iShoko raMwari. Saka tinoda muprofita kuti atsanangure kwatiri kuti Bhaibheri rinorevei.
Kutsanangura kwatiri kuti Mwari ndiyani uye kuti Zita rake ndiyani.
Kutitsanangurira kuti chivi chekutanga chaive chii uye kuti nei munhukadzi achiri kurwadziwa pakubara vana. (Murango wakaoma nekuti mukadzi akadya ravanoti apura makore 6000 akadarika mumashure mekunge Mwari vataura kuti miti yemichero yese yaive yakanaka).
JOBO 33:23 Kana mutumwa akasvika kwaari, ari mushanduri, mumwe pakati pavanezvuru zvamazana, kuti aratidze munhu nzira yakarurama.
Mutumwa kuti ashandure kana kuturikira Magwaro nenzira yekuti tinogona kuyananisa vhesi nenzira inotsigira kuti kuna Mwari mumwechete, Jesu Kristu iye oga anova Muponisi wedu akarurama.
VAKOROSE 2:9 Nokuti kuzara kwovuMwari kunogara maari [Jesu] pamuviri.
ISAYA 43:11 Ini, Iyeni, ndiJEHOVA, kunze kwangu hakunomumwe muponesi.
Hakuna Muponesi akagara kana kumira parutivi rwaMwari.
VAHEBERU 1:3 Iye chadzera chokubwinya kwake, nomufanaidzo wake chaiye,
Mweya waMwari unoshamisa wakagara wose muMunhu Jesu Kristu.
Johane Mubapatidzindiye akava mavambo eEvangeri raJesu Kristu.
MARKO 1:1 Kutanga kweEvangeri yaJesu Kristu, Mwanakomana waMwari.
MARKO 1:4 Johane wakavuya achibapatidza murenje, achiparidza rubapatidzo rwokutendevuka vakanganwirwe zvivi.
Saka Jesu, muchiprofita chenguva yaizouya ichi chekuti Eria waizouya odzorera, aive asingatauri Johane Mubapatidzi aive avamba nekukura kare nzira yeKuuya kwake kwekutanga.
Aivayambira pamusoro pemumwe muprofita aizokura nzira yeKuuya Kwake kwechipiri.
Asi, saJohane Mubapatidzi muprofita wenguva yekupedzisira uyu anozofuratirwa nekutarisirwa pasi zvisinei nekuti hushumiri hwake hunenge huchishamisa zvakaita sei.
Saka Jesu aitaura kuti kuna Eria achauya uye kwaimbova naEria nguva yakadarika.
Eria achangobva kuuya akabatwa sei paakauya? Havana kugona kumutambira kana kutarisana naye mumaziso uye havana kumira kuedza kumubvisa kunyanya paakataura panyaya yekuroorana nekurambana.
Johane Mubapatidzi akazvidza Herode nekuti aive aroora mukadzi wemukoma wake Herode akamuvuraya.
William Branham akabvumirana naJohane Mubapatidzi paakataura kuti sungano yewanano yakayera uye inosunganidza kusvikira parufu.
64-0823E MIBVUNZO NEMHINDURO 2
Kana vakaita chitsidzo ichocho, vakatororana. Semukomana, kana mukomana akavimbisa musikana kuti achamuroora, akasungirwa kumusikana iyeye. Zvakangofanana nekuti akarorana naye. Chinhu chimwechete chinoitwa nemurairo, ndechekuti unokupai – gwaro rekuti mugone kugara mose kuti mubve pakunzi mungoriwo mukadzi nemurume vemapoto. Asi murume paanoudza mukadzi, “Ndichakuroora, Mudiwa, ndichakuita mukadzi wangu. Uchanditorawo here ...” anenge arorora.
Chitsidzo chenyu chakayera; ndicho chinokuwananisai. Hakuna kana muparidzi anogona kukuwananisai, hakuna mudzviti mudare, kana umwe munhu; chitsidzo chenyu pamberi paMwari kumunhu uyu. Kana mukavimbisana, matororana.
63-0324 MIBVUNZO NEMHINDURO PAZVISIMBISO
Zvino, Hama Branham, kunene gwaro here rinotendera kuroorwa kana kuroorazve kana vanhu marambana. Izvi zvakakosha zvikuru.
