Salmenes bok 113

1  Halleluja! Lova, de Herrens tenarar, lova Herrens namn!

2  Herrens namn vere lova frå no og til æveleg tid!

3  Frå solekoma og til soleglad er Herrens namn høglova.

4  Høg yver alle heidningar er Herren, yver himmelen er hans æra.

5  Kven er som Herren vår Gud, han som tronar so høgt,

6  han som ser so djupt ned, i himmelen og på jordi,

7  han som reiser den ringe or dusti, lyfter den fatige or skarnet

8  og sessar han hjå hovdingar, hjå sitt folks hovdingar,

9  han som let barnlaus kona bu som ei glad barnemor! Halleluja!