Abia: Gwara rakakosha pakunotizivisa kuti Jesu akaberekwa riini

We update studies as the Lord Jesus leads us. You can find the latest update of this study at ChurchAges.net

Nzira dzakasiyana dzekupima gore

Tinogona kufungidzira nguva yakazvarwa Jesu kuiisa mukati memwedzi mumwechete. Asi hausi musi wa 25 Zvita.

VAKOROSE 2:16 Naizvozvo munhu ngaarege kuvapo unokutongai pazvokudya, kana zvokunwa, kana nokuda kwomusi womutambo, kana pakugara kwomwedzi, kana pasabata;

Gore rechiJuda rakagara riri pfupi nemazuva masere nekota kudarika gore raive raitwa naJurio Kesari mugore 45 BC rikagadziriswa zvakare naPope Gregori 13 muna 1582. Saka, hapana makore maviri echiJuda ane mazuva akafanana pakarenda reRoma.

Pauro akaudza maKrustu kuti vasakoshese mazuva emwedzi pagore.

VAGARATIA 4:6 Asi zvino, zvamunoziva Mwari, zvikuru zvamunozikamwa naMwari modzokerazve seiko kune zvokuvamba zvisine simba, zvovurombo, muchida zve kutanga kuva varanda vazvo?

VAGARATIA 4:10 Munochengeta misi nemwedzi, nenguva namakore.

Zuva rechi25 remwedzi wechi12 senguva yeKisimusi gore rega rega zvaisazofadza Pauro.

VAGARATIA 4:11 Ndinotya pamsoro penyu, kuti zvimwe ndakabate-basa kwamuri pasina.

Hakuna musi wakatarwa pagore unonzi zuva dzvene.

“Chishanu Chakanaka” hazvimo muMagwaro. Zvakaipa kurangarira kurovererwa kwaJesu musi weChishanu.

Musi uyu unoshanduka gore negore.

Kuna Jesu kumuka nezuva retatu, waive musi weSvondo, zvinoreva kuti aifanira akafa musi weChina. Aive aita husiku hutatu mubwiro, saJona. China husiku, Chishanu husiku, Mugovera husiku akazomuka musi weSvondo magwanani.

Jona ndicho chiHeberu Jonasi ndicho chiGiriki.

MATEO 12:40 Nokuti Jona sezvaakava mudumbu rehove huru mazuva matatu novusiku hwutatu, saizvozvo Mwanakomana womunhu uchava mumoyo wenyika mazuva matatu novusiku bwutatu.

Nhau yenguva inhau yakaoma kushanda nayo. Nguva chii? Hatizivi.

Chinhu chisingaonekwe “chimwe chinhu” chinoita sechinofamba kubva muzvakadarika kupinda mune zvinouya asi chinoitawo sechinomhanya kana tichifara kana kunonoka kana takasuwa.

Hatitogoni kupima nguva. Tinopima kufamba kwezvinongedzo zvepachiringazuva asi hatigoni kupima nguva pachadzo.

Nguva dzakatanga pakatadza Rusifa akadzingwa kubva munzvimbo yepamusoro soro yechitanhatu yeDenga achienda Munzvimbo yechina yenguva nemweya. Iyi icharamba iri torongo yake kusvikira apiswa Mudziva romoto. Kana moto ukaguma, ndipo panopererawo nguva. Hupenyu husingagumi chete ndihwo hunoenderera mberi. Dai moto weGehena usingagumi Rusifa aizoitawo hupenyu husingagumi angorimo. Asi hupenyu husingagumi ndihwo hwatinopihwa naMwari paruponeso kuti tiponeswe kubva kuMoto weGehena.

Nguva, saRusifa, ichangova chinyangadzo sezvo dzisingakwani mukuverenga kwedu.

Mwedzi haukwani mugore remazuva 365.24 kana vhiki kukwana mumwedzi wemazuva 29, 30 kana 31.

Gore rega rega munofanira kutenga rimwe karenda rine mazuva matsva. Gore ra 1909 rinodzokorora mazuva mamwechete kana rasvika muna 2021. saka, gore rakaitwa nemutowo usinganzwisisiki.

Mwedzi inobva pakutenderera kwemwedzi uchitenderera Nyika. Kutenderera kwemwedzi panyika kunotora mazuva anoita 29.53 patinofunga kuti nyika iri kufamba mukati memw edzi.

Mavhiki mana echiJuda anovapa mwedzi wemazuva 28. Saka vanofanira kuita ringaniso kuti vafambirane nemamiriro ezvinhu panyika.

MaJuda anopima gore rawo mumavhiki apo vano chengetedza Sabata, mazuva manomwe ega ega.

Paive nezvidzidzo 24 zvaitora vhiki rimwekuti mup rista achishanda muTembere.

Kana vakashanda kaviri, mavhiki 48 egore anenge adarika.

Mwari akawedzera mamwe mavhiki matatu kuitira mimwe mitambo yakasarudzika. (Mutambo wezvingwa zvisina mbiriso paPaseka, Mutambo wemavhiki paPentekositi, Mutambo weMatumba).

48 +3 = 51 mavhiki atinowana. (gore redu rine mavhiki 52 nezuva rinoda kukwana rimwechete).

Saka maJuda vaive kumashure nevhiki rimwe nezuva rimwe mugore ravo, vaive vari kumashure nemazuva masere.

Saka vakawedzera mumwe mwedzi kanomwe munguva yemakore gumi nemapfumbamwe. Zvakatora kubata kukuru kuti varambe vachifambirana nemwaka.

Nyanga duku ndiko kutsiviwa kwemaPope vachivaka Vatican

DANIERI 7:24 Kana dziri nyanga dzine gumi, paushe uhwu pachamuka madzimambo ane gumi, asi mumwezve achamuka shure kwavo; iye achasiyana navamwe vokutanga, achakunda madzimambo matatu.

Mweya wakaipa wehushe hweRoma yemapegani wakaparadzwa nemarudzi evatorwa mugore AD 476 asi pamatongo eHushe hweRoma pakamuka Kereke yeRoman Catholic. Ndiyo nyanga duku. Nhasi inozivikanwa seGuta reVatican, nyika dukusa pasi rese asi yakatakura pfuma zhinjisa pasi rese ibato rine nhengo 1.4 bhiriyoni pasi rese. Saka kereke yeRoman Catholic ingori chiPegani chakabapatidzwa.

“Nyanga duku” inomiririrawo kutsiviwa kwemaPope anova mutsetse wakarebesa wevatongi panyika yese.

Marudzi evatorwa vane chekuita nekuparadzwa kweHushe hweRoma yekumadokero vakabatawo basa pakugadza simba remaPope. MaHeruli kana kuti maSiri, maVhandari nemaOsitirogothi vakaparadzwa kuti Pope agadzwe semunhu ane simba kwazvo muItaly . Pope akagamuchira chiKristu akava mutungamiri wacho akachiita chitendero chakaitwa nevanhu chinokudza mazano echiPegani akaita seTiriniti, Chishanu Chakanaka, neKisimusi. Pope akabva atora simba rekugadza vatungamiri vemarudzi evatorwa. Izvi zvakamusiyanisa nemadzishe emarudzi gumi.

DANIERI 7:25 Achataura mashoko okumhura Wokumusoro-soro, achaparadza vatsvene, uye achatsvaka mano okushandura nguva nemirayiro;

Kereke yeCatholic yaifanira kutenda kuTiriniti. Hamugoni kuwana zita rimwechete rekudaidza Vanhu vatatu. Saka Mwari akarasikirwa nezita rake. Makumi emamiriyoni evanhu vaive vasiri maCatholic vakauraiwa muNguva dzeRima dzakaenderera mberi kwemasenturi akati kuti.

“Kushandura nguva”.

Mudzvanyiriri weRoma yechipegani Jurio Kesari akashandura karenda muna AD 45.

Pope weRoma Girigori 13 akaita shanduko dzekupedzisira pakarenda muna 1582 AD.

Mugore AD 350 Pope weRoma Jurio I akashandura musi wekuzvarwa kwaJesu kuriisa pamusi wa25 Zvita. Hatina kubvira tanzi tipemberere zuva rekuzvarwa kwaJesu.

MaPope eRoma akashandura musi wekurovererwa kwaJesu kubva pamusi weChina kuriita musi weChishanu sezvo Chishanu chakapihwa zita kubva panamwarikadzi, Freya. Chiitiko ichi chakatorwa pakunamata mukadzi zvinoyanana nekunamata kwavanoita Maria. Vakabva vazivisawo Muvhuro weIsita usina kutaurwa muMagwaro, wakatumidzwa kubva panamwarikadzi weMwedzi. Muvhuro chete neChishanu ndiyo misi yakatumidzwa kubva pavamwari vechikadzi. Saka maPope akashandura musi wakarovererwa Jesu kuti vaise misi miviri yakatumidzwa kubva pamadzimai.

Kurovererwa kwaJesu kwakaitwa paPaseka, zuva remwedzi wakazara. Nhasi, totenda Pope nekuita kwake nemirairo yake, kurovererwa kwaJesu hakuchatorangarirwi musi weMwedzi wakazara.

Chirayiro kana kuti Chidyo chaShe chakaitwa madekwana naJesu asi maPope akashandura izvi zvava kuitwa magwanani. Makereke ese akatevera mienzaniso iyi isimo muMagwaro. Vakachiita chisvusvuro chemangwanani.

