Gabrieri akaudza Danieri remangwana reIsraeri

We update studies as the Lord Jesus leads us. You can find the latest update of this study at ChurchAges.net

MaJuda vasarirwa nemakore 490 emuBhaibheri anova makore 483 emakore edu

Kunzwisisa zvinhu zvitanhatu zvichiri kufanira kuitika kuIsraerri panguva yeKutambudzika kukuru.

Zuva rimwechete rinokwanisa kumiririra gore muzviprofita. Saka vhiki rinomiririra makore manomwe emuBhaibheri emazuva 360 pagore rimwechete.

Makore edu echiRoma ane mazuva 365.24.

Saka makore 70 emuBhaibheri ega ega anoenzana nemakore edu 69 echiRoma.

Mumakore 490 emuBhaibheri tinorasikirwa nemakore toti 490/70= 7 emakore edu isu vaHedeni.

Saka makore 490 emuBhaibheri anoita makore 483 edu isu.

DANIERI 9:24 Vhiki dzinamakumi manomwe dzakatemerwa vanhu vako neguta rako dzvene,

Nehemia akarairwa kuti avakazve masvingo eJerusarema muna 446 BC.

Zvichibva kuna Dhokotera Scofield, Maraki akaprofita mugore 397 BC. Makore 49 kana kuti mavhiki manomwe.

Saka, kwemakore 49 maJuda aitarisira nhungamiri yemweya.

DANIERI 9:25 Naizvozvo chiziva unzwisise, kuti kubva pakutemwa kwomurayiro wokuvandudza nokuvaka Jerusaremu kusvikira kune wakazodzwa, iye muchinda, zvichaita vhiki nomwe; uye vhiki dzina makumi matanhatu nembiri dzichavapo dzokuvakwa kwaro, rine misika nemigwagwa, asi zvichaitwa nenguva yokutambudzika.

Mavhiki manomwe ehutungamiri hwechiprofita nemavhiki 62 pasina kana chiprofita.

7 + 62 = mavhiki 69 = mazuva 483 kana kuti makore emuBhaibheri.

Asi pakarenda redu reRoma, tinenge tiri nemakore mashoma nemakore manomwe.

Saka, tinoona makore 69 emuBhaibheri achitora 483 – 7 = makore 476.

Makore echiRoma 476 = 446 BC + 30 AD

Saka Messiasi aizosvika gore rinenge 30 AD.

RUKA 3:23 Zvino iye Jesu wakanga anamakore anenge makumi matatu,

Mwedzi mitanhatu izvi zvisati zvaitika, muprofita Johane Mubapatidzi aizozunza maJuda muna 29 AD.

Negore rinenge AD 30 kune makore manomwe aive asarira maJuda Jesu asati agadza Mereniyamu yemakore 1000 erugare maJuda aizotonga nyika.

Nhorondo yanga yasara yemaJuda yaive yakaputirwa mumavhiki 70 kana kuti 70 x 7 = mazuva 490.

Kutsigira kuti zuva rinogona kumiririra gore muchiprofita.

GENESISI 29:27 Pedzisa vhiki yewaniso naiyeyu, tigokupa mumwewo pamusoro pebasa rauchandibatira mamwe makore manomwezve."

Mazuva manomwe anomiririra makore manomwe.

Tinogona kutora mavhiki 70 semakore 490 emazuva 360.

Nei gore remuBhaibheri riine mazuva 360?

Zvakazarurwa 11:2-3 anotsanangura nguva yeKutambudzika kukuru senguva yemwedzi 42 kana mazuva 1260.

Saka mwedzi mumwechete unofanira kuita mazuva 30.

Gore remwedzi 12 rinozoita mazuva 360.

ZVAKAZARURWA 11:2 Asi siya ruvazhe ruri kunze kwetembere, usaruyera; nokuti rwakapiwa vahedheni; vachatsika guta dzvene mwedzi inamakumi mana nemiviri.

3 Ndichapa zvapupu zvangu zviviri simba kuti zviporofite, zvakapfeka masaga, mazuva anechuru chinamazana maviri namakumi matanhatu.

Siko zvinoreva kuti 20. masiko matatu ndiwo 3 x 20 = 60.

Izvi zvinoita mazuva 1260.

Zvapupu zviviri ndiwo maprofita maviri, Mosesi naHerija.

DANIERI 9:24 Vhiki dzinamakumi manomwe dzakatemerwa vanhu vako neguta rako dzvene, kupedzisa kudarika nokugumisa zvivi, nokuyananisira zvakaipa, nokuuyisa kururama kusingaperi, nokusimbisa zvakaratidzwa nouporofita, nokuzodza nzvimbo tsvene-tsvene.

Mavhiki 69 nehafu aive adarika pakarovererwa Jesu pamuchinjikwa mumashure mehushumiri hwemakore matatu nehafu.

[Tarisai zvinhu izvi pachidzidzo chinononzi: Kunzwisisa Nguva dzemavhiki makumi manomwe aDanieri]

“Vanhu vako” ndiwo maJuda anoyananiswa neguta reJerusarema.

61-07-30 KURAIRA KWAGABRIERI KUNA DANIERI

Wozivisa chinhu chekuti Mwari anoshanda chete nemaJuda kana vari munyika mavo.

 ... Mwari haana kubvira abata pamaJuda vari kunze kweParestina. Messiasi paaka ... paakagurirwa panzira (asingagurirwi kuda kwake iye, asi kwedu) ... Israeri yakaparadzwa, haisati yatodzoka kumusha kwayo kwasara makore mashoma. Saka, nguva yaisaverengwa kwavari munguva dzemakereke.

Nguva yaMwari kumaJuda yakamiswa paCalvari ichatangidza zvakare kana Nguva yeKutambudzika kukuru ikatanga.

Pakati peCalvari nenguva yeKutambudzika kukuru, tine nguva nomwe dzemakereke apo Mwari vanobvisa kereke yevaHedeni.

Vhiki rekupedzisira (makore manomwe) emavhiki makumi manomwe aDanieri (makore 490 emuBhaibheri) anopatsanurwa nepakati.

Makore matatu nehafu ekutanga aive hushumiri hwaJesu. Makore matatu nehafu ekupedzisira achave nguva yeKutambudzika kukuru.

Danieri 7:25 inotaura pamusoro “pekugovaniswa kwenguva”.

Izvi zvinomiririra nguva nomwe dzemakereke sezvo dzichigovanisa vhiki rekupedzisira (nguva) kuriita mahafu maviri evhiki.

Jesu akaita hushumiri hwemakore matatu nehafu, maJuda akabviswa kwenguva nomwe dzemakereke.

Nguva dzemakereke dzinopera apo Repucha (sekudaidzwa kwazvinoitwa neruzhinji) painoitika kereke yotorwa kukwira Kudenga.

