Zvakazarurwa 18 Makereke anotongwa Chikamu 2

We update studies as the Lord Jesus leads us. You can find the latest update of this study at ChurchAges.net

Bhaibheri reKing James rinofanira kuva nechokwadi chakazara. Mwari haana kumbotipa Bhaibheri rinoti chikamu chokwadi chikamu manyepo. Asi vanoenda kumakereke vanoda zvitendero zvemakereke avo kudarika kuda kwavanoita Bhaibheri reKing James rinotipa ndangariro dzaJesu, nekuti Ndiye Shoko. Makereke anozvikudza nekuzvirumbidza asi vasingaoni kuti madhimoni akapamba kereke. Zvinomiririrwa nemucherechedzo weRussia neUkraine.

Chikara isimba. Simba rechikara cheAmerica remari richaita mubatanidzwa wemakereke asiri maCatholic mumufanaidzo wechikara cheboka reKereke yeCatholic huru.

Kuisa Pasita kumuita musoro wekereke kuteedzera mweya weCatholic apo muPrista anenge ari musoro wekereke yeCatholic. Kukanganisa uku kunogonesa munhu kuita “chokwadi chake ega” chisimo muMagwaro.

Mapasita anounganidza pfuma yavanozviwanira kubva kumakereke avo anovarumbidza.

Mapasita anochengetedza kereke yawo kwete munhu akazvimiririra.

Vanoenda kumakereke vanotsvaga kukwana pakati pevamwe nekudekara pakutsvaga pfuma nehutano chinova chinhu chikuru chavanoshingiririra.

Asi Jesu akarova vaiita mari achivaburitsa muTembere. Makereke anhasi anoda kurohwa zvakasimba.

Asi bhomba renyukiriya reRussia richaparadzaVatican (chitendero cheBabironi) apo Pope wekupedzisira anoenda kuJerusarema. Izvi zvinoratidzira kukundikana kwepfuma zhinji.

Hollywood (Babironi remafaro) neLos Angeles zvakatarirwa kunyura zvine mheremhere mungungwa zvichakonzereswa nekudengenyeka kwenyika.

Kutongwa kunowira pamakereke

ZVAKAZARURWA 18:5 nokuti zvivi zvaro zvasungana kusvika kudenga, naMwari warangarira zvisakarurama zvaro.

65-0425 NZVIMBO YAMWARI YAAKATIPA YEKUNAMATIRA

Zvino, hakuna chinhu muBhaibheri chakafanana nemapato akarongwa atiinawo mazuvano, kunze kweBabironi. Ndiyo yega yakafanana nehurongwa hwemazuva ano, chitendero chakarongwa, nekuti chakatangwa naNimurodhi akamanikidzira kubatana pakati pevanhu vezvitendero. Ndizvo zvinoitwa nevezviyerayera nemapato nhasi, kumanikidzira kubatana,

“Munofanira kuva chikamu chechinhu ichi kana kuti budai!”

Kutadza nebwoni kuita nekutenda zvinhu zvakaipa muchiziva kuti muri kutadza.

Vanhu vanoda makereke avo kudarika zvavanoita Magwaro, Bhaibheri indangariro dzaJesu. Vanoteerera vakuru vemakereke avo kudarika Magwaro. Vanoita zvinodiwa nemapasita avo uye vanotya kwazvo kupokana navo. Asi vanotiwo Bhaibheri reKing James rakakanganiswa uye hazvigoni kuwana Bhaibheri rakarurama. Nemamwe mazwi, vanofara kuwana zvakaipa muShoko raMwari asi kwete nemakereke avo nemapasita avo. Kuisa munhu pamusoro paMwari kutadza nebwoni. Havagoni kuona kuti Shoko raMwari, rinotiudza ndangariro dzaMwari, ndiMwari. Hamugoni kupatsanura munhu kubva kundangariro dzake.

JOHANE 1:1 Pakutanga wakange aripo Shoko, uye Shoko wakange ana Mwari, uye Shoko wakange ari Mwari.

JOHANE 1:14 Shoko ndokuzova nyama, akagara pakati pedu,

Jesu ndiye Shoko. Shoko ndiro Mwari. Saka, Jesu ndiye Mwari.

ZVAKAZARURWA 18:6 Muritsive sezvarakakutsivaiwo imwi, muchiripamhidzira kupamhidzira kunoenderana nemabasa aro; mumukombe iwoyo marakasanganisa iro, murisanganisire kakapamhidzirwa.

Mukombe kana komichi yeRoma idzidziso dzayo dzinoparidzwa kuti vanhu mukereke vadhakwe pamweya. Vanhu vakadhakwa vanofunga zvakaipa. Vanoenda kumakereke vanotenda mune mamwe Magwaro asi vomafuratira, zvakaipa, vomashandura, vomabvisa, nekurwisa mamwe Magwaro. Munofanira kupisa kana kutonhora. Kutenda zvese zviri muBhaibheri reKing James kuti ndicho chokwadi chikuru kana kuzviramba zvese. Hamugoni kunonga nonga mosarudza muchisiya zvimwe zvisingaenderane nemi. Hamugoni kugadzirisa zvishoma zveBhaibheri kuti mushandire Mwari nenzira inokuitirai.

Bhaibheri reKing James ichokwadi rese kana kuti haritorina chokwadi zvachose.

Mwari haangatipe Bhaibheri rine chokwadi memanyepo.

DANIERI 11:26 Vanodya zvekudya zvake ndivo vachamuparadza

Kungotenda zvikamu zveBhaibheri muchisiya zvimwe musanganiswa unogadzira njodzi.

ISAYA 24:20 Nyika ichadzedzereka semunhu akabatwa,  Ichadengenyeka sedumba; kudarika kwayo kuchairemedza kwazvo; ichawa ikasasimukazve.

“Kukwira nekudzika” zvinoreva kudzadzarika pakutenda apo munotenda zvimwe muchiramba zvimwe muBhaibheri. Kudhakwa pamweya, havatorangariri zita raMwari nekuti havagoni kuwana zita rimwechete reVanhu vatatu.

Kereke yeRoman Catholic inoramba Shoko raMwari rechokwadi yakazviitira vhezheni ravo rechiLatini rakawodzwa muna AD 405. Saka vaitenda mazano avakazviitira vachifuratira Shoko raMwari rakanyorwa zvakasvitsa vanhu pakufa pamweya. Ipapo, munguva dzeRima vakauraya makumi emamiriyoni evanopokana navo. Ikozvino Mwari achavaramba ovauraya mumamiriyoni avo. Vacharangwa zvakapetwa kaviri. Chekutanga, nekuda kwevanhu vavakatsausa uye chechipiri, nekuda kwevasiri maCatholic vavakauraya kana kuti vavakatsausa nekuda kwekutadza kwesangano ravo kwakaita seTiriniti, Kisimusi, Chishanu chakanaka, nekusimudzira muprista kana pasita kuti ave musoro wekereke.

