Salmenes bok 47

1  Til songmeisteren; av Korahs born; ein salme.

2  Klappa i hendene, alle folk! Kved høgt for Gud med fagnadrøyst!

3  For Herren, den Høgste, er ageleg, ein stor konge yver all jordi.

4  Han legg folk under oss og folkeslag under våre føter.

5  Han vel ut vår arvlut åt oss, herlegdomen åt Jakob som han elskar. Sela.

6  Gud for upp medan fagnadrop ljoma, Herren medan lurar let.

7  Syng lov for Gud, syng lov! Syng lov for vår konge, syng lov!

8  For Gud er konge yver all jordi; syng til hans lov ein song som gjer vis!

9  Gud er konge yver folki, Gud hev sett seg på sin heilage kongsstol.

10  Folkefyrstane samlar seg med folket åt Abrahams Gud; for skjoldane på jordi høyrer Gud til, han er høgt upphøgd.