666

We update studies as the Lord Jesus leads us. You can find the latest update of this study at ChurchAges.net

ZVAKAZARURWA 13:16 Chinomanikidza vose, vaduku navakuru, vapfumi navarombo, vakasununguka navaranda, kuti vapiwe chiratidzo muruvoko rwavo rworudyi, kana pahuma yavo.

“Pahuma dzavo”. Uyu munembo here kana kuti vanga?

Kwete. Mafungiro anenge oitwa nemunhu. Nzira yekufunga nayo inotongwa.

Inotongwa neumwe munhu.

Unova munhu wechipiri sezvo unenge usingagoni kuzvifungira. Munenge makutenderana nemafungiro esangano rezvechitendero.

ZVAKAZARURWA 22:3 ...Varanda vake (vaMwari) vachamushumira; vachavona chiso chake (ChaMwari).

4 Vuye zita rake richava pahuma dzavo.

Zita raMwari harina kunyorwa pahuma dzevanhu. Zita raMwari riri mupfungwa dzavo.

Chiratidzo chechikara chiripo kupikisa izvi uye kubvisa Zita raMwari mupfungwa dzevanhu nemundangariro dzavo.

Pahuma ndipo pane pfungwa.

Chakaiswa pahuma zvinoreva kuti chinotonga ndangariro dzavo. Zvino ruvoko runoiswawo nekuti ndangariro dzinotonga zvinoitwa nevanhu.

Chiratidzo chechikara zvinoreva kuti kutongwa pfungwa. Zvinowanzodaidzwa kuti kusukwa pfungwa.

Antikristu munhu mumwechete achatonga pfungwa dzevanhu nenzira imwechete iyo Mwari, Munhu mumwechete, yaanotonga nayo ndangariro dzevaranda vake.

Chiratidzo chechikara chinopikisa mafungiro aMwari saka anobva atsvaga mano ekubvisa zita raMwari mundangariro dzemunhu. Saka zita raMwari rinenge risisiri pahuma dzavo.

MaKristu anenge asisagone kudavira mibvunzo wekuti, “Zita raMwari nderekuti kudii”.

AMOSI 6:10 Uchati: Nyarara, nokuti hazvina kufanira kuti tireve zita raJEHOVA.

Zvinogoneka sei kuti pasataurwa Zita raMwari.

MaKristu anofunga pamusoro paMwari ari Tiriniti yeVanhu vatatu, Mwari Baba, Mwari Mwanakomana naMwari Mweya Mutsvene.

Vanoenda kumakereke havagoni kuwana Zita rimwechete reVanhu vatatu. Mwari weTiriniti haana zita, asi zvinzvimbo zvitatu.

Rimwe dambudziko nderekuti kutaura kwekuti “Mwari Mwanakomana” uye “Mwari Mweya Mutsvene” hakumo muMagwaro.

“Mwari Baba” zviri muMagwaro, asi muTestamente Itsva, hazvimo muTestamente Yekare.

Vanotenda kuTiriniti havagoni kutsanangura zvinhu izvi.

Mwari haana kubvira azivisa Zita rake muTestamente Yekare.

Zita rake raive rekuti JHVH kana kuti YHWH.

Asi tikatarisa izvi hazviverengeki.

Vanhu vakazvishandura kuita Jehova kana kuti Yahweh, asi mazita aya akangoitwa nevanhu ndosaka tichigona kumadaidza. Haasiwo mazita echokwadi ekuti JHVH kana kuti YHWH.

Vabereki vaSamusoni vakabvunza zita remutumwa waMwari.

VATONGI 13:17 Manoa akati kumutumwa waJEHOVA: Zita renyu ndiyaniko? Kuti tizive kukukudzai kana mashoko enyu achizoiika?

VATONGI 13:18 Mutumwa waJEHOVA akati kwaari: Unondibvunzireiko zita rangu zvarinoshamisa?

VATONGI 13:22 Zvino Manoa akati kumukadzi wake: Tichafa zvirokwazvo, nokuti takavona Mwari.

Saka Mwari akazviratidza kwavari ari Mutumwa waShe. Asi zita rake raive chishamiso kana chakavanzika.

Mwari akazviratidza kuna Jakobo ari munhu akarwa naye.

GENESISI 32:29 Jakobo akamubvunza, akati: Ndivudzeiwo zita renyu. Iye akati: unondibvunzireiko zita rangu? Akamuropafadza ipapo.

30 Zino Jakobo akatumidza nzvimbo iyo zita rinonzi Penieri; nokuti wakati: Ndakavona Mwari, vupenyu bwangu bwukachengetwa.

Mwari haana kubvira azivisa Zita rake muTestamente Yekare sezvo raive chakavanzika.

Mwari paakava munhu, akabva atora Zita remunhu Jesu.

Nekugadzira Tiriniti pakanzuru yeNecene muna 325 AD, kereke yeRoma yakabvisa zita raMwari. Kanzuru iyi yaitongwa nemubati Constantine. Zvematongerwo enyika nezvechitendero zvaive zvasangana kuita chibereko chisina kunaka chakabereka kereke yechipegani yaive isisagare ichitevera zvaive zvakanyorwa muBhaibheri.

Kubva ipapo mweya waantikristu wakakwanisa kuvaka chimiro chekereke Pope achitonga nehudzvanyiriri pamusoro payo. Vemasangano akabuda mairi vakateverawo muenzaniso uyu wemunhu mumwechete anotungamirira.

Kupinda Denga uri munhu anoenda kukereke zvinobva pakuvimbika kwako kukereke netsika dzayo. Ndiko kuzvinyengera.

Kukanganwa kuti kune masangano emakereke anodarika 45 000 akasiyana.

Saka rinonatsa nderipi pakati pawo? Kune riri kugona here pakati pawo?

I JOHANE 2:18 Vanana, inguva yokupedzisira; sezvamakanzwa kuti antichrist unovuya, nazvino vanaantikristu vazhinji vavapo; ndizvo zvinotizivisa kuti yava nguva yokupedzesera.

Madzibaba mapostora ndivo vakaita maKristu okutanga.

“Vanana” ndivo maKristu enguva yekupedzisira enguva yekereke yekupedzisira yeRaodikia nezvitendero zvayo zvemakereke zviuru nezviuru.

Asi mweya yaantikristu mizhinji yakasunungurwa kubva pakutanga kwenguva yekereke yekutanga.

Saka kunyengera muzvitendero kwawandisa mukati menguva dzose dzekereke dziri nomwe. Madhimoni anoramba achidzidza nekuramba achingwara. Mazhinji akangwarisa kudarika zvatiri. Saka tingaite sei kuti tisanyengerwe.

I JOHANE 2:19 Vakabva kwatiri, asi vakanga vasati vari vedu; nokuti dai vaiva vedu, vangadai vaigara nesu, asi vakabva kuti vavonekwe kuti vose havasi vedu.

Asi mweya yakaipa iyi haina kugona kuramba ichitevera Magwaro. Ndiko kuiziva kwatinoita.

Inoita zvitendero zvisina kunyorwa muMagwaro.