MaPope akabva ashandura Sabata kuribvisa pamusi weMugovera kuenda pamusi weSvondo.

MaJuda akashandisa vhiki remazuva manomwe mumazuva aMosesi.

Musenturi rekutanga BC, maRoma akatanga kushandisa vhiki remazuva manomwe, misi yevhiki ichidaidzwa zvichibva pavamwari veRoma yechipegani, Zuva neMwedzi.

Pakupedzisira, Roma payaiti iri kukudza chiKristu pasi peMubati weRoma Constantine muna AD 312, misi minomwe yevhiki yakatorwawo nemaRoma vakatanga kuishandisa.

Chakavanzika chaicho chenguva ivhiki remisi minomwe.

Hakuna nzira yakagara iriko inofamba nemazuva manomwe yekutevedzera nayo vhiki.

Mazuva manomwe haapindi mumwedzi kana mugore.

Asi vhiki rekushanda mazuva matanhatu nezuva rimwechete rekuzorora ndiro rega vhiki rinoshanda zvakanaka richishandiswa. Rakararama nemuti rinoshanda.

Kusimuka kweFranzi kwakazivisa vhiki remazuva gumi mugore 1793. Asi zvakavapo kwemakore anenge gumi nemaviri chete kusvikira muna 1805.

Nei Mwari akazivisa vhiki remazva manomwe kuna Genesisi? Nekuti ndiro rega vhiki rinoshandika naro zvakanaka. Uye rine mucherechedzo wakadzama kwazvo. Mwari anoshanda nekereke yevaHedeni munguva nomwe.

Nguva nomwe dzemakereke ndidzo chakavanzika chikuru chisingazivikanwe nevanhu. MaKristu mazhinji anotaura nezvemakore 2000 enhorondo yekereke senguva yekereke, sekuti ingori nguva imwechete. Nguva nomwe dzemakereke hadzikwani muhurongwa hwavo. Havazivi vatumwa kunguva nomwe dzemakereke, mumwechete kunguva imwechete. Havaoni William Branham semutumwa kunguva yedu yeRaodikia kereke yechinomwe. (Vatendi muRaodikia vakaita zvitendero zvavo vega munguva ino yekereke yekupedzisira.)

7 ndicho chiverengo chakakosha muBhaibheri.

MaJuda eTestamente yekare havazvizivi izvi

Gore redu ranhasi reRoma kana raGirigori remazuva 365.24 (aya mavhiki 52.18).

Havazivewo nezvegore reruna remazuva 354.37 (rine mavhiki 50.62) zvichibva panguva yemazuva 29.53 apo mwedzi unotendererwa nenyika mwedzi wega wega. Pakashota mazuva 11.

MaJuda aishanda kwemavhiki manomwe. Saka, mumashure memavhiki mana vanenge vaine mwedzi wemazuva 28. Asi nyika inenge yatenderera, mwedzi unotora mazuva 29.53 kuti udzokere panzvimbo yawo yekutanga. Saka maJuda akatara nguva yemwedzi kubva pamwedzi mutsva (pakunenge kusina mwedzi unoonekwa muchadenga) voverenga misi inosvika gumi nemina vasati vatanga mitambo yavo. Nenzira iyoyo mwedzi yavo yemazuva 28 nemwedzi chaiyo yemazuva 29.53 inopindirana zvinonzwisisika pahafu yekutanga yemwedzi.

Asi nekufamba kwemavhiki, mwedzi wemazuva 28 unoburitsa mazuva 336 pamwedzi gumi nemiviri. Saka Mwari akaita kuti vaprista vawedzere mamwe mavhiki matatu anova mazuva 21. Izvi zvakasvitsa gore pa 336 + 21 towana mazuva 357 asi akashota nemazuva 8.

Kanomwe mumakore 19 vanowedzera mazuva 28. Chiito chakaipa, asi izvi zvakamisa maJuda kubva pakusarudza chero zuva repagore kuriita rakakosha. Kana mukatarisa karenda remwedzi mutsva, zvagara iri misi yakasiyana. MaJuda haana kubvira aita mazuva akaita sekisimusi angori zuva rimwechete gore negore. Saka vaisakwanisa kupemberera kuzvarwa kwamwari wezuva wemapegani.

Saka Mwari akaita kuti zvisagoneke kuti maJuda atore zuva rimwechete gore rega rega. Kunyanya pakawedzerwa imwe mwedzi.

Mwari haadi mhemberero dzepagore pazuva rimwechete gore rega rega.

Gore rechiprofita kana remuBhaibheri remazuva 360

Kwaivewo negore rechiprofita remwedzi gumi memiviri rimwe nerimwe raive nemazuva 360. rakanyorwa kumazuva aNoa apo mwedzi mishanu yaive yakaringana nemazuva 150. Mwedzi umwe nemumwe waive nemazuva 30.

GENESISI 7:11 Pagore ramazana matanhatu rou­penyu hwaNoa, nomwedzi wechipiri, nezuva regumi namanomwe romwedzi, nezuva iroro matsime ose apakadzika­dzika akadziurwa, namahwindo edenga akazarurwa;

GENESISI 8:4 Nomwedzi wechino­mwe, nezuva regumi namanomwe ro­mwedzi, areka ikamira pamusoro pama­komo eArarati.

Areka yakanyangarara kubva musi wa 17/02 kusvika musi wa 17/07 mwedzi mishanu.

Asi iyi inguva yemazuva 150.

GENESISI 7:24 Mvura ikaramba yakakwirira panyika mazuva ane zana namakumi ma­shanu.

Kana muchida kubata nhau yemavhiki makumi manomwe kana mazuva 1290 kana mazuva 2300 kusvikira nzvimbo tsvene yanatswa, munofanira kushandisa makore echiprofita kana makore emuBhaibheri emazuva 360 kuti chiprofita chimwe nechimwe chikwane pakarenda raGirigori.

Mvura yaNoa yakashandura gore redu rikashanduka kuti riti rebei sezvo Mwari akasudurudza nyika kubva kuzuva uye zvidimbu zvekumusoro nezvekuzasi kwenyika zvakaoma nechando nekuda kwekutonhora kwakanyanya kwenzvimbo. Izvi zvinotsanangura mamoti yakawanikwa iine maruva mumuromo mayo nemudumbu mayo zvaive zvisina kuwora nekuti yakakasika kuoma nechando. Iyi ndiyo yaive nguva yekupedzisira yechando chakaoma (ice age) yakasiya magodo echando akaoma emvura inomwika munzvimbo dzesouth po nenorth po. Gore rakaita mazuva anodarika 365, zuva rimwe nerimwe riri chapupu chegore rehupenyu hwaEnoki aive nekutenda kwake kwakanakisa. Aive munhu wekutanga kubuda rufu nekutorwa kwaakaita kuenda kuParadiso Noa asati azvarwa.

Enoki ainamata achifamba naMwari.

Haana kubvira ateerera mazano evanhu.

GENESISI 5:23 Mazuva ose aEnoki aka­nga ari makore ana mazana matatu nama­kumi matanhatu namashanu.

24 Enoki aka­famba naMwari, akasazovapo, nokuti Mwari wakamutora.

Mukati menguva yeKutambudzika kukuru, Mwari vachaswededza nyika pedyo nezuva richapisa nyika ronyungudutsa chando chakaoma. Kupisa uku kuchasimudza mamiriro ekunze anounza nzara mukati memakore matatu nehafu ekutambudzika kukuru. Mvura dzegungwa dzichasimuka nemamita anosvika 70, maguta ese ari mumahombekombe oyeredzwa zvokonzera kusarongeka pakufamba kwevanhu munyika zvowedzera kusagadzikika kwezvinhu.

ZVAKAZARURWA 16:8 Zvino wechina akadurura ndiro yake pamusoro pezuva, rikapiwa simba kuti ripise vanhu nomoto.

Maprofita maviri echiJuda Mosesi naErija vane hushumiri hwemakore matatu nehafu kumaJuda munguva yeKutambudzika kukuru.

ZVAKAZARURWA 11:6 Vanesimba rokuzarira denga, kuti mvura irege kunaya namazuva okuporofita kwavo;

7 na 12 zviverengo zvakasarudzika

Asi mwedzi gumi nemiviri yaive chiratidzo chekurangaridza kuti vanhu vaMwari vakasarudzika vaive marudzi gumi nemaviri evaIsraeri.

Mazuva manomwe muvhiki anotiyeuchidza nguva nomwe dzemakereke.

7 na 12 ndizvo zviverengo zvemakiyi maviri muTabernakeri.

Chigadziko chemwenje minomwe nezvingwa gumi nezviviri zvekuratidzira zvimire muNzvimbo Tsvene.

Musoro wakabatanidzwa nemuviri nemabhonzo emusana. Mabhonzo epamusoro manomwe evhetebureyi anobva pahuro. Mamwe gumi nemaviri mabhonzo evhetebureyi anobatanidza mbabvu nemabhonzo emusana.

Mwari anoyananisa ndudzi dzevanhu kupfurikidza maJuda nekereke.