Evangeri rinobva radzokera kuvaJuda kunopedzisa makore matatu nehafu emunguva yeKutambudzika kukuru.

Makore matatu nehafu enguva yeKutambudzika kukuru nekutanga kweMereniyamu, makore 1000 erugare, ndipo Danieri akaisa zviitiko zvitanhatu zvichaitika.

Maprofita maviri, Mosesi naErija, anoendesa Evangeri kumaJuda kuitira kuti vadaidze maJuda 144,000.

Pfupiso duku yezviitiko zvitanhatu senhanganyaya

Zviitiko zvinotevera zvinofanira kuitika kumaJuda munguva yeKutambudzika Kukuru.

1. kugumisa kudarika.

Muprista mukuru Kefasi akazvidza Messiasi muna AD 33 akagumisa Murairo. Izvi zvakagumisa Murairo waMwari.

Mwari akapofomadza maJuda kuti varambe Messiasi maJuda akaparadzirwa mugore AD 70 nemukuru wemauto eRoma, Tito. Mubati weRoma Hadrian akaendesa maJuda aive asara muhupoteri muna AD 135. Apa aive Mwari achiratidzira kuparadza davi remaJuda pamuti wake wemuvonde.

MaJuda vanofanira kudzorerwa pamuvonde pavakabviswa naMwari. Saka Mwari achadzosa shure kuita uku. Achidzosa maJuda kunyika yavo kwaakambovabvisa mairi. Mwari achavavhura meso avo. Jesu anoramba achirapa mapofu semucherechedzo wepaacharapa hupofu hwerudzi rwevaIsraeri.

Kana maJuda adzokera muIsraeri Mwari anobva adzora rudzi urwu rwese Kwaari.

Kudarika kunogumiswa kana maJuda adzoka ese muNyika yeChipikirwa Mwari achishandisa maprofita maviri, Mosesi naErija, kuvhura meso avo kuti vaone chokwadi.

2. Kugumisa zvivi.

Zvivi ndiko kusatenda.

MaJuda havana kutenda kuti Jesu akafa kuti avaponese kubva kuzvivi.

Vakati, “Ropa rake ngarive pamusoro pedu nepevana vedu”.

MATEO 27:25 Vanhu vose vakapindura vakati, ropa rake ngarive pamusoro pedu navana vedu!

Vaida havo kuzvitorera mhosva yekufa kwaMessiasi.

GENESISI 9:6 Ani naani anoteura ropa romunhu, ropa rake richateurwawo nomunhu;

MaJuda vakakumbira rufu rwaJesu. Kutsiva izvi mwari akakumbira rufu rwavo.

Asi ropa ndiro rinogara hupenyu hwemunhu. Saka kuuraya munhu chinhu chakaoma kwazvo chisina kupfava kana kukasika machiri.

REVITIKO 17:14 Nokuti kana huri upenyu hwenyama yose, ropa razvo ndihwo upenyu hwazvo,

Kukumbira “ropa -kutsiva -ropa” zvinooma kwazvo kwatiri isu vanhu kuti tizvigone. Zvinhu zvizhinji zvinobatwa panyaya idzi.

Saka tinoda mutongi, Shoko raMwari, kuti ritiudze kuti sarudzo yaMwari panyaya iyi ndeyekutii.

DEUTERONOMIO 17:8 "Kana mhaka ikamuka yamusingagoni kutonga, kana yokuurayana, dziri mhaka dzenharo pakati pamasuo ako; ipapo unofanira kusimuka nokukwira kunzvimbo ichatsaurwa naJEHOVA Mwari wako;

9 Uende kuvapristi vaRevi, nokumutongi uchavapo pamazuva iwayo, ubvunze; ivo vachakuzivisa kutonga kwakafanira

10 Zvino unofanira kuita sezvavanokutongera panzvimbo ichatsaurwa naJEHOVA; uchenjere kuti uite sezvavanokudzidzisa;

Mutongi wechokwadi ndiro Shoko raMwari.

JOHANE 12:48 ... shoko randakareva ndiro richamutonga nezuva rokupedzisira.

Bhaibheri rinotii nezveruponeso rwevaJuda? Kunyanya pakukumbira kwavakaita Ropa raJesu.

Zvichaitei paropa ravo ivo?

Tinoda kutsvaga izvozvo.

Zvinoita sekuti kuti vaponeswe, maJuda vanoterera vanofanira kuvurawa, nekuda kwekungoti maJuda.

MaJuda 6 miriyoni vakafa paHorokasiti yaHitira vakawana kuti rufu rwavo rwairwadza ndirwo rwaive pasipoti yavo yekupinda Denga.

Horokasiti yaive kuratidzirwa kwenguva yeKutambudzika yakaipisisa apo Mwari anodzokera kumaJuda kwemakore matatu nehafu.

Ichave nguva yekuuraiwa kwevanhu kukuru. Asi maJuda akarurama vanouraiwa vanoenda Kudenga.

Chisimbiso chechishanu chinoratidza maJuda vakaurayirwa Shoko vachiwana nguvo chena Kudenga.

Satani anovenga maJuda. Asi pakuvauraya anenge avaitira zvakanaka nekuti zvinozarura masuwo avo ekupinda Denga.

Maprofita maviri, Mosesi naErija, vachavatungamirira kuchokwadi saka izvi zvinogumisa chivi chekusatenda.

ZEKARIA 13:7 Muka, iwe munondo, urwe nomufudzi wangu, uye munhu shamwari yangu, ndizvo zvinotaura JEHOVA wehondo, rova mufudzi, makwai agoparadzirwa; ini ndichatambanudzira ruoko rwangu kuvaduku.

Makwai akapararira evana vaIsraeri anodzoka kuNyika yeChipikirwa.

ZEKARIA 13:8 Zvino munyika yose ndizvo zvinotaura JEHOVA migove miviri ichaparadzwa ndokufa; asi wechitatu acharegwamo.

Zvikamu zviviri muzvikamu zvitatu zvemaJuda vachavurawa munguva yeKutambudzika kukuru. Asi ndiwo mapindiro anoita maJuda Denga.

Chikamu chimwechete chemaJuda vachararama mumakore matatu nehafu enguva yeKutambudzika kukuru.

Nenguva yavanoona Jesu achiparadza hondo yaAntikristu paAmagedhoni, vanova vateveri vake vakasimba vanopinda muMereniyamu kana makore 1000 erugare.

ZEKARIA 13:9 Mugove wechitatu ndichaupinza mumoto, ndichavanatsa sezvinonatswa sirivha, ndichavaidza sezvinoidzwa ndarama. Vachadana zita rangu, ini ndichavanzwa; ini ndichati, `Ndivo vanhu vangu,' ivo vachati, `Jehovha ndiMwari wangu.'