Saka takurarama munguva ine kukanganisa kuzhinji mune zveMagwaro kwakanatswa mukati memasenturi zvekuti zvinoita sezvakanaka pakunzwikwa kwazvo. Musanganiswa kwechokwadi nenhema wakaipisisa kudarika kukanganisa kwakazara. Muti wekuziva zvakanaka nezvakaipa ndiko kutsanangurwa kwekereke kwakanakisa nhasi uno.

ZVAKAZARURWA 13:17 Kuti munhu arege kuvapo anogona kutenga nokutengesa, asi iye ane chiratidzo, iro zita rechikara kana chiverengo chezita racho.

Chikara ndiro simba rinotonga rechitendero chakagadzwa. Musanganiswa wakaipa wekunyengera munezvechitendero, zvematongerwo enyika, uye hupfumi hunoba pfungwa dzeruzhinji.

Vatican yakasimuka mumasimba ayo ezvemweya uye zvechitendero kusvikira parizvino inotonga vanhu vanotenda muchiCatholic vanodarika 1,4 bhiriyoni.

Kaguta kanyika kaduku aka, kanotongwa nekereke yeSt Peter nekiyi, kane vanhu vanogaramo vasingadariki 800 saka kanotsanangurwa nechiprofita chaDanieri kachinzi “kanyanga kaduku” kana kasimba kaduku. Kaduku pakuonekwa kwako pakukura sezvo kakakura sikweya kiromita rimwechete, asi karinesimba zhinji pakurudziro yako pasi rese. Tichiwedzera, kubva pakakaitwa nyika duku-duku pasi rese muna 1929, Vatican ndiro rakava guta rakapfumisisa pasi rese.

Makomo manomwe ekutanga eRoma anoratidzwa pamufananidzo uri pasi apa. Laterani Basirika (kereke huru) nemuzinda weLaterani zvinoratidzwa pachikomo cheCaelia.

Pope akadzosa simba raive rarasikirwa nehushe hweRoma pahwakapambwa nevemarudzi evatorwa. Temberi yeJupita iri pachikomo chikuru ndiyo yaive gurukota rehushe hweRoma yechipegani. Ronda rekuuraya raKesari pachikomo chikuru riri kurapwa riri Basilica reLaterani raPope pachikomo chikuru.

ZVAKAZARURWA 13:3 Mumwe musoro wacho wakanga wakaita sowakuvadzwa kusvikira parufu: asi vanga raifanira kuvuraya; rakanga rapora, nyika yose ikashamiswa ikatevera chikara.

Laterani ndiro gurukota rekereke yeRoman Catholic panofambiswa zvinhu neguta reVatican.

Uku ndiko kuzadziswa kwechiratidzo chechiprofita chinotevera chekuna Zvakazarurwa chitsauko 17, apo mukadzi mucherechedzo wekereke.

ZVAKAZARURWA 17:9 Ndipo panokufunga kunenjere. Misoro minomwe ndiwo makomo manomwe anogarwa nomukadzi.

Roma ndiro guta reZvikomo zvinomwe. Kereke yeLaterani neguta reVatican zvinotonga vanhu vanotenda chitendero cheCatholic vanodarika 1,4 bhiriyoni pasi rese.

ZVAKAZARURWA 13:18 Ndipo panokuchenjera unoziva ngaaverenge chiverengo chechikara; nokuti chiverengo ndechomunhu; chiverengo chacho ndimazana matanhatu namakumi matanhatu nenhanhatu.

Score muChirungu zvinoreva kuti makumi maviri kana kuti 20. Chiverengo ichi ndicho 666.

Chikara ndiro bato rezvechitendero rakaitwa nevanhu rinotongwa nemunhu mumwechete ari musoro waro.

Ndiro bato rekereke rinotongwa kubva kuVatican kunotongwa naPope semudzvanyiriri mukuru uye semusoro wekereke iyi.

Chiratidzo chechikara pahuma dzedu ndipo patinotora zvitendero zvisimo muMagwaro zvemasangano emakereke anotevera muenzaniso wamai vemasangano ese kereke yeRoman Catholic.

ZVAKAZARURWA 17:1 Zvino mumwe wavatumwa vanomwe, vakanga vanendiro nomwe, akauya akataura neni, achiti: Vuya pano ndichakuratidza kutongwa kwemhombwe huru, inogara pamusoro pemvura zhinji.

Kereke ine simba kwazvo inodaidzwa kuti mhombwe. Inodaidzwawo kuti mai vemhombwe.

ZVAKAZARURWA 17:5 Pahuma yake pakanga pakanyorwa zita rakavanzika iri: BABIRONI, GUTA GURU, MAI VEMHOMBWE NAVEZVINONYANGADZA ZVENYIKA.

Makereke anopikisa akabuda muna mai vawo Roman Catholic.

Makereke anopikisa chiCatholic akangotevera zvitendero zvayo zvakaita seTiriniti nekuita munhu mumwechete mutungamiri wekereke. Mwari haafadzwi nesu nekuita izvi sezvo achitsanangura kuita kwemakereke edu achiti mhombwe, vakadzi vasina kutendeka kumurume wedu Jesu Kristu Shoko raMwari.

Makereke anoramba kutenda chokwadi chakanyorwa muBhaibheri.

Zvitendero zvechiCatholic zvinosvibisa mamwe makereke nekuti maCatholic ndiwo shasha pasi rese dzekuvaka bato rekereke. Vemasangano vanodisa kwazvo kuvaka bato rekereke hurusa kuita mufananidzo wekereke yeRoman Catholic.

Kereke yangu yakakura uye iri nani kudarika yako. ChiKristu chemakwikwi.

Chiverengo chechikara ndicho chiverengo chakavanzika chinovanza kuti munhu mumwechete anobva kupi anonzi ari pachinzvimbo chaKristu zviri zvekunyepa.

Nyangwe zvidii, Jesu anofanira kubviswa kubva pakuva musoro wekereke.

Kereke haifaniri kutongwa neBhaibheri chete.

VAEFESO 5:23 Nokuti Murume musoro womukadzi, saKristu vo musoro wekereke; iye amene ndiye muponesi womuviri.

Kuti vatevedzere kereke yeCatholic, kereke imwe neimwe yakabuda mairi inofanira kutongwa nemunhu, zvakaipisisa zvacho, dzimwe nguva nemukadzi.

Vamwe vakadzi vanokurira nekutonga vanhurume vanotungamirira makereke. Vakadzi vazhinji vanoita izvi kuvarume vavo.

Kubva pakereke yeCatholic, Pope ndiye akatsiva munhu mumwechete ane kiyi dzinovhura musuwo weDenga kuti mupinde.

Saka munhu uyu anobva atora nzvimbo yaJesu.

Jesu ndiye mukovo wekupinda Denga. Akati

JOHANE 10:9 Ndini mukova:

Asi munhu uyu ari kunzi ane makiyi emukova saka iye ega ndiye ane simba rekuzarura mukova kuti mupinde kana mafa.

Kutaura kwekunyepa uku kwakagonesa Pope kuti asimuke ave nesimba pamusoro pemarudzo evatorwa akaparadza hushe hweRoma yechipegani.

