Salmenes bok 61

1  Til songmeisteren, på strengleik; av David.

2  Gud, høyr mitt klagerop, merka mi bøn!

3  Frå enden av jordi ropar eg til deg, medan hjarta ormektast; før meg upp på eit fjell, som elles vert for høgt for meg!

4  For du hev vore mi livd, eit sterkt tårn mot fienden.

5  Lat meg æveleg bu i ditt tjeld, finna livd i skuggen av dine venger! Sela.

6  For du, Gud, hev høyrt på mine lovnader, du hev gjeve meg arv med dei som ottast ditt namn.

7  Du vil leggja dagar til kongens dagar, hans år skal vera som ætt etter ætt,

8  han skal trona æveleg for Guds åsyn; set miskunn og truskap til å vara han!

9  So vil eg æveleg lovsyngja ditt namn, so eg kann løysa mine lovnader dag etter dag.