Salmenes bok 87

1  Av Korahs born; ein salme, ein song. Den byen han hev grunnfest på dei heilage fjelli,

2  Sions portar elskar Herren mest av alle Jakobs bustader.

3  Herlege ting er sagde um deg, du Guds by. Sela.

4  Eg nemner Rahab* og Babel millom dei som kjenner meg; sjå filistaren, Tyrus-mannen og etiopen: Denne er fødd der.

5  Og um Sion skal det verta sagt: Kvar ein er fødd der. Og han, den Høgste, gjer det fast.

6  Herren skal telja når folki vert uppskrivne, og segja: Denne er fødd der. Sela.

7  Og dei som syng og dansar, skal segja: Alle mine kjeldor er i deg.