Salmenes bok 100

1  Ein lovsalme. Ropa med frygd for Herren, all jordi!

2  Ten Herren med gleda, kom fram for hans åsyn med fagnad!

3  Skyna at Herren er Gud! Han hev skapt oss, og ikkje me sjølve, til sitt folk og til den hjord han føder.

4  Gakk inn i hans portar med takk, i hans fyregardar med lov, prisa han, lova hans namn!

5  For Herren er god; hans miskunn varer æveleg, og hans truskap frå ætt til ætt.