Salmenes bok 149

1  Halleluja! Syng Herren ein ny song, hans lov i samlingi av dei gudlege!

2  Israel glede seg i sin skapar, Sions born frygde seg for sin konge!

3  Dei skal lova hans namn med dans, syngja for han til pauka og citar.

4  For Herren hev hugnad i sitt folk, han pryder dei spaklyndte med frelsa.

5  Dei gudlege skal frygda seg i herlegdom, dei skal ropa av fagnad på sine lægje.

6  Lovsong for Gud er i deira munn og eit tvieggja sverd i deira hand,

7  til å fullføra hemn yver heidningane, refsing yver folkeslagi,

8  til å binda deira kongar med lekkjor og deira storfolk med jarnband,

9  til å fullføra fyreskriven dom yver dei. Ei æra er dette for alle hans trugne. Halleluja!