Kana makore matatu nehafu ekutambudzika apera chetatu chevaIsraeri chichagara chiri vanhu vaMwari munguva yavo muMereniyamu. Seavo Mvura zhinji isati yauya, vachararama makore anoda kukwana 1000 vasati vafa.

3. Kururamisira matadzo.

Matadzo kuziva kuti chinhu ichi chakaipa wochiita zvakadaro.

Ndiyo Calvari. Pirato akanga awana Jesu asina mhaka. Asi maJuda aida kumuuraya zvakaipisisa zvekuti vakakumbira kufa kwake.

Pirato akaita kuti Jesu arohwe nezvava 39 asati auraiwa.

Uku kwaive kuipiswa kwakazara kwekuyananisirwa.

Aasi ndizvo zvakakumbirwa nemaJuda. Kuedza nekurangwa kwaJesu aive matadzo evanhu.

MaJuda akasara achachema nekuungudza kana vakaziva mavanga ezvipikiri ari mumavoko ake.

ZEKARIA 13:6 Kana mumwe akati kwaari, `Ko mavanga awa ari pakati pezvanza zvako ndeeiko?' Ipapo achapindura, achiti, `Ndipo pandakakuvadzwa mumba meshamwari dzangu.

Kutendeuka kwavo vachizvipira kuchagumisa matadzo avo.

ZEKARIA 12:11 "Nezuva iro paJerusaremu pachava nokuchema kukuru, sokuchema kweHadhadhihimoni mumupata waMegidoni.

12 Nyika ichachema, veimba imwe neimwe vari voga; veimba yaDavidi vari voga, navakadzi vavo vari voga, veimba yaNatani vari voga, navakadzi vavo vari voga;

4. Nekuunza kururama kusingagumi

“Kusingagumi” zvinoreva kuti kusvika pakutsakatika. Zvisinei nekuti zvinotora nguva yakawanda sei kuti musvikepo.

Kuchava nehutsvene kwemakore 1000.

Satani ndiye honzeri yehondo nekurwisana.

Saka Diaborosi anosimbiswa mugomba risina magumo.

Jesu anogadzwa kuva Mambo pachigaro chake cheHushe.

Mambo akarurama, mutsvene muMereniyamu, kusina kuita kwakaipa. Chii chingave nani kudarika apa?

Izvi zvichavapo kwemakore 1000.

Asi kana Diaborosi anosunungurwa, vamwe vazhinji vose vakararama hupenyu hwavo hwese murugare, mukuchengetedzeka nekugadzikika nemurugare vachamhanyira kumureza waSatani.

Saka, hakuna tariro kurudzi rwevanhu. Zviri muhunhu hwevanhu kusarudza mhondi Baraba pachinzvimbo cheMunhu weHupenyu, Jesu.

5. Kusimbisa zviratidzo nezvakaprofitwa,

zvakaprofitwa naDanieri zvakasimbiswa kusvika panguva yekupedzisira.

Hama Branham vakazivisa zvakavanzika zveBhaibheri zvaidiwa kuti zvizivikanwe neMwenga kuti agadzirire Kuuya kwaShe.

Asi haana kubvira azivisa kuti Kutinhira kunomwe chii kana kuti kwakareva kutii.

Haana kubvira azivisa Chisimbiso cheChinomwe chinova Kuuya kwaShe.

Haana kubvira azivisa zita idzva raJesu.

Zvakavanzika zvichaziviswa chete panguva yeKuuya kwaShe.

Hama Branham havana kubvira vazivisa zvakavanzika zveHwamanda nomwe neNdiro nomwe.

Zviitiko izvi zvinoitika munguva yeKutambudzika zvichaziviswa nemaprofita maviri, Mosesi naErija, vachazivisa maJuda 144,000 kuna Messiasi wavo, Jesu Kristu.

Zvakavanzika zvekupedzisira zvemakore matatu nehafu hazvizivikanwe kwatiri nekuti hazvina chekuita nesu. Mwenga wechokwadi achange ari Kudenga apo zvakavanzika zvenguva huru yeKutambudzika zvichaziviswa nemaprofita maviri kumaJuda.

Ipapo zvakavanzika zvese, kusanganisira Kutambudzika kukuru, zvichaziviswa pakupedzisira.

6. NekuzodzaNzvimbo Tsvene tsvene.

Iyi iTembere ichava nzvimbo huru yekunamatira mumakore 1000 erugare.

VaHedeni vasina kubvira vanzwa Evangeri vakararama paAmagedhoni vachava marudzi achatongwa neMwenga nemaJuda vachishandisa tsvimbo yedare muMereniyamu.

Vachada ropa rezvipiriso kunoripira zvivi zvavo nekuti ropa raJesu rinenge risisiri pachigaro chenyasha.

Tembere ichave yakavakwa zvichida neMweya unoshamisa naJesu nekuti pasina zvipiriso zveropa, vaya mahedeni vanenge vararama vanenge vasina kuregererwa kwezvivi panguva iyi.

Izvi ndizvo zviitiko zvikuru zvitanhatu zvinofanira kuitika kumaJuda munguva yeKutambudzika nenguva dzinotevera.

Ngatizviongororei kuti zvijeke mupfungwa dzedu.

1. Kugumisa kudarika.

DANIERI 9:24 Vhiki dzinamakumi manomwe dzakatemerwa vanhu vako neguta rako dzvene, kupedzisa kudarika nokugumisa zvivi,

MaJuda ndivo davi rakatemwa naMwari kuti agone kuisa isu vaHedeni pamuvonde, zvanga zvisina kufanira kuhupenyu hwedu.

Asi kereke yevaHedeni payakasairira Kristu kunze kwemukova wekereke munguva yekereke yekupedzisira yeRaodikia, Mwari achabvisa zvakare davi revaHedeni odzorera maJuda pamuti.

ZVAKAZARURWA 3:20 Tarira, ndimire pamukova, ndichigogodza;

Kristu ari kugogodza pamukova wekereke, kwete pamukova wemoyo wemutadzi.

VAROMA 11:24 Nokuti kana iwe wakatemwa kumuorivhi, uri wokudondo pakusikwa kwawo, ukabatanidzwa pamuorivhi wakanaka, zvichipesana nokusikwa kwazvo zvikuru sei ava vari matavi awo,vangabatanidzwa pamuorivhi wavo?