Hanzi zvakakosha. Zvakanaka, ndicho chikonzero zvaive zvisingatauri nezveizvi. Sekuona kwangu, hama yangu kana ndimi hanzvadzi, chero munhu hake, hakuna kunze kwekunge mumwe wako afa, nekuti Bhaibheri rinoti takasunganidzwa navo kana vachiri vapenyu. Mazviona?
Saka kana riri chero Gwaro, ndizvo zvabvunzwa pano. “Kune Rugwaro here. Mazviona? Kune Rugwaro here?” kwete randinogona kuwana. Mazviona? Handina randinogona kuwana, ‘nekuti Pauro akati vanhu vakaroorana, kana mumwe akafa, vanenge vasununguka kuroora kana kuroorwa zve newavanoda munaShe. Asi kusvikira ipapo ... Asi tarirai. Vakatsidza, “Kusvikira rufu rwatiparadzanisa ...”
Saka hakuna chinhu chakadaro sechekuti kurambana nekuroora kana kuroorwa zve mumashure mewanano iri pamutemo.
Chitsidzo chewanano yenyu chinoti kusvikira rufu rwatiparadzanisa. Hakuna chimwe chinhu chinogona kuparadza wanano iyoyo.
59-0628E MIBVUNZO NEMHINDURO
Jesu akati kuna
MATEO 19:9 Ndinoti kwamuri: Ani nani unorasha mukadzi wake, asi nemhaka yovupombwe, akawana mumwe, unoita vupombwe nounowana wakarashwa unoita vupombwe.
Musiyano pakati pehupombwe nehufeve, izwi rinogona kushandiswa nechero nzira. Asi kuzvijekesa chaaitaura ipapo, ndechekuti mukadzi asina kuroorwa haaiti hupombwe, nekuti haana murume wekuitira hupombwe. Kungori kun’ora kwake. Anofanira kureurura izvozvo kumurume wake vasati varoorana kana akaita izvozvo. Kana akasareurura murume wake akazvibata pamberi, ane kodzero dzekumuramba, nekuti anenge akaita chitsidzo chenhema.
Hakuna chinhu chinonzi kurambana nekuroora kana kuroorwa zve zviri pamutemo. Saka kana mukadzi asiri mhandara asati aroorwa, anofanira kureurura izvozvo kumurume anoda kumuroora. Kana akamuregerera ipapo vanokwanisa kuroorana zviri pamutemo. Mumashure maizvozvo havakwanisi kurambana vachizopinda mune dzimwe wanano.
Asi kana akasareurura izvozvo anenge aita chitsidzo chenhema wanano iyoyo inenge isina kusungwa zviri pamutemo. Kana murume akazozviziva pamberi anokwanisa kuramba mukadzi iyeye kana achida nokuti chitsidzo chenhema ichi hachina kumusunga. Saka anokwanisa kuroorazve.
MATEO 17:12 Asi ndinoti kwamuri, Eria wakatosvika, asi havana kumuziva, asi vakamuitira pavanoda napo. Saizvozvo vo Mwanakomana womunhu uchabva wotambudzwa navo.
13 Zvino vadzidzi vakanzwisisa kuti wakavaudza zvaJohane Mubapatidzi.
Saka nguva refu mumashure mekufa kwaJohane Mubapatidzi vadzidzi vakatanga kuziva kuti mutumwa aive asvika kwavari kare Kuuya kwekutanga kwaKristu kusati kwasvika, asi akafuratirwa zvakanyanya.
Nei? Johane aive apokana nemakereke ezuva iroro (aidaidzwa kuti masinagoge). Uye hakuna hunhu hwemunhu hunokunda kurarama pasi pekurwiswa nevanoenda kumakereke vanenge vachirwira tsika dzavo dzisimo muMagwaro.
Chero Jesu haana kurarama makore anodarika matatu nehafu. Vanoenda kusinagoge nevanoenda kuTembere vaive vaguta naye.
MARAKI 4:5 Tarira ndichakutumirai muprofita Eria, zuva iro guru raJEHOVA, rinotyisa risati rasvika.
6 Iye uchadzorera moyo yamadzibaba kuvana, nomoyo yavana kumadzibaba avo, kuti ndirege kuvuya ndirove nyika nokutsamwa.
Hushumiri huviri hwakapatsanurwa nemakore 2000 hunogona kutaurwa nezvahwo muvhesi rimwechete.
Kana muchifunga kuti hazvigoneki
ISAYA 61:2 Kuti ndiparidze gore rengoni dzaJEHOVA, nezuva rokutsiva raMwari wedu
RUKA 4:19 Nokuzivisa gore raShe rakanaka.