Kereke yeRoman Catholic icharangwa zvakaomarara munguva yeKutambudzika kukuru. Pope wekupedzisira, munhu wezvivi, achashandisa kereke yeCatholic kusimuka kuva nesimba pasi rese oparadza Vatican paanoenda kuJerusarema.

Kereke imwe neimwe inofunga kuti zvakanaka

ZVAKAZARURWA 18:7 Separakazvikudza kudai napo nekurarama muumbozha, murirwadzise nekurishungurudza saizvozvo; nokuti rinoti mumoyo maro: Ndinogara ndiri mambokadzi, uye handisi chirikadzi, uye handingatongooni kuchema

Makereke anozviyeva pachivoni voni chekuzvirumbidza.

Vatican City ndiyo yakapfumisisa pasi rese ine nhengo dzinosvika 1.4 bhiriyoni ndiyo kereke yakakurisisa pasi rese.

Inhandare huru yekuzvikudza nekuzvizadzisira.

Asi kuwodzwa kwavo kwemukati kunobva pakurasa kwavakaita Magwaro.

61-1119 SIMBA RAKARURAMA RINOBVA PAKUNETA KWAKARURAMA

“Oh, maiwe, kutaura nezvemuvharo wakabviswa paketero:

Madhimoni ari kutenderera, masimba aDiaborosi ari muzita rechiKristu.

Kudzidzisa nekuda kwedzidziso dzemirairo iri yevanhu,

Dzidziso dzemaonero evanhu,

Kusiya Bhaibheri.

Hareruya. Ndiyani anogona ... ndiyani akasimba, ndiyani akachenjera? Ndiyani ane simba zvakakwana kuti abate rigiyoni uyu anobvisa nguwo dzevakadzi muzita revaparidzi, Methodist, Baptisiti, chero vePentekositi? Kupenda zviso zvavo sanaJezebheri, nekuruka bvudzi ravo, nekupfeka midhebhe sevarume, vaparidzi vedu, havana kukwanira kusimuka pamusoro pavo vovaudza nezvazvo: vakagarwa nadiaborosi ... ndiye Rigiyoni akabvarura nguwo dzake. Ndiyani Diaborisi ari kudzvova uyu?”

Kunzwisisa kutsva kweBhaibheri kwakatanga apo Zvisimbiso Zvinomwe zvakaziviswa kwaive kwakanakisa. Hazvina kugona kubatwa nemuonero wemazano akare aiitwa nevazivi vezvose vakaita semapasita kana Pope anova musoro unotonga kereke anonyararidza hupikisi apo kereke inofuratira kunge isingaoni yosiya zvichiitika. Kereke yeCatholic inofunga kuti ndiyo mambokadzi saka hakuna anoiudza zvekuita. Asi simba rakaiwodza. Saka yakabva yabuda ichiziva kuenda kunonyengera makereke akabuda mairi.

MaRoman Catholic ndiwo mai vemakereke vakasvibisa vasiri maCatholic nemazano avo asimo muMagwaro akaitwa nevanhu emapato emakereke akagadzirwa anotongwa napasita, anoita zvematongerwo enyika, nekukura kwemakereke kunobudirira nemasimba avo ekuita mari ane hutsotsi. Makereke anobudirira apo kuita uku kunowedzera kuwanda kwavo nepfuma yavo. Makereke anotora zvinhu zviviri izvi kuti ndizvo humbowo hwekuti Mwari ari kuvakomborera.

Kereke imwe neimwe inozvikudza sezvo vachinzwa muhana dzavo kuti vakarurama pamberi paMwari. Vanorarama zvakanaka apo makereke akaita pfuma zhinji uye kereke imwe neimwe inotenda kuti ndiyo mambokadzi, Mwenga waKristu.

Kereke imwe neimwe inoramba kutenda kuti ishirikadzi sezvo vakatendera kuti kunzwisisa zvakavanzika zveBhaibheri kufe pakati pavo.

Kusanzwisisa zvakawanda zveBhaibheri mumazuva akaziviswa zvakavanzika, hakuvashungurudze mumoyo yavo.

Kutenda kwavo kuri mumari dziri mumabhanga mavo.

ZVAKAZARURWA 18:8 Naizvozvo achasvika nezuva rimwe matambudziko aro, rufu nekuchema nenzara; uye richapiswa kwazvo nemoto; nokuti ane simba Ishe Mwari anoritonga

Makore matatu nehafu ari kuuya eKutambudzika kukuru achakonzeresa kufumurwa kwevakuru vemakereke vakaipa nenzira isingaregerereki.

Kutongwa kunotyisa kwakasimba nhasi kuputika kwebhomba renyukiriya kana mamiziri.

Vatican ichapiswa kusara yaparara nemoto wenyukiriya neredhiyesheni rayo yakaipisisa inosara ichingokanganisa zvinhu.

JOHANE 9:4 Ndinofanira kushanda mabasa ewakandituma achiri masikati; usiku hunouya, apo pasina munhu angagona kushanda.

Mitongo yakaipa iyi inorova nyika munguva yemakore matatu nehafu eKutambudzika kukuru, hakuna muHedeni achakwanisa kuponeswa.

JOHANE 9:5 Kana ndichiri panyika, ndiri chiedza chenyika

Kristu anosiya nyika paanokwira Kudenga neMwenga. Kristu ega ndiye anokwanisa kuponesa vaHedeni, saka kana Kristu asisiri panyika, hakuna muHedeni anoponeswa. Inenge yanguva yekutongwa inorwadza apo Ndiro nomwe dzekutongwa dzinodururwa paNyika.

Vasikana mapenzi vose vakaponeswa Kristu asati abva pachigaro cheNyasha, vachapesana neKukwira Kudenga mukubwaira kweziso apo vasikana vakachenjera vanotorwa kunosangana naIshe vakanyengerwa vose vanourawa. Nekuti vachanonoka kumuka asi vanenge vadzidza zvakakwana kuti vasatore chiratidzo chechikara.

ZVAKAZARURWA 13:15  Zvino kwakapiwa kwachiri kupa mweya kumufananidzo wechikara, kutiwo mufananidzo wechikara utaure, chigoita kuti vese vasinganamati mufananidzo wechikara vaurawe

Ichi chikara cheAmerica kana simba rinosimuka kubva munyika isina chinhu apo mhezi dzechibhokisi dzakarova Vagari vemuAmerica. Simba remari yeAmerica richaita mubatanidzwa wemakereke asiri maCatholic kuti vave muchiratidzo chekereke yeCatholic bato rechikara. America ndiyo nyika yepasi rese yakapfumisisa. Mari yeAmerica, hunyanzvi hwayo munezvesainzi, nesimba remauto zvinobata zvakasimba zvekuti vakaita “hushe” hukuru kwazvo munhorondo. Chero zvavo vachizviramba.

