Andre Krønikebok 27

1  Jotam var fem og tjuge år gamal då han tok kongsmann, og han sat sekstan år konge i Jerusalem. Mor hans heitte Jerusa og var dotter åt Sadok.

2  Han gjorde det som rett var i Herrens augo, og for i alle måtar åt som Ussias, far hans, hadde gjort, so nær som at han ikkje gjekk inn i Herrens heilagdom*. Men folket heldt ved og gjorde det som vondt var.

3  Det var han som bygde øvre porten til Herrens hus, og på Ofelmuren bygde han og so det munna.

4  Han bygde upp byar i Juda-fjelli og i skogane bygde han borger og tårn.

5  Han stridde mot Ammons-borni og kongen deira og vann yver dei, so at Ammons-borni det året laut gjeva han hundrad talent sylv og ti tusund kor kveite og ti tusund kor bygg; og same skatten laut dei svara andre og tridje året og.

6  Soleis vann Jotam stor makt, av di han stendigt ferdast for åsyni åt Herren sin Gud.

7  Det som meir er å segja um Jotam, um alle krigane hans og alt han tok seg fyre, det stend skrive i boki um Israels- og Juda-kongane.

8  Han var fem og tjuge år gamal då han tok kongsnamn, og sat sekstan år konge i Jerusalem.

9  So for Jotam til federne sine, og dei gravla han i Davids-staden, og Akas, son hans, vart konge etter han.