Zvakazarurwa 18 Tizai kubva Babironi Chikamu 1

We update studies as the Lord Jesus leads us. You can find the latest update of this study at ChurchAges.net

Hama Branham vekuAmerica vakazivisa Kristu ari Shoko rakaziviswa rinokwanisa kunzwisiswa.

Mweya weChinamato wakatsvaira makereke emharidzo apo vazhinji vakafunga kuti hama Branham vaive Mwari panyama. Vakavadaidza kuti Izwi raMwari vakashandisa zvavakataura kutsiva Bhaibheri reKing James.

Musafe makavati havatadzi nekuti zvimwe zvavaitaura zvairwiswa nezvimwe zvavaitaura.

Vakazivisa zvinoitwa neKutinhira kunomwe, asi kwete zvakarehwa neKutinhira kana zvakunoreva.

Mweya yakaipa yakapinda mumasangano emakereke akatonga muhutungamiri. Saka kune zviuru zvemazano nedzidziso zviri kudzipa chokwadi zvichikonzeresa kutadza.

Makereke akasimudzira chiPrista chehufudzi (zvakatarirwa kukundikana) kutsiva chiprista cheAaroni chakakundikana.

“Kudanidzira” kuchaitika kana Mwenga akutevera Magwaro achitaura zvakataurwa muBhaibheri reKing James.

Babironi yanhasi kukanganisika kuri mumasangano

64-0318 – BABA, TICHAONA JESU

Tine kereke yeBabironi, munozviziva, masangano. Ari muBabironi.

Tinoda rubatsiro rwemweya kana tichida kusangana nechokwadi.

Mutumwa wemweya anoburuka kuzotidzidzisa nekutibatsira.

ZVAKAZARURWA 18:1 Zvino shure kwezvinhu izvi ndakaona umwe mutumwa achiburuka kubva kudenga, ane simba guru, nyika ndokuvhenekerwa nokubwinya kwake.

Mupostora Johane, aivewo muprofita, aida rubatsiro rwengirozi kuti anyore pasi zvakavanzika muBhuku raZvakazarurwa.

Mupostora Pauro, aivewo muprofita, aive mutumwa wekutanga kana nhume kuzivisa chokwadi kukereke yevaHedeni. Aida rubatsiro rwengirozi panguva yakaoma.

53-1114 - NHORONDO YERWENDO RWEKUAFRICA

Muchiratidzo, amire parutivi rwake, Iye [St Pauro] akaona Mutumwa akamuigira shoko, mutumwa waShe. Akakwira kwaaive akati, “Ndinoti kwauri, hama, fara; nekuti Mutumwa waMwari, ini ndiri muranda wake, akamira neni husiku hwadarika akati, ...

Kana vanhu vakuru ava, vaive mapostora nemaprofita, vaida kubatsirwa nengirozi kuti vatange kereke yeTestamente Itsva nezvakavanzika zvayo, tinoda rubatsiro rwengirozi yemweya inogona kuratidzira Magwaro rwakakura sei kuti tinzwisise zvatinoverenga.

Tine chivimbiso chekuti Mwari vachafamba pamweya zvakavanzika zvichazarurwa zvoziviswa panguva yekupedzisira.

DANIERI 12:4 Asi iwe Danieri, vanza mashoko, unamire Bhuku rechisimbiso, kusvikira panguva yokupedzisira; vazhinji vachamhanya pose pose, nezivo ichawanda.

“Kuenda nekudzoka” zvinotaura pamusoro pekusagadzikika kuenda nerumwe rutivi woendazve nerumwe. Kusagadzikika uku kunotsanangura nyika yatigere nhasi.

Tinotsanangura kurezva mwana nemudhayi “achienda achidzoka” kuti arare. Saka vatungamiri vemakereke vari kurezva masangano achienda achidzoka kuti varambe vakavarairwa vakarara. Mapasita anoparidzira makwayi avo nekutaura zvinoda kunzwikwa nevanhu vavo. Sangano rinova imba yezvinotaurwa napasita chete.

Mufananidzo uri kuna Mateo 25 unomiririra kereke yakaponeswa pakupedzisira sevasikana vane gumi (vakadzi vakachena), asi vese vakakotsira.

MATEO 25:5 Zvino muwani wakati achinonoka, vese vakatsumwaira vakarara.

“Vakakotsira vakavata”. Kukosha, mazwi maviri anomiririra kurara mumutsetse umwechete. Zvinoratidza kuti makereke ese akakotsira.

“kuenda nekudzoka” kutsanangurwa kwehunhu hwaSatani.

Fungai pamusoro peTiriniti, inoita kuti ndangariro dzevanhu dzimhanye dzichienda nekudzoka pakati peumwe nevatatu. Mwari mumwechete here kana kuti vatatu? Ikozvino vanoona umwechete, voona vatatu, kusvika vaparidzi vepamusoro vakafanana naBilly Graham abvuma kuti haanzwisisi chakavanzika cheTiriniti.

Asi Bhaibheri rinoti chakavanzika chaMwari chichapedziswa.

ZVAKAZARURWA 10:7 Asi pamazuva enzwi remutumwa wechinomwe, kana woda kuridza, ipapo chakavanzika chaMwari chichapedziswa.

Tinofanira kugona kunzwisisa Bhaibheri pakupedzisira.

JOBO 1:7 JEHOVA akati kuna Satani wabvepiko? Satani akapindura JEHOVA akati; Ndabva pakupota pota nenyika; Napakufamba famba pairi.

Mazano aSatani. Kuzvidzora kana achida hake. Kudyara kusanzwisisa kuti anyengere vanhu.

ISAYA 24:20 Nyika ichadzedzereka somunhu akabatwa; Ichadengenyeka sedumba; kudarika kwawo kuchairemedza kwazvo, ichawa ikasasimukazve.

Vanodhakwa mafungiro avo akawora. Makereke anotenda mune mamwe Magwaro asi vachifuratira, kurwisa, kushandura, nekubvisa mamwe Magwaro. Kutenda mamwe Magwaro musingatendi mamwe zvakadhakwa.

VAEFESO 4:14 kuti tisazova vacheche, vanodzungaidzwa nemafungu kuenda nekudzoka nekupepereswa nemhepo ipi neipi yedzidziso, nekunyengera kwevanhu, pakunyengera, kumano ekutsauka;

Kana Mwari ari Vanhu vatatu saka hakuna Zita rimwechete raMwari. Saka, Zita raMwari, Jesu Kristu, akatsiviwa zvine huchenjeri hwekunyengera nemazita ezvinzvimbo zvitatu Baba, Mwanakomana naMweya Mutsvene sekuti izita. Vanoenda kumakereke vanonyengerwa zviri nyore saka vanopinda paboka revasikana mapenzi.