Mari ndiyo ropa rehupenyu hwechero bato. Mari yeAmerica ine simba rekupa hupenyu kumubatanidzwa wemakereke asiri maCatholic. Kereke yeRoman Catholic yakasimuka apo chikara chaibva mugungwa (ruzhinji rwevanhu vasina kugadzikika vemuEurope) ichatonga America nekushandisa hukuru hwesimba remauto eAmerica kuti imanikidze vanhu kupinda mumubatanidza wemakereke uchaumba mufananidzo wechikara. Zvichida, vanhu vachatadza kutenda nekutengesa kana kuva chikamu chehupfumi hwepasi rese nekuti nenguva iyoyo zvichava pasi peRoma.

Satani achashandisa Pope wekupedzisira kusimuka kuva nesimba pasi rese muVatican. Achatendera Russia kuparadza Vatican apo anobvisa chigaro chake kuJerusarema achizviita Mwari vadzoka kuJerusarema. Asi Pope wekupedzisira achaparadzwa muAmagedhoni.

Makereke anotendera vanhu kurarama muzvivi

ZVAKAZARURWA 18:9 Nemadzimambo enyika akaita upombwe nekurarama paumbozha naro acharira pamusoro paro nekuchema pamusoro paro, pavachaona utsi hwekupiswa kwaro;

Pope anoyanana nevatungamiri venyika. Ungano yakakurisa yakamboitika yevatungamiriri vedzinyika yaive pakafa Pope John Paul II paakavigwa muna 2005.

Kufeva kuita zvebonde musati maroorana. Izvi zvinoreva kuti Kristu haana kubvira aroorana nekereke yeRoma. Yakanyepera kuita mwenga waKristu kwemakore 2000. Ikozvino yakafumurwa sekereke ine huwori, yakazara nekunyengera nekutsausa vamwe.

Kereke yakagadzirisa dzidziso dzeBhaibheri kuti dzifambirane nenzira dzinodiwa nevanhu kuti vashandire Mwari. Makereke akatendera kusvuta, kudhakwa, kutamba njuga, kutuka, nekumhura vanoda havo kutevera magwaro. Vakadzi vanotenderwa kugera misoro yavo, kupfeka mhete nekupenda zviso, kupfeka nguwo dzisina mawoko dzine mabhechu, kupfeka midhebhe mabhikini nekupfema magogo. Hunhu hwese hwenyika uhu nemapfekero anosika hupenyu hunonakidza makereke achitohutendera sekunge zvinofadza Mwari.

Vasina kuita kuti kereke irwire hunhu hwavo hwakaipa, hazvishamisi kuti vanoenda kumakereke vanodemba nekuchema. Vanoenda kumakereke vanoda kurwisa hondo mukati memiganhu yezvavakasarudza chete. Vanobhadhara voteerera pasita anovaudza zvavanoda kunzwa chete. Zvavanotarisira kunzwa, sezvo zvichivavaraidza kuti vakotsire.

Asi chokwadi chinozorova chiri bhomba renyukiriya

ZVAKAZARURWA 18:10  vamire kure nekutya kurwadziwa kwaro, vachiti: Nhamo, nhamo, guta guru Bhabhironi, guta rakasimba, nokuti kutongwa kwako kwasvika neawa rimwe.

Hamuswederi pedyo nepaputika bhomba renyukiriya nekuda kweredhiyesheni yakaipisisa inosvibisa ivhu nezvasaririra. Izwi remukati remweya mutsvene rakaudza vanhu kuti vabude mumakereke pakutanga kweChitsauko chino. Asi havana kuteerera. Ikozvino vanenge vakumanikidzwa kutambira kure kure nematongo eVatican City.

Vakafunga kuti Vatican City raive Guta raMwari. Risingaparari. Asi miziri rimwechete, nenguva duku kwazvo, rinenge raparadza kereke huru iyi.

Kutyisa nekuvhundutsa. Vakafunga kuti Vatican City raive Guta rinogara Mwari panyika asi iVatican City iri kutongwa nekuda kwezvakaipa. Fungai kuvhundutsa kwazvakaita vadzidzi pazvakaonekwa kuti Satani akapinda Judasi, mumwe mupostora uye mutungamiri wekereke, kuti amukire Kristu. Kumukirwa kwechokwadi mumakereke kunobva kumusoro soro.

ZVAKAZARURWA 18:11  Uye vashambadzi venyika vacharira nekuchema pamusoro paro, nokuti hakuchina munhu achatenga zvitengeswa zvavozve;

Nhumbi. Chinangwa chevanhu mukereke ndechekuita mari. Makereke akatapudza chiKristu, chinhu chiri pakati pemunhu akazvimiririra naMwari pasina umwe munhu pakati penyu, kuzviita chitendero china Pasita kana muprista achikuudzai zvinodiwa naMwari.

Kuparadzwa kweVatican kunoparadza moyo wekereke yeRoman Catholic inova bato rakapfumisisa pasi rese. Izvi zvichakanganisa kwazvo vanoita mari huru vemabhizimisi. MaCatholic akanyengera vemasangano kusvika pakugamuchira zuva rakaberekwa mwari wevapegani repakati penguva yechando remusi wa25 Zvita, vakaridaidza kuti Kirisi Masi kana Kisimusi. Zvakakudzwa kuitwa nguva huru yekutora mari pagore apo vanhu vanotenga kwazvo. Imbofunga machemero anoita vemabhizimusi kana Kisimusi ikanzi hakuchina.

ISAYA 54:15 Tarira kunyange vakakuvamba hazvingabve kwandiri, ani nani uchakuvamba uchaparadzwa nekuda kwako.

I VAKORINTE 11:17 Zvino mukuraira uku handikurumbidzii, nokuti munounganira kwete zvakapfuura kunaka, asi muzvakapfuura kuipa.

Kuungana pamwechete mukereke hakuna zvakwakakoshera kana kuchengetedzeka. Vanhu vanoungana pamwechete mumakereke nekuti vanoda Evangeri rebudiriro yekuzviunganidzira. Havadi kudzidza kubva kwamuri, vanoda kuti mungoita maungira ekuteedzera mazano avo.

Ndichapa chegumi pano panyika kuti ndizvigadzirire nzvimbo Kudenga, ndomafungiro avo.

Zvakaipa zvehushe hwevaHedeni hwakadarika zvinoramba zvichirarama

ZVAKAZARURWA 18:12 zvitengeswa zvegoridhe, nezvesirivheri, nezveibwe rinokosha, nezvemaparera nezvemucheka wakaisvonaka, nezvine ruvara rwehute, nezvesiriki, nezvezvitsvuku, nemuti umwe neumwe unonhuhwira, nemarudzi ese emidziyo yenyanga dzenzou, nemarudzi ese emidziyo yematanda anokoshesesa, nezvendarira, nezvedare, nezvemabwe machena;

Ndarama, sirveri, nendarira nedare zvakashandiswa kutsanangura mufananidzo wemuHedeni wechipegani wekuna Danieri. Kurudziro dzavo dzese dzakaipa zviri munguva yekereke yekupedzisira.

DANIERI 2:31 Imi mambo makatarira mukaona Chifananidzo chikuru. Chifananidzo ichi, chaive chikuru kwazvo, chaive nokubwinya kwakaisvonaka, chakanga chimire pamberi penyu, chakanga chichityisa pakuvonekwa kwacho.