25 Nokuti hama dzangu, handidi kuti musaziva chakavanzika ichi, kuti murege kuva namanyawi; kuti kuwomeswa kwomoyo kwakavuya pamusoro pavamwe vavaIsraeri kusvikira kuzara kwavahedheni kwapinda;

26 naizvozvo rudzi rwose rwavaIsraeri ruchaponeswa; sezvazvakanyorwa zvichinzi: PaZiyoni pachabuda Musununguri; Uchabvisa kusada Mwari kunaJakobo;

Kudzorera maJuda pamuorivi kunogumisa kudarika kwavo.

61-0730 ZVINANGWA ZVITANHATU ZVEKUSHANYA KWAGABRIERI KUNA DANIERI

“Kupedzisa kudarika” kunobvisa kusanamata kuna Jakobo. VaIsraeri vose vanozvarwa patsva. Vese vachagamuchira Mweya Mutsvene.

... Mwari anovabvisa nekuziva nekuvapofomadza meso avo kuti isu tiwane mukana wekuona, zvotipa mukana; tofamba sevamwe vanhu. Pauro anovaudza pano: “Chenjerai kuita kwenyu. Chenjerai nekuti kana Mwari akatema davi romuorivhi, angarega sei akava netsitsi nemuti wemudondo.

Nei Mwari achigona kuponesa vaIsraeri munguva yeKutambudzika Kukuru paanenge asisiri pachigaro chenyasha?

Nekuti Mwari akavapofomadza mukati memakore matatu nehafu ehushumiri hwaJesu.

Akavapofomadza kupfurikidza kureruka kwehushumiri hwaJesu.

MaJuda akavenga maRoma aivarwisa saka vaida Messiasi kuti akurire vaRoma.

Asi Messiasi akauya akaita tsitsi kuvarombo akarega kurwisa vaRoma. Kuzviipisa kwaakaita, Messiasi akatuka vatungamiri vezvitendero zvechiJuda kuti vanyengeri. Akakandira kunze vaitsinhana mari muTembere.

MaJuda akatendera ruvengo rwavo rwavaive narwo rwezvematongerwo enyika pamusoro peRoma kuvapofomadza kuti vasaone zano raMwari.

MaJuda vaive nehusimbe hwekutsvaga Magwaro saka vakangosiira vaPrista vaFarise nevaSedusse basa rese.

Vatungamiri vezvitendero ava, vachikurudzirwa nerudo rwemari nesimba, vakatungamirira maJuda kubva paMagwaro matsvene.

Asi maJuda haana kuzvida kunzwa Jesu achizvidza vatungamiri vezvitendero zvavo nevose vavaivimba mavari.

Izvi zvakabva zvasiyana zvakazara nezvaitarisirwa naMessiasi kuti vaite, zvekuti vakatuka Jesu.

Vaifunga kuti Messiasi achavachengetedza kubva kumaRoma achitenderana nechiprista.

Havana kuziva kuti Messiasi achauya kuzotuka chiprista chemuTembere chaive nehuwori. VaFarise, vaSedusse, nana Rabi havana kutaurwa muTestamente Yekare. Saka hutungamiri hwese hwaivepo hauna kubva muMagwaro.

Vatungamiri vezvitendero zvavo vaive varipo kutungamirira maJuda kuti varambe Jesu vachisarudza munhu werufu.

MARKO 15:11 Zvino vaPrista vakuru vakakurudzira vanhu vazhinji, kuti vakumbire kuti zvirinani (Pirato) avasunungurire Barabasi.

Ruka 23:18 – 19 inotiudza kuti Baraba aive mhondi.

Saka maJuda akasarudza rufu pachinzvimbo chehupenyu.

MuPrista Mukuru Kefasi akagumisa Murairo paakabvarura nguvo dzake.

MATEO 26:65 Ipapo muPrista mukuru akabvarura nguvo dzake

REVITIKO 21:10 "Munhu, ari mupristi mukuru pakati pehama dzake, ... ngaarege kusunungura vhudzi romusoro wake, kana kubvarura nguvo dzake.

Ruvengo rwevatungamiriri vezvitendero vachipikisa chokwadi chekuti Jesu aive Messiasi, rwakabatsira kupofomadza maJuda kuchokwadi.

(Nhasi vatungamiri vemakereke vanopikisa zvakazara Bhaibheri reKing James Vhezheni vachiti harisi chokwadi Chikuru.)

Vagara vari vatungamiri vezvitendero vanorasisa vanhu.

Mwari vakadaira kubvarura kwakaita mukuru wechitendero nguvo dzake nekubvarura chidzitiro cheTembere vachitendeuka kubva kumaJuda kuenda kunotanga kereke yaizova yakawanda vaHedeni apo nhorondo yemakore 2000 ekereke yairudunurwa.

MATEO 27:51 Ipapo tarira chidzitiro chetembere chakabvaruka napakati,

Saka achishandisa maprofita maviri, Mwari achatendeukira kudzokera kumaJuda.

Maprofita maviri aya achashandisa simba ravo rinoshamisa kukanganisa mamiriro ezvinhu panyika kuti vachengetedze maJuda kubva pakurwiswa kunoitwa Israeri.

ZVAKAZARURWA 11:5 Kana kunomunhu unoda kuvakuvadza, moto uchabuda mumiromo yavo uchiparadza vavengi vavo; kana kunomunhu unoda kuvakuvadza, unofanira kuvurawa saizvozvo.

6 Vanesimba rokuzarira denga, kuti mvura irege kunaya namazuva okuporofita kwavo; vanesimba pamusoro pemvura kuti vaishandure ive ropa, nokurova nyika namadambudziko ose nenguva dzose dzavanoda.

MaJuda vachaona kuti Mwari ari kudzokera kwavari.

Mwari ane zano rekudzorera maJuda kwaari.

2. Kugumisa zvivi

DANIEL 9:24 Vhiki dzinamakumi manomwe dzakatemerwa vanhu vako neguta rako dzvene, kupedzisa kudarika nokugumisa zvivi, ...

61 – 0730 ZVINANGWA ZVITANHATU ZVEKUSHANYA KWAGABRIERI KUNA DANIERI

... Nekugumisa zvivi. Israeri yakatadza papi? Vakarasikira papi pavakaita chivi chavo chikuru? Vakazvipatsanura kubva kuna Mwari papi?

... Tererai. Kukanganisa kwavo kuri pano; ichi ndicho chivi chavo.

Vanhu vakadavira, vakati, Ropa rake ngarive pamusoro pedu, nepamusoro pevana vedu.

... Akaita sei zvimwe zvese asina kuvaregerera, achiziva kuti Aizovapofomadza neso avo kuti isu tipinde. Zvakafanana nekuti vana vake vakakumbira kufa kwake Ropa rake. Vakapofomadzwa, akaziva kuti vaive vapofomadzwa. Ndicho chikonzero nei akachemera kuti varegererwe: Varegererei, Baba, nekuti havana chavanoziva.” vakapofomadzwa. Nekuda kwedu vakapofomadzwa. Mukusatenda kwavo vakaita izvozvo. Asi pavachamuona zvakare.