Jesu paakapa vazhinji zvekudya, akaisa kukosha pahuwandu hwematengu emafufu echingwa aive araswa akanongwa nevadzidzi vake. Izvi mucherechedzo wekuti maJuda vaizoramba Evangeri reChingwa cheHupenyu. Vadzidzi vaizononga mafufu akaraswa aya anova dzidziso kuiita Testamente Itsva. Vaizopa kukereke munguva nomwe dzemakereke uye kumarudzi gumi nemaviri evaIsraeri mukati memakore matatu nehafu enguva yeKutambudzika kukuru.

Zviverengo zvemafufu echingwa chakaraswa akanongwa zvaive matengu 12 ne 7.

MATEO 16:9 Hamunzwisisi nazvino here kana kurangarira zvingwa zvishanu zvavanhu vanezvuru zvishanu namatengu amakawana kuti aiva mangani?

MATEO 16:10 Kana zvingwa zvinomwe zvavanhu vane zvuru zvina namatengu amakawana kuti aiva mangani?

Zviverengo zvaMwari ndizvo 12 na 7 zvinotaura pamusoro peIsraeri nekereke.

Testamente yekare marudzi gumi nemaviri evaIsraeri nekereke yeTestamente Itsva yemakereke manomwe, zvinobatana muna Kristu.

Mwari akashanda nemaJuda nekarenda rakareruka kwazvo rine mazuva manomwe pavhiki.

Paive nemapoka 24 kana govero yevaprista

Muprista mumwe nomumwe vaifanira kushanda kwevhiki rimwe kubva mumavhiki 24.

Muprista mumwe nemumwe aive wegovero kana boka remaprista. Govero imwe yaishumira kwevhiki rimwechete.

RUKA 1:5 Namazuva aHerode, mambo weJudea, mumwe muPirisita waivapo, wainzi Zakaria, wegovero raAbia; mukadzi wake waiva wavanasikana vaAroni, zita rake rainzi Erisabete.

Davidi akagadza mapoka anosvika 24 evaprista kumabasa emuTembere vaive vatanga kusarudzwa naRoti.

I MAKORONIKE 24:4 Pakati pavanakomana vaEriazari kwakanga kuna vane gumi navatanhatu, vaiva vakuru vedzimba dzamadzibaba; napakati pavanakomana vaItamari, nedzimba dzamadzibaba avo vakanga vari vasere.

5Nokudaro vakakamurwa nemijenya, mumwe pano mumwe koko;

16 + 8 = 24

Kwaive nemapoka 24 aive aka gadzwa kuti vaprista vabate vari muTembere.

Izvi mucherechedzo wevakuru 24 vanogara vakapoteredza chigaro chaMwari nezvisikwa zvipenyu zvina.

ZVAKAZARURWA 4:7 Chisikwa chipenyu chokutanga chakanga chakafanana neshumba, chisikwa chipenyu chechipiri chakanga chakafanana nemhuru, chisikwa chipenyu chechitatu chakanga chinechiso chakaita sechomunhu, nechisikwa chipenyu chechina chakanga chakafanana negondo rinobururuka.

ZVAKAZARURWA 4:4 zvakanga zvakakomberedza chigaro chovushe; Kwakanga kunezvigaro zvovushe zvinamakumi maviri nezvina napazvigaro pakanga pagere Vakuru vanamakumi maviri navana, vakapfeka nguvo chena; vakanga vanekorona dzendarama pamisoro yavo.

Shumba yaimiririra Jesu ari Shumba yerudzi rwaJuda, mambo wemaJuda. Mhuru yakazokura kuita dhonza, Muranda mukuru aizotakura zvivi zverudzi rwevanhu kuenda nazvo kunozvirasira kuna Diaborosi kugehena. Munhu anomiririra Jesu ari Messiasi, Munhu akarurama.

Gondo rinomiririra Jesu ari Mwari, Mweya Mutsvene mukuru kwazvo.

(MaJuda akapesana nazvo izvi haana kugona kuona kuti Munhu aigona kuva Mwari Samasimbaose. Havana kugona kutenda kuti Mwari aigona kuzviita Munhu)

Chigaro chehushe Kudenga chakamiririrwa mumuviri wemunhu nemoyo une makamuri mana wakapoteredzwa nembabvu 24.

Saka, chigaro chaMwari chehushe panyika ndiwo moyo wemunhu wakatendeuka ukagamuchira Jesu saIshe naMuponesi.

Mabasa evaprista akapatsanurwa kuitwa migove kana mapoka 24. Inomiririrwa nembabvu 24.

II MAKORONIKE 24:7 Zvino mujenya wokutanga wakabata Jehorayaribi, wechipiri Jedeiya;

Zvakangoitikawo here kuti zita rake rakapera na “arib”?

Mwenga waAdamu akagadzirwa nembabvu (rib muChirungu).

GENESISI 2:22 Norumbabvu urwo JEHOVA Mwari rwaakatora pamunhu, akaita mukadzi narwo, akamuisa kumu­nhu.

Kuenderera mberi nemabasa emapoka evaprista.

II MAKORONIKE 24:10 wechinomwe Hakozi, worusere Abija;

Abija muchiHeberu kana Abia muchiGiriki.

18 Wamakumi maviri nemitatu Dheraya, wamakumi maviri nemina Maazia.

19 Ndiko kukamurwa kwavo pamabasa avo, kuti vapinde imba yaJEHOVA pavakanga varairwa napo naAroni baba vavo, sezvaakarairwa naJEHOVA Mwari walsiraeri.

Maprista mumapoka 24 aya vaifanira kuteverana mumigove yakarongwa yenguva. Muprista mumwe nemumwe achigara muTembere kwevhiki.

Davidi akasangana nezviratidzo zvese zvemuTembere kubva kuna Mwari akapa zivo iyoyo yese kuna Soromoni.

1 MAKORONIKE 28:10 Zvino chenjera, nokuti JEHOVA akakutsaura, kuti uvake imba ive nzvimbo tsvene; chiva nesimba, uzviite."

11 Ipapo Davidi akapa mwanakomana wake Soromoni mufananidzo webiravira retemberi, nedzimba dzaro, nezvivigiro zvefuma yaro, ...

13 Neyamapoka avapirisiti navaRevhi, neyamabasa ose eimba yaJEHOVA neyamabasa ose eimba yaJehovha, neyenhumbi dzose dzokubata na dzo paimba yaJEHOVA.

Mapoka aya aishanda sei?

Mazuva manomwe ega ega vaizochinjana kuitira kuti muprista umwe nemumwe ashande kwevhiki rimwe pamavhiki makumi maviri nemana.

Kwaive nedzimba dzekuti maprista agare pedyo neTembere pavaiita mabasa avo evhiki rese.

I MAKORONIKE 9:25 Hama dzavo pamisha yavo vaifanira kuuya nguva dzose kana mazuva manomwe apera, kuzogara navo.

26 Nokuti vatariri vana vakuru vemikova, vakanga vari vaRevhi, vaiva pabasa iri rakatarwa, vaitarira makamuri nezvivigiro zvefuma paimba yaMwari.

27 Vaigarapo vakapoteredza imba yaMwari, nokuti ndivo vakanga vapiwa basa iri, vaiva nebasa rokuizarura mangwanani ose.

II MAKORONIKE 23:6 Asi ngakurege kuva nomunhu mumwe anopinda mumba maJEHOVA, asi vapirisiti navaRevi vanobatamo; ivo ngavapinde nokuti vatsvene; asi vanhu vose vanofanira kurinda imba yaJEHOVA.

8 Naizvozvo vaRevi navaJuda vose vakaita zvose zvavakarairwa nomupirisiti Jehoyada; mumwe nomumwe akatora vanhu vake, ivo vaifanira kupinda neSabata naivo vaifanira kubuda neSabata; nokuti mupirisiti Jehoyada haana kutendera mapoka kuenda.

Mapoka aishanda musi weSabata. Vaya vaitanga vhiki ravo nevaipedza vhiki ravo.

Zuva rekutanga nerekupedzisira revhiki rimwe nerimwe raive Sabata.

Uyu mucherechedzo waJesu aive wokutanga nokupedzisira.

ZVAKAZARURWA 1:11 richiti: Ndini Alpha na Omega wokutanga nowokupedzisira

Izvi mucherechedzo wekuti kereke yenguva yekutanga nekereke yenguva yekupedzisira dzinofanira kufanana.

Migove 24 yaipera mumavhiki 24. Vodzokorora zvakare kweimwe hafu yechipiri yegore.

24 X 2 = mavhiki 48.

Kudzokorora muhafu yechipiri yegore mucherechedzo wekuti Mwari aive nezano kumaJuda rakavatora munhanho nomwe dzakaita mucherechedzo wenguva nomwe dzemakereke. Kubva kuna Abrahama kusvika kuna Johane Mubapatidzi.

Mwari akadzokorora nhanho nomwe idzi apo kereke yakafamba munguva nomwe dzekereke dzinoratidzira nhoroondo yemaJuda.

Nguva yekereke yekutanga yeEfeso.

ZVAKAZARURWA 2:1 Nyorera mutumwa wekereke iri paEfeso, uti:

4 Asi handifari nechinhu icho kwauri, kuti wakasiya rudo rwako rwokutanga.

Kereke yakarasa rudo rwayo rwokutanga rweMagwaro ikatevera hutungamiri hwevanhu muzvitendero zvakaitwa nevanhu. Vaya vanoramba Magwaro votevera vanhu vanoita sevanovenga vanhu vanoramba vachitevera Magwaro.