Makumbo edare anomiririra Hushe hweRoma hwekumabvazuva nekumadokero.

MAPISAREMA 147:10 Haafadzwi nesimba rebhiza, haafariri makumbo omurume;

Bhiza rinorangaridza Mwari pamusoro pemweya wemutasvi waantikristu achitasva mukati memakereke muzvisimbiso zvina zvekutanga kuna Zvakazarurwa Chitsauko 6.

Makumbo emurume anorangaridza Mwari makumbo eRoma edare emufananidzo waDanieri wemuHedeni. Ndipo Roma yemapegani payakashandurwa kuitwa Kereke yeRoman Catholic apo Pope Damasus, muna AD 382, vakatora chinzvimbo chaPontiff kubva kumubati weRoma Theodosius. Pontiff aive muPrista mukuru wezvakavanzika zveBabironi, mutsivi waNimurodi aive mumukiri waMwari wekutanga. Izvi zvakapa Pope kurudziro huru pamusoro perudzi rwemapegani, kunyanya nekuda kwekuti Tiriniti yemapegani yeBabironi neEgipita neIndia nezuva remusi wa25 Zvita rekuzvarwa kwamwari wemapegani wezuva zvakapinda mukereke. Mapegani akanzwa ari mumusha mawo chaimo.

Tiriniti yeBabironi ine misoro mitatu yakavanzika (Anu, Enlil neEa) nenjiva muhumwari hwayo.

VaEgipita vane vanhu vatatu muhuMwari hwavo (vanomiririrwa nechigaro chehushe). Mumwe aive mukadzi, Isis.

Vatatu-mu-mumwe.

MaHindu muIndia ane mumwe-mu-vatatu. Munhu mumwe ane zviso zvitatu. Asi vese vaive varume.

Tiriniti yeRoman Catholic yaive mubatanidzwa wakasimba weEgipita neIndia, muganhu weHushe hwaAlexander mukuru, zvakatendera Egipita neIndia kukurudzira vaGiriki kupfurikidza Firosofi. Vanhu vatatu veEgipita vakava varume vatatu.

Mwari Mwanakomana, Mwari Baba, Mwari Mweya Mutsvene.

Asi, “Mwari Mwanakomana” uye “Mwari Mweya Mutsvene” havana kubvira vataurwa muBhaibheri. “Ndiyani ane hanya nazvo?” ndizvo zvinotaura kereke.

Asi ko nhau yeNjiva?

Hakuna mufananidzo weMweya Mutsvene muBhaibheri ari Munhu, asi akaratidzwa seNjiva achizodza Jesu pamahombekombe erwizi Jorodani. “Kristu” zvinoreva kuti Akazodzwa.

Saka kereke yeCatholic yakagadzira mufananidzo wechipiri wekuzara kwehuMwari.

Mifananidzo iyi yakateedzerwa nevemasangano. Varume vatatu pachigaro chehushe kana varume vaviri nenjiva.

(Chigaro chimwechete here kana kuti zvitatu? Mubvunzo uchiriko)

Asi pakuita izvi Mwari akarasikirwa nezita Rake. Hamugoni kuwana zita rimwechete revanhu vatatu.

Mifananidzo iyi inosiya muono wakadzima wekuti Mwari ndiyani. Vanhu vakadhakwa vanooona nyika yakadzima. Vasina muonero wakajeka. Vanhu vakadhakwa vanorasa zvinhu zviri nyore.

VaHedeni vechipegani vagara vane kurudziro yakaipa munhau dzechitendero.

Mapegani vaive vakamirira muturikiri mukuru, Petr Roma, kuti azivise kuda kwevamwari. Pope weRoma anoti aive Petro weRoma akaparidza guhwa rekuti Petro aive ambosvika kuRoma akafira ikoko. Saka Pope anogona kutaura kuti ndiye anotsiva Petro akanga akudaidzwa kuti Pope wekutanga. (Petro haana kubvira apinda muRoma.)

Saka varume vanofanira kupfeka midhebhe mirefu kuti vavige makumbo avo. Mufananidzo wemuHedeni wakaita semurume akapfeka zvikabudura izvo zviri nguvo dzechikadzi dzemukati.

Kukosha kwekereke kwava muzvinhu zvenyama zvinounza pfuma.

Kuedza kwedu kunobva pakuda kubereka kuzvigutsa.

63-0321 CHISIMBISO CHECHINA

Zvakanaka. Rangarirai, Judasi akatora nzvimbo yemubati wepfuma akawiswa nemari. Saka ndizvo zviri kuita kereke yanhasi. Kereke yeCatholic (sezvatakaona husiku hwakadarika) kuvabhadharisa kuti vavepo, kuvabhadharisa minamato, nekuvabhadharisa zvinhu zvose. Zvakada kufanana nevanasikana vekereke yeCatholic, iyo vemasangano vakabuda mairi ... zvinhu zvese zvakaputirwa mumari. Ndipo pakawira Judasi, ndipo paakawira, ndipo pari kuwira vemasangano akabuda muchiCatholic.

ZVAKAZARURWA 18:13 nekinamoni, nezvinonhuhwira, namafuta ekuzora, nezvipfungaidzo zvinonhuhwira, newaini, nemafuta, neupfu hwakatsetseka, nezviyo, nemombe, nemakwai, nezvemabhiza, nengoro, nenhapwa, nemweya yevanhu.

Nhengo dzekereke dzinofadzwa nekuzviunganidzora pfuma inovaunzira hupfumi.

Waini kusimudzwa kwezaruriro dzenyu dzinokuzivisai kuti kereke yenyu ndiyo yakanaka uye muprista kana pasita wenyu anoteererwa zvakazara nemi uye anokudzwa.

Varanda vekereke vanopa mweya yavo kukereke voteerera nekubata nekudekara kusina kufunga mukati. Vhura muromo inoripirwa kuBhaibheri ravanofuratira pavadira kana risingawirirane navo. Havana zaruriro yemukati yechokwadi cheMagwaro apo vanotevera kurira kwengoma yeruzhinji. Mutemo wekutanga wekubudirira mumakereke ndewekugarozvideredza kuvakuru, angave Pope kana Pasita, nekumutsigira kunge mapofu, asine njere, achiita chero zvaafunga kuita.

Kuti mubudirire mumakereke hamufaniri zvachose kuva nemufungiro wenyu wakazvimiririra pamusoro pechero chinhu, zvisinei nekuti chii chaitika. Hamutodi kutambira maonero anodiwa, nekuti kana mukanyebera kuti ndiwo manamatiro, zvinobuda pachena.

Chero chinhu chinopokana nemusoro wekereke chinoonekwa sekuita kwekumukira.

Munofanira kuona vakuru sevanoziva zvese uye vakarurama uye munofanira kufunga kuti maonero avo ndiwo akanaka uye ndicho chega chokwadi. Chero zvazvo chokwadi chavo chichishanduka gore rega rega. Kana zuva rega rega. Munofanira kugadzirisa chenyu zvichienderana naizvozvo nekuti munofanira kuteerera. Kereke yakauya nepfungwa yekuti munhu anoita “chokwadi chake ega” zvisinei nezvazvinoreva. Nekuti zvamunotenda zvinogona kuita chokwadi chete kana muchigona kuzvitsigira neMagwaro.

