Salmenes bok 20

1  Til songmeisteren; ein salme av David.

2  Herren bønhøyre deg på trengsledagen, namnet åt Jakobs Gud berge deg!

3  Gjev han må senda deg hjelp frå heilagdomen og stydja deg frå Sion!

4  Gjev han må minnast alle dine matoffer og finna ditt brennoffer godt. Sela.

5  Han gjeve deg etter ditt hjarta og fullføre alle dine råder!

6  Gjev me fekk fagna oss ved di frelsa og lyfta sigermerket i vår Guds namn! Herren uppfylle alle dine bøner!

7  No veit eg at Herren frelser den han hev salva; han svarar han frå sin heilage himmel med frelsande storverk av si høgre hand.

8  Hine prisar vogner, hine prisar hestar, men me prisar namnet åt Herren vår Gud.

9  Dei sig i kne og fell, men me stend og held oss uppe.

10  Herre, frels! Kongen svare oss den dag me ropar!