Saka Roma yechiPope, Roma yemaPope, yakagona kusimuka kubva mumatongo ehushe hweRoma ikakurira vaive vambokurira hushe hwenyika yeRoma.

Pope akabva ava mugadzi wemadzishe uye mutungamiri wezvemweya wemarudzi evatorwa aigara muhushe hweRoma.

Asi chakanyanya kukosha, Roma yakagona kumisa mamiriyoni evanhu kupinda denga nekuvaita kuti vabvise maziso avo pana Jesu vachitevera nzira isiriyo. Marudzi evatorwa zvino akatsvaga kubatira nekufadza munhu aizarura mukova uyo mupfungwa dzavo aive amire panzvimbo yaJesu.

Mwari akavenga chiPrista chakasimudzirwa chemuTestamente Itsva.

ZVAKAZARURWA 2:6 Asi chinhu ichi unacho, kuti unovenga mabasa avaNikoraiti (Nicolaitans), andinovenga neni vo.

Nikao zvinoreva kuti kupamba.

Laity zvinoreva kuti vanhu.

Saka vanhu vane shungu kwazvo vakatanga kuzvisimudzira sehushumiri hwechiprista chemabasa mashanu kupfurikidza kupamba ungano nekudzvinyirira vanhu. Humwechete hwehushumiri hwemabasa mashanu hunofanira kusimuka pamusoro pehumwe hwese kuitira kuti huve nesimba rakazara pamusoro pevamwe vanhu vose.

Nhasi uno zvinoita sekuti mufundisi ndiye anotonga kereke yake.

Ignatius, bishopu weAntiokia akafa makore akapoteredza 110 AD, akati “Mabhishopu enyu agere pachinzvimbo chaMwari.

Tarirai mweya waAntiKristu mukereke yenguva dzekutanga. Uchisimbisa kutaura kusimo mumagwaro kunosimudzira munhu kuti atonge kereke yepanzvimbo.

Nekukasika kwaive kwanemunhu anotonga makereke ese muguta, akaita sabhishopu weRoma.

Muna AD 607 Boniface III, bhoshopu weRoma akazviita bhishopu wemakereke ese pasi rese.

Ipai munhu simba pamusoro pevanhu anobva apedza hupenyu hwake hwese achitsvaga kuva nesimba rakawedzerwa pamusoro pevanhu vakawanda.

Johane Muzaruriri aive afa makore akapoteredza AD100. Sezvo aive mupostora wekupedzisira kufa, makava aive atanga kupinda kuti atonge kereke. Munhu anotungamirira aive atanga kutora nzvimbo yaMwari.

Pauro akatanga kereke yepaEfeso akaisa boka revatungamiriri vekereke panzvimbo kuti vaparidze nekutarisira vanhu mukereke panzvimbo. Haana kuisa munhu mumwechete kuti atonge. Uye haana kuisa munhu mumwechete kuti atonge mapoka akati wandei.

MABASA 20:17 Zvino iye ari pamireto, akatumira Efeso kundodana vakuru vekereke.

MABASA 20:28 Zvichenjerei imi, neboka rese ramakaitirwa vatariri varo nomweya mutsvene, kuti mufudze kereke yaMwari, yaakatenga neropa rake.

MABASA 20:29 Ini ndinoziva kuti kana ndaenda, mapere anoparadza achapinda pakati penyu, asingaregi boka.

30 Vuye, napakati penyu pamene pachamuka varume, vachataura zvinopesanisa, kuti vatsause vadzidzi vavatevere.

Vanhu vachizvigadza kuita munhu mumwechete anotungamirira kuitira kuti vanhu vamutevere.

Uku ndiko kwakava kukanganisa kukuru kwekutanga mukereke. Hutungamiri hwemunhu akasimudzirwa nekuda kwehutsvene. Izvi zvakashanduka nekukasika zvikaita munhu mumwechete anodzvanyirira kereke.

Kusimudzirwa kwevanhu kunoda zvinzvimbo zvisimo mumagwaro.

Bhishopu weRoma akabva atanga kudaidzwa kuti Pope.

Pope Gelasius I, akatonga kubva mugore 492 kusvika gore 496. akatanga kudaidzwa kuti Vicarius Christi kana kuti Vicar of Christ zvichireva kuti pachinzvimbo chaKristu.

Izvi zvinoreva kuti aive amire “Panzvimbo yaKristu”.

Ichi chichiri chinzvimbo chaPope chiri pamutemo nanhasi.

Jesu paakabvunzwa pamusoro pezviitiko zvenguva inouya, akatanga kutaura kuti dambudziko redu guru richava hunyengeri, kutsauswa. Hunyengeri hune mano kwazvo huchauya kubva kuvatungamiri vemakereke. Muenzaniso wekutanga waive Judasi, mupostora.

MATEO 24:4 Jesu akapindura, akati kwavari: chenjerai kuti murege kutsauswa nomunhu.

5 Nokuti vazhinji vachavuya nezita rangu, vachiti: Ndini Kristu; vachitsausa vazhinji.

Saka kwemakore anodarika 1500, kubva gore 500 AD risati rasvika, Pope aive azviti aive “pachinzvimbo paKristu”. Vanhu vazhinji vanokwanisa kutsauswa mukufamba kwenguva.

Muna 1871 vakadzi veimba yehumambo yeBelgium vakagadzira korona yezvidanho zvitatu vachigadzirira Pope Pius IX aive ataura kuti Pope haatadzi mugore ra 1870.

Pakorona yezvidanho zvitatu paive pakanyorwa kuti: CHRISTU VICARIO-IN TERRA-REGVM

Izvi zvinoreva kuti “Anotonga panyika panzvimbo yaKristu”.

Madenderedzwa matsvuku akaita semazai anoratidzwa pakanyorwa. Ndiyo yega korona yezvidanho zvitatu yakanyorwa.

Asi zviverengo zvechiLatini hazviburitsi chiverengo cha666.

Chiverengo chechikara chiverengo chemunhu mumwechete.

Kwete kutsiviwa kwevanhu vanenge vari vanaPope.

Saka munhu akavanzika uyu ndiyani kwaari vanaPope vanotora simba ravo munezvemweya?

Makore akapoteredza 754 kushandurwa kwemutemo kunoshamisa kwakaitwa naPope.

Marudzi evatorwa paakakurira hushe hweRoma yekumadokero, mubati weRoma yekumabvazuva paConstantinople ndiye aifanira kuchengetedza Pope muRoma.

Asi verudzi rwemaLombards vaive vapinda muItaly yekumusoro vakabva vatanga kufamba kuenda kuzasi vachiisa Roma panjodzi.

Achiona kuti mubati wekumabvazuva muConstantinople aive asisagoni kumuchengetedza, Pope Stephen II akabva atora nhanho yaityisa.

Muna AD 754 akasarudza kuita rwendo rwekuenda kuParis kunotaura naPepin aive Meya werudzi rwevatorwa rwemaFrank.

Kana Pepin aizofamba kuenda kuzasi kwenyika akanokurira maLombard, Pope aizogadza Pepin saMambo wemaFrank. Ipapo vana vaPepin chete ndivo vaizokwanisa kuva madzimambo mumashure make sezvo Pope aizotanga rudzi rwehushe rutsva kwavari. Saka Pope akava mugadzi wemadzimambo uye mutungamiri wemarudzi evatorwa wezvemweya.

