Profeten Jesaja 12

1  I den tidi skal du segja: Eg takkar deg, Herre, for du var vreid på meg, men vreiden din kvarv, og du trøysta meg.

2  Sjå, Gud er mi frelsa, eg er trygg og ottast ikkje; for Herren, Israels Gud, er min styrke og min lovsong, og han vart meg til frelsa.

3  Og med fagnad skal de ausa vatn or frelse-kjeldone!

4  Og de skal segja i den tidi: Takka Herren, kalla på hans namn, kunngjer bland folki hans verk, fortel at hans namn er høgt!

5  Syng lov for Herren, for storverk hev han gjort! Lat heile verdi få vita det!

6  Ropa av frygd og fagnad, de som bur i Sion! For stor er Israels Heilage hjå dykk!