... kugumisa zvivi. Chii chinonzi chivi? Kusatenda. Havana kutenda kuti aive Messiasi. Havana kugona kumuona ari Messiasi, asi akaita zviratidzo zvese zvaikwanisa kuitwa naMessiasi. Asi havana kuzviona. Vaive vapofomadzwa.

Kugumisa zvivi, zvekusatenda. Ndizvo zvaari kuvinga.

Kuti zvivi zvigumiswe, ruregerero runofanira kugamuchirwa.

Kana munhu akavenga mumwe munhu akamuuraya, munhu iyeye anofanira kufa.

DEUTERONOMIO 19:10 kuti ropa romunhu usine mhosva rirege kuteurwa panyika yako, yaunopiwa naJEHOVA Mwari wako, kuti ive yako; kuti nokudaro ropa rirege kuva pamusoro pako.

11 "Asi kana munhu upi noupi akavenga wokwake, akamuvandira, akamumukira, ndokumurova akafa, kana iye akatizira kune rimwe ramaguta awa;

12 ipapo vakuru veguta rake vanofanira kutuma munhu kundomutorako, vagomuisa mumaoko omutsivi weropa, afe.

Saka maJuda vakakumbira rufu rwaJesu vaifanirawo kufa.

Ropa rinotsiviwa. MaJuda akadeura Ropa raMwari saka Mwari anodawo ropa remaJuda.

MABASA 20: 28 Zvichenjererei imi, neboka rose ramakaitwa vatariri varo noMweya Mutsene, kuti mufudze kereke yaMwari, yaakatenga neropa rake.

Asi chinhu chimwechete chakanakira kudeuka kweRopa raJesu ndechekuti rakaponesawo kereke yevaHedeni.

Saka Mwari akashandisa zvivi zvemaJuda kuti zvishandire zvakanaka kurutivi rwake.

(Chidzidzo: Kana ukazama kupikisa Mwari munoguma mangoita zvaanoda kuti zviitwe.)

Saka Jesu akapedzisira aregerera maJuda.

RUKA 23:34 Ipapo Jesu akati: Baba, muvakanganwire, nokuti havazivi chavanoita.

Ropa raJesu chete ndiro rinokwanisa kutisunungura.

Asi pasi pemurairo, ropa rinotsiviwa neropa.

Saka Mwari anoda maJuda anozvirereka kuti vafire kutenda kwavo kuti vagozviwanira kupona kubva parufu rwaJesu.

Nekuti Mwari akavapofomadza, Mwari achavatonga zvichibva pakururama kwekutenda kwavo. Tichiwedzera, murairo wakaputswa naKefasi Tembere yavo ikaparadzwa. Pasina Tembere, havagoni kurarama zvakarurama achishandisa Murairo. Zvakare, kubva pakufa kwaJesu, zvipiriso zvese hazvichareva chinhu.

DANIERI 9:27 Zvino iye achaita sungano yakasimba navazhinji vhiki imwe; pakati pevhiki achagumisa chibayiro nechipo,

Mwari ane sungano yemakore manomwe nemaJuda. Vhiki iroro rapakati, mumashure memakore matatu nehafu, Jesu akabva afa.

Chipiriso chake chikuru chakagumisa zvipiriso zvese zvemaJuda zvemhuka.

Chibairo chipo chinopirwa kuna Mwari. Zvipiriso zvese zvemaJuda zvakagumiswa paCalvari.

Saka, Munguva nomwe dzemakereke, maJuda anofanira kuzvirereka zvakanyanya mune zvavanotenda mazviri vorarama maringe nezvakanyorwa muTestamente Yekare nepavanogona napo.

Asi vanofanira kuvurawa kuti vasunungurwe kubva kumhosva yeRopa yekuuraya Messiasi, zvakakumbirwa nemaJuda kuti mhosva yacho iiswe pamusoro pavo, mazuva aPontiasi Pirato.

Zvisinei, Mwari achashanda nemaJuda munyika yechipikirwa.

Saka, kana nguva yeKutambudzika kukuru ikatanga, vanofanira kudzokera kuIsraeri.

Zviitiko zvakakosha nhasi ndiko kudzokera kwemaJuda kuIsraeri nekuonekwa kwakaitwa Jerusarema seguta guru reIsraeri nemutungamiri wenyika Trump.

Mumazuva aMosesi paakatungamirira Eksodo yekutanga maJuda achienda kuIsraeri, Mwari akati.

NUMERI 10:2 "Uzviitire hwamanda mbiri dzesirivha; unofanira kudziita nesirivha yakapambadzirwa; idzo dzinofanira kukubatsira kudana ungano nokuraira kuti mapoka afambe.

3 Kana vachidziridza ungano yose inofanira kuungana kwauri pamukova wetende rokusangana.

Hwamanda mbiri dzinofanira kuridzwa kuunganidza ungano pamwechete.

Hwamanda mbiri idzi dzinomiririra maprofita, Mosesi naErija.

EKSODO 9:23 Mozisi akatambanudzira tsvimbo yake kudenga, JEHOVA akatuma kutinhira nechimvuramabwe, moto wemheni ukarova pasi. Jehovha akanaisa chimvuramabwe panyika

24 Chimvuramabwe chikavapo, nomoto wakavengana nechimvuramabwe, chikanyanya kwazvo, chisina kumbovapo panyika yose yeEgipiti, kubva pakutanga kworudzi ipapo.

Chiratidzo chimwechete cheEksodo chaive chimvuramabwe chine moto.

Hwamanda nomwe dzicharidzwa munguva yeKutambudzika kukuru, inotanga kuna Zvakazarurwa Chitsauko 8.

Hwamanda yekutanga ichange iri chimvuramabwe chakasangana nemoto.

Izvi zvichazivisa maJuda mazhinji kuti rumwe rwendo rwekuenda Israeri rwatanga. Nekudaro, vazhinji vachadzokera kuIsraeri kunotsvaga Mosesi.

ZVAKAZARURWA 8:7 Wokutanga wakaridza, kukavuya chimvuramabwe nomoto zvakavhenganiswa neropa, zvikakandirwa panyika; ipapo chetatu chenyika chikatsva, nechetatu chemiti chikatsva,novuswa, bwutema bwose bwakatswa.

ZVAKAZARURWA 8:6 Vanesimba rokuzarira denga, kuti mvura irege kunaya namazuva okuporofita kwavo; vanesimba pamusoro pemvura kuti vaishandure ive ropa, nokurova nyika namadambudziko ose nenguva dzose dzavanoda.

Mosesi naErija vachashandura mvura kuiita ropa munguva yeKutambudzika.