Tichiwedzera, Pepin anofanira kupa Pope chidimbu cheItaly senzvimbo dzemaPope. Pope aive atogara achitonga chidimbu chenyika chiri muruvara rweyero.

Pope aiwana kupi simba rakadaro?

Pope akatanga dzidziso pamusoro paPetro.

Jesu akati kuna Petro:

MATEO 16:18 Neni ndinoti kwauri: Ndiwe Petro, pamusoro poruware urwu ndichavaka kereke yangu; masuwo ehadhesi haangaikundi.

19 Ndichakupa kiyi yovushe bwokudenga; chinhu chipi nechipi chauchasunga panyika, chichasungwa kudenga, nechinhu chipi nechipi chauchasunungura panyika, chichasunungurwa kudenga.

Pope akabva ati Petro ndiye ega aikwanisa kuzarura musuwo weDenga kuti Pepin apinde sezvo ari ndiye ega ane kiyi.

Pope akabva ati, zviri zvekunyepa, Petro ndiye aive Pope wekutanga muRoma uye kuti simba rake rekuzarura musuwo weDenga raive rapuhwa kune vanomutsiva vaive maPope akatevera mumashure maPetro.

Nemamwe mazwi, kana Pepin akaita zvaaive anzi aite naPope, Pepin aizova achiitira Petro zvakanaka sezvo Petro aive ndiye Pope wekutanga. Saka, Pepin paaizofa, Petro aizomuzaururira musuwo weDenga.

Uku kwaive kumhura Mwari hwakazara sezvo zvakaita kuti ruponeso runzi runobva pamabasa akanaka.

Kunyanya mabasa aiitira Pope sezvo aizozviwanira kubva kuminda yaaitora, yakazodaidza kuti chipo chaPepin, (Pepin’s Donation). Tichiwedzera, maFranks aizochengetedza Pope. Saka Pepin akafunga kuti aive atenga nzira yake yekupinda Denga. Pope achibva azviwanira maFrank vari vachengetedzi vake vane simba kwazvo.

Chakanyanya kukosha, vaiti “Petro aive panzvimbo paJesu” sezvo aive Petro aisarudza kuti aizopinda denga ndiyani.

Nemamwe mazwi, kupinda denga kwaibva pakuzviwisira kuzvitendero zvaPope.

Kuti atsigire zvaaitaura, Pope Stephen akaburitsa gwaro rakaitwa zvechitsotsi raidzaidzwa kuti Donation of Constantine raitaura kuti Constantine aive apa Pope nzvimbo dzese dzenyika dzemuEurope yekumadokero, kusanganisa Italy.

(Wikipedia) Gwaro reDonation of Constantine raive rakaitwa zvechitsotsi iro mubati wesenturi rechina Constantine the Great akapa simba pamusoro peRoma nenzvimbo dzehushe hweRoma hwemumadokero kuna Pope. (Wikipedia)

Gwaro rakaitwa zvechitsotsi iri rakaendeswa naPope Stephen kuna Pepin, mutungamiri wemaFrank.

Gwaro rechitsotsi iri rakashandiswa naPope (nemamwe maPope) kutora minda yaive isiri yekereke yeRoma.

Uku kwaive kuba.

Chakanyanya kukosha, rakashandiswa kutora simba rezvemweya raPope vachirishandisa pamusoro pemamwe makereke ese.

Gwaro riri pamusoro apa raPope Leo IX rakatora zvakanyorwa mugwaro rechitsotsi reDonation of Constantine kuitira kuti ataure kuti Pope ndiye musoro wemakereke ese kusanganisira makereke echiGiriki emuConstantinople.

Simba rese remaPope rakabva pakutaura kwechitsotsi kwekuti Petro (Petrusi muchiLatin) ndiye Vicarius Filii Dei. (Pachinzvimbo chemwanakomana waMwari). Gwaro iri rakanyorwa mugore 1054.

Mazwi akatarwa pasi anoti. Vicarius Filii Dei Panzvimbo yemwanakomana waMwari.

Hakuna Pope akabvira ataura kuti anoda chinzvimbo ichi.

Asi maPope anotaura izvi achinyepa vachiti zvakabva kuna Petro.

Saka, munhu mumwechete ainzi aive Vicarius Filii Dei (pachinzvimbo chaKristu) aive Petro. Asi Petro haangapomerwe sezvo asina kubvira ataura kana kuzvidaidza saizvozvo.

MuchiLatini, “u” uye “v” zvinoreva zvakafanana uye zvinokwanisa kushandiswa rimwe vara panzvimbo perimwe.

Tichiri kuona zvakada kudaro muChirungu. Uu anodaidzwa kuti dhabho u. asi tinonyorwa ‘dhabho u’ sa W, sekuti ndivana v vaviri.

Tinobva tasvika pakati omei pacho.

Kushandura zita iri kuriita zviverengo zvemanhamba tinofanira kurinyora nemavara makuru

V na U zvakafanana muchiLatin nekuti zviri nyore kunyora mutsetse wakatwasuka wa V kudarika kunyora mutsetse wakatenderera wa U.

Semuenzaniso imba yekuverengera yekuChicago (Chicago Public Library).

Chii chakanyorwa pamusoro paPetro mugwaro remanyepo reDonation of Constantine?

Gwaro redonation rakanyorwa muzvikamu zvinotevera muchiLatin: (mumavara makuru kuitira kunzwisisa)

... ut sicut B. Petrus in terris VICARIUS FILII DEI esse videtur constitutus, ita et Pontifices, qui ipsius principis apostolorum gerunt vices, principatus potestatem amplius quam terrena imperialis nostrae serenitatis mansuetudo habere videtur, conscessam a nobis nostroque imperio obtineant ...

MuChishona zvinoreva kuti:

... Sezvo Petro akaropafadzwa achionekwa akagadzwa pachinzvimbo cheMwanakomana waMwari panyika, saka maPontiff vamiririri vemunhu mumwechete uyu mukuru wemapostora, vanofanira kuwana, kubva kwatiri nehushe hwedu simba rekutonga rakakura kudarika remadzimambo edu epasi pano nechitenderano chinofanira kuitwa kuna izvozvo,

Izvo zvinotaura kuti Petro amire pachinzvimbo chaJesu panyika. MaPope ndivo vanotsiva kana kumiririra mupostora mukuru Petro. Constantine anofanira kupa Pope simba guru kudarika rina Constantine.

Uku kutaura kwehutsotsi kwekuti Pope anofanira kuva nesimba guru nekuti anofanira kuva mumiririri waPetro.

Tarisai mhenduru yakaburitswa naPope Leo mugore 1825. Mukadzi ikereke yeRoman Catholic. Anotonga nyika. Zvakare, maPope anotora Simba guru pasi rese.

Ngatitarisei rudzi rwevatorwa rwemaAnglo-Saxon.