Asi muna 1747, pakati penguva yaive pedyo nehondo, zvinhu zvikuru zvitatu zvakaitika riri simba remweya unoshamisa rekufamba kwaMwari rakatanga nemutumwa ane simba uyu zvikapa maJuda kuzadziswa kweMagwaro. United Nations, vakavenga maJuda, vakavanzwira tsitsi kwechinguvana mushure mekuurayiwa kwemaJuda 6 miriyoni akauraiwa naHitira. Pavanhu vose, mudzvanyiriri ane hutsinye Starini akakurudzirwa kumanikidza United Nations kupa maJuda musha wavo, Israeri. Vakapihwa simba rinoshamisa nehushingi hwavaida kuti vakurire vavengi vashanu vechiArabu vavaiziva kuti vaizovarwisa muna 1948 pavakawana rusununguko. Vakakurira hondo yerusununguko rwavo zvisinei nezvavakasangana nazvo, nehondo nhatu dzemaArabu dzakazotevera.

Zviitiko zvikuru zvitatu zvine chirevo pamweya.

1. Mubatanidzwa weUnited Nations wenyika dzepasi rese wakatendera maJuda kurwisa maArabu kuti vatore dzimwe nzvimbo dzeNyika yavo yeChipikirwa muna 1947.

Ichi chaive chiratidzo chekuti Mwari vaive vakuda kudzokera kumaJuda. Kuzadziswa kwechiprofita chiratidzo chakanaka chesimba raMwari.

Mwari vari kugadzirira kunosangana nemaJuda 144,000 kuIsraeri munguva yemakore matatu nehafu eKutambudzika kukuru.

2. Muna 1947 mutumwa akauya kuzopa William Branham, kuAmerica, basa rekuratidzira ruponeso rwemweya unoshamisa rwePentekositi nekuratidzwa pamusoro pehupenyu hwevanhu.

Muna 1963, vatumwa vanomwe vakamupa basa rekuzivisa Zvisimbiso zvitanhatu zvekuna Zvakazarurwa Chitsauko 6. Izvi zvakazarura zaruriro yezvakavanzika zvaMwari. Chiedza chakaratidzira zvakavanzika zveMagwaro kuti Mwenga anzwisise Shoko rakanyorwa adzokere kunotenda zvakatendwa mukereke yeTestamente Itsva yakatangwa nemapostora.

3. Mutumwa aivewo nesimba guru muzvikamu zvekuratidzira nekunzwisisa mirairo yemamiriro ezvinhu panyika nezvesainzi. Vesainzi vekuAmerica vatatu vakapihwa kurudziro yavaida kuti vagadzire tiranzisita muna 1947, yakava mavambo emakombiyuta, maroketi, masetiraiti, neintaneti. Mufananidzo wechinomwe uri wekupedzisira wehushe hweDenga kuna Mateo 25 wakataura pamusoro parutava rwaikukuzva mugungwa. Munguva yechinomwe iri yekupedzisira yekereke chokwadi cheBhaibheri chakaziviswa chichatsvaira mukati megungwa remarudzi asina kugadzikika kupfurikidza intaneti. Muna 1947, pakutanga kwehushumiri hwehama Branham , Mwari vaigadzirira nheyo dzetiranzisita dzaizosimbisa intaneti yese.

Negore 2000, intaneti yakatendera kuti mawebhisaiti ashambadze chokwadi cheShoko rakaziviswa pasi rese. Saka, chiedza chezvakavanzika zvakaziviswa zveMagwaro chakusvika marudzi ese.

ZOOM chirongwa chekombiyuta chakagadzira munguva yekupfigwa kwezvinhu yeCOVID-19 yehutachiwana hwegore 2020 ne2021 zvakatendera vanhu vakazvimiririra kubva munyika dzakasiyana siyana kuungana pamwechete, zvisinei nekuti vanenge vasiri vose panyama nekuda kwezvimbo dzavanenge vari asi vanokurukura vachinzwanana .

MATEO 24:14 Uye evhangeri iyi yeushe ichaparidzwa munyika yese chive uchapupu kumarudzi ese; ipapo kuguma kuchasvika.

Nhandare dzakateiwa kuitira Kuuya kwaIshe Jesu kwechipiri kuchagumisa nguva nomwe dzemakereke kwotanga makore matatu nehafu ekutambudzika kukuruu ekutongwa.

Hama Branham havasi Mwanakomana wemunhu

Jesu ndiye Mwanakomana wemunhu. Muprofita mwanakomana wemunhu.

Muna 1947 Mweya Mutsvene, uri Mutumwa mukuru, wakagadza rumutsiridzo rwePentekositi rwesimba remweya unoshamisa. Asi munana 1950 nana 1960 Mwari vaida izwi remutumwa wechinomwe kuti ritaure nevanhu apo Aizivisa zvakavanzika zveMagwaro kumutumwa wechinomwe. Izvi zvakabereka chiedza chekuti Mwenga afambe machiri.

Hama Branham vaive nehushumiri hukuru hwekuratidzwa. Mwari vaipinda mundangariro dzvo voshandisa izwi ravo kutaura nevatorwa nekuvaudza mazita makero nehurwere hwaivanetsa uyewo zvimwe zviitiko zvaivawira. Kuratidzwa ndeapo Mwari anoshandisa izwi remunhu kuzivisa zvinhu zviri kusangana nemunhu asi ari kutaura asina chaanoziva pamusoro peanoudzwa.

50-0827 — TORA TSVIMBO UUNGANIDZE VANHU

“Ndingoriwo Izwi Rake. Iye Munhu weMweya Unoshamisa, ini ndiri munhu wenyama.

Anogona kuunza vanhu vemweya kuvanhu venyama, anorumbidza, anotaura neZwi Rake. Anoshandisa maoko angu, anoshandisa maziso angu kuona zviratidzo, anoshandisa nzeve dzangu. Sekungoshandiswa kwamunoitwawo neMweya Mutsvene.

Kana muchirumbidza Mwari, izwi renyu, pamunenge makarasika mumweya muchirumbidza Mwari. Mazviona zvandinoreva?