KumaJuda, Abrahama akasiya rudo rwake rwokutanga Sara akaenda kuna Hagai akabereka Ishmaeri nerudzi rwemaMoziremu rwakavenga kwazvo maJuda.

Nguva yekereke yepiri Smirna.

ZVAKAZARURWA 2:8 Nyorera mutumwa wekereke iri paSmirna, uti:

10 usatya izvo zvauchatambudzika na zvo. Tarira, Dhiabhorosi woda kuisa vamwe venyu mutorongo, kuti muidzwe; muchatambudzika mazuva anegumi. Uve wakatendeka kusvikira parufu, ndigokupa korona yovupenyu

Kuuraiwa kwekereke yechipiri nevabati veRoma. Nhasi, vanhu vanoramba vachitevera Magwaro vanodzingwa, kurambwa uye kusarudzwa nevanoenda kumakereke vanoramba akabatirira patsika dzavo dzakaipa.

Josefa akakandirwa mutorongo, zvese zvakonzerwa nekupomerwa nhema.

Nguva yekereke yetatu Pergamo.

ZVAKAZARURWA 2:12 Nyorera mutumwa wekereke iri paPergamo, uti:

14 Asi handifari nezvimwe zvinhu zvishoma kwauri, nokuti unavamwepo vanobatisisa dzidziso yaBharami,

Mosesi akarwisana naBaramu.

Nguva yekereke yechina Tiatira.

ZVAKAZARURWA 2:18 Nyorera mutumwa wekereke iri paTiatira, uti:

20 Asi handifari nechinhu ichi kwauri, kuti unotendera uya mukadzi Jesiberi, unozviidza muporofitakadzi, vuye unodzidzisa nokutsausa varanda vangu, kuti vaite vupombwe, nokudya zvakabayirwa zvifananidzo,

Erija aifanira kurwa naJeseberi.

Nguva yekereke yechishanu Sardisi.

Ezra akatora hupfumi kunohudzorera muTembere. Martin Luther akadzorera ruponeso kupfurikidza kutenda chete runova pfuma chaiyo yeEvangeri.

Nguva yekereke yechitanhatu yeFiradefia.

Nehemia akavakazve masvingo akasimba akapoteredza Jerusarema. Izvi zvakaratidza simba rechiKristu rakaratidzirwa naJohn Wesley pahutsvene nerudo pakati pehama munaShe zvakatungamirira kunguva yakanakisa yemamishinari.

Nguva yekereke yechinomwe “yeRaodikia” vanoita zvitendero zvavo vega zvekereke. Vane ndudzi 45,000 dzemakereke dzakasiyana siyana nemavhezheni emaBhaibheri anosvika zana akasiyana eBhaibheri reChirungu.

Johane Mubapatidzi akafanokura nzira yeKuuya kwaJesu kwekutanga ari Munhu pakati pevanhu.

Zaruriro yezvakavanzika zveBhaibheri reKing James ichakura nzira yeKuuya kwechipiri kwaJesu, apo Mwenga anoona Jesu achiziviswa mumapeji eShoko rake Bhaibheri dzvene.

Mwenga anofanira kutanga kunzwisisa Bhaibheri rakaziviswa kusvikira Bhaibheri rakavanzika rava Bhuku rakazarurwa. Ipapo ndipo Jesu anodzoka nemuviri watinoona une mavanga ezvipikiri kuti atore Mwenga wake kuenda naye kuMutambo weMuchato Kudenga.

Nhorondo iyi yekereke yakaziviswa mundorondo yeIsraeri.

Mukukwira nekudzika kwese kwehupenyu hwevanhu nemukati pemadutu enhorondo yevanhu, munhu mumwechete chete ndiye akakunda kuti agouya ari Mutongi werudzi rwevanhu.

Munhu wacho ndiJesu.

MIKA 5:2 Asi iwe Bheterehemu Efurata, muduku kwazvo pakati pezvuru zvamazana zvaJuda, kwauri kuchandibudira mumwe achava mubati pakati paIsiraeri; mabudiro ake ndaakare, pamazuva akarekare.

VaAsiria vaive vavengi vemaJuda, mucherechedzo waSatani.

Jesu Mutongi wekupedzisira, ndiye ega munhu anogona kuunza rugare kuzoisa Diaborosi panzvimbo yake.

MIKA 5:5 Iye achava rugare rwedu. Kana muAsiria achipinda munyika yedu, kana achitsika mudzimba dzedu dzoushe, tichamutsa vafudzi vanomwe namachinda masere pakati pavanhu kuti varwe naye.

Ipapo tichamutsa vafudzi vanomwe namachinda masere pakati pavanhu.

Jesu anotungamirira kereke nenzira ye Testamente Itsva yakanyorwa nevarume vasere.

Mateo. Marko. Ruka. Johane. Pauro. Jakobo. Petro. Judasi.

Ndivo vanhu vanoremekedzwa nekuti tinofanira kutenda zvese zvavakanyora. Hatitenderwi kupokana neMagwaro akanyorwa kana kuedza kushandura kana kufuratira zvakanorwa nechero nzira. Testamente Itsva yakanyorwa nevarume vasere ava pabepa kana papirasi, asi dzaive dzisiri ndangariro dzavo. Kurudziro yakabva kuna Mwari. Vakanyora zvavakatumwa naMwari kuti vanyore. Testamente Itsva iShoko raMwari.

Mwari ega ndiye anogona kukurudzira mupostora Johane pedyo nemagumo ehupenyu hwake kuti asarudze maBhuku 27 akaringana eTestamente Itsva.

Saka, Mbeu yeShoko raMwari yakarurama yakamisikidzwa nemapostora mukati mekereke yekutanga.

Vanhu vaitungamirira vaizotungamirira kereke ichibva paMagwaro ichipinda muNguva dzeRima.

Pakupedzisira, Mwari anokurudzira kudzokera kuShoko rechokwadi cheBhaibheri zvishoma nezvishoma. Mwari ega ndiye anogona kukurudzira vakaturikira Bhaibheri reKing James kuti vatipe chokwadi chikuru chisingatirasiri mukati menguva dzechisikwa chetatu, Munhu, apo Mwari akakomborera dzidzo.

Hatigoni kuturikira Bhaibheri zvakanaka nhasi sezvo Mwari akukomborera chisikwa Gondo, zvinotipa muono wakapinza muzvakavanzika zveBhaibheri reKing James rakaturikirwa.

Nguva imwe neimwe yekereke inotungamirirwa muchokwadi cheMagwaro, zvakanaka kwazvo zvekuti nguva iyoyo ikurire iri muzviitiko zvakasiyana siyana zvinoiwira, nemutumwa anoshanda ari mufudzi.

Mufudzi wechokwadi ndiMwari, watinoziva seShoko raMwari. Kana nhume ikatungamirira kereke kudzokera kuMagwaro, vanhu vanoterera Mwari, Mufudzi wechokwadi.

MAPISAREMA 23:1 JEHOVA ndiye mufudzi wangu; Hapana chandingashaiwa.

Nhume nomwe dzinobatsira kereke kuti itevere Magwaro nzira yoga yatinogona nayo kupikisa muvengi.

MaJuda haana kubvira aita mhemberero pazuva rakasarudzwa repagore

Gore rine mavhiki 52 ane mazuva manomwe, nerimwe zuva rimwechete.

Zuva rimwe riri pamusoro iri rinoreva kuti gore rimwe nerimwe rakasiyana negore rinouya mumashure maro. Nguva dzinogara dziri chinyangadzo chinoda kuverengwa zvakachenjera.

Asi Mwari akasiya vhiki rimwechete kunze nebwoni. (Izvi zvakaita kuti gore remaJuda rive duku nemazuva masere kugore chairo).

Maprista aishanda kwemavhiki 48 nemamwe mavhiki matatu emitambo. Ndiwo mavhiki 51.

Kutenda kwemaJuda kwaive kusina kuzadziswa sezvo paive nechimwe chinhu chavaisaona.

Vaizoramba Mwari paaizouya panyama ari Messiasi.

Vhiki risipo iri raireva kuti hapana pakati pavo nesu anogona kuverengedza misi zvakanaka.

MaJuda vaizowedzerera nguva kuti karenda rifambirane negore chairo. Chiito chakaneta. Nguva yakafanana naSatani, chinhu chisina maturo chakaipa chatinozofara kubvisa zvachose kwatiri rimwe zuva kana Mutumwa mukuru wekuna Zvakazarurwa Chitsauko 10 amutsa vakafa achizivisa kuti

ZVAKAZARURWA 10:6 ... kuti nguva haingazovipo.

Nguva dzinoguma kuMwenga kana Kutinhira kunomwe kwazivisa kuti voshandurwa sei miviri yavo vachipihwa miviri isingavori vova chikamu cheHupenyu husingagumi.

Mwedzi wemaJuda unobva pakuonekwa kweMwedzi wakagara izvi hazvisi zvinhu zvakagara zvateiwa pamusi wakasarudzika mukarenda redu reRoma kana raGirigori.

Mapegani chete ndivo vakagona kusarudza zuva rimwechete remwedzi pagore ravanopembere gore rega rega sekunge zuva rakakosha.