20 Akapeta bhuku, akaridzosera kumutariri, akagara pasi; meso avose vaive musinagoge akamutarisa.
21 Zvino akatanga kuvavudza achiti: Nhasi rugwaro urwu rwaitika munzeve dzenyu.
Jesu akangoverenga chikamu chekutanga chete chaISAYA 61:2 ndicho chaive hushumiri hwake hwenyasha netsitsi,
Hafu yepiri yevhesi 2 inotaura pamusoro penguva yeKutambudzika kukuru yaizoitika makore 2000 aizouya apo Mwari aizotsiva munguva yeKutambudzika.
Hushumiri hwaJohane Mubapatidzi naWilliam Branham hwakayananiswa
MARAKI 4:6 Iye uchadzorera moyo yamadzibaba kuvana, nomoyo yavana kumadzibaba avo,
Johane Mubapatidzi aingoita chete hafu yekutanga yevhesi iri. Akatendeutsira madzibaba echiJuda aisaterera kuvana vavo, Jesu nevadzidzi vake, sezvo vaive neruzivo rwechokwadi rwenguva yavo.
RUKA 1:17 Uchafamba pamberi pake noMweya nesimba raEria, kuti adzorere mwoyo yamadzibaba kuvana, navasingatereri kuvuchenjeri bwavakarurama, agadzirire Ishe vanhu vakamugadzirirwa kwazvo.
Izvi zvakasiya imwe hafu yaMARAKI 4:6 isina kuzadziswa.
Mapostora vaive vana vaidzidziswa naJesu, vakakura vakaita madzibaba enguva yekereke yekutanga. Isu panguva yekupedzisira ndisu vana vanofanira kudzorerwa kuzvitendero zveBhaibheri zvemadzibaba mapostora kupfurikidza dzidziso dzehama William Branham .
MARAKI 4:6 ... nomoyo yavana kumadzibaba avo,
JOBO 33:24 Mwari akamunzwira tsitsi, akati: Murwirei arege kuburukira kugomba, ndawana dzikinuro.
Tinoda munhu anotizivisa chokwadi cheBhaibheri kuti tisatsvedze tichienda nenzira yekumawere yekushaya Magwaro ine makereke anhasi.
Gomba risina muganhu rine sarudzo dzisingaperi nemifungo isingaperi inogutsa makereke akasiyana-siyana anodarika 45,000.
Mudzikinuri wedu akaripira muripo ndiJesu. Anotaura chete zvinowanikwa zvakanyorwa muBhaibheri.
JOHANE 16:13 Asi kana asvika, iye Mweya wazvokwadi, uchakutungamirirai muzvokwadi yose.
Chinangwa cheMweya Mutsvene chaive chekutitungamirira muchokwadi chose.
Nekufuratira zaruriro inouya nemuprofita wenguva yekupedzisira makereke anotadza kuturikira Magwaro pachavo.
Mwenga anotora zvakabatwa paitaura hama William Branham ozviyananisa nemavhesi akafanira muBhaibheri padzidziso yega yega. Nenzira iyoyo vanowana kunzwisisa zvinotaura nezvinoreva Magwaro.
Vanotenda kuMaridzo (End time Messangers) vanorasika pavanoedza kuvaka dzidziso kubva pamazwi avakabata paitaurwa kunyanya panowanikwa kumwe kutaura kuchirwisana pachako.
Mazwi anobatwa panotaurwa anofanira kuzivisa Magwaro. Kwete kutsiva Magwaro.
JOBO 33:25 Nyama yake ichava Itsva kupfuvura yomwana: Uchadzokera kumazuva ovuduku bwake.
Vakwegura vachava vana zvakare rini?
Vanhu vakuru vachava nenyama iri nani zvakare kudarika ine vana rini?
Panguva yerumuko panomuka vakafa nekushandurwa kwemiviri yevatsvene vanenge vachiri vapenyu.
Chinangwa chikuru chemuprofita wenguva yekupedzisira chaive chekuita kuti kereke yenguva yekupedzisira idzokere pakutenda kwenguva yekereke yekutanga.
Nguva yekereke yechinomwe kana yekupedzisira inoperera pakumutswa kwevakafa nekushandurwa kwevapenyu vanotenda vachipihwa miviri yakafuka kusavora.
Miviri mitsva yakafuka kusavora iyi ichava nani kwazvo kudarika miviri yevana vaduku.
