Salmenes bok 111

1  Halleluja! Eg vil prisa Herren av alt mitt hjarta i dei ærlege sitt råd og i lyden.

2  Store er Herrens verk, søkte av alle som hev hug til dei.

3  Høgd og herlegdom er hans gjerning, og hans rettferd stend æveleg fast.

4  Han hev laga det so at hans under vert ihugkomne; nådig og miskunnsam er Herren.

5  Mat hev han gjeve dei som ottast han; han kjem æveleg i hug si pakt.

6  Krafti av sine verk hev han kunngjort for sitt folk med di han gav dei arven åt heidningane.

7  Det hans hender gjer, er sanning og rett, alle hans fyresegner er trufaste;

8  fast stend dei æveleg og alltid, dei er gjorde i sanning og rettvisa.

9  Han hev sendt sitt folk utløysing, han hev skipa si pakt æveleg; hans namn er heilagt og skræmeleg.

10  Otte for Herren er upphav til visdom; godt vit hev alle som gjer etter det. Hans pris varer æveleg.