Musi wa 25 Zvita waive musi munguva yechando uri mutambo wemapegani wakazova zuva rakaberekwa mwari wemaRoma wezuva.

VAGARATIA 4:9 Asi zvino, zvamunoziva Mwari, zvikuru zvamunozikamwa naMwari modzokerazve seiko kune zvokuvamba zvisine simba, zvovurombo, muchida zve kutanga kuva varanda vazvo?

VAGARATIA 4:10 Munochengeta misi nemwedzi, nenguva namakore.

Musi wechi25 wemwedzi wechi 12 muna Zvita rinodaidzwa kuti musi weKisimusi, gore rega rega.

Kana mukapemberera musi uyu Pauro anokutorai semuKristu “wekutambisa nguva”.

VAGARATIA 4:11 Ndinotya pamsoro penyu, kuti zvimwe ndakabate-basa kwamuri pasina.

Mapegani aipembererawo kutanga kwegoredzva nekudaidzira zvine ruzha kuti vadzinge madhimoni.

Tichiri nayo mitambo yegoredzva ine ruzha, kana musi uyu uine zvaunoreva.

Nguva yeKisimusi muna 2020 negoredzva ra2021 rakaona vanhu vazhinji vachibatwa nehutachiwana nendufu dzeCOVID -19 korona. Mwari ari kuedza kutiudza kutii? Haasi kufadzwa nemhemberero mbiri idzi. Parizvino, vanhu vakasukurudzwa njere vanodanidzira kutaura kusimo muMagwaro kwekuti “Meri Kisimusi” nekuti “Goredzva rinofadza” izvi zvaive zvisina kufanira sezvo kupararira kwechirwere ichi kwakabva kwawedzera.

Hakuna musi wepagore wakasarudzwa wakakosha kumuKristu.

MuTestamente Itsva, maKristu havana kubvira vapemberera kuzvarwa kwavo.

Kwaingova nemitambo miviri yemazuva manomwe

Mimwe mitambo miviri yakavapo kwevhiki rimwechete.

Mutambo weZvingwa zvisina Mbiriso nemutambo weMatumba.

Ndiyo yega mitambo miviri yaimiririra zviitiko zvaive zvina Mwari achitonga pamusoro pazvo.

Mutambo wePentekositi wakaitwa kwezuva rimwechete.

Mutambo wemavhiki, unova Musi wePentekositi, wakatanga nguva yekereke kereke ikaipiswa. Saka mutambo uyu waive wakaringana pamusi mumwechete.

EKSODO 12:15 Mudye chingwa chisina kuviriswa kwamazuva manomwe;

EKSODO 23:15 Uite mutambo wezvingwa zvisina kuviriswa; udye zvingwa zvisina kuviriswa mazuva manomwe, sezvandakakuraira, panguva yakatarwa pamwedzi weAbhibhi (nokuti wakabuda nawo Egipiti); kurege kuva nomunhu anouya pamberi pangu asina chinhu;

“Abibi” zvinoreva kuti “nzeve dzezviyo” rimwe zita remwedzi Nisani.

REVITIKO 23:34 "Taura navana valsiraeri uti, `Nezuva regumi namashanu romwedzi uyu wechinomwe JEHOVA anofanira kuitirwa mutambo womatumba mazuva manomwe.

MaJuda vaive nemitambo minomwe, asi mitambo miviri chete ndiyo yaiitwa kwevhiki rese.

Mutambo weZvingwa zvisina Mbiriso neMutambo weMatumba.

Paseka kana musi wekugadzirira pamusi wechigumi nemana chaive chiitiko chakasiyana apo gwayana raiuraiwa nekugochwa (China). Husiku hwainge hwadarika hwaive Chirayiro chekupedzisira (Chitatu chedu husiku).

Zuva rechigumi nemashanu raive mutambo wePaseka (Sabata guru) paidyiwa gwayana rakagochwa. Zuva iri raivewo mutambo weZvingwa zvisina Mbiriso. Raive zuva rekutanga remazuva manomwe ezvingwa zvisina mbiriso. Mucherechedzo wekururama kwaKristu munguva nomwe dzekereke.

Zuva rechigumi nematanhatu raive mugovera weSabata. Zuva rechigumi nemanomwe raive Svondo yerumuko, chibereko chekutanga ari Jesu akava munhu wekutanga kumuka kuvakafa muMuviri usingavori. Zuva rechimakumi maviri nerimwe raive zuva rechinomwe rezvingwa zvisina mbiriso.

Paseka ndiyo inotanga. Kuuraiwa kwaKristu kunorwadza kuti tiripire zvivi zvedu.

Zvino vhiki reZvingwa zvisina Mbiriso neZvibereko zvekutanga zvakaitika Muvhiki rimwechete zvinozivikanwa nekunzi Mutambo weZvingwa zvisina Mbiriso. Uku kwaive kupemberera dzikinuro yekereke mukati menguva nomwe, totenda kurwadziswa nekutambudzwa kwake.

Zvibereko zvekutanga, kumuka kwaKristu, paaionekana nerufu, gehena, neguva zvino hupenyu hwake apo aitungamirira kereke mukati menguva nomwe dzemakereke.

Mazano maviri ekupedzisira anobatana kuita vhiki mutambo wevhiki rekutanga wakareba.

Mutambo weZvingwa zvisina Mbiriso.

Kristu ndiye chipiriso chakarurama kuzvivi anotakura zvivi zvedu kuenda nazvo kuGehena kunozvirasira panaDiaborosi. Kereke inorarama chete nekuda kwehutungamiri hwake hwakarurama nerutsigiro rwake mukati menguva nomwe dzemakereke. Saka izvi zvinoda mhemberero dzemazuva manomwe kuti tifarire kururama kwaJesu nekusunungura kwaanoita vanhu vake.

Mutambo unotevera unoitika kwemavhiki manomwe kana sabata kumberi (mazuva 49) unotanga zuva rinotevera, zuva rechimakumi mashanu raive Svondo, rakadaidzwa kuti mavhiki emutambo nekuti vaifanira kumirira mavhiki manomwe izvi zvakatanga pazuva rePentekositi.

Izvi mucherechedzo wekereke vachifanira kudzidzira kumirira Mwari uye kuti vasaite chero chinhu pachavo.

Izvi zvinomiririra zvese zvakanaka nezvakaipa mumakereke sezvo vaive nezvingwa zviviri zvakabikwa nembiriso. Izvi zvinosimbisa kuti Jesu akarurama uye haatadzi, kwete munhu. Zvingwa zviviri zvinomiririra nguva yekereke yekutanga neyekupedzisira idzo dzoga dzaive nechokwadi chakazara mutambo wemavhiki, apo vaimirira mavhiki manomwe kuti Pentekositi isvike.

Mutambo uyu wakaitika musi umwechete, kwete mazuva manomwe. Izvi zvinoreva kuti, munguva yechinomwe, vashoma kwazvo vanozoshandisa zvakataurwa neHama William Branham kuti vanzwisise Shoko rakanyorwa. Mharidzo dzake dzinosvibiswa nevateveri vake.

Asi maprista vaizogona chete kuchinjana musi weSabata. Saka maprista ese vaivepo pamutambo wemusi weSvondo wemavhiki kana Pentekositi, vaifanira kuzadzisa vhiki rese remabasa emuTembere vasati vabva.

Uyu mucherechedzo wekuti nguva imwechete chete, nguva yekereke yekutanga yaive nechokwadi chavakaparidza pasi rese.

Chokwadi chakarasika munguva yechipiri apo maBhishopu akatanga kutungamirira kereke. Chokwadi chakafa netiriniti paKanzuru yeNicaea muna ad 325 chikavigwa mutsvina yeNguva dzeRima. Rumutsiridzo raLuther rwakatanga kudzorera chokwadi asi munguva yekereke yechinomwe, zaruriro dzehama Branham dzeZvisimbiso zvinomwe dzakavodzwa nevateveri vake vakamusimudzira kuti ave munhu asingatadzi kumuita Izwi raMwari (zvisina kumbobvira zvataurwa muTestamente Itsva). Zvinosuwisa, vakatevedzera mai vemakereke Roman Catholic inoti Pope wavo haatadzi. Pachinzvimbo chekushandisa zvaakataura kuzivisa Shoko raMwari, vakatsiva Shoko raMwari rakaziviswa nekuturikira kwavo kwavakaita zvaakataura. Saka vashoma kwazvo vachagona kudzoserwa kuShoko rakadzidziswa pakereke yekutanga.

RUKA 18:8 Asi Mwanakomana womunhu kana achisvika, uchawana kutenda panyika here?

Nekuda kweizvi, zvichibva pakunyadziswa kwedu, nguva yekereke yekutanga chete ndiyo yakabudirira. Zvakadaro, zuva rimwechete kana nguva imwe ndiyo yaive yakafanira kupemberera.

Mwari anopemberera nguva yekutanga, kana zuva rekutanga apo mapositora aive nechokwadi.

DEUTERONOMIO 16:16 Varume venyu vose vanofanira kuuya pamberi paJEHOVA Mwari wako katatu pagore panzvimbo yaachatsaura, pamutambo wechingwa chisina kuviriswa, napamutambo wamavhiki, napamutambo wamatumba; havafaniri kuuya pamberi paJEHOVA vasina chinhu.