Munofanira kutamba mutambo wavo mobudirira kana kuzvisunungura kubva kwavari asi ipapo munenge muri mukundikani kwehupenyu hwenyu hwese sezvo kereke inenge isingakudei. Kungopokana kumwechete kunokudzikisai kubva pakuva gamba kuita chinhu pasina.

Zvakaoma kushandura nzira dzemafungiro emunhu. Zvakakosha uye zvinoshanda zviri nani kuvapa zvavanoda.

Saka, vanhu vanotsvaga masangano anovapa nzvimbo Kudenga kana vakabvumirana nawo zvisina kukakavara vakaita sevaranda vemweya vari muhusungwa kumaPasita avo nemafungiro awo.

Vanozvipira kuzvimisikidzo zvinenge zviripo vanofanira kuripira muripo kuvakuru vavo, chegumi chavo.

Kuseri kwekusekerera kwepadenga nemudziya wenhema, vanhu vakaputsika, vakaomerwa, vakaipa, vakatakura rima. Vanoshandiswa nekushaiwa kuzvikoshesa nekuda kuonekwa zviri nani nevamwe.

MaPasita vakambundira zviwanikwa zvavo zvinobva kukereke dzavo dzinozviwisira kwavari.

Mapasita anochengetedza boka ravo kwete munhu akazvimiririra.

Vanhu vakazvimiririra vanonzwisisa zvakavanzika zvakanyorwa zveMagwaro vanorambwa vachinzi vavengi.

MaPasita, vanochengetedza chimisikidzo chakaipa ichi, vanobatira, sezvo simba ravo kumari dzevanhu rinobva kuna Baba kuenda kumwanakomana kuti mari irambe iri mumhuri. Iri ibhizimisi rinobudirira asi rinosiya vanhu vari varanda vakabviswa paMagwaro apo maPasita anosika hushe hwavo nehumambo.

Kushaiwa Magwaro kuri kubirira gwara renyu muchinoshaiwa kukunda

ZVAKAZARURWA 18:14 Zvino michero yaichiviwa nemoyo wako yakabva kwauri, nezvinhu zvese zvinobwinya nezvinopenya zvabva kwauri, haungatongozviwanizve.

Vatungamiri vemakereke vane simba guru rekufurira nekunyengera, asi pasina kunzwisisa Bhaibheri reKing James.

Vanoenda kumakereke vanotsvaga kunzwirwa nekudekara pakutsvaga kwavo pfuma nehutano chinova chinhu chikuru chavanokoshesa.

Mutakunanzva zvinoreva kuti zvakanaka kudya. Makereke anopa vanhu zvavanoda. Vanhu vanoda kuudzwa zvavanoda kunzwa.

Vasikana mapenzi vanopembedza zvakaipa vofuratira kukwikwidza chaiko kwevadzidzisi veBhaibheri. Vanogutsikana kana Pasita akavapa zvinhu zvechipiri zvisina kukwana.

Kurasika kwavo kunotsikirirwa pasi pehuremu hwechokwadi kana mhere yehusiku, njodzi huru yezvemari, painomutsa munhu wese.

Zvakanaka zvinoreva kuti zvinotambirika kuye zvinoyevedza apo makereke makuru anoedza kuonekera nekushongedza zvakanaka nekuonekera zvakanaka. Asi kereke icharasikirwa munguva yeKutambudzika Kukuru icharasika zvachose.

ZVAKAZARURWA 18:15 Vashambadzi vezvinhu izvi, vakafumiswa naro, vachamira kure nekutya kurwadziwa kwaro, vachichema nekurira

Tarirai kuti vatengesi (vaiti vemari) vanoshanda nekereke vanoita izvozvo kuti vapfume nezviitiko zvemuchitendero. Mweya waJudasi aive mupostora, mukuru wekereke. Chinangwa chake chikuru chaive chisiri chekuda Mwari, asi kuda mari. Zvimwe zvinhu hazvishanduki.

Nguva imwechete yakatsamwa Jesu yaive nevaitsinhana mari muTembere. Akavarova achivadzinga katatu. Ndicho chikonzero chavakamuurayira. Akavarova kuna Johane 2:15 pakutanga kwehushumiri Hwake.

JOHANE 2:15  Zvino wakati aita tyava yerwonzi, akavadzinga vese mutembere, nemakwai nenzombe; akateura mari yevatsinhanisi, ndokupidigura matafura,

Mateo 21:12 inobata Svondo yeMichindwi akaita zvimwechete izvi.

MATEO 21:12  Zvino Jesu wakapinda mutembere yaMwari, akadzingira vese vaitengesa nevaitenga mutembere, akapidigura matafura evaitsinhanha mari, nezvigaro zvevaitengesa njiva.

Marko 11:1 -11 inobata musi weSvondo yeMichindwi.

MARKO 11:12  Uye mangwana vachibuda kubva Bhetaniya, akanzwa nzara.

“Remangwana” kana mangwana acho Svondo yeMichindwi yaitwa unenge uri musi weMuvhuro.

MARKO 11:15  Vakasvika kuJerusarema; Jesu akapinda mutembere, akatanga kudzingira panze avo vaitengesa nevaitenga mutembere; akapidigura matafura evaitsinhanisa mari, nezvigaro zvaivo vaitengesa njiva

Jesu akakandira kunze vaitsinhana mari muTembere musi weSvondo yeMichindwi neMuvhuro wakatevera. Vakamuuraya vhiki iroro.

Musafe makatyisidzira Pasita nemawaniro aanoita mari.

62-0318 SHOKO RAKATAURWA NDIRO MBEU YEKUTANGA. 2

Chimbori chii?

Ndangariro ndidzo chibereko chemweya,

(Chii?) kuzvitora kana kuzvisiya. Ndipo pavanoita hupombwe, zviri kutora, kusiya Satani,

Mweya waDiaborosi anoisa mavari chimwe chinhu chinopikisa Shoko raMwari. Anenge aita hupombwe.

Eva akagashira ... Teererai izvi. Mbeu yeshoko yakaipa, Satani anonyepera Shoko raMwari, mubairo waive rufu.

Makereke anoshandira Mwari kuti apfume. Pavanorasikirwa nepfuma yavo vanorwadziwa moyo. Hupfumi hunoreva zvikuru kwavari kudarika chokwadi.

MaPasita anofanira kusimudzira tsika dzekereke nekuti mihoro yavo inobva ipapo.

ZVAKAZARURWA 18:16 uye vachiti: Nhamo, nhamo, guta guru, rakange rakapfeka mucheka wakaisvonaka nezvine ruvara rwehute nezvitsvuku, uye rakashongedzwa negoridhe nebwe rinokosha nemaparera

Kereke yeRoman Catholic ine kuratidzira kukuru kwekunze kwepfuma nechitendero. Vane zvivakwa zvikuru zvinodhura nemitambo yemari. Kuratidzika kwavo kwakagadzirira kuti kuvaraidze nekukwezva vaoni.

