Salmenes bok 8

1  Til songmeisteren, etter Gittit*; ein salme av David.

2  Herre, vår Herre, kor herleg ditt namn er yver all jordi, du som hev breidt din prydnad ut yver himmelen!

3  Av munnen på småborn og sogborn hev du grunnfest ei makt for dine motstandarar skuld, so du kann tagga fienden og den hemngjeruge.

4  Når eg ser din himmel, det verk av dine fingrar, månen og stjernone, som du hev skapt,

5  kva er då eit menneske, at du kjem han i hug, og eit menneskebarn, at du ser til han!

6  Du gjorde han lite lægre enn Gud; med æra og herlegdom krynte du han.

7  Du sette han til herre yver dei verk dine hender gjorde, allting la du under hans føter:

8  sauer og uksar, alle i hop, og jamvel dei ville dyr i marki,

9  fuglen under himmelen og fisken i havet, alt det som ferdast på havsens stigar.

10  Herre, vår Herre, kor herleg ditt namn er yver all jordi!