Luka o ala taba ya Jesu bjale ka Monna wa makgonthe -- Luka Karolo ya bobedi

We update studies as the Lord Jesus leads us. You can find the latest update of this study at ChurchAges.net

Luka go swanetše ale taba ya Jesu bjale ka Monna wa makgonthe. Bjale Luka o bolela ka mathata a setho.

Tshwenyego e kgolo ya motho ke lehumo ebile ye e filwe ka go se lekane. Ka ngwaga wa 2015 Amerika ebile le diphesente tše masomennepedi tša bohumi gomme ya latela ke China ka diphesente tše lesometee. Dikarolo tša naga tše lesome dibe di humile ka diphesente tše masomeseswainne lefaseng ka bophara. Gona le tekano ya dinaga tše dirago makgolo a mabedi mo lefaseng.

Dinaga tše masomenne tša go diila di na le fela phesente e tee ya lehumo la lefase.

Gora gore dinaga tše lekgolo le masome a mahlano di swanetše go arogana phesente tše lesomehlano fela tša lehumo la lefase, di tla fiwa fela phesente e tee go tše lesome.

Go tša bohumi bja United States, batho ba diphesente tše masomeseswai ba na fela le phesente tše lesomehlano tša bohumi. Bjale gora gore gona le kgolo e golo ya batho ba go diila lefaseng ka kakaretšo. Badiidi ga ba kgahle ke ka mokgwa wo sehlopha se sa bahumi ba ba nnyane e feletšago e sona se thopago ebile se buša bona badiidi bao. Dikgetho tša bopresitente bja Amerika ka ngwaga wa 2016 di biditše diranta tše dikete tše šupa tša di dolara. Ga go modiidi yo a ka thopago dikgetho.

Hlobaelo e kgolo ya go se fele lefaseng ke go hloka toka le go se dudišege mo go hlolago ke dikakanyo tša dikopano tšeo di bakago ke bohumi bjoo bo lego ka diatleng tša ba mmalwa.

Luka o iponagaditše thwii go badiidi bao elego ba bantši. Morena Jesu ke monna wa bona. Josefa yo a mo tšerego bjale ka ngwana wa gagwe, le Maria mmagwe ga ba selo. Josefa le Maria, le ge e le badumedi, ba be ba se na tsebo ya gore Messia o tlo belegwa Betlehema. Bjale Modimo o ba sepedišitše moo ka hlohloletšo ya Agostos, mo Roma yo mogolo a bitšwago Khesara, go tlo e ngwadiša se molao.

LUKA 2:1 Mehleng yeo gwa na gwa tšwa molao go Kesara Augusto, wa gore dilete ka moka di ngwalwe.

Josefa, monna wa modiidi, o swanetše a sepele leeto la go tšea dikilometara lekgolo masomenne go tloga Natsaretha go ya Betlehema. Mosadi wa gagwe a ithwele boima ka ge ngwana abe a šaletše ke beke e tee fela go tla lefaseng. O ile a swanela ke go namela tonki e sego bonolo ebile e tšea nako. Leeto le tla tšea tekano ya beke.Naa ba tla fihla Betlehema pele ga nako ya pelego? Go nagana ka seo go tla ba swenya kudu leetong la bona ka moka. Bjale ye ke nako ye mpe go Maria go ka eta. Tonki e swanela go rwala dijo tša beke, mapai a go robala ka thoko ga tsela, le dipereka tša Josefa tša mapolanka (mengwaga e mmedi ya go feta ge ba bohlale ba bohlabela ba fihla Bethlehema, lelapa le sale fao ebile Josefa a swanela ke go le berekela e le gona go le teketša). Ga go le felo la diaparo tša ngwana, malao a ngwana le tše dingwe.

Ke ka baka la eng ba dira leeto le la go se be monate? Ka gore ba kgone go ingwadiša.

Go tloga go le thata go nagana lebaka le boima. Ka moka ga rena re hloile go ingwadiša.

Ba be ba swanetše go sepela boleta ka lebaka la seemo se Maria a lego go sona. Batho ba go phakiša ba ba fetile tseleng mme ge ba fihla mafelong a Bethlehema a baeng ba hwetša go se go tletši go sena sekgala. Ba hwetša bodulo ka gare ga lešaka leo le bego le nkga e bile le sa hlweka.