Uye kana ndichifanira kuedza kushandisa chero chidimbu chendangariro dzangu, zvinenge zvakaipa. Ndinofanira kuzendama zvakazara paMweya Mutsvene, paMutumwa waMwari.

Saka zvakadaro, ndinotaura chete paanotaura.”

Mwari vakashandisa chipo ichi chekuratidzwa nekuprofita kukwezva vanhu kuti vazive kuti Mwari vaishandisa hama Branham .

Asi hazvireve kuti Hama Branham vaive Jesu Kristu.

64-0830 MIBVUNZO NEMHINDURO. 3

Kundiita munhu waShe Jesu Kristu, kundiita antikristu.

60-0804 GONDO RINORINGA DENDERE RARO

Tinoziva kuti Bhaibheri rakarurama;

Harisi izwi rangu; Iroro izwi raMwari rinenge richitaura.

65-0725 VAKAZODZWA PANGUVA YEKUPEDZISIRA

“Zvino, ndinoda kuti muzive kuti ichi ichokwadi, uye imi munoteerera kaseti rino. Munogona makafunga kuti nhasi ndiri kuedza kutaura izvi nezvangu, zvakawanda zvekuita nezvazvo kudarika kusaita chinhu, ndingori izvi. Uye, Izwi rangu, chero kana zvichipesana nemaonero angu; ndaingoda kuva mutapi. Asi Kuda kwaBaba vangu kwandinosarudza kuita, nekuzvipira kuita.

Handisirini ndakaonekwa kurwizi; ndaive ndakangomirawo panzvimbo paakazviratidza.

Handisini ndinoita zvinhu izvi nekuprofita zvinhu izvi zvinoitika sezvazviri; ndingori munhu anenge ari pedo paanozviita. Ndaingove izwi raaishandisa, kuzvitaura. Zvaive zvisiri zvinhu zvandaiziva.

Zvinhu zvandakangozvipirawo kwazviri, kuti ataure kupfurikidza ini.

Handisini, aive asiri mutumwa wechinomwe, oh, kwete; kwaive kuratidzirwa kweMwanakomana wemunhu.

Aive asiri mutumwa, mharidzo yake; chaive chakavanzika chakaziviswa naMwari. Aive asiri munhu; ndiMwari.

Mutumwa [wechinomwe] aive asiri Mwanakomana weMunhu; aive mutumwa anobva kuMwanakomana wemunhu. Mwanakomana weMunhu ndiKristu.

Ndiye anokuchengetai. Hamusi kuchengetwa nemunhu; munhu, shoko rake rinowira pasi. Asi muri kuchengetwa neShoko reMuviri weMwanakomana wemunhu.”

Mutumwa akazivisa simba guru reMweya kupfurikidza hushumiri hwehama Branham.

Asi Mwari akatanga kushandisa Hama Branham kutanga kuzivisa chokwadi chezvakavanzika zveMagwaro.

JOHANE 4:24  Mwari Mweya; neavo vanomunamata vanofanira kunamata mumweya nemuchokwadi.

Kusunungura Chiedza chezvakavanzika zvakaziviswa, Hama Branham vakazivisa Zvisimbiso zvitanhatu zvekuna Zvakazarurwa Chitsauko 6. Chokwadi chezvisimbiso zvakaziviswa chakatipa Chiedza chakakwana kuti Mwenga anzwisise zvakavanzika zveMagwaro. Zvakavanzika zvaMwari zvakaziviswa (zvakawanda) zvinogonesa Mwenga kudzorerwa kuzvitendero zvenguva yekereke yekutanga yemapostora.

“Chakavanzika chaMwari” chikuru (chimwechete) ndechekuti Mwenga anofanira kudzorerwa kumavambo, kereke yeTestamente Itsva yakatangwa nemapostora.

ZVAKAZARURWA 10:7 Asi pamazuva enzwi remutumwa wechinomwe, kana woda kuridza, ipapo chakavanzika chaMwari chapedziswa, sezvaakaparidzira varanda vake vaporofita.

Hama Branham vakafa muna 1965.

Kubva muna 1966 akava mazuva ezwi rake rakatapwa kana kurekodhwa apo anotikurudzira kutevera Magwaro.

64-0823 MIBVUNZO NEMHINDURO 1

Asi vanogona kutambira Shoko mukuzara kwaro,

Kwete nekuti ndini ndariparidza, asi nekuti iBhaibheri rinotaura izvozvo.

Vanogamuchira izvozvo vakazunungurwa, nekuti vano... Shoko rakatongwa kare.

Hamufaniri zvachose kutenda kuti hama Branham havatadzi.

63 0318 CHISIMBISO CHEKUTANGA

Zvino akati, “Kune Mutasvi webhiza jena.” asi chakavanzika chacho ndechei, pane chakavanzika chinofambirana nemutasvi. Zvino, chaive chii, havazivi; asi zvichaziviswa.

Asi zvichaziviswa mushure mekunge Gwaiana rabva pachigaro chaBaba chekutimiririra ari Hama Mudzikinuri?

Kutaura uku kunoreva kuti Chisimbiso chekutanga chichaziviswa chete kana Gwaiana rabva pachigaro cheHushe chetsitsi. Sezvo hama Branham vakazivisa Chisimbiso chekutanga, zvinoreva kuti tsitsi dzakaguma. Saka, kutaura uku kunotipa dzidziso yakaipa yekuti “tsitsi dzakagumiswa.

Asi kutaura kusiko uku kunorwiswa nekumwe kutaura kuri mumharidzo imwechete iyi, zvichiratidza kuti hama Branham vanototadzawo.

63 0318 CHISIMBISO CHEKUTANGA

Zvino, zvinozivisa zvakavanzika zvese zvakaitika nguva yakadarika. Zvino, pfungwa yacho ndeyekuti zvakavanzika zvakatangira kare kare zvakafamba munguva dzemakereke zvichaziviswa pakuzarurwa kweZvisimbiso pamazuva ekupedzisira.

Mushure menguva yekururamisirwa yakuda kunopedziswa panguva iyoyo?

Pano vanoti chisimbiso chekutanga chakaziviswa nguva yekururamisirwa kana yetsitsi yakuda kunopera. Saka, tsitsi dzichiripo.

Mugore rekupedzisira rehupenyu hwehama Branham vaive vachiri kutaura kuti Mwari azere netsitsi.