Kukundikana kwepfuma huru

ZVAKAZARURWA 18:17 Nokuti neawa rimwe fuma huru yakadai yaparadzwa. Uye mufambisi wezvikepe umwe neumwe, nevese vanofamba pamwe muzvikepe, nevafambi vemuchikepe, nevabati vese vepagungwa vakamira kure,

Muchinguvana miziri renyukiriya richakandwa, zvichida kubva kuRussia, rinoputika mamita 600 pamusoro peVatican City ine nzvimbo yakakura zvisingadarika sikweya kiromita rimwechete. Pachinhambwe ichocho munowana kuparadzwa kwakazara kubva pakuputika uku.

Makereke ese nemabhizinesi anoita mari kubva mukereke yeRoman Catholic netsika dzayo dzechitendero vacharwadziswa. Vachamira kure nekuti hakuna anorarama paredhiyesheni inosara ichitenderera mazuva mashoma mushure mekuputika ikoko.

Ngarava dzinofamba pamusoro pegungwa kuti dzinotengesera vanhu zvavanoda.

MaPasita emakereke, vaparidzi, nemapoka maduku vanotenderera pakati pevanhu vekereke kuti vavaudze zvavanoda kunzwa kuti vagone kubatsira nekuda kwavo pakutora mari kwemuparidzi.

Bhomba renyukiriya rinoshandura Vatican City kuiita guruva reredhiyo ekitivhi

ZVAKAZARURWA 18:18 ndokudanidzira vachiona utsi hwekutsva kwaro, vachiti: Nderipi rakafanana naro guta guru!

Zvinhu zvishoma zvakadarika kuona gore rine chimiro sechehowa rekuputika kwenyukiriya.

Pfuma zhinji haigoni kurarama panoputika nyukiriya.

Hazvizogoni kubvumika kuti Vatican City, musoro wemaCatholic 1.4 bhiriyoni, yanyangarika mutsvina yematongo eredhiyo ekitivhi.

Gungwa rinomiririra marudzi asina kugadzikika anotsvairwa achikwira nekudzika nemafungu asingaonekwi ezvitendero, kuzvida, kuzvikudza, makaro mhosva, huwori, nefeshoni iriko nguva iyoyo, nehutsinye. Asi kune mari zhinji inoitwa neavo vanogona kufamba mukushaiwa kugadzikika uku vachita kuti vanhu vanzwe zvakanaka pamusoro pemakaro avo nehupenyu hwavo husina Magwaro.

Vanhu vanonyengerwa zviri nyore kana mukashandisa zvitendero zvavo kuti zvikuitirei zvamunoda.

MaRoman Catholic nemamwe makereke anogonesa kuita izvozvo. Pasita kana muPrista anokurudzira vanhu zviri nyore kuti Mwari anotaura nemi kupfurikidza iye, saka munofanira kusimudzira Pasita kana muPrista pamusoro penyu. Mweya wevaNikoraiti unovengwa naMwari.

MAPISAREMA 107:23 Avo vanoburukira kugungwa muzvikepe, vanoshambadzira kumvura zhinji

Roma inopa vanhu mukana wekutenga nzvimbo dzavo Kudenga, dzavanobhadhara mari zhinji nekuda kwavo. Vanhu vanorasiswa zviri nyore nezvitendero zvemakereke avo. Vari mushishi kushandira kudzidza Bhaibheri, saka vanofara kutarisa kuna Pasita kuti aite zvese kuvafungira nekuvadzidzira. Izvi zvinodaidzwa kuti Chitendero-chiduku.

ZVAKAZARURWA 18:19  Zvino vakadira guruva pamisoro yavo, ndokudanidzira vachirira nekuchema, vachiti: Nhamo, nhamo, guta guru, maifumiswa nezvinokosha zvaro vese vaiva nezvikepe pagungwa; nokuti rakaparadzwa neawa rimwe

Tinobva kuguruva tinodzokera kuguruva. Pavanoona kuti varasika, vanokanda guruva pamisoro yavo, pane pfungwa dzavo. Vakatarirwa kufa ndangariro dzepfungwa dzavo dzinonzi dzakachenjera dzinenge dzingori guruva risina maturo risingagoni kuvabatsira. Makereke ese akavaka zvimisikidzo zvawo nezvitendero zvavo nekuteedzera kereke yeRoman Catholic. Vane munhu pamusoro pekereke, vanopesanisa vanhu nedzidziso isimo muMagwaro yeTiriniti, Kisimusi, neChishanu chakanaka. Asi vanoramba Chokwadi cheMagwaro asi vasingabhapatidzi neZita raJesu Kristu. Vanoramba kudzokera kuzvitendero zvenguva yekereke yekutanga yemapostora.

Kukanganisa kwezvitendero kwakaita kuti vaparidzi vazhinji vapfume. Vanoparidza paZvivhiti vhiti nemaPasita epaZvivhiti vhiti havagoni kutaura nguva inodarika hafu yeawa vasina kutaura kuti panodiwa mari.

ZVAKAZARURWA 18:20  Fara pamusoro paro, iwe denga, nemwi vaapositori vatsvene, nevaporofita, nokuti Mwari wakatonga mutongo wenyu kwariri

Vakarurama vanotambudzika pasi pezvimisikidzo zvakaipa zvemasangano akarongwa zvakasimuka kuva nesimba pakapihwa Pope Muzinda weLaterani muRoma gore rakapoteredza AD 313. Izwi risimo muMagwaro “Tiriniti” rakamanikidzirwa pakereke pakanzuru yeNicaea muna AD 325 neMubati weRoma Constantine. Zvitendero zvisimo muMagwaro zvakakurira kereke apo yakatsvaga kurudziro yezvematongerwo enyika nepfuma zhinji. Negore AD 350 Pope Jurio I akanga ashandura zuva rakaberekwa mwari wezuva 25 Zvita kuriita zuva rakaberekwa Mwanakomana waMwari. Zvakachenjera asi zvakaipa. Achiri kunyengera vanoenda kumakereke nanhasi.

Mapostora nemaprofita vakabereka Magwaro vaifuratirwa nekuti tsika dzakaitwa nevanhu nezivo yevanhu zvakatora kereke. Asi pakupedzisira, Shoko rechokwadi richakurira munguva yeKutambudzika apo kutadza kwese kwemakereke akaitwa nevanhu netsika dzavo zvinoparadzwa.

Kutsiva kwaMwari pamakereke asingatevere Shoko kunotyisa.

Hollywood neLos Angeles zvakatarirwa kuparara

ZVAKAZARURWA 18:21 Zvino mutumwa umwe ane simba wakasimudza ibwe rakaita seguyo guru, akaposhera mugungwa, achiti: Saizvozvo nechisimba Bhabhironi guta guru richaposherwa uye harichazotongowanikwizve.

Kudengenyeka kwenyika kukuru kuchakandira Los Angeles neHollywood mugungwa.

