1 Timotio 3 – Mabhishopu nemaDhikoni

We update studies as the Lord Jesus leads us. You can find the latest update of this study at ChurchAges.net

Bhishopu zvinoreva kuti mutariri asi vatariri ndivo vakuru

Hutungamiri hwekereke hunogona kusiiwa mumaoko echikwata chevanhu chinoshanda seboka kana kuti hunoisa mumaoko emunhu mumwechete anosimudzirwa pamusoro pevanhu vose mukereke.

Boka revanhu rinowanzodaidzwa kuti vakuru muBhaibheri kana kuti kudaidzwa kuti Mabhishopu (muhuzhinji) asi kwete kakawanda.

Asi kana bhishopu (Mumwechete) akaita mutungamiri ipapo mukova wekudzvanyirirwa kwekereke unenge wazarurwa.

Pope ndiye ega mudzvanyiriri muEurope. Anotonga maCatholic anodarika 1.4 bhiriyoni pasi rese.

Pope wekupedzisira achatonga pasi rese ari mudzvanyiriri mukati memakore matatu nehafu enguva yeKutambudzika kukuru.

Tsika dzavaNikoraiti idzi dzekusimudzira munhu mumwechete pamusoro pekereke dzakaitika sei?

Zvakatangira paizwi rekuti Bhishopu.

Izwi rekuti Bhishopu muTestamente Itsva muchiGiriki (episkopos) rinoreva kuti

“pamusoro” (epi) “tarira” (skopos) – mutariri.

Saka chero munhu akadaidzwa kuti Bhishopu muBhaibheri (kunyanya kuna Timotio) aingove mutariri.

Asi vatariri ndivo vakadaidzwa kuti vakuru vekereke yepanzvimbo naPauro paEfeso.

MABASA 20:17 Zvino iye ari paMireto, akatumira Efeso kundodana vakuru vekereke.

MABASA 20:28 Zvichenjererei imi, neboka rose ramakaitwa vatariri varo noMweya Mutsene, kuti mufudze kereke yaMwari, yaakatenga neropa rake.

Vakuru vakashanda seboka kuti vave vatariri.

Saka, vakuru ndivo vaive mabhishopu.

“Mukuru” zvinokuudza kuti munhu wacho aive ani. “Bhishopu” rinotsanangura basa rake.

Asi nekuti izwi rekuti “bhishopu” rinogona kuzarura musuwo kuhutungamiri hwemunhu mumwechete mukereke semudzvanyiriri, izwi rekuti “bhishopu” harina kunyanya kushandiswa muTesramente Itsva. Asi Izwi rekuti Bhishopu” raifanira kuva kuna Timotio kuti ripe vaNikoraiti vakaipa zita rekuti nemano avo vasimudzire pamusoro pekereke kuti vanhu vane mano nemakaro vasimuke kuva pamusoro pekereke.

Satani anotevedzera zvinoitwa naMwari.

Jesu ndiye Musoro wekereke.

VAEFESO 5:23 Nokuti murume musoro womukadzi, saKristuvo musoro wekereke; iye amene ndiye muponesi womuviri.

Saka Satani, aida kuti munhu wake azovawo musoro wekereke.

Budiriro yake yekutanga pakuedza kusvibisa kereke yaive munguva yekereke yechipiri yakatanga mugore AD 170 apo makereke akagamuchira mukunyengereka kwavo Bhishopu weguta. Semuenzaniso, Bhishopu weRoma.

Chinyararire pasina anoona, bhishopu (mumwechete) aive atanga kuva musoro wekereke yepanzvimbo.

Ipapo bhishopu aive ava musoro weguta.

Kukosha kwese kwakaiswa pana bhishopu semunhu mumwechete musoro wekereke vakuru vachibva vanyangarika kubva pahutungamiriri.

Izwi rekuti “mukuru” ari mumwechete harina kubvira rataurwa muBhuku raMabasa.

Vakuru vakagara vachitaurwa nezvavo vari vazhinji mubhuku raMabasa pakatanga kereke.

MABASA 11:29 Ipapo vadzidzi vakatenderana, kuti mumwe nomumwe paaigona napo atume zvingabatsira hama dzigere Judhea.

