Salmenes bok 124

1  Ein song til høgtidsferdene; av David. Hadde ikkje Herren vore med oss - so segje Israel -

2  hadde ikkje Herren vore med oss då menneske stod upp imot oss,

3  so hadde dei gløypt oss levande, då deira vreide loga imot oss,

4  so hadde vatni flødt yver oss, ei elv gjenge yver vår sjel,

5  so hadde dei gjenge yver vår sjel, dei storlåtne vatni.

6  Lova vere Herren, som ikkje gav oss til åt for deira tenner!

7  Vår sjel slapp undan som ein fugl or fangarsnara; snara rivna sund, og me slapp undan.

8  Vår hjelp er i Herrens namn, han som gjorde himmel og jord.