ZVAKAZARURWA 8:8 Zvino mutumwa wechipiri wakaridza, chimwe chakaita segomo guru rinopfuta nomoto chikakandwa mugungwa; ipapo chetatu chegungwa chikashanduka ropa;

Hwamanda yechipiri inoshandura mvura kuita ropa sezvakaitwa naMosesi pamberi paFarao.

Izvi zvichakurudzira maJuda mazhinji kuti adzokere kuIsraeri.

Hwamanda nomwe zviitiko zveMweya zvichamanikidza maJuda kudzokera kuIsraeri.

Nguva yeKutambudzika kukuru inotanga kana Satani akakandwa panyika kubva Kudenga. Parizvino ane mukana wekusvika kudenga nekuti anenge ari mupomeri wehama.

Asi kana Mwenga ava nemiviri mitsva anenge asununguka kubva kuzvivi pasisina kupomerwa kuchaitwa kwavari.

ZVAKAZARURWA 12:12 Saka farai kudenga nemi munogara’ko. Munenhamo imi nyika navanogara panyika negungwa, nokuti mweya wakaipa wakaburukira kwamuri, akatsamwa kwazvo, nokuti unoziva kuti uchinenguva duku.

Satani ane makore matatu nehafu chete kuti atore nyika. Saka achange akatsamwa kwazvo.

ZVAKAZARURWA 12:13 Shato yakati yavona kuti yakandirwa pasi panyika, ikatambudza mukadzi wakazvara mwana womukomana.

Mukadzi ndiyo Israeri.

Makore matatu nehafu enguva yeKutambudzika kukuru achaitwa naPope waantikristu achiedza kuparadza Israeri.

ZVAKAZARURWA 12:14 Ipapo mukadzi akapiwa mapapiro maviri egondo guru, kuti abururukire kurenje kunzvimbo yake, kwaanochengeterwa nguva nedzimwe nguva nehafu yenguva, kwaasingavonekwi nenyoka.

Renje remweya ndeapo Israeri inorambwa nemarudzi ese.

Gondo rinomiririra muprofita. Maonero aro akapinza anomiririra maonero akadzama muSkoko raMwari zvinogona kuzadziswa nemuprofita chete.

Mapapiro maviri anomiririra Mosesi naErija.

Vane simba guru kwazvo rinogona kushandura mamiriro ezvinhu panyika.

ZVAKAZARURWA 11:6 Vanesimba rokuzarira denga, kuti mvura irege kunaya namazuva okuporofita kwavo; vanesimba pamusoro pemvura kuti vaishandure ive ropa, nokurova nyika namadambudziko ose nenguva dzose dzavanoda.

Ikozvino tinofanira kutendeukira kuMutongi mukuru, Shoko raMwari.

MaJuda anokwanisa here kuponeswa tichitarisa kuti vakaroverera Messiasi wavo?

ZVAKAZARURWA 6:9 Wakati azarura chisimbiso chechishanu, ndikavona panyasi pearitari mweya yavanhu vakanga vavurawa nokuda kweshoko raMwari, nokupupura kwavo kwavakapupura;

Kune zvisikwa zvina zvinorarama zviri kuchengetedza kereke yevaHedeni mukati menguva nomwe dzemakereke dzinopera kana kereke yechokwadi yatorwa kukwira kudenga.

Chisimbiso chechishanu chinozaruka kunenge kusina zvisikwa zvinorarama. Saka iri rinenge rave rimwe boka, kwete kereke.

Vese umwe neumwe ane kupupura kwake. MaKristu anenge angori nekupupura kwaJesu uye kuti akavabatsira sei.

Rimwe boka rinodiwa naMwari ndiwo maJuda.

ZVAKAZARURWA 6:10 vakadana nenzwi guru vachiti: Tenzi mutsvene wazvokwadi, mucharega kutonga vanogara panyika nokuvatsiva ropa redu kusvikira riniko?

Vanhu ava vakaurayirwa kutenda kwavo. Vanokumbira kutsiva.

MaKristu saStefani muKristu wekutanga kuurairwa Shoko, akafa achikumbira kuti vakamuuraya varegererwe.

Asi maJuda vane muRairo.

EKSODO 21:24 Ziso neziso, zino nezino,

Saka maJuda anotenderwa kukumbira kutsiva.

Saka aya maJuda vakaurairwa kutenda kwavo vakaurayiwa munguva dzemakereke.

Zvisinei nekuti vakauraya Jesu, kana vakava vanoterera vakaurayirwa kutenda kwavo, Mwari anovapawo ruponeso.

Vasina kufanira, vakapiwa nguwo chena. Nguvo idzi hadzina kushandirwa uye vaive vasina kudzifanira.

ZVAKAZARURWA 6:11 Ipapo mumwe nomumwe wavo wakapiwa nguvo chena; vakavudzwa kuti vambozorora chinguva chiduku, kusvikira vamwe varanda pamwe chete navo nehama dzavo, dzaifanira kuvurawa saivo, varinganiswa vose.

MaJuda aya ndevanenge vaona kereke ichitorwa kukwira Kudenga pamagumo enguva nomwe dzemakereke.

Ivo, zvakadaro, vanoda Mwari kuti aende anoparadza vavengi vavo.

Asi mirai, kune maJuda 144,000 vachiri kufanira kugashira Evangeri rimwechete iri, mukati memakore matatu nehafu enguva yeKutambudzika kukuru, iro rakagashirwa nekereke yevaHedeni.

Ipapo maJuda 144,000 vanofanirawo kuuraiwa nekuti maJuda.

Saka apa ndipo panoperera zvivi zvaIsraeri.

MaJuda 144,000 vanofanira kufa asi vachamutswa nekukasika kuti vave varindi veMwenga apo Jesu neMwenga wake vanoenda kuhondo yeAmagedhoni.

ZVAKAZARURWA 6:12 Zvino ndakavona pakuzarura kwake chisimbiso chechitanhatu, tarira kwakanga kunokudengenyeka kwenyika kukuru, zuva rikasviba segudza remvere, mwedzi wose ukaita seropa;

Mamiriro ezvinhu anokanganiswa munguva yeKutambudzika kukuru. Ichave nguva yakaipisisa.

ZVAKAZARURWA 6:13 nenyeredzi dzedenga dzikawira pasi, somuvonde unozuza maganga awo, kana uchizununguswa nomututu mukuru.

Asi zvisinei nekuipa kwese, Mwari ane zano nerudzi rwemaJuda mumakore matatu nehafu enguva yeKutambudzika kukuru.

Hwamanda mbiri dzeyambiro. Maprofita Erija naMosesi.