Mitambo mitatu ndiyo yoga yakataurwa. Nei?

Zuva rimwechete reHwamanda nekunatsirwa mucherechedzo wemaJuda munguva yeKutambudzika kukuru.

Nguva inotyisa iyi inosiiwa sezvo huri husiku hwerima apo zvivi zvinotora hushe panyika.

Iri ndiro vhiki rakasaririra risina kubvira raiswa naMwari kugore remaJuda sezvo Mwari asingadi kurangarira nguva inorwadza yeKutambudzika kukuru.

MaJuda aishandisa zivo dzevanhu kuti vanzwisise zano raMwari. Njodzi huru yakavasiya vari kunze kwezano raMwari munguva nomwe dzese dzemakereke. Vanodzoka chete muzano raMwari munguva yeKutambudzika kukuru nenguva yeKutambudzika kukuru nenguva yeRufu nekutambudzika haigoni kupembererwa.

Saka Hwamanda injodzi dziriko munguva yeKutambudzika kukuru dzinomanikidza maJuda kudzokera kuIsraeri.

Zuva rekurwadziswa ndipo pavanozoziva kuti vakaroverera Messiasi. Nguva yekuchema nekuungudza. Pasina kupemberera.

Saka Hwamanda nekurwadziswa ndizvo zviitiko zvikuru zvenguva yeKutambudzika zvisina anoda kuzvirangarira, kana kuzvipemberera.

Mutambo wechipiri unotora vhiki unonzi mutambo weTabernakeri kana kuti weMatumba.

Unopemberera maJuda achivaka misha yawo muMereniyamu kana makore 1000 erugare.

Pane nguva nhatu dzakakosha dzaidiwa naMwari kuti arangarire, saka akaisa mitambo mitatu.

Mutambo wemazuva manomwe 1. Kufa kuvigwa nekumuka kwaJesu nekururama kwake, hushumiri husina kukundikana munguva nomwe dzemakereke.

Mutambo wezuva rimwechete 2. Musi wePentekositi apo kereke yemapostora ekutanga yakavambwa yaizova muenzaniso mumwechete wakanaka wenguva nomwe dzekereke. Zvisinei nekuti zvivi zviri mukereke zviripo kutiyeuchidza kuti hakuna munhu akarurama.

Mutambo wemazuva manomwe. Mwari haadi kurangarira husiku hwenguva yeKutambudzika kukuru. Inotyisa zvakanyanya. Kudeuka kweropa kunotyisa. Saka anodarikira Hwamanda nekurangwa onopemberera maJuda muMereniyamu, vachivaka matumba avo kana Tabernakeri. Ndipo Jesu anotonga nyika.

Mwari paakatanga kutaura nezvemusi, akasiya husiku.

GENESISI 1:5 Madekoakavapo, nama­ngwanani akavapo, zuva rimwe.

Madekwana. Pasina husiku. Magwanani.

Mwari ari kuedza kutiudza kutii?

Chiedza chemadekwana chichagonesa kudzokera kwevamwe vatendi, munguva yekereke yekupedzisira, kudzokera kunotenda kwenguva yekereke yekutanga kuzaruriro dzaWilliam Branham dzakazarurwa.

Raodikia haipisi kana kutonhora. Haina Chiedza kana rima. Haina masikati kana husiku. Chingori chimhukutira pakati chinoti chikamu Magwaro chikamu hachisi Magwaro. Vanoziva nezveruponeso nemabasa akanaka asi vanozviramba nekuzvifuratira vachitevera mazano akachenjera anobva pane zvakabatwa paitaura vanhu zvisingagoni kutsigirwa neMwagwaro.

ZEKARIA14:7 Asi richava zuva rimwe rinozikanwa naJEHOVA hapangavi namasikati kana husiku, asi nenguva yamadekwana chiedza chichavapo

Kunobva kwauya husiku hunotyisa hwenguva yeKutambidzika apo Mweya Mutsvene wakabva panyika, uchienda neMwenga Kudenga. Mwari haana kutaura nezvehusiku. Haadi kurangarira nezvazvo. Ingori nguva inotyisa nekurwadza kufunga nezvayo.

Mangwanani anobva auya nekutanga kwezuva rechinomwe, mereniyamu, makore 1000 erugare apo Kristu neMwenga wake vanotonga nyika.

Ndipo maJuda vanovaka dzimba dzavo muNyika yeChipikirwa vova rudzi runotonga pasi rese rinogarwa nemarudzi, vaHedeni vanenge vapona paAmagedhoni vasina kubvira vanzwa Evangeri.

Izvi zvinoratidzwa nemucherechedzo weTabernakeri.

Zvinofadza kuti maJuda adzoka muHushe, Mwari anorangarira zuva rechinomwe iri remakore 1000 rinozadzisa zuva rechinomwe rekuna Genesisi Chitsauko 2 apo Adamu nemwenga wake Eva vaifanira kutonga nyika kwemakore 1000 asi vakaipisa.

“Mutambo wemavhiki” wakatora zuva rimwechete, zuva rePentekositi.

Chingwa chine Mbiriso mucherechedzo wezvivi uye kusarurama mukereke mukati menguva nomwe dzemakereke.

Iyi iyeuchidzo yakajeka yekuti maKristu haana kururama uye kuti vanhu havafaniri kuti hama Branham vkarurama, kana kuti havatadzi, kana kuti ndivo chokwadi chikuru.

REVITIKO 23:17 Munofanira kutora kudzimba dzenyu zvingwa zviviri zvinozunguzirwa zvezvegumi zviviri zveefa; zvinofanira kuva zvoupfu hwakatsetseka, zvibikwe nembiriso, kuti zvive zvitsva kuna JEHOVA.

Zvingwa zviviri zvekuzunguzira. Nguva yekereke yekutanga neyekupedzisira ndidzo dzega dzichava nechokwadi chakazara.

Zvisinei nekusarurama kwevanhu.

Asi vanhu vashoma kwazvo venguva yekupedzisira vachadzorerwa kuchokwadi chekutanga nekutenda kweTestamente Itsva. Saka, Mwari anopa zuva rimwechete kumutambo. Zvinoita sekuti nguva yedu yechinomwe yakazara kuipa zvekuti haina kufanira kutaurwa.

Saka, mutambo wevhiki rekutanga waitaura nezvaKristu, nemutambo wechipiri wezuva rimwe waitaura pamusoro pekereke yekutanga pamakereke manomwe evaHedeni.

MaJuda vaive nemutambo umwechete wemazuva manomwe Mutambo weMatumba.

Mwari akasiya zviitiko zviviri, kuridzwa kweHwamanda nezuva rekurangwa. Nei? Nekuti zvinoitika munguva yeKutambidzika. Hakuna chinobva munguva yeKutambudzika chinorangarirwa. Zvese zvinongosiiwa sezvo zvichimiririra rima rehusiku. Mwari Chiedza.

Hakuna pakati pezviitiko zviviri izvi, Hwamanda kana kurangwa chinoyanana nenguva nomwe dzemakereke. Mwenga kubva munguva nomwe dzemakereke haapindi munguva yeKutambudzika.

Mumwedzi wechinomwe ndimo maive nekuridzwa kwehwamanda. Izvi zvinoshanda chete pakupedzisira kwenguva nomwe dzemakereke, kwete munguva dzemakereke manomwe. Vatumwa vaviri Mosesi naErija vacharidza hwamanda dzinoshamisa dzinova mutsetse wenjodzi dzichadzinga maJuda kuti vadzokere kunoungana kuIsraeri munguva yeKutambidzika kukuru. Hakuna vhiki rakakosha richarangairirwa kutambura uku semutambo kana mhemberero. Mwari haadi kurangarira nguva yeKutambudzika.

NUMERI 10:2 Uzviitire hwamanda mbiri dzesirivha; unofanira kudziita nesirveri yakapambadzirwa; idzo dzinofanira kukubatsira kudana ungano nokuraira kuti mapoka afambe.

Hwamanda mbiri. Mosesi naErija.

Zvino zuva rekurangwa rinomiririra maJuda 144,000 vachigamuchira Jesu saMuponesi wavo. Nguva yekuchema kukuru. Hakuna vhiki rakasarudzwa rinogona kurangarirwa zuva iri rekurwadziwa kwakadzama nekudemba kukuru semhemberero kana mutambo.

Zuva rekurwadziwa iri rinobva munguva dzakadzama dzeKutambudzika kukuru. Haisi nguva yekurangarira.

Kune mutambo mumwechete wemazuva manomwe kumaJuda. Vhiki reMhemberero dzematumba kana Tabernakeri unomiririra zvivakwa zvichavakwa nemaJuda vachizvivakira muMereniyamu kana makore 1000 erugare.

Mazuva manomwe emutambo kana mhemberero anoyeuchidza kuti Mereniyamu izuva rechinomwe rezano raMwari rekutanga paakaita mazuva matanhatu emakore 1000 achisika nyika nekuiita kuti ive nzvimbo yakafanira kugara vanhu. Izvi zvinozadzisa zano raMwari rakakanganiswa naDiaborosi muEdeni.

Jerusarema ndiyo yega nzvimbo yakatambirirwa chipiriso naMwari.