65-0119 – MWARI AZERE NENYASHA

ASI Mwari, azere netsitsi Dzake, akatumira Mweya Mutsvene, ari pano nhasi kuzadzisa Shoko, kuti aratidze kuti haashanduke zuro nhasi nekusingaperi. Nekuti takadzifanira? Nekuti Mwari azere netsitsi dzake! Amen. Zvino Ndiye, ndiye Munhu, ndiye Ishe Jesu Kristu. Haana kufa, akamuka kubva kuvakafa, anorarama nekusingaperi.

Haashanduki zuro nhasi nekusingaperi, akazara neTsitsi dzake sezvaaive kumukadzi aive nehurwere hweropa.

Saka, Zvisimbiso zvekuna Zvakazarurwa Chitsauko 6 zvinoziviswa Gwaiana risati rabva pachigaro chetsitsi.

Kunatsurudza nekurasika pakugadzirisa zvakataurwa zvisingagoni kutsigirwa neMagwaro, zvakafanana nekuti tsitsi dzakaguma uye kuti hama Branham havatadzi, zvingori zvinhu zvakaputirwa nekurasika kusina maturo kuri kutenderera pamhepo nemudzidziso.

Nehusimbe hukuru, vanoenda kumakereke vanotenda zvinodzidziswa mumakereke avo vasina kufunga kaviri. Izvi zvinoita kuti vasikana mapenzi, vakaponeswa asi vakanyengerwa zviri nyore saka havana kugadzirira kudzoka kwaShe.

Mudzvanyiriri anotonga asingasiyi mukana wekupikiswa. Saka pasita anogadzira chitendero chakarongwa nekuda kwake.

Vakuru vanofanira kutsigira zvavanotaura neMagwaro. Munofanira kutenda nekuti Magwaro anotaura izvozvo, kwete nekuti zvataurwa nevakuru.

Kutinhira Kunomwe hakusati kwareva.

Vaparidzi vemharidzo vakakanganisa Kutinhira apo vanoturikira Kutinhira kunomwe kukuita chikangaidzo chisimo muMharidzo. Izvi zvinobva pakuda kwavo kuonekwa vakachenjera.

Hama Branham havana kubvira vati “Kutinhira kunomwe kwakareva”.

Vakati Kutinhira kunomwe kwaive chakavanzika chikuru.

63-0321 CHISIMBISO CHECHINA

Ipapo Kutinhira kunomwe kwakareva mazwi ako, Johane aida kuzvinyora. Johane aiziva kuti kwaive kwatii, asi haana kuzvinyora, ‘nekuti akarambidzwa.’

Zvakavanzika zvikuru kwazvo. Hapatorina mucherechedzo kana chinhu. Tinongoziva kuti kwakatinhira; ndizvo chete.

64-0830 – MIBVUNZO NEMHINDURO 4

MIBVUNZO MIVIRI. “Kutinhira kunomwe kwakaenzana nezvakavanzika zvinomwe kwakaziviswa here?

Kwakaziviswa here muZvisimbiso Zvinomwe, asi zvisingazivikanwe kwatiri kuri Kutinhira parizvino?

MHINDURO MBIRI. Kwete.

Kwakaziviswa muZvisimbiso Zvinomwe; ndizvo zvaitaura nekureva Kutinhira.”

Tarisai! Kutinhira kunomwe kwakaziviswa here? Kwete.

Zvakaziviswa neZvisimbiso zvinomwe pamusoro peKutinhira raive basa rako, kuti Kutinhira kwaive pamusoro pei.

Asi kana mukaverenga Zvisimbiso zvinomwe, Kutinhira kwakaziviswa muZvisimbiso Zvinomwe kuti kwaive chakavanzika chakazara.

Aikwanisa kutiudza chete kuti Kutinhira kwaive pamusoro pei, basa rako, zvakunofanira kuita.

Semuenzaniso, kuchamutsa mwenga kwomupa rumutsiridzo. Kuchapa Mwenga kutenda kwekukwira Kudenga nekushandura miviri yedu kuiita miviri isingafi. Hatigono kutorwa kukwira Kudenga mumiviri ino izere zvivi. Kucharevawo kuvaprofita vaviri vechiJuda kuti kuvape simba guru remweya unoshamisa pamusoro pemamiriro ezvinhu panyika mumakore matatu neehafu enguva yeKutambudzika kukuru.

Zvisimbiso Zvinomwe hazvina kubvira zvazivisa kuti Kutinhira kunotii kana kuti Kutinhira chii.

Zvakaramba zviri chakavanzika chakazara.

630324 CHISIMBISO CHECHINOMWE

Chimwe chezvakavanzika zveZvisimbiso, chikonzero nei zvisina kuziviswa, kwaive kutinhira kunomwe kuchireva mazwi ako, ipapo zvakarurama zvakadaro, nekuti hakuna chinoziva chero chinhu nezvako; nekuti hazvina kana kunyorwa.

63-0321 CHISIMBISO CHECHINA

Zvino, Zvisimbiso Zvinomwe zvakasimbisa Bhaibheri, neZvisimbiso zvinomwe.

Zvino mumashure mekupedziswa kweZvisimbiso zvinomwe izvi, tinoona kuna Zvakazarurwa Chitsauko 10 kwaive nekutinhira kunomwe kwakavanzika.

Kuti Johane akapihwa basa rekunyora asi izvi akarambidzwa kuzvinyora.

Panguva yekutinhira iyoyo, tinowana Kristu, kana Mutumwa achiburuka kubva kudenga.

Nemurarabungu, akaisa tsoka yake panyika nemugungwa akapika kuti nguva haizovipo zve.

Tarirai! Kutinhira kunomwe kunoreva chete mazwi ako kana Zvisimbiso zvinomwe zvapedziswa.

Asi Zvisimbiso Zvinomwe hazvina kubvira zvaziviswa.

64- 0719 MUTAMBO WEHWAMANDA

Chisimbiso chechinomwe hachisati chazarurwa, munozviziva. Ndiko Kuuya kwake.

Chisimbiso cheChinomwe hachisati chazarurwa, saka Kutinhira, kunoreva mumashure mekupera kweZvisimboso zvinomwe, hakusati kwareva.

Hama Branham ndivo mukuri wenzira yaKristu paanouya ari Shoko raMwari rakaziviswa.

63-0324 CHISIMBISO CHECHINOMWE

Zvichida hushumiri uhu hwandiri kuedza kuti ndidzorere vanhu kuShoko.

Ndakaita nheyo; uye kana zvakadaro, ndichakusiyai zvachose.

Hama Branham vanotsigira zvavanotenda neMagwaro.