Zvakazarurwa 13 inoratidza kusimuka kwekereke yeRoma (chikara kubva mugungwa) apo inowodza chikara cheAmerica kubva panyika kuti ishandise mauto eAmerica nesimba rawo nemari yayo kuti isimuke kuva nesimba pasi rese. America ine hushe hukurusa pahwese hwakambovapo panhorondo. Chero vachiramba kuti vane hushe. Mari yeAmerica inotonga hupfumi hwese.

Saka, nhandare yakatanga kubva pakuparadzwa kweVatican semurango wekuwodza pasi rese mune zvemweya zvakamisa makereke kutenda muBhaibheri reKing James. Chinangwa chekutsamwa kwaMwari chiri kufamba kuenda kuAmerica yakawodza hunhu nemaitiro epasi rese kupfurikidza kushambadza mafirimu asina chekuita nehumwari akagadzirwa muHollywood, muLos Angeles.

Hollywood inoda muparidzi akapfeka zvakanaka kuti ave achionekera kwazvo zvinovaimira nyika asi Evangeri rinopenya nekuzvininipa. Makereke anounza mavayi vayi eHollywood nekunaka kwayo nemimhanzi yemangoma. Mangoma haana kubvira ataurwa muBhaibheri.

56-0815 KUTENDA

Zvakabvepi? Makazviwanepi? America. America yakazviwanepi? Kubva kuHollywood. Hollywood yakazviwana kupi? Kubva kugehena. Ndipo pazviri.

Nei, izvi ndizvo zvakabvisa vakadzi vedu nguwo. Zvakashaisa hunhu kwese kwese.

64-1227 MUNOTI UYU NDIYANIKO?

Tarirai kudengenyeka kwenyika muCalifonia. Ndinoprofita, Ishe Jesu vasati vauya, kuti Mwari vachanyudza nzvimbo iyoyo. Ndinotenda kuti Hollywood neLos Angeles, nenzvimbo dzese dzakan’ora dziri ikoko, kuti Mwari Wamasimbaose vachadzinyudza. Vachanyura pasi pakadzika dzika pegungwa. Kune zvivi zvakawandisa, muri kuzviona, ndizvo zvinokanganisa.

54-0509 KUKURIRWA KWEUNITED STATES

Tarirai, kuFrance, vakatanga tsika dzavo dzakawodzwa, vachirarama mararamiro avo ikoko. Mwari vakatumira Germany kwavari, kuti ivarove zvishoma. Takaendako kunovanunura. Tichangopedza izvozvo, tikakurira hondo, vakadzorera Germany ikayanana nekuita rugare neFrance, vakatendeukira kuna Mwari here? Kwete, baba. Vakadzi, waini, kuurayana, zvivi, nekuvodzwa kusvika kutsoka.

Vakabva vaitei? Chii chakaitika. Apa ndipo paakatangira. Diaborosi akagadza hurumende yake ikoko. Ndiko kwaakatangira, ikoko, kuti abvise hunhu pasi rese, kubva kuParis, kuFramce.

Ipapo, kana mukatarisa, haana kupinda imomo nehushumiri, saka chinhu chaakaita kwaive kupinda muHollywood ikoko.

Akaisa hurumende yake kuno kuHollywood.

Diaborisi akamhara kuno, makore mashoma adarika, nemauto ake makuru, akaenda, akavanda muHollywood, California. Akatapa United States nemasimba ake emadhimoni. Zvakanaka. Feshoni yedu yese inobva kuParis. Vanoiona muHollywood, pazvivhiti vhiti. Zvikomana nezvisikana zvechidiki izvi, nezvinhu zvakadaro, zvinoburitswa ipapo, vanozviona pamitambo yepazvivhiti vhiti.

Mugore 2024 pamitambo yenhabvu yemuParis vakaratidzira kuzvidza kwekumhura Mwari kwavakaita Chirayiro chekupedzisira. Kuipa kusina kunamata uku kuchiri muFrance nemuHollywood.

65-1127 NDAKANZWA ASI ZVINO NDAKUONA

Ko kudengenyeka kwenyika kwemuAlaska?

Muchaona Hollywood ichiwira mugungwa! Tarirai muone kana zvikasaitika. Haasati andiudza chinhu chisicho kusvika nhasi, zvichaitika.

Mazviona? Tarirai muone kana tisiri kurarama munguva dzekuda kunovharwa kwenhorondo. Hakuna munhu anoziva nguva yaanouya. Asi ndinoziva chinhu chimwechete: ndinotenda, zvandiri nhasi, kana ndiri mundangariro dzangu zvakanaka, uye dai ndaive ndisiri muKristu,

Ndingadai ndada kuita muKristu weBhaibheri chaiye, kwete muKristu wesangano. Musavimbe nazvo nekuti makadanidzira. Tazvinzwa mangwanani ano, tikazvitsigira neShoko raMwari; zvese zvinobva pakuda kwaMwari, haana kuita chinhu asi kukonzera rufu. Musave muboka, ivai muHupenyu. Mazviona? Ivai nekutenda muna Mwari.

Kune mutsetse wakakanganisika une kudengenyeka kwenyika unodarika nemumahombekombe ekumadokero eAmerica uchipinda nemuLos Angeles. VeSainzi vakataura kuti kuchauya kudengenyeka kwenyika ikoko kwemakore mazhinji kuchanyudza chikamu cheguta chichipinda mugungwa zvobereka dutu guru remafungu guta rozara mvura.

ZVAKAZARURWA 18:22 Nenzwi revaridzi veudimbwa nerevaimbi nerevaridzi venyere nerevaridzi vehwamanda, harichatongonzwikwizve mauri, nemhizha yeumhizha hupi nehupi haichatongowanikwizve mauri, nenzwi reguyo harichatongonzwikwizve mauri;

Hollywood yakapinza pasi rese mumimhanzi yemangoma zvinokurudzira nhau dzepabonde, kurwisana, zvinodhaka nechingochani.

California ndiyo nzvimbo yakapfumisisa muAmerica. Los Angeles paichanyura California inoremadzwa munhau dzepfuma. Zvichaparadza hupfumi hweAmerica. Kereke yeRoman Catholic (chikara chinobva mugungwa) ndiyo yega bato rine mari yakakwana kuti itore America nekutonga America. Mubatanidzwa wemakereke akabuda muCatholic (mufananidzo wechikara) uchazvininipisa kuRoma nekuti Roma ine mari. Mufananidzo wechikara wemasangano uchange uine simba rekumanikidza munhu wese kuti ave nhengo yekereke yavo.

55- 0220 KUGUTSIKANA KWEKUTENDA

Dai kwakamboita nzvimbo yakamboita Babironi ranhasi, iAmerica. Ndinoshuva isafe yakabata miganhu yeAfrica kana dzimwe nyika dzevaHedeni. Ndinoshuva kuti Evangeri rakasimba nedzidziso zvisvike ikoko kuti vanhu vapone.

Africa inoda kuwana vadzidzisi veBhaibheri vanotevera Magwaro.