I MADZIMAMBO 11:36 Asi mwanakomana wake ndichamupa rudzi rumwe, kuti Davidi muranda wangu ave nomwenje nguva dzose pamberi pangu paJerusaremu, iro guta randakazvitsaurira, ndiise zita rangupo.

Mutungamiri wenyika Trump akaita chinhu chikuru paakashingirira kufuratira pasi rese achiita Jerusarema guta guru renyika yeIsraeri mugore 2018.

Izvi zvakagadzirira nhandare yekuti Jesu agone kudzoka kumaJuda ikozvino, paanenge adira.

Kugadzirisa karenda remaJuda kuti rifambirane negore chairo

Mugore rimwechete, mapoka 24 evaprista rimwe nerimwe raishanda kwemavhiki maviri. Zvinotipa mavhiki 48.

Mwari akabva awedzera mavhiki mamwe matatu emitambo: Paseka, Pentekositi, Tabernakeri kana matumba.

48 + 3 = mavhiki 51

MaJuda aive nevhiki rimwechete raive risipo rekuvarangaridza kumukira kwavakaita Mwari.

Vaifanira kutamba nekarenda vachiwedzera mumwe mwedzi kuti vaite gore remwedzi 13.

Izvi zvinoitika kanomwe mumakore 19 kuvarangaridza kuti ivo sevanhu vakaramba vachirwa naMwari.

Mumakore 19 vaive nemakore manomwe ane mwedzi 13 nemakore 12 ane mwedzi 12. (7 na 12 zvakare).

Kereke ine dambudziko rimwechete iri.

Imwe hafu yechigadziko chemwenje mucherechedzo wazvakazarurwa chitsauko 2 umo makereke mana ekutanga anoperera muNguva dzeRima dzekumukira chokwadi.

Zvakazarurwa Chitsauko 3 ine nguva nhatu dzemakereke nekumutswa kuti tidzokere kunotenda zvakatendwa nevenguva yekereke yekutanga.

Gumi nenhatu chiverengo chekumukira.

GENESISI 14:4 Vakanga vava varanda veKedoriraomeri makore ane gumi namaviri, vakamumukira negore regumi namatatu.

Neizvi zvichiitika, hatigoni kuva nechokwadi chakazara chemisi nemazuva nekuti hatizivi nguva dzese kuti maJuda akawedzera riini mumwe mwedzi.

Zvakazarurwa Chitsauko 13 inoratidza kusimuka kwekereke yeRoma sechikara uyezve kusimuka kune simba kwechisikwa cheAmerica. Masimba maviri aya anomiririra kumukira Mwari.

Mugore 2021 vaviri veCatholic Biden naPelosi vakatora kutungamiriri hweAmerica. Nhandare iri kuteiwa kuti kereke yeCatholic itonge America yotora hushe hwayo. Pakugadzwa kwake, Mutevedzeri wemutungamiriri wenyika Kamala Harris akanga akapfeka ruvara rushava. Ruvara runopfekwa nemaBhishopi nemaAchibhishopu eCatholic. Anopfeka maparera. Musuwo umwe nemumwe wedenga iparera. Zvinomiririra kuzarura kwake musuwo weAmerica pakutonga kweRoman Catholic. Mukadzi mucherechedzo wekereke.

60 11 13 KUSHORWA NEKUMIRIRIRWA

Zvino vakadzi ava pavanobatsira kusarudza munhu asiriiye, ndakaona mukadzi mukuru kwazvo achisimuka muUnited States, akashonga zvakanaka kwazvo, asi ainehutsinye mumoyo make. Achatungamirira nyika ichienda kumawere. (kungofungidzirawo “zvichida ikereke yeCatholic.”)

America yaive renje umo vemasangano anopikisa vakatizira vachibva mukurwadziswa nekushungurudzwa neCatholic. Zvino vave kupa nyika iyi kumaCatholic.

Biden, mumwedzi wake wekutanga pabasa, akanga atoisa mamiriyoni mazhinji emari kuchirongwa chevanobvisa mimba. Kuuraiwa kwevana kwagara uri mucherechedzo weekisodo kana rwendo. Rwendo rwekutanga rwaive rwemaJuda achibuda muEgipita. Farao akauraya vana vemaJuda, Eksodo yechipiri yaive kereke ichibuda muchiJuda. Herode akauraya vana. Rwendo rwetatu nderweMwenga achibuda mukereke munhu weCatholic, Biden, ari kukurudzira kubvisa mimba. Zvakare, ari kukurudzira chingochani nevanhu vanochiita vachipihwa mabasa makuru. Sezvazvaive mazuva aRoti akararama muguta reSodoma. Nhandare iri kuteiwa.

RUKA17:28 Sezvazva kanga zvakaita vo namazuva aRoti; vaidya, nokumwa, nokutenga, nokutengesa, nokusima, nokuvaka;

29 Asinomusi wakabuda Roti muSodoma, moto nesurferi zvakanaya. Zvichibva kudenga, zvikavaparadza vose.

Kana nyika ikadzokera kunotendera kodzero dzengochani dzaive muSodoma, kuchaburuka moto wemamiziri enyukiriya.

RUKA 17:30 Ndizvo zvazvichaita vo nezuva iro, Mwanakomana womunhu raachavonekwa naro.

Panguva iyoyo Jesu achaziviswa achifamba nemapeji eBhaibheri panoziviswa zvakavanzika zvenguva yekupedzisira.

Govero yechisere yeAbia muChigiriki kana kuti Abija muChiheberu

Kana zvakavanzika zvikaziviswa, tinofanira kugona kupatsanura tichironda kusvika pakuzvarwa kwaJesu.

RUKA 1:5 Namazuva aHerode, mambo weJudea, mumwe muPirisita waivapo, wainzi Zakaria, wegovero raAbia; mukadzi wake waiva wavanasikana vaAroni, zita rake rainzi Erisabete.

Abia (Muchigiriki) yaive govero yechisere yeAbija yechiHeberu.

I MAKORONIKE 24:10 wechinomwe Hakozi, worusere Abija

Zakariasi aifanira kubata vhiki rechisere sezvo yaive govero yeAbia kana Abija.

Gore rechiJuda raitanga muna Kurume kana Kubvumbi zvichibva nekuti mwedzi wakagara riini.

Tinofungira kuti rakatanga muna Kurume. Rinogona rakatanga muna Kubvumbi saka tinoramba tisina chokwadi tiri mberi kana shure nemwedzi mumwechete.

Wandiri kuti Kurume pakarenda redu, maJuda ndiwo Nisani. Kubvumbi ndiwo Iyari. Chivabvu ndiwo Sivani.

Vhiki rechitatu raive mutambo weZvingwa zvisina Mbiriso pave maprista ese pabasa. Saka vhiki rechitatu pakati pezuva rechi21 nerechi28 rinenge riri boka remaprista echitatu.

Mavhiki manomwe Pentekositi isati yakwana anotanga zuva reZvibereko zvekutanga (rekumuka kubva kuvakafa) raive remitambo yeZvingwa zvisina Mbiriso. Mugore AD 33, pakafa Jesu, Zvibereko zvekutanga zvaive musi weSvondo 17.

Mumashure mevhiki retatu, boka rimwe nerimwe remaprista raizova vhiki rimwechete kumashure kwevhiki chairo.

Vhiki rechisere, kupera kwemwedzi waKubvumbi, mavhiki matanhatu aive apera kuti vasvike nguva yePentekositi yaida mavhiki manomwe nezuva rimwechete.

Rangairirai, tiri kushanda nemavhiki emazuva manomwe mupimo mumwechete chete waive nemaJuda eTestamente Yekare. Mavhiki mana pamavhiki aya aizoita mwedzi.

Sekuona kwenyu, maprista eAbia aive pabasa vhiki rechipfumbamwe. Iri raivewo vhiki rechinomwe kana kuti vhiki rekupedzisira repakati pemitambo yezvingwa zvisina mbiriso nePentekositi.

Saka, Zakariasi nemamwe maprista vaive mugovero yeAbia vaifanira kugara zvakare kwerimwe vhiki reMutambo weMavhiki, wakatanga pakapera mavhiki manomwe.

RUKA 1:23 Zvino mazuva okushumira kwake akati apera, akaenda kumba kwake.

Iri ivhesi risina kujairika. Muprista wese aifanira kupedza vhiki rake asati aenda kumba.

Nei Zakaria akataurwa achinzi apedza hushumiri hwake? Nekuti akaita mavhiki maviri akatevedzana.

Mutambo wezvingwa zvisina mbiriso muvhiki retatu, wakaendwa nemaprista ese, wakasairira govero yechisere yeAbia kupinda muvhiki rechipfumbamwe. Mutambo wemavhiki waida kuti arambe akatsunga kwerimwe vhiki rakakosha rairaudzira, raive vhiki regumi. Saka, aifanira kupedzisa vhiki rakapetwa kaviri. Iyi ndiyo yega nguva pagore yaaifanira kuita mavhiki maviri akateverana.

RUKA 1:24 Mazuva iwayo akati apfuvura, Erisabete mukadzi wake akatora mimba, akazvivanza mwedzi mishanu, achiti:

25 Ndizvo zvandakaitirwa naShe namazuva aakanditarira, kuti abvise kunyadzwa kwangu pakati pavanhu.

Saka, mimba yaJohane Mubapatidzi yakabatwa vhiki rinenge rechigumi nerimwechete.