Ikozvino tinofanira kutevera muenzaniso wake tova nechokwadi chekuti tinotsigira zvavanotenda neMagwaro kuti zvitiitire zvakanaka isu pachedu.

62-0318 SHOKO RAKATAURWA NDIRO MBEU YEKUTANGA 1

Chinangwa changu, kutenda kuti Mwari vakandidana. Ndinofanira kutaura zvimwe zvinhu zvehupenyu hwangu nhasi, nekuti ndizvo zvandakataura kuti ndichaita, mazviona, ndoudza nyika.

Chinangwa changu, ndinotenda, kunyika, ndechekuti (chii?) kukura nzira yeShoko rinouya,

Mazviona, Kuuya kweShoko rinova Kristu.

Izvi zvinozivisa Shoko zvojekesa nyika dzomweya kuti Mwenga, akachenjera, anzwisise Magwaro.

62- 1111 NEI NDICHIPOKANA NECHITENDERO CHAKARONGWA

Mutumwa akatumwa Kudenga, kuti adaidze vanhu vaMwari vabve Babironi.

Chiedza chake chakajekesa nyika, Mweya Mutsvene mukuru.

62-1230 ICHI NDICHO CHIRATIDZO CHEKUGUMA HERE BABA?

“Ndizvo zvimwe zvezvakavanzika zvinofanira kutambanudzwa nemutumwa, ‘zvakavanzika’ zvese zvakavanzika zvaMwari zvese.

Nezvimwe, regai nditaure izvi nesimba,

Ndisingataure nezvangu, asi ndichitaura nezveMutumwa waMwari.”

Mwari vanotumira Mweya Wavo uri Mutumwa nekuti kunenge kusiri kuuya kwaShe vari mumuviri wemunhu Jesu Kristu.

EKSODO 23:20 Tarira ndinotuma mutumwa pamberi pako. Akuchengete panzira, akuise panzvimbo yandakakugadzirira.

62-1230 ICHI NDICHO CHIRATIDZO CHEKUGUMA HERE BABA?

Kuona Shongwe yeMoto yakatungamirira vana veIsraeri, Mumwechete wakarova Sauro munzira yake achienda Damasiko! Umwechete ari kuuya, neSimba rimwechete, achiita zvimwechete izvozvo.

Kuzivisa Shoko rimwechete, kugara Shoko neShoko muBhaibheri!

Shongwe yeMoto yakatorwa mufananidzo iri pamusoro pehama Branham muHouston, Texas muna 1950.

Hushumiri hwake hwaive hwekuzivisa Mwanakomana weMunhu ari Shoko raMwari rinonzwisiswa.

56 -0225 JESU KRISTU ANOGARA AKADARO ZURO NHASI NEKUSINGAPERI

Ndinoti kwamuri Muzita rake

Mutumwa mumwechete haasi kure ari pedyo nhanho mbiri kubva pandiri.

Kuzara kwaMwari kwaive kumire parutivi pake, kwete mukati make.

Kuzara kwaMwari hakugoni kupinda mumunhu mumwechete nhasi sezvo Mweya waMwari unodururwa pamusoro pekereke yese, sezvazvaive Zuva rePentekositi.

65 -1128 NZVIMBO IMWECHETE YAKAPIWA NAMWARI YEKUNAMATIRA

... pamwechete neHukuru hwaMwari hwese pakati pevanhu,

Hama Branham vachinzwisisa chokwadi kubva kuMagwaro kwaingove kuzarurwa kwemukova kuti Mwari agone kutora Mwenga kuti anzwisise chokwadi cheMagwaro.

Hama Branham akatumwa kuzodzidzisa Mwenga chokwadi cheBhaibheri.

Hushumiri hwake hunobudirira kana Mwenga agona kutsigira zvavanotenda neMagwaro.

Mwari anoda kuva MUKATI mekereke yake.

63-0627 JESU KRISTU ANOGARA AKADARO ZURO NHASI NEKUSINGAPERI

Tinoona zvinhu zvikuru izvi pamusoro penyika, zviri kuonekwa;

Nekuonekwa kweMwanakomana waMwari, achishanda nenyama yekereke yake, kuti aite basa rake.

Mwari, moyo yevanhu ngaidedere. Dai vatadzi vatya. Dai vatendeuka, uye dai husiku huno vanhu vaponeswa, pamweya nepanyama, kuti varume nevakadzi, kwese kwavari, vabve pakusatenda, vazvibvisa vatenda kuna Mwari vanorarama.

Ndinozvipa kwamuri, Ishe, semuranda wenyu. Ndinoisa kereke ino muMaoko Enyu.

Ndinoona, Ishe, zvisinei nekuti mungandizodza sei, kana vanhu vasingatendi mazviri, hazvigoni kuitwa.

Tese tinofanira kushanda pamwe takabatana tichitenda mumaMwari, nekukudzwa kweShoko raJesu Kristu, kuti zvinhu izvi zvionekwe zvichiitika.

Hama Branham vanotaura nemunhu mushure mekuona ndangariro dzake.

53- 1213 KUTENDA

MuCatholic. Chaenda (chirwere).

Ndizvo here zvandakuudza pano?

Chii ichocho ... wanzwa izwi rangu, asi handisini:

Anga ari Umwe anga achitaura. Mazviona?

[Apa ndini ndiri kutaura: hama Branham vaive vaasingazivi zvavaitaura kana vazadzwa neMweya. Mwari vaingoshandisa izwi ravo asi ndangariro dzavo dzenyama dzaidzimwa apo vaisazoziva zvaive zvataurwa naMwari vachishandiswa ivo.

65-0725 VAKAZODZWA MUMAZUVA EKUPEDZISIRA

Chimbori chii?

Mutumwa [wechinomwe] haasi Mwanakomana wemunhu; asi nhume iri kuzivisa Mwanakomana wemunhu.

Munogona kuzvitsaura here ikozvino? Ndipo pazvinoita sekurema, kwamuri, mazviona. Kwete mwanakomana wemunhu, Pachake; asi mutumwa wechinomwe, nhume yechinomwe, iri kuzivisa vanhu vose Mwanakomana wemunhu.

58-0109 VAKADANWA

Jesu akati, “Sezvazvaive mumazuva eSodoma neGomora, ndizvo zvazvichava mumazuva eMwanakomana wemunhu apo anoziviswa kubva Kudenga.”

Munoona mharidzo? “kana mwanakomana wemunhu aziviswa kubva kudenga ...”

RUKA 17:30  Zvichava seizvi nezuva Mwanakomana wemunhu raachabudiswa pachena naro.