Columba aive mutumwa wekupedzisira kuita simba guru remweya mutsvene Nguva yeRima isati yatanga muna 606 AD. Mumazuva iwayo mamishinari echiKristu aigara mumamisheni vachiparidza chokwadi vachibva ikoko.

Marudzi maviri, maAngle nemaSaxon, vakapamba England kuti vatore nzvimbo yaive nehushe hweRoma.

Marudzi maviri aya akabatana kuita maAnglo-Saxon.

Columba akaenda achibva muIreland kunovaka misheni muchitsuwa cheIona. Kurudziro yake nevateveri vake vakapinda muScotland vakadzika kuenda pakati nepakati peEngland.

Vateveri vake vakaita sast Gall, vakapinda muEurope sezvakaratidzwa mumepu iri pamusoro apa.

Columba akafa muna AD 597.

Nguva yerima yaive yakukwanisa kutanga apo kereke yeRoman Catholic yakapikisa kwazvo dzidziso dzake dzeBhaibheri kupfurikidza kusimbisa kuti Petro ega ndiye aikwanisa kuzarura musuwo weDenga.

MaRoma aive avako muguta reCanterbury muKent kuzasi kwenyika.

Vadzidzi vaColumba vaive vari mumisheni yeLindisfarne kumusoro. Hondo yaive yekurwira mweya yemaAnglo-saxon vaive muNorthumbria.

Mazuva iwayo mambo ndiye aisarudza kuti vanhu votenda mune zvipi.

Iyi yaive nguva yekereke yeTiyatira, mukadzi anotonga.

Saka, mukadzi Hilda aitonga paabbeyi (misheni huru kwazvo) muWhitby mugore AD 664 akaronga musangano wesinodhi kuti vasarudze pakati pemativi maviri. Mambo weNorthumbria aizotonga osarudza anenge ataura zviri nani kudarika umwe.

VeRoman Catholic vanoti hakuna ane Simba pamusoro paPetro (saka saizvozvowo nevanomutsiva, maPope).

Mambo Oswiu akabva abvunza mativi ose kana vaibvumirana kuti Petro aive apuhwa kiyi dzevushe hwedenga naKristu. Vakabvuma vose here kuti Petro aive aitwa “Ibwe” pamusoro paro Kereke yaizovakwa? Vose vakabvuma. Oswiu akabva atema mutongo wake achitsigira mubati wekiyi, Pope weRoma. Vanhu vekuNorthumbria vechiAnglo-Saxon vakabva vatendeukira kuRoma vachisiya Columba.

Iyi yaive nhanho yakakosha pakuzoitwa kwekereke chiRoma-roma muEngland.

Vateveri vaColumba vakadzokera kuIona. Pope aive azviwanira England Nguva yeRima ikawedzera rima rayo.

Kutaura kuti Petro amire “pachinzvimbo cheMwanakomana waMwari” nemakiyi edenga mumaoko ake kwakatendera Pope kukunda pakushandurwa kwemaAnglo-Saxon kuvaita maRoma.

MaMonk maviri akachenjera echiAnglo-Saxon, Boniface naWillibroad, vakabva vaparidza kuti vanhu vaterere Pope munyika yese yeNetherlands neGermany.

Willibrord akabuda nevadzidzi gumi neumwechete achienda kuNetherlands. Vakava mamishinari kuvaFrisia.

MaPegani vese vaida kufadza Petro sezvo aive nemakiyi edenga. Vaive vazviwisira havo vega kuna Pope sezvo aive mumiririri waPetro akavatsiva. Izvi zvakasimbisa simba raPope muEurope yekumusoro mumakore akapoteredza 700 AD.

Willibrord naBoniface vose vaive vakavimbika kuna Pope vakaunza vemarudzi evatorwe vemuEurope yekumusoro kuti vazviwisirewo kunaPope.

Mamepu maviri aya anoratidza kurudziro yaPope ichipararira paitangwa maMonesitiri.

Mepu iri pamusoro inoratidza kufamba kwekurudziro yaPope ichikwidza kumusoro kuEngland kubva kuCanterbury totenda Hilda wekuWhitby.

Ipapo Bonface akaparidza kurudziro yaPope muGermany paakatanga mamisheni ikoko.

Saka, maAnglo-Saxon akaita basa guru pakutanga nekusimbisa simba raPope muEurope yekumusoro.

Rumwe rudzi rwevatorwa rumwechete rwakashandisa misheni imwechete kutonga mazana emamwe mamisheni.

Rudzi rwevatorwa rwevaBurgundi rwakagara nzvimbo dzemuBurgundy muna AD 910 misheni yaive nekurudziro hurusa yacho muNguva dzeRima yakabva yazarurwa paCluny.

Abbot yepaCluny yakava mutongi mukuru wemamwe mamisheni matsva ese akatangwa nemamonku epaCluny.

Pakupedzisira, Cluny yakatonga mamwe mamisheni aisvika 314.

Cluny, iyowo, yaive ichitongwa naPope.

Saka maPope, vaive kure kure kuItaly uye vaine huwori hwakanyanya panguva iyi, vakawana mbiri pakati pemarudzi evatorwa kubva pakugadzwa kwemamonku emuBurgundi.

Pope akadzidzawo zvaive zvakanakira kuti munhu mumwechete atonge mamisheni mazhinji. Saka Pope akada kuita munhu mumwechete iyeye.

Akadawo kutonga mamwe mamisheni ese.

MaAnglo-Saxon nevanhu vekuBurgundi vaive marudzi maviri evatorwa vakabatsira kuparadza hushe hweRoma. Asi vakatendeutsirwa kuCatholic nekuti vaitenda kuti Pope aizovazarurira mukova wedenga. Vaibatira Petro kuti vawane tsitsi dzake. Mukuita izvi, vakaita basa guru pakutangwa kwesimba raPope kuti ave musoro wemakereke ese muNguva dzerima.

Chikonzero chakaita kuti mamishinari eRoman Catholic abudirire chaive chekuti vaiti Petro aive Vicarius Filii Dei (Panzvimbo paKristu). Aive nemakiyi emukova saka aive akamira panzvimbo paJesu, Mwanakomana waMwari, semunhu aisarudza kuti wopinda here kana kwete mudenga. Vemarudzi evatorwa vaifunga kuti munhu aiwana tsitsi dzaPetro chete kana munhu achizviwisira kune akamutsiva, Pope.

Ruponeso rwaive rwakaitwa kuti runzi runobva pamutsetse wemaPope waitanga naPetro. Ndiwo mutsetse mukurusa wevatongi pasi pano. Simba remaPope raibva pakuva kwavo vatsivi vaPetro.

ZVAKAZARURWA 17:8 Chikara chawavona, chaiva’po, hachichi’po, chodo-kukwira chichibva mugomba rakadzika-dzika, kundoparadzwa, vanogara panyika vasine-kunyorwa mazita avo mubhuku yovupenyu kubva pakusikwa kwenyika, vachashamiswa vachivona chikara, kuti chaiva’po, hachichi’po, vuye chichazova’po.

Kutsiviwa kwemaPope kunodzokera pakutanga apo Petro nemukoma wake Andrea pavakaita vadzidzi vaviri vekutanga kusarudzwa.