EZEKIERI 33:4 Ipapo ani naani anonzwa kurira kwehwamanda, akasatenda kunyeverwa, kana munondo ukasvika, ukamubvisa, ropa rake richava pamusoro wake, iye amene.

5 Akanzwa kurira kwehwamanda, akasatenda kunyeverwa, ropa rake richava pamusoro pake; dai akatenda kunyeverwa, angadai akaponesa mweya wake.

Mwari anotumira muprofita. Kana tikasaterera yambiro yaanopa, tinenge tapinda panjodzi.

Maprofita maviri achatendeutsira maJuda 144 000 kuna Jesu.

MaJuda aya achachema kwazvo kana vakaziva kuti Uya wavakaramba ndiye Muponesi wavo.

ZEKARIA 12:10 Ndichadira mweya wenyasha nowokunyengetera pamusoro peimba yaDavidi, napamusoro pavagere Jerusaremu; vachanditarira ini, wavakabvowora; vachamuchema iye, somunhu unochema mwanakomana wake mumwechete, vachava neshungu kwazvo pamusoro pake, somunhu ane shungu pamusoro pomwana wake wedangwe.

11 Nezuva iro paJerusaremu pachava nokuchema kukuru,

3. “Kuyananisira zvivi”.

DANIERI 9:24 Vhiki dzinamakumi manomwe dzakatemerwa vanhu vako neguta rako dzvene, kupedzisa kudarika nokugumisa zvivi, nokuyananisira zvakaipa, nokuuyisa kururama kusingaperi, nokusimbisa zvakaratidzwa nouporofita, nokuzodza nzvimbo tsvene-tsvene.

61 – 0730 ZVINANGWA ZVITANHATU ZVEKUSHANYA KWAGABRIERI KUNA DANIERI

“Zvakaipa” “kuita zvakaipa”, sezvavakaita pamuchinjikwa. Akayananisira, asi hazvishandi kwavari. Hazvina kushandiswa kwavari, nei? Nekuti vaive vakapofomadzwa vasingaoni. Nei vakaita mapofu? Munoti, “Zvichida, pamwe nhasi ndiri bofu. ...” muri bofu nekuda. Ava vaive mapofu nekuti vakapofomadzwa naMwari, asi imi murimapofu nekuti muri kusarudza kuda kuva mapofu. Hakuna kuyananisirwa kwenyu. “Kana musingatendi kuti Ndini Iye,” ndizvo zvakataura Jesu, “muchafira muzvivi zvenyu.” ndizvo chaizvo.

... Zvino, kuna Zakaria Chitsauko 13, ngatitangei pavhesi rekutanga.

"Nezuva iro imba yaDavidi. navagere Jerusaremu vachadziurirwa tsime, rokusuka zvivi netsvina.

"Kana mumwe akati kwaari, `Ko mavanga awa ari pakati pezvanza zvako ndeeiko?' Ipapo achapindura, achiti,

`Ndipo pandakakuvadzwa mumba meshamwari dzangu.' "

"Muka, iwe munondo, urwe nomufudzi wangu, uye munhu shamwari yangu, ndizvo zvinotaura JEHOVA wehondo, rova mufudzi, makwai agoparadzirwa; ini ndichatambanudzira ruoko rwangu kuvaduku.

Chii? Boka raBenjamini riri kusimuka. “ndichatendeutsira ruvoko rwangu kuvaduku.”

... chekutanga Israeri yakaponda Mufudzi ikaparadzira makwai pasi rese, asi Mwari akati, “ndichadzorera ruvoko rwangu kunotora vaduku pazuva rokupedzisira.” Rini? Kana kuyananisirwa kwezvakaipa kwaitwa. Israeri ichaponeswa umwe neumwe wavo.

ISAYA 66:8 "Ndianiko akambonzwa chinhu chakadai? Ndiani akamboona zvinhu zvakadai? Nyika ingaberekwe nezuva rimwe here? ... Nokuti Zioni rakangoti kurwadziwa, ndokubereka vana varo.

Zion parakaona kuti aive Messiasi wavo, rakabva razvarwa patsva zuva irero. Kuyananisira zvivi, kusviba. Oh, maiwe. Vakata izvozvo zvakaipa, zvaive zvisizvo. Kuyananisirwa kwakaitirwa zvivi zvavo.

Nekusangana nemaJuda ari Messiasi, Jesu akabva akwanisa kuyananisira zvivi zvavo.

4. “Kuunza kururama kusingagumi”.

61 – 0730 ZVINANGWA ZVITANHATU ZVEKUSHANYA KWAGABRIERI KUNA DANIERI

Kudarika kweIsraeri pakunogumiswa, Satani mupomeri wavo nemupomeri wedu, Satani achasimbiswa mugomba risina mugumo. Riini izvi? Pakuunza kururama kusingagumi, chinhu chisingazoperi. Zvese nekuti kusarurama kuchabviswa.

Diaborosi akanyengera vanhu anofanira kusimbiswa mugoma rakadzika dzika.

ZVAKAZARURWA 20:1 Zvino ndakavona mutumwa achiburuka kudenga, anekiyi, yegomba rakadzika-dzika, neketani huru muruvoko rwake.

2 Akabata shato, nyoka yakare, ndiye Diaborosi naSatani, akamusunga makore anegumi ramazana,

3 akamukandira mugomba rakadzika-dzika, akamupfigiramo, akaisa chisimbiso pamusoro pake kuti arege kuzonyengera marudzi kusvikira makore anegumi ramazana apera; shure kwaizvozvo unofanira kusunungurwa chinguva chiduku.

Kuunza kururama kusingagumi. Satani ari mugomba risina mugumo. Kana aita izvozvo, akasimbisamo Satani akanyengera vanhu.

Kana Satani asungwa nengetani dzezviitiko zvenguva mugomba risina magumo, Rudo rwaMwari nechokwadi zvichapararira pasi rese.

HABAKUKU 2:14 Nokuti nyika yose ichazadzwa nokuziva kubwinya kwaJEHOVA, mvura sezvainofukidza pasi pegungwa.

Oh, maiwe, hwee. Nemamwe mazwi, kana muvengi akabviswa, magumo ezvivi anenge asvika, kuuya kwekururama kusingagumi kunenge kwasvika, Satani anosimbiswa mugomba risina magumo, ruzivo rwaShe ruchaputira pasi rese sekuputirwa kunoitwa gungwa nemvura. Amen. Mwari ngaarumbidzwe. Zviri kuuya, Hama; zviri kuuya. Vakadzi vachava vakadzi, varume vachava varume chaivo. Amen.