BHUKU RENGUVA DZEMAKEREKE – 10 KUDZOKORORWA KWENGUVA

Mvura inotevera, zvino, ndiyo mvura yeGOHO. Ingave yakanaka sei kana mvura yedzidziso isina kuuya? Mutumwa wechiprofita aifanira kutumwa kuzoDZIDZISA vanhu nekutendeudza moyo yevana kumadzibaba ePentekositi haisati yauya.”mvura yeDzidziso kana mvura Inouya inojejesa nyika neChiedza chezvakavanzika zvakaziviswa zvaMwari zvinotigonesa kunzwisisa Magwaro.

Mumashure mekutarisa kereke yeRoman Catholic ichiwodzwa mamwe makereke kuna Zvakazarurwa 17, Mwari akatumira hushumiri hukuru hweMweya Mutsvene nekudana kukuru. Huvepo hwake hwakazivisa kubwinya kwechokwadi apo mutumwa wedenga akapenyesa chiedza cheMagwaro pamusoro pekuvaima kwenhema kwakaitwa nevanhu kwenyika kweBabironi, kubatanidzwa kwechimisikidzo chemakereke.

Chiedza cheMagwaro akaziviswa chinoratidza kuti hukuru hwevanhu nekubwinya kwavo hazvisi zvekuchiva sezvo zvisina chiremerera nekuti zvine nheyo dzenyika, kuzvikudza, nezvitendero zvechipegani zvakafanana neTiriniti neKisimusi. Vanhu vanoda kugamuchirwa nenyika vachizvidzidzisa kuti vaone zvavanoda kuona. Vanotarisa ruzivo runotenderana nemaonero avo akarasika.

Kana tikararama muchimisikidzo chatinomanikidzw kutenderana nehudzvanyiriri hwavo netsika dzavo.

Vasikana mapenzi vanhu vanoenda kumakereke vakanyengerwa netsika dzemakereke dzisimo muMagwaro.

Vakakura mukushaiwa hanya, kudekara nekuvata, kugadzirisa chimiro chakanaka chinoyevedza mumaziso evanhu. Vanochengeta vanhu vakabatikana apo hupenyu hwavo husingateveri Magwaro hunopinda pakati pematongo echokwadi cheMagwaro.

Vanobereka zviitiko zvinovafadza zvakatsetseka nekunyengera, vachisika ruzivo rwakarasika.

Vanokoshesa zvido zvavo zvenyama zveipapo zvehutano nehupfumi sekuti ndizvo zvinhu zvakakosha. Havatori zaruriro dzezvakavanzika zveBhaibheri sedzakakosha. Vanofunga kuti kuenda kwavo kumakereke nguva dzese, vasingapokane nemapasita avo, ndizvo zvakakosha.

Chimisikidzo chemakereke chakawira pasi

ZVAKAZARURWA 18:2  Akadanidzira nesimba nenzwi guru, achiti: Rawa, rawa Bhabhironi guru, uye rava ugaro hwemadhimoni, nejere remweya yese yetsvina, nedendere reshiri dzese dzetsvina dzinovengwa.

Pakapera Hondo yePasi rese yechipiri, muna 1947, rumutsiridzo rwemweya unoshamisa rwakapararira mumasangano ePentekositi. Kudururwa kunoshamisa uku kwakasvika pakushanda kwako muna 1963 nezaruriro yechiprofita chezaruriro yeZvisimbiso Zvinomwe kuna Zvakazarurwa Chitsauko 12. Kwaive nechiedza chakakwana paMagwaro kuti titange kunzwisisa Bhaibheri reKing James. Zaruriro yeZvisimbiso zvitanhatu yaive zaruriro huru inofumura kutadza kukuru mumakereke edu anhasi. MaVhesi eBhaibheri rakaziviswa akafambirana zvakanaka nenhorondo yekereke kuti atipe zivo nenzira yakasimba inokurudzira, kuti mweya wantikristu wakafamba mumakereke. Mweya isimo muMagwaro iyi yaipikisa nekuwodza kuedza kwaMwari kuti vamutsiridzi vagadzirise kuresva kwemazuva avo.

Rumutsiridzo rwemweya unoshamisa rwakabva pasimba rePentekositi kusvika pakunzwisisa Magwaro. Zvakazivisa kuti makereke akarongwa nemasimba emumasangano ane mapasita nemaprista pamusoro pemakereke avo, kungoungana kwekukanganisa. Kuipa kuripo mumakereke kunotyisa apo vanoramba vachibva paMagwaro. Kutuka Magwaro kunozarurira madhimoni misuwo.

“Babironi rawa, rawa.” Kuwa kwaro kwakadzokororwa kaviri, zvinoreva zvose pamweya nepanyama. Babironi, chimisikidzo chemakereke, chakawa pamweya kubva pachokwadi cheMagwaro apo vanogadzira zvitendero zvavo vachiwa panyama vachipinda mundudzi dzese dzezvivi. Huwandu hwemapasita nemaprista vasi kuita zvivi zvepabonde hunotyisa. Kugashira kodzero dzengochani kuroorana kwevakadzi nevakadzi varume nevarume chingori chivi cheSodoma chiri mumakereke.

62 1111 – NEI NDICHIPOKANA NECHITENDERO CHAKARONGWA

Makereke akabatwa muriva rake naye, nedzidziso dzake dzezviyera yera, vachiramba Shoko vachida zviyera yera.

65-1128 ZVIMBO IMWECHETE YAKAPIWA YEKUNAMATIRA

Ikoko kuTucson, vari kuteerera mangwanani ano, ndakamboshaiwa kuti zvairevei ... ndaive ndagara ndichikomekedza vanhu, “Zvisinei nekwamunoenda endai kukereke.” ndakaona vanhu vachidududza, vachenda nenzira iyi. Ndakafunga kuti “Ko chii chiri kuitika?”

Ndakaenda kune vamwe vavo, “Zuva rekutanga ramunenge muripo, vanosvika kwamuri vokutangai,

‘Huyai tinamate tese kereke yedu.’ kana mukasadaro, hamuzotambiriki.”

Mazviona? Mazviona? Chinhu chekumanikidzana, zvinomanikidzirwa pamuri, mazviona, ndiro Babironi. Asi Kristu, munouya nesarudzo; kwete nekumanikidzwa, moyo yenyu inokukwezvai.

