Salmenes bok 13

1  Til songmeisteren; ein salme av David.

2  Kor lenge, Herre, vil du allstødt gløyma meg? Kor lenge vil du løyna di åsyn for meg?

3  Kor lenge skal eg hysa sorger i mi sjel, hugverk i mitt hjarta heile dagen? Kor lenge skal min fiende høgmodast yver meg?

4  Sjå hit, svara meg, Herre min Gud! Lys upp mine augo, so eg ikkje skal sovna inn i dauden,

5  so min fiende ikkje skal segja: Eg vann yver han, so mine motstandarar ikkje skal fagna seg når eg fell.

6  Men eg set mi lit til di miskunn, mitt hjarta skal fagna seg i di frelsa; eg vil lovsyngja Herren, for han hev gjort vel imot meg.