MABASA 11:30 Vakaita kudaro, vakazvitumira naBharnabhasi naSauro kuvakuru.

Vakuru, vari boka, vairangana pamusoro pemari dzekereke panzvimbo kuti pasawane munhu mumwechete anoti mari ndeyake.

MuNikoraiti anosimudzwa kuva pamusoro pekereke inova tsika yakaipa

MuNikoraiti munhu anosimudzwa pamusoro pekereke kuti atonge kereke.

Mari yekereke ndiyo chinangwa chakatarirwa nemuNikoraiti mundangariro dzake. MuNikoraiti anoda kuva musoro wekereke kuti akwanise kutora mari dzechegumi kuti dzive dzake.

Kereke yekutanga, inonzwisisa kwazvo, yaive neboka revanhu rairongera mari kuti mari iyoyo isabatwe nevanhu vane makaro nehundyire.

Vaya vaibata mari yekereke vaifanirawo kufunga vamwe kwete kuzvitarira ivo vega.

MABASA 15:6 Ipapo vaapostora navakuru vakavungana kuti varangane pamusoro peshoko iri.

Vakuru, vari mapoka, vanorangana nhau dzedzidziso nevapostora.

Nhasi, tine zvakanyorwa nemapostora muTesramente Itsva. Vakuru vekereke panzvimbo vari boka vanofanira kurangana zvakanyorwa nemapostora muTestamente Itsva, kuitira kuti vanzwisise Kuda kwaMwari.

VAFIRIPI 1:1 Pauro naTimotio, varanda vaKristu Jesu, kuvatsvene vose munaKristu Jesu, vari paFiripi, navatariri navaranda vekereke

MaBhishopu ndivo vatariri vanova vakuru.

Kwaive nevazhinji vavo muguta reFiripo.

Ipapo, kuti varwise Magwaro, vaNikoraiti vaifanira kuita Bhishopu Mumwechete muguta uyu aifanira kuva pamusoro pevakuru.

Bhishopu (mumwechete) aifanira kusimudzirwa pamusoro peboka revakuru vepanzvimbo.

MABASA 20:29 Ini ndinoziva kuti kana ndaenda mapere anoparadza achapinda pakati penyu, asingaregi boka.

Bhishopu anotonga ibere kwete hwai. Bere rinotonga hwai nekutyisa kukuru kuti rive mutungamiriri.

Izwi rekuti “puresibheteriyo” rinoreva kuti mukuru.

Puresibheteriyo, (kubva kuchiGiriki puresibheteriyo, “mukuru”)

I TIMOTIO 4:14 Usarega kuchengeta chipiwa chiri mauri, nokuporofita, nokuiswa mavoko avakuru.

Puresibheteriyo (boka revakuru panzvimbo) rakasarudza Timotio, kwete kuti vamupe chipo asi kuti vazivise chipo chaishanda chiri maari.

Zvakare, vaive vakuru vaishanda seboka vakabatana.

Vanobatsira vakazvimiririra nehurumende vanodiwa kuti vabatsire vanhu.

I VAKORINTE 12:28 Mwari wakaisa vamwe pakereke, pakutanga vaapostora, rwechipiri vaporofita, rwechitatu vadzidzisi, tevere vaiti vamabasa esimba, tevere zvipo zvok uporesa, navabatsiri navabati, namarudzi mazhinji endimi.

Mwari paakagadza kereke pakutanga kwenguva dzemakereke hana kubvira ataura pamusoro pemapasita.

Mapostora vakanyora Testamente Itsva uye mapostora akanyora zvakare Testamente Yekare.

Vadzidzisi vadzidzisi vakanga vakudiwa vaikwanisa kutevera dzidziso zvakanaka muMagwaro akasiyana siyana.

6307 24

MWARI HAADAIDZI MUNHU KUNOTONGWA ASINA KUTANGA AMUYAMBIRA

“Mudzidzisi munhu akasarudzika. Anogara pasi pezodzo reMweya Mutsveneuye anokwanisa kutora maShoko omaisa pamwechete neMweya Mutsvene, kuti, pasita kana muvhangeri hero mumwe wavo agone kuenzaniswa naye.”