Mwari haana kuisa Zita rake paBabironi. Zviri pedyo zvino. Haagoni kuisa zita rake muBabironi, makereke. Oh, vano, vanoisa Zita rake imomo, asi haadaro. Kwete.

Makereke anomanikidza vanhu kutenda dzidziso dzawo. Kana mukapokana nadzo, hamuchatambiriki.

64-0629 MWARI WAMASIMBAOSE ¹ACHIRATIDZWA PAMBERI PEDU

Mwari ari kudanidzira eksodo (rwendo),

Kuti tibve neshure kwezvidzitiro zvenyama zvinoedza kuteedzera, vanoedza kupinda makereke;

Kwete Methodist, Babtisiti, Presibeterio, ese zvawo, asi makereke ePentekositi.

Inhau yemunhu umwe neumwe. Pakati penyu naMwari. Munofanira kupinda, kwete boka renyu, kwete kereke yenyu, kwete pasita wenyu, asi ndimi makazvimiririra munofanira kupinda.

Kereke yakadhakwa nekuda kwezvitadzo zvinosemesa

Isu vanhu tinoda zvakaipa, tinodya chikafu chinouraya hutano hwedu zviri nyore asi tichinetseka kugara tichidya zvakanakira miviri yedu.

ZVAKAZARURWA 18:3  Nokuti marudzi ese akanwa zvewaini yehasha dzeupombwe hwaro, nemadzimambo enyika akaita upombwe naro, nevashambadzi venyika vakafuma nesimba reumbozha hwaro.

Maroman Catholic akanyora Magwaro patsva kuti aenderane nezvavanoda kuti vanamate Mwari nenzira dzavo. Vanoda tsika dzemapegani zvinoita kuti mapegani agamuchirike mukereke. Hatina kubvira tanzi tipemberere kuzvarwa kwaKristu. Kisimusi yakabva paKirisi Masi yeRoman Catholic. Muti weKisimusi wakashongedza mazano echipegani (verengai Jeremia Chitsauko 10). Maisita egi, Isita bhani, mabhanzi anopisa ane muchinjikwa, Chishanu Chakanaka, nemarenti hazvisi muMagwaro asi zvine mbiri yakanaka.

Vakagadzira murukaniswa wechokwadi nezvakaipa wakanakisa.

Kristu ndiye Murume wedu. Ndiye Shoko. Kuita zvinhu zvisiri muMagwaro kushaiwa kutendeka kuShoko. Saka, makereke ese asimo muMagwaro hupombwe paMweya. Nekushandisa izwi rekuti hupombwe, Kristu anotaura zviri pachena kuti kereke yeRoman Catholic haisi mumadzi wake. Haana kubvira aroorana nayo.

63-0321 CHISIMBISO CHECHINA

Akazarura muromo wake achituka Mwari, ... tabernakeri yake... (inova nzvimbo inogara Mweya Mutsvene, kuiita nzvimbo iri muRoma, guta reVatican; munongowira pasi)... uye avo vanogara kudenga. (kumhura Mwari kwavakaita vachiti vaive vamiririri pakati pevanhu naMwari)

... Hazvina kubvira zvadaro muRoma kusvikira Roma yechipegani yaitwa Roma yemaPope simba reRoma rakapararira pasi rese; rikaita kereke yeCatholic yepasi rese

... Uye tinoona kuti anoita

hupombwe; iri kukonzeresa madzimambo panyika kuti aite hupombwe, nevapfumi vose, nevanhu vakuru; nyika yose yakaitevera. Mazviona? Tinoona kuti yakabereka vanasikana, pfambi”.

Roma ndimai vepfambi. Makereke emasangano vanasikana vayo sezvo vakabuda muRoma.

ZVAKAZARURWA 17:5  Nepahuma yake pakange pakanyorwa zita rekuti: CHAKAVANZIKA, BHABHIRONI GURU, MAI VEMHOMBWE NEZVINOSEMESA ZVENYIKA.Nepahuma yake pakange pakanyorwa zita rekuti: CHAKAVANZIKA, BHABHIRONI GURU, MAI VEMHOMBWE NEZVINOSEMESA ZVENYIKA.

Hama Branham vakatsanangura Maria mai vaJesu kuti vakashungurudzika mushure mekumuka kwake kubva kuvakafa vachifunga kuti vanhu vaive vatora Ishe wavo.

61-0421 NHAU HURU DZAKAVAIMA MUNHORONDO

“Vakatora Ishe wangu.” Nei? Vaifanira kudaro.

Kana musingatendi mukumuka kwevakafa panyama,

Zvinoreva hamugoni kuparidza Kristu anogara akadaro zuro nhasi nekusingaperi. Hamugoni kutora Shoko rake, saka rodii? Tinozviita vasingatendi vakarasika. Hazvishamisi kuti nei makereke maduku achichema, “Ishe wangu aripi? Aripi Jesu aivepo, akati achava nesu, nguva dzese anoenda mberi kwedu, achava matiri kusvika pakuguma kwenyika, mabasa aakaita?”

Makereke paanoona izvi zvichizadziswa, vari mushishi kugadzira mapato. Izvi hazvina kubva mumapato avo, vanozvitora vachiti zvakaipa,

Vanozvirasa nenzira imwechete yavakaita nguva iyoyo. Saka kuchiri kungorasika.”

Vanhu vakasungwa nemakereke zvekuti chero kufamba kunoita Mwari saka zvese zvinobva mumakereke avo vanozviramba vachiti kufamba kwaDiaborosi. Kukanganisa kukuru.

Rimwe Izwi kutsiurwa kwemukati kunoitwa neMweya

ZVAKAZARURWA 18:4 Zvino ndakanzwa rimwe inzwi kubva kudenga richiti: Budai kubva mariri vanhu vangu, kuti murege kuva vagovani vezvivi zvaro, uye kuti murege kugamuchira zvematambudziko aro;

Zvakaipa zvinoita kuti kereke ide zvinhu zvenyama, izvitutumadze, nekuiwodza. Vanoda zvakaipa kudarika zvavanoita chokwadi.

Tinofanira kuparadza ngetani dzakashandiswa nemamongu, maprista, nemapasita kutidzidzisa kusaziva netsika dzakaipa kuti vatisungirire kuzvakaipa zvechipegani zvakafanana neTiriniti neKisimusi uye kuti pasita ndiye munhu mumwe musoro wekereke.

65-0801 MWARI WENGUVA INO YAKAIPA

Tarisai Mweya Mutsvene unoti, “Budai maari, kuti musatongwe pamwe naye.”

