Salmenes bok 120

1  Ein song til høgtidsferdene. Til Herren ropa eg i mi naud, og han svara meg.

2  Herre, frels mi sjel frå ei ljugarlippa, frå ei falsk tunga!

3  Kva skal han gjeva deg, og kva meir skal han gjeva deg, du falske tunga?

4  Kveste piler frå valdsmannen og glør av einebuska*.

5  Usæl eg, som lyt halda til millom Mesek og bu ved Kedars tjeld*!

6  Lenge nok hev sjeli mi butt hjå dei som hatar fred.

7  Eg er berre fred, men når eg talar, er dei ferdige til strid.