“Chikara chaivapo” zvinoreva kuti kwaive kwagara kuina Pope, sezvo vachiti Petro aive Pope wavo wekutanga.

“Hachichipo” zvinoreva kuti Pope akafa.

“Chichazova’po” zvinoreva kuti Pope mutsva anosarudzwa.

ChiPope ndicho chega muvengi wechokwadi ararama mukati menguva nomwe dzese dzekereke.

Asi mazano aya ose emaPope, maKadhinari, maAchibhishopu ese haamo muBhaibheri anobva mugomba risina muganhu. Akagadzirwa kuti asimudzire munhu mutsvene pamusoro pesangano kana ungano.

Kune nhanho mbiri dzinoshandiswa kuwana zviverengo zvemanhamba kubva muizwi rechiLatin.

Chekutanga, nyorai izwi racho mumavara makuru.

Chechipiri, bvisai mavara I, V,X,L,C na D sezvo ari ndiwo ega mavara ane zviverengo.

Saka VICARIVS FILII DEI anoita

V =     5 + 5 (sezvo richiwanikwa ruviri)            = 10

I =      1 + 1 + 1 + 1 + 1 + 1                                      = 6

C =     100                                                                 = 100

L =      50                                                                  = 50

D =     500                                                                = 500

Zvikasanganiswa = 500 + 100 + 50 + 10 + 6  = 666

Chakaipa chakazara.

Pope achizvisimudzira pamusoro pevanhu vose nekutaura kuti ndiye akatsiva Petro iye oga ane makiyi ekuzarura musuwo weDenga.

Asi Pope akatsiva Petro here?

Hakuna nhorondo iriko ine humbowo hwekuti Petro akasvika kuRoma.

Petro aive mupostora kumaJuda. Akanyora mwadhi mbiri ari kuBabironi kwaive nevanhu vazhinji vechiJuda vasina kudzokera kuJerusarema pakasunungurwa maJuda naSyrusi muPersia.

VAGARATIA 2:7 Asi ivo vakati vavona kuti ini ndakapihwa Evangeri kuna vasina-kudzingiswa, saPetro kunavakadzingiswa.

8 (Nokuti iye wakapa Petro simba rokuva muapostora kuna vakadzingiswa, ndiye wakapa vo ini, simba rokuva muapostora kuvahedheni.

Simoni Petro waive akawana. MaPope haatenderwi kuroora.

MATEO 8:14 Jesu wakati achipinda mumba maPetro, akavona mai vomukadzi wake vavete, vachinzwa fiviri.

MaPope anogarotora mazita matsva echiKristu

Asi Petro raive zita rekutumidzwa raSimoni.

MARKO 3:16 Akatumidza Simoni zita rinonzi Petro.

Petro aibapatidza muZita raJesu.

MaPope anobapatidza muzita raBaba Mwanakomana naMweya Mutsvene.

MABASA 2:38 Petro akati kwavari: Tendevukai, mumwe nomumwe wenyu abapatidzwe nezita raJesu mukanganwirwe zvivi mupiwe chipiwa choMweya Mutsvene.

MATEO 28:19 Endai naizvozvo, mudzidzise marudzi ose, muvabapatidze muzita raBaba neroMwanakomana neroMweya Mutsvene.

Vanoenda kumakereke vanoti Petro akakanganisa.

Asi maPope anotiwo havakanganisi. Saka Petro akarasika papi?

Hapana kana rimwechete remavhesi aya rakakanganiswa.

Nzira imwechete yekugadzirisa kuziva kuti Jesu Kristu ndiye Mwari Wemasimbaose uye Jesu Kristu ndiro Zita raBaba Mwanakomana naMweya Mutsvene.

SaBaba, aive pamusoro pemaJuda muTestamente Yekare.

MaJuda aimudaidza kuti Ishe.

Mwanakomana, aive Mwari anesu.

VAKOROSE 2:9 Nokuti kuzara kwovuMwari kunogara maari pamuviri.

Ari Mweya Mutsvene, ndiye Mwari matiri.

Bhuku raZvakazarurwa rinozivisa Jesu saWamasimbaose.

ZVAKAZARURWA 1:8 Ndini Arfa neOmega ndizvo zvinoreva Ishe Mwari, uri’po, wakanga aripo, nouchazova’po Wamasimbaose.

“Uchazovapo” seMwanakomana waDavidi muMereniyamu.

Ndiro ramangwana redu rinofadza.

Chikara chakatsanangurwa chichinzi “chaiva’po, hachichi’po chichazova’po.

Hakuna ramangwana machiri.

Saka kereke yechikara haina ramangwana.

Ichaparadzwa munguva yeKutambudzika kukuru.

Nekuita Tiriniti, kereke yeRoman Catholic yakaparadza zaruriro yekuti Jesu Kristu ndiye Mwari wamasimbaose.

Kereke haitendewo kuti Bhaibheri reKing James Vezheni ndiro mukuru wedu, harina kukanganisa mariri.

Hatitenderwi kushandura chero shoko rimwe patinotsvaga kurinzwisisa.

William Branham akauya kuzozivisa Bhaibheri kwatiri, kwete kuzoritsiva nezvaanotaura zvemusoro wake.

Jesu ndiye Shoko iro Shoko rakava nyama. Saka, Shoko kana Bhaibheri rinofanira kuva rakarurama.

Petro akataura kuvanhu vakuru akavaudza kuti vatendeuke vasati vabapatidzwa.

MaPope vanotanga “kubapatidza” vana vacheche votarisira kuti vachatendeuka vakura vakuziva musiyano wechakanaka nechakashata.

Petro akati “Siriveri nendarama handinazvo”. Hakuna Pope angataura izvozvo nhasi sezvo Vatican yakapfuma zvakanyanya.

Pauro akakwazisa vanhu makumi maviri nevanomwe muRoma muChitsauko chekupedzisira cheBhuku ravaRoma. Asi haana kutaura nezvaPetro. Saka, Petro aive asiri muRoma.

Saka, vekereke yeRoma vakarasikira papi?

MATEO 16:16 Ipapo Simoni Petro akapindura, akati: Ndimi Kristu Mwanakomana waMwari mupenyu.

Petro aive nezaruriro yekuti Jesu Kristu aive Kristu, Wakazodzwa.

MATEO 16:17 Jesu akapindura akati kwaari: Wakaropafadzwa iwe, Simoni Bar-Jona, nokuti nyama neropa hazvikuzivisi izvozvo, asi baba vangu vari kudenga.

Petro haana kutenda izvi nekuti dzidziso yakaitwa nemunhu wenyama neropa yakamuudza izvozvo. Petro aive agamuchira zaruriro mumoyo make, yaive yabva kuMweya waMwari.

MATEO 16:18 Neni ndinoti kwauri: ndiwe Petro, pamusoro poruware urwu ndichavaka kereke yangu; masuwo ehadesi haangaikundi.

Jesu akatsigira kuti Petro aitaura kubva kwaari.

Petro aisadzokorora zvaive zvataurwa nemunhu kana nevanhu.

Zaruriro yatinopihwa tega naMwari ndiyo yega nzira yekupikisa chiratidzo chechikara iripo kuti itimanikidze kutenda zvinotaurwa nemakereke.

