Salmenes bok 126

1  Ein song til høgtidsferdene. Då Herren let Sions fangar fara heim att, då var me som drøymande;

2  då fylltest vår munn med lått, og vår tunga med fagnadrop, då sa dei millom heidningane: Store ting hev Herren gjort mot desse.

3  Store ting hev Herren gjort mot oss, og me vart glade.

4  Herre, før du våre fangar heim att som bekker i sudlandet*!

5  Dei som sår med gråt, skal hausta med glederop.

6  Gråtande gjeng dei av stad og ber sitt såkorn; med fagnadrop kjem dei heim og ber sine kornband.