Salmenes bok 122

1  Ein song til høgtidsferdene; av David. Glad vart eg då dei sa til meg: Me vil ganga til Herrens hus.

2  Våre føter stend i dine portar, Jerusalem.

3  Jerusalem, du velbygde by, ein by som heng vel i hop,

4  der ættene fer upp, Herrens ætter, etter lovi for Israel, til å prisa Herrens namn.

5  For der er domarstolar sette, stolar for Davids hus.

6  Bed um fred for Jerusalem! Det gange dei vel som elskar deg!

7  Fred vere innanfor din voll og ro i dine salar!

8  For mine brør og vener skuld vil eg segja: Fred vere i deg!

9  For Herrens, vår Guds hus skuld vil eg søkja det som er godt for deg.