Zaruriro inouya kumunhu mumwe nemumwe yekuti Jesu ndiye Kristu. Ndiye Mwari wamasimbaose. Zaruriro iyi ndiyo Ibwe ratinogona kuvakira kutenda kwedu pamusoro paro. Jesu ndiye Shoko saka tinogona kutenda Shoko rimwe nerimwe riri muBhaibheri. Ipapo tinotanga kugona kupikisa Tiriniti kana Pope kana masangano kana munhu mumwechete anotonga kereke panzvimbo sezvo zvinhu izvi zvese hazvimo muBhaibheri.

MATEO 16:19 Ndichakupa kiyi yovushe bwokudenga; chinhu chipi nechipi chauchasunga panyika, chichasungwa kudenga, nechinhu chipi nechipi chauchasunungura panyika, chichasunungurwa kudenga.

Kiyi yakashandiswa naPetro kuzarura musuwo weDenga yaive:

MABASA 2:38 Petro akati kwavari: Tendevukai, mumwe nomumwe wenyu abapatidzwe nezita raJesu mukanganwirwe zvivi mupiwe chipiwa choMweya Mutsvene.

Kutendeuka. Kwouya kubapatidzwa muzita raJesu Kristu. Kwotevera rubapatidzo rweMudzimu Unoyera.

Chero munhu ari kuita izvi chimwe nechimwe chazvo anozopinda pasuwo reDenga nekuti Jesu ndiye Musuwo. Uye mutadzi akatendeuka akatora Zita raJesu Krsitu. Akatora zita reMusuwo.

MABASA 2:39 Nokuti chipikirwa ndechenyu, navana venyu, navose vari kure, vanozodanwa naShe Mwari wedu.

Mwari akaita vimbiso iyi kunguva dzose nekunzvimbo dzose. Iyi inzira yekuzarura musuwo wedenga haizoshanduki zvachose.

Asi Petro aizopfigawo musuwo weDenga.

Rwaive rubapatidzo rwekutendeuka rwakaziviswa naJohane. Rwakashanda kusvikira pakafa Jesu achifira zvivi zvedu.

Asi mumashure mezuva rePentekositi, rubapatidzo rwaJohane rwaive rusisina simba rekuzarura Musuwo weDenga.

MABASA 19:1 Zvino aporo achiri pakorinte, Pauro akati agura namativi enyika, okumusoro, akasvika Efeso: akawana vamwe vadzidzi.

Efeso. Izvi zvakakosha. Pauro aive mutumwa kunguva yekereke yekutanga yeEfeso. Zvaaiita apa kwaive kuteya nheyo kuitira makore 2000 enhorondo yekereke.

MABASA 19:2 Akati kwavari: Makagamuchira Mweya Mutsvene pakutenda kwenyu here? Vakati kwaari: Kwete; hatina kutongonzwa kuti Mweya Mutsvene uri’po.

Mudzimu Unoera hauna kubvira wauya pamusoro pevanhu vakabapatidzwa naJohane.

MABASA 19:3 Akati: Ko makabapatidzwa norubapatidzo rupi’ko? Vakati, Norubapatidzo rwaJohane.

Johane aive mukuri wenzira. Airamba achinongedzera kune aizouya kumashure kwake, Messasi. Nekuti Jesu akanga auya akafira zvivi zvedu, rubapatidzo rwaJohane rwemvura rwaive rwapfigwa. Musuwo iwoyo waive wakazaruka paiparidza Johane waive wavharwa ukakiiwa naPetro pamusi wePentekositi paakazivisa rubapatidzo rutsva muZita raJesu Kristu. Nekuti Messiasi aive auya, rubapatidzo rutsva muzita raMessiasi rwaidiwa kuti ruzarure Musuwo weDenga.

MABASA 19:4 Zvino Pauro akati: Johane wakabapatidza norubapatidzo rwokutendevuka, achivudza vanhu kuti vatende kunaiye unozovuya shure kwake, iye Jesu.

5 Vakati vachinzwa izvozvo, vakabapatidzwa muzita raShe Jesu.

Pauro akabvuma kuti rubapatidzo rwaJohane rwaive rusisashande.

Pauro akabva azarura Musuwo mumwechete waive wazarurwa naPetro kupfurikidza kubapatidza nezita raJesu.

Ishe chinzvimbo chinoreva Mwari.

Kristu chinzvimbo chinoreva Akazodzwa.

Zita raMwari remunhu ndiJesu.

Asi vanhu vakawanda variko vane zita rekuti Jesu.

Zvakadaro, tinofanira kubatanidza chinzvimbo chimwechete, Ishe Jesu, kana kuti Jesu Kristu, kuzita rekuti Jesu.

Kukanganisa kukuru kwakaitwa naPope kwaive kwekufunga kuti Petro chete ndiye aikwanisa kupfiga kana kusarura nzira yekuenda kuDenga.

Petro aive munhu wekutanga kuita izvi. Akazarura nzira.

Vamwe vadzidzi vakanga vokwanisa kuita zvimwechete.

MATEO 18:1 Nguva iyoyo vadzidzi vakavuya kuna Jesu, ...

Jesu akataura navo akati:

MATEO 18:18 Zvirokwazvo ndinoti kwamuri: Zvose zvamunosunga panyika, zvichasungwa kudenga, nezvose zvamunosunungura panyika zvichasunungurwa kudenga.

Kana mukaita kuti munhu atendeuke abapatidzwe muzita raJesu Kristu, munenge mazarurawo Musuwo wekuti apinde Denga.

pavakabvunza pamusoro penguva yekuguma, Jesu akati kwavari:

MATEO 24:3 Wakati agara pagomo remiorivi, vadzidzi vake vakavuya kwaari vari voga, vakati: tivudzei, kuti izvozvo zvichagova riniko? Nechiratidzo chekuuya kwenyu nechokuguma kwenyika chichava chipiko?

4 Jesu akapindura, akati kwavari: Chenjerai kuti murega kutsauswa nomunhu.

Hunyengeri mukati mekereke ndiro dambudziko ratinaro guru.

ZVAKAZARURWA 6:1 Zvino ndakavona Gwaiana richizarura chimwe chezvisimbiso zvinomwe, ndikanzwa chimwe chezvisikwa zvipenyu zvina chichiti nenzwi romutinhiro, Vuyai muvone!

ZVAKAZARURWA 6:2 Ndikatarira ndikavona bhiza jena: naiye wakanga akaritasva wakanga anovuta; akapiwa korona, akabuda achikunda vuye kuti akunde.

Ruvara ruchena rwakachena uye runoshandiswa muzvitendero. Aive novuta asi asina miseve. Nemamwe mazwi, aingoropodza zvisina maturo. Muropodzi wechitendero. Hunyengeri muchitendero.

JEREMIA 9:8 Marimi avo miseve inovuraya, anoreva zvinonyengera:

Museve werufu rwemweya kutaura nhema dzakasiyana neShoko raMwari.

“Korona yakapiwa kwaari”. Makore akapoteredza 860 Pope Nicholas I vakapuhwa korona kuti aite kunge aive akaenzana nemadzimambo ose aive nekorona.