Mapostora, maprofita, nevadzidzisi ndivo vaive hushumiri hukuru nekuti vadzidzisi veBhaibheri vanogarodzokera kunotaura zvakanyorwa muTesramente yekare neTestamente Itsva, saka nekudaro vanobvunza vapostora nevaprofita.

I TIMOTIO 5:17 Vakuru vanobata kereke zvakanaka ngavanzi vanofanirwa nokukudzwa kaviri, zvikuru avo vanobata pashoko napakudzidzisa.

Kune vakuru vari chikamu chehushumiri hwemabasa mashanu nekuita mabasa ehuvhangeri uyezve mharidzo nedzidziso. Kereke yepanzvimbo inogona kuita vaprofita vanozivisa zviitiko zvenzvimbo zvinenge zvichida kuitika uye mamishinari (vaprofita vanhasi) vanodzidzisa vanhu vemunzvimbo kuti vatore Evangeri kuenda naro kuvanhu vekwavo.

Asi kune vamwe vakuru vasingaiti hushumiri hwemabasa mashanu uye vasingaparidzi kana kudzidzisa kana kuprofita.

Kunozoita vabatsiri nevabati vanogonesa kereke yepanzvimbo kushanda zvakanaka koita vanhu vanozadzisa zvinzvimbo mukereke vanosarudzwa pakati pevakuru vepanzvimbo. Vanhu vanozadzisa zvinzvimbo zvakadaro mukereke panzvimbo vanosarudzwa kubva pavakuru kana vatariri vepanzvimbo.

Muenzaniso wakanaka kune izvi madhikoni.

Mabhishopu ndivo vakuru vasina chipomerwa

Vakuru vanofanira kunge vasina zvipomerwa uye, kana vakaroora, vanofanira kuva nemukadzi mumwechete.

Munhu akaramba mukadzi akaroora mumwezve haagoni kuita mukuru mukereke.

Vana vemukuru wemukereke vanofanira kuita hunhu hwakanaka.

TITO 1:5 Ndakakusiya paKrete nemhaka iyi, kuti upedzise kugadzira izvo zvakanga zvasara, nokugadza vakuru mumaguta ose, sezvandakakuraira

TITO 1:6 kana kunomunhu usina chaangapomerwa, murume womukadzi mumwe chete, unavana vakatendeka, vasingapiwi mhosva yokuti havazvidzori, kana kuti havatereri.

TITO 1:7 Nokuti mutariri unofanira kuva munhu usina chaangapomerwa, somuchengeti weimba yaMwari; asingaiti kuda kwake, asingakurumidzi kutsamwa, asingadi waini, asingarwi, asingakariri fuma yakaipa;

Pauro anojekesera Tito kuti mukuru ndiye zvakare bhishopu.

Vhesi 5 nevhesi 6 anoti mukuru asina chipomerwa anogona kusarudzwa nekuti vhesi 7 rinoda kuti mukuru ange asina chipomerwa. Saka mukuru asina chipomerwa ndiye zvakare bhishopu asina chipomerwa.

57- 0908 VAHEBERU CHITSAUKO CHECHISHANU NECHECHITANHATU. 1

“Asi ndinovimba musimba guru reungano yepanzvimbo. Hongu. Regai kereke imwe neimwe izvimiririre, isarudze mapasita ayo, madhikoni ayayo, ndizvo, zvisinei nekuti zvakaita sei.

Asi, nenzira iyoyo, munhu anenge arimo anenge asina bhishopu pamusoro pake.

Asi Mweya mutsvene unoda kutaura chimwe chinhu kukereke, havafaniri kubvunza chero munhu zvake kuti vanokwanisa kuita izvi kana izvo here. Munhu mumwe nemumwe akazvimiririra achiyanana naMweya Mutsvene.

Ndiratidzei neBhaibheri kuti chikuru chii, muBhaibheri, kudarika mukuru mukereke yepanzvimbo?

Ndizvozvo chaizvo, hongu, Baba, kubatana kwekereke panzvimbo, kereke imwe neimwe yakazvimiririra. Zvino, hukama, zvakanakisa. Makereke ese anofanira kuva ari nehukama hwakadaro, pamwechete.

Asi kubatana kwekereke yepanzvimbo!”

Hama Branham vanoparidza vachipokana netsika dzemakereke dzekusimudzira bhishopu pamusoro pevakuru mukereke.