58-0128 CHIMWECHETE CHEKUBATANA

Babironi iri, raive mavambo e ... mukusikwa, kuna Genesisi, tinoona kuti zvakadarikira kuenda kuna Zvakazarurwa, zvichitaura nezveShoko rehuparidzi.

Mumazuva ekupedzisira, anova ikozvino, vachabatana pasi paantikristu, chitendero chakaitwa nevanhu.

ZVAKAZARURWA 18:23  uye chiedza chemwenje hachichatongovhenekerizve mauri, nenzwi remuwani neremwenga harichatongonzwikwizve mauri; nokuti vashambadzi vako vaiva vakuru venyika; nokuti neuroyi hwako marudzi ese akatsauswa.

Hakusisina chiedza. Hakusisina Magwaro. Hunyengeri hwekereke hunokura apo Hollywood inoparidza kuipa nekutadza. Chikomba Kristu achadaidza Mwenga wake Kudenga vanhu vanenge vasara vanofanira kuva vari nhengo dzekereke yeCatholic kana mubatanidzwa wemakereke epasi rese kuti vagone kutenga nekutengesa. Vanoramba vachauraiwa.

Hollywood yakaonekwa kare seguta rekufadza vanhu pasi rese, inogadzira mafirimu nemitambo yepazvivhiti vhiti inotapa nekuvaraidza vanhu pasi rese. Zvisinei, kurudziro yayo inobata zvakawanda kudarika kufadza vanhu. Mafirimu nezvivhiti vhiti zvine kurudziro yakasimba patsika dzepopu, zvinoumba magariro nekukurudzira zviitiko zvakasiyana siyana muhupenyu hwedu. Hollywood ine simba pamusoro petsika dzepopu, simba rayo rinobata kuumba hunhu, zvitendero, chero sarudzo yemapfekero evanhu. Kushaiwa hunhu hwemafirimu avo kunoparidzira kuipa kwemadhimoni. Kunyanya kana vanhu vechidiki vachipedza nguva vachiona mafirimu eHollywood nekurudziro yawo yakaipa.

Mafirimu nezvirongwa zvepazvivhiti vhiti zvinokurudzira nekuumba mafungiro evanhu panhau zhinji dzemagariro netsika. Zvinosimbisa kodzero dzengochani kuroorana kwevarume nevarume vakadzi nevakadzi nechinangwa chekushandura magariro evanhu. Zvinoonekwa pazvivhiti vhiti zvinokurudzira hunhu hwevanhu vakawanda.

Mafirimu eHollywood ane nheyo dzeroku endi rowo, zvinodhaka, nemutauro wakaipa, nezvepabonde zvinoparadza hunhu asi zvakagadzira mari zhinji. Judasi akamukirawo chokwadi nekuda kwemari asi akaripira mubairo. Ndiko kuita kwekurudziro yaSatani pavanhu.

ZVAKAZARURWA 18:24  Zvino mariri makawanikwa ropa revaporofita nerevatsvene, nerevese vakauraiwa panyika.

Mafirimu eHollywood akaipa akatumira mweya yakawanda kugehena. Saka, Hollywood inofanira kukandirwa kugehena zvakare. Tinokohwa zvatinodyara.

Nimrodi akatanga pfungwa yechitendero chechipegani mumashure meMvura zhinji yaNoa. Akatanga hushe hwake kwechiHedeni hwakapararira. Kumanikidzira uye mheremhere ndidzo nzira dzakanaka dzekuparidza hushe hwechitendero, sezvinogona kuonekwa nemheremhere isingaperi nhasi muvateveri vechiMoziremu.

Saka, Babironi ndiyo yaive mavambo emheremhere muchitendero nekudeuka kweropa.

Pontiff nechiPrista cheBabironi zvakazopinda mukereke yeRoma apo Mubati weRoma Theodosius akapa chinzvimbo chaPontiff kuna Bhishopu weRoma, Damasus, muna AD 382. Ipapo kereke yeRoma yakakurudzira kuuraiwa kwemapegani. Negore AD 450, Pope Leo I akati kereke yaikwanisa kuuraya maKristu vaisatenderana nekereke yeRoman Catholic. MuNguva dzeRoma nenguva dzakatevera dzeRumutsiridzo, vakaedza kuuraya vatendi vekwaLuther, kereke yeRoman Catholic ndiyo yakauraya makumi emamiriyoni evanhu.

Saka, Roma yakadyara mweya weruvengo, kurwisana, nerufu pasi rese.

Vanhu vekuSpain vakatapa America yekuzasi vachiitira Pope vakauraya mamiriyoni evanhu, nemunondo uye chirwere chemhezi.

Makurusedhi akaipa, akarongwa naPope, akaona vanhu vaiita zvemakurusedhi vachiba, kubata chibharo, nekuuraya maMoziremu akawandisa. Izvi zvakateya nheyo dzeruvengo rukuru ruriko nhasi kuMadokero zvichiri zvakabata ndangariro dzemaMoziremu mazhinji.

Babironi rakatanga kusunungura mweya wekurwisana muzvitendero nekudeuka kweropa zvakaguma zvakonzera kuurayiwa kwemaprofita nevatsvene. Hakuna chaigona kumisa mweya wakaipa uyu uchiri kuratidzirwa nhasi.

Ichi ndicho chiPrista chakaipa cheBabironi chakapinda Roma yechipegani chikazopinda mukereke yeRoman Catholic.

Uchasunungurwa mukuurawa kunotyisa kwevanhu mabhiriyoni maviri vanoenda kumakereke, nevasikana mapenzi vakaponeswa kana nguva yeKutambudzika yatanga mumashure mekunge Jesu atora Mwenga wake kuenda naye Kudenga.

ZVAKAZARURWA 6:8   Zvino ndakaona, uye tarira, bhiza rakachenuruka, newakange akaritasva zita rake Rufu; uye hadhesi rakateverana naye. Simba ndokupiwa kwazviri kuuraya kusvika pane chechina chenyika, nemunondo, uye nenzara, uye nerufu, uye nezvikara zvenyika.

Kune vanhu mabhiriyoni masere paNyika. Kota yacho mabhiriyoni maviri vanouraiwa.

“Kurwisana”. Kurwisana kunopararira.

ZVAKAZARURWA 18:21  ... Saizvozvo nechisimba Bhabhironi guta guru richaposherwa uye harichazotongowanikwizve.

Chimbofungai kuti kana chikwatamabwe cheYellowstone Park, chakakurisa pasi rese, chikaputika.

Tiri kutaura pamusoro pechikwatamabwe chakakurisa uye chine simba rakakurisa pasi rese.

Chakareba makironita makumi matatu chikapamhamha makironita 70.

Kuputika kwechikwatamabwe kunofamba kubva pa 0 kusvika pa 8. chikwatamabwe ichi chinosvika pa 8, kuputika kukurisa pasi rese kusina kumbobvira kwaitika.

Kunogona kuparadza chikamu chikurusa cheAmerica nekufukidza nzvimbo hurusa nemadota echikwatamabwe.