Zvinosuwisa, makereke haachagoni kuzvimutsiridza pachawo. Akazadzwa nekudisisa mapasita avo.

650801 MWARI WENGUVA INO YAKAIPA

“Mweya Mutsvene nhasi, kuratidzwa kweMweya Mutsvene ndiye mutumwa ari kuedza kudzosera vanhu kuShoko rakanyorwa.”

Kufamba kwaMwari kunoshamisa kuedza kwake kutiita kuti titevere Magwaro.

62-1111 NEI NDICHIPOKANA NECHITENDERO CHAKARONGWA

“Nyika nhasi yakazvipira kuruzivo rwakauya naSatani.

Mazuva emunhu anorumbidzwa, kwete neShoko raMwari, asi nekuda kweruzivo rwaari narwo.

Mharidzo ino panyika yakabatanidzwa zvakanyanya naMwari kusvikira pakuti, paanotaura panyika, Mwari anotaura chinhu chimwechete ichi Kudenga.

Makereke nhasi anoda mazano nekutaura kwevatungamiri vemakereke avo kudarika madiro avanoita Shoko raMwari rakanyorwa.

I VATESARONIKA 4:16 Nokuti Ishe amene achaburuka kubva kudenga nekudana kune simba, nenzwi remutumwa mukuru, nehwamanda yaMwari; zvino vakafa muna Kristu vachatanga kumuka;

62-1111 NEI NDICHIPOKANA NECHITENDERO CHAKARONGWA

Makaona here kuti muchitsauko 19, “Mumashure mezvinhu izvi”? Mushure meMharidzo yekuti “Budai maari!” mumashure mezvinhu izvi,” tarirai,

“kune kudanidzira kwemwenga wevatsvene, neChikomba, vachienda kuMarooro eGwaiana.”

Tava pedyo zvakadii hama? Kudana kwekupedzisira ndekupi? “Budai muBabironi!”

Zvino, hama dzangu, ndicho chikonzero ndichipikisa izvi. Hazvisi muMagwaro. Hazvisi zvekutenda. Zvakapupurwa kuti inhema. Mwari haasi mazviri, haana kubvira ava mazviri, haafi akava mazviri. Zvino, handizi kuti hamuna vanhu mumapoka aya, akaita makereke.

Asi, kana mukangoramba muri muzvinhu izvozvo, muri chikamu chazvo.”

Tarisai, Kudanidzira kweMwenga, kwete kudanidzira kemuprofita.

65- 1204 KUKWIRA KUDENGA MUKUBWAIRA KWEZISO

Kudanidzira, kudanidzira chii? Imharidzo iri kuparidzwa, chekutanga, Chingwa chinorarama cheHupenyu chichiunza Mwenga.

.. saka, Mharidzo inodaidza Mwenga pamwechete, mazviona, kudanidzira.

“Kudanidzira” havasi hama Branham vachitsigira dzidziso dzavo neMagwaro kuti vatiite titende sezvaiita kereke yekutanga yeTestamente Itsva yemaprofita.

“Kudanidzira” ndeapo Mwenga munhu umwe neumwe mukereke yekupedzisira anogona kutsigira ega zvakatendwa nemapostora ekutanga munguva yekereke yekutanga.

MATEO 20:16 Saizvozvo vekupedzisira vachava vekutanga, nevekutanga vekupedzisira; nokuti vazhinji vakadanwa, asi vashoma vachasarudzwa.

Vatendi venguva yekereke yekutanga neyekupedzisira vanofanira kufanana zvekuti munhu haakwanisi kuona musiyano wavo.

Mwedzi mumwechete vasati vafa, hama Branham vaive vachiri vakatarisira Kutinhira kumwechete paizozarurwa Chisimbiso chekutanga uye KUDANIDZIRA.

65- 1127 NDAKANZWA ASI ZVINO NDAKUONA

Kuna Mwari akanaka, panguva ino, ichava nguva yakadai pakuchava nekurira kwekutinhira rimwe zvuna, Mwanakomana waMwari achaburuka kubva kudenga nekudanidzira, nenzwi reMutumwa mukuru, nehwamanda yaMwari, vakafa muna Kristu vachamutswa.

Saka, Kudanidzira kwaive kusiri ivo vachiparidza chokwadi.

“Kudanidzira” ndeapo Mwenga anogona kutsigira chokwadi achishandisa Magwaro.

RUKA 17:30 Zvichava seizvi nezuva Mwanakomana wemunhu raachabudiswa pachena naro.

Kristu akazivisa Shoko rake apo zvakavanzika zveMagwaro zvinoziviswa kuti tiverenge Bhaibheri tichirinzwisisa.

DANIERI 12:10  Asi vakachenjera vachanzwisisa.

MATEO 25:13  Naizvozvo rindai, nokuti hamuzivi zuva kana awa Mwanakomana wemunhu raachauya mariri.

Mwanakomana wemunhu ndeapo Jesu anouya ari Shoko rakaziviswa rinonzwisiswa nevanhu.

Kana vanhu vakazvimiririra muMwenga vakadzorerwa kuzvitendero zvekereke yeTestamente Itsva yakatangwa munguva yekereke yekutanga nemapostora, ipapo kumuka kwevatsvene veTestamente Itsva vakafa kunobva kwaitika.

Ipapo Kuuya kwechipiri kuchaitika mumashure mekunge miviri yeMwenga yashandurwa vachipihwa miviri isingafuki kuwora.

Jesu anouya muzvidanho zviviri.

Chekutanga, anouya ari Shoko rakaziviswa kuti aone kuti ndiyani akagadzirira kuMuda zvakakwana achiita basa rakaoma rekutsvagurudza zvakavanzika zveBhaibheri.

Danho rechipiri ndeapo anoonekwa muMuviri wenyama mumakore kuti adaidze isu kuti tikwire kwaari.

58- 0109 VAKADANWA

Jesu akati, “Sezvazvakaita mumazuva eSodoma neGomora, ndizvo zvazvichaita mumazuva ayo Mwanakomana wemunhu achaziviswa kubva kudenga ...”

Makereke akutendera kodzero dzengochani nekuroorana kwevarume nevarume vakadzi nevakadzi.

630- 0321 CHISIMBISO CHECHINA

Asi munoda nzira dzenyu dzakadzikamiswa. Munoda kugara muBabironi muchishandisa makomborero eDenga. Munofanira kusarudza. Hamungararame munyika muchishandira Mwari panguva imwechete. Jesu akati hamugoni kushandira Mwari namammoni.