Bhishopu ringori zita rebasa remukuru

Hakuna munhu mukereke yepanzvimbo ari pamusoro pevakuru vepanzvimbo.

NGUVA YEKEREKE YEPERGAMO- BHUKU RENGUVA DZEMAKEREKE CHITSAUKO 5

“Zvino dzidziso iyi yakatanga sechiito munguva yekereke yekutanga. Zvinoita sekuti dambudziko riri mumazwi maviri : ‘vakuru’ (puresibheteriyo) nerekuti ‘vatariri’ (mabhishopu). Kunyange Magwaro achiratidza kuti kune vakuru vakati kuti mukereke imwe neimwe, vamwe vakatanga (Ignetiusi pakati pavo) kudzidzisa kuti pfungwa yekuti bhishopu aive umwe wevabati vesimba nevakutonga pamusoro pevakuru.

Ikozvino chokwadi chenyaya iyi ndechekuti Izwi rekuti ‘mukuru’ rinoratidza kuti munhu wacho ndiyani, asi izwi rekuti ‘bhishopu’ richiratidza basa remunhu mumwechete uyu.

Mukuru munhu. Bhishopu ndiro basa rake.

‘Mukuru’ ragara uye richaramba richitaura zera rekuberekwa kwemunhu munaShe. Mukuru, kwete nekuti akasarudzwa kana kugadzwa, nezvimwe zvakadaro, asi nekuti AKWEGURA. Akura pazera akadzidziswa , kwete mutsva wetsambo, uye anovimbika nekuda kweruzivo nezvaakasangana nazvo muchiKristu.

Asi kwete, bhishopu haana kutevera chipostora chaPauro, asi vakatevera zvaitaurwa naPauro panguva yaakadana vakuru vepaEfeso kuti vauye kuMireto kuna Mabasa 20. kuvhesi 17 gwaro rinoti,

“vakuru” vakadanwa kuvhesi 28 vakadaidzwa kuti vatariri (mabhishopu).

Mabhishopu aya, (havarambirwe nenjere dzezvematongerwo enyika uye rudo rwekuva nesimba) vakashingirira kuti Pauro akanga ati vatariri vaive nesimba kudarika vakuru vepanzvimbo nesimba mukereke mavo chete.

Kwavari Bhishopu aive ava munhu aive nesimba rakawedzerwa pamusoro pevakuru vekereke vakawanda. Chinhu ichi chaive chisimo muMagwaro kana munhorondo, asi chero munhu akaita saPorikepu akadzidza kubva kubato rakadaro.

Saka, chinhu chakatanga sechiito chenguva duku mukereke yekutanga chakaitwa dzidziso sezvachiri nhasi. MaBhishopu vanotaura kuti vane simba rekutonga vanhu nekushanda navo sekuda kwavo vachivaisa pavanoda muhushumiri.

... Nedzidziso dzakaitwa nevanhu dzekusimudzira bhishopu pachinzvimbo zvaasina kurairwa kuti ave neMagwaro, nhanho inotevera yaive yekupa zvinzvimbo nezvidanho vachivaka hwaro husimo muMagwaro. Nekukasika kwakaita maachibhishopu nemakadhinari pamusoro pemaachibhishopu nenguva yaBonifesi wechitatu kwaive kwaana Pope ari pamusoro pavo vose, Pontiffi.”

Bhishopu anofanira kuva asina chipomerwa

I TIMOTIO 3:1 Ishoko razvokwadi, rokuti, kana munhu achitsvaka basa romutariri, unoda basa rakanaka.

Seumwe wevatariri, anofanira kuva ari mushandi weboka pamwechete neamwe mabhishopu kana vakuru zvimwechete zvo nekuva muenzaniso wakanaka achishanda nesimba.

I TIMOTIO 3:2 Naizvozvo mutariri unofanira kuva munhu usina chaangapomerwa, murume womukadzi mumwe chete, wakangwara, wakachenjera, unomugarire wakafanira, unoitira vaeni rudo, unoziva kudzidzisa,

Asina chipomerwa. Izvi zvakaoma. Anofanira kuva asina chitadzo chiri pachena.

Kuneta kukuru kunofanira kunyenyeredzwa ndekupi.

I TIMOTIO 3:3 usingadi waini, usingarwi; asi munyoro, usinegakava, usingakariri mari;

Anofanira kuva asinganwi hwahwa. Mumazuva eBhaibheri waini yaive nesimba rekurapa mairi. Asi nhasi kune mishonga yakawandisa inokwanisa kushanda basa iroro. Hakuna chikonzero chekunwa waini.

Asina shungu dzekupfuma. Achigutsikana nehupenyu huri pakati nepakati.

Ane moyo murefu nevamwe vanhu. Asina shungu kana hasha. Asingatsamwi kana kuda kutsiva zvakaipa zvaanenge aitirwa zvinokonzeresa kurwa.

Achigutsikana nezvaari nazvo. Asina rudo rwekutora zvinhu zvine vamwe vanhu.

I TIMOTIO 3:4 Unobata imba yake zvakanaka, unavana vanozviisa pasi nomugarire wose unokudzwa;

Anofanira kuva musoro wemusha wake achigona kuraira nekuranga vana vake.

I TIMOTIO 3:5 (kana munhu asingazivi kubata imba yake, ungachengeta seiko kereke yaMwari?)

Munhu asingagoni kuchengeta mhuri yake haangagoni kuchengeta vanhu mukereke.

I TIMOTIO 3:6 Asava mutendi mutsva, kuti arege kuzvikudza, akawira mukutongwa kumwe naDhiabhorosi.

Asiri mutendi mutsva. Munhu mutsva ane chipo anogona kuzvisimudzira nekuzvikudza nebudiriro. Izvi zvinokonzeresa kuzvitutumadza. Tese tinoda matambudziko nekuomerwa kuti zvitipe kuninipa mundangariro dzedu. Kuedzwa uku kwese kunobva pakuziva nekuti tinokura zvishoma nezvishoma toziva kuti zvakakosha sei kushanda nevamwe vanhu vakaremerwa neavo matambudziko uye marwadzo.

Jesu akayambira pamusoro pevatungamiriri vechiHedeni vanofunga kuti vane simba vanotonga vaya vari pasi pavo.

MATEO 20:25 Asi Jesu akavadanira kwaari, akati: Munoziva kuti machinda avahedheni anovamanikidza, navakuru vavo vanoratidza simba navo.

Mushumiri muranda. Bhishopu nemukuru vanotungamirira kupfurikidza kushandira vamwe. Muranda haana kukosha.

MATEO 20:26 Pakati penyu ngazvirege kuva kudaro; asi aninani unoda kuva mukuru pakati penyu, ngaave mushumiri wenyu

I TIMOTIO 3:7 Vuye zve, unofanira kupupurirwa zvakanaka navari kunze, kuti arege kuzvidzwa nokubatwa nemusungo waDhiabhorosi

Bhishopu ane mbiri yakanaka nevanhu vekunze vanomuona semunhu anovaka uye munhu anobatsira munharaunda.

Madhikoni anobatsira pamagariro evanhu

Bhishopu anobatsira vanhu nekukura kwavo pamweya panokura kutenda kwavo muMagwaro.

Panguva imwechete vanhu vane zvavanoda zvepanyama zvinoda kutarirwa.

Madhikoni vakasarudzwa kuti vabatsire pamagariro evanhu vemukereke.

MABASA 6:1 Zvino namazuva iwayo, vadzidzi vachiwanda, vaJudha, vaitaura chiGiriki, vakanyunyutira vaHebheru, nokuti chirikadzi dzavo dzaidarikwa pakugoverwa kwomusi mumwe nomumwe.

Matambudziko maviri.

Kereke inokura pakarepo hunyengeri hwevanhu nekurasika kunopararirawo.

Makereke maduku epanzvimbo vanotarisa izvi kusvika pakuipa kukuru.

Kusarudzana kwakabereka musoro wako mukuru kwazvo.

VaHeberu vaida kwazvo kutaririra shirikadzi dzechiHeberu.

Isu vanhu tinosarudzana pamarudzi zviri nyore toda kwazvo rudzi rwedu kana nyika yedu kana dzinza redu. Izvi hazvidiwi naMwari.

MABASA 6:2 Zvino vanegumi navaviri vakadana vadzidzi vazhinji, vakati: Hakuzakafanira kuti isu tirege shoko raMwari, tishumire pamatafura.

Kwaive nemabasa emaoko aida kuitwa takatarisa pakugovera chekudya kwaida kuitwa. Iri raitove basa renguva dzese nekuti kereke yaive yakura.

Asi zvaive zvisingarevi chinhu kune avo vaidzidza Magwaro kuti vatore nguva yavo kuita mabasa aya. Kana tikaita mabasa mazhinji, tsvagurudzo dzakaratidza kuti tinotanga kuita rimwe basa zvisina kunyatsonaka.

“Mabasa Akadzama” tsvagurudzo dzakaratidzawo kuti tinoita basa zviri nani kana tikange tichitarisana nebasa rimwechete zvakazara.

MABASA 6:3 Zvino hama dzangu, sanangurai pakati penyu varume vanomwe, vanopupurirwa zvakanaka, vazere noMweya Mutsvene novuchenjeri, vatingaisa pabasa iri.

Bhizimusi. Mari inosanganisirwa wo ipapo. Vanhu vashoma kwazvo vanogona kuchengetedza mari kuti ibatsirewo vamwe vanhu vasina kuedza kuzviwanisa ivo pachavo.

Kereke inofanira kubatwa nevakuru vane mbiri yekuvimbika .

Nguva imwechete iyo Jesu akatsamwa yaive apo akaona vanhu vachiita mari nechitendero muTembere. Akavadzinga vose nekurasira mari dzavo dzavakawana nehuwori kunze kweTembere.

Kamwechete pedyo nekutanga kwehushumiri hwake. Nemusi weSvondo yemichindwi zvakare nezuva rakatevera racho, musi weMuvhuro. Izvi zvaive zvanyanya kumaJuda vaitungamirira muchitendero. Nekuti mari dzavo dzaive dzava panjodzi, vakabva vamuuraya musi weChina sezvo aifanira kuita husiku hutatu ari mubwiro asati amuka musi weSvondo.

Rangarirai Judasi. Mupostora mumwechete kana kuti mutungamiri wekereke akatengesa Kristu ndiye aive zvakare mubati wehomwe. ChiKristu nemari zvinogadzira musanganiswa wakaipa kwazvo.

MABASA 6:4 Asi isu tichatsungirira pakunyengetera napabasa reshoko.

Mapostora vaishanda neMagwaro, kwete nemari.

Nhasi, vatungamiri vemakereke vanoshanda nemari kwete neMagwaro pavanodzidzisa Tiriniti, Mwari Mwanakomana, Mwanakomana Wekusingaperi, Jesu ari muhuMwari ari Munhu wechipiri, Kisimusi, 25 Zvita, Chishanu Chakanaka (Good Friday), munhu mumwechete anotungamirira kereke, nezvimwe zvakadaro.

Waini shoma yekugadzirisa dambudziko rekugaya chikafu rinenge raramba richidzoka

Nhasi tine mishonga yakawandisa inogona kugadzirisa matambudziko emudumbu medu. Hatichambodi waini kuti tibatsirike pamatambudziko aya.

I TIMOTIO 3:8 Saizvozvo vo vashumiri ngavave vanokudzwa, vasinamanzwi maviri, vasingadi waini zhinji, vasingakariri fuma yakaipa;

Madhikoni vanofanira kuita zvinhu nemazvo. Vanofanira kutaura chokwadi nguva dzese nekuti vanoshanda nenhau dzemari uye havafaniri kuva nezvimwe zvinangwa zvakavanzwa. Vanofanira kuva vasina ruvengo nemamwe marudzi. Vasina rudo rwekuzvipfumisa ivo pachavo.

Imwai waini shoma kwazvo kuitira kurapa. Kwete kunwira mafaro.

I TIMOTIO 5:23 Usaramba uchingonwa mvura bedzi, asi unwe waini shoma nokuda kwomudumbu mako novutera bwako bwuzhinji.

Waini ine simba remishonga inorapa uye inobatsira kugaya chikafu sezvo Timotio atambudzwa nedambudziko remudumbu.

Madhikoni, vachishanda pazvhinhu zvenyama, vaitenderwa kunwa waini Shoma kana vaine dambudziko remudumbu.

Mabhishopu, sevaparidzi, vaifanira kuisa mienzaniso yakanaka vaive vasingatenderwi waini.

“Kukarira pfuma yakaipa”.

Rudo rwemari. Ndiko kuwira pasi kwemakereke. Bhiza dema nemutasvi waro waantikristu anotengesa Shoko raMwari kuti apfume.

Munhu ane makaro haagutsikani. Mamiriyoneya nemabhiriyoneya vanoramba vachitsotsa vamwe kuti vawedzere mari yavari nayo.

I TIMOTIO 3:9 Vanochengeta zvakavanzika zvokutenda muhana yakanaka.

Chimwe chezvakavanzika zvekutenda kutadza kuwodzwa nenhau dzemarudzi kana dzemari.

I TIMOTIO 3:10 Naivo ngavatange kuidzwa vo, ipapo vashumire, kana vasina chavangapomerwa.

Vanhu vanofanira kupihwa nguva yekuedzwa kuti vaonekwa kuti vanogona here kuita zvinhu nenzira yakanaka zvakazara.

Haasi wese munhu anovimbika kana kuti anogona kana tasvika panhau dzemari.

I TIMOTIO 3:11 Saizvozvo navakadzi ngavave vanokudzwa, vasingacheri vamwe, vakasvinuka, vakatendeka pazvose.

Mukadzi wemudhikoni anofanira kuzvipira uye asina makuhwa. Asinganwi hwahwa ari muenzaniso wakanaka nguva dzese.

I TIMOTIO 3:12 Vashumiri ngavave varume vanomukadzi mumwe chete, vanobata vana vavo nedzimba dzavo zvakanaka;

Mudhikoni haagoni kuva murume akaramba mukadzi oroora umwe. Haagoni kuva nebarika. Vana vake vanofanira kuva vakazvibata vane hunhu hwakanaka.

I TIMOTIO 3:13 Nokuti avo vakashumira zvakanaka, vanozviwanira zita rinokudzwa nokutsunga kukuru pakutenda kwavo munaKristu Jesu.

Mudhikoni akanaka akavimbika anotarira kuchengetedzeka kweavo vasingagoni kuzvibatsira. Nekudaro, nekudzivirira kuzvitsvagira kuzviunganidzira pfuma anopenya semuenzaniso wekushandira nzvimbo. Izvi zvinoratidza kuita kukuru kune vaya vasati vaponeswa vanozoda kwazvo kumuteerera.

Pauro aida kuona Timotio uyezve kereke yekupedzisira

I TIMOTIO 3:14 Zvinhu izvi zvose ndinokunyorera, ndichiti ndichakurumidza kuvuya kwauri;

Magwaro ane chirevo chikuru. Magwaro anotaura zviitiko zvenguva iyoyo uyezve kutaura isu panguva yekupedzisira apo zvakavanzika zvinoziviswa.

Pauro aironga kuona Timotio nekukasika.

Panhanho dzakadzama, Pauro aitarisa kumberi kurumuko rwunozoitika kana Mwenga wenguva yekupedzisira akatenda zvese zvaakadzidzisa.

Saka Pauro aifanira kumirira kusvikira kwaita Mwenga akavimbika kudzidziso yake, nekuti ipapo chete vatsvene vanomutswa kubva kuvakafa.

Sekuda kukuru kwaive naPauro kuona Timotio, Pauro akatarisirawo kugona kuuya kuzoona vose vapenyu nhasi vanoona Pauro semuvaki mukuru anofanira kuteererwa.

I TIMOTIO 3:15 Zvino kana ndikanonoka, ndinoda kuti uzive kuti vanhu vanofanira kufamba sei mumba maMwari, iyo kereke yaMwari mupenyu, mbiru nechitsigiro chezvokwadi.

Pauro aifanira kumirira makore 2000 asati atishanyira. Asi akatiudza kuti toita hunhu hwakaita sei kuti tisarambe Jesu, Shoko rakaziviswa, tomuita kuti Amire kunze kwemakereke edu.

Munhu umwe nemumwe anotenda kuti pauro akanyora chokwadi inhungo mukereke yaMwari.

Tinofanira kutevera Magwaro zvakazara nekutenda zvese zvakadzidziswa naPauro sezvakaitwa naTimotio.

Hama Branham vakafananidza chimwe chiitiko pavakaenda kuseri kwechidzitiro chenguva vakaona vateveri vavo.

63-0322 CHISIMBISO CHEKUTANGA

Akati, “Zvakanaka, tichauya nerimwe zuva, Iye achatanga kuuya kwamuri, ipapo muchatongwa.” Akati “Vanhu ava ndivo vateveri vako vawakatendeutsa.”

Ini ndikati, “Muri kuti ndiri mutungamiriri wavo here, Kuti Anditonge?”

Akati, “Hongu.”

Ini ndakati, “Mutungamiri wese anofanira kutongwa saizvozvo here?”

Akati, “Hongu.”

Ini ndikati, “Ko Pauro?”

Akati, “Achatongwaro nezvake.”

“Zvakanaka,” Ndakati, “Kana boka rake rikapinda, neranguwo,’ nekuti ndakaparidza mashoko mamwechete aakaparidza.”

Ndakati, “Paakabapatidza neZita raJesu, Ini ndakaitawo saizvozvo. Ndakaparidza ...”

Mamiriyoni akadanidzira, vose pamwechete vakati, “takazorora pana izvozvo.”

Mwari ari matiri kuratidzirwa kwechakavanzika chaMwari

I TIMOTIO 3:16 Hakuna ungaramba kuti chakavanzika chokunamata chikuru kwazvo, chokuti: Iye Mwari wakaratidzwa panyama, wakaruramiswa pamweya, wakavonekwa navatumwa, wakaparidzwa pakati pavahedheni, wakatendwa panyika, wakakwidzwa mukubwinya.

Chakavanzika chaMwari ndechekuti akazviratidza kana kuti akaratidzwa panyama mumunhu Jesu akakwira Kudenga.

Mwari akaratidzwa panyama muvaKristu vake vakazvarwa patsva, zvinosanganisira isu. Pakumutswa kwevakafa acharatidzirwa mukuzara kwekereke uye mwenga wese achatorwa kukwira kudenga kunosangana Naye kumakore.

Mwanakomana ndiye Mwari anesu Emanueri.

JOHANE 14:17 Ndiye Mweya wazvokwadi; nyika haigoni kumugamuchira, nokuti haimuvoni, kana kumuziva; imi munomuziva, nokuti ugere nemi, uchava mukati menyu.

Baba, Mwanakomana naMweya Mutsvene zvinoreva kuti Mwari anoratidzwa pamusoro pedu, patiri nematiri.

Chakavanzika chemabhishopu nemabasa avo emweya nemadhikoni nemabasa avo emaoko vachibatsira vanhu ndechekuti tinofanira kuva naMwari matiri toshandisa zvipo zvaakatipa kuti vamwe vakomborerwe, kwete kuzviitira isu.

Kereke inzvimbo inoraramira kuti vanhu vakomborerwe vese vanoipinda nevasiri.

Mabhishopu nemadhikoni vanofanira kushingirira zvavanoita, kwete zvavanowana kubva pakuita kwavo.

ZVAKAZARURWA 4:4 Kwakanga kunezvigaro zvovushe zvinamakumi maviri nezvina zvakanga zvakakomberedza chigaro chovushe; napazvigaro pakanga pagere Vakuru vanamakumi maviri navana, vakapfeka nguvo chena; vakanga vanekorona dzendarama pamisoro yavo.

ZVAKAZARURWA 4:10 Vakuru vanamakumi maviri navana vowira pasi pamberi paiye ugere pachigaro chovushe vachimunamata iye, uri mupenyu nokusingaperi-peri, vachikandira korona dzavo pamberi pechigaro chovushe, vachiti:

Vakuru ava vane zvinzvimbo zvehutungamiriri nezvigaro zvesimba nekorona yemubairo.

Vanosiya zvigaro zvavo zvesimba kunozvininipisa. Havana kufanira kuva pamasimba. Kristu oga ndiye akafanira.

Vanokandira pasi korona dzavo dzavakapiwa semubairo nekuti aive Kristu aive mavari akavagonesa kuita zvavaiita. Havana kuzvikoshesa.

Saka muri kuedza here kuzvigadzirira zita?

Muri kufunga here kuti makakosha neimwe nzira? Kana makadaro makarasika.