5. Uye kusimbisa zviratidzo nezvakaprofitwa.

61 – 0730 ZVINANGWA ZVITANHATU ZVEKUSHANYA KWAGABRIERI KUNA DANIERI

Danieri 12:1

"Nenguva iyo Mikaeri achasimuka, iye muchinda mukuru anochengeta vana vavanhu vako; (Zvino, iyi inguva yekupedzisira) ipapo nguva yenjodzi ichavapo, isina kumbovapo yakadaro kubva pakumuka kwamarudzi avanhu ...(ndipo antikristu, mutasvi weChisimbiso chekutanga anosvika paanotora nzvimbo) ... kusvikira nguva iyo; (Kwete nguva iyo Tito akatora masvingo eJerusarema. Paive panzvimbo iyoyo chete. Tarirai apo antikristu, muchinda anouya, tarirai paanouya.) ... nenguva iyo vanhu vako vacharwirwa, ivo vose vakanyorwa mubhuku. (Hareruya. Vanhu vako, Israeri, ichanyorwa mubhuku.)

Vazhinji vavo vakavata muguruva renyika vachamutswa, vamwe kuhupenyu husingagumi, vamwe kunorashwa nekutukwa kusingagumi.

Sei panyika yaivepo apo Tito akatora masvingo eJerusarema? Zvakaitika sei saizvozvo? Hazvigoni kuva zvakadaro. Tarirai, ari kutaura pamusoro penguva yekupedzisira parumuko. Ndizvo here? Izvozvi:

Vakachenjera vachapenya sokupenya kwokudenga, uye vanodzorera vazhinji kukururama vachapenya senyeredzi nokusingaperi-peri.

Tererai. Zviri pano, kusimbiswa chaiko kwechokwadi.

"Asi iwe Danieri, vanza mashoko, unamire bhuku rechisimbiso, kusvikira kunguva yokupedzisira;

Chimbori chii? Oh, Hareruya. Mazviona here, zvakanaka? Zaruriro yaJesu Kristu iyi, nesimba rake, reKuuya kwake, kwenguva yekupedzisira kwakasimbiswa kusvika panguva ino. Ndizvo zvaanouya kuzoita. Zvakavanzwa kubva kuvadzidzi nevadzidzisi. Hazvishamisi kuti nei vaida kushandisa kuzvisimbisa pakare kumashure ikoko kumaprofita iwayo nezvimwe zvese kumashure. Hazvibati mvura. Asi chiratidzo ichi chakasimbiswa kusvika pano ikozvino, ndipo pandiri kuisa kutenda kwangu kuti Mwari achavazivisa mavhiki makumi manomwe. Amen. “Zarira,” akadaro, “Kusvika pakuguma kwenguva. Zarira shoko usimbise bhuku kusvika nguva yekuguma.”

Akaitei? Kusimbisa chiratidzo nezvakaprofitwa. Danieri akaprofita zvinhu izvi. Akazviona muchiratidzo, mutumwa akauya panyika kunosimbisa chiratidzo nekusimbisa zvakaprofitwa; vanogona kuzviverenga, aasi havagoni kuzvinzwisisa kusvika pakuguma. Magumo, nguva yekuguma chimbori chii? Magumo evhiki rechimakumi manomwe, apo muchinda uyo, antikristu, achaziviswa, panguva iyi, achizviita Mwari.

... Akabva ataura kuti, Enda, Danieri: nekuti mashoko akavharirwa akasimbiswa kusvika panguva ye... [ungano inoti, “Kuguma.” -- Ed.] Oh, musazvikanganwe izvozvo. Kusvika nguva yekuguma.

Vazhinji vachazvinatsa nokuzvichenesa nokubviswa tsvina, asi vakaipa vachaita zvakaipa; hakuna pakati pavakaipa achanzwisisa, asi vakachenjera ndivo vachanzwisisa.

Evangeri renguva yekupedzisira ichazvizivisa, nguva yekereke yekupedzisira.

... asi muchinda achasimuka, achakonzeresa nyangadzi kuti iuye kuzoparadza yaive Roma yakatungamirirwa naTito; apa aive muchinda achibva kuRoma aizoita izvi. Uye achaziviswa mumazuva ekupedzisira achizviita Mwari, sekuyambira kwaMweya Musvene kuna II VaTesaronika 2:12

[Muchinda achange ari Pope wekupedzisira. ]

Kunyange iye, ane kuuya kuri mumashure mekubata basa kwaSatani nesimba rese nezviratidzo nemashura, ...

“Tiri kereke hurusa.” “tine izvi; tine izvo. Imi mose batanai.” Mazviona.? “Tisu tine simba” zvishamiso zvichionekwa.

Nokusarurama kwese kune avo vanoparadzwa; nokuti havagamuchiri rudo rwechokwadi, kuti vagone kuponeswa.

Nekuda kweizvi Mwari akavarasisa zvikuru kuti vatende nhema.

Kuti vanzi havatendi chokwadi, asi vazere nemufaro mune zvisakarurama.

6. “Kuzodza nzvimbo Tsvene-tsvene”

61 – 0730 ZVINANGWA ZVITANHATU ZVEKUSHANYA KWAGABRIERI KUNA DANIERI

… kuzodza nzvimbo tsvene tsvene, ichave Tabernakeri ichashandiswa nguva yeMereniyamu.

... Asi Mambo paanotora chigaro chake chehushe kwechiuru chemakore... Ngaarumbidze zvinenge zvapera. Zodzo renzvimbo Tsvene tsvene ndiro rinopedzisira kuitika.

Jeremia 3:12- 18

Asi muzive zvakaipa zvenyu bedzi, kuti makadarikira JEHOVA Mwari wenyu, mukafamba-famba muchitevera vatorwa pasi pemiti yose mitema, (Ndizvo zvavakaita kubva kumabvazuva, kumadokero, ndudzi dzese.Mazviona? ... mukasateerera inzwi rangu ndizvo zvinotaura JEHOVA.'

"Zvanzi naJEHOVA, `Dzokai imi vana vokudzokera shure, nokuti (takaroorana); ndiri murume wenyu; (meso avo akapofomadzwa, nekuti ndakapa vaHedeni mukana, asi munodzoka nokuti ndakakuwanai.”) ndichakutorai, mumwe paguta rimwe, vaviri parudzi rumwe, (Havasi vese vanozviti maJuda vachapinda, asi vasanangurwa ndivo vachapinda, Benjamini akauya pamberi paJosefa, boka iroro rakabva kumarudzi ese, mumwe achibva muguta, uye [vaviri] vachibva mumhuri) ... ndichikuisai Ziyoni:

JEREMIA 3:14 Zvanzi naJEHOVA, `Dzokai imi vana vokudzokera shure, nokuti ndiri murume wenyu; ndichakutorai, mumwe paguta rimwe, vaviri parudzi rumwe, ndichikuisai Zioni.

Tembere Itsva inovakwa muMereniyamu yemakore 1000 erugare.