Mimba inoita mavhiki makumi mana.

40 + 11 = mavhiki 51

Saka, Johane aizoberekwa nguva inoda kukwana gore (iri pamavhiki 52) kubva pakutanga kwegore musi wa 1 Kurume.

Kana gore raitanga musi wa 1 Kubvumbi, Johane aifanirwa akazoberekwa nguva inoda kuva gore raizotevera muna Kubvumbi).

Saka, kubva pakutanga kwegore, hameno kuti maive muna Kurume here kana Kubvumbi kusvika pakuzvarwa kwaJohane zvaida kukwana gore.

Ruzabeta aive mumwedzi wechitanhatu pakabata mimba yaMaria. Johane aive mukuru kuna Jesu nemwedzi mitanhatu.

RUKA 1:26 Nomwedzi wechitanhatu mutumwa Gabrieri wakatumwa

27 kumhandara, yakanga yanyengwa nomurume, wainzi Josefa, weimba yaDavidi; zita remhandara rainzi Maria

31 Tarira, uchava nemimba, uchazvara mwanakomana, ugomutumidza zita rinonzi JESU.

36 Vuye tarira, Erisabete, hama yako, naiye wavanemimbavo yomwanakomana pakuchembera kwake; mwedzi uno wava wechitanhatu kunaiye wainzi haabereki.

Kana Johane akazvarwa nguva yakapoteredza kutanga kwaKurume kana Kubvumbi Jesu anozozvarwa mwedzi mitanhatu inotevera.

Izvi zvinoisa zuva rekuzvarwa kwake mumwedzi yana Gunyana naGumiguru.

Akabviswa pakati pevhiki rechimakumi manomwe remakore manomwe.

DANIERI 9:27 Zvino iye achaita sungano yakasimba navazhinji vhiki imwe; pakati pevhiki achagumisa chibayiro nechipo, zvino muparadzi achasvika nebapiro rezvinonyangadza;

Aifanira kuita hushumiri hwemakore manomwe asi akagurirwa panzira ava pakati pawo.

Izvi zvinoreva kuti aive nehushumiri hwemakore matatu nehafu.

Ndapota batisisai: Sungano YAKASIMBISWA kwete kuitwa. Saka sungano yakaitwa nguva yemakore manomwe isati yauya.

Tichataura pamusoro peizvi pamapeto echidzidzo chino.

Aive ava nemakore anoda kuita 30 akabapatidzwa naJohane Mubapatidzi.

RUKA 3:21 Vanhu vose vakati vabapatidzwa, naiye Jesu abapatidzwa vo, achinyengetera, denga rikazarurwa.

RUKA 3:23 Zvino iye Jesu wakanga anamakore anenge makumi matatu,

Saka, rubapatidzo rwake runozova mumwedzi unenge Gunyana naGumiguru.

Makore matatu aizotevera inenge yava nguva yanaGunyana naGumiguru.

Makore matatu nehafu anozoreva kuwedzera mwedzi mitanhatu zvinozosvika muna Kurume kana Kubvumbi wegore rinotevera, inova nguva yePaseka paakafa.

KUSIMBISA sungano hakurevi kuti KUITA sungano

DANIERI 9:27 Zvino iye achaita sungano yakasimba navazhinji vhiki imwe; pakati pevhiki achagumisa chibayiro nechipo,

Mwari akaita sungano naAbrahama kuna Genesisi Chitsauko 15.

Akacheka zvipiriso zvitatu nepakati akazviisa pasi mahafu azvo maviri akatarisana (mucherechedzo weTestamente Yekare neTestamente Itsva akatarisana akapatsanurwa nemaBhuku mana eEvangeri.

Abrahama akavata akakotsira (haana chaaigona kuita kuti azviponese. Kukotsira mucherechedzo werufu) nekuipa kwerima guru (kuipa kwekufa nekuripira zvivi zvedu ). kwaive nechiutsi chaibva muchoto (mucherechedzo wevira regehena). Ruponeso rwega ruri pagwayana rakatsva (Chiedza) chinofamba pakati penhindi dzezvipiriso.

Sungano iyi yakasimbiswa paKalvari. MaBhuku mana eEvangeri anotsanangura hushumiri hwaKristu. Iye oga anogona kuzadzisa zvakaprofitwa nezvakarehwa neTestamente Yekare. Iye ega aikwanisa kutungamirira kereke yeTestamente Itsva mukati menguva nomwe dzekereke dzakakura kubva muTestamente Yekare. Semuenzaniso, chigadziko cheMwenje minomwe chaive munzvimbo tsvene yeTabernakeri, inomiririra nguvanomwe dzemakereke. Jesu ega ndiye aiziva zvaiitika munguva yehushumiri hwake. Chero Johane Mubapatidzi akakura achikatyamara nekufungidzira kuti aive asiri Messiasi.

Kukereke, Testamente Itsva yakatanga muBhuku raMabasa. Ipapo chete ndipo pavakatanga kunzwisisa zvaiitika. Saka Jesu, akafira zvivi zvedu paKalvari pakati peTestamente Yekare neTestamente Itsva muBhuku raMabasa. Paakafa, Mweya wake Mutsvene unoshamisa wakabuda muMuviri wake seChiedza chinopenya wakatakura zvivi zvedu kudzika nazvo kugehena kunozvirasira pana Diaborosi.

Kalvari yakazadzisa sungano yakaitwa naMwari naAbrahama.

Calvari yakagumisa zvibairo zvese zvemhuka zvaiitwa nemaJuda muTembere.

“Kusimbisa Sungano kwevhiki imwe”. Jesu aifanira kuita hushumiri hwemakore manomwe aizogadza Hushe hwake hwerugare hwemakore 1000, maJuda achitonga pasi rese.

Zuva rimwe rinogona kumiririra gore muchiprofita.

Tarirai zvakataurwa naRabani kuna Jakobo.

GENESISI 29:27 Pedzisa vhiki yewaniso naiyeyu, tigokupa mumwewo pamusoro pebasa rauchandibatira mamwe makore manomwezve

DANIERI 9:27 ... pakati pevhiki achagumisa chibayiro nechipo, zvino muparadzi achasvika nebapiro rezvinonyangadza; kusvikira pakuguma kwazvo kwakagara kwakatarwa,

Kristu akafa pakati pevhiki, mumashure memakore matatu nehafu.

Ngatishandei tichidzokera shure kubva pavhiki rekutanga raKubvumbi, AD 33 sezvo vadzidzi vakawanda vanoti Paseka yaive musi wa 3 Kubvumbi.

Kudzokera kumaShure Mwedzi mitanhatu kubva muna Kubvumbi musi wa 3, AD 33 (Kutanga kwaKubvumbi) munoguma mapakutanga kwaGumiguru, AD 32.

Gumiguru, Mbudzi, Zvita, Ndira, Kukadzi, Kurume.

Koti, Gumiguru ndipo pakabapatidzwa Jesu.

Akazvarwa nguva dzinenge mwedzi iyoyo sezvo anga akusvitsa makore makumi matatu.

Saka, tikatarisa kumashure tinowana kuti Jesu akazvarwa nguva yakapoteredza Gumiguru.

Tikatarisa kuberi, tinoguma tasvika nguva dzana Gunyana naGumiguru.

Misi iyi inoyanana zvakanakisa nekusagadzikana kunoda kusvika mwedzi mumwechete, zvinoita kuti zvisagoneka kunyatsodoma zuva raakazvarwa. Kukanganisa kuduku uku kunongoreva kuti Mwari haana kubvira ada kuti tipemberere zuva rekuzvarwa kwaJesu, haana zvakare kutirangaridza kuti tirangarire zuva rekuzvarwa kwake.

Asi, Kana akazvarwa kumberi mberi kwemazuva aGumiguru, hamuzowani makore matatu nehafu pakati pegore AD 29 (Kubapatidzwa kwake) naKubvumbi 3, AD 33 (kufa kwake).

Kana akazvarwa musi wa 25 Zvita, zvinoreva kuti hushumiri hwake hwakadupukiswa nemwedzi mitatu pamakore matatu nehafu ehushumiri hwake, sezvo akafa musi wa 3 Kubvumbi, AD 33.

Augustusi aive mubati weRoma aive nembiri kwazvo. Misi yaitarwa zvichibva panguva dzevatongi vehushe hweRoma. Saka misi yavo yaizivikanwa zvakanaka.

Augustasi akafa mugore AD 14 Seneta vakati mwanakomana wake wekuwana Tiberio aitwe mubati. Tiberio akagamuchira izvi muna AD 14.

Johane Mubapatidzi akatanga kuparidza mugore raTiberio rechigumi nemashanu. 14 + 15 = 29.

Saka hushumiri hwaJohane hwakatanga muna Kurume kana kuti kubvumbi mumashure menguva yechando mugore AD 29. Kwaizove nechando chakawandisa kuti kubapatidzwe vanhu munguva yechando.

RUKA 3:1 Negore regumi namashanu rokubata kwaTiberio Kesari,

Kana Johane Mubapatidzi akabapatidza Jesu munana Gunyana wegore AD 29, zvinoreva kuti Johane Mubapatidzi akaita hushumiri hwemwedzi mitanhatu.