Munhu wese achashandurwa achapihwa muviri mutsva unoratidzika seanamakore makumi maviri nemashanu apo vanhu vanenge vari pakusimba kwavo kwenyama.
I VAKORINTE 15:50 Zvino, hama dzangu, ndinoreva ndichiti; nyama neropa hazvingagari nhaka yovushe bwaMwari; kana kuvora hakungagari nhaka yokusavora.
Hakuna ropa kudenga.
Ropa rinoyanana nechivi chekutanga chinova chikonzero nei ropa rinofanira kudeurwa kuripira zvivi.
Guvhu, vanga risinganyanyi kuvonekwa, rinoramba riri chiratidzo chechikara pamiviri yedu.
Ndiwo mutongo wedu werufu. Kuberekwa nekusangana pabonde tinofanira kufa.
Ropa rakarurama chete raJesu ndiro chete rinoripira zvivi.
Miviri yedu mitsva inenge isina ropa mairi isina guvhu.
I VAKORINTE 15:51 Tarirai, ndinokuvudzai chakavanzika; hatingavati tose, asi tichashandurwa tose.
Kuvata mucherechedzo werufu.
Vatsvene vanorarama vachashandurwa kupiwa miviri isingafuki kuvora pachavuya Mwari.
I VAKORINTE 15:52 Pakarepo, nokubwaira kweziso, nehwamanda yokupedzisira, nokuti hwamanda icharira, ipapo vakafa vachamutswa nokusavora; nesu tichashandurwa.
Shanduko ichaitika pakarepo chinguvana.
Vakafa vachatanga kumutswa, vapenyu voshandurwa.
Kushandurwa panyama uyezve kushandurwa nzira yatinofunga nayo.
Saka musabatira pazvitendero zvekereke zvisimo muMagwaro zvakanyanya. Mafungiro edu achashanduka pakupedzisira.
Judasi aive mupostora akarasika pakupedzisira. Saka zviri nyore kurasika nzira yakanaka.
(Mutungamiri wenyika Trump anogara ari mumisoro yenhau. Zita rake chiratidzo chenguva here? Tatarisana nenguva yehwamanda “trump” inomutsa vakafa here?)
JOBO 33:26 Unonyengetera kuna Mwari, iye achimufarira: naizvozvo unotarisa chiso chake nomufaro, akadzosera munhu kururama kwake.
Vhesi iri rinotaura munhu mumwe nomumwe.
Hatiponeswe nekereke kana nemufundisi kana pasita.
Tinoponeswa nekutenda kwedu takazvimiririra mukutenda kwedu kuna Jesu Kristu kunobva paBhaibheri.
ZVAKAZARURWA 3:14 Nyorera mutumwa wekereke iri paRaodikia uti:
Pari kutaurwa pamusoro pemutumwa wechinomwe kana nhume kukereke yechinomwe kana kereke yekupedzisira.
Asi nhau yacho kana shoko ratumirwa rakaoma.
Jesu Kristu, Shoko raMwari, akamira kunze kwemukova wekereke.
Haasi kudiwa mukati mekereke.
Vanoenda kumakereke vanosarudza tsika dzekereke yavo dzisimo muMagwaro dzinovapa mbiri.
Saka Jesu ari kuedza kutsvaga anomudavira, kwete kukereke iri boka, asi munhu mumwe nemumwe ari mukereke.
ZVAKAZARURWA 3:20 Tarira, ndimire pamukova, ndichigogodza; kana munhu akanzwa izwi rangu , akazarura mukova, ndichapinda kwaari, ndicharayira naye, naiye neni.
21 Unokunda ndichamupa chinhu ichi, kuti agare neni pachigaro changu chovushe, senivo ndakakunda ndikagara pamwechete nababa vangu pachigaro chavo chovushe.
Munhu mumwe nomumwe anofanira kukunda chipingaidzo chekusatenda chakasimudzwa netsika dzemakereke dzisimo muMagwaro. Mukundi nhasi uno anofanira kugona kutenda kuBhaibheri zvakazara pamberi petsika dzekereke dzinopikisa Shoko.
Muvengi haasisiri kunze kwekereke.
Muvengi avamo mukereke.
Judasi aive mupostora, mutungamiri wekereke.
Aivewo nekubata kwakasimba panhava yemari.
Asi aida mari zhinji pakutengesa Jesu, Shoko.
Vatungamiri vemakereke havana kushanduka mukati memasenturi mazhinji.