Iyi yaive korona imwechete.

Makore akapoteredza 1310 yakaitwa korona yezvidanho zvitatu yeDenga, nyika, nepugatori (nzvimbo yavanoti inoenda mweya yevanenge vafa) zvakaita kuti Pope ave pamusoro kwazvo pemadzimambo akagadzwa aitonga panyika.

Panozarurwa gomba regehena, madhimoni anodururwa akaita semhashu dzinoparadza.

ZVAKAZARURWA 9:2 Ikazarura gomba rakadzika-dzika, vutsi bwukakwira bwuchibva mugoma sovutsi bwevira guru, zuva nedenga zvikasvibiswa novutsi bwegomba.

3 Muvutsi mukabuda mhashu dzikavuya panyika, dzikapiwa simba sesimba rezvinyavada zvenyika.

ZVAKAZARURWA 9:11 Dzakanga dzinamambo wadzo, ari mutumwa wegomba rakadzika-dzika.

Madhimoni anotungamirirwa namambo wezvechitendero akagadzwa ane korona. Pope akapfeka korona kwemakore anosvika 1100.

Akazomira kupfeka korona muna 1963 pakaziviswa zvakavanzika zvezvisimbiso zvinomwe nehama Branham. Pope nemutungamiri wenyika yeAmerica wechiCatholic, John Kennedy, vese vakafa mugore ra 1963. chiedza chezviSimbiso zvakaziviswa chakakuvadza zvikuru kuita kwerima.

Chisimbiso chechinomwe runyararo. Chisimbiso chechinomwe hachina kubvira chazarurwa.

Chisimbiso ichocho hachigoni kutaurwa nezvacho.

1964-0719 MUTAMBO WEHWAMANDA

Chisimbiso chechinomwe hachisati chazarurwa, munozviziva. Ndiko kuuya kwake.

Chinomiririra Kuuya kwaShe. Ichi ndicho chakavanzika chikuru kudenga nepanyika.

ZVAKAZARURWA 6:3 Wakati azarura chisimbiso chechipiri, ndikanzwa chisikwa chipenyu chechipiri chichiti; Vuya uvone!

4 Ipapo rimwe bhiza rakabuda riri dzvuku, wakanga akaritasva akapiwa simba kuti abvise rugare panyika, kuti vavurayane, akapiwa munondo mukuru.

Kukanganisa kukuru kwekutanga kwakaitwa kwaive kwekuti Pope akapindawo munezvematongerwo enyika nemubati weRoma Constantine.

Constantine akapa Pope muzinda weLaterani nemari zhinji. Kwaariwo, Pope aizogamuchira simba raConstantine kuti ritonge pakanzuru yeNecene muna AD325 akazivisa Tiriniti isimo muMagwaro.

Kumwe kukanganisa kwaive apo, makore akapoteredza AD380, Pope weRoma akagamuchira chinzvimbo chaPontiff kana kuti muPrista mukuru wezvakavanzika zveBabironi. Zvakavanzika zvechipegani zveBbabironi izvi zvakabatanidzwa nemamwe mazwi ari muMagwaro zvikabereka mbeu huru kwazvo yechiKristu, zvematongerwo enyika uye chipegani. Kereke yeRoman Catholic yakabva yava Babironi yakavanzika.

Kumwe kukanganisa kukuru kwakatanga naPope Stephen II paakaenda kumusoro kuParis muna AD754 kunonyengera Pepin negwaro rake rekunyepa rechipo chaConstantine (Donation of Constantine).

Kupinda munezvematongerwo enyika uku kwakazvuzvurudza maPope kupinda mutsvina yezvematongerwo enyika nehondo dzayo uye makaro asingaperi.

Wezvenhorondo Will Durant akataura makore anoda kusvika 200 ehuwori uye kusagadzikika pahunhu hwemaPope pakati pegore 867 (mumashure mekugadzwa kwaNicholas I) negore 1049 senguva yekudzikira kukuru kwechiPope.

Mugore 1929 Mussolin akaita guta reVatican nyika yakazvimiririra zvakaita kuti vasare vakasununguka kuita mari nenzira dzisiri pamutemo zvakaita kuti Vatican ive nehupfumi hunokosha mabhiriyoni emadhora.

Muna 1929 rakaita gore rekudonha kukuru kwemari nehupfumi. Pasi rese rakashaiwa mari. Iyi yaive yambiro yekuti kuona nekutevera kereke yeRoman Catholic sebato rakazvimiririra kufa nehurombo pamweya.

Muna 1945 Vatican yakabatsira mbavha dzakaita hondo yeNazi nemari zhinji kuti dzipunyuke kubva muEurope dzichienda kuSouth America. MaPristi vakanzwira tsitsi maNazi aya vakagadzira nzira yezvemasai-sai nemakadhi ekunyepa evapoteri, akazozivikanwa nekunzi Ratlines.

Mumakore ana 1980 vakuru vepamusoro-soro vebhanga reVatican vaisakwanisa kubva muguta reVatican sezvo mapurisa eItaly aive akamirira kuvasungira huwori munezvemari.

Mugore 2019 Kadhinari wekuAustralia aive mumwechete wevakuru vepamusoro-soro veVatican akatongerwa kugara mutorongo.

Jesu akakurira paCalvari paakati, “Zvapera”

Mweya umwe neumwe wakaponeswa wakaponeswa ipapo. Chatinogona kuita nhasi patinotendeuka kusvika pakuziva kuti Ishe vakatenga ruponeso rwangu mugore AD 33. Tinogona kureva chipikirwa ichi nhasi, asi chakazadziswa kare. Kana tisina kubvira takaponeswa paCalvari, hakuna kumwe kwatinogona kuponeswa.

Asi Vatican yakaramba ichipamba gore negore vanhu vazhinji vakapinda mukereke yeCatholic saka simba rayo, kukudzwa nepfuma zvinoramba zvichikura.

Ichisaidzirwa neshungu uye yakapofomadzwa nemakaro, kereke pasi pano iri kukunguruka zvisinei nekutadza kwayo kunzwisisa zvakavanzika zveMagwaro.

MATEO 7:13 Pindai nesuwo rakamanikana, nokuti suwo rakafara, nzira yakapamhamha, inoenda kukuparadzwa; vanopinda mairi vazhinji.

14 Nokuti suwo rakamanikana, nenzira inhete, inoenda kuvupenyu, vanoiwana vashoma.

“kumanikana” kagwara kana kamukana kaduku-duku. Kutendevuka nekubapatidzwa muZita raJesu Kristu.

Ndiyo nzira yatinosukwa tichichena mumvura dzeShoko.

VAEFESO 5:25 Imi varume idai vakadzi venyu, Kristu sezvaakadavo kereke, akazvipa nokuda kwayo.

26 Kuti aiite tsvene achiinatsa nokushambidza kwemvura paShoko.

27 Kuti azviisire pamberi pake kereke, inobwinya, isine gwapa, kana kuwonyana, kana chinhu chakadai; asi ive tsvene isine mhosva.

Mabasa edu anofadza Mwari ndeapo patinoita mabasa ari muMagwaro make.