Mašaka ke mafelo a ditšhila, a aparetšego ke mantle a diphoofolo. Ga nkge bose. Ngwana a belegwa. Mogopo, wa goba tala ka mare a dikgomo le dinamane ge di be di latswa dijo tša mašaledi, go bile malao a gagwe. Mafelelo a bophelo bja gagwe le batho ba ile ba mo swela ka mare gape. Gobaneng? Ke borotho bja bophelo. Re ka se kgone go ja borotho ka ntle le go bo hlahuna ra fetša ra bo apeša ka mare.

LUKA 2:7 A belega morwa wa gagwe eo a itšibutšego ka yena, a mo phuthela ka mašela, a mo latša legopong, ka gobane ba sa ka ba hwetša sebaka ngwakong wa baeti.

Go be go sena phaphoši ya bona. Ba be ba sa nyakege. Mathomong a bophelo bja gagwe, Jesu o be a le ka ntle go sehlopha sa badumedi ba ma Juta. Mafelelong a nako ya kereke yeo obe a ema ka ntle ga monyako wa kereke ya bakriste.

Diaparo tša nako ya gona di be di dirwa ka masaka a kgale.Lesela se se lego gona ka mogopong ke fela lesaka le le rareditšwego namaneng go thibela mapolanka go kgohla mogolo wa kgomo yeo e bakago bohloko bo itšeng. Namane e bereka ga bohloko ka sethitho. Mašela ao a rareditšwego lepolankeng a kolobišitšwe ka sethitho sa kgomo. Bjale Jeso o be a rareditšwe ka mašela ao a tletšego sethitho. Badiša ba badiidi ba kitimetše, le bona ba be ba le ditšhila le dithitho ka ge “ba tlile ka lebelo”. Ba ile ba ekwa ba legae ka ge Jeso a rareditšwe ka diaparo tša sethitho ka gare ga mogopo wa ditšhila. Jeso o dira gore badiidi ba ekwe ba legae ka ge le yena a thomile bjalo ka boikokobetšo. Masea a mmalwa ba tla belegwa seemong sa bodiidi bjo itšeng.

Mme le mafelelo a bophelo bja gagwe go sa tlo ba le sethitho. O tlo rotha sethitho sa madi. Gobaneng? Adama o dirile sebe empa kotlo ya gagwe ebile gore o tla phela ka sethitho sa sefahlego sa gagwe. Bjale sethitho sa motho ke gore a sware madi a Jeso e le gona gore kotlo e tle e fihlellwe ka tšatši le lengwe, ka lefaseng le leswa, a go sa tlo ba le sethitho sa go elelana le mošomo o boima.

Luka ga bjale o e beya nyanyeng gore Modimo ga a nagane ka tsela ye batho ba naganago ka gona. Ke ka baka leo Modimo a sa thakgatšego ke ditumelo le ditšo tša batho.

La mathomo ebile fela nako ya histori ya motho moo mangeloyi a mantši a tšweletšego lefaseng ka kgatiso ya seswantšho sa go tumiša maatla a Modimo.

Naa e diregile mo kae? Ka sedirišwa sa lefelo la bordara ya emphera ya Roma ye e bitšwago Palestina. Mo kae Palestina? Ga go lefelo le bjalo. Lefelotsoko la go se tsebege la torotswana ye e bitšwago Bethlehema.

Naa e be e le mang molaodi yo wa mohlolo wa go makatša wa maatla a go se tlwaelege?

Batho ba sehlophana sa go se tsebege sa go se rutege, badiša ba badiidi. Ka ntle moo mafokeng ba be ba sa hlape nako le nako. Ba be ba nkga bjalo ka nku tša bona. Ga re tsebe le yo mongwe wa bona. Maina a bona ga se a hloke go hlathollwa ka ge ebe e le batho fela ba go se tsebalege ka ge go sena le motho yo a ka ba tsebago. Ba be ba šogile wa go hwa, ka go bona mehlolo yeo.

Bjale Luka o re tsebiša se sengwe ka Modimo ka sebopego sa motho. O dira dilo ka tsela ye e tlogago e sa letelwa. O ikgakantšha kgetho (bodumedi bja ma Juta ka tempeleng le meago ya bona ya borapedi) a tšwelela ka tsela ya kgatišo ya bodiidi le banna ba go ipalela bao ba se nago maatla e bile ba sena mohola, go molaleng gore ga ba na tšhelete. Bodiidi bja go palela ke go tliša dimpho, ba be ba swanetše go no kwa ba le gae e sego go šišimišwa ke ditšhila le monkgo woo ba ihwetšago ka gare go wona ka moo mogopong. Modimo O ikapešitše ka nama ya motho abe a thoma ka go feleletša tšeo di bego di sa letelwa ka go nolofatša bodiidi le go se be bohlokwa bo ka amogelwa go yena.

Yo Kgopo o dirilwe setlaela e le ruri. O naganne gore o tseba bokaone gonna le go senya nako ka go tšea matsapa ka mogoponyana le badiša ba go se tsebalege ba go hloka le mohola. Batho ba ba bedi ba go se tsebege ba Josefa le Maria ba ka seke ba kgatha tema ka gare ga dikakanyo tša Modimo. Go bonagala gabotse fela gore tše ka moka di ka se kgathe tema gotleng ga Messia. Ge Messia a fihla go tlile goba bohlokwa go baetapele ba ditumelo ka tempeleng e bile go tla ba le lethabo le ditumišo. Ke gona moo Satane atlo kgoboketšago matemone a gagwe go lwa le Yena. Satane o tlogile a fenywa ke kokobetšo ya selo se nnyane seo se tšerego karolo ka go kgatiša ke batho bao ba se nago karolo setšhabeng.

Jesu, ngwana yo mo golo wa nako tšohle,o felegeditšwe ka mogopong ke sehlopha sa ba go se be selo.

Ditobetšo tša tsebišo ya nakong ya dikomputara le dillathekeng di fetotše maphelo a rena. Ditobetšo tša nakong yeno di agilwe nomorong tše pedi, tee le lefeela.

Matswalo a Jeso, ke lentšu la Modimo le le nago le tsebišo ya semoya ka moka. Ke yena wa mathomo. Bjale yo mongwe le yo mongwe nakong ye a sena go tswalwa ke lefeela.

Luka o bonagatša kamano ye magareng a Monna Jeso bjale ka 1 le a rena batho ka moka bjale ka 0.

Lefase le re lego go lona le nyaka re ithete (rena,bokgoni, mediro ya dikereke tša rena, moetapele wa kereke, ba lelapa, meeno ya rena, tšhelete, go tsebega, basadi) bjale ka nomoro ya 1 mola e le gore Beibele ere ke lefeela 0.

Lebelela ka mo tsebo e lego e nnyane mo bathong lehono, re bala le ba go tsena kereke, ba tsebago ka Beibele.

LUKA 2:8 Gomme go be go na le badiši nageng yeo marakeng, ba letše ba letile mehlape ya bona.

9 Ba bona Morongwa wa Morena a tlile go bona a ema, mme letago la Morena la ba phadimela ka mešo e go fela; bona ba boifa, poifo ya ba e kgolo.

LUKA 2:13 A sa realo ke ge lešaba la dira tša legodimo le eme le yena Morongwa, le reta Modimo le re:

14 Tumišo a e ye go Modimo magodimodimong; lefaseng go be le khutšo, kgahlišo bathong.

Luka a bolele ka banna ba bohlale. Ba tlile ka morago ga mengwaga e mebedi, ba hwetša ngwana ye monnyane, e sego lesea. Banna ba bohlale ba ile ka gare ga ntlo, e sego lešaka. Jeso le Maria ba be ba le gona, mara e sego Josefa.

MATEO 2:11 Ba (Ba bohlale) tsena ngwakong, ba hwetša ngwana le Maria mmagwe, ba khunama ba mo lotšha. Ba phutholla mahumo a bona, ba mo ntšhetša dineo tša gauta le diorelo le ditlolo.

Banna ba bohlale ba be ba ka se ekwe ba legae ka gare ga lešaka la go se hlweke. Badiša ba dithitho ba ekwele ba legae ka moo lešakeng. Ba be ba tlwaetše monkgo wa diphoofolo.

Bjale Jeso, e le Monna, o tšwile bodiiding ka bo bokokobetšo bja seemo seo.. O tloga a lekana le badiidi, bao e lego ba bantši ba go loka.

Luka o bolela gore Jeso oile Tempeleng ana le ngwaga ye lesomepedi. Moruti o makaditše ke tsebo yeo Jesu a nago le yona.

Josefa le Maria ba mo tlogetše moo mme ba bowa ba mo hwetša ka morago ga matšatši a mararo.

LUKA 2:48 Ge ba mmona moo, ba tlabega; mmagwe a re: Ngwanaka! O reng o re dira tše? O ko bone, tatago le nna re go nyakile ka bohloko.

49 Yena a fetola a re: Le be le reng le nnyaka? A le be le sa tsebe ge ke swanetše go ba mo go tše tša Tate?

Ka go akaretšwa ke ma Juta a go hloka tsebo le go se tshepe ka pelego ya go se hlakanele mapai, Maria o ile a tšhoga mme a bitša Josefa gore ke yena tatago Jesu.

Karabo ya gagwe e bile ye nngwe ya tša maleba le bokagare bo humanegago, ya romela ka mokgwa wa go kgahliša.

“Ke mang yo le mo obamelago?” Ntwe e tlogago e le boleta. O be a ka re: “Ge eba le be le nyakana le nna ke ka baka la gore le sepetše ntle le go lekola ge eba kena le lena. Ga le batswadi ba maikarabelo”.

Se ke thuto ya gore ka moka ga rena re leleka lentšu la Modimo bonolo mme ra tšwela pele ka maphelo ao a sa hlamasegago.

“ke eng le sa lemoge gore nna ke ka mediro ya Tata wešo?” Ka sona seka seo.”Obe a ka re: “Ke eng le tšhoga banna ba le gana go ba botša gore ke belegwe ka tsela yaka ke nnoši”

Ntwe a bego a e bontšha fa ke fela gore ge Josefa ebe ele tatagwe ka nnete gobane ase fao Josefa a lego gona go dira mošomo wa mapolanka. Mara ge eba Modimo e le Yena Tatagwe, gora gore o swanetše a be ka Tempeleng ya Modimo a bolela le baruti le ditokotela. Ka lebaka la gore a feditše matšatši a mararo a dutše ka Tempeleng, bjale Jeso obe a dutše ka ntlong ya Tatagwe. Bjale Tatagwe wa nnete, Modimo, ga se a mo tlogele matšatši a mararo goya ka tsela yeo Josefa, yoo ebego e se tatagwe wa mannete, a mo tlogetšego.

Ka yona tsela yeo Jeso o kgonthišitšetswalo ya gagwe ya moswananoši ka maatlakgogedi pele ga batho ba bohlokwa bao ba ka se kgolwego kakanyo yeo. Kamogelo ya bona e bile lebaka leo le dirilego gore Maria a bolele taba tše tša go bonala di sa kgonagale. Bjale re ithuta ka nako tšeo di tlago tša go ikana ka tšona ditaba tše tša nnete ya Beibele tšeo di tla bego di bolela ke baetapela ba kereke. Naa re tla ba le maatla a go ganetša re fetše re ba botša tšeo ba sa nyakego go dikwa?

Jeso o file karabo ye bohlale ya go phošolla diphošo tša Maria ka go se nolofatše gore o wa mo phošolla. Ke yona tlhompho ye a nago le yona go Maria. Wo ke molaetša go bana ba go se theetletše, go hloka hlompho, go tšeela batswadi ba bona fase.

LUKA 2:51 Gomme a fologa le bona a ya Natsaretha, a dula e le e a ba kwago. Mmagwe ditaba tše ka moka a dula a di bolokile pelong ya gagwe.

Mo Luka o ruta thuto ye bohlokwa. Ge monna a nyaka go laola ba bangwe, o swanetše ka bo yena a ithute go obamela ditaolo. Jeso o ithutile mengwaga ya bonnyane bja gagwe ka moka ka go obamela Josefa le Maria e sego ka go se ba hlomphe. Ye ke karolo ye bohlale kudu. Se se mo file maatla a go neela melao ye me kaone kudu ge ase na go gola mme a tlogela lapa la Josefa le Maria.

BAKOLOSE 3:20 Lena bana! Kwang batswadi ba lena dilong tšohle; gobane